الشديد ... القوي ... !!! [الأرشيف] - سودانيات .. تواصل ومحبة

طارق صديق كانديك

30-05-2009, 06:33 AM

جال بخاطري كثيراً أن أمعن النظر في ذاك المدعو ... الشديد القوي ... الذي يعرفه الجميع ويكاد يكون بلا إستثناء أن ذلك البطل .. هو في أبسط صوره .. ظرف مانع لفعل شئ ٍ ما .. أو .. ظرف يدعوك إلى فعل شئٍ ما رغم أنفك ...!!

على المستوى العام أحداثٌ كثيرة شكلت ظرف محدد .. كان هو .. الشديد القوي .. بذاته وصفاته فلولا حاجة دول الإستكبار للنفط مثلاً لما خاضت الكثير من الحروب المفتعله والوهمية تحت وطأة هذا الشديد القوي ..!

رياضياً .. أيضاً لولا الرغبة الأكيدة في الإحتكاك بالمستوى العالمي ومجاراة التطور لما تعرض منتخبنا القومي ( للتلطيش ) من المنتخب التونسي بداعي شديدنا القوي في مالي وما جاورها ..!

أخلاقياَ .. لا يكاد يخلو واقعنا من جريمة اغتصاب لطفلةٍ ما أو مقتل امرأة ما وهي تحتضن جنينها والأمل منسكباً على جوانحها بدراً مكتمل .. وذاك الشديد القوي .. هو المحرك لها لتواجه العيش بانسانية لا يتركها في بلدي الجباة .. فكانت .. نادية صابون .. عنواناً للمرأة الكادحة المثابرة .. !

عاطفياً .. تداهمك .. أنثى ذات مساءٍ فجيعة .. تفتح الروح ضلفتين .. تدلف هي وتوارب الباب من خلفها بابٌ لا يعرف كيف ولجت اليه .. جبينها الوقاد يحدثك أنه متكئاً للغمام ساعة أن يحيض .. وشعرها باذخاً من فوقه يرسم من نفسه طريقاً للشفاء والعويل .. عيوناً لا قبل لك بهن سرعان ما تهزم وقارك شر هزيمة .. يقبعان ومن فوقهما حاجبين هلاليين يمنحانك من التأمل في خديها النيرين الكثير .. !!

وجه مستدير بأحلامٍ ممتدة وأنفٍ شامخٍ كجبل جلعاد .. وشعرُ يضج فتنةً واباء .. ! إذ أنها أنيقةٌ كما الخيال تدعوك نظراتها الواثبات إليك في حنوٍ عجيب الى الشعور بحاجتك الماسة الى ورقةٍ بيضاءَ من غير سوءٍ ..!! تستشعر فيها ساكباً رؤاك وأحلامك متنبئاً بالوعد الجميل وأسرابٌ الحمام ...!!

يبدو لي أن الأذكياء فقط هم الذين يشغلون أنفسهم بالتفاصيل وان كان شيطان المتعة أو ملاكها لا أدري يكمن فيها ( التفاصيل ) متربصاً هو بشهوة الفرح فاسحاً مجالاً رحباً للرحيق الشهي كضحكتها ذات غنجٍ في منتصف الشوق أو الشبق أو بينهما أو كلغةٍ أجنبية لا يحسن الجميع كيف يتكلمها جيداً ... !!

شحبت روحي, صارت شفقا
شعت غيما و سنا
كالدرويش المتعلق في قدمي مولاه أنا
أتمرغ في شجني .. الفيتوري .. !!

بابٌ من الشجن الجميل كأن مصراعيه تلاشتا .. ليسفر عن دنيا أخرى لم آلفها من قبل .. وكم كنت أحدث نفسي ألا يانفسي ... ( البكابس بلقى يابس ) .. لكنها عنيدة موغلة في التحدى واستشراف الغيب .. !!

هيا نكتب عن شديدنا القوي ... ولم الصمت يا صديقي والدنيا يكسوها الضجيج .. ضجيجاً من كل صوب .. !!

الشماسة .. والفلاحون .. المعلمون والمعلمات .. وبائعات الشاي .. جميعهم يؤدون فريضة الصخب النبيل .. !!

فحرك سكونك صهيلاً دافقاً أو بعض أنين !!!

Nour

31-05-2009, 07:02 AM

طارق صباح الخير شفته الشديد القوي ابن عمه لزم الظروف جبرتنا وبالمناسبة دي عندنا اكلة اسمها الظروف جبرتنا. في شتاء كدا عدمنا السايحة والمترايحة وفار مهند البهناك داك هرب من بيتنا ولما الجوعة قرصت بقينا نفتش ما لقينا غير باقي لقيمات(زلابية) ناشفة للاخر خلاص نعمل شاي مافي سكر ومافي شاي المهم الاخ الاصغر (علي وزن الاخ الاكبر) جاته فكرة عبقرية وشال صحن وعلي الدكان ولبتاع الفول وظبط موية الفول(زمن موية الفول كانت بالمجان) وجاء رمي فيها اللقيمات ونادي علي الجميع طبعا في البداية ابيت اكل والجماعة يلهطوا في النهاية جيت اكلت وانا اردد الظروف جبرتنا وصارت اكلة اقصد مثلا. والظروف تضامنا مع الشديد القوي جابرانا علي حاجات كتيرة لكن الناس ساكتة صابرة والله ياطارق البوست حقك دا بوست قليب مواجع ساكت.

معتصم الطاهر

31-05-2009, 07:39 AM

هيا نكتب عن شديدنا القوي ... ولم الصمت يا صديقي والدنيا يكسوها الضجيج .. ضجيجاً من كل صوب .. !!

الشماسة .. والفلاحون .. المعلمون والمعلمات .. وبائعات الشاي .. جميعهم يؤدون فريضة الصخب النبيل .. !!

فحرك سكونك صهيلاً دافقاً أو بعض أنين !!!

أخخخ .. يا صديقي صديق

مسكتنى من قلبى البوجعنى ..
الشديد القوى .. البخليك تبلع ريقك .. و تمطّق ..
تعرف لامن تغوص فى تفاصيل خصر صبية .. تحرك جواك شبق الشوف ..
لا تبدأ من أى مكان لكنك مباشرة تصل لنحناء الفستان الضيق فى وسط نابض ..
كنت أظن أن جمال المرأة يتكوّم فى اماكن محددة ..
بعضهم يجذبه الصدر و بعضهم الكفل .. بعضهم الآرجل ..
أنا بالذات لا أرعوى عن النظر الى منطقتين .. بين مجرى الرحيق والرقبة .. تلك المنطقة التى يرقد فيها العقد .. لذا أحب العقود القصيرة على النحور ..
و تعجبنى المسافة أعلى الكفل و تحت الظهر .. و بما أنها دائما تحت حجاب .. فأعمل ذهنى و يعجبنى ذلك ..( إعمال الذهن) ..
ولكن هذا الاسبوع خجانى الخصر ..
رجنى جيدا قبل الاستعمال ..
الخصر عند منتصف اللقيا .. و على جانب الجسد .. ليس من الأمام أو الخلف
وعلى الجانب الأيسر بالذات .. حينما تنثنى الصبية فى حديها ، فيتكرفس الفستان و ينشد .. و تعمل فيك الدنيا عمايلها البيضاء ..
ينحنى .. و ينشد .. فتنشُد النَّفَس .. .. وأنا أسمع صوت الخصر ..وانفعالاته وخلجاته .. ضحكه و همسه .. كأنه منديل فى يد ام كلثوم .. أو كأن هذه الصبية تتأرجح فى غصن لدن .. أو كحوار كموج مع شاطئ ..
تعرف فى اللحظة دى .. تكون مساحة الدنيا خصر صبي ..

ياخى يمسكنى من باقى الكلام الشديد القوى ..
وبجيك لشديد قوى تانى ..

منال

31-05-2009, 07:54 AM

ظرف مانع لفعل شئ ٍ ما .. أو .. ظرف يدعوك إلى فعل شئٍ ما رغم أنفك ...!!

على المستوى العام أحداثٌ كثيرة شكلت ظرف محدد .. كان هو .. الشديد القوي .. بذاته وصفاته فلولا حاجة دول الإستكبار للنفط مثلاً لما خاضت الكثير من الحروب المفتعله والوهمية تحت وطأة هذا الشديد القوي ..!

الصديق طارق
ازيك
التغيير المناخى - ثقب الاوزون

الازمة الاقتصادية العالمية

الشديد القوى الذى طرد النوم منا

وقلة حيلة ساااااااااااكت نعاين ( و الخطر يحدق فى سمانا ... و لمن الفاس تقع فى ارأس نتلفت نعاين .... ووووووووووووووب علينا )

أخلاقياَ .. لا يكاد يخلو واقعنا من جريمة اغتصاب لطفلةٍ ما أو مقتل امرأة ما وهي تحتضن جنينها والأمل منسكباً على جوانحها بدراً مكتمل .. وذاك الشديد القوي .. هو المحرك لها لتواجه العيش بانسانية لا يتركها في بلدي الجباة .. فكانت .. نادية صابون .. عنواناً للمرأة الكادحة المثابرة .. !

انت فى الصف داعم و مدافع عن الحقوق و عن شرف النساء

صديقى طارق تعددت جرائم الاعتصاب و اخذت منحى خطير
ضد الطفولة و اليافعات الصبيات و الشابات ... التحرش الجنسى ... الالفاظ المسيئة و المشينة
و كارثتنا الختان بكل اشكاله و اغتصاب الاطفال دون الخامسة
ويحى ربى ... ماذا فى اخلاقياتنا و سلوكنا ام الشديد القوى

ندافع عن العيش الكريم لوطن معافى

بجيك صادة بمهلة

jezabell

31-05-2009, 07:55 AM

تعرف لامن تغوص فى تفاصيل خصر صبية ..

عشرين سنة..
شن جابا للتمنين سنة :D:D
يااااخ ما تحط في عينك حصوة ملح ياااااخ.. هي وكت صبية اتّ الفاتح ليها نفسك شنو؟؟ :D:D

ولكن هذا الاسبوع

النبي ما تنسى تدينا الاسكيديول بتاع الاسبوع الجاي كمان :D:D

غايتو جنس غايتو.....

معتصم الطاهر

31-05-2009, 09:07 AM

عشرين سنة..
شن جابا للتمنين سنة :D:D
يااااخ ما تحط في عينك حصوة ملح ياااااخ.. هي وكت صبية اتّ الفاتح ليها نفسك شنو؟؟ :D:D

النبي ما تنسى تدينا الاسكيديول بتاع الاسبوع الجاي كمان :D:D

غايتو جنس غايتو.....

شوف العين ما كتلو غزال ..
بس بعاين بعيونى ..

قلنا كنا بنعاين و نتخيل وبس ..

كمان جابت ليها غيرة

jezabell

31-05-2009, 09:23 AM

قلنا كنا بنعاين و نتخيل وبس ..

وهل تملك غيرهما؟؟

:D:D:D

خلاص خليتك يااااخ

بس انت حتة الصبينة دي ما كان تجيبا.. استفزيتني وايقظتني وقد كنت نائمة :D:D

طارق صديق كانديك

31-05-2009, 10:17 AM

وظبط موية الفول(زمن موية الفول كانت بالمجان)

والظروف تضامنا مع الشديد القوي جابرانا علي حاجات كتيرة لكن الناس ساكتة صابرة والله ياطارق البوست حقك دا بوست قليب مواجع ساكت.

نور

صباح الفول المصلح مدفوعاً مسبقاً

موية فول وزلابية ناشفة لكنها مملوحة باليقين والمودة .. هسي الكاتشب ملأ الدنيا ممسوخاً بآلامنا وأوجاعنا يا صاحبة الصبر والسكوت .. !!

المواجع كتيرة تعالي اتوجعي معانا .. !!

تحياتي

طارق صديق كانديك

31-05-2009, 10:19 AM

أخخخ .. يا صديقي صديق

مسكتنى من قلبى البوجعنى ..

ياخى يمسكنى من باقى الكلام الشديد القوى ..
وبجيك لشديد قوى تانى ..

الباش .. عصرتا علي شديد والله ده ما كلام يردو عليهو وأنا ما بين الجهجهة الحاصلة قدامي دي .. !!

جاييك والله فانت قد أرهقتني صعوداً .. !!

المودة

منال

31-05-2009, 11:14 AM

جاييك والله فانت قد أرهقتني صعوداً .. !!

المودة

هههههههه القال ليك اطلع منو

معتصم الطاهر

31-05-2009, 11:23 AM

وهل تملك غيرهما؟؟

:D:D:D

:D:D
هل يسح لي لأمين العام بالرد ؟
أريد الرد من عكود شخصيا ..

منال

31-05-2009, 11:24 AM

عاطفياً .. تداهمك .. أنثى ذات مساءٍ فجيعة .. تفتح الروح ضلفتين .. تدلف هي وتوارب الباب من خلفها بابٌ لا يعرف كيف ولجت اليه .. جبينها الوقاد يحدثك أنه متكئاً للغمام ساعة أن يحيض .. وشعرها باذخاً من فوقه يرسم من نفسه طريقاً للشفاء والعويل .. عيوناً لا قبل لك بهن سرعان ما تهزم وقارك شر هزيمة .. يقبعان ومن فوقهما حاجبين هلاليين يمنحانك من التأمل في خديها النيرين الكثير .. !!

وجه مستدير بأحلامٍ ممتدة وأنفٍ شامخٍ كجبل جلعاد .. وشعرُ يضج فتنةً واباء .. ! إذ أنها أنيقةٌ كما الخيال تدعوك نظراتها الواثبات إليك في حنوٍ عجيب الى الشعور بحاجتك الماسة الى ورقةٍ بيضاءَ من غير سوءٍ ..!! تستشعر فيها ساكباً رؤاك وأحلامك متنبئاً بالوعد الجميل وأسرابٌ الحمام ...!!

يبدو لي أن الأذكياء فقط هم الذين يشغلون أنفسهم بالتفاصيل وان كان شيطان المتعة أو ملاكها لا أدري يكمن فيها ( التفاصيل ) متربصاً هو بشهوة الفرح فاسحاً مجالاً رحباً للرحيق الشهي كضحكتها ذات غنجٍ في منتصف الشوق أو الشبق أو بينهما أو كلغةٍ أجنبية لا يحسن الجميع كيف يتكلمها جيداً ... !!

شحبت روحي, صارت شفقا
شعت غيما و سنا
كالدرويش المتعلق في قدمي مولاه أنا
أتمرغ في شجني .. الفيتوري .. !!

بابٌ من الشجن الجميل كأن مصراعيه تلاشتا .. ليسفر عن دنيا أخرى لم آلفها من قبل .. وكم كنت أحدث نفسي ألا يانفسي ... ]( البكابس بلقى يابس ) .. لكنها عنيدة موغلة في التحدى واستشراف الغيب .. !!

التحية لأنثاك ... الجواك التى جعلتك تسطر حروفك الندية بحق جمالها و سموها ... الجمتك عن تفاصيل احجبت عنها وهى فى كوامنك تشتعل القا... و الحب يتدفق مع الشجن الجميل...
باب دنياك مفتوح لامرأة ... تحبها و تستشرف اللقيا ... و تنعم برؤية العيون الساحرة

فالتنعم بالجمال و صاحبته الشديدة

وهنا

فحرك سكونك صهيلاً دافقاً أو بعض أنين !!![/size]

منال

31-05-2009, 11:34 AM

شوف العين ما كتلو غزال ..
بس بعاين بعيونى ..

قلنا كنا بنعاين و نتخيل وبس ..

كمان جابت ليها غيرة

ضمرتها والخصر العلالا
نور في نور ياذا الجلالا
وخدانا بالمعه انجلال
في الترنيع ماليك مثالا
علمتي الغصن الرتالا
شوفتك كم عاشق اتالا
يانسام اوصف جمالا
والقامة السيرك امالا
اوصف لي اسباب كمالا
وقول لي ام خد هجراني مالا
النسام شال الرسالة
وفي التوضيح روق رسالا
ذكرني الرطب العسالا
وهاج الشوق والدمعة سالا

الباشا ميييييت هنا مع الرطب العسالا ... قال شوف العين قال

بعد وصفك داك ...

AMAL

31-05-2009, 11:52 AM

طارق ياصديق

الشديد القوي عندي

البخلي الناس تهج وتخلي بلوداتا حزينة

تفتش لي الرزق والامان في فجج تانية

وياطالع من بيتك حزين

تلقي الفرح عن مين

شوفتا الشديد دا قوي كيف؟

jezabell

31-05-2009, 12:06 PM

هل يسمح لي الأمين العام بالرد ؟
أريد الرد من عكود شخصيا ..

يا زول هوووووووي رد شنو
الروووووووووب ومعاهو انبراشة وجقلبة كمان
تقووووووم تعمل شخيت وانا بقيف ليك بعيييييييييييييد
وبعاين بعيوني :D:D

معتصم الطاهر

31-05-2009, 12:13 PM

الباشا ميييييت هنا مع الرطب العسالا ... قال شوف العين قال

بعد وصفك داك ...

منال يا حبيبة

تحية

اتخيلى"رشا" لشوف العين ..قالت : ( دا .. لا لا )

معتصم الطاهر

31-05-2009, 12:14 PM

وبعاين بعيوني :D:D

و نحن قلنا غير كدا ؟

مهند بشير

31-05-2009, 12:18 PM

وهل تملك غيرهما؟؟

:D:D:D

خلاص خليتك يااااخ

بس انت حتة الصبينة دي ما كان تجيبا.. استفزيتني وايقظتني وقد كنت نائمة :D:D

هاهاهاهاهاهاهاهاهاااااااااااااااااي
الناس رقدت قش

الأغبش

31-05-2009, 01:07 PM

أن يمسك بك شديدك القوي ذاك لعمري من المهلكات شوقا ..وأحيانا غبنا ..
كثيرةٌ هي دروب ومنعرجات هذا الباب الوسيع أخي ود صديق ...فما بين أنت السماء بدت لنا واستعصمت بالبعد عنا .. وبين العين بصيرة والإيد قصيرة .. مراتع لحسرة بطعم مزيج .. خليط من الطموح والإحباط .. تارةً نعلي هاماتنا نحو فرح بعيد تكاد لا تبلغه خيول الخيال عندنا ...وتارةً أخري في مساحات افقية نضرب فيها أكباد الحلم لبعيد تقاصرت عنه ايادينا المكبلة بشديدها القوي ..
وأحسب أن ذواتنا أبدعت ايما إبداع في إبتكار هذا المسمي شديدا وقوياً ..تملأ به ذاك الفراغ بين المعقول واللا معقول .. بين الحال والخيال ..بين مأمول وموصول ..

أشتر

31-05-2009, 08:10 PM

!!!

وما أدراكم !!!

بالشديدة والقوية !!!

الله لا وراكم ليها !!!

بدور التركي

31-05-2009, 11:24 PM

لا شئ يعصم هذة الدموع من ذنبى
إلا الشديد ....

سارة

01-06-2009, 12:09 AM

اليه واليه وحده

لم يسكتنى عن الكلام الا الشديييييييد القوى

طارق كانديك

فى داعى تخلينا نطلع فى الجامع ونسمّع الما سامع

اها اليمرقنى من هنا الا الشديد القوى

بس قول لى الباش مهندس معتصم

مالك يا فقير تعزم تقول مرضان

ما شفت القبيل مرقت من الدخان

الصادق يقول اريلا جيعان

والكذاب يقول خلقت بلا مصران

منال

01-06-2009, 06:30 AM

ما شفت القبيل مرقت من الدخان

الصادق يقول اريلا جيعان

والكذاب يقول خلقت بلا مصران

سرور بالاذن يعنى

المقطع ده مهداء فى هذا الصباح الى صاحب البوست مع ربطه بى بوست اخر له

من هذا القبيل

طارق البوست ده نازلين فيهو بالبرشوتات ... كمين قاليك

اها ما تقول خربت البوست

المود مخستقك

طارق صديق كانديك

01-06-2009, 07:21 AM

ينحنى .. و ينشد .. فتنشُد النَّفَس .. .. وأنا أسمع صوت الخصر ..وانفعالاته وخلجاته .. ضحكه و همسه .. كأنه منديل فى يد ام كلثوم .. أو كأن هذه الصبية تتأرجح فى غصن لدن .. أو كحوار كموج مع شاطئ ..
تعرف فى اللحظة دى .. تكون مساحة الدنيا خصر صبي ..

ياخى يمسكنى من باقى الكلام الشديد القوى ..
وبجيك لشديد قوى تانى ..

كنت حراَ ولما كان وعدي ديناً علي ها أنذا أوفي بوعدي يا باش .. !!

(( تنحني .. )) .. فتتشعلق الروح أو .. تصيبك كاروشة مشاعر وانفعال فوق الحجاب الحاجز أو أدنى منه بقليل .. قاتل الله الجمال .. كم يهزم وقارنا يارجل .. !!

تحرحر ليك في بواطن اللهفة .. وأطراف الأنين .. أنثى .. توقف الحركة .. أو تحرك الساكن من أمانيك نصصصصص النهار .. !!

تقعد .. تتاوق .. وتبلع ريقك .. ساااااي .. !!

وأن تتعرق أطرافك لا يعني غير أنك على الطريق الصحيح .. !!

عصرتا علينا شديد ... !!

طارق صديق كانديك

01-06-2009, 07:23 AM

الصديق طارق
ازيك

وقلة حيلة ساااااااااااكت نعاين ( و الخطر يحدق فى سمانا ... و لمن الفاس تقع فى ارأس نتلفت نعاين .... ووووووووووووووب علينا )

بجيك صادة بمهلة

منال

ازيك برضو شديد

ياهو زاااتو .. ووووب عليكم جد جد ... !!

فرصة يااا بلالة .. ادفقي .. !!

تحياتي

طارق صديق كانديك

01-06-2009, 07:26 AM

هههههههه القال ليك اطلع منو

ههههههه

الشلاقة يا منال شليق من يومي .. وبكابس ... !!

قلق شديد .. وبعض أمنيات .. بس الباشمهندس عصر علينا فوق للأوفر دوز بي حبتين ... !!

الأمنيات

طارق صديق كانديك

01-06-2009, 07:27 AM

هل يسح لي لأمين العام بالرد ؟
أريد الرد من عكود شخصيا ..

أرخي ياااا مارد ... !!

طارق صديق كانديك

01-06-2009, 07:31 AM

طارق ياصديق

الشديد القوي عندي

البخلي الناس تهج وتخلي بلوداتا حزينة

تفتش لي الرزق والامان في فجج تانية

وياطالع من بيتك حزين

تلقي الفرح عن مين

شوفتا الشديد دا قوي كيف؟

آمال

صباحك شديد التوهج والإبتسام

أشوف النبي أنا .. شفتا شوف .. يصهر الحديد ذو البأس الشديد .. !goood

مرات تتاوق ساااي ... تجيبو ضقلوا يلوي .. !!

غايتو زي ما قال خضر خليل .. الله في

الوداد

طارق صديق كانديك

01-06-2009, 07:34 AM

يا زول هوووووووي رد شنو
الروووووووووب ومعاهو انبراشة وجقلبة كمان
تقووووووم تعمل شخيت وانا بقيف ليك بعيييييييييييييد
وبعاين بعيوني :D:D

مااا قلتي استفزيتني وصحيتني وكده ... :D:D

بس الخواف برضو كويس بربى .. !!

المودة

طارق صديق كانديك

01-06-2009, 07:37 AM

أن يمسك بك شديدك القوي ذاك لعمري من المهلكات شوقا ..وأحيانا غبنا ..
..
وأحسب أن ذواتنا أبدعت ايما إبداع في إبتكار هذا المسمي شديدا وقوياً ..تملأ به ذاك الفراغ بين المعقول واللا معقول .. بين الحال والخيال ..بين مأمول وموصول ..

كلام معلمين كبااار والله .. يخفي ( دسمه في الدسم ) .. !!

بس ياهو زاتو يا صديقي .. بين مأمولٍ وموصول جداً ... !!

طارق صديق كانديك

01-06-2009, 07:39 AM

!!!

وما أدراكم !!!

بالشديدة والقوية !!!

الله لا وراكم ليها !!!

أها شفتو التميز في النظر للكوب من الجهة الأخرى ... الشديدة القوية ... !!!

حاسد بس والله .. يورينا ليها ياخ عشان نشوف أدراكم دي حرحارة ولا عادي .. !!

ابو عاقلة ..

أخوك بعد السلطة رقد تاني سلطة .. القلب الرهيف نعمل شنو ياخ .. !!

طارق صديق كانديك

01-06-2009, 07:41 AM

لا شئ يعصم هذة الدموع من ذنبى
إلا الشديد ....

ياسمين

صباح الدموع

لا عاصم اليوم من هذا الجمال .. !!

تحياتي

طارق صديق كانديك

01-06-2009, 07:45 AM

اليه واليه وحده

لم يسكتنى عن الكلام الا الشديييييييد القوى

طارق كانديك

فى داعى تخلينا نطلع فى الجامع ونسمّع الما سامع

اها اليمرقنى من هنا الا الشديد القوى

بس قول لى الباش مهندس معتصم

مالك يا فقير تعزم تقول مرضان

ما شفت القبيل مرقت من الدخان

الصادق يقول اريلا جيعان

والكذاب يقول خلقت بلا مصران

سارة

والله مش جيتينا هنا .. لنشاركنه الفرح الجميل ولو همساً .. اليه وحده .. والينا اليقين .. !!

اها دا الكلام زاااتو البخلي الزول ... يفرد جناحينو ويطير فوق الغمام .. !!

سرو باتع والله ... !!

ولا كيف ... ؟

طارق صديق كانديك

01-06-2009, 07:49 AM

سرور بالاذن يعنى

المقطع ده مهداء فى هذا الصباح الى صاحب البوست مع ربطه بى بوست اخر له

من هذا القبيل

طارق البوست ده نازلين فيهو بالبرشوتات ... كمين قاليك

اها ما تقول خربت البوست

المود مخستقك

منال

شكرا للإهداء .. تااااني جبتي سيرة البحر مش كده ؟

أنزلوا ساااي .. في حديقة ... في الصقيعة .. في القلوب الشايلا ريده وتنتحب .. !!

شفتي كيف .. ؟

أجمل مود خستكي طوالي ..

Nour

01-06-2009, 07:57 AM

الشديد القوي الاولاد لمن يفرضو علينا نعيش حياة تعيسسسسسسسسسسسسسسسسسسة بس نسكت عشانهم وصحيح قالوا الاولاد قيد هوان ومرات برضو نكسر القيد عشانهم يااخوانا المسكوت عنه كتير في مسالة الشديد القوي دي البوست دا شرك عديل كدا مالك ياطارق ياخ.

عمر كبير

01-06-2009, 10:26 AM

طارق صديق
صديقي العزيز وبرضو ح تقول لي كيف؟؟
يا اخي والله شديدك قوي عديييييل
وشديد المعتصم اقوي
لكن الشديد القوي ده عندي زي ما قال اخونا ابو شديدا اقوي مننا كلنا..:
انا وقصبة مزالق السيل
في ونسة وضحك لمن قسمنا الليل
ولما النعام زوزبنبوا الخيل
لا بخلت ولا جادت علي بالحيل
يعني شحتفة رووح بس
في شديدا اقوي من كدي ؟؟
تسلم علي هذا الجمال
وتحريك شواطين الروح في هذا الجمال
ود كبير بس

منال

01-06-2009, 11:10 AM

منال

ازيك برضو شديد

ياهو زاااتو .. ووووب عليكم جد جد ... !!

فرصة يااا بلالة .. ادفقي .. !!

تحياتي

هى يا طارق

غايتو الايام دى
فرشت و عزيت
ياخى الجابنى الخرتوم
ما الشديد القوى

فرصة يااا بلالة .. ادفقي .. !!

ههههههههههه فرصة
بس الموضوع دايرلو دفرة

طارق صديق كانديك

01-06-2009, 02:11 PM

الشديد القوي الاولاد لمن يفرضو علينا نعيش حياة تعيسسسسسسسسسسسسسسسسسسة بس نسكت عشانهم وصحيح قالوا الاولاد قيد هوان ومرات برضو نكسر القيد عشانهم يااخوانا المسكوت عنه كتير في مسالة الشديد القوي دي البوست دا شرك عديل كدا مالك ياطارق ياخ.

شفتي كيف البوست ده بغرق للناس هنا ... !!

فعلا الأولاد قيد من ذهب .. تنازل عن أحلامك وأمنياتك الخاصة وتبقى جاري التريلا .. شديداً قوياً .. !!

لسه تاني تعالي

مودتي

طارق صديق كانديك

01-06-2009, 02:15 PM

طارق صديق
صديقي العزيز وبرضو ح تقول لي كيف؟؟
يا اخي والله شديدك قوي عديييييل
وشديد المعتصم اقوي
لكن الشديد القوي ده عندي زي ما قال اخونا ابو شديدا اقوي مننا كلنا..:
انا وقصبة مزالق السيل
في ونسة وضحك لمن قسمنا الليل
ولما النعام زوزبنبوا الخيل
لا بخلت ولا جادت علي بالحيليعني شحتفة رووح بس
في شديدا اقوي من كدي ؟؟
تسلم علي هذا الجمال
وتحريك شواطين الروح في هذا الجمال
ود كبير بس

صديقي ورفيق الهم والفكرة

ليك وحشة وأيم الله ... !!

شديد قوي جد الشافو أخوك ... !!

في جلسة خاصة اتناولنا ( لا بخلت ولا جادت علي بالحيل ده ) كانو مجموعة من المتأملين والمتذوقين لهذا النوع من الشعر الشفيف .. غايتو سرحنا شديد ومشينا بعيد .. !!

مودتي

طارق صديق كانديك

01-06-2009, 02:16 PM

هى يا طارق

غايتو الايام دى
فرشت و عزيت
ياخى الجابنى الخرتوم
ما الشديد القوى

ههههههههههه فرصة
بس الموضوع دايرلو دفرة

هههههههه
دفرة أكتر من دفير معتصم الطاهر ده ... تاتي أي دفرة بنمش الخور راسنا عديييييل .. !!

ادفري براك واتوكلي .. !!

ماااا بلغبك .. شديدة ولضيضة .. !!

مودتي

بابكر مخير

01-06-2009, 02:28 PM

طارق الحبيب المجلي
تاريك إتا بي هنا عامل ولا سيد اللقطة

WIDTH=400 HEIGHT=350

لامي الجيكسي وشيوخ البكا المعلب ذي البيبسي

جيتك عشان أسعد بي هنانا

"فتحي مسعد طبعن حسي في وسط الحلقة ومشغول وإلا كان جاني ناطي"

عمر كبير

01-06-2009, 03:58 PM

صديقي ورفيق الهم والفكرة

ليك وحشة وأيم الله ... !!

شديد قوي جد الشافو أخوك ... !!

في جلسة خاصة اتناولنا ( لا بخلت ولا جادت علي بالحيل ده ) كانو مجموعة من المتأملين والمتذوقين لهذا النوع من الشعر الشفيف .. غايتو سرحنا شديد ومشينا بعيد .. !!

مودتي
والشديد الاقوي من كدي يا كانديك
البعاين في حال البلد واقف ومسكتو الشديد القوي
والله الشديد القوي ده كتير كترة شديدة خلاص
وبنجيك تاني بالقوي
لكن والله شديد زولك الفي الخصر وبالجنبة ده اظنو اقوي شديد
ان ختي لماضة البنيات الشبنلو في حلقو ديل
مع الحب

طارق صديق كانديك

01-06-2009, 03:58 PM

طارق الحبيب المجلي
تاريك إتا بي هنا عامل ولا سيد اللقطة

لامي الجيكسي وشيوخ البكا المعلب ذي البيبسي

جيتك عشان أسعد بي هنانا

"فتحي مسعد طبعن حسي في وسط الحلقة ومشغول وإلا كان جاني ناطي"

يا دكتور

مساء الفراش

بالله في أجمل من الفراش صحبةً ومجاورة ... ؟

المدافرة والمعافرة فترنا منها ياخ ... !!

كده شديدنا رخا شويه ... !!

التحية ليك ولعمنا الجميل فتحي مسعد حنفي .. ومدد يا صاحب المدد .. !!

تقديري

طارق صديق كانديك

01-06-2009, 04:01 PM

والشديد الاقوي من كدي يا كانديك
البعاين في حال البلد واقف ومسكتو الشديد القوي
والله الشديد القوي ده كتير كترة شديدة خلاص
وبنجيك تاني بالقوي
لكن والله شديد زولك الفي الخصر وبالجنبة ده اظنو اقوي شديد
ان ختي لماضة البنيات الشبنلو في حلقو ديل
مع الحب

ههههههه

والله عصر عليهن وعلينا .. الباش .. !!

شديد الحال في بلدي تنؤ به الجبال .. !!

ماشين لهاوية بيني وبينك .. مستقبل جد مظلم .. ماقادر أتفءل أبداً .. الا .. هناااك في البعيد .. !!

الله يكضب الشينة

ودادي

كيشو

01-06-2009, 05:59 PM

يا طارق
إني أعترف
دخلت في البداية وكتبت مشاركة منعني من إرسالها "الشديد القوي"
وأدركت البوست في هذه المحطة بعد أن فاتني ما فاتني
دعني أقول:
الشديد القوي قد يكون دافعاً وليس مانعاً (وكان ما دخلتو قبال كدا فهذه دعوة: أدخلوا لينا بالشارع دا)

ابوريم

01-06-2009, 08:05 PM

طارق!
الجار العزيز. بس القدم ما اترفع. والله يجازي من كان السبب.:mad:
...
في اسيوط في منتصف واواخر ثمانينات القرن الماضي - شوف بالله بقينا زي ناس شاهد على العصر - المهم اعتدنا في اسيوط على اصطحاب ضيوفنا- القادمين من السودان او المدن الاخرى-الى دير السيدة مريم العذراء في درنكة بالجبل الغربي لاسيوط. حيث الكنيسة ومباني الدير منحوتة بالكامل داخل الجبل. وكان الاب يستقبلنا ويشرح الايقونات الجدارية التي توضح زيارة الاسرة المقدسة عبر مصر وما شهدته من احداث ومن ضمنها لجوء العائلة لنفس الدير.
المهم كنا نمر على جوانب المبنى...المغطس الذي يتم فيه تعميد المواليد ...المذبح...وتوقفنا عند كرس موضوع امام طاقة(كوة) صغيرة في الجدار ومكتوب عليها غرفة الاعتراف. حينها نظرنا حوالينا...تناقشنا في فكرة الاعتراف لشخص لا تراه ولا تعرفه والنتيجة والاثر النفسي لذلك الاعتراف. وهل يرتاح الانسان من ثقل مايحمل من آثام وذنوب وخبرات مؤلمة؟ وكيف تثق في من لاتعرف؟ والبديل العصري للقسيس وهو الطبيب النفساني وهل ثقافتنا تحتمل وتقبل رؤية ومعرفة ان احد افراد الاسرة او الاصدقاء يزور معالجا نفسانيا؟ويتلقى علاجا. هل نتفهم ذلك.
غايتو لسه ثقافة تحمل الضغط من قبيل تصنيف الماسوشية المتبدية ف الافتخار بتحمل الالم ومعايبة من يتاهون عندما يحسون ألما ولدينا البطان كنموذج لذلك.والاقوال التي تستحسن ذلك من قبيل ...في حشاي....اموت بيهو...الكمدة بالرمدة...اكل نارك...
غايتو
فضفضوا
وكان عندي حاجة بجيكم

طارق صديق كانديك

02-06-2009, 06:25 AM

يا طارق
إني أعترف
دخلت في البداية وكتبت مشاركة منعني من إرسالها "الشديد القوي"
وأدركت البوست في هذه المحطة بعد أن فاتني ما فاتني
دعني أقول:
الشديد القوي قد يكون دافعاً وليس مانعاً (وكان ما دخلتو قبال كدا فهذه دعوة: أدخلوا لينا بالشارع دا)

كيشو

صباح الشدائد ما قوي منها وما استلان .. !!

أدركتنا في أي محطة تجد مكانك شاغرا يا جميل .. !!

اعترافك مفهوم والسؤال عنه شديدا قوياً .. !!

الشارع داك دخلنا منو والله اذ ذكرنا انه ظرف ( يدعوك ) لفعل شئٍ ما رغم أنفك .. أي أنه دافعاً قوياً يؤزك أزاً .. ولما كنا أصلنا متحايلين ساااي .. ما نصدق يكشكش لينا .. نرقد رز .. !!

طلتك أنيقة بدون شك

مودتي

طارق صديق كانديك

02-06-2009, 06:31 AM

طارق!
الجار العزيز. بس القدم ما اترفع. والله يجازي من كان السبب.:mad:
...
في اسيوط في منتصف واواخر ثمانينات القرن الماضي - شوف بالله بقينا زي ناس شاهد على العصر - المهم اعتدنا في اسيوط على اصطحاب ضيوفنا- القادمين من السودان او المدن الاخرى-الى دير السيدة مريم العذراء في درنكة بالجبل الغربي لاسيوط. حيث الكنيسة ومباني الدير منحوتة بالكامل داخل الجبل. وكان الاب يستقبلنا ويشرح الايقونات الجدارية التي توضح زيارة الاسرة المقدسة عبر مصر وما شهدته من احداث ومن ضمنها لجوء العائلة لنفس الدير.
المهم كنا نمر على جوانب المبنى...المغطس الذي يتم فيه تعميد المواليد ...المذبح...وتوقفنا عند كرس موضوع امام طاقة(كوة) صغيرة في الجدار ومكتوب عليها غرفة الاعتراف. حينها نظرنا حوالينا...تناقشنا في فكرة الاعتراف لشخص لا تراه ولا تعرفه والنتيجة والاثر النفسي لذلك الاعتراف. وهل يرتاح الانسان من ثقل مايحمل من آثام وذنوب وخبرات مؤلمة؟ وكيف تثق في من لاتعرف؟ والبديل العصري للقسيس وهو الطبيب النفساني وهل ثقافتنا تحتمل وتقبل رؤية ومعرفة ان احد افراد الاسرة او الاصدقاء يزور معالجا نفسانيا؟ويتلقى علاجا. هل نتفهم ذلك.
غايتو لسه ثقافة تحمل الضغط من قبيل تصنيف الماسوشية المتبدية ف الافتخار بتحمل الالم ومعايبة من يتاهون عندما يحسون ألما ولدينا البطان كنموذج لذلك.والاقوال التي تستحسن ذلك من قبيل ...في حشاي....اموت بيهو...الكمدة بالرمدة...اكل نارك...
غايتو
فضفضوا
وكان عندي حاجة بجيكم

ابو ريم

ازيك يا صاحب زي ما بقول خدر حسين .. ولا يهمك .. لو قلتو خير بنرفع .. !!:D

أها شفتا جنس المهابشة دي البجيب لينا الشدائد القوي جدا .. أشد شديد هو البقارن ليك ما بين المعتقدات ده .. بس قصة الإعتراف دي وتكون معتقدا تماما انو باعترافك الموضوع انتهى .. لذيذة .. !!goood

تحياتي وخلينا نشوفك قبل اللمة يا جميل

منال

02-06-2009, 06:35 AM

هههههههه
دفرة أكتر من دفير معتصم الطاهر ده ... تاتي أي دفرة بنمش الخور راسنا عديييييل .. !!

ادفري براك واتوكلي .. !!

ماااا بلغبك .. شديدة ولضيضة .. !!

مودتي

طارق صباحك زين
و مرحبتين بالخرمجة و المود المخستك

شتين بوديك الخور مافى ... راكز و رزين

الأ يا طارق ما كان ظنى فيك ( بغيت اغنى كمان):D:D

ادفر براااااااااى كيفن بتجى معقوووووووووووووولة بس ;):p

والله اختك بركت و بعد الووووووووووووب داك بنردح حى وووووب ...حى وووووب ...حى وووووب ... و انط لافقو (سجمى سجمى )

تعرف ما غلبتنى الا فصاحتى دى لمن تودينى التوج

اسكت اتكلم كدى لامتين يا الله الزين

طارق
انت فتحت مجال ... لو مشيت فيهو اختك بتغرق اها شن قولك loooollooool

منال

02-06-2009, 06:41 AM

اها يا طارق

تعرف الختاهو عمك بابكر ده من اليوتيب

شيخ الجكسى

اها تعرف الشابات قالن شنو ... الله يصرفو شيخ الامين ... شغل عننا الجكسى ... نضرب الساعة خامسة هو ماشى الذكر ... تضرب الساعة 12 هو راقد سلطة ... تضرب 3 صباحا هو قائم الليل ... و الصباح مدروش

عاد ده كلام !!!!!!!!

ده اسمو انصرافية عن الجكيس

و الجكس ذاتو ان كترت عليهو الهموم بيندمدم و ينوووووووووووووم gooodgooodgoood

اها مش ليهن حق يقولن حى وووووب ...

Nour

02-06-2009, 06:43 AM

ياطارق صباح الخير انا بي البوست دا تاني مابجي (علي وزن بالحلة دي انا مابجي) يشهد الله العملها فيني البوست دا نجار في خشب ماعملها والله اتجرست لانه الشديد القوي عمل فيديو كليب وبقي يزازي لي قدام عيوني وغامن من الدموع اهدي واحدة نقطت في الكي بورد الكلام دا مابنفع وهسة يجو ناس الشمار مالك وفي شنو وماعندي حبوبة اقتلها باقي بالشديد القوي قرضتهن كلهن السنة الفاتت عجبني كلام الاخ ابوريم الكارثة انه فهم الطبيب النفسي في بلدنا لسة متخلف مشيت ليه قطع شك مجنون ويلاحقك الجن في كل حتة , حكاية صعبة خالص ومشاكل شديدة خلاص وقصة بايظة ولا بواكي لحمزة.

منال

02-06-2009, 06:48 AM

ياطارق صباح الخير انا بي البوست دا تاني مابجي (علي وزن بالحلة دي انا مابجي) يشهد الله العملها فيني البوست دا نجار في خشب ماعملها والله اتجرست لانه الشديد القوي عمل فيديو كليب وبقي يزازي لي قدام عيوني وغامن من الدموع اهدي واحدة نقطت في الكي بورد الكلام دا مابنفع وهسة يجو ناس الشمار مالك وفي شنو وماعندي حبوبة اقتلها باقي بالشديد القوي قرضتهن كلهن السنة الفاتت عجبني كلام الاخ ابوريم الكارثة انه فهم الطبيب النفسي في بلدنا لسة متخلف مشيت ليه قطع شك مجنون ويلاحقك الجن في كل حتة , حكاية صعبة خالص ومشاكل شديدة خلاص وقصة بايظة ولا بواكي لحمزة.

نور الحبيبة

يا بنية استغقرى كدى ... و تعال هنا كبى و اتخارجى
اصلو قالو الجرسا هيلنا ... و قلت سمونا رضينا :):)loooollooool ( وهو انشاااله يسمع)

حبوبتك بوست طارق ده امسكى معى قوى

البلد هاصت و لاصت

ما اخير لينا نلبد هنى :D:D:D

طارق صديق كانديك

02-06-2009, 06:55 AM

طارق صباحك زين
و مرحبتين بالخرمجة و المود المخستك

شتين بوديك الخور مافى ... راكز و رزين

الأ يا طارق ما كان ظنى فيك ( بغيت اغنى كمان):D:D

ادفر براااااااااى كيفن بتجى معقوووووووووووووولة بس ;):p

والله اختك بركت و بعد الووووووووووووب داك بنردح حى وووووب ...حى وووووب ...حى وووووب ... و انط لافقو (سجمى سجمى )

طارق
انت فتحت مجال ... لو مشيت فيهو اختك بتغرق اها شن قولك loooollooool

منال

صباح الجمال والووب حي وماضج ضجيجه

بسسسسسسس أقيفي لي بالله في مرحلة الوبوبة دي .. شئ عجيب .. غايتو الجرسة في الجكس لذيذة خلاص .. بس النطيط خليهو لي أنا وناس تاني معاي هنا يتاوقوا ويتبسمو ويرجعوا .. حليل ود سعد والله افتقدناهو ياخ .. !!

اغرقي ياخ عليك الله القاعدين ليها في السطح شنو ؟

طارق صديق كانديك

02-06-2009, 06:58 AM

اها يا طارق

تعرف الختاهو عمك بابكر ده من اليوتيب

شيخ الجكسى

اها تعرف الشابات قالن شنو ... الله يصرفو شيخ الامين ... شغل عننا الجكسى ... نضرب الساعة خامسة هو ماشى الذكر ... تضرب الساعة 12 هو راقد سلطة ... تضرب 3 صباحا هو قائم الليل ... و الصباح مدروش

عاد ده كلام !!!!!!!!

ده اسمو انصرافية عن الجكيس

و الجكس ذاتو ان كترت عليهو الهموم بيندمدم و ينوووووووووووووم gooodgooodgoood

اها مش ليهن حق يقولن حى وووووب ...

هههههههههههه

والله حلوة بالله هو ده المكهرب للجكس الأجواء ... !!

عصر عليهن شديداً قوياً والله .. !!

بس بتمنى الجكس يكون نفسو طويل شويه .. كمان الشباب مرات بتجيهم صحوة ضمير وكده .. :Dgoood

بس يغيبو ويجوا عايزنكم يلقوكن انتن ياكن انتن .. !!

أخوك من هسا مقاطع الشيخ ده ولا طريقو ما بعرفو .. !!

طارق صديق كانديك

02-06-2009, 07:01 AM

ياطارق صباح الخير انا بي البوست دا تاني مابجي (علي وزن بالحلة دي انا مابجي) يشهد الله العملها فيني البوست دا نجار في خشب ماعملها والله اتجرست لانه الشديد القوي عمل فيديو كليب وبقي يزازي لي قدام عيوني وغامن من الدموع اهدي واحدة نقطت في الكي بورد الكلام دا مابنفع وهسة يجو ناس الشمار مالك وفي شنو وماعندي حبوبة اقتلها باقي بالشديد القوي قرضتهن كلهن السنة الفاتت عجبني كلام الاخ ابوريم الكارثة انه فهم الطبيب النفسي في بلدنا لسة متخلف مشيت ليه قطع شك مجنون ويلاحقك الجن في كل حتة , حكاية صعبة خالص ومشاكل شديدة خلاص وقصة بايظة ولا بواكي لحمزة.

صباح النور يا نور

هههه .. تاني تجي ؟؟

عفيت منك كملتيهن كلهن اعتذارات ساااي الحبوبات .. !!

أقول ليك شئ .. أكتبي سطر وفطي سطر .. عفيتك أنا من التسلسل للأحداث وكده .. !!

المهم انو شديدك يقوا لينا هنا دي ... !!

أو

سوي الكي كجي .. أو كما قال .. !!

مودتي

Nour

02-06-2009, 07:09 AM

منال وينك ياحبيبة شوفتي السواها طارق رقدت.

طارق الحبوبات ماكملن اعتذارات كملن دموع مرات كتيرة بنقهر وماتشوف الا الدموع فما في عذر غير تقول ضربوا من البلد وقالو حبوبتي ماتت (نظام العزاء هناك وكدا)

منال قلتي افت هنا واتخارج مفروض طارق يحدد حدود الفت لي وين.

منال

02-06-2009, 07:15 AM

منال وينك ياحبيبة شوفتي السواها طارق رقدت.

طارق الحبوبات ماكملن اعتذارات كملن دموع مرات كتيرة بنقهر وماتشوف الا الدموع فما في عذر غير تقول ضربوا من البلد وقالو حبوبتي ماتت (نظام العزاء هناك وكدا)

منال قلتي افت هنا واتخارج مفروض طارق يحدد حدود الفت لي وين.

ههههههههههه
الفت ما عندو حد

غايتو ترخيصى فى جيبى

اقولو كلو :D:D

منال

02-06-2009, 07:18 AM

بس بتمنى الجكس يكون نفسو طويل شويه .. كمان الشباب مرات بتجيهم صحوة ضمير وكده .. :Dgoood

بس يغيبو ويجوا عايزنكم يلقوكن انتن ياكن انتن .. !!

أخوك من هسا مقاطع الشيخ ده ولا طريقو ما بعرفو .. !!

قلت لى الضمير مرات بصحى

هههههههههههه
قابلنى لو بصحا

الا عند ضربة النوبة و هى تئن و هو يجن :p;)

باااالغت فى امنيتك للجكس ... طولة بال شنو البتفع ... وهن قالن الرووووووووووووق

افزعونا و الحقونا
يقومو ياخدهم كلو كلو
عاد دا كلام

تحفة حوا

02-06-2009, 08:32 AM

طارق وكل المتداخلين سلام
عارف يا طارق بوستيك دا عنوانو كبير ومتشعب ( زي الك.... بالر...ولا شنو يا منال ) حاجات كتيرة ممكن تكون شديد قوي وكل زول عندو شديدو القوي حقو
مثلا الشديد القوي في الطب قد يعني عملية أو بتر أو حقنة أو دواء وآثارهم الجانبية
والشديد القوي في القانون قد تعني الحكم على برئ لأن الأدلة الظرفية ضدو
والشديد القوي عند الاستاذ لما يعاقب كل الفصل بجريرة تلميذ مشاغب
والشديد القوي في حياتنا ومجاملاتنا العادية
والضرورات تبيح المحظورات
و..........
والله لا يطرنا للشديد القوي

فترت
منال تعالي أدفري معاي

منال

02-06-2009, 08:52 AM

فترت
منال تعالي أدفري معاي

حبيبة
صاحب البوست ختا القاعدة و قال الدفر برانى

اها ادفرى العندك هنا و شوفى النحل بجى هسه

ولو بهمسة loooolloooollooool

يجازى محن وردى ديك

طارق صديق كانديك

02-06-2009, 08:54 AM

منال وينك ياحبيبة شوفتي السواها طارق رقدت.

طارق الحبوبات ماكملن اعتذارات كملن دموع مرات كتيرة بنقهر وماتشوف الا الدموع فما في عذر غير تقول ضربوا من البلد وقالو حبوبتي ماتت (نظام العزاء هناك وكدا)

منال قلتي افت هنا واتخارج مفروض طارق يحدد حدود الفت لي وين.

هههههه

أهلا بكم في الشديد القوي بلا حدود .. !!

شيلي شيلتك ساي وادفقي العوجة ما بجيك .. !!

منال

02-06-2009, 09:02 AM

شئ عجيب .. غايتو الجرسة في الجكس لذيذة خلاص .. بس النطيط خليهو لي أنا وناس تاني معاي هنا يتاوقوا ويتبسمو ويرجعوا ..

اغرقي ياخ عليك الله القاعدين ليها في السطح شنو ؟

تعال هنا يا طارق

الجرسة لذيذة ... قلت كدى

اليوم انا متجرسة جرسة ... بركة ما بتشوفنى ... عشان التريقة تعرف راسى كابس لمن شغلى غلبنى loooolloooolوالله فطرت الساعة 9 و دى ما بتجى ما الحر العينة و السخانة درجتها فوق 50 و ده المخلينا ما تعرف شنو داك :):)

غايتو الشافنى بجوعر ما يندهش ما دا الشديد القوى

و من قبيل متصبرة بالغنا و غاطسة

و كمان ياطارق
انى
اغرق
انى
اغرق

طارق صديق كانديك

02-06-2009, 09:22 AM

قلت لى الضمير مرات بصحى

هههههههههههه
قابلنى لو بصحا

افزعونا و الحقونا
يقومو ياخدهم كلو كلو
عاد دا كلام

نايم قلتي لي نوم أهل الكهف ... ؟

غايتو البفتشو للنوبة ديل أكيد بتصحا ضمائرم ياخ مااا نظلمن ولا شنو ؟;)

طارق صديق كانديك

02-06-2009, 09:27 AM

تحفة

صباح الخير

زووول بدفر معاك ماف ... !!

تتعدد الشدايد والقوة وااااحدة زي ما اتفضلتي كده .. !!

منتظرنك تاني

تحياتي

طارق صديق كانديك

02-06-2009, 09:53 AM

منال ..

الجرسة والله أجمل شئ .. نحنا كمان النصحية دي مااا بنقدر ما نقولا .. !!

اتجرسن سااااي .. !!

تغرقي تحت الماء ولا في سخانة الصيف اللاهب ده .. عشان نعرف بس وكده .. ;)

منال

02-06-2009, 10:25 AM

منال ..

الجرسة والله أجمل شئ .. نحنا كمان النصحية دي مااا بنقدر ما نقولا .. !!

اتجرسن سااااي .. !!

تغرقي تحت الماء ولا في سخانة الصيف اللاهب ده .. عشان نعرف بس وكده .. ;)

اها يا طارق اقرار و اعتراف بخط ايدى

ضاربة الجرسة و الولولة كمان loooollooool

ست الجرسة

و عشان تأمن
فوق صفيح ساخن بفعل الصيف اللاهب

ورا رووووووووووووووووووووووك ... و حى ووووووووووووب

جرسة و سخانة

دى حالة دى

غايتو بمشى القضارف محل المطر زارف

ليهو
ما تبقى والف توالف للعواطف

الليلة و ين انا

منال

02-06-2009, 10:27 AM

اخخخخخ

و بقيت اغنى عليك

شوية كدى يا طارق ح تنعينى

المتيمة ....

الأغبش

02-06-2009, 10:50 AM

غايتو ياطارق صديق العملتها ... خليت الناس دي كلها تتمرد علي شديدها القوي .. ولو بالكلام ..
الصقر إن وقع كتر البتابت عيب ... هذا هو شديدنا القوي ...

مجن81

02-06-2009, 01:05 PM

وانا شديدي القوي
الزول الفتح نيرانه
وجه كل مدافعه اليَ
لابيعرف ينوم
لا بهمه الهجير
لاساعات مقيل
لابتوقف عناده
لحظات المغيب
-----
لابرحم شهيق
لا نفسا يضيق
لاجسدا يقاوم
ولا روحا تفيق

منال

02-06-2009, 01:55 PM

غايتو ياطارق صديق العملتها ... خليت الناس دي كلها تتمرد علي شديدها القوي .. ولو بالكلام ..
الصقر إن وقع كتر البتابت عيب ... هذا هو شديدنا القوي ...

ههههههههههههه

اها نسمع الغنا

طارق مش اخرمج

http://www.youtube.com/v/baaw2zRVrGo&color1=0xb1b1bc&color2=0xcfcfcf&hl=en&feature=player_embeddedfs=1

منال

02-06-2009, 02:00 PM

نايم قلتي لي نوم أهل الكهف ... ؟

كدى نصحى بالغنا

تنوم السهر يا طارق

http://www.youtube.com/v/rtddypwp_hE&color1=color2=0xcfcfcf&hl=en&feature=player_embedded&fs=1

طارق صديق كانديك

02-06-2009, 02:08 PM

اخخخخخ

و بقيت اغنى عليك

شوية كدى يا طارق ح تنعينى

المتيمة ....

غايتو حمدو في بطنو ... !!

وينك يا فيصل سعد ... شيل معانا شويه .. !!

طارق صديق كانديك

02-06-2009, 02:13 PM

غايتو ياطارق صديق العملتها ... خليت الناس دي كلها تتمرد علي شديدها القوي .. ولو بالكلام ..
الصقر إن وقع كتر البتابت عيب ... هذا هو شديدنا القوي ...

وين يا جميل ..

الجماعة يبدو واقفين على الهبشة أو أقل قليلا زاتو ... !!

ياخ خليهم يفتو العندهم ويطلعوا الجواهم عسانا نسهم في راحتهم أجمعين .. !!

أجر المناولة وكده ;)

طارق صديق كانديك

02-06-2009, 02:15 PM

وانا شديدي القوي
الزول الفتح نيرانه
وجه كل مدافعه اليَ

لابرحم شهيق
لا نفسا يضيق
لاجسدا يقاوم
ولا روحا تفيق

بسسسسسسس ياهو شديدي زااااتو المابغباني .. !!

مجن 81

سأترك للمغيب يروى عن الأحلام والأمنيات .. !!

سعدت جدا وأنت تعبرين بكل هذا الجمال .. !!

كل الوداد

طارق صديق كانديك

02-06-2009, 02:19 PM

كدى نصحى بالغنا

تنوم السهر يا طارق[/url]

أصحى ساااي وخليك صحيانة ... !!

شكرا للحن ..

ياريت اقدر أنوم أنا فارقني النعاس فراقاً غير وامق .. !!

تحياتي

منال

02-06-2009, 02:20 PM

غايتو حمدو في بطنو ... !!

وينك يا فيصل سعد ... شيل معانا شويه .. !!

شيلتى براى بشيلا loooollooool

و شيلة باكر اتقل

فيصل من سخانة الخرتوم
ضربتو مطر كندا و سكن

و كمان هنا بتاوق

منال

02-06-2009, 02:25 PM

بسسسسسسس ياهو شديدي زااااتو المابغباني .. !!

اريتو يشبه ابو

مجن 81
ياهو النجاااااض

و بلقاك فى الممشى العريض

منال

02-06-2009, 02:39 PM

أصحى ساااي وخليك صحيانة ... !!

ياريت اقدر أنوم أنا فارقني النعاس فراقاً غير وامق .. !!

نغنى مع الترباس
الريد بجمع و يفرق
بحر فيهو البغرق
ويا الخليتنا رحت مشرق

http://www.youtube.com/v/V6SHfvld4dA&hl=en&fs=1

الأغبش

02-06-2009, 02:42 PM

والله جيعان لي جوعة ترمي في الدرب ...
ده شديدي القوي البخليني افوتكم اسي ....

طارق صديق كانديك

02-06-2009, 02:45 PM

والله جيعان لي جوعة ترمي في الدرب ...
ده شديدي القوي البخليني افوتكم اسي ....

والله يا دكتور الجوع كافر .. انصب على البطون أم الجوانح والأمنيات .. !!

بالهناء ياخ .. بس برضو منتظرنك .. !

تحياتي

طارق صديق كانديك

02-06-2009, 02:47 PM

اريتو يشبه ابو

مجن 81
ياهو النجاااااض

و بلقاك فى الممشى العريض

والله يشبهو شبه ما ينفرز ..

بالله في الممشى العريض ده خلوا لينا معاكم فرقة .. خلينا نقدل بجواركم بس .. !!

تحياتي ليك وللعزيزة مجن 81

منال

02-06-2009, 06:37 PM

و بعد الغروب

يا انت اسمع http://www.youtube.com/v/dQdrdr6i_mg&color=1

سارة

02-06-2009, 10:25 PM

هييييييييع

فرع المحلب الما بتدخلو العتة

شعرك ريش نعام نهدك طبنجة ابو ستة

شوفتك يا ام رشوم الروح تفارق الجتة

والله انا يقولوا فوقى كلام زى دا تانى سلام الله ما اديكم ليهو الا الشديد القوىgooodgoood

فيصل سعد

02-06-2009, 10:49 PM

شيلتى براى بشيلا loooollooool

و شيلة باكر اتقل

فيصل من سخانة الخرتوم
ضربتو مطر كندا و سكن

و كمان هنا بتاوق

سلامات طارق و منال و الجميع هنا ،،
و اخوكم جاء ضاربو الشديد القوي الجد جد :D:D و سخانة
الخرطوم و مطر كندا اخف و اهون و كدا ..

يديكم العافية ..

سارة

02-06-2009, 10:52 PM

سلامات طارق و منال و الجميع هنا ،،
و اخوكم جاء ضاربو الشديد القوي الجد جد :D:D و سخانة
الخرطوم و مطر كندا اخف و اهون و كدا ..

يديكم العافية ..

حمد الله على السلامة

يمين الله سودانيات نورت

ها زول مالك قاطع النمة ولا دا الشديد القوى:D

فيصل سعد

02-06-2009, 11:06 PM

حمد الله على السلامة

يمين الله سودانيات نورت

ها زول مالك قاطع النمة ولا دا الشديد القوى:D

حبابك يا بت عمنا ،
و خليك قريبة .. يديك العافية ..

طارق صديق كانديك

03-06-2009, 06:16 AM

هييييييييع

فرع المحلب الما بتدخلو العتة

شعرك ريش نعام نهدك طبنجة ابو ستة

شوفتك يا ام رشوم الروح تفارق الجتة

والله انا يقولوا فوقى كلام زى دا تانى سلام الله ما اديكم ليهو الا الشديد القوىgooodgoood

الللللللله

ده الشديد المستقوي زاااتو .. !!

قلت لي سلام الله في تلتله معاك ... !!

البركة الختتك .. أهو كسبناك معانا .. !!

صباحك شديد

طارق صديق كانديك

03-06-2009, 06:18 AM

سلامات طارق و منال و الجميع هنا ،،
و اخوكم جاء ضاربو الشديد القوي الجد جد :D:D و سخانة
الخرطوم و مطر كندا اخف و اهون و كدا ..

يديكم العافية ..

ود عمك يعلم الله مشتاقين عديييييل شوقاً شديدا قوياً .. !!

فاقدنك يا جميل .. البركة بالشوفة .. !!

تعال جيب شديدك القوي كبوا هنا .. الجماعة ما خلوا شئ .. !!

عاطر ودادي

طارق صديق كانديك

03-06-2009, 06:21 AM

و بعد الغروب

يا انت اسمع ]

[color=#8B0000]منال

صباح الخير

سمعنا ياخ .. ماا دفري .. بالراااحة .. !!

كلو شديد بعد الغروب قبل الشروق نصصصص النهار .. كلو شديد وقوي .. !!

صباحك باسطة

معتصم الطاهر

03-06-2009, 06:25 AM

الشديد القوى

ما عارف برنامجك لآخر السنة شنو ..!!!

أهدافك واضحة و الطريق ليها يمر بي كم عائق ..

داير تبنى بيت و تكمل الدكتوراة و ترجع السودان ..

3 حاجات بس و غالبك؟

ياهو الشديد القوى ..

الله فى ..

منال

03-06-2009, 06:32 AM

منال

صباح الخير

سمعنا ياخ .. ماا دفري .. بالراااحة .. !!

كلو شديد بعد الغروب قبل الشروق نصصصص النهار .. كلو شديد وقوي .. !!

صباحك باسطة

طارق صباحك زين

نرحب اولا بقدوم السعد فيصل الى منتداه سالما و غانما باذنه

و كيفتنى كيف يا فيصل شديدك الجابك ... اجدع هنا و خفف من الشيل ;):p

طارق

قلت برااااااااااحة و مع انو انا فى رااااااااااحة من العمل (يومين ) و المزاج فى القمة ... و ما بقدر اسوق برااااااااحة اها شن قولك :D

هى يا طارق صحى كلو شديد قوى ... الا بتاع الغروب الله عليهو ... اخخخخخخخ

داير تقول ما عندو وقت

برى يا اخيى شديدى ده عندو وقت و زمن و بقيف الف أحمر gooodgoood و الجرسة بتقع...

اسوى شنو عاد loooolloooollooool

Nour

03-06-2009, 06:40 AM

صباح الخير طارق وكل ناس الشديد القوي قلنا نتاوق,
سارة ياختي انت من زمن الطبنجة ابو ستة يا اختي انت بغنوك ليك قنبلة عديل كدا

منال ماشفتي حلقة الشيخ المخلي الجكس قايم الليل في التلفزيون (شمار وكدا)

منال

03-06-2009, 06:53 AM

منال ماشفتي حلقة الشيخ المخلي الجكس قايم الليل في التلفزيون (شمار وكدا)

نور يا نور
اقول شى مشيت الحلقة ( اختك ما بتقصر) شفتها لايف ...كنا فى برنامج (الاسلام و ادماج الجندر) و معنا ضيوف و كان اليوم جمعة و قالو عايزين يزوروا حلقات ذكر اها ناس الاحفاد نظمو زيارة لحمد النيل و شيخالجكسى ... بدينا بحمد النيل بعد صلاة الجمعة الى العصر اها الجماعة صور كميان و مبوسطين مرقنا على شيخ الامين ... الشارع ضيق و العربات طااااااااابور نزلنا من اول الشارع و اول ما لفت انتباهى انو الجكس بنزل من العربية حفيان و المسافة كبيرة و الدنيا حارة و الشمس واقفة ... و بعضهم بيبدل ملابسو ( بى لبس الجلابية الخضراء فى العربية ) اها بعد مدافرة قامو استقبالونا و الحق يقال استقبال رسمى عالى المستوى مع الجلوس فى كراسى وثيرة فى مقدمة الركب فى جنبة النساء طبعا و اتحكرنا نعاين و بدت الحلقة قراءة قرآن و دعاء و بعدها عينك ما تشوف الا النور .. صربة نوبة و ذكر و ... اقول شنو ما شافتو عينيى (يتجازن) رقيص ده اسمو رقيص الجكس اغلبو برقص مع ايقاع و ضرب بالارجل و حركات بالايد (طبعا بقصد ما حوارين الشيخ ) لانو ديل بمدحو و بنقذو براهم ... الجكس و هو على الحلقة برقص مافى ذلك شك ... اقرب لديسكو صاخب ولا دى جى ياربى ...

غايتو الى صلاة المغرب كنت فى الحلقة .. و خزنت كتير من الصور فى ذهنى و الله جد الشباب المكبوت ده ... بلقى متنفس فى حلقات الذكر و بياخذ الشغلة تعبيرية و بطريقتهم الخاصة ...

تانى برضو يا نور شيخ الجكسى ... الصرف عنا الجكس

الله فى ... الله حى

Nour

03-06-2009, 06:59 AM

منال هيب هوب يافردة عولمة, الله في, قالوا لمن يقيموا الصلاة بيقول ليهم اقفلوا الموبايل ووحدوا الاستايل , الله يرحم استوووا يرحمكم الله

منال

03-06-2009, 07:06 AM

منال هيب هوب يافردة عولمة, الله في, قالوا لمن يقيموا الصلاة بيقول ليهم اقفلوا الموبايل ووحدوا الاستايل , الله يرحم استوووا يرحمكم الله

هههههههههه لكن يا نور مش بى تفتكرى معاى كدا انو ده من شديدهم القوى

عاد سواين فيها قويين و ما بردحو و يتجرسوا زينا :confused::confused:

اها اخير ليهم يرقصو ... ولا زى ما بقولو يجكو gooodgooodgoood

عمر كبير

03-06-2009, 07:17 AM

هييييييييع

فرع المحلب الما بتدخلو العتة

شعرك ريش نعام نهدك طبنجة ابو ستة

شوفتك يا ام رشوم الروح تفارق الجتة

والله انا يقولوا فوقى كلام زى دا تانى سلام الله ما اديكم ليهو الا الشديد القوىgooodgoood

سارة سلامات
طارق والله فتحت ليك بيت بكي عديييييييل كدي
انت عارف شوية كدي ممكن نسميه فش غبينة
شوف جنس الردحي ده
ويا سارة والله شديدك ده اقوي من كل الشدائد لانو بخليك توصف وتعاين بس والمغصة كاتلاك
وياهو الشديد القوي
خلونا ندفر

عمر كبير

03-06-2009, 07:22 AM

تعال هنا يا طارق

الجرسة لذيذة ... قلت كدى

اليوم انا متجرسة جرسة ... بركة ما بتشوفنى ... عشان التريقة تعرف راسى كابس لمن شغلى غلبنى loooolloooolوالله فطرت الساعة 9 و دى ما بتجى ما الحر العينة و السخانة درجتها فوق 50 و ده المخلينا ما تعرف شنو داك :):)

غايتو الشافنى بجوعر ما يندهش ما دا الشديد القوى

و من قبيل متصبرة بالغنا و غاطسة

و كمان ياطارق
انى
اغرق
انى
اغرق

منال سلامات
يا بت الناس والله حالتك دي تبكي الكافر الما عندو سنون
جابت ليها تجعر عديل كدي
جعري بي راحتك يا بت الناس واكان سعلوك قولي ليهم اتذكرت حبوبتي الرابعة الله يرحمها
بس بدون انجخاخة
ويلا اتجوعري يرحمك الله

فيصل سعد

03-06-2009, 07:31 AM

اهداء لطارق صديق و كل المرابطين
و المرابطات هنا .. و شدة و تزول :D:D او شدة و غسيل عدة :D:D
و انتوا اختاروا بس اعملو حساب البرش و الدرش و هكذا شحاوير، و ننتهز
هذه الفرصة للسؤال عن اخونا البوكش ود ابو عاقلة و غيابه المحير
في هذا البوست تحديدا :D:D سوى مداخلته رقم عشرين الشديدة القوية ..

http://sudaniyat.net/up/uploading/gali.mp3

Nour

03-06-2009, 07:38 AM

صدقت يامنال والله يعني يرقص مذبوح من الالم اها الناس الشتر يعملوا شنو.

منال

03-06-2009, 07:39 AM

منال سلامات
يا بت الناس والله حالتك دي تبكي الكافر الما عندو سنون
جابت ليها تجعر عديل كدي
جعري بي راحتك يا بت الناس واكان سعلوك قولي ليهم اتذكرت حبوبتي الرابعة الله يرحمها
بس بدون انجخاخة
ويلا اتجوعري يرحمك الله

ابو المجتبى
ازبك

تعرف بجعر و ما بدسو ... و كان سالو و لا ما سالو ... و بعد داك بستغفر ربى

عشان حالتى دى كدى خت شديدك وما تاكلنا حنك تعال بى العندك :p;)

وما تجوعر

منال

03-06-2009, 07:46 AM

http://sudaniyat.net/up/uploading/gali.mp3[/align][/QUOTE]

فيصل سلامات

شكرا و انت تقاسمنا هذا الوجع

و اغنية كاااااااااااااربة اوتارها تنضح ... اها غايتو بفرقو بالغنا بس

كر على و فيصل سعد جابوهو لى

وابكن ياعينى

و يا عينى كفاكن جننتنو قلبى loooollooool

طارق صديق كانديك

03-06-2009, 10:40 AM

طارق صباحك زين

هى يا طارق صحى كلو شديد قوى ... الا بتاع الغروب الله عليهو ... اخخخخخخخ

داير تقول ما عندو وقت

برى يا اخيى شديدى ده عندو وقت و زمن و بقيف الف أحمر gooodgoood و الجرسة بتقع...

اسوى شنو عاد loooolloooollooool

اها شفتي جنس الشديد ده ياهو البودي هناااااك طواااالي ... !!

غايتو حظنا باجازتك دي .. تعالي كبي العندك لمن ترجعي قضارفك ديك .. !!

تحياتي

طارق صديق كانديك

03-06-2009, 10:44 AM

صباح الخير طارق وكل ناس الشديد القوي قلنا نتاوق,
سارة ياختي انت من زمن الطبنجة ابو ستة يا اختي انت بغنوك ليك قنبلة عديل كدا

منال ماشفتي حلقة الشيخ المخلي الجكس قايم الليل في التلفزيون (شمار وكدا)

صباح النور يانور

والله شيخكم لاقي هبوبو ... شديدو ساااهل موية بس .. !!

منال

03-06-2009, 10:50 AM

اها شفتي جنس الشديد ده ياهو البودي هناااااك طواااالي ... !!

غايتو حظنا باجازتك دي .. تعالي كبي العندك لمن ترجعي قضارفك ديك .. !!

تحياتي

يا اخوى ما تلاوزى بى loooollooool
تعرف اجازنى فيها سمح الغنا
بمزاااااااااااااج
نسمع علمتنى معن الحياة

http://www.youtube.com/v/TqWYzB_MVw8&color1=0xb1b1bc&color2=0xcfcfcf&hl=en&feature=player_embeddedfs=1

طارق صديق كانديك

03-06-2009, 02:23 PM

الشديد القوى

ما عارف برنامجك لآخر السنة شنو ..!!!

أهدافك واضحة و الطريق ليها يمر بي كم عائق ..

داير تبنى بيت و تكمل الدكتوراة و ترجع السودان ..

3 حاجات بس و غالبك؟

ياهو الشديد القوى ..

الله فى ..

أها شفتا جنس ده ياهو الشديد الأشد قوة .. وارهاق .. نادر ما تحصل ليك زول عندو برنامج أو خطة محسوبة يا باش .. أو هكذا يخيل لي .. !!

قول يااا مسهل ... !!

طارق صديق كانديك

03-06-2009, 02:30 PM

اقول شنو ما شافتو عينيى (يتجازن) رقيص ده اسمو رقيص الجكس اغلبو برقص مع ايقاع و ضرب بالارجل و حركات بالايد (طبعا بقصد ما حوارين الشيخ ) لانو ديل بمدحو و بنقذو براهم ... الجكس و هو على الحلقة برقص مافى ذلك شك ... اقرب لديسكو صاخب ولا دى جى ياربى ...

تانى برضو يا نور شيخ الجكسى ... الصرف عنا الجكس

الله فى ... الله حى

منال

العصافير نفسها بترقص راسا عدييل كده ...؟ يجازي محنكم يا شيوخ آخر زمن ... !!

وطيب أنا أخشع كيف والحمام بتهدل قدامنا .. ياجماعة عليكم الله ده كلام ... !!

مهما ادعينا الخشوع ساعتئذ طالما هناك عصافير بتحت في الأتو .. نحن والطمانينة والخشوع اتفارقنا فراق الطريفي لي جملو .. !!!

أها والمناديل كيف ... ؟ في ناس بمسحوا دموع الباكيات .. ؟؟

بالطريقة دي بنستشيخ سريع جدا يا منال .. !!

شديدهم قوي وببالغ عدييييييييييل ... !!

كان الله في عون الذكر والذاكرين .. والله يرحمك ياحاج الماحي .. !!

منال

03-06-2009, 03:28 PM

منال

العصافير نفسها بترقص راسا عدييل كده ...؟ يجازي محنكم يا شيوخ آخر زمن ... !!

وطيب أنا أخشع كيف والحمام بتهدل قدامنا .. ياجماعة عليكم الله ده كلام ... !!

مهما ادعينا الخشوع ساعتئذ طالما هناك عصافير بتحت في الأتو .. نحن والطمانينة والخشوع اتفارقنا فراق الطريفي لي جملو .. !!!

أها والمناديل كيف ... ؟ في ناس بمسحوا دموع الباكيات .. ؟؟

بالطريقة دي بنستشيخ سريع جدا يا منال .. !!

شديدهم قوي وببالغ عدييييييييييل ... !!

كان الله في عون الذكر والذاكرين .. والله يرحمك ياحاج الماحي .. !!

تعرف يا طارق القصة تفسيرها عندى ( تنفيس) و الشى رقيص ... و حتى العصافير التوب نازل ... زغاريد ... و تكبير ... و ناس الطرحة الجدعة يختوها فى الوش (المعنى نتغطى) اها ... الكر و الفر بتاع الجماعة لمن يصلن تسمع زغاريد تشق عنان السماء ... والسلام للشيخ .. اسكت
اها الرقيض لو قلنا اصلا فى مديحنا موجود فى الحلقات .. و ضرب النحاس البزيد الحماس ... و الزول يقوم يلف ... اللفة دى ياها الرقيص و بس الاختلاف فى المسمى لانو هسه الجكسى ده برقص مع الايقاع ( الا ما جبجبة) يعنى التعبير عن الجواك بالرقيص و الهز

عندى زميلى بمشى الحلقة دى و الشى العجيب بجى صاحبو من امدرملن ياخدو بالعربية و عندو حزام احمر و طاقية حمرا ... بتفاصح معه قلت ليهو ياخى الشى ده مادايرلو هجرة لى امدرمان يعنى رقيصك ده مع الاستريو و بنفس الشريط العندك ارقص رقيص و قول حى قيوم ...

قال لى يابت جنيتى انا فى الحلقة زول تانى ( دى كيف يعنى) و الغريبة الحلقة ضابطة ايقاع مدوزن للطيش ... ما بتحس انو فى زول اشتر :p;):D

غايتو ياطارق سوى ليك دقينا بسيطة و المشيخة تجيك و السبحة فى ايدك ... و الجلابية الخضرا على يمين الله تلاقها و المركوب فى المطار :D:D

مدد يا اهل لله

وحاج الماحى سيد الاسم

منال

03-06-2009, 03:49 PM

http://www.youtube.com/v/uEPfpxWkJVU&hl=en&fs=1

اهداء خاص

له ... امسى مضى ...

ولى المساء

معتصم الطاهر

03-06-2009, 04:26 PM

[ ]

اهداء خاص

له ... امسى مضى ...

ولى المساء

الشديد القوى
زول صندوق رسايلو الخاص ملان
و ينكرك فى الماسنجر!!
وربما بلكك ..

شيدة و قوية يا انتى ..

هو فى شنو ؟؟؟

مجن81

03-06-2009, 05:10 PM

الشديد القوي
حين تحجبك المساءات
ويسدل الليل استاره دونك
ويلاه
ما اشد دنيا انت ملؤها
وما اقوي حصونك الراسيات
بالله قل لي
لماذااتيتني
ايهالقوي
بكل هذا الشديد

طارق صديق كانديك

03-06-2009, 05:10 PM

سارة سلامات
طارق والله فتحت ليك بيت بكي عديييييييل كدي
انت عارف شوية كدي ممكن نسميه فش غبينة
شوف جنس الردحي ده
ويا سارة والله شديدك ده اقوي من كل الشدائد لانو بخليك توصف وتعاين بس والمغصة كاتلاك
وياهو الشديد القوي
خلونا ندفر

ابو المجتبى

ازيك يا رفيقي

والله لو خلوني ردحتا براي يكون ماا جاملوني ... !!

أدفر ياخي أدفر عارفك ماسكك الشديد القوي بس اتحلحل وتعال .. !!

منال

03-06-2009, 06:48 PM

الشديد القوى
زول صندوق رسايلو الخاص ملان
و ينكرك فى الماسنجر!!
وربما بلكك ..

شيدة و قوية يا انتى ..

هو فى شنو ؟؟؟
هههههههههههههه
الصندوق مليان عشان يتقرى بالخاص برضو :D:D:D

الماسنجر خلينا لناسو loooolloooollooool
بلك دى ما بتحصل بس الشات بالمزاااااااج برضو

شدة ولضة بس gooodgooodgoood

هو فى شنو ؟؟؟

كان ما سبقتونا كانا نقول

الم تعرف الحب !!!
و
لـــوعــــــــتـــــــــــه

لو حيين بنقلاثا وللحديث بقية :p;)

سارة

03-06-2009, 10:26 PM

صباح الخير طارق وكل ناس الشديد القوي قلنا نتاوق,
سارة ياختي انت من زمن الطبنجة ابو ستة يا اختي انت بغنوك ليك قنبلة عديل كدا

منال ماشفتي حلقة الشيخ المخلي الجكس قايم الليل في التلفزيون (شمار وكدا)

نور يا نور ياالكلك نور

انا عليك امان الله دايرة لى بكية وبى نخجتها باقى ممكون وصابر علا الاجارة على رب العالمين

لكن يا طارق .... اححححححى انا من وجع الركب ووجع السنون سويتها فينى بقيت كان زول

قال لى سلام عليكى دميعاتى يكبن شو...

ناس

ما بسواك ..ما بسواكى والحاجب جلل

جّلا الجليل حلاكى

جاهلة وجافية
حالى جيدها

ساكنة خفاك

وجيدك يا ام مقل زايد عليى

هلاكى ...اهىء اهىءاهىء استغفر الله

سارة

03-06-2009, 10:33 PM

سارة سلامات
طارق والله فتحت ليك بيت بكي عديييييييل كدي
انت عارف شوية كدي ممكن نسميه فش غبينة
شوف جنس الردحي ده
ويا سارة والله شديدك ده اقوي من كل الشدائد لانو بخليك توصف وتعاين بس والمغصة كاتلاك
وياهو الشديد القوي
خلونا ندفر

ابو المجتبى اريتك سالم آآخوى

بكى شنو عليك أمان الله ردحى جد

لكن هو ما بيستاهل.... هو القالوا فوقو

يا يمة لا تدقنو

العقّر ما بيلدنو

والفين جنيه

من سرجو ما بدلنو ( ما الالفين حقت الجماعة ديل )

تقولى ماتردحى دا بدل انت زاتك تتفرجخ فى الواطة دى وتتنخج معاى

اححححححى انا

اذا ساألوك يوما كيف قصصت شعرك الحريرا

قولى لهم بكل كبرياء قصصت شعرى لأن من أحبّه يحبه قصيرا

ما ليك عليا حلفان كان قال لى يا سرورة احلقى صلعة الله وكيلك بكرة تلقانى بىدقنوسى دا

ممسحة بى كركار والصلعة تولع نارgooodgooodgoood

طارق صديق كانديك

04-06-2009, 06:36 AM

الشديد القوي
حين تحجبك المساءات
ويسدل الليل استاره دونك
ويلاه
ما اشد دنيا انت ملؤها
وما اقوي حصونك الراسيات
بالله قل لي
لماذااتيتني
ايهالقوي
بكل هذا الشديد

ليس المسؤل بأعلم من السائل .. اذ الشوق العميم لم يترك لنا ما نقول ... !!

أتحسس طريقاً في الشوق يبساً .. عساه يرجع بي الى هناك .. حيث الأمنيات لكنه الشديد القوي .. يطل برأسه كحية تجيد الإلتواء .. !!

صباحك أقحوان يا أنيقة

كل الوداد

طارق صديق كانديك

04-06-2009, 06:40 AM

اهداء لطارق صديق و كل المرابطين
و المرابطات هنا .. و شدة و تزول :D:D او شدة و غسيل عدة :D:D
و انتوا اختاروا بس اعملو حساب البرش و الدرش و هكذا شحاوير، و ننتهز
هذه الفرصة للسؤال عن اخونا البوكش ود ابو عاقلة و غيابه المحير
في هذا البوست تحديدا :D:D سوى مداخلته رقم عشرين الشديدة القوية ..

[]

ود عمك شكرا للحن الشديد ..

ابو عاقلة والله منتظرنو ومتربصين به الشوق .. !

يبدو لي شديدو القوي مانعو من الظهور وكده .. :D

لكنه متمرد .. بعرفو كويس .. بفك القيد وبجي بدون شك .. !!

لك وله عظيم امتناني وأشواقي

معتصم الطاهر

04-06-2009, 06:43 AM

ابو المجتبى اريتك يا يمة لا تدقنو

العقّر ما بيلدنو

والفين جنيه

من سرجو ما بدلنو ( ما الالفين حقت الجماعة ديل )

بقولوا من ركشتو ما بدلنو ..

اذا ساألوك يوما كيف قصصت شعرك الحريرا

قولى لهم بكل كبرياء قصصت شعرى لأن من أحبّه يحبه قصيرا

ما ليك عليا حلفان كان قال لى يا سرورة احلقى صلعة الله وكيلك بكرة تلقانى بىدقنوسى دا

ممسحة بى كركار والصلعة تولع نارgooodgooodgoood
اليسمع البكا .. يقول فى حرقة جد جد ..

اليشوف العيون .. يقول فى بكاية

اليعاين للعيون .. يلقى استهبال ..

عمر كبير

04-06-2009, 06:47 AM

ابو المجتبى
ازبك

تعرف بجعر و ما بدسو ... و كان سالو و لا ما سالو ... و بعد داك بستغفر ربى

عشان حالتى دى كدى خت شديدك وما تاكلنا حنك تعال بى العندك :p;)

وما تجوعر

منال صباح الجوعار والردحي الما خمج
اها جيتك بي شديدي
وبي بياضي لشيخ جلاكسي المحايتو بيبسي وحيرانو جكسي
الشديد القوي هو لما البنية الما خمج تبتسم نص ابتسامة بس يعني يا دوبك تكشف عن نونتين وثالثة تحت الحنيك الما خمج
في اللحظة ديك تتمني ان تكور نفس وترمي بها في هذه الحفيرات ردحا من الزمن او ما تبقي من عمر..
لكن الشديد القوي البعاين ليك بي طرف عينو ده يا هو الحاميك
والله يجازيهم الكبرني وسمحن
اها اردحو وادفرو وتاني ما نا واقفين الا القيامة تقوم
اردحو يرحمكم الله

طارق صديق كانديك

04-06-2009, 06:47 AM

يا اخوى ما تلاوزى بى loooollooool
تعرف اجازنى فيها سمح الغنا
بمزاااااااااااااج
نسمع علمتنى معن الحياة

1[/media]

منال صباح الغناء

لحن جميل بدون شك

والملاوز بيك هو الشديد القوي ما أنا .. !!

جاك الشوق يا ملك الأمنيات .. !!

تحياتي

منال

04-06-2009, 06:52 AM

[color=#330000][size=5]
جاهلة وجافية
حالى جيدها

ساكنة خفاك

وجيدك يا ام مقل زايد عليى

هلاكى

سارة ازيك

النردح ياختى ... و تعالى هنى النتمو :eek:

اها المقطع ده ... ما ردحى الليلو كمان وهو قالو الا يسوى زينا حى وووووووب
ده اخطر منو
وعشان نزيدو من السماحة و الجمال الكاتلو

اليه من نفس الكبريتا و الكبريتا البتولع الاذى

http://www.youtube.com/v/AATnxWzIpsY&hl=en&fs=1

عمر كبير

04-06-2009, 06:52 AM

ابو المجتبى اريتك سالم آآخوى

بكى شنو عليك أمان الله ردحى جد

لكن هو ما بيستاهل.... هو القالوا فوقو

يا يمة لا تدقنو

العقّر ما بيلدنو

والفين جنيه

من سرجو ما بدلنو ( ما الالفين حقت الجماعة ديل )

تقولى ماتردحى دا بدل انت زاتك تتفرجخ فى الواطة دى وتتنخج معاى

اححححححى انا

سارة سلام وسالمة يا بت عمي من العقران والردحان
الالفين دي حقت زمان كانن بجيبن السمحة ام عجن
لكن شديدك انتي قوي جد جد العاوزة تجيبي بيهم ابو شنب زااااتو
لكن ما خسارة
قصي شعرك الطويل الحرير
واتمسحي بكل انواع المسوحات
وتعالي الحلقة الليلة ذكر جد والنشوف اخرتا
شكرا جميلا

عمر كبير

04-06-2009, 06:56 AM

رفيقي ود كانديك
اذن هو وقت للبكاء
وهذا حائط المبكي لمن اراد ومن أبي
ووكت الشغلة فيها مجاملة خليني يا زول النتحزم واتلزم واجيك
والله ام حمزة بي الطريقة دي الا توديك للشيخ العركي
لكن ارح يا زول
ويا عيش ما تدفرني براي بمش
مش برضو شديد قوي البسوقك لي قدام وانت عاوز ترجع لي ورا
ويلا يا ناس يدكم معانا

منال

04-06-2009, 07:06 AM

الشديد القوي هو لما البنية الما خمج تبتسم نص ابتسامة بس يعني يا دوبك تكشف عن نونتين وثالثة تحت الحنيك الما خمج
في اللحظة ديك تتمني ان تكور نفس وترمي بها في هذه الحفيرات ردحا من الزمن او ما تبقي من عمر..
لكن الشديد القوي البعاين ليك بي طرف عينو ده يا هو الحاميك
والله يجازيهم الكبرني وسمحن
اها اردحو وادفرو وتاني ما نا واقفين الا القيامة تقوم
اردحو يرحمكم الله

هههههه قلت لى انت مع صابحنى دايمن مبتسم

البعاين ليك من طرف كحيل

ولا العينو حمرا و حاميك كدى بالمناسبة حاميك النوم loooollooool

الله يخلين ليك الكبرن ( هوى تاخد زمنك و زمن غيرك)

تعال اردح من الامس الذكريات جميلة

Nour

04-06-2009, 07:12 AM

هدية ليكم كلمات اغنية الشديد القوي لمحمد عبده وكل زول بي شديده وتتعدد الشدايد وكلنا في الشديد القوي واحد اظبط انا بقيت اقول حكم والله البسويها فيكم طارق تجوا تقولوا نور قالت

الا الشديد القوي يردني عنك
انا بخاطري اكون قريب منك
كلامي هذا اكيد كلام ماهو جديد
انت الحبيب الوحيد مالي غنى عنك....
تجيني ولا اجيك انا عندي ماتفرق
بس المهم نلتقي وبحبنا نصدق
انت حبيب غالي انت على بالي
ولا سيره تحلالي الا الكلام عنك....
ابعد ياروحي الظنون انا عمري مااتغير
اهواك وقلبي حنون وماني كذا مخير
مهما غيابي يطول سيبك من اللي يقول
انا بكره ظرفي يزول وببقى قريب منك....

منال

04-06-2009, 07:42 AM

مش برضو شديد قوي البسوقك لي قدام وانت عاوز ترجع لي ورا
ويلا يا ناس يدكم معانا

عترة ما تقيف ليك

وعليك الله و الرسول فيك ان ما جبت حق ابوحمزة ده معاك

هو شغال يلز بسgooodgooodgoood

الا البعرفونا يحضرونا

تعال بالعندك تعال

اغنى معاك

منال

04-06-2009, 07:44 AM

هدية ليكم كلمات اغنية الشديد القوي لمحمد عبده وكل زول بي شديده وتتعدد الشدايد وكلنا في الشديد القوي واحد اظبط انا بقيت اقول حكم والله البسويها فيكم طارق تجوا تقولوا نور قالت

الا الشديد القوي يردني عنك
انا بخاطري اكون قريب منك
كلامي هذا اكيد كلام ماهو جديد
انت الحبيب الوحيد مالي غنى عنك....
تجيني ولا اجيك انا عندي ماتفرق
بس المهم نلتقي وبحبنا نصدق
انت حبيب غالي انت على بالي
ولا سيره تحلالي الا الكلام عنك....
ابعد ياروحي الظنون انا عمري مااتغير
اهواك وقلبي حنون وماني كذا مخير
مهما غيابي يطول سيبك من اللي يقول
انا بكره ظرفي يزول وببقى قريب منك....

نور يا حبيبة
ده صحى قووووووووية

الا يا ختى

الله فى

Nour

04-06-2009, 07:56 AM

شفتي يامنال كيف اسالي الله يرد كل غايب

منال

04-06-2009, 08:19 AM

منال صباح الغناء

لحن جميل بدون شك

والملاوز بيك هو الشديد القوي ما أنا .. !!

جاك الشوق يا ملك الأمنيات .. !!

تحياتي
صباحاتو

ههههههههههههه الغنا بشيلو و بتمو

اسكت خليهو شديدى و يا نديدى ...و يا تومى هوى ...

الشوق من هنا لاعندك

طارق صديق كانديك

04-06-2009, 08:29 AM

رفيقي ود كانديك
اذن هو وقت للبكاء
وهذا حائط المبكي لمن اراد ومن أبي
ووكت الشغلة فيها مجاملة خليني يا زول النتحزم واتلزم واجيك
والله ام حمزة بي الطريقة دي الا توديك للشيخ العركي
لكن ارح يا زول
ويا عيش ما تدفرني براي بمش
مش برضو شديد قوي البسوقك لي قدام وانت عاوز ترجع لي ورا
ويلا يا ناس يدكم معانا

ابو المجتبى ازيك يا كبير

والله يبدو حالنا معصعصة ومستعصية .. !!

اتحزم وتعال ساي أخوك بستاهل تنجدو .. !!

مدد يا صاحب المدد

بدور التركي

04-06-2009, 10:41 AM

جاءت الشدائد بالصقيع
من الخافق الطماع
من البحر الذى يألفه
اتجاهي..
جاء بالدواهي

والشدة لا تدرى كم من اللأوقات
مرّت كالهباء!!!!

عمر كبير

04-06-2009, 09:27 PM

هههههه قلت لى انت مع صابحنى دايمن مبتسم

البعاين ليك من طرف كحيل

ولا العينو حمرا و حاميك كدى بالمناسبة حاميك النوم loooollooool

الله يخلين ليك الكبرن ( هوى تاخد زمنك و زمن غيرك)

تعال اردح من الامس الذكريات جميلة

منال سلام
واكان جيت بالعندي وما عندي يا بت الناس
بتمو الاغنية ولا بتجهجهونا ساي زي ما الكبرنا وسمحن جهجهو الناس
حددي لينا موقف ابوك من السندة كيف
ونبقي ناس ردحي
حكمة الله اخدن زمني انا وما اخدت زمن زول
وما جنيت علي احد
وحي قيوم يا حي قيوم
وين شيخ الحلقة تلحقنا وتفزعنا يا ابو حمزة

عمر كبير

04-06-2009, 09:34 PM

ابو المجتبى ازيك يا كبير

والله يبدو حالنا معصعصة ومستعصية .. !!

اتحزم وتعال ساي أخوك بستاهل تنجدو .. !!

مدد يا صاحب المدد

ود كانديك يا جميل
واراك عصي الدمع شيمتك الصبر
اما للهوي نهي عليك ولا امر؟؟
غير امر الشديد القوي
وارح يا زول بي عيش بدون عيش بندفرك
لمن تصل
ومدد
مدد

سارة

04-06-2009, 10:09 PM

بقولوا من ركشتو ما بدلنو ..

المهم يجينى نازل:mad: عليك الله ياباشمهندس اطلع لى من نافوخى الساعة دى

قبال ما اعمل ليك بلوكgooodgoood
اليسمع البكا .. يقول فى حرقة جد جد ..

اليشوف العيون .. يقول فى بكاية

اليعاين للعيون .. يلقى استهبال ..

انااحتج :mad::mad: واحتج بى شدة وغسيل عدة ياخ ما ممكن تشككنى ف:o

بعدين انت من زمن رافعين القزاز وضاربين طناش ما خلاص وقعنا وما سموا عليناgooodgoood

انا صف الحبايب فيك وكل العاشقين خلفى

قال جاى يشمت قال

ابو حمزة المفروض يكون فى حماية لاى انسان جابوا الشديد القوى

ياخ ما تخلى نوع ود الطاهر دا يطير لينا البكية من نافوخنا ياخ

ناس تبكى وناس تلحس فى الدموع:mad:

عمر كبير

04-06-2009, 10:12 PM

عترة ما تقيف ليك

وعليك الله و الرسول فيك ان ما جبت حق ابوحمزة ده معاك

هو شغال يلز بسgooodgooodgoood

الا البعرفونا يحضرونا

تعال بالعندك تعال

اغنى معاك

وما تقيف ليك يا منال
ويلا نغني
ورايكم شنو نغني للقدال
اماتي القبيل بي حنهن لجني......
واطلع مني يا حزنا بقي مكجني
وده قريب من الشديد القوي لكن ما ياهو زاتو

سارة

04-06-2009, 10:17 PM

ابو المجتبى مساء الورد

الظاهر يا قريبى انحنا برانا فى بيت البكى دا

رايك شنو اقوم اسكلب يمكن يجينا زول يحرر النويحgooodgoood

عمر كبير

04-06-2009, 11:57 PM

[QUOTE=سارة;148368]ابو المجتبى مساء الورد

الظاهر يا قريبى انحنا برانا فى بيت البكى دا

رايك شنو اقوم اسكلب يمكن يجينا زول يحرر النويحgooodgoood[/QUOTE
سارة سلامات الليل البرد
وتلقاها ام شليخ الليلة رقدت برة
دحين سكلبي ساااااااااكت سرك في بير
وجافاني النومي يا خلة من عين النوم قلة
وبراااااااي يا خلة انا من عيني النوم جلة
ونسوي شنو مع المقدور براهو الواهب العطاي
لكن اظننا انا وانتي يا قريبة بقينا سقد الشديد القوي
سكلبي
سكلبتك
وحرررررررم ما نرجعك بي غبينة

مجن81

05-06-2009, 03:15 PM

ياااااااااالشدة تلك الليالي
انا وغرفتي الموصدة
الا من نافذة لاتطل على سواك
وانت ياحبيبي دوما
تاتي كبرق الامتلاء
ووتذهب قبل ان يرتد الي بصري
وانا اخالس الاشواق لاختلي بك
بالله يازائري
بين الوردان والشرايين
مساحات جزلى بالشوق والحنين
فهلا تمهلت قليلا
كي لاتفضح تلهفها
وهلا تركت لي بين وسائدي
بقايا عطرك
كي لاتقضح تشرد روحي
وسط كل هذا الشديد القوي
-- ----------
طارق صديق
عذرا ان اثقلنا خطانا هنا على دروبك
وشكرا لهذه المساحات حيث تحلو الفضفضة gooodgoood

قمر دورين

06-06-2009, 07:48 AM

للجميع هنا أجمل تحيّة
ويسبقنا الشوق قبل العينين
وبعد قراءة سريعة كده.....
غايتوا يا أخ طارق البوست ده شكلك عملتوا على وزن ( ولو وشوش صوت الريح بالباب)...:D :D
ونعاين المداخلات نلقاها تايهة في دموع المغلوبين
والجماعة ما قصّروا....
ولسه بحرك يا ليل ما طفنا نجومو......:D

ابوريم

06-06-2009, 09:04 AM

قمر
للجميع هنا أجمل تحيّة
ويسبقنا الشوق قبل العينين
وبعد قراءة سريعة كده.....
غايتوا يا أخ طارق البوست ده شكلك عملتوا على وزن ( ولو وشوش صوت الريح بالباب)...
ونعاين المداخلات نلقاها تايهة في دموع المغلوبين
والجماعة ما قصّروا....
ولسه بحرك يا ليل ما طفنا نجومو
....
وما منكم الا واردها

طارق صديق كانديك

06-06-2009, 09:14 AM

لكن يا طارق .... اححححححى انا من وجع الركب ووجع السنون سويتها فينى بقيت كان زول

قال لى سلام عليكى دميعاتى يكبن شو...

ناس

ما بسواك ..ما بسواكى والحاجب جلل

جّلا الجليل حلاكى

جاهلة وجافية
حالى جيدها

ساكنة خفاك

وجيدك يا ام مقل زايد عليى

هلاكى ...اهىء اهىءاهىء استغفر الله

ههههههه

سارة

صباح الدموع الكابة شووووو

ما تستاهلي الدموع .. لكنه الشديد القوي .. شفتي كيف بالله ؟؟

استرجاعك الجميل لشعر البادية يحمل معان عظيمة والله .. !!

التحية ليك

طارق صديق كانديك

06-06-2009, 09:17 AM

هدية ليكم كلمات اغنية الشديد القوي لمحمد عبده وكل زول بي شديده وتتعدد الشدايد وكلنا في الشديد القوي واحد اظبط انا بقيت اقول حكم والله البسويها فيكم طارق تجوا تقولوا نور قالت

الا الشديد القوي يردني عنك
انا بخاطري اكون قريب منك

انا بكره ظرفي يزول وببقى قريب منك....

والله شديدو قوي قوة جد .... !!

الرجل ده مطرب جدا وفنان والله .. !!

اختيارك .. شديد برضو يا نور .. !!

تحياتي

طارق صديق كانديك

06-06-2009, 09:26 AM

جاءت الشدائد بالصقيع
من الخافق الطماع
من البحر الذى يألفه
اتجاهي..
جاء بالدواهي
والشدة لا تدرى كم من اللأوقات
مرّت كالهباء!!!!

ياسمين

نهارك شديد

نشاطركم ذات الشدة ... وردت الينا من البحر أو الجو أو البر .. !!

تحياتي

طارق صديق كانديك

06-06-2009, 09:53 AM

قال جاى يشمت قال

ابو حمزة المفروض يكون فى حماية لاى انسان جابوا الشديد القوى

ياخ ما تخلى نوع ود الطاهر دا يطير لينا البكية من نافوخنا ياخ

ناس تبكى وناس تلحس فى الدموع:mad:

في ناس كده يا سارة عندهم حق الفيتو ياخ .. من جهات متعددة .. أولها القلب الذي يضج بمحبتهم .. والباشمهندس منهم دون شك .. !!

بس لو يدينا فرقة في الدموع دي يكون مااا قصر معانا أبداً ... :D:D

طارق صديق كانديك

06-06-2009, 09:57 AM

ياااااااااالشدة تلك الليالي
انا وغرفتي الموصدة
الا من نافذة لاتطل على سواك
وانت ياحبيبي دوما
تاتي كبرق الامتلاء
ووتذهب قبل ان يرتد الي بصري
وانا اخالس الاشواق لاختلي بك
بالله يازائري
بين الوردان والشرايين
مساحات جزلى بالشوق والحنين
فهلا تمهلت قليلا
كي لاتفضح تلهفها
وهلا تركت لي بين وسائدي
بقايا عطرك
كي لاتقضح تشرد روحي
وسط كل هذا الشديد القوي
------------
طارق صديق
عذرا ان اثقلنا خطانا هنا على دروبك
وشكرا لهذه المساحات حيث تحلو الفضفضة gooodgoood

مجن 81

نهارك جميل

بل عذرا لكِ أن شرعنا نافذة أججت من الوجد الكثير ...!!

غير أن الأمنيات .. تضج هي بما تحمله من فرحٍ لذيذ .. !!

كل الوداد

طارق صديق كانديك

06-06-2009, 09:59 AM

غايتوا يا أخ طارق البوست ده شكلك عملتوا على وزن ( ولو وشوش صوت الريح بالباب)...:D :D

ولسه بحرك يا ليل ما طفنا نجومو......:D

قمر دورين

نهارك سعيد بشديده القوي أو بغير شديد

تماما كما غنى ود اللمين ... مااا طفنا نجمو ... !!

تحياتي

قمر دورين

07-06-2009, 04:57 AM

قمر

....
وما منكم الا واردها
وَّنَذَرُ الظَّالِمِينَ فِيهَا جِثِيًّا!!!

غايتوا الله يديك العافية يا أبو ريم.....

ابوريم

07-06-2009, 08:41 AM

قمر
غايتوا الله يديك العافية يا أبو ريم.....
وانتي كمان. ويكفينا واياكم شر نار العشق.

Nour

09-06-2009, 08:48 AM

الحياة مدرسة وكل يوم درس جديد في الصعب والساهل والمفهوم والما مفهوم واتاري كل يوم فيه شديد قوي مختلف عن اليوم القبله وشديد قوي امبارح بكون ساهل مقارنة مع شديد الليلة يعني ما ننوم ونبقي علي امبارح بس بس البثبت الزمن شنو ؟؟؟؟؟

طارق صديق كانديك

09-06-2009, 08:57 AM

الحياة مدرسة وكل يوم درس جديد في الصعب والساهل والمفهوم والما مفهوم واتاري كل يوم فيه شديد قوي مختلف عن اليوم القبله وشديد قوي امبارح بكون ساهل مقارنة مع شديد الليلة يعني ما ننوم ونبقي علي امبارح بس بس البثبت الزمن شنو ؟؟؟؟؟

نور

صباح الشدايد ...

ربما نازعتنا مشاكل اليوم فرأينا ما مر بنا بالأمس ... ساااااهل مويه بس .. انه الشديد القوي

كان الله في العون

تحياتي

أبو أماني

10-06-2009, 06:49 PM

العزيز أبدا طارق كانديك .. لك الود معطون بشهد قلب إحتواك ولم يراك ..! شكرا على هذا البوستر الضجة .. والذي جعلت منه مبضع جراح ماهر .. ونكشت فيه مكامن كل مغترب عن الأوطان..متلمسا مواطن أوجاعه والتي تنحصر في بعده عن الأوطان .. وأي أوطان تلك التي أعني؟ إنها السودان..! وهذا في نظري هو ذروة (الشديد القوي) .. كرجل عاقر الإقتراب لما يربو على العشرين عاما من أجمل زهرات العمر .. أعتقد بل أجزم أن لا شديدا أقوى من البعد عن الوطن .. ومهما كانت الظروف والأسباب ..
تصووّر أخي طارق.. لحظات.. تكون فيها جالسا مع نفسك وتخيلت الوضع الراهن في السودان وتصور وأنت في منفاك الإختياري تصلك برقية تنبئ بفراق أبدي لأعز الأحباء أو الأخوان؟ .. تصور يا عزيزي .. أن ترجع السودان في إجازة قصيرة .. فتجد أطفال تركتهم يحبون ..وهم يعانقونك بالأكتاف والأحضان .. وتصور سؤال .. أبيهم لك .. ذاك السؤال الذي يذهب العقل والوجدان .. (عرفت ده منو.. يا فلان؟) وتهز رأسك بالنفي في بؤس أو بالإيجاب وأنت حقا لا تدري ..!! الغربة أحبائي .. هي الشديد القوي بعينه .. وكم من دموع زرفت وبت أزرفها معكم الآن ..فقط أن دموعى سوف تتوقف بعد حين فهل تتوقف دموع المغتربين عن الجريان؟ رد الله غربتكم جميعا أيها الحبان .. وشكرا لصديقي الرائع الفنان ..إبن الشكابة شاع الدين.. مع تحيات إبن أختك العزيز فاروق موسى ... ولك صادق محبتي.. ولنا عودة ..:confused:

طارق صديق كانديك

11-06-2009, 07:08 AM

العزيز أبدا طارق كانديك .. لك الود معطون بشهد قلب إحتواك ولم يراك ..! شكرا على هذا البوستر الضجة .. والذي جعلت منه مبضع جراح ماهر .. ونكشت فيه مكامن كل مغترب عن الأوطان..متلمسا مواطن أوجاعه والتي تنحصر في بعده عن الأوطان .. وأي أوطان تلك التي أعني؟ إنها السودان..! وهذا في نظري هو ذروة (الشديد القوي) .. كرجل عاقر الإقتراب لما يربو على العشرين عاما من أجمل زهرات العمر .. أعتقد بل أجزم أن لا شديدا أقوى من البعد عن الوطن .. ومهما كانت الظروف والأسباب ..
تصووّر أخي طارق.. لحظات.. تكون فيها جالسا مع نفسك وتخيلت الوضع الراهن في السودان وتصور وأنت في منفاك الإختياري تصلك برقية تنبئ بفراق أبدي لأعز الأحباء أو الأخوان؟ .. تصور يا عزيزي .. أن ترجع السودان في إجازة قصيرة .. فتجد أطفال تركتهم يحبون ..وهم يعانقونك بالأكتاف والأحضان .. وتصور سؤال .. أبيهم لك .. ذاك السؤال الذي يذهب العقل والوجدان .. (عرفت ده منو.. يا فلان؟) وتهز رأسك بالنفي في بؤس أو بالإيجاب وأنت حقا لا تدري ..!! الغربة أحبائي .. هي الشديد القوي بعينه .. وكم من دموع زرفت وبت أزرفها معكم الآن ..فقط أن دموعى سوف تتوقف بعد حين فهل تتوقف دموع المغتربين عن الجريان؟ رد الله غربتكم جميعا أيها الحبان .. وشكرا لصديقي الرائع الفنان ..إبن الشكابة شاع الدين.. مع تحيات إبن أختك العزيز فاروق موسى ... ولك صادق محبتي.. ولنا عودة ..:confused:

ابو أماني

صباح بلا غربة عن الديار وبلا دموع

كل التقدير والإمتنان لكلماتك الطيبات .. وذاك ينبأ عن أصالة معدنك دون شك .. !!

انها الشديد القوي فعلا ... غربة تقتلعك من بين أحبائك أجمعين لتجعل منهم شخوصاً في الذاكرة والأمنيات فقط .. !!

محزن جدا أن تفجع في بعض أحبائك وأنت هناك في البعيد تتجرع الأمرين مرارة الغربة ومرارة الرحيل .. !!

نسأل الله أن يرد غربتنا أجمعين .. !!

عاطر تحياتي لك ولأسرتك الكريمة ولإبن اختى الجميل .. فاروق .. !!

مودتي

معتصم الطاهر

11-06-2009, 07:36 AM

في ناس كده يا سارة عندهم حق الفيتو ياخ .. من جهات متعددة .. أولها القلب الذي يضج بمحبتهم .. والباشمهندس منهم دون شك .. !!

بس لو يدينا فرقة في الدموع دي يكون مااا قصر معانا أبداً ... :D:D

شفتى يا سارة الناس البتفهم ..
على كدا يا صديق بالله واصل ..

بعدين الشديد القوى مع الزيكم
و القوى جدا ..

ناس بدت تبكي فينا .. بعد الدموع ما جفن ..
وقبيل قلنا القصيد لامن القوافى اتكفن
شن دايرات بالوليد بعد العشِق ما اتكفّن
يا حليلو القلب الدقاتو خِمجن و خفّن ..

..

أها شن قولكم

..

..
0#0

سارة

11-06-2009, 08:42 AM

شفتى يا سارة الناس البتفهم ..
على كدا يا صديق بالله واصل ..

بعدين الشديد القوى مع الزيكم
و القوى جدا ..

ناس بدت تبكي فينا .. بعد الدموع ما جفن ..
وقبيل قلنا القصيد لامن القوافى اتكفن
شن دايرات بالوليد بعد العشِق ما اتكفّن
يا حليلو القلب الدقاتو خِمجن و خفّن ..

..

أها شن قولكم

..

..
0#0

الفهم قسم يا باشا

طارق صديق كانديك

23-01-2010, 10:54 AM

الشقيقة سارة

نهارك سعيد أو كيفما كان التوقيت لديكم .. !!:)

أتمنى يكون شديدك الخلاك تغيبي مننا الفترة دي كلللها مااا قوى ... !!

أمنياتي

هاشم

23-01-2010, 12:31 PM

عندما تتألم لصديق حبيب
ويجبرك هذا الشديد القوي إلا
أن تكون شاهدا لمعاناته ....
لا تستطيع أن تقدم شئ
احساس لايمكن تخيله
تحايا وسلام يا حبيب

سارة

23-01-2010, 03:19 PM

الشقيقة سارة

نهارك سعيد أو كيفما كان التوقيت لديكم .. !!:)

أتمنى يكون شديدك الخلاك تغيبي مننا الفترة دي كلللها مااا قوى ... !!

أمنياتي

طارق يا شقيقى ........ شفت النبى

نعم يا صاحبى فى كل الازمنة انه اشد قوة واشد تنكيلا فى مكان عافرت ودافرت وتكبدت

المشاق ليكون لى موطنى الذى افتقده موطنى الذى احلم فيه بالمساوة والاحترام والتقدير

موطنى والذى صار حبا يجازبنى قلبى وتدفعنى نفسى على الاختلاء به اصبحت يا صديقى

بين نارين باختيارى فاصعب الامور ما تختارها انت اخترت ان اكون صديقة واخت وقريبة

من الجميع وحاولت جاهدة ان تتساوى المسافات الا ان الشديد القوى اجبرنى وقبلت وانا

صاغرا انفى ان اقترب من البعض وان ابتعد كالثريا من الارض من بعض اخر ولو

قربى من بعضهم لما رجعت فهل ترى شديدا اقوى من هذا يا شقيقى

تعرف والرفع السماء بلا عمد رغم تعمدنا الخطايا ولكننا نخاف من يوم ان نقابله حفايا وعرايا

ووقتها يبين الشديد القوى

هل تعرف محبتى لك يا شقيق؟؟؟؟؟؟؟؟؟؟؟ تمنيت ان تكون الاجابة كما احبها انا

طارق صديق كانديك

23-01-2010, 04:39 PM

عندما تتألم لصديق حبيب
ويجبرك هذا الشديد القوي إلا
أن تكون شاهدا لمعاناته ....
لا تستطيع أن تقدم شئ
احساس لايمكن تخيله
تحايا وسلام يا حبيب

هاشم

مساء اليقين

ذاك وأيم الله الشديد القوي بحق .. !!

أمنياتي أن تزول معاناة وآلام كل من نصادق أو نحب .. !!

تحياتي

طارق صديق كانديك

23-01-2010, 04:46 PM

طارق يا شقيقى ........ شفت النبى

نعم يا صاحبى فى كل الازمنة انه اشد قوة واشد تنكيلا فى مكان عافرت ودافرت وتكبدت

المشاق ليكون لى موطنى الذى افتقده موطنى الذى احلم فيه بالمساوة والاحترام والتقدير

موطنى والذى صار حبا يجازبنى قلبى وتدفعنى نفسى على الاختلاء به اصبحت يا صديقى

بين نارين باختيارى فاصعب الامور ما تختارها انت اخترت ان اكون صديقة واخت وقريبة

من الجميع وحاولت جاهدة ان تتساوى المسافات الا ان الشديد القوى اجبرنى وقبلت وانا

صاغرا انفى ان اقترب من البعض وان ابتعد كالثريا من الارض من بعض اخر ولو

قربى من بعضهم لما رجعت فهل ترى شديدا اقوى من هذا يا شقيقى

تعرف والرفع السماء بلا عمد رغم تعمدنا الخطايا ولكننا نخاف من يوم ان نقابله حفايا وعرايا

ووقتها يبين الشديد القوى

هل تعرف محبتى لك يا شقيق؟؟؟؟؟؟؟؟؟؟؟ تمنيت ان تكون الاجابة كما احبها انا

لاحولا .. شنو يا سارة داخلة بي نمرة جت ... ؟؟!!

يا جميلة الدواخل ان الأعمال بالنيات وان لكلٍ منا ما نوى .. وطويتنا يعلم بها الذي يعلم السر وأخفى .. !!

أتمنى أن تكون كل اختياراتك في المكان المناسب وطناً كان الإختيار أم رفقة الناس أم عواناً بين ذلك ... !!

أشاركك ذات الأمنية .. والمحبة هي هي .. !!

احترامي ومودتي

أبو أماني

23-01-2010, 07:04 PM

ابو أماني
صباح بلا غربة عن الديار وبلا دموع
كل التقدير والإمتنان لكلماتك الطيبات .. وذاك ينبأ عن أصالة معدنك دون شك .. !!
انها الشديد القوي فعلا ... غربة تقتلعك من بين أحبائك أجمعين لتجعل منهم شخوصاً في الذاكرة والأمنيات فقط .. !!
محزن جدا أن تفجع في بعض أحبائك وأنت هناك في البعيد تتجرع الأمرين مرارة الغربة ومرارة الرحيل .. !!
نسأل الله أن يرد غربتنا أجمعين .. !!
عاطر تحياتي لك ولأسرتك الكريمة ولإبن اختى الجميل .. فاروق .. !!

مودتي

تعرف يا ملك .. الشديد القوي جائز ما يمر عليكم بي هناك عشان وجود حالة متيسرة من الإكتفاء الذاتي من حيث المدخولات .. بس هنا في السودان كما تعلم يوجد (إنكفاء ذاتي) على موارد بعض الأسر محدودة أو بالأحرى .. مهدودة الدخل .. والشديد القوي لما تكون أب لدرزن عيال .. منهم الفي الجامعة والثانوي وحتى الأساس والروضة .. وجيبك خالي .. وتصبح على صوت بتك تصحيك من النوم تقول ليك ..أبوي.. أديني حق المواصلات والفطور تقوم يا حبة عيني زي الملسوع تجري على الدكان .. والدكان يا الخزين بدي كل شئ بالدين ويصبر عليك .. بس كاش .. لا ..؟! عليكم الله يا أخواني ختوا نفسكم في موقف الراجل ده دحين في شديد أقوى من كده ؟؟؟!! لك خالص تقديري يا الحبيب وتحيات فاروق ..goood

جعفر بدرى

24-01-2010, 09:15 AM

العزيز / طارق كانديك

(الشديد القوى ) أصبح نمطا فى حياتنا ... ليس من السهل استبداله أو التخلص منه نهائيا .
عبقرية الإختيار ... كانت هى الزلزلة التى هزت التوازن من أركانه ... و اشتخلصت كل
هذا الثراء فى المناقشة ... و مازالت هناك زوايا بلا حصر .

أعرف إعجابك بالخليل ... لذلك أدخل من نفس الزاوية .
عاش الخليل حياة قصيرة ملآى بكل ما يحبط الإ نسان و يقوده للإرتماء فى هذا الفراش
الوثير ... الشديد القوى !! لكنه لم يفعل .

تخيل شخصا تحت وطأة الشديد القوى ( المرض المميت ) يكتب فى أوقات الإحتضار
بكل ما فيه من زلزلة الروح و الجسد

يا بريد الجــو فوقى حــالـق
ميل على الروح ليها خالـق
عدت سالم قول وانت عالق
مقرن البــحرين كيـلو كـام

يفكر فى الشفاء و العودة ... وهل تعلم أنه و هو ذاهب للأستوديو فى الإسكندرية لتسجيل
( عزه فى هواك ) كان متكئا على عصاة ... و شخصين !
فهل أشدّ و أقوى ؟
حيوية الموضوع و أهميته تتطلب المزيد من المناقشة و تقديم الأمثلة .

و على المحبة نلتقى .

طارق صديق كانديك

24-01-2010, 10:28 AM

والشديد القوي لما تكون أب لدرزن عيال .. منهم الفي الجامعة والثانوي وحتى الأساس والروضة .. وجيبك خالي .. وتصبح على صوت بتك تصحيك من النوم تقول ليك ..أبوي.. أديني حق المواصلات والفطور تقوم يا حبة عيني زي الملسوع تجري على الدكان .. والدكان يا الخزين بدي كل شئ بالدين ويصبر عليك .. بس كاش .. لا ..؟! عليكم الله يا أخواني ختوا نفسكم في موقف الراجل ده دحين في شديد أقوى من كده ؟؟؟!! ..goood

أشهد أن ذاك شديداً قوياً لا يطاق ... !!!

في أبسط حالاته تصيبنا الغصة الآن لمجرد التأمل فقط فما بالك أن تعيش ذات الموقف .. !!!

وعليك وعليه السلام والمحبة

طارق صديق كانديك

24-01-2010, 10:38 AM

العزيز / طارق كانديك

(الشديد القوى ) أصبح نمطا فى حياتنا ... ليس من السهل استبداله أو التخلص منه نهائيا .
عبقرية الإختيار ... كانت هى الزلزلة التى هزت التوازن من أركانه ... و اشتخلصت كل
هذا الثراء فى المناقشة ... و مازالت هناك زوايا بلا حصر .

أعرف إعجابك بالخليل ... لذلك أدخل من نفس الزاوية .
عاش الخليل حياة قصيرة ملآى بكل ما يحبط الإ نسان و يقوده للإرتماء فى هذا الفراش
الوثير ... الشديد القوى !! لكنه لم يفعل .

تخيل شخصا تحت وطأة الشديد القوى ( المرض المميت ) يكتب فى أوقات الإحتضار
بكل ما فيه من زلزلة الروح و الجسد

يا بريد الجــو فوقى حــالـق
ميل على الروح ليها خالـق
عدت سالم قول وانت عالق
مقرن البــحرين كيـلو كـام

يفكر فى الشفاء و العودة ... وهل تعلم أنه و هو ذاهب للأستوديو فى الإسكندرية لتسجيل
( عزه فى هواك ) كان متكئا على عصاة ... و شخصين !
فهل أشدّ و أقوى ؟
حيوية الموضوع و أهميته تتطلب المزيد من المناقشة و تقديم الأمثلة .

و على المحبة نلتقى .

استاذنا الجميل / جعفر بدري

حتى في استدلالك على الشديد القوى تكسيه ألقاً وكبرياء .. !!

ان الخليل كان أمةً في الجمال وفي العزة دون شك ... !!

أن يكتب المرء في تلك اللحظاتن المهيبة ما كتبه الخليل .. يحتاج ان يكون شخص استثنائي وأيم الله ... !!!

كم أسعدتني هذه الإشراقة هنا .. فلك تقديري واحترامي ومودتي

نبراس السيد الدمرداش

24-01-2010, 10:40 AM

العزيز طارق
كيف الحال
و الله موضوعك زاتو شدييييييييد

كل يوم بلاقينا شديد وقوي
قبل كم يوم كنت في حوادث بحري مع جارتنا
مشيت الصيدليه لقيت راجل شيبه عمرو قريب 70 سنه
بتوسل و بترجى في الصيدلاني عشان يصرف ليهو علاج نقصت قروشو 10 جنيه
دا موش شديد وقوي

لما تلقى مره كادحه على اطفالا عشان ياكلو ويتعلمو ويتعالجو و الراجل نايم في البيت
دا موش شديد وقوي

و يا قول حبوبه كتيييييييييييييييييييير التحت السرير

تخريمه :
لما تشتاق لزول تسمع صوتو على الاقل دا ما شديد و قوي ;)

طارق صديق كانديك

24-01-2010, 02:15 PM

العزيز طارق
كيف الحال
و الله موضوعك زاتو شدييييييييد

كل يوم بلاقينا شديد وقوي
قبل كم يوم كنت في حوادث بحري مع جارتنا
مشيت الصيدليه لقيت راجل شيبه عمرو قريب 70 سنه
بتوسل و بترجى في الصيدلاني عشان يصرف ليهو علاج نقصت قروشو 10 جنيه
دا موش شديد وقوي

لما تلقى مره كادحه على اطفالا عشان ياكلو ويتعلمو ويتعالجو و الراجل نايم في البيت
دا موش شديد وقوي

و يا قول حبوبه كتيييييييييييييييييييير التحت السرير

تخريمه :
لما تشتاق لزول تسمع صوتو على الاقل دا ما شديد و قوي ;)

الصديقة العزيزة نبراس

مساء الرضاء

شديد والله وقوي أن تبحث عن دواء يخفف الآلم ولا تجد له سبيلا .. !!

مع انها كان لانت بي خيط العنكبوت تنقاد ... أو كما قالوا .. !!

ملاحظة :

التخريمة برضو شديد وقوي والله لمن بهناك .. !!:)

مودتي وتقديري

جيجي

31-08-2012, 10:28 AM

قالوا في المثل
لو رفعت ارفع قمر
كنت بقرا فيه وقلت تقرؤ معاي

جيجي

31-08-2012, 11:06 AM

وانا شديدي القوي
الزول الفتح نيرانه
وجه كل مدافعه اليَ
لابيعرف ينوم
لا بهمه الهجير
لاساعات مقيل
لابتوقف عناده
لحظات المغيب
-----
لابرحم شهيق
لا نفسا يضيق
لاجسدا يقاوم
ولا روحا تفيق:L
فزززيعة والله يا هناية:p

جيجي

31-08-2012, 11:25 AM

الشديد القوى

ما عارف برنامجك لآخر السنة شنو ..!!!

أهدافك واضحة و الطريق ليها يمر بي كم عائق ..

داير تبنى بيت و تكمل الدكتوراة و ترجع السودان ..

3 حاجات بس و غالبك؟

ياهو الشديد القوى ..

الله فى .. يارب ياباش الامنيات دي اتحققت
ولا لسه شديد قوي

مي هاشم

31-08-2012, 11:26 AM

قالوا في المثل
لو رفعت ارفع قمر
كنت بقرا فيه وقلت تقرؤ معاي

:L

تسلمي يا جيجي يا عسل..:cool:

جيجي

31-08-2012, 11:33 AM

ود عمك شكرا للحن الشديد ..

ابو عاقلة والله منتظرنو ومتربصين به الشوق .. !

يبدو لي شديدو القوي مانعو من الظهور وكده .. :D

لكنه متمرد .. بعرفو كويس .. بفك القيد وبجي بدون شك .. !!

لك وله عظيم امتناني وأشواقي ابو عاقلة
من محاسن استعادة الاشياء انها تذكرك الجميلين
وينك ياصاحب الاشياء كلها

ماريل

31-08-2012, 01:59 PM

طارق:
اسمح لى ان اهمبتك(البوست ده)
والله ياخى شديدى قوى جدن
قوى خالص
قوى كلو كلو
وان مواجعى شتى
وهنا ملجأ وملاذ
الوذ به وارمى ما يثقل
كاهلى فتتداركه ايديكم
وتشاركنى قلوبكم الهم والدعاء

مي هاشم

31-08-2012, 02:25 PM

هيا نكتب عن شديدنا القوي ... ولم الصمت يا صديقي والدنيا يكسوها الضجيج .. ضجيجاً من كل صوب .. !!
!!!

الشّديد القوي يجبرنا على ما لا نريد ويمنعنا بشدّةٍ مما نريد!!
والجيب انصياعنا له بالسّمع والطاعة دوماً!!

(يلبـِد) الشّديد القوي في زوايا وأركان الحياة حيث لا أتوقعه..

فهاهو يجبرني على الابتسام في أكثر أوقات استيائي..
ويطالبني بانتقاء الكلمات الجميلة في مناسبةٍ لا تعنيني بشيء..

منَعني هذا الشديد القوي من الاستمتاع بجمال الحب والتعبير عنه..
حرمني مراتٍ عديدة من التفوّه بكلماتٍ ظلّت تجول في خاطري..وأظنها ستظل تفعل!!
فهو قابعٌ دوماً بالمرصاد..
يعلّمني الكذب في حالتيه..

مِنّو لله ياخ..gap

شكراً يا طارق..
ولولا الشديد القوي لكتبت بصراحةٍ أكثر :D

مي هاشم

31-08-2012, 02:28 PM

طارق:
اسمح لى ان اهمبتك(البوست ده)
والله ياخى شديدى قوى جدن
قوى خالص
قوى كلو كلو
وان مواجعى شتى
وهنا ملجأ وملاذ
الوذ به وارمى ما يثقل
كاهلى فتتداركه ايديكم
وتشاركنى قلوبكم الهم والدعاء

ماريل ياختي.. كان ما الشديد القوي زااااااتو العاصرنا على النّضم كدي شنو؟؟:D

اتدفقي ساي وهمبتي.. قلبي ودعاي معاك..:cool:

عمر صديق

01-09-2012, 12:03 PM

كل عام وانت بالف خير
اتخيل الجملة دى غزتنا من العامية المصرية
الشديد الاوى كتير تطلع من البيت وفى جيبك فى اربعة جنيهات وستين قرشا
تدى الكمسارى الستين قرشا ويدخلها فى صمت ورضا دون ان يرمقك باى نظرة يطالب فيها بباقى المبلغ
وتنزل قصاد التيجانى الماحى ( انا بتكلم عن نفسى عبر مخاطبتى للاخر ) واقف وين تتوجه صوب شركة ام تى ان لا استخراج بدل فاقد للشريحة الضائعة
يطالبك الموظف باتنين جنيه رسوم الشريحة الضائعة
تلقى الشريحة مولاى كما خلقتنى تتصل باحد اشقائك ليرسل ثلاثة جنيهات لتعبئة رصيد
تدلف الى احد المحلات فى الشهداء والساعة فيهو بجنيه
تبقى جنيه واحد
انا متخارج قبل اخش فى ساعة تانية
والجنيه الخاتى لرحلة الاياب حتى لا يضيع
رغم انو 11خ امتطاءها شئ رائع فى هذا اليوم الخريفى

زول الله

01-09-2012, 01:29 PM

قالوا في المثل
لو رفعت ارفع قمر
كنت بقرا فيه وقلت تقرؤ معاي
والله لقد رفعتي قمراً منيراً رفع الله قدرك
بوست كامل الدسومية

كانديك وصحبه الميامين
منتهى الجمال والله

اقول قولي هذا واستغفر الله لي...........

ماريل

10-09-2012, 08:57 AM

(كيمو) ليس هناك (أشد) او(اقوى)من (الموت)
الموت وحده قادر ان يهزمنا مرات ومرات
دون حتى ان نعى الدرس او نحاول ان نتؤام (معه)....
(الموت)فقط هو القادر على ان يهد(عزيمتك)...
يهزم ذاك البريق فى عينيك
كان نهار حزين فى جمعة هى الاكثر ايغالا فى زكرياتى
اتصال هاتفى يخبرنى ان(كيمو)تعرض لحادث حركة
فى طريق (شندى التحدى)الطريق المشئوم...
لملت بقايا قدرتى على الحديث اجريت اتصال هاتفى لاطمئن على الوضع
حدثنى قلبى انك لم تنجو اكدت لى(حنان)انك لم تنجو وطفقت تعدد لى بقية
من رحلوا معك (ابنك الصغير)(شقيقتنا توحة) (اشراقة)
المشرقة دائما كشمس صيفية ما غطتها الغيوم ابدا ولا بخلت بالضياء...
رحلت هكذا يا(شقيقى)قبل ان نكمل (حكاياتنا) و(ضحكاتنا) و(ونساتنا)
فكان رحيلك اكبر هزائمى فى الحياة واعظم انسكاراتى...
يقولون ان لكل ابن آدم من اسمه نصيب لكنك يا(كمال)كان لك من اسمك(كامل)النصيب......
ويقولون ايضا (ان كل شئ يولد صغيرا ثم يكبر الا الحزن فانه يولد كبيرا ثم يصغر )...

الا حزنى عليك(فقد ولد كبيرا ثم تعاظم)...
اذكر تماما كيف انى جلست على كرسى وحيد فى (صالة)
تم افراغ محتوياتها حتى تتسع(لاجسادكم )التى تغطت
(بالدم)و(الاكفان التى لم تستطع ان تحافظ على بياضها)...
كنت انت الابعد عن مرمى(نظرى)وانا اقرأ الاسماء التى كتبها مسئولى المشرحة
على كل كفن(اشراقة كانت اقربكم) بجانبها تماما(صغيرك يوسف)
فى منتصف المكان(توحة)ثم هناك انت ترقد بذات هدؤك(فى اقصى مكان)
نظرت اليك والالم يعتصر روحى بكيتك عسى ان تغسل ادمعى بعض حزنى عليك
بعضه فقط يا شقيقى فكله لا تستطيع محيطات الكرة الارضية ان تزيله....
هل تعلم يا صديقى انى لشدة حزنى عليك لم ابكى من رحلوا معك حتى الان...
قد ابكيهم حين تخف وجعتى عليك فهى ما تركت لى مساحة وجع يسكنه الاخرون...
عذرا دعنى ارجع بالذاكرة الى آخر لقاءتنا اذكر تماما آخر مرة رائيتك فيها
كانت قبل رحليك(الفاجعة)بعشرين يوم عندما رحلت (جدتنا)عن الحياة
جئتنى باكيا صامتا لم تستطيع ان تواسينى بالكلمات فقط
(احتويتنى)وبكيت انت وبكيت انا ثم تركتنى ومضيت الى حال سبيلك...
كان حزنك اكبر من ان افهمه فى تلك اللحظات البائسات الان
اعرف تماما انك ما بكيتك فراقها هى
لكنك بكيت فراقنا نحن فكم كنت ثاقب البصيرة .........

ماريل

10-09-2012, 12:11 PM

ميسائى العزيزة:
لم اسألك يا صديقتى ان كيف حالك بعد ان صادقت الحزن...
وهل فى الحزن متسع يأوى اوجاعك؟؟
عذرا يا صديقتى رغم ادراكى ان مواعيد الحزن على اتساعها ضاقت بك الا انى لا اجد
غيرها فى قاموس اللغة ما اصف به مآل حالك....
هو (الشديد)(القوى)ما يجعلك يا صديقتى فى تمام العجز امام احب الناس اليك لا حيلة
لكى غير ان تحولى(الالم) الى (امل)وتستكينى ...
لم اجد معنى اصف به تلك التراجيديا المؤلمة غير انها فعلا(الشديد القوى)...
بالله عليك كيف احتمتلى عجزك امام(والدتك)وهى تصارع داءها العضال رغم
انك طبيبة كاملة التأهيل الا اذا كان داءها هو (الشديد القوى)...
ذلك ما ندعوه بالسرطان قاتله الله...............

طارق صديق كانديك

10-09-2012, 12:18 PM

للجميع تقديري ومودتي ..

البوست بوستيكم :)

لكم شكري

طارق صديق كانديك

10-09-2012, 12:18 PM

العزيزة ماريل

رحم الله كمال ومن معه وجمّلك الله بالصبر.

فالموت شديد ما بعده قوي..