مشاهدة النسخة كاملة : كل الحلوين.. معزومين فرح.. وبالرفاه والبنين والبنات...............
jezabell
01-04-2009, 12:53 PM
الوجيه محمد ابوعاقلة gooodgoood
عشا البايتات ومقنع الكاشفات goood
الرايق الما متضايق goood
شيال التقيلة ومدرج العاطلات goood
امووووووت انا في الايرباص يااااخ :D:D:D
يدخل القفص الذهبي من اوسع ابوابه..
محمد يستاهل.. وعروسو ما تستاهل :p..
زغردن يا بنات.. ودقي يا مزيكة..
الف مبروك وبيت مال وعيال يا محمد..
الحلوين في الدوحة معزومين لحفل زواج ود ابوعاقلة الذي سيقام مطلع شهر مايو.. يعني بعد شهر واحد فقط من الليلة.. والما بقدرو يحضروا يتابعو البوست دة حصريا عشان انا حافتفت ليكم التفاصيل بالصور فتفوتة فتفوتة :D:D
ماف زول يقول لي الحفلة حتكون بمنو؟ :D:D
________
التعديل لتصليح الزغرودة :D:D
شبارقة
01-04-2009, 01:00 PM
مبرووك يا فردة ...
بس خائف تكون دي كذبة إبريل يا رشا :D
مجن81
01-04-2009, 01:17 PM
ههههههههههههه
اها ياربي المسلسل المكسيكي حينتهي
ولا حيبتدي فصل تاني من فصوله
غايتوا يارشا لقيتك شديدة
عبدالعزيز عبدالله
01-04-2009, 01:19 PM
اوبوعاقلة الف مليون مبروووك وبيت مال وعيال ....
وربنا يتمم ليك بألف خييير....
بي مناسبة العرس ... عندي صديق عزيز ... كان زواجة بعد زواجي بشهر يعني قبل 8 اشهر....
اها الزول دا مسك ابوه وقال ليهو ياخ انت من يوم ما ولدوني مكرهيني نصايح .. كدا صاح وكدة غلط واعمل حسابك من كدة وامشي في طريق كدة.... إلا مرة واحدة لما جيت اعرس اصلو ما نصحتني ،، ليه ::::؟؟؟؟؟؟:confused:
ابوه رد وقال ليهو يعني انحنا نصحونا لم جينا نعرس...:Dgoood:D:p
مجن81
01-04-2009, 01:30 PM
اوبوعاقلة الف مليون مبروووك وبيت مال وعيال ....
وربنا يتمم ليك بألف خييير....
بي مناسبة العرس ... عندي صديق عزيز ... كان زواجة بعد زواجي بشهر يعني قبل 8 اشهر....
اها الزول دا مسك ابوه وقال ليهو ياخ انت من يوم ما ولدوني مكرهيني نصايح .. كدا صاح وكدة غلط واعمل حسابك من كدة وامشي في طريق كدة.... إلا مرة واحدة لما جيت اعرس اصلو ما نصحتني ،، ليه ::::؟؟؟؟؟؟:confused:
ابوه رد وقال ليهو يعني انحنا نصحونا لم جينا نعرس...:Dgoood:D:p
سجمي يا العريس اب8شهور
دا كلام شنو؟
بابكر مخير
01-04-2009, 01:38 PM
الحلوين في الدوحة معزومين لحفل زواج ود ابوعاقلة الذي سيقام مطلع شهر مايو..
خسااااااااااااااااااااااااارة
مادآم للحلويين، بس
يبقى؟!؟!:mad:
ما عندنا طريقة في الكيتا دي؟؟؟
المهم أنا يا ناس برآ كلكم، عندي المواصلات، الوليد دآ ما هين تب عندي،،،
آها التحرك حيكون من العاصمة ومرورا بعواصم العالم، كل زول يديني رسالة عشان أحجز ليهو في طيارة السيرة..........
http://sudaniyat.net/up/uploading/4-1-2009 4-26-25 PM.png
دآ وحسب قدرتي والعريس بستاهل أكترgooodgooodgoood
تحفة حوا
01-04-2009, 03:40 PM
http://sudaniyat.net/up/uploading/wrap-silk-many.jpg
مبروك وبالرفاه والبنين
فيصل سعد
01-04-2009, 11:33 PM
الوجيه محمد ابوعاقلة gooodgoood
عشا البايتات ومقنع الكاشفات goood
الرايق الما متضايق goood
شيال التقيلة ومدرج العاطلات goood
امووووووت انا في الايرباص يااااخ :D:D:D
يدخل القفص الذهبي من اوسع ابوابه..
محمد يستاهل.. وعروسو ما تستاهل :p..
زغردتن يا بنات.. ودقي يا مزيكة..
الف مبروك وبيت مال وعيال يا محمد..
ماف زول يقول لي الحفلة حتكون بمنو؟ :D:D
لا تقولي :D:D
نبارك و بالرفاه و البنين
و قطع شك انا حاضر العرس البهجة دا باي طريقة ،،
و العروس انا خمنتها و تخميني ما بقع واطة و مبروكة و تستاهل كل خير ..
و الفنان قطع شك الطيب مدثر لو لسة مركلس معاكم في الدوحة ..
همس الشوق
02-04-2009, 06:19 AM
http://www.majalisna.com/gallery/1737/1737_73779_1150045094.jpg
بس لو ختينا 1/أبريل
jezabell
02-04-2009, 07:08 AM
مبرووك يا فردة ...
بس خائف تكون دي كذبة إبريل يا رشا :D
يعني شنو يعني قصدك يا شبارقة؟؟ كذبة ابريل ليه بس!!
ود ابوعاقلة مش بتاع جواز يعني والا ايه؟؟ :D:D
مالك شايف عليو شنو؟ ما يشبهش يا اخويا والا ما يشبهشي :D:D:D
jezabell
02-04-2009, 07:10 AM
ههههههههههههه
اها ياربي المسلسل المكسيكي حينتهي
ولا حيبتدي فصل تاني من فصوله
غايتوا يارشا لقيتك شديدة
تالا صديقة هيثم :D:D
يا بت دا عريس الموسم وعروس الموسم وعرس الموسم..
حصلي بس احجزي الفيرشن حقتك من البوست دا قبل الموسم ما ينتهي :D:D:D
jezabell
02-04-2009, 07:14 AM
اوبوعاقلة الف مليون مبروووك وبيت مال وعيال ....
وربنا يتمم ليك بألف خييير....
بي مناسبة العرس ... عندي صديق عزيز ... كان زواجة بعد زواجي بشهر يعني قبل 8 اشهر....
اها الزول دا مسك ابوه وقال ليهو ياخ انت من يوم ما ولدوني مكرهيني نصايح .. كدا صاح وكدة غلط واعمل حسابك من كدة وامشي في طريق كدة.... إلا مرة واحدة لما جيت اعرس اصلو ما نصحتني ،، ليه ::::؟؟؟؟؟؟:confused:
ابوه رد وقال ليهو يعني انحنا نصحونا لم جينا نعرس...:Dgoood:D:p
عبعزيز :D
ابو صاحبك دا انا غايتو لو كنا مكانو كنت قلت لولدي ويعني احنا لو كان نصحونا كنت هسي انت بتكون في لمن تعرس؟ :p
غايتو ود ابوعاقلة مسكين سااااااي.. شكلو قرر ينتحر خلاص:D:D
jezabell
02-04-2009, 07:17 AM
خسااااااااااااااااااااااااارة
مادآم للحلويين، بس
يبقى؟!؟!:mad:
ما عندنا طريقة في الكيتا دي؟؟؟
المهم أنا يا ناس برآ كلكم، عندي المواصلات، الوليد دآ ما هين تب عندي،،،
آها التحرك حيكون من العاصمة ومرورا بعواصم العالم، كل زول يديني رسالة عشان أحجز ليهو في طيارة السيرة..........
دآ وحسب قدرتي والعريس بستاهل أكترgooodgooodgoood
اريتا سيرة الحشا والفشا يا ود امي :D:D
غايتو سمع اضاني العروس قالت ليكم كان ما جبتو ليها يخت الامبراطور هيلاسيلاسي هدية عشان تقضي فيو شهر العسل ولاااااااا بتعرس ليكم محمد :D:D
jezabell
02-04-2009, 07:23 AM
http://sudaniyat.net/up/uploading/wrap-silk-many.jpg
مبروك وبالرفاه والبنين
نبارك ليك السمح يا تحفة
اها لكن طبعن العريس حمودي دا اوف هاي امبورتانس :D وبالتالي الاجراءات الامنية ضد البوتنشيال والعشمانشيال اكس جكسز عليو مشددة علي حسب شدتو ولضتو وكدا :D :D
اها يا بت امي تقومي كدي علي شرايط هداياك دي تفكفكيها لينا النشوف جوة الصناديق دي شنو؟ بالذات الشي المدمدم ورا داك.. ما تكون قنبلة يختي :D:D
jezabell
02-04-2009, 07:28 AM
لا تقولي :D:D
نبارك و بالرفاه و البنين
و قطع شك انا حاضر العرس البهجة دا باي طريقة ،،
و العروس انا خمنتها و تخميني ما بقع واطة و مبروكة و تستاهل كل خير ..
و الفنان قطع شك الطيب مدثر لو لسة مركلس معاكم في الدوحة ..
لا بقول :D
يا زول هوووي خمنت شنو كمان.. دي عروس حصرية :D:D
وماف زول جاب خبرها حتى الان.. هو اذا كان العريس زاااااتو ما قدر :D:D
غايتو الفنان دا لسة موضوعو ما اتحسم.. العروس مصرة يجيبو ليها فنانين استار اكاديمي جت عليهم.. بس محمد خايف يقومو يطفو وكدا :D:D
jezabell
02-04-2009, 07:38 AM
http://www.majalisna.com/gallery/1737/1737_73779_1150045094.jpg
بس لو ختينا 1/أبريل
حتى انتي يا بروتساية!! :D:D
ياااااااااا حليلك يا محمد.. شكلك فاقد مصداقيتك في الاسافير :D:D
غايتو مبدئيا كدا نقبل منك اونلاين كرت ناس مزونة دة لغاية ما نشوف جكتك اوفلاين :D:D
همس الشوق
02-04-2009, 10:42 AM
حتى انتي يا بروتساية!! :D:D
ياااااااااا حليلك يا محمد.. شكلك فاقد مصداقيتك في الاسافير :D:D
غايتو مبدئيا كدا نقبل منك اونلاين كرت ناس مزونة دة لغاية ما نشوف جكتك اوفلاين :D:D
يا دي بروتساية دي شني
اوعى تكون ذي سانكيو؟
انا ما بضيع دراهمي الا اتأكد تمااااااااااااما
اصلوا ابريل دا ما بجيب معاهو غير وجع القلب
يا بت يوم بتعوقي ليك واحدة بحركاتك ديgoood
وبالأحمر تضامناً مع العريس المحبوس
ههههههههههه
jezabell
02-04-2009, 10:49 AM
يا دي بروتساية دي شني
اوعى تكون ذي سانكيو؟
انا ما بضيع دراهمي الا اتأكد تمااااااااااااما
اصلوا ابريل دا ما بجيب معاهو غير وجع القلب
يا بت يوم بتعوقي ليك واحدة بحركاتك ديgoood
وبالأحمر تضامناً مع العريس المحبوس
ههههههههههه
يااااخ بروتساية بت عم بروتس دراع القيصر اليمين :D دي قصة طوييييلة يااااخ حتحرفنا عن مسار البوست.. لكن لقيتك ما مثغفة خالس خالس :D:D
يعني انا كلامي ما ضمان موش؟؟؟
اوووووووكي.. استني بس لمن نعزمك للسماية بعد كدا :D:D:D
ايووووووووووووووى ....ايووووووووووووووى .... ايووووووووووووووى .... ايووووووووووووووى
محمد العريس عجبنى ليه يا رب يسعدك و يهنيك و نفرح بيك فى الخرتوم يا تومى ود امى ...الجرتق و الحنة ما تبقى الا وسط خالاتك و عماتك و اخواتك و صديقاتك فى الحوش الكبير ود المك عريس نبارك ليهو و نجرتقو و السيرة بالبابور ونمشى البقعة او الحوش الكبير و بعد داك تركب الطيارة ...
فرحانة بيك كل النجوم
يا رشا العريس محبوس ... شهرين و الباقى عليك لمن يجى الخرتوم
jezabell
02-04-2009, 10:52 AM
يا بت يوم بتعوقي ليك واحدة بحركاتك دي
ما يموتن.. موت الضان :D:D
jezabell
02-04-2009, 10:54 AM
ايووووووووووووووى ....ايووووووووووووووى .... ايووووووووووووووى .... ايووووووووووووووى
محمد العريس عجبنى ليه يا رب يسعدك و يهنيك و نفرح بيك فى الخرتوم يا تومى ود امى ...الجرتق و الحنة ما تبقى الا وسط خالاتك و عماتك و اخواتك و صديقاتك فى الحوش الكبير ود المك عريس نبارك ليهو و نجرتقو و السيرة بالبابور ونمشى البقعة او الحوش الكبير و بعد داك تركب الطيارة ...
فرحانة بيك كل النجوم
يا رشا العريس محبوس ... شهرين و الباقى عليك لمن يجى الخرتوم
وييييين يا بت مشتاقييين وحياتك
العريس جاي الخرتوم يوم واحد مايو يا منولة والعرس يوم اربعة وانا عيد ميلادي يوم خمسة :D:D:D
غايتو ابدو حوشو للهدايا من هسي وكدا :D:D
شبارقة
02-04-2009, 11:48 AM
الحلوين في الدوحة معزومين لحفل زواج ود ابوعاقلة الذي سيقام مطلع شهر مايو.. يعني بعد شهر واحد فقط من الليلة.. والما بقدرو يحضروا يتابعو البوست دة حصريا عشان انا حافتفت ليكم التفاصيل بالصور فتفوتة فتفوتة :D:D
العريس جاي الخرتوم يوم واحد مايو يا منولة
جهجهتونا لكن ... إنتو عريسكم ده مستنسخ ولا ّ شنو ؟ :D نحن رتبنا أمورنا إن شاء الله يوم 1-5 نكون معاكم في الدوحة عشان نحضر اللعبة .:).. يقوم يكب الزوغة ويجري الخرتوم :D
jezabell
02-04-2009, 11:58 AM
جهجهتونا لكن ... إنتو عريسكم ده مستنسخ ولا ّ شنو ؟ :D نحن رتبنا أمورنا يوم 1-5 نكون معاكم في الدوحة عشان نحضر اللعبة ... يقوم يكب الزوغة ويجري الخرتوم :D
يا زول هو الرقيص زااااتو قال ما داير فيو اقوان :D:D اها لعبة شنو الجايي تحضرا؟ :D
وبعدين الخرتوم دي مسقط راس العروس وكدا يااااخ.. عاوزة تعرس في الغربة يعني والا كيف؟ :D:D
بابكر مخير
02-04-2009, 12:10 PM
اريتا سيرة الحشا والفشا يا ود امي :D:D
غايتو سمع اضاني العروس قالت ليكم كان ما جبتو ليها يخت الامبراطور هيلاسيلاسي هدية عشان تقضي فيو شهر العسل ولاااااااا بتعرس ليكم محمد :D:D
هي إتي يما خسارة دي ما وراها كلامن كبيييييييير:eek:
وراين تاني!!!!
ظانتو من الأول عريسنا شايلينو وقايلينو!؟!؟
مشويم،،
يما البنيات هبل،
والوليد ترعان، شبعان وفد مرآ ما بينخبل،،
زولتك؟؟!!
أخير ليها ترضى لو جينا سيرة بي رقشة..
ما عريسنا هو ياهو سيد القْشرة..
وهو وكت السيرة بي يخت هيلاسيلاسي؟؟
المضيفاتو الغنج..
جلدن ناعم ما ذي صوت العنج..
سيرة شنو دي بتبقى،،
ما بنكون؟؟؟
خلاص:rolleyes:
[color=#800080]رشا سلام منتظرين اخر الفلم
تحوطا كدا٩color]
http://sudaniyat.net/up/uploading/foooooooo.gif
ابوريم
02-04-2009, 01:31 PM
نبارك للعريس (إذا صح الخبر) بس سؤالي يا رشا: علاقتك شنو بالموضوع؟
انتي وزيرة منو فيهم العريس ولا العروس؟
....
اظهر ياعريس
عمر كبير
02-04-2009, 04:56 PM
والله الف مبروووك
وعقبال كل البورداب الهنا
ومافي زول يقول بعد الشر
وتاني مبروك لو الموضوع ما اباريييييل ساي
وباريل دي جمع مؤنث سالم لابريل وكذباتو
ربنا يسعدهم يا رب
وح نتابع التفاصيل اذا ...
قمر دورين
02-04-2009, 06:13 PM
أخونا محمد أبو عاقلة....
ألف مبروك وبيت مال وعيال ان شاء الله
وإن كانت كذبة أبريل برضو ألف مبروك مقدّماً...
فيصل سعد
03-04-2009, 10:19 AM
أخونا محمد أبو عاقلة....
ألف مبروك وبيت مال وعيال ان شاء الله
وإن كانت كذبة أبريل برضو ألف مبروك مقدّماً...
لو كانت كذبة ابريل ولا ما كانت ، انا جهزت حالي و رتبت اموري و ماشي ليو في الدوحة و مباريو للخرطوم كمان ، و العرس لازم يتم و الفنانين و الترزية و المصورين و ناس الساوند عندهم خبر مسبق و كدا ، و زولنا دا لازم يعرس لازم يعرس، و لو ركب راسو و قال كاني ماني :D:D الايقونة رشا حاتم تتصلح معانا و تدفع معاي جزء من الاتعاب و الخسائر :D:D حسب التساهيل و كدا لانها السبب في كل الشلهتة الحاصلة دي :D:D او تنكرب و تعرس و تتأهل و اهو نحضر و نشارك البهجة و السرور، و تبقى الصداقة قرابة و نكسب الودين :D:D
قمر دورين
03-04-2009, 02:43 PM
لو كانت كذبة ابريل ولا ما كانت ، انا جهزت حالي و رتبت اموري و ماشي ليو في الدوحة و مباريو للخرطوم كمان ، و العرس لازم يتم و الفنانين و الترزية و المصورين و ناس الساوند عندهم خبر مسبق و كدا ، و زولنا دا لازم يعرس لازم يعرس، و لو ركب راسو و قال كاني ماني :D:D الايقونة رشا حاتم تتصلح معانا و تدفع معاي جزء من الاتعاب و الخسائر :D:D حسب التساهيل و كدا لانها السبب في كل الشلهتة الحاصلة دي :D:D او تنكرب و تعرس و تتأهل و اهو نحضر و نشارك البهجة و السرور، و تبقى الصداقة قرابة و نكسب الودين :D:D
:D:D:D
الوشوش لدوزنة المداخلة
ما عارفة ليه الموضوع.... ده ما بعرف...غايتوا.....:D
المهم !!! قدمّنا السبت...
لكن كمان في التانّي السلامة وفي العجلة الندامة ( الكلام ده ما للسيد العريس...ده لي الأخ الهميم فيصل سعد)
بعدين لو كانت دي كذبة أبريل صحي كيف يعني العرس لازم يتم!
يعني الفنانين يغنّوا لي منو والعازفين يعزفوا لي منو..وين العروس؟؟؟:confused:
غايتوا!..بخت المعازيم!
أها نرجع لي موضوعنا
تاااااني ألف مبروك
ابوريم
03-04-2009, 05:24 PM
قمر دورين
حلاتك لما تتغابي ...ماعرفتك؟
....
العريس بي غادي متشربك مع فيصل سعد في بوست رشا التاني وخالي الضيوف بي جاي؟
...ست البوست وينك؟
الجيلى أحمد
04-04-2009, 06:34 AM
لاحولالالالا,
الكارثة محمد..
لقد غرروا بك يارجل..
:D
كلنا لها ياصديقى
كلنا لها :D:D
_________________________-
ياجماعة الحقونا بى تلفون الكارثة دا
خلوناالنعزيهو- أقصد- النبارك ليهو..
________
التعديل لتصليح الزغرودة :D:D
ما سمعتا زغرودة منك ....
كتّر خير منال الجات ربطت كوزا ويويوت !!!
وكتّر خيرك برضو ما قصرتي معاي يا اللخت ...
البركة في كرت الدعوة المن طرف واحد ...
يعني كان في داعي للبوست الما شفتو دا ...
إلا الليلة ...
الغتاتة عندك لكن ...
على الأقل كان تشاورونا في الأمر ... إمكن نبطبط !!!
أو يظهر عارض لا سمح الله ...
إن شاءالله نجيك في السمح يا بت أمي ...
تطول أيامك وتتحقق أحلامك ...
بركة اللانام ولا أكل الطعام ...
مبرووك يا فردة ...
بس خائف تكون دي كذبة إبريل يا رشا :D
الله يبارك فيك وفي وليداتك يا شبارقة ...
أبريل دي بالبا!!!!!!!؟
لمتين نقعد نحاحي في الوهم ...
ما كفاية بأأ!!!!!
واحد خمسة تيك أوف ...
خمسة خمسة لاندينغ في بت الناس :D:D
شبارقة
05-04-2009, 06:23 PM
ما كفاية بأأ!!!!!
قال أحدهم وكان متزوجا ً حديثا ً : الله يجازي الإتزوجو قبلنا وما نصحونا ... ويجازي الـ ح يتزوجو بعدنا وما يستشيرونا :D
شبارقة
05-04-2009, 06:34 PM
خمسة خمسة لاندينغ في بت الناس :D:D
:D:D
ذكرتني كاريكاتير للمرحوم عزالدين في أوائل السبعينيات (بمناسبة وصول رواد الفضاء للقمر) راسم ليهو واحدة جميلة جدا ً وراسم ليهو راجل طائر نحوها ويقول: الصاروخ جاك يا قمر :D
خالد الحاج
05-04-2009, 06:48 PM
وآخيرا سينضم عضوا آخر ل "جمعية مظاليم الزواج" في سودانيات
الدوام لله يا محمد :( آمانة ما وقع راجل
تعرف أنا كنت قايل الموضوع "كذبة أبريل" أي والله ..
أتاريك وقع وما سميت ..
نقول شنو عاد
مبرر .... رووووووووووووووووك:D
يقطع الله العزوبية ... وبيوت العزابة !!! الحال الشلش !!! مشاوير المكوجية !!!
البوش البوّش بالواحد ...
تطلع زي الطلعت روحك ضهبان ... والدهِج !!! ما أدراكم ما الدهِج ...
العزابة الذين يقصّرون العيشة والعمر في آن !!!
ملامحهم كآبة ... وسحنتهم خرابة ... يلتحفون السقف ويفترشون أوجاعهم ... وحِتّة من حتّى ...
كرعينهم ناشفة ... ورؤوسهم ناشفة برضو ... وقلوبهم واجفة ... يخافون الراجفة ...
وينتظرون (الراجمات):D بفارغ الصبر حيث لا حول لهم ولا قوة ... وليس لديهم ما يخسرونه !!!! بايعنها بايعنها ... الله يلعن بيع الزنقات ...
يشوتون المدردقة ضفّاري ... ويجلو أهمّ حاجة !!! ثم يوزعون الاثم في الطرقات الخلفية والأزقة الضيّقة زي الما حصل شي !!!
يتوثبون للصيد المطرّف ... إن كان غزال البر نافر أو غير ذلك ... المهم صيّاد في النجوم الخرّت!!!!
يبدلون الذي هو أدني بحلة المنيوم مهترئة أكل منها الدهر معاهم وما فضّل فيها حاجة ... ثم يكبون زوغتهم المعتادة بكل يُسر ...
وداعاً أيها المِلة المبشتنة التائهة ... المغلوب على أمرها وساكتين كالمغشي عليكم دنيا وآخره ...
وداعاً للمشاوير الطويلة التي كُتبت علينا ... والبال القصيّر !!! وصديق سرحان ... واريت النوم يزورني اليوم ... سهر الليالي الكان طوالي !!!
وداعاً للقلق والهواجس والزهج ... وقومة الليل التكابس غير قومة النفس التي طلّعت زيت الواحد !!!
سأكتب عن ملايين المكبوتين الغلابة ... وماكلنها في حنانم ... والساكتين بالوجعة ... وغلبتم الرجعة ...
الذين أكلو نارهم مرارا وتكرارا من سكات وما زالوا يأكلونها قِلة حيلة ... وما زالوا يحبذون الملح أينما وُجد ... كعزومة طايرة أو وصلني معاك انا في طريقك ،،، وطريق الشوق خالي محطات ...
الذين ما زالت تتربص بهم الدوائر ... دائرةٌ دائرة ... ودائرة الشك أكبر لو كانوا يعلمون ...
تحسبهم كتار وهم مزاميز مجدعين ويرعى فوقهم اليُتم ... ويرقدون قش من قولة تيت :D...
وداعاً لدامات الديناري والهارت ودوهات الزبالة (الزمن دا كلو نعاين ليهن مرسومات ... جا الوكت البنشوفن يفرفرن) قالو لينا حلاة الدخان والحنة في دامة الديناري والهارت!!!
اها وناس كراعك خمسين ... وجوطات الخرخرة ... والدك القانوني ... وهي جاني جوكر ...
ولو سمحت ما تعاين في ورقي ريحة خشمك ما حلوة (دي بتكون في السر)
وداعاً لأولاد الحرام . أسودهم والشيريا واحيانا القاعدين قدامك ... والاثنا التي تحبني وأحبها مسيخة ...
وداعاً لطرابيز العزابة المايلة كعادتها نسبة لكثرة المتضهبين وأبناء السبيل والمخروتين ...
ملاياتهم المكرفسة في طرف أسرتهم المكلوجة والتي لا تستطيع الصمود فوق أكثر من ثلاث من ذوي الجتة المبغبغة خليجيا...
شباشبهم المجدعة فوق بعض بلا ضمير ... ورائحة جزمهم التي تجيب الضهبان !!! وشراباتهم ما أن تصبح الواطة إلّا ويلقوها إتلحست:D ...
كدايسهم نحيفة :D... والكلاب لا تعتب أبوابهم البتة :D... فعظامهم نظيفة ... ويحسنون الماعون كما يجب ككرت كرتونة :D...
وداعاً لغسيل العدة البدون جونتيات ;)... المكانس المزعجة ... والموكيت ... وإتكالية بعضهم على بعض في الملبس والشدشدة وما مهم مقاسك كم:D ... ودا يومك والعدة عليك ... والحلة البتحرق عادي !!!
وداعاً لفرفرة المراتب ... والمخدات الزهجت مننا والبطاطين التي تكتم النفس!!! والحمام بالدّور إتا وصحيانك بدري ...
وداعاً لمنبهات الكاسيو البت نقنق بريق ناشف وكأنو زهجان منك وزهّجتو...
وداعاً لضيوف آخر الليل الما متعشيين المهمشين ... مقطوعي الراس ... والفاقدين دليل ... والمبشتين وهم كُثر ...
وداعاً للذين (يقرطعونه) كموية صحة;) ... البطونهم بشاكير وأحواض رملة ... وذلك الذي شايل سنامو وعطشان ...
وداعاً لأكياس النايلو ... برنسيس النضارات ;) ... المسامير التي تئن تحت وطأة بنطلونات الجينز الوسخانة وتقيلة ...
وداعاً للحديث المبتذل عن جكسٍ إسترخص نفسة وباعها بثمنٍ بخس وأصبحن حديث المخاليق الوهم ... يخس على دي سيرة وانفضحت :D...
وداعاً لكل من سوّلت له نفسة المرضانة بالسوء إلا من رحم ... من ألفاظ وحركات كهشّك بشّك ... والطالع صولة !!!
وداعاً لريسيفرات الهوت بيرد ... الجكس المشفّر ... (ولا تدري وين تودي وشّك هذا المساء) وتحكي الوجعة... القنوات السخيفة المكررة وكضبها الما بغبانا ...
وداعاً لصحن الفول اليومي بنفس زيت البذرة وشمار البشر ... علب التونا ... وقام القطر ... والكلاكلة غرقت :D:D ...
وداعاً للشخير الذي أطاح بجل أحلامي الليلية الجميلة ... كركبة أنصاص الليالي من الذين يعانون الأرق ... وكان من المفترض أن اعيشها واقع لا محالة ... بكل رومانسية واثبات هوية ...
وداعاً للمنكوبين في بيوت العزابة ... في مشارق الأرض ومغاربها ... خصوصن عزابة السعودية :D:D (كامل تضامني معهم)
وداعاً لأوجاع المفاصل والروماتيزم والضهر وأحيانا التِصِنِع كزول طايره ليو في راسو ...
يعني الواحد كان ماشي بنص كلتش ... أقصد بنص دين ... دا كلام دا!!!!!!
وداعاً لبتاع البقالة الجنو يغالطك ... وحسن كج ورفاقة الضالين ...
وداعاً لعمر فلنكة وخالد بوبينا وبعض الرمتالة الخوازيق هنا وهناك وما أكثرهم نفرا وأقلهم حيلة ... لهم المغفرة ورضوان من الله ورحمة في باقي الليل دا...
وداعاً لوليد كيلومتريك خالي الضمير الذي فقأ عينة حين جكس ... وبكى باقي عمرو !!!
أهلا بعصام المرتاح وصحبه الذين سبقونا بالدخان ... وبعض كَبَريت حين زنقة أو لا زنقة بحاجة تزكي الانوف ...
أهلا بأحمد خالد الذي عزف أجمل المقطوعات بايحاء غريزي بحت وشحتف باقي الشلة فاصبحوا يكوسون حق النص حتى لو بقرض يقرضوهو في اسبوع وبعدها الله كريم ...
أهلا بالذين عزفوا أوبريت الملحمة الملهمة الكبرى في ليلةٍ إكتمل فيها القمر بدرا بالتمام ... وعاشوا باقي العمر عمرين ... أخخخ أنا من سائق البوباي ...
قال ابريل قال !!!!!
كل أبريل ونحن براميلا تكركب !!!
وأكثر الضجيج ياتي من البراميل الفاضية التكركب !!! كررو كرو ...
لا تجعلونا نداقش في كيمانها وهي ماشة بينا ... وبدوننا...كاسحة لا محالة ...
ههههههههههههه
اها ياربي المسلسل المكسيكي حينتهي
المكسيكي حيبدا ... بداية ناصعة البياض ...
غسيل بشر ...
وغسيل أموال في بشر ...
والله يغفر لينا ...
.
.
شيلي يدك من الريموت ...
ابوريم
05-04-2009, 07:22 PM
الف مبروك
وان شاء الله العسل يطول دهر بدل شهر...
اخوي الاكياس وراك وراك وعتالة الموية وانبوبة الغاز علي الاقل العزابة بيخففوا الشيلة
لسة راجيك كتير ....الوحم وطراشو... كتر من الحمام والارياحقايل روحك بتفارق الفول والتونة؟ منو البخش ليك مطبخ؟
التسنين وما ادراك ما حمى الليل البنزلوها بي طشت الموية الباردة والانتظار في ردهات العيادات وما ادراك ما نصب الدكاترة...
ما داير اسد نفسك...ضيوفك ديل شنو الما بحسو ديل ... اهلك ديل واهلي والاجازة والحوامة في السوق عندك صبر عليها؟
كفى....
مـــــــــــــــــــــــــــــــــــــبروووووووووو ووووووووووووك
علي الخروج من علبة البوهية الحمرا
وقعت ما سميت
العزابة بس بشخروا؟
عادل عسوم
05-04-2009, 07:29 PM
الرجل المغادر الى عوالم اخرى :D
ما أطعم رفدك يامحمد!
لكني أقولها لك ولا ابالي...:D
كم أجدني أرى -بنصف عين -وثاق حنينٍ يشدك عوالمك التي تهجو!
فالهجاء الذي يُتَلمّسُ -من بعده- (أنبتاتاً) ...لا يعتوره عنفوان كالذي نجد looool
الكثير من الناس يهنؤن حيث (يغادرون) ...طالما تباعد غرسهم وخف (شحم) كسبهم!
ان كنت كذاك فستهنأ لا محالة;)
مبرووووك
أقولها (وأنت القريب الى النفس)...
بارك الله لكما وعليكما وجمع بينكما في خير
ابو حميد والله الف الف مبروووووووك
ومرحبا بك فى عالم يزغرد فرحا بانضمامكم اليهgooodgooodgoood
والله انا قلت دى كضبة ابريل وان شاءالله بمر على البوست ارمى لى درابة
لكن وكت بقى جد جد تانى مبروك يا عريس ربى يهنيك ويتقيك ويوقيك ويطرح البركة فيك
وبالرفا والبنين
أبومناهل
06-04-2009, 06:55 AM
مبروك مقدماً لعريسنا محمد أبوعاقلة
ومبروك الأصلية بعد الفاتورة . .
وشكراً ليك يارشا على الأخبار السارةاريتا سيرة الحشا والفشا يا ود امي :D:D
غايتو سمع اضاني العروس قالت ليكم كان ما جبتو ليها يخت الامبراطور هيلاسيلاسي هدية عشان تقضي فيو شهر العسل ولاااااااا بتعرس ليكم محمد :D:D
مش هي عرست محمد بنديها أي حاجة :D:D:D
اوبوعاقلة الف مليون مبروووك وبيت مال وعيال ....
وربنا يتمم ليك بألف خييير....
بي مناسبة العرس ... عندي صديق عزيز ... كان زواجة بعد زواجي بشهر يعني قبل 8 اشهر....
اها الزول دا مسك ابوه وقال ليهو ياخ انت من يوم ما ولدوني مكرهيني نصايح .. كدا صاح وكدة غلط واعمل حسابك من كدة وامشي في طريق كدة.... إلا مرة واحدة لما جيت اعرس اصلو ما نصحتني ،، ليه ::::؟؟؟؟؟؟:confused:
ابوه رد وقال ليهو يعني انحنا نصحونا لم جينا نعرس...:Dgoood:D:p
اصلو القسمة ما معروفة ليا وليكا كانت خافية ...
ويدوم سعدك يا عبد العزيز وربنا يهنيك ...
النصيحة بندورا والحارة بنخوضا بس يا ريت ما تبخلو علينا بحنك اليوم الأول ونقة الدخلة;) والمكنة المناسبة اللي ممكن تقسم بدون آثار جانبية ...
جني وجن العروس البتدنقر راسا وتعمل فيها خجلانة وتقول ليها اي حاجة تقوم (تؤمي) بحاجة ما مفهومة تعني آآآآيييي ...
وجني وجن البتتحنكش بدون امكانيات ... فنحن نحبذها مدردحة وتفتيحة وواقعة من السما بكل بساطة ...
عندي صديق عزيز ... كان زواجة بعد زواجي بشهر يعني قبل 8 اشهر....
سجمي يا العريس اب8شهور
دا كلام شنو؟
:eek::eek:
قال ليك زواج صديقو بعد زواجو بشهر ... يعني قبل تمنية شهور من زواج صديقو ... يبقى زواجو هو (اي عبدالعزيز) كان متين ؟!!!!!goood
تاني قولي سجمي !!!!
http://sudaniyat.net/up/uploading/4-1-2009 4-26-25 PM.png
دآ وحسب قدرتي والعريس بستاهل أكترgooodgooodgoood
اظهرت بعض قدراتك الخفية وحركاتك ع الفوتوشوب ...
لو بلصقوها كدا كنا عملنا اسطول براااحة يا الحبيب ويا اجمل الحلوين ...
شكرن يابا ... واسفيريا نعتبرك ولي أمرنا وسندنا وضهرنا يوم ينقص ضهرنا ...
ومافي إلّا إتو حمالين الأسية وقشاشين الدموع ...
ومردودة ليك يابا في عرسك لو ربنا قدرك
باقي ليك كم فرصة ما تخاف;) ...
مبروك وبالرفاه والبنين
اها مما نوينا نعرس بنات حوا ظهرو!!!
متين جيتي؟ ومتين اشتركتي؟ وموضوعك شنو ؟
ومشاركاتك دي كانت متين ؟
غايتو ،،،
الله يسلمك يا بت أمي ...
ونجيك في السمح ...
لا تقولي :D:D
نبارك و بالرفاه و البنين
و قطع شك انا حاضر العرس البهجة دا باي طريقة ،،
و العروس انا خمنتها و تخميني ما بقع واطة و مبروكة و تستاهل كل خير ..
و الفنان قطع شك الطيب مدثر لو لسة مركلس معاكم في الدوحة ..
تخميناتك كلها فشنك !!!!
مع إني عارف شطحاتك ودتك وين ... وحال لسانك حلو كيف ...
اللخو ماف زول غيري فتّشك وقلّبك على نار هادية ونقش حركاتك يا بوكش ...
الله يبارك فيك يا سند ...
يا فردة في الزمن الصعب ...
بجيب ليكم فيديو الحفلة هنا لو الرقابة ما عندها مانع:D;) حتى تطلعو على آخر تقليعات وطقوس الزواج وكيف يمسكون العروس من يدها:D ... وما إلى ذلك من حركات نص كم ...
قالو لي الموضوع فيهو خيل ...
الله يستر ما تكون الخيل البت جقلب:D:D ... تكسر فينا مخروقة أو نحو ذلك!!!!
بس لو ختينا 1/أبريل
لو ختيت أنا واحد مايو مااااااب تجيني عوجة تب ...
الخوف من الطيران ...
وربنا يجيب العواقب سليمة ...
تحفة حوا
06-04-2009, 08:12 AM
اها مما نوينا نعرس بنات حوا ظهرو!!!
متين جيتي؟ ومتين اشتركتي؟ وموضوعك شنو ؟
ومشاركاتك دي كانت متين ؟
غايتو ،،،
الله يسلمك يا بت أمي ...
ونجيك في السمح ...
ود أبو عاقلة بطل استهبال لو عايز تعرف مشاركاتي بتفتشا وتلقاها بس قول انك بقيت ما فاضي والشاغل بالك يتهنابو :D
وهو بعد نويت تعرس بعدا بنات حوا دايرات بيك شنو :D
بعد دا خليك في حوتك وأنسانا :D
وارجع لي اخر مشاركة في بوست انبراشة رجل أمام ...... :D :D
ربنا يجعل بينكم الرحمة والمودة أن شاء الله :)
wadosman
06-04-2009, 08:14 AM
يا زول الف مبروووك
و بيت مال وعيال و ربنا يسعدكم و يهنئيكم..
غايتو برضو عاملين حيطة....;)
مالك شايف عليو شنو؟ ما يشبهش يا اخويا والا ما يشبهشي :D:D:D
لا ... يشبهشي ... وأدها وقدوووووود ...
تالا صديقة هيثم :D:D
يا بت دا عريس الموسم وعروس الموسم وعرس الموسم..
حصلي بس احجزي الفيرشن حقتك من البوست دا قبل الموسم ما ينتهي :D:D:D
هي تحجز كم مرة ;) شغلة هي;) ... القناعة كنز يا بت ... قالو ليك كنز ...
ما تكون قنبلة يختي :D:D
قنبلة من متين يا بت أمي ... البت ما زالت نيو بمبر وتتلمس طرقها بخطى ثابتة وتتحسس موطن البهجة فينا ...
فخليها تبتهج عسى أن تجد لها مخرجا للطوارئ أو حاجة من تلك القبيييييييل!!!!
العشمانشيال :D:D دي فيها هوبا يا فردة...
jezabell
06-04-2009, 10:06 AM
ما عارفة ليه في تلك اللحظة اتذكرت المثل القائل:
التسوي بي ايدك يغلب اجاويدك :D:D:D
لا بقول :D
يا زول هوووي خمنت شنو كمان.. دي عروس حصرية :D:D
وماف زول جاب خبرها حتى الان.. هو اذا كان العريس زاااااتو ما قدر :D:D:D:D
إتي كمان ما تبالغيش اوي كدا!!!
هو شنو هو ... عرس كورة وزي ما تجي تجي ...
فشششر ...
اختيار مدروس واختبار ينم عن موهبة في الاختيار ...
ايوا صحيح ما حصل قعدنا الجوز وفيس تو فيس في حياتي لكن الحب والذي منو بجي مع العفش ... زي ما قالت حبوبتي ...
بت راحات ومقندلة ومستتة ولم تضربها الشمس إلا في حالات نادرة :D... بت العمارات السوامق والأسامي الأجنبية ... وتعتقد أن العلاقات الانسانية تبدأ ببخة عطر وتنتهي بشمة :D:D
بدور التركي
06-04-2009, 10:09 AM
إتي كمان ما تبالغيش اوي كدا!!!
هو شنو هو ... عرس كورة وزي ما تجي تجي ...
فشششر ...
اختيار مدروس واختبار ينم عن موهبة في الاختيار ...
ايوا صحيح ما حصل قعدنا الجوز وفيس تو فيس في حياتي لكن الحب والذي منو بجي مع العفش ... زي ما قالت حبوبتي ...
بت راحات ومقندلة ومستتة ولم تضربها الشمس إلا في حالات نادرة :D... بت العمارات السوامق والأسامي الأجنبية ... وتعتقد أن العلاقات الانسانية تبدأ ببخة عطر وتنتهي بشمة :D:D
:p:p:p:p:p
الأغبش
06-04-2009, 10:13 AM
غايتو انا متحير جداً جداً ...
[size=5][font=Verdana][color=#FF0000]وبالأحمر تضامناً مع العريس المحبوس
ههههههههههه
تصدقي الا امبارح حتى بديت اكتب بالاحمر يا بروتساية...
وأحمر الصورة ما هان علي ... نرجعو وترجع ايامنا الجميلة ...
يا جميلة ;) (معليش اعتبريها تلجاية حاقصة لي)
بدور التركي
06-04-2009, 10:19 AM
غايتو انا متحير جداً جداً ...
تانى من جديد:p
مشتاقين اقسم بالله مشتاقين
شوق ما بقدر اوصفو:p
jezabell
06-04-2009, 10:19 AM
يقطع الله العزوبية ... وبيوت العزابة !!! الحال الشلش !!! مشاوير المكوجية !!!
البوش البوّش بالواحد ...
تطلع زي الطلعت روحك ضهبان ... والدهِج !!! ما أدراكم ما الدهِج ...
العزابة الذين يقصّرون العيشة والعمر في آن !!!
ملامحهم كآبة ... وسحنتهم خرابة ... يلتحفون السقف ويفترشون أوجاعهم ... وحِتّة من حتّى ...
كرعينهم ناشفة ... ورؤوسهم ناشفة برضو ... وقلوبهم واجفة ... يخافون الراجفة ...
وينتظرون (الراجمات)بفارغ الصبر حيث لا حول لهم ولا قوة ... وليس لديهم ما يخسرونه !!!! بايعنها بايعنها ... الله يلعن بيع الزنقات ...
يشوتون المدردقة ضفّاري ... ويجلو أهمّ حاجة !!! ثم يوزعون الاثم في الطرقات الخلفية والأزقة الضيّقة زي الما حصل شي !!!
يتوثبون للصيد المطرّف ... إن كان غزال البر نافر أو غير ذلك ... المهم صيّاد في النجوم الخرّت!!!!
يبدلون الذي هو أدني بحلة المنيوم مهترئة أكل منها الدهر معاهم وما فضّل فيها حاجة ... ثم يكبون زوغتهم المعتادة بكل يُسر ...
وداعاً أيها المِلة المبشتنة التائهة ... المغلوب على أمرها وساكتين كالمغشي عليكم دنيا وآخره ...
وداعاً للمشاوير الطويلة التي كُتبت علينا ... والبال القصيّر !!! وصديق سرحان ... واريت النوم يزورني اليوم ... سهر الليالي الكان طوالي !!!
وداعاً للقلق والهواجس والزهج ... وقومة الليل التكابس غير قومة النفس التي طلّعت زيت الواحد !!!
سأكتب عن ملايين المكبوتين الغلابة ... وماكلنها في حنانم ... والساكتين بالوجعة ... وغلبتم الرجعة ...
الذين أكلو نارهم مرارا وتكرارا من سكات وما زالوا يأكلونها قِلة حيلة ... وما زالوا يحبذون الملح أينما وُجد ... كعزومة طايرة أو وصلني معاك انا في طريقك ،،، وطريق الشوق خالي محطات ...
الذين ما زالت تتربص بهم الدوائر ... دائرةٌ دائرة ... ودائرة الشك أكبر لو كانوا يعلمون ...
تحسبهم كتار وهم مزاميز مجدعين ويرعى فوقهم اليُتم ... ويرقدون قش من قولة تيت
وداعاً لدامات الديناري والهارت ودوهات الزبالة (الزمن دا كلو نعاين ليهن مرسومات ... جا الوكت البنشوفن يفرفرن) قالو لينا حلاة الدخان والحنة في دامة الديناري والهارت!!!
اها وناس كراعك خمسين ... وجوطات الخرخرة ... والدك القانوني ... وهي جاني جوكر ...
ولو سمحت ما تعاين في ورقي ريحة خشمك ما حلوة (دي بتكون في السر)
وداعاً لأولاد الحرام . أسودهم والشيريا واحيانا القاعدين قدامك ... والاثنا التي تحبني وأحبها مسيخة ...
وداعاً لطرابيز العزابة المايلة كعادتها نسبة لكثرة المتضهبين وأبناء السبيل والمخروتين ...
ملاياتهم المكرفسة في طرف أسرتهم المكلوجة والتي لا تستطيع الصمود فوق أكثر من ثلاث من ذوي الجتة المبغبغة خليجيا...
شباشبهم المجدعة فوق بعض بلا ضمير ... ورائحة جزمهم التي تجيب الضهبان !!! وشراباتهم ما أن تصبح الواطة إلّا ويلقوها إتلحست
كدايسهم نحيفة ... والكلاب لا تعتب أبوابهم البتة .. فعظامهم نظيفة ... ويحسنون الماعون كما يجب ككرت كرتونة...
وداعاً لغسيل العدة البدون جونتيات ;)... المكانس المزعجة ... والموكيت ... وإتكالية بعضهم على بعض في الملبس والشدشدة وما مهم مقاسك كم... ودا يومك والعدة عليك ... والحلة البتحرق عادي !!!
وداعاً لفرفرة المراتب ... والمخدات الزهجت مننا والبطاطين التي تكتم النفس!!! والحمام بالدّور إتا وصحيانك بدري ...
وداعاً لمنبهات الكاسيو البت نقنق بريق ناشف وكأنو زهجان منك وزهّجتو...
وداعاً لضيوف آخر الليل الما متعشيين المهمشين ... مقطوعي الراس ... والفاقدين دليل ... والمبشتين وهم كُثر ...
وداعاً للذين (يقرطعونه) كموية صحة;) ... البطونهم بشاكير وأحواض رملة ... وذلك الذي شايل سنامو وعطشان ...
وداعاً لأكياس النايلو ... برنسيس النضارات ;) ... المسامير التي تئن تحت وطأة بنطلونات الجينز الوسخانة وتقيلة ...
وداعاً للحديث المبتذل عن جكسٍ إسترخص نفسة وباعها بثمنٍ بخس وأصبحن حديث المخاليق الوهم ... يخس على دي سيرة وانفضحت ...
وداعاً لكل من سوّلت له نفسة المرضانة بالسوء إلا من رحم ... من ألفاظ وحركات كهشّك بشّك ... والطالع صولة !!!
وداعاً لريسيفرات الهوت بيرد ... الجكس المشفّر ... (ولا تدري وين تودي وشّك هذا المساء) وتحكي الوجعة... القنوات السخيفة المكررة وكضبها الما بغبانا ...
وداعاً لصحن الفول اليومي بنفس زيت البذرة وشمار البشر ... علب التونا ... وقام القطر ... والكلاكلة غرقت
وداعاً للشخير الذي أطاح بجل أحلامي الليلية الجميلة ... كركبة أنصاص الليالي من الذين يعانون الأرق ... وكان من المفترض أن اعيشها واقع لا محالة ... بكل رومانسية واثبات هوية ...
وداعاً للمنكوبين في بيوت العزابة ... في مشارق الأرض ومغاربها ... خصوصن عزابة السعودية (كامل تضامني معهم)
وداعاً لأوجاع المفاصل والروماتيزم والضهر وأحيانا التِصِنِع كزول طايره ليو في راسو ...
يعني الواحد كان ماشي بنص كلتش ... أقصد بنص دين ... دا كلام دا!!!!!!
وداعاً لبتاع البقالة الجنو يغالطك ... وحسن كج ورفاقة الضالين ...
وداعاً لعمر فلنكة وخالد بوبينا وبعض الرمتالة الخوازيق هنا وهناك وما أكثرهم نفرا وأقلهم حيلة ... لهم المغفرة ورضوان من الله ورحمة في باقي الليل دا...
وداعاً لوليد كيلومتريك خالي الضمير الذي فقأ عينة حين جكس ... وبكى باقي عمرو !!!
أهلا بعصام المرتاح وصحبه الذين سبقونا بالدخان ... وبعض كَبَريت حين زنقة أو لا زنقة بحاجة تزكي الانوف ...
أهلا بأحمد خالد الذي عزف أجمل المقطوعات بايحاء غريزي بحت وشحتف باقي الشلة فاصبحوا يكوسون حق النص حتى لو بقرض يقرضوهو في اسبوع وبعدها الله كريم ...
أهلا بالذين عزفوا أوبريت الملحمة الملهمة الكبرى في ليلةٍ إكتمل فيها القمر بدرا بالتمام ... وعاشوا باقي العمر عمرين ... أخخخ أنا من سائق البوباي ...
قال ابريل قال !!!!!
كل أبريل ونحن براميلا تكركب !!!
وأكثر الضجيج ياتي من البراميل الفاضية التكركب !!! كررو كرو ...
لا تجعلونا نداقش في كيمانها وهي ماشة بينا ... وبدوننا...كاسحة لا محالة ...
لوووووووووووووووووووووووول
كل دا وكاتم في نفسك يا محمد؟؟؟ :D
خلي بالك يا حبة لو ما كنت فتحت البوست دا كنت مت غبينة ساااااااااااااااااي :D:D:D
بدور التركي
06-04-2009, 10:20 AM
وقلبنا الزفة
زفة العروسةlooool
ايووووووووووووووى ....ايووووووووووووووى .... ايووووووووووووووى .... ايووووووووووووووى
أبشري وسكتي الخشامة يا بت ...
اليويوة عندك ويخلوها ليك يا كاربة ...
رايك شنو نعينك وزيرة غير مقيمة ...
يعني تمشي وتجي ... او نجيكم ونمشي ... وهكذا دواليك ...
الله يخليك يا فردة يا صديقتي الوحيدة في سودانيات حسب الكروس القاعد جمب اسمي ...
عقبالك كدا ويا ريت يكون واحد من طينتي ...
من الذين لا يطينون العيشة ...
ولا يسألون الناس الحافا وعدم شغلة !....
الأغبش
06-04-2009, 10:28 AM
تانى من جديد:p
مشتاقين اقسم بالله مشتاقين
شوق ما بقدر اوصفو:p
ياسمين ازيك .. اريتك طيبه
خلي الوصف للحاجات البتتوصف ...
ارقدي عافيه
jezabell
06-04-2009, 10:29 AM
إتي كمان ما تبالغيش اوي كدا!!!
هو شنو هو ... عرس كورة وزي ما تجي تجي ...
فشششر ...
اختيار مدروس واختبار ينم عن موهبة في الاختيار ...
ايوا صحيح ما حصل قعدنا الجوز وفيس تو فيس في حياتي لكن الحب والذي منو بجي مع العفش ... زي ما قالت حبوبتي ...
بت راحات ومقندلة ومستتة ولم تضربها الشمس إلا في حالات نادرة :D... بت العمارات السوامق والأسامي الأجنبية ... وتعتقد أن العلاقات الانسانية تبدأ ببخة عطر وتنتهي بشمة :D:D
فكو وطار :D:D
قلت لي ما حصل قعدتو مع بعض فيس تو فيس؟
طب فيس تو قفا ياااااااااخ.. برضو ما حصل؟؟ :D:D
يا زول هووووووووووووووووي
البوست بوستي والعرس عرسي وقررت اطرشقو خلاص :D:D
اها من هنا لي شهر خمسة.. يا تلقى ليك قارورة من العمارات السوامق البتقول عليها دي.. يا كمان تجيب لي قارورة عطر عشان اشوف موضوع الانسانية دا ماشي علي وين :D:D:D
الأغبش
06-04-2009, 10:30 AM
غايتو انا متحير جداً جداً ...
ولي حق ...:p
الفاتح
06-04-2009, 10:31 AM
يا بنج قصة..
the person U R calling is currently not avialble
دي شنو ؟ من هسًه بقيت لا يمكن الوصول إليه؟
بدور التركي
06-04-2009, 10:35 AM
ولي حق ...:p
حقك عليَlooool
يا دكتور
jezabell
06-04-2009, 10:36 AM
يا بنج قصة..
the person U R calling is currently not avialble
دي شنو ؟ من هسًه بقيت لا يمكن الوصول إليه؟
قافلو من قارورتو :D:D:D
jezabell
06-04-2009, 10:39 AM
ولي حق
طولت ما رديت
بعدين معاك لو جيت
لو جيت..
ولو :p:p:p
محمد يستاهل.. وعروسو ما تستاهل :p..
الغيرة التي قصمت ضهر الحريم ... وقسّمت فينا !!!!
ما يموتن.. موت الضان :D:D
ما زالت تهيمن على مجريات الأحداث ...
الغيرة برضو !!!!
وييييين يا بت مشتاقييين وحياتك
العريس جاي الخرتوم يوم واحد مايو يا منولة والعرس يوم اربعة وانا عيد ميلادي يوم خمسة :D:D:D
غايتو ابدو حوشو للهدايا من هسي وكدا :D:D
قلنا يوم خمسة خمسة وكل سنة وانتي طيبة ...
العمر كلو ...:p
jezabell
06-04-2009, 10:51 AM
ما زالت تهيمن على مجريات الأحداث ...
الغيرة برضو !!!!
لووووووووووووووووووووووووووول
:D:D:D
غايتو انا ما بكضب.. غيرانة شديييييييد من الانفيزيبول برايد دي :D:D
انت بالمناسبة.. الريدبول حتشيلو باسنجر لاقيج والا نشحنو ليك كارقو :D:D:D
جهجهتونا لكن ... إنتو عريسكم ده مستنسخ ولا ّ شنو ؟ :D نحن رتبنا أمورنا إن شاء الله يوم 1-5 نكون معاكم في الدوحة عشان نحضر اللعبة .:).. يقوم يكب الزوغة ويجري الخرتوم :D
يا شبارقة قلنا ليكم يوم واحد تيك أوف
ويوم خمسة اللاندينغ ...
ويقام الحفل بصالة الملوك جوار القرين فيلدج وعلى السادة الحضور ما يجو يد ورا وكراع قدام ... تُرْهِقهم العجلة وحانفي الوشوش ...
الرجاء الحضور بالملابس الرسمية ... بدل وكرفتات وفيونكات ... وبودي لوشن بالفواكه ... والأهم من هذا كله اسبراي الحتات الضيقة :D:D
ونو جلاليب ... نو عمم ... نو مراكيب ... وفي حالة الالتزام بهذه الاجراءات اعملو العاوزنو بدون تتكلمو في السياسة ولا الكورة ...
ومسموح الكلام بالعيون أو وس وس ... بدون الالتزام بالأماكن ...
والأماكن كلها مشتاقة لك ....
الأغبش
06-04-2009, 11:00 AM
طولت ما رديت
بعدين معاك لو جيت
لو جيت..
ولو :p:p:p
حيران أسائل نفسي إيه كان السبب ..
jezabell
06-04-2009, 11:00 AM
غايتو لو ما كانت حوصة علي حسب الصورة الوريتني ليها ديك ما عارفاك كنت سويت شنو :D:D
المهم انو صحن العشا بتاعي ما عافياو ليك كان ما جبتو لي معاك تيك اوف :D:D
كل مايو وانا ثورة :D (عااااااارفة البعض حيقراها كيف :D) متفجرة الطاقات والمفاجات :p:p
وكل سنة وكلكم طيبين gooodgoood
الأغبش
06-04-2009, 11:03 AM
ولي حق ...:p
الساعه واحده جات .. اسوق حيرتي واتفكفك احسن ...
عاوزة تعرس في الغربة يعني والا كيف؟ :D:D
في حاجة اسمها طرد ... بصحبة راكب أو بدون ...
فلمن يجي اول مرة بجي داقس ... وغالبا ما بتجي بصحبة راكب ... الأمر الذي يثير اشمئزازي ... ولو اكلتو في حناني !!! الاشمئزاز طبعن :D
لكن دي اهلها ما برضو .. وخايف تبقى علي ذلة ليوم الدين ...
فقلت احسن امشي للفنانين في حتتم بدل اجيب تلاتة فنانين وخمسطاشر عازف ...
وعشان اريحا برضو من المشاوير الطويلة وركوب الطيارات الزهجت منها ...:D
الأغبش
06-04-2009, 11:17 AM
عذراً السادة ضيوف هذا البوست ..تنويه صغييييييييييييييييييييير
سقطت (سهواً) كلمة في بداية هذا البوست وجب التنويه لها ... وهي (أخ) قبل اسم محمد ابو عاقله ....
لأني ماشي وما بقدر انتظر نهاية الموضوع ده حاولت أصل براي ....
رشا سلام منتظرين اخر الفلم
تحوطا كدا
لو قلتي الف مبروك بتخسري شنو يا اللخت ؟ (وش حسرة)
نبارك للعريس (إذا صح الخبر) بس سؤالي يا رشا: علاقتك شنو بالموضوع؟
انتي وزيرة منو فيهم العريس ولا العروس؟
....
اظهر ياعريس
رشا دي القائم بالاعمال ... وقاعدة بيها :D:D:D وما مريحانا...
الله يبارك فيك يا اسامة ونشوف وشك بخير ...
خالص تمنياتي بحياة زوجية سعيدة
همس الشوق
06-04-2009, 11:32 AM
العريس
النفض الكيس
وضبح الكديس ولا ضبحوها ليهو الله يعلم
لكن ما قلته لي مالك طالع في السخانة دي ما قالوا محبوسgoood
بدور التركي
06-04-2009, 11:32 AM
ممكن اشارك بالأغنية دى( وش خجلان):D
http://variety.salmiya.net/songs/wedding/ram/wedding32.ram
همس الشوق
06-04-2009, 11:35 AM
عذراً السادة ضيوف هذا البوست ..تنويه صغييييييييييييييييييييير
سقطت (سهواً) كلمة في بداية هذا البوست وجب التنويه لها ... وهي (أخ) قبل اسم محمد ابو عاقله ....
لأني ماشي وما بقدر انتظر نهاية الموضوع ده حاولت أصل براي ....
الأغبش
سلامات يا لزيز
يعني هو إنت ما من الرجال المشو للخطبة ( اكسر لي الخا دي يكسر رقبتها)
والله الف مبروووك
وعقبال كل البورداب الهنا
ومافي زول يقول بعد الشر
وتاني مبروك لو الموضوع ما اباريييييل ساي
وباريل دي جمع مؤنث سالم لابريل وكذباتو
ربنا يسعدهم يا رب
وح نتابع التفاصيل اذا ...
الموضوع جد ... وهل هنالك هظار ...
في ناس بدسو احوالم الاجتماعية لاسباب إجتماعية بعرفوها براااااهم :D:D...
وماااا بنعرف يعقوب في بالو شنو ...
تسلم يا ابو مجتبى ويسلم مجتبى من كل شر ...
والله يعدي ابريل دا على خير ...
أخونا محمد أبو عاقلة....
ألف مبروك وبيت مال وعيال ان شاء الله
وإن كانت كذبة أبريل برضو ألف مبروك مقدّماً...
ويييين قمر دورين ؟
أنا شفتك وين ؟
شوق محنبِك وامنيات بالجملة ...
من ديك وعيك ...
الشي شنو ؟
سمعتي ولا جابو ليك ...
تسلمي على التهنئة المن جوه قلبك
وعقبالك انتي كمان في اقرب وقت حسب الشي الشايفنو ...;)
لو كانت كذبة ابريل ولا ما كانت ، انا جهزت حالي و رتبت اموري و ماشي ليو
انت بتتوصى يا اللخو ...
عارفك قاعد على الهبشة ... وفارقة معاك ... وبت فتّش درب المزازيك بى وين من زماااان ... يا فيها يا تطفيها ... ياللخو مكانك شاغر وبدونك ما ببقى لكن نعمل شنو مع الغربة الجدعت الناس وفرقت الأهل وخلطت الامور زي ما خلطتك مع الخواجات ...
ولينا زمن نفتش ليك ...
وأما من كانت هجرتة لحاجات تانية فاحسن ما تورينا وشّك يا اللخو وأكل نارك كما نأكلها نحن الآن بوافر الوجع وخالص الضرائب :D ...
نزار حسن علي
06-04-2009, 11:53 AM
ود ابوعاقلة
يا جميل الف الف مبروك وبيت مال وعيال وترجع اكثر اشراقا
مودتي بلا حدود
:D:D:D
الوشوش لدوزنة المداخلة
ما عارفة ليه الموضوع.... ده ما بعرف...غايتوا.....:D
المهم !!! قدمّنا السبت...
لكن كمان في التانّي السلامة وفي العجلة الندامة ( الكلام ده ما للسيد العريس...ده لي الأخ الهميم فيصل سعد)
بعدين لو كانت دي كذبة أبريل صحي كيف يعني العرس لازم يتم!
يعني الفنانين يغنّوا لي منو والعازفين يعزفوا لي منو..وين العروس؟؟؟:confused:
غايتوا!..بخت المعازيم!
أها نرجع لي موضوعنا
تاااااني ألف مبروك
اسمعيني يا اللخت ...
الزول دا لو باريتيو راسك بسخّن ...
مش لو دوزنتي مداخلتك بشوية وشوش ...
استفغري واجرك علللله ...
قمر دورين
حلاتك لما تتغابي ...ماعرفتك؟؟
اتخيل نفس الاحساس ...
وكمان ما تقول فيني الملايكة :D...
لكن احيانا الغتاتة حلوة ...
وتعمل شنو يا حبيب ... نائم كما هم نائمون ...
وييييين يا بت مشتاقييين وحياتك
العريس جاي الخرتوم يوم واحد مايو يا منولة والعرس يوم اربعة وانا عيد ميلادي يوم خمسة :D:D:D
غايتو ابدو حوشو للهدايا من هسي وكدا :D:D
يا سلام حابكم فى الخرتوم و فى انتظاركم الفرح الكبير وعيد الميلاد ح يكون مميز و الهدايا خليها ساكت بس تصلو بالسلامة و تنورونا فى البلد و يا رشوية لو كنت برا الخرتوم برسل ليك عشان نتلاقى الشوق كميات من هنا الى ان تصلى الينا
محمد ابوعاقلة باقى الزغاريد فى الخرتوم وسط الاهل عموم و ابارك ليك الحنة و ربطت الهلال و تباريك كل النجوم و يسعد و يهنيك ... و الفنان خلى ساكت و الغناية البتسوى العديل و الزين لكن مهم نعرف اختيارك للفنان منو عشان نوزن عليهو ندى القلعة و لا سميرة دنيا و لا قسمة و لا .....:D:D:D
بالجنبة اكان انت بتعمل ده كلو يا فردة بختها العروسة و ليك حق تودع العزوبية و تاخذ اجازة و لا تابيدة لا ياخى ده محمد كلو ذوق و مفهموية و يساعد العروسة و يشارك الزوجة يا ود يا اصيل
مليون مبروك و فى انتظار فرحك فى الخرتوم
لاحولالالالا,
الكارثة محمد..
لقد غرروا بك يارجل..
:D
كلنا لها ياصديقى
كلنا لها :D:D
_________________________-
ياجماعة الحقونا بى تلفون الكارثة دا
خلوناالنعزيهو- أقصد- النبارك ليهو..
لكن جنس قرارات هي:D !!! اسكت ساي ...
غررنا نحن:D ... وبمحض ارادتنا أن نقطع دابر العزوبية ...
لكن خيمة العزا بعد سنتين ان شاء الله يا الجيلي ...
بس السنة الأولى دي لو عدت على خير ...
اكون حامدو وشاكرو ...
ويا ريت تتصل علي قبل العزا بوقت كاف عشان ما اتفاجا
قال أحدهم وكان متزوجا ً حديثا ً : الله يجازي الإتزوجو قبلنا وما نصحونا ... ويجازي الـ ح يتزوجو بعدنا وما يستشيرونا :D
اسمعني ياللخو ...
تعالو هنا قولو لينا المطلوب إثباتو شنو وبعديها بنتفاهم ... وخت في بالك العضلات تبش والصحة فِت ...
فقلت احسن تنصحوني بدل استشيركم وتوفرو علينا مشقة السؤال ...
خصوصن الأسئلة المحرجة ديك :D ...على وزن من هنا ولى فوق :D:D
jezabell
06-04-2009, 12:18 PM
http://sudaniyat.net/up/uploading/hga.bmp
:D:D:D:D
عبدالرحيم ابراهيم العبيد
06-04-2009, 12:22 PM
الف مبروووك
و بيت مال وعيال و ربنا يسعدكم و يهنئيكم
jezabell
06-04-2009, 12:32 PM
اسمعني ياللخو ...
تعالو هنا قولو لينا المطلوب إثباتو شنو وبعديها بنتفاهم ... وخت في بالك العضلات تبش والصحة فِت ...
فقلت احسن تنصحوني بدل استشيركم وتوفرو علينا مشقة السؤال ...
خصوصن الأسئلة المحرجة ديك :D ...على وزن من هنا ولى فوق :D:D
انت في زول قال ليك انا البوست دا فتحتو زاوية خاصة جدن؟؟ :D:D
غايتو ذكرتني مجلة الصبيان وانت تسأل وماجد يجيب "ارجو افادتي فأنا في حيرة من امري: اشعر ان صوتي اصبح اكثر غلظة ويداي شديدتا التعرق" :D:D:D
معتصم الطاهر
06-04-2009, 04:01 PM
ويداي شديدتا التعرق" :D:D:D
البراءة الفى شبابك
والطفولة الفى عينيك ..
الاتنين ما بتردوا
مالكم
فى الكُجرة ..
معتصم الطاهر
06-04-2009, 04:36 PM
نرجع لى محور حديثنا
بعد أن سمعنا خطبة وداع العزوبية
و شماتة أبلة ظاظا فيهم/فيهن ..
و يا ابو عاقلة صاحبك القريب ولا صاحبتك القريبة ..؟
بغر .. ليس إر ..
أسع بت الناس دى .. إلا تلبس أبرول
و تجيب معاها مخدة .. و حبوب فيتامين للسهر ..
و تصاقر بدر الدين .. و وجع الضهر ..
وقعاد براها ..
و دوامين ونص ..
غير الحاجات الخاصة الما عاوزين نقولها ..طبعا هي بتقرأ المنبر دا ..
و منبرها داك .. حيتقفل ولا حتتنقل انت هناك ؟
غايتو من أسع تشوف ليها شغلانية تنشغل بيها لحين عودتكم الميمونة للبيت
ميمون عارفنو ..انت ميمونة دى منو .. ؟
:D:D
ذكرتني كاريكاتير للمرحوم عزالدين في أوائل السبعينيات (بمناسبة وصول رواد الفضاء للقمر) راسم ليهو واحدة جميلة جدا ً وراسم ليهو راجل طائر نحوها ويقول: الصاروخ جاك يا قمر :D
قمر دورين ؟؟؟؟
محمد ياغتيت:(
قصدي ياعريس
ماتنفعك ونستي اليومداك ;)
وانا فاكرة الحكاية هظار
متأسفة الما جيت
ياخ مبرررروك شديد
وماتسمع كلام الحاقدين
ناس غررو بك
وبالله شهر العسل تعال لينا بي جاي
العروس حتكون معاك ؟goood
وبالله شهر العسل تعال لينا بي جاي
العروس حتكون معاك ؟goood
حتكون معاه جركانة
:)
قاصد جركانة عسل
نواريا
07-04-2009, 12:00 PM
وهسة العريس في شهر البصل goood
بابكر مخير
07-04-2009, 12:45 PM
واسفيريا نعتبرك ولي أمرنا وسندنا وضهرنا يوم ينقص ضهرنا ...
ومافي إلّا إتو حمالين الأسية وقشاشين الدموع ...
ومردودة ليك يابا في عرسك لو ربنا قدرك
باقي ليك كم فرصة ما تخاف;) ...
إسفرين وبحرن وجوآآن، أرضن وشمسن وقمرنا إتا...
جمبك وسندك..
بالله عليك التفاصيل عشان نكرب العمة وندلي العزبة وننشي جناح أم جكو ونسن السيف، ونغرق العنج في القطران عشان عريسنا يباطن الجنون ،،
ونشوف الآحلى في الأصوات، نجيبو يغني ونحي ليالينا..
ياباعندي إتنين، أكان حلال، أكان بنات حلال،
شوف، الصغار أول يفوزن بي شبيهك
أطمئن علي الإتنين حلالي قبال ما أفكر في البلادآ،،
الأولآ، غلط
التانية، هبل
التالتة، بلادآ
الرابعة، أخير من كدآ؟؟؟
الشبرين وإنتظار السألين...
إمنيات صادقة ونبيلة وبخت الفازت بيك
وآخيرا سينضم عضوا آخر ل "جمعية مظاليم الزواج" في سودانيات
الدوام لله يا محمد :( آمانة ما وقع راجل
تعرف أنا كنت قايل الموضوع "كذبة أبريل" أي والله ..
أتاريك وقع وما سميت ..
نقول شنو عاد
مبرر .... رووووووووووووووووك:D
مبروك لجمعية مظاليم الزواج ؟؟؟ !!! اصلي مجروح مرتين !!!!
البركة فيكم وفينا لو بطريقتك دي يا مدردق الواقفات:D !!!!
ولكن !!! قطع شك وما طالبني حليفة ... إستقرار
ينظرون اليه البرالمة على إنه دوزنة لوتر بني آدم دشدشه النشاز ...
وينظرون اليه السناير بعين واحدة ... ومرة مرة ما شايفين ... وطواااالي عاملين رايحين ...
طبعن بعد لحسو العسل وقعدو يتلفتو !!!
الطريقة والمقادير لضمان استمرارية الشعور...
ملعقة عسل صغيرة كل شهر ...
ترشيد المقادير بقدر الممكن والمستطاع ...
ابتسامة واحدة تكفي من صباح الرحمن لغاية تاني يوم ...
عدم الاستهتار بالخصم (براك عارف كيدهن):D
قالو لينا انكحوهن لأربع ... ودي فيها ستة ...
عرض وطلب ومواصفات ... ومطابقة جودة والذي منو ...
!
!
!
قالوا لي : أرجا الراجيك !!!
فقلت لهم : بسردب ...
كلها كمها!!!!!!
wadosman
07-04-2009, 01:18 PM
بوست يلف الراس...تقول ضارب سيجاره...:confused:
و فى حكاياتنا مايو...;)
الفاتح
07-04-2009, 03:02 PM
واحد خمسة تيك أوف ...
خمسة خمسة لاندينغ في بت الناس :D:D
:D:D:D
ياخ عليك دينك أفتح موبايلك.
منو البخش ليك مطبخ؟
مطبخ شنو البخشو يا بوكش !!!!!
عمرنا دا كلو نفرفر في المطابخ ونكركب في الحلل ...
وكت لقينا حل ... البدخلني المطبخ شنو تاني ؟!!!!!
وإن بقت شغالة او اتوظفت ... يبقى المطبخ فيفتي فيفتي ...
لكن ففتيني ما قدر ففتيها :D:D
ياخوي النسوان للعواسة والرجال للكواسة :D:D
بس الله لا يوديني بيوت الرمتلة تاني !!!!
:D:D:D
ياخ عليك دينك أفتح موبايلك.
:D:D:D
ما بفتحو الا في الليلة ديك;) ... ولا هان علي;) ... والعكس صحيح ...:D:D
بالمناسبة :
ليهو يومين في غرفة العناية الالهية ...
حاليا مشبوك مع الكمبيوتر وعملية سستم ريستور عصية وجل بريك وهاكينغ وموال مع تي آ آند تي ...
لا يستقبل الرسائل العربي ولا استطيع الكتابة لغير الناطقين بها:D ...
يمكنه الآن استقبال المكالمات ولا أستطيع التحدث معك ...
انتهى نهاية بطل لكن ما بخليو إن بقيت حي !!!!
الرجل المغادر الى عوالم اخرى :D
ما أطعم رفدك يامحمد!
لكني أقولها لك ولا ابالي...:D
كم أجدني أرى -بنصف عين -وثاق حنينٍ يشدك عوالمك التي تهجو!
فالهجاء الذي يُتَلمّسُ -من بعده- (أنبتاتاً) ...لا يعتوره عنفوان كالذي نجد looool
الكثير من الناس يهنؤن حيث (يغادرون) ...طالما تباعد غرسهم وخف (شحم) كسبهم!
ان كنت كذاك فستهنأ لا محالة;)
مبرووووك
أقولها (وأنت القريب الى النفس)...
بارك الله لكما وعليكما وجمع بينكما في خير
الله يبارك فيك يا عادل ...
لكن كلام المسغفين بتاعكم دا ما بخارج معانا:D
اخخخخ انا من الحنين ... دي ما النوستالجيا زاااااتا القلنا عليها!!!!!
نقشتني لكن !!! وفلفلت افكارنا ...
خايف يجي يوم أندم على العيشة الوهم ...
واقول يا ريت اللي جرى ما جرى ...
ولكن !!! حبة تفاؤل بتدي الواحد دافع انو يحاول مرة ومرتين ...
ونعيدها كرّة ... وكرتين ...
لغاية ما ربنا يمسكنا السبحة وهاك يا كر (للسبحة أو الجداد أو ما شابه)
jezabell
07-04-2009, 08:10 PM
حمادة تش :D
مساء الخير ياااااااخ :D
ابو حميد والله الف الف مبروووووووك
ومرحبا بك فى عالم يزغرد فرحا بانضمامكم اليهgooodgooodgoood
والله انا قلت دى كضبة ابريل وان شاءالله بمر على البوست ارمى لى درابة
لكن وكت بقى جد جد تانى مبروك يا عريس ربى يهنيك ويتقيك ويوقيك ويطرح البركة فيك
وبالرفا والبنين
الله يبارك فيك يا سارة يا بت أمي ... وعقبالك ;)
ولا نفهم من دي إنكم السابقون ونحن على وشك ...
ومرحبا بك فى عالم يزغرد فرحا بانضمامكم اليه
على فكرة:
إنتي بسملة ولا انا غلطان ؟
مبروك مقدماً لعريسنا محمد أبوعاقلة
ومبروك الأصلية بعد الفاتورة . .
وشكراً ليك يارشا على الأخبار السارة
مش هي عرست محمد بنديها أي حاجة :D:D:D
أدينا رضاك بس ...
ياخ انتا وين من خم رمادك داك ...
مشتاقين يا زول ...
وما نجيك في عوجة ...
ومسألة اليخوت دي ماب تغطي معانا ...
احنا ناس بنعيش حياتنا الحلوة بالنية السليمة ...
احنا بتاعين مراكب سااااي
وانا راكب يا مراكب ...
وجوة المركب .. فِضلوا
يغنوا ... يغنوا
شوية ... شوية
وسكتْ المركب
كل الناس إتنين ... إتنين
فرح إتكلم بى لغتين
كنت برايا!!!
وجانى حنين الكون .. إتكوّم ...
غوّر .. غوّر .. جوة فـ صدرى ...
وإتمنيت لو (هيّ) .. معايا ...
.
معاها نكمّل المشوار ...
نختها للزمن لو جار ...
ومدد يا القرمصيص ...
ود أبو عاقلة بطل استهبال لو عايز تعرف مشاركاتي بتفتشا وتلقاها بس قول انك بقيت ما فاضي والشاغل بالك يتهنابو :D
يتهنابو أكتر من كدا كيف ؟!!!!
ذكرتيني مرقنبوقرنبو على سبيل التوارد في الخواطر ...
فاستهبالنا عزيزتي المشتركة تحفة حوا إنما هو تواضع لم يتسن لك اكتشافه ... ولم استطع قراءة ردك من باب زنقاتي المثيرة للجدل حتى كتابة هذه السطور ... وهو بعد نويت تعرس بعدا بنات حوا دايرات بيك شنو :D
نهيتي المباراة وفلسعتي بينا يا اللخت ... نلوكها الحسرة وترمينا المطبات ...
الحتة دي تحديدن اختلفو فيها العلماء من حيث المضمون واختلفو من حيث الأطر العامة للعلاقات الاجتماعية التي لا تؤمن بمبدأ الحدود الجغرافية للنفس البشرية والتي من شأنها فعل المزيد من الشرشحة على الحس الوجداني المتزامن ونحنو ...
لذا يا بت الناس الطيبين ... الزواج ليس إطار يسجننا ولا نهاية مطاف وبعدها انطفى العالم وما بقى بالشوارع نور ...
الأعمدة كتيرة ... ولمبات الشوارع ما زالت تولع ... وبعضها إبقبق ... ونحن كمستخدمين ليليين نمشي على أطراف الظلام وليس باستطاعتنا العيش فيه ...
أوقدي شمعة لتضح الحقيقة ... وأوقدي آلاف الشموع لتري نفسك (ولد دا ... ولد لا):D
إتو ما قالو ليكم احنا بنخش بأربعة فرص وكلها في ملعب الخصم ... الفوز والفوز والفوز ... والتعادل (في حالة نلقى مرا شوتاتا ضفاري وقاهرة ... فاظفر بذات الدين تربت يداك:D
حيث قالو لينا بنات حوا يستمتعن بعرض إمكاناتهن كمستعرض متحرك دون اللجؤ للقضاء لاثبات أن كبريائهن كدأبه ممغنط ويجذبنا بسهولة ويسر كما نحن نرفل بذات السياق ... مااااالنا!!! هينين ولا لينين (فلاديمير لينين ـ بلشفييييييية وراحو فيها):p
قالو المرا لما تبقى حقتك بتشوف غيرا تبقى حقتك ... وهكـــذا إلى أن يتمو أربعة ... للذين لا يملأ اعينهم سوى التراب هم نفسهم الترابة في خشمهم والرماد كال حمّاد !!!!
والمرا لما تشوف مرا حقتك بتحاول تكون أحسن من حقتك ... وفي ذلك غتاتة وبوبار وحركات مفقوعة ... وفقعت مرارتنا ...
صحي الدهب بكشكش ؟ :D:D:D
الأغبش
08-04-2009, 09:41 AM
ولسسسسسسسسسسسسه مُصِر تفطفط ..وتنطنط ..
ياخوي الصقر ان وقع كتر البتابت عيب ...
يا زول الف مبروووك
و بيت مال وعيال و ربنا يسعدكم و يهنئيكم..
غايتو برضو عاملين حيطة....;)
الحيطة عندك والللاي يا ودعثمان !!!
حيطتك دي حيطة مسجد ساي ياللخو ...
مقبولة منك وعشمانين !!!
شنو يا ... ما عندك فنانين من معارفك ...
عمرك دا كلو طالع ونازل بيهم وما خليت واحد ما جبتو ...
لو عندك طريقة أحجز لي واحد وحرية الاختيار متروكة ليك مع مراعاة فرق العملة وايجار الصالة
...
تلاتة فنانين ... فنان لكل فاصل ...
غايتو شوف ... وورينا الحاصل ؟
ما عارفة ليه في تلك اللحظة اتذكرت المثل القائل:
التسوي بي ايدك يغلب اجاويدك :D:D:D
PASS>>>
الأغبش
08-04-2009, 10:39 AM
PASS>>>
لِعب ...
دكها قانوني لو تقدر ...
لِعب ...
دكها قانوني لو تقدر ...
عندي أربعة دامات دبل !!!!:D
دي أحلى من دي ... ديناري وهارت ...
!
وما بكشف ورقي يا الاغبش ...
ولو سمحت ما ترجعنا لبيت العزابة تاني ...
الواحد ما صدّق ... إتفكفك ...
...
وس وس
شايفك كم يوم بتكابس وما عارف اقول ليك شنو ...
والله متلوم معاك ... وعليك الله امسحا في وشي ...
دا لو لقيت حتة فاضية تمسح فيها!!!!!!
بديك التفاصيل قبل اجي باسبوع وكلّم ابو التومات وإيهاب ...
وما تنسى صاحبتك الكلمتني عنها ... معليش اسمها نسيتو ...
لمزيد من التفاصيل ... يا ريت تخش معاي اسكايب بعد تمنية بالليل ...
الأغبش
08-04-2009, 11:06 AM
عندي أربعة دامات دبل !!!!:D
دي أحلى من دي ... ديناري وهارت ...
!
وما بكشف ورقي يا الاغبش ...
ولو سمحت ما ترجعنا لبيت العزابة تاني ...
الواحد ما صدّق ... إتفكفك ...
...
وس وس
شايفك كم يوم بتكابس وما عارف اقول ليك شنو ...
والله متلوم معاك ... وعليك الله امسحا في وشي ...
دا لو لقيت حتة فاضية تمسح فيها!!!!!!
بديك التفاصيل قبل اجي باسبوع وكلّم ابو التومات وإيهاب ...
وما تنسى صاحبتك الكلمتني عنها ... معليش اسمها نسيتو ...
لمزيد من التفاصيل ... يا ريت تخش معاي اسكايب بعد تمنية بالليل ...
احسن تفك الدبل في بداية اللعب ...لو خليتو لي بعدين يمينك بقفل عليهو وبعوقك ..
لا ياخوي وشك ده كفايه عليهو مسوح الحاجات دي .. خليناك للمسوح التاني ..
التفاصيل بعرف اجيبها من وين .. ما تتعب نفسك التزم بالمعسكر المقفول ..
ايهاب عرف اسسسسسسسسسسسي ..ابو التومات شاطبنا من زمان ..
صاحبتي دي ما عرفتها .. حتي الآن عندي صاحبه واحده ..وباقي تلاته
ما بقدر اخش بعد تمنيه .. ماعندي نت في البيت وما بمرق بعد المغرب .. مسؤوليات وكده ...ياااااااااااااحليلك:p
احسن تفك الدبل في بداية اللعب ...لو خليتو لي بعدين يمينك بقفل عليهو وبعوقك ..
لا ياخوي وشك ده كفايه عليهو مسوح الحاجات دي .. خليناك للمسوح التاني ..
التفاصيل بعرف اجيبها من وين .. ما تتعب نفسك التزم بالمعسكر المقفول ..
ايهاب عرف اسسسسسسسسسسسي ..ابو التومات شاطبنا من زمان ..
صاحبتي دي ما عرفتها .. حتي الآن عندي صاحبه واحده ..وباقي تلاته
ما بقدر اخش بعد تمنيه .. ماعندي نت في البيت وما بمرق بعد المغرب .. مسؤوليات وكده ...ياااااااااااااحليلك:p
جنس اختصارات هي لكن !!!!!!!اللخو عسكري ...
المسوح التاني كنا عاوزنو في الشتا لكن ربنا ما هوّن ...
اخوك ح يدخل معسكر مقفول قبل خمسطاشر يوم من المباراة (يعني قبل عشرة يوم من السفر) مواد غذائية وبروتينات ولكن!!!! ما زلت اتعاطى المكروه عمدا ... ودي مشكلتي العويصة ... ومشكلتها الوحيدة ...
لكن ما الكيس دا !!!!! حدو معاي الطيارة ...
احسن تفك الدبل في بداية اللعب ...لو خليتو لي بعدين يمينك بقفل عليهو وبعوقك ..:pكلامك دا قولو لى زول ما عندو ورق !!!!
غايتو انا متحير جداً جداً ...
الله لا جاب حيرة يا دكتور ...
بعد شوية ح تستوعب الفكرة ...
المانشتات الصغيرة تحتاج لنضارة قعر كباية ... واستسلام للأمر الواقع ...
واقع جنس وقعة ... طيري :D:D
قافلو من قارورتو :D:D:D
قارورة الموبايل ؟:D:D
حيران أسائل نفسي إيه كان السبب ..
وتقوووووم كدا تِن برش !!!
لا تنوم ولا تقدر تمش !!!
والحكمة في الحيل البموت لو قالو ليك أطوي البرش
العيونات زغللن ...ولو قلنا داك ... ماااااا بن هبش
الجبهة والعرق البِخُر ... يا مندرش
تسرق من العين الكحل ... وتدخل على روحك تَفِش
ما تندهش لو قالو ليك سردب تَعِش ...
تدخل على كيفك تحوم ... تمرق وما قادر تَمِش ...
دي حكمة الحيل البموت ... لم العصب قال ليهو خش ...
رعشة من ماس الحريقة ... وانت كُلّك تتلبش ...
وغالبك تهش ...
ارقد على الضهر المعاك ... خلي المعالم تن كرش
صنقر اذا بتقدر براك وبالمرة حاول تنتعش ...
تِش ... اذا بتقدر تتش ...
طش اذا غلبك تحِش ...
دي الحالة اصلا ماااااا بتمش ...
الحالة زي أكل التبش ...
بالشطة ...
أو ...
بالدكوة ...
أو
من لم يمت بالـ ..........:D:D:D:D:D:D مات بغيره ...
زي حاجة وين تدخل تكِش ...
يا انت بس لوك الصبر ...
في هذه الحالة الربش !!!
في هذه اللحظة الشلش !!!
...
وقالو لي :
دي الغربة حارة على البريد ...
والشوق براااااهو بكلكلك ...
جنس كلكات لكن !!!:D
شبارقة
08-04-2009, 12:26 PM
اخوك ح يدخل معسكر مقفول قبل خمسطاشر يوم من المباراة (يعني قبل عشرة يوم من السفر) مواد غذائية وبروتينات ولكن
الموصه الموصه ... وما تنسى الغـُباشة :D ولو في طريقة أقع الحلبة والبربور:D
غايتو لو ما كانت حوصة علي حسب الصورة الوريتني ليها ديك ما عارفاك كنت سويت شنو :D:D
gooodgoood
ياها حالكن !!!!!
المصور لو واقف غلط تقولو حوصا !!!
ولو الاضاءة شوية تقولو غبشا !!!
ولو شالوها بالصدفة تقولو شترا !!!
المهم (شترز) عيوني ...
وبرضو راضي :p... وفي الغرام كم من ضحايا!!!!!
أهم حاجة ما تمشي قدامي في السوق ... وما تطقش ليها حاجة ...
وبعد دا كللللو
حوص العين هيييييين ... كعب طيارتا!!!!:D:D
تطيري ما تركي !!!
يا ثورة ...
ثوري ثوري ... ضد الحكم الديكتاتوري ...goood
wadosman
08-04-2009, 01:37 PM
الموصه الموصه ... وما تنسى الغـُباشة :D ولو في طريقة أقع الحلبة والبربور:D
قاليك خبراء اجاانب....;)
و يمكن تكون بكره النهااية...يا هندى يا ناكل باسطه..:)
[size=5][color=#0000FF]يا زول هووووووووووووووووي
اها من هنا لي شهر خمسة.. يا تلقى ليك قارورة من العمارات السوامق البتقول عليها دي.. يا كمان تجيب لي قارورة عطر عشان اشوف موضوع الانسانية دا ماشي علي وين :D:D:D
:D:D:D
المرا التي لا تتلفت للكلام :D
قنا بتنتهي مع الشمومة ...
وشمومة فيرساتشي ما زي شمومة ماربرتمان:D
والقارورة من العمارات الطوابق ... ذات الطوابق المركبة والصهاريج الملونة ...
والميك أب خلي ساي ...:D:D
وكانوا أخوان في الانسانية ...ولسّا
طبعن الاخوان هنا الاغبش واماسينا...
قعدت معاهم واتفاكرنا...
كم لفينا وكم ساهرنا...
كم مازحنا ليالي الصيف...
وكم غنينا للحرية...
كم دارينا الحزن الأكبر...
بين الصيف وجمال المنظر...
كنتي بتطلعي من عينيهم...
وكتين يفرحو .. أو يندهشو...
أو يفترشو سواعد بعض...
أو يتكلمو عن الأرض وسلام العالم...
وكنت غريب الوجه معذب ...
العريس
النفض الكيس
وضبح الكديس ولا ضبحوها ليهو الله يعلم
لكن ما قلته لي مالك طالع في السخانة دي ما قالوا محبوسgoood
الكيس بننفضو في الطيارة ... (اكسري لينا اللام باللاي)
والكيس أبو أجمل فيس جانا زيارة ...(وهنا افتحي لينا اضنيك باللاي)...
شنو ما عندك كركبة ولا حد نحنح ؟
برضو بنتمنى ليك السمح يا سمحة ...
اذا بعتي واذا اشتريتي واذا اقتضيتي إلى أن يقضي الله أمرا كان مفعولا ...
طارق صديق كانديك
09-04-2009, 06:45 AM
البلد دي الواحد ما يغيب فيها كلو كلو ولا الحكاية شنو ... !!!
احتياطيا .. بالرفاه وبالبنين جدن جدن .. أصلو شر لا بد منو .. والجاتك في عزوبيتك جملتك .. ( بالله شدد لي الميم دي تشديد يتناسب وروعة المشهد ) .. !!!
أما آن لهذا الأبريل أن يكف عن دعابته ... !!
تحياتي رشا حاتم
تحياتي محمد ابو عاقلة
الف مبروووك
و بيت مال وعيال و ربنا يسعدكم و يهنئيكم
آمين يا رب...
عقبالك يا عببدالرحيم ... ولكن!!!
من مداخلتك دي وطريقة كلامك ... وعلى ما اعتقد باين عليك قطعت شوط في الشغلانة دي ...
ربنا يخليك لعيالك واهلك وترجع سالم وغانم ...
ممكن اشارك بالأغنية دى( وش خجلان):D
http://variety.salmiya.net/songs/wedding/ram/wedding32.ram
صباحات الأماني المخملية ...
ما سمعتها وما ح اقدر اسمعا لغاية الساعة اربعة ...
لكن الحاجة المتأكد منها انك بقيتي للموقع دا في زرارتو الأخيرة ...
والموقع دا تحديدن بكسر عندي البوب أب ويندو وبجي طائر وفاكي الزراير ...
متحديا كل البلوكات والمتاريس في الظهور علنا على شاشة كمبيوتري ...
هو ما كمبيوتري بالمعنى داك ... لكن بربيني ... سيرفر حكومي خالي من اكسسوارات وبهجة !!!
لكن ليه ما باركتي لي؟!!!!!!!(وش محنبك جدن)
انت في زول قال ليك انا البوست دا فتحتو زاوية خاصة جدن؟؟ :D:D:D:D:D
حان الآن موعد الفطور اليومي ...
وعلى سيادتكم مراعاة إني ما اتعشيت ...
كريجيم ... وبالمرة كدا!!! الزعل من الحريم بسوي أكتر من كدا!!!!
البراءة الفى شبابك
والطفولة الفى عينيك ..
الاتنين ما بتردوا
مالكم
فى الكُجرة ..
كنت معذور وعذري ذكرتو في هذا البوست المترامي الأطراف ...
لكن البقنع العصافير تشقشق منو؟؟؟
مشتاقين وبنا لوعة ...
قلنا ليكم اعملوها ما عملتوها!!!!!:D
غايتو انا علي النسكافيه والباقي بتمو موية :D
مالكم بقتو زي ناس (ستوجد صور وكدا):D:D
براك عارف سقف الحرية هنا حدو وين ...
وتيب ...
همس الشوق
09-04-2009, 07:29 AM
الكيس بننفضو في الطيارة ... (اكسري لينا اللام باللاي)
والكيس أبو أجمل فيس جانا زيارة ...(وهنا افتحي لينا اضنيك باللاي)...
شنو ما عندك كركبة ولا حد نحنح ؟
برضو بنتمنى ليك السمح يا سمحة ...
اذا بعتي واذا اشتريتي واذا اقتضيتي إلى أن يقضي الله أمرا كان مفعولا ...
والله عندي بعض المحاولات مع عم حسن goood
غير الحاجات الخاصة الما عاوزين نقولها ..طبعا هي بتقرأ المنبر دا ..
و منبرها داك .. حيتقفل ولا حتتنقل انت هناك ؟
بتقراكم نفر نفر ...
حأنتقل انا يا الحبيب وعلى الهوا مباشرة من هذا الكرسي العندو عجلات ... وتاني الا تسمعو بينا في شمار ...
إتا قايل دخول المنتديات قبل الزواج وبعد الزواج واحد؟ ... لا طبعن ...
ويا حلاوة تفتح منتدى جديد تمارس فيو سلطاتك كزول ليهو قيمة ...;)
تبقى عضو نشط وفعّال تجاه مختلف القضايا ;) التي تخصها ;)
تبقى مشرِف عام مُشرّف أهلك وناسك ...
حدثتني قبل قليل بخصوص النفسيات والحالة الزيرو ...
http://www.sudani.ws/s-data04/sayedkhalifa/ya_sotaha.mp3
فقلت لها معاذ الله ذلك ما جرى ...
فاكّي تيكّتين:p;):D ... ولابد بالجوكر;):p:D ... إذن كراعها خمسين في أقرب بائظ ...
وبائظها ينفعني ما دمت أحلم بالورق واطة ...
ود البلد
09-04-2009, 09:25 AM
أتوضأ ( بدموع الحسرة ) فرحا" ....
على ماإنقضى من عمر ...
أخى وصديقى ود ابوعاقله ...
كانت لنا أيام ...
والو منو أهلا" سلام ياطيب عمرنا وبهجتو
والليله وين ياعينى ...
الف مبروك بقدر ماأحمل لك من حب ومودة صادقه
وحانحضر العرس فى السودان ... غصبا" عنك
محمد ياغتيت:(
قصدي ياعريس
ماتنفعك ونستي اليومداك ;)
وانا فاكرة الحكاية هظار
متأسفة الما جيت
ياخ مبرررروك شديد
وماتسمع كلام الحاقدين
ناس غررو بك
وبالله شهر العسل تعال لينا بي جاي
العروس حتكون معاك ؟gooodيا مرا هوي ما تجيبي لينا الكلام !!!!!!
لاقيتك وين اسفيريا قبل كدا!!!؟
لا عندي ماسينجر ولا فيس بوك ولا فيس تو فيس ...
اللهم إلا للضرورة القصوى شديد ... وفي حالات نادرة ...
ماسنجري فيهو اربعة كونتاكتs ...
صديقي وبت خالتي حيث انها فردتي لحام ..
وصديقة قديمة من اللاتي لا يرجون نكاحا... ونااااادرا ما تخش ...
والرابع توفى إلى رحمة الله لكن مُصر يكون متواجد اوفلاين ...
هظار دي بالها ...
بعدين مواضيع زي دي ما فيها هظار ...
قالو ليكم عرس راسو عديييييل ...
وكمان إتي من أوائل المتداخلين المتطنظزين على الموضوع ...
فقلت خليها تردح إلى أن يجعل الله لها مخرج صدق ...:D في الأولين والآخرين إنك سميع مجيب الدعاء...
إنّا لله ...
الأغبش
09-04-2009, 10:56 AM
جنس اختصارات هي لكن !!!!!!!اللخو عسكري ...
المسوح التاني كنا عاوزنو في الشتا لكن ربنا ما هوّن ...
اخوك ح يدخل معسكر مقفول قبل خمسطاشر يوم من المباراة (يعني قبل عشرة يوم من السفر) مواد غذائية وبروتينات ولكن!!!! ما زلت اتعاطى المكروه عمدا ... ودي مشكلتي العويصة ... ومشكلتها الوحيدة ...
لكن ما الكيس دا !!!!! حدو معاي الطيارة ...
كلامك دا قولو لى زول ما عندو ورق !!!!
امس الساعه كانت واحده ..عشان كده اختصرت ...واسي واحده إلا عشرة ..
المعسكرات دي محتاجه فترة اعداد طويلة ..الكلفته بتعملها في الفريق في الشوط التاني والعجب كان جابت ليها زمن اضافي ...
من اسي رفعت الراية ؟؟ انت ما سمعت بالقال ليها بسف وكمان بطلق ؟؟
ما هو سماحة الروق دي ذاااااااتها المشكلة .. باقي التربيزة كلها بكون راجي الفي يدك .. غايتو للضمان كده أنزل من 84 وانت طالع ...
يا مرا هوي ما تجيبي لينا الكلام !!!!!!
لاقيتك وين اسفيريا قبل كدا!!!؟
لا عندي ماسينجر ولا فيس بوك ولا فيس تو فيس ...
اللهم إلا للضرورة القصوى شديد ... وفي حالات نادرة ...
ماسنجري فيهو اربعة كونتاكتs ...
صديقي وبت خالتي حيث انها فردتي لحام ..
وصديقة قديمة من اللاتي لا يرجون نكاحا... ونااااادرا ما تخش ...
والرابع توفى إلى رحمة الله لكن مُصر يكون متواجد اوفلاين ...
هظار دي بالها ...
بعدين مواضيع زي دي ما فيها هظار ...
قالو ليكم عرس راسو عديييييل ...
وكمان إتي من أوائل المتداخلين المتطنظزين على الموضوع ...
فقلت خليها تردح إلى أن يجعل الله لها مخرج صدق ...:D في الأولين والآخرين إنك سميع مجيب الدعاء...
إنّا لله ...
لالالالا
بداية غلط جدا
تاكلو وتنكرو -وش بفتش لي مشاكل-
غايتو ما محظوظ :o
كنت عايزة انقط ليك بي صالة
من نوع لمة ناس الخرطوم
او استضافة شهرين في فندق فايف استارز
بتاع ناس لمة الشرقية
بس ماقدمت السبت :p
وكمان نكرتا ونستي الجادة جدا
واتبريت من خوتي البتمنوها ياداقس:cool:
شكلك حتعمل فيها بادي من الصفر
وقاعد فرادي وبتسمع رادي
وبتنوم الساعة ٨ بعد ماتشرب الحليب
وتتغطي كويس:D
لا انصحك بذلك ياهذا :D
تحياتي للشابة
ترمة
ومازال عرضنا لشهر العسل قائما
ولكنه تقلص لاسبوعين:pاكتر من كدا مابنقدر يازول:D
بمنزلنا العامر بمانشيستر
فلدينا غرفة لمثل هذه الحالات الطارئة;)
وسنحرص انا والسيد بعلي وابنائي
علي منحكم الشعور الفندقي الفايف استاري:cool:
امنياتي لك بالسعادة
والولادة والزيادة يافنان
بدور التركي
10-04-2009, 12:58 PM
صباحات الأماني المخملية ...
ما سمعتها وما ح اقدر اسمعا لغاية الساعة اربعة ...
لكن الحاجة المتأكد منها انك بقيتي للموقع دا في زرارتو الأخيرة ...
والموقع دا تحديدن بكسر عندي البوب أب ويندو وبجي طائر وفاكي الزراير ...
متحديا كل البلوكات والمتاريس في الظهور علنا على شاشة كمبيوتري ...
هو ما كمبيوتري بالمعنى داك ... لكن بربيني ... سيرفر حكومي خالي من اكسسوارات وبهجة !!!
لكن ليه ما باركتي لي؟!!!!!!!(وش محنبك جدن)
بوبار وفك الزرار والستلايت فى بيت الجيران:D
بالمناسبة عايزة مقاساتك:p
ح اجيب ليك البدلة معاى من برلين
حاجة تليق بوقفتك فى الكوشة
ومبروك ما ح اقولها حسى
كل شئ فى وقتو حلو يا حلو:p( وش فرحان ليك شديد)
همس الشوق
11-04-2009, 06:44 AM
يا عريس
والله هنا جااااااااااده
الف ..الف......... الف مبروك
وعبرك برضو نقول للعروس ... الف مبروك
وربنا يسعدكم ويهنيكم
يا رب
يا عريس
والله هنا جااااااااااده
الف ..الف......... الف مبروك
وعبرك برضو نقول للعروس ... الف مبروك
وربنا يسعدكم ويهنيكم يا رب
شكرن ولا كأسا تُرى ...
مثل الحرير نعومتن ... ونداوة .. وواوات كتيييييييرة
أكيد جاك شمار جاب ليك راسك ... عشان تآمنو !!!
عموما سكرا بلا سلكا نرى... لا سرى ولا حاجة !!!!
والتحية موصولة للعروس عبر الأثير صبابتن وتأثرا...
همس الشوق
11-04-2009, 07:14 AM
شكرن ولا كأسا تُرى ...
مثل الحرير نعومتن ... ونداوة .. وواوات كتيييييييرة
أكيد جاك شمار جاب ليك راسك ... عشان تآمنو !!!
عموما سكرا بلا سلكا نرى... لا سرى ولا حاجة !!!!
والتحية موصولة للعروس عبر الأثير صبابتن وتأثرا...
كلمني حاول حس بي يااااااااااااا;)
نواريا
11-04-2009, 03:35 PM
اها يا عريس شكلك هسة مشغول بتجميع هدايا للعروس وناقع روحك في حمام مغربي والذي منو
ثم اذا حُلِقَ الشنب بطل العجب !
قاصد جركانة عسلعسل سدر ؟
قلنا ملعقة واحدة كل شهر ... حسب هيئة المواصفات والمقاييس لحياة زوجية طويلة الأجل ...
دا لو ما قصرن عمرنا بحاجة تانية ... من تلك القبيل ...
حتة اخوك كان بقى ليك عسل ما تلحسو كلو ... نفس المبدأ دا بنطبق عليها مع إختلاف طفيف في الطريقة ... بس ما تتلحس ;)...
يعني يا كيشو قولة ينوبك ثواب أو تعيش انتا ويدوم خيرك أو البركة فيكم كتيرة عليك ؟
البركة في امال الجابتك لي ...
اللوم حاصل يا اللخو ... وبصرها ليك في أقرب لفّة ...
قالو لينا ... إذا اردت العسل فلا تحطم الخلية ...
لكن !!! بنشوف ليك طريقة ...
بالله عليك التفاصيل
لا شمطاء ... ولا عرجاء ... ولا بانت نواجزها ... رُخُص :D
تطأطئ الوردة هامتها حين تمر ... وينزوي الجكس خجلا حين تطل ... وأنا حينئذ لا إلى هؤلاء ولا إلى هؤلاء وغايتو زي ما تقول مقبقب ...
تتحدث بأنفة وكبرياء يبشتن ... صبرت على مزاجي المتأرجح ... لاكت ايام الفراق لواكة عصية ... شيمتها الصبر (وأشك في ذلك:D) ... وآخر مثواها القبر ... لذا تلقاها بايعة القضية ... وشادّا سرج الروح التبوح ... وكلاما حكم حكم ... وما فتئت ترواودني وأنا كبكابة وقليبي رهيف ... وطوالي بقوم أدوّر ...(يعني قاعد على الهبشة)
ياخي الكلام كتير ... إذن ... سوف اسكت ... وما في حشاي ... شاشاي ...
عارفك زول حارة ... وماب تقصّر ...
كدي شوفوا لينا موضوع الكراس والذي منو :D:D ... (اعوذ بالله من كشف الحال)
وهسة العريس في شهر البصل goood
الشهر البصل فيو الشهر الجايي ...
ودامت أيامكم افراحا ...
!
!
ازيك يا بت يا نواريا ...
عقبال عندكم بطريقتكم ديك ...توم وشمار !!!
ولسسسسسسسسسسسسه مُصِر تفطفط ..وتنطنط ..
يا ريت الأيام تعمل زيي كدا !!!!!!
نلقى روحنا رحنا فيها
دا ما وكت صقور يالاغبش ياخ;)
يعني يا كيشو قولة ينوبك ثواب أو تعيش انتا ويدوم خيرك أو البركة فيكم كتيرة عليك ؟
البركة في امال الجابتك لي ...
اللوم حاصل يا اللخو ... وبصرها ليك في أقرب لفّة ...
قالو لينا ... إذا اردت العسل فلا تحطم الخلية ...
لكن !!! بنشوف ليك طريقة ...
بركة شنو يا صاحبي، إنت صدقت يا أشعب :D
أصلو يوم واحد ابريل دا يوم عيد ميلادي، الجماعة لقوني ما سوّرتو قاموا نصبوا فيهو خيمة عرسك goood
الموصه الموصه ... وما تنسى الغـُباشة :D ولو في طريقة أقع الحلبة والبربور:D
الموصه ... دي وديها المصطلحات ... بعدين انا ما بستعمل الحاجات الزي دي يا اللخو... واستبعد لي الغباشة برضو لاني ما ح استخدما برضو ... الحلبة ما بطالة معاي ... والبربور انسى أمرو ...
لكن يا شبارقة لو دي وصفاتك أحسن لي عزابتي يا الحبيب :D:D
نواريا
12-04-2009, 10:28 AM
بركة شنو يا صاحبي، إنت صدقت يا أشعب :D
أصلو يوم واحد ابريل دا يوم عيد ميلادي، الجماعة لقوني ما سوّرتو قاموا نصبوا فيهو خيمة عرسك goood
اوعى تكون شهادة ميلادك كذبة ولا مزورة في ذلك اليوم الفضيل !
البلد دي الواحد ما يغيب فيها كلو كلو ولا الحكاية شنو ... !!!
احتياطيا .. بالرفاه وبالبنين جدن جدن .. أصلو شر لا بد منو .. والجاتك في عزوبيتك جملتك .. ( بالله شدد لي الميم دي تشديد يتناسب وروعة المشهد ) .. !!!
أما آن لهذا الأبريل أن يكف عن دعابته ... !!
تحياتي رشا حاتم
تحياتي محمد ابو عاقلة
إن الوقت يمر بطيئا يا طارق هذا البوست ...
احتياطيك ينفعك لى جنا جناك ... والشر البتقول عليو دا ... أر ...
أره واريرة على عين العدو يا فردة ...
التشديد ... سوف أشدها كل الشد ... بكامل العنفوان وبمنتهى الضمير ;)...(الميم طبعن)
والله متقيرف ليك عديييل كدا ...
وين اراضيك ... عشان اراضيك يا زول يا حاجات كتيرة ...
ولا أدري هل سمعت ... ولا جابو ليك ...
يعني الّا نشد ليكم سلك حتى تصدقو ...
ياخ اعتبرو بوست (عين) وكرت دعوة لحضور حفل زفاف اخوكم في الله العبدلله الفقير القنعان التائب وزي ما عارف إن الله يهدي من يشاء بغير حساب ...
!
!
تحت تحت ...
الدافننو كتير ... لكن بنخاف على المحرات:D ...
قالو لينا ... إذا اردت العسل فلا تحطم الخلية ...
لكن !!! بنشوف ليك طريقة ...
خلاص لقيت الحكاية ماشية قلت تفتح مكتب خدمات في المجال؟:)
الخلية ما بنكابسا، عارفين العسل شوية
وبمعنى احتياطي: وصيتك دي سمعت زيها زمان
ومعنى احتياطي ثاني:(ذي ما قال سيد خليفة)
والبعوم في بحور غريقة
ما بعيد الروح يعيقا
وللوصول كيف الطريقة والوقوف في القيف محال؟:p
يا هندى يا ناكل باسطه..:)
لو ختينا بنات ابليس مااااااااااب تجينا عوجة خلقتن دي !!!
ما يسمعن بى سكر انكشح يجن طايرات ...
زيهن وزي نمل السكر ... وراقدات هبطرش ...
الله يهون القواسي يا ودعثمان ...
عليك الله حاجة كدا من (الدبليو أم في) تخلينا ننسطل ...
والله عندي بعض المحاولات مع عم حسن goood
من عم حسن دي ... حاولي مرة أخري ...
قولي كايسه لى ورثة سااااااي يا اللخت :D:D:D:D
كانت لنا أيام ...
وحانحضر العرس فى السودان ... غصبا" عنك
ونستعيد أحلى الليالي ...
الدعوة موصولة للأسرة الكريمة والأهل بالركابية والحارة الرابعة والأصدقاء والصديقات الاسفيريين والاسفيريات الحاضرين منهم والغائبات وعارفك ماب تقصّر يا حبيب .
wadosman
13-04-2009, 09:11 AM
او استضافة شهرين في فندق فايف استارز
بتاع ناس لمة الشرقية
غايتو ناس يفتشوا للمشاكل برااهم...:confused:
wadosman
13-04-2009, 09:16 AM
لو ختينا بنات ابليس مااااااااااب تجينا عوجة خلقتن دي !!!
ما يسمعن بى سكر انكشح يجن طايرات ...
زيهن وزي نمل السكر ... وراقدات هبطرش ...
الله يهون القواسي يا ودعثمان ...
عليك الله حاجة كدا من (الدبليو أم في) تخلينا ننسطل ...
هااك يا امير..و خلى الشبابيك فاتحه..;)
http://sudaniyat.net/wadosman/uploading/ameer_alhusn.wma
لالالالا
بداية غلط جدا
تاكلو وتنكرو -وش بفتش لي مشاكل-
غايتو ما محظوظ :o
كنت عايزة انقط ليك بي صالة
من نوع لمة ناس الخرطوم
او استضافة شهرين في فندق فايف استارز
بتاع ناس لمة الشرقية
بس ماقدمت السبت :p
وكمان نكرتا ونستي الجادة جدا
واتبريت من خوتي البتمنوها ياداقس:cool:
شكلك حتعمل فيها بادي من الصفر
وقاعد فرادي وبتسمع رادي
وبتنوم الساعة 8 بعد ماتشرب الحليب
وتتغطي كويس:D
لا انصحك بذلك ياهذا :D
تحياتي للشابة
ترمة
ومازال عرضنا لشهر العسل قائما
ولكنه تقلص لاسبوعين:pاكتر من كدا مابنقدر يازول:D
بمنزلنا العامر بمانشيستر
فلدينا غرفة لمثل هذه الحالات الطارئة;)
وسنحرص انا والسيد بعلي وابنائي
علي منحكم الشعور الفندقي الفايف استاري:cool:
امنياتي لك بالسعادة
والولادة والزيادة يافنان
مانشيستر ما بناباها يااللخت ... لكن الفيك اتعرفت تب !!!!
يا أيتها المرأة الشديدة ولضيضة ... إرجعي إلى ربك ...
أنا لست حالة طارئة تولول عليها سيارات الاسعاف ... ولا سراير المستشفيات ...
كيان منفصل ... يفتش عن كيان ...
لا أكترث لعدد النجوم ... ولا فنادق السادة العُجُم البجم ...
نحن صوفيون يكفينا طلِس ... وبُقة ماء إذا خِنقنا ...وبالعدم دلدوم:D
قطية تاوي مية ... ولوح محفوظ ...
ولكن القسمة الما معروفة اوقعتني في شباك أنثى الطوابق ... أحلى وقعة ...
يمكنني أن اتخيل أن امبدة هي مانشستري :D... ودار السلام واشنطون دي سي الغلابة ... بيوت الصفيح لبشرن فصيح ..
والطائف !!! مهجورة إلّا من سيارات فارهة مكندشة مظللة القزاز تجوب شوارعها كأنها ماشه براها!!!
أستطيع أن اتخيل أن العالم التحتاني فوقاني ... والعالم التالت خلطة سرية لديناميت الانفجار السكاني ... وزحمة لا تخلو من رحمة ...
اغلبهم يشبع بـ الله كريم ... وآخرون يلوون خشمهم ويغمزون بلا رضا ...
نحن مي يصنع الأحداث ... الأماكن ... والرؤى
وبطن سكة من سفرٍ بتقرص ... لافين لمتين؟
يقيني أن الفرحة لا تأتي بكرعيها إليك ... نصنعها ... نحاول التشبث بها ... وقد تخر ...
مقدودةٌ هي المعابر ... وطول الطريق يمط صبر القابضين على الجمر ... أح
سيبيني في عز الجمر ...
يا مرا قنا ليك المسألة احساس بالمسؤلية ...
تجاه الزول الشائل شمسك في جواك ... وطالع فينا صباح ...
حاجة تقردن مصرانك ... وتنبض في شريانك تح ... تح ... ونبضها لينا متاح ...
النور الطالع منها يجهر ظلم الواقع ...
الظلم الطالع منها راجع ... نفسين حرية وعطرها فاح ...
وطاااااخ .... سكّتي لينا بتّك دي خلينا ننداح ...
قالت غرفة قالت !!! خليها استور حواس واديني رضاك
والحرية المدفقة بره دي نخليها لمنو ...
على فكرة ...
شدر مانشستر ما زي نيمنا البناكل فيو يوماتي..
فخلينا نكمّل باقي النيم ... زعط ومعط :D:D:D;)
حتى بعد كدا غني معاي يا اجمل ضيف جانا زيارة ...
عارفك مرا والنسوان ورا ... لكن قوامتنا دي نوديها وين ؟
والحاجة المهمة شديد ...
قالو لينا البيوت بدخلوها بالمرا (ما مرتي ... ست البيت يعني) ...
والفيتو بتاعك دا كفيل بتكميم خشمو وفرصة جميلة للتعرف على ناس خارج الشبكة العنكبوتية ... وهم كتار ...
عندي واحد صاحبي راسو (دبل هد) وجبهتو لو دفنتي فيها كلمة تقوم شدرة ...
لكن للاسف ما عندو كمبيوتر ...
أهو مرمي في أحد بيوت العزابة التي تضج بالمبدعين وساكتين بالوجعة ...
!
وس وس ...
ناس السعودية ديل يقولون ما لا يفعلون ... ويفعلون ما لا نرى تحت تحت ...
وأمرهم شورى بينهم ... (بالمعروف)
يكون عاكسم التصديق ... او عاكستم الظروف ... (وركّزي لينا على الأولى)
طارق صديق كانديك
13-04-2009, 02:37 PM
إن الوقت يمر بطيئا يا طارق هذا البوست ...
احتياطيك ينفعك لى جنا جناك ... والشر البتقول عليو دا ... أر ...
أره واريرة على عين العدو يا فردة ...
التشديد ... سوف أشدها كل الشد ... بكامل العنفوان وبمنتهى الضمير ;)...(الميم طبعن)
والله متقيرف ليك عديييل كدا ...
وين اراضيك ... عشان اراضيك يا زول يا حاجات كتيرة ...
ولا أدري هل سمعت ... ولا جابو ليك ...
يعني الّا نشد ليكم سلك حتى تصدقو ...
ياخ اعتبرو بوست (عين) وكرت دعوة لحضور حفل زفاف اخوكم في الله العبدلله الفقير القنعان التائب وزي ما عارف إن الله يهدي من يشاء بغير حساب ...
!
!
تحت تحت ...
الدافننو كتير ... لكن بنخاف على المحرات:D ...
هههههههه
قال ليك الوصايا بالمهلة .. أو كما يقولون .. !!
عارفك ما محتاج لموص او كل ما وصاك به حبيبنا كيشو .. الفكرة يا ودعمك .. انك محنك .. ودي برااااها كفاية .. !!
البركة في السلك .. !!
ننتظر المعياد لنشد الرحال اليكم هناك حيث التهاني البث مباشر .. والله انت ما هين .. !!
استووووووووووو وقم يا صديقي الى محرابك الميمون على بركة الله .. !!
طارق صديق كانديك
13-04-2009, 02:44 PM
وس وس ...
ناس السعودية ديل يقولون ما لا يفعلون ... ويفعلون ما لا نرى تحت تحت ...
وأمرهم شورى بينهم ... (بالمعروف)
يكون عاكسم التصديق ... او عاكستم الظروف ... (وركّزي لينا على الأولى)
لا أنكر متعتي ( الباذخة ) كما يحلو لصديقنا عادل عسوم .. أقول لا أنكر تلك المتعة المجنونة وأنا أقراك .. متوكئاً على حرفك المجنون وروحك الوثابة .. !!
أما فيما يخص الوسوس وس وس
فمعاك حق .. ياعادل عسوم الموضوع كده استحما عدييل ياخ شالو حالنا الجماعة ديل .. !!!
اوعى تكون شهادة ميلادك كذبة ولا مزورة في ذلك اليوم الفضيل !
شهادة ميلادي مجانية وصادقة، من جنبة الحكومة التي لا تكذب، فبعض الحكومات تعتبر نفسها أنثى وحيدة وفريدة ليس عليها أن تحصي العدة؛ لظنها أنها بعيدة عن الطلاق أو موت الشريك، وأنا ولدت في عهد حكومة لا تحصي العدة
ويا ود أب عاقلة فرتق خيمتك، ويا صاحبة البوست استغفري
بوبار وفك الزرار والستلايت فى بيت الجيران:D
بالمناسبة عايزة مقاساتك:p
ح اجيب ليك البدلة معاى من برلين
حاجة تليق بوقفتك فى الكوشة
ومبروك ما ح اقولها حسى
كل شئ فى وقتو حلو يا حلو:p( وش فرحان ليك شديد)
(ووش خجلان مما تقولين)
!
مقاس البنطلون أكبر من عمري بسنتين وستة شهور ...
ومقاس القميص نص عمري الضاع هدر !!!
والغريبة الجزمة أكبر منهم كلهم !!!
ويا حبذا لو كان تي شيرت مكتوب عليو CK بدل القميص لاني ما بلبس كرفتات والعياذ بالله ...
وس
الكوشة ما بقيفو فيها ...
الله يستر ما تكون كوشتهن التي نوصلها بعد مباره ...
ح انزل ليك صورة العروس هنا وادينا رايك بالله ومن ثم خاطرك ...
.
وهدية من إيدك مقبولة معناها اننا على بالك ...
jezabell
15-04-2009, 11:36 AM
شهادة ميلادي مجانية وصادقة، من جنبة الحكومة التي لا تكذب، فبعض الحكومات تعتبر نفسها أنثى وحيدة وفريدة ليس عليها أن تحصي العدة؛ لظنها أنها بعيدة عن الطلاق أو موت الشريك، وأنا ولدت في عهد حكومة لا تحصي العدة
ويا ود أب عاقلة فرتق خيمتك، ويا صاحبة البوست استغفري
استغفر الله :D:D
تماضر حمزة
15-04-2009, 11:56 AM
أنا ماقريت البوست كلو
يوم عرسك وحاة الشفقة دي حتقومي تبشّري
اتي دي
ااي:D
ود أبو عاقلة
حاضرين حاضرين باذن الله
همس الشوق
16-04-2009, 06:22 AM
هييي
عقدتوا ولا مالكم صنيتو ؟؟؟looool
كلمني حاول حس بي يااااااااااااا;)
فات الاوان :D:D
بعد دا نحس بيكم كيف يا اللخت !!!
خطي مشغول وح ابقى زول مسؤول
زمنكم دا كلووووو رافعين قزازكم وماخدين قراركم ... وضاربين طناش ...
تجونا بعد زمنّا فات وغنياينا مات ...
اكلي نارك ساي العوجة ما بتجيك ...:D
كما انا ما شايل مع الحنية هم ... وبخاف من الايام تدور !!!
همس الشوق
16-04-2009, 06:49 AM
فات الاوان :D:D
بعد دا نحس بيكم كيف يا اللخت !!!
خطي مشغول وح ابقى زول مسؤول
زمنكم دا كلووووو رافعين قزازكم وماخدين قراركم ... وضاربين طناش ...
تجونا بعد زمنّا فات وغنياينا مات ...
اكلي نارك ساي العوجة ما بتجيك ...:D
كما انا ما شايل مع الحنية هم ... وبخاف من الايام تدور !!!
ههههههههههههههههههه
أعصابك يا عريس الموسم
االلخو أنا ما قصدته من حس بي الا أن تجر سلك ... نهنيك وبس... ما تسرح
الفي قلبه حرقص براااااااااااااهو...............goood:D
فيصل سعد
16-04-2009, 07:02 AM
ههههههههههههههههههه
أعصابك يا عريس الموسم
االلخو أنا ما قصدته من حس بي الا أن تجر سلك ... نهنيك وبس... ما تسرح
الفي قلبه حرقص براااااااااااااهو...............goood:D
ما تخليو يسرح يا بت عمك :D:D ما ياكي ماليا ايدك في حسن برنواي و نحن راجيين على اقل تقدير رولزرويس و كدا :D:D ولا دايرا تنطي و تخرخري من هسة ..
يديك العافية ..
ههههههههههههههههههه
أعصابك يا عريس الموسم
االلخو أنا ما قصدته من حس بي الا أن تجر سلك ... نهنيك وبس... ما تسرح
الفي قلبه حرقص براااااااااااااهو...............goood:D
فترنا من مقصاتك ... وبطلي ياخي قرصاتك ...
هو حرقص من زماااااان دا لو خلاني اكون سعيد وشاكر ...
احلى حاجة تتحرقص بضمير وتشطح بدون شغلة ...
سلكنا دا مالكم عميانين منو !!!
طبعن جا الوكت البرفع فيو نخرتي ... وقزازي ... وحاجة من تلك القبيل :D:D
لكن برضو العشرة ما بتهون وانا طبعي حينيين
يا حينين ...
همس الشوق
16-04-2009, 07:35 AM
ما تخليو يسرح يا بت عمك :D:D ما ياكي ماليا ايدك في حسن برنواي و نحن راجيين على اقل تقدير رولزرويس و كدا :D:D ولا دايرا تنطي و تخرخري من هسة ..
يديك العافية ..
الله يعافيك يا إبن عمي
يسرح على حسابي ؟؟؟:D
وانا حسابي فااااااااااضي الا من بعض التمنيات بعم حسن وكدا
ما تشيل هم خلي رجلي تخطي القصر دا .... والقشة ما تعتر ليك يا ود عمك goood
همس الشوق
16-04-2009, 07:38 AM
فترنا من مقصاتك ... وبطلي ياخي قرصاتك ...
هو حرقص من زماااااان دا لو خلاني اكون سعيد وشاكر ...
احلى حاجة تتحرقص بضمير وتشطح بدون شغلة ...
سلكنا دا مالكم عميانين منو !!!
طبعن جا الوكت البرفع فيو نخرتي ... وقزازي ... وحاجة من تلك القبيل :D:D
لكن برضو العشرة ما بتهون وانا طبعي حينيين
يا حينين ...
ياخ انت بقيت نضام خلاس :D
سلكم غيرتو وعملتو للأعضاء فقط
أرفع نخرتك بس قزازك دا ما عرفتو اي قزاز فيهم
هههههههههههههههههههههههههههههههههه
فيصل سعد
16-04-2009, 07:43 AM
أرفع نخرتك بس قزازك دا ما عرفتو اي قزاز فيهم
هههههههههههههههههههههههههههههههههه
هلا هلا :D:D لكن ما تقولي لي ،،
دي جوة الجك بمزاااااج :D:D
اها يا عريس شكلك هسة مشغول بتجميع هدايا
للعروس!
هدايا ؟!!!!!!!
يا بت قالو ستة ستة ... وكلي ستة في حتة ... وجنس جهجهة ...
وتاني قالو دستة دستة ... وكلي دستة انا اتلحستا ...
شبكة وشيلة ... وشيل لحال ...
اصلا ام العروس من ذوات البوبار ... (والشوفونية) ... ولو ما عامل حسابي بروح فيها بروح فيها ... زي السبقوني في هذا المجال اغلبهم راح فيها بهكذا تصرفات ...
ولو عليها اجيها يد ورا وكراع قدام (يعني سريع)
لكن على الطلاق بالتلاتة وحرّم ما امشي يدي فاضية ...
بركة شنو يا صاحبي، إنت صدقت يا أشعب :D
أصلو يوم واحد ابريل دا يوم عيد ميلادي، الجماعة لقوني ما سوّرتو قاموا نصبوا فيهو خيمة عرسك goood
ياخوي انتا قايلو عرس الشهيد ولا شنو ؟!!!!!!!!!:D:D
ركّز معانا يا بوكش يا كوز يا جميل ...
قنا واحد خمسة ... يا كتف ابريل إنتا!!! كاسحيييييين
وخمسة خمسة تووووووش ...
وكل عام وانتم بخير وهابي بيرث ...
فيصل سعد
16-04-2009, 08:20 AM
She can kill with a smile
She can wound with her eyes
She can ruin your faith with her casual lies
And she only reveals what she wants you to see
She hides like a child
But shes always a woman to me
She can lead you to love
She can take you or leave you
She can ask for the truth
But shell never believe you
And shell take what you give her, as long as its free
She steals like a thief
But shes always a woman to me
Chorus
Oh-she takes care of herself
She can wait if she wants
Shes ahead of her time
Oh-and she never gives out
And she never gives in
She just changes her mind
And shell promise you more
Than the garden of eden
Then shell carelessly cut you
And laugh while youre bleedin
But shell bring out the best
And the worst you can be
Blame it all on yourself
Cause shes always a woman to me
WIDTH=400 HEIGHT=350
jezabell
16-04-2009, 10:47 AM
شي كان كيل ويذ اسمايل؟؟؟؟؟؟؟؟؟؟؟
الود فيصل دا بقى ارهابي متين؟؟ :D:D:D
هااك يا امير..و خلى الشبابيك فاتحه..;)[/align]
والبيبان والطاقة ...
كنت تائه في بحور الشوق وامواج الحنان يا ود عثمان ...
والمحبة ... اقوى من قدر الزمان (لكن ما اعتقد)
اتوقعت تجيب لينا بالفاتحة يا ناس ما حلال :D خصوصن مع الأزمة المالية العالمية الحالية:D
رأفت ميلاد
16-04-2009, 11:38 AM
هدايا ؟!!!!!!!
يا بت قالو ستة ستة ... وكلي ستة في حتة ... وجنس جهجهة ...
وتاني قالو دستة دستة ... وكلي دستة انا اتلحستا ...
شبكة وشيلة ... وشيل لحال ...
اصلا ام العروس من ذوات البوبار ... (والشوفونية) ... ولو ما عامل حسابي بروح فيها بروح فيها ... زي السبقوني في هذا المجال اغلبهم راح فيها بهكذا تصرفات ...
ولو عليها اجيها يد ورا وكراع قدام (يعني سريع)
لكن على الطلاق بالتلاتة وحرّم ما امشي يدي فاضية ...
العريس شكلو فهم اللعبة بدرى
غايتو قدر ما تاوقنا وقلنا أبريل .. حركات أيقونية ساكت .. تحسبآ مبروك ..
هههههههه
قال ليك الوصايا بالمهلة .. أو كما يقولون .. !!
عارفك ما محتاج لموص او كل ما وصاك به حبيبنا كيشو .. الفكرة يا ودعمك .. انك محنك .. ودي برااااها كفاية .. !!
البركة في السلك .. !!
ننتظر المعياد لنشد الرحال اليكم هناك حيث التهاني البث مباشر .. والله انت ما هين .. !!
استووووووووووو وقم يا صديقي الى محرابك الميمون على بركة الله .. !!
مما قنا ليكم وصونا كلكلم عملتو نايمين ... ما عارفكم خجلانين من شنو ؟
وبعدين ما ضروري وصاياكم تكون سنقة ورنقة :D:D
ياجماعة في معايش وونسة ونقة قبل النوم ... وبرسيتج مرْقة ... واوتوكيت لـمّات ... وطريقة مشية ... واسلوب تعامل ... ولايف استايل ... ومتين بتحصل كع وكيف تاخد ساتر ... يا ساتر عليكم ...
الهجيج في السودان يا طارق وحرّم توافق حكومتك حق التذكرة علي ...
أما فيما يخص الوسوس وس وس
فمعاك حق .. ياعادل عسوم الموضوع كده استحما عدييل ياخ شالو حالنا الجماعة ديل .. !!!
زي ما شالت حالي نسيبتي ...
عصرت علي شديد لكن بتسداو في بتها ...
بالله ما يشوفونا اتكسرنا ... تأخذهن العزة ...
وهاك يا اقتراحات ....
كلو مقبول ... الا حاجة وااااحدة بس !!!!!!!!!
وما تقول لي شنو :D:D
أنا ماقريت البوست كلو
حاضرين حاضرين باذن الله
تحضري ما تغيبي...
وانا قريتك من ألفك لى زدّك :D عربي وافرنجي ...
ما ضروري تتعبي نفسك ...
احنا بنشقى عشان شنو ؟...
ما عشانكم طبعن ...
وبيني وبينك لو حضرتيو يكون احسن ...
اعيّنك وزيرة العروس للشئون الاجتماعية والـ scan عشان تفتشيها لينا بمعرفتك اللزيزة ديك وتدينا الريبورت ...
هييي
عقدتوا ولا مالكم صنيتو ؟؟؟looool
مشغولين شديد واللهِ ...
تجهيزات وجري وتعب وتلفونات وتنسيق وغايتو لما تجي المناسبة اكون رقدت سلطة ... ودا عيبنا الوحيد ...
طبعن اول يوم عسل بنكون نايمين لغاية المغرب ...
تصحى تحس بنفسك غريب ... تحاول تفتح موضوع تلقى ما عندك موضوع ...
نسكت كمان شينة ...
لغة العيون في اللحظة ديك بتحتاج شريط ترجمة ...
ولغة الجسد صعبة الفهم منذ الوهلة الاولى لانو حروفا الابجدية الدرسوها ليها من منازلهم ما زي الدرستها في شوارعنا ... وهنا بتحصل فجوة حسية لو ما لفيتا بتلقى روحك إشك !!!!
معتصم الطاهر
16-04-2009, 01:46 PM
سلامات
قلت لى داير وصية
الوصية فى الذمة
..
فيصل سعد
16-04-2009, 06:46 PM
سلامات
قلت لى داير وصية
الوصية فى الذمة
..
و الامانة في الرقبة :D:D
سلامات
قلت لى داير وصية
الوصية فى الذمة
:D:D:D
يا باش مهترش ...
دبل كيكك لكن في السلك :D:D
الوشوش دي لمداخلتك قبل التعديل :D:D
ياخي يا تدخل هنا بالتي هي احسن ... يا فارقنا باحسان :D:D
و الامانة في الرقبة :D:D
شنو يا فردة ؟
جبتو لينا ذمم ورقاب وغارمين
قنا ليكم معزومييييييين:D:D
ياهو حال السودانيين !!!!!
اصلو ما بخلو ليهم حاجة تمشي سلسة ...
الباص دا ماشي هناك لو سمحت ما تمد كراعك وتتشالق :D
الاغنية شديدة ... خلفية جهبزت البوست ودخلتنا في عوالم حالمة
وان شاءالله شيز اولويز مرتي ...
التحية موصولة لبيلي جويل وافراد فرقته الموسيقية نفر نفر ...
عارفك بتاع مزازيك ومُزز لكن تقول شنو :D:D منتدى ضيق ...
طارق صديق كانديك
16-04-2009, 07:38 PM
مما قنا ليكم وصونا كلكلم عملتو نايمين ... ما عارفكم خجلانين من شنو ؟
الهجيج في السودان يا طارق وحرّم توافق حكومتك حق التذكرة علي ...
قال ليك يا معلم كلو واحد بياكل نارو براهو .. الشغلانية من تبقى جد جد كلو زول بلزم يمينو .. وربما ثارت ثائرة الشمال ذات مساءٍ حميم .. !!
أهلنا الكواهلة وأنا منهم .. قالوا عشرة منهم ماشين في غابة .. في طريق ضيق جدا ووحيد لازم كلهم يمرو بيهو .. أول واحد في غصن شوك قد عينو .. زولك ما قال أخخ ولا أي شئ أكلا سااااي ومشى البعدو شرحو .. والبعدو .. شرحو .. لمن كلموا العشرة .. بعشرة عيون فقط ... !!!
الحكومة بتوافق والتذكرة جاهزة .. الراجيك كتييير ياعريس .. حين تغلق أبواب العزوبية وتكون أبواب السعادة قد قالت هيت لك .. !!
صادق أمنياتي
مجن81
16-04-2009, 07:44 PM
ابو عاقلة
ماوريتنا العروس منوا؟
العريس شكلو فهم اللعبة بدرى
غايتو قدر ما تاوقنا وقلنا أبريل .. حركات أيقونية ساكت .. تحسبآ مبروك ..
مبروك خجولة!!!
خجولة جدن يا استاذنا ويا معلمنا الكبير ...
مع اني عارفك لمّاح لكن المرة دي ما عارف ليه قلشت منك !!!
ياخ والله مشتاقين كتير ...واتوقع مني اردها ليك في موقعك
في موقع الجمال بلاقيك...
نسايم
16-04-2009, 07:56 PM
الف مبرووووووك لي محمد وعروسو وبي الرفاه والبنييين
وعقبال لي باقي الشباب
قال ليك يا معلم كلو واحد بياكل نارو براهو .. الشغلانية من تبقى جد جد كلو زول بلزم يمينو .. وربما ثارت ثائرة الشمال ذات مساءٍ حميم .. !!
أهلنا الكواهلة وأنا منهم .. قالوا عشرة منهم ماشين في غابة .. في طريق ضيق جدا ووحيد لازم كلهم يمرو بيهو .. أول واحد في غصن شوك قد عينو .. زولك ما قال أخخ ولا أي شئ أكلا سااااي ومشى البعدو شرحو .. والبعدو .. شرحو .. لمن كلموا العشرة .. بعشرة عيون فقط ... !!!
الحكومة بتوافق والتذكرة جاهزة .. الراجيك كتييير ياعريس .. حين تغلق أبواب العزوبية وتكون أبواب السعادة قد قالت هيت لك .. !!
صادق أمنياتي
يا فردة جناحي التاني وكت الناس تطير :D لى عالما:D
غايتو قاعد لي قعدة بمزاااااااج وكباية النسكافيه تسمع في طقطقة كيبوري دي ...
شوف يا الحبيب ... يا ثائر ... النظرة ماشه وراك :D:D:D:D
صاح يا مجن ؟:D:D
.
موضوع جماعتك ابوعشرة ديل تكون قاطعو من راسك وقطع اخدر يا بوكش ...
كواهلة شنو العندهم غابات ... تكون قامت بعد اغتربنا ولا شنو !!!:D:D
كان تقول لي لو عينك تطلع ما بنقول ليك ... كيتن كدا في الورانا عشان القدامنا ما قالو لينا ... زي مثل شبارقة داك القاطعو من راسو ...
وعلى كلن ... الفيك اتعرفت برضو ...
واذا فرضنا كلامك صاح ...
عليك الله في غتاتة اكتر من كدا؟!!!!!!
:D:D
ابو عاقلة
ماوريتنا العروس منوا؟
ما بتعرفيها يا مجن ...
اوصافها في الصفحات الورا ...
عاوز انزل صورتا لكن متردد !!!
من ناحية شديدة ... شديدة ... لكن بنخاف من العيون !!! الفيهن نعاس ;)
والمنتدى دا بابو فاتح للغاشي والماشي ...
فقلت اتريث حبتين ريثما نشوف الحاصل ...
لكن ممكن ارسلا ليك ع الايميل لو حبيتي قبل كدا:D:D
الف مبرووووووك لي محمد وعروسو وبي الرفاه والبنييين
وعقبال لي باقي الشباب
لا لا لا لا لا الكلام دخل الحوش ...
اول حاجة عودا حميدا مستطاب ...
ياخ والله ليك وحشة ما عادية ... وشوق كميات
كنتي وين يا بت ؟
كنتي وين العمر كلو ... كنتي وين ؟
ومن قلبي عقبالك يا راسي يا زين ...
ملحوظة:
(............... الـسـ ...... جمـ ..... ان شاءالله)
نسايم
16-04-2009, 08:53 PM
لا لا لا لا لا الكلام دخل الحوش ...
اول حاجة عودا حميدا مستطاب ...
ياخ والله ليك وحشة ما عادية ... وشوق كميات
كنتي وين يا بت ؟
كنتي وين العمر كلو ... كنتي وين ؟
ومن قلبي عقبالك يا راسي يا زين ...
ملحوظة:
(............... الـسـ ...... جمـ ..... ان شاءالله)
الحمد لله في زول لاحظ انى غبت
انا كنت مشغولة (بكلمك بعدين)
ملحوووزة
أ.............يو......ا
مجن81
16-04-2009, 11:37 PM
يا فردة جناحي التاني وكت الناس تطير :D لى عالما:D
غايتو قاعد لي قعدة بمزاااااااج وكباية النسكافيه تسمع في طقطقة كيبوري دي ...
شوف يا الحبيب ... يا ثائر ... النظرة ماشه وراك :D:D:D:D
صاح يا مجن ؟:D:D
.
موضوع جماعتك ابوعشرة ديل تكون قاطعو من راسك وقطع اخدر يا بوكش ...
كواهلة شنو العندهم غابات ... تكون قامت بعد اغتربنا ولا شنو !!!:D:D
كان تقول لي لو عينك تطلع ما بنقول ليك ... كيتن كدا في الورانا عشان القدامنا ما قالو لينا ... زي مثل شبارقة داك القاطعو من راسو ...
وعلى كلن ... الفيك اتعرفت برضو ...
واذا فرضنا كلامك صاح ...
عليك الله في غتاتة اكتر من كدا؟!!!!!!
:D:D
شكيت محنك:mad:
بدور التركي
17-04-2009, 09:15 AM
جمعة مباركة يا عريس
أها أخر الأخبار شنو
قالوا العروس نصها سودانى ونصها اجنبى:D
( وش فرحان ليك شديد):D:D
نواريا
17-04-2009, 01:23 PM
WIDTH=400 HEIGHT=350
شكيت محنك:mad:
وقفتي وين لا سمح الله ...
مرات بكتب حاجة وبقصد حاجة تانية ...
بس اوعا يكون خيالك راح بعيد :D
الحمد لله في زول لاحظ انى غبت
انا كنت مشغولة (بكلمك بعدين)
ملحوووزة
أ.............يو......ا
وهل يخفى القمر ...
بعدين دي كانت متين ؟ ...
جمعة مباركة يا عريس
أها أخر الأخبار شنو
قالوا العروس نصها سودانى ونصها اجنبى:D
( وش فرحان ليك شديد):D:D
ما بتخلو الشمارات نهااااااائي ...
كلامك صاح ... لكن عرفتي كيف ...
ما زلت متردد في إنزال بري للصورة !!!
بس بتحتاج شوية معالجة بالفوتوشوب لاخفاء بعض الجماليات ...
بنخاف يسحروها !!!
بدور التركي
21-04-2009, 10:30 PM
ما بتخلو الشمارات نهااااااائي ...
كلامك صاح ... لكن عرفتي كيف ...
ما زلت متردد في إنزال بري للصورة !!!
بس بتحتاج شوية معالجة بالفوتوشوب لاخفاء بعض الجماليات ...
بنخاف يسحروها !!!
دى ما شمارات دى اشهارات:D من شروط العقد وكداlooool
كلمتنى العصفورة.. وخليك متردد ماتنزل حاجة
عارفين العيون حلوة وكحلى اللى يشوفها
يصير مجنون وينقطع من حالو الحيل
عشان كدا دارى على شمعتك:D
ما خايفين عليها خايفين عليك
اصل العين عليك أد كدا هو(5):D
والله أنا خايفك يا ود أب عاقلة تغير رايك وتشوف ليك شوفة تانية لأنو يوم واحد خمسة دا بعيد عليك :D
أصلو الكضبة بتجر معاها كضب كتير
...
وانا راسي جاط ما بين هواك ... والدبرسة ...
قال ليها : ألفتا عشرين الف بيت ...
وانا محتاج أأسس بيت واااااحد بس كفاي ...
وفعلن بت هندسة ... لكن !!!
إتو الشمارات دي بت جيكم كيف ...
ولا اتو بتمشو ليها ...
جني وجن هندسة البنات ... غايتو تمومة تعليم وخلاص !!!
لكن بريد بت هندسة ...
يا ناس بريد بت هندسة
شكرن نواريا للدعم اللوجستي وما نجيك في شر ...
دى ما شمارات دى اشهارات:D من شروط العقد وكداlooool
كلمتنى العصفورة.. وخليك متردد ماتنزل حاجة
عارفين العيون حلوة وكحلى اللى يشوفها
يصير مجنون وينقطع من حالو الحيل
عشان كدا دارى على شمعتك:D
ما خايفين عليها خايفين عليك
اصل العين عليك أد كدا هو(5):D
البوست دا من اولو اشهار ...
على الأقل اسفيريا ...
انتي السبب في كل دا !!!!!!
ويا ربي كل عاشق جميل يديهو زي بت هندسة ...
وإديكي زي (واحد) بحب بت هندسة :D:D (ولد دا ... ولد لا :D)
والله أنا خايفك يا ود أب عاقلة تغير رايك وتشوف ليك شوفة تانية لأنو يوم واحد خمسة دا بعيد عليك :D
أصلو الكضبة بتجر معاها كضب كتير
ياخوي شايف علي شنو ؟!!!!!:D
شكيت ليك ... لا ... بكيت ليك ... لا
وتيب ...
ياخ قنا ليك دا ما عرس الشهيد ... مُصِر تجاهد ...
نحن نجاهد بصمت ... مع إننا معوقين ولكن !!!
للجروح قصاص ...
اسمعني ...
بطّل لينا مناوشاتك دي وخلي الشهر دا يعدي على خير عليك الله ...
تبت لله والرسول ...
ياخوي شايف علي شنو ؟!!!!!:D
شكيت ليك ... لا ... بكيت ليك ... لا
وتيب ...
ياخ قنا ليك دا ما عرس الشهيد ... مُصِر تجاهد ...
نحن نجاهد بصمت ... مع إننا معوقين ولكن !!!
للجروح قصاص ...
اسمعني ...
بطّل لينا مناوشاتك دي وخلي الشهر دا يعدي على خير عليك الله ...
تبت لله والرسول ...
يمكن يكون عرس شهيد جا ماشي بي كرعيو بعد مدة
قايلا ما حصلت؟goood
طيبان
23-04-2009, 12:23 PM
ألف مبروك مقدّمـاً عزيزنا محمّد أبوعاقلة ..
ربّنا يبعد العوارض .. ويهوّن أمورك ..
وتضوقو ..
وتدخل سوقو .. ;)
مشكورة أختنا رشا ..
__
دايما في حبور .. وأيّامكم بهجة
همس الشوق
23-04-2009, 12:36 PM
هو الفلم الهندي دا لسه مدور :D
يمكن يكون عرس شهيد جا ماشي بي كرعيو بعد مدة
قايلا ما حصلت؟goood
الزمن غدار ... والحكمة تقول ... كل شي معقول ...
ربما مليت مني يارشيـق ...
ربما حصلت لك غيري عشيق
ربما غروك أصحاب الفضول ...
كلوووووووو شي معقول !!!
معقول لكن !!!!!!!!
ألف مبروك مقدّمـاً عزيزنا محمّد أبوعاقلة ..
ربّنا يبعد العوارض .. ويهوّن أمورك ..
وتضوقو ..
وتدخل سوقو .. ;)
مشكورة أختنا رشا ..
__
دايما في حبور .. وأيّامكم بهجة
والله يا طيبان ياخوي كنت بتمنى تجمعنا فرصة أحسن من كدا !!!!
قريت كلامك داك استغربت واستعجبت وورينا الخلاص ...
شوف الزمن ساقني بعيد خلاص ...
جرعني كاس ;)
اتبشتنتا واتعذبتا يااااااه ...
اليوم 30 ابريل ...
كل عام وأنتم بخير ...
------
سوف نوافيكم بمزيد من المستجدات بعد شوية ...
هو الفلم الهندي دا لسه مدور :D
بدوّر بحروفك الحلوة ... ونفسك الطويل ..
يا بت انتي ما زلتي في هذه الأسافير تتحاومين ...
تتأرجين ... وفي تمام الصحة ...
عجبي !!!
فيصل سعد
30-04-2009, 06:35 AM
سوف نوافيكم بمزيد من المستجدات بعد شوية ...
شوية شوية لما تطل
اشوفك من بعيد لبعيد :D:D
شوية شوية لما تطل
اشوفك من بعيد لبعيد :D:D
اديني صنّة اربط المكنة ...
وعارفك كلك نظر ...
فيصل سعد
30-04-2009, 06:49 AM
اديني صنّة اربط المكنة ...
وعارفك كلك نظر ...
دي مكنة ولا كبسنة ولا زرارة :D:D
احسن تقرض على كدا و تجليهم الاتنين ...
المكنة ... و الربط ...
و ادي الجماهير فرصة للتأمل و الدهشة
و السرحان و واصل قصايدك :D:D
دي مكنة ولا كبسنة ولا زرارة :D:D
احسن تقرض على كدا و تجليهم الاتنين ...
المكنة ... و الربط ...
و ادي الجماهير فرصة للتأمل و الدهشة
و السرحان و واصل قصايدك :D:D
يا ود عمو
هو العريس بغنوا ليهو ولا بغني براهو؟
فيصل سعد
30-04-2009, 09:17 AM
يا ود عمو
هو العريس بغنوا ليهو ولا بغني براهو؟
و الله يا حبيب ، بتعتمد
على حسب الاجواء و انت سيد العارفين،
و الاجواء هنا مجاز يا ود عمك :D:D
بعدين انتوا يا ناس الدوحة حيرتونا و كدا
و مفروض نحن نسأل و انتوا تجيبوا :D:D
و الله يا حبيب ، بتعتمد
على حسب الاجواء و انت سيد العارفين،
و الاجواء هنا مجاز يا ود عمك :D:D
بعدين انتوا يا ناس الدوحة حيرتونا و كدا
و مفروض نحن نسأل و انتوا تجيبوا :D:D
أمس مخصوص مشيت بي شارع سلوى، ولمن ما لقيت علامة اشتريت جهاز لقياس الضغط
الليلة من الصباح الحيكومة قالت لي: أها ود أب عاقلة موضوعو كيف؟
قلت ليها: إن غداً لناظره قريب
بعد كدا باب الأعذار انقفل، والمكنة البجهزوها في الوكِت دا ومن العريس شخصياً إلا تكون أقوى من مكنة الخبر المكنة ذاتو
وأي حركات من طرفي المكنة حتفتح المجال لبوستات جديدة لا نتمنى اللجوء إليها
من ناحية بت قسّم ... بت قسّم ...
لو ما تيك تيك ... تيك تاك ...
اخوك حنكو سنين وسنتو ناعمة :D:D
يا ود عمو
هو العريس بغنوا ليهو ولا بغني براهو؟
يغني على ويلاااااااه وآآآآآآآآآه !!!!!!
دي مكنة ولا كبسنة ولا زرارة :D:D
احسن تقرض على كدا و تجليهم الاتنين ...
المكنة ... و الربط ...
و ادي الجماهير فرصة للتأمل و الدهشة
و السرحان و واصل قصايدك :D:D
أكتر من كدا بتجي في وشنا يا فيصل !!!!
وماف زول ياكل معاي النيم ...
فقلنا ناخد الساتر ...
الله يسترها علينا وعليكم ...
ما تورطني يا فيصل بهكذا حركات :D:D...
فيصل سعد
30-04-2009, 09:38 AM
من ناحية بت قسّم ... بت قسّم ...
لو ما تيك تيك ... تيك تاك ...
اخوك حنكو سنين وسنتو ناعمة :D:D
لا شك في ذلك مطلقا :D:D
اها الربطة اخبارها شنو،،
شايف الزبائن كتروا يا بوكش،
غايتو نصيحتي ليك لو اتضايقت
اربطها بكرتين و شوت مغمض و كدا :D:D
لا شك في ذلك مطلقا :D:D
اها الربطة اخبارها شنو،،
شايف الزبائن كتروا يا بوكش،
غايتو نصيحتي ليك لو اتضايقت
اربطها بكرتين و شوت مغمض و كدا :D:D
وبعد اغمض الشايت ليها شنو :D:D:D
نتمها للصباح والصباح رباح ...
بريدك يا وطني ....
فيصل سعد
30-04-2009, 09:41 AM
أكتر من كدا بتجي في وشنا يا فيصل !!!!
وماف زول ياكل معاي النيم ...
فقلنا ناخد الساتر ...
الله يسترها علينا وعليكم ...
ما تورطني يا فيصل بهكذا حركات :D:D...
ما هي كدا كدا جاية في وشنا
بعدين الوش شن فايدته كان ما
اتلقاها في الظروف دي :D:D
اعتمد على وشك و جلي السماء و انسى الواطة ..
بعدين النيم بناكلوا معاك بمزاج خصوصا
30 ابريل حي يرزق الى الآن و كدا :D:D
ما هي كدا كدا جاية في وشنا
بعدين الوش شن فايدته كان ما
اتلقاها في الظروف دي :D:D
اعتمد على وشك و جلي السماء و انسى الواطة ..
وبرضو تقول لي امدرمان ريفي الخرتوم ...
وعاوزني اغمض يا اللخو ...
يعني شنو ...
نقشها على عمانا برضو ...
ان شاء الله تجي في الحيطة بركة النهار الحار دا !!!!
ما هي كدا كدا جاية في وشنا
بعدين الوش شن فايدته كان ما
اتلقاها في الظروف دي :D:D
اعتمد على وشك و جلي السماء و انسى الواطة ..
بعدين النيم بناكلوا معاك بمزاج خصوصا
30 ابريل حي يرزق الى الآن و كدا :D:D
نيم كندا ما زي نيمنا البناكل فيو يوماتي ...
لا في خطر ... لا راجي المطر ...
خليك معانا منطقي عشان نقدر نتصرف معاك يا بوكش ،،،
الحال شلش والظروف ما معروفة ...
فاحسن اقول ...
اعتمادا على التقويم الهجري ...
اها وكان خربت برنامجي اقول يا منو !!!!!
فيصل سعد
30-04-2009, 09:48 AM
وبرضو تقول لي امدرمان ريفي الخرتوم ...
وعاوزني اغمض يا اللخو ...
يعني شنو ...
نقشها على عمانا برضو ...
ان شاء الله تجي في الحيطة بركة النهار الحار دا !!!!
ما دي شحورة الخيارات
و جغمستها و جلكساتها ، و بي
كدا عندك شماعتين بالاضافة الى ابريلنا الراحل ..
فيصل سعد
30-04-2009, 09:51 AM
فاحسن اقول ...
اعتمادا على التقويم الهجري ...
اها وكان خربت برنامجي اقول يا منو !!!!!
تقول يا اوكامبو :D:D
او تدرعها في الماك و سفاري و كدا و الهكرة و يا
سيستم ما دخلك شر..
ما دي شحورة الخيارات
و جغمستها و جلكساتها ، و بي
كدا عندك شماعتين بالاضافة الى ابريلنا الراحل ..
ما هو عشان الشماعات الواقفة فاضية دي عندنا فيها راي ...
وراي اروش ...
خلونا نمارس حياتنا بالطريقة البنشوفا ممتعة وعملية ...
ما زال في ذلك الوادي ... جِدادة ...:D
لا ممعوطة لا بت بالي من الرش :D:D
تقول يا اوكامبو :D:D
انا خوك إتا!!!!!!
جنايات ؟!!!!!!
هي حصلت يا بوكش ؟!!!!!!
الأغبش
30-04-2009, 09:57 AM
اللخو ... يوم واحد خمسه بعد بكره ...
ياخي قلبي معاك ....
اللخو ... يوم واحد خمسه بعد بكره ...
ياخي قلبي معاك ....
ادوني فرصة يومين تلاتة بالكتير لكي نطير ...
ما عندك خيارات ؟
وانتا عارف لما اخترتك حبيبي ...
كان في قلبي ... جرح ينزف بالهزيمة ...
يا الاغبش والله منتظرك تقيف معاي شديد ...
خصوصن اليومين دي ...
والله بتكلم معاك جد ...
فيصل سعد
30-04-2009, 10:02 AM
ما هو عشان الشماعات الواقفة فاضية دي عندنا فيها راي ...
وراي اروش ...
خلونا نمارس حياتنا بالطريقة البنشوفا ممتعة وعملية ...
ما زال في ذلك الوادي ... جِدادة ...:D
لا ممعوطة لا بت بالي من الرش :D:D
كلام عقل ،،
خط الرجعة لابد منه برضو :D:D
في الحالات الزي دي ..
كلام عقل ،،
خط الرجعة لابد منه برضو :D:D
في الحالات الزي دي ..
:D:D:D
احينا !!!!!!
مما جابو ليكم سيرة المماعيط جريتو واطي ...
لو عارف نقطة ضعفك كان من قبيييييل ثبتّك ...
اللهم ثبّت قلبي على دينك ...
وإنّا لله ...
فيصل سعد
30-04-2009, 10:10 AM
:D:D:D
احينا !!!!!!
مما جابو ليكم سيرة المماعيط جريتو واطي ...
لو عارف نقطة ضعفك كان من قبيييييل ثبتّك ...
اللهم ثبّت قلبي على دينك ...
وإنّا لله ...
تعرف يا بوكش علي بالحلال
انت الذ زول في العالم ،،
"You made my day "
اها انا مشتت ، سوق و
عين الله ترعاك و اوزن البلوفا
و نفس الفرامل و ارخي التقسيمة
و نشوفك بعد 8 ساعات و كدا ..
تعرف يا بوكش علي بالحلال
انت الذ زول في العالم ،،
"You made my day "
اها انا مشتت ، سوق و
عين الله ترعاك و اوزن البلوفا
و نفس الفرامل و ارخي التقسيمة
و نشوفك بعد 8 ساعات و كدا ..
ما هو لزازتكم بتدينا دافع نلز لزازتنا :D:D
سير وعين الله ترعاك ...
الأغبش
30-04-2009, 10:28 AM
ادوني فرصة يومين تلاتة بالكتير لكي نطير ...
ما عندك خيارات ؟
وانتا عارف لما اخترتك حبيبي ...
كان في قلبي ... جرح ينزف بالهزيمة ...
يا الاغبش والله منتظرك تقيف معاي شديد ...
خصوصن اليومين دي ...
والله بتكلم معاك جد ...
هو انا لامي فيك عشان اقيف وللا اقعد ؟؟؟
مراسيلي فترت ...
منتظرك علي حافة الشوق ...
هو انا لامي فيك عشان اقيف وللا اقعد ؟؟؟
مراسيلي فترت ...
منتظرك علي حافة الشوق ...
قتا لي بقت عليك خطاباتي البوديها ...
تقول لاب تمشي لا حاجة ...
والله ياها زاااااتا!!!!!!
المشكلة ما في جيت العصافير ...
ولا رجوعا فاضية ...
المشكلة محتاجة ناس فاضية ...
ومشغول وحياتك مشغول ...
وفيما يخص حوافك ... وحوافي ...
منزلق فجائي ...
يا رماك يا رماني ... من علٍ ...
الموضوع بائظ ... والحال شلش كما ذكرت ...
وفي هذه الحظة الغنماية تاكل عشاي !!!! يا عشاي ...
شفتا كيف الحال بقت ؟!!!!!
غايتو بس نمشي ونجي !!!
باختصار شديد
كل الحكاية ... كانت
كذبة أبريل ...
وكان اسمها الثورة ...
وكان العرس عرس الشمال ...
وكان جنوبيا هواها ... وانفخو على كدا!!!!!!:D:D
وأتمني من العلي القدير أن يقسّم الله هذه المكنة الخفيفة ولكن بت شيل :D
عارفا بتشيل ريسينكم الخفيفة دي :D
ما تسمعو ليكم ببوست فيهو مناسبة أو توجد صور تجو طايرين للشمارات :D
وقوموا إلى منتداكم يرحمكم الله ....
ودمتم ذخرا لهذا المتكأ ومشكاة تفج ظلام الآتي بمنتهى الحضور ...
يقطع الله العزوبية ... وبيوت العزابة !!! الحال الشلش !!! مشاوير المكوجية !!!
البوش البوّش بالواحد ...
تطلع زي الطلعت روحك ضهبان ... والدهِج !!! ما أدراكم ما الدهِج ...
العزابة الذين يقصّرون العيشة والعمر في آن !!!
ملامحهم كآبة ... وسحنتهم خرابة ... يلتحفون السقف ويفترشون أوجاعهم ... وحِتّة من حتّى ...
كرعينهم ناشفة ... ورؤوسهم ناشفة برضو ... وقلوبهم واجفة ... يخافون الراجفة ...
وينتظرون (الراجمات):D بفارغ الصبر حيث لا حول لهم ولا قوة ... وليس لديهم ما يخسرونه !!!! بايعنها بايعنها ... الله يلعن بيع الزنقات ...
يشوتون المدردقة ضفّاري ... ويجلو أهمّ حاجة !!! ثم يوزعون الاثم في الطرقات الخلفية والأزقة الضيّقة زي الما حصل شي !!!
يتوثبون للصيد المطرّف ... إن كان غزال البر نافر أو غير ذلك ... المهم صيّاد في النجوم الخرّت!!!!
يبدلون الذي هو أدني بحلة المنيوم مهترئة أكل منها الدهر معاهم وما فضّل فيها حاجة ... ثم يكبون زوغتهم المعتادة بكل يُسر ...
وداعاً أيها المِلة المبشتنة التائهة ... المغلوب على أمرها وساكتين كالمغشي عليكم دنيا وآخره ...
وداعاً للمشاوير الطويلة التي كُتبت علينا ... والبال القصيّر !!! وصديق سرحان ... واريت النوم يزورني اليوم ... سهر الليالي الكان طوالي !!!
وداعاً للقلق والهواجس والزهج ... وقومة الليل التكابس غير قومة النفس التي طلّعت زيت الواحد !!!
سأكتب عن ملايين المكبوتين الغلابة ... وماكلنها في حنانم ... والساكتين بالوجعة ... وغلبتم الرجعة ...
الذين أكلو نارهم مرارا وتكرارا من سكات وما زالوا يأكلونها قِلة حيلة ... وما زالوا يحبذون الملح أينما وُجد ... كعزومة طايرة أو وصلني معاك انا في طريقك ،،، وطريق الشوق خالي محطات ...
الذين ما زالت تتربص بهم الدوائر ... دائرةٌ دائرة ... ودائرة الشك أكبر لو كانوا يعلمون ...
تحسبهم كتار وهم مزاميز مجدعين ويرعى فوقهم اليُتم ... ويرقدون قش من قولة تيت :D...
وداعاً لدامات الديناري والهارت ودوهات الزبالة (الزمن دا كلو نعاين ليهن مرسومات ... جا الوكت البنشوفن يفرفرن) قالو لينا حلاة الدخان والحنة في دامة الديناري والهارت!!!
اها وناس كراعك خمسين ... وجوطات الخرخرة ... والدك القانوني ... وهي جاني جوكر ...
ولو سمحت ما تعاين في ورقي ريحة خشمك ما حلوة (دي بتكون في السر)
وداعاً لأولاد الحرام . أسودهم والشيريا واحيانا القاعدين قدامك ... والاثنا التي تحبني وأحبها مسيخة ...
وداعاً لطرابيز العزابة المايلة كعادتها نسبة لكثرة المتضهبين وأبناء السبيل والمخروتين ...
ملاياتهم المكرفسة في طرف أسرتهم المكلوجة والتي لا تستطيع الصمود فوق أكثر من ثلاث من ذوي الجتة المبغبغة خليجيا...
شباشبهم المجدعة فوق بعض بلا ضمير ... ورائحة جزمهم التي تجيب الضهبان !!! وشراباتهم ما أن تصبح الواطة إلّا ويلقوها إتلحست:D ...
كدايسهم نحيفة :D... والكلاب لا تعتب أبوابهم البتة :D... فعظامهم نظيفة ... ويحسنون الماعون كما يجب ككرت كرتونة :D...
وداعاً لغسيل العدة البدون جونتيات ;)... المكانس المزعجة ... والموكيت ... وإتكالية بعضهم على بعض في الملبس والشدشدة وما مهم مقاسك كم:D ... ودا يومك والعدة عليك ... والحلة البتحرق عادي !!!
وداعاً لفرفرة المراتب ... والمخدات الزهجت مننا والبطاطين التي تكتم النفس!!! والحمام بالدّور إتا وصحيانك بدري ...
وداعاً لمنبهات الكاسيو البت نقنق بريق ناشف وكأنو زهجان منك وزهّجتو...
وداعاً لضيوف آخر الليل الما متعشيين المهمشين ... مقطوعي الراس ... والفاقدين دليل ... والمبشتين وهم كُثر ...
وداعاً للذين (يقرطعونه) كموية صحة;) ... البطونهم بشاكير وأحواض رملة ... وذلك الذي شايل سنامو وعطشان ...
وداعاً لأكياس النايلو ... برنسيس النضارات ;) ... المسامير التي تئن تحت وطأة بنطلونات الجينز الوسخانة وتقيلة ...
وداعاً للحديث المبتذل عن جكسٍ إسترخص نفسة وباعها بثمنٍ بخس وأصبحن حديث المخاليق الوهم ... يخس على دي سيرة وانفضحت :D...
وداعاً لكل من سوّلت له نفسة المرضانة بالسوء إلا من رحم ... من ألفاظ وحركات كهشّك بشّك ... والطالع صولة !!!
وداعاً لريسيفرات الهوت بيرد ... الجكس المشفّر ... (ولا تدري وين تودي وشّك هذا المساء) وتحكي الوجعة... القنوات السخيفة المكررة وكضبها الما بغبانا ...
وداعاً لصحن الفول اليومي بنفس زيت البذرة وشمار البشر ... علب التونا ... وقام القطر ... والكلاكلة غرقت :D:D ...
وداعاً للشخير الذي أطاح بجل أحلامي الليلية الجميلة ... كركبة أنصاص الليالي من الذين يعانون الأرق ... وكان من المفترض أن اعيشها واقع لا محالة ... بكل رومانسية واثبات هوية ...
وداعاً للمنكوبين في بيوت العزابة ... في مشارق الأرض ومغاربها ... خصوصن عزابة السعودية :D:D (كامل تضامني معهم)
وداعاً لأوجاع المفاصل والروماتيزم والضهر وأحيانا التِصِنِع كزول طايره ليو في راسو ...
يعني الواحد كان ماشي بنص كلتش ... أقصد بنص دين ... دا كلام دا!!!!!!
وداعاً لبتاع البقالة الجنو يغالطك ... وحسن كج ورفاقة الضالين ...
وداعاً لعمر فلنكة وخالد بوبينا وبعض الرمتالة الخوازيق هنا وهناك وما أكثرهم نفرا وأقلهم حيلة ... لهم المغفرة ورضوان من الله ورحمة في باقي الليل دا...
وداعاً لوليد كيلومتريك خالي الضمير الذي فقأ عينة حين جكس ... وبكى باقي عمرو !!!
أهلا بعصام المرتاح وصحبه الذين سبقونا بالدخان ... وبعض كَبَريت حين زنقة أو لا زنقة بحاجة تزكي الانوف ...
أهلا بأحمد خالد الذي عزف أجمل المقطوعات بايحاء غريزي بحت وشحتف باقي الشلة فاصبحوا يكوسون حق النص حتى لو بقرض يقرضوهو في اسبوع وبعدها الله كريم ...
أهلا بالذين عزفوا أوبريت الملحمة الملهمة الكبرى في ليلةٍ إكتمل فيها القمر بدرا بالتمام ... وعاشوا باقي العمر عمرين ... أخخخ أنا من سائق البوباي ...
قال ابريل قال !!!!!
كل أبريل ونحن براميلا تكركب !!!
وأكثر الضجيج ياتي من البراميل الفاضية التكركب !!! كررو كرو ...
لا تجعلونا نداقش في كيمانها وهي ماشة بينا ... وبدوننا...كاسحة لا محالة ...
والنقّة الكتيرة دي ... اعكسوها ... رأسا على عقب ...
ولكم العقبى حتى ترضو
والشال الكلام دا وداهو منتدى تاني احسن يبطل لفح ... واستعجال ... وشمشرة
طيب يا دنجوان عصرك ؟!!!!!!!
الله يخلي لينا العصافير ....
لا اسكت الله لها شقشقة ...
باختصار شديد
كل الحكاية ... كانت
كذبة أبريل ...
وكان اسمها الثورة ...
وكان العرس عرس الشمال ...
وكان جنوبيا هواها ... وانفخو على كدا!!!!!!:D:D
وأتمني من العلي القدير أن يقسّم الله هذه المكنة الخفيفة ولكن بت شيل :D
عارفا بتشيل ريسينكم الخفيفة دي :D
ما تسمعو ليكم ببوست فيهو مناسبة أو توجد صور تجو طايرين للشمارات :D
وقوموا إلى منتداكم يرحمكم الله ....
ودمتم ذخرا لهذا المتكأ ومشكاة تفج ظلام الآتي بمنتهى الحضور ...
الحمد لله مبروكنا ما وقعت واطا
ونداء إلى كل من (أحس/ت) بشاكوش (فليتقدم/تتقدم) بطلب تعويض عن الأضرار المادية والأدبية
وكل من (لجأ/لجأت) إلى البديل تحميل المدعو (أبو عاقلة) والمدعوة (رشا) مسئولية الورطة والتخليص
وكل من (ذرف/ت) دمعة (يتقدم/تتقدم) بطلب موضح فيه عدد الليترات والملليترات المسكوبة ويشمل هذا دموع الفرح والترح، ذلك لمن أراد فصل الدموع عن المشاعر المسببة لها.
بقية الطلبات المتعلقة بالاستعدادات الخاصة بالمشاركة من ملابس وهدايا وديون إسلامية وربوية فيتم النظر فيها بواسطة لجنة خاصة
سيتم توزيع نظارات الحذر وغيمات الشك على الأعضاء الكرام للتعامل مستقبلاً مع تصريحات المذكورين:D
ذلك لمن أراد فصل الدموع عن المشاعر المسببة لها.:D
أول حاجة افصلو لينا الدين عن الدولة بعدين تعالو قولو رايكم ...
وفصلنا ... لسه ما وصلنا ...
وس وس
سمعتا بى فصل الدين عن الدولة كـ لِبِس ...
الله لا وراك ليو يا اللخو !!!!!
بعدين الكلام كان واضح بدون تعويض ...
اي خسارات انا ما مسؤول ...
ارجعو للمصدر اتفاهمو معاو بطريقتكم ...
لقيت بوست مقنطر باسمي وبدون علمي ...
والمقنطرة بنشوتا ... والحارة بنخوضا ...
بس عاجبني الكريم :D:D
بابكر مخير
04-05-2009, 07:11 AM
أول حاجة افصلو لينا الدين عن الدولة بعدين تعالو قولو رايكم ...
وفصلنا ... لسه ما وصلنا ...
وس وس
سمعتا بى فصل الدين عن الدولة كـ لِبِس ...
الله لا وراك ليو يا اللخو !!!!!
:D:D
بعد إتفاقية السلام التي رحل مهندسها
ما صدقن بناياتنا من المتضررين أكثر بالإنقاص وقوانين شريعة 83
قامن على طول الخط، شقن طرف الجيبة (دا الإسمو إسكيرت) مما سمح لهن بالسير كالبشر،
ما دآك كان بخلي الواحدة تمشي ذي أسرى قونتانامو..
وسموها؟؟
سريعآ فسلت
(أبقى خت النقط على الحروف وأنا بررررررررررررآ);)
معتصم الطاهر
04-05-2009, 07:13 AM
أنا مسئول عن دفع قيمة الكشف للطبيب ..
الزول دا دايرين نفتشو ..
العيادة بتاعت الجماعة ديل اسمها شنو ؟
مش العوين .. التانية ديك .. المافيها أشعة ..
أنا مسئول عن دفع قيمة الكشف للطبيب ..
color]
[color=#008080]ما تقول لي دا السبب الحقيقي، والله مسكينة كذبة ابريل (تغطي لي ناس ما بتقدر)goood
[QUOTE=بابكر مخير
ما دآك كان بخلي الواحدة تمشي ذي أسرى قونتانامو..
والله بالغت يالحبيب
لكن البناسبك ويناسب ذوقك كان توصف المشية بي مشية أوشين :)
أول حاجة افصلو لينا الدين عن الدولة بعدين تعالو قولو رايكم ...
وفصلنا ... لسه ما وصلنا ...
وس وس
سمعتا بى فصل الدين عن الدولة كـ لِبِس ...
الله لا وراك ليو يا اللخو !!!!!
بعدين الكلام كان واضح بدون تعويض ...
اي خسارات انا ما مسؤول ...
ارجعو للمصدر اتفاهمو معاو بطريقتكم ...
لقيت بوست مقنطر باسمي وبدون علمي ...
والمقنطرة بنشوتا ... والحارة بنخوضا ...
بس عاجبني الكريم :D:D
نحنا يا اللخو ما بنفصل الدين عن الدولة، والطريقة الوحيدة ليك تحاول تقطع ليك جزء من الدولة تفصل فيهو الحاجات عن بعضا
وعندنا حل أسهل وهو إنك تشوف ليك بيت تشتريه أو مزرعة وتقفل بابك عليك، وفي الحالة دي الدين بيدخل معاك والدولة بتقيف برا وما بتدخل إلا بي إذن (كويسة معاك؟ يللا شوف ليك تمويل وأوعك تجيني:D)
قامن على طول الخط، شقن طرف الجيبة (دا الإسمو إسكيرت) مما سمح لهن بالسير كالبشر،
ما دآك كان بخلي الواحدة تمشي ذي أسرى قونتانامو..
وسموها؟؟
سريعآ فسلت
سموها كان راجل تعال تمهاااااااا!!!!!!!!! :D:D
طبعن ظهرت في الوكت الما لاقيه فهو الناس تحك راسا
المعايش اجبرت الناس ما ينظرو لهكذا حالات ...
بقن يمشن على كيفن ...وليه لا
اذا كان نص الشعب تحت العناية الالهية والنص التاني ماشي مخدّر ... وما جايبين خبر ...
وعشان يفتّحو عين النص الما محسوب جابو لينا كاشف رقم ...
اصلا دي منافسة بين بناتنا وبين بنات النايلسات والهوتبيرد ...
الرجال يساهرو في الديجيتال والبنات يشرطن في الاسكيرتات واظهار ما يمكن اظهارو لتصب في رسيفراتنا الطاشة شبكة والقادّة سجنال :D:D
غايتو حليل الرجال البكسرو العناقريب ويغمتو الدبيب ...
وحليييييل المشية زاااااتا وقدلتو ... ولفحة التوب
دي من متطابات عصر السرعة يا يابا ...
وكان شفتا حفلات الدي جي تقول شنو ؟؟؟؟؟
غايتو لو خيروني بين كمبيوتر ماك بوك وبين واحد تشرط العين .... بختار العين :D:D
...
انا الطلعت ود اليابا والتابا !!!!!
كان أقلو رسال تصل إليك ...
حمدلله الف على السلامة وبركة الشفناك طيب ...
vBulletin® v3.8.8 Beta 2, Copyright ©2000-2026