اخى المسلم كن ولا تقل

[دوت مجاك]

الاخوة والاخوات بسودانيات
كل سنة وانتم بخير
وان شاء الله السنة الجاى يكون اسرة سودانيات فى منزل واحد بمناسبة عيد الفطر المبارك اعاده الله علينا وعليكم بالخير واليمن والبركات

قبل دخولى فى الموضوع ليعلم من لا يعلم انى اؤمن بالديانة المسيحية كدين ربانى وبالاسلام ايضا

قال تعالى : {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }[56 القصص] ،

احترامى للاسلام كدين جعلنى اكتب هذا الموضوع لكل المسلمين ولا يعني احترامى للاسلام كدين انى احترم كل المسلمين وتصرفات بعضهم وتائد الاغلبية المسلمة لتلك التصرفات من باب (انصر اخاك ....... الخ) لضيق فهمهم بالاسلام الذى هو دينهم
فنصرة الاخوة هو نصحهم عندما يعتدون على الاخرين ونصرهم عند الاعتداء عليهم

على مر السنوات تعرضت لمضايقات كثيرة لازالت عالقة بذهني رغم ان بعضها تعرضت عليها وانا فى سن صغيرة بل فى المرحلة الابتدائية وكان كل امر محطة اقف فيها بالتامل فى الاسلام كدين ومحاولة فهمه اكثر والبحث فيها من مصادرها وليس ممن يخبرونى بما يريدون ويتركون الكثير او يكيفون الاحاديث والايات حسب مصالحههم الدنوية

سادون بعض الامور التى تعرضت لها باسم الاسلام ظنا من هولاء باني سوف اغير دينانتى ولكن تصرفاتهم كانت تبعد كل من يفكر بالاسلام كدين

شوية وبواصل

[دوت مجاك]

(1)
عندما كنت فى المرحلة الابتدائية وتحديدا فى الصف الرابع كنت وحيدا فى الفصل اى الشخص الوحيد الذى يدين بالمسيحية وكان الاستاذ الذى يقوم بتدريس التربية الاسلامية متعصبا تجاه الديانات الاخرى وكان دائما يمنعنى من الخروج من حصته مثلى مثل المسيحين الاخرين فى الفصول الاخرى فى حصص التربية الاسلامية وكان دوما يقول انى سوف ازعج الفصول الباقية عندما اخرج من الحصة
كنت اجلس فى الحصة خوفا من سياطه التى تلهب ظهور الغير حافظين فى الحصة واحيانا كان يتعمد جلدى بدواعى عدم انتباهى فى الحصة او انى اشاهد شئ ما عبر شباك الفصل

تكرر هذا الامر فى النصف الاول من العام وعندما ضاق بى الامر حدثت ابي الذى حولنى الى اخى والذى بدوره لم يكن ولى امرى حتى يقرر ماذا يقرر لى لصغر سنه حسب رائ الاستاذ

بعد زيارة اخى له ازداد عنفه ضدى بل تمادى اكثر مما جعلني اترك المدرسة واصبحت اتغيب من المدرسة بدون علم اسرتى وكان الافضل لى ان يتم جلدى مع الغائبين على ان يتم عقابي بدواعى دينية وبعض الكلمات المسئية والاحاديت والايات التى لم اكن افهمها حينها وهو يجلدنى


فى نهاية الامر

حسم ابي الامر واصبحت حرا فى الدخول او الخروج

هذا الامر لم اتجاوزه حتى اليوم رغم مرور سنين كثيرة

هذا الاستاذ جعل الاسلام فى نظرى دين بطش وظلم

[رأفت ميلاد]

دوك ماجوك تحياتى وكل سنة وأنت طيب
ومشتاقين بعد غيبة

أوافقك هناك من يمارسون الدين بهستيرية مبتورة وهم قلة مثل أستاذك هذا .. لكن الكثيرون يمارسونه عن جهل .. وذلك غرس عميق فى الأذهان بأن من لا يدين بالإسلام فقد كل شيئ .. فتجد من يحبك بصدق ويفاجئك قائلاً "حرام زول زيك يكون كافر ويدخل النار" .. لا يحس لحظة كم أساء إليك .. وهناك نوع .. وهذه حدثت معى .. إنسان يمارس معك كل أنواع المعصيات يأتيك متنبراً "هسة يا كافر مبارينا ونحن عندنا شفيع أنت البخارجك شنو" .. أشياء مرتبطة بجهل غريب مغروس بدون أدنى تفكير .. والمحزن عندما يتميز عليك مثلاً "حرامى" لأنه مسلم ..

كلامى هذا ليس تحريض أو إثارة نعرات دينية .. ولكن المثقفين يجب محاربة هذه الأشياء التى تدعو الى الشقاق .. وهى ليست تديّن بل نعرة عنصرية .. تعريف العنصرية هو شعور الإنسان هو الأفضل .. ولا يتم هذا إلا بإستئصال موجة الهوس علانية بالرفض من المسلمين أنفسهم كما كتبت فى مناسبات أخرى كثيرة ..

عن أستاذك هذا قابلك فى الزمن الخطأ والجميع فى رهبة أو تحت خدر الغزو الجديد .. كتبت من قبل عن أستاذ الأمين "الحمار" الذى ضربنى لأنى نطقت القرآن بخطأ فى "التشكيل" اللغوى .. وأنا عمرى إثناعشر عاماً .. قائلاً "عايز تبوظ لينا دينا" .. وكنت من أميز الطلبة فى مادة التربية الإسلامية .. النتيجة كانت رفته من وزارة التربية والتعليم .. بوصاية من الناظر حسن مصطفى ..
عندما كتبت "الحمار" .. بكسر الحاء .. لم أكن أشتمه بل كانت كنيته بين التلاميذ .. فى أول حصة له أعطانا محاضرة عن الملائكة التى تحوم داخل الفصل أثناء الحصة .. الذى أخافنا بعقليتنا الطفولية .. وتكلم عن عدم إيمانه بعقوبة الجلد ويعتقد من يُجلد ومن يجلد حمار .. بعد أسبوع "تمطى" فينا جلد .. فسارت عليه الحمار :)

عزيزى هذه الممارسات يجب عدم تجاهلها .. والخوض فيها لبترها وهذا لن يسيئ لأى أنسان سوى يعرف دينه ..

قرأت حديثاً لشيخ سعودى وداخل السعودية ينهى عن ظاهرة لعنة الكفار بعد كل صلاة جمعة .. الإنسانية تتجه الى الطريق الصحيح رغم هجمة الهوس الشرسة التى ستنقلب عليهم كما حدث من قبل فى العصور الوسطى عندما تسلط هوس الكنيسة ..
فورتهم هذه مقبرة لهم حفروها بأنفسهم .. قد تكون فائدة للجميع

محبتى

[أبوبكر عباس]

قبل دخولى فى الموضوع ليعلم من لا يعلم انى اؤمن بالديانة المسيحية كدين ربانى وبالاسلام ايضا
العزيز دوت مجاك
كل سنة و انت طيب،،
الكلام الفوق ده ما ببقى كده!!
أنت كمسيحي مؤمن بالمسيحية لا تستطيع في نفس الوقت الإيمان بالإسلام كدين رباني....
المسلم يستطيع أن يقول معكوس كلامك ده:
"انى اؤمن بالديانة الاسلامية كدين ربانى و المسيحية ايضا"

كل المنى لك

[دوت مجاك]

العزيز دوت مجاك
كل سنة و انت طيب،،
الكلام الفوق ده ما ببقى كده!!
أنت كمسيحي مؤمن بالمسيحية لا تستطيع في نفس الوقت الإيمان بالإسلام كدين رباني....
المسلم يستطيع أن يقول معكوس كلامك ده:
"انى اؤمن بالديانة الاسلامية كدين ربانى و المسيحية ايضا"

كل المنى لك

بابكر كيفك
طيب ممكن توريني ليه حرام على حلال على المسلم

[دوت مجاك]

عزيزى هذه الممارسات يجب عدم تجاهلها .. والخوض فيها لبترها وهذا لن يسيئ لأى أنسان سوى يعرف دينه ..

قرأت حديثاً لشيخ سعودى وداخل السعودية ينهى عن ظاهرة لعنة الكفار بعد كل صلاة جمعة .. الإنسانية تتجه الى الطريق الصحيح رغم هجمة الهوس الشرسة التى ستنقلب عليهم كما حدث من قبل فى العصور الوسطى عندما تسلط هوس الكنيسة ..
فورتهم هذه مقبرة لهم حفروها بأنفسهم .. قد تكون فائدة للجميع

محبتى

العزيز رافت ميلاد
والله شمتاقين بجد والله شوق لا يوصف
فعلا لا اريد ان اثير نعرات دينية ولكن تلك الامور ازعجتنب كثيرا

عموما الكبير جاى وراء

[دوت مجاك]

(2)
فى المرحلة المتوسطة لسؤ حظى تعثرت مرة اخرى بمعلم اخر
من نفس النوعية السابقة ولكنه اشد بطشا
كان يتعمد ازلالى امام زملائي كثير رغم انه مدرس تربية اسلامية
وللعلم فى مرحلة لاحقة بعد تخرجي قابلته فى احد الفاليات وكنا فى مجموعة واحدة وتعامل معى كثيرا بحكم نفس المهام ولكنه لم يتذكرنى ولكنى اعرفه جيدا ولم اذكر له الامر احتراما للسن الذى بلغه (فقط)

هذا الاستاذ كان يتعمد الحضور للفصل قبل خروج الاستاذ الذى يبسق

[أبوبكر عباس]

بابكر كيفك
طيب ممكن توريني ليه حرام على حلال على المسلمبخير و عافية و شكرا على السؤال،،
يا دوت لو انت آمنت بالاسلام كدين رباني ما في حاجة بتخليك تكون مسيحي..
إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة..
الكلام بتاعي ما فيهو اي نوع من الاستعلاء..
انت ممكن تقول:
.... ليعلم من لا يعلم انى كمسيحي اؤمن بالديانة المسيحية كدين ربانى و أحترم الاسلام كدين ايضا

[hatim ALi]

بخير و عافية
يا دوت لو انت آمنت بالاسلام كدين رباني ما في حاجة بتخليك تكون مسيحي..
إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة..
الكلام بتاعي ما فيهو اي نوع من الاستعلاء..
انت ممكن تقول:
.... ليعلم من لا يعلم انى كمسيحي اؤمن بالديانة المسيحية كدين ربانى و أحترم الاسلام كدين ايضا

ه
بابكر عباس يا اخوي كل سنة و انتا طيب

عارف انا متابع الموضوع من قبيل و كنتا ما ناوي اتداخل

طيب يا بابكر نمشي حبة حبة اتخيل نفسك باسلامك و تقواك دي بلاقيك واحد (بوذي او هندوسي) يقول ليك نفس كلامك الفوق دا

إذا آمنت ب(البوذية او الهندوسية) كدين رباني تظل تؤمن بالاسلام كدين رباني لكن لا تتبعه لانك آمنت بالنسخة الجديدة

كنتا حترضا ب (الوصاية) دي ؟؟؟
==============

ياخي الرسول عليه افضل الصلاة و السلام كان متزوج بمارية (القبطية)

هل قال لها : (إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة) ؟؟؟؟ّ!!!!

في آية واضحة و صريحة في القرءان : (لكم دينكم و لي دين)

العتبى اخي بابكر

لكن بالغتا مع الاخ دوت

حتى لو افترضنا - جدلاً - انك بتدعوه الى (الاسلام) هل دي الطريقة المناسبة ؟

(ادع الى سبيل ربك بالحكمة و الموعظة الحسنة)

وكل عام و انت بخير - الدنيا عيد يا بابكر

[hatim ALi]

الاخوة والاخوات بسودانيات
كل سنة وانتم بخير
وان شاء الله السنة الجاى يكون اسرة سودانيات فى منزل واحد بمناسبة عيد الفطر المبارك اعاده الله علينا وعليكم بالخير واليمن والبركات


ه
العزيز دوت مجاك

كل عام و انت بالف خير و عافية ، شكراٌ لسودانيات التي جمعتني بك

واصل موضوعك رجاءً

[رأفت ميلاد]

العزيز دوت مجاك
كل سنة و انت طيب،،
الكلام الفوق ده ما ببقى كده!!
أنت كمسيحي مؤمن بالمسيحية لا تستطيع في نفس الوقت الإيمان بالإسلام كدين رباني....
المسلم يستطيع أن يقول معكوس كلامك ده:
"انى اؤمن بالديانة الاسلامية كدين ربانى و المسيحية ايضا"

كل المنى لك
بابكر أنا أدمنت النقة معاك .. معليش يا دوت
تركيبتك معادلة منطقية يا بابكر .. لآن المسيحى لو آمن بالإسلام ديانة لأصبح مسلم .. كمتوالية ومن رفض كفر به .. عكس المسلم الذى يمكنه أخذ الإثنين للترتيب المنطقى ..
ده يا بابكر ما أعيبه على المسلمين .. الحصول المعلوماتى من مصدر واحد .. ويصير مسلمات لا حياد عنها ..
نحن تفكيرنا يختلف .. الدين لدينا إمتداد للبشرية .. و المسيحية نقاط على الحروف ولا إلغاء لغيرها .. أما الدين هو اللوح المكتوب الذى أنزله الله على موسى "الوصايا العشرة" .. ولاحظ إنها وصايا .. وهى لا تتعارض مع كل الأديان وبالأصح الأخلاق .. لأنه بالنسبة لا توجد أديان .. رب واحد .. أرسل رسله عندما ضل العالمين .. وحتى الذين لا تصلهم الرساله وهم يعملون لهم رضاء الله .. وكل هذا مكتوب لدينا ..
يعنى المسلمين الفاضلين الذين يقومون بكل البر والتقوى "حقهم ما ضايع" زينا :)

فأنا يا بابكر أؤمن بالبوزية أيضاً .. بها مكارم الأخلاق

[عبدالعزيز عبدالله]

اخ دوت مجوك تحياتي واحترامي...

كما علقت سابقا في بوست للاخ العزيز روفي... وهو العيب في التطبيق وليس في التشريع...

وربما جاء حكمك علي المسلم لانك اخ مسيحي عايش في وسط معظمه مسلم ...
وايضا هناك من يعاني من المسلمين الذين يعيشون في وسط مسيحي....

مع العلم ان الدين المسيحي دين تسامح ومحبة وإيخاء...

وعند مخاطبة الله عز وجل للرسول الخاتم (صلي الله عليه وسلم): لو كنت فظا غليظ القلب لإنفضوا من حولك...(ص)
فبالتالي هناك بعض التصرفات الفردية الشاذه ... لان الدين الاسلامي امرنا بإحترام اهل الكتاب...
وإذا تمت مضايقتك من هذه الفئة ، فتذكر كم من صاحب فكر شاذ دخل المسجد وقتل المصلين.. وهناك من قام بتكفير المسلمين لانهم لا ينتمون لمذهبهم... ولا تجعل كل المسلمين في مرتبة واحدة مع من قام بمضايقتك....

دوك ماجوك تحياتى وكل سنة وأنت طيب
ومشتاقين بعد غيبة

أوافقك هناك من يمارسون الدين بهستيرية مبتورة وهم قلة مثل أستاذك هذا .. لكن الكثيرون يمارسونه عن جهل .. وذلك غرس عميق فى الأذهان بأن من لا يدين بالإسلام فقد كل شيئ .. فتجد من يحبك بصدق ويفاجئك قائلاً "حرام زول زيك يكون كافر ويدخل النار" .. لا يحس لحظة كم أساء إليك .. وهناك نوع .. وهذه حدثت معى .. إنسان يمارس معك كل أنواع المعصيات يأتيك متنبراً "هسة يا كافر مبارينا ونحن عندنا شفيع أنت البخارجك شنو" .. أشياء مرتبطة بجهل غريب مغروس بدون أدنى تفكير .. والمحزن عندما يتميز عليك مثلاً "حرامى" لأنه مسلم ..

محبتى

عمنا روفي الحبيب...

اراك هنا اخي أو (عمي) رأفت لقد استنكرت هذا الكلام وانت تعلم بأن المسيحيين والاقباط أيضا يرددون هذا القول علي المسلمين.... والدليل علي ذلك تطبيلك ل أرنست (سوداني عجوز) وهو علي حد علمي احد المشايخ عندكم، الذي قالها صراحة في بوست (جئت لأبشر بالمسيحية) في احد المنابر الاخري حيث اعلنها صراحة ان من لا يؤمن بالمسيح خاتم للانبياء لن ينجو من النار... اي ان كل المسلمين في النار؟ فلماذا لم تقوم بالرد عليه؟ وأراك الان تستنكر علينا هذا التعليق الذي من المفترض ان يؤمن به كل مسلم ... بان الذي يعايش الاسلام ويعلم عن الاسلام الكثير (كمنهج وديانة) ولم يؤمن به سوف يدخل النار...

ارجو التوضيح علي ما اسلفت،،،

[أبوبكر عباس]

حاتم و رأفت ميلاد
كيفنكم؟ و إزيكم؟
مداخلاتكم حملن كلامي اكثر مما يجب...
و عاطفيات إن أردتم الدقه...
انا ركزت في مداخلاتي على كلمة الايمان و دين رباني و لم اتحدث تحديدا كمسلم...

با رأفت هل تؤمن بالبوزية بما تحمل كلمة ايمان من معنى؟

[رأفت ميلاد]

عمنا روفي الحبيب...

اراك هنا اخي أو (عمي) رأفت لقد استنكرت هذا الكلام وانت تعلم بأن المسيحيين والاقباط أيضا يرددون هذا القول علي المسلمين.... والدليل علي ذلك تطبيلك ل أرنست (سوداني عجوز) وهو علي حد علمي احد المشايخ عندكم، الذي قالها صراحة في بوست (جئت لأبشر بالمسيحية) في احد المنابر الاخري حيث اعلنها صراحة ان من لا يؤمن بالمسيح خاتم للانبياء لن ينجو من النار... اي ان كل المسلمين في النار؟ فلماذا لم تقوم بالرد عليه؟ وأراك الان تستنكر علينا هذا التعليق الذي من المفترض ان يؤمن به كل مسلم ... بان الذي يعايش الاسلام ويعلم عن الاسلام الكثير (كمنهج وديانة) ولم يؤمن به سوف يدخل النار...

ارجو التوضيح علي ما اسلفت،،،
الفاضلابى ؟!!
لاحولاااا .. قسماً عظماً ما ربطت بيناتكم .. هناك ملبسك قميص وبنطلون وهنا عمة وعزبة .. إمكن من كترت الجلاكين هنا .. وأنا أقول روفى دى ما غريبة على ..
شوف يا عزيز أرجع لآول مداخلتى هناك .. عارضت فكرة البوست .. لأن المقارنة بتجيب الإسفاف والإهانات وده الحاصل فى أصقاع النت .. وجابت ليها إهانات طالت الأنبياء ..
دخلت مرة واحدة فى بورد قبطى حاجة كدة أقباط المهجر فى أمريكا .. هم مصريين .. ودانى القوقل وأنا بفتش آية .. لقيت واحده مسلمة بتلومهم على إهانة رسول الإسلام .. وذكرتم بسماحة الإنجيل .. إتحامقت وسجلت .. وبكل أدب حاورتهم مستدلاً بالإنجيل فى بوست .. خمسة دقايق سحبوه .. نزلت بوست إحتجاج لحق أخوه .. دخلت لقيت نفسى بره ..
يا عزيز أنا ما دخلت هناك إلا معاك .. جدالى معاك كان .. كان من خصوصية إنساجمنا .. رغم رفضى مجادلة الشاب المهذب بدر الدين لشعورى بتصلبه الفكرى الله يغطى عليه ..حصرت نقاشى معك فى كيفية قراءة الإنجيل وعدم أخذ المسلمات النصية ..
تحاشيت الدخول مع أرنست لكن قلت ليك أنت وأنا أعنيه .. بأنى أنجيلى .. وفهمنى الراجل بكل أدب .. حتى "طبطب" علىّ فى آخر مداخلة بعد ما إنت "حمبقت" .. فى قصة كلامى الذى هو ذو معنى عن القسيس الذى لا "يناولنى" .. وطبعاً دى فاتت عليك ..
غايتو يا فاضلابى إتلومت معاى فى كلمة "تطبيلك" دى .. أنا تضايقت فعلاً عندما نزل كلام القس زكريا بطرس .. لم أرد عليه ولكن ريحنى عبد الرحيم عندما فتح بوست عنه وفضيت العندى ..
شوف يا فاضلابى هنا مجوك وأنا أحياناً بنفتح بوستات بما يمس المواطنة .. ما تقلبا لين دين وتزعل وما بنقدر على زعلك .. حاول تتذكر مداخلات زكريا الطاعمة حتى إحترامه لفلسفة الكجور ..
خش معانا فى الحيثيات وما تنط لينا فى الدين .. أنا من ناس مارتن لوثر المطرودين من الكنيسة ولبنة العلمانية .. والأقباط الأرثودكس ناس أرنست وعندى واحدة فى البيت هم الكنيسة الشرقية .. حاجة كدى زى الجبهجية عندكم على أنضف :)

كل سنة وأنت طيب وملومك ما عيدت على لا هنا ولا هناك

[عبدالعزيز عبدالله]

الفاضلابى ؟!!
لاحولاااا .. قسماً عظماً ما ربطت بيناتكم .. هناك ملبسك قميص وبنطلون وهنا عمة وعزبة ..



غايتو يا فاضلابى إتلومت معاى فى كلمة "تطبيلك" دى ..

خش معانا فى الحيثيات وما تنط لينا فى الدين .. أنا من ناس مارتن لوثر المطرودين من الكنيسة ولبنة العلمانية .. والأقباط الأرثودكس ناس أرنست وعندى واحدة فى البيت هم الكنيسة الشرقية .. حاجة كدى زى الجبهجية عندكم على أنضف :)

كل سنة وأنت طيب وملومك ما عيدت على لا هنا ولا هناك


عمنا روفي....
اول شي كل سنة وانت طيب

تاني شي ... انا عبدالعزيز عبدالله ... وعايش في سلطنة عمان... اما الاخ عبدالعزيز فاضلابي شخص اخر عايش في امريكا... وبالمناسبة انا ما تابعت مطولا هذا البوست لاني حسيت ان آرنست حاول التنطيط من بعض الأسئلة ... وختمها بدخول المسلمين الي النار...

اول شي بعتذر عن كلمة (تطبيل) التي اوردتها بما انها اغضبتك... ولكن ورودها كان بسبب الغزل الذي كان بينكم في ذلك البوست... بما يوحي قبولك لكلامة ... وايضا انك لم تستنكر عليه هذا الكلام ورأيتك مستنكر كلام الجماعة الذين ذكرتهم...

تحياتي واحترامي

[رأفت ميلاد]

حاتم و رأفت ميلاد
كيفنكم؟ و إزيكم؟
مداخلاتكم حملن كلامي اكثر مما يجب...
و عاطفيات إن أردتم الدقه...
انا ركزت في مداخلاتي على كلمة الايمان و دين رباني و لم اتحدث تحديدا كمسلم...

شوف يا بابكر إمكن حاتم ولكن ما أنا .. وأنا معاك أصلو ما بكون عاطفى .. وبستمتع "بدرابك" الناشف ده .. بتذكرنى صديقى غازى عبدالرحمن طه .. بتصل بسرعة فى لب الموضوع .. جيتك فى نفس الحتة .. وما تعتقد كلامك ما ريحنى .. فعلاً المسلمين بنطوا بمسلمات قاطعة مهملين الرأى الآخر ولا يسمعوه حتى .. لديهم آيات وأحاديث قاطعة .. الرأى الآخر موجود حتى لو كان خطأ طالما هناك من يعتقد فيه ..

با رأفت هل تؤمن بالبوزية بما تحمل كلمة ايمان من معنى؟
ده سؤال جميل .. بجاوبك بقناعاتى وأوعك تقول لى عاطفى ..
الإيمان قيمة وليس خطوات .. وزى ما قلت ليك الدين الوصايا العشرة .. عن نفسى أنا مدمن تعاليم السيد المسيح .. وهى التتمة كما قال هو .. هذه الأيام أعكف على قراءة كتب محمود محمد طه .. لقد تخطى الرجل العهد القديم الى الجديد .. رغم الإسلام الذى يعلن عن نفسه مراراً وتكراراً بإعترافه بالمسيحية .. لم يتعدى التوراة التى عدل فيها المسيح كثيراً .. ويبدو هذا الذى أدى لتكفيره .. وهو المسلم الوحيد الذى رفض تكفيرنا ..
البوزية تحمل كل معانى الوصايا العشرة فى أخلاقيات الممارسة .. إيمانى بهم لا يعنى ممارسة طقوسهم .. وهذا ما قاله محمود محمد طه عن الصلاة الحركية .. أنا لا أمارسها فى الكنيسة فكيف أمارسها مع البوزين ..
نحن نقول الطريق الى الله بالتوازن والصلاة بالقلب .. ولا ننكر على أحد ممارساته طالما يعتقد إنه يصلى تقرباً الى الله .. ونعتقد أن من يعقلها هو الله ولسنا نحن ..

وقع ليك :)

[hatim ALi]

شوف يا بابكر إمكن حاتم ولكن ما أنا ..

ه
اها يا رأفت نبقى في (الشينة منكورة) :p
انا كلامي مبني على عبارة واضحة ذكرها الاخ بابكر عباس


إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة..


و تراجع عنها - جزئياً - هنا

حاتم و رأفت ميلاد
كيفنكم؟ و إزيكم؟
مداخلاتكم حملن كلامي اكثر مما يجب...
و عاطفيات إن أردتم الدقه...
انا ركزت في مداخلاتي على كلمة الايمان و دين رباني و لم اتحدث تحديدا كمسلم...

با رأفت هل تؤمن بالبوزية بما تحمل كلمة ايمان من معنى؟

و أنا سكتا هنا و ما واصلتا مع بابكر عشان ما نخرب البوست للاخ دوت مجاك اكتر من ماهو خرب

لانو الفكرة العاوز يوصلها ضاعت في التفاصيل الجانبية دي و هي :

الاخوة
قبل دخولى فى الموضوع ليعلم من لا يعلم انى اؤمن بالديانة المسيحية كدين ربانى وبالاسلام ايضا

قال تعالى : {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }[56 القصص] ،

احترامى للاسلام كدين جعلنى اكتب هذا الموضوع لكل المسلمين ولا يعني احترامى للاسلام كدين انى احترم كل المسلمين وتصرفات بعضهم وتائد الاغلبية المسلمة لتلك التصرفات من باب (انصر اخاك ....... الخ) لضيق فهمهم بالاسلام الذى هو دينهم
فنصرة الاخوة هو نصحهم عندما يعتدون على الاخرين ونصرهم عند الاعتداء عليهم

على مر السنوات تعرضت لمضايقات كثيرة لازالت عالقة بذهني رغم ان بعضها تعرضت عليها وانا فى سن صغيرة بل فى المرحلة الابتدائية وكان كل امر محطة اقف فيها بالتامل فى الاسلام كدين ومحاولة فهمه اكثر والبحث فيها من مصادرها وليس ممن يخبرونى بما يريدون ويتركون الكثير او يكيفون الاحاديث والايات حسب مصالحههم الدنوية

سادون بعض الامور التى تعرضت لها باسم الاسلام ظنا من هولاء باني سوف اغير دينانتى ولكن تصرفاتهم كانت تبعد كل من يفكر بالاسلام كدين



انا من البداية ما كنتا عاوز اتداخل من الاساس عشان الموضوع ما يتفرع اكتر

ه
بابكر عباس يا اخوي كل سنة و انتا طيب

عارف انا متابع الموضوع من قبيل و كنتا ما ناوي اتداخل




المهم كدي واصلو و خلونا نقعد في كنبة عزيزي المشاهد احسن لمن يجي دوت يكمل موضوعو

ه

[رأفت ميلاد]

عمنا روفي....
اول شي كل سنة وانت طيب

تاني شي ... انا عبدالعزيز عبدالله ... وعايش في سلطنة عمان... اما الاخ عبدالعزيز فاضلابي شخص اخر عايش في امريكا... وبالمناسبة انا ما تابعت مطولا هذا البوست لاني حسيت ان آرنست حاول التنطيط من بعض الأسئلة ... وختمها بدخول المسلمين الي النار...

اول شي بعتذر عن كلمة (تطبيل) التي اوردتها بما انها اغضبتك... ولكن ورودها كان بسبب الغزل الذي كان بينكم في ذلك البوست... بما يوحي قبولك لكلامة ... وايضا انك لم تستنكر عليه هذا الكلام ورأيتك مستنكر كلام الجماعة الذين ذكرتهم...

تحياتي واحترامي
لكن كده إتدقست تانى :)
ياخى الفاضلابى لا أعزه عليك ولد حلو .. داخلت فى البوست داك فقط معه .. كنت بنط ليه فى الأسألة التقريرية .. أحاول شرح طريقة قراءة الإنجيل كتعاليم ومعانى وليست نصوص ناهية .. لأنقله "لفورمة" النقاش .. ولم أركز معه فى الدين ..
أما الغزل بينى وبين أرنست وصل تلفونات .. وبصراحة الراجل مهذب ونحن "بنختى" المصادمات .. ونبهته بطريقة سلسة قول المسيح "لا تدينوا لكي لا تُدانوا. لأنكم بالدينونة التي بها تَدينون تُدانون. وبالكيل الذي به تكيلون يُكال لكم."
وزى ما قلت ليك ما أهتميت إلا بالفاضلابى .. قلت ليه فى الآخر .. أنت ما داير تجادل أنت داير تثبت "غلاط" فى راسك لأنك رافض تقرأ الإنجيل إلا نصوص جوفاء .. زعل طلعت ما جيت بعد ما إسترضيته

[رأفت ميلاد]

ه
اها يا رأفت نبقى في (الشينة منكورة) :p
انا كلامي مبني على عبارة واضحة ذكرها الاخ بابكر عباس


يا حاتم مافى شينة عشان ننكرا .. أنت لومت الراجل .. لكن أنا غالطو ..
خلى بالك جوك هملا لينا .. الزول لسة عندو خطاب كبير ونطينا عليه .. أخير كلنا نمشى مصاطب جانبية ..:)

[hatim ALi]

يا حاتم مافى شينة عشان ننكرا .. أنت لومت الراجل .. لكن أنا غالطو ..
خلى بالك جوك هملا لينا .. الزول لسة عندو خطاب كبير ونطينا عليه .. أخير كلنا نمشى مصاطب جانبية ..:)

ه
انتا ممكن تغالط ... لكن أنحنا بنلوم - عديل - ولا ناسي كلامك البهناك :)



ولكنى أظل متحيراً لماذا يقف المسلمين على الحياد ومتفرجون ..

انتا بالذات خليك مع جوك عشان (الهجمات المرتدة) goood

أنحنا نرجع للمصاطب الجانبية و نشجع (اللعبة الحلوة) :p

بس قولو لينا (عووووووك) لما (الكاسوري) يبدا

بعيد عنك العبد لله مسجل خطر في سودانيات دي و اسأل (عبد العزيز) دا بوريك

خالد الحاج شوية كدا و حايطلع لي (الكرت الإحمر) اصلوا أنا بلعب (كورة أفريقية) عملاٌ (بأصولي الحقيقية) gooodgoood

ه

[خالد الحاج]

بعيد عنك العبد لله مسجل خطر في سودانيات دي و اسأل (عبد العزيز) دا بوريك

خالد الحاج شوية كدا و حايطلع لي (الكرت الإحمر) اصلوا أنا بلعب (كورة أفريقية) عملاٌ (بأصولي الحقيقية) gooodgoood

ه[/B]

أولا التحية للعزيز دوت مجاك..
أقرأ هذا البوست بمتعة لا متناهية...
سكنت الخرطوم ثلاثة وكان من ضمن شلة الكورة مجموعة من الأقباط أذكر منهم
الصديق جورج فلتاؤوس
وعملت في بيطار وكان جل رفاقي مسيحين وأقباط
سمير بنيوتي
العم غالي
في زواجي وأثناء العقد رأيته يقرأ الفاتحة مع الحضور ..
كان أوقو أوقسدانسيان صديق عزيز يحفظ جزء عمة وتبارك بينما لا أحفظ أنا إلا سور الصلاة
جاءوا جميعا وقرأوا الفاتحة في وفاة الوالد ولم يثير ذلك دهشة الحضور...

هذا هو التعايش الذي رأيته وعايشته (فرست هاند) وهذا هو السودان الذي أحمله بين جوانحي ...
تجربة دوت تجربة شخصية مهمة والرجل يملك شجاعة وثقة ...
أعتبر نفسي خبير في التعايش بين المسلمين والمسيحين لعشرة امتدت سنوات..
أتوق لتكملته ...

همسة لي حاتم:
إزيك يا زول يا زين
مافي زول بينطرد من سودانيات يا حاتم .. هنا "دولة القانون" ...
وأخوك وحياة خوتك لا يملك فيها أكثر منك اللهم إلا بإشرافي الفني
وعندك أمين عام قدم لي إنزار العام الماضي ولو لا أني (ختيت الخمسة في الإتنين) كان وقفني...
إطمئن يا صاحب "الرأي عندي مقدس" فقل ما شئت .

[hatim ALi]

همسة لي حاتم:
إزيك يا زول يا زين
مافي زول بينطرد من سودانيات يا حاتم .. هنا "دولة القانون" ...
وأخوك وحياة خوتك لا يملك فيها أكثر منك اللهم إلا بإشرافي الفني
وعندك أمين عام قدم لي إنزار العام الماضي ولو لا أني (ختيت الخمسة في الإتنين) كان وقفني...
إطمئن يا صاحب "الرأي عندي مقدس" فقل ما شئت .

ه
I know all that (Boss) that's why i registered here from the beginning and the most thing keep me posting my opinions although it might be (strange) or to some extend (odd) - to (some) people - but i believe that freedom of speech has no limits here. Thanks for this clarification Khalid, although everybody knows it, and i was kidding with Ra'fat and trying to draw your attention to say to you Happy Eid

I hope that Mr. Dut will be back soon to continue this topic because really we need hear this stories of him which for sure will be a good material for later discussions , Regards

[أبوبكر عباس]

ده سؤال جميل .. بجاوبك بقناعاتى وأوعك تقول لى عاطفى ..
الإيمان قيمة وليس خطوات .. وزى ما قلت ليك الدين الوصايا العشرة .. عن نفسى أنا مدمن تعاليم السيد المسيح .. وهى التتمة كما قال هو ..
رأفت صباح الخير،،
ما حا أخليك تدور علي...
مفهوم إنو تعاليم المسيح بالنسبة للمسيحيين و المسلميين هي تتمة/زيادة للوصايا العشرة..
لكن تقدر تقول كمسيحي إنو تعاليم الاسلام تتمة للوصايا العشرة و تعاليم المسيح؟

التتمة هل تعني إنو الدين خلاص إكتمل بشكل نهائي؟

يا أخي:
حاتم في مداخلته اتهمني بالفظاظة تجاه أخونا دوت مجاك و أنا داير احكمك في الموضوع ده عشان لو حكمت ليهو طوالى أقوم بالإعتذار لي دوت مجاك و لو حكمت لي يكون "شهد شاهد من أهلها"..

[رأفت ميلاد]

رأفت صباح الخير،،
ما حا أخليك تدور علي...
مفهوم إنو تعاليم المسيح بالنسبة للمسيحيين و المسلميين هي تتمة/زيادة للوصايا العشرة..
لكن تقدر تقول كمسيحي إنو تعاليم الاسلام تتمة للوصايا العشرة و تعاليم المسيح؟

التتمة هل تعني إنو الدين خلاص إكتمل بشكل نهائي؟

صباح الخير يا بابكر
تعرف بتدينى فرصة أسترسل بس ببقى زى المولانات كده .. وأنا أبعد الناس من كده .. وبغالط ليك القساوسة زاتم ..
يا بابكر من وضع الشريعة هو موسى .. وهى تقريباً كانت لبنة الدولة اليهودية .. وهى ليست وحى وتعليمات أمليت عليه .. ولكنها من إجتهاده فى قراءة سيرة الحياة والعبر فى الإنجيل عبر الأزمان .. كما يعرف حالياً "الإجتهاد" .. عندما أتى المسيح قال "لا تظنوا انى جئت لانقض الناموس والانبياء ما جئت لانقض بل لاكمل" .. وتكملته لم تكن مكتوبة أو نقداً .. ولكنها أحداث ككل روايات الإنجيل .. مثل موقفه من الزانية بقوله "من كان منكم بلا خطيئة فليرمها بحجر" .. وكان يستعمل دائماً جملة "سمعتم إنه قيل .. أما أنا أقول لكم" مثل:" سَمِعْتُمْ أَنَّهُ قِيلَ: تُحِبُّ قَرِيبَكَ وَتُبْغِضُ عَدُوَّكَ.وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ،"
هذا هو الحال يا بابكر .. بمعنى أنه لا يوجد دين جديد .. وأن الشريعة إنسانية بضوابط أخلاقية .. وذلك من منطلق تمليك الله الأرض للإنسان .. فقانون الإنسان الذى يعدله لمقضياته المستجدة فهى شريعة لا تخالف الله إلا إذا تخطت الأخلاق ..

يا أخي:
حاتم في مداخلته اتهمني بالفظاظة تجاه أخونا دوت مجاك و أنا داير احكمك في الموضوع ده عشان لو حكمت ليهو طوالى أقوم بالإعتذار لي دوت مجاك و لو حكمت لي يكون "شهد شاهد من أهلها"..
ياخ حاتم ده صحبى مالك داير تورطنى .. نوع مداخلته دى فيها "طبطيب" غير محبب بالنسبة لى .. أنا أرتاح للصراحة والمواجهه زى طريقتك دى .. وما أعتقد دوت محتاج إعتذار .. عندما فتح موضوع مثل هذا يجب أن يكون لديه كل التوقعات .. طريقتك أقصر السبل .. عن نفسى ما شايف فيها فظاظة ..

تحياتى

[hatim ALi]

رأفت صباح الخير،،

يا أخي:
حاتم في مداخلته اتهمني بالفظاظة تجاه أخونا دوت مجاك و أنا داير احكمك في الموضوع ده عشان لو حكمت ليهو طوالى أقوم بالإعتذار لي دوت مجاك و لو حكمت لي يكون "شهد شاهد من أهلها"..

ه

بابكر إزيك

وين (الفظاظة) يا بابكر في الكلام دا ؟؟؟؟؟

انا اتكلمت عن (الوصاية) و تغليب (منهج التفكير) على (الاخر) و دا كلامي راجعو تاني

ه
بابكر عباس يا اخوي كل سنة و انتا طيب

عارف انا متابع الموضوع من قبيل و كنتا ما ناوي اتداخل

طيب يا بابكر نمشي حبة حبة اتخيل نفسك باسلامك و تقواك دي بلاقيك واحد (بوذي او هندوسي) يقول ليك نفس كلامك الفوق دا

إذا آمنت ب(البوذية او الهندوسية) كدين رباني تظل تؤمن بالاسلام كدين رباني لكن لا تتبعه لانك آمنت بالنسخة الجديدة

كنتا حترضا ب (الوصاية) دي ؟؟؟
==============

ياخي الرسول عليه افضل الصلاة و السلام كان متزوج بمارية (القبطية)

هل قال لها : (إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة) ؟؟؟؟ّ!!!!

في آية واضحة و صريحة في القرءان : (لكم دينكم و لي دين)

العتبى اخي بابكر

لكن بالغتا مع الاخ دوت

حتى لو افترضنا - جدلاً - انك بتدعوه الى (الاسلام) هل دي الطريقة المناسبة ؟

(ادع الى سبيل ربك بالحكمة و الموعظة الحسنة)

وكل عام و انت بخير - الدنيا عيد يا بابكر



وحكم رأفت ما بناباهو علا إنتا كدي مهل (دوت) اليكمل كلامو

لأنو الراجل خرج و لم يعد حتى الآن

تحياتي

[رأفت ميلاد]

هوحكم رأفت ما بناباهو [/B] دخلت بعدى بى ثانية :D:D:D

[دوت مجاك]

شباب صباح الخير ليكم كلكم بكمل القصص وبعدها برد ليكم واحد واحد

(3)
احيانا اظن ان السودانيين هم المتعصبين فى الدين اكثر من اللازم وانهم ياخذون ما يدعم مواقفهم وحتى بالخطاء ويتركون الجوانب الاخرى رغم انى استمعت كثيرا لوعاظ وقراءت كتب تفسير عن الاسلام ولكنى لم اجد فيها كل هذا العنف وضيق الافق كما اجده فى الوسط السودانى
ما دعانى اكتب هذه المداخلة انى درست فى خارج السودان فى دولة غالبيتها مسلمة وطيلة الخمسة سنوات التى قضيتها هناك لم يسالنى اى طالب عن ديانتي مطلقا رغم ان الجامعة كانت بها جنسيات مختلفة جدا


بعد عودتى للسودان عملت فى شركة برمجة وكنا سبعة مهندسين كلا حسب تخصصه الدقيق ومر عام وعندما اتى رمضان كنا قد تعاقدنا مع احدى الجامعات الكبرى فكان لزاما علينا ان نعمل حتى ساعة الافطار وبعدها

عندما يحين وقت الصلاة اجلس فى الخلف ويقوم الاخوة بالصلاة ثم نواصل الاحاديث وكان بيننا اخ يستغرب من فعلتي هذا ولكن بعض الحياء يمنعه من سوالى وفى يوم سالنى عن تركي للصلاة

فقلت له انى مسيحي

كانت مفاجاة بالنسبة له
حتى انه اخذ وقت ليرد علي

قال انت شخص محترم ووووووو ..... الخ

بس عيبك انك مسيحي

وبداء فى الوعظ

وكان هذا الامر مستمرا طيلة شهر رمضان وما بعده

وعندما وجد انه بلا ناتج رغم كل احاديثه بداء فى وضع العراقيل امامى واصبح لا يتحدث معى او يشاركنى الطعام

وبما اننا كنا نعمل كفريق كان الامر له اثر على العمل

عاملته بكل برود حتى وصل الامر بيننا الى عراك بالايدى نتيجة استفزازاته المتكررة وترك العمل بعدها مباشرة بدعاوى انه لا يعمل فى شركة بها (كافر) وان المبالغ التى تجنيها الشركة من عملى هو حرام


نواصل

[hatim ALi]

دخلت بعدى بى ثانية :D:D:D

ه
قبضتك :D:D لكنك لقيتك لكن goood الود ابو السريع و كدا

أسمع شايف (دوت مجاك) حايم في حوش (اليهودي) مارك بن زغرب - عليه النكشة - (الفيسبوك)

حنسو يرجع يتم الموضوع دا

لأنو الموضوع بقا ماشي في اتجاه تاني

وأنا عاجبني الاتجاه التاني دا جداً ، لأن نقطة أن الأديان جميعها تدعو في النهاية الى نفس الغاية و الهدف الأسمى و هو الرقي بأخلاق الإنسان و سلوكه و تطوير محتواه الروحي و تشفي حاجته اللامتناهيىة للايمان و (الحب) للاله أياً كان ذلك الإله

و شيخ المتصوفة الأعظم محي الدين ابن عربي كان له أجمل الأبيات في دين (الحب) :

لقد كنت قبل اليوم أنكر صاحبي ... إذا لم يكن ديني إلى دينه داني

لقد صار قلبي قابلاً كل صـورة ... فمرعى لغزلان وديرٌ لرهبان

وبيتٌ لأوثان وكعبةُ طائـــفٍ ... وألواح توراة ومصحفُ قرآنِ

أدين بدين الحبِّ أنّى توجهــت ... ركائبه فالحبُّ ديني وإيماني

__________________

لكن بتمنى إنو يرجع (دوت) و يكمل البداهو (لأنه الموضوع بتاعه دا) من المسكوت عنه وسط (المسلمين)

تحياتي

[hatim ALi]

شباب صباح الخير ليكم كلكم بكمل القصص وبعدها برد ليكم واحد واحد



ه

برضها دخلت بعدك يا دوت بي ثانية بس :D:D

واصل عليك الله و ما تشتغل بينا الشغلة

خلص موضوعك و اناحنا قاعدين

[أبوبكر عباس]

ه بابكر إزيك
وين (الفظاظة) يا بابكر في الكلام دا ؟؟؟؟؟
انا اتكلمت عن (الوصاية) و تغليب (منهج التفكير) على (الاخر) و دا كلامي راجعو تاني
انا قلت انت إتهمتني بالفظاظة...
التهمة دي انا إستنتجتها من كلامك التحت دهه
لكن بالغتا مع الاخ دوت
حتى لو افترضنا - جدلاً - انك بتدعوه الى (الاسلام) هل دي الطريقة المناسبة ؟
(ادع الى سبيل ربك بالحكمة و الموعظة الحسنة)
وكل عام و انت بخير - الدنيا عيد يا بابكر

[hatim ALi]

انا قلت انت إتهمتني بالفظاظة...
التهمة دي انا إستنتجتها من كلامك التحت ده

ه
السيد بابكر عباس

لست مسئولاُ عن استنتاجك

عبارتي كانت واضحة ولا توجد أية إشارة الى (الفظاظة) في لفظها أو (محتواهها) و هي دعوة الى (العقلانية) و (الموضوعية) و التحلى ب(روح) الاسلام الذي (تبشر) به هنا.

خصماٌ على (الموضوعية) كان ردي هذا و سيكون (الأخير) في هذا الصدد

رجاءً دع الاخ (دوت) يكمل ما بدأه فلسنا هنا في باب (محاكمة نوايا العبارات)

و العفو و العافية

كامل الود

[عابد عقيد]

العزيز دوت مجاك

متابع معاك بشغف وكل ما اقرا ليك مداخلة او مساهمة

بتأمل اكتر في التوقيع بتاعك ووجدت فيهو الرد الناجع لكل التساؤلات .

فالكوزنة سلوك قبل ان تكون انتماء تنظيمي .

ومتين تصفي سما الخرطوم حبيبتنا .


سلام ما يغشاك ضر

[دوت مجاك]

(4)
لى خال ومنذ ان خرجنا لهذه الدنيا وجدناه مسلما وكنا اطفال عندما نسمع صوت الاذان والخال موجود معنا كنا نتسابق لاحضار الابريق للؤضو والمصلاية واحيانا كنا نتشاجر لان فلانا او فلانة سبقنا لاحضار الابريق او المصلاية وفى تلك الفترة وفى اوائل التسعينات كبرنا بما فيه الكفاية لنعرف عن الاديان اكثر هذا الخال والى تاريخ كتابتى هذا السطور لم يدعونى للاسلام يوما وكان سلوكه مع الجميع هو سلوك المسلم الحق الذى فهم الاسلام ورسالته المتسامحة

فى سوق امدرمان عرفني صديق لتاجر كمبيوترات وقطع غيار مستعملة وحينها كنت قد كرهت التوظيف وقررت ان ادخل سوق الله اكبر لان الارزاق بيد الله تعاملنا كثيرا وكان الصدق بيننا واحيانا اكون مدينا له ومرات العكس
فى يوما ما احضر لى شخص كمبيوتر قيم بحق احضره معه من خارج السودان فدلوه لى اتفقت ان ابيع له الحاسوب بمعرفتى وكان من نصيب الاخ المذكور ودفع ثمنها بدون ان يتاكد من محتوياتها جيدا بحكم الثقة واهمل الموضوع وبعد فترة اتى زبون ليكتشف ان هناك خلالا وقطع الخيار غير متوفر بالسوق اتصل بى وبدورى اتصلت بالشخص الذى احضر لى صاحب الحاسوب ليخبرنى ان هذا الشخص غادر السودان فكان على ان اعيد الحاسوب وادفع ثمنه للاخ واخبرته انى اعدت الحاسوب لصاحبه

بعد فترة زارنى ووجد الحاسوب فى محتويات المحل فسالنى عن السبب فاخبرته عن الحاصل

فجاة دخل شخص كان يخاطبنى بكلمة (عبد) وجنوبي حترجع متين ويا حطب النار وهلم جرا من باب الهظار فاستغرب الاخ وعند خروج الاخ سالنى عن ديانتي فاخبرته انى مسيحي

استغرب جدا وشكرنى كثيرا وان صدقى هذا اوامانتي لا تتوفر فى بعض المسلمين فاخبرته اننا فى السوق والسوق راس المال فيها الامانة
سالنى ان كنت ارى الاسلام دين رباني فاجبته بالايجاب ومن ثم دعانى للدخول للاسلام والح على كثيرا فقلت له من باب الكياسة انى سافكر بالموضوع
اصبح كل احاديثنا عن الدين ومرة اخبرنى ان ازوره بالمنزل يوم الجمعة لتناول وجبة الافطار لان هناك موضوع هام يريد محادثتى به
وافقت على الامر رغم ان الفكرة لم تروقنى كثيرا

حضرت فى الموعد وكان الحضور كبيرا بعض الشي تناولنا الافطار وكان الغرفة التى افطرنا فيها خالى من الاثاث فقط بروش ومساند وكل الاحذية ملقاة على باب الغرفة

رويدا رويدا اصبح الحوار ديني وتعمدت عدم الدخول فى نقاشهم لانى اشتممت بعض الامور ولكن كان هناك ذو لحية يتعمد توجيه الاسئلة لى عن الاسلام فاجيبه باقتطاب حتى يفهم الرسالة من عنوانه وعندما ضاق بى الامر قررت الدخول من اوسع الابواب حتى ينتهي الامر سريعا

كنت اتم الاحاديث والايات معهم ان كنت حافظا واعطي رائي كانى مسلم فققررو سريعا فتح الموضوع

اخبرنى الشيخ باننا هناك اليوم فى هذه الغرفة المباركة اجتمعنا عند شيخ فلان لانه حدثنا عن صدقك وامانتك ووووو ..... الخ
لذلك نحن هنا اليوم ندعوك للاسلام واخرج من ركن قصي جلابية وسروال وموس حلاقة وصابون واخبرنى ان اذهب للحمام واحلق واستحم واتطهر حتى اذهب معهم لصلاة الجمعة وبانهم على استعداد للوقوف معى فى حالة وقوق اسرتى ضدى بل يمكنهم ان يوفروا لى مسكن وزوجة ايضا ان اردت

سرد الشيخ بدون ان اقاطعه

بلغ بى الغضب اشده ورغبت ان اغادر فورا ولكنى وجدته شي غير مناسب فى موقف مثل موقفي

واردت ان اقلب الطاولة عليهم

فققرت ان خير وسيلة لاسكاتهم وتطفيشهم هو ان ادعوهم بدورى للمسيحية

رغم انى امهلتهم قرابة الساعتين وتركتهم يتحدثون الا انهم لم يمهلونى عشرة دقائق منذ ان بدات ادعوهم للمسيحية

وغادرو كلهم فغادرت بدورى

وتوقف الاخ عن التعامل معى وقال لى انى احرجته مع شيخ الحلة (لانى لم ادخل الاسلام )

ما اريد قوله هنا

غالبية المسلمين لا يعرفون الكثير عن المسيحية اى شي بل هناك تضارب كبير فالكثيرين يقولون ان المسيحية دين رباني والاكثر يوصفون المسيحين بالكفر

ونعلم جميعا ان الاديان ليس فيها بين بين فاما حرام واما حلال

وايضا ضيق الافق بالاستماع للغير ومعرفة ما يريد قوله وفهمه والرد عليه بالمنطق وذلك اقتناعا بانهم على صواب دوما والاخرين اهل النار

حوار الاديان ان (تعرف , تسمع , ترد) وان كنت لا تعرف ولا تسمع ولا ترد فكيف تريد ان تغيير مفاهيم الاخرين وانت تجهل ماهية الامور التى يؤمن بها فان كان عليك ان تغيير دينه فعليك ان تفهم دينه حتى تاتي له بالبراهين والادلة حتى تبرهن له مواضع الخلل


نواصل

[دوت مجاك]

(5)
فى معسكر الخدمة الوطنية واعنى عزة السودان الثانية كنا باحدث المعسكرات وكان الخطاب الديني هو السائد والاناشيد الدينية الحماسية وكنت حكمدارا عاما للكتيبة وكان هناك مجند يبدو انه من اولاد المصارين البيض شديد لا يقوى على اى شي لا يستطيع الصمود فى الجكة الصباحية ولا فى تمام الساعة التاسعة الذى يمتد حتى اواخر الليل فحنني ولكن من صلاحياتى تعيين ثلاثة نبطشية يوميا بصفة متغيرة ليقوم بتنظيف العنبر وحراسته
ومن باب انسانية قمت بتعيينه نبطشي مستديم فى العنبر طيلة فترة المعسكر وشكرنى على هذا الامر كثيرا

قبل التخرج باسبوعين خففت ادارة المعسكر نظام الجزاءات والطابور واصبح الامر فقط محاضرات دينيه ونوم واكل سمح غير الذى تعودنا عليه وفى يوما ما سمعنا صوت صافرة وتنبيه بان علينا التوجه الى مكان المحاضرات لامر مهم ولا يتثني فى الامر حتى النبطشية وبعد تاكد العسكر بانه ليس هناك مجند لم يحضر اخرج القائد لستة فيها قرابة الثلاثين مجندا وكان اسمى من ضمنهم
خرجنا ووقفنا امام الحشد واذ قام بتطويقنا كمية هائلة من العسكر والشرطة واعنى هنا تطويق مكان المحاضرة كلها وخطاب القائد الحشد بان كل المعسكر متحركة الى غرب النوير وكان حينها المعارك هناك على اشدها
وتم تكليفنا نحن بتوزيع الملابس لعسكرية والنمر والاحذية

كانوا يقوموا بحراسة كل خمسة مجندين من قبل عشرة افراد حتى يستقلوا الدفار وكان الدفارات والشاحانات كثيرة

انتهينا من هذا الامر قرابة الساعة السادسة صباحا

وذهبوا بنا لميس الضباط نمنا ثلاثة ساعات وفجاة صافرة اوقظتنا ونحن نصف نيام خوفا من تطويقنا نحن ايضا

فى تمام الساعة العاشرة حضر معتمد ووالى وبعض الشيوخ ومعهم كاميرات تلفزيونية وصحفيين والقوا على مسامعنا محاضرة باننا حماة الوطن والدين واننا رجال الغد

تسالت فى نفسي كثيرا (من هم الاسود الذين ذهبوا للقتال ام نحن الذين تم اختيارنا لنبقى فى مكيفات الخرطوم)
وحتى تلك اللحظة كنت مستغربا عن السبب وراء بقائي رغم انى مصنف من المتمردين

بعد الانتهاء اخبرنى المجند الذى كنت قد عينته نبطشي مستديم بانه وراء بقائي هنا ردا للجميل وانه ابن فلان وكان بامكانه الجلوس فى المنزل او السفر خارج السودان ويصله بطاقة الاعفاء حتى المنزل ولكنه قرر ان يجرب الصعاب رغم تحذيراته والده

خرجنا معا لنستقل عربة فارهة كانت بانتظاره لمكتب ابيه الشخص المسئول واستقبلني بترحاب شديد وشكرنى على موقفى النبيل مع ابنه وانه لم يتوقع هذا الامر من (جنوبي) ولكن يظهر على ان ود بلد وليس مثل الخيانة امثال جون قرنق ... الخ

حدثني صراحة بانه يستطيع فعل الكثير على وان الازم ابنه لانى خير صديق

تعددت لقائتنا به وفى كل مرة كان ياخذ منحنى الدين وكان يقول بصراحة انى ساكون افضل منه لو دخلت الاسلام فكنت اقول فى سرى (هسع انا اخير منك) لان سلوكه لم يكن يعجبني فكان كثيرا ما يكذب امامنا عندما يتحدث فى جواله


فى اخر لقائتنا اخبرنى باننا اى انا وابنه سوف يتم قبولنا فى جامعة الخرطوم كلية الطب وانى اصبحت بمثابة ابنه فسالته كيف يعرف واننا لم نملاء الاستمارات بعد فقال حرفيا انا (فلان) نسيت ولا شنو

ولكن شرطه ان ادخل الاسلام والتنظيم وبين لى انه ليس متشدد فى دخول التنظيم ولكن من يتنازل عن شئ يتنازل عن كل شئ

حتى لا احرجه قلت انى سازوره فى الاسبوع المقبل لاعطيه رائي ولكن جوابه كان يدل على انه امر وليس طلب وكنت حينها فى ترتيبات الخروج من السودان نهائيا

وداعا بلد فيها الدين مطية والاسود تبقى فى المدن

نواصل الحكي

[دوت مجاك]

خلاصة الامر
حتى لا ارهق عيونكم بكثرة القراءة وارد على المتداخلين

الدين سلوك
السلوك القويم والصحيح هو الدين فى نظرى لان السلوك السوى والانساني هو ما يدعو اليه جميع الاديان فان سلوكك هو الذى يعكس دينك للاخرين ولتضع فى عقلك ان الاخرين يعرفون ديني كما اعرفه فان كان سلوكك جيد ومحترم لهم فانهم يرون فيك دينك
التسامح
تسامحك مع الاخرين هو مصدر قوة لك وعدم التعصب للراى الواحد شي جيد وليس العكس فيجب ان تسمع رائ الاخر كما تريد ان يسمع رائك ايضا فلا يمكن ان تتعصب عندما يدلو برائه ويكون حكمك جاهز عليه فهذا دلالة ان دينك دين تكبيل وليس دين حوار

تعامل مع الاخرين كما هم
كثيرين لا يريدون التعامل مع من يختلف معهم فى الدين ويظنون بهذا التصرف دلالة على ايمانهم القوى وينسون ان الرب لو اراد الجميع على دين واحد لكان وهو مهندس هذا الكون ولكن لحكمته خلقنا على ختلاف الواننا وادياننا ويجب ان نتعائش على هذا الاساس لان من تراه كافرا انت خلقه نفس الرب الذى خلقك فلا يجب عليك ان تقلل من مخلوقات الله فهذا بحد ذاته كفر

[أبوبكر عباس]

(4)
سالنى ان كنت ارى الاسلام دين رباني فاجبته بالايجاب ومن ثم دعانى للدخول للاسلام والح على كثيرا فقلت له من باب الكياسة انى سافكر بالموضوع
العزيز دوت مجاك
تحياتي،،
القصة بتاعة انك مسيحي و تعترف بان الاسلام دين رباني مجهجهاني شوية و شرح رأفت فيهو زوقان و مناورات و هروب بتاعة منتديات...

عليك الله أشرحها لي براحة كده...

النقطة دي يا دوت إنت قاعد تجهجه بيها الناس القاعدين يناقشوك..
بالواضح كده يا دوت انت في بعض الحالات العددتها دي قاعد تدي الناس الحولك رسالة مغلوطة.... بأنك قريب من الاسلام و دي بتخليهم حسب بساطتهم يتعكلتوا فيك و من حبهم فيك دايرنك تنجو، (حسب فهمهم لدينهم) بعد داك الحكاية قاعدة تؤدي لنتائج فيها تعدي على حريتك الدينية....

عندي إحساس ما بقدر أدافع عنو(و عليكم الله ما تعصروني فبهو شديد لانو إحساس)، الاحساس ده يا دوت إنك من كثرة إحتكاكك و مناقشتك للمسلمين أصبحت على معرفة جيده بنفسياتهم و طريقة تفكيرهم و بقيت تنصب ليهم الشراك عشان حابي تقول ليهم: ما بالضرورة الزول يكون مسلم عشان يكون كويس!!...

كل المنى لك

[عبدالعزيز عبدالله]

العزيز دوت مجاك
تحياتي،،
القصة بتاعة انك مسيحي و تعترف بان الاسلام دين رباني مجهجهاني شوية و شرح رأفت فيهو زوقان و مناورات و هروب بتاعة منتديات...

عليك الله أشرحها لي براحة كده...

النقطة دي يا دوت إنت قاعد تجهجه بيها الناس القاعدين يناقشوك..
بالواضح كده يا دوت انت في بعض الحالات العددتها دي قاعد تدي الناس الحولك رسالة مغلوطة.... بأنك قريب من الاسلام و دي بتخليهم حسب بساطتهم يتعكلتوا فيك و من حبهم فيك دايرنك تنجو، (حسب فهمهم لدينهم) بعد داك الحكاية قاعدة تؤدي لنتائج فيها تعدي على حريتك الدينية....

عندي إحساس ما بقدر أدافع عنو(و عليكم الله ما تعصروني فبهو شديد لانو إحساس)، الاحساس ده يا دوت إنك من كثرة إحتكاكك و مناقشتك للمسلمين أصبحت على معرفة جيده بنفسياتهم و طريقة تفكيرهم و بقيت تنصب ليهم الشراك عشان حابي تقول ليهم: ما بالضرورة الزول يكون مسلم عشان يكون كويس!!...

كل المنى لك

الاخ بابكر ...
تحياتي واحترامي...

فعلا وانا اشاركك الرأي هذا حيث ان المسيحية المحرَفه (علي حسب ما علمنا من ديننا) لا تعترف بسيد الخلق اجمعين محمد صلي الله عليه وسلم... وعليه فكل المسيحيين تحتم عليهم ديانتهم عدم الايمان بالإسلام والمسلمين وبالرسول محمد صلي الله عليه وسلم... وإذا اتي مسيحي يشهد بأن الدين الاسلامي دين رباني فهو خارج علي الكنيسة اي خارج عن الملة المسيحية ... ولكن هناك من يتجمل امام الجمهور حتي لا يفقد محبيه...

ولغرابة الامر هناك بعض المثقفاتية من المسلمين تراهم متساهلين في النقاش في هذا الموضوع، وتلك الفئة هي في نفس خانة الخطر علي الاسلام مع رفقائهم المتأسلمين من كيزان او التكفير او اللذين يقولون للاخوة المسيحيين (للاسف انت مسيحي) ...

المهم اخي بابكر نحن امة وسط ... وقول الرسول الكريم (ما شادد الدين منكم إلا وغلبه) والخطاب الرباني للرسول ودعوته لمعاملة الناس باللين (لو كنت فظا غليظ القلب)

نسأل الله الثبات علي الايمان...

اخي دوت...
لا تجعل حكمك علي بعض الجاهلين عام علي كل المسلمين..

[سارة]

الاخ دوت مجاك اسعد الله اوقاتك بكل الخير

طبعا متابعة متابعة شدييدة لما فى هذا البوست اتفق معك فى بعض واخالفك فى بعض

الا ان وجود فطاحلة كبار من ضمن الضيوف يخلينا زى ما قال حاتم نقعد فى مسطبة

جانبية الى حين ميسرة gooodgoood رغم انى ما بحب الدواس الا احيانا نفسى

ادور معاك شكلة كاربة ليها ضل

:p:D

المسلمين خشوم بيوت والمسيحين خشوم بيوت ما حصل لك مؤلم بحق وحقيقة لكن يا دوت

والله انت بس ما محظوظ والله فى مسلمين يشهوك فى الاسلامgooodgoood

بس توقيعك دا عاجبنى

[رأفت ميلاد]

الاخ بابكر ...
تحياتي واحترامي...

فعلا وانا اشاركك الرأي هذا حيث ان المسيحية المحرَفه (علي حسب ما علمنا من ديننا) لا تعترف بسيد الخلق اجمعين محمد صلي الله عليه وسلم... وعليه فكل المسيحيين تحتم عليهم ديانتهم عدم الايمان بالإسلام والمسلمين وبالرسول محمد صلي الله عليه وسلم... وإذا اتي مسيحي يشهد بأن الدين الاسلامي دين رباني فهو خارج علي الكنيسة اي خارج عن الملة المسيحية ... ولكن هناك من يتجمل امام الجمهور حتي لا يفقد محبيه...

ولغرابة الامر هناك بعض المثقفاتية من المسلمين تراهم متساهلين في النقاش في هذا الموضوع، وتلك الفئة هي في نفس خانة الخطر علي الاسلام مع رفقائهم المتأسلمين من كيزان او التكفير او اللذين يقولون للاخوة المسيحيين (للاسف انت مسيحي) ...

المهم اخي بابكر نحن امة وسط ... وقول الرسول الكريم (ما شادد الدين منكم إلا وغلبه) والخطاب الرباني للرسول ودعوته لمعاملة الناس باللين (لو كنت فظا غليظ القلب)

نسأل الله الثبات علي الايمان...

اخي دوت...
لا تجعل حكمك علي بعض الجاهلين عام علي كل المسلمين..

تعرف يا عبد العزيز موافقتك لبابكر غريب شديد .. فوقع كلامه لا علاقة له بوقع كلامك .. هو يخاطب المنطق "حسب منطقه" .. وأنت فى وادى آخر .. كلامك مليئ بالعنصرية الدينية .. والعنصرية خارج المنطق ..
الرجل يتظلم من ممارسات .. تقول له "لا تجعل حكمك علي بعض الجاهلين عام علي كل المسلمين" فى نفس الوقت الذى تسب دينه قائلاً "المسيحية المحرَفه (علي حسب ما علمنا من ديننا)"
ياخى قناعتك لا تسمح ليك بالمجاهرة فى ذلك .. هل تقبلها منه إذا سب دينك وإتهمه بالتزوير ؟

هذا لب طرح توت .. سفه قناعات الآخرين .. رغم مجاهرة الرجل بإحترام دينك ..

الرجل هنا لا يناقش الأديان .. الطرح عن الذين يسيئون للآخرين تفرداً .. لماذا إذاً تعيبون على اليهود وهم يقولون هم شعب الله المختار؟؟

[hatim ALi]

ولغرابة الامر هناك بعض المثقفاتية من المسلمين تراهم متساهلين في النقاش في هذا الموضوع، وتلك الفئة هي في نفس خانة الخطر علي الاسلام مع رفقائهم المتأسلمين من كيزان او التكفير او اللذين يقولون للاخوة المسيحيين (للاسف انت مسيحي) ...


ه
عبد العزيز اولاً بالتبادي كل سنة و انتا طيب

ثانياٌ العيد الجاب الناس ما جابك لينا ليه ؟ مشتاقين ياخي

ثالثاٌ : عارف أنا كنتا ناوي عليك نية (سودة) بسبب كلامك الانا مكوتو فوق دا لكن لمن اتذكرتا حكاية (شكراُ على المشاركة) خليتك goood

رابعاٌ : أشرح لي بالتفصيل خطورة الفئة من المسلمين التي (تراهم متساهلين في النقاش في هذا الموضوع، وتلك الفئة هي في نفس خانة الخطر علي الاسلام مع رفقائهم المتأسلمين) دا موضوع لا يسكت عليه يعني - اصبحنا (والصلاة ع النبي) خطر على الإسلام و المسلمين و ركبتنا في (سرج واحد) مع المتأسلمين - ما بالغتا في دي ياخ :mad: يالهووووووووي goood - ياللهول بالعربي الفصيح :p

أشرح لي - بالتفصيل الممل - مدى خطورتنا - على الاسلام و المسلمين ؟
===============================

خامساٌ : احب أن اشرح لك نقطة بسيطة أن الاسلام ليس طبعة واحدة او نسخة واحدة هي تصورك (الشخصي) له مبنية على رؤيتك المستقاة من خلفيتك (الدينية) و ربما (الاجتماعية) او (السياسية) احياناُ ، الاسلام واسع و مجال الاجتهاد فيه مفتوح

والاسلام بنظري - البسيط - هو مجموعة قواعد رائعة للسمو و تطهير روح الانسان من الحقد و الكره و الحسد ، ليحب مخلوقات الله ، و يعرج بروحه في عتبات السمو في حب الذات الاهية علها تعرج اليها (ذاته) في محرابها لتشرب من كأس الوصل و تنهل من طعم القرب

الاسلام محبة ، و الماعندو محبة ما عندو الحبة ، النجيب ليك كلام شيخي ابن عربي :

ه
أن الأديان جميعها تدعو في النهاية الى نفس الغاية و الهدف الأسمى و هو الرقي بأخلاق الإنسان و سلوكه و تطوير محتواه الروحي و تشفي حاجته اللامتناهيىة للايمان و (الحب) للاله أياً كان ذلك الإله

و شيخ المتصوفة الأعظم محي الدين ابن عربي كان له أجمل الأبيات في دين (الحب) :

لقد كنت قبل اليوم أنكر صاحبي ... إذا لم يكن ديني إلى دينه داني

لقد صار قلبي قابلاً كل صـورة ... فمرعى لغزلان وديرٌ لرهبان

وبيتٌ لأوثان وكعبةُ طائـــفٍ ... وألواح توراة ومصحفُ قرآنِ

أدين بدين الحبِّ أنّى توجهــت ... ركائبه فالحبُّ ديني وإيماني


سادساً : ارجو ان لا تفتي في (اسلامي) انا ذاتي بناءً على ما تقدم اعلاه

كامل الود

[عبدالعزيز عبدالله]

تعرف يا عبد العزيز موافقتك لبابكر غريب شديد .. فوقع كلامه لا علاقة له بوقع كلامك .. هو يخاطب المنطق "حسب منطقه" .. وأنت فى وادى آخر .. كلامك مليئ بالعنصرية الدينية .. والعنصرية خارج المنطق ..
الرجل يتظلم من ممارسات .. تقول له "لا تجعل حكمك علي بعض الجاهلين عام علي كل المسلمين" فى نفس الوقت الذى تسب دينه قائلاً "المسيحية المحرَفه (علي حسب ما علمنا من ديننا)"
ياخى قناعتك لا تسمح ليك بالمجاهرة فى ذلك .. هل تقبلها منه إذا سب دينك وإتهمه بالتزوير ؟

هذا لب طرح توت .. سفه قناعات الآخرين .. رغم مجاهرة الرجل بإحترام دينك ..

الرجل هنا لا يناقش الأديان .. الطرح عن الذين يسيئون للآخرين تفرداً .. لماذا إذاً تعيبون على اليهود وهم يقولون هم شعب الله المختار؟؟

روفي ... رويدا.... ارجو منك الامعان في كلمة (علي حسب ما علمنا من ديننا) وستجد انني هنا تكلمت عن شي خاص بي ووضعت الجملة بين قوسين... ولم اجعل التحريف مطلق ... ولم اجعله ملزما لأي شخص سوي المسلم ... اي بكل تجريد هذا ما هو موجود في ديننا... ولو تريثت قليلا قبل ان تطلق كلمة العنصرية العنصرية الدينية لوجدت انني اوردت ما هو بائن عند المسيحية انه لا يوجد رسول بعد السيد المسيح مطلقا...
واما اذا اتينا لكلمة العنصرية الدينية فإني اقول اخي الكريم اننا لم نفتح بوست يتحدث عن الممارسات الكنسية او المسيحيه او الاخطاء التي ارتكبت في حق المسلمين في المناطق ذات الهيمنة المسيحية ... واننا لم نتكلم عن التجاوزات التي ترتكب في حق المسلمين من قبل المسيحيين... اي انني اري بنفس المقياس ان هذا البوست والبوست الذي سبقته انت لكي توضح ظلم المسلمين من اسقاط حق الميراث في من ترك الاسلام ... عين التعنصر الديني ... حيث اننا مكلفون من بالدعوة للاسلام ... وسبلنا في ذلك (ادعو الي سبيل ربك بالحكمة والموعظة الحسنة)... وعدم الرضا بحرمان من ترك الاسلام ان يرث المسلم اجد فيه تجني علي ركن من اركان الاسلام...
فيا روفي .... ارجو ان تزيح التعصب في النقاش الهادئ ,,, وخلي بالك طويييييييييييييل زي خور ابو حبل... ولو وقفنا علي الكلمة فيما بيننا لم نصل الي شيئ مفيد. بل حنصل لي خور سودانيات...

وانت علي علم ان اكثر المواضيع حساسية هي المواضيع العقائدية... حيث لك قناعاتك التي لم ولن تتماشى معي ولي قناعاتي التي لم ولن تتماشى معك

[عبدالعزيز عبدالله]

ه
عبد العزيز اولاً بالتبادي كل سنة و انتا طيب

ثانياٌ العيد الجاب الناس ما جابك لينا ليه ؟ مشتاقين ياخي

ثالثاٌ : عارف أنا كنتا ناوي عليك نية (سودة) بسبب كلامك الانا مكوتو فوق دا لكن لمن اتذكرتا حكاية (شكراُ على المشاركة) خليتك goood

رابعاٌ : أشرح لي بالتفصيل خطورة الفئة من المسلمين التي (تراهم متساهلين في النقاش في هذا الموضوع، وتلك الفئة هي في نفس خانة الخطر علي الاسلام مع رفقائهم المتأسلمين) دا موضوع لا يسكت عليه يعني - اصبحنا (والصلاة ع النبي) خطر على الإسلام و المسلمين و ركبتنا في (سرج واحد) مع المتأسلمين - ما بالغتا في دي ياخ :mad: يالهووووووووي goood - ياللهول بالعربي الفصيح :p

أشرح لي - بالتفصيل الممل - مدى خطورتنا - على الاسلام و المسلمين ؟
===============================

خامساٌ : احب أن اشرح لك نقطة بسيطة أن الاسلام ليس طبعة واحدة او نسخة واحدة هي تصورك (الشخصي) له مبنية على رؤيتك المستقاة من خلفيتك (الدينية) و ربما (الاجتماعية) او (السياسية) احياناُ ، الاسلام واسع و مجال الاجتهاد فيه مفتوح

والاسلام بنظري - البسيط - هو مجموعة قواعد رائعة للسمو و تطهير روح الانسان من الحقد و الكره و الحسد ، ليحب مخلوقات الله ، و يعرج بروحه في عتبات السمو في حب الذات الاهية علها تعرج اليه في محرابه لتشرب من كأس الوصل و تنهل من طعم القرب

الاسلام محبة ، و الماعندو محبة ما عندو الحبة ، النجيب ليك كلام شيخي ابن عربي :



سادساً : ارجو ان لا تفتي في (اسلامي) انا ذاتي بناءً على ما تقدم اعلاه

كامل الود



اولا: وانت طيب والسنة الجاية عريس ... تاااااااااااااني... علشان تاني ما نلاقيك حايم في النتgooodgoood

ثانيا: ياخ عليك الله عيدنا انحنا في السلطنة كان بعد الناس ... انحنا كان عيدنا يوم الاثنين .. يعني يوم الاحد كنا صايمين فارجو منكم مراعاة فروق الوقت.

ثالثا: شكرا علي المشاركة..... دي دائما عندما اري ان الرد فيه نوع الشوت الضفاري وكورة حتطلع خارج الملعب.

رابعا: حاتم بصراحة ومن خلال متابعاتي لك رأيتك دائما في كل المشاركات تجعل كل كلمة فيها إشارة الي شيئ ما تعتبرها موجهة إليك... (يعني متلقي حجج)goood:D زي حكاية الكديس والفار لما كانو في المركب ... وقام الكديس قال للفار مالك بتكشحني بالتراب .. رد الفار علي الكديس هسة انحنا في الموية التراب حاجيبو من وين... قام الكديس قال للفار علشان فلسفتكم دي انحنا بناكلكم... وهسة الليلة اظن بطنك فايره عليا انا :p لكن انا الليلة ما حاديك فرصة نهائي فيني.....goood

المهم ودون إشارة اليك انت في الموضوع ... مع العلم الكلام كان علي معمم... حيث ان التراخي في بعض الامور والمسايرة او السكوت لمن نجد انه يحاول ضرب بعض الاركان في العقائد تكون سبب ضعف لهذه العقيدة .. وهي بنفس مقدار الضرر للذي يقوم بتكفير الغير او تفجير الكنائس او مثل ما اورد الاخ دوت الكلمة التي قالها له مسلم (للاسف انت مسيحي)...

خامسا: انا لم اتكلم بمنطلق تصور شخصي للإسلام ... بل حصل خلط بسيط حيث انا اتكلم هنا بمنطلق ان الاسلام دين وسطي ليس بالهين او بالغليظ.... فيجب علينا عدم التهاون كما يجب علينا عدم الحدة والغلظ...


اما ابن عربي دا قريت ليهو كتابين...
واحد اسمه العبادلة والتاني 7 مجلدات اسمها الفتوحات المكية... وتخيل ما فهمت اي حاجة منو ... الزول دا كلامو كبار كبار و(روحم الله انسان عرف قدر نفسه).


سادسا: ها زول ها .... ربنا يدينا حسن الختام اجمعين ... مالنا ومال حكمنا علي اسلام التانيين... اها انت معانا ولا مع التانيين؟؟looool

سابعا: لك نفس مقدار الود ..

ثامنا: ياخ انا نعسان وانت كمان يوم السبت عندك شغل... امشي نوم علشان تستعدل ساعتك بعد اجازة العيد وما تتأخر علي المكتب

تاسعا: احلام سعيدة...

[hatim ALi]

رابعا: حاتم بصراحة ومن خلال متابعاتي لك رأيتك دائما في كل المشاركات تجعل كل كلمة فيها إشارة الي شيئ ما تعتبرها موجهة إليك... (يعني متلقي حجج)goood:D زي حكاية الكديس والفار لما كانو في المركب ... وقام الكديس قال للفار مالك بتكشحني بالتراب .. رد الفار علي الكديس هسة انحنا في الموية التراب حاجيبو من وين... قام الكديس قال للفار علشان فلسفتكم دي انحنا بناكلكم... وهسة الليلة اظن بطنك فايره عليا انا :p لكن انا الليلة ما حاديك فرصة نهائي فيني.....goood

المهم ودون إشارة اليك انت في الموضوع ... مع العلم الكلام كان علي معمم... حيث ان التراخي في بعض الامور والمسايرة او السكوت لمن نجد انه يحاول ضرب بعض الاركان في العقائد تكون سبب ضعف لهذه العقيدة .. وهي بنفس مقدار الضرر للذي يقوم بتكفير الغير او تفجير الكنائس او مثل ما اورد الاخ دوت الكلمة التي قالها له مسلم (للاسف انت مسيحي)...

خامسا: انا لم اتكلم بمنطلق تصور شخصي للإسلام ... بل حصل خلط بسيط حيث انا اتكلم هنا بمنطلق ان الاسلام دين وسطي ليس بالهين او بالغليظ.... فيجب علينا عدم التهاون كما يجب علينا عدم الحدة والغلظ...


اما ابن عربي دا قريت ليهو كتابين...
واحد اسمه العبادلة والتاني 7 مجلدات اسمها الفتوحات المكية... وتخيل ما فهمت اي حاجة منو ... الزول دا كلامو كبار كبار و(روحم الله انسان عرف قدر نفسه).


سادسا: ها زول ها .... ربنا يدينا حسن الختام اجمعين ... مالنا ومال حكمنا علي اسلام التانيين... اها انت معانا ولا مع التانيين؟؟looool


ه
نختصر في الكلام لانك ماشي تنوم و كدا ، على فكرة انا بعد شوية ماشي الشغل يعني ما زيك بأجز الجمعة و كدا :(:(

الردود بنفس الترتيب
---------------

(رابعاً - أ): انا ما متلقي حجج لكن الكلام كان عام كان خاص الواحد يرميهو بردلب و لمن يسكوهوا فيهو يبقى ليهو حار ، انا ما متلقي حجج لكن مارق للربا و التلاف gooodgoood و لي فترة مزازي ليك و انتا زايغ لكن الليلة يحلك مني الحلا بلا :p

(رابعاً - ب): ما ملاحظ انك بتقسم هنا في اتهامات مجانية ؟؟؟

(حيث ان التراخي في بعض الامور والمسايرة او السكوت لمن نجد انه يحاول ضرب بعض الاركان في العقائد تكون سبب ضعف لهذه العقيدة )

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دا كلام مردود عليك :
----------------

1- لم يهاجم اي شخص هنا العقيدة (الاسلامية) بل العكس هو الحاصل حيث قمت انت - للاسف - بمهاجمة العقيدة (المسيحية) لمن زعلتا لينا رأفت دا

2- لأنك تعتقد ان الاسلام (ضعيف) و ان العقيدة (الاسلامية) في - خطر- وينبغي الدفاع عنها و هي رؤية - غير متعمقة - في لب ايمان المسلمين بعقيدتهم و بها تعميم مخل يضعف من ثقة المسلمين في اسلامهم

3- لأنك تتعامل مع العقائد و الاديان بفهم (الهلال و المريخ) مين يكسب ؟ و يضم اكبر قدر من اللاعبين و المشجعين و الهتيفة - الاديان اعمق و اشمل من هذه الرؤية الجديرة بازمان الحروب الصليبية


(خامساً-أ): لا اعرف ماهي الوسطية التي تتحدث عنها ؟ افتراضات التهاون و المؤامرة بترجعنا للنقطة (رابعاً- ب ) ، و كيف يكون هناك تسامح و انت تدعو الى عدم التهاون ؟

(خامساً-ب) : ابن عربي دا ياخي راجل لذيذ و ممتع انتا قريت ليهو (الفتوحات المكية) و دا اكبر كتبه ، بس ابن عربي ما بقروهو بي عين (الجسد) يا عبد العزيز يا اخوي ، بيقروهو بي عين (الروح)

على العموم اسمع الفيديو دا عن دين الحب عند ابن عربي فيهو شرح كويس

دين الحب عند محى الدين ابن عربى للدكتور يوسف زيدان
-------------------------------------------
http://video.google.com/videoplay?docid=1846286529190992182#

ودي حبة
Literature
في نفس الموضوع

ه

لقد كنت قبل اليوم أنكر صاحبي ... إذا لم يكن ديني إلى دينه داني

لقد صار قلبي قابلاً كل صـورة ... فمرعى لغزلان وديرٌ لرهبان

وبيتٌ لأوثان وكعبةُ طائـــفٍ ... وألواح توراة ومصحفُ قرآنِ

أدين بدين الحبِّ أنّى توجهــت ... ركائبه فالحبُّ ديني وإيماني

فما سمي القلب إلا من تقلبه، فهو يتنوع بتنوع الواردات عليه ، وتنوع الواردات بتنوع أحـواله ، وتنوع أحواله لتنوع التجليات الإلهية لسره ، وهو الذي كنى عنه الشرع بالتحول والتبدل في الصور .

لهذا السبب تعددت صور القلب عند ابن عربي ، فأصبح مرعى وكنى عن السارحين فيه بالغزلان ، وصارديرا حيث السائحين رهبانا ، وبيت أوثان لما كانت الحقائق المطلوبة للبشر قائمة به ن يعـبدون الله من أجلها فسمى ذلك أوثانا؛ ولما كانت الأرواح العلوية حافة بقلبه جعل قلبه كعبة،ولما حصل من العلوم الموسوية العبرانية جعل قلبه ألواحا، ولما ورث من المعارف المحمدية الكمالية جعله مصحفا فأقامه مقام القرآن للجمع الذي حصل له من مقام أوتيت جوامع الكلم.

” فالعارف المكمل هو من رأى كل معبود مجلى للحق يعبد فيه، ولذلـك سمـوه كلهم إلاها مع اسمه الخاص بحجر أو شجر أو حيوان أو إنسان أو كوكب أو ملك، فهذا اسم الشخصية فيه ، والألوهية مرتبـــــة تخيل العابد له أنها مرتبة معبوده ، وهي على الحقيقة مجلى الحق لصبر هذا العابد الخاص المعتكف على هذا المعبود في هذا المجلى المختص … وأما العارفون بالأمر على ما هو عليه فيظهرون بصور الأفكار لما عبد من الصور لأن مرتبتهم في العلم تعطيهم أن يكونوا بحكم الوقت، لأنهم علموا أن الوقـت مجلى عظيم من مجالي الحق ، يتجى في كل وقت ببعض صفاته: فهم عباد الوقت مع علمهم بأنهم ما عبدوا من تلك الصور أعيانا، وإنما عبدوا الله فيها بحكم سلطان التجلي الذي عرفوه منهم وجهله المنكر الذي لا علم بما تجلى و ستره العارف المكمل من نبي ورسول ووارث عنهما ….”

” فكل إنسان لا يعتقد في أمر ما إلا بحسب ما يتجلى له من معاني الألوهية فيه. وهكذا ، فعابد الشـمس لا يعبد سوى النور الإلهي أو سر التعالي الذي يتجلى له عبرها . كما أن عابد كائن ما مـن كائنات الطبيعة لا يعبد في الحقيقة سوى معنى من معاني الألوهية تجلى له عبر ذلك الكائن . كما أن عابد الإله المنزه لا يعبد سوى سر المطلق الذي لا يتملك عبر شكل أو كائن ما . وعلى العموم، إذا كانت الاعتقادات في جوهرها صورا و تجليات إلهية فإنها لا تضع الإنسان مباشرة أمام الحقيقة الإلهية المتعالية (حقيقة الذات)، وإنما أمام ما يظهر للإنسان المعتقد على انه كذلك. ”

لهذا ميز ابن عربي بين مستويين في مفهوم الدين :

” مستوى ظاهر ويربط فيه الدين بالانقياد، ويقصد بالانقياد الامتثال الكامل لأوامر العقيدة والشريعة، ولذلك يربط بين الدين الانقيادي وبين العادة خصوصا وأن الدين الانقيادي لا ينظر إلى العالم إلا انطلاقا مـن مفهوم القيمة.إنه يوزع العالم إلى ما هو خير وما هو شر ، ما هو فاضل وما هو رذيل ، وعموما، بين المقدس والمدنس، وكل سلطته تقوم على هذا التمييز الذي يضمن بقاءه واستمراره بل وحضوره الشبه التام بين الناس. ولذلك كان اعـتياديا لديهم .”

ومستوى باطن لا يعلمه إلا العارف الصوفي الذي يستبطن حقائق التجلي : وأما سره وباطنه (= الدين ) فإنه تجل في مرآة وجود الحق ( = العالم ) . فلا يعود على الممكنات من الحق إلا ما تعطيه ذواتهم في أحوالهم ، فيختلف التجلي لاختلاف الحال، فيقع الأثر في العبد بحسب ما يكون . ”

إنه تصور يميل إلى وحدة الأديان والمعتقدات ” لا بمعنى خلق معتقد واحد وعام لدى جميع الناس ، ولكـن الإقرار بالتعدد والاختلاف مع إفراغه من كل الصراعات المذهبية ، لأن تعدد العقائد يخفي في ذاته وحدة الألوهية. ”

هكذا عمل ابن عربي ، من خلال الحب ، على استقطاب الأطراف المتباعدة و المتنافرة إلى حد التضاد ، فسلكها مسلك الوحدة . فهو ينظر إلى توزع الأديان واختلافها نظرة معيارية قيمية يميز فيها بين ما هو خير وبين ما هو مستبعد ، بل كل إنسان في نظره عابد للحق مهما كان موضوع عبادته ، فالناس كما يقول الجيلي: “عباد الله على الحقيقة لأجل وجود الحق فيها ، فإن الحق تعالى من حيث ذاته يقتضي أن لا يظهر في شيء إلا ويعبد ذلك الشيء .

وقد ظهر في ذرات الوجود .فمن الناس من عبد الطبائع - وهي أصل العالم- ومنهم من عـبد الكواكب ، ومنهم من عبد المعدن : ومنهم من عبد النار … ولم يبق شيء في الوجود إلا وعبد شيئا من العالم إلا المحمديون (= مصطلح يقصد به المتصوفة الذين لا يتقيدون بعبادة مظهر إلهي دون آخر أي الذين ينفتحون بذواتهم على شمولية الحقيقة ) فإنهم عبدوه من حيث الجمع ، ثم تنزهت عبادتهم عن تعلقها بوجه دون وجه مــــن بـاطــــن وظاهر “.

أدين بدين الحب أنى توجهت

ركائبه فالحب ديني وإيماني

لم يعد الحب عند ابن عربي مجرد انفعال إنساني ولكنه قبل كل شيء حركة وجودية تحكم كل الكائنات على اختلافها “.

وعن الحب صدرنا

وعلى الحب جبلنا

يقول ابن عربي : ” فكانت الحركة التي هي وجود العالم حركة حب (…) فلولا هذه المحبة ما ظهر العالم في عينه .فحركته من العدم إلى الوجود حركة حب الموجد لذلك ولأن العالم أيضا يحب شهود نفسه وجودا كما شهدها ثبوتا . فكانت بكل وجه حركته من العدم الثبوتي إلى الوجود حركة حب من جانب الحق ومن جانبه . فإن الكمال محبوب لذاته (…) فثبت أن الحركة كانت للحب .فما ثم حركة في الكون إلا وهي حبية ″

هكذا يصبح الحب عند ابن عربي هما وجوديا ، إنه الرئة التي يتنفس بها العالم ، لا تستقيم بانعدامه حياة ولا تحلو بدونه . إنه الثابت الأساسي في الكون وجوهر الوجود .فما من شيء في الوجود إلا وقائم على الحب .

المصدر: http://madarate.maktoobblog.com/346346/%D8%A7%D9%84%D8%AD%D8%A8-%D8%B9%D9%86%D8%AF-%D8%A7%D8%A8%D9%86-%D8%B9%D8%B1%D8%A8%D9%8A-%D9%88%D9%88%D8%AD%D8%AF%D8%A9-%D8%A7%D9%84%D8%A3%D8%AF%D9%8A%D8%A7%D9%86/

ه
سادساً : انا مع دين (الحب) انتا معانا ؟ :cool:
ه

[سارة]

حاتم المارق للربا والتلاف كتب
سادساً : انا مع دين (الحب) انتا معانا ؟ ه



حاتم ياخ عليك دينك:p تخت الكورة واطة تخلى دوت يكمل كلامو

ياخ انت فعلا داير ليك بس شكلة وتشبع فيها دافورى:mad: وريناكم محل الشكل

عملت فيها الولد رايحgooodgooodgoood

دوت ياخ والله الموضوع جميل وشيق وما بيستحمل ضحك بس قلنا يباركوها شوية

[hatim ALi]

حاتم المارق للربا والتلاف كتب
ه



حاتم ياخ عليك دينك:p تخت الكورة واطة تخلى دوت يكمل كلامو

ياخ انت فعلا داير ليك بس شكلة وتشبع فيها دافورى:mad: وريناكم محل الشكل

عملت فيها الولد رايحgooodgooodgoood

دوت ياخ والله الموضوع جميل وشيق وما بيستحمل ضحك بس قلنا يباركوها شوية

ه
لوووووووول

سارة الرايحا ليها شكلة جاااااااات
:D:D:D

ابيت ماني مشاكلك

بعدين محل الشكل غميس و (الكتابة) فيهو ما (جاذبة) زي (الوحدة) بقت برضو ما(جاذبة)

هيا النعسانة و صاحية دي (دوت) خلص زمان و اختصرنا كلنا في (ثلاثة) نقاط و قال لينا اخنقوا و فطسوا بعض انا مشتت :D:D

خلاصة الامر
حتى لا ارهق عيونكم بكثرة القراءة وارد على المتداخلين

الدين سلوك
السلوك القويم والصحيح هو الدين فى نظرى لان السلوك السوى والانساني هو ما يدعو اليه جميع الاديان فان سلوكك هو الذى يعكس دينك للاخرين ولتضع فى عقلك ان الاخرين يعرفون ديني كما اعرفه فان كان سلوكك جيد ومحترم لهم فانهم يرون فيك دينك
التسامح
تسامحك مع الاخرين هو مصدر قوة لك وعدم التعصب للراى الواحد شي جيد وليس العكس فيجب ان تسمع رائ الاخر كما تريد ان يسمع رائك ايضا فلا يمكن ان تتعصب عندما يدلو برائه ويكون حكمك جاهز عليه فهذا دلالة ان دينك دين تكبيل وليس دين حوار

تعامل مع الاخرين كما هم
كثيرين لا يريدون التعامل مع من يختلف معهم فى الدين ويظنون بهذا التصرف دلالة على ايمانهم القوى وينسون ان الرب لو اراد الجميع على دين واحد لكان وهو مهندس هذا الكون ولكن لحكمته خلقنا على ختلاف الواننا وادياننا ويجب ان نتعائش على هذا الاساس لان من تراه كافرا انت خلقه نفس الرب الذى خلقك فلا يجب عليك ان تقلل من مخلوقات الله فهذا بحد ذاته كفر

انزلي من القطر دا محطتك جات و فاتت من صفحة 3 gooodgooodgoood

__________

بالجنبة كدا :

دين (الحب) دا كيف معاك ؟

كلوا (فلانتاين) ساكت ;)

[رأفت ميلاد]

روفي ... رويدا.... ارجو منك الامعان في كلمة (علي حسب ما علمنا من ديننا) وستجد انني هنا تكلمت عن شي خاص بي ووضعت الجملة بين قوسين... ولم اجعل التحريف مطلق ... ولم اجعله ملزما لأي شخص سوي المسلم ... اي بكل تجريد هذا ما هو موجود في ديننا... ولو تريثت قليلا قبل ان تطلق كلمة العنصرية العنصرية الدينية لوجدت انني اوردت ما هو بائن عند المسيحية انه لا يوجد رسول بعد السيد المسيح مطلقا...

هنا تؤكد لى نظرية العنصرية .. لأنك هنا لا تخاطب دوت .. بل تخاطب المسلمين بل تحريضهم بعدم نصرة كافر .. وهذا ما نسميه الإرهاب اللفظى .. وهو التلويح بالتكفير لكل صاحب رأى مخالف ..
مما يؤكد حديثى بأن قناعتك الشخصية هذه كما سميتها .. حُشرت حشراً فى البوست .. لا أجد لها معنى سوى تأييد ما سميته "جهلاء" المسلمين ..
لا أمانع فى المجاهرة بتأييدك لهذه الممارسات .. ولكن أحتج على ممارسة اللكيل .. كلنا نعلم رأى الإسلام فى الإنجيل .. مسلمين على مسيحيين .. وتفضل قناعات شخصية وليس إسفاه ولا مدعاة لمبادلة الكيل ..
رغم "جرجرتنا" خارج البوست .. كيف جزمت (انني اوردت ما هو بائن عند المسيحية انه لا يوجد رسول بعد السيد المسيح مطلقا...) .. لا تقول لى أرنست قال لى ..

واما اذا اتينا لكلمة العنصرية الدينية فإني اقول اخي الكريم اننا لم نفتح بوست يتحدث عن الممارسات الكنسية او المسيحيه او الاخطاء التي ارتكبت في حق المسلمين في المناطق ذات الهيمنة المسيحية ... واننا لم نتكلم عن التجاوزات التي ترتكب في حق المسلمين من قبل المسيحيين...
يا عبد العزيز من منعك من فتح بوست بهذا المعنى؟ .. ولماذا تعتقد هذا إهانة للمسيحية ؟ ..
هذا تاريخ كُتبت فيه مجلدات .. وقامت فيه حروب .. تم نقد فترة تسلط الكنيسة وإنحرافها من مسلمين ومسيحيين .. مفكريين أو موثقيين وليس عقائدياً .. وكل الحروب فى العالم تاريخاً سيئاً منذ بدء الخليفة .. ليس فقط الحروب الصليبية .. هنا فى الصفحة الأولى جلب الأخ عصام اليقين مقال دسم بعنوان (البيروقراطية العلمية الحمقاء) (http://sudanyat.org/vb/showthread.php?t=11896) هل قرأته ؟
لا أعتقد الحقائق التاريخية إهانة للعقيدة .. من قريب أو بعيد ..

انني اري بنفس المقياس ان هذا البوست والبوست الذي سبقته انت لكي توضح ظلم المسلمين من اسقاط حق الميراث في من ترك الاسلام ... عين التعنصر الديني ... حيث اننا مكلفون من بالدعوة للاسلام ... وسبلنا في ذلك (ادعو الي سبيل ربك بالحكمة والموعظة الحسنة)... وعدم الرضا بحرمان من ترك الاسلام ان يرث المسلم اجد فيه تجني علي ركن من اركان الاسلام...

يا عزيز البوست السابق أيضاً حرفته أنت قصداً .. تماديت معك أيضاً قصداً .. لأنك وضعتنى فى خانة التهرب .. فجاهرت بخصوصية رأيى فيما بعد ..
ولكنك تجاهلت لب الموضوع .. السطو على أملاك بشهادات وأوراق "مزورة" صادرة من جهات دينية معتمدة من الدولة .. من الذى يهين للإسلام هنا؟ .. أنا أم هم؟
أما سبلك للهداية مكفولة لك .. وتنتشر البعثات التبشيرية الإسلامية أو المسيحية لتغطى الأرض .. فليس هناك من هو مكلف دون غيره .. ليس له هذا دخل فى هدم ركن أو تغييره .. وسوى إقنع من غير دينه أم لم يقتنع به .. يطبق عليه بإختياره فى ترك العقيدة .. وكما قلت لك .. يمكن أن أغير عقيدتى .. وأهب أملاكى أو أبيعها صورياً الى أبنائى .. ولن يهتز الركن .. لكنى أتحدث عن التزوير والنصب والإحتيال وهذا ما غضضت عنه النظر ..

وانت علي علم ان اكثر المواضيع حساسية هي المواضيع العقائدية... حيث لك قناعاتك التي لم ولن تتماشى معي ولي قناعاتي التي لم ولن تتماشى معك
وهذا لب الموضوع الذى نتكلم فيه الآن .. الموضوع المطروح عن حق المواطنة .. وغلفته مداخلتك بنقاش العقيدة .. ما تعرض له دوت مجاك أجد عرضه مهم .. تأليب على هذه الفئة .. ومفيد للذين يرقبون هذه الممارسات بتساهل أن ينتبهوا الى أضرارها على الآخرين .. وهذا هو الطريق الى مجتمع متعافى

تحياتى

[أبوبكر عباس]

الاخ بابكر ...
تحياتي واحترامي...
فعلا وانا اشاركك الرأي هذا حيث ان المسيحية المحرَفه (علي حسب ما علمنا من ديننا) لا تعترف بسيد الخلق اجمعين محمد صلي الله عليه وسلم... وعليه فكل المسيحيين تحتم عليهم ديانتهم عدم الايمان بالإسلام والمسلمين وبالرسول محمد صلي الله عليه وسلم... وإذا اتي مسيحي يشهد بأن الدين الاسلامي دين رباني فهو خارج علي الكنيسة اي خارج عن الملة المسيحية ... ولكن هناك من يتجمل امام الجمهور حتي لا يفقد محبيه.....

العزبز عبد العزبز
[العزيز (1 + عبد)]
تحياتى،،
يا أخي و الله مشاركتك بالرأي في البوست ما بناباها تب...

كون الناس يا عبد العزيز على ديانات سماوية مختلفة و برضو كونهم مختلفين إختلاف جذري داخل الديانة الواحدة، بالطبيعى أي فئة لازم تحمى نفسها بإتهام الاخري بالتحريف أو التزوير..
ببقى لما نجي على إختلاف دياناتنا و مذاهبنا و نقعد عشان نتناقش في مسألة ما....
في الحالة دي موضوع التحريف ما ممكن تطرحو من جانبك كشئ مسلم به ....
لأنك بالطريقة دي بتكون قفلت النقاش قبل ما يبدأ...

[دوت مجاك]

شباب وشابات جمعة مباركة للجميع
بابكر يا اخوى جيتك خلاص ونرد ليك ونريد لكل المتداخلين هناالعزيز دوت مجاك
كل سنة و انت طيب،،
الكلام الفوق ده ما ببقى كده!!
أنت كمسيحي مؤمن بالمسيحية لا تستطيع في نفس الوقت الإيمان بالإسلام كدين رباني....
المسلم يستطيع أن يقول معكوس كلامك ده:
"انى اؤمن بالديانة الاسلامية كدين ربانى و المسيحية ايضا"

كل المنى لك

طيب يا اخوى عشان ما نتلاعب بالمعانى طبعا انت عارف اليقين درجة ارفع من الايمان
يقيني انى على دين صحيح واؤمن بان الاسلام دين رباني
كدة الجملة صحيحة ولا فيها حاجة تانى

[دوت مجاك]

بخير و عافية و شكرا على السؤال،،
يا دوت لو انت آمنت بالاسلام كدين رباني ما في حاجة بتخليك تكون مسيحي..
إذا آمنت بالاسلام كدين رباني تظل تؤمن بالميسحية كدين رباني لكن لا تتبعها لانك آمنت بالنسخة الجديدة..
الكلام بتاعي ما فيهو اي نوع من الاستعلاء..
انت ممكن تقول:
.... ليعلم من لا يعلم انى كمسيحي اؤمن بالديانة المسيحية كدين ربانى و أحترم الاسلام كدين ايضا

بابكر يا اخوى فى اية بتقول فى الاسلام
قال الله تعالى(( ولو كنت فظا غليظ القلب لانفضو من حولك))

صح الكلام دة

[دوت مجاك]

ه
العزيز دوت مجاك

كل عام و انت بالف خير و عافية ، شكراٌ لسودانيات التي جمعتني بك

واصل موضوعك رجاءً
الاخ حاتم على
وكل سنة وانت طيب وكل الاهل والغاليين لديك بالف صحة
انت عارف اعز اصدقائي مش (اصحابي) قابلتهم فى منتديات الحوار
وسودانيات وجميع الموجودين فيها ان اتفقوا معى او اختلفوا يظلون لهم مكانة فى قلبي
وعندما تجدنى فى سودانيات فاعلم انى ابحث عن السكينة والكلام الطيب عندما يضيق بى هموم الدنيا فانها تكون الملجاء الذى اذهب اليهاكن بعافية

[دوت مجاك]

[QUOTE=عبدالعزيز عبدالله;162842]اخ دوت مجوك تحياتي واحترامي...

كما علقت سابقا في بوست للاخ العزيز روفي... وهو العيب في التطبيق وليس في التشريع...

وربما جاء حكمك علي المسلم لانك اخ مسيحي عايش في وسط معظمه مسلم ...
وايضا هناك من يعاني من المسلمين الذين يعيشون في وسط مسيحي....

مع العلم ان الدين المسيحي دين تسامح ومحبة وإيخاء...

وعند مخاطبة الله عز وجل للرسول الخاتم (صلي الله عليه وسلم): لو كنت فظا غليظ القلب لإنفضوا من حولك...(ص)
فبالتالي هناك بعض التصرفات الفردية الشاذه ... لان الدين الاسلامي امرنا بإحترام اهل الكتاب...
وإذا تمت مضايقتك من هذه الفئة ، فتذكر كم من صاحب فكر شاذ دخل المسجد وقتل المصلين.. وهناك من قام بتكفير المسلمين لانهم لا ينتمون لمذهبهم... ولا تجعل كل المسلمين في مرتبة واحدة مع من قام بمضايقتك....


الاخ عبدالعزيز عبدالله
احترامى لك
انا قطعا لا اضع المسلمين فى مرتبة واحدة لذلك قلت فى البداية انى احترم الاسلام كدين ولكن بعض المسلمين يجعلون الاسلام دين غير الذى انزل
ولكن اخى غالبية المسلمين يؤيدون اعمال القتل التى تمارس باسم الاسلام مثلا تنظيم القاعدة والتنظيمات الاسلامية التى تقتل بدعاوى محاربة الكفر وحماية الاسلام نجدهم يقتلون المسلمين انفسهم وجاء فى الاية الكريمة
قوله تعالى : { من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا }
فكيف يستقيم هذا الامر

طالما بدانا الامر دعونا ننهيه بكل مكاشفة
تلك التنظيمات يدعمها المسلمين بل هناك علماء دين وائمة يصرخون فى المنابر يوميا بتائيد تلك الجرائم لان غالبية المسلمين يكيفون الدين على حسب الحاجة مثلا عندما يريد شخص الدخول الى الامتحان يقراء سورة يس او خلافه على حسب الحاجة ربما صفة حميدة ولكن ان تجعل الدين مطية لتحقيق هدف فى لحظته وتبتعد عنه فى كل الايام فهو الشي الذى يجعل الاخرين يفهمون الاسلام خطاء من غير المسلمين

مثال اخر
فى شهر رمضان المعظم
لاحظ فى الشوارع والاسواق والمواصلات العامة الغالبية تشترى كتب دينية وسبح وفى اول ايام العيد يبتعدون عنها لان رمضان انقضي

[دوت مجاك]

أولا التحية للعزيز دوت مجاك..
أقرأ هذا البوست بمتعة لا متناهية...
سكنت الخرطوم ثلاثة وكان من ضمن شلة الكورة مجموعة من الأقباط أذكر منهم
الصديق جورج فلتاؤوس
وعملت في بيطار وكان جل رفاقي مسيحين وأقباط
سمير بنيوتي
العم غالي
في زواجي وأثناء العقد رأيته يقرأ الفاتحة مع الحضور ..
كان أوقو أوقسدانسيان صديق عزيز يحفظ جزء عمة وتبارك بينما لا أحفظ أنا إلا سور الصلاة
جاءوا جميعا وقرأوا الفاتحة في وفاة الوالد ولم يثير ذلك دهشة الحضور...

هذا هو التعايش الذي رأيته وعايشته (فرست هاند) وهذا هو السودان الذي أحمله بين جوانحي ...
تجربة دوت تجربة شخصية مهمة والرجل يملك شجاعة وثقة ...
أعتبر نفسي خبير في التعايش بين المسلمين والمسيحين لعشرة امتدت سنوات..
أتوق لتكملته ...

همسة لي حاتم:
إزيك يا زول يا زين
مافي زول بينطرد من سودانيات يا حاتم .. هنا "دولة القانون" ...
وأخوك وحياة خوتك لا يملك فيها أكثر منك اللهم إلا بإشرافي الفني
وعندك أمين عام قدم لي إنزار العام الماضي ولو لا أني (ختيت الخمسة في الإتنين) كان وقفني...
إطمئن يا صاحب "الرأي عندي مقدس" فقل ما شئت .

العزيز خالد الحاج
وكل سنة وانت طيب
زى ما قلت طبعا دة تجربة شخصية مرت بى على مر السنين وامكن لقدام يلاقينى والتعائيش بين المسلمين والمسيحين فى السودان سمح شديد وبدون كذب ومبالغة عندى صحبي بيمشي معاى الكنيسة عديل رغم انه فى يوم ما قال لى خش الاسلام ولا انا قلت ليهو ما دام انت بتمشي معاى الكنيسة خش المسيحية لانه دة حاجة بينه وبين ربه
كنت بتعقد منه وبفتكر دة فيها حقارة لكن قبل اشهر طلبت منى اخت مسلمة انها عايزة تشاركنى الصلاة الليلة كان الكلام دة فى احد الاعياد استغربت طبعا بس قلت ليها مرحب فى الصباح نويت امشي بدونها ضربت لى ومشيت سقتها معاى وتعدد المشاركات وانا عادجى لمن امشي بكاء بتاع مسلمين بشيل الفاتحة عادى

بس حقو فى حتات الزول ما يدخل يها بعنف ما لم الزول يطلب

شكرا لمداخلتك يا بوس

[دوت مجاك]

العزيز دوت مجاك
تحياتي،،
القصة بتاعة انك مسيحي و تعترف بان الاسلام دين رباني مجهجهاني شوية و شرح رأفت فيهو زوقان و مناورات و هروب بتاعة منتديات...

عليك الله أشرحها لي براحة كده...

النقطة دي يا دوت إنت قاعد تجهجه بيها الناس القاعدين يناقشوك..
بالواضح كده يا دوت انت في بعض الحالات العددتها دي قاعد تدي الناس الحولك رسالة مغلوطة.... بأنك قريب من الاسلام و دي بتخليهم حسب بساطتهم يتعكلتوا فيك و من حبهم فيك دايرنك تنجو، (حسب فهمهم لدينهم) بعد داك الحكاية قاعدة تؤدي لنتائج فيها تعدي على حريتك الدينية....

عندي إحساس ما بقدر أدافع عنو(و عليكم الله ما تعصروني فبهو شديد لانو إحساس)، الاحساس ده يا دوت إنك من كثرة إحتكاكك و مناقشتك للمسلمين أصبحت على معرفة جيده بنفسياتهم و طريقة تفكيرهم و بقيت تنصب ليهم الشراك عشان حابي تقول ليهم: ما بالضرورة الزول يكون مسلم عشان يكون كويس!!...

كل المنى لك
العزيز بابكر
طيب انا اشرح ليك حتتة انه مسيحيى وبؤمن بالاسلام كدين رباني
دة اول شئ ناتج من تجاربي السابقة لانه انا فى كل تجربة بقراء عن الاسلام بصورة اكبر عشان اقدر اعرف اكتر واناقش الناس اكتر عن معرفة مش لمجرد النقاش الخارم بارم

الانسان قلبه دليله
انا تاكدت انه الاسلام دين رباني لانه بيدعو للتسامح والحب وبعدين فى حاجات كتيرة فى الاسلام موجودة فى المسيحية (انا عارف دة ما مقنع)
لكن الايمان شئ يتعلق بالقلب اولا واخير يعني مهما جبت لى دلائل وبراهين وانا ما امنت بقلبي ما بقبل كلامك

بس يقينى انه المسيحية هو الدين الذى اريد ان الاقى به ربى

[دوت مجاك]

الاخ دوت مجاك اسعد الله اوقاتك بكل الخير

طبعا متابعة متابعة شدييدة لما فى هذا البوست اتفق معك فى بعض واخالفك فى بعض

الا ان وجود فطاحلة كبار من ضمن الضيوف يخلينا زى ما قال حاتم نقعد فى مسطبة

جانبية الى حين ميسرة gooodgoood رغم انى ما بحب الدواس الا احيانا نفسى

ادور معاك شكلة كاربة ليها ضل

:p:D

المسلمين خشوم بيوت والمسيحين خشوم بيوت ما حصل لك مؤلم بحق وحقيقة لكن يا دوت

والله انت بس ما محظوظ والله فى مسلمين يشهوك فى الاسلامgooodgoood

بس توقيعك دا عاجبنى

الاخت سارة
كل سنة وانتى طيبة
يديكى العافية والله لا جاب الدواس
فعلا المسلمين خشم بيوت وبعرف مسلمين كتار جدا فيهم الخير والبركة حتى ان تعليميى لو لا اخت مسلمة لما عرفت طريقا للجامعة وكمان فى ارقى جامعات العالم بس فى تصرفات يجب ان نقف عندها ونجعلها واضحة للكل حتى ننتبه لكل من يضايق الاخرين او ليكون طرقنا جيدة فى جذب الاخرين
لعلمك فى فترة التسعينات اى فى فترة حكم الانقاذ كثيرا من المسيحين ادخلوهم الاسلام اجبارا وهنا لا اعنى بالتهديد ولكن بالاغراءات والوعود وخلافه وانا ارى ان هذا الامر ليس صحيحا لتدخل الاخرين فى دينك بهذه الطريقة وقطعا معظمهم دخول لتحسين ظروفهم وارتدوا بعدها وغالبا من قاموا بهذا الامور يعتقدون ان لهم اجر ولكنهم كذبوا على انفسهم لان الداخلين الجدد دخلو لفترة موقتة لنجوا او لتحقيق امور وليس عن ايمان وكان هذا الامر ممنهج وبتشجيع من الحكومة السودانية

[أبوبكر عباس]

طيب يا اخوى عشان ما نتلاعب بالمعانى طبعا انت عارف اليقين درجة ارفع من الايمان
يقيني انى على دين صحيح واؤمن بان الاسلام دين رباني
كدة الجملة صحيحة ولا فيها حاجة تانى
الأخ/ دوت مجاك
مساء الخير،،
يا أخوي لو انت زول يقين ما عندنا معاك كلام بس نقول ليك: مدد
بابكر يا اخوى فى اية بتقول فى الاسلام
قال الله تعالى(( و لو كنت فظا غليظ القلب لانفضوا من حولك))
صح الكلام دة
صحيح ده جزء من آية من سورة آل عمران..
يا أخوي بعتذر على الغلظة الغير مقصودة، لكن ده ما بعفيك من الإجابة!

[دوت مجاك]

طيب يا حلوين نجي نقول


عمنا رافت ميلاد
طبعا انت ما قصرت تب وعارفك كلو كلو ما بتقصر
وبقية الشباب برضو

فى فى شي مهم قلت اخلى فى الاخر

الناس البتقول المسيحية محرف عشان ما يكون كلام والسلام الزول بيقول المسيحية محرف فى واحد واثنين وثلاثة
زى ما انا هسع كنت بستند لايات من القران

انت برضو قول لى المسيحية محرف فى كدة وفى كدة والشي دة محذوف والتحريف دة من كدة لكدة


وفى حاجة لازم اى زول يعرفه وما يتعصب ساى
انا لمن قلت انى اؤمن بالاسلام كدين رباني او انى احترمه دة ما كان خوف من اى كائن كان
بل هو قناعاتى الشخصية توصلت اليه عن اطلاع عن الديانة الاسلامية وان كنت لا تعرف شئيا عن المسيحية او لم تتطلع عليه فهذا ذنبك وليس ذنبي انا اعرف دينك جيدا لذلك استطيع مناقشتك بصدر رحب واحترام

اما اذا اردت مناقشتي ومجاراتي بالحقائق فلك ان تعرف عن المسيحية حتى لا تناقشني من باب انى مسلم وغيور على ديني فهذا الامر يجعلك امامى كشخص غير متطلع او باختصار كدة (ما مثقف) ولا قريت كتب (بالبلدى) كدة لان النقاش اساسه المعرفة وان لم اعرف ففي ماذا اناقش وعن اى شي ادافع واستند

غالبة الناس تناقش من باب الحماس ولكننا لسنا فى حرب نحن فى مكان نجتمع فيه ونطرح افكارنا بكل صدق اختلفنا او اتفقنا فى امر قطعا سياتي يوم ونتفق والاختلاف دوما الغالبية تكرهها ولكنى احبها لانها تجعلني اعرف المزيد ليكون سلاحا لى فى الغد واكون قد تعلمت من الاخرين لان الحياة مستمرة وصلاح المعرفة من اقوى الاسلحة

الكثيرين من المسلمين لا يقتربون من الكتاب المقدس وهذا لب المشكلة لانك لن تعرف اى شي فيها وبالتالى تحكم على الاخرين من منظور واحد لانك بالاطلاع عليه وقراته لا يعني انك قد امنت به بل اردت ان تعرف


اسف ان كان حديثي جارحا لاى شخص ولكن احيانا لابد ان نقول الكلام كما هو بدون اكسسوارات


مودتى للجميع بلا فرز

[دوت مجاك]

الأخ/ دوت مجاك
مساء الخير،،
يا أخوي لو انت زول يقين ما عندنا معاك كلام بس نقول ليك: مدد

صحيح ده جزء من آية من سورة آل عمران..
يا أخوي بعتذر على الغلظة الغير مقصودة، لكن ده ما بعفيك من الإجابة!

بابكر يا اخوى
انت مرحب بيك غليظا او حنينا
فى النهاية انحنا فى سودانيات
وسودانيات دى كل الناس فيها اخوانى واخواتى
عشان كدة اخد ارحتك على الاخر
بس الاجابة دة هسع انا بعد دة ماشي بيتنا عشان بكرة السبت والدوام بدرى
بجيك تانى
تصبح على خير واحلام سعيدة

[نسايم]

الاخوة والاخوات بسودانيات
كل سنة وانتم بخير
وان شاء الله السنة الجاى يكون اسرة سودانيات فى منزل واحد بمناسبة عيد الفطر المبارك اعاده الله علينا وعليكم بالخير واليمن والبركات

قبل دخولى فى الموضوع ليعلم من لا يعلم انى اؤمن بالديانة المسيحية كدين ربانى وبالاسلام ايضا

قال تعالى : {إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاء }[56 القصص] ،

احترامى للاسلام كدين جعلنى اكتب هذا الموضوع لكل المسلمين ولا يعني احترامى للاسلام كدين انى احترم كل المسلمين وتصرفات بعضهم وتائد الاغلبية المسلمة لتلك التصرفات من باب (انصر اخاك ....... الخ) لضيق فهمهم بالاسلام الذى هو دينهم
فنصرة الاخوة هو نصحهم عندما يعتدون على الاخرين ونصرهم عند الاعتداء عليهم

على مر السنوات تعرضت لمضايقات كثيرة لازالت عالقة بذهني رغم ان بعضها تعرضت عليها وانا فى سن صغيرة بل فى المرحلة الابتدائية وكان كل امر محطة اقف فيها بالتامل فى الاسلام كدين ومحاولة فهمه اكثر والبحث فيها من مصادرها وليس ممن يخبرونى بما يريدون ويتركون الكثير او يكيفون الاحاديث والايات حسب مصالحههم الدنوية

سادون بعض الامور التى تعرضت لها باسم الاسلام ظنا من هولاء باني سوف اغير دينانتى ولكن تصرفاتهم كانت تبعد كل من يفكر بالاسلام كدين

شوية وبواصل
دوت يا راقي
جد فاقدنك وكل سنة وانت بخير
اولا احب اوضح المعنى بتاع الحديث الشريف (انصر اخاك ظالما او مظلوما )
لما قريت الحديث تسألت كيف تكون نصرة الظلام والاسلام عادل لحدي ما اتفسر لي الحديث النصرة بي ارجاعة عن ظلمه ونصحه وارشاده
نرجع لي الموضوع كويس انك بي زوقك وفهمك االجميل فصلت الدين كتعاليم واسس وفقه عن من يتدينون به
عارف الدين دا بيشبه المنبع الصافي كل يغرف منه ويشرب بي طريقته ولا يسؤ المنبع ولا يقلل من نقائه ان كان هنالك من لا يجيد الشرب او يؤذي من يشرب
انا دايما بقول انو العدو الاول للاسلام هم المسلمين انفسهم بفهمهم الضعيف وعدم قدرتهم قراءة ما وراء السطور فكنانو عمي البصيرة لم تستوعب عقولهم المعنى الروحى والحميل للدين
جعلوه سياطا يجلدون بها الغير وانفسهم وقلوبهم المريضة ارتدوها احزمة ناسفة فجرو بها الدين والانسانية
عارف سمعت قصة العذراء السيدة مريم وابكانى كربها والمنى الظلم الذي لحق بها
وافرحنى نطق المسيح ليبرء امه تمنيت كل النساء مريم يملاءهن اليقين تمنين انا ان احمل اسم مريم
نماذجك لا شك مؤلمة ونمازجي عن المسيحيين جميلة مضيئة لانى درست كل مراحلي في مدارس مسيحية ولم اؤذي او احارب في ديني بل ساعدونى لكي اجد الاسلام الحق
اسلام القلب وليس اللسان
دايما في لحظات الشدة ولما احس بي شح الخير ونفاد الحب من العالم يسندعى عقلي
حديث الرسول صلي الله عليه وسلم (الخير في وفي امتى حتى قيام الساعة)
واتذكر المحبة التى قيل بها هذا الحديث فالرسول رسول حب فتسكن روحي
كثر هم من فهمو الدين فهما يتجاوز الجلابية القصيرة والذقن ليفين القلب وسماحة في الكلام
محبه بحجم العالم هم كثر فابحث عنهم وستجدهم

واخيرا

دوت ان لم تكن اخ دين فانت اخ انسانية واخ وطن وانا احبك ويكفي
ولا باس في بعض الاختلاف

[فتحي مسعد حنفي]

كنت أناقش أحد الاصدقاء في بعض أمور الدين وساقنا النقاش الي مسالك وعرة صعب سلوكها دون عثرات..بدأنا الحديث عن اباحة قتل المرتد وهنا مقصود بالمرتد المسلم الذي ترك الاسلام واعتنق المسيحية أو اليهودية..
هذا الصديق يصر علي ان هذا العقاب لم يذكر في القرآن ولا الأحاديث النبوية وواصل في دفاعه عن رأيه بقوله المسلمين والمسيحيين واليهود يعبدون نفس الرب ومن يعبد الرب لا يعتبر مشركا فهو مؤمن يجهر بوحدانية الله وان الله يغفر كل الذنوب الا الشرك به فكيف نقتل شخصا مؤمنا لاختياره طريقا آخرا للوصول الي نفس الرب الذي يؤمن به..
ثم مثل الأديان الثلاثة بثلاثة أسانسيرات في عمارة جميعها تصعد الي الطابق الأخير ولا يهم أي منهم تستقله للوصول الي القمة فالمهم أن تصعد وليست الوسيلة شرطا أساسيا..
كلام زي بتاع السمسمية مش كدا:confused:
كل سنة وكلكم طيبين وضعوا نصب أعينكم: الحلال بين والحرام بين وربنا يهدينا ويهديكم..

[hatim ALi]

كنت أناقش أحد الاصدقاء في بعض أمور الدين وساقنا النقاش الي مسالك وعرة صعب سلوكها دون عثرات..بدأنا الحديث عن اباحة قتل المرتد وهنا مقصود بالمرتد المسلم الذي ترك الاسلام واعتنق المسيحية أو اليهودية..
هذا الصديق يصر علي ان هذا العقاب لم يذكر في القرآن ولا الأحاديث النبوية وواصل في دفاعه عن رأيه بقوله المسلمين والمسيحيين واليهود يعبدون نفس الرب ومن يعبد الرب لا يعتبر مشركا فهو مؤمن يجهر بوحدانية الله وان الله يغفر كل الذنوب الا الشرك به فكيف نقتل شخصا مؤمنا لاختياره طريقا آخرا للوصول الي نفس الرب الذي يؤمن به..
ثم مثل الأديان الثلاثة بثلاثة أسانسيرات في عمارة جميعها تصعد الي الطابق الأخير ولا يهم أي منهم تستقله للوصول الي القمة فالمهم أن تصعد وليست الوسيلة شرطا أساسيا..
كلام زي بتاع السمسمية مش كدا:confused:
كل سنة وكلكم طيبين وضعوا نصب أعينكم: الحلال بين والحرام بين وربنا يهدينا ويهديكم..

ه
الاستاذ فتحي مسعد
كل عام و انت بخير

في البدء لا اعتقد أني من الكفاءة - الشرعية - لافتي في امور مثل (حدالردة) و غيرها من المختلف فيه. غير أني قرأت كثيراٌ ان حد الردة لم يرد في القرءان الكريم ، و بالعودة للقرءان نجد ما يقارب المائة آية تتحدث عن حرية الإعتقاد كمثال فقط :

قوله تعالى: { لا إكراه في الدين قد تبين الرشد من الغي } (البقرة:256)

وقوله تعالى:{ وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاء كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءتْ مُرْتَفَقًا } (الكهف:29)

وقوله تعالى:{ قُلْ يَا أَهْلَ الْكِتَابِ تَعَالَوْاْ إِلَى كَلَمَةٍ سَوَاء بَيْنَنَا وَبَيْنَكُمْ أَلاَّ نَعْبُدَ إِلاَّ اللّهَ وَلاَ نُشْرِكَ بِهِ شَيْئًا وَلاَ يَتَّخِذَ بَعْضُنَا بَعْضاً أَرْبَابًا مِّن دُونِ اللّهِ فَإِن تَوَلَّوْاْ فَقُولُواْ اشْهَدُواْ بِأَنَّا مُسْلِمُونَ } (آل عمران: 64)

وقوله تعالى:{ لكم دينكم ولى دين } (الكافرون: 6)


أما الباحث الإسلامي المصري جمال البنا فلديه رأي في الأحاديث النبوية و ما ورد في القرآن الكريم في موضوع الردة هو :



المفكر الإسلامي "جمال البنا" يرى أن حرية الاعتقاد هي روح الإسلام وأنه لا عقوبة دنيوية للردة، مستشهدا على ذلك بآيات القرآن التي ناقشت هذا الموضوع مثل :

"وَمَن يَرْتَدِدْ مِنْكُمْ عَن دِينِهِ فَيَمُتْ وَهُوَ كَافِرٌ فَأُولَئِكَ حَبِطَتْ أَعْمَالُهُمْ فِي الدُّنْيَا وَالآَخِرَةِ" (البقرة:217 )

وقوله تعالى: "يَا أَيُّهَا الَّذِينَ آمَنُوا إِن تُطِيعُوا الَّذِينَ كَفَرُوا يَرُدُّوكُمْ عَلَى أَعْقَابِكُمْ فَتَنْقَلِبُوا خَاسِرِينَ" (آل عمران: 149)

وقوله تعالى: "يَا أَيُّهَا الَّذِينَ آمَنُوا مَن يَّرْتَدَّ مِنْكُمْ عَن دِينِهِ فَسَوْفَ يَأْتِي اللهُ بِقَوْمٍ يُحِبُّهُمْ وَيُحِبُّونَهُ(المائدة: 54)

وقوله تعالى: "إِنَّ الَّذِينَ ارْتَدُّوا عَلَى أَدْبَارِهِم مِّن بَعْدِ مَا تَبَيَّنَ لَهُمُ الْهُدَى الشَّيْطَانُ سَوَّلَ لَهُمْ وَأَمْلَى لَهُمْ" (محمد: 25).

وهناك آيات أخرى لم تستخدم فعل "ارتد"، ولكنها تضمنت المعنى مثل:

قوله تعالى: "مَن كَفَرَ بِاللهِ مِن بَعْدِ إيمَانِهِ إِلاَّ مَنْ أُكْرِهَ وَقَلْبُهُ مُطْمَئِنٌّ بِالإِيمَانِ وَلَكِن مَّن شَرَحَ بِالْكُفْرِ صَدْرًا فَعَلَيْهِمْ غَضَبٌ مِّنَ اللهِ وَلَهُمْ عَذَابٌ عَظِيمٌ" (النحل: 109).

وقوله تعالى: "وَعَدَ اللهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لاَ يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ" (النور: 55).

وأضاف البنا: هذه الآيات صريحة في إشارتها إلى الردة بعد الإسلام، ومع هذا فلم تُشِر أقل إشارة إلى عذاب دنيوي أو حدّ يوقع على المرتد، كما يوقع على السارق أو القاتل، وإنما كان العقاب المروع المخوف هو غضب الله.

"وهذا ما يتسق مع سياسة وروح القرآن والنصوص الأخرى العديدة فيه، التي بنت الإيمان والاعتقاد على اقتناع الفرد وهدايته دون قسر أو ضغط، وحريته إلى أبعد مدى، وفي ذلك نجد قوله تعالى: "فمَن شَاءَ فَلْيُؤْمِن وَمَن شَاءَ فَلْيَكْفُرْ" (الكهف: 29)."

وأضاف البنا، في حواره مع برنامج إضاءات الذي بث على قناة "العربية" 15-9-2006م ، أن الحديث النبوي "من بدل دينه فاقتلوه" يخالف آيات القرآن الكريم، موضحا أن الرسول لم يعاقب الذين ارتدوا كما أن الخليفة الأول أبو بكر رضي الله عنه لم يحارب الردة و المرتدين نتيجة لخروجهم من الإسلام بل لعدم دفعهم الزكاة و محاربتهم للإسلام.

ثم استطرد البنا: السنة النبوية جزء لا يتجزأ من الإسلام وإننا ننظر إلى الرسول باعتباره المعلّم والمشرّع والمبلّغ الأمين عن الله تعالى وكذلك قائد الأمة الإسلامية الذي وضع أساليب القيادة. لكن الفقهاء لم يعتبروا ما قاله الرسول في بناء المدينة والدولة والحكم تشريعا وتجاهلوا القواعد التي اتبعها في أسلوب الحكم واكتفوا بمسائل العدة والحيض وهذه الأمور، ولو اعتبرت مسائل الحكم جوهر التشريع لما استطاع معاوية أن يقضي على الخلافة.
.



أما الأحاديث التي تواترت عن الرسول صلى الله عليه و سلم في شأن الردة فقد خلص المفكر الاسلامي البارز طه جابر العلواني المتخصص في الفقه الاسلامي ورئيس جامعة قرطبة في ولاية فيرجينيا الأمريكية في كتاب أصدره حديثا عن حكم الردة الى أن : "القرآن خال من حد الردة عن الاسلام وحديث الرسول عن الردة مرتبط بواقعة حصلت آنذاك ولم يعاقب أحدا من المرتدين".

ه


حد الردة
------

يقول العلواني وهو من أصل عراقي، إن القرآن خال من حد الردة القول بوجوب قتل المسلم إذا اعتنق دينا آخر استنادا إلى حديث الرسول "من بدل دينه فاقتلوه". إلا أنه يعلق على هذا الحديث في كتابه، ويقول لـ"العربية.نت": هذا الحديث هو رد فعل من الرسول لما ورد في الآية الكريمة من سورة آل عمران " وقالت طائفة من أهل الكتاب آمنوا بالذي أنزل على الذين آمنوا وجه النهار واكفروا آخره لعلهم يرجعون، ولا تؤمنوا إلا لمن تبع دينكم.." .

واليهود عملوا مؤامرة للاختراق الداخلي وتفتيت صفوف المسلمين عبر الطلب إلى البعض منهم الدخول إلى الاسلام في الصباح مثلا وبعد فترة يعلن هؤلاء اكتشاف أن هذا الدين غير سليم وغير صادق ولمواجهة هذا الاختراق قال الرسول من بدل يدنه يقتل ليحول دون هذا".

ويضيف : "من" تفيد العموم، و"دين" لفظ نكرة تضاف إلى ضمير و تفيد العموم، والحديث يفيد أي شخص وأي دين وهذا يعني من يبدل دينه من اليهودية إلى الاسلام أو بالعكس أو من المسيحية إلى الاسلام والعكس ممنوع. والقرآن مطلق أما الأحاديث نسبية تتعلق بالوقائع التي كانت في عصر النبوة.

وتحدث العلواني في فصل من كتابه عن أن عهد الرسول خلا من أي عقوبة لمرتدين، وقال للعربية.نت: "في عهد النبي ارتد أناس بعد حادثة الاسراء ولم يعاقبهم الرسول وقد يقال هذا حصل في العهد المكي ولكن في العهد المدني أيضا دخل منافقون إلى الاسلام ونافقوا ومنهم عبد بن أبي بن سلول الذي سمي زعيم المنافقين وعرض الصحابة على الرسول قتله ورفض ذلك كما صلى عليه عندما توفي، ولو كان عليه حد لكان قتله".

حديث الرسول وُظف سياسيا
--------------------

وتحت عنوان (كيف حدث الخلط بين الديني والسياسي..) ، يشرح سياق ما عرف في التاريخ الاسلامي بحروب الردة في عهد الخليفة أبي بكر الصديق الذي تولى الحكم بعد وفاة النبي حيث امتنعت بعض القبائل في الجزيرة العربية عن دفع الزكاة. ويرى العلواني أن السياسي اختلط بالديني في تلك الحروب.

وأوضح للعربية.نت إن "الحكام عبر التاريخ الاسلامي حاولوا أن يستغلوا حديث الردة للتخلص من الكثير من العلماء الذين اتهموا بالردة وقطعت أعناقهم بهذه التهمة وهم علماء مثل الخزاعي وأبو حيان التوحيدي والحقيقة أنهم معارضون سياسيون".

وتابع العلواني "ومن حالات تطبيق حد الردة في العصر الحديث، الدعوى التي اقيمت على نصر حامد أبو زيد ونوال السعداوي وفرج فودة وآخرين ووجهت إليهم تهمة الردة بتهمة أنهم أن سخروا من بعض المستقرات الثابتة وأنا لا أرى أن هؤلاء يستحقون هذا الحكم لمجرد لما أدلو به من كلام. وفي العراق صدرت فتاوى من السيد محسين الحكيم إمام الشيعة في الخمسينات تفتي بكفر الشيوعيين وبوجوب قتلهم" .

لماذا هذا الكتاب ؟
-------------

ويوضح طه العلواني أن ميزة كتابه عن أي كتاب آخر في هذا الموضوع بالقول" لم أنطلق من منطلقات ليبرالية أو خضوعا للفكر الغربي المطروح وإنما انطلقت من التراث نفسه أي قمت بعملية مراجعة للتراث من داخله وبآلياته ومناهجه ووصلت إلى نتيجة أفضل من النتائج الذي يصل إليها الليبرالي . أنا قلت إنني ابن تراثي الاسلامي وأنه يجب علي أن أراجعه لأن فيه أشياء كثيرة اتسمت بالزمانية والنسبية وعلي أن أفرق بين الثوابت والمتغيرات وبين المطلق وبين النسبي".

مؤلف الكتاب طه العلواني مولود في العراق عام 1935 ودرس الشريعة والقانون بجامعة الازهر بالقاهرة ومنها حصل عام 1973 على درجة الدكتوراه في أصول الفقه ثم عمل بجامعة محمد بن سعود الاسلامية بالرياض وهو الآن رئيس المجلس الفقهي الاسلامي لامريكا الشمالية ورئيس جامعة العلوم الاسلامية والاجتماعية في فرجينيا التي تحول اسمها إلى "قرطبة".



مصدر الإقتباسات أعلاه (العربية نت)


والله أعلم
====

[عبدالعزيز عبدالله]

هنا تؤكد لى نظرية العنصرية .. لأنك هنا لا تخاطب دوت .. بل تخاطب المسلمين بل تحريضهم بعدم نصرة كافر .. وهذا ما نسميه الإرهاب اللفظى .. وهو التلويح بالتكفير لكل صاحب رأى مخالف ..
مما يؤكد حديثى بأن قناعتك الشخصية هذه كما سميتها .. حُشرت حشراً فى البوست .. لا أجد لها معنى سوى تأييد ما سميته "جهلاء" المسلمين .. لا أمانع فى المجاهرة بتأييدك لهذه الممارسات .. ولكن أحتج على ممارسة اللكيل .. كلنا نعلم رأى الإسلام فى الإنجيل .. مسلمين على مسيحيين .. وتفضل قناعات شخصية وليس إسفاه ولا مدعاة لمبادلة الكيل ..
رغم "جرجرتنا" خارج البوست .. كيف جزمت (انني اوردت ما هو بائن عند المسيحية انه لا يوجد رسول بعد السيد المسيح مطلقا...) .. لا تقول لى أرنست قال لى ..

[[/color][/size][/B]


يا رأفت: ليس لدي تعليق فيما هو مظلل بالاحمر .. لاني اعتبره مجرد سقوط لقناع الحكمة والتريث... وتأكد بأنني لم ارد عليه بسبب (عالم من المحبة والتواصل).

فقط ارجو منك مراجعة كلامي مرة اخري بعين بصيرة وحياد ... حتي لا تزيد في اتهاماتك...

لك التحايا

[عبدالعزيز عبدالله]

طيب يا حلوين نجي نقول


عمنا رافت ميلاد
طبعا انت ما قصرت تب وعارفك كلو كلو ما بتقصر
وبقية الشباب برضو

فى فى شي مهم قلت اخلى فى الاخر

الناس البتقول المسيحية محرف عشان ما يكون كلام والسلام الزول بيقول المسيحية محرف فى واحد واثنين وثلاثة
زى ما انا هسع كنت بستند لايات من القران

انت برضو قول لى المسيحية محرف فى كدة وفى كدة والشي دة محذوف والتحريف دة من كدة لكدة


وفى حاجة لازم اى زول يعرفه وما يتعصب ساى
انا لمن قلت انى اؤمن بالاسلام كدين رباني او انى احترمه دة ما كان خوف من اى كائن كان
بل هو قناعاتى الشخصية توصلت اليه عن اطلاع عن الديانة الاسلامية وان كنت لا تعرف شئيا عن المسيحية او لم تتطلع عليه فهذا ذنبك وليس ذنبي انا اعرف دينك جيدا لذلك استطيع مناقشتك بصدر رحب واحترام

اما اذا اردت مناقشتي ومجاراتي بالحقائق فلك ان تعرف عن المسيحية حتى لا تناقشني من باب انى مسلم وغيور على ديني فهذا الامر يجعلك امامى كشخص غير متطلع او باختصار كدة (ما مثقف) ولا قريت كتب (بالبلدى) كدة لان النقاش اساسه المعرفة وان لم اعرف ففي ماذا اناقش وعن اى شي ادافع واستندغالبة الناس تناقش من باب الحماس ولكننا لسنا فى حرب نحن فى مكان نجتمع فيه ونطرح افكارنا بكل صدق اختلفنا او اتفقنا فى امر قطعا سياتي يوم ونتفق والاختلاف دوما الغالبية تكرهها ولكنى احبها لانها تجعلني اعرف المزيد ليكون سلاحا لى فى الغد واكون قد تعلمت من الاخرين لان الحياة مستمرة وصلاح المعرفة من اقوى الاسلحة

الكثيرين من المسلمين لا يقتربون من الكتاب المقدس وهذا لب المشكلة لانك لن تعرف اى شي فيها وبالتالى تحكم على الاخرين من منظور واحد لانك بالاطلاع عليه وقراته لا يعني انك قد امنت به بل اردت ان تعرف


اسف ان كان حديثي جارحا لاى شخص ولكن احيانا لابد ان نقول الكلام كما هو بدون اكسسوارات


مودتى للجميع بلا فرز


البروفسير/ دوت ...

الثقافة والفهم خليتهم ليك... انشاء الله ينفعوك...
(وهنا اجد ايضا سقوط اخر لقناع الحكمة، وانكشاف المستور)

ان مصدري هو اعظم واصدق مصدر وهو القرآن الكريم...واني مقتنع به تماما، فإني لست بحاجة ان ابحث عن مصادر اخري حيث انني علي قناعة تامة بصدق ما اورد...

[دوت مجاك]

البروفسير/ دوت ...

الثقافة والفهم خليتهم ليك... انشاء الله ينفعوك...
(وهنا اجد ايضا سقوط اخر لقناع الحكمة، وانكشاف المستور)

ان مصدري هو اعظم واصدق مصدر وهو القرآن الكريم...واني مقتنع به تماما، فإني لست بحاجة ان ابحث عن مصادر اخري حيث انني علي قناعة تامة بصدق ما اورد...

الاخ عبدالعزيز عبدالله
شكرا لك بانك جعلتني بروفسيراً رغم انك اردت من حديثك الاستهزاء ولكن تلك الدرجة العلمية لا اظن انها بعيدة منى وسانالها طالما فى البدن روح

اراك قد غضبت من حديثي رغم انى لم ارد مطلقاً ازعاجك ولو علمت او استشعرت فقط انك حديثي هذا سيجعلك تخرج كل تلك الكلمات لم قلتها (صادقا) ولكنى كنت اظن انك سوف تتحمل بعض (نقدى) لك بروح طيبة مثلما تقبلت تجريحاتك طيلة فترة هذا البوست ولكنى تقبلتها طالما انى فتحت مثل هذا الباب وحاولت اعادت الامور الى مجرياتها الصحيحة ولكن حال الامر دون ذلك

عزيزى عندما قلت انك تحتاج الى معرفة لم اعنى انك تحتاج الى تاكيد امر دينك ولكنى قصدت ان يكون سلاحا لك لاى نقاشات مستقبلية والذى قد تكون محرجة جدا فى ظل شح المعرفة عن الاخر

اخى الكريم
حتى علما الازهر يبحثون فى الكتاب لمقدس لمعرفة ما به حتى يكون ذادا لهم فى نقاشاتهم فى بالك انت تفسر الامر على هواك الا اذا كنت انت تعرف اكثر منهم فى امر الاسلام وهذا لا اعتقده رغم

لكل كل احتراماتى
وساعود لاحقاً لك