حفاظا علي وحدة وكرامة السودان صوتو (للبشير)

[عبدالعزيز عبدالله]

تخيلو دا اتصال جاني من زول ما بعرفو ولا شفتو في سلطنة عمان رغم اقامتنا الطويلة فيها...

يحث ابتداء الكلام بالتالي:

هو:الو المهندس عبدالعزيز
انا: ياهو زااااااتو
هو: متأسف علي ازعاجك ... ولكن رأينا فيك صورة الابن الغيور علي مصلحة الوطن..
انا: ياخ والله كويس.. بس لما رأتوني كنت لابس شنو؟؟
هو: انا عمك الفاتح
انا: اهلا عم الفاتح
هو: والله يا ابني انت عارف الانتخابات قربت و(حفاظا علي وحدة كرامة السودان صوتو (للبشير)).
انا: الله اكبر
هو: الله اكبر
انا: لكن يا عم الفاتح انا زاتي ما مسجل نفسي للانتخابات.
هو: ياخ ما مشكلة دي حاجة بسيطة.
انا: كيف بسيطة
هو: التسجيل ما عازو غير دقيقتين بس..
انا : اها ....
هو: وبعدين انحنا ما عاوزنك زول بتاع تسجيل وترشيح بس ...
انا: اها عاوزني زول شنو؟ ...
هو: يا ابني انحنا اخترناك ضمن مجموعة مقسمة الي لجان... علشان في ناس مساكين وما عارفين مصلحة البلد ... وبما انك زول معروف في السلطنة فحتكون ذو تأثير لتوضح للناس مصلحتهم وين ...
انا: يا عمك انا طلعت من السودان علشان عاوز اعرس واعمل لي بيت واعيش بي حلالي ... المهم العرس وعرست فاضل لي اعمل لي بيت واقعد اربي اولادي ...
وبعدين منو القال ليكم تختاروني معاكم .... وبعدين طالما انتو رأيتوني ما عارفين انا عندي موضوع اهم من الانتخابات وهو الحج ... وبعدين يا عمنا ... ياخ انا اصلا عندي قناعة وهي انو مافي خير في الفاتو ولا القاعدين ولا الجايين.. فعليك الله اعذرني لاني ما اسمح لنفسي اني اقعد اضلل لي ناس واقول ليهم فلان كويس ولا فلان كعب ... ياخ انا مالي ومال كدة ...

انا: بالمناسبة ياخ اجيب ليك معاي شنو من الحج؟؟ عاوز سبحة ولا مصلاية ولا اجيب ليك ابريق؟
انا: ياخ مع السلامة انا عندي مكالمة في الانتظار...


هسه عليكم الله شفتو جنس المحن دي؟؟؟

[فتحي مسعد حنفي]

تعرف أنا لامن قريت عنوان البوست دا طبقت عكازي وكنت ماشي البد ليك في سكة السعودية عشان الحج ذاتو ما تصلو:Dلكن ربك رب الخير هداني وقلت أخش اشوف الحاج كاتب شنو عشان يمكن أقتنع وأخليهو يصوت بأعلا صوتو بعد ضربة ضربطين من عكازي..لكن لقيت الكلام قلب وفي سري قلت الحمدلله ولدنا طلع ضكر وأبا يتغش لي الكيزان..goood
ألله أكبر ألله أكبر ألله أكبر..ولادنا لسة بي خيرم..

[عبدالعزيز عبدالله]

تعرف أنا لامن قريت عنوان البوست دا طبقت عكازي وكنت ماشي البد ليك في سكة السعودية عشان الحج ذاتو ما تصلو:Dلكن ربك رب الخير هداني وقلت أخش اشوف الحاج كاتب شنو عشان يمكن أقتنع وأخليهو يصوت بأعلا صوتو بعد ضربة ضربطين من عكازي..لكن لقيت الكلام قلب وفي سري قلت الحمدلله ولدنا طلع ضكر وأبا يتغش لي الكيزان..goood
ألله أكبر ألله أكبر ألله أكبر..ولادنا لسة بي خيرم..


والله يا عم فتحي ربنا رحمنا من عكاكيزك ... وخاصة مع الحج والزول بيكون حالق الشعر ... حاجة تخليك تغني يا طير يا طاير...


لكن عليك الله شفت الزول دا وقح كيف ....

[كيشو]

دعني أختلف معك يا عبد العزيز
الرجل اتصل بكل احترام واعتذر لك عن الإزعاج ثم دعاك للتصويت لمن يرى مصلحة الوطن في فوزه، وهو في اعتقادي لم يتجاوز حدود اللياقة، بل اتبع أسلوباً حضارياً يُشكر عليه، كما أنه لم يحملك حملاً على ما يريد
وبرضو بقول ليك:
حج يا حاج

[كيشو]

تعرف أنا لامن قريت عنوان البوست دا طبقت عكازي وكنت ماشي البد ليك في سكة السعودية عشان الحج ذاتو ما تصلو:Dلكن ربك رب الخير هداني وقلت أخش اشوف الحاج كاتب شنو عشان يمكن أقتنع وأخليهو يصوت بأعلا صوتو بعد ضربة ضربطين من عكازي..لكن لقيت الكلام قلب وفي سري قلت الحمدلله ولدنا طلع ضكر وأبا يتغش لي الكيزان..goood
ألله أكبر ألله أكبر ألله أكبر..ولادنا لسة بي خيرم..

عكاز شنو يا حاج
الناس إطّوّرت
أها ما أخير ليك أسكت؟ :p

[فتحي مسعد حنفي]

دعني أختلف معك يا عبد العزيز
الرجل اتصل بكل احترام واعتذر لك عن الإزعاج ثم دعاك للتصويت لمن يرى مصلحة الوطن في فوزه، وهو في اعتقادي لم يتجاوز حدود اللياقة، بل اتبع أسلوباً حضارياً يُشكر عليه، كما أنه لم يحملك حملاً على ما يريد
وبرضو بقول ليك:
حج يا حاج


انت شنو حكايتك..
شايفك في الفترة الأخيرة بقيت شبه منحرف متوازي الأضلاع مخروطي الشكل نقطة ارتكازك في نصف القطر..الله يستر ما تصل للمثلث يا زول يا باراليللي جرام..

[كيشو]

انت شنو حكايتك..
شايفك في الفترة الأخيرة بقيت شبه منحرف متوازي الأضلاع مخروطي الشكل نقطة ارتكازك في نصف القطر..الله يستر ما تصل للمثلث يا زول يا باراليللي جرام..

ما فهمت حاجة، واحتياطاً كدا حأستنجد بالمسئولين في المنبر دا وأطالب بشطب عبارة "شبه منحرف" الواردة في مداخلتك أعلاه
ياخ كان حرقك كلامي رد الحجة بالحجة والمنطق بالمنطق ما تقوم تتلاعب لي بالألفاظ وترميني بايظ :)

[فتحي مسعد حنفي]

ما فهمت حاجة، واحتياطاً كدا حأستنجد بالمسئولين في المنبر دا وأطالب بشطب عبارة "شبه منحرف" الواردة في مداخلتك أعلاه
ياخ كان حرقك كلامي رد الحجة بالحجة والمنطق بالمنطق ما تقوم تتلاعب لي بالألفاظ وترميني بايظ :)



الظاهر عليك أكيد كنت أدبي ما علمي..كدي أسأل الباشمهندس القريب منك قول ليهو شبه المنحرف دا شنو ويستاهل ياتو كرت في الكروت عشان تاخد انت كرت زي اللاعب البدعي العرقلة داخل المنطقة عشان ياخد ضربة جزاء ويجي الحكم يديهو كرت أصفر علي التمثيل والادعاء..حلوة دي مش كدا..بعدين حجة شنو ياكيشو ..أنا في واحد صاحبي قال لي حقو المحامين يحمدو ربهم الما طلعت محامي عشان كنت قعدتهم في بيوتم..قدر ما الزول يقول زنقك تطلع انت الزانقو:confused:goood;):D

[كيشو]

أنا في واحد صاحبي قال لي حقو المحامين يحمدو ربهم الما طلعت محامي عشان كنت قعدتهم في بيوتم..قدر ما الزول يقول زنقك تطلع انت الزانقو:confused:goood;):D

بعدين عبد العزيز دا كان ما عاجبو عم الفاتح رسّل لي تلفونو عشان أرسلو لي عمر البشير يتصل عليهو شخصياً، الجماعة في الدنيا العريضة دي قاعدين يتصلوا مافي زول استنكر عليهم، اخونا مكي في كندا اتصل عليهو زعيم الحزب ورحب بيهو في كندا وفي الولاية ودعاه للتصويت، وجورج بوش الفقري داك اتصل على طالب عادي، وكلينتون بعد ما خلص اتصالاتو الما نضيفة ديك اتصل على ناس تانيين اتصالات نضيفة:p
أخونا عبد العزيز قصصو عجيبة، مرة نافع وتوصيل الكهربا لي مزرعتو ومرة البشير وتوصيلو للكرسي الهو هسي قاعد فيهو "قلع عديييل":)
وبرضو نقول:
حج يا حاج

[عبدالعزيز عبدالله]

دعني أختلف معك يا عبد العزيز
الرجل اتصل بكل احترام واعتذر لك عن الإزعاج ثم دعاك للتصويت لمن يرى مصلحة الوطن في فوزه، وهو في اعتقادي لم يتجاوز حدود اللياقة، بل اتبع أسلوباً حضارياً يُشكر عليه، كما أنه لم يحملك حملاً على ما يريد
وبرضو بقول ليك:
حج يا حاج

كيشو سلامات ...
طيب بي نفس الطريقة انا تكلمت معاهو بي احترام... برغم انه اقتحم خصوصيتي وليس له علاقة تجمعني معه ... واعطي نفسه الحق بأن يقرر لي ويري ما علي فعله...

[عبدالعزيز عبدالله]

أخونا عبد العزيز قصصو عجيبة، مرة نافع وتوصيل الكهربا لي مزرعتو ومرة البشير وتوصيلو للكرسي الهو هسي قاعد فيهو "قلع عديييل":)
وبرضو نقول:
حج يا حاج

والله يا كيشو ... قصصي عجيبة ... لانها تصدر من ناس عجيبين ... وطالما الكيزان كاتمين علي نفس الشعب السوداني ... حتسمع قصص اعجب من دي ...

بالمناسبة ... انت معقولة ما نيست قصة الكمندان الإمني نافع... والله زاكرتك قوية..:confused:

[كيشو]

والله يا كيشو ... قصصي عجيبة ... لانها تصدر من ناس عجيبين ... وطالما الكيزان كاتمين علي نفس الشعب السوداني ... حتسمع قصص اعجب من دي ...

والله ضحكتني
إتا يا عبد العزيز قالوا ليك الحج فيهو خم رماد؟:)
ما تخلي الناس في حالا

انت معقولة ما نيست قصة الكمندان الإمني نافع... والله زاكرتك قوية..:confused:
ما نسيت، وكنت عايز أقول ليك الراجل دا تخصو بي دعوة عشان عندو عليك حق لكين خفت تصنفني وكدا
المهم ادعو لينا كلنا بالهداية، وركز علي عجايزنا بالله

[عبدالعزيز عبدالله]

ما نسيت، وكنت عايز أقول ليك الراجل دا تخصو بي دعوة عشان عندو عليك حق لكين خفت تصنفني وكدا
المهم ادعو لينا كلنا بالهداية، وركز علي عجايزنا بالله


ليك علي يا كيشو ادعو ليك دعوة خاصة وعجايزنا تاج راسنا اكيد الواحد ما حينساهم...

ودعوة تاني لي كل المسلمين ...

[كيشو]

ليك علي يا كيشو ادعو ليك دعوة خاصة وعجايزنا تاج راسنا اكيد الواحد ما حينساهم...

ودعوة تاني لي كل المسلمين ...

بارك الله فيك ووفقك للخير يا أخي العزيز

[ود الخير]

بارك الله فيك ووفقك للخير يا أخي العزيز
عافى منك أخى كيشو أقنعته الشباب . سير سير يابشير