الشاف و الطلِح ... و مآرب أخرى

[أبوجهينة]

(الرضية) بت سمحة و راسية و رزينة ..
تحمل كل الصفات اللازمة لست البيت ، إلا أنها كانت تعاني من عقدة تكمن في دواخلها و تلازمها ليل نهار كلما لامست أصابعها خصلات شعرها ( الأكرت ) القصير.

كانت تنظر إلى الفتيات في سنها ، و تقل نسب الجمال فيهن بدرجة عالية مقارنة بها ، إلا أنها كانت تتحـــسس شــــعرها ثم تنقل أصابعها لخصلات شــــعر البنات الأخريات و تقول :

أريتو الشعر دة عندي.

( طيب يا الرضية مش كفاية عليك وشك السمح دة. بعدين الشعر الأكرت ممكن تقصيهو و ترتاحي من التسريح كل يوم.).

[أبوجهينة]

أول وصفة جربتها الرضية كانت وصفة من الحاجة ليلى الدلالية :
( شفتِ ، تجيبي قفة مليانة من مخلفات الحمام ، و بعدين تلايقيهو بي مويه و تخليه ساعتين تلاتة ، بعدين تتضرضري بيهو بالليل و تلفي راسك بي قطعة قديمة و الصباح تغسلي شعرك و تدهنيه بي زيت زيتون و النتيجة مضمونة.
تلك الليلة ، ضحك عليها أخوها و هي تلطخ رأسها بذلك المعجون الرهيب ، و قال يمازحها :
أنا خايف شعرك الصباح نلقاهو ريش حمام.

و لكن النتيجة لم تكن مرضية للرضية. و بقي الحال كما هو ، و ما زالت العقدة قائمة.

[أبوجهينة]

جربت مجموعة زيوت ، أحضروها لها من السعودية ، و لكن لا حياة لمن تنادي.
و أخيرا جاءها الحل الشافي من بنت جارتهم القادمة من دبى.....
سألت بنت جارتهم : إنت شعرك دة كان أكعب من شعري ، حسع شايفاهو زي الحرير. يعني دة من تأثير الكريم دة ؟
فقد أهدتها معجونا سحريا و حذرتها من إستعماله بطريقة خاطئة ، و عليها أن تقرأ التعليمات بدقة متناهية و أن تجرب أولا في جزء صغير من شعرها قبل التعميم ، لأن الإستعمال الخاطيء ممكن أن يأتي بنتائج عكسية

[أبوجهينة]

بشفقة قاتلة و محمومة إستعملت الرضية كامل محتويات علبة الكريم ، و صبرت تنتظر ،
فأحست أولا بدغدغة كأن نمل السكر يمشي على فروة رأسها ،
ثم أحست بخدر غير لذيذ ،
ثم إنقلب الخدر إلى حرقة من الدرجة الثالثة
سرعان ما تحول إلى حرقة كحرقة الجرح المدعوك بي ليمونة.
ثم صرخت و هرولت إلى الماسورة ،
و راحت تنظر إلى شعرها يتساقط رويدا رويدا أمام أعينها إلى أن تبقى على فروة الرأس شعيرات هنا و شعيرات هناك كبيوت متناثرة على طريق صحراوي.
قالت : ( رضينا بالهم ، حتى الهم ما راضينا بينا ).
و لفترة طويلة ، ظلت الرضية تربط منديلا على رأسها طول اليوم و تنام به :
مازحها أخوها : بقيتي تشبهي البت ديك الفي فيلم كونتا كونتي.

[أبوجهينة]

ذكرتني قصة الرضية ، بتلك المصرية ، جارتنا في الرياض ، هي من بنات المنصورة ، شديدة بياض البشرة. و لكنها رغم ذلك ( تموت ) في السمار و الناس السمر. طالعة نازلة تتغزل في ألواننا التي لوحتها الشمس.

إيه اللون الكاكاوي القميل دة ؟
ثم تجضم بناتي و تقول : يا قميل إنت يا شوكولاطة .
إبنتي الصغيرة كانت عندما تراها تضع كلتا يديها على جضيماتها خوفا من تجضيمها.
كل العمارة كانوا من السودانيين ، عدا جارتنا المصرية.
ذات يوم العمارة ( إتْكنْدكت ) بدخان كثيف يحجب الرؤيا ، هرعت المصرية إلى مصدر الدخان،
و يبدو أن خشب الدخان كان يخالطه ( كراع بنبر ) أو ( جضل شجرة نيم ). يومها عرفت المصرية أن هذا الخشب يعطي للبشرة لونا خاصا ، و أصرت على تجربته.
قالن لها : ما بلاش يا أم محمد. خليكي في لونك دة.
قالت بإصرار : لازم أقربو . ( يعني أجربو )

[أبوجهينة]

و أعطوها كمية و شرحوا لها كيفية إستعماله و خاصة أنه لا توجد ( حفرة دخان).

تلك الليلة و العمارة صامتة ، سمعنا طرقاً عنيفاً بالباب ، فتحنا فإذا بإبنة المصرية ، مبهورة الأنفاس و عينيها تذرفان دمعا بفعل الدخان:

إلحأ يا عمو ، ماما إتحرأت.
يعني : ( إلحق يا عمو ماما إتحرقت).

فهرولنا إلى شقتهم ، فوجدناها كزعيم الهنود الحمر تلتحف بلحاف و هي تروح جيئة و ذهابا و زوجها يرغي و يزبد :
مين اللي شارت عليها بالشورة المهببة دي ؟
يا عم هي اللي أصرت.

صار لونها كقطعة قماش ملونة كانت منقوعة في الكلوروكس.
من يومها و هي تقول : البياض ولا بلاش.

[أبوجهينة]

تعرج بي الذاكرة ، لزميل الدراسة و رفيق الصبا أبو القاسم ، عندما عاد من روسيا بشهادة الماجستير في الهندسة ، و معه زوجته الروسية ناتاشا و التي كانت أمه تناديها ( يا نتَاشة ).
ففي إعتقادها الجازم أن الروسية ( نَتَشَتْ) إبنها منها.
الروسية كانت من نوع فريد ، فقد كانت معجبة أيما إعجاب بالشعب السوداني ، و خاصة عاداتنا السودانية عند النساء.
يقول أبو القاسم أنه لما تزوجها في مدينة ( كييف ) الروسية ، إجتمع نفر قليل من السودانيين ،
و بينهم فتاة سودانية ، أطلقت زغرودة من نوع ( صفارة الإسعاف فجفلت العروس و صديقاتها الروسيات و هربن إلى خارج الشقة ، و ظنوا أن الهنود الحمر قد غزوا روسيا. و أفهموها بأن هذه صيحة سودانية بحتة تعبر عن فرح و بهجة عارمة.

[أبوجهينة]

أول يوم جربت فيه ناتشا الزغرودة كان في باص أبو رجيلة الذي أصرت على إستعماله كنوع من التراث الشعبي السوداني. ي
ومها أبو القاسم كان قد نسي كل فلوسه في البيت و كان موقفا محرجا شاركته فيه ناتاشا ،
و لكن بأريحية سودانية دفع أحدهم حق التذكرتين فما كان من ناتاشا إلا أن أطلقت زغرودة تردد صداها بين جنبات الباص ، فقالت إحدي الجنوبيات من بين الركاب :
دة سنو دة ، الكواجات كمان إندهم جن كلكلي ، دة حقو ودوهو مستشفى توالي .
نزل بها أبو القاسم قبل أن يصل وجهته

[AMAL]

مستنية اشوف الشاف والمغمض

علاقتم شنو بالشعر

ياتتثقفو نسوانيا

ولا ماتشحتفو روحنا

واحد وش من اي نوع












سلام ابوجهينة

[أبوجهينة]

مستنية اشوف الشاف والمغمض

علاقتم شنو بالشعر

ياتتثقفو نسوانيا

ولا ماتشحتفو روحنا

واحد وش من اي نوع


سلام ابوجهينة

معقولة يا آمال ؟؟؟
كيف غاب عن فطنتك العامة و النسوية علاقة الشعر بالخشب دة ؟؟ مش كلو بيدخل في صالون التجميل ؟؟؟
إتشحتفتي ساااااكت.
أها .. العنوان بيقول مآرب أخرى ... و مأرب أخرى دي ممكن تخش فيها الدلكة و الكَبَريت و اللخوخة و الكركار و هلم أدوات تجميل ..
لقيتيني كيف في الثقافة دي ؟؟؟؟؟:):):)

تحياتي

[نبراس السيد الدمرداش]

العزيز ابو جهينه
سلام جاكم, مشتاقين طولت مننا

الجمال شيء نسبي و احساس داخلي
لما تحس انك جميل بتحس انو الكل بشوفك جميل

اما بخصوص علاقة الخشب دا بالشعر يا امال
فقبل الواحده ما تقعد للدخان تدهن شعرها بكركار او دهن ساق
بنعم و بغذي الشعر و يكسبو رائحه جميله جدا
ودا نتاج تجربه و كلام حبوبات

لقيت ثقافتك عاليه :D

[AMAL]

معقولة يا آمال ؟؟؟
كيف غاب عن فطنتك العامة و النسوية علاقة الشعر بالخشب دة ؟؟ مش كلو بيدخل في صالون التجميل ؟؟؟
إتشحتفتي ساااااكت.
أها .. العنوان بيقول مآرب أخرى ... و مأرب أخرى دي ممكن تخش فيها الدلكة و الكَبَريت و اللخوخة و الكركار و هلم أدوات تجميل ..
لقيتيني كيف في الثقافة دي ؟؟؟؟؟:):):)

تحياتي

لقيتك ختيييييير لكن :D

مرة اطلعت علي دراسة بمعهد الافرويشن عن المرأة والبيئة
كانت بتشيد بحكمه النساء البيئية ووانهن من قديم الزمان
بعرفن نوع الحطب البطئ الاحتراق والبدي دخان بس وذو الرائحة
السؤال
شنو الخلا المره السودانيه بالتحديد تهتدي للفكره دي
وتكون رائدة الساونا في العالم
وتكون حياتا مكرسه للفكره دي
وتحتفي بالكم الهائل من ما ذكرته اعلاه
وتبدع فيه دون سائر نساء العالمين
دي اظنها المآرب الاخري زاتا ;):D




جميل يابوجهينه تنزيل الثقافه السودانية علي غيرنا من شعوب
بتكشف تميزنا وتعولقن:D يعني السوداناوية
ما خايله الا في السودانيين:cool:

[AMAL]

اما بخصوص علاقة الخشب دا بالشعر يا امال
فقبل الواحده ما تقعد للدخان تدهن شعرها بكركار او دهن ساق
بنعم و بغذي الشعر و يكسبو رائحه جميله جدا
ودا نتاج تجربه و كلام حبوبات

لقيت ثقافتك عاليه :D

لوووول يانبراس ودا من شنو دا








شوفت ريحة البوست لمت البنات والرجال يتاوقو ;):D

[نبراس السيد الدمرداش]

لوووول يانبراس ودا من شنو دا
شوفت ريحة البوست لمت البنات والرجال يتاوقو ;):D

دهن الساق نوع من انواع الودك
و الودك (شحم بطن البهائم,زي ما بنقول ستارة البطن)
دهن الساق من اسمو بستخرج من الدهن الوجود في ساق الحيوان ا بمعنى ادق النخاع
و اجود انواعه دهن ساق النعام
و بيحضر بطريقه معينه و الا يتلف و تتغير رائحته
و لتفادي رائحة الشحم تتم اضافة المحلب و القرنفل اثناء التحضير

اما الريحه دي اصلها بترمي looool

[AMAL]

دهن الساق نوع من انواع الودك
و الودك (شحم بطن البهائم,زي ما بنقول ستارة البطن)
دهن الساق من اسمو بستخرج من الدهن الوجود في ساق الحيوان ا بمعنى ادق النخاع
و اجود انواعه دهن ساق النعام
و بيحضر بطريقه معينه و الا يتلف و تتغير رائحته
و لتفادي رائحة الشحم تتم اضافة المحلب و القرنفل اثناء التحضير

اما الريحه دي اصلها بترمي looool


غايتو يانبراس دي عبقريه متناهيه
انك تخلق من مواد محليه متوفره ورو متيريل ماعندها اي علاقه بالنواتج

ياخ كان يستغلوها في حاجه افيد:D

يعني انا ما شفت اعفن من الضُفرة

مستحيل تتخيلي انو عندها علاقة بالخُمرة

شكرا يانوسه محتاجين فعلا نوثق لثقافتنا دي

وعبقرية النساء السودانيات الغير مُستغلة او المافي محلها:p:D

[فتحي مسعد حنفي]

غايتو يانبراس دي عبقريه متناهيه
انك تخلق من مواد محليه متوفره ورو متيريل ماعندها اي علاقه بالنواتج

ياخ كان يستغلوها في حاجه افيد:D

يعني انا ما شفت اعفن من الضُفرة

مستحيل تتخيلي انو عندها علاقة بالخُمرة

شكرا يانوسه محتاجين فعلا نوثق لثقافتنا دي

وعبقرية النساء السودانيات الغير مُستغلة او المافي محلها:p:D


أعملي حسابك يا أمال نبراس دي دايرة ترجعك مرحلة من محل ما قاعدة...شفتي الحسادة دي كيف..غايتو أنا نصحتك وكان ما مصدقة سوي القالتو ليك دا وأمشي أقعدي في أي كافيه وشوفي كان ما جابو ليك البوليس ..دا لو ما جابو ليك اسكوتلانديارد:Dgoood;)

[AMAL]

أعملي حسابك يا أمال نبراس دي دايرة ترجعك مرحلة من محل ما قاعدة...شفتي الحسادة دي كيف..غايتو أنا نصحتك وكان ما مصدقة سوي القالتو ليك دا وأمشي أقعدي في أي كافيه وشوفي كان ما جابو ليك البوليس ..دا لو ما جابو ليك اسكوتلانديارد:Dgoood;)

:D:D:D:D:D


القي ويييين انا جنس دا

انشالله يجيبو لي الكي جي بي والاف بي اي
والسي ان ان

زاتو gooodgooodgoood

[مرافي]

معقولة يا آمال ؟؟؟
كيف غاب عن فطنتك العامة و النسوية علاقة الشعر بالخشب دة ؟؟ مش كلو بيدخل في صالون التجميل ؟؟؟
إتشحتفتي ساااااكت.
أها .. العنوان بيقول مآرب أخرى ... و مأرب أخرى دي ممكن تخش فيها الدلكة و الكَبَريت و اللخوخة و الكركار و هلم أدوات تجميل ..
لقيتيني كيف في الثقافة دي ؟؟؟؟؟:):):)تحياتي

الغالي ابو جهينة
والله جابتني الريحة..looool
ما الدخان والدلكة الخلن عقلي لكه...;)
لقيت ثقافتك ليها ريحة

[أبوجهينة]

آمال و د. نبراس

تضاؤلتْ ثقافتي أمام هجومكم المعلوماتي الكثيف

المرأة السودانية ( جيل الحبوبات ) لو في عدل مفروض يدخلن موسوعة غينيس عديل و بالمزيكة
إخترعن ساونا ( حفرة الدخان ) قبل ما يعرفوها العالم الأول و التاني و بقية العوالم الأخرى
إخترعن الحلو مر ( قبل أن يعرف الخلق الأيسكريم و شراب الشعير )
إخترعن المشاط و حسع نساء العالم بيلهثن وراه
و هلم إختراعات
ما أعظم حبوباتنا

واصلن و سأواصل

[أبوجهينة]

العزيز ابو جهينه
سلام جاكم, مشتاقين طولت مننا

الجمال شيء نسبي و احساس داخلي
لما تحس انك جميل بتحس انو الكل بشوفك جميل

اما بخصوص علاقة الخشب دا بالشعر يا امال
فقبل الواحده ما تقعد للدخان تدهن شعرها بكركار او دهن ساق
بنعم و بغذي الشعر و يكسبو رائحه جميله جدا
ودا نتاج تجربه و كلام حبوبات

لقيت ثقافتك عاليه :D

نبراس

تحية كبيرة جدا
و مرورك أسعدني
حبوباتنا بارعات و إستطاعن ملاواة أجواء السودان بعبقريتهن الفذة ...
دمت

[أبوجهينة]

الغالي ابو جهينة
والله جابتني الريحة..looool
ما الدخان والدلكة الخلن عقلي لكه...;)
لقيت ثقافتك ليها ريحة

مرافي
سلام ماكن ليهو دخان يلوي

شنو البخل دة يا مرافي ؟
ثقافتي عندها ريحة بس؟ مافي طعم و لون ؟؟؟
كدة راجعي نفسك
:D:D:D

[مبر محمود]

ابو جهينة حبابك
جابتني ريحة بوختك الطالقا لينا في نص المنبر دا
ياخ الطلح دا سرو باتع
ونحن ناس عزابة، ولاقبل لنا بهكذا حديث، خصوصاً انصاص الليل

ياخ والاجمل من الطلح، حديث الشيخ امحمد ود الرضي فوقو
طابـق البوخـة
قام نـدا يهتـف
نام من الدوخـة
إيـده عاقباهـو
الجدلة مملوخـة
لي معالق الجوف
موسة مجلوخـة
ومو ود الرضي براهو، اها اسمع نم الهمباتي العبقري دا
المضمر هافو زي طي الحجاب تمثيلو
في البدو والحضر دايماً عفافو دليلو
ردفولو الطلح ملص عقودو وتيلو
طبق البوخه وقام عرقو الصفيح ما بشيلو

[أبوجهينة]

ابو جهينة حبابك
جابتني ريحة بوختك الطالقا لينا في نص المنبر دا
ياخ الطلح دا سرو باتع
ونحن ناس عزابة، ولاقبل لنا بهكذا حديث، خصوصاً انصاص الليل

ياخ والاجمل من الطلح، حديث الشيخ امحمد ود الرضي فوقو
طابـق البوخـة
قام نـدا يهتـف
نام من الدوخـة
إيـده عاقباهـو
الجدلة مملوخـة
لي معالق الجوف
موسة مجلوخـة
ومو ود الرضي براهو، اها اسمع نم الهمباتي العبقري دا
المضمر هافو زي طي الحجاب تمثيلو
في البدو والحضر دايماً عفافو دليلو
ردفولو الطلح ملص عقودو وتيلو
طبق البوخه وقام عرقو الصفيح ما بشيلو

تحياتي الخالصة لك مبر
تعرف البوخة المطبوقة دي في السودان عبارة عن إعلان مشموم عن ممارسات مفروض تكون مكتومة. و لكن السودانيين بطبعهم متصالحين مع أمور كتيرة. عشان كدة لو شميت ليك أي ريحة سمحة بالليل من روائح خشبنا أو ريحة الحاجات المدرْدَمة ديك .. جيب ليك مشْبَك غسيل و يا نخرين جاكم كاتم ريحة :D:):p
شفت الوش الأخير دة ... كَيْتَن في العزابة:D
دمتم

[نبراس السيد الدمرداش]

غايتو يانبراس دي عبقريه متناهيه
انك تخلق من مواد محليه متوفره ورو متيريل ماعندها اي علاقه بالنواتج

ياخ كان يستغلوها في حاجه افيد:D

يعني انا ما شفت اعفن من الضُفرة

مستحيل تتخيلي انو عندها علاقة بالخُمرة

شكرا يانوسه محتاجين فعلا نوثق لثقافتنا دي

وعبقرية النساء السودانيات الغير مُستغلة او المافي محلها:p:D

طبعا في واحده من شرق افريقيا اظن اثيوبيه
سجلت الخمره كاختراع ينسب لبلدها
سجلتو في بريطانيا تقريبا في الملكيه الفكريه

امال
موش الضفره
شفتي الجلده البتكون مع الضفر نفسها بعد يطلعوها من الضفر
الان بقوا يعملو منها خُمره معتقه و ريحتا نفس الخُمره المتعارف عليها
رغم انو الجلده دي ريحتها في الاساس كريهه جدا
و اسي في خُمرة التفاح و البرتقال

[نبراس السيد الدمرداش]

أعملي حسابك يا أمال نبراس دي دايرة ترجعك مرحلة من محل ما قاعدة...شفتي الحسادة دي كيف..غايتو أنا نصحتك وكان ما مصدقة سوي القالتو ليك دا وأمشي أقعدي في أي كافيه وشوفي كان ما جابو ليك البوليس ..دا لو ما جابو ليك اسكوتلانديارد:Dgoood;)

انت عجبتك الريحه جيت تتاوق موش
حالتي فاتحه ليك بوست كامل عشانك بهناك و برضو حساده الله يسامحك بس

[فتحي مسعد حنفي]

انت عجبتك الريحه جيت تتاوق موش
حالتي فاتحه ليك بوست كامل عشانك بهناك و برضو حساده الله يسامحك بس


دا يانبراس عشان مافي زول يقول أنا وانتي متفقين ولا يقول انتي ماخدة مني رشوة..
يعني كلامي دا في صالحك وما كان حقو تنكتيهو من تحت وترفعيهو تاني.وبعدين أنا ما لقيت شخصية أقرب لي منك عشان أجيب سيرتا غيرك..شفتي المعزة دي كيفgoood:Dgoood

[نبراس السيد الدمرداش]

دا يانبراس عشان مافي زول يقول أنا وانتي متفقين ولا يقول انتي ماخدة مني رشوة..
يعني كلامي دا في صالحك وما كان حقو تنكتيهو من تحت وترفعيهو تاني.وبعدين أنا ما لقيت شخصية أقرب لي منك عشان أجيب سيرتا غيرك..شفتي المعزة دي كيفgoood:Dgoood

حناك حنك يا عمو
خلاص يا سيدي براءه

[AMAL]

طبعا في واحده من شرق افريقيا اظن اثيوبيه
سجلت الخمره كاختراع ينسب لبلدها
سجلتو في بريطانيا تقريبا في الملكيه الفكريه

امال
موش الضفره
شفتي الجلده البتكون مع الضفر نفسها بعد يطلعوها من الضفر
الان بقوا يعملو منها خُمره معتقه و ريحتا نفس الخُمره المتعارف عليها
رغم انو الجلده دي ريحتها في الاساس كريهه جدا
و اسي في خُمرة التفاح و البرتقال

اديني اي لنك
والله اشرشحا ليك شرحا :mad::mad:دا سرقة عديل
عموما الخواجات خمرتنا دي ما بتنفع معاهم
ولا يجرؤ احد هنا علي استعمال عطر صارخ في مكان عام
وجدت اكثر من مره تنبيه لعدم استعال مثل هذه العطور
اعتقد الهنود عندهم برضو عطور زيتيه قويه شويه
رايك شنو تتحفينا بالوصفات;) اهو نكون ساهمنا في
حفظ التراث واثرينا البوست :p:D

[سمراء]

وحاة الله شوق فى امال ....ولى ريحه الطلح :D

موضوع ديم يحتاج الى مزيد من التمحيص
اقلاها نشوف الحرامية السرقة برأة اختراع حبوبانتنا دى وصلة وين ؟؟:mad:

ابو جهينة : تسلم ياخ وبجيك بروااااقة