المساعد الشخصي الرقمي

مشاهدة النسخة كاملة : شرشحة

أشتر
20-11-2009, 11:58 AM
مسمار ...
شاكوش ...
مطرقة ...
وسندان ...
والبقية تأتي !!!
احمد زين
20-11-2009, 01:00 PM
مسمار ...
شاكوش ...
مطرقة ...
وسندان ...
والبقية تأتي !!!


مستر شتارة
مشتاقيييييييين يا زول

ياخي هات من الآخر
أشتر
20-11-2009, 06:35 PM
مستر شتارة
مشتاقيييييييين يا زول

ياخي هات من الآخر

خليني في الأول اجيب ليك من الأمس (الغريب)
والآخر عندنا كلام تاني !!!

الشوق دا خلاني قاااااعد هنا ومشى عليكم ...
حاليا حايم في شوارع الخرطوم زي حوامة الجزائريين امبارح
واعمل حسابك ... شائل مطاوي وسكاكين وحيث انني كزالك :D...
وفتحت فيو بلاغ ...
المهم لو لاقاك ... يا تخلي ليو الشارع .. يا يكتلك !!!
كلمتك غايتو !!!!!
أشتر
20-11-2009, 08:38 PM
مسمار كونكريت :
يبدو أن التاريخ بقى (دقة) قديمة (نقرعها) ونتوكل ساي كدا ... !! لا هوية ذاكرة ولا مرجعية تحفظ للشعوب مجدها البليد ... ولا بقى يشفع حتى !!! السياسة (المتعولمة) ما بتنظر للتضحيات كقرش أبيض ... لا دقسة سبعة وستين ... لا اكتوبر تلاتة وسبعين !!! ولا حرب التحرير !!! بقدر ما (شنو العندك) تقدمو لي في (الغريب) العاجل ... عندك ؟؟؟ انا صاحبك .. ما عندك !!! هوينا وما اشوف وشك هنا تاني !!! مش كلما تحصل مصيبة ندخل بى نغمة احنا سوينا ليكم .. ووقفنا معاكم .. ومفروض تشكرونا والكلام دا ... في نفس الوقت ماسكين في التاريخ والتوب تن مدتو اسبوع واحد ويللا بينا على باب الله ... للأسف متكلين على تاريخ مائل .. دموي !!! للتحرر من قبضة الآخر وبس !!! وقعدنا نلوك في الحتة دي كما تلوك البهائم ما تجتره قلة شغلة !!!

لكن المسمار عجبني شديد لأولاد بمبه !!! شمتااااااان
عارفين ليييه ؟؟؟ لأنو طلّع مواهب كتيييرة بارعة في التمثيل !!!
ابراهيم حجازي .. او ابراهيم الله يجازيه :D... الزول دا قنبلة بشرية قاعدة قدام كاميرا ...
من سنوات كتييرة ما قعدت قدام شاشة بلورية بقدرما قعدت يوم امبارح ... تسعة ساعات متواصلة من الردح واللفح !!! وجابت ليها ضبح كمان
سمعت كتير عن السخف والسخرية والاستنكاح المباح ... لكن زي دا مااااا اظن شفت ولا ح اشوف !!! يا نقنعك يا نقنّعك ...
بالجد استمتعت بشرشحتو ايما استمتاع ... قوم لف بلا بلا متعة بلا كلام فاضي !!!
يا جماعة ... دا مسمار شنو دا !!!! حااااااار والله !!!
الوليد عمر
21-11-2009, 07:58 AM
...................













يا جماعة ... دا مسمار شنو دا !!!! حااااااار والله !!!








فى واحد كدا يا محمد فى قناة النيل الأزرق فى شريط الرسائل البعرضوها أسفل الشاشة ديك ، قال للمصريين :( نبذوكم ما مشكلة .. دقوكم ما مشكلة .. المشكلة إنو ما حتمشوا كأس العالم ) .. ياخى رسالتو دى برغم عفويتها و بساطتها لكن إختصرت ليك الهلمة دى كلها و الولولة الفارغة بتاعت الناس ديل ، وخلتم ليك فى السهلة ،

مجرد خرخرة وغبينة غُلُب سااااااكت .


داير أقول ليك شنو ؟

تابعت قصة البت ( ندى ) الرايحة .. و اللِّى يوم اليلة ما إتلقت ؟





المهم إنى إشتقت ليك شديد يعلم الله
مهم على الأقل بالنسبة لى .













...................
أشتر
21-11-2009, 10:44 AM
...................
مجرد خرخرة وغبينة غُلُب سااااااكت .
داير أقول ليك شنو ؟
تابعت قصة البت ( ندى ) الرايحة .. و اللِّى يوم اليلة ما إتلقت ؟
...................


اووووو وليد سلامات يا زول يا رائع !!!
إتا عارف يا وليد ياخوي اجيك للسبب الأول وقبل نخش في التفاصيل الرقيقة ...
سجلت كمية من التعليقات المخزية .. المفبركة ومضروبة ...
ياخي شفت واحد يجضم الكضبة ويكضبا .. قال : الله يكضّب الشينة .. والخرطوم في تلك الأثناء ما هي الا مقر الشينة وحرب الشوارع وتناثر الجثث ...
علي اليمين تسمع ابراهيم الله يجازيه اول يوم ... تقول الحكومة انقلبت .. طبعا كل واحد بتسوقو حاجاتو على حسب تفكيرو وامنياتو ... مجزرة في الخرطوم يعني انقلاب ... والوكت داك المباراة انتهت وقلبت الصفحة ... واذا بالذي يشاركني مسكني ومأساتي يكورك لي .. يا كتاحة تعال اسمع الهرطقة دي ... فقلت اكيد ناس العدل والمساواة استغلو فرصة خمسطاشر الف جندي لحماية استاد ولقو ليهم ثغرة خشو بيها ... ما عاااااااااادي يسدوها من هنا تتقدّ بهناك...
اها يا بوكش المصريين ديل .. ودا السبب الأول ... خافو عديييل كدا ...
خافو يلطعوهم في الخرطوم كم يوم كدا في سبيل الله وابناء سبيل .. والطيارات الجابتم القريبة فيهن تكون في مطار فرانكفورت الدولي ... فقالو احسن نربط ليهم مكنة ما تخرش زيت فقامو خرخرو في المكنة :D ... هي لكن تبقى عليهم ميتة وعدم مطار !!!
يعني الفزع والدلع ... جابو الهلع !!!
وانهالت الاتصالات ... ياخ انا بكامل قواي العقلية ما سمعت بقناة نايل اسبورت الا لمن قالو لي يا كتاحة تعال شوف الهرطقة دي !!! تقولي شنو وتقولي منو !!!
سجلت مجموعة من الكضب اللذيذ سوف اجدعه هنا لكي اتجدع فيو ... والوقوف عن قرب امام هذه المهزلة الاعلامية ..
وهذا زمان المهازل ..فلم لا نمرح !!!
.
.
خليت لي كمية من الشوق المشتت في شارع المطار ...
لما ترجع بالسلامة بلاقيك وش ... واي حاجة تحصل ليك انا ما مسئول !!!
كلمتك غايتو !!!
تحفة حوا
21-11-2009, 11:09 AM
ههههههه
والله يا أشتر الزول دا مبالغة
أنا معاه الجزائريين عنيفين لكن كمان المصريين استغلوا الاعلام والاعلاميين
وألذ حاجة الحركات الفي النص
( يابني انتو ما بتسمعونيش ليه .......)
(المخرج مستأقصدني كل ما أجي أكل البسكويتاية يجيب علي الكاميرا ....)
(فين الشاي يابني ...........)
( أنا بقالي هنا 8 ساعات ........)
دا غير
(انتو فاكرين مطار الخرطوم زي مطار القاهرة )
( يكونوا ناموا ولا ورديتهم خلصت روحو صحوهم من النوم )
(القوات الخاصة العندنا مدربة أعلى تدريب ولا سألين في مارينز ولا أي حاجة تانية )

ولا صورة الخناجر والسكاكين مين قال انها داخل استاد المريخ ولا حتى في السودان ؟

بس البركة في أحمد عباس أشاد بالجهود السودانية

هم ناسيين المباراة دي هم الجابوها عندنا ونحنا في خلال 3 يوم نستقبل جسور جوية من كلا البلدين ونرجعها ونجهز استاد وتذاكر مباراة وأكل لي عشرات الالاف ومسكن
ياخي والله احي السودان والقائمين على هذا الموضوع حتى ابسط عامل
الجزائر ناس المشاكل ليه أشادوا بينا ؟؟؟

لكن اتخيلوا معاي لو مصر هي الفازت ؟؟؟:D
أشتر
21-11-2009, 11:32 AM
ههههههه
والله يا أشتر الزول دا مبالغة
أنا معاه الجزائريين عنيفين لكن كمان المصريين استغلوا الاعلام والاعلاميين
وألذ حاجة الحركات الفي النص
( يابني انتو ما بتسمعونيش ليه .......)
(المخرج مستأقصدني كل ما أجي أكل البسكويتاية يجيب علي الكاميرا ....)
(فين الشاي يابني ...........)
( أنا بقالي هنا 8 ساعات ........)
دا غير
(انتو فاكرين مطار الخرطوم زي مطار القاهرة )
( يكونوا ناموا ولا ورديتهم خلصت روحو صحوهم من النوم )
(القوات الخاصة العندنا مدربة أعلى تدريب ولا سألين في مارينز ولا أي حاجة تانية )

ولا صورة الخناجر والسكاكين مين قال انها داخل استاد المريخ ولا حتى في السودان ؟

بس البركة في أحمد عباس أشاد بالجهود السودانية

هم ناسيين المباراة دي هم الجابوها عندنا ونحنا في خلال 3 يوم نستقبل جسور جوية من كلا البلدين ونرجعها ونجهز استاد وتذاكر مباراة وأكل لي عشرات الالاف ومسكن
ياخي والله احي السودان والقائمين على هذا الموضوع حتى ابسط عامل
الجزائر ناس المشاكل ليه أشادوا بينا ؟؟؟

لكن اتخيلوا معاي لو مصر هي الفازت ؟؟؟:D

بُصي يا بت يا تحفة :D
انتي مش آآدرة تتخيلي ناس تتحدف بالطوب .. لا وطوب ايه .. قوالب !! وناس بتموت ومجازر والدنيا والعة واتصالات ويللا الحأوووونييييي دا احنا بنمووووت اعملو أي حاجة انقذونااااا وين الحكومة وين مبارك وين وين الشعب العربي وين .. ونرفض نحنا نموت اوولولوم احنا هنبقى .. شعبك والبيوت ...
وحضرتو قاعد مستريح وآخر مخمخمة وبشرب شاي ببسكويت ...
يللا يبني هات لنا البتاعة دي اسمها ايه يخرب بيوتكم !!!
والله انا نسيت الكورة واستاد المريخ وفوز الجزائر ... ونقلونا عبر اللبس المباشر لحتات غريبة ولا كانت على البال ...
غايتو جهجه باكات تفكيرنا وزعمط أي أمل في طوق نجاة !!!
أشتر
21-11-2009, 12:48 PM
ونقول لكبتن شحاتة ما تقلقش ولا كأنو في حاجة حصلت !!!
وعايز اشكر ... احنا خلاص وكتنا خلص مش كدا ؟؟؟؟؟
لا لا لسه وقام لفق دي تمامة زمن !!!!
ونشكر سيادة الرئيس حسني مبارك ولولاه ما كنا رجعنا البلد هنا تاني ...
دا صوت المطرب هيثم ابوقوتة
http://sudaniyat.net/up/uploading/Memo.mp3

ونأسف لصوت الزول الشليق القاعد معاي وشايلاهو الهاشمية !!!
أشتر
21-11-2009, 07:58 PM
نترككم مع التحليل الفني للمباراة واستضافة الاستاذ عادل شحورة المتخصص في الشئون الجزائرية لإلقاء بعض الشوتات الضفارية الطايشة أوي !!!
شن جاب لجاب !!!
الكلام دا عقب مباراة في كرة القدم اقيمت بامدرمان .. جمهورية السودان (الديمقراطية)
هو دا جزانا ياااااااا !!! طيب !!!
http://sudaniyat.net/up/uploading/isaad.mp3

لا سيد ولا نيلة انت فاكر الموضوع لعبة !!!!!
أشتر
21-11-2009, 10:02 PM
http://sudaniyat.net/up/uploading/alhgonaaaa..wma