مــــتــــــخـــــــــلــــــــفـــــــــه

[منال]

يا ناسى اليوم ده ما عادى عندى
من الفجرقلت
بلا وحدة بلا لمه
وبلا كورة بلا لخمه

و ما شايلا ملف الكورة و ما شفت الهدف ذاتو
و ما شجعت لعبه حلوه
نفسى اشوف حاجه ما حلوه

قريت جرائد (اكبر خطة أمنيه لولاية الخرطوم نفذت بنجاح) سوف نستفيد منها اكيد فى (الدافورى داك)
و طوالى جاتنى صورة أمدرمان الآمنه ... سخر منا العالم فى 10\مايو 2008
ضرب دانات ... و نتكلم عن تسخير أمكانيات؟؟
الضيوف المشجعين الوصلو البلد - لم تتمكن الفنادق و بيوت الشباب - ارض المعسكرات - القرين فليدج من استياعابهم - الحاصل شنو (ارض المليون بليد - شارع فى كسلا)
لا نسال عن الفنادق ولا السياحه - فوجنا بالكورة و خلال 72 عملنا ...و عملنا ...و عملنا
و ح نــعـــمـــل

طبقت الجرائد (بطنى طمت)

راشد يا منال تعالى الجامعة - رديت بجى بعد الساعة 11 ص قمت اتشلاقت و طلعت (هى امس الخرطوم ما نامت تطلعى الصباح و عايزة تصلى جامعة الخرطوم) و صلت الساعة 1:15 كلية الهندسة
اولا ما اهتميت ان اسال من نتيجة انتخابات الجامعة
وصلت راشد 5 دقائق قلت العندى - يا خالتو - مافى طريقه راجعه و بفكر كيف ح ارجع و ح اصل المغرب.

وصلت جانى تلفون من اخت زميلى يا منال انت وين حصلينى (ريم ادوها درب غلط) سجمى انتو وين فى مستشفى ابو العلا تجى هسه - دخلت المستشفى قنعانه من الطب فى السودان
اى زول من الاسرة بضرب تلفون يادكتور تعال - يادكتور نعمل شنو الى ان تم السيطرة على الوضع الصحى .

فى المستشفى حضرت ناهد - كسر فى اليد و فى اصابع القدم - اتحركو قدمنا لمستشفى خاص فى قلب الخرطوم - اول حاجه قاموا عملوا ليها جبص للاصابعين - هسه الرجل تورمت - ح يفكوا الجبص فى انتظار زول يجى ( سجمى سجمى )

نسيت اقول لما ماشه على الجامعة - مشيت سجلت و لقيت خيمه فى ناس المؤتمر برصدوا - و بمسكوا البطاقة بتاعت التسجيل ...تخيلت انى تنقش تنقش تنقش ... اسلم البطاقه و زى مابقولو اكون شاركت فى الاقتراع ( لشنو لكن ) ووووووووب علينا
ده السودان - سودانى فى وجدانى بريدو


متخلفه
سجلتى
اكبر غلطه

[النور يوسف محمد]

بسم الله الرحمن الرحيم
منال الجمال .. يسعد أيامك
... ويصلح هذا الحال المايل
شكراً وأنت تاخذينا فى هذه الجولة على مراكز الأحزان ومنابع الوجع
الى متى هذه المعاناة ؟؟ والى متى هذا الأسف ؟؟
وما زلنا نردد .. نحن ... نحن .. نحن
أذكر يا منال الوالد ـ الله يرحمه ـ كان راقد فى مستشفى بحرى
بعدين الدكتورة كتبت روشتة قالت جيبوها من بره لأنو فى صيدلية المستشفى مافى
لمن شلت الروشتة لاحظت إنو فى دواء مشطوب قمت سألت أخوى عن الشطب
قال الممرض الفى عنبر( قال ده ما فى داعى ليهو الأتنين التانيات بكفو )
شوفى المحن دى عليك الله
طبعاً أنا بجدية تامة مشيت للدكتورة كلمتها . والله ما زادت غير إنو ضحكت وقالت
الدواء المشطوب ده أهم واحد
ولا سؤال ولا حساب ولا يحزنون
.............................
مقارنتك بين ما حدث فى ام درمان والخطة الأمنية للمباراة تندرج تحت
مسمى الأسئلة المخنوقة ,,والمقارنات المذبوحة
المعاناة تخلق إبداعاً لكنها .. (تنجض) العمر
الله يديك العافية

[منال]

بسم الله الرحمن الرحيم
منال الجمال .. يسعد أيامك
... ويصلح هذا الحال المايل
شكراً وأنت تاخذينا فى هذه الجولة على مراكز الأحزان ومنابع الوجع
الى متى هذه المعاناة ؟؟ والى متى هذا الأسف ؟؟
وما زلنا نردد .. نحن ... نحن .. نحن
أذكر يا منال الوالد ـ الله يرحمه ـ كان راقد فى مستشفى بحرى
بعدين الدكتورة كتبت روشتة قالت جيبوها من بره لأنو فى صيدلية المستشفى مافى
لمن شلت الروشتة لاحظت إنو فى دواء مشطوب قمت سألت أخوى عن الشطب
قال الممرض الفى عنبر( قال ده ما فى داعى ليهو الأتنين التانيات بكفو )
شوفى المحن دى عليك الله
طبعاً أنا بجدية تامة مشيت للدكتورة كلمتها . والله ما زادت غير إنو ضحكت وقالت
الدواء المشطوب ده أهم واحد
ولا سؤال ولا حساب ولا يحزنون
.............................
مقارنتك بين ما حدث فى ام درمان والخطة الأمنية للمباراة تندرج تحت
مسمى الأسئلة المخنوقة ,,والمقارنات المذبوحة
المعاناة تخلق إبداعاً لكنها .. (تنجض) العمر
الله يديك العافية

استاذى النور ازيك
تعرف لمن اسمع انو فى زول به مرض انا ذاتى بعيا و بشوف الموت اقرب من الرمش للعين عندى لانو توقعاتى و هواجسى بتكون كبيرة النور خالى اخد جرعة البنج و ظل فى غرفة العمليات 4 ساعات (مستوصف خاص فى شارع افريقيا ) فى انتظار الطبيب المعالج و الجراح بقول الا يجى الطبيب عارف الطبيب اعتذر بى شنو عندو محاضرة !!! اولى المضاعفات اصابه التهاب رئوى (التكييف اكتر من عالى) الى ان توفاه الله
استاذى ادمنت ان الصق دى محن سودانيه لكل خاذوق طالع و واحد جاااى

نجى للمفيد الخطه الامنيه بتاعت الماتش
و كل يوم الى الان كل قيادة الشرطة ولاية الخرطوم (لو تابعت النيل الازرق ) يتحدثوا عن انهم كانوا فى الميدان ( الواء كان فى الاستاد من الساعة العاشرة ) اللواء كان فى المطار لساعة 3 صباحا - العميد اتصلوا به و امر فرقتين و عربة اسعاف و شنو وشنو.
ودى ان شاءالله تضوى ليهم :mad::mad: بعد الردحى داك


النور يوم الخميس الاسود
ازدحام الشوارع و لخبطة الحركة
قالو الشماعه (فى قطر طلع من خط السكه - وين الكلام ده فى شارع بيوكوان خارج من المحطه) طيب فى شارع النيل الحاصل شنو
خليهو ناس بحرى اللخبطت شوارعهم شنو وناس امدرمان فى الشهداء حصل شنو

مية رجل حركه فى الشارع (هم ذاتهم اللخبطو الشارع)


وده كلو كوم و انتشار الانفلونزا وسط تلامبذ الاساس
و دستة البرتقال ب 12 جنيه
ورطل اللبن جنيه ونص
ورطل السكر 2 جنيه
ارتفاع غير مبرر للاسعار
واطفالنا بكرة نقول عندهم سوء تغذيه ليه


النور

اليوم الصادق المهدى قال الكورة اخرت من التسجيل (كلام ميه ميه - كم يوم الناس مدورة فى الكورة ونسوا اى حاجه)



مش قلت متخلفه

[mautamad]

اها والتخلف دا علاجو شنو؟
اسبرين؟
عرديب؟
ولا شنو؟
تخلف فى كل حتة
سترك يا رب

[منال]

اها والتخلف دا علاجو شنو؟
اسبرين؟
عرديب؟
ولا شنو؟
تخلف فى كل حتة
سترك يا رب

وردى غنى قال شنو

مرة اضحك
مرة ابكى


ومرة تغلبنى القرايه

واقعد اكتب لك وداعا

وداعا


انت ماك عارف التخلف كائن بيننا - ياكل و يشرب - ينوم و يقوم

طيب الناقصو شنو ما يحووووووووووووم

هو ناس الاسبرين ما لاقينو


العندهم عرديب

عندهم شربوت

العيد

وكل سنة وانت طيب و وطنك معافى

يا لطيف الطف بنا