المساعد الشخصي الرقمي

مشاهدة النسخة كاملة : الجو عندنا...جو فول عديل كدا..!!

wadosman
19-07-2009, 11:23 AM
غايتو اليومين ديل الخرطوم طلعت من علبها
جنس همبريب و جنس ريحة دعااش حاجة ما تخلص
و على قول الناس جو فول عديل كدا..يعنى جو سمح بلحيل
يصلّح المزاج و يروّق البال...

و غنيوة ايضا لناس اياام لها ايقااع...يا ربى ديل منو..؟؟؟؟
غايتو تاريخ الاغنية و زمنها وحده يحكى عن هذه الشله...:cool:


تنبيه هااام :

تمنع الخرمجة فى هذا البوست منعا باتا ...:p

http://sudaniyat.net/wadosman/uploading/ya_nad_ya_sumaha.wma
faris mohamed
19-07-2009, 11:35 AM
العجب نحن فى الأبيض إستمتاع مبالغة بالجو الخريفى الجميل
لكن اغنيتك ما شغالة
jezabell
19-07-2009, 12:26 PM
غايتو اليومين ديل الخرطوم طلعت من علبها
جنس همبريب و جنس ريحة دعااش حاجة ما تخلص
و على قول الناس جو فول عديل كدا..يعنى جو سمح بلحيل
يصلّح المزاج و يروّق البال...

و غنيوة ايضا لناس اياام لها ايقااع...يا ربى ديل منو..؟؟؟؟
غايتو تاريخ الاغنية و زمنها وحده يحكى عن هذه الشله...:cool:


تنبيه هااام :

تمنع الخرمجة فى هذا البوست منعا باتا ...:p
http://sudaniyat.net/wadosman/uploading/ya_nad_ya_sumaha.wma

نزولا عند رغبة صاحب البوست
نمتنع عن الخرمجة.. وعليه سنستغل هذا البوست في سرد افضل انواع الفول..
صحن فول كاااارب مزبط بي جبنة وزيت سمسم وشمار.. دا نوع بسيط لكن بيحتفظ بطعم الفول ونكهتو وهو المفضل بشكل عام..
صحن فول مزبط بي سلطة مقطعة دقاااااق (بصل + طماطم + جرجير) ومهروس فيهو بيض مسلوق وجبنة وزيت سمسم.. دا كمان حاجة ما تخلص بس الفول بكون راح في حق الله وسط الجوطة دي.
صحن فول مطبوخ.. ودا بعتمد علي اساس زي حق الدمعة باستثناء اللحمة طبعا.. اها دا وداد مرة خالي بتزبطو بي طريقة تحير عديييييييييل كدا..

اها كل ما اتمناه من هذه الصحون الفولية الكثيرة ان تساعدني الاجواء بالاستمرار بنفس النمط حتى حين حضوري الى ارض الوطن..
حتى يتسنى لنا احضار الفول لعمل جو وكدا :D:D
wadosman
19-07-2009, 12:31 PM
العجب نحن فى الأبيض إستمتاع مبالغة بالجو الخريفى الجميل
لكن اغنيتك ما شغالة

الاخ فارس..

اكيد الابيض اليومين ديل ما بتتلحق و دى اياامها و يا بختكم..

الخرطوم بعد زنقة الاسبوع الفات حنت علينا اليومين ديل و ادتنا من
من الطرف كدا...

الاغنية شغالة و الظااهر احسن ترااجع حااجاتك فى الجهاز..

تسلم يا حبيب...
عادل عسوم
19-07-2009, 12:36 PM
فذلكة عن (نبتة الفول) :p
http://www.reefnet.gov.sy/agri/feves.htm
غايتو نزلناه ليك (خيت بس)
والله يستر مايجي واحد/ة يفرشو ليك برش :p
:D:D
سارة
19-07-2009, 12:40 PM
غايتو يا ود عثمان ما ينفعكم الجو دا:mad:

اى حاسدة وراصدة


وغايتو فى ناس بس من البامية للفول ونقول اللهم لا اعتراض فى حكمك
wadosman
19-07-2009, 12:42 PM
نزولا عند رغبة صاحب البوست
نمتنع عن الخرمجة.. وعليه سنستغل هذا البوست في سرد افضل انواع الفول..
صحن فول كاااارب مزبط بي جبنة وزيت سمسم وشمار.. دا نوع بسيط لكن بيحتفظ بطعم الفول ونكهتو وهو المفضل بشكل عام..
صحن فول مزبط بي سلطة مقطعة دقاااااق (بصل + طماطم + جرجير) ومهروس فيهو بيض مسلوق وجبنة وزيت سمسم.. دا كمان حاجة ما تخلص بس الفول بكون راح في حق الله وسط الجوطة دي.
صحن فول مطبوخ.. ودا بعتمد علي اساس زي حق الدمعة باستثناء اللحمة طبعا.. اها دا وداد مرة خالي بتزبطو بي طريقة تحير عديييييييييل كدا..

اها كل ما اتمناه من هذه الصحون الفولية الكثيرة ان تساعدني الاجواء بالاستمرار بنفس النمط حتى حين حضوري الى ارض الوطن..
حتى يتسنى لنا احضار الفول لعمل جو وكدا :D:D

رشا...

دى سواقة باللاين ولا شنو..؟؟؟:p ولا دردقنى فى النجيلة..؟؟!;)
ولا يمكن بوش سااكت...؟؟:rolleyes:

شوفى يا زوله نحن الفول البنعرفو لازم الجره تكون بايته قدام الدكان من فى الليل
و مغطغطه بشوال و فى خشم الجره يكون حجر كبير...على كدا يكون الفول استوى
على اصولو و حااجة تمااام...طبعا زيت السمسم لازم يكون من عصارة جمال و ما بينفع
زيت السمسم بتاع العصارات الهاى تيك...و الجبنة برضك لازم بتاعت الصفيحة الزمان
الجايه من الدويم...:p

الفول العصرى ما بيخارج معانا ودا شكلو قشره سااكت بس ناقص الكموش...:cool:

اها تانى شنو..؟؟؟ و حسب كلااام ناس الارصاد الجو فاليد ليومين بس..:eek:
و اى زول داير الجو يتصلح يكتب طلب بعد داك...



goood
wadosman
19-07-2009, 12:46 PM
فذلكة عن (نبتة الفول) :p
http://www.reefnet.gov.sy/agri/feves.htm
غايتو نزلناه ليك (خيت بس)
والله يستر مايجي واحد/ة يفرشو ليك برش :p
:D:D

ود عسوم...

لا بالله..؟؟؟ قال خيط بس..؟؟ احسن يكون شوال فول عديل ...;)

الله يستر...ههههه قال نبتة الفول..;)
wadosman
19-07-2009, 12:50 PM
غايتو يا ود عثمان ما ينفعكم الجو دا:mad:

اى حاسدة وراصدة


سروره...

انا ما عارفك شغالة فى الارصااد...غايتو يا ناس بحرى بالجد بتتحبو..:)

وغايتو فى ناس بس من البامية للفول ونقول اللهم لا اعتراض فى حكمك



ههههههههههه

و يا حلاة البامية بالكسره و يا حلاة الفول بالدكوه...:p


غايتو بوست ربنا يعديهو على خير..:cool:
احمد زين
19-07-2009, 12:53 PM
ود عثمان يا غالي

طولنا منك ومن المشاركة في مسابقاتك الجميلة
وذلك لظروف صحية والحمد لله
رغم كثافة الطين والموية الراكدة
لكن فعلا الجو جو فوووووووووووول

بعدين ياخي انت بتجيب الروائع دي من وين؟
عبدالوهاب الصادق ده بذكرنا بالذي مضى
الزمن الجميل وكده

الله يطول عمرك وعمره
سارة
19-07-2009, 12:59 PM
سروره...

انا ما عارفك شغالة فى الارصااد...غايتو يا ناس بحرى بالجد بتتحبو..:)


ههههههههههه

و يا حلاة البامية بالكسره و يا حلاة الفول بالدكوه...:p


غايتو بوست ربنا يعديهو على خير..:cool:


حباك النبى يا ود عثمان


انحنا الغنى لينا رمضان زايد الرحمة وسادته

يابنات بحرى قالوا بتحبوا مرة حبوناgooodgooodgoood

بس حلاوة الريد الصراحة دى فى ناس الا يشرحوها ليهم بالعربى
آيات
19-07-2009, 01:20 PM
ود عثمان : كيفك؟؟

الفول فولي زرعته وحدي
طبعاً فول (جو) الخرطوم مابدوم زي الزيق في الهدوم
لكن من باب الإحاطة أزيدكم من الجو فولاً:
أشهر أماكن بيع الفول :
فول الشركات – شارع البرلمان
الفوال – جوار صحيفة الراي العام –
فول الداون تاون جوار جامعة الخرطوم ده بالذات مع العصرية كِده
فول الهجرة
فول الدلوعة شارع الأربعين
فول الحبشي شارع سعد أبوالعلا –الخرطوم شرق
ولِسه جاري البحث.....
آيات
19-07-2009, 01:43 PM
ود عثمان :

كملته الفول والريدة
برضو ماأرضيته

ياناس بحري يلا حبونا:

فول الباشا جنب الحلفايا
فول الفرات والنيل شمبات
ولسه جاري البحث
طارق صديق كانديك
19-07-2009, 03:09 PM
ود عثمان مساء الدعاش

لو في طريقة تدخروا لينا من الجو أو من الفول الى حين ميسرة أكتوبرية تكون ما قصرتا مع أخوك أبداً .... !!!

تحياتي
wadosman
19-07-2009, 09:05 PM
ود عثمان يا غالي

طولنا منك ومن المشاركة في مسابقاتك الجميلة
وذلك لظروف صحية والحمد لله
رغم كثافة الطين والموية الراكدة
لكن فعلا الجو جو فوووووووووووول

بعدين ياخي انت بتجيب الروائع دي من وين؟
عبدالوهاب الصادق ده بذكرنا بالذي مضى
الزمن الجميل وكده

الله يطول عمرك وعمره

الاخ احمد...

عودا حميدا...و كويس الجابك الجو السمح دا و برضو جابتك
يا ند يا سماحة...

عبد الوهاب الصادق ربنا يشفيه فهو طريح الفراش منذ زمن طويل
دعواتنا له بالشفاء..امين يا رب العالمين...

يا ند سماحة و الجرح جرحى براى و من بعد فات الاوان كلها اغنيات اشتهر
بها الفنان عبد الوهاب الصادق و هذه الاغنياات اخذت مكانتها و كانت مطلوبه
من الكثيرين فى الزمن الجميل...

تسلم يا حبيب و الف حمد لله بالسلااامة...
wadosman
19-07-2009, 09:15 PM
حباك النبى يا ود عثمان


انحنا الغنى لينا رمضان زايد الرحمة وسادته

يابنات بحرى قالوا بتحبوا مرة حبوناgooodgooodgoood

بس حلاوة الريد الصراحة دى فى ناس الا يشرحوها ليهم بالعربى

سروره..

رمضان زائد براهو..؟؟ كمان خضر بشير و النور الجيلانى
و عبد العظيم حركة و خوجلى عثمان ديل كلهم ناس بحرى
و كمان ما تنسى بحرى لمين..؟؟ لنصر الدين...:)

و على جمب كدا برضو سعد قشره...:rolleyes: و المؤسسه...goood
شكلى جيتكم قريب...مش..؟؟؟:cool:

و يلا عليك بفول السليم...و راجعى لسته اياات لمحلات الفول ببحرى..:o
wadosman
19-07-2009, 09:20 PM
ود عثمان : كيفك؟؟

الفول فولي زرعته وحدي
طبعاً فول (جو) الخرطوم مابدوم زي الزيق في الهدوم
لكن من باب الإحاطة أزيدكم من الجو فولاً:
أشهر أماكن بيع الفول :
فول الشركات – شارع البرلمان
الفوال – جوار صحيفة الراي العام –
فول الداون تاون جوار جامعة الخرطوم ده بالذات مع العصرية كِده
فول الهجرة
فول الدلوعة شارع الأربعين
فول الحبشي شارع سعد أبوالعلا –الخرطوم شرق
ولِسه جاري البحث.....

ايااات...

جابك الجو السمح...ليك وحشة

بعدين شنو الدعاية المجانية دى.؟؟ هسى ود الحاج يقوم علينا اصلو هو بتاع
زغنى و حاجات زى دى...

نسيتى ابو العباس و برضو القوصى فى الخرطوم جنوب و برضو لذيذ
فيها فول لذيذ بشكل...:D

ياخى اقول ليك..جوعتينا زااتو...;)
wadosman
19-07-2009, 09:25 PM
ود عثمان :

كملته الفول والريدة
برضو ماأرضيته

ياناس بحري يلا حبونا:

فول الباشا جنب الحلفايا
فول الفرات والنيل شمبات
ولسه جاري البحث

ايااات...

افوال بحرى دى محولة لــ ساره للمراجعة و التصديق..;)

ما تنسى برضو عمر بوش فى شارع الاربعين....برضك من مشتقاات الفول..;)
فيصل سعد
19-07-2009, 09:47 PM
تمنع الخرمجة فى هذا البوست منعا باتا ...:p





اغنية في السلك ،، لكن يا محمد عثمان
يا اخوي تقنطر العنوان و تدردقوا و تحرمنا الشوت :D:D
غايتو الشباب ما قصروا و نضيف ليكم قدرة فول
المرحوم الصادق (الجان) بودنوباوي و بزيانوس الهضم،
و لا ننسى فول الراحل احمد سعد و فول الراحل سيف الدين
يسن خاطر ببيت المال و فول حديقة توتيل بالملازمين
جنوب صينية الزعيم الازهري وفول قسيمة و بت مسيمس
بالعباسية ودا نكهته جوافة و كدا :D:D

اها عنوان بوستك نتركه مؤقتا عشان
خاطرك الغالي و معاك وين نلقى راحة :D:D
فيصل سعد
19-07-2009, 10:01 PM
نزولا عند رغبة صاحب البوست كل ما اتمناه من هذه الصحون الفولية الكثيرة ان تساعدني الاجواء بالاستمرار بنفس النمط حتى حين حضوري الى ارض الوطن..
حتى يتسنى لنا احضار الفول لعمل جو وكدا :D:D


سلامات يا ايقونة و ما تنسي انه الطلح و الشاف مباصرتهم اتسهلت و كدا
بفضل الصناعة المحلية طابقة البوخة، اعملي حسابك خلي
البناطلين و الطرح في الدولاب و اقعي عبايات و تياب ساكت
درءا لسياط الجلادين و قهر و بطش عسس الحكومة و ترصدهم
البائس و احتقارهم اللئيم ، و ود عثمان يقول ليك
ما داير خرمجة و شايل مسجلو و غرقان لبرالية :D:D
احمد زين
19-07-2009, 10:29 PM
ود عثمان : كيفك؟؟

الفول فولي زرعته وحدي
طبعاً فول (جو) الخرطوم مابدوم زي الزيق في الهدوم
لكن من باب الإحاطة أزيدكم من الجو فولاً:
أشهر أماكن بيع الفول :
فول الشركات – شارع البرلمان
الفوال – جوار صحيفة الراي العام –
فول الداون تاون جوار جامعة الخرطوم ده بالذات مع العصرية كِده
فول الهجرة
فول الدلوعة شارع الأربعين
فول الحبشي شارع سعد أبوالعلا –الخرطوم شرق
ولِسه جاري البحث.....

آيات
ايزيك يا حبيبة
نسيتي اهم فول في الخرطوم
ابو العباس والعشرة الكرام
وكمان اخيرا اشهر فوال في الوطن العربي
جـــــــــــــــــــــــاد
المليجي
19-07-2009, 10:35 PM
:D:D
غايتو الشباب ما قصروا و نضيف ليكم قدرة فول
المرحوم الصادق (الجان) بودنوباوي و بزيانوس الهضم،
و لا ننسى فول الراحل احمد سعد و فول الراحل سيف الدين
يسن خاطر ببيت المال و فول حديقة توتيل بالملازمين
جنوب صينية الزعيم الازهري وفول قسيمة و بت مسيمس
بالعباسية ودا نكهته جوافة و كدا :D:D:D:D
فيصل سعد يا حبيبنا
ياسلام على فول الجان وما ادراك ما فول الجان
استلمو اولادو الموقع فترة من الزمن
واحاليا خلاص اتقفل المحل للاسف
رحم الله هذا الرجل واسكنه فسيح جناته
حالياا فول الواحه قابض الجو كلو
وفول برعي جمب حديقة العمدة
وخالتنا ام ياسر (ودالحاجه) في شارع الخور
وبوش عمر في شارع الاربعين بانت
غيتو يا ود عثمان الله يهنيكم بالجو دا
وقبيل كنت بتونس مع واحد من الفرد
اولاد الحله قال لي الجو جو خلط :D
الاغنيه جميله وعيشتنا الجو معاكم
تحياتي
بابكر مخير
20-07-2009, 02:34 AM
فذلكة عن (نبتة الفول) :p
http://www.reefnet.gov.sy/agri/feves.htm
غايتو نزلناه ليك (خيت بس)
والله يستر مايجي واحد/ة يفرشو ليك برش :p
:D:D

ولينك تانية وبدون خرمجة
http://www.bab.com/articles/full_article.cfm?id=2553
بابكر مخير
20-07-2009, 02:47 AM
نزولا عند رغبة صاحب البوست
نمتنع عن الخرمجة.. وعليه سنستغل هذا البوست في سرد افضل انواع الفول..
صحن فول كاااارب مزبط بي جبنة وزيت سمسم وشمار.. دا نوع بسيط لكن بيحتفظ بطعم الفول ونكهتو وهو المفضل بشكل عام..
صحن فول مزبط بي سلطة مقطعة دقاااااق (بصل + طماطم + جرجير) ومهروس فيهو بيض مسلوق وجبنة وزيت سمسم.. دا كمان حاجة ما تخلص بس الفول بكون راح في حق الله وسط الجوطة دي.
صحن فول مطبوخ.. ودا بعتمد علي اساس زي حق الدمعة باستثناء اللحمة طبعا.. اها دا وداد مرة خالي بتزبطو بي طريقة تحير عديييييييييل كدا..

اها كل ما اتمناه من هذه الصحون الفولية الكثيرة ان تساعدني الاجواء بالاستمرار بنفس النمط حتى حين حضوري الى ارض الوطن..
حتى يتسنى لنا احضار الفول لعمل جو وكدا :D:D

وللفول فوائد عدة
http://www.nusraah.com/vb/archive/index.php/t-2383.html
wadosman
20-07-2009, 06:27 AM
ود عثمان مساء الدعاش

لو في طريقة تدخروا لينا من الجو أو من الفول الى حين ميسرة أكتوبرية تكون ما قصرتا مع أخوك أبداً .... !!!

تحياتي

طاارق يا حبيب...

حقك محفوظ بس انت ابقى تجى..;)

تسلم..
wadosman
20-07-2009, 06:34 AM
اغنية في السلك ،، لكن يا محمد عثمان
يا اخوي تقنطر العنوان و تدردقوا و تحرمنا الشوت :D:D
غايتو الشباب ما قصروا و نضيف ليكم قدرة فول
المرحوم الصادق (الجان) بودنوباوي و بزيانوس الهضم،
و لا ننسى فول الراحل احمد سعد و فول الراحل سيف الدين
يسن خاطر ببيت المال و فول حديقة توتيل بالملازمين
جنوب صينية الزعيم الازهري وفول قسيمة و بت مسيمس
بالعباسية ودا نكهته جوافة و كدا :D:D

اها عنوان بوستك نتركه مؤقتا عشان
خاطرك الغالي و معاك وين نلقى راحة :D:D

فيصل يا جميل...

ايوا خليك كدا ماشى معانا كويس دا طبعا رغما عن التخريمات
التى رصدت بالكاميرا الخفيه...:cool:

شكرا لاضافة اسماء مقدره و مشهوره لاصحاب الفول المميزين
فى العاصمة و ضواحيها و شايفك عصرت على ام درمان طبعا دا
ما بطال معانا ابدا...goood

علا قول لى نكهة الجوافة فى الفول دى كيفنها..؟؟؟!! دى شكلها ناقصة ند
هندى من النوع الزمان بيجيبوهوا فى العلب المدوره و الملونه...ههههه
عليك الله شفت حلاوة الريد الصراحة دى كيف...:rolleyes:

تسلم يا بوكش و ان شاء الله تكون استقريت خلاص عشان نجيك بالفطور
الفول الما خمج...:p
wadosman
20-07-2009, 06:41 AM
سلامات يا ايقونة و ما تنسي انه الطلح و الشاف مباصرتهم اتسهلت و كدا
بفضل الصناعة المحلية طابقة البوخة، اعملي حسابك خلي
البناطلين و الطرح في الدولاب و اقعي عبايات و تياب ساكت
درءا لسياط الجلادين و قهر و بطش عسس الحكومة و ترصدهم
البائس و احتقارهم اللئيم ، و ود عثمان يقول ليك
ما داير خرمجة و شايل مسجلو و غرقان لبرالية :D:D

اها قمنا...؟؟!!:mad:

هسى تقوم تدور لينا الزوله دى تانى يفكنا منها رب العالمين...;)

قال لبراليه قال..غايتو دى الا يجى يشرحها عادل عسوم..:rolleyes:
wadosman
20-07-2009, 01:33 PM
اولاد الحله قال لي الجو جو خلط :D
الاغنيه جميله وعيشتنا الجو معاكم
تحياتي

مليجى يا حبيب...

ياخى شكرا للطلة فى الهمبريب السمح دا

بعدين الجو خلط ولا الجو جو خلط....;)

و لك كل الاستماع و الاستمتاع الجميل...

تسلم يا ملك..
مواطن
20-07-2009, 03:24 PM
العزيز ود عثمان ..
تحياتي الجابوديـة يا الحبيـب

إتتـا بتـّـور الراقـدة مالك .. ؟..
شـنــي حكايــة الجــو .. جـو فــول دي .. :confused: بتجيـبوا الكلام المعصلـج ده من ويـن .. ؟؟
أنا عاوز المصـدر ... :o

والسؤال ده إجباري وعليهو 50 درجة "سلسيـاس" celsius
زي القاصـد أيام أركـويــت وكده .. !! ، لكن الفول ما هناك ..;)
سيـبك من القوائـم بتاعة رشا وود سعـد والتانييـن ديل .. وخليك في المرطبات ... ;)
wadosman
20-07-2009, 06:47 PM
ولينك تانية وبدون خرمجة
http://www.bab.com/articles/full_article.cfm?id=2553

ود مخير....

زايغ بالدو...;)

ياخى لاعبين حريق...ما لاعبين هارت...:o

قال لينك و بدون خرمجه كمان...:)
wadosman
21-07-2009, 09:13 AM
:rolleyes:العزيز ود عثمان ..
تحياتي الجابوديـة يا الحبيـب

إتتـا بتـّـور الراقـدة مالك .. ؟..
شـنــي حكايــة الجــو .. جـو فــول دي .. :confused: بتجيـبوا الكلام المعصلـج ده من ويـن .. ؟؟
أنا عاوز المصـدر ... :o

والسؤال ده إجباري وعليهو 50 درجة "سلسيـاس" celsius
زي القاصـد أيام أركـويــت وكده .. !! ، لكن الفول ما هناك ..;)
سيـبك من القوائـم بتاعة رشا وود سعـد والتانييـن ديل .. وخليك في المرطبات ... ;)

الحبيب هاشم طه...

والله انت احسن زول...نازل بالجوكر طوالى...;)

و يا سلااام على اركويت صاحبة الجو الجميل طول العام
و عاش عثمان دقنه ياخى...;)

ههههه...كملت فهمى ما عرفت اقول ليك شنو...بقيت على الهبشه..:eek:
AMAL
21-07-2009, 09:32 AM
ونحنا جونا اوروبي عديييييل كدا:D


بس فولنا معلب:o

اها ما خرمجتا;)
wadosman
21-07-2009, 09:51 AM
ونحنا جونا اوروبي عديييييل كدا:D


بس فولنا معلب:o

اها ما خرمجتا;)

هههههههههه

طالعه من علبك...مش..؟؟:p

نحن جننا وجن الحاجات الفيها مواد حافظة دى..:rolleyes:

و بالله خليك مع الزمن اى تخريمة بتبوظ الرصة..و تقوم الحاجات كلها تقع..;)


يلا معزومة فول معانا و اختار المكان من لسته اياات فوق
و ما عندك مشكلة اكلو اخوان و اتحاسبو تجار..looool

ياخى جهجهتينا ما عرفنا نقفل المداخلة كيف..:


طيب هاك النكته دى:

قالوا و الله يكفينا شر قالوا ههههه فى جماعة فى حله كدا المطر طوّلت ما جاتهم
و زراعتهم بقت مجهجهة فقرروا يعملو صلاة استثغاء عشان المطر وكدا
و بعد الصلاة يعملوا كرامة و حاجات زى دى..
دعما للمشروع دا قاموا لفو حول الحلة لزوم التبرع بالقروش
من كل بيت...وصلوا ليك بين واحد معروف انو بتاع سيجارة و حاجات زى دى
قاموا شرحوا ليهو الموضوع صاحبك قاك قال ليهم يا جماعة انا زراعة ما عندى
لكن هااكم القروش دى لزوم تظبيط الجو و كدا....goood




(
AMAL
21-07-2009, 10:07 AM
هههههههههه

طالعه من علبك...مش..؟؟:p

نحن جننا وجن الحاجات الفيها مواد حافظة دى..:rolleyes:

و بالله خليك مع الزمن اى تخريمة بتبوظ الرصة..و تقوم الحاجات كلها تقع..;)


يلا معزومة فول معانا و اختار المكان من لسته اياات فوق
و ما عندك مشكلة اكلو اخوان و اتحاسبو تجار..looool

ياخى جهجهتينا ما عرفنا نقفل المداخلة كيف..:


طيب هاك النكته دى:

قالوا و الله يكفينا شر قالوا ههههه فى جماعة فى حله كدا المطر طوّلت ما جاتهم
و زراعتهم بقت مجهجهة فقرروا يعملو صلاة استثغاء عشان المطر وكدا
و بعد الصلاة يعملوا كرامة و حاجات زى دى..
دعما للمشروع دا قاموا لفو حول الحلة لزوم التبرع بالقروش
من كل بيت...وصلوا ليك بين واحد معروف انو بتاع سيجارة و حاجات زى دى
قاموا شرحوا ليهو الموضوع صاحبك قاك قال ليهم يا جماعة انا زراعة ما عندى
لكن هااكم القروش دى لزوم تظبيط الجو و كدا....goood




(

هههههها
هاك دي
واحد فتح محل فول
كتب عليه الفول ابو لحم
الجماعه بعد ضربو الفول سالوهو
اللحمه وين
قال ليهم مش في صابون ابو فيل
اها الفيل وين






شفتا البراءه دي;)
شبارقة
21-07-2009, 10:10 AM
تمنع الخرمجة فى هذا البوست منعا ً باتا ً ...:p


سمعا ً وطاعة ً ... مع إنو العنوان مدعاة للخرمجة ... ولكن..

دخلت مطعم (أبو حديدة) وهو مطعم فول مشهور في حلفا الجديدة (في سبعينيات القرن الماضي looool) وكان مكتوب وبالخط العريض على أحد جدران المطعم وبالقرب من القـِدرة :

سيبك من الكـِبـَد والكلاوي .. الفول للمعدة يداوي :)

ودخلت مطعم فول آخر في قاهرة المعز ومكتوب بالخط العريض على الجدار : إن خــِلص الفول .. أنا مش مسئول :)
AMAL
21-07-2009, 10:16 AM
سمعا ً وطاعة ً ... مع إنو العنوان مدعاة للخرمجة ... ولكن..

دخلت مطعم (أبو حديدة) وهو مطعم فول مشهور في حلفا الجديدة (في سبعينيات القرن الماضي looool) وكان مكتوب وبالخط العريض على أحد جدران المطعم وبالقرب من القـِدرة :

سيبك من الكـِبـَد والكلاوي .. الفول للمعدة يداوي :)

ودخلت مطعم فول آخر في قاهرة المعز ومكتوب بالخط العريض على الجدار : إن خــِلص الفول .. أنا مش مسئول :)

الفول فولي زرعته وحدي ....

يلا علاقه الفول بالجو شنو؟

خُرمجت;):D




ابو البنات مشتاقين
wadosman
21-07-2009, 10:17 AM
هههههها
هاك دي
واحد فتح محل فول
كتب عليه الفول ابو لحم
الجماعه بعد ضربو الفول سالوهو
اللحمه وين
قال ليهم مش في صابون ابو فيل
اها الفيل وين


شفتا البراءه دي;)

ههههههههه

صاحب المطعم دا يكون شارب ابو قندول..;)


اها الفول فى الاسكله ابو شنو..؟؟؟؟
بس ما تقولى لى ابو فاس...:p
wadosman
21-07-2009, 10:20 AM
سمعا ً وطاعة ً ... مع إنو العنوان مدعاة للخرمجة ... ولكن..

دخلت مطعم (أبو حديدة) وهو مطعم فول مشهور في حلفا الجديدة (في سبعينيات القرن الماضي looool) وكان مكتوب وبالخط العريض على أحد جدران المطعم وبالقرب من القـِدرة :

سيبك من الكـِبـَد والكلاوي .. الفول للمعدة يداوي :)

ودخلت مطعم فول آخر في قاهرة المعز ومكتوب بالخط العريض على الجدار : إن خــِلص الفول .. أنا مش مسئول :)

ايوا اقعد ازاوغو لى كدا...;)

جاوب على سؤال امال التحت و ممكن تستعين بصديق او صديقه...على كيفك
AMAL
21-07-2009, 10:28 AM
ههههههههه

صاحب المطعم دا يكون شارب ابو قندول..;)


اها الفول فى الاسكله ابو شنو..؟؟؟؟
بس ما تقولى لى ابو فاس...:p

الاسكلا وحلا
مش الاسكلا وقدرة gooodgoood

فراخ بانيه يا عمك



والجو قابضنو
ما بنفكو

:D
wadosman
21-07-2009, 10:57 AM
الاسكلا وحلا
مش الاسكلا وقدرة gooodgoood

فراخ بانيه يا عمك



والجو قابضنو
ما بنفكو

:D

فراخ بانيه دا يطرشنا ما سمعنا بيه
سمعنا بس بالفول البانيه..:p

طبعا الجو خلا ليكم...مش ناس حان الزفاف قفلو خلاااص..:cool:
شبارقة
21-07-2009, 11:08 AM
يلا علاقه الفول بالجو شنو؟

خُرمجت;):D


سجن سجن ... غرامة غرامة :)... يعني ما فارقا معانا يا ود عثمان ... والسبب إنتا وآمال :D

أها إنتي سألتيني وأنا ح أجاوبك (وأنا مش مسئول :))

علاقة الفول بالجو ... قالوا في واحد عوير (بومة بس :D) أول مرة يطلع مع خطيبتو وكان الجو جميل جدا ً وصاحبنا ما فتح خشمو بكلمة (لا حق ولا باطل :))... أها بعدين خطيبتو عايزا تجرجروا عشان يدفق ليها بعض الحنان وبعض العبارات التي تعودت النساء على سماعها في فترة الخطوبة (أقول فترة الخطوبة فقط .. لأنو تاني ما ح يسمعن أي كلام حلو مننا :)) ...

أها قامت قالت ليهو : الجو ده جو شنو ؟
عايزاهو يقول ليها جو حب ... جو خلط ... جو كلام دقاقه .... وهكذا عبارات :).
صاحبنا وبدون تردد (وحسب عوارتو) قال ليها : جو فول (ومعاهو حق ... لأنو كان فعلا ً جعان ومشتهي ليهو فول :().

أها قامت قالت ليهو بي زعل وبي إحباط : فول ؟ ...أمشي أكلو مع أمك :mad:

فصارت مثلا ً goood

دي كانت علاقة الفول بالجو وفي المرة الجاية ح نحكي ليكم علاقة الجو بالفول :D
wadosman
21-07-2009, 08:28 PM
سجن سجن ... غرامة غرامة :)... يعني ما فارقا معانا يا ود عثمان ... والسبب إنتا وآمال :D

أها إنتي سألتيني وأنا ح أجاوبك (وأنا مش مسئول :))

علاقة الفول بالجو ... قالوا في واحد عوير (بومة بس :D) أول مرة يطلع مع خطيبتو وكان الجو جميل جدا ً وصاحبنا ما فتح خشمو بكلمة (لا حق ولا باطل :))... أها بعدين خطيبتو عايزا تجرجروا عشان يدفق ليها بعض الحنان وبعض العبارات التي تعودت النساء على سماعها في فترة الخطوبة (أقول فترة الخطوبة فقط .. لأنو تاني ما ح يسمعن أي كلام حلو مننا :)) ...
أها قامت قالت ليهو : الجو ده جو شنو ؟
عايزاهو يقول ليها جو حب ... جو خلط ... جو كلام دقاقه .... وهكذا عبارات :).
صاحبنا وبدون تردد (وحسب عوارتو) قال ليها : جو فول (ومعاهو حق ... لأنو كان فعلا ً جعان ومشتهي ليهو فول :().

أها قامت قالت ليهو بي زعل وبي إحباط : فول ؟ ...أمشي أكلو مع أمك :mad:

فصارت مثلا ً goood

دي كانت علاقة الفول بالجو وفي المرة الجاية ح نحكي ليكم علاقة الجو بالفول :D

ايواتك يا شباارقة...نحن نفتش فى القصة و الحكااية دى من اول البوست
كويس جيتنا من الاخر ..و هسى انت بتستحق جائزة الاخ هااشم طه فهو الذى طرح
السؤال فى مداخلته الفوق...و كان ما وداك اركويت يبقى اتلوم تب...looool

يلا منتظرين كمان علاقة الجو بالفول عشان نحكى ليك قصة البصله...:rolleyes:

تسلم يا ابو الشباب...غايتو الاحمر الفوق ياهو الجايب ليك المشاكل مع ناس امال
و اخواتها...;)
wadosman
21-07-2009, 08:33 PM
و جنس جو فى اللحظاات دى و مطر صابه من المغرب
و قفت قبل شوية...و جنس همبريب حاجة ما تخلص..

و نوااصل فى الجو الرهيب دا مع عبد الوهاب الصادق...


http://sudaniyat.net/wadosman/uploading/al_gurih_gurahi_brai.wma
قمر دورين
22-07-2009, 07:20 AM
كيفك يا ود عثمان
وإن شاء الله أيامك كلها فل....ما فول !;)
و أمطار خير وبركة .....

بوست لذيذ الطعم بس وين العيش؟!

غايتو تاريخ الاغنية و زمنها وحده يحكى .:cool:
الأغنية عن السماحة وحاجات تانية جميلة كده أها الفول والجو علاقتهم بالأغنية دي شنو!! :D
غايتوا!!! :D

http://sudaniyat.net/up/uploading/fool.jpg
تحفة حوا
22-07-2009, 07:29 AM
الأغنية حلوة وكركتيرك يا قمر زاتو حلو
الا الفنان بقول الجرح جرحي ولا الجري جريي :D
الفول وجبة لذيذة لا غناء عنها
بس جو المطر أكيد أحلى
قمر دورين
22-07-2009, 07:42 AM
الأغنية حلوة وكركتيرك يا قمر زاتو حلو
الا الفنان بقول الجرح جرحي ولا الجري جريي :D
الفول وجبة لذيذة لا غناء عنها
بس جو المطر أكيد أحلى
:D:D:D
يا تحفة يا رائعة كيفك...
wadosman
22-07-2009, 09:21 AM
كيفك يا ود عثمان
وإن شاء الله أيامك كلها فل....ما فول !;)
و أمطار خير وبركة .....

بوست لذيذ الطعم بس وين العيش؟!


الأغنية عن السماحة وحاجات تانية جميلة كده أها الفول والجو علاقتهم بالأغنية دي شنو!! :D
غايتوا!!! :D










قمر دورين...

ياخى طلتك زادت لينا من روعة الجو الجميل دا...طبعا نحنا هنا من امبارح مطره
ظريفة و هادئه الليل كلو و نسمات و ريحة دعااش و ابينا ننوم زااتو...:rolleyes:
و الفول طبعا فى جو زى دا عندو نكهة خااصة خاصة و الزيت سمسم من القضارف
و الجبنه من الدويم...

طبعا عيش ما معانا و شغالين فول بالمعلقة...و برضو عندنا شوربة فول..;)

الغنيوه فيها الند و ريحة الند و البخور طبعا لافقه مع الجو دا بدون شك...اما علاقة
الفول و الجو علا يجى يشرح ليك شباارفة و يتم القصة البداها فوق...

شكرا على الكاريكاتير المعبر جدا...و شفتى كيف اى حاجة ولا الفول دا...looool


يديك العاافية...
wadosman
22-07-2009, 12:48 PM
الأغنية حلوة وكركتيرك يا قمر زاتو حلو
الا الفنان بقول الجرح جرحي ولا الجري جريي :D
الفول وجبة لذيذة لا غناء عنها
بس جو المطر أكيد أحلى

يا تحفه حوا يا روح الكل...

هسى جابتك الغنيوه و لا الجو..؟؟! ولا الاتنين معا..؟؟؟
و طبعا الجرى فى المطره بيزلق عشان كدا مشى الهوينه سمح...;)

ربنا يديك الصحة و العاافية...
wadosman
28-07-2009, 08:21 AM
غايتو الليلة بيسحرونا عديل كدا...:cool:

جنس مطر...و جنس جو...و شبوره شغاله حتى هذه اللحظاات
ينفع يكون يوم اجازه عديل كدا....:rolleyes:
عندى بعض من الصور فى هذا الصبااح الجميل
و دى واحدة منهم...و الباقى فى الدرب

http://sudaniyat.net/wadosman/uploading/rain99812.jpg
somiaadam
28-07-2009, 08:29 AM
غايتو الليلة بيسحرونا عديل كدا...:cool:

جنس مطر...و جنس جو...و شبوره شغاله حتى هذه اللحظاات
ينفع يكون يوم اجازه عديل كدا....:rolleyes:
عندى بعض من الصور فى هذا الصبااح الجميل
و دى واحدة منهم...و الباقى فى الدرب

http://sudaniyat.net/wadosman/uploading/rain99812.jpg

نزل المطر وبرد الجو ..وزرع اهل البلد
اليوم صباحكم احلي مع المطر
بس جو الفول ده ذكرتني الداخليه والجامعه وكده ((وصحن البوش)):):)
الايام دي جو أبــــــــــــــــــــــــــــــري والذي منه
نزل لينا اغنيه حنان النيل صباحـــاتك لوسمحت :)
قمر دورين
28-07-2009, 08:36 AM
غايتو الليلة بيسحرونا عديل كدا...:cool:

جنس مطر...و جنس جو...و شبوره شغاله حتى هذه اللحظاات
ينفع يكون يوم اجازه عديل كدا....:rolleyes:
عندى بعض من الصور فى هذا الصبااح الجميل
و دى واحدة منهم...و الباقى فى الدرب

http://sudaniyat.net/wadosman/uploading/rain99812.jpg
يا الله يا ود عثمان....
صباحك ممطر بالأماني العذبة

يا الله على الجو جميل..
لو أمكن نزّل باقي الصور :o
wadosman
28-07-2009, 08:40 AM
اغنية مع الجو و كدا....

http://sudaniyat.net/wadosman/uploading/matar_alroshash.wma
wadosman
28-07-2009, 08:44 AM
نزل المطر وبرد الجو ..وزرع اهل البلد
اليوم صباحكم احلي مع المطر
بس جو الفول ده ذكرتني الداخليه والجامعه وكده ((وصحن البوش)):):)
الايام دي جو أبــــــــــــــــــــــــــــــري والذي منه
نزل لينا اغنيه حنان النيل صباحـــاتك لوسمحت :)

عليك الله يا سميه مش جو جميل بالجد... وشكلو الليلة بوش زاتو ما بيكفى

و مالك مذكرانا رمضاان من هسى...;)

نجيب ليك اغنية حنان النيل ان شاء الله و الليلة يوم مفتوح...

سلمت من كل شر ولك كل الاستمتاع الجميل بهذا الجو الرهيب...
wadosman
28-07-2009, 08:49 AM
يا الله يا ود عثمان....
صباحك ممطر بالأماني العذبة

يا الله على الجو جميل..
لو أمكن نزّل باقي الصور :o



قمر دورين...

الليلة اجمل صباااح مع هذا الجو الرهيب
و المزاج فى السما....:cool: غايتو ما عارفين الفطور يكون شنو..;)
شكلو داير ليهو خروف عديل كدا...

باقى الصور فى السكة ان شاء الله...اصلها دايرة شوية شغلانة كدا
بعدين صاحبك لسه برلوم فى مسالة تنزيل الصور دى...غنا بس..;)

يديك العاافية..
wadosman
28-07-2009, 10:39 AM
http://sudaniyat.net/wadosman/uploading/rain96.jpg
wadosman
28-07-2009, 10:43 AM
http://sudaniyat.net/wadosman/uploading/rain55.jpg
wadosman
28-07-2009, 10:47 AM
http://sudaniyat.net/wadosman/uploading/rain97.jpg
شبارقة
28-07-2009, 11:01 AM
جو جميل ... وصور أجمل

أكاد أشم من خلالها ريحة الطين والدعاش

هنئيا ً لكم الفول بزيت السمسم :)

نحن عندنا الجو نار ودرجة الحرارة 48 ْ (غايتو لو الكهرباء بتقطع ما عارف كنا ح نعمل شنو !)

بلادي دائما ً عزيزة وأهلي دائما ً كرامُ...
wadosman
28-07-2009, 11:10 AM
جو جميل ... وصور أجمل

أكاد أشم من خلالها ريحة الطين والدعاش

هنئيا ً لكم الفول بزيت السمسم :)

نحن عندنا الجو نار ودرجة الحرارة 48 ْ (غايتو لو الكهرباء بتقطع ما عارف كنا ح نعمل شنو !)

بلادي دائما ً عزيزة وأهلي دائما ً كرامُ...

http://sudaniyat.net/wadosman/uploading/rain77.jpg

شبارقه يا حبيب...

فول شنو يا زول..؟؟;)

الجو دا بس خروف و ما فوق...:)

تسلم يا جميل...
آيات
28-07-2009, 11:11 AM
ود عثمان الفنان
هيييييه ماترشنا بي موية عرباتك دي
تصوير خطيررررررررررررررررر لدرجة إحساسك بي جمال الجو وصلنا من خلال الصورة
أحييك على مقدرتك الفائقة على إيصال المشهد لدرجة معايشتنا له

لكن ده جو فول عمر بوش وبسسٍٍٍس
عادل عسوم
28-07-2009, 11:27 AM
http://sudaniyat.net/wadosman/uploading/rain97.jpg
:mad::mad:
وبمجرد وقوفي على ناصية الشارع رأيت أحدهم (يدفر) طبلية بها (كانون) عليه قنقر(عيش ريف)...
نسيت ان أخبركم بأنني (أموت) في العيشريف المشوي فوق الفحم فما كان مني ألاّ أن طلبت من صاحبي أن يجهز لي 12 (قندول) أخذتها في كيس ودخلت الى البيت ولم أترك منها الاّ نصفها لأهل الدار!
:D
http://sudanyat.org/vb/showthread.php?t=8964
احمد زين
28-07-2009, 11:29 AM
ودعثمان يا رائع
لك التحية
الصور فعلا جميلة وتعكس حالتنا اليوم للناس البعيدين
ربنا يرجعهم بالسلامة ويشاركونا الطراوة دي
كمان الصور دي تنفع مسابقة للطيور المهاجرة فقط
اذكر مواقع التقاط الصور اعلاه
توجد جوائز لدى ودعثمان
شبارقة
28-07-2009, 11:44 AM
كمان الصور دي تنفع مسابقة للطيور المهاجرة فقط
اذكر مواقع التقاط الصور اعلاه
توجد جوائز لدى ودعثمان

سلام يا أحمد

سبقتني ... كنت ح أطلب من الباشمهندس ود عثمان أن يكتب لينا أسماء المواقع عشان تكتمل الصورة ... أنا غايتو الموقع الوحيد العرفتو هو الفيهو لوحات إرشادية (العمارات - السوق المركزي - مطار الخرطوم الدولي) وكان ما اللوحات ما كان عرفتو :D... بصراحة الخرطوم أصبحت كبيرة وجميلة جدا ً ... وللأسف نحن طوّلنا منها ...(حاجة تغيظ والله.. الواحد يعرف عواصم الدول الأخرى أكتر من معرفتو بعاصمتو)
wadosman
28-07-2009, 11:45 AM
ود عثمان الفنان
هيييييه ماترشنا بي موية عرباتك دي
تصوير خطيررررررررررررررررر لدرجة إحساسك بي جمال الجو وصلنا من خلال الصورة
أحييك على مقدرتك الفائقة على إيصال المشهد لدرجة معايشتنا له

لكن ده جو فول عمر بوش وبسسٍٍٍس

آيات...

بقيتى زى هلال رمضان...;)

الصباح الليلة كان رهيب و المطره فى امدرمان عندها نكهة برااها
غايتو فات على التصوير فى ام درمان لكن الصور الجايه حتكون حصريا
لام درمان و بالتحديد شارع الاربعين و بالتحديد اكتر جهة ناس عمر بوش...goood
و كمان ممكن جهة بتاع الاقشى علا ما بندخل العباسية جوه فى الجو الرهيب دا...:)

شكرا للطله الخريفية...
wadosman
28-07-2009, 11:54 AM
:mad::mad:

:D
http://sudanyat.org/vb/showthread.php?t=8964

عادل يا حبيب...

ما عارفنك معانا هنا ولا لسه فى البلد ديك..؟؟؟؟

شايف الخرطوم استقبلتكم احسن استقبال بالمطره و الهمريب السمح

مريت على اللينك و اهو الاياام تعيد ليك الذاكره من جديد لاياام جميلة
و ذكرياات وصول لازالت فى خاطرك...

طبعا الحديث حديث جو و عيش ريف و كوانين عشان كدا نخلى باقى الحاجات
لكن اعتقد ان هذه الامطار حتقدم دروس مفيدة للقائمين على امر انشاءات الطرق
فى الولايه....

غايتو ضحكتنى بــ 12 قندول دى مره واحده..الحمد لله بقت قناديل عيش ريف...:rolleyes: و ان كان كل شئ وارد....ههههههههههههه

تسلم يا حبيب...
آيات
28-07-2009, 12:04 PM
آيات...

بقيتى زى هلال رمضان...;)

الصباح الليلة كان رهيب و المطره فى امدرمان عندها نكهة برااها
غايتو فات على التصوير فى ام درمان لكن الصور الجايه حتكون حصريا
لام درمان و بالتحديد شارع الاربعين و بالتحديد اكتر جهة ناس عمر بوش...goood
و كمان ممكن جهة بتاع الاقشى علا ما بندخل العباسية جوه فى الجو الرهيب دا...:)

شكرا للطله الخريفية...


هاهاهاهاها ..؟؟؟ والله هسة يجوك ناس ود العالم والبقية ناطييين وبوستيك دي بي فوله .. نرميه في الخور ... بس الإ نشوف ليك غير خور أبوعنجة..؟؟
عارف والله الليلة اكلنا سمك مبااااالغة عند عوضية في الموردة الناس واقفين بالصق .. يعني عاوز ساعة عشان توصل ليها
تعرف ياود عثمان حق الإعلانات البتقبضه ده مفروض تلمه للجوائز ..
wadosman
28-07-2009, 12:05 PM
ودعثمان يا رائع
لك التحية
الصور فعلا جميلة وتعكس حالتنا اليوم للناس البعيدين
ربنا يرجعهم بالسلامة ويشاركونا الطراوة دي
كمان الصور دي تنفع مسابقة للطيور المهاجرة فقط
اذكر مواقع التقاط الصور اعلاه
توجد جوائز لدى ودعثمان

الحبيب احمد...

اكيد بتكون مستمتع بالجو الرهيب دا طبعا مافى كلاااام

الصور جات فكره سريعه و انا سائق فى الطريق للمكتب عشان كدا يمكن
تكون انحصرت فى مسار معين و معروف...

اخونا شبارقة شكلو طوّل من البلد و اختلطت عليه الشوارع لكن بينك بينك
ليهو حق اصلو حصل تغيير كبير خلال فترة وجيزة جدا...

خلاص نفتح باب المسابقة لمعرفة الشوارع و الامكنه عشان ننشط ذاكرة
الاخوان و الاخوات البعيدين من البلد...و الصوره التحت دى حتكون اول سؤال,,

طبعا الجائزة حتكون صحن فول كارب بزيت سمسم من القضارف...;)

تسلم...

http://sudaniyat.net/wadosman/uploading/rain441.jpg
أشتر
28-07-2009, 12:06 PM
غايتو ضحكتنى بــ 12 قندول دى مره واحده..الحمد لله بقت قناديل عيش ريف...:rolleyes: و ان كان كل شئ وارد....ههههههههههههه

تسلم يا حبيب...

جابتنا قناديلكم دي !!!! طايرين :D
التقول قناديل العطاء

اقول
جاييكم
يا لقينا قندولكم ... يا بَنَدولكم

تشمو براكم
معقول لكن !!!!!
عادل عسوم
28-07-2009, 12:23 PM
جابتنا قناديلكم دي !!!! طايرين :D
التقول قناديل العطاء

اقول
جاييكم
يا لقينا قندولكم ... يا بَنَدولكم

تشمو براكم
معقول لكن !!!!!
شوف زي دة ياود عثمان:mad:
الزيفة والمطرة الطرق طرق دي من الصباح ما جابتو منسلي لي برة
ماجابو الاّ قندول ال...عيشريف :confused:
:p
:D:D
أشتر
28-07-2009, 12:31 PM
شوف زي دة ياود عثمان:mad:
الزيفة والمطرة الطرق طرق دي من الصباح ما جابتو منسلي لي برة
ماجابو الاّ قندول ال...عيشريف :confused:
:p
:D:D

نعمل شنو مع حاسة الشم (الخرمانة) لحاجة تزكي الانوف
ياخوي انا قصدي قندول الطلح (شم ويرلس بس)
عشان ما تمشو بعيد
احمد زين
28-07-2009, 12:36 PM
الحبيب ود عثمان
في الجو الرهيب ده جريت لي عنقريب هباب ورقدت والساعة ديك المطرة كانت شكشامة خفيييييييفة فاوحت لي هذه الهترشات

الليلة الخريف طالق علي نسامو
طراني المفرهد في ربيع ايامو
الخلاني سهران والخلائق نامو
ناير خدو فاطر بسمو حالي كلامو

الليلة النسيم هيج علي اشجاني
ذكرني الحبيب زود علي احزاني
يا الله الكريم احفظ جميع حباني
خالد الحاج, مخير,ودعسوم وابواماني

كيشو,همسة,امال, منال ,عثمان
ابومشعل وناصر ,الزوول وام التيمان
عم مسعد, معتصم الحاج وود عثمان
وكل الما ذكرته لا يكون علي زعلان

وصباح الطراوة والنداوة والهمبريب والقناديل (الحقنا يا ود عسوم)
مواطن
28-07-2009, 12:58 PM
جابتنا قناديلكم دي !!!! طايرين :D
التقول قناديل العطاء
اقول
جاييكم
يا لقينا قندولكم ... يا بَنَدولكم
تشمو براكم
معقول لكن !!!!!
الحبيب عدول ..
الله يجازي محنـك .. الناس بيشـتروا بالوزنة ويباصروا الباقي وجج .. تقوم تشتري بالقندول ... goood
وبما أن الوزنة قد تكلف ستة شهور .. فشوف مقدار المخاطرة الإرتكبتها ... :cool:
يعني المغتربين ديل دايماً يبوظو السوق .. شوف الطريقة البيشتروا بيها دي .. وكمان يقسموا مع ناس البيـت ... طيب ناس البين زنبهم شنو تقنقرم القنقرة الدسمة دي ؟؟ looool
وأخونا أبو عاقلة .. شاف ضي القناديل .. راح عامل الشارع الطويل (على رأي عبد الحليم) .. فذكرتوه وأثرتوا شجونو .. أيام الموعد الجميل ..
تمـوا الباقي قرقوش ..
عادل عسوم
28-07-2009, 01:04 PM
الحبيب ود عثمان
في الجو الرهيب ده جريت لي عنقريب هباب ورقدت والساعة ديك المطرة كانت شكشامة خفيييييييفة فاوحت لي هذه الهترشات

الليلة الخريف طالق علي نسامو
طراني المفرهد في ربيع ايامو
الخلاني سهران والخلائق نامو
ناير خدو فاطر بسمو حالي كلامو

الليلة النسيم هيج علي اشجاني
ذكرني الحبيب زود علي احزاني
يا الله الكريم احفظ جميع حباني
خالد الحاج, مخير,ودعسوم وابواماني

كيشو,همسة,امال, منال ,عثمان
ابومشعل وناصر ,الزوول وام التيمان
عم مسعد, معتصم الحاج وود عثمان
وكل الما ذكرته لا يكون علي زعلان

وصباح الطراوة والنداوة والهمبريب والقناديل (الحقنا يا ود عسوم)
:mad::mad:
ابراء للذمة
أشهد ...وابيّن ...وأوضح الآتي:
المقصود ب(القندول) المذكور في البوستر الذي قمت بايراد خيطه في هذا المتصفح (الواسع الخيال):cool: هو الذرة الشامية ...
أي العيش ريف كما يطلق عليه في بعض الفجات وكدة...
:D:D
رأفت ميلاد
28-07-2009, 01:09 PM
شوفى يا زوله نحن الفول البنعرفو لازم الجره تكون بايته قدام الدكان من فى الليلgoood

هى سميتوها "الجرة"؟ فى زمنا كانت "القدرة" .. ده من شنو يا ربى :confused:
يا ود عثمان بدون خرمجة كده أحكى لينا نكة "جو فول" :D:D
عادل عسوم
28-07-2009, 01:09 PM
الحبيب عدول ..
الله يجازي محنـك .. الناس بيشـتروا بالوزنة ويباصروا الباقي وجج .. تقوم تشتري بالقندول ... goood
وبما أن الوزنة قد تكلف ستة شهور .. فشوف مقدار المخاطرة الإرتكبتها ... :cool:
يعني المغتربين ديل دايماً يبوظو السوق .. شوف الطريقة البيشتروا بيها دي .. وكمان يقسموا مع ناس البيـت ... طيب ناس البين زنبهم شنو تقنقرم القنقرة الدسمة دي ؟؟ looool
وأخونا أبو عاقلة .. شاف ضي القناديل .. راح عامل الشارع الطويل (على رأي عبد الحليم) .. فذكرتوه وأثرتوا شجونو .. أيام الموعد الجميل ..
تمـوا الباقي قرقوش ..
:mad::mad:
ابراء للذمة
أشهد ...وابيّن ...وأوضح الآتي:
المقصود ب(القندول) المذكور في البوستر الذي قمت بايراد خيطه في هذا المتصفح (الواسع الخيال):cool: هو الذرة الشامية ...
أي العيش ريف كما يطلق عليه في بعض الفجات وكدة...
gooodgoood
wadosman
28-07-2009, 01:23 PM
سلام يا أحمد

سبقتني ... كنت ح أطلب من الباشمهندس ود عثمان أن يكتب لينا أسماء المواقع عشان تكتمل الصورة ... أنا غايتو الموقع الوحيد العرفتو هو الفيهو لوحات إرشادية (العمارات - السوق المركزي - مطار الخرطوم الدولي) وكان ما اللوحات ما كان عرفتو :D... بصراحة الخرطوم أصبحت كبيرة وجميلة جدا ً ... وللأسف نحن طوّلنا منها ...(حاجة تغيظ والله.. الواحد يعرف عواصم الدول الأخرى أكتر من معرفتو بعاصمتو)

يلا يا شبارقة قول انت وبنصلحك ما عندك مشكله و بنصلح ليك كمان فول كارب...:rolleyes:

اها منتظرنك تبدا من الصورة الاولى...
wadosman
28-07-2009, 01:32 PM
هاهاهاهاها ..؟؟؟ والله هسة يجوك ناس ود العالم والبقية ناطييين وبوستيك دي بي فوله .. نرميه في الخور ... بس الإ نشوف ليك غير خور أبوعنجة..؟؟
عارف والله الليلة اكلنا سمك مبااااالغة عند عوضية في الموردة الناس واقفين بالصق .. يعني عاوز ساعة عشان توصل ليها
تعرف ياود عثمان حق الإعلانات البتقبضه ده مفروض تلمه للجوائز ..

يا آيات هوى...

ناس ود العالم ديل حبايبنا و انا متعود امشى الـ ART
و شارع الاربعين دا ياهو دربى فعليك الله ما تبوظى علاقتنا مع ناس العباسية ديل...:cool:

يوم الجمعة مشيت و انا امنى النفس بسمك من عوضية و لكن هيهاات التقول هلال مريخ
و زاتو ناس فرفور و ناس حكايات ما مدننا فرصة و رجعت بخفى حنين ههههههههه
طبعا بعد داك مشيت فطرت بـــ فول...looool ماركة السليم...برضو قولى لى
دا اعلان..؟:eek:
wadosman
28-07-2009, 01:44 PM
جابتنا قناديلكم دي !!!! طايرين :D
التقول قناديل العطاء

اقول
جاييكم
يا لقينا قندولكم ... يا بَنَدولكم

تشمو براكم
معقول لكن !!!!!

اها هسى شفت النار الولعتها فينا يا عادل عسوم..؟؟;)

يا ود ابو عاقلة دى على وزن:
يانديم عبء من كاس الصبا وسقاني ثم عاف الكاس عاف الملعبه
يعنى لازم تجى لابس كدارات و تقابلنى جمب صينيه القندول فى السوق العربى..:p
و ن هنااك لابو العباس لزوم الفول و كدا...:cool:

ما تنسى الشمشية و نظارة الشمس و الورق البينضفو بيهو النظارة...looool

غايتو عالم مسببه بشكل...:eek:
آيات
28-07-2009, 01:45 PM
يا آيات هوى...

ناس ود العالم ديل حبايبنا و انا متعود امشى الـ ART
و شارع الاربعين دا ياهو دربى فعليك الله ما تبوظى علاقتنا مع ناس العباسية ديل...:cool:

:eek:


خلاص طيب آآآسفة

يلا عاين ..بالمناسبة دي ..ممكن أهدي ؟؟
عاوزة أغنية سيبي دربي خلاص كفاية وياريت لوكانت بي صوت فرفور
wadosman
28-07-2009, 01:48 PM
الحبيب ود عثمان
في الجو الرهيب ده جريت لي عنقريب هباب ورقدت والساعة ديك المطرة كانت شكشامة خفيييييييفة فاوحت لي هذه الهترشات

الليلة الخريف طالق علي نسامو
طراني المفرهد في ربيع ايامو
الخلاني سهران والخلائق نامو
ناير خدو فاطر بسمو حالي كلامو

الليلة النسيم هيج علي اشجاني
ذكرني الحبيب زود علي احزاني
يا الله الكريم احفظ جميع حباني
خالد الحاج, مخير,ودعسوم وابواماني

كيشو,همسة,امال, منال ,عثمان
ابومشعل وناصر ,الزوول وام التيمان
عم مسعد, معتصم الحاج وود عثمان
وكل الما ذكرته لا يكون علي زعلان

وصباح الطراوة والنداوة والهمبريب والقناديل (الحقنا يا ود عسوم)

يا سلااام يا ابو احميد

شفت الجو السمح بيطلع الحاجات السمحة كيف...

ود عسوم احسن تخليهو اصلو دخل فى امرا ضيق...هسى بنفتش ليهو
فى الضمان...:rolleyes:
wadosman
28-07-2009, 01:56 PM
هى سميتوها "الجرة"؟ فى زمنا كانت "القدرة" .. ده من شنو يا ربى :confused:
يا ود عثمان بدون خرمجة كده أحكى لينا نكة "جو فول" :D:D

يا رافت يا حبيب...

ولا مشتاقين ولا عثمان مصطفى زاااتو...:)

كدا اول قول لى انت معرّج ولا بــ كرت...؟؟!!:cool:
عشان نعرف نرمى ليك البايظ اقصد نعرف نرد ليك...:eek:

انت عارف انا زاتى ما عارف كلمة جره دى جات ناطة هنا كيف يا ربى يكون
السبب قندول عادل عسوم ولا شنو..؟؟:p

من اين جات مقوله جو فول طبعا دى ماركة مسجلة باسم شبارقة و هو حكى
الحكايا فى مداخلته الفوق...

اها النسالك انت كمان كل فوله و ليها كياله دى جات من وين..؟؟؟
wadosman
28-07-2009, 02:00 PM
شوف زي دة ياود عثمان:mad:
الزيفة والمطرة الطرق طرق دي من الصباح ما جابتو منسلي لي برة
ماجابو الاّ قندول ال...عيشريف :confused:
:p
:D:D

يا ود عسوم...

اصلو صاحبك دا ود ريف متعود على المطره و الجو السمح
علا قناديل الخرطوم دى جديده عليهو...;)
ليهو حق يجى ناطى هنا..
سارة
28-07-2009, 02:06 PM
ود عثمان سلامات يا زين

ياخ والله نفسى فى فووووول

ويكون مترع بالزيت زى حق ناس حكايات داك
wadosman
28-07-2009, 02:07 PM
http://sudaniyat.net/wadosman/uploading/rain444.jpg
رأفت ميلاد
28-07-2009, 02:08 PM
من اين جات مقوله جو فول طبعا دى ماركة مسجلة باسم شبارقة و هو حكى
الحكايا فى مداخلته الفوق...

ياخ شبارقة مزوراتى .. دى دايرة كيشو :D:D




اها النسالك انت كمان كل فوله و ليها كياله دى جات من وين..؟؟؟
دى بت عم فولة وإنقسمت .. وده كل الفى الفولة :D:D
wadosman
28-07-2009, 02:11 PM
ود عثمان سلامات يا زين

ياخ والله نفسى فى فووووول

ويكون مترع بالزيت زى حق ناس حكايات داك

سروره...

سلاااااام

خلاص تذكرة الطيارة علينا و الفول على ناس حكاايات...:)

المره الجاية الصور من التقاطع بتاع المؤسسه...:cool:

يديك العاافية..
wadosman
28-07-2009, 02:13 PM
ياخ شبارقة مزوراتى .. دى دايرة كيشو :D:D

دى بت عم فولة وإنقسمت .. وده كل الفى الفولة :D:D

ههههههههههههه

طيب مش كان فى واحد اسمو جراب الفول...دا يطلع منو..؟؟؟

غايتو يا رافت انت داير الواحد يباريك باللاين...;)
تحفة حوا
28-07-2009, 03:34 PM
ود عثمان
من ما شفت الصور وانا قاعدة استف في الشنط
بس خليني ازن شوية كدي علي ابو العيال :D
نان ما شهيتونا السودان
ربنا يجعلا امطار خير وبركة
وربنا يسعدكم ويسعد كل الشعب السوداني
أبو أماني
28-07-2009, 03:49 PM
الحبيب ود عثمان
في الجو الرهيب ده جريت لي عنقريب هباب ورقدت والساعة ديك المطرة كانت شكشامة خفيييييييفة فاوحت لي هذه الهترشات

الليلة الخريف طالق علي نسامو
طراني المفرهد في ربيع ايامو
الخلاني سهران والخلائق نامو
ناير خدو فاطر بسمو حالي كلامو

الليلة النسيم هيج علي اشجاني
ذكرني الحبيب زود علي احزاني
يا الله الكريم احفظ جميع حباني
خالد الحاج, مخير,ودعسوم وابواماني

كيشو,همسة,امال, منال ,عثمان
ابومشعل وناصر ,الزوول وام التيمان
عم مسعد, معتصم الحاج وود عثمان
وكل الما ذكرته لا يكون علي زعلان

وصباح الطراوة والنداوة والهمبريب والقناديل (الحقنا يا ود عسوم)

عجبتني الطرطشة والهترشة حقت الناس الكاتلهم الشوق للبلد وعفار البلد وغبار البلد وطين وكطعة موية وكهربة البلد .. وحتى القناديل البيشتريها بالدس .. ود عسوم .. المن ما وصل الخرتوم .. غير بالليل ما قع يحوم .. عيلي في حتاتن كتر .. كترن فوقن الزنابيل والقناديل .. عاد ما بالغت يا عدولي .. سوويتها ظاهرري .. في قندول عيش ريف بسوي كدي .. بري يا ود حشاي .. ده ضنيتوا قنديلا كتر .. عمرك يا هاشم شفت ليك عيش ريف بشتروا منو دستة قناديل ؟؟ ليه يا يابا .. عيش ريف وارد واو .. ولا جوبا مالك عليا ؟؟ مخييير الله .. علينا!! أصبر يا ود عسوم مالك ما اتصلت بي ؟؟ خليني النحصل عقاب الدستة ده .. قبل تكمل!! عموما عودا حميدا يا وضيئ..
gooodgooodgooodgooodgooodgooodgooodgoood
شبارقة
28-07-2009, 04:22 PM
سميتوها "الجرة"؟ فى زمنا كانت "القدرة" .. ده من شنو يا ربى :confused:


ود عثمان ده شكلو كان في اليمن أو واحدة من دول الخليج ... لأنو عندهم 3 أنواع من الفول:

1- فول جره (فول مطحون زي الدقيق يخلطوهو بالمويه وبعدين يدوهو النار) ... ومافي فرق بينو وبين عجينة الأسمنت :D ... يلصـِّق المصارين لـِصـيـّيق ... دايرلو معدة 8 سلندر :).

2- فول قلابة (فول مخلوط ومطبوخ مع كشنة البصل والطماطم ... وهو لذيذ إلى حدٍ ما).

3- فول حـَب (وياهو ده الفول بتاعنا زاتو ... وما أحلاهو بزيت السمسم)

وسيبك من الكبده والكلاوي ... الفول للمعدة يداوي :D
wadosman
28-07-2009, 10:52 PM
:mad:ود عثمان ده شكلو كان في اليمن أو واحدة من دول الخليج ... لأنو عندهم 3 أنواع من الفول:

1- فول جره (فول مطحون زي الدقيق يخلطوهو بالمويه وبعدين يدوهو النار) ... ومافي فرق بينو وبين عجينة الأسمنت :D ... يلصـِّق المصارين لـِصـيـّيق ... دايرلو معدة 8 سلندر :).

2- فول قلابة (فول مخلوط ومطبوخ مع كشنة البصل والطماطم ... وهو لذيذ إلى حدٍ ما).

3- فول حـَب (وياهو ده الفول بتاعنا زاتو ... وما أحلاهو بزيت السمسم)

وسيبك من الكبده والكلاوي ... الفول للمعدة يداوي :D

انت عارف يا شبارقة ناس الشرق ما بيقولوا قدره بيقولوا جره
و صاحبك رافت دا اكلنى حنك ساااكت...:mad:

لكن لقيتك خبير بتااع فول...:cool:
wadosman
28-07-2009, 10:54 PM
ود عثمان
من ما شفت الصور وانا قاعدة استف في الشنط
بس خليني ازن شوية كدي علي ابو العيال :D
نان ما شهيتونا السودان
ربنا يجعلا امطار خير وبركة
وربنا يسعدكم ويسعد كل الشعب السوداني

تحفة حواء...

ربنا يرجعكم البلد تامين و سالمبن و تلحقوا الجو السمح دا...

يديك العاافية..
معتصم الطاهر
28-07-2009, 11:06 PM
نزولا عند رغبة صاحب البوست
نمتنع عن الخرمجة.. وعليه سنستغل هذا البوست في سرد افضل انواع الفول..
صحن فول كاااارب مزبط بي جبنة وزيت سمسم وشمار.. دا نوع بسيط لكن بيحتفظ بطعم الفول ونكهتو وهو المفضل بشكل عام..
صحن فول مزبط بي سلطة مقطعة دقاااااق (بصل + طماطم + جرجير) ومهروس فيهو بيض مسلوق وجبنة وزيت سمسم.. دا كمان حاجة ما تخلص بس الفول بكون راح في حق الله وسط الجوطة دي.
صحن فول مطبوخ.. ودا بعتمد علي اساس زي حق الدمعة باستثناء اللحمة طبعا.. اها دا وداد مرة خالي بتزبطو بي طريقة تحير عديييييييييل كدا..

اها كل ما اتمناه من هذه الصحون الفولية الكثيرة ان تساعدني الاجواء بالاستمرار بنفس النمط حتى حين حضوري الى ارض الوطن..
حتى يتسنى لنا احضار الفول لعمل جو وكدا :D:D

اولا
رشا خاتم لا ينقصك الذكاء

قالت أكل ..قالت ..
معتصم الطاهر
29-07-2009, 08:51 AM
[color=#FF0000][size=5] تنبيه هااام :

تمنع الخرمجة فى هذا البوست منعا باتا ...:p




http://sudaniyat.net/up/uploading/8_n.jpg

حقوق الصورة لناجى الملك

نأسف لهذه الخرمجة ..

و طبعا ليس مقصودا هذه القدرة ولا هذه البوخة ...
بدور التركي
29-07-2009, 09:04 AM
صباح الفول الملفوف بالطعمية:p


شهيتوني اكل فول في جو اللمة السمحة دي

ازيكم يا حلوين
فيصل سعد
29-07-2009, 08:52 PM
http://sudaniyat.net/up/uploading/8_n.jpg

حقوق الصورة لناجى الملك

نأسف لهذه الخرمجة ..

و طبعا ليس مقصودا هذه القدرة ولا هذه البوخة ...

بس اوعى تكون قاصد الكمشة
و الغرف بتاع عادل امام داك :D:D
احمد زين
30-07-2009, 09:28 AM
http://sudaniyat.net/up/uploading/8_n.jpg

حقوق الصورة لناجى الملك

نأسف لهذه الخرمجة ..

و طبعا ليس مقصودا هذه القدرة ولا هذه البوخة ...

يا باش سلامات
وصباح البوخة (اقصد صباح الفووووووووول)
دي الخرمجة الاباها ابو اماني ذااااااااااااااااااااتها
خليك واضح و ورينا قاصد شنو؟
wadosman
16-08-2009, 06:49 AM
صباااح جميل...

http://sudaniyat.net/wadosman/uploading/F.jpg
wadosman
16-08-2009, 06:56 AM
حبيبى مفلس..!!:rolleyes:

http://sudaniyat.net/wadosman/uploading/MUF.jpg
احمد زين
14-10-2009, 10:44 PM
مرة اخرى وفي هذه الامسية فقط عاد جو الفول الى سموات الخرطوم
همبريب باااااااااااااااااااااارد
ومطرة شكشاكة
wadosman
14-10-2009, 10:54 PM
مرة اخرى وفي هذه الامسية فقط عاد جو الفول الى سموات الخرطوم
همبريب باااااااااااااااااااااارد
ومطرة شكشاكة


ههههههههههههههه

والله فعلا يا ابو احميد الليلة من غير العاده
همبريب و شبوره و جو حاجة ما تخلص..

كنت حايم جهة بحرى و بعد نزول المطر و الهمبريب
طوالى اتجهت لبابا حسين...:p
احمد زين
28-05-2010, 09:53 PM
مرة اخرى وفي هذه الامسية فقط عاد جو الفول الى سموات الخرطوم
همبريب باااااااااااااااااااااارد
ومطرة شكشاكة

وليها رجعنا تاااااااااااني
http://farm4.static.flickr.com/3444/3859050946_6fa66c9097_b.jpg
wadosman
28-05-2010, 09:56 PM
وليها رجعنا تاااااااااااني
http://farm4.static.flickr.com/3444/3859050946_6fa66c9097_b.jpg

والله يا ابو احميد قبل شويه جبنا سيرة البوست دا

غايتو الليل اتصلحت معانا الحمد لله بعد زنقه الاسبوع الفات..

تسلم..
احمد زين
28-05-2010, 10:05 PM
والله يا ابو احميد قبل شويه جبنا سيرة البوست دا

غايتو الليل اتصلحت معانا الحمد لله بعد زنقه الاسبوع الفات..

تسلم..
والله البوست ده انا عندي ليهو حنين خاص
لو شفت سحابة في السماء ساي بتذكرو
ويستاهل نجدع لينا فيهو دوبيت
ويا حبذا لو الفرجوني
wadosman
28-05-2010, 10:08 PM
والله البوست ده انا عندي ليهو حنين خاص
لو شفت سحابة في السماء ساي بتذكرو
ويستاهل نجدع لينا فيهو دوبيت
ويا حبذا لو الفرجوني

بكره انا بنفض كاميرتى...و نشوف الحاصل شنو..؟


يلا جيب من عندك طوالى...
سارة
28-05-2010, 10:44 PM
ابو حميد يا راجل يا نيل

مساء المطرة والدعاش والهمبريب

جعلها الله امطار خير وبركة عليكم
آيات
15-07-2010, 07:09 AM
مرة اخرى وفي هذه الامسية فقط عاد جو الفول الى سموات الخرطوم
همبريب باااااااااااااااااااااارد
ومطرة شكشاكة

فـــــــــــــــــــــــــــــــــــــــــوق
طارق الحسن محمد
15-07-2010, 07:16 AM
http://farm4.static.flickr.com/3444/3859050946_6fa66c9097_b.jpg
الجو جو فول الظاهر الليلة فى الخرطوم
قالو كانت مغيمة امبارح
امشاء تكون جابت ليها شكشاكة
ايات
ومع الشكشاكة دى
يجو جوز اللوز
ود عثمان
وود الزين
ويخلوه خميس
بدارى بى مقيله
آيات
15-07-2010, 07:26 AM
http://farm4.static.flickr.com/3444/3859050946_6fa66c9097_b.jpg
الجو جو فول الظاهر الليلة فى الخرطوم
قالو كانت مغيمة امبارح
امشاء تكون جابت ليها شكشاكة
ايات
ومع الشكشاكة دى
يجو جوز اللوز
ود عثمان
وود الزين
ويخلوه خميس
بدارى بى مقيله

ياخ والله العظيم إنت مسحور
لو قلت ليك مابتصدق .. إني حالياً في نفس الشارع ده (شارع المك نمر) واقفة بتفرج في نفس المشهد
بالجد صباح جميل وشكشاكه حلواااااااه
جانيت
15-07-2010, 07:35 AM
ياخ والله العظيم إنت مسحور
لو قلت ليك مابتصدق .. إني حالياً في نفس الشارع ده (شارع المك نمر) واقفة بتفرج في نفس المشهد
بالجد صباح جميل وشكشاكه حلواااااااه


واااااااااااااااااااااي من الجو الخرافي بث يابت يا ايات
خشي لي جو شوية عشان ما يجيك برد

تقومي تشوفي الجو الخرافي ده من شارع الحوادث

مش برضو تاني شارع من هنا :D;)
Hassan Farah
15-07-2010, 07:36 AM
ودا الجو عندنا-- تقلى البيض فوق الحجر والخواجات انطلقوا ملط!!!

http://pilt.delfi.ee/picture/9686469
طارق الحسن محمد
15-07-2010, 07:41 AM
ياخ والله العظيم إنت مسحور
لو قلت ليك مابتصدق .. إني حالياً في نفس الشارع ده (شارع المك نمر) واقفة بتفرج في نفس المشهد
بالجد صباح جميل وشكشاكه حلواااااااه

ايات الصورة دى
جابها ود الزين
فى شهر 5 السنة دى
وصدفة عجيبة
تفتحى البوست دا
وفيهو الصورة دى
وتكونى انت برضو
فى نفس المكان ونفش الجو
يا محاسن الصدف والجمال
انتى المسحورة
ما انا :D :D
طارق الحسن محمد
15-07-2010, 07:43 AM
واااااااااااااااااااااي من الجو الخرافي بث يابت يا ايات
خشي لي جو شوية عشان ما يجيك برد

تقومي تشوفي الجو الخرافي ده من شارع الحوادث

مش برضو تاني شارع من هنا :D;)

جانيت صبحك خير
ورزاز ودعاش
آيات
15-07-2010, 07:43 AM
واااااااااااااااااااااي من الجو الخرافي بث يابت يا ايات
خشي لي جو شوية عشان ما يجيك برد

تقومي تشوفي الجو الخرافي ده من شارع الحوادث

مش برضو تاني شارع من هنا :D;)

هاهاهاه أيوه

بس ماقادرة أقاوم.. وبفتش لي زول أرسله يجيب لي قراصة ..
قال فول قال;)

وإتمنيت لوكنتي معايا

عارفة ياجانيت جني وجن زول يقول لي زرتني مطره ...
ياخ دي أمنقة حاجة
والحاله لو لابسة وردي زيي كده
اما الحب تحت المطر
ده خليه براااااااااااااااه
آيات
15-07-2010, 07:46 AM
ودا الجو عندنا-- تقلى البيض فوق الحجر والخواجات انطلقوا ملط!!!

http://pilt.delfi.ee/picture/9686469

هاهاهاها والله كتلتني بالضحك
وصحي الإيده في النار مازي الإيده في الموية
لأني ماقادرة أتخيل إنو جونا بي نفسياتو دي ممكن يقلب بعد دقيقتين بس
ماشايفنا فرحناين كيف ؟؟
طارق الحسن محمد
15-07-2010, 07:49 AM
[QUOTE=Hassan Farah;252402]ودا الجو عندنا-- تقلى البيض فوق الحجر والخواجات انطلقوا ملط!!!

http://pilt.delfi.ee/picture/9686471/
بيض بالحجر دا
بيض عجيب
اها البيض شفناه
وين الخواجات
;)
:D
تسلم ابو على
آيات
15-07-2010, 07:49 AM
ايات الصورة دى
جابها ود الزين
فى شهر 5 السنة دى
وصدفة عجيبة
تفتحى البوست دا
وفيهو الصورة دى
وتكونى انت برضو
فى نفس المكان ونفش الجو
يا محاسن الصدف والجمال
انتى المسحورة
ما انا :D :D

ويكتمل السحر لو جا أحمد زين ماشي بي هنا هسة
جانيت
15-07-2010, 07:51 AM
جانيت صبحك خير
ورزاز ودعاش

صباحاتك هنا وافراح

جو زي الجو يا طارق


اخخخخخخخ ما تخطف رجلك وتجي تم باقي العقد الفريد في الجو ده
طارق الحسن محمد
15-07-2010, 07:52 AM
هاهاهاه أيوه

بس ماقادرة أقاوم.. وبفتش لي زول أرسله يجيب لي قراصة ..
قال فول قال;)


دا الفطور
ولا بلاش
ويكون دمعة
طماطم بس
صلصتها
ولحمتها ضانى
بج
وشطة حمرا بدكوة
وبصل ابيض
بليمون وشوية شمار اخدر
من فوقو
انعل ابو الجو زاتو
طارق الحسن محمد
15-07-2010, 07:54 AM
صباحاتك هنا وافراح

جو زي الجو يا طارق


اخخخخخخخ ما تخطف رجلك وتجي تم باقي العقد الفريد في الجو ده

الله لينا بى
زى دا
اموووووووت
كمد
وحسرة بس

اخخخخخخخخخخخخخخ
جانيت
15-07-2010, 07:55 AM
هاهاهاه أيوه

بس ماقادرة أقاوم.. وبفتش لي زول أرسله يجيب لي قراصة ..
قال فول قال;)

وإتمنيت لوكنتي معايا

عارفة ياجانيت جني وجن زول يقول لي زرتني مطره ...
ياخ دي أمنقة حاجة
والحاله لو لابسة وردي زيي كده
اما الحب تحت المطر
ده خليه براااااااااااااااه


اخخخخخخ اتمنيت لو كنت جنبك
مع انو قبل فترة كنت قريبة في شارع السيد عبد الرحمن
كان جيتك جاكة وجبت ليك القراصة بوخها يلوي ودمعه حادقة امممممممم



يابت ما تمطقي :D:D

قال مطرة زرتني يابت نحن ما بنصدق المطرة تجي ويحلا لينا المشي تحتها


والعجب لو معاك الهيرو بتاعك كده ياهفسة تمت الناقثة

اها ولو لابسة عنابي زي كده كان عملتي شنو يابت انا مجدعه من الصباح بي الميكب العنابي التقول زفتي بعد شوية ;):D:D

والله نفسي اخش لي دور هندي واديها رقصة تحت المطرة gooodgoood
آيات
15-07-2010, 07:58 AM
ويكتمل السحر لو جا أحمد زين ماشي بي هنا هسة


جانيت قولي حاجة
ياخ .. ولا كوسي لينا الزول ده
آيات
15-07-2010, 08:15 AM
اخخخخخخ اتمنيت لو كنت جنبك
مع انو قبل فترة كنت قريبة في شارع السيد عبد الرحمن
كان جيتك جاكة وجبت ليك القراصة بوخها يلوي ودمعه حادقة امممممممم



يابت ما تمطقي :D:D

قال مطرة زرتني يابت نحن ما بنصدق المطرة تجي ويحلا لينا المشي تحتها


والعجب لو معاك الهيرو بتاعك كده ياهفسة تمت الناقثة

اها ولو لابسة عنابي زي كده كان عملتي شنو يابت انا مجدعه من الصباح بي الميكب العنابي التقول زفتي بعد شوية ;):D:D

والله نفسي اخش لي دور هندي واديها رقصة تحت المطرة gooodgoood
هاهاهها طبعاً إتخيلتك وإنتي لابسة هندي
وجاياني راقصة كداري
يازولة أها القراصة جات ..
تعالي سريع
جانيت
15-07-2010, 08:37 AM
جانيت قولي حاجة
ياخ .. ولا كوسي لينا الزول ده

ياخي هو داير ليه كواسة

ما انتهازي تلقيه بيستفيد من الجو ده اكبر استفادة

طبعا بتلقيهو غاتس ليه في محل ثمك :D:D:D

غايتو هو بيجي بي السيرة ماعارفة يكون خنق شكلو وغلبو الكلام ;):p
جانيت
15-07-2010, 08:39 AM
هاهاهها طبعاً إتخيلتك وإنتي لابسة هندي
وجاياني راقصة كداري
يازولة أها القراصة جات ..
تعالي سريع

هههههه:D:D:D:D


في احلى من الرقصة تحت المطرة
اها انشاء الله براااااااي ارقص :p:p

بس النسعلك الزول الجنبك ده بيحمر لي كده مالو
ما كان قراصة دي
بعدين دي ما المطرة والزيفة البتجوع ديك


كلاااااااام يا القراصة الحارة :D:D
معتصم الطاهر
15-07-2010, 08:43 AM
ما تحندكونا "بالفول " ..
آيات
15-07-2010, 08:50 AM
هههههه:D:D:D:D


في احلى من الرقصة تحت المطرة
اها انشاء الله براااااااي ارقص :p:p

:D:D

اهاها كتلتيني بالضحك

لكن والله ياجانيت إنتي ماسمعوك ناس العربي
ياخ مش زمان درسوكم ساء (سمك) وثاء ثور
ولا شهادة عربية

يازولة صاحبك ده طلع آوت سايد في محلات في محلات الأكل ياخ ده فوال أبو صالح الجنبو ده مابعرفو

ولا بعرف محلات الثمك بس
تعرفي ده بكون بكون سمين من المغثة العليه شكله زول (حِمش)
آيات
15-07-2010, 08:59 AM
ما تحندكونا "بالفول " ..

هاهاها إزيك ياعمو معتصم
هو فول براه ..
معاه قراصة ودمعة وشطة وميلوحة وحاجات كتيييييييييييييرة .. بس لوقومته جيت السودان هسة
عارف أجمل حاجة في الدنيا شنو .. هاها إنه الزول يترك حاجة مهمة جادة .. لي حاجة ممتعة .. وبس
احمد زين
15-07-2010, 09:48 AM
صباحاتكم خريفية
ده جو لمة كروباوية سريعة
تتم في هذه اللحظة اتصالات ماكوكية لنتدبر امر فطور كارب
في حضرتي الآن بابكر عباس (الرويعي)
وفي اتصال من نبراس بتقول ماشة على سمراء
والعمدة عكود موجود (دي كيف ما عارف؟؟؟؟)
وبرضو حا يمشي على سمراء
ويا عوضية سمك جاك بلى:p:p
ومنعول ابو الشغل
درديري كباشي الامين
15-07-2010, 10:16 AM
غايتو بما انه هنا في السعودية عندنا بند الفطور ملغي عليه حانضطر نتغدى فول انا وعباس الشريف وعملناها قبل كدا .. لانه هنا في الرياض في محل فول مشهور يبيع فول في الغدا .. وفول بالسمن البلدي .. تقوم تجري تفتش ليك تلاجة كبيرة تنوم فيها لانه الحرارة فوق ال50
طارق صديق كانديك
15-07-2010, 10:25 AM
صباحاتكم خريفية
ده جو لمة كروباوية سريعة
تتم في هذه اللحظة اتصالات ماكوكية لنتدبر امر فطور كارب
في حضرتي الآن بابكر عباس (الرويعي)
وفي اتصال من نبراس بتقول ماشة على سمراء
والعمدة عكود موجود (دي كيف ما عارف؟؟؟؟)
وبرضو حا يمشي على سمراء
ويا عوضية سمك جاك بلى:p:p
ومنعول ابو الشغل

لو .. بنصرّا .. منو شئ ... صُر لأخوك والشكرة ليك ... !!!:)