حادث ... واشتياق

[أسامة معاوية الطيب]

حادثٌ واشتياق (3)
إلى "نجمة" : ذهبت لتضئ سمواتٍ أخر


وقفت عصافيرها
تنقّر حلق الذاكرة
وخرقة الليل لا تكاد تستر
وجه أشواقنا
وأحاديث أعيننا الماطرة
تترنح على أصدافها البحار
تدخل بين أظافر الغناء
وتتدحرج حين سكونٍ عميق
غيوماً من اللهفة الحائرة و ( الكلام الدُقاق )!

كانت عينيها طريقاً
خضراء تشقّ حقول الوريد
تنشغل ورودها عن الندى
- الندى يعبر شارع القلب وحيداً
في ليل ثورته ليكتب على جدرانه النشيد -
تعدل طرحة الحياء
برشة كحلٍ وهمسةٍ عابرة
عندما تبتسم
تقعد اللحظة على ركبتيها
تشهق ألوان العناق

علمتنا كيف
نرسم الشعر على
وجوهنا
فأرهقتنا الوسامة
نبضةٌ تتخثر في مشوارها
تحترف التكوّر على ناصية الجرح
ترسم ريشها
يا …
إلهي
كيف تعرف أن رمل لهفتنا
يطفئه مطر غيابها فتجيء ؟
كيف ترسم بريشتها
لوحة السكوت العظيم
حين هذا المجيء ؟
من علّم هذه الساحرة
أن ترشّ
في الحضور رذاذ الفراق ؟

( رعشة إيدك يوم تسالم
رشة المطر الصحاري
وراحة إيدك ضيّ دريبي
وهمسة النيل للقماري
وراجي منّك نيل بسيمتك
لو يبل حلق انتظاري
وياما فوق دربك متيّم
وانتي بالبي ماكي داري )(*)
عصافيرها
تلبس ريش أغنياتنا
وتعرّي المسام
على يديها
تنبت حدائق الرعشةِ
حين يخذلنا الكفُّ
في ( عملية السلام )
ناعماً
ناعماً
يتساقط الهمس من عينيها
تغتسل المقاعد بخدرِ الوقت
وتداعب الأصابع خيوط الهيام
تغني
( فيك صور المحاسن ظهرت ليّ عيان
موسيقى حديثك مع سحر البيان
وإذا مال قوامك يا زين الحسان
روحي تسيل عواطف وقلبي يذوب حنان )(**)
تسقط نخلةٌ على شاطئ احتمالي
ويستفيض الغرام
- الرعشة بين أيدينا
تتسرّب لمواطن أخرى –
وأنا عازفٌ ماهرٌ
على أوتار لهفتها
والكمنجات احتراق !!

الآن تنقّر
صورتها صفحة الصبر
تأكلها
تترك إطارها – فقط -
معلقاً على كعبة الشعر
من يناديني …
والقلب شارعٌ تزرعه الحسرة
وهدير هجرتها على عصبي
إذا حلقّ طير الدمع في سماء الذاكرة
فالمناديل كتاب
( طلع البدر علينا ………. )
ثم غاب
يفجأنا بدرها دائماً
بليالي المحاق

أُوسع
قميص الأماني المسافرة
توسعني ضيقاً
وتقتلني البارحة
يا لذاكرتي الماكرة
شوارعها
حين مطاردة العشق تسلمني
إلى ظلام الزقاق !!

كيف كانت تضحك بعينيها
لمطرٍ ينزف برقه ويرحل؟
ولماذا يتسرّب رملٌ
من حديثها إلى ضفاف القوافي ؟
( هسة خايف من فراقك
لما يحصل ببقى كيف
زي ورد في عز نداهو
خوفو بكرة يزورو صيف )(***)
في ليلة الإسراء
يبرق على جبين الغيم
وترٌ يكحل أجفاننا بناعم السهاد
منذ خصلتين
فارقتا الموكب
واستقرتا في الفؤاد
أخلص النسيم لعطرها
يغبّر أغنياتي
تلبس الأسى والحداد
يا …
كيف تعرفين أن الصبر
قد أثمر الدمع
فتقطفين من مراقدي
نوم القصيدةِ
ونعاس الوداد ؟
في ليلة الإسراء
قمري
وقصائدي
وجراح القلب
وأسمك
والمداد
كلهم جاءوا
فقط تأخروا قليلاً
وما تأنى البراق !!!

إذن خبري العصافيرَ
حين هجرتها
ألاّ تمرّ على غدير الليالي البعيدة
خبريها
من أغلق الوقت
سيفتح كل لحظةٍ
جدار ذاكرته
ليشيد القصيدة
ما عادت تتساقط بين أوراقي
الحروف جرحى
والأغاني شهيدة !
خبريها
تلملم من فضاء هجرتها
ريش أحلامي
وتسقف بالخوفِ
رعشتها الجديدة
وتدمن في ليل ذكراها
نسيان
ما تبقى على ضفاف
دمعةٍ وحيدة !
خبريها
أن تشتاق – فقط –
حين تذكرني
فالهوى
حادثٌ واشتياق !!!
31/8/02 الشارقة

[ناصر يوسف]

أسامه معاوية الطيب

سلام واحترام

هذا كلام باتع وفخيم

ولكل حادثة حديث

إذن

وقد تَكَوّر في الذهن منها بعض الإشتهاء والذكريات

وهي التي ما برحت تتاوق في محياك و..

وأنت تلبسُهَا بين مساماتك نبضاً يُقويك


أسامه

شكراً لهذه الفُسحة الأنيقة

[أسامة معاوية الطيب]

ناصر يوسف أزيك
مشتاقين جدا رغما عن طول المسافة والزمن
كان بيناتنا زمااااااااااااااااااااااااان مشروع مشترك ( حتى في عدم اكتماله ) عن العميري ... عملت سيناريو لحلقة تلفزيونية عن العميري ... قالو لي ناصر يوسف عمل حلقة مشابهة لم تبث - لظروف فنية - ويمكنني التنسيق معك ... حينها سألتك وعرفت أن الظروف لم تكن فنية ... بل كانت ( فنية )
ومن حينها وأنا دايح في بلاد الله الواسعة - رغم ضيقها - وضيقي
ما انفرجت شوية نجي راجعين ؟
مشتاقين
وشكرا على الكلام الجميل ... بس لا تبقى عصرت عليك القصيدة الشقية دي ؟

[بابكر مخير]

الحبيب
شي جميل..



دآ ناقر خشبي،،


WIDTH=400 HEIGHT=350
تبادلlooool

[أسامة معاوية الطيب]

حبيبنا المخير
مرورك علامة فارقة ... تدل انو في شي يتقري ... وترفع الراس عاليا
يا سلاام عليك يا سلام

[mautamad]

المبدع اسامة
سلام.
ملك المفردة المتفردة والنغم الشجي.
طال اشتياقي لمطالعة حروفك الراقية والان تذوقت رشفة من طيب نظمك ولكن لم ارتوي.
31-8-2002 هذا التاريخ او بعده بقليل يذكرني بالاتصال التلفوني الوحيد الذي كان بيننا.
حاولت بعدها رقم هاتفك كثيرا ولكن يبدو انك غادرت الامارات بعدها بقليل.
كم كنت من المولهين بمفرداتك
وسردك
وعمق كتاباتك
لك الود
والف باقة ورد

[بابكر مخير]

حبيبنا المخير
مرورك علامة فارقة ... تدل انو في شي يتقري ... وترفع الراس عاليا
يا سلاام عليك يا سلام

الحبيب
ما الحمد لله الما بقت (غين)
ياسيدي ليك جازبية خاصة

[أسامة معاوية الطيب]

معتمد
يا سلام عليك ... من زمن ود حبوبة تاني ما تلاقينا
انا بعد التاريخ دا مشيت إيران خمسة سنة ... واسي سنة في اسطنبول
ياخي انت كيفك ؟
دا تلفوني 00905072573660
ومنتظر منك مكاملة وجيتي الجاية بجيك ... زول ونسة عدييييييييييييييييييييل
شكرا على كلامك الكبير ... والجميل
وبيننا ما سنقوله قريبا إن شاء الله

[أسامة معاوية الطيب]

الحبيب
ما الحمد لله الما بقت (غين)
ياسيدي ليك جازبية خاصة

الفارغة عين ما تشوفك يا حبيب
والله ضحكتني ... أضحك الله سنك
كتر خيرك ... يا عمدة

[فتحي مسعد حنفي]

أسامة:)
هناك بعض الكتابات رغم روعتها وفخامتها تصيبك بالاكتئاب وتجعلك عاجزا عن التعليق رغم اعجابك بها...تجعلك تقرأ في عجالة باحثا عن قبس مفرح فتعود الكلمات بك الي الكآبة..
ألله يسامحك فقد أمتعتنا وملأتنا شجنا بطعم السم في العسل..لك العتبي:cool:

[أسامة معاوية الطيب]

حبيبنا فتحي
مرورك يفرحنا نحن ... بعدين انت القال ليك منو نحن دايرين نفرحك ؟ نحن دايرنك تقاسمنا الشجن دا ... اها اسي دا مفرح عليك الله ؟
ياخي جمل الله ايامك ... وفرحك ... ولماك في النضارة - شايفك فقدتها في بوست مجاور -
شكرا يا سيدي

[فتحي مسعد حنفي]

حبيبنا فتحي
مرورك يفرحنا نحن ... بعدين انت القال ليك منو نحن دايرين نفرحك ؟ نحن دايرنك تقاسمنا الشجن دا ... اها اسي دا مفرح عليك الله ؟
ياخي جمل الله ايامك ... وفرحك ... ولماك في النضارة - شايفك فقدتها في بوست مجاور -
شكرا يا سيدي




ولكن ماذا يفعل الحاسد مع الرازق:D;)

[أسامة معاوية الطيب]

حبيبنا ... شايف القصيدة جابت ( مجاريح الهوى كلهم ) أسي في واحد ضرب عدييييييييييييييل ... ولم ينتهي العزاء بانتهاء مراسم اللطم
ياخوي نحن تاني نلملم جراحنا دي ونشوف قعر حيطة نبكي فيهو ونرجع بيتنا ... بدل نخرب عليكم
وانت جيب ليك نضارة سوداء ( تدس ماتبقى من دموع )

[فتحي مسعد حنفي]

حبيبنا ... شايف القصيدة جابت ( مجاريح الهوى كلهم ) أسي في واحد ضرب عدييييييييييييييل ... ولم ينتهي العزاء بانتهاء مراسم اللطم
ياخوي نحن تاني نلملم جراحنا دي ونشوف قعر حيطة نبكي فيهو ونرجع بيتنا ... بدل نخرب عليكم
وانت جيب ليك نضارة سوداء ( تدس ماتبقى من دموع )


بالعكس انا بفتش لي في نضارة وردية عشان ما يكون في دموع من أصلو..لكن نسوي شنو معاكم الحاسدننا علي فرحتنا المفتعلة..وكمان داير تجيب لينا فيها بكاء في قعر الحيطة ولسة ما خلصنا من بكاء علي تابوت الحياة الهاربة:olooool

[عادل عسوم]

أسامة
ياطيب من نسل الأبرار
جئتك أطمئن عليك من (حادث) وأقاسمك ال(أشتياق)...
فلأن كان اشتياقك:
إلى "نجمة" : ذهبت لتضئ سمواتٍ أخر
فاعلم بأنها نجمة من بين أنجم...
والنجوم (لا تفتأ) تتحلق حول القمر
وأنت القمر:)
مودتي ياغالي

[أسامة معاوية الطيب]

أسامة
ياطيب من نسل الأبرار
جئتك أطمئن عليك من (حادث) وأقاسمك ال(أشتياق)...
فلأن كان اشتياقك:

فاعلم بأنها نجمة من بين أنجم...
والنجوم (لا تفتأ) تتحلق حول القمر
وأنت القمر:)
مودتي ياغالي
حبيبنا عادل ... ياخي كتر خيرك يا جميل ... جيت تطمئن برضو ؟ بعد بسمتك الجنب القمر دي ؟
تعرف ياعادل ... الهوى فعلا حادث واشتياق ... وخلاص
لكن الاشتياق دا ياهو العوجة ...
مودتي كلها يا حبيب ... والتحيات ليك وللمعاك

[نبراس السيد الدمرداش]

سلام يا مشتاق
كلام جمييييييييل لكن موجع
بعض حوادث الشوق تصيب روحك بعاهة مستديمه و رهق دائم

[ناصر يوسف]

ناصر يوسف أزيك
مشتاقين جدا رغما عن طول المسافة والزمن
كان بيناتنا زمااااااااااااااااااااااااان مشروع مشترك ( حتى في عدم اكتماله ) عن العميري ... عملت سيناريو لحلقة تلفزيونية عن العميري ... قالو لي ناصر يوسف عمل حلقة مشابهة لم تبث - لظروف فنية - ويمكنني التنسيق معك ... حينها سألتك وعرفت أن الظروف لم تكن فنية ... بل كانت ( فنية )ومن حينها وأنا دايح في بلاد الله الواسعة - رغم ضيقها - وضيقي
ما انفرجت شوية نجي راجعين ؟مشتاقين
وشكرا على الكلام الجميل ... بس لا تبقى عصرت عليك القصيدة الشقية دي ؟

نعم كانت الضربة الفنية القاضية

وما زالت سهرة الحبيب عبد العزيز العميري عليه رحمة الله

ما زالت تقبع في مكتبة تلفزيون السودان علي الشريط رقم { Betacam Sp {110

قالوا شنو ...

ديل شيوعيين طوابير :D :D :D




أمّا بشأن عودتك للوطن البراح

أقول لك

بأنه قد رااااااااااح

الوطن يا أسامه قد راح في خبر كان

فكُن مكانك لا تبارحه إن كُنت { ماكل شارب وعابد لله}

فلا تَعُد من فَضلك

[ناصر يوسف]

سلام يا مشتاق
كلام جمييييييييل لكن موجع
بعض حوادث الشوق تصيب روحك بعاهة مستديمه و رهق دائم

وأنا أقول البت دي ماااااااااالها عامله كده

أتاريها مُصابة بكدمات مستدييييييييييمة ؟؟

:p :p :p

وبرضو تقولي لي طوة تيفال ؟؟؟

;) ;) ;)

[أسامة معاوية الطيب]

سلام يا مشتاق
كلام جمييييييييل لكن موجع
بعض حوادث الشوق تصيب روحك بعاهة مستديمه و رهق دائم

سلامين يا مشتاقة
أما أن الوجع فمستديم ... أما أن الرهق فمعادل موضوعي للحياة
حتى ولم يقلها المعري سابقا
شكرا على المرور الموجوع

[التربال]

ولدنا الحبيب أسامة
(الشوق قواسيب)،،
تآآآآآآآآآآآآني (الشوق،، الوجع.. الرجوع وهلم جرا ؟؟؟)
مالك علينا يا آخي،، في قبايل (الشتي دي)،، والسقط جايي بي وليداتو؟؟
نحترم نفسنا بس (ونرجع)!!!!
(شوقي أنا للبلد بي حالها... والشوق للترابلي أهلي)..

[على ماجداب]

وكان ينقصها فقط البشرى ووجدتها هنا :
من أغلق الوقت
سيفتح كل لحظةٍ
جدار ذاكرته
ليشيد القصيدة
متين وعميق أخ أسامه ليك الود

[elle]

كلهم جاءوا
فقط تأخروا قليلاً






سلمت أستاذي

[أسامة معاوية الطيب]

ولدنا الحبيب أسامة
(الشوق قواسيب)،،
تآآآآآآآآآآآآني (الشوق،، الوجع.. الرجوع وهلم جرا ؟؟؟)
مالك علينا يا آخي،، في قبايل (الشتي دي)،، والسقط جايي بي وليداتو؟؟
نحترم نفسنا بس (ونرجع)!!!!
(شوقي أنا للبلد بي حالها... والشوق للترابلي أهلي)..

مادام الشوق قعد يجيبك ... بنملاك شوق يا حبيب
ليك وللمعاك وللبلد
تعرف ليس غير الشوق يرسم ملامحنا هذي ونحن نوزع دمنا على خرائط العالم
مشتاقين ... شايف كيف ؟

[أسامة معاوية الطيب]

وكان ينقصها فقط البشرى ووجدتها هنا :
من أغلق الوقت
سيفتح كل لحظةٍ
جدار ذاكرته
ليشيد القصيدة
متين وعميق أخ أسامه ليك الود

ماجداب
شكرا يا حبيب
لجهدك الخالص للخروج ببعض أمل ... أمل ميت ألحدت له من كلأة الله قبرا ... على عهدة التجاني
لك الود كله

[التربال]

مادام الشوق قعد يجيبك ... بنملاك شوق يا حبيب
ليك وللمعاك وللبلد
تعرف ليس غير الشوق يرسم ملامحنا هذي ونحن نوزع دمنا على خرائط العالم
مشتاقين ... شايف كيف ؟

حبيبنا الغالي
يا آخي من غير ما (تملانا)،، وصلنا (حد التخمة) من الشوق،، بس الله يستر ما نطرشق (طرشيقة حمارة كبسون)..
سؤال برئ: يا ترى هل هذه الدماء التي وزعناها،، وما زلنا (وأخشى أن نظل) نوزعها.. هل بإمكانية أشواقنا "المتواضعة" أن ترسم ملامحها وتلملمها؟؟؟؟
لكن برضو إن طال الزمن وإن قصر بنقعد فوق (عود ود الكنك)،، ونشيل الطنبور ونغني (الشوق،، الشوق للبلد).. آآآآآآآآآآآآآآآآآآآآآآآآخ..

[أسامة معاوية الطيب]

حبيبنا الغالي
يا آخي من غير ما (تملانا)،، وصلنا (حد التخمة) من الشوق،، بس الله يستر ما نطرشق (طرشيقة حمارة كبسون)..
سؤال برئ: يا ترى هل هذه الدماء التي وزعناها،، وما زلنا (وأخشى أن نظل) نوزعها.. هل بإمكانية أشواقنا "المتواضعة" أن ترسم ملامحها وتلملمها؟؟؟؟
لكن برضو إن طال الزمن وإن قصر بنقعد فوق (عود ود الكنك)،، ونشيل الطنبور ونغني (الشوق،، الشوق للبلد).. آآآآآآآآآآآآآآآآآآآآآآآآخ..

بالله انا خليتك لي جنس البشتنة دي براك ؟
يا سلااااااام ياخي عليك

[قمر دورين]

هـجرة عـصافير الـخريف
فـى مـوسم الـشوق الحلو

شكراً أخ أسامة فلحروفك شروق وبروق....

[Dr. Mohammed Hassan]

حادثٌ واشتياق (3)
إلى "نجمة" : ذهبت لتضئ سمواتٍ أخر




كيف كانت تضحك بعينيها
لمطرٍ ينزف برقه ويرحل؟
ولماذا يتسرّب رملٌ
من حديثها إلى ضفاف القوافي ؟
( هسة خايف من فراقك
لما يحصل ببقى كيف
زي ورد في عز نداهو
خوفو بكرة يزورو صيف )(***)




فالهوى
حادثٌ واشتياق !!!
31/8/02 الشارقة

هذا التقلب في فصول الاشواق

مريح للعين

متعب للقلب

[أسامة معاوية الطيب]

هـجرة عـصافير الـخريف
فـى مـوسم الـشوق الحلو

شكراً أخ أسامة فلحروفك شروق وبروق....




القمر سلامات
تعرفي هجرة عصافير الخريف دي ما طواااااالي بيجي موسم يجي راجعة فيهو لكن نحن الفيهو هجرة الدخان بالطاقة ... وهو ما يهرد حشا الغنوات
اللهم لطفك

[أسامة معاوية الطيب]

هذا التقلب في فصول الاشواق

مريح للعين

متعب للقلب

الدكتور الشاعر
تعليق يفوق القصيدة ... ويلخص الشاعر
شكرا لكلماتك المضغوطة حد الفطنة
يسلم ضراعك ...