هوى الروح.... [الأرشيف] - سودانيات .. تواصل ومحبة

wadosman

10-03-2009, 10:04 PM

انا عمرى ما حبيت

غير الجمااال فى الروح....

http://www.herosh.com/up/73952/999596618.wma

مواطن

10-03-2009, 10:53 PM

يا دهشـة وزول في عيونو سؤال ..
يا ود عثمان .. الأغنية دي أنا سامعا قبال كده .. لكن ويـييييييـن ؟؟؟؟؟؟؟

أغنية أبو خليل دي بتمس مناطق عميقة جداً في وجداني "حبيبي يا أسمر خدك عليه فصود جرحتني في قلبي وسحرتني أعين سود" .. وبالفعل الفنان إبراهيم كان يتمتع بصوت من أجمل الأصوات التي مرت على تاريخ الإذاعة السودانية ، رحمه الله رحمة واسعة بقدر ما منح الفرح للناس

أحمد الأمين أحمد

10-03-2009, 11:04 PM

عندما كتب ود الريح رائعه حسن عطيه "انت حياتى"" وقال فيها :
ما شوهوك بفصاده
خدودك ساده
طبيعى خلقه ربك
ماداير فيهو زياده
كانت الموضه محاربه ظاهره الشلوخ حيث غنى احمد المصطفى كذلك":
يالساده كلمنى
وغنى التاج:
الساد لونو خمرى
قلبى حبا
مفتون بلونو
وبريق سنونو
ذهب ود الريح لحفل زواج با ام درمان فوجد نسوه مشلخات أبدن له عدم فرحهن من اغنيته الكبيره التى صدح بها حسن عطيه التى به " ما شوهوك بفصاده " التى تحط من جمال المشلخه فاعتذر لهن ود الريح ووعدهن بتصليح الامر ومغازله الشلوخ فكتب اغنيه " هوى الروح" التى صدح بها ابراهيم عوض وفيها :
حبيبى يا اسمر
خدك عليه فصود
جرحتنى فى قلبى
سحرتنى اعين سود ........
وهى بعض من اجمل ما ترنم به الصوت الراقى وردى فى فجر طلوعه وصرعته الاولى بابراهيم عوض ..

wadosman

11-03-2009, 06:39 AM

يا دهشـة وزول في عيونو سؤال ..
يا ود عثمان .. الأغنية دي أنا سامعا قبال كده .. لكن ويـييييييـن ؟؟؟؟؟؟؟

أغنية أبو خليل دي بتمس مناطق عميقة جداً في وجداني "حبيبي يا أسمر خدك عليه فصود جرحتني في قلبي وسحرتني أعين سود" .. وبالفعل الفنان إبراهيم كان يتمتع بصوت من أجمل الأصوات التي مرت على تاريخ الإذاعة السودانية ، رحمه الله رحمة واسعة بقدر ما منح الفرح للناس

الحبيب هااشم...

الدهشة لم تفارقنا ابدا..و الاسئلة حائرة ما بين التمنى و المنى
و الحنين و الحنان و نحن نتلمس خطانا بحثا عن ذلك الافق البعيد
الذى يبعد كلما اقتربنا منه..و تبقى نهاية المسافة مكحلة بلون ذلك الشفق
الذى لونته الشمس و هى تتوارى خجلا فى لحظاات الغروب...

بتكون سمعت الاغنية كما سمعتها انا من قبل هنا فى مكان ما و لكنها ابت الا ان
تفرض نفسها مره اخرى و فى البال حديث جميل كنا يتمنى الا ينتهى ابدا
لتبقى الصورة فى الخااطر و الجمال فى الروح هذا البرواز الجميل يحفها و هى معلقة
على جدران القلب...

الفنان الذرى مستودع فنى ضخم و صاحب صوت جميل و معبر و رويان بموية
ام درمان يزداد القا و جمالا كلما تقادمت عليه السنين فالذهب لا يصدا ابدا..ابدا
له الرحمة و المغفرة...

شكرا اخ هاشم...فمداخلتك و الاغنية هبشت فينى وتر حساس فحاولت المستحيل
ان لا يرن...و لكنه رفض الا ان تكون له صولته مع هذا النغم الجميل
لنكون نحن عرضة للمادة السابعة فى لائحة الاحساس للعقوباات...و لا نملك غير هذه
علها تكون دفاعا قويا لنا:

إن زادك الحسن تيهاً
فاسأل طيور الروابى
سلها تجبك بأنى
بثثتها كل مابى
قد صاغت الوجد لحناً
ووقعته ببابى...

ياخى شكرا ليك...مالك داير تخلينا نكشف اوراقنا فى هذا الصبااح الباهى..!!!

wadosman

15-03-2009, 08:44 AM

انا عمرى ما حبيت
غير الجمال فى الروح
تعال و لو مره
اسى الفؤاد مجروح

تبخل على بلفاك
انا يا حبيب مجروح
باكى العيون ساهره
نسر على النوح
القمرى فى الاغصان
يحكيلى لما ينوح
و انت تحكى الفل
الورد لما يفوح

بالغت فى الاعراض
انا ما قطفت زهور
من خدك الوردى
بل اسكرتنى عطور
و لمحت فى عيونك
فتنه و اشعة نور
ملكت قوى عقلى
و ملات فؤادى شعور

حبيبى يا اسمر
خدك عليك فصود
جرحتنى فى قلبى
و سحرتنى اعين سود
انت الهوى العذرى
و انت الرجا المفقود
انت غبت عن عينى
هنا فى الفؤاد موجود

تتغابى الامى
و انا عقلى مشغول بيك
ليك الفؤاد يهفو
و الروح تنادى عليك
اوليتك اخلاصى
قدست حبى اليك
عاجبانى روحك
ما اسمى العواطف فيك

wadosman

16-03-2009, 06:46 AM

عندما كتب ود الريح رائعه حسن عطيه "انت حياتى"" وقال فيها :
ما شوهوك بفصاده
خدودك ساده
طبيعى خلقه ربك
ماداير فيهو زياده
كانت الموضه محاربه ظاهره الشلوخ حيث غنى احمد المصطفى كذلك":
يالساده كلمنى
وغنى التاج:
الساد لونو خمرى
قلبى حبا
مفتون بلونو
وبريق سنونو
ذهب ود الريح لحفل زواج با ام درمان فوجد نسوه مشلخات أبدن له عدم فرحهن من اغنيته الكبيره التى صدح بها حسن عطيه التى به " ما شوهوك بفصاده " التى تحط من جمال المشلخه فاعتذر لهن ود الريح ووعدهن بتصليح الامر ومغازله الشلوخ فكتب اغنيه " هوى الروح" التى صدح بها ابراهيم عوض وفيها :
حبيبى يا اسمر
خدك عليه فصود
جرحتنى فى قلبى
سحرتنى اعين سود ........
وهى بعض من اجمل ما ترنم به الصوت الراقى وردى فى فجر طلوعه وصرعته الاولى بابراهيم عوض ..

استاذ احمد...

شكرا كتير على هذه السياحة الممتعة فى تاريخ اغنياات جميلة و انت تحكى
لنا كيف خرجت هذه الاغنياات و كيف كان يكتب الشعراء فى ذلك الزمن
فهم حقا كانوا ايضا ينقلون احساسات غيرهم و ايضا كانوا ترجمان لمشاااعر
الكثيرين الين لا يستطيعون التعبير عما يجيش قى دواخلهم شعر...

شكرا ليك كتير ياخى و انت كما عودتنا دايما تتحفنا بمداخلاتك الثرة جدا...

و بالناسبة هذا هو الرد الرابع لمداخلتك فلقد اختفت ثلاثة ردود كتبتها قبل
هذا و لكن لا ادرى اين ذهبت...و الظااهر البورد اليومين ديل ما نصيح..

لك كل الود....

somiaadam

17-03-2009, 06:43 AM

يااااااااااااااااا
ما قلنا ليك ملك الاغاني دون منازع
شكرا علي هذا البحث المتميز
وانت زائغ من بوستنا ومتخارج لكن عفيناك باغانيك دي

wadosman

18-03-2009, 08:10 PM

يااااااااااااااااا
ما قلنا ليك ملك الاغاني دون منازع
شكرا علي هذا البحث المتميز
وانت زائغ من بوستنا ومتخارج لكن عفيناك باغانيك دي

شكرا سميه على الطلة هنا
و بوستيك دخلنا و مرقنا خوفا من ان تنطبق
علينا مقوله الفنون جنون...

يديك العاافية...