قصه قصيره جدا جدا [الأرشيف] - سودانيات .. تواصل ومحبة

دارمالى

01-11-2009, 10:59 AM

الفاتح

03-11-2009, 01:30 PM

وجدته لحظه خروج صغيرها للروضه نائما عند (عتبة) الباب ... وبعد عناء ادخلته ...
بعد عودته ليلا حاول الدخول ولكن اذدادت (عتبة) الباب علو ...
حاول رفع رجه اليمنى فاليسرى مرات ومرات ... وفى كل مره يزداد ارتفاع (عتبة) الباب ...
ارهقته المحاولات فاضج على يمناه ممسكا بيسراه ماتبقى من شرابه المعتق ... او كما يظن ..
ونام بعمق
مجذوب إزيك والله العظيم
وشرفت الديار
بالرغم من إنو أول إحساس يراودك لمن تخلص من القصة دي :
إنو " ده زول ملطط ، حنًت عليهو فلانة الفلانية وخلاص
إلا إنو االحاجات الطلعت بيها ملططه برضو :
العلاقة شنو بينو وبين (صغيرها)
كويس ما وضحتها وما أديتنا فرصة نعرف ولا دايرين نعرف
إذا أبويه بتشير لإنو ده زول سجمان وما عندو مسئولية ، وبكده تنتهي القصة
إذا عابره ، بتفتح منافذ لإحتمالات جيده ، فقد تشير ل
الحوجة : السعي المتبادل بين الإتنين للدفء (:D) والأمان ، وأنا أرجح القراية دي
لأنك مشيت لسعيو وا الحاجه دي في :
حاول رفع رجه اليمنى فاليسرى مرات ومرات ... وفى كل مره يزداد ارتفاع (عتبة) الباب ...
الشي الموجوده في المثيولجيا القديمة ، وفي أقاصي القلب
قد تشير برضو للمحاولات الدؤوبة في سعينا للحصول على الحاجات ، مرات بنحاول بوعينا إنو نصل ، ومرًات بنكون مغيبين.
أربكتني مفردة ( فاضج ) الختمت بيها القصة.. أرجح إنك قاصد فإضطجع
زي ما أرهقني إستسلامو.
ممتن للقراية ليك.

علي حاج علي

04-11-2009, 07:16 AM

عندما قراءت النص تذكرت احد الاصدقاء عندما حكي لي (انه وبعد سهرة مع الاصدقاء عاد الى البيت وكان الباب مقفول من اعلى بطوق عجلة وظل يحاول فتح الباب حتى الصباح وقال كان يتعلق في الطوق وينوم مسافة ثم يحاول فتح الباب وهكذا حتى الصباح)

الا ان صديقي لم يجد من يعطف عليه...

شكرا على النص مجذوب

دارمالى

04-11-2009, 04:42 PM

[QUOTE=شليل;169741]مجذوب إزيك والله العظيم
وشرفت الديار

الحوجة : السعي المتبادل بين الإتنين للدفء (:D) والأمان ، وأنا أرجح القراية دي
لأنك مشيت لسعيو وا الحاجه دي في :

الشي الموجوده في المثيولجيا القديمة ، وفي أقاصي القلب
قد تشير برضو للمحاولات الدؤوبة في سعينا للحصول على الحاجات ، مرات بنحاول بوعينا إنو نصل ، ومرًات بنكون مغيبين.
أربكتني مفردة ( فاضج ) الختمت بيها القصة.. أرجح إنك قاصد فإضطجع
زي ما أرهقني إستسلامو.
ممتن للقراية ليك.[/QUOTE
العزيز شليل انا والله متشكر جدن جدن
والديار مشرفه بى ناسا وانا سعيد بس بانضمامى ليكم يا راقى..
وبعدين حكايه الحوجه ده اشاره ذكيه منك برغم انها لم تخطر ببالى بهذا الاتساع الذى تراه
والذى ذكرته وذلك مؤكد لضيق افق محدثك ..
ثم انى اشكرك للتصحيح اللغوى الذى لم الاحظه لمشكله ايضا فى (الكى بورد) بتاعى وعذرا
للارباك وشكرا لمداخلتك وتعقيبك العلمى الانيق ...