المتواجدون الآن بالمنتدى ... ساهرووووون

[سارة]

ها هنا كان موعدي
وهنا كان مقعدي
أنا والنجم والمساء....!!!

قافله معانا...ولا سلااام ولا كلاااام....:mad:

انا برضو قافلة معاى وابت تسلك كلو كلو

والظاهر احمد زين عندو يد فى الموضوع:mad::mad::mad:

[احمد زين]

مساء الخير

جيت ألحق..شلتو الدفتر ولا ممكن أسجل؟؟
ازيك وازي العيال واخبار الكول شنو؟
ايه الجمال ده
نيو لوك رهيب
الدفتر قاعد لحد الصباح

[احمد زين]

انا الليلة ما دايرة كلام مع اى زول ولا زولاية:mad:

طايرة لى شكلة لكن ما اتفشيت

خلونى امشى احوم فى البوستات

ان شاء الله بوست طيبان بتاع الاخطاء الاملائية

المهم اتسلبط لى فى اى شىء

لزوم السلبطة اصلو الناس كلها بقت دايرة موضوع وتتلايق فيهو

والليلة انا عايز كلام ومعاك انتي بالذات
بعدين انتي ماشة تفتشي المشاكل بعيد ليه
البدي هنا وبجيك واحد طاير اسي

[احمد زين]

ها هنا كان موعدي
وهنا كان مقعدي
أنا والنجم والمساء....!!!

قافله معانا...ولا سلااام ولا كلاااام....:mad:

يا جميل ما تنزل الاغنية دي هنا ينوبك ثواب
والله يفتحها عليك

[مي هاشم]

ها هنا كان موعدي
وهنا كان مقعدي
أنا والنجم والمساء....!!!

قافله معانا...ولا سلااام ولا كلاااام....:mad:


صديقي والليل..

ياخ لما بتقفل معاي بجي عشان انت بتفكها!!
تقوم انت زاااااااتك الليلة تقفل؟؟!!:(
بعدين ياصديقي الليل ده يفك الما بتفك..لا تسلم لا تتكلم..أسمع واتأمل بس..أسأل مجرب:)

كدي سمعنا حاجة..looool

[سارة]

انا جوعانة

امشى اطفح لى حاجة واجيكم

[مي هاشم]

ازيك وازي العيال واخبار الكول شنو؟
ايه الجمال ده
نيو لوك رهيب
الدفتر قاعد لحد الصباح


العيال شداد يحمدو سيدم..ومافي أي خبر:confused::confused:

شكرا يا دكتور..رهيبة عيونك:)

في جديد مع راس السنة القرب ده؟؟

[مي هاشم]

انا جوعانة

امشى اطفح لى حاجة واجيكم

ياختي ده مااااا جوع..انتي جعانة لشكلة ساااااي..

شوفي بوست البنطلون..أكيد بتلقي فيه شي يفشك..:D

[الجيلى أحمد]

انا جوعانة

امشى اطفح لى حاجة واجيكم

سلام ياأهلنا

واتوحشناكم بالزاف..


خلو سارة التمشى تنهز وتجى,

وخلونى أنوم الشواطين ديل,
والليلة وردية شكلها كاربة..

[الجيلى أحمد]

ياختي ده مااااا جوع..انتي جعانة لشكلة ساااااي..

شوفي بوست البنطلون..أكيد بتلقي فيه شي يفشك..:D


يامى
أكل السوسة,

:D

[مي هاشم]

يامى
أكل السوسة,

:D

الجيلي..مساك خيييييير ومشتاقة ليك ياخ..


هوي سارة براها سمها فاير..ما تعملني درقة..قول ليها كلامك عديييييل:D:D

[احمد زين]

سلام ياأهلنا

واتوحشناكم بالزاف..


خلو سارة التمشى تنهز وتجى,

وخلونى أنوم الشواطين ديل,
والليلة وردية شكلها كاربة..

مساء السعادة يا جيلي
منور السهرة

سارة شايلة ليها عكاز وبتفتش ليكم انت وحاتم علي
وانت بالذات قالت تنتظرها هنا لحد ما تطفح وتجي

هو يا الحيلي البتطفح دي مش المجاري والبلاعات:D

[سارة]

سلام ياأهلنا

واتوحشناكم بالزاف..


خلو سارة التمشى تنهز وتجى,

وخلونى أنوم الشواطين ديل,
والليلة وردية شكلها كاربة..


ربى يحفظهم بوسهم لى واحد واحد امانة عليك







اكل السوسة:mad: تاكل الحمت ربط ان شاء الله

[سارة]

ياختي ده مااااا جوع..انتي جعانة لشكلة ساااااي..

شوفي بوست البنطلون..أكيد بتلقي فيه شي يفشك..:D

بنطلون فى عينك

انتى حاتم محرشك على :confused:

[الجيلى أحمد]

الجيلي..مساك خيييييير ومشتاقة ليك ياخ..


هوي سارة براها سمها فاير

بالأكتر والله يامى,


ياأخى نحنا مع سارة نسينا السلام ذاتو,
ومرات كدا الواحد تجيهو صحية باليل يقعد يكورك,,

-أضربا فى راسا..

-ياسارة أنا يدى إتكسرت..

-بالعكاز لا..

الواحد يصحا عرقان وروحو طالعة
التقول كان فى معركة كررى,


دى حالة دى يامى

[طيبان]

يا جيلي ..
مافيها غنيّة حبشية ؟؟
بالعدم كدة تيدي آفرو ..:)


___

براكم تاكلوا وتقشّوا خشومكم ؟؟؟؟؟؟ :D

[الجيلى أحمد]

براكم تاكلوا وتقشّوا خشومكم ؟؟؟؟؟؟ :D




الكلام ليك ياسارة

ياطرشانه

وكلام طيبان دا معناهو بالعربى:

الماكلا ليها شنو..:D

[مي هاشم]

بالأكتر والله يامى,


ياأخى نحنا مع سارة نسينا السلام ذاتو,
ومرات كدا الواحد تجيهو صحية باليل يقعد يكورك,,

-أضربا فى راسا..

-ياسارة أنا يدى إتكسرت..

-بالعكاز لا..

الواحد يصحا عرقان وروحو طالعة
التقول كان فى معركة كررى,


دى حالة دى يامى

الجيلي ..ما ادس عليك..الشي الوصفتوده دايرلو عزيمة عديييييييل..
وأخير أختاها قبال ما حالتي تلحق حالتك:D بعيد عنك ولية وما عندي قدرة على المعارك..

[الجيلى أحمد]

يا جيلي ..
مافيها غنيّة حبشية ؟؟
بالعدم كدة تيدي آفرو ..:)
D

دى ياحذيفة عايزة المايسترو فيصل






شوفتك تفرح ياصاحب

[الجيلى أحمد]

مساء السعادة يا جيلي
منور السهرة

سارة شايلة ليها عكاز وبتفتش ليكم انت وحاتم علي
وانت بالذات قالت تنتظرها هنا لحد ما تطفح وتجي
D

مساء الورد ياأحمد

القوات لازم تكون حاضرة,

الورديه فيها كركبة

[النور يوسف محمد]

بسم الله الرحمن الرحيم
سلالالالالالالالالالالالام
كنت فى عشرة ونسة كاربة مع إيمان وتسلم عليكم
أها يا ابو حميد
الأحوال الأمنية كيف ؟
المناوب الجديد ده شيشك عليهو السهر ما بنفع معاهو
وأنا أول المحتجين
أمبارح فضحتونا مع الضيوف
مرقو بى صمة خشمن
الموضوع ده ما يعدى ساكت

[الجيلى أحمد]

الجيلي ..ما ادس عليك..الشي الوصفتوده دايرلو عزيمة عديييييييل..
وأخير أختاها قبال ما حالتي تلحق حالتك:D بعيد عنك ولية وما عندي قدرة على المعارك..

الحكاية دى كترت يامى

والواحد هضربتو كترت
والحكومة بقت منزعجة



دا خراب بيوت ياجدعان

[الجيلى أحمد]

بسم الله الرحمن الرحيم
سلالالالالالالالالالالالام
كنت فى عشرة ونسة كاربة مع إيمان وتسلم عليكم
أها يا ابو حميد
الأحوال الأمنية كيف ؟
المناوب الجديد ده شيشك عليهو السهر ما بنفع معاهو
وأنا أول المحتجين
أمبارح فضحتونا مع الضيوف
مرقو بى صمة خشمن
الموضوع ده ما يعدى ساكت



نور الله الذى يمشى على الأرض,


سلام ياصاحب

ناسك ديل ماأدونا راسنا,

ضاربنا الجوع

( سارة إتصرفت بى طريقتا):mad:

[مي هاشم]

الحكاية دى كترت يامى

والواحد هضربتو كترت
والحكومة بقت منزعجة



دا خراب بيوت ياجدعان

انت مصر تدخلني العكة..هسي ما كنا في سارة الجاب سيرة الحكومة شنو بالليل ده!!

والله ياهو خراب البيوت زااااتو


الجيلي يا خوي..مد راسك ده النّعزملك ..الفيك ده يا فكاك يا جاني..
وفي الحالتين انا الضايع

[مي هاشم]

بسم الله الرحمن الرحيم
سلالالالالالالالالالالالام
كنت فى عشرة ونسة كاربة مع إيمان وتسلم عليكم
أها يا ابو حميد
الأحوال الأمنية كيف ؟
المناوب الجديد ده شيشك عليهو السهر ما بنفع معاهو
وأنا أول المحتجين
أمبارح فضحتونا مع الضيوف
مرقو بى صمة خشمن
الموضوع ده ما يعدى ساكت


سلاااااااام يا النور..

أحسن حاجة انك دخلت ببسم الله..لأنو الظاهر كده البوست الليلي ده بقى فيهو بسم الله:D

واسأل الجيلي من حالتو كان ما مصدقني:D:D

[مي هاشم]

نور الله الذى يمشى على الأرض,


سلام ياصاحب

ناسك ديل ماأدونا راسنا,

ضاربنا الجوع

( سارة إتصرفت بى طريقتا):mad:



في قراصة بالسمن والسكر..تنفع معاك؟؟

[مي هاشم]

تصبحوا على الف خير..



العفو والعافية ..

[الجيلى أحمد]

في قراصة بالسمن والسكر..تنفع معاك؟؟

برضو أحسن من الباسطة الهرونى بيها هرى

[النور يوسف محمد]

بسم الله الرحمن الرحيم

هجد الأنام ... .... وأنا وحدى مساهر

...........

النائمون على مخدات الأسف ..
فى المنافى .. والمرافى .. والفيافى
والحالمون بأشباحٍ تهوِى ..
الى زمنٍ ساحق .... نوم العافى
هذا وطنٌ سامق
هذا قدرٌ سابق
هذا عهد الحزن .. هذا جيل المتعافى
من ادران التقوى
من سقطات الزهد
من ذى النون وزمرته .. من سخف الورع الحافى
..
...

.....

عودوا الى هواجسكم ..... شكر الله سعيكم

الجيلى .. يا سلام عليك يا سلام

بسم الله الرحمن الرحيم
الجيلى يا صديق
كل حكومات الدنيا نايمة
أحمد ربك حكومتك صاحية
وبهدى ليك الفوق دى ..كحبة عند اللزوم

[الجيلى أحمد]

صاحبتنا سارة زى رخمت
وأخدت ليها دقسة بعد العضة الجامدة,

هسع بتكون بتشخر
كان قريبه

أها الناس الراجيين الضيافه

ينومو القوا

[الجيلى أحمد]

نور الله الذى أنبت يوسف
سلام عليك حتى مطلع الفجر,
وعلى نورنا..


أهديك أجمل الكلمات,
وأحد اعذب لحن سمعته..


WIDTH=400 HEIGHT=350




Free like the river
Flowing freely through infinity
Free to be sure of
What I am and who I need not be
Free from all worries
Worries prey on oneself's troubled mind
Freer than the clock's hands
Tickin' way the times
Freer than the meaning of free that man defines
Life running through me
Till I feel my father God has called

Me having nothin'
But possessing riches more than all
And I'm free
To be nowhere
But in every place I need to be
Freer than a sunbeam
Shining through my soul
Free from feelin' heat or knowing bitter cold
Free from conceiving the beginning
For that's the infinite start

I'm gone - gone but still living
Life goes on without a beating heart

Free like a vision
That the mind of only you can see

Freer than a raindrop
Falling from the sky
Freer than a smile in a baby's sleepin' eyes

I'm free like a river
Flowin' freely through infinity
I'm free to be sure of what
I am and who I need not to be
I'm much freer - like the meaning of the word free that crazy man defines
Free - free like the vision that
The mind of only you are ever gonna see
Free like the river my life
Goes on and on through infinity

[فيصل سعد]

**تعليمات استدعاء عاجل: الوردية السابقة كلها دون استثناء عسكريين و مدنيين، تجمع حالا في مكتب سعادة رئيس الادارة ، و كل زول يجيب العهد و الامانات و السلاح و الذخيرة، و الكومندان احمد و فتحي و ساره يحضروا و معهم دفتر الاحوال و النبطشة و المراقبة منذ بداية هذا البوست الى الآن ..



بسبب التقصير في الضيافة اول امس، و الغياب و الزغبرة :D:D
اثناء الدوام، و الاهمال و التسيب و تناول الباسطة بشراهة :D:D
تقرر مايلي :

تسريح سارة و فتحي و الجيلي من الخدمة و الغاء عقود عملهم،
و صرف كافة مستحقاتهم و صرف راتب 6 شهور حافز،
و قطعة ارض درجة اولى و اعفائهم من سداد باقي اقساط
السيارة و الثلاجة و المكيف، و تمديد سكنهم في بيوت الحكومة
لمدة تسعة شهور حتى انتهاء المدارس و رمضان و عيد الاضحى ..

توجيه انذار كتابي للعقيد احمد محمد زين حسين و تحويله لقيادة
وردية بعد الظهر و تحويل سكنة داخل الوحدة، و خصم راتب
شهر و ذلك بخصم جنيهين شهريا لمدة عشرة اعوام ..

زيادة استاف الكاترينج و خدمة العملاء، و زيادة افراد قوة الوحدة
بعناصر شابة و خلاقة و مبتكرة، و رفع درجة الاستعداد و الطوارئ
حتى نهاية العام ..

و عاش السهر و عاش المساهرين
و المساهرات رمزا للتواصل و عنوان للمحبة ..

WIDTH=400 HEIGHT=350

[احمد زين]

بسبب التقصير في الضيافة اول امس، و الغياب و الزغبرة :D:D
اثناء الدوام، و الاهمال و التسيب و تناول الباسطة بشراهة :D:D
تقرر مايلي :

تسريح سارة و فتحي و الجيلي من الخدمة و الغاء عقود عملهم،
و صرف كافة مستحقاتهم و صرف راتب 6 شهور حافز،
و قطعة ارض درجة اولى و اعفائهم من سداد باقي اقساط
السيارة و الثلاجة و المكيف، و تمديد سكنهم في بيوت الحكومة
لمدة تسعة شهور حتى انتهاء المدارس و رمضان و عيد الاضحى ..

توجيه انذار كتابي للعقيد احمد محمد زين حسين و تحويله لقيادة
وردية بعد الظهر و تحويل سكنة داخل الوحدة، و خصم راتب
شهر و ذلك بخصم جنيهين شهريا لمدة عشرة اعوام ..

زيادة استاف الكاترينج و خدمة العملاء، و زيادة افراد قوة الوحدة
بعناصر شابة و خلاقة و مبتكرة، و رفع درجة الاستعداد و الطوارئ
حتى نهاية العام ..

و عاش السهر و عاش المساهرين
و المساهرات رمزا للتواصل و عنوان للمحبة ..

WIDTH=400 HEIGHT=350

ينصر دينك يا استاذ ....... نفيســــــــــــــــــــــــــــــــــة

[الجيلى أحمد]

بسبب التقصير في الضيافة اول امس، و الغياب و الزغبرة :D:D
اثناء الدوام، و الاهمال و التسيب و تناول الباسطة بشراهة :D:D
تقرر مايلي :

تسريح سارة و فتحي و الجيلي من الخدمة و الغاء عقود عملهم،
و صرف كافة مستحقاتهم و صرف راتب 6 شهور حافز،
و قطعة ارض درجة اولى و اعفائهم من سداد باقي اقساط
السيارة و الثلاجة و المكيف، و تمديد سكنهم في بيوت الحكومة
لمدة تسعة شهور حتى انتهاء المدارس و رمضان و عيد الاضحى ..

توجيه انذار كتابي للعقيد احمد محمد زين حسين و تحويله لقيادة
وردية بعد الظهر و تحويل سكنة داخل الوحدة، و خصم راتب
شهر و ذلك بخصم جنيهين شهريا لمدة عشرة اعوام ..

زيادة استاف الكاترينج و خدمة العملاء، و زيادة افراد قوة الوحدة
بعناصر شابة و خلاقة و مبتكرة، و رفع درجة الاستعداد و الطوارئ
حتى نهاية العام ..

و عاش السهر و عاش المساهرين
و المساهرات رمزا للتواصل و عنوان للمحبة
:D:D

الباسطة يادكتور


وفروا لينا الباسطة ياسعادتك:D


وعايزين بُسطى
ومدرسة وسطى
والشفخانة بديل للنقطة

[طارق صديق كانديك]

مساء الخير .. !!

غايتو الله عتقنا من السهر ولله الحمد ...:)

نجيكم ... منجميييييييييين ... !!:D

تحياتي يا ود الزين وضيوفك الكرام

محبتي

[نزار حسن علي]

الزول الراقي والجميل
ود الزين
يا سيدي نحنا ناس النهار وانتو ناس الليل
ولو اتحفنا ود عثمان تعال يا ليل وفوت يا نهار
ودقي يا مزيكة

[سارة]

مساء الخير .. !!

غايتو الله عتقنا من السهر ولله الحمد ...:)

نجيكم ... منجميييييييييين ... !!:D

تحياتي يا ود الزين وضيوفك الكرام

محبتي



طارق كانديك

ياخ سمعت ولا جابو ليك:confused::confused:

[طارق صديق كانديك]

طارق كانديك

ياخ سمعت ولا جابو ليك:confused::confused:

قال ليك .. شوف أين أدييييييييييييل كده .... :D

وين يا شقيقة .. أقسم بالله مشتاقين ياخ .. !!

لكنها المشاغل تأخذنا تارةً هناك وتاراتٍ بلا عنوان ... !!

أمسحيها في وشي الشين ده بالله ... !!!

تقديري ومودتي

[سارة]

قال ليك .. شوف أين أدييييييييييييل كده .... :D

وين يا شقيقة .. أقسم بالله مشتاقين ياخ .. !!

لكنها المشاغل تأخذنا تارةً هناك وتاراتٍ بلا عنوان ... !!

أمسحيها في وشي الشين ده بالله ... !!!

تقديري ومودتي

ابو حمزة ياغالى

قلنا وكت ما بتجوا بالذوق نجيبكم بالعافيةgooodgoood

يسلم وشك يا نقى والشين عدوك

[طارق صديق كانديك]

ابو حمزة ياغالى

قلنا وكت ما بتجوا بالذوق نجيبكم بالعافيةgooodgoood

يسلم وشك يا نقى والشين عدوك

عااارفك حنينة ورقيقة .. !!

تسلمي يا شقيقة

الهمبته ناقصاك ياخ .. تعالي هناك .. أدينا مسدار مشتاقين ليه برضو ... !!

أمنياتي

[احمد زين]

بسم الله الرحمن الرحيم
أحمد يا دكتور
مساء الورد
ياخى المناوبة أعمل ليها جدول .. عشان نعرف نحاسب


تمام سعادتك
عُلِم وينفذ

السبت ................. سارة الضارة
الاحد........................ د. حذيفة
الاثنين ...................... أبو اليشا
الثلاثاء ....................فيصل سعد
الاربعاء .............نبراس+ سمراء
الخميس ........................جنابك
الجمعة ...............أحمد مجمد زين
نرجو من الجميع الالتزام بجدول المناوبات بعد اعتماده من السيد القائد العام

[النور يوسف محمد]

بسم الله الرحمن الرحيم
يا دكتور .. سلامات ومساء الفل
الجدول ده بجيب ليك مشكلة جندر وكده
يعنى ( سمراء + نبراس ) على وزن فإن لم يكن رجل فامرأتان
نبراس أدها الخميس ( مكرمة من الأمانة العامة :) )

سارة الضرر النافع .. سارة الذوق النابع
من قلباً أبيض ناصع ..

يعتمد وفقاً للتعديلات أعلاه

[نزار حسن علي]

المساهروووووووووووووووووووووووون
حبابكم الف
النكته بالله لفيصل سعد وساره

مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها بعرج يا حاجة

ودقي يا مزيكة

[wadosman]

المساهروووووووووووووووووووووووون
حبابكم الف
النكته بالله لفيصل سعد وساره

مسطول بحب الكتشينة
جاء ساطل سطلة ليها ضل
دخل البيت
امو قالت ليهو يا عثمان غطي البت دي
قال ليها بعرج يا حاجة

ودقي يا مزيكة

gooodgooodgoood

انت بى كرت ولا شنو..؟؟؟:cool:

[احمد زين]

بسم الله الرحمن الرحيم
يا دكتور .. سلامات ومساء الفل
الجدول ده بجيب ليك مشكلة جندر وكده
يعنى ( سمراء + نبراس ) على وزن فإن لم يكن رجل فامرأتان
نبراس أدها الخميس ( مكرمة من الأمانة العامة :) )


يا جنابو النور الكلام ده هو البجيب المشاكل

السبت ................. سارة الضارة

الاربعاء .............نبراس+ سمراء
اسي تقول لي سارة شنو؟
:confused::confused:

[مي هاشم]

مساء الخير



حضور بأدب وسكات .. ولا كلمة..

[نبراس السيد الدمرداش]

مساء الخير يا سهارى و حيارى
اصلا الحيره من مسببات السهر
لكن لقيت خوتكم خوة كاب انا لي 3 يوم مافي زول هببو لي ولا سأل مني ماف
الفيكم اتعرفت:D
الليله ماشاء الله السهرة عامره

بسم الله الرحمن الرحيم
يا دكتور .. سلامات ومساء الفل
الجدول ده بجيب ليك مشكلة جندر وكده
يعنى ( سمراء + نبراس ) على وزن فإن لم يكن رجل فامرأتان
نبراس أدها الخميس ( مكرمة من الأمانة العامة :) )

سارة الضرر النافع .. سارة الذوق النابع
من قلباً أبيض ناصع ..

يعتمد وفقاً للتعديلات أعلاه

انا موافقه يا جنابو اساهر ليك بالجماعه للصباح
بس كلمو فيصل و الجيلي يجيبو لي باسطه من البيت السوري
(دي الا بالبلوتوث طبعا)
قالو مسطول عصبي شديد جا راجع من الشغل لقى مرتو
قال ليها اسمعي انا ح اقول ليك حاجه بس انتي ما حتصدقيني وحتقولي كذاب
انتي الكذابه و ستين كذابه و اهلك كذابين وانتي طالق بالتلاته

[احمد زين]

إحصائيات المنتدى
المتواجدون الآن: 17 (الأعضاء 7 والزوار 10)
‏أحمد محمد زين حسين, ‏مبر الريح الشريف محمود, ‏مي هاشم+, ‏Osman Mohamed, ‏wadosman+, ‏ZEIN ABDALLA, ‏نبراس السيد الدمرداش
تمام الواحدة صباحا ولم يظهر رئيس الوردية حتى الآن
الاثنين ...................... أبو اليشا

[wadosman]

الليله عشاكم شنو..؟؟؟

انا غايتو عندى باسطه...:p

[نبراس السيد الدمرداش]

يا ود الزين يا خوي
الجيلي دا سااااااااارح مع ود الحاج بهناك وما جايب خبر

ود عثمان مشرفنا
العشاء دا و الله المسؤل منو الجيلي
و الجيلي غايب في الركايب:p
بالله قطعه فيها قشطه

[سارة]

الليله عشاكم شنو..؟؟؟

انا غايتو عندى باسطه...:p


عشينى معاك يا جميل كيتن فى احمد زين

[سارة]

بسم الله الرحمن الرحيم
يا دكتور .. سلامات ومساء الفل
الجدول ده بجيب ليك مشكلة جندر وكده
يعنى ( سمراء + نبراس ) على وزن فإن لم يكن رجل فامرأتان
نبراس أدها الخميس ( مكرمة من الأمانة العامة :) )

سارة الضرر النافع .. سارة الذوق النابع
من قلباً أبيض ناصع ..

يعتمد وفقاً للتعديلات أعلاه


النور يا قلب بتاع انا



تحية ومحبة وتقدير بدون شروط

كدا فى الله ولى الله

[wadosman]

عشينى معاك يا جميل كيتن فى احمد زين

طواالى ما عند مشكله...

مخصوم منك ساعتين عشان التاخير...:rolleyes:

[مي هاشم]

ما اتعشيت لحدي هسي انا زاتي..

بس الباسطة دي دسمة بالليل..وما بحب الحاجات الحلوة..

آكل شنو؟؟

[النور يوسف محمد]

بسم الله الرحمن الرحيم
سلام عليكم كلكم بدون فرز
أحمد , سارة , نبراس , ودعثمان , مى
الجيلى ده إذنو معاهو .. عندو واسطة قويه
الخال شخصياً

كنت مشغول فى بوست بعمل ليهو فى تشطيبات نهائية
قلنا بعدين الأمانة العامة دى ممكن تزحم الوكت
وحباً فى المساهرون بنزلو بالليل ... وموضوعو جميل
يعنى يا نبراس من بيت البكاء للحفلة عدل

[النور يوسف محمد]

الليله عشاكم شنو..؟؟؟

انا غايتو عندى باسطه...:p
بسم الله الرحمن الرحيم
ود عثمان زيك
وياخى والله دى فرصة جميلة أسلم عليك
ونتعرف بيك
بشوفك فى المساحات الطروبة والحفلات
وأنا زول بكون فى المقاعد الخلفية دايماً .. نبتسم للجمال :)
بعدين عندى باسطة فى التلاجة كدى النقوم افقدا

[سارة]

ما اتعشيت لحدي هسي انا زاتي..

بس الباسطة دي دسمة بالليل..وما بحب الحاجات الحلوة..

آكل شنو؟؟

ميمى حبيبتى

مشتاقوووووووووووون

[نبراس السيد الدمرداش]

بسم الله الرحمن الرحيم
سلام عليكم كلكم بدون فرز
أحمد , سارة , نبراس , ودعثمان , مى
الجيلى ده إذنو معاهو .. عندو واسطة قويه
الخال شخصياً

كنت مشغول فى بوست بعمل ليهو فى تشطيبات نهائية
قلنا بعدين الأمانة العامة دى ممكن تزحم الوكت
وحباً فى المساهرون بنزلو بالليل ... وموضوعو جميل
يعنى يا نبراس من بيت البكاء للحفلة عدل

يا سعادتك ما معانا واسطات هنا
نلقاها من وين ولا وين
حتى في المنتدى واسطه
في انتظارك
و الذ شيء انو ما نخلي الاحزان تاخد مننا كتير

سرور مالك متاخره
مي مشتاااااااااااااااااقه لي عبد المحمود

[سارة]

طواالى ما عند مشكله...

مخصوم منك ساعتين عشان التاخير...:rolleyes:

ظرووف يا باشا ظروف:(

[مي هاشم]

ميمى حبيبتى

مشتاقوووووووووووون



بالأكتر يا حبيبة الشعب..


عيني باردة ..المزاج رايق الليلة:D

[سارة]

يا سعادتك ما معانا واسطات هنا
نلقاها من وين ولا وين
حتى في المنتدى واسطه
في انتظارك
و الذ شيء انو ما نخلي الاحزان تاخد مننا كتير

سرور مالك متاخره
مي مشتاااااااااااااااااقه لي عبد المحمود



سوسو يا حبيبة

والله اسكتوا ساكت بس:(

خلوها فى سركم

[مي هاشم]

مي مشتاااااااااااااااااقه لي عبد المحمود


يا نبراس ..شوق الشوق يا حبيبة..

عبد المحمود زاتو مشتاق ليك..looool
الايام دي بيطلع في الأضراس وتعبان منها..بيستعد للأكل:D..أظهري وتعالي أكلي ليك معانا لقمة..

[سارة]

بالأكتر يا حبيبة الشعب..


عيني باردة ..المزاج رايق الليلة:D


قلنا نعمل بمقولة كن جميلا ترى الوجود جميلا

[مي هاشم]

قلنا نعمل بمقولة كن جميلا ترى الوجود جميلا


الحب والجمال منشآ الكون..صدقيني..


بنصحك تقول انا خلاااااااااااااااااص:D:D

[النور يوسف محمد]

النور يا قلب بتاع انا



تحية ومحبة وتقدير بدون شروط

كدا فى الله ولى الله
بسم الله الرحمن الرحيم
سارة
مساءات البهجة
كيفنك
بالمناسبة إيمان تسأل منك
أمس كنا فى سيرتك

[نبراس السيد الدمرداش]

سرور انتي اصلا جميله
و اجمل شيء فيك انو الفي قلبك على لسانك
عاوزا تتشاكلي بتقولي مزاجك رايق بتقولي و بظهر عليك

يا مي بجيكم تب قريب انشاء الله
جهزي اللقمه بس(بملاح روب)

[سارة]

بسم الله الرحمن الرحيم
سارة
مساءات البهجة
كيفنك
بالمناسبة إيمان تسأل منك
أمس كنا فى سيرتك

مسا الجمال
تسال منها العافية يارب

تعرف والله انا خجلانة من نفسى:o

لكن ليك على بكرة باذن الله اتصل واتونس معاها

المفروض اكلمها بس انشغلت مع الحجة الله يديها العافية

[سارة]

سرور انتي اصلا جميله
و اجمل شيء فيك انو الفي قلبك على لسانك
عاوزا تتشاكلي بتقولي مزاجك رايق بتقولي و بظهر عليك

يا مي بجيكم تب قريب انشاء الله
جهزي اللقمه بس(بملاح روب)

نوسة ست الناس وستى انا

مافى شى جايب لينا وجع القلب الا القلب دا

وبينى وبينك اولها ضحكة واخرها كوم تراب

يعنى طولت العمر ليك لو نحن عارفين كموم التراب دا تحته بكون فى شنو

زول بيتفاسل ولا يقول كلام وحش مافى

بس الله قادر يا بت الشيخ





ملاح روب يا خونة :mad:

ما ينفعكم

[نبراس السيد الدمرداش]

ربنا يحسن خواتمنا جميعا يا ساره
بس مرات بالجد بتلاقيك حاجات موش تعمل وجع قلب
حاجات تفرم القلب (نقلب الصفحه دي عشان ما نخرمج البوست)

ملاح الروب حينفعنا
بطلي حقد و خليك جميله زي ما انتي :D
بنرسل ليك منو ,اسي الطفاسه بتاعت الجيلي دي جبتيها من وين

[سارة]

ربنا يحسن خواتمنا جميعا يا ساره
بس مرات بالجد بتلاقيك حاجات موش تعمل وجع قلب
حاجات تفرم القلب (نقلب الصفحه دي عشان ما نخرمج البوست)

ملاح الروب حينفعنا
بطلي حقد و خليك جميله زي ما انتي :D
بنرسل ليك منو ,اسي الطفاسه بتاعت الجيلي دي جبتيها من وين


تعرفة مشكلتى مع الجيلى انه اخوى

والا والله مرات مرات بقول اخنقو افطسو وارتاح منو

[سارة]

بس الروب ما ينفعكم

[الجيلى أحمد]

تعرفة مشكلتى مع الجيلى انه اخوى

والا والله مرات مرات بقول اخنقو افطسو وارتاح منو

معليش يانبراس

وأمسحيها لى فى وشى دا..

الزولة دى مخرفة
ومابتفرز بين الحاجات..

لسه ماعارفة الفرق بين فِطّيس,
و طفاسة..

مجبورين عليها,
نشيل ونعلم فيها وبلافايدة

[سارة]

معليش يانبراس

وأمسحيها لى فى وشى دا..

الزولة دى مخرفة
ومابتفرز بين الحاجات..

لسه ماعارفة الفرق بين فِطّيس,
و طفاسة..

مجبورين عليها,
نشيل ونعلم فيها وبلافايدة

ليك يوم يا تارك الصلاة:mad:






الصورة حلوة شديد والنبى يتبرا منك كان ما ترسل لى صورة جمال

انت ان شاء الله اخو السواد والرماد

[نبراس السيد الدمرداش]

جيلينا سلامة وشك
وينك اليوم الورديه عليك
صوركم جميله مع خالد ربنا يجمعكم دايما

عارف انا ح امشي لمي بعد يوم يومين و نعمل عصيده بروب
و ح اصورا لساره مخصوص

قلت ليك يا ساره حينفعنا ما تتعبي روحك ساي

[سارة]

جيلينا سلامة وشك
وينك اليوم الورديه عليك
صوركم جميله مع خالد ربنا يجمعكم دايما

عارف انا ح امشي لمي بعد يوم يومين و نعمل عصيده بروب
و ح اصورا لساره مخصوص

قلت ليك يا ساره حينفعنا ما تتعبي روحك ساي



ما تنرفزينى لو قمت دعيت عليكم

الموضوع بطرشق احسن ليك

[hatim ALi]

سارة أرفع ليك البوست إياهو gooodgoood


ما قلنا ليك خليهو يمشي الخور

اتجوعلتي :D

أها أبقي قدروا


_________________

تحياتي للجميع

[الجيلى أحمد]

نبراس وسارة

أنا مرفوت من النبطشية دى,
وكنتا جآى بس أسلم عليكم ياجكس.

إنتو ماقريتو الكلام بتاع فيصل
ومالاحظتو إنو فتحى مسعد مختفى..

أنا شامى ريحة إنقلاب..

عمكم فتحى معتقل
وإنتو تضحكو وتقرقرو:mad:

[سارة]

سارة أرفع ليك البوست إياهو gooodgoood


ما قلنا ليك خليهو يمشي الخور

اتجوعلتي :D

أها أبقي قدروا


_________________

تحياتي للجميع



بوست النسوان حق البنطلون

عليك دينك ارفعوا انا بس افضى لى كلام الولية سلوى دى وبجيك

عشان اناقش كلام خارم بارم لازم انا زاتى اكون فى مود خارم بارمgoood

[سارة]

نبراس وسارة

أنا مرفوت من النبطشية دى,
وكنتا جآى بس أسلم عليكم ياجكس.

إنتو ماقريتو الكلام بتاع فيصل
ومالاحظتو إنو فتحى مسعد مختفى..

أنا شامى ريحة إنقلاب..

عمكم فتحى معتقلوإنتو تضحكو وتقرقرو:mad:



الكيزان ما بخافوا الله بيعملوهاgooodgooodgooodا

[نبراس السيد الدمرداش]

حاتم منور

الجيلي دا كلام شنو
جبتو من وين
و انا اقووووووووول
عمو فتحي مختفي,و فيصل كتب ليهو كلمتين وتاني ما شفتو
و انت زايغ من النبطشيه
سارة يا بت احسن نتلم يقوموا يكشونا نحن برضو
و ما تلحقي تدعي علينا زاتو
اها تصبحوا على خير

[سارة]

حاتم منور

الجيلي دا كلام شنو
جبتو من وين
و انا اقووووووووول
عمو فتحي مختفي,و فيصل كتب ليهو كلمتين وتاني ما شفتو
و انت زايغ من النبطشيه
سارة يا بت احسن نتلم يقوموا يكشونا نحن برضو
و ما تلحقي تدعي علينا زاتو
اها تصبحوا على خير

انت خايفة من الكيزان ولا من الجيلىgooodgoood

[hatim ALi]

انت خايفة من الكيزان ولا من الجيلىgooodgoood

سارة إتق الله يا أختاه

__________

نبراس لا عليك

فعلى هذي السفوح
(المطمئنة)

نحن قاتلنا سنيناٌ
و اقتللنا

و أحتوانا المد
المقاوم و الشراع



___________
ما حافظ الباقي
تميهو براك

عشان ما تقوم
الضلامية دي
تنزل علي
بي دساتيرها :D

[الجيلى أحمد]

تصبحى على ألف خير يانبراس


ولو فى طريقة أقنعى سارة دى تمشى تنوم

نوم الظالم عبادة:p

[سارة]

انا فعلا نعست:o

العفو والعافية والنوم موت

رجاء رجاء تعفو منى دا لو مت طبعا

ولو ربنا احيانى بجى ناطة ليكم فى حلاقيكم والحلا بلا ما يحلكم

اها اتفشوgooodgoood

[فيصل سعد]

تمام سعادتك
عُلِم وينفذ

السبت ................. سارة الضارة
الاحد........................ د. حذيفة
الاثنين ...................... أبو اليشا
الثلاثاء ....................فيصل سعد
الاربعاء .............نبراس+ سمراء
الخميس ........................جنابك
الجمعة ...............أحمد مجمد زين
نرجو من الجميع الالتزام بجدول المناوبات بعد اعتماده من السيد القائد العام

يا كومندان المحبة :
اوامرك وجبت التنفيذ، وانا
برضو بناوب مع ناس الاربعاء
و بكون معاهم في الويرلس :D:D

الشجر اقلام جميع
و النيل مداد
لو كتب اشواقي
ليك ما عددها

WIDTH=400 HEIGHT=350

[احمد زين]

عشينى معاك يا جميل كيتن فى احمد زين

إتعشن بيك كلاب الحِلَّة شحدت ربي عليك:mad:(ده كان فيك شيئ بتاكل):D

[مي هاشم]

أجمل مســــــــــــــــاء
يا ساهرون ومتاوقون..

[سارة]

إتعشن بيك كلاب الحِلَّة شحدت ربي عليك:mad:(ده كان فيك شيئ بتاكل):D

لو من قلبك يا احمد رضيانة

[احمد زين]

لو من قلبك يا احمد رضيانة

انت عارفة قلبي ما بحمل فيك الهبشة looool
ان ساء الله انا بموتو زاتو:D

[عادل عسوم]

لو من قلبك يا احمد رضيانة

سارة
جيبي أضانك جاي
.
.
.
.
.
.
.
الأيامات دي القاوت قايم عليو
ليهو شهر لحماية مادخلت خشمو
:D:D

[احمد زين]

أجمل مســــــــــــــــاء
يا ساهرون ومتاوقون..

المساهرون على اطراف الليل
اما اوائل الثلث الاول او اواخر الثلث الاخير من الليل
وفي رواية الليل وآخره
وقليلا ما تهجعون
وهكذا حال الناس الوطاويط

وس وس وس
م ش ت ا ق ي ن يا اختي الحبيبة

[سارة]

انت عارفة قلبي ما بحمل فيك الهبشة looool
ان ساء الله انا بموتو زاتو:D


بختى بخوتيةgooodgoood

[سارة]

سارة
جيبي أضانك جاي
.
.
.
.
.
.
.
الأيامات دي القاوت قايم عليو
ليهو شهر لحماية مادخلت خشمو
:D:D



مسيكين ابو حميد

بس هو مرضو اتعرف











ات الجاك شنو؟؟؟؟؟؟؟؟؟

[احمد زين]

مسيكين ابو حميد

بس هو مرضو اتعرف

ات الجاك شنو؟؟؟؟؟؟؟؟؟

جاتو الكِشَّة ووجع الفِشَّةgooodgooodgoood

[عادل عسوم]

مسيكين ابو حميد

بس هو مرضو اتعرف











ات الجاك شنو؟؟؟؟؟؟؟؟؟
اتحرمت من مشاوير اللحمة بي سببو:mad:
:D:D

[عادل عسوم]

جاتو الكِشَّة ووجع الفِشَّةgooodgooodgoood
عزومة بكرة باقي ليك بكون فيها لحمة؟












ماتكلم سارة دي بالعزومة:p
:D:D

[مي هاشم]

وس وس وس
م ش ت ا ق ي ن يا اختي الحبيبة



عندي عقدة من الوسوسة..الله يكفيك شر العقد:)

وكان على الشوق..بـــــــــــــــراااااااااااااك عارف..يا أحب ألأخوان..

[فتحي مسعد حنفي]

عزومة بكرة باقي ليك بكون فيها لحمة؟

ماتكلم سارة دي بالعزومة:p
:D:D



أعمل حسابك ياعادل العزومة دي ممكن تكون كمين وود الزين ما مضمون وممكن يبيعك بي جالون بنزينgoood:Dgoood

[نبراس السيد الدمرداش]

احباب السهر و الليل
مساء جميل عليكم

عمو فتحي نورت من تاني انشاء الله آخر غياب

شامه لي ريحة عوازيم شنو الخيانات دي

[احمد زين]

أعمل حسابك ياعادل العزومة دي ممكن تكون كمين وود الزين ما مضمون وممكن يبيعك بي جالون بنزينgoood:Dgoood

حمدا لله على السلامة يا خواجة
والله عافي منك ... اخونا الجيلي بطنو ما بردت:D
قلت لي كيف؟؟؟؟؟؟؟؟؟؟؟؟
كمين علي شايقي يا فتحي؟؟؟؟؟؟؟؟؟؟

[احمد زين]

إحصائيات المنتدى
المتواجدون الآن: 40 (الأعضاء 12 والزوار 28)
‏أحمد محمد زين حسين, ‏مبر الريح الشريف محمود, ‏مي هاشم+, ‏محمد الفاتح أبوكنة, ‏الجيلى أحمد, ‏النور يوسف محمد, ‏بدور التركي+, ‏سارة+, ‏فتحي مسعد حنفي, ‏نبراس السيد الدمرداش, ‏نهلة محكر, ‏طيبان

كالعادة تاخر رئيس الوردية

الثلاثاء ....................فيصل سعد

ياخي الدنيا عندك نهار
قوم اتغدى وتعال شوف شغلك

[فتحي مسعد حنفي]

حمدا لله على السلامة يا خواجة
والله عافي منك ... اخونا الجيلي بطنو ما بردت:D
قلت لي كيف؟؟؟؟؟؟؟؟؟؟؟؟
كمين علي شايقي يا فتحي؟؟؟؟؟؟؟؟؟؟




أسمع يازول يالخبات انت الجيلي دا ولدي ما تحاول توقع بيناتنا عشان ما حيسمع كلامك...عموما دا ما الموضوع الأنا بكتب ليك فيهو هسة..انت ياولد لامن قلت ليك انت شايقي ..مش نكرت وقلت ماك شايقي ..هسة جاي تقول شايقي..:confused::confused:
من حظك اني ما شغال براحتي عشان أطلع ليك كلامك الأنكرت فيهو انك شايقي وبعدين سيد النت كافيه شايفو بيحمر لي أظنو داير يمش ينومgoood:D

[احمد زين]

أسمع يازول يالخبات انت الجيلي دا ولدي ما تحاول توقع بيناتنا عشان ما حيسمع كلامك...عموما دا ما الموضوع الأنا بكتب ليك فيهو هسة..انت ياولد لامن قلت ليك انت شايقي ..مش نكرت وقلت ماك شايقي ..هسة جاي تقول شايقي..:confused::confused:
من حظك اني ما شغال براحتي عشان أطلع ليك كلامك الأنكرت فيهو انك شايقي وبعدين سيد النت كافيه شايفو بيحمر لي أظنو داير يمش ينومgoood:D

يا زول انت غيرت نوع السمسمية ولا شنو؟:D

كمين علي شايقي يا فتحي؟؟؟؟؟؟؟؟؟؟

دي انا قاصد بيها صاحبك اب شلاضيم ده:D

[سارة]

عزومة بكرة باقي ليك بكون فيها لحمة؟












ماتكلم سارة دي بالعزومة:p
:D:D


الموضوع ركو على بعرة بعرتين

وبجيب خبركم













ما تنفعكم:mad:

[نبراس السيد الدمرداش]

مساء الخير
اليوم الورديه علي انا وسمراء بس شكلها متاخره شويه
اتفضلوا البيت بيتكم حبابكم عشره بلا كشره

[رأفت ميلاد]

جيتوا وجيتن يا ناس باليل .. خليتكم لى الله .. تصبحوا على خير

[سارة]

جيتوا وجيتن يا ناس باليل .. خليتكم لى الله .. تصبحوا على خير


كل سنة وانت طيب يا طيب

[النور يوسف محمد]

بسم الله الرحمن الرحيم
سارة .. نبراس
إزيكم ومساء الفل
وكل سنة وإنتو طيبين
وين الشباب ..الأحباب .. الصحاب
الهدوء يجتاح البوست ...
زمان زمن البوليس لما المناوبة تكون هادئة
مافيها ضرب . شكل . كتل بنقول عليها ( مباراة ودية )
الظاهر الليلة المناوبة دى ودية
مشتاقين
نبراس
أدى الأفندية طلة

[نبراس السيد الدمرداش]

عمو رافت كل سنه وانت طيب
هو انت جيت متين عشان تمشي,بعدين كل يوم ادخل اشوف عمران الحصل عليهو شنو
القاهو محلك سر

ساره منوره كيف اخبارك

يا النور مساءك نور
عارف دي بروفه لبكرا
قالو الحكومه حفاظا على النظام
حتنشر كذا الف شرطي ليلة الاحتفال بالعام الجديد
وآخر موعد لمظاهر الاحتفال الساعه 1 ص
كل سنه طيبين جميعا
نمشي نشوف الافنديه

[hatim ALi]

نبراس لقيتك ماسكا الوردية على احسن ما يكون

تحياتي لرأفت و النور و سارة


بس خايف يكون فيكم واحد من الصنف الديموقراطي gooodgoood


تبقا مشكلة و الله :D

[نبراس السيد الدمرداش]

بس خايف يكون فيكم واحد من الصنف الديموقراطي


تبقا مشكلة و الله

هووووووي يا حاتم ما سمعت جنابو قال وردية ودية

ما عاوزين اي خرمجه والا محرومين من العشاء,و العشاء كارب

[سارة]

بس خايف يكون فيكم واحد من الصنف الديموقراطي


تبقا مشكلة و الله

هووووووي يا حاتم ما سمعت جنابو قال وردية ودية

ما عاوزين اي خرمجه والا محرومين من العشاء,و العشاء كارب

حاتم قال داير يبقى زول استايلى

وكت الديمقراطية ما جابت همها


اححححححححححححى استغفرتك يا ملك روحى

[hatim ALi]

بس خايف يكون فيكم واحد من الصنف الديموقراطي


تبقا مشكلة و الله

هووووووي يا حاتم ما سمعت جنابو قال وردية ودية

ما عاوزين اي خرمجه والا محرومين من العشاء,و العشاء كارب

كان الموضوع فيهو عشا كارب اها :rolleyes:

خشمي عندي


______________

البسكت الديك منو يا نبراس ؟ :D

[نبراس السيد الدمرداش]

العشاء
مقبلات و سلطات بانواعها و مخللات شيبس
الطبق الرئيسي سمك (مشوي , مقلي , مسلوق , كفته )على كيفكم
طبق ثانوي فول :rolleyes:
التحليه (سلطة فواكه , باسطة , أم علي , بثبوثه بالقشطه)
الشراب (عصير تبلدي , شامبيون , شربوت )
طبعا الناس السمان بعرفو الاكل كويييييييييس goood

اها يا حاتم رايك شنو, فات الجماعة ولا كيف

انت و الديك حيرتوني
سرور عندي مشوار لبوست الافنديه بهناك ممكن توصليني بالركشه

[فتحي مسعد حنفي]

العشاء
مقبلات و سلطات بانواعها و مخللات شيبس
الطبق الرئيسي سمك (مشوي , مقلي , مسلوق , كفته )على كيفكم
طبق ثانوي فول :rolleyes:
التحليه (سلطة فواكه , باسطة , أم علي , بثبوثه بالقشطه)
الشراب (عصير تبلدي , شامبيون , شربوت )
طبعا الناس السمان بعرفو الاكل كويييييييييس goood

اها يا حاتم رايك شنو, فات الجماعة ولا كيف

انت و الديك حيرتوني
سرور عندي مشوار لبوست الافنديه بهناك ممكن توصليني بالركشه



عليك الله يانبراس تلفي لي سندويتش آكلو في القهوة القاعد فيها دي عشان مافي حتة قريبة أجيب منها أكل..ويكون جميل لو عملتيهم سندويتشين عشان أدي واحد للمدام.. يمكن ما تحاسبني علي التأخير:Dgoood:D

[نبراس السيد الدمرداش]

بس كدا يا عمو فتحي عيونا ليك
اصلا ساره جابت ركشة بتجيبو ليك سرعه
بس حدد عاوز اي صنف و المدام بتحب شنو

[رأفت ميلاد]

العشاء
مقبلات و سلطات بانواعها و مخللات شيبس
الطبق الرئيسي سمك (مشوي , مقلي , مسلوق , كفته )على كيفكم
طبق ثانوي فول :rolleyes:
التحليه (سلطة فواكه , باسطة , أم علي , بثبوثه بالقشطه)
الشراب (عصير تبلدي , شامبيون , شربوت )
طبعا الناس السمان بعرفو الاكل كويييييييييس goood

اها يا حاتم رايك شنو, فات الجماعة ولا كيف

انت و الديك حيرتوني
سرور عندي مشوار لبوست الافنديه بهناك ممكن توصليني بالركشه


عشاك مفتخر يا نبره ولقيتك كاشفة الملعب كله لحدى رقشة سارة .. أحييييى كان لقيت لى سمك مقلى حسة على شرط من الموردة ..

[نبراس السيد الدمرداش]

عشاك مفتخر يا نبره ولقيتك كاشفة الملعب كله لحدى رقشة سارة .. أحييييى كان لقيت لى سمك مقلى حسة على شرط من الموردة ..

عمو رأفت انا ماسكه وردية هنا لازم اجيب خبر المنتدى و الا اشوف لي بلد
نبره دي رجعتني 8 سنين ذكرتني ايام جميله الله يخليك
تأمر بس سمك من المورده و معاهو باسطه من سيد مكي

[hatim ALi]

العشاء
مقبلات و سلطات بانواعها و مخللات شيبس
الطبق الرئيسي سمك (مشوي , مقلي , مسلوق , كفته )على كيفكم
طبق ثانوي فول :rolleyes:
التحليه (سلطة فواكه , باسطة , أم علي , بثبوثه بالقشطه)
الشراب (عصير تبلدي , شامبيون , شربوت )
طبعا الناس السمان بعرفو الاكل كويييييييييس goood

اها يا حاتم رايك شنو, فات الجماعة ولا كيف

انت و الديك حيرتوني
سرور عندي مشوار لبوست الافنديه بهناك ممكن توصليني بالركشه


لكن يا نبراس بالغتي معاي :(

ياخي في داعي تطري لينا الحاجات دي

رحمتك يا الله :mad:

اسمعي اعملي حساب ركشة سارة دي خترة :D

[سارة]

انت لو ما طريت سارة دى امورك ما بتمشى عارفاها


فى ظومتك دى سارة الخطرة ولا ركشتها؟؟gooodgooodgoood

احب الجبهة وامووووت انا فى الانقاذ

[نبراس السيد الدمرداش]

يا حاتم اول اجازة ليكم في البلد معزومين
انت و عمو( فتحي , رافت), النور, سارة
وكل الحاضرين الورديه

اما الركشه دي ربك يستر خاصه انها غيرت لونا

[سمورية]

مسااااااء الخييييييير
والله يانبراس عيني باردة
عاد ماقصرتي
و ورديتك وردية وردية جد عاد ماخمج

[الجيلى أحمد]

يا حاتم اول اجازة ليكم في البلد معزومين
انت و عمو( فتحي , رافت), النور, سارة
وكل الحاضرين الورديه

اما الركشه دي ربك يستر خاصه انها غيرت لونا

:D

[hatim ALi]

احب الجبهة وامووووت انا فى الانقاذ

لوول

وتقولي لي ما باكل (العجوة) ؟ :D:D

[hatim ALi]

اما الركشه دي ربك يستر خاصه انها غيرت لونا

زمان بتذكر و انا سغير

في حلتنا كانوا بقولوا في اغاني البنات :

جات تغير الوانا ###### و الجكس حالتو تعبانة :Dgoood


اظنها دي الحالة يا نبراس :D

[سارة]

لوول

وتقولي لي ما باكل (العجوة) ؟ :D:D

العجوة خشوم بيوت:p

[نبراس السيد الدمرداش]

ساره اوع من العجوه المعطونه في عسل

جيلينا شرفتنا مالك متاخر ادخل لاجوا

سموريه تسلمي يا حبيبه اتفضلي حبابك

حاتم والله الجكس حالتو تعباااااااانه شديد
(انت شفت تغيير الوان الله لا وراك,شي حقن وشي كريمات و شي مابعرف شنو داك)

[hatim ALi]

لا يا نبراس
انا قصدي الجكس النوع التاني

البي سببو الجكس بغير الوانه













_____________

هذا (بإفتراض) أن سارة
محسوبة في (الجكس) ;)

[سارة]

ساره اوع من العجوه المعطونه في عسل

جيلينا شرفتنا مالك متاخر ادخل لاجوا

سموريه تسلمي يا حبيبه اتفضلي حبابك

حاتم والله الجكس حالتو تعباااااااانه شديد
(انت شفت تغيير الوان الله لا وراك,شي حقن وشي كريمات و شي مابعرف شنو داك)

بمناسبة الجكس بالله ياخ قالوا فى كريم اسمو ابو معلقة وفى واحد تانى قدر ظروفك

اها انا قدر ظروفك دا بيناسب ظروفىلو ساعدتونا يا سمار الليل بمعلومات

ينوبكم ثواب

[سارة]

لا يا نبراس
انا قصدي الجكس النوع التاني

البي سببو الجكس بغير الوانه













_____________

هذا (بإفتراض) أن سارة
محسوبة في (الجكس) ;)


كتبنا بالمبمبى قلنا نستعملها كعلامة انوثة

ما اشتغلتوا بينا:mad:



حنجيب ابو معلقة :p

ودقى يا زيكا

واحشنى نزار كل سنة وانت طيب يا طيب

[سارة]

:D

لو لقيت بريدى فاضى

يا ويلك وسواد ليلك

[الجيلى أحمد]

لو لقيت بريدى فاضى

يا ويلك وسواد ليلك

والله ياسارة الكمبيوتر حارن...

[نبراس السيد الدمرداش]

ساره و الله اللون البمبي لايق عليك اكتر من الاسود
بعدين حاتم اسي يجي يقول ليك (ظلاميه و سوداويه)
اسمعي دايره بكم؟الملعقه بجنيه :p

حاتم الجكس التقصدو دا خليهو ساي موش تعبان تعبان تكعيب

يا جمعاه كان في تطوع من فيصل يسد معانا الورديه دي بس لا حس ولا خبر

ود الزين اظن كفيت و وفيت ليك بالورديه اليوم
اها تصبحو على خير
و العفو في العافيه ليوم الاربعاء الجاي

[سارة]

ساره و الله اللون البمبي لايق عليك اكتر من الاسود
بعدين حاتم اسي يجي يقول ليك (ظلاميه و سوداويه)
اسمعي دايره بكم؟الملعقه بجنيه :p

حاتم الجكس التقصدو دا خليهو ساي موش تعبان تعبان تكعيب

يا جمعاه كان في تطوع من فيصل يسد معانا الورديه دي بس لا حس ولا خبر

ود الزين اظن كفيت و وفيت ليك بالورديه اليوم
اها تصبحو على خير
و العفو في العافيه ليوم الاربعاء الجاي



ود الزين سمع اضانى الشقية دى

مشى مشوار مع عادل عسوم

عشان عادل دا زول تابع للجماعة اياهم قال لى ود الزين ارحكاكا معاى

منها تتعشى ومنها تسمع خطبة فى فقه السنةgooodgoood

ودى معلومات من مصادرنا الخاصة

[رأفت ميلاد]

و العفو في العافيه ليوم الاربعاء الجاي

تصبحى على خير .. وقعت ليك المرة دى أكعب وردية .. أربعاء وعقاب شهر ..

ود الزين بجى بكرة أصله خميسه مطرشق ديمة gooodgooodgoood

[سارة]

ودعناكم الله والعفو والعافية وكل سنة وانتم بالف خير

[hatim ALi]

ودعناكم الله والعفو والعافية وكل سنة وانتم بالف خير

[فيصل سعد]

يا جمعاه كان في تطوع من فيصل يسد معانا الورديه دي بس لا حس ولا خبر



يا نبراس نحن هنا بالجوار متابعين و راصدين
حس و خبر و استخبار :D:D، و ورديتكم عامرة و مطمئنة
و حميمة، و اريحية و تمام التمام و كدا ..

كونوا بخير ..

[احمد زين]

ود الزين بجى بكرة أصله خميسه مطرشق ديمة gooodgooodgoood

طرشق الله خمايسنا جميعا
يازول يا حلو .... نحن عندنا هنا ايام الله السبعة مطرشقة ولا توجد محلات للصيانةlooool ...عليه نرجو ارسال وفد سويسري او نرويجي او هولندي متخصص في صيانة الايام المطرشقة وبالذات يوم الخميس ده عايزين ليهو مهندس خسوسي :D والمصريين يمتنعون

[احمد زين]

ود الزين سمع اضانى الشقية دى

مشى مشوار مع عادل عسوم

عشان عادل دا زول تابع للجماعة اياهم قال لى ود الزين ارحكاكا معاى

منها تتعشى ومنها تسمع خطبة فى فقه السنةgooodgoood

ودى معلومات من مصادرنا الخاصة

هوووووووي يا كرور
دي عزومة ما فيها اي نوع من الكلام الانتي بتقوليهو ده
والزول العازمنا ده ده واحد من كوادر الجبهة الديمقراطية منذ ثمانينات القرن الماضي لما كان طالب في مصر المحروسة .... وابو اماني الشيوعي ده ذااااااااتو كان معانا
ما تقعدي تنجري وتلصقي ساي ... بلا فقه السنة ..... بلا انصار السنة !!!!!!!

[نبراس السيد الدمرداش]

يعني يا ود الزين امسك ليك ورديه مافي زيها وما تهببو لي
الفيك اتعرفت
كل سنه و انت طيب

[طارق صديق كانديك]

أهل الدار .. سلام وكل سنة وانتو طيبين .. !!

تحياتي

[احمد زين]

يعني يا ود الزين امسك ليك ورديه مافي زيها وما تهببو لي
الفيك اتعرفت
كل سنه و انت طيب

نبروسة
كل سنة وانت طيبة
والله ما قصرتِ تب
وانا كنت خارج الشبكة مساهر مع ابواماني وعادل عسوم لحد واحدة صباحا ولقيت والمدام قفلت مني الباب
بالله شوفي الجلاكين ديل العملوها فيني:(
وحاتك رجعت البيت نجييييييييييييييض
والصباح علي الشغل
فلك العتبى حتى ترضي
وقولي لي سمراء اكان قعدتي سنة للحول ورديتنا ما بنخليها ليك:mad:

[احمد زين]

أهل الدار .. سلام وكل سنة وانتو طيبين .. !!

تحياتي

ابوحمزة يا جميل
وانت طيب ..... والعام القادم (اجمل واحلى واكمل)

[الجيلى أحمد]

ابوحميد
وكل الناس السمحين هنا

كل سنة وانتم واسركم بخير
كل عام والوطن بخير

[احمد زين]

ابوحميد
وكل الناس السمحين هنا

كل سنة وانتم واسركم بخير
كل عام والوطن بخير

ابواليشا يا رفيق الليل والسهر
متعك الله بالصحة والعافية وكل عام وانت واسرتك الكريمة بخير

[احمد زين]

إحصائيات المنتدى
المتواجدون الآن: 23 (الأعضاء 6 والزوار 17)
‏أحمد محمد زين حسين, ‏مواطن, ‏خالد الحاج, ‏سارة+, ‏عصمت العالم, ‏طيبان

في الساعة الاولى من العام الجديد
حضور ضعيف
غياب لرئيس الوردية
سنعود بعد تحسن الاوضاع

[نبراس السيد الدمرداش]

كل عام و انت بخير
كل عام وانتم اخوتي رفاقي اصدقائي احبتي
سنه حلوه عليكم جميعا

[سارة]

في الساعة الاولى من العام الجديد
حضور ضعيف
غياب لرئيس الوردية
سنعود بعد تحسن الاوضاع

كل سنة وانت بخير يا وجه الخير

يديك ويرضيك ويحبب خلقو فيك

[أشتر]

ازيكم يا ناس نفر نفر
كل سنة واتو طيبين

[النور يوسف محمد]

ازيكم يا ناس نفر نفر
كل سنة واتو طيبين
بسم الله الرحمن الرحيم
أخى محمد أبو عاقلة
كل المنى .. بعام تسمو فيه الى مدارك النقاء
تخضر لك الأشياء .. وتبتسم لك السماء
كثيراً ما وددت المشاركة فى ومضات قلمك ..
فهذه سانجة .. نقول لك شكراً على سردك المرتب
وكل سنة وإنت بخير

كل الأحبة
أسعد الله أيامكم .. وكل عام وأنتم بخير

[نبراس السيد الدمرداش]

سرور توقيعك شديد شدة الحرامي السرق تلفزيون وكيل النيابه
لكن جنس لوايق لا تدفعوا لا تطلعوا حاجه غريبه

[AMAL]

ياشباب

سنة حلوة

سنتنا لسة باقي فيها ربع ساعة:eek:


ليكم احلي الامنيات

[سارة]

كلكم يا احبة

شايلين من قلبى حبة

كل سنة وانتم بخير

احمد زين ونبراس والحبيب الغالى النور وامال المحاربانة وممسخة علينا دنيانا

والزول النقى ابو عاقلة

كل سنة وانتم وكل سمار اليل بخير وعافية

[سارة]

سرور توقيعك شديد شدة الحرامي السرق تلفزيون وكيل النيابه
لكن جنس لوايق لا تدفعوا لا تطلعوا حاجه غريبه



كدا بس نظام عضلات تبشgooodgoood

[AMAL]

كلكم يا احبة

شايلين من قلبى حبة

كل سنة وانتم بخير

احمد زين ونبراس والحبيب الغالى النور وامال المحاربانة وممسخة علينا دنيانا

والزول النقى ابو عاقلة

كل سنة وانتم وكل سمار اليل بخير وعافية


انا محارباكم :eek:

حاشاي ياسرور

وين اقبل في الغربة الشينة دي لو مادفئكم كان قلبي وقف ياسرو

اعف لي ياخ لو وصلك مني شعور بايخ ذي دا

وحات مكالمتك اللذيذة الدفت قلبي


مودتي واعزازي بلا حد ولا عد

[نبراس السيد الدمرداش]

اصلا الدنيا دي بقت قلع يا ساره
سيري و عين الله ترعاك
نحن من خلفك نشد من أزرك(كدا صاح )

[سارة]

اصلا الدنيا دي بقت قلع يا ساره
سيري و عين الله ترعاك
نحن من خلفك نشد من أزرك(كدا صاح )

انا ما بشيل حق زول

لكن حقى ما بخلىgooodgoood

(( الحقوق تنتزع ))

هسى يجينى حاتم طاير:p

[سارة]

انا محارباكم :eek:

حاشاي ياسرور

وين اقبل في الغربة الشينة دي لو مادفئكم كان قلبي وقف ياسرو

اعف لي ياخ لو وصلك مني شعور بايخ ذي دا

وحات مكالمتك اللذيذة الدفت قلبي


مودتي واعزازي بلا حد ولا عد


يعنى مافى رسالة

رنة

اى حاجة فى اى حتة ياخ

ونحن نحبكم بلا حدود ولا شروط

[النور يوسف محمد]

سرور توقيعك شديد شدة الحرامي السرق تلفزيون وكيل النيابه
لكن جنس لوايق لا تدفعوا لا تطلعوا حاجه غريبه

بسم الله الرحمن الرحيم
نبراس ست الناس .. إزيك
تعرفى توقيع سارة ده ذكرنى
( إنت رجع لى رسايلى والرسايل العندى شيلا شيلا
والصور لو قلت برضو .. وكل قصة ريد جميلة .. شيلا شيلا )
ده زول روحو محرقاهو .. وزول سارة ده لايوق
أها وين الوسطية :)

[نبراس السيد الدمرداش]

انا ما بشيل حق زول

لكن حقى ما بخلىgooodgoood

(( الحقوق تنتزع ))

هسى يجينى حاتم طاير:p


انشاء الله يجيك حاتم :p
اسي انا قلت ليك بتشيلي حق زول
حقك زاتو الا تقلعي قلع
اقلع ضروسكgooodgoood
اسي انتي ما قلعتي الركشه امس
goood


أها وين الوسطية
يا جنابو اول شيء ازيك يا المافي زيك
انا سألت من العلمانيه خايفه من العجاجه
كمان جابت ليها وسطيه ,و الله الا اشوف لي بلد

[سارة]

بسم الله الرحمن الرحيم
نبراس ست الناس .. إزيك
تعرفى توقيع سارة ده ذكرنى
( إنت رجع لى رسايلى والرسايل العندى شيلا شيلا
والصور لو قلت برضو .. وكل قصة ريد جميلة .. شيلا شيلا )
ده زول روحو محرقاهو .. وزول سارة ده لايوق
أها وين الوسطية :)


النور يا الكلك نور

كل سنة وانت طيب

زولى دا راسو دليبة:p

انا غايتو وسط دا ما عندى يا ابيض يا اسودgooodgooodgoood

[سارة]

انشاء الله يجيك حاتم :p
اسي انا قلت ليك بتشيلي حق زول
حقك زاتو الا تقلعي قلع
اقلع ضروسكgooodgoood
اسي انتي ما قلعتي الركشه امس
goood


أها وين الوسطية
يا جنابو انا سألت من العلمانيه خايفه من العجاجه
كمان جابت ليها وسطيه ,و الله الا اشوف لي بلد

حاتم ؟بتصدقى اشتقت ليهو:(

شوفى يا نوسة

انتى خليك زولة زى ما قال مجدى مسعد حنفى الله يديه العافية شديدة ولضيضة

وكمان كان قدرتى بقيتى زى ما قال الدكتور حسن فرح بتخوفى تب ما بتجيك

عوجة

علا مالك على مكسرة ضروسى

عالم حاقدة بشكل:mad::mad:

قال وسطية قال

هسى يجيكم عادل عسوم تفكوا البيرقgooodgoood

[نبراس السيد الدمرداش]

حاتم ؟بتصدقى اشتقت ليهو:(

شوفى يا نوسة

انتى خليك زولة زى ما قال مجدى مسعد حنفى الله يديه العافية شديدة ولضيضة

وكمان كان قدرتى بقيتى زى ما قال الدكتور حسن فرح بتخوفى تب ما بتجيك

عوجة

علا مالك على مكسرة ضروسى

عالم حاقدة بشكل:mad::mad:

قال وسطية قال

هسى يجيكم عادل عسوم تفكوا البيرقgooodgoood

والله يا سرور السهره فاقده حاتم ومي و جيلينا و ود الزين وعمو فتحي و فيصل و ودعثمان وكل احباب السهر لكن شكلهم مروسين ترويسه مدنكلة

انا شديده ولضيضه بس ما بحب الشبك ولا بحب الجدل الما بوصل لنتيجه و يتقل القلوب
عشان كدا بتجنبو بقدر الامكان
عادل دا يوم واحد شفتي مساهر بجاي (عادل دا العجاجه في طرف نعلاتو):D
ما حاقده والله بس دي ريده في قلبي جوااااااااlooool

[سارة]

والله يا سرور السهره فاقده حاتم ومي و جيلينا و ود الزين وعمو فتحي و فيصل و ودعثمان وكل احباب السهر لكن شكلهم مروسين ترويسه مدنكلة

انا شديده ولضيضه بس ما بحب الشبك ولا بحب الجدل الما بوصل لنتيجه و يتقل القلوب
عشان كدا بتجنبو بقدر الامكان
عادل دا يوم واحد شفتي مساهر بجاي (عادل دا العجاجه في طرف نعلاتو):D
ما حاقده والله بس دي ريده في قلبي جوااااااااlooool

ما تشكرى لى الراكوبة فى الخريف

الطريتيهم ديل امرقى بس ود عثمان الباقين looool خشمى قادرة عليهو

انا يا نوسة ما بحب الشبك لكن البقول لى يا سارة انا اخوكى يتحملنى:mad::mad:

وهم جابوهو لى روحهم انا قلت ليهم صاحبونىgooodgooodgoood

والله كل يوم املا طرفى حجار واقعد ليهم فى باب المنتدى


يسلم قلبك يا جميل

يعنى لازم تحرجونا يعنى

[نبراس السيد الدمرداش]

ما نتي شبه البترادو لكن ما يصاحبوك كيف

سرور رايك شنو تترشحي لمجلس الاداره
و دا سؤال جادي

[النور يوسف محمد]

بسم الله الرحمن الرحيم
سارة / نبراس
الغياب ديل مروسيين والله ما شغالين بينا
اتصلت على فتحى قبل شوية ويسلم عليكم
دكتور احمد ده لازمو مجلس تحقيق عديل كدة
الجيلى قلت ليكم زمان عذرو معاهو ما صدقتونى
المرة الفاتت خالد والمرة دى ما بعرفو شنو ..:)
حاتم ده يكون البرد ساااى
مى دى ممكن بعد ده تظهر

[سارة]

ما نتي شبه البترادو لكن ما يصاحبوك كيف

سرور رايك شنو تترشحي لمجلس الاداره
و دا سؤال جادي

دا الكلام البخلينى

اقيف وسط البلد واهتف

بحبكم كلكم لعند ضلكم

نسيت

قلتى لى مجلس ادارة؟؟؟

الله وكيلك ادخل مجلس ادارة ارفدهم واحد واحد اها قلتى شنو

[سمورية]

يالمساهرين ازيكم
سارة -نبراس - استاذنا النور
سنة سعيدة عليكم يارب
تحقق امنيكم انتو وكل عزيز عليكم
مستمتعين بالصحة وراحة البال والستر

[سارة]

بسم الله الرحمن الرحيم
سارة / نبراس
الغياب ديل مروسيين والله ما شغالين بينا
اتصلت على فتحى قبل شوية ويسلم عليكم
دكتور احمد ده لازمو مجلس تحقيق عديل كدة
الجيلى قلت ليكم زمان عذرو معاهو ما صدقتونى
المرة الفاتت خالد والمرة دى ما بعرفو شنو ..:)
حاتم ده يكون البرد ساااى
مى دى ممكن بعد ده تظهر

مروسين ولا روسين ما عندهمgooodgooodgoood

الجيلى دا خليهو ساكت حمدو فى بطنو

ومى قافلة الموبايل لا مس كول لا رسايل

[سارة]

يالمساهرين ازيكم
سارة -نبراس - استاذنا النور
سنة سعيدة عليكم يارب
تحقق امنيكم انتو وكل عزيز عليكم
مستمتعين بالصحة وراحة البال والستر

سمرة يا شبه القمرة

كل سنة وانت بخير وكل من حولك بخير

[نبراس السيد الدمرداش]

عمو فتحي بسلم عليكم شدييييييد
و قال مافي زول هبب ليهو السنه الا الاسلامين
(هاشم, النور, عادل عسوم,ساره, نبراس)
قلت ليهو انا في النص قال لي نحن بنقرا بين السطور
واصحابو الكفار مافي زول قال ليهو سلام

دي وصيه و الوصيه في الظومه

[سمورية]

سمرة يا شبه القمرة

كل سنة وانت بخير وكل من حولك بخير
جمعا يا قلب كبير



ربنا يحقق ليك مرادك في 2010
ماقصرتي معاها
كله قديدxقديد
:D:D:D

[نبراس السيد الدمرداش]

سمرمر وانتي بالف خير يا حبيبه
ربنا يحقق امانيك

نورنا حتى لو مروسين ما اظن احلى من ترويستنا دي gooodgoood

سرور انا مصره على ترشيحك خاصه انو ما معاهم جكس الناس ديل
وانا اعتذرت لانو ما عندي خبره
اها شن قولك

[سارة]

جمعا يا قلب كبير



ربنا يحقق ليك مرادك في 2010
ماقصرتي معاها
كله قديدxقديد
:D:D:D

شنو رايك

عجبتك؟؟؟؟؟؟؟؟

[سمورية]

سمرمر وانتي بالف خير يا حبيبه
ربنا يحقق امانيك
تسلمي يا غالية


والله يانبراس سؤالك لي سارة
في محله

[سارة]

سمرمر وانتي بالف خير يا حبيبه
ربنا يحقق امانيك

نورنا حتى لو مروسين ما اظن احلى من ترويستنا دي gooodgoood

سرور انا مصره على ترشيحك خاصه انو ما معاهم جكس الناس ديل
وانا اعتذرت لانو ما عندي خبره
اها شن قولك



نشكركم للثقة

ولكن نو واى:p:D

[النور يوسف محمد]

يالمساهرين ازيكم
سارة -نبراس - استاذنا النور
سنة سعيدة عليكم يارب
تحقق امنيكم انتو وكل عزيز عليكم
مستمتعين بالصحة وراحة البال والستر
بسم الله الرحمن الرحيم
سمراء
كل سنة وإنت طيبة
وربنا يحقق أمانيك .. ويعليك فوق المابيك
غايتو أنا بعتبرو أجمل راس سنة
صحبة سارة / نبراس / سمراء
يعنى الواحد لو طلع ( س ) بره القوس .. :)
وأضيفا لاسمى .. يطلع النورس الرحال goood

[سمورية]

شنو رايك

عجبتك؟؟؟؟؟؟؟؟
يازولة اهم حاجة الوضووووح
مش قالو الواضح مالو ;);)
بعدين الناس ديل زاتم قالو
في الحركة بركة
يلا ديل 3 حركة
شفت كيف:D;):cool:

[سمورية]

بسم الله الرحمن الرحيم
سمراء
كل سنة وإنت طيبة
وربنا يحقق أمانيك .. ويعليك فوق المابيك
غايتو أنا بعتبرو أجمل راس سنة
صحبة سارة / نبراس / سمراء
يعنى الواحد لو طلع ( س ) بره القوس .. :)
وأضيفا لاسمى .. يطلع النورس الرحال goood
استاذنا النور
عام خير وبركة علي الجميع يارب

ودائما محلق في سماء الحرف كما تشتهي


انا سمراء بس مش خالص يعني
(سمورية)

[سارة]

بسم الله الرحمن الرحيم
سمراء
كل سنة وإنت طيبة
وربنا يحقق أمانيك .. ويعليك فوق المابيك
غايتو أنا بعتبرو أجمل راس سنة
صحبة سارة / نبراس / سمراء
يعنى الواحد لو طلع ( س ) بره القوس .. :)
وأضيفا لاسمى .. يطلع النورس الرحال goood


gooodgooodgoood قوية يا جنابو

[النور يوسف محمد]

استاذنا النور
عام خير وبركة علي الجميع يارب

ودائما محلق في سماء الحرف كما تشتهي


انا سمراء بس مش خالص يعني
(سمورية)
بسم الله الرحمن الرحيم
So sorry
الليلة ( السينات ) قصتا شنو :)
ما فى مشلكه .. نشيل السبن .. ونديك بدى (حاء )
والميم بنمسحا
فى أول الأسم ..وشوفى النتيجة








حورية :)

[النور يوسف محمد]

بسم الله الرحمن الرحيم
سارة / نبراس / سمورية
امشى الحق اصلى الفجر وأجيكم
الإقامة على وشك

[سارة]

بسم الله الرحمن الرحيم
سارة / نبراس / سمورية
امشى الحق اصلى الفجر وأجيكم
الإقامة على وشك

امانة عليك تدعو لى معاك

وربنا يتقبل

[فيصل سعد]

http://sudaniyat.net/up/uploading/AED1.jpg

[طيبان]

كل عام وأنتم بخير يا معشر السُهرجيّة ..



____

تحيّاتي ..

[hatim ALi]

كل عام و أنتم بخير و القابلة على أماني الجميع

إنتو يا جماعة الخواجة فتحي دا فالح في (اللوم) بس

أنا ما عندي نمرتو مثلاً ، اضرب ليهو كيف ؟

تحياتي للجميع....

[احمد زين]

ما تشكرى لى الراكوبة فى الخريف

الطريتيهم ديل امرقى بس ود عثمان الباقين looool خشمى قادرة عليهو

انا يا نوسة ما بحب الشبك لكن البقول لى يا سارة انا اخوكى يتحملنى:mad::mad:

وهم جابوهو لى روحهم انا قلت ليهم صاحبونىgooodgooodgoood

والله كل يوم املا طرفى حجار واقعد ليهم فى باب المنتدى


علي الطلاق اقوم عليك بي عكازي ده عِلا تقومي جارية آآآآآآآآآآم عصيبات
هو انت لاقية ليك ناس زي ديل يصاحبوك
والله اسع نقوم نعمل كُتلة وسطية عليك ..... يا ظلامية يا ضلالية:D:D
المشاركة الأصلية كتبت بواسطة نبراس السيد الدمرداش
والله يا سرور السهره فاقده حاتم ومي و جيلينا و ود الزين وعمو فتحي و فيصل و ودعثمان وكل احباب السهر لكن شكلهم مروسين ترويسه مدنكلة

نبراس
ان شاء الله ما فقدتك شينة
ونيابةً عن هؤلاء السهرنجية اتقدم لك بوافر الشكر

[سارة]

علي الطلاق اقوم عليك بي عكازي ده عِلا تقومي جارية آآآآآآآآآآم عصيبات
هو انت لاقية ليك ناس زي ديل يصاحبوك
والله اسع نقوم نعمل كُتلة وسطية عليك ..... يا ظلامية يا ضلالية:D:D


نبراس
ان شاء الله ما فقدتك شينة
ونيابةً عن هؤلاء السهرنجية اتقدم لك بوافر الشكر


gooodgooodgooodgoood

آآآآآآآآآآآآآآآآخ انا من وجع القلب

صباحك نور يا حبيب







احمد فى ظومتك دى بتقدر تدقنىlooool

[نبراس السيد الدمرداش]

علي الطلاق اقوم عليك بي عكازي ده عِلا تقومي جارية آآآآآآآآآآم عصيبات
هو انت لاقية ليك ناس زي ديل يصاحبوك
والله اسع نقوم نعمل كُتلة وسطية عليك ..... يا ظلامية يا ضلالية:D:D


نبراس
ان شاء الله ما فقدتك شينة
ونيابةً عن هؤلاء السهرنجية اتقدم لك بوافر الشكر

صباح الخيرات
تسلم يا ود الزين بس ما قلت لي ترويسه مدنكله ولا انا غلطانه

بعدين ساره دي بالله عليك قالت غيرت لونا ما ترجع للظلاميه تاني

سرور كيف اصبحتي شايفه حاتم جاك بهناك في البوست بتاعي

[سارة]

كل عام وأنتم بخير يا معشر السُهرجيّة ..



____

تحيّاتي ..



كل سنة وانت ومن حولك بالف خير

[احمد زين]

كل عام وأنتم بخير يا معشر السُهرجيّة ..



____

تحيّاتي ..

وانت بالف خير يا دكتور


تحياتي للحكومة

[احمد زين]

gooodgooodgooodgoood

آآآآآآآآآآآآآآآآخ انا من وجع القلب

صباحك نور يا حبيب


احمد فى ظومتك دى بتقدر تدقنىlooool

آآآآآآآآآآآآآآآخ انا
دايما بتمسكيني من كراعي البتوجعني
الله يجيبكم يا الجيلي وحاتم عشان تفشوني:mad:

[سارة]

آآآآآآآآآآآآآآآخ انا
دايما بتمسكيني من كراعي البتوجعني
الله يجيبكم يا الجيلي وحاتم عشان تفشوني:mad:


حاتم قال لى يا سرورة تانى ما بشاكلك كلو كلو

والجيلى كلمت ليهو الحكومة حقتهم وما تسالنى الحصل ليهو شنو بس

تاب توبة نصوحة انا بنصحك تمشى لعمك رافت ميلاد شكلو مع السنة الجديدة

قرش ملحتىgooodgoood

[hatim ALi]

آآآآآآآآآآآآآآآخ انا
دايما بتمسكيني من كراعي البتوجعني
الله يجيبكم يا الجيلي وحاتم عشان تفشوني:mad:

يا أحمد صاحبتك الليلة زنقتها ليك زنقة

بس الدقيق في الطاحونة goood

نمشي نشرب الارجيلة حقتنا بي مزاج و نجي

نشوفها كان تقدر تجاوب على الاسئلة الختينها ليها

أنا و رأفت ميلاد

في بوست نبراس بتاع ماهي العلمانية ؟

و كل عام و انتم بخير

[سارة]

يا أحمد صاحبتك الليلة زنقتها ليك زنقة

بس الدقيق في الطاحونة goood

نمشي نشرب الارجيلة حقتنا بي مزاج و نجي

نشوفها كان تقدر تجاوب على الاسئلة الختينها ليها

أنا و رأفت ميلاد

في بوست نبراس بتاع ماهي العلمانية ؟

و كل عام و انتم بخير


اشرب ارجيلة واتعشى كوارع وتعال

عالم جنها مشاكل:mad:

نوسة وينك ياخ

[رأفت ميلاد]

أها جيتوا يالسقد
ود الزين ماسك ورديتين قلبت فيها سنتين :D:D


ياحاتم ما تخلط الملاعب .. خلى عكازك بهناك مدفون ورا العراضة .. هنا جكيس آخر الليل ..

تعرف يا ود الزين زمان لما تجى بتكسى آنصاص الليالى تحضر قروشك فكة .. واحد أدى سيد التكسى جنيه بى حاله زمن الطرحة قرشين .. الراجل دور .. الولد كورك (يا عم الباقى) قال ليه (يا ولدى ناس الباقى نامو)

أها هسة أخرها دامة أسود .. بتوزع :D:D

[رأفت ميلاد]

http://sudaniyat.net/up/uploading/muwa.jpg

[عادل عسوم]

هوووووووي يا كرور
دي عزومة ما فيها اي نوع من الكلام الانتي بتقوليهو ده
والزول العازمنا ده ده واحد من كوادر الجبهة الديمقراطية منذ ثمانينات القرن الماضي لما كان طالب في مصر المحروسة .... وابو اماني الشيوعي ده ذااااااااتو كان معانا
ما تقعدي تنجري وتلصقي ساي ... بلا فقه السنة ..... بلا انصار السنة !!!!!!!
بالله في داعي (تشوه) صورتي بالصورة دي:mad:
:D:D

[عادل عسوم]

ود الزين سمع اضانى الشقية دى

مشى مشوار مع عادل عسوم

عشان عادل دا زول تابع للجماعة اياهم قال لى ود الزين ارحكاكا معاى

منها تتعشى ومنها تسمع خطبة فى فقه السنةgooodgoood

ودى معلومات من مصادرنا الخاصة
بس أصبري لي عليو شوية
لو ما خليتو يعمل ليو دقن ويقصر جلابيتو أبقا ماعادل عسوم
:D:D

[عادل عسوم]

نبروسة
كل سنة وانت طيبة
والله ما قصرتِ تب
وانا كنت خارج الشبكة مساهر مع ابواماني وعادل عسوم لحد واحدة صباحا ولقيت والمدام قفلت مني الباب
بالله شوفي الجلاكين ديل العملوها فيني:(
وحاتك رجعت البيت نجييييييييييييييض
والصباح علي الشغل
فلك العتبى حتى ترضي
وقولي لي سمراء اكان قعدتي سنة للحول ورديتنا ما بنخليها ليك:mad:
تستاهل:mad:
عليك الله المباري رفيقو منو:mad::mad:
بالله العربية التقول راكبين في مركز صحي سمير:confused:
ياكافي البلا كلها فتايل دوا وقناني فحص شي دم وشي...وشي...:D
يااتدفق فيك فتيل دوا والاّ اتفتحت فيك علبة فحص ونبقى في الريحة المازي ريحة خشم ناصر:D:D
كمان قال جلاكين
جلاكين في عينك :mad:

[جانيت]

تستاهل:mad:
عليك الله المباري رفيقو منو:mad::mad:
بالله العربية التقول راكبين في مركز صحي سمير:confused:
ياكافي البلا كلها فتايل دوا وقناني فحص شي دم وشي...وشي...:D
يااتدفق فيك فتيل دوا والاّ اتفتحت فيك علبة فحص ونبقى في الريحة المازي ريحة خشم ناصر:D:D
كمان قال جلاكين
جلاكين في عينك :mad:

الله عليه.......اديله:p:D
كل سنه وانت بالف خير وانشاء الله سنه حلوه عليك يارب
والله عرفت ليه انا في الاول كنت بسال الدوا ده لشنو مع اني عارفاه دواعي استعماله بس بتفاجا بيه عنده
كل يوم بشوف دوا شكل لحد ما بقيت متابعه حركت البيع من الجديد في الادويه عند سعادته
وعلبة فحص شنو انت لمن دخلت العربيه ما شميت ريحة فورمالين ده طبعا عطره المفضل:D:D
انت ممكن تكون قاعد في العربيه وتكون جنبك كونتينر فيه رحم ما تستغرب
والعجب لو فيه كبد لونا اتغير
سهر شنو وطلوع شنو مع احمد زين اجارك الله:eek:

[نزار حسن علي]

ثلاثة مساطيل راكبين عربية وعملوا حادث العربية اتخفجت نزلوا منها سالمين قالوا لازم نرجعة زي ما كانت قاموا ينفخوا في العادم المسطول الثالث قعد يضحك فيهم قالوا ليهو شنو البضحكك قال ليهم تنفخوا في العادم والقزاز فاتح
ودقي يا مزيكة

[احمد زين]

لقيتوني مافي واتفسحتو

هي ذاتها وردية السبت دي علي منو يا ربي؟

[نبراس السيد الدمرداش]

تمام سعادتك
عُلِم وينفذ

السبت ................. سارة الضارة
الاحد........................ د. حذيفة
الاثنين ...................... أبو اليشا
الثلاثاء ....................فيصل سعد
الاربعاء .............نبراس+ سمراء
الخميس ........................جنابك
الجمعة ...............أحمد مجمد زين
نرجو من الجميع الالتزام بجدول المناوبات بعد اعتماده من السيد القائد العام

سلام يا احباب السهر
يومين غياب رئيس الورديه
الجمعه ...........احمد محمد زين
السبت............ ساره
و بالتالي غياب جميع السهارى
يرفع الامر لجنابو للافاده

[احمد زين]

السبت............ ساره


لا حول ولا قوة الا بالله
بالله شوف زولتك يا حاتم
كبت الزوغة من الوردية عشان مزازاتك ليها بالبوستات
عفيت منك آآآآآآآآآآآآ جنا

[أبو أماني]

الله عليه.......اديله:p:D
كل سنه وانت بالف خير وانشاء الله سنه حلوه عليك يارب
والله عرفت ليه انا في الاول كنت بسال الدوا ده لشنو مع اني عارفاه دواعي استعماله بس بتفاجا بيه عنده
كل يوم بشوف دوا شكل لحد ما بقيت متابعه حركت البيع من الجديد في الادويه عند سعادته
وعلبة فحص شنو انت لمن دخلت العربيه ما شميت ريحة فورمالين ده طبعا عطره المفضل:D:D
انت ممكن تكون قاعد في العربيه وتكون جنبك كونتينر فيه رحم ما تستغرب
والعجب لو فيه كبد لونا اتغير
سهر شنو وطلوع شنو مع احمد زين اجارك الله:eek:

دا .. كلام .. تا .. سنو ؟؟ جانيت .. إنتا .. جنيت ولا سنو؟ ما قولة بث ..؟ تقول كلام نرنر كتيييير كده في سان .. دكتور تا .. أهمد دي ..؟؟ جول ده ساهبي وأنا ما بردى فيو.. ياني هقارات دي لزومو سنو يأني ...؟؟؟ goood

المرة الفاتت عملت مداخلة شلولخ الله يسامحه طردني وقال لي ما بتقدر على السهر .. وأنا رديت على شكلة جاهزة .. قصدي سرورة .. لمن نبذتني نبذ سارق العدة .. عادل عسوم ما تحمر لي .. ما تجي سيرة (سارق العدة) عيلا تقعد تحمر للزول!.. بالله عليك الله ما تعقدنا.. عموما المرة دي خشيت بحقي .. أصلي اليومين ديل العسكري حقى .. مسحسح بالقاهرة هي وولدها .. يا أخي العساكر ديل مقرفين محل ما يكونوا .. الله لا جاب طاريهم .. وعشان كده انا ممكن أساهر معاكم للصباح ويا دار ما دخلتك مفراكة ... أأأأأي .. ده الشغل .. ده الشغل .. ناس فتحي مسعد عسكريهم قانص ليهم لما السمسمية بقوا يهاتوا بيها بالنهار ويحلموا بيها بالليل.. قال لي رسل لي (ويكاب) قال .. ويكاب يا .. بتاع .. ال.. الجبنة المدودة ؟؟؟ اسع دي تلقاهو لي يوم الليلة ما أخد إذن من أم ألآ .. وزار جماعتي في المهندسين .. اصبروا كان ما مشى ليهم باكر بسعل ولدي وأديكم الشمار .. يلا تشاوووو ... نبراس .. النفطي كيف؟ gooodgooodgoood

[الجيلى أحمد]

صباح الخيرات ياسهرجية


شايف جنابو غايب
والناس بقت تدك وردياتا ذى الترتيب..:D

[أبو أماني]

صباح الخيرات ياسهرجية


شايف جنابو غايب
والناس بقت تدك وردياتا ذى الترتيب..:D

عارف أهلنا الطليان ديل دمهم حار زي ناس كده !! .. يظهر يا معلم مدينك كرت أحمر ولافي صينية .. زي عمك أبو أماني اليومين ديل ..خليك من الحنك والحنديك .. وتعال سد الورديات دي لما أسيادها يظهروا .. روبس حضري لحبيبنا ابو الجلاجل ترمسة شاي وقهوة كااااااربة .. وناس.. منو ديك باللبن.. تحفة حواء عليك بالكيك الما خمج المطعم بالفراولة .. همس الشوق العشاء عليك .. يلا يا الجيلي .. نافخ كدي يا يابا ومتصور لينا جنباوي .. قائل روحك الجيلي المصفاة ولا شنو ؟؟ .. ما تحمر لي .. والله اسع دي أقوم أسحب ترشيحي .. يلا .. تشاووووو goood goood goood

[احمد زين]

شرد نومي
وشرد نومكم
تعالو نقيف نصايص الليل
نحاحي النجمة والقمرة
ونتسامر
نكون بين الجروف والنيل
نشوف الجايي يوم بكرة
ونتكاتف
نشيل شيلتنا بي فَد حيل
ونتواعد نضوق الحلوة والمُرَّة
ونتصالح
ونتصافا

[رأفت ميلاد]

جزف لعدم الأهمية

[الجيلى أحمد]

وتعال سد الورديات دي لما أسيادها يظهروا .. روبس حضري لحبيبنا ابو الجلاجل ترمسة شاي وقهوة كااااااربة .. goood goood goood

ترحيب حار بحبيبنا ابوامانى فى ورديتنا العامرة..

الليلة الاتنين ياابومانى
وكلم الشابات يحضرن الشاى والقهوة
والسمسية على عمك فتحى,
رافت ميلاد بالله شوف لينا تمباك كارب
وناس الشيشة يشوفو ابوحميد او ابورحيق,
فيصل سعد قال بيتكفل بالباسطة..

ادو النور دا فنجان جبنة كارب ..

وشوفو لينا ودعثمان يدور المزيكة






والليلة كلو على حساب ودالحاج

[النور يوسف محمد]

بسم الله الرحمن الرحيم
أيها الساهرون .. سلام
نرى تسيباً ضرب باركان البوست
الحاصل شنو ؟؟
العتب على المناوبين
وعدم الحوافز
سارة . نبراس . سمورية . مى هاشم
والود الشقى
أبو حميد والجيلى
ابتكرو لينا معينات ومشجعات

[الجيلى أحمد]

سلامات يالنور

http://sudaniyat.net/up/uploading/shabab1_zingar.mp3

ورديتنا الليلة عامرة,

وقلنا نطلع شوية من الحوافز

[مي هاشم]

بسم الله الرحمن الرحيم
أيها الساهرون .. سلام
نرى تسيباً ضرب باركان البوست
الحاصل شنو ؟؟
العتب على المناوبين
وعدم الحوافز
سارة . نبراس . سمورية . مى هاشم
والود الشقى
أبو حميد والجيلى
ابتكرو لينا معينات ومشجعات

حضووووووور سعادتك..
لكن لايصة في النتدى اشوف الجديد
تحية طيبة

[سارة]

مساء الجمال يا احلى سهرنجية وسطلنجيةgooodgoood

انا اقصد السطل بحلالgoood

[الجيلى أحمد]

مساء الورد يامى

وحبابك عشرة

جنابو ماراضى عن اداء الورديات فى الفترة الفاتت,
وشكلوا كدا حايطلع قرارت حاسمة بهذا الخصوص..

واحتمال كبير تحصل تعديلات كبيرة
بعد ان تأكد الخبر المؤسف بأن الجليد المتاسقط فى اوروبا
اسهم فى اذدياد حالة الخرف عند سارة وفيصل سعد:D

[احمد زين]

جزف لعدم الأهمية


يا ابو الشباب انت حذفت شنو؟؟؟؟
الرجاء ارجاع المحذوف
قبل سارة ما تجيك مقذوف:D

[الجيلى أحمد]

يا ابو الشباب انت حذفت شنو؟؟؟؟
الرجاء ارجاع المحذوف
قبل سارة ما تجيك مقذوف:D

الزول دا ياأبوحميد قال بالحرف الواحد:

سارة دى كرهتنا عديل كدا:D:D

________________

وباقى الكلام عندو علاقة بيك ..


لكن مافى داعى :D:D

[سارة]

انا الموقع ادناه قررت بما لا يدع مجالا للشك ان ارفع دعوة تظلم

وانا اطالب سعادة جنابو النور باخذ حقى كاملا غير منقوص من هولاء

الشرامة احمد محمد زين على راس قوة فيها واحد كرور اسمو الجيلى

وواحد برضو كدا مخو ضارب اسمو حاتم انا هؤلاء القوم يا سعادتك سببوا لى ضررا نفسيا بليغا

اذا انهم يستعملون اسمى طول الخط التقول ماكلين سمايتى:mad::mad:

عليه يجب ان يتوقفوا فورا

ما ممكن انا كل ما ادخل لى بوست القى اسمى يلمع

ياخ ديشكم وديش البحبكم زاتو

[مي هاشم]

مساء الورد يامى

وحبابك عشرة

جنابو ماراضى عن اداء الورديات فى الفترة الفاتت,
وشكلوا كدا حايطلع قرارت حاسمة بهذا الخصوص..

واحتمال كبير تحصل تعديلات كبيرة
بعد ان تأكد الخبر المؤسف بأن الجليد المتاسقط فى اوروبا
اسهم فى اذدياد حالة الخرف عند سارة وفيصل سعد:D

مساك فل يا الجيلي

وحبابك اتّ..

هو أنا الراضي عني منو ياخوي؟؟
انا لي الله وعيشة السوق..
والخرف عندي انا دي ..أسأل سارة عاينت الحالة بنفسها..ما يعني اني غير مؤهلة لأي ورديات..ممكن أخرمج بس..

[معتصم الطاهر]

Hi there


This is me from KRT Airport

please go to bed and fill the empty cold side

if the whole bed is cold,please go to the KITCHEN

[احمد زين]

يعني اني غير مؤهلة لأي ورديات..ممكن أخرمج بس..

سلامات يا ام رحيق (ناصر ما تنطط عيونك دي مي هاشم)
البوست ده اصلا فتحناه للخرمجة والصوطة واللخابيت(0دي جمع لخبتة)

يعني مثلاً شوفي زي ده:ـ

المشاركة الأصلية كتبت بواسطة رأفت ميلاد
جزف لعدم الأهمية

المشاركة الأصلية كتبت بواسطة أحمد محمد زين حسين
يا ابو الشباب انت حذفت شنو؟؟؟؟
الرجاء ارجاع المحذوف
قبل سارة ما تجيك مقذوف


المشاركة الأصلية كتبت بواسطةالجيلى أحمد
الزول دا ياأبوحميد قال بالحرف الواحد:

سارة دى كرهتنا عديل كدا

________________

وباقى الكلام عندو علاقة بيك ..


لكن مافى داعى

[رأفت ميلاد]

الزول دا ياأبوحميد قال بالحرف الواحد:

سارة دى كرهتنا عديل كدا:D:D

________________

وباقى الكلام عندو علاقة بيك ..


لكن مافى داعى :D:D

الجيلى بقيت لخبات مالك .. سارة دى جوة القلب .. وود الزين ولدى البكر .. بطل حركات الشيوعيين دى .. والله أجيب ليك شيخ عصام gooodgoood

[نبراس السيد الدمرداش]

مساء الخير
وين الناس ليها يومين غياب
اها اخباركم شنو
يا جماعه أبو اماني دا انصحو قول ليهو مابتقدر على السهر
بعدين نبقى في حاجات تانيه حامياني(كفاك المفراكه)

سرور المزعلك منو كلميني,مي الخرف دا هييييييييي و تاني هييييييي
جيلينا ورديه عامره اليوم
حاتم وينك
جنابو شوف لينا حل ل(ساره , مي)و عقبات رادعه للغياب
ود الزين وصيت ليك ابو أماني اوع يكون ما كلمك
عمو رأفت دا بوست غير قابل للحذف ما عاوزين خرخره
فيصل غيابك كتر الحاصل عليك شنو
ود عثمان ما تساهر معانا لكن بتساهر بينا

[النور يوسف محمد]

بسم الله الرحمن الرحيم

سلام
مى هاشم
خرمجى زى ما تخرمجى
هو إتى قايلة البوست ده مفتوح لى شنو
طلتك بالدنيا

يعنى يا الجيلى ماتكتبنى مع ناس الشيشة ديل
الجبنة ملحوقة ياخ ..

سارة
حسب المعلومات المتوفرة لدينا إنوالجماعة ديل
بجربو فى اسلوب حديث للريده يدعى المناقرة
وأن حياتهم النهارية تتسم بكامل الهدؤ .. وفاقدين قلق

ابو حميد .. وينك وين لياليك

[احمد زين]

Hi there


This is me from KRT Airport

please go to bed and fill the empty cold side

if the whole bed is cold,please go to the KITCHEN

and if the whole bed is not cold ?????:D

[الجيلى أحمد]

انا الموقع ادناه قررت بما لا يدع مجلا للشك ان ارفع دعوة تظلم


نحنا نرفع دعوى على روحنا عشانك ياجميل..

http://sudaniyat.net/up/uploading/almser.mp3
_______________________________


والله العظيم حاولت ارسل الصور لكن ابت ماتنزل معاى..
برسلا ليك من الابتوب بتاع الحكومة..
ودا وعد

[سارة]

الجيلى بقيت لخبات مالك .. سارة دى جوة القلب .. وود الزين ولدى البكر .. بطل حركات الشيوعيين دى .. والله أجيب ليك شيخ عصام gooodgoood


لو دخلت وشفت قلبك

تلقى فيهو زول بريدك.

.انت اكتر من حياتو..

زول سكن نبضك

ودابت فى مجارى دماك زاتو
اوعى تطلب منو ايجار
لانو لا بيدفع لا بيطلع

[الجيلى أحمد]

Hi there


This is me from KRT Airport

please go to bed and fill the empty cold side

if the whole bed is cold,please go to the KITCHEN

الزول دا طردهو من الدوحة
واشتغل فى مطار الخرطوم ولاشنو؟؟:D

الواحد انقليزيهو تعبان و
لكن انا فهمتا انو بتكلم عن العناقريب
والمطابخ

الباشمهندس دا جنا ولاشنو:D:D

[احمد زين]

بسم الله الرحمن الرحيم

سلام

ابو حميد .. وينك وين لياليك

والله يا سعادتك الايام الفاتت الحكومة بتاعتنا فارضة علي رقابة صارمة
يعني اللابتوب بيتقفل من الساعة 12
قالت ايه....... صحتك بقت في النازل!!!! بالله دا كلام
بس الليلة قدرت افلت من الرقابة
لاني بايت مع الوالد و الوالدة الله يطول عمرهم

[نسايم]

اولا نلاحظ الكوكبة الموجودة دي والساعة إتناشر الّا ربع قبيل منتصف الليل
تلقوهم كلهم من مدمني السهر ..... وكدي ورونا ناقصة مين؟

ثانيا نتخيل الزوار العشرين ديل منو وحا يكون فيهم كم عضو ولا يا ربي كلهم اعضاء عاملين فيها نايمين
ثالثا وده الاهم ثاني اي زول مساهر يتمم في الدفتر ده قبل ما يكتب اي مداخلة والبنظبطو بعد الساعة حداشر متسلل بدون ما يتمم حا تكون وقعتو اسود من السواد ذاتو .... مفهووووووووووم
يا احمد ...
الاسم دا بحبو جدا دا اسم اخوي احلي واحد في اخوانى الحلوييين
ناس الليل ديل نوعين ناس مابنومو بي ظروفهم اما بيحبو او متشكلين او حايص ليهو موضوع في راسو او ساعتهم البيلوجية مزبوطة غلط وملخبطة بين الليل والنهاراو شغلهم طويل وبيجو اخر اليوم يتممو علي النت ويقرو ويعقبو
وناس بتاعين فرق التوقيت ديل ناااس عمك رأفت دااا
وناااس زي انا نسايم بيجبروهو ناااس الشغل يشتغل ليل كم مرة في الشهر
فدي سهرة الزامية علي وزن خدمة الزامية
ديل كم نوع
عااارف الليل كتابتو ممتعة وشبه حقيقية زي كلام المساطيل بيطلعو الجواهم
شفت اسي عندي احساس المولع سيجارة خدرا:Dgoood
طايرة وراكة في نفس زات الوقت

[النور يوسف محمد]

بسم الله الرحمن الرحيم

سلام نبراس
مشتاقين
وين سمورية

مسألة الغياب دى لازم تحسم يا دكتور
من الآن فنازلاً
الغرامة تلاتة مداخلات متواليات
تحتوى على تلاتة نكات جديدة لنج
على كل غايب دونما عذر مقبول

سارة النكات بالرطانة ما فى مشكلة
عشان ما يجى حاتم ويقول ليك جيبى مصدره

[سارة]

بسم الله الرحمن الرحيم

سلام
مى هاشم
خرمجى زى ما تخرمجى
هو إتى قايلة البوست ده مفتوح لى شنو
طلتك بالدنيا

يعنى يا الجيلى ماتكتبنى مع ناس الشيشة ديل
الجبنة ملحوقة ياخ ..

سارة
حسب المعلومات المتوفرة لدينا إنوالجماعة ديل
بجربو فى اسلوب حديث للريده يدعى المناقرة
وأن حياتهم النهارية تتسم بكامل الهدؤ .. وفاقدين قلق

ابو حميد .. وينك وين لياليك



جنابو:mad::mad:

وش محمر وعيون مليانة دموووع




نبراس يا ست الناس وستى انا

الناس ديل مورمين قلبى

والزول الوحيييييييد القلت بينصفنىlooool

الليلة اتلوم معاى


اها

انا من دربى دا

بمشى اشكيكم لى جدى حمد ابو السارى

ابو ايدن برة نشكيكم

نشكيكم لى اب قبة لبنية



للطاهر جسمو وراح لى اسمو

اهىاهى اهى

[الجيلى أحمد]

والله يا سعادتك الايام الفاتت الحكومة بتاعتنا فارضة علي رقابة صارمة


يفرضو عليكم رقابة وتقعدو تهرشوا فى سارة المسكينة:D:D

[مي هاشم]

د.أحمد
أولاً..رسلت رسالة وصندوقك ملاااااان وما حأرسلا تاني..
ثانياً ..خرمجة معانا ..لكن ناس صواطة ولخبتة دي ما بقدر عليها (بتغلّت) علي طوالي:D

ثالثاً يا أخوي الشمار كاتلني أنا دي زاااتي الحزفو عمك رأفت ده شنو؟؟


النور..كل ما اكتب اسمك بتذكر مدحة جميلة..
النور..يخفى البحر المسجور..في الجود(صلى الله عليه وسلم)
يديك العافية والله انت الطلتك بالدنيا وانشا الله تطل علينا عياناً بياناً..

نبراس انتي ياختي بقيتي (متملقة)..تفتنينا انا وسارة عشان تمرقي نفسك!!
أصبري لي لمن ألاقيك بس:mad:

الجيلي لكن لقيتك:D:D
رأفت قال..سارة جوة القلب دي عرفناها..لكن قصدو شنو بي بكر دي؟؟ود الزين عوير يعني؟؟:D


عمنا رأفت..سارة جوة القلب وود الزين ولدك البكر ونحن؟؟أدينا خانة معاك

[احمد زين]

الزول دا طردهو من الدوحة
واشتغل فى مطار الخرطوم ولاشنو؟؟:D

الواحد انقليزيهو تعبان و
لكن انا فهمتا انو بتكلم عن العناقريب
والمطابخ

الباشمهندس دا جنا ولاشنو:D:D

gooodgooodgooodgooodgooodgoood

قويييييييييييييييييييييييييييييييييييييييية

[رأفت ميلاد]

رأفت قال..سارة جوة القلب دي عرفناها..لكن قصدو شنو بي بكر دي؟؟ود الزين عوير يعني؟؟:D


عمنا رأفت..سارة جوة القلب وود الزين ولدك البكر ونحن؟؟أدينا خانة معاك


بطلى اللئامة يا مى .. إنتى هسى تشيتك لى نسايم .. البكر أول الفرحة .. مرتبة كبيرة

[سارة]

سارفع دعوة وانا قاصدة مافى ضحك مافى خرمجة هنا

اى زول يكتب اسمى فى مداخلة

اعمل ليهو استيضاح
ياخ افهمونا ياخ

ياخ لو فى زول داير يحبنى تطيروا ليهو الحوب فى راسو

ياخ ديل ناس شنو ياخ

[الجيلى أحمد]

سارفع دعوة وانا قاصدة مافى ضحك مافى خرمجة هنا

اى زول يكتب اسمى فى مداخلة

اعمل ليهو استيضاح
ياخ افهمونا ياخ

ياخ لو فى زول داير يحبنى تطيروا ليهو الحوب فى راسو

ياخ ديل ناس شنو ياخ

يادكتور احمد

شوف لينا الحاصل شنو فى الحالة الفوق دى..

ادوية تنفع

ولانربطا ليكم:D:D

[النور يوسف محمد]

جنابو:mad::mad:

وش محمر وعيون مليانة دموووع




نبراس يا ست الناس وستى انا

الناس ديل مورمين قلبى

والزول الوحيييييييد القلت بينصفنىlooool

الليلة اتلوم معاى


اها

انا من دربى دا

بمشى اشكيكم لى جدى حمد ابو السارى

ابو ايدن برة نشكيكم

نشكيكم لى اب قبة لبنية



للطاهر جسمو وراح لى اسمو

اهىاهى اهى
سرورة
انصفك ونص
والبرشك بالبن نرشو بالورود
الناشفة طبعاً:)
الناس ديل زى ما قلتى شرامة
لازم نعمل خط رجعة
وصيتى
صاحبى الجيلى وأفتنى فيهم
بنقى ليك شعيرن

[سارة]

يفرضو عليكم رقابة وتقعدو تهرشوا فى سارة المسكينة:D:D

اى زول مرتو تقفلها معاهو يجى يتفشى فى سارة

لكن انا تانى والله اقعد ليكم شوكة حوت

لا تتبلع لا تفوت

امللا طرفى حجار

وفى كل ركن تلقونى

والما بسوى الضر ما فلاتى حر

[سارة]

سرورة
انصفك ونص
والبرشك بالبن نرشو بالورود
الناشفة طبعاً:)
الناس ديل زى ما قلتى شرامة
لازم نعمل خط رجعة
وصيتى
صاحبى الجيلى وأفتنى فيهم
بنقى ليك شعيرن

الجيلى ما بصاحبو

وانت زاتك محارباك:(:(

[سارة]

يادكتور احمد

شوف لينا الحاصل شنو فى الحالة الفوق دى..

ادوية تنفع

ولانربطا ليكم:D:D

يربطك فى كراع مرفعين شحدت ربى عليك:mad:

[مي هاشم]

بطلى اللئامة يا مى .. إنتى هسى تشيتك لى نسايم .. البكر أول الفرحة .. مرتبة كبيرة

مراتب تتوزع ويا كافي البلا نحن مخده ما بتجينا..
ياها التشة والله..لمن رجعت لورا:eek:
اللئيم فينا منو انا ولا الجيلي؟؟

[احمد زين]

يا احمد ...
الاسم دا بحبو جدا دا اسم اخوي احلي واحد في اخوانى الحلوييين
ناس الليل ديل نوعين ناس مابنومو بي ظروفهم اما بيحبو او متشكلين او حايص ليهو موضوع في راسو او ساعتهم البيلوجية مزبوطة غلط وملخبطة بين الليل والنهاراو شغلهم طويل وبيجو اخر اليوم يتممو علي النت ويقرو ويعقبو
وناس بتاعين فرق التوقيت ديل ناااس عمك رأفت دااا
وناااس زي انا نسايم بيجبروهو ناااس الشغل يشتغل ليل كم مرة في الشهر
فدي سهرة الزامية علي وزن خدمة الزامية
ديل كم نوع
عااارف الليل كتابتو ممتعة وشبه حقيقية زي كلام المساطيل بيطلعو الجواهم
شفت اسي عندي احساس المولع سيجارة خدرا:Dgoood
طايرة وراكة في نفس زات الوقت
ياااااااااااا شباب عندنا ضيوف
بالله ختو الكورة في الواطة
وخلو اللعب هادئ لحد ما نشوف اللخت شايتة علي وين

مرحب نسايم
نحن والله الشايفانا هنا ديل كلنا صنف واحد
ساعتنا البيولوجية ملخبتة لخبتة شديدة
والبلاحمر ده معناه انت ساعتك مظبوطة بس جاية ضهبانة ساي
عموما حبابك في اي وقت
والتمام عند جنابو النور
وتحمدي سيدك الليلة فيصل سعد مافي
وسمعني سلام (سهر الجداد ولا نومو)

[الجيلى أحمد]

الجيلى ما بصاحبو

وانت زاتك محارباك:(:(

يالنور يااخوى

سارة دى خرفانة..

هسى كان سألتها النور دا منو ؟

مااظنها تفرزك:D

[مي هاشم]

والله يا سعادتك الايام الفاتت الحكومة بتاعتنا فارضة علي رقابة صارمة
يعني اللابتوب بيتقفل من الساعة 12
قالت ايه....... صحتك بقت في النازل!!!! بالله دا كلام
بس الليلة قدرت افلت من الرقابة
لاني بايت مع الوالد و الوالدة الله يطول عمرهم

خايفة على صحتك ياخ!!

مافيكم فايده..هسي تخليك على راحتك تقول ما شغالة بيك!!

عالم عجيبة!!

[النور يوسف محمد]

يا احمد ...
الاسم دا بحبو جدا دا اسم اخوي احلي واحد في اخوانى الحلوييين
ناس الليل ديل نوعين ناس مابنومو بي ظروفهم اما بيحبو او متشكلين او حايص ليهو موضوع في راسو او ساعتهم البيلوجية مزبوطة غلط وملخبطة بين الليل والنهاراو شغلهم طويل وبيجو اخر اليوم يتممو علي النت ويقرو ويعقبو
وناس بتاعين فرق التوقيت ديل ناااس عمك رأفت دااا
وناااس زي انا نسايم بيجبروهو ناااس الشغل يشتغل ليل كم مرة في الشهر
فدي سهرة الزامية علي وزن خدمة الزامية
ديل كم نوع
عااارف الليل كتابتو ممتعة وشبه حقيقية زي كلام المساطيل بيطلعو الجواهم
شفت اسي عندي احساس المولع سيجارة خدرا:Dgoood
طايرة وراكة في نفس زات الوقت
بسم الله الرحمن الرحيم
نسايم
شرفتى الدار
ونورتى المكان
واكان بتغشينا إن شاء الله ناس الشغل ديل يجبروك طوالى
تعرفى نحنا شعارنا ( السهر من أجل السهر )
يا دكتور
وين القهوة
نسايم ده ليها ساعة

[سارة]

والبلاحمر

دا عربى وين يا فلاتةgooodgoood