لما درب الرايحة جابنا (رتبتنى) [الأرشيف]

سمراء

08-02-2010, 10:03 AM

كلما شعرت بدوار الغثيان من جراء ما ارى ، وما اسمع ....شدتنى تلك الكلمات الى قاعها العذب ،،،،
وكلما جاطت بى الدنيا ، اعانتنى تلك الكلمات على الهدؤ والترتيب .....
اهديها لكل من هضمنى ، بهذا البيت الانيق ...
وكلو من استشعرة انسانيته العميقه ،،،،،

لانى احبكم ...واحبها
اهديكم اياها ..........................

الطمبارة والغناي
محمد طه القدال

نحن أهل الفرحة جينا ......
لا المدامع وقفتنا ولا الحكايات الحزينة ......
لما درب الرايحة جابنا في هذى المدينة ......
يا ولدي الدروب شقاقة بحر التيه .......
ليك درب ولا دربين .. مساك الدروب ضهاب .....
ليك قلب ولا بالين .. سواي القلوب كضاب
ليك ضهر ولا سرجين .. ركاب السروج وقاع .......
شق ياولدي بحر التيه بتدردر وتتودر .....
ولامن يوم علي حكايتنا ديك ترسى
ده عزك القبيل ذاخرنو ليك
الشوق بحر يا ولدي بحر تيه
قتليك العليك ادرابو لاتنغش
ولا ترضابو لاتنغش
في الزمن الزميم والكي يسوقو خلاف عشان الني
عليك الدور وتصريف الليالي بدور
تشيل ما شلنا من الهم
ولامن دمعة ترمي الدمعة فوق دربك
روح يابا وابقى كفاك لاتعاين
ولا تعاين علي موطاك
ولاتندم علي خطواً تملي مشيتو لي قدام
وابقى العاتي زي سنطتنا زي صبراً نلوك فوق مرو زي الذات
لا شيتن نزل في الجوف ولا بيرجع ولا بنزاح ......
واركز للبجيبها الريح تقيف انت ويشيله الريح
وابقى العاتي والدرب الوراك مسدود
شيل شيلتك بقيت للنص
لاحلما ً يجيب البر ولاحدود ....
ان بليتا اختى الرملة ما تقع المكان الهش
دي الممطورة ما بتبالي من الرش
والنعمة بتعرف عاطيها والجمرة بتحرق واطيها
بالكيلة عطانا ومالقينا
فوق جمر خطانا وما لقينا .......
يوم الوعد ياحليوة فيك الدنيا ماكانت شروق
الا الارض متكشفا ومتبلمة
ناعمنو من فيض الخريف لافحالها شال
والفرحة خدرى فرحة دوب تتشابا لعين الشمس
والبت حليوة اللابسة بيضة كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوقا مو راجع
ولا بالحيل قليل
والروح مشحتفا في الحبيب القلب بكر
الدنيا ما شافت جديدو ولا الحزن دقالو باب
لو شفت كيف يوم الوعد
كيفنو مترامي الغمام والقمرى زعرد للبلوم
والنسمة هبت مرتين
يحليوة يوم دقيت بأرضك فاس خصيب
والتانية يوم الوعد والايد تسالم في الايدين
والام تقالد فوق جناها تشمو زين
وحليوة صاحية حليوة ضاحية كذا النسيم
والدنيا غيم وحليوة جد جد ياولد
قول للبلد قايل غناوة الحزن ليش
شايل مساديرك مجامر دمع ليش
ليش يابلد والناس تريد والدنيا كل ما نريد تزيد
تملى الايدين تفرح تهش
لو صحي غنينا بالدمعة الحميمة
لو دموع الفرحة ما لاقت غنانا
بكرة نرجع تاني للكلمة الرحيمة
شان هنانا ......... شان منانا .........
شان عيون اطفالنا ما تضوق الهزيمة

خالد الصائغ

08-02-2010, 10:23 AM

كلما شعرت بدوار الغثيان من جراء ما ارى ، وما اسمع ....شدتنى تلك الكلمات الى قاعها العذب ،،،،
وكلما جاطت بى الدنيا ، اعانتنى تلك الكلمات على الهدؤ والترتيب .....
اهديها لكل من هضمنى ، بهذا البيت الانيق ...
وكلو من استشعرة انسانيته العميقه ،،،،،

لانى احبكم ...واحبها
اهديكم اياها ..........................

نحن اهل الفرحة جينا
لا المدامع و قفتنا و لا الحكايات الحزينة
لما درب الرايحة جابنا فى هاتى المدينة
يا ولدى الدروب شقاقا بحر التيه
ليك درب و لا دربين مساك الدروبب ضهاب
ليك قلب و لابالين
ليك ضهر و لا سرجين
شق يا ولدى بحر التيه
و لما على حكاينتا ديك ترسى
نعزك لقبيل داخرنو ليك
الشوق بحر يا ولد بحر
قلت ليك العليك اقراهو لا نتغش
.و لا ترضاهو و لا تنغش

فى الزمن الذميم و الكى يسوق فى المخلا
تشيل ما شلنا من الهم
روح يا با و ابقى قافك لا تعاين
و لا تعاين على موطاك ....
و لا تندم على خطوا تملى مشيتو لقدام ...
و ابقى العاتى زى سنطتنا و زى صبرا نلوك فوق مرو زى الزان ...
لا شيتن نزل فى الجوف و لا برجع و لا بنزاح....

و اركز للبجيبها الريح .....تفيف انت و يشيلها الريح ...
و ابقى العاتى و الدرب الوراك مسدود ..
شيل شيلتك بقيت للنص ...
لا حلما يجيب البر ...

انبليت اختا الرملة ما تقع بكان الهش دى الممطورة ما بتبالى من الرش ....

النعمة بتعرف عاطيها ..
و الجمرة بتحرق و اطيها..
بالكيلة عطانا و ما لقينا..
فوق جمر خطانا و ما لقينا...

يوم الوعد يا حليوة فيك الدنيا ما كانت شروق ...
.الا الارض متكشفة و متبلمة نعمنو من خير الخريف لوحةا لمشاقق....
يوم الوعد الفرحة متشابة بعين الشمس
البت حليوة اللبسة بيضاء كما الحليب
و الروح مشعتفة فى البلود الفيها رحيتك..
للبعود من فزعة الغربة للبعود و لا بالحيل
الروح مشعتفة فى الحبيب و القلب بكر الدنيا ماشافت جديدو و لا الحزن داقالو باب
لو شفتى كيف يوم الوعد
كفينو مترامى الغمام و
القمرى يغرد للبلوم و النسمة هبت مرتين
يا حليوة يوم دقيت بارضك فاس خصيب
و التانية فى الوعد ..
و اليد تسالم فى الايدين و الام تقالد فى جناها تشمو زين
با حليوة صاحية كما النسيم
كل البلد شايل غناوى الحزن ليش ...
شابل مسدايرك مجامر دمع ليش .........
ليش با بلد ليش ........

لو صحى غنينا بالدمعة الحبيبة ....
و دموع الفرحة ما لاقت غنانا ...
بكرة نرجع تانى للكلمة الرحيمة شانا هنانا... شان منانا ...

شان عيون اطفالنا ما تضوق الهزيمة

و لأننا نحبك
و نحبهم

قرأناها

تارة لأنها صنو أن تقرأ

و تارات لأنها هديتك

شكرا سمراء

خالص الود و التقدير

تجـــاني

08-02-2010, 10:59 AM

و اركز للبجيبها الريح .....تفيف انت و يشيلها الريح ...
و ابقى العاتى و الدرب الوراك مسدود ..
شيل شيلتك بقيت للنص ...
لا حلما يجيب البر ...

البت حليوة اللبسة بيضاء كما الحليب
و الروح مشعتفة فى البلود الفيها رحيتك..
للبعود من فزعة الغربة للبعود و لا بالحيل
الروح مشعتفة فى الحبيب و القلب بكر الدنيا ماشافت جديدو و لا الحزن داقالو باب

عارفة يا سمراء

الأغنية دي أنا مكسّر فيها عدييييييل ...
ورضى الله عن القدال يوم يُبعث حياً

تجـــاني

08-02-2010, 11:00 AM

WIDTH=400 HEIGHT=40

سمراء

08-02-2010, 11:24 AM

و لأننا نحبك
و نحبهم

قرأناها

تارة لأنها صنو أن تقرأ

و تارات لأنها هديتك

شكرا سمراء

خالص الود و التقدير

خالص الود خالد الصائغ
واستمتع بها

فيصل سعد

08-02-2010, 11:32 AM

شكرا لهذا
الجمال الباهي ..

يديك العافية ..

سمراء

08-02-2010, 12:39 PM

عارفة يا سمراء

الأغنية دي أنا مكسّر فيها عدييييييل ...
ورضى الله عن القدال يوم يُبعث حياً

ويرضى عليك ياود ياسميييع انت
وبالجد ياتجانى حااااجه كده

سمراء

08-02-2010, 12:40 PM

شكرا لهذا
الجمال الباهي ..

يديك العافية ..

وشكرا لانك هنا
فى ارض الجمال والحب

الجيلى أحمد

08-02-2010, 01:23 PM

مساء الورد

فى الأول

الشوق بحر يا ولد بحر

ياسمراء دا غنا بشبه ناسو
وبشبه الزول البسمعو تمام

يا ولدى الدروب شقاقا بحر التيه
ليك درب و لا دربين مساك الدروبب ضهاب
ليك قلب و لابالين
ليك ضهر و لا سرجين
شق يا ولدى بحر التيه

دى واحدة من الأغانى الخاتينها فى السحارة
عشان نفتفت بيها الأسى واى حاجة ماراكبا عدلا

أغنية(دواء)
كبسولات ضد الأورام

انبليت اختا الرملة ما تقع بكان الهش دى الممطورة ما بتبالى من الرش ....

سلام من هنا لاعندك
وسلام على القدال رضى الله عنه
وعلى كل من مر من هنا

سمراء

08-02-2010, 01:30 PM

مساء الورد

فى الأول

ياسمراء دا غنا بشبه ناسو
وبشبه الزول البسمعو تمام

دى واحدة من الأغانى الخاتينها فى السحارة
عشان نفتفت بيها الأسى واى حاجة ماراكبا عدلا

أغنية(دواء)
كبسولات ضد الأورام

سلام من هنا لاعندك
وسلام على القدال رضى الله عنه
وعلى كل من مر من هنا

مشكور الجيلى على القراية الصاح ...فى الزمن الغلط

وعليك الله شوف الكلام ده وورينى لو لاقيتو قريب

فى الزمن الذميم و الكى يسوق فى المخلا
تشيل ما شلنا من الهم
روح يا با و ابقى قافك لا تعاين
و لا تعاين على موطاك ....
و لا تندم على خطوا تملى مشيتو لقدام ...
و ابقى العاتى زى سنطتنا و زى صبرا نلوك فوق مرو زى الزان ...
لا شيتن نزل فى الجوف و لا برجع و لا بنزاح....

الجيلى أحمد

15-02-2010, 02:47 AM

اهلنا الصوفيه بقولو

اسمع قدر عبار اضانك..

نشيد زى دا بخليك مدوزن
واصابعينك تطرق دروب منسية بلا ملل

دا نشيد يخليك مجذوب
وروحك تبقبق برائحة العطر المنساب من خصلة الوطن ذات أمسية حالمة

وطنآ تواعدو ومايجيك

فالنتاين سعيد ياايها السودان الشقيق ..

الجيلى أحمد

15-02-2010, 02:58 AM

لا شيتن نزل فى الجوف و لا برجع و لا بنزاح....

يآآآآآ

سمراء

15-02-2010, 05:00 AM

يآآآآآ

عبى يا الجيلى قدر ماتقدر
مابتفتر ولا تتعب من كلام مبلوووول وطاعم بكل انواع الوجع
محل ماتقع اضانك على حرف منو ...تزداد قبضه قلبك
وتسسسسسسسسسرح
وتلاوى
وتتنهد
وترجع تااانى لى نقطه البداية
يااااااااااااااااااااااااااااااااااااااااااااااااا اااااااااااااه

عبدالله وداعه الامين

15-02-2010, 07:02 AM

يا الله عليك يا سمراء وعلى الغناء الطاعم ياخ
وانا لله منك ياخ
طبعا النص العندك شكلك كتبتيهو وانتي بتسمعي في الاغنية او من الذاكرة
هاك شوفي دا واسمعيها من خشم سيد الشيء ذاتا :D

الطمبارة والغناي
محمد طه القدال

نحن أهل الفرحة جينا ......
لا المدامع وقفتنا ولا الحكايات الحزينة ......
لما درب الرايحة جابنا في هذى المدينة ......
يا ولدي الدروب شقاقة بحر التيه .......
ليك درب ولا دربين .. مساك الدروب ضهاب .....
ليك قلب ولا بالين .. سواي القلوب كضاب
ليك ضهر ولا سرجين .. ركاب السروج وقاع .......
شق ياولدي بحر التيه بتدردر وتتودر .....
ولامن يوم علي حكايتنا ديك ترسى
ده عزك القبيل ذاخرنو ليك
الشوق بحر يا ولدي بحر تيه
قتليك العليك ادرابو لاتنغش
ولا ترضابو لاتنغش
في الزمن الزميم والكي يسوقو خلاف عشان الني
عليك الدور وتصريف الليالي بدور
تشيل ما شلنا من الهم
ولامن دمعة ترمي الدمعة فوق دربك
روح يابا وابقى كفاك لاتعاين
ولا تعاين علي موطاك
ولاتندم علي خطواً تملي مشيتو لي قدام
وابقى العاتي زي سنطتنا زي صبراً نلوك فوق مرو زي الذات
لا شيتن نزل في الجوف ولا بيرجع ولا بنزاح ......
واركز للبجيبها الريح تقيف انت ويشيله الريح
وابقى العاتي والدرب الوراك مسدود
شيل شيلتك بقيت للنص
لاحلما ً يجيب البر ولاحدود ....
ان بليتا اختى الرملة ما تقع المكان الهش
دي الممطورة ما بتبالي من الرش
والنعمة بتعرف عاطيها والجمرة بتحرق واطيها
بالكيلة عطانا ومالقينا
فوق جمر خطانا وما لقينا .......
يوم الوعد ياحليوة فيك الدنيا ماكانت شروق
الا الارض متكشفا ومتبلمة
ناعمنو من فيض الخريف لافحالها شال
والفرحة خدرى فرحة دوب تتشابا لعين الشمس
والبت حليوة اللابسة بيضة كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوقا مو راجع
ولا بالحيل قليل
والروح مشحتفا في الحبيب القلب بكر
الدنيا ما شافت جديدو ولا الحزن دقالو باب
لو شفت كيف يوم الوعد
كيفنو مترامي الغمام والقمرى زعرد للبلوم
والنسمة هبت مرتين
يحليوة يوم دقيت بأرضك فاس خصيب
والتانية يوم الوعد والايد تسالم في الايدين
والام تقالد فوق جناها تشمو زين
وحليوة صاحية حليوة ضاحية كذا النسيم
والدنيا غيم وحليوة جد جد ياولد
قول للبلد قايل غناوة الحزن ليش
شايل مساديرك مجامر دمع ليش
ليش يابلد والناس تريد والدنيا كل ما نريد تزيد
تملى الايدين تفرح تهش
لو صحي غنينا بالدمعة الحميمة
لو دموع الفرحة ما لاقت غنانا
بكرة نرجع تاني للكلمة الرحيمة
شان هنانا ......... شان منانا .........
شان عيون اطفالنا ما تضوق الهزيمة

WIDTH=400 HEIGHT=350

عبدالله وداعه الامين

15-02-2010, 07:15 AM

شيل شيلتك بقيت للنص
لاحلما ً يجيب البر ولاحدود ....

انا لله يا القدال
هسه عليك الله جربتي حدود يا سمراء؟
ياخ لما تعمل حدود ورجلك ما تلاقي الواطا وتغطس
تغطس ويدينك تغطيها الموية وتشهق وتقلع خوف الغرق
استغفر الله العظيم

يوم الوعد ياحليوة فيك الدنيا ماكانت شروق
الا الارض متكشفا ومتبلمة
ناعمنو من فيض الخريف لافحالها شال

دي بلبسوها كيف؟
عصرت على الارض وعلينا شديد

والروح مشحتفة في البلود الفيها ريحتك
للبعود من فزعة الغربة البساسق فوقا مو راجع
ولا بالحيل قليل

انا لله وبث

قول للبلد قايل غناوة الحزن ليش
شايل مساديرك مجامر دمع ليش
ليش يابلد والناس تريد والدنيا كل ما نريد تزيد

لله درك ياخ
الناس دي لو بتسمعك كان دست مراويد الجمر
ومجامر الدمع ورادت او اتعلمت تريد البلد والناس
والدنيا زاتا كل ما نريد تزيد
هسه عليك الله يا سمرا دا غناى الزول يسمعو من الصباح؟
شكيتك لي الله بس
توجعو قلب الرايحة فينا والصباح بكر

سمراء

15-02-2010, 07:24 AM

[QUOTE=عبدالله وداعه الامين;197194]انا لله يا القدال
هسه عليك الله جربتي حدود يا سمراء؟
ياخ لما تعمل حدود ورجلك ما تلاقي الواطا وتغطس
تغطس ويدينك تغطيها الموية وتشهق وتقلع خوف الغرق
استغفر الله العظيم

وداعة الخير
عارف الذول البقوم يبحت من الصباح زيك كده ...ياهو البغرق :D
ويغرقنا معاهو فى لجة مداها بعلم بيهو الله ..بس!
هسع النبى شفته الراجل ده خرتالكلام ده من وين فى مصارينو !!

قال :
والروح مشحتفة في البلود الفيها ريحتك
للبعود من فزعة الغربة البساسق فوقا مو راجع
ولا بالحيل قليل
والروح مشحتفا في الحبيب القلب بكر
الدنيا ما شافت جديدو ولا الحزن دقالو باب

طلع ديش ديشى زاتو وانعل ديشك انت زاتك :D

عبدالله وداعه الامين

15-02-2010, 07:32 AM

انا لله يا القدال
هسه عليك الله جربتي حدود يا سمراء؟
ياخ لما تعمل حدود ورجلك ما تلاقي الواطا وتغطس
تغطس ويدينك تغطيها الموية وتشهق وتقلع خوف الغرق
استغفر الله العظيم

وداعة الخير
عارف الذول البقوم يبحت من الصباح زيك كده ...ياهو البغرق :D
ويغرقنا معاهو فى لجة مداها بعلم بيهو الله ..بس!
هسع النبى شفته الراجل ده خرتالكلام ده من وين فى مصارينو !!

قال :
والروح مشحتفة في البلود الفيها ريحتك
للبعود من فزعة الغربة البساسق فوقا مو راجع
ولا بالحيل قليل
والروح مشحتفا في الحبيب القلب بكر
الدنيا ما شافت جديدو ولا الحزن دقالو باب

طلع ديش ديشى زاتو وانعل ديشك انت زاتك :D

هوي ها
ياخ انا الصباح دا حدي معاهو فيروز بس
غناكم البجيب كاروشة القلب دا وبوجع الروح دا ماعندنا ليهو رقبة
وانتي ديشك دا بتطلعي فيهو ومطلعة ديشنا مالك ومالنا سوينا ليك شنو؟
قسما عظما ما اوريك امس شنو القومني من النوم وخلاني افرفر وامشي انوم تاني :D
اهو زي المصيبة الجبتيها لينا انتي دي
تطير النوم وتخليك تحسب كلاب حر الرهاب صاحي

[quote]والروح مشحتفة في البلود الفيها ريحتك

اقول ليك شيء
ياخ انا احسن اتخارج من هنا بي سلامتي
كان اصلا فضل فيها سلامة :D

عبدالله وداعه الامين

15-02-2010, 07:37 AM

هاك خمي وصري :D

مسدار ابو السرة لي اليانكي

WIDTH=400 HEIGHT=350

سمراء

15-02-2010, 07:54 AM

هاك خمي وصري :D

مسدار ابو السرة لي اليانكي

بالله شوف ذى ده !!
هو نحنا غير الخم والصر عندنا شنو الفضل !!
الخميناهو برااااااااهو ماشوية
بس ماعندنا مانع نزيد فوقو خميم وصرير يقد الاضان ..لو كان ذى ده

ده بقولو عليهو ياود خميم العافية
الببشتنك ، وينكش حاجاتك الغرقانه فى مزبلة الضباب الفوقنا ده
ويخليها طاااااااااااافية فوق لجتنا الحارقه جوفنا
يحرق جوف المابريدك ياخ:D

اها شويه لو عرجته كمان علىمجدى النور ..وجدعتنا بى صرير تانى
مابطال

خليها التولع زااااااااااااتو

فيصل سعد

15-02-2010, 08:27 AM

و اليكم من تجاني،
يا محبوبي هاك
مني مكتوبي ..

http://sudaniyat.net/up/uploading/sada7tto.mp3

الجيلى أحمد

18-02-2010, 02:25 AM

عشان الروح الطاشة فى ارض الفرنجة

وعشان الناس العايشا فى وقتآ محال

سمراء

18-02-2010, 07:25 AM

عشان الروح الطاشة فى ارض الفرنجة

وعشان الناس العايشا فى وقتآ محال

وعشانك انت يا جيلى الوجع ...اهديك اعز ما اعشق لهذا الفتى الابنوسى الذى ترجل عن جواد هذه
الدنيا الفانية ، ونفد بجلده ليتركنا نحن للوجع ....الراحل مجدى النور ...كم احبه هذا الفتى

فاجانى النهار

وأنا ماشى بيناتا

أتساقط باقي حنين

لسه عيونك ياها عيونك

تكسر باب الدم السرى

وتجرى تنعس عشب القلب

وتبكى سماهو فراش

يا ناعس بين الخلوه وريحة الصندل

فلت الطين

النيل قصاها ضفيرتو

شراها رماد

وفجا حنين

يسرى الحلم الموجوع

لابطلع وقت القياء

لا بهجرنى و جواي ضلوع

يا مولود مظلوم في رئتك

ميز ريحة المطره او اتخيل بيناتنا رزاز

انا حلفت بنات الشجر

الماطر ماتنزل صفقه

تعرى صفير الريح

يلقى غناهو

الليل الماكر

همست شجره لتانى شعاع رباني

شاقي الحله

يدخل فرحة شافع

ويطلع ايقاع نوبه

نحنا حفايه في بلدك اتلفتت فوق كتفينا

ود العين ندى وطار

عصفور نبت فينى الريش

صفقت جريت فرحان

ما تغطيني إنا عرقان من وهجي الفينى

الجيلى أحمد

19-02-2010, 04:30 AM

WIDTH=400 HEIGHT=350

دا حب ولا وطن
مصلوب
فى ضمير الشدر الواقف على حيلو

معتصم الطاهر

19-02-2010, 12:33 PM

سمراء

اقراك صاح .. لو بقدر ..

سلام للجمال فى المفردة و الاختيار ..

باسط المكي

20-02-2010, 03:47 AM

سمراء من بلادي
سلامات ..بعد غياب ..
بوست طاعم ووهيط ..متابعة
وحضور

الجيلى أحمد

03-03-2010, 05:12 AM

كلما تغلبنى الحيلة

بفتش على ريحة المطرة
اتوماتكلى..

ياأخى دا يوم عجيب..

وياصديقة..
ما تغطيني انا عرقان
من وهجي الفينى

معتصم الطاهر

03-03-2010, 06:49 AM

كلما تغلبنى الحيلة

بفتش على ريحة المطرة
اتوماتكلى..

ياأخى دا يوم عجيب..

وياصديقة..
ما تغطيني انا عرقان
من وهجي الفينى

تخاطب سمراء و هي تستاهل

وأنا أحبكما ..

وهي أيضا ..أولا ..

ملهوزة

شنو حكاية الترتيب ماشة معاك زى الترتيب ..

~ صـــــوت اذانـــــك رتبـــنــى ~ ‏( 1 2)

سمراء

03-03-2010, 08:55 AM

سمراء من بلادي
سلامات ..بعد غياب ..
بوست طاعم ووهيط ..متابعة
وحضور

ود المكى
شمس الدار
ونور فى العتمه لمن يقطع التيار

مشتاقين كتير وبنسال منك حتى غيابك لمن طال ....
الخبر شنو ؟ وكيف الدنيا معاك ؟

سمراء

03-03-2010, 08:57 AM

[B]و اليكم من تجاني،
يا محبوبي هاك
مني مكتوبي ..

ومكتوبنا ليك ياجميل
عارفو براك
تشكرات ياصديق الدوزنة والنغم الجميل

سمراء

03-03-2010, 09:00 AM

سمراء

اقراك صاح .. لو بقدر ..

سلام للجمال فى المفردة و الاختيار ..

بتقدر ياصاحب القلم الاخضر
والقلب الابيض
والروح البنفسج

وسلام يبراك محل ماتشوف ..ومحل ماتروح
ومحل ماتقبل

طارق صديق كانديك

03-03-2010, 09:00 AM

هذا المكان يدعو الى النحيب على قارعة الأمنيات ... !!

شكرا سمراء

سمراء

03-03-2010, 09:12 AM

كلما تغلبنى الحيلة

بفتش على ريحة المطرة
اتوماتكلى..

ياأخى دا يوم عجيب..

وياصديقة..
ما تغطيني انا عرقان
من وهجي الفينى

الابنوسة الشايلة الخير ..
مالك تعبان؟
ماحسيت صليل الشوق الجوة ضلوعك !!
مالميت الدهشة الفاضت من عينيك!
اتوهج واملاء الدنيا ضياء
وابعد منك
عشان يلقاك

سمراء

03-03-2010, 09:16 AM

تخاطب سمراء و هي تستاهل

وأنا أحبكما ..

وهي أيضا ..أولا ..

ملهوزة

شنو حكاية الترتيب ماشة معاك زى الترتيب ..

ونحن نحبك بلا وهن ....

ولى ملهوزتك :

والترتيب ياصديق الحرف حالة نااادرة ترتكبنى وسط روحى الجايطة
وانا احب الترتيب ، لانه يجعلنى انسانه تبتسم لنفسها فى كل حين من الفرح
والامتنان ...

سمراء

03-03-2010, 09:18 AM

هذا المكان يدعو الى النحيب على قارعة الأمنيات ... !!

شكرا سمراء

ووجودك يجعل للامنيات طريق للعبور ...
نحو القلب ...
طاب صباحك ياراقى

عادل عسوم

03-03-2010, 10:32 AM

والترتيب ياصديق الحرف حالة نااادرة ترتكبنى وسط روحى الجايطة
وانا احب الترتيب ، لانه يجعلنى انسانه تبتسم لنفسها فى كل حين من الفرح
والامتنان ...
بل هي أصل يتلمسه الناس في ثنايا روح الأنتماء التي تكتنف عوالمك...
و(برش) يتمدد بطول سوح الجمال التي تذكي وجدانك ريا واشباعا.
أما هذا:
وانا احب الترتيب ، لانه يجعلنى انسانه تبتسم لنفسها فى كل حين من الفرح
والامتنان
فهو تصالح مع نفس ريانة ...نتاج تمشّي الوضاءة في مفاصل لك نُعّسِ...
فان كان المرء منا مخبوء في لسانه ودفق يراعه...
فالمتملي لحرفك يقرأ دوما (خبأك) الريان خضرة ونماء بعيني هُدهُد ووجدان سليم...
أسكبي في الناس دنّ وئام يسع الناس على اختلاف ألوان عيونهم.
وأسيلي عين قِطر التسامح يتغشى النفوس ويأطرها أطرا الى جنان الطُهر والعفاف وجميل الحرف البهي.
ولنمش (جميعا)في كل الدروب الواسعة ديك
والرواكيب الصغيرة تبقى أكبر من مدن
...
..
.

سمراء

03-03-2010, 10:52 AM

بل هي أصل يتلمسه الناس في ثنايا روح الأنتماء التي تكتنف عوالمك...
و(برش) يتمدد بطول سوح الجمال التي تذكي وجدانك ريا واشباعا.
أما هذا:

فهو تصالح مع نفس ريانة ...نتاج تمشّي الوضاءة في مفاصل لك نُعّسِ...
فان كان المرء منا مخبوء في لسانه ودفق يراعه...
فالمتملي لحرفك يقرأ دوما (خبأك) الريان خضرة ونماء بعيني هُدهُد ووجدان سليم...
أسكبي في الناس دنّ وئام يسع الناس على اختلاف ألوان عيونهم.
وأسيلي عين قِطر التسامح يتغشى النفوس ويأطرها أطرا الى جنان الطُهر والعفاف وجميل الحرف البهي.
ولنمش (جميعا)في كل الدروب الواسعة ديك
والرواكيب الصغيرة تبقى أكبر من مدن

.

ومدن عينيك تعاين فى عيون النيل
وتملى ضفافه بالبهجة
ونبحر فيها دون تيار
عشان نسرح نجيب النجمه منشرحه

وياصديقى الانيق ، وجودك هنا يعنى بانى اليوم ...مرتبة جدا ...
ويغمرنى ظل وجودك فاجلس تحته فى هدؤءءءءءءء
واسرح ..وان بين تلك الاحرف الزرقاء وهى تقرانى وتشرح مابى فى لحيظاتى ...القليلة
التى استعيد فيها نفسى واسامرها ..
لك ما تتمناهو لنفسك من ....ود

سمراء

03-03-2010, 08:18 PM

وبرضو درب الرايحه جابك
رغم انو دروبو غابت
واتمحت كل المعالم من طريقو
بس دليلو ..
كلمة حانية
وبسمة دائمة
وقلب يخفق لى حبيبو ...

الجيلى أحمد

03-03-2010, 11:50 PM

تخاطب سمراء و هي تستاهل

وأنا أحبكما ..

وهي أيضا ..أولا ..

ملهوزة

شنو حكاية الترتيب ماشة معاك زى الترتيب ..

وهي أيضا ..أولا ..

جميل ياباش والله,

عشان كدا أنا مصر إنو الناس تمشى
تراجع مداخلاتك المضغوطة
من طقطق للسلام عليكم,

يامعتصم انت قاعد تقول الحاجات كلها
فى صياغات فلسلفة الدراويش..
لغتك شاعرية فى الردود
وساخرة فى الغالب (ساركاستيك)
وقالبها يشمل الحدث بلغة تعرف ماتود قوله..

لهذا لايفهمك كثر هنا,
..

غايتو أنا فاهمك تمام
وواحد صاحبى كدا بضرب ليهو اسبوعين
مابرفع السماعة,
برضو فاهمك صاح

وواحد تانى....

أنا شكلى حاأسرح

الجيلى أحمد

04-03-2010, 03:42 AM

WIDTH=400 HEIGHT=350

وسمراء شابكانا بكاء وعويل
دا غناء جميل يااخى
وعندو علاقة بالفرح الكبير داك

الفرح
مفتاح الحزن

رأفت ميلاد

04-03-2010, 03:54 AM

WIDTH=400 HEIGHT=350

وسمراء شابكانا بكاء وعويل
دا غناء جميل يااخى
وعندو علاقة بالفرح الكبير داك

الفرح
مفتاح الحزن
الجيلى الساعة بقت 03:50 والبت إتخمدت نامت أنت قاعد بتشاغل فى منو :mad: .. أمشى إتخمد ياخ .. ما تضايقونا فى الجكس فى فجر الرحمن ده .. ولّ دايرة تجى تأذن ليك gooodgoood

الجيلى أحمد

04-03-2010, 04:21 AM

. ولّ دايرة تجى تأذن ليك gooodgoood
:D:D

رأفت

عدو الاندياح..

هاك دى تحبيسة

اسبوع تمام

من هاشم ميرغنى

يلا ياودعثمان خليك قريب
الزول دا دور المدفعية

رأفت ميلاد

04-03-2010, 04:35 AM

:D:D

رأفت

عدو الاندياح..

هاك دى تحبيسة

اسبوع تمام

من هاشم ميرغنى

يلا ياودعثمان خليك قريب
الزول دا دور المدفعية
سيبك من الإندياحات بتاعت الفجر دى .. طالما قاعدين برانا تعال نحكى نكت على الهواء الطلق بدل المسنجرات .. وبعدين نمسحا قبال الناس تصحى .. ونكتب (قمت بالتعديل بنفسى) :D:D

سمعت بقصة الشايقية العرست دنقلاوى :Dgoood:Dgoood:D

رأفت ميلاد

04-03-2010, 04:39 AM

أنسى الموضوع الأعداء وصلوا :mad:
المتواجدون الآن: 20 (الأعضاء 4 والزوار 16)
أكبر تواجد بالمنتدى كان: 313 بتاريخ 29-06-2007 الساعة 07:27 PM
‏رأفت ميلاد, ‏الجيلى أحمد, ‏بابكر عباس, ‏فيصل سعد

أشتر

04-03-2010, 05:48 AM

قصيت درب الرايحة القصّت ضهر الرايح;)
ولممممممما درب الرايحة جابنا .. جابنا;)

سمراء

04-03-2010, 07:37 AM

وسمراء شابكانا بكاء وعويل
دا غناء جميل يااخى
وعندو علاقة بالفرح الكبير داك

الفرح
مفتاح الحزن

جيلينا انت عارف مافى فرح من غير دموع
والحزن مرتبط عندنا برضو بالدموع ....
يعنى الاتنين فى صحن واحد
ومن عمق الفرحه بتلقى الحزن واقف يعاين وماشى بخطوات عليهو
وفجأة بتوحدو فى عمق قلب واحد ....

ماتخلينى افكك بى فلسفه تورمك من الصباح:D

سمراء

04-03-2010, 07:45 AM

سيبك من الإندياحات بتاعت الفجر دى .. طالما قاعدين برانا تعال نحكى نكت على الهواء الطلق بدل المسنجرات .. وبعدين نمسحا قبال الناس تصحى .. ونكتب (قمت بالتعديل بنفسى) :D:D

سمعت بقصة الشايقية العرست دنقلاوى :Dgoood:Dgoood:D

:D:D:D
صباح الخير ياعالم ....غايتو الواحد ماياخد ليهو غمدة معاكم
اها الشايقيه عملت شنو ؟

Dr. Mohammed Hassan

04-03-2010, 07:47 AM

لسة ودرانا ؟؟

سمراء

04-03-2010, 07:48 AM

قصيت درب الرايحة القصّت ضهر الرايح;)
ولممممممما درب الرايحة جابنا .. جابنا;)

حبابك ياود ياريح
وحباب الرايحه الجابتك
متين تسكن؟
متين ترتاح من الترحال ؟

رأفت ميلاد

04-03-2010, 07:49 AM

:D:D:D
صباح الخير ياعالم ....غايتو الواحد ماياخد ليهو غمدة معاكم
اها الشايقيه عملت شنو ؟
جهزت ليه عدة الصيد :D:D
صباحتك عسل

أها راجيك للصباح داك إتخمد .. قدرى براك

سمراء

04-03-2010, 07:53 AM

جهزت ليه عدة الصيد :D:D
صباحتك عسل

أها راجيك للصباح داك إتخمد .. قدرى براك

ماعهدتك ياروفو جبان ..شنو يعنى ماداير تحكى ؟looool
ادينى طيب الخطوط الكبيرة وانا بتمها ليك
عارفنى فراملى مجلية ..

فيصل سعد

04-03-2010, 08:02 AM

ماعهدتك ياروفو جبان ..شنو يعنى ماداير تحكى ؟looool
ادينى طيب الخطوط الكبيرة وانا بتمها ليك
عارفنى فراملى مجلية ..

سلام يا زولة، هي لو بقت على
فراملك خير و بركة :D:D
بس الجلا ما يلاوز بمحاثيثك
يا سفيرة المودة و النوايا الطيبة ..

يديك العافية ..

رأفت ميلاد

04-03-2010, 08:29 AM

سلام يا زولة، هي لو بقت على
فراملك خير و بركة :D:D
بس الجلا ما يلاوز بمحاثيثك
يا سفيرة المودة و النوايا الطيبة ..

يديك العافية ..

بالعربى العديل بقول ليك سيبك منو (الجلا) ده وخليك معانا ..
أنا كان قمت للمحاثيث بتتوارى أيامم

يا حليلك يا أيقونتى الشريرة

الجيلى أحمد

08-03-2010, 02:05 AM

بالعربى العديل بقول ليك سيبك منو (الجلا) ده وخليك معانا ..
أنا كان قمت للمحاثيث بتتوارى أيامم

يا حليلك يا أيقونتى الشريرة

:D

تعالى سمراء واديهم محاثيث
ترتبهم كويس..

رأفت وفيصل
ديل ناس وهم:D:D:D

الجيلى أحمد

08-03-2010, 02:11 AM

WIDTH=400 HEIGHT=40

الشوق بحر

فيصل سعد

08-03-2010, 04:18 AM

:D

رأفت وفيصل
ديل ناس وهم:D:D:D

برضوا ما اتوفقت ..

سمراء

24-03-2010, 09:04 AM

الشوق بحر

وحتما تعود يازول يانيل
عشان تشرق شموس الود

سمراء

04-05-2010, 07:47 PM

الجيلى احمد
كلما داهمنى شوقا لك ..تجدنى الوز بهذا المتكئ

يجدك طيب :o

سمراء

04-05-2010, 09:04 PM

How long shall they kill our prophets
While we stand aside and look
Some say it's just apart of it
We have got to fill full the book
Won't you help to sing- these songs of freedom
Cause all I ever have
Redemption songs

الجيلى أحمد

05-05-2010, 06:02 AM

صباحاتك بنفسج ياصاحبتى ,
..
سأتواجد بكثرة
(الأشواق من هنا لاعندك..)

,
بالمناسبة1,
صاحبى الطريفى بسلم عليك:D

______________
نيبو إزيك ياأخى..

_____________
بالمناسبة2
شايفكم قاعدين
قومو لفو يااخى

سمراء

05-05-2010, 06:11 AM

صباحاتك بنفسج ياصاحبتى ,
..
سأتواجد بكثرة
(الأشواق من هنا لاعندك..)

بالمناسبة1,
صاحبى الطريفى بسلم عليك:D

______________
نيبو إزيك ياأخى..

_____________
بالمناسبة2
شايفكم قاعدين
قومو لفو يااخى

جيلينا صباحات النغم
والله ده صباح شكلو مشهيص جدا goood

ومرحب بتابشير وعد الخريف
وراجين هطولك ياقمر

________
سلم على الطريفى الماعرفتو ياخ looool

الجيلى أحمد

06-05-2010, 06:11 AM

صباحاتو ياحسحس,

البوست دا بيستعدل صباح الواحد,
زى ناس كدا سماع صوتهم بيستعدل يومك كلو..

صباح سيسلى مشرق..

ليك الأمانى الطيبة

سمراء

06-05-2010, 06:23 AM

صباحاتو ياحسحس,

البوست دا بيستعدل صباح الواحد,
زى ناس كدا سماع صوتهم بيستعدل يومك كلو..

صباح سيسلى مشرق..

ليك الأمانى الطيبة

الصباح ده غلاف لليوم..
عارف ياجيلى حقيقه فى ناس بستعدلو ليك يومك
اها اسع اليوم بالصلاة على النبى استعدل ...وحالتو بدون وضوء :D...اقصد بدون صوت
كفاية شوفتكم الطشاش دى

بعدين مطششة مالك ياخ ؟
اوع تكون خائف من سرقة الشال ؟

________________
والقطر الشالك انت يتكسر حتة حتة :D

Dr. Mohammed Hassan

06-05-2010, 06:40 AM

سمراء

صباح جميل

زول الله

06-05-2010, 06:48 AM

صباحات الحب والجمال والكلام البخلي الواحد ينتشي
بوست مليان حاجات سمحة وماشفناه إلا هسه .. حظنا كدا
الكلام الزي دا بخليي الواحد يتشتت وما يعرف يتلملم بسهولة

سمراء ..

انتي يوم حتعوقي ليك زول

بالمناسبة:
صباحاتك طاعمة زييك

اقول قولي هذا واستغفر الله لي استغفاراً كتيراً .........

سمراء

06-05-2010, 06:54 AM

سمراء

صباح جميل

يادكترة
الصباح ياهو فالك وسر جمالك
وصباحك شوق
اقعد عافيه

سمراء

06-05-2010, 06:58 AM

صباحات الحب والجمال والكلام البخلي الواحد ينتشي
بوست مليان حاجات سمحة وماشفناه إلا هسه .. حظنا كدا
الكلام الزي دا بخليني الواحد يتشتت وما يعرف يتلملم بسهولة

الزول الجميل فى طبعو دائما بائن
صباحك دندنة
والبوست ده عباره عن منحّلة ياخ اتا وين من زمان !!

اقعد ونــّـس

اقول قولي هذا واستغفر الله لي استغفاراً كتيراً .........

النور يوسف محمد

06-05-2010, 07:29 AM

سمراء

06-05-2010, 07:58 AM

بسم الله الرحمن الرحيم

سمراء ..
يعجبنى الإتقان ..
وتأكيد الأشياء .. وأثر البصمة
وأن تقول دوماً .. أنا هنا ..
الجيلى يوجد حيثما وجد النقاء ..
وزول الله يعرف مواطن الجمال ..

تعرفى يا سمراء
يشدنى الى هذا البوست عنوانه وبقوة ..

ويعجبنى فيك يا النور (قرايتك) لما بين السطور
فالعنوان حقيقة يعتبر نص قائم بزاته ومشبع

فدرب الرايحه يعنى ..التتبع لاثر من نحب
والبحث عنه ، والعمل دوما على مجاورته ...
ومعظم الدروب تواها ...ومتفرعه ، فأن لمن تكن مابينك وبين من تتابعه متانه
فانت (طاشى ) لامحالة

والمعانى كثيرة وعميقة ان قررنا اخراجها من هذا العنوان ..
احييييك يالنور

الجيلى أحمد

09-07-2010, 11:44 PM

احتفظ بهذه الأغنية ضمن أغانى أخرى , اسمعها فى مشاويرى
وساعات تحانيس الفرح

فى أول مرة سمعتها أحسست بصلة مع عالمى وقطيعة مع كل ماهو متخيل وغير حقيقى,
فى أول مرة سمعتها تحسست دربآ جديدآ يجمع كل مامضى وماسيأتى فى خط واحد ,
دربآ تحسه مختلفآ كلما طالعت فكرة , أو سمعت موسيقى
ولكنه منسجم تمامآ مع تلك اللحظة التى أطرق بها على مقود العربة
منسجمآ فى كل مرة مع انحناءة الجبل واستدارته لتقبيل الأرض المنبسطة بعد تعرجات مرهقة ,

انه النحت المجاد على عصب الكلمات والموسيقى

سمراء

31-07-2010, 06:18 AM

ليك درب ولا دربين .. مساك الدروب ضهاب .....
ليك قلب ولا بالين .. سواي القلوب كضاب
ليك ضهر ولا سرجين .. ركاب السروج وقاع .......

وكأنى استمع لهذه الابيات للمرة الاولى !!

الجيلى المحضور
صباحاتك وكل ايامك نغم يارب ،
اصبحت مثلك ،
كلما ضاقت بى التجأت الى هذه التعويذة
فتحملنى الى عوالم من الدهشه
وتغربل كل الاحاسيس ، وتنقيها من ادران الزمن الغريب

طارق صديق كانديك

31-07-2010, 06:24 AM

صباح ( الدروب ) كلها .. التى تؤدي الى روما ( دي عشان الجيلي ):)
واللواتي لا يؤدين إلا الى الخرطوم .. !!

صباحك جميل

سمراء

31-07-2010, 06:37 AM

صباح ( الدروب ) كلها .. التى تؤدي الى روما ( دي عشان الجيلي ):)
واللواتي لا يؤدين إلا الى الخرطوم .. !!

صباحك جميل

صديقى الانيق ود كانديك
صباحات كل الدروب البتجيب التائها
وتجمع الاحباب

الجيلى أحمد

08-10-2010, 11:43 PM

تقيف انتا ويشيلها الريح

نبراس السيد الدمرداش

09-10-2010, 12:02 AM

اختا الرمله ما تقع البكان الهش
دي الممطوره ما بتبالي من الرش

الجيلى أحمد

25-02-2011, 04:54 PM

يوم الوعد ياحليوة فيك الدنيا ماكانت شروق
الا الارض متكشفا ومتبلمة
ناعمنو من فيض الخريف لافحالها شال
والفرحة خدرى فرحة دوب تتشابا لعين الشمس
والبت حليوة اللابسة بيضة كذا الحليب
والروح مشحتفة في البلود الفيها ريحتك
للبعود من فزعة الغربة البساسق فوقا مو راجع
ولا بالحيل قليل
والروح مشحتفا في الحبيب القلب بكر
الدنيا ما شافت جديدو ولا الحزن دقالو باب

ثم كثير تحايا
وسؤال ياأسمر....

لاذال الطعم باقى

سمراء

26-03-2011, 06:02 PM

أسعد

26-03-2011, 09:36 PM

هي يا سمورة انتي مدورة البتاعة دي بي جاي
أها خليني انقل داك هنا
القدال دا ياهو زاتو من الناس القلائل الربنا اداهم قاموس كلمات واختصهم بيه
كانو الحروف عند القدال زي العشرومائة حرف ما كم وعشرين حرف

بعدين بصراحة كدة أنا شايف إنه عقد الجلاد واستاذنا عثمان النو أضر بكلمات القصيدة وضيع معناها وودر هيبتها ومسح بيها الواطة
فنحن عندما نسمعها في أداء (ملك الأداء) سيد الشيء القدال
بنلقاهو وصل ليك المعاني كاملة غير منقوصة وينورك ويعلمك ويملاك حب وحماس وقوة وثقة بالنفس
http://www.youtube.com/watch?v=j56E5WaTAZQ