الزعماء السودانيين واحتراف الهروب...؟؟؟ فهل يفعلها عمر

[عبدالعزيز عبدالله]

علي مر التاريخ نجد ان معظم الزعماء السودانيين يعشقون الهروب عند تضييق الخناق عليهم (التولي يوم الزحف) ....
وهناك كمية من القصص التي سادت في تاريخنا عن هروب الزعيم الذي تعول عليه الرعية كثيرا... ولا انسي ان اذكر بعض القادة الذين هربو ... وللأسف بعضهم قتل او تم أسره اثناء الفرار... وليس حصرا..:
المك نمر
عبدالله التعايشي
علي دينار
عثمان دقنة ........ والقائمة تطول
ولكن السؤال هنا هل يفعلها عمر البشير بعد حشد كل هذه الجماهير حوله ويقتدي بأسلافة من القادة السودانيين آنفي الذكر......
دعوة للحوار
ارجو عدم التعصب لذكري بعض الاسماء التاريخية ولكن هذه هي الحقيقة
لكم جميعا كامل احترامي.

[بابكر مخير]

عبدالله التعايشي

عثمان دقنة ........ والقائمة تطول
ولكن السؤال هنا هل يفعلها عمر البشير بعد حشد كل هذه الجماهير حوله ويقتدي بأسلافة من القادة السودانيين آنفي الذكر......
دعوة للحوار
ارجو عدم التعصب لذكري بعض الاسماء التاريخية ولكن هذه هي الحقيقة
لكم جميعا كامل احترامي.

أبو عمر الحبيب
جدك بابكر بدري مقدمة كتابو تأريخ حياتي، قال مامعنهو:
أصدق التأريخ البيروهو الحاضرينو...
جدنا حمد أبو البشر من أهلنا الزيادية، حكى قال:
كنا تحت إمارة يابا ود مخير، أمير البادية وبعد ضربت كرري، سيدي خليفة المهدي مشى وجرا تبروكتو وقعد جمب قبر المهدي عليهو السلام، جاء الأمير إبراهيم مخير، وقال؛ ما بنقعد نستنى الترك يجونا، بنمشو غرب، نجمع ونجيهم صادين وكما قال جدنا حمد أبو البشر، ومنها يابا ود مخير قال لينا، يا زيادية غربوووو "أظرف تعليق ليابا حمد؛ لو كان جدكم خلنا هنايا كان حسي عندنا نص أمدرمان"
يبقى قصة سيدي خليفة المهدي ماكانت هروب، إمكن نسميها إنسحاب وفي لغة الحروب، دي واردة....
بفتكر أنه الأمير عثمان دقنة أصل إسلوب حربه كان الكر والفر والله أعلم....
وبدون تعصب
لك المودة

[عبدالعزيز عبدالله]

عم بابكر....
والله انا قبل ما اكتب الكلام دا فكرت عدة مرات في شخصك الكريم.... لكن قلت ابونا بابكر صدرو رحب كما عودنا وحيستحملنا في الكلام دا ...
لكن مثلا عثمان دقنة لما قبض عليك كان يجري التحضيرات للسفر للحجاز... يعني فكر يغترب في السعودية

اما المك نمر وهو جد البشير... فعملها وااااااااااضحة ترك العوين والعيال وعمل شتات خالي محطات ... ومشي للحبشة حيث البهجة والمسرات...

عموما تتواتر القصص والحكايات عن الاسلاف ... والدلائل تشير انو الناس بيستغلو حكاية الكر والفر لتحديد غايات شخصية..
وهذا هو المتوقع حدوثة في المستقبل القريب.....

لك كل الاحترام

[ابو روضه]

عم بابكر....
والله انا قبل ما اكتب الكلام دا فكرت عدة مرات في شخصك الكريم.... لكن قلت ابونا بابكر صدرو رحب كما عودنا وحيستحملنا في الكلام دا ...
لكن مثلا عثمان دقنة لما قبض عليك كان يجري التحضيرات للسفر للحجاز... يعني فكر يغترب في السعودية

اما المك نمر وهو جد البشير... فعملها وااااااااااضحة ترك العوين والعيال وعمل شتات خالي محطات ... ومشي للحبشة حيث البهجة والمسرات...

عموما تتواتر القصص والحكايات عن الاسلاف ... والدلائل تشير انو الناس بيستغلو حكاية الكر والفر لتحديد غايات شخصية..
وهذا هو المتوقع حدوثة في المستقبل القريب.....

لك كل الاحترام

نعم هي تواريخنا التي نحاول ان نصنع منها البطولات يا عزيزي فلك التحييييييية



.................................................. .........


السوال وين الجماهير دي يا جماعة صدام حسين قبل دخول بغداد بيومين كانت بتحيط به الجماهير . موالين ونفعيين وامنجية وناس طالعة مجبرة على الخروج وواحدين يدفعهم خطاب الانقاذ الموجج للعواطف . وناس ذهجانة ما يمارسه البشير الان ومؤتمره الوطني ببساطة هي الزفرة التي يسبقها الموووووووووووت عليهم ان يواجهوا الحقايق والتنحي على السلطة وتشكيل حكومة انتقالية قادرة على تسير الامور وايجاد حلول مناسبة لاشكالية دار فور تجنبنا شر الصدام مع المتجمع الدولي
لك تحييييييييييييييييييييييييية

[Hassan Farah]

(أظرف تعليق ليابا حمد؛ لو كان جدكم خلنا هنايا كان حسي عندنا نص أمدرمان )



والله يا الحبيب قطعت قلبى بالضحك----
قلت لى حقكم راح وطلعتم بى قد القفة--- انتو قايلين نفسكم براكم-- اها اقول ليك-- شفت السينما الوطنية- دى كانت حوش جدى فرح ود عمر ساكنة فيه حبوبتنا الحرم بنت الفكى هى ووليداتها-- اها لما الانجليز بدوا يضربوا فى القبة -تقوم جلة تقع قريب من الحوش-- حبوبتنا ساقت وليداتها وراحت عند اهلها فى حى العرب--
بعد ان هدأت الاحوال جدنا قرر يرجع البلد لكن نسابتو كانوا مشترطين عليهو-- بنتهم لا تغادر امدرمان-
الراجل اجر ليهو مركب حط فيها وليداتو وانطلق-- وحبوبتنا متابعاهم بفوق-- وفى لحظة ما رمت نفسها فى البحر وراء اولادها -راجلها مد ايدو ورفعها وهادى قعدة فى الرباطاب اذكرها كان لها الاثر الكبير فى تنشئتى واذكر لهجتها الامدرمانية التى لم تتخلى عنها ابدا - رحمة الله عليهم اجمعين----

[بابكر مخير]

وهذا هو المتوقع حدوثة في المستقبل القريب.....
لك كل الاحترام
نعم هي تواريخنا التي نحاول ان نصنع منها البطولات يا عزيزي فلك التحييييييية

الحبيب عبد العزيز (أبو عمر) واللهي
شووووووووووووووووووووووقك ولو شفتا حلمة ودنك...
يابا ديل حالفيين يلتزمو بالكلفناهم بيهو؟؟؟؟
(دآ بتلقاهو في ردي على الحبيب أبو روضة)

.................................................. .........


الزفرة التي يسبقها الموووووووووووت

سيدي العزيز أبو روضة
وربنا يجعلنا من سكان رياضه، طبعن إحنا في أول قائمة الأمم المستحقة للفوز بالروض والجنان...
دحن صبرنا علي البلآ الإسمو الإنقاص دآ ما بيختنا في مصاف الأنبياء، جلد وتحمل وصبر وتمسك بإيمان بالواحد الأحد..
يا أخي إحنا أيوب يكون يقول حسي: ديل ولادي ويتشفع لينا واسطة،،
لكن يا الحبيب أمس شي أزعجني تب، نافع المانافع بيتكلم وبطريقة ساذجة سخيفة، قال بيخاطب جمع من ناسك القلتهم وقال:
إحنا جينا عشان نموت من أجلكم...
آهااااااااااااااااااااااااااااا..
يعني البيحلم بيهو عبد العزيز (أبو عمر) الناس دي ما مفكريين فيهو، يبقى يابا؟؟؟؟
وووووووووووووووووووب

[عبدالعزيز عبدالله]

والله الحكاية زي ما بيقولو (( ماها قدلة ولبس قمشات))
وبرجع اكرر اسفي الشديد والشديد جدا ... يعني كل القيادات بتاعتنا وعلي مر الاحقاب مصابة بداء الجبن العظيم.... وحتي في العصور الحديثة الجماعة برضو الجماعة مارسو الهواية العظيمة دي ... ابتداء ب الشيوعين بعد محاولة انقلاب هاشم العطاء (وديل كمان عملوها ليك بصورة جديدة تحت مسمي حماية الكوادر القيادية) وهاك يا نقد لبدة واحدة ما جا طالع الا بعد الانتفاضة... طيب انت لو ما بتقدر البخليك تتشوبر شنو؟؟ ومن بعد الشيوعين اخوانا المايويون ومن بعدهم قيادات الاحزاب الوطينة بعد انقلاب ثورة الانقاذ واكثر من برع في حكاية الهروب اخوانا اولاد السيدين... (المرغني والمهدي) واخير الصادق لقي انو الجماعة ما شغالين بيهو من بدري وقام رجع لكن ود المرغني ما جانا ظاهر في الصورة الا قبل اشهر قليلة عند عودتة بصحبة جثمان اخية... حيث كان يقدم اعذار غريبة جدا ... املاك جدي وبيت العائلة وعروسة المولد ...
المهم اخواني زمان كانو في استاذ في المدرسة بيقول لينا: الما بيستحمل الجلد يقعد هادئ...
لكن كل قياداتنا لا بتستحمل الجلد ولا بتقعد في الواطة....

[بابكر مخير]

الحبيب وليدي أبو عمر
قال ليك:
الضاق قرصت الدبيب، خاف من جر الحبل
الجمرة بتحرق الواطيها
..........
أنا غايتو ما ضقت لا قرصة دبيب ولا وطيت ليا جمرة
لكني بقدر حروريت الحبس، يا أخي أنا والله أوضة بابها مقفول ما بقدر أنوم فيها...

تعرف عمك، شقيقي الأصغر "كوريا" لمن دردقتو عشان يمثل الحزب في إجتماعات تأسيس التجمع، قال ليا:
ما تعمل فيها حريف وتلزني، أنا والله كف واحد وبقول ليهم دآ بابكر أخويا هو ورا الحكاية دي وكله بتواريخو وأسماء ناسك... (كانت تهكم فالرجل كان شجاع ومقدام ولا زال صنديد)
الحمد لله أتم المهمة دون الحوجة لي كف...
قصة تانية، لمن السيدة سارة الفاضل، عليها رحمة الله الواسعة سعة قلبها الذي كان كل السودان، طلبت مني أمسك الشباب في الحزب، شاورتا جدك يوسف بدري، قال ليا:
زمان أبوك وأنا (يوسف بدري) شفنا في العمل السياسي، ملاحقة وحبس وحراسات، آها أبوك جدك (قاسم مخير) عمل ليهو إجزخانة أمدرمان وإنشغل بيها وأنا أبويا (جدك بابكر بدري) لماني معاهو في الأحفاد..
إن بتقدر علي جنس دآ وزيادة على الكان، حسي بقى فيها إعدامات.
أقبل بي عرض سيدة سارة،،، الحمد لله إجتزت الفترة وعملت بما أرضى الله وقواعد الشباب وقيادة الحزب ونفسي..
ولساتني حيّّْ...
ما خلق أعذار ليهم (القيادات)، لكن عشان تكون في الصورة، يا جميل يا حلو;);)

[ابو روضه]

سيدي العزيز أبو روضة
وربنا يجعلنا من سكان رياضه، طبعن إحنا في أول قائمة الأمم المستحقة للفوز بالروض والجنان...
دحن صبرنا علي البلآ الإسمو الإنقاص دآ ما بيختنا في مصاف الأنبياء، جلد وتحمل وصبر وتمسك بإيمان بالواحد الأحد..
يا أخي إحنا أيوب يكون يقول حسي: ديل ولادي ويتشفع لينا واسطة،،
لكن يا الحبيب أمس شي أزعجني تب، نافع المانافع بيتكلم وبطريقة ساذجة سخيفة، قال بيخاطب جمع من ناسك القلتهم وقال:
إحنا جينا عشان نموت من أجلكم...
آهااااااااااااااااااااااااااااا..
يعني البيحلم بيهو عبد العزيز (أبو عمر) الناس دي ما مفكريين فيهو، يبقى يابا؟؟؟؟
وووووووووووووووووووب

حبيبنا الرائع

ههههههههههههه والله كلامك ده ذكرني نكته كده بس اقول ليك شنو والله صبرنا ده يدخلنا الجنة ومعاها خطاب شكر ههههههههههههههه كمان
الشي التاني انت عارف هم ناس نافع ديل ما راس الحية ذاته ياخ والله البشير ده تره زول شيلوه القفة وما عارف الفيها زي ما قال الفاتح عروة زمان انحنا نتمنى تكون في محاكمات وطنية عشان تحاسب الكل وعلى كل شي بما فيها عمائل نافع وبيوت الاشباح والاسمو الطيب سيخة وسلة من المفسدين بالمذكرة التي اصدرت بحق البشير طلعوا منها زي الشعر من العجين ...
تخريمة
غايتو انا لو في محل الشعب السوداني ده البشير اديهو بصطونيتين على قفا ويفكو زيو وزي اي دلدول لا يعي ما يقول او حجم ما ارتكبه . ومطاردة نافع وامثاله حتى لو تشبثوا باسوار الكعبة او اقتحموا الحدود لاراضي الحبشة :D
لك مودتي واحترامي

[عبدالعزيز عبدالله]

:confused::confused::confused:

[طارق صديق كانديك]

الحبيب وليدي أبو عمر
قال ليك:
الضاق قرصت الدبيب، خاف من جر الحبل
الجمرة بتحرق الواطيها
..........
أنا غايتو ما ضقت لا قرصة دبيب ولا وطيت ليا جمرة
لكني بقدر حروريت الحبس، يا أخي أنا والله أوضة بابها مقفول ما بقدر أنوم فيها...

تعرف عمك، شقيقي الأصغر "كوريا" لمن دردقتو عشان يمثل الحزب في إجتماعات تأسيس التجمع، قال ليا:
ما تعمل فيها حريف وتلزني، أنا والله كف واحد وبقول ليهم دآ بابكر أخويا هو ورا الحكاية دي وكله بتواريخو وأسماء ناسك... (كانت تهكم فالرجل كان شجاع ومقدام ولا زال صنديد)
الحمد لله أتم المهمة دون الحوجة لي كف...

;);)

عمنا الجميل بابكر مخير

والله ضحكتني من أعماقي ولعل أنها كانت بعد انقطاع طويل نسبياً من الضحك من الأعماق .. والله حاجة مريحة جدا .. !!!

تعليق حريف وموزون .. !!!

الأخ عبد العزيز

يقيني أن اسقاط تهمة ( الجبن والفرار يوم الزحف ) هكذا على من ذكرت من رجالات السودان تهمة فيها الكثير من الشطط لاسيما ان تتبعنا السياق التاريخي للمعارك التي دارت فأجبرت منهم من تحرف الى فئةٍ وهو يوقن بالثبات .. ويوقن أيضاً أن في الحرب دوائر ربما دارت عليك فلزم أن تتحرف الى فئةٍ تتقوى بها وترتكز الى عمق استراتيجي وهذا ما فعله الخليفة عبدالله التعايشي برغم قناعتي في سؤ حكمه وبطشه برفاقه قبل أعدائه ودونك مذكرات الشيخ البهي جد استاذنا بابكر مخير .. وتلك المذكرات المكتوبة ظللت حتى يومنا هذا كلما قرأتها تيقنت الصدق فيها .. !!

أما عثمان دقنة ففي تقديري أنك بهته باتهامك له بالجبن وقد شهد بشجاعته أعدائه قبل أن نهيم ببطولاته .. !!

والذي أراه في ماثل أيامنا هذي أن البشير برغم كل شئ .. ورغم معارضتي له منذ 89 .. لن يجبن ولن يفر وربما تداخلت سناريوهات متباينة تخرجه من هذه الورطة أما أن يدبر راحلاً فذاك جد بعيد اذ الأمر يعني كل الدول ذات العضوية في مجلس الأمن فاين ستكون وجهته .. هذا من ناحية .. من ناحية أخرى شخصية هذا الرجل يبدو لي لا تسمح له بهروب يجلب له مسبة وهو يمارس حكمه بحلف الطلاق في الهينة والقاسية .. !!

الله يكضب الشينة .. !!

تحياتي

[بابكر مخير]

أن البشير برغم كل شئ .. ورغم معارضتي له منذ 89 .. لن يجبن ولن يفر

من ناحية أخرى شخصية هذا الرجل يبدو لي لا تسمح له بهروب يجلب له مسبة وهو يمارس حكمه بحلف الطلاق في الهينة والقاسية .. !!

الله يكضب الشينة .. !!

تحياتي

غايتو يا طارق
لقيتك غتييييييييييييييييت;)
عارف الزول جعلي،
قلتا تحمسو عشان يقعد لمن تطربق ليهو في رأسو، وله في الظلمة السابقين الشاهد الدامغ..
آها أنا رغم معارضتي ليهو، كرهي الغير محدود ليهو وكّْجينتي ليهو،،،،
بقول ليهو: خارج
شتت،،
قبل الفاس يقع في الرأسgooodgoood

[طارق صديق كانديك]

غايتو يا طارق
لقيتك غتييييييييييييييييت;)
عارف الزول جعلي،
قلتا تحمسو عشان يقعد لمن تطربق ليهو في رأسو، وله في الظلمة السابقين الشاهد الدامغ..
آها أنا رغم معارضتي ليهو، كرهي الغير محدود ليهو وكّْجينتي ليهو،،،،
بقول ليهو: خارج
شتت،،
قبل الفاس يقع في الرأسgooodgoood


ههههههههه

شغل المديدة حارة عندك جميل والله يا عمنا ود مخير .. مخير الله عليهو .. ان شاء نزع ملكه منه بلا مساكاكا ولا شتيت .. !!

نحن يبدو فترنا ساااي من الكواريك .. !!

أرقد عافية