المساعد الشخصي الرقمي

مشاهدة النسخة كاملة : زهجة؛ نوع براهو

بابكر مخير
24-02-2009, 06:58 AM
تبتسم!
إتا براك تحس أنها بااااااااااااهتا
تقول تتكلم، تلقى روحك تتلفت تفتش للحروف، الكلمات ديك ما بتبقى ضرب من المحال.
تقول أشغل نفسي بي آي حاجة، تلقى روحك غرقان لي شوشتك في أكبر شغلا.
(جدكم بابكر بدري قال: أكبر شغلا؟ قِّلة الشغلا)
تحس كدا بي؛
زمة صدر، عبرة سادة الحلق، دمعة تتاوق من طرف العيون وتقول تنزل،، ما تلقى ليها سبب ماهي إن نزلت تخلق إشكال من نشاف عيون وتبقي الزول في حوجة للنقط المعوضة للدموع وإن قعدت بتكون متأخذا، شاعرة بأنها غير مرغوب فيها والخلاص منها بيسهل من الحالة الزهجة النوعا براهو الواقع أنا فيها دي...
تعاين في التلفزيون تشوف خشوم تنفتح وتنقفل في لوح قزاز ووسطا الوشوش دي تشوف ليك وشن شاااااااحب وتسأل:
يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟
يقع ليك العربي الفصيح!!! دي وشي أنا ذاتي..
تحبط وبحركة مغايرة لي التقل المخدر أطرافك، كف!!! تلفح الريموت وتقفل التلفزيون، تكتل الروح الفيهو، هو ظاتو شن فايدة عيشتو؟؟
ما اليها مسلسلات هابطة وأخبار حروب دايمة وحتى إن جاب ليك كورة، تلقىَّ الفريق البتشجعو منهزم...
تقول أولع ليا سيجارة، جرعة نيكوتين صغنونية يمكن تفك الكربة دي، تأخد النفس الأول عمييييييق وتبف دخانو الأبيض ما إتغير جوآ الرئتين، كان لونو أزوق سمواي وصافي...
بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا.
تقول أمرق الف شوية، أتفرج في خلق الله!!
تقعد تحسبا، هو في شنو يتفرجو فيهو ولا شنو اليشوفوهو.
يا أخي خليك مترزي قبلك..
ما قالوا: تطلع من بيتك حزين تلقىَّ الفرح عند مين....
المهم في القصة أنها زهجة
نوعها بر اهو وبيسموها ؟؟؟
مشروع دبرسة
الجيلى أحمد
24-02-2009, 07:09 AM
بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا.

وحتى إن جاب ليك كورة، تلقىَّ الفريق البتشجعو منهزم...
:D:D
برغم مشروع الدبرسة
إلا إنك أضحت صباحى ياصديقنا,

فكها ياعمنا

فكها هنا قبلك
ومال ناس فيصل وفتحى وعكود وخالد ديل قاعدين يسووا فى شنو..??

فكها فيهم لمن يفهمو حاجة,

والمسؤلية على شليل
وعلى..
بابكر مخير
24-02-2009, 07:19 AM
:D:D
فكها ياعمنا
فكها هنا قبلك
فكها فيهم لمن يفهمو حاجة,


جيلينا الجميل أبو جميل
طلتك؟!؟!
فكتها، صاملوة صامولة
نفشتها شعرة شعرة، خلخلتها سبيبة، سبيبة،،
و
الكويس أنها ما كانت سكرة، كان فكتها:D:D
لكن بيني بينك،
في حضرتك والمتعة النظر في طلعتك؟؟
دي؟؟؟
كان ربطت ;)
معتصم الطاهر
24-02-2009, 07:27 AM
come on MAN

just cry like a baby or ;ike ISMSAT
بابكر مخير
24-02-2009, 07:34 AM
come on MAN

just cry like a baby or ;ike ISMSAT

عمدتنا
سلاااااااااااااااااااااااااااااام
عصمت دآك يابا قوي في عضمو
"بكية تفوت ولا حدي يموت"
لو كان البيهو بيا
كان فطستا عديل كدي
فيصل سعد
24-02-2009, 08:06 AM
فكها يا الحبيب و هاك دي ، لكن
لو جابت ليها عكاكيز طايرة :D:D بنتقاسم تلت و كدا و الزول
الشاتها لينا ياخد التلتين :D:D :

جعلي كان مُسافر وقام ابوهو مات، الجماعه دفنوهو في مقابر الشايقية،
لما رجع الجعلي شال كوريكو ومشا يحفر في قبر أبوهو داير يرحل لي
مقابر الجعليين، أهلو جو مارين قامو سألوهو مالك بتحفر ؟؟ قال ليهم
والله أبوي ده أضانو تقيلة، و لو القيامة قامت الجماعة الدغيلين ديل ما
بصحوهو معاهم ..
بدور التركي
24-02-2009, 08:53 AM
يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟
يقع ليك العربي الفصيح!!! دي وشي أنا ذاتي..

وش الهنا والسرور أريتو وشى
:p

صباح الخير يا بابا بابكر

http://up.7cc.com/upfiles/4d761628.gif
iman mohamed hussien
24-02-2009, 09:04 AM
د/مخير
كيفنك ابوي

بالمناسبه الحلوه دي احكي ليك نكته
بس ياريت الخال ما يدخل هنا

قالوا ثور هائج مهجج ناس الحله
واحد شمر جلبابوا هجم علي الثور قعدو في الوطه
النسوان هاك يا ظقروته اه واحده حشريه
جات جنب الراجل اكيد جعلي
قال ليه لا والله شايقي
يا يمه اظنيتوا الثور دا باطل"
ايمان
فيصل علي
24-02-2009, 09:58 AM
دكتور بابكر والاخوة
تحياتنا
طولت جدا من الدخول الي المنتدي وافتقدنا كثيرا قفشاتك وزهجاتك التي هي ترياقا لزهجاتنا
الجماعة بتاعين السنة(بكسر السين) بيقولوا ليك اذا قمت الصباح بايتة معاك ما بتفك الا بي كاس
هسة زهجتانا دي ما فكاها الازهجتك دي (لا يفل الحديد الا الحديد)
اديك نكتتين اعتقد انهم لنج
قالوا في واحد مرتو عضتها كديسة (ما كديسة البشيرالعايز يعمل جلدها جزمة)وماتت اثر تلك العضة .وحضر واحد للعزاء ولقي عدد هائل من الرجال في العزاء فسال يا اخوانا كل الرجال ديل جايين للعزاء
قالوا ليه لا ديل جايين يتسلفوا الكديسة (مجرد نكتة)ارجو الاتفتح علينا جبهة ونحن اصلا وضعنا مهدد
النكتة التانية
قالوا في واحد سطلجي ومعذب اهلو قالو يودوه لي شيخ يعلموه القران يمكن ربنا يهديو صاحبك اول يوم مشي للشيخ وجا راجع من الدرس سالوه في البيت كيف الدرس؟
قال ليه واله الشيخ زاتو ما عارف حاجة
مرة يقول لينا القارعة ..وتاني يقول لينا ما القارعة
عثمان
24-02-2009, 10:18 AM
وش الهنا والسرور أريتو وشى
:p

صباح الخير يا بابا بابكر

http://up.7cc.com/upfiles/4d761628.gif

الرائعة ياسمين تسلمي والله ، ولبابا باكر مني ليهو القرض وبخور التيمان لزوم العين عشان الصورة الجميلة دي.

تحياتي/ عثمان الطيب
Hassan Farah
24-02-2009, 10:28 AM
ياخى بطل الدبرسة والجرسة-- انصحك افتح البوست بتاع الرائعة قمر دورين واسرح مع العصافير-----

http://sudanyat.org/vb/showthread.php?t=10229
AMAL
24-02-2009, 10:32 AM
سلام يادكترة

ومال ناس فيصل وفتحى وعكود وخالد ديل قاعدين يسووا فى شنو..??


انا ظاااتي معاهم هاك اسمع الغنا الصاح دا

http://sudaniyat.net/up/uploading/eish_may_alhob.mp3
عادل عسوم
24-02-2009, 10:41 AM
حبيب الشعب
كدي أسمع الشفع ديل
WIDTH=400 HEIGHT=350
وبعدين أختم بي عمنا (الظريف دة) :D
]
WIDTH=400 HEIGHT=350
أشتر
24-02-2009, 11:30 AM
اهااااااااا بدينا!!!!!
دي واحدة من ازمات منتصف العمر ...
ترتيبها عكس الحروف العربية ...
بتبدا من الياء ... بتاعت يا الله هوي ...
ويا ناس يا هوي ... ويا ابومروة
وتنتهي بيك في الالف البقيف أحمر ... ممكن نقول عليها حراق روح ...
غايتو دي على ما اظن أزمة عابرة ... تلك التي لا تترك أتر ...
والازمات تأتي تباعاً في هكذا مرحلة ... حسب الظهور ... ومسرح احداثك ... واحداثياتك على الكرة الأرضية ... كقاعد وين؟ وكيف؟ ولشنو؟ ...

فمن واجبنا كأعضاء وابناء سبيل ... تفصلنا المطارات والقطارات والدروب ،،،
بالروح معاك وبنروح معاك ... وين ما نلاقي الابتسامة وسكة ما ملّت خطانا الحايمة بينا ...
لو جيتنا هنا بتفك ... أنا متأكد;);) ...
ابوي إتّا ...
عندي فائض صبر ... وروح سلبة ...
بجمع طوابع وما عندي قضية مع ريموت التلفزيون نهائي ...
وحاليا وفي الواقع ... غير تاكل نارك ما عندي ليك شي ...
مالم تصلّح وضعك ...
...
المداخلات الفوق دي إعتبرا عربية اسعاف من غير ويو ويو والكواريك ديك ...
مع خالص تحياتنا وامانينا ...
وربنا يفك زنقتك زي ما فكّا زنقتنا ...
آميييييين ...
طيب ممكن طلب صغيروني ما بكلفك حاجة ...
.
.
.
.
.
.
.
.
.
.
.
.
.
.
.
.
.
.

إبتسامة ...

زي دي :D
بدور التركي
24-02-2009, 11:42 AM
اهااااااااا بدينا!!!!!
دي واحدة من ازمات منتصف العمر ...
إبتسامة ...

زي دي :D
هووووووووووى اقيف بعيد واعمل شخيطينgoood
قال منتصف العمر قال
وحياتى روحى الغالية شايفة ابوى فى بداية شبابه ونظارته
انت اللى وصلت منتصف العمر
اوعك تانى تقول لى ابوى كلام زى
انا بزعل
انت اللى باين وصلت نهاية عمرك:D
على يدى ان شاء اللهlooool
بدور التركي
24-02-2009, 11:46 AM
الرائعة ياسمين تسلمي والله ، ولبابا باكر مني ليهو القرض وبخور التيمان لزوم العين عشان الصورة الجميلة دي.

تحياتي/ عثمان الطيب

بابا بابكر
افديهو برموش العين
وخمسة وخميسة فى عين اللى شافك يابا وما صلى على النبى
صلوا عليه يا حاضرين...
بابكر مخير
24-02-2009, 01:18 PM
فكها يا الحبيب و هاك دي ، لكن
لو جابت ليها عكاكيز طايرة :D:D بنتقاسم تلت و كدا و الزول
الشاتها لينا ياخد التلتين :D:D :
جعلي كان مُسافر وقام ابوهو مات، الجماعه دفنوهو في مقابر الشايقية،
لما رجع الجعلي شال كوريكو ومشا يحفر في قبر أبوهو داير يرحل لي
مقابر الجعليين، أهلو جو مارين قامو سألوهو مالك بتحفر ؟؟ قال ليهم
والله أبوي ده أضانو تقيلة، و لو القيامة قامت الجماعة الدغيلين ديل ما
بصحوهو معاهم ..
الحبيب النسيب
الأكتر؟؟
يا قريب
تقول تفكها تلقها إتشربكة أكتر وعشان كدي قلت أسدها عين هودانا دي
قال أديها؟؟ شلوت حتى لو كانت مربة توت
شكرن ليك الحبيب على المرور;)
بابكر مخير
24-02-2009, 01:20 PM
وش الهنا والسرور أريتو وشى
:p
صباح الخير يا بابا بابكر
http://up.7cc.com/upfiles/4d761628.gif

إتي يما ما سمعتي
لا يصلح العطار ما أفسده الدهر
وجا عليها كمان من الظلمة، كمية قهر
شكرن ليك بنيتي
بابكر مخير
24-02-2009, 01:27 PM
د/مخير
كيفنك ابوي
بالمناسبه الحلوه دي احكي ليك نكته
بس ياريت الخال ما يدخل هنا
قالوا ثور هائج مهجج ناس الحله
واحد شمر جلبابوا هجم علي الثور قعدو في الوطه
النسوان هاك يا ظقروته اه واحده حشريه
جات جنب الراجل اكيد جعلي
قال ليه لا والله شايقي
يا يمه اظنيتوا الثور دا باطل"
ايمان
دحن يما
إن شايل هموم الدنيا فوق رأسي
وإن زهجتي دي تنحسب بالقرون
ولا حتى صابتني الدبرسة لمن رقدوني التجاني الماحي

طلتك دي يما بتبقى ليا يد من السماء ترفع الهموم ما كثرت
وبتبقى ليا مكينة الزمن البتقلب السنة لحظة فرح وسعادة
ولا يا المبروكة ما هي بقت ليا طعم حياة جميلة وكلها أمل وترقب لي مستقبل مع عمري دآ...
ليك شكر ما بتحدا ولا بتعدا
بابكر مخير
24-02-2009, 01:33 PM
دكتور بابكر والاخوة
تحياتنا
طولت جدا من الدخول الي المنتدي وافتقدنا كثيرا قفشاتك وزهجاتك التي هي ترياقا لزهجاتنا
الجماعة بتاعين السنة(بكسر السين) بيقولوا ليك اذا قمت الصباح بايتة معاك ما بتفك الا بي كاس
هسة زهجتانا دي ما فكاها الازهجتك دي (لا يفل الحديد الا الحديد)
اديك نكتتين اعتقد انهم لنج
قالوا في واحد مرتو عضتها كديسة (ما كديسة البشيرالعايز يعمل جلدها جزمة)وماتت اثر تلك العضة .وحضر واحد للعزاء ولقي عدد هائل من الرجال في العزاء فسال يا اخوانا كل الرجال ديل جايين للعزاء
قالوا ليه لا ديل جايين يتسلفوا الكديسة (مجرد نكتة)ارجو الاتفتح علينا جبهة ونحن اصلا وضعنا مهدد
النكتة التانية
قالوا في واحد سطلجي ومعذب اهلو قالو يودوه لي شيخ يعلموه القران يمكن ربنا يهديو صاحبك اول يوم مشي للشيخ وجا راجع من الدرس سالوه في البيت كيف الدرس؟
قال ليه واله الشيخ زاتو ما عارف حاجة
مرة يقول لينا القارعة ..وتاني يقول لينا ما القارعة

الحبيب فيصل
ما عارفك يا زول!!
كيف إتسربقتا لي جوآ قلبي، دخلت وطردتا الزهجا دي
شكرن ليك، الكلمتين المنك نفخني، ذي التامبيرآ،
ما خلاص في ناس حلويين بيفقدوك لمن تطول تغيب
يديك من عندو قدر ما تشتهي
يشبعك فرح ويزقيك عافية
بابكر مخير
24-02-2009, 01:37 PM
الرائعة ياسمين تسلمي والله ، ولبابا باكر مني ليهو القرض وبخور التيمان لزوم العين عشان الصورة الجميلة دي.
تحياتي/ عثمان الطيب

أبو عفان الراجل الطيب
هو في بابا باكر وبابا الليلة
شكرن ليك الحبيب، البخور الحلو ما أحلى؟!؟!
حق التيمان دي مرحلة إتجاوزناها،، هو فضل شنو يسحروهو
دمتا أخويا
بابكر مخير
24-02-2009, 01:41 PM
ياخى بطل الدبرسة والجرسة-- انصحك افتح البوست بتاع الرائعة قمر دورين واسرح مع العصافير-----
http://sudanyat.org/vb/showthread.php?t=10229

ود الخال
هو الجاب الدبرسة شنو غير العصافير الطايرا مخليانا
شدينا الشرك ووحاتك لا ليهو لا لينا مهببانا
وتقول قمر دورين، إحنا يا صاحبي السينما دور أول
السكن دور أرضي، حتى صحن فول أبو العباس دور واحد وقزازة بزيانوس

شكرن يا أخي
مشيت البوست وسرحتا فيهو
بابكر مخير
24-02-2009, 01:43 PM
سلام يادكترة
انا ظاااتي معاهم هاك اسمع الغنا الصاح دا


آمولي
سلام
وحاتك الغنية ما فتحت عندي
لكن متأكد بتكون جميلة
وأنا ظاااتي معاهم;)
A.A.ALI
24-02-2009, 01:48 PM
الحبيب بابكر :

حبايبك كلهم ( هنا ) انت الوداك (هناااااااااااااااااااااااااااااااااك ) شنو ؟؟؟؟
بابكر مخير
24-02-2009, 01:49 PM
حبيب الشعب
كدي أسمع الشفع ديل
WIDTH=400 HEIGHT=350
وبعدين أختم بي عمنا (الظريف دة) :D
]
WIDTH=400 HEIGHT=350

عدولي
لو كنتا من ناس القلم والفهم.
كنتا رديت على مداخلتك بالبشبهك.
وعشان بنكتم وببقى علي؛ خير الكلام ما قل ودل
"شكرن ليك الحبيب"
بابكر مخير
24-02-2009, 01:57 PM
اهااااااااا بدينا!!!!!
دي واحدة من ازمات منتصف العمر ...
ترتيبها عكس الحروف العربية ...
بتبدا من الياء ... بتاعت يا الله هوي ...
ويا ناس يا هوي ... ويا ابومروة
وتنتهي بيك في الالف البقيف أحمر ... ممكن نقول عليها حراق روح ...
غايتو دي على ما اظن أزمة عابرة ... تلك التي لا تترك أتر ...
والازمات تأتي تباعاً في هكذا مرحلة ... حسب الظهور ... ومسرح احداثك ... واحداثياتك على الكرة الأرضية ... كقاعد وين؟ وكيف؟ ولشنو؟ ...

فمن واجبنا كأعضاء وابناء سبيل ... تفصلنا المطارات والقطارات والدروب ،،،
بالروح معاك وبنروح معاك ... وين ما نلاقي الابتسامة وسكة ما ملّت خطانا الحايمة بينا ...
لو جيتنا هنا بتفك ... أنا متأكد;);) ...
ابوي إتّا ...
عندي فائض صبر ... وروح سلبة ...
بجمع طوابع وما عندي قضية مع ريموت التلفزيون نهائي ...
وحاليا وفي الواقع ... غير تاكل نارك ما عندي ليك شي ...
مالم تصلّح وضعك ...
...
المداخلات الفوق دي إعتبرا عربية اسعاف من غير ويو ويو والكواريك ديك ...
مع خالص تحياتنا وامانينا ...
وربنا يفك زنقتك زي ما فكّا زنقتنا ...
آميييييين ...
طيب ممكن طلب صغيروني ما بكلفك حاجة ...
.
.
.
.
.
.
.
.
.
.
.
.
.
.
.
.
.
.

إبتسامة ...

زي دي :D

أبو العقل
لو تتذكر يوم قبل الزهجة تزنق كنتا بتكلم معاك ولو تتذكر صوتي كان "أجش" (دي حلوة مش كدآ يا صاحب)
لا بالجد بعد ما إتكلمتا معاك شريط كدى لعب في رأسي،،
كمييييييييييية من التسأولات وطبعن عدم لقيان الاجوبة ظنيتو هو الحقص بيا!!!
شباب، شيب، نساء صغيرات وحبوبات ومتوسط عمر وكلهن جميلات،، وليدات وشباب ورجال يسدو عين الشمس،،
كان ليهم يكونو في بلدهم البي خيرها كان ليها تشبع كل الخلق،،
يا أخي الطيب صالح دآ ما حقنا، يموت في الغربة لييييييييييييه بلده كان مفروض يكون فيها بيتو، كليتو، جامعتو وجامعو..
ليييييه وليدي دآ هناك وداك في هناك وبنيتي في الحتة ديك وديك بهنوك،،
بالله مش حالة "سعبة"
يا زول إتا جميل وترياق وبتخفف الوحشة والمرض
داوم
داوم

على الإتصال
وشكرن
بابكر مخير
24-02-2009, 02:01 PM
الحبيب بابكر :
حبايبك كلهم ( هنا ) انت الوداك (هناااااااااااااااااااااااااااااااااك ) شنو ؟؟؟؟

ما لوكنتا بقيت بي هناك
كان شرقتا من الحلو لمن متا
مش زهجة برضو أخف قدر؟؟؟

شيخي، صديقي، أخي، حبيبي وروحي
أبو علوة
سلاااااااااااااااااااا
ااااااااااااااااااااا
ااااااااااااااااااااام

ويا سلام
مجن81
24-02-2009, 02:39 PM
تبتسم!
إتا براك تحس أنها بااااااااااااهتا
تقول تتكلم، تلقى روحك تتلفت تفتش للحروف، الكلمات ديك ما بتبقى ضرب من المحال.
تقول أشغل نفسي بي آي حاجة، تلقى روحك غرقان لي شوشتك في أكبر شغلا.
(جدكم بابكر بدري قال: أكبر شغلا؟ قِّلة الشغلا)
تحس كدا بي؛
زمة صدر، عبرة سادة الحلق، دمعة تتاوق من طرف العيون وتقول تنزل،، ما تلقى ليها سبب ماهي إن نزلت تخلق إشكال من نشاف عيون وتبقي الزول في حوجة للنقط المعوضة للدموع وإن قعدت بتكون متأخذا، شاعرة بأنها غير مرغوب فيها والخلاص منها بيسهل من الحالة الزهجة النوعا براهو الواقع أنا فيها دي...
تعاين في التلفزيون تشوف خشوم تنفتح وتنقفل في لوح قزاز ووسطا الوشوش دي تشوف ليك وشن شاااااااحب وتسأل:
يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟
يقع ليك العربي الفصيح!!! دي وشي أنا ذاتي..
تحبط وبحركة مغايرة لي التقل المخدر أطرافك، كف!!! تلفح الريموت وتقفل التلفزيون، تكتل الروح الفيهو، هو ظاتو شن فايدة عيشتو؟؟
ما اليها مسلسلات هابطة وأخبار حروب دايمة وحتى إن جاب ليك كورة، تلقىَّ الفريق البتشجعو منهزم...
تقول أولع ليا سيجارة، جرعة نيكوتين صغنونية يمكن تفك الكربة دي، تأخد النفس الأول عمييييييق وتبف دخانو الأبيض ما إتغير جوآ الرئتين، كان لونو أزوق سمواي وصافي...
بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا.
تقول أمرق الف شوية، أتفرج في خلق الله!!
تقعد تحسبا، هو في شنو يتفرجو فيهو ولا شنو اليشوفوهو.
يا أخي خليك مترزي قبلك..
ما قالوا: تطلع من بيتك حزين تلقىَّ الفرح عند مين....
المهم في القصة أنها زهجة
نوعها بر اهو وبيسموها ؟؟؟
مشروع دبرسة
اوعى نكون عاديناكم:)
ولكن رغم دا كله
اتخيل
اني بتخيلك
زي نسمة حلوة
وزي بريقا لاح وطشه
وذي بسيمة شايلة فرحة
وزي رتينة نورها بقه
وزي جمال بلدي
وشتيلة شايلة منقة
--
وبتخيل
انك ذي نسيمة
سايقالها غيمة
في عز هجير
والدنيا عدمانه اكسجين
والضل مجافي الكون سنين
وبنية حلوه بتستجير
تشكيه ليك عطش السنين
والاختناق
عايزالها جقمة مويه بس
و كمان شوية
اكسجين
--
الفاتح
24-02-2009, 03:05 PM
فكًت وللا لسًه ؟..
هاك النكتتين ديل - ملطوشة من طارق- عن أخواننا الرباطاب:

*رباطابية بايرة قالوا ليها لقينا ليك عريس مكعوج !
قالت : طيب مالو .. أنا عايزة أسطربو

*رباطابي لابس جزمة قديمة أصابعينو الخمسة مارقين بره .. مشى لبتاع ورنيش مد ليه كراعو .. بتاع الورنيش قال ليهو : أورنش ليك؟
قال ليهو : لا لا .. طقطقم لي
طارق صديق كانديك
24-02-2009, 04:39 PM
تحياتي د. بابكر

قال ليك لما تكون القرفة طيري زي العندك دي ... حبوبتي طيب الله ثراها بتقول فيها .. أضانا في مكة ... !!

لا يسعني إلا أن أرفق أمنياتي ليك .. الله يفكها بي فنجان قهوة مررررة بي دش باااارد المهم تفك .. !!

كل التقدير والتحيات
أبو أماني
24-02-2009, 05:32 PM
تبتسم!
إتا براك تحس أنها بااااااااااااهتا
تقول تتكلم، تلقى روحك تتلفت تفتش للحروف، الكلمات ديك ما بتبقى ضرب من المحال.
تقول أشغل نفسي بي آي حاجة، تلقى روحك غرقان لي شوشتك في أكبر شغلا.
(جدكم بابكر بدري قال: أكبر شغلا؟ قِّلة الشغلا)
تحس كدا بي؛
زمة صدر، عبرة سادة الحلق، دمعة تتاوق من طرف العيون وتقول تنزل،، ما تلقى ليها سبب ماهي إن نزلت تخلق إشكال من نشاف عيون وتبقي الزول في حوجة للنقط المعوضة للدموع وإن قعدت بتكون متأخذا، شاعرة بأنها غير مرغوب فيها والخلاص منها بيسهل من الحالة الزهجة النوعا براهو الواقع أنا فيها دي...
تعاين في التلفزيون تشوف خشوم تنفتح وتنقفل في لوح قزاز ووسطا الوشوش دي تشوف ليك وشن شاااااااحب وتسأل:
يا ربي أنا الوش دآ شفتو وين وتسرح في فتيشك للوش دا لغاية ما الدمع الحايرة في طرف العيون تبقى ذي المراية وتعكس ضوء التلفزيون ويقوم؟؟؟
يقع ليك العربي الفصيح!!! دي وشي أنا ذاتي..
تحبط وبحركة مغايرة لي التقل المخدر أطرافك، كف!!! تلفح الريموت وتقفل التلفزيون، تكتل الروح الفيهو، هو ظاتو شن فايدة عيشتو؟؟
ما اليها مسلسلات هابطة وأخبار حروب دايمة وحتى إن جاب ليك كورة، تلقىَّ الفريق البتشجعو منهزم...
تقول أولع ليا سيجارة، جرعة نيكوتين صغنونية يمكن تفك الكربة دي، تأخد النفس الأول عمييييييق وتبف دخانو الأبيض ما إتغير جوآ الرئتين، كان لونو أزوق سمواي وصافي...
بعد النفس دآك ما تنتبه إلا بلسعة بين صباع السبابة والمؤشر، يا أخي يلعن يوم السجاير غير أنه مُضر إقتصاديا كمان بيقى فيها تشتشا.
تقول أمرق الف شوية، أتفرج في خلق الله!!
تقعد تحسبا، هو في شنو يتفرجو فيهو ولا شنو اليشوفوهو.
يا أخي خليك مترزي قبلك..
ما قالوا: تطلع من بيتك حزين تلقىَّ الفرح عند مين....
المهم في القصة أنها زهجة
نوعها بر اهو وبيسموها ؟؟؟
مشروع دبرسة
****
وأقصد بلست مخير .. إنك ثروة قومية ولاتملك من أمرك وأمر نفسك شيئا ما دمت تدين بالحب والولاء لمن يدينون لك بالمثل ..وبغير حسد .. ما أكثرهم .. اللهم زد وبارك..وأسرك هنا ينحصر في ضرورة اللجوء لمن تحب كلما حل بك ظلم أو حيف أو حيرة أو شعور بالوهن أو زهج .. ويأتي هنا دور الأصدقاء والأحباء .. عوفيت من تلك الزهجة العابرة والتي قد تسبقها وتعقبها زهجات .. وتتعدد الزهجات والحل واحد .. والحل لا يغيب عن فطنة دكتوري الفطن بالفطرة .. (جست ريلاكس) آند إس كيب فروم زيس ويزر تو آن أتموس فييير يو لايك! .. أور بيرفير .. وما في شك الجو ده متوفر ليك في عدة أماكن يا دوك! قد تكون سودانيات أفضلها حسب ظني الشخصي وعندها ستجد كل حاشية محبيك وأنا أولهم بعد بنتك (البتخود النار عشان بابا بابكر) طبعا، ستجدهم على قدم شخص واحد يفعلون المستحيل لإبعاد شبح الزهج لتحل محله بسمتك الصافية العذبة التي تهدهد الأرواح وتحملنا بجناح أغر لنزور كل بوست رشقه يراعك الرائع من رائع الكلم .. وسحر البيان .. لله درّك أبي بكر .. ولك في ختام عجالتي المتواضعة هذه نكتة شايفكم شايلين عينكم وخاتينها في الروباطاب ..
قال ليك يا بابا !.. واحد شين شنة مرة صديقنا المشترك شبارقة ما يحصله .. قعد مقابل ليو رباطابي .. والرباطابي لا إحترمه ولا قدر شعوره .. قعد يقهي ويحملق في الراجل بصورة مستمرة والراجل يتململ ويتلفت يمين الرباطابي يميل يمين ويقبل شمال زولك وراه ثيرد باك ساكي ليو مهاجم في لقاء قمة .. الراجل وكت إتض ضاييق بلحيل شوح بإيدو وقال ليو .. ها بتعاين لي مالك ما خلقة الله .. الرباطابي .. قع قع قع فقعها ضحكة ومص الليمون وقال ليو .. هئ .. إت قايلنا خلقة الله أ .. ب .. نعرفها ؟؟!
أها عليك امان الله بعد مداعباتي دي كان مافكت السكرة .. أوب سوري قصدي الزهجة ما ترد عليها تب!! .. ودعتك الله ولنا عودة ..وزي ما بقولوا النصاري .. تشاووووو
looool
بابكر مخير
25-02-2009, 08:45 AM
بابا بابكر
افديهو برموش العين
وخمسة وخميسة فى عين اللى شافك يابا وما صلى على النبى
صلوا عليه يا حاضرين...

أتمنى لو كنتا في عمر
وصفوهو بي حق الزهور
شعرن سبيبي ما صلعة باقا نور
كنتا إتشابيت لي السماء أقطف بدور
وإن حتى إحتاج أساو بدلاها
أديهم كل الالفي الجنة!!!
حور
لكن؟؟؟








وييييييييييييييييييييييييييين:(:(
بابكر مخير
25-02-2009, 08:58 AM
اوعى نكون عاديناكم:)
ولكن رغم دا كله
اتخيل
اني بتخيلك
زي نسمة حلوة
وزي بريقا لاح وطشه
وذي بسيمة شايلة فرحة
وزي رتينة نورها بقه
وزي جمال بلدي
وشتيلة شايلة منقة
--
وبتخيل
انك ذي نسيمة
سايقالها غيمة
في عز هجير
والدنيا عدمانه اكسجين
والضل مجافي الكون سنين
وبنية حلوه بتستجير
تشكيه ليك عطش السنين
والاختناق
عايزالها جقمة مويه بس
و كمان شوية
اكسجين
--

نفسي قام من سطرين
خلعة يا ربي ونقص الأوكسجين
كلامن "زين" تقول جوال فاتح وليهو خطين
خطاً بي مديحن غلب اللكوم حلاوة ولين
وخط تاني بي طن فاليم النوم يجافي العين
دا الإختناق عندي
سدا الحلق، أقول سد مروي!!
منو وين
غمامة ولا أقول قيامة يا السامعين




شكرررررررررررررررررررن
كلام وقول
حيكون مرجع يسند سيرتي الذاتية
وإترشح بيهو كيوبيد الجمهورية
بابكر مخير
25-02-2009, 09:02 AM
فكًت وللا لسًه ؟..


شليل جونير
ولا شليل قبال يروح
في كل الحالات
شوفت الصورة دي؟!
تزيح الهم لو كان جبل
تنشف الدمع لو كان بحر
ترسم في الوشيش بسمة
تلعب بي قدر الشعيرات الباقيات نسمة
كتر خيرك
فكت تب
بس خسارة؟؟
لأنها كان كلفت:D
بابكر مخير
25-02-2009, 09:10 AM
تحياتي د. بابكر

قال ليك لما تكون القرفة طيري زي العندك دي ... حبوبتي طيب الله ثراها بتقول فيها .. أضانا في مكة ... !!

لا يسعني إلا أن أرفق أمنياتي ليك .. الله يفكها بي فنجان قهوة مررررة بي دش باااارد المهم تفك .. !!

كل التقدير والتحيات

مرات تكون في حالة ضيق وسراح
تفتش ليك براح
شمال جنوب عشان ترتاح
تقوم ياهو تشوف ليك صورة لي زولن نظك، كامل مهندم، محترم.
وجيه بي جنبة قاعد ويتكلم..
في الصورة دي تلقا دنيا بي طولا وعرضها
تسرح، تمرح فيها
وتشبع منها وترويك قهوة إيسبرسو
تفك شياطين جنك ما سيدها كله بركة وخير
التقول رمضان "الشياطين بيمسكوها حين حضورو"
شكرن ليك الحبيب، مشاركتك سهلة عليا زنقة
وفكت مني زهجة
wadosman
25-02-2009, 09:15 AM
كامل التضامن يا ود مخير

الليلة شكلنا معاك فى نفس الفيلم...:confused:
بابكر مخير
25-02-2009, 09:22 AM
****
وأقصد بلست مخير .. إنك ثروة قومية ولاتملك من أمرك وأمر نفسك شيئا ما دمت تدين بالحب والولاء لمن يدينون لك بالمثل ..وبغير حسد .. ما أكثرهم .. اللهم زد وبارك..وأسرك هنا ينحصر في ضرورة اللجوء لمن تحب كلما حل بك ظلم أو حيف أو حيرة أو شعور بالوهن أو زهج .. ويأتي هنا دور الأصدقاء والأحباء .. عوفيت من تلك الزهجة العابرة والتي قد تسبقها وتعقبها زهجات .. وتتعدد الزهجات والحل واحد .. والحل لا يغيب عن فطنة دكتوري الفطن بالفطرة .. (جست ريلاكس) آند إس كيب فروم زيس ويزر تو آن أتموس فييير يو لايك! .. أور بيرفير .. وما في شك الجو ده متوفر ليك في عدة أماكن يا دوك! قد تكون سودانيات أفضلها حسب ظني الشخصي وعندها ستجد كل حاشية محبيك وأنا أولهم بعد بنتك (البتخود النار عشان بابا بابكر) طبعا، ستجدهم على قدم شخص واحد يفعلون المستحيل لإبعاد شبح الزهج لتحل محله بسمتك الصافية العذبة التي تهدهد الأرواح وتحملنا بجناح أغر لنزور كل بوست رشقه يراعك الرائع من رائع الكلم .. وسحر البيان .. لله درّك أبي بكر .. ولك في ختام عجالتي المتواضعة هذه نكتة شايفكم شايلين عينكم وخاتينها في الروباطاب ..
قال ليك يا بابا !.. واحد شين شنة مرة صديقنا المشترك شبارقة ما يحصله .. قعد مقابل ليو رباطابي .. والرباطابي لا إحترمه ولا قدر شعوره .. قعد يقهي ويحملق في الراجل بصورة مستمرة والراجل يتململ ويتلفت يمين الرباطابي يميل يمين ويقبل شمال زولك وراه ثيرد باك ساكي ليو مهاجم في لقاء قمة .. الراجل وكت إتض ضاييق بلحيل شوح بإيدو وقال ليو .. ها بتعاين لي مالك ما خلقة الله .. الرباطابي .. قع قع قع فقعها ضحكة ومص الليمون وقال ليو .. هئ .. إت قايلنا خلقة الله أ .. ب .. نعرفها ؟؟!
أها عليك امان الله بعد مداعباتي دي كان مافكت السكرة .. أوب سوري قصدي الزهجة ما ترد عليها تب!! .. ودعتك الله ولنا عودة ..وزي ما بقولوا النصاري .. تشاووووو
looool

الحبيب
شنو هي الحكاية
إتا أبو أماني
وسيد قول جميل كله حلو الأماني
عليك الله يقولو شنو تاني؟؟؟

****
والحل لا يغيب عن فطنة دكتوري الفطن بالفطرة .. (جست ريلاكس) آند إس كيب فروم زيس ويزر تو آن أتموس فييير يو لايك! .. أور بيرفير .. looool

بقول ليك، شي فاليم وشي الذي منو وسنو وسنو وحادات وحتى الفطر (الفطرة) القولتو دآ ظاتو ما نفعو ;)
لكن بفتكر العلاج الشافي ياهو الإتا قلتو دآ
****
وما في شك الجو ده متوفر ليك في عدة أماكن يا دوك! قد تكون سودانيات أفضلها حسب ظني الشخصي وعندها ستجد كل حاشية محبيك وأنا أولهم بعد بنتك
looool
الحبيب أبو أماني
في دي يابا
صدقتا
ليك محبة تشيل هولتك في صفحتها
دمت
بابكر مخير
25-02-2009, 09:27 AM
كامل التضامن يا ود مخير
الليلة شكلنا معاك فى نفس الفيلم...:confused:
الغالي الحبيب
نصيحتي ليك عن تجربة
بي سرعة أمرق من السينما دي
قطع ليهم تذكرتهم في وشهم وقول ليهم:
سينما أوانطا،،، أدونا فلوسنا


الحبيب هو إتا قيل الزهج دا عويرك، يقع ساكت
هو بيعرف يستنضف؟؟
يلقاك عجوز، واهن، مكرتب بيقوم ينفرد بيك
يلقاك زولن حلو وبحب الفن وبيمتع الناس التانيا بيهو ،،،
هو؟؟
خواااااااااااااف،،
بس قول ليهو:


وآآآآآآه
تلقاهو فزآ
بدور التركي
25-02-2009, 09:31 AM
صباح الخير يا حلوين
يا طاعمين
يا سكرين
:p:p
عكــود
25-02-2009, 09:32 AM
أركب في الويك إند ده تعال الرويس يا بابكر . .
تفرّق علينا . .
ونحاول نفرّق عليك.
بدور التركي
25-02-2009, 09:39 AM
كامل التضامن يا ود مخير

الليلة شكلنا معاك فى نفس الفيلم...:confused:

لا لا
كلو إلا فنانا الجميل
ومين غيرك ح يفرحنا ويسعدنا
بأغانيك الجميل
تصدق وتأمن بالله( قول لا إله إلا الله)
امبارح كنت بسمع فى اغنية صلاح ابن البادية
ديك اللى بتقول
مممممم
دقيقة اجيب المكرفون
:D
سألت اللى فى الغرام ذابو
سألت الهامو والتابو
وسأأأأأأأأأأأأأأأألت
كل اغانيك اللى هديتها انا حافظاها فى الجهاز
تقريبا يوميا وانا بدعى ليك وبتذكرك
عليك الله دى ما حاجة جميلة
مممممممممممو
سألت الموج
وسألت النيل
:p
بس خلاص
قمر دورين
25-02-2009, 09:52 AM
زهجة؛ نوع براهو
افرح. واطربْ. ابعت قلبك يسبح ويطير
في الدنيا دي يلقاله سمير
دي فيينا روضة من الجنة يسعد لياليكي يا فيينا
نغم في الجوّ له رنّة سمع لها الطير بكى وغنّى

هكذا غنّت أسمهان وغنّى الكثيرون.....

فاسمع..ليالي الأنس في فيينا!!! يمكن الزهجة تروح!!

WIDTH=400 HEIGHT=350

تحيّاتي استاذ بابكر...
بابكر مخير
25-02-2009, 09:55 AM
أركب في الويك إند ده تعال الرويس يا بابكر . .
تفرّق علينا . .
ونحاول نفرّق عليك.

العمدة وغالي غلاآ
هو أنا قلتا عندي شُحنة نفط
الرويس حلاتا بوجودك فيها،
لكن دحن يا أخويا المطعم العزمتني فيهو داك
أكلتا فيهو حاجات أنا كنتا قايل ما بتتلقى إلا في الجنة وإتا أختصرتا ليا المسافة والطريق،
أطعمتني مما تشتهى الأنفس وأشبعتني قبال دى كله؟؟؟
برفقة معاك لي قليل من الوكت لكنها بقدر طول عمري،،
ما أنا كل يوم ونهار ومسا بتذكرها، عشان كدي منحوتا فيني جووووووووووووو وا
في ذي المطعم دآ هناك،، ما بكون حافز يزيد من حافز شوفتك، تبقى الحكاية شبع نفس وبطن;)


أريت واللهي لو كان بقدر
كان جيت جاورتا
سلامي للأهل وبنيتي المحبوبة
wadosman
25-02-2009, 09:56 AM
لا لا
كلو إلا فنانا الجميل
ومين غيرك ح يفرحنا ويسعدنا
بأغانيك الجميل
تصدق وتأمن بالله( قول لا إله إلا الله)
امبارح كنت بسمع فى اغنية صلاح ابن البادية
ديك اللى بتقول
مممممم
دقيقة اجيب المكرفون
:D
سألت اللى فى الغرام ذابو
سألت الهامو والتابو
وسأأأأأأأأأأأأأأأألت
كل اغانيك اللى هديتها انا حافظاها فى الجهاز
تقريبا يوميا وانا بدعى ليك وبتذكرك
عليك الله دى ما حاجة جميلة
مممممممممممو
سألت الموج
وسألت النيل
:p
بس خلاص

هههههههه

يا سمين..

عودا حميدا..

و اهو المزاج زى حالة الطقس دايما متقلب
يوم ليك و يوم عليك..
ود مخير عندو حق..بس هو احسن مننا استطااع ان يعبر بصراحة
و دى الجراة التى نفتدقدها نحن..يا ريت لو عندنا حبة منها
كان قلنا الكتير و الكتير...
اتذكرت الاغنية التى ذكرتيها...ود البادية فنان جميل مافى شك
و صوته لم يشيخ معه فهو لازال محافظا عليه ليس كغيره
من الفنانين ابناء جيله...

يديك العاافية...
بابكر مخير
25-02-2009, 10:03 AM
ود مخير عندو حق..بس هو احسن مننا استطااع ان يعبر بصراحة
و دى الجراة التى نفتدقدها نحن..يا ريت لو عندنا حبة منها
كان قلنا الكتير و الكتير...


بجيك براهو وما تستعجلو
دآ يابا الخرف
اللاهو شجاعة ولا صراحة..
لكن برضو الكويسة أنك لمن تلقى حاجة جميلة بتباشر
وكلمة حلوة ولا خروف مكاشر:p
و صوته لم يشيخ


شفتا بس ذي ما هو قال سأل الحب
إتا كمان أسأل من الوصفة دي عند جدو صلاح وعمو فتحي وأبيه هشومي
وتلقا روحك
شباب ديما
بابكر مخير
25-02-2009, 10:15 AM
!!


الإبنة العزيزة
الخواجات بيقولو ليهو formal أو كيف ما يكتب، بقصد مخاطبة بصورة رسمية،
شي ربطة عنق وبدلة من ثلاث قطع،،
فكيها يما، خلي البساط أحمدي،
عمو، جدو، خالو ويا حلاتها لو بقت يابا:p




افرح. واطربْ. ابعت قلبك يسبح ويطير
في الدنيا دي يلقاله سمير
دي فيينا روضة من الجنة يسعد لياليكي يا فيينا
نغم في الجوّ له رنّة سمع لها الطير بكى وغنّى

هكذا غنّت أسمهان وغنّى الكثيرون.....

فاسمع..ليالي الأنس في فيينا!!! يمكن الزهجة تروح!!



شكرن ليك على الكلمات الطيبة (راجعي، قاموس الإنقاص)
والكلام المنطقي (رأجعي، قاموس الحركة الديمقراطية)
والقول السمح (صناعة سودانية! مية المية)


إتي فكيها خليها عامية
وأنا أفك الزهجة البتكفي لغاية مية looool
بابكر مخير
25-02-2009, 10:24 AM
فتحي، يا توحة
شن جدا عليّْ المخدة؟؟
ما كنتا بتسأل وتتفقد حتى من دون ما نشكي من علة ولا سقام.
كوييييييييييييييس..
باكر دآ بيسافر وتقعد تتلفت وإحنا خلاص،
قفلنا ملفات وفتحنا مشاريع،،
بتجيك وأنا عارفها لمن تجيك،، لا سمسمية بتنفع ولا حتى الصفرا المستشفى ديك الدولية:(
كويييييييييييييييس
بابكر مخير
25-02-2009, 10:29 AM
هشومي
تاني ترجع
وأنا المسكين أرضى وأفرح، أنسى أني كنتا بتوجع..
تاني ترجع، تقول بكور،
وأنا أسامح وأنبهر، أقول دآ الشعاع هلا نور..

كوييييييييييييييييس
قمر دورين
25-02-2009, 10:58 AM
والقول السمح (صناعة سودانية! مية المية)



يا سلاااام والله ده أجمل كلام....والقول السمح سوداني مية المية!
وسوداني الجوه وجداني بريدو....
وذكرتني برضو بي( سودانية) دي قصيدة عن بت البلد...

بنحب من بلدنا ما برّا البلد
سودانيّة تهوَى عاشق ود بلد
في عيونها المفاتن شئ ما ليهُ حد

*****
التّوب المهبهب فوق أم الضّفائر
والخد المعطّر زي أحلى الأزاهر
والخطوة الأنيقة ترنيمة مشاعر
أنا بيك كل عمري بمشيلها وبسافر

*****
مين في الدّنيا ديَّ أجمل من بناتنا
الليهن قلوبنا والفيهن صفاتنا
الكامنات بروحنا والعايشات في ذاتنا

*****

في حلفا البداية أحلامي وهنايَ
أنا عايش لحبّي المخضر برايَ
النّافرة الأليفة ست روحي وهنايَ

*****
أنا ليْ في كريمي شايقيي بشلوخها
نعتز بي صفاتها ما نجهل تاريخها
وما ها المابية ريدتي مو ياها المسيخة

*****
في شندي العظيمة تلقى بنات جعل
واحدات في المتمّة زي لون العسل
النايرات خدودِن زي فجراً أطلْ

*****
في سنكات بنعشق في السّمراء وأبيّة
ترتاح في الضّريرة خُصلاتها الغنيّة
عاشت في شعورى أحلَى هدندويّة

*****
الوارثات جدودن في الجّود والشّجاعة
البظهر جمالن من زمن الرّضاعة
سودانيّة ميّة الميّة في ذوقها وطباعها
ياناس أرحموني انا قلبي في رفاعة

*****
لوزة القطن اليانعة السّمحة ونضيرة
تِتّنَّىَ الحليوة في مشية أميرة
أجمل حب عندي في قلب الجزيرة

*****
ليْ في الغرب أغْيَدْ في دار حَمَر والبقّارة
نحميها بسيوفنا تفّاحة ونُضارة
تسكرنا الليالي وتطربنا النُقّارة

*****
ليْ في جوبا ساحر تسلم ليْ خدودُه
يمرح في غاباتُه ويسرح في ورودُه
حبّي الغالي ليهُ ما بعرف حدودُه


أهااا تاني في كلام!
سودانية وبس!

جميل الأماني
مواطن
25-02-2009, 11:20 AM
بكـور الحبـيب ..
أقسى الجهاد .. المجاهـدة مع النفـس ..
وهـو الصراع الوحيـد المرير بين طرفين {خارج قانون رد الفعل لنيـوتن} لاينتهي بإنتصار أبداً ، ففي كل الأحوال سـتجـد نفسـك مرمي في الشارع ،، فأرح نفسـك وحاول أن تسـرّي عنها فلربما تكتشف في شخصيتـك جوانب كانت خابئـة .. ولو بعد حيـن
حبي لك الأكيد
أشتر
25-02-2009, 11:47 AM
يا أخي الطيب صالح دآ ما حقنا، يموت في الغربة لييييييييييييه بلده كان مفروض يكون فيها بيتو، كليتو، جامعتو وجامعو..

حالة سعبة شديد لكن لو باريتا بتلحقك ليو :D:D
بابكر مخير
25-02-2009, 02:35 PM
بكـور الحبـيب ..
أقسى الجهاد .. المجاهـدة مع النفـس ..
وهـو الصراع الوحيـد المرير بين طرفين {خارج قانون رد الفعل لنيـوتن} لاينتهي بإنتصار أبداً ، ففي كل الأحوال سـتجـد نفسـك مرمي في الشارع ،، فأرح نفسـك وحاول أن تسـرّي عنها فلربما تكتشف في شخصيتـك جوانب كانت خابئـة .. ولو بعد حيـن
حبي لك الأكيد

عاااااااااااااااااااارف روحي ما بقدر
وإتا كمان جيتني بي سليندر بنج
برميل كلوروفورم
أديتني ليهو في الوريد


حبي لك الأكيد


آآآآآآآآخ
بابكر مخير
27-02-2009, 09:09 AM
رباط الجزمة بنفك
السكرآ بتفك
الزهجة تربط وتفك
طالع نازل
منشار في الخشب ينجر
حبل تيل ليك يجر..
وحل يغطس، الخوف يقوم؟ يفطس
بحر موجه أطول من التوين تورز (مركز التجارة)
في لحظة تلقاهو جفا،
التقول إنشقا بي عصا (سيدنا) موسى،
تلقى الكنتا راجيهو إتبخر والكنتا طاريهو في الحقيقة؟؟
كان سراب واهي.
تفتش لي الكلام المسيخ وإبليس الدجال، يتملكك وفي عقلك يصول ويجول،
الكهرباء بتحرق، السكين بتجرح، الدور العشرين بعيييييييييييد،،
تكون في السكة نازل، يصحى عقلك وتفكر؟؟
كيف وأنا خلاص قربتا من الدجة في الآطة،،
تقول أريتو لو كان فيديو وتعمل ليهو rewind ولا يلحقوك بي برشوت،،
لا؟؟؟؟
والبهدلة تنتجا في أم جاد الله والقلب يدق والعيون مفتحا وشايف وكسر في السلسلة الفقرية وسكنة في الإنعاش ما هو بين الحياة والموت ويجيك زول مصيبة قلبه ما فيهو رحمة ويقول: إن عاش، أضحكوا عليا. وممكن تكون في ناس قلوبها فيها مرتوية وبي المحنة مروية وكميييييية ريدة مزقية..
سناريو للتجة الفي الآطآ..
الجاية صقعة كهربا ما صقعة سمسمية
بابكر مخير
01-03-2009, 04:55 AM
برجع تاني لي قولة جدي بابكر:
أكبر شغلة قلة الشغلة
الذكرني ليها أو في الحقيقة الفتح جرحها تاني،،
أمبارح وإحنا مع بعض الأحباء هنا في أبوظبي،، واحد قال حاجة ورديت بي إنفعال،،
سألني بي لطف خجلني لمن رجعتا البيت (طبعن بيت أخويا المستضيفني ودآ بجيهو رأجع بعد ما تفك)
قمت حسيت بحاجة كدي ما تعرف تقول عنها شنو،، يعني الحكاية بقت عكة عديل كدي،،،
زهجة وتأنيب ضمير وملعقة كراهية روح،، ذي coffe mate ما دآ التجانس البيتم توافقو بين الزهج وكراهية الروح والحواليك حتى من طبيعة غنا (برضو الواحد بيلقى الحاجات الجميلة وبيعرفها;))
المهم قلتا ليهو:
ميسرة يا أخويا تسألني، مالي بقيت ما بحمل هزار أو نغوشة؟؟؟؟؟؟
بس يا الحبيب حالتي ما حالة زولن محروق الحشا
العطلة والعطالة وعيشة الهملة والدروشة
البيا يابا يكفر الجاور ما بس الحجا وللبيت مروراً غشا
آهو الحمد لي الله الرزق ما بيصبو إلا الفي دربو إتحمل مشا
وأنا واللهي ما قصدي أزعل زول أو حتى كانت ذرة من الجفا
لكن الفي حالتي ما زولن بيقدر يعرفا
إلا آآآطي الجمر والمرآ حنضل مقرمشا


زهاااااااااااااااااااااااااااااااااااااج
بابكر مخير
09-04-2009, 05:30 AM
والواحد في حالة الزهج؛
إن قالوا:
بالله شوف ديك سمحة كيف؟؟
تقول: بس في سبيبا في شعرها طرفها مكسورآ سيافي، ذي قلم الخشب البيستعملوهو ناس الخط الكوفي..
إن قالوا: بالله الجو جميل، درجة حرارتو 18 وغيمة ونسمة هابآ!!!
تقول: بس ماتنسوا في ناس عندها بشرة حساسة والغيمة بتحجب الأشعة الفوق بنفسجية وبترطب الجو ريحة البنفسج الجميلة بتملآ الهواء ودآ برضو ما كويس لي ناس الجيوب الأنفية البتتملي، والفي البنطلون فاااااااضية، شن فايدة جو جنس دآ؛ البجيب الفلس؟؟؟؟
إن قالوا، بالله شوف الطفل دآ، شكله كدآ المستقبل المشرق...
تقول: راجيهو هم وغم، نكد وظلم من أخوهو الشايلينو جمبو دآ،
ما الياهو!! حكم عسكر وضبيحي وكتل ومحاكم جنائية دولية، ولسة كمان حظر سفر وحظر تصدير وحظر أسلحة وزيادة في حظر الحريات..
إن قالوا، أسمع بالله الفنان دآ وصوتو..
تقول: والله دآ عوعاي ساكت وصوتو ذي الصوت البيطلع من العربية الشرقانآ.. غق غق غق
طيب يا أخي!!!
الكلمات...
تقول: شنو يعني ماهو كلام، يمكن القرود ظاتها عندها كلمات وممكن تكون أحلى وأفيد..
طيب يا أخي الموسيقى!!
الرد: يعني بيتهوفن ما اليهو كيبورد وموسيقى مسجلة ودآك عامل بيعزفها، وزولك يطنطن،
يا أخي بالله بلاهم وقرف،،
كدي شوف لينا ونسة تانية،،
يقموا يقولو:
يا أخي إتا شؤم..
تقول: واللهي زهجة، يمكن لو فكت،،
أشوف ذي ما بتشفو إتو...
مساكين يصدقوا ويقولو:
طيب البفكها شنو؟؟؟



















هو يفكوها لي شنو:(:(
تحفة حوا
09-04-2009, 07:40 AM
شوفتا يا يابا كلامك صاح :
احنا السودانيين رغم طيبتنا لكن ظروفنا الاقتصادية والجوية (شدة الحر والغبار )
بتخلينا زهجانين على طول :mad:
مثلا أيام أزمة السكر لو جا ولد لي أبوهو وقال ليهو : يابا عايزين سكر
يرد الأب وبكل زهج :mad: :


السكر اليرميك في الشوك
ولا قال
سكرة يني التخليك تمشي وتغني
ولاقال
يسكك الكلب
يعني الوليد دا زنبو شنو ؟ :D
بابكر مخير
09-04-2009, 07:56 AM
شوفتا يا يابا كلامك صاح :
احنا السودانيين رغم طيبتنا :D

بالله شوفي يما،
قبال دقايق كنتا بتكلم ليا مع زول جميل،،
غايتو بيتخيل ليا، من طريقتو وأريحتو..
آها إتكلمنا عن حكاية أننا طيبين،،
يقولو ليك:
والله من طيبتو الغنماية تاكل عشاهو،،
والله طيب تأكل أكلو وتمسح في طرفو (هو شنو حكاية الأكل دي،، من الصباحية وجعان)
ولا يقول ليك يا خاي دآ طيب ساكت،،
يكون عشان ساكت، ساكت ولا المقصود أنه غشيم،،
في كلمة ظريفة بيقولوها،،
يقول ليك؛ زول طورآ ساهي،،،
آها دآ يعني شنو؟؟
برضو طيب مش؟؟؟؟

غايتو طيبتنا دي ياها المغتسآ حجرنا...

شكرن ليك يما على المداخلة،
لكن كدي قولي ليا؛
قاعد في مكيف وغرفة مقفلة، لاغبار ولا حر،،
يكون سبب الزهجة شنو؟؟؟
يكون السكر الزيادة (السكر بتاع الشاهي والبنآ، واللهي إتذكرتا أمشي أخد ليا جبنة وشيشة وأمخمخ شوية، السكر دآ ما بتاع يني;))
ومرض السُكري، يعني ؟؟؟
ليك مودة يما
والنقوم نمش لي الحكاية دي؟!؟!
يمكن تفكlooool
فيصل سعد
09-04-2009, 08:19 AM
سلام يا الحبيب
و عساكم طيبين ..

تعرف الشغلانة كلها مرتبطة بالجيب و كدا :D:D
لذلك نسأل الله ان يعمر جيوبنا بفائض الفين فقط كل ستة شهوربعد
دفع الايجار و الكهرباء و الموية و الانترنت و الكيبل و التلفون و تامين العربية،
دون ذكر مواد الثلاجة و البوتجاز و الدواليب و كدا .. و دون ذكر التلفونات
عابرة القارات و المحيطات انصاص الليالي :D:D او نسأل الله
ان يثبت في حسابنا المصرفي نصف راتب شهر في كل سنة ..

تعرف يا الحبيب و ماك طالبني حليفة، اخوك الايام دي ضارباو فلسة
من ما الله خلقني ما شفت زيها :D:D:D حتي الكردت كارد فيسا و ماستر معصلجات و ما بصبوا و ينقطوا،
بس نحمد الله العضة بتتباصر لآخر الشهر و مافي ديانة واقفين في خشم الباب، و لستة الرفديات جلينا منها في الربع الثاني من العام ..

يدينا العافية و الصبر يا الحبيب
و يقشع الهم و الغم ..
قمر دورين
09-04-2009, 08:20 AM
والواحد في حالة الزهج؛
إن قالوا:
بالله شوف ديك سمحة كيف؟؟
تقول: بس في سبيبا في شعرها طرفها مكسورآ سيافي، ذي قلم الخشب البيستعملوهو ناس الخط الكوفي..
إن قالوا: بالله الجو جميل، درجة حرارتو 18 وغيمة ونسمة هابآ!!!
تقول: بس ماتنسوا في ناس عندها بشرة حساسة والغيمة بتحجب الأشعة الفوق بنفسجية وبترطب الجو ريحة البنفسج الجميلة بتملآ الهواء ودآ برضو ما كويس لي ناس الجيوب الأنفية البتتملي، والفي البنطلون فاااااااضية، شن فايدة جو جنس دآ؛ البجيب الفلس؟؟؟؟
إن قالوا، بالله شوف الطفل دآ، شكله كدآ المستقبل المشرق...
تقول: راجيهو هم وغم، نكد وظلم من أخوهو الشايلينو جمبو دآ،
ما الياهو!! حكم عسكر وضبيحي وكتل ومحاكم جنائية دولية، ولسة كمان حظر سفر وحظر تصدير وحظر أسلحة وزيادة في حظر الحريات..
إن قالوا، أسمع بالله الفنان دآ وصوتو..
تقول: والله دآ عوعاي ساكت وصوتو ذي الصوت البيطلع من العربية الشرقانآ.. غق غق غق
طيب يا أخي!!!
الكلمات...
تقول: شنو يعني ماهو كلام، يمكن القرود ظاتها عندها كلمات وممكن تكون أحلى وأفيد..
طيب يا أخي الموسيقى!!
الرد: يعني بيتهوفن ما اليهو كيبورد وموسيقى مسجلة ودآك عامل بيعزفها، وزولك يطنطن،
يا أخي بالله بلاهم وقرف،،
كدي شوف لينا ونسة تانية،،
يقموا يقولو:
يا أخي إتا شؤم..
تقول: واللهي زهجة، يمكن لو فكت،،
أشوف ذي ما بتشفو إتو...


غايتوا الحوار القريتو ده ما بس زهجة...:confused: حالة الناس دي صعبة خلاااص...:D

يسعد صباحك يا عم بابكر
بابكر مخير
09-04-2009, 08:26 AM
سلام يا الحبيب
و عساكم طيبين ..

تعرف الشغلانة كلها مرتبطة بالجيب و كدا :D:D
لذلك نسأل الله ان يعمر جيوبنا بفائض الفين فقط كل ستة شهوربعد
دفع الايجار و الكهرباء و الموية و الانترنت و الكيبل و التلفون و تامين العربية،
دون ذكر مواد الثلاجة و البوتجاز و الدواليب و كدا .. و دون ذكر التلفونات
عابرة القارات و المحيطات انصاص الليالي :D:D او نسأل الله
ان يثبت في حسابنا المصرفي نصف راتب شهر في كل سنة ..

تعرف يا الحبيب و ماك طالبني حليفة، اخوك الايام دي ضارباو فلسة
من ما الله خلقني ما شفت زيها :D:D:D حتي الكردت كارد فيسا و ماستر معصلجات و ما بصبوا و ينقطوا،
بس نحمد الله العضة بتتباصر لآخر الشهر و مافي ديانة واقفين في خشم الباب، و لستة الرفديات جلينا منها في الربع الثاني من العام ..

يدينا العافية و الصبر يا الحبيب
و يقشع الهم و الغم ..






صدقتا والله
wadosman
09-04-2009, 08:33 AM
تعرف يا و د مخير و يا ود سعد بالقرب من سكننا هنا فى ام درمان
عملوا منتزه جميل و نجيلة بهجة و ورود و زهور حاجة ما تخلص
و فى زمن قصير جدا اصبح المكان زحمة شديدة خاصة فى الامسيات ما تلقى محل
تخت رجلك...
اها الساحة دى الان اشتهرت باسم حبيبى مفلس..;)
انا ما عارف سر التسميه شنو غايتو عامرة جدا...
بابكر مخير
09-04-2009, 08:38 AM
حالة الناس دي صعبة خلاااص


باقيآ علينا، يما !!
حالة،، البنية السكرية دي...
WIDTH=400 HEIGHT=350
بابكر مخير
09-04-2009, 08:39 AM
تعرف يا و د مخير و يا ود سعد بالقرب من سكننا هنا فى ام درمان
عملوا منتزه جميل و نجيلة بهجة و ورود و زهور حاجة ما تخلص
و فى زمن قصير جدا اصبح المكان زحمة شديدة خاصة فى الامسيات ما تلقى محل
تخت رجلك...
اها الساحة دى الان اشتهرت باسم حبيبى مفلس..;)
انا ما عارف سر التسميه شنو غايتو عامرة جدا...




قالوا يابآ،
أغلب الهم بالفاقة
Nour
09-04-2009, 08:43 AM
الاخ بابكر كيف الحال وان شاء الله زهجتك تكون فكت , مرات الزهج بدخل صاحبه في موقف تصعب المخارجة منو ,انا حصل لي مرة واحد موقف بسبب زهجة ودرشة في نفس الوقت. درست في الاحفاد وكان عندنا مادة اسمها ال Material production وكانت فكرتي عمل نماذج احذية صغيرة (بس ما زي احذية معتصم الطاهر المحزنة) المهم رسمت حاجاتي ومشيت لمحل المالكي وقال بنفذا لي وبقيت اساسق واتختيت ما بين الوعد الكاذب وما بين درش دكتورة حرم وفي يوم مشيت المحل والزهجة الف وقال لي تعالي بكرة وانفجرت, قلت ليه بس اديني ورقتي وهو يقول لي يابت الناس استهدي والامور مابياخدوها كدا وانا اصر علي الورقة وهو يحنس بعد شوية دخلوا الاجاويد ياجماعة باركوها والكلام دا خلو في البيت وانا مصرة علي الورقة بعد مسافة انتبهت انه الناس فهمت الورقة حاجة تانية غير رسوماتي اتنازلت وقلت ليه بجيك بكرة وانا مارقة دعت لي خالة في المحل يابتي الله يهدي سرك. الله يهدي بالك
بابكر مخير
09-04-2009, 08:55 AM
الاخ بابكر كيف الحال وان شاء الله زهجتك تكون فكت , مرات الزهج بدخل صاحبه في موقف تصعب المخارجة منو ,انا حصل لي مرة واحد موقف بسبب زهجة ودرشة في نفس الوقت. درست في الاحفاد وكان عندنا مادة اسمها ال Material production وكانت فكرتي عمل نماذج احذية صغيرة (بس ما زي احذية معتصم الطاهر المحزنة) المهم رسمت حاجاتي ومشيت لمحل المالكي وقال بنفذا لي وبقيت اساسق واتختيت ما بين الوعد الكاذب وما بين درش دكتورة حرم وفي يوم مشيت المحل والزهجة الف وقال لي تعالي بكرة وانفجرت, قلت ليه بس اديني ورقتي وهو يقول لي يابت الناس استهدي والامور مابياخدوها كدا وانا اصر علي الورقة وهو يحنس بعد شوية دخلوا الاجاويد ياجماعة باركوها والكلام دا خلو في البيت وانا مصرة علي الورقة بعد مسافة انتبهت انه الناس فهمت الورقة حاجة تانية غير رسوماتي اتنازلت وقلت ليه بجيك بكرة وانا مارقة دعت لي خالة في المحل يابتي الله يهدي سرك. الله يهدي بالك


العزيزة نور
فرقتي عليآ كتييييييييير،
ذكرتيني الأحفاد وشبط العميد بروف قاسم،،
فرحتيني بالحفيدات وبحسبن، هنا!! تقلآ في المنتدى،،
ضحكتيني بالورقة والخالة وقولتها جميلة، تب،،
ربنا يهدي سرك وسرنا ويسر الجميع
تحفة حوا
09-04-2009, 11:06 AM
سلام يا الحبيب
و عساكم طيبين ..

تعرف الشغلانة كلها مرتبطة بالجيب و كدا :D:D
لذلك نسأل الله ان يعمر جيوبنا بفائض الفين فقط كل ستة شهوربعد
دفع الايجار و الكهرباء و الموية و الانترنت و الكيبل و التلفون و تامين العربية،
دون ذكر مواد الثلاجة و البوتجاز و الدواليب و كدا .. و دون ذكر التلفونات
عابرة القارات و المحيطات انصاص الليالي :D:D او نسأل الله
ان يثبت في حسابنا المصرفي نصف راتب شهر في كل سنة ..

تعرف يا الحبيب و ماك طالبني حليفة، اخوك الايام دي ضارباو فلسة
من ما الله خلقني ما شفت زيها :D:D:D حتي الكردت كارد فيسا و ماستر معصلجات و ما بصبوا و ينقطوا،
بس نحمد الله العضة بتتباصر لآخر الشهر و مافي ديانة واقفين في خشم الباب، و لستة الرفديات جلينا منها في الربع الثاني من العام ..

يدينا العافية و الصبر يا الحبيب
و يقشع الهم و الغم ..
( اللهم أغننا جميعا بحلالك عن حرامك وبك عمن سواك )
عارف يا ود سعد من وأنا طفلة ما حصل سمعت بي سوداني في بلاد الغربة فاز بي جايزة إلا وفرحت ليهو وقلت يستاهل عشان عارفة السودانيين الفي يدهم ما حقهم وعمرهم ما حصل حسبوها زي أخوانا المصريين . :rolleyes:
يعن الماهية بتخلص يوم 5 في الشهر وربك يديهم العافية ان شاء الله :D
طارق صديق كانديك
09-04-2009, 03:26 PM
عمنا د. مخير

مساء الزهج الذي رحل .. !!

البركة الشفناك طيب .. !!

تحياتي
بابكر مخير
09-04-2009, 04:15 PM
مساء الزهج الذي رحل .. !!

البركة الشفناك طيب .. !!

تحياتي

الحبيب طارق،
أكان قصدك بقولة رحل، عشان الرد المكتوب بالبمبي ولا النفسج،
يبقى نسج خيالك ما صاح;)
لأني قلتا:"فرقتي" وتحتها خطين،،،
فيبقى صاحبنا بآآآآآآقي، ذي الإن شالو ما بيتشال وإن خلو سكن الدآر...
ماهو كلو رماد ولونو رماديlooool


شكرن الحبيب وعينك تشوف كل حبيب وتشبع من كل خير،،،،
وكيف السيدة أم العيال، إن شاء الله على أتم صحة وعافية...


وصاحبنا الحداكو عمك هاشم، شن خبارتو....

تحيا إتا يابا وتتهنى...
بابكر مخير
07-05-2009, 03:14 AM
تااااااااني
سموم السأم لفحاني
سيل الزهج خاميني
حالة غايتو، بيقولو عليها؟؟؟
أخير منها العرس:confused::confused:
آها تقولها كدي سآكت،
تترمي فيك قنبلة كبيييييييييرة "شنوووو؟؟"
وينطو ليك بي أسئلة ؟؟؟؟
بي شنو "ولا مال ولا قدرة"
لي شنو "هو إتا ناقص"
بي منو "وينا المغفلة البترضآ بك"...

تبقى تجرج واطيي....
قلتها ساااااااااأكت وقصدي؟! ذي ما بتقولها الناس،،
وما يحلك!!
إتا وينك منها الناس ؟؟؟
الناس دي؛
بتكون شغالة
حيلها شاديها
قوية في عضمها
قوية في عزمها
متونسة ومبقللة ومبتهجة...

يا الله، خلاص إطمينا:o:o
آها أخير أتقوقع في ركني دآ...
أتنسم سأم
أتهنى كآبة
أتلفح عذاب
شرابي يكون حزن
طعامي عدم
وأستمر مع حبيبتي التعاسة
ويلآ !!!!!!!!!!!!
بلآ حالة أخير منها العرس
وزايدة في الهم والوهم
Nour
07-05-2009, 08:11 AM
الليلة الزهجة عندنا نحنا تراب مبالغة بروفة دفن بس . تراب تراب وكتاحة عجيبة ضرستنا وزهجتنا.
بابكر مخير
07-05-2009, 12:20 PM
الليلة الزهجة عندنا نحنا تراب مبالغة بروفة دفن بس . تراب تراب وكتاحة عجيبة ضرستنا وزهجتنا.

العزيزة نور
والله مع زهجتي دي
قلبي معاكم
متصور تكون الحالة كيف
لكن على آي حال حتخفف الحراية...
غايتو سبحان الله عشان تهب نسمة لازم الناس تتكتح
ربنا يمررها كتاحة بشرها ويخلي خيرها
منال
07-05-2009, 12:43 PM
يا الله، خلاص إطمينا:o:o
آها أخير أتقوقع في ركني دآ...
أتنسم سأم
أتهنى كآبة
أتلفح عذاب
شرابي يكون حزن
طعامي عدم
وأستمر مع حبيبتي التعاسة
ويلآ !!!!!!!!!!!!
بلآ حالة أخير منها العرس
وزايدة في الهم والوهم

ابونا بكور سلامات

القوقعة شن ها كمان و لاها فالك و لا خت كبارك
زهجة و تففووووووووت .. والحزن منك يغووووووور ... وتعاسة شنو بتكون حبيبتك

العرس ما بنهديك ليهو ولاكا دايرو ولا كايس لو ولا هم ولا لخمة و زحمة

تعرف عندى زهجة كدى كاااااااااربة ع طول اقوم ادخل المطبخ وانزل العدة من الدولاب و اغسل و اغنى امى تقول الحالة جاتا ..

اها وعشان الزهجة دى ما تجى للبلد دى ايام كدا ترووووووووق و تشوف ناسك
بابكر مخير
07-05-2009, 12:57 PM
( اللهم أغننا جميعا بحلالك عن حرامك وبك عمن سواك )
عارف يا ود سعد من وأنا طفلة ما حصل سمعت بي سوداني في بلاد الغربة فاز بي جايزة إلا وفرحت ليهو وقلت يستاهل عشان عارفة السودانيين الفي يدهم ما حقهم وعمرهم ما حصل حسبوها زي أخوانا المصريين . :rolleyes:
يعن الماهية بتخلص يوم 5 في الشهر وربك يديهم العافية ان شاء الله :D

تحفة حوآ
ربنا يديم عليك إيمانك
وربنا يغني الجميع من حلاله،،
تكوني سمعتي قصة آل البنا،،
جدهم لمن جاتو ليلة القدر بدل يقول غِنى، قالها غُنا وشبكت ليك فيهم الحكاية،،
دحن يما إحنا المفصلينو ليها شنهو؟؟؟؟
ما بس نقول يغنينا من عنده وما يحوجنا لي غيره،،
يعني عند المولى في شي ما حلال،،
البجي من عنده كله خير،
بس يعني المرض شوية حار والفلس مؤلم..

بعدين يا بنيتي أقول ليك عاااااااااااااااااااااااطل
تقولي ليا خامس يوم في الشهر؟؟
والله إتي في نعمة مدها خمسة يوم من ولا شي

يما يديك العافية
ونسأل المولى العزيز الغفور، يرحمنا بالهداية والمغفرة
وحسن الخاتمة
(كدي النقوم نصلي)
بسمله
07-05-2009, 01:06 PM
بابكر ازيك

الف بعد الشر عليك من الدبرسه

هسه بقيت كيف مش احسن ؟
بابكر مخير
07-05-2009, 01:38 PM
بابكر ازيك

الف بعد الشر عليك من الدبرسه

هسه بقيت كيف مش احسن ؟

هو يما لو ما إتو
ما كان زماااااااااااااان الواحد طرشق من الزهج
كتر خيركم من دون فرز..

والله بقيت أحسن ولا لآ؟
دي علمها عند الكريم...

شكرن ليك يما وتسال منك السعادة والأيام البيوض
بسمله
07-05-2009, 02:09 PM
هو يما لو ما إتو
ما كان زماااااااااااااان الواحد طرشق من الزهج
كتر خيركم من دون فرز..

والله بقيت أحسن ولا لآ؟
دي علمها عند الكريم...

شكرن ليك يما وتسال منك السعادة والأيام البيوض

يسال منك و عنك الخير يا وش الخير

شفت كيف يا بابكر
بسمله و كسير التلج
بابكر مخير
14-07-2009, 06:22 AM
فكًت وللا لسًه ؟..
هاك النكتتين ديل - ملطوشة من طارق- عن أخواننا الرباطاب:
*رباطابية بايرة قالوا ليها لقينا ليك عريس مكعوج !
قالت : طيب مالو .. أنا عايزة أسطربو
*رباطابي لابس جزمة قديمة أصابعينو الخمسة مارقين بره .. مشى لبتاع ورنيش مد ليه كراعو .. بتاع الورنيش قال ليهو : أورنش ليك؟
قال ليهو : لا لا .. طقطقم لي
الحبيب شليل
سلام
إخترتا مداخلتك مدخل
لأنو الداخلنا في شكلو متشابه مع الفارق الكبير
إتا الإنشغالة والشغل والمشغولية
وإنا عطالة وتعطيل وعطلة،
بس حقتي،
من شرور الإنسان على أخيه الإنسان...
تعرف ورقي ليهو مدة عند واحد أخونا من شمال الوادي وزمااااااااااااااان كان بيلقبوهم بي بمبة كشر...
ما علينا:mad:
اهآآآآآآآآآآآآآآآ قلتا وهو المقصود:

أسمعوا رسالتي له، يا بشر:eek:
قاسي القلب يا إبن كشر
دون حتى تعرفني قايدو شر
الملف عندك من الشهور عشر
مرمي وإتا ليهو تحدر مكشر
فكهو يا أخي خلي الجّْنون تعرض تبشر
نشتغل ولي شوية قرشيات في الجيب نحشر
ننبسط وتتيسر
وليك لمن نشوفك نغير
ننسى الآذى ويمكن بفرح نأشر

آحييييييييييييييييييييييييا
لو فكاها
الزهجة ضروري بتفك
مرافي
15-07-2009, 02:35 PM
العم مخير تحيات ةعطرات

والله كلنا تطحنا الاحزان والهموم ...لكن اهو بنفرفص

ليك هذا المقطع من خاطرة كتبتها من بعد..تواتر مشاكل وهموم والآم المقطع الاخير بقول:-[/font]

ساغتال حزني ساجتث قلقي..من الدواخل سوف ادمر كل احزاني سازرع كل مساحات الحزن والقلق املا وفرحا.. وتفاؤل...ساحيل هذه النفس الغارقة في لجج الهموم والعذاب والشقاء..والحزن..الى واحة مخضرة بالأمل والتفاؤل..والاشراق..ساحطمك ياحزني التليد..
ساتحررمن ربقتك..وانعم بفرحي ساحطم اغلال المعاناة وامشي عليها رافعة راسي إلى شمس
الضياء شمس الامل...وكفى ياقلبي نحيباً..كفاكي يانفسي هموماً...وحزناً...إنعتقي من الحزن
وكوني حرة للفرح والامل...كفاك يادهري وجعاً لي وكفاي ما ضاع مني..من العمر هماً وحزناً ونحيباً!!!!واهلاً اهلاً باشراق الامل واهلاً بضياء الحياة ونورها..(.تمت )[/color]

[font=Verdana]شاييف كييف ياعم مخير ملانيين احزان لكن اهو عايشين..ليه نتعب روحنا بالقلق والحزن والتفكير طالما في رب للتدبير ونعم بالله..المنان القدير

دايما [color=#FFFF00]الدهب لازم يتحرق عشان يتجمر ويصير دهب لامع

مكتوبلك ياالدهب المجمر تنحرق بالنار دوام

http://www.youtube.com/watch?v=zaVJWaOF3vg
بابكر مخير
15-07-2009, 03:06 PM
ساغتال حزني ساجتث قلقي..من الدواخل سوف ادمر كل احزاني سازرع كل مساحات الحزن والقلق املا وفرحا.. وتفاؤل...ساحيل هذه النفس الغارقة في لجج الهموم والعذاب والشقاء..والحزن..الى واحة مخضرة بالأمل والتفاؤل..والاشراق..ساحطمك ياحزني التليد..
ساتحررمن ربقتك..وانعم بفرحي ساحطم اغلال المعاناة وامشي عليها رافعة راسي إلى شمس
الضياء شمس الامل...وكفى ياقلبي نحيباً..كفاكي يانفسي هموماً...وحزناً...إنعتقي من الحزن
وكوني حرة للفرح والامل...كفاك يادهري وجعاً لي وكفاي ما ضاع مني..من العمر هماً وحزناً ونحيباً!!!!واهلاً اهلاً باشراق الامل واهلاً بضياء الحياة ونورها..(.تمت )[/color]

WIDTH=400 HEIGHT=350



[color=#008000]عمري ما كنتا قايل الجمال بصيبو الوهن
ولا الملايكة بتعرف حزن
دايمن في بالي أنو بس للناس المن كتر الخبط جلدها تخن
يوم نكد
يوم تعاسة
يوم زهج
يوم ذي دهبك دآ التقول مرمي في الفرن
لكن من يوم الليلة:confused::confused:
بديها بالشلوت
أصهين ليها
وبس اضحك في وشيها
ورايآ أرميها
في صرتها أكويهآ



والله ضحكتني هديتك
وفرقت همي نصيحتك
وظنيتها:rolleyes::rolleyes:
بتفك الزهجة
عما قريب والفضل لي الله وليك
وود بمبة
خليه اليسوطها ويشرب مويتها (سنة يا البشير)
مرافي
15-07-2009, 05:36 PM
العم مخير...

مساك سعيد وهاني

ايوة فكها اصلها ما بتدي حريف...

وود بمبة الله يفك صواميل راسو....

يمسكوا ليهو مريلة التجاني الماحي مالو ماسكو الورق....

الله يغفر لي من حقو...

المهم وإنت المهم..ماتقول لي صورة ولية العهد روعة..

يعني من حسع سلمتها الراية ولاشنو ربنا يحفظها.. ويحفظك...
أبو أماني
15-07-2009, 07:20 PM
الحبيب أبو جعفر المنصور .. لك من الحب اضعاف ما لديك ...
زهجتك حرقتني بلحيل ال حبيب وحلفت أعمل المستحيل اخارجك منها .. أولا قال علماء النفس في بلادي أجمعين .. أن زهجة مثل هذه تفكها (عرسة) كاااااربة وتكون العروس من عندنا ! وقال الكبار أن الزهجان زهجة شديدة يلجاء للرحمن ويقرأ القرآن .. وقال الدجالين .. أن تدفع ليهم يجي خمسمائة أهيف الأهيف ينطح الأهيف .. وعشان يأكدوا على مصداقيتهم بيطلبوا نص المبلغ قبل العلاج والنص التاني بعدو.. ويدوك .. فردة كراع جدادة شمال .. تختها تحت الشمش يومين..وفي التالت تدقها بالفندك لمن تبقى عضامها دراشة تكب عليها شوية (حصرم) مطحون كسائر الشعب السوداني ..وتبلهم بلبن ناقة صهباء اللون والده ليها إسبوعين بالتمام والكمال .. تخلط الحاجات ديل مع بعض بحبة موية من النيل الأبيض (على شرط)! وترمي على سطح الإناء ثلاثة بعرات تيس أحول (كان إحترت في الأخيرة دي الجأ للأستاذة سرورة) وبعد ده كلو أوع بالك تشرب اللغاويس دي .. مطلوب منك والقول على ذمة الشيخ الدجال تفتش ليك أقرب جار من بيتكم يكون جبهجي .. وإنت وشطارتك تتحايل عليو تخليو يكتحها في كرشو الماكنة ديك حتى لو تقنعوا .. أنو ده (جهاد أكبر) .. صدقيني حتلقي روحك بعد داك آخر إنشراح ..
لك الود خالصا ...آل .. حبيب! تشاوووو goood
همس الشوق
16-07-2009, 12:44 PM
شيييييييييييييل الصبر

وإنت شايل كدا هاك اسمع النكته دي

قالوا واحد قال لي مرته
تعرفي زماااان الخلفاء العباسيين كان ليهم ألقاب مثلاً ( المعتصم بالله ) ( المتوكل بالله) ( الواثق بالله ) فلو كنت انا منهم تفتكري اي لقب يناسبني .
قالت ليهو
ما هو يا ( أعوذ بالله )
أو ( منك لله )
بابكر مخير
17-07-2009, 09:25 AM
جاييكم يا الثلاثي المرح
مر (معدوم وم) افي
أبو (ال) أماني الحلوة
همسة شوق أو يمكن أن يقال "همزة شوق (ومدغدغاهو) أو شولة لطآفا ومزيناها"
بس التخف شوية:confused::confused:



















ما اليها الزهجة
بدور التركي
17-07-2009, 09:46 AM
قي البال والخاطر والوجدان
قريبين اقرب من رمش العين
وما يبعدنا منكم إلا الشديد القوي

جمعة مباركة يا ابوي
بابكر مخير
17-07-2009, 07:49 PM
قي البال والخاطر والوجدان
قريبين اقرب من رمش العين
وما يبعدنا منكم إلا الشديد القوي

جمعة مباركة يا ابوي

يما وجميلة شمعتك
بس الدمعة النازلة دي بتخلي الواحد يتذكر الحزن
لو بسمة تفرح ولا ضحكة رنانة
أو حتى من طرف العين لمحة..
ما بكون لينا آحلى وبيهو نفرح

بما أنو الجمعة فاتت
نقول ليك
ليلة إسراء ومعراج مباركة
بابكر مخير
16-08-2009, 07:50 AM
ضاريتها بي جاية
لملمتها في حناياي
لكنها بت الستين الف كلب،،
غلبتني،، فرضت عليا حصار،،
ختتني في كورنر (بس زنقت كلب في طاحونة)
أتفرفص، أناتل، أجابد،،
برضها قادرا عليا، لمن خلتني ذي الغرقان، الم ليا في قشة أقول تمرقني، ألقاها تشووووووو نازلا معايا...
بقيت روحي في طرف نخرتي،، كاتم نفسي عشان ما أعطس،، ما لو عطستا بتمرق معاها روحي،،،
هو بيني بينكم أريتها،،
كان الواحد ينفك منها الحياة ومنها الزهجة،، ما هي دايرآ كدي..
يعني بقيت، كلمة والتانية تلقاني أتنرفز لمن يغلبني أتنفس،،
دآ شنو هو دآ..
يكون ذي ما قال فتحي!!
الفلس؟؟
لا، ما الياهو كارنا وصنعت كبارنا، مشو ما خلو في الدنيا إلا (على قول جدي بابكر) إسم كبير مسئولية واليد خوية... "هو وينو الإسم الكبير، بس بقت اليد الخوية"
العطلة؟؟
هي نان يعملوا شنو لي ود بمبا والإجازات والظروف (طبعن ما الظرف الفيها "قنزب، بالأمهري يعني قرش" هي يا كافي البلآ وينها ظاتها)، لا والأدهش جآي رمضان شهر النوم والغفيان...

غايتو الواحد لو كان في بلد أوربي، كان من قعدتو دي إتوكل لي أقرب طبيب نفساني، قال ليهو وحكى معاهو عن اللامي فيهو،،
لكن كدي أبقى راجل وأعملها هنا في عالمنا التالت دآ،، ما خلاص ياهو القالوا فيك،، زولك جنا...
غايتو زهجة بت ستين الف كلب..
ما بطالبكم إلا بلسماح ليا والعذر بستجديهو من كل زولن،،
قلتا ليهو كلمة في غير محلها...
وكدي النديها صنة،،
يمكن ربنا يفرجها بآي حل ويعجل عليا، بأمر أصله مكتوب
معتصم الطاهر
16-08-2009, 09:48 AM
بكو الحبيب

انت عارف البفك الزهجة شنو

ما تقوم و تقع ساى ..
بابكر مخير
16-08-2009, 01:27 PM
بكو الحبيب
انت عارف البفك الزهجة شنو
ما تقوم و تقع ساى ..

الBOSS الحبيب
السمسمية، لا لكن؟!
هو أنا لقيتها:(
آآآآآخ..
وكان أصلو هي في!!
ما!!
ما كان الزهجة جات:eek:
الله!!!
بس لو تجي،
تجي...
في مطار أبوظبي
(سنة يا قسمة)
والفي بالي ياهو الفي بالك:)
أبو أماني
16-08-2009, 04:06 PM
الBOSS الحبيب
السمسمية، لا لكن؟!
هو أنا لقيتها:(
آآآآآخ..
وكان أصلو هي في!!
ما!!
ما كان الزهجة جات:eek:
الله!!!
بس لو تجي،
تجي...
في مطار أبوظبي
(سنة يا قسمة)
والفي بالي ياهو الفي بالك:)

خسوسا اليومين ديل ملك السمسمية معانا بي جاي في الخرتوم.. هو في غيرو.. أأأأي فتحي مسعد وكمان ناس قطر (شكاوي مطر) محمد أبو عاقلة .. نائب رئيس دولة السمسمية السودانية الشعبية الإشتراكية العظمى .. بعدين يا أخوي حكاية مطار أبو ظبي وقسمة دي ما قاعدة تقسم معانا .. نحن ناس مطار هيثرو .. وحواء المجروس .. هي حية ولا عقرب؟؟ .. أسع بابكر يحسدني ويقول سمسمية أبو أماني دي من نوع أبو كديس ..goood تشاووووgoood
بابكر مخير
17-08-2009, 01:30 AM
الزهج بيجيب الإحباط والإحباط برافقو السأم والسأم بودي لليأس واليأس دآ!؟
ما الياهو الدبرسة..
والمصيبة الإسمها الدبرسة ممكن تودي للجنون أو إنتحار...
آها من ناحية الجنون ما عندي فيهو طريقة، لأنه بيصيب العقل وبديهي لو ما في عقل، يبقى الجنون ما ممكن يكون في فراغ..
دآ إنتهينا من قصته...
طيب الإنتحار، دآ شيتن مني بعييييييييييييييييييييييييييد..
ما البنتحر دآ قلبه قوييييييي، يعني زول يشيل ليهو آلة حادة ويقطع بيها مكان في جسمو،،
أنا؟! شكة الدبوسة بخافها،، قبل كم يوم حتا عشان أعمل الكشف الطبي؛ فليبينية كلها سنتمرات وما سكآ ليها حقنة بالظبط طولها بوصة ونص، قالت كيف؟ قالت عايزآ تحقني عشان تشيل دم،،
دم لما يدمك هو أنا قدر كدي، عديييييييييييل أسلم ليك يدي عشان تقزي فيها الحربة دي كلها..
غايتو واساطات وتحنيس،، حاولنا نصل لي حل للمشكلة دي، أنا إقترحتا أنه أشوف زول يطعن بدالي، أو يتم تخديري بكلورفورم عن طريق الإشتنشاق، بس القاسين ما وافقو وبعد أخذ ورد، وصلنا لي حل!!
أنا أقيف برآ الغرفة وأمد يدي بالشباك ويمسكوها إتنين من أشداء قوات التدخل السريع (بالله ديل الواحد فيهم بوزن متين كيلو وطوله ستة قدم) وأنا تكون معايا كتيبة لزوم المعافرة والمناتلة..
وقد كان..
والأدهش في دنيا الإنتحار، زول ينط ليك من بناية عالية، طيب يا صاحبي لو اليوم في وكتها ما تم؟؟؟
دي معناها شلل كبار ودآ طبعن غير بتاع الإطفال، الممكن يكون تقلة في الرجل ولا عوجة خفيفة والطفل يعتاد على العيش بيها ويتألف مع الحقيقة، لكن دآ!! جنس جهجهة، شئ رقاد في السرير دون حركة، نقة مافي، سلام وكلام وطربقة مافي..
آها دآ ذاتو ما بدوره.
ولا كمان يقول ليك؟؟
كبآ في روحو جاز وحرق نفسو!!
يعني خلاص الواحد ضامن الجنة؟؟
...
بالمناسبة!!
لساتها الزهجة عابكة
مرافي
17-08-2009, 02:38 PM
الزهج بيجيب الإحباط والإحباط برافقو السأم والسأم بودي لليأس واليأس دآ!؟
ما الياهو الدبرسة..
والمصيبة الإسمها الدبرسة ممكن تودي للجنون أو إنتحار...
آها من ناحية الجنون ما عندي فيهو طريقة، لأنه بيصيب العقل وبديهي لو ما في عقل، يبقى الجنون ما ممكن يكون في فراغ..
دآ إنتهينا من قصته...
طيب الإنتحار، دآ شيتن مني بعييييييييييييييييييييييييييد..
ما البنتحر دآ قلبه قوييييييي، يعني زول يشيل ليهو آلة حادة ويقطع بيها مكان في جسمو،،
أنا؟! شكة الدبوسة بخافها،، قبل كم يوم حتا عشان أعمل الكشف الطبي؛ فليبينية كلها سنتمرات وما سكآ ليها حقنة بالظبط طولها بوصة ونص، قالت كيف؟ قالت عايزآ تحقني عشان تشيل دم،،
دم لما يدمك هو أنا قدر كدي، عديييييييييييل أسلم ليك يدي عشان تقزي فيها الحربة دي كلها..
غايتو واساطات وتحنيس،، حاولنا نصل لي حل للمشكلة دي، أنا إقترحتا أنه أشوف زول يطعن بدالي، أو يتم تخديري بكلورفورم عن طريق الإشتنشاق، بس القاسين ما وافقو وبعد أخذ ورد، وصلنا لي حل!!
أنا أقيف برآ الغرفة وأمد يدي بالشباك ويمسكوها إتنين من أشداء قوات التدخل السريع (بالله ديل الواحد فيهم بوزن متين كيلو وطوله ستة قدم) وأنا تكون معايا كتيبة لزوم المعافرة والمناتلة..
وقد كان..
والأدهش في دنيا الإنتحار، زول ينط ليك من بناية عالية، طيب يا صاحبي لو اليوم في وكتها ما تم؟؟؟
دي معناها شلل كبار ودآ طبعن غير بتاع الإطفال، الممكن يكون تقلة في الرجل ولا عوجة خفيفة والطفل يعتاد على العيش بيها ويتألف مع الحقيقة، لكن دآ!! جنس جهجهة، شئ رقاد في السرير دون حركة، نقة مافي، سلام وكلام وطربقة مافي..
آها دآ ذاتو ما بدوره.
ولا كمان يقول ليك؟؟
كبآ في روحو جاز وحرق نفسو!!
يعني خلاص الواحد ضامن الجنة؟؟
...
بالمناسبة!!
لساتها الزهجة عابكة


الغالي عم بابكر
تبرأ يايمة من كل شر
قلنا ليك ما بتدي حريف
كان ما كدي..انت الزيك..يفتحو ليهو المكان ويديهو تشريف
حلو خصال..جميل اوصاف
علم.. ودوق..وعفة.. وقلب نضيف
لكن ..هي الحياة مابتدي حريف
بس..
عليك بالصبر ثم الصبر ثم الصبر
نعم طعمو زي الحنضل لكن بكرة بتلقاهو
احلي...
واحلى
لانك انت الاحلي...
سمراء
21-07-2010, 10:19 AM
اها شفتو انا الليلة حالتى ....بس ياها الحالة دى زاااااااته ياعمو مخير !!!

اعاين واتكشم وماقادرة اقول شى !!
وحاسه بضيق !!
ونفسى مااااارقه من اى شى !!
حتى الونسة ماعندى ليها مزاج !!
وعندى خمة نفس !!
وعندى احساس انى مفروض اقوم اجوعر جعرة كبرة كده !! بس خايفه يقولو عندها زار :D
اصصلهم ناسناالهنا ديل افقهم بقى واطى خلاص ...ومساحات خيالهم ضيقه !!

اها اسع يقولو على شنو ؟
كان متزوجه ممكن يقولو بتوحم !! وعادى
بس اسع الا يقولو على مشوكشة !! والله يعلم انا مامجكسه زاتو عشان اتشوكش ...مع انو نفسى اجكس واقوم اشوكش المجكساهو او يشوكشنى عشان يكون عندنا مرجعية شاكوشية ننطلق منها :D بس مافى شى !!!

غايتو الله فى بس !!:confused:
يسرا مبارك محمود
21-07-2010, 10:24 AM
اها شفتو انا الليلة حالتى ....بس ياها الحالة دى زاااااااته ياعمو مخير !!!

اعاين واتكشم وماقادرة اقول شى !!
وحاسه بضيق !!
ونفسى مااااارقه من اى شى !!
حتى الونسة ماعندى ليها مزاج !!
وعندى خمة نفس !!
وعندى احساس انى مفروض اقوم اجوعر جعرة كبرة كده !! بس خايفه يقولو عندها زار :D
اصصلهم ناسناالهنا ديل افقهم بقى واطى خلاص ...ومساحات خيالهم ضيقه !!

اها اسع يقولو على شنو ؟
كان متزوجه ممكن يقولو بتوحم !! وعادى
بس اسع الا يقولو على مشوكشة !! والله يعلم انا مامجكسه زاتو عشان اتشوكش ...مع انو نفسى اجكس واقوم اشوكش المجكساهو او يشوكشنى عشان يكون عندنا مرجعية شاكوشية ننطلق منها :D بس مافى شى !!!

غايتو الله فى بس !!:confused:

هههههههههههههههههههههههههههههههههههههه


سلامتك
سمراء
21-07-2010, 10:31 AM
هههههههههههههههههههههههههههههههههههههه


سلامتك

تسلمى ياعسل
اها ذى دى مرت بيك يابنية دحين ؟؟؟
نبراس السيد الدمرداش
21-07-2010, 10:33 AM
اها شفتو انا الليلة حالتى ....بس ياها الحالة دى زاااااااته ياعمو مخير !!!

اعاين واتكشم وماقادرة اقول شى !!
وحاسه بضيق !!
ونفسى مااااارقه من اى شى !!
حتى الونسة ماعندى ليها مزاج !!
وعندى خمة نفس !!
وعندى احساس انى مفروض اقوم اجوعر جعرة كبرة كده !! بس خايفه يقولو عندها زار :D
اصصلهم ناسناالهنا ديل افقهم بقى واطى خلاص ...ومساحات خيالهم ضيقه !!

اها اسع يقولو على شنو ؟
كان متزوجه ممكن يقولو بتوحم !! وعادى
بس اسع الا يقولو على مشوكشة !! والله يعلم انا مامجكسه زاتو عشان اتشوكش ...مع انو نفسى اجكس واقوم اشوكش المجكساهو او يشوكشنى عشان يكون عندنا مرجعية شاكوشية ننطلق منها :D بس مافى شى !!!

غايتو الله فى بس !!:confused:


عليك الله تلفي لي معاك
دا شكلو صنف جديد
ما نزل السوق لسه
سمراء
21-07-2010, 10:37 AM
عليك الله تلفي لي معاك
دا شكلو صنف جديد
ما نزل السوق لسه

اااااااااااااخ انا منك يافقر ! وين جيتك تجيك العرسة الفى رمضان ده :D
ويكون عجوز وجنو عصيدة عشان تصوطى من الصباح للعشية ....

يابت انا حالتى عبييييييطة عباطة ، ولو شفتى منظرى تقولى مارقه لى من شكلة !!
يابت والله عيونى كل عين بفتحه بى الرجاله !! شكلى والله تقولى شاربه خرطوووش خلى جارة نفس :D حالتو نفس واحد يابت لوووووووووووووووووووول ..

نيبو ياخ شنو ماتشوفى لىاختك جكس عشان نجرب فيهو الشاكوش البقولو ده

الليلة راكبانى روح شريرة النصيحه ليك يالله :D looool
نبراس السيد الدمرداش
21-07-2010, 10:45 AM
اااااااااااااخ انا منك يافقر ! وين جيتك تجيك العرسة الفى رمضان ده :D
ويكون عجوز وجنو عصيدة عشان تصوطى من الصباح للعشية ....

يابت انا حالتى عبييييييطة عباطة ، ولو شفتى منظرى تقولى مارقه لى من شكلة !!
يابت والله عيونى كل عين بفتحه بى الرجاله !! شكلى والله تقولى شاربه خرطوووش خلى جارة نفس :D حالتو نفس واحد يابت لوووووووووووووووووووول ..

نيبو ياخ شنو ماتشوفى لىاختك جكس عشان نجرب فيهو الشاكوش البقولو ده

الليلة راكبانى روح شريرة النصيحه ليك يالله :D looool

يا قلبي
امس حلفايتنا غرقت مطره
وحاتك مافي طريقة مرقة تب

العرسة في العيد بس ياتوما عارفه و اي سنة برضو الله اعلم
العصيده ما مشكلة انا بسويها الكلام الحاجات التانية الحتحميني

عارفه تطلعي من المكتب
تمشي شارع النيل و تشربي ليك قهوة بمزاااااااااااج
و ترمي الهم في النيل دا اصلوهو حمال اسية

جكس شنو و شواكيش شنو
مافي وقت للكلام دا ولا روح ولا القلب بقى يحتمل
خليك كدا و مافي اجمل من كدا و اتذكري كلامي انا و الرويعي
سمراء
21-07-2010, 10:53 AM
يا قلبي
امس حلفايتنا غرقت مطره
وحاتك مافي طريقة مرقة تب

العرسة في العيد بس ياتوما عارفه و اي سنة برضو الله اعلم
العصيده ما مشكلة انا بسويها الكلام الحاجات التانية الحتحميني

عارفه تطلعي من المكتب
تمشي شارع النيل و تشربي ليك قهوة بمزاااااااااااج
و ترمي الهم في النيل دا اصلوهو حمال اسية

جكس شنو و شواكيش شنو
مافي وقت للكلام دا ولا روح ولا القلب بقى يحتمل
خليك كدا و مافي اجمل من كدا و اتذكري كلامي انا و الرويعي

وحاااااااتك يا الغالية ام قلب دى جيتى من شارع النيل !! مشيت بحلقته فى الموية كدى لمن الله غفر لى ...ماساوالى شى ياقول الشايقى :D:D
جيت من دربى اتفنته جمب ست الشاى الجبنة كنوع من التغيير شربتة قهوة المسيخه دى ...برضو ماسوتلى شى غير الحنضلة
دخلته مكتبى وفتحته المنتدى وبقيت اصاغر فى الوشوش البتتنطط دى goood برضك ماسونلى شى !!

هسع مفكرة اقوم اتصل بى بابكر الرويعى ، انفش ريشو ، مزااج ساى فى الله احتمال اقدر افكها بى شكلتى معاهو .....بس ماعندى رصيد ليهو يحتمل الشكلة looool

فكرته فى شى واااااااااااااااااحد .....بس احتمال يكون اخر العلاج لو بابكر الوريعى اتلايق وماشاكلنى وبرد لى بطنى :D
بابكر مخير
07-10-2010, 07:54 AM
خاتآ نقرها في نقري
وما بدانيها
ولا بحب اكون في الحتآ الهي فيها:mad::mad:

تاااااااااااني جآت:(
وأنا تااااااااااااااااني مآرق..

لمن تغور..
بجيgoood


وعلى قول عمنا
تشششااااوووووووووووو
مرافي
07-10-2010, 06:29 PM
خاتآ نقرها في نقري
وما بدانيها
ولا بحب اكون في الحتآ الهي فيها:mad::mad:

تاااااااااااني جآت:(
وأنا تااااااااااااااااني مآرق..

لمن تغور..
بجيgoood


وعلى قول عمنا
تشششااااوووووووووووو



والله انا زااتي عندي واحدة لاصقه فيني سلسيون بس....

عليك الله ماعندك طريقه نقطع بيها دابرا....من لقاليقو...

ويصبح الزهج من غير لقاليق....

فكها يفك صواميل عضاما ....
سمراء
07-10-2010, 08:40 PM
اها وبعدين يعنى !!!

الحل شنو ؟؟