حنينى إليك ياقلبى المودر

[سمراء]

مابين الحنين ، وودار القلب تتدفق ينابيع من المشاعر المرهفة والتى تصب جميعها
فى بوتقة الانسانية النادرة , والتى نفتقدها فى هذا الزمان المكندك بضبابية المشاعر
المزيفة ، او التى تخرج الينا فى صناعه رخيصة غير متقنة .....

كل ما طرقت بوابة الاحساس ، او ندهتة الى مشاعر ارتوى منها حد الترف ، أتانى صوته
بكل الفخامه والاناقة ، وانطرحت كل اسارير قلبى الذى يتكرمش فى كل لحظة بما أراه
واستمع اليه من مآلات الحياة ، والتى لولاء تلك الومضات بين الحين والاخرى ...لما كنا
صبرنا عليها حتى الان ..

الفنان المتوهج ، فنان الاحاس والمشاعر ، وملك العيون
الرائع فينا محمد ميرغنى ...
حقيقه كلما الهبتنى سياط الحياة بقسوتها ...لا اجد سواه كى يداوى جروحى ...
ولا احد سواه يعيد الى سكينتنى ، ويجفف مقلتى ،،

أهديكم هذا الانسان بكامل دسامته ، وروحه ، فى بعض اغنياته ...وبعض من مشواره الغناى الدسم ..
واتمنى من محبى هذا الرائع مشاركتى هذه الدوحة ،،
واخص الفنان ود عثمان فى انزال الاغانى

والبداية مع احب الاغنيات الى نفسى ...

حنينـــــــــي إليـــــــــــك


حنيني إليك وليل الغربة أضناني
وطيف ذكراك بدمع القلب بكاني
و أقول ياريت زماني ألفات يعود تاني وتعود تاني
و ألقاك يا حبيب عمري وتلقاني
وتلقى الريد معا يا ولحظة ما نسيتك ولا تنساني
لا بنساك ولا بقدر … ولا عاوز بعد حبك أحب تاني
حنيني إليك وليل الغربة أضناني وطيف ذكراك بدمع القلب بكاني
بهرب من خيال طيفك في عنيا … في عني بلا قيه
أعيش أيامي بين ذكراك ألم … أفراح أعيش بيه
متين الليل يصافيني … و ألقاك يا حبيب عمري وتلقاني
وتلقى الريد معايا ولحظة ما نسيتك ولا تنساني
لا بنساك ولا بقدر … ولا عاوز بعد حبك أحب تاني

[سمراء]

ما قلنــــــــا ليــــــك

كلمات صلاح حاج سعيد لحن وغناء محمد ميرغني



شوف كم زمن ما شلنا هم ولا عشت يا قلبى العذاب
وسرحت فى ليل الشجون ما عرفت لقلبك ماءاب
الحب طريق محفوف صعاب وانت لسه فى اوله
ما رضيت كلامنا وجيت براك اهو دا العذاب اتحمله
يا قلبى قالوا الحب عذاب وافراحه حافيها الالم
قى ظله ما بنخشا المسير فى صفاه ما بنفقد عشم
صدقنى مهما ليك ظلم ما اظن حنان ه يبدله
ومرت سنين الشوق معاك ولا هلا فى دنياك ربيع
عانيت جحيم الحب وفاء قاسيت حلاوة الريد دموع
راضى وسعيد فى الويل تضيع وتسيير طريق ما بتوصلو

[فتحي مسعد حنفي]

سنيني العشتها في ريدك حرام لا خنت لا خنتي..

[سمراء]

سنيني العشتها في ريدك حرام لا خنت لا خنتي..

يياسلاام ياعمو فتحى ، ماتتخيل الزول ده لمن اسمعو الحالة البشعر فيها شنو ؟
حقيقه بحس بانو اى كلمة بنطق بيها نابعه من جوة الجوة
احساسه بالكلمات لمن يرددها وكانو بجسمها قدامك

ياخ فنان جميل ، ورقيق ، وشفيف بصورة موبالغه

[hamza]

اكسبي فيني ثواب يا سمراء

وجيبي لي اغنية لو قدرت تغيب غيب علي ..

والله اكون شاكر وممتن


وبالرجوع للبوست

كنت في فترة من الفترات احفظ الكثير جدا من اغاني هذا الرائع

لكن الان شاخت الذاكرة ...

فقط هو الفنان الذي معه تلتهب الاحاسيس

كوني بكل الجمال وانتي كما تحبين

تحياتي وودي

[سمراء]

ولد الفنان المبدع ميرغني محمد ابنعوف مجذوب الشهير بـ ( محمد ميرغني ) في حي السيد مكي بمدينة امدرمان في العام 1945 م وبدأ دراسته الأولية بمدرسة شيخ أمين بجوار سينما الوطنية بالخرطوم بحري وأكمل تعليمه بمدارس الأحفاد با مدرمان ومعهد التربية بشندي والذي تخرج منه مدرسا ومارس مهنة التدريس وتردد على عدد من المدارس.

http://t3.gstatic.com/images?q=tbn:ANd9GcTXS39UspAWDNJaAlDZetf0W3-m5QiwpIKpp1F-dDI6cbdVGrU&t=1&usg=__1ygauM8Jhi-ROaR-HOqmMSNE294=



بدأ حياته الفنية بإجازة صوته في العام 1965 م وكانت لجنة إجازة الأصوات تضم في عضويتها الأساتذة إسماعيل عبد المعين وأحمد مرجان ومحمد عبد القادر والماحي إسماعيل ومكي سيد أحمد مقررا للجنة و الأغنيات التي تغنى بها أمام اللجنة وكانت جواز مرور صوته هي أغنيات انا والأشواق للشاعر السر دوليب وهي أول اغنياته الخاصة و البديع هواك سباني للشاعر ابوصلاح و أنة المجروح للشاعر سيد عبد العزيز و حبيبي انا فرحان للشاعر الجاغريو. . أول ظهور له عبر الأجهزة الإعلامية كان من خلال الإذاعة السودانية عبر برنامج أشكال وألوان للمذيع احمد الزبير في العام 1965 م . . وتعتبر فترة الستينيات هي الفترة الذهبية للغناء السوداني وكانت الساحة الغنائية تعج بالعمالقة أمثال احمد المصطفى وخضر بشير وحسن عطيه وعثمان الشفيع وعثمان حسين وابوداؤود والتاج مصطفى وإبراهيم عوض ووردي والجابري وكابلي وغيرهم من القمم الفنية ولكن استطاع الفنان محمد ميرغني أن يشق طريقه وسط هؤلا العمالقة وان يقدم نفسه بصورة قوية لأنه يمتلك مقومات الفنان الأصيل وذلك بحسن اختياره للكلمة المنتقاة والألحان المعبرة وأدائه التطريبي الرائع ليتمكن من تقديم شخصيته الفنية ويضع بصمته الخاصة وهو ما أتاح له أن يكون احد فناني المقدمة في مجال الأغنية السودانية الحديثة .
منقول

[زاد الشجون]

الشوق بجيبـك

بكرة ياما الشوق يجيبـك ..
في دروب الريـد وتشقـي
تلقي كيـف الدنيـا دايـرة
والبسـوى الـزول بيلقـى

تطري اخلاصنـا ووفانـا
وكيف بدت فرحتنـا بيـك
انت عينينـك لـي سوانـا
ونحنا بهجتنا فـي عينيـك
ولمـا حطّمـت الأمـانـي
وضاعت آمالنا فـي يديـك
قلنـا للسألـونـا عـنـك
الله لـيـنـا والله لـيــك

شفتو كيف صافي ومسامح
القليـب الانـت جارحـو
سبتـو ضايـع بالسنـيـن
ولحظة صورتك ما بتبارحو
أمـا قلبـك يـا المعـانـد
الله يغفـر ليـو يسامحـو
والصـدود الجـوة فيهـو
باينة في عينيـك ملامحـو

وبكرة يوم تلقـي الليالـي
في بعادي جفـاف وحرقـة
بتعرف ال في ريدو صادق
ليه بخـاف تغشـاه فرقـة
في هواي انا كنت صـادق
ومن صدودك كنت بشقـي
سيبني يا الضيعت عمـري
وفتش لو زى اخلاصي تلقي


شكرا ياسمارة على هذا الفن الراقي

[سمراء]

اكسبي فيني ثواب يا سمراء

وجيبي لي اغنية لو قدرت تغيب غيب علي ..
والله اكون شاكر وممتن
وبالرجوع للبوست
كنت في فترة من الفترات احفظ الكثير جدا من اغاني هذا الرائع
لكن الان شاخت الذاكرة ...
فقط هو الفنان الذي معه تلتهب الاحاسيس
كوني بكل الجمال وانتي كما تحبين
تحياتي وودي

الجميل حمزوز حقيقة الفنان ده راقى راقى بدرجة معلم ...وبرتاح جدا لاغنياته

وبهديك الاغنية

لو قدرت غيب علي
و ابقى بوصلك حنين
يا حياتي و نور عيني
وين تروح من حبي وين.؟؟
النسيم الماري هادي
فيهو من اشواقي نفحة
و القمر النورو بادي
فيهو من ضئ حبي لمحة
لو غبت صديت يا حنون
و بعدت تابعت الظنون
للقلوب احساس يقرب
و حتى للارواح عيون
كل زهور زيك عبيرا
فايحة بالشوق و الهيام
كل عطور انت بتريدا
شايلا ليك منى السلام
و انا راجيك بالاماني
بكل اشواقي و حناني
لو بعد طيفك علي..
بطولوا بالفن و المعاني
شعرك الليل الطويل
يحكي ليك سهدي فى غيابك
وجهك الناير جميل
نورو زى املي فى ايابك
و انا برضاهو السهر
لو انت حسنك بيه امر
ليلي بيستناك تهل
علي يااا اجمل قمر

[سمراء]

http://www.rayaam.info/news_images%5C118200943053AMm.JPG

التحق بالمعهد العالي للموسيقى والمسرح في العام 1969 م إيمانا منه بضرورة التأهيل العلمي الأكاديمي الذي يصقل ويضيف الكثير للفنان في مسيرته الفنية .. ومن دفعته من زملائه في تلك الفترة بالمعهد العالي للموسيقي والمسرح الراحل علي ميرغني والملحن الماحي سليمان و الفنان عثمان مصطفى والملحن محمد سراج الدين والملحن عمر الشاعر وتخرج في العام 1974 م .

سافر الفنان محمد ميرغني الى العديد من الدول مشاركا في مهرجانات فنية او بدعوات من الجاليات السودانية بتلك الدول ومن الدول التي زارها ايطاليا والسويد واليونان ويوغسلافيا السابقة والمغرب والجزائر وتونس وليبيا ومصر وسوريا ولبنان وتشاد وإثيوبيا واريتريا والصومال وجميع دول الخليج العربي. . وفي كل تلك الزيارات كان خير سفير للأغنية السودانية .
من الفنانين المدركين لرسالته الفنية النبيلة فنجده يقوم بتشجيع الأصوات والمواهب الجديدة من اجل أن يكون هناك تواصل للأجيال ونتلمس ذلك في حضوره لكثير من حلقات برنامج نجوم الغد فنجده مشاركا بالغناء ومرشدا وموجها لأبنائه من مواهب برنامج نجوم الغد .

يمتاز بالوفاء والاحترام الشديد لزملائه الفنانين اللذين سبقوه في المجال الفني وفي ذلك يقول إذا قارنا أداءنا بما قدمه كبار الفنانين فنحن لانزال نحبو في ظلهم الوارف ونتنفس ألحانهم أمثال ابوداؤود وعثمان الشفيع وعثمان حسين ونحن لازلنا صفرا على الشمال مقارنة بإنتاجهم الكبير وهم رحلوا بأجسادهم ولكنهم خالدين بيننا بابداعاتهم ). ذلك الحديث الطيب يدل على أصـالة وتواضع ووفاء الفنان الإنسان محمد ميرغني .

[سمراء]

الشوق بجيبـك

بكرة ياما الشوق يجيبـك ..


تسلمى العزيزة زاد الشجون على الاضافة
والاغنية رائعه بروعة الاستاذ والناقل ...

واهديك من فكرك ياحبيب

انا قلت حبنا راح
مرى الزمن وطواه
والباقي منو شجن
وعذابنا فى ذكراه
لقيتو اكبر حب
بين الضلوع ماؤاه
لاقدرت يوم انساه
ولا هان علي اسلاه
**
ومين فكرك ياحبيب مين الهداك إليا
جرحي قرب يطيب جددتو تاني عليا
**
لكني رغم البين
ورغم الفراق الطال
كانت مشاعري تقول
ابداً فراقنا مُحال
ماليا غيرك انيس
ماليك غيري مأل
جمعت قلوبنا محبة
ربطت حياتنا امال
**
ومين فكرك ياحبيب مين الهداك إليا
جرحي قرب يطيب جددتو تاني عليا
**
ياحبيب كفانا خصامنا
وكفانا هم وضنا
مابتقدر انت تلومني
ولابعاتبك انا
ماكان بإيدينا شقا
ولا كان بإيدنا هنا
حسد القدر فرقنا
هو العلينا جنا
**
ومين فكرك ياحبيب مين الهداك إليا
جرحي قرب يطيب جددتو تاني عليا

[سمراء]

ومابتقدر تتوب ياقلبى المودر

الاهداء الى سمراء ....


ما بتقدر تتوب يا قلبي المودر
طول عمرك عطوف واصلك ما بتقدر
من لفحة نسيم تتلبش تودر
وما بتقدر تتوب
كل ما غنى طير وغرد في غصونو
فاض بيك الغرام هيج ليك شجونو
كل ما ينوح حبيب تقش دمعات عيونو
ومهما البين يطول الحب ما بتخونو
وما بتقدر تتوب
ما بعرف الغرام إلا الضاق عذابو
وعاش ليلو الطويل حتى نجومو غابو
دايما هو المصاب محسود في مصابو
يتوسد لهيب ودمع العين شرابو
ما بتقدر تتوب يا قلبي المودر
طول عمرك عطوف واصلك ما بتقدر
من لفحة نسيم تتلبش تودر
ما بتقدر تتوب

[سمراء]

واشتقت ليك

الاهداء الى عمو لزيز خطاب ، واتمنى ان يجمعنا الزمان واستمع اليها منه ..


إشتقت ليك ساعة المساء فرد الجناح لملم مصابيح النهار

والكون شرب لون الجراح

والعتمة نامت في الدروب والليل لبس أجمل وشاح

في اللحظة ديك إشتقت ليك إحتجت ليك

في اللحظة ديك والناس بتسأل عن بلاد أصلو ما معروفة وين

ياقلبي لي زولاً يئن حضن الأسى عبر السنين

في اللحظة ديك إشتقت ليك شوق السحابة الراحلة

في جوف الشتاء عطشانة تحلم بالخريف بقيت ضعيف

في اللحظة ديك مديت معابر شوقي ليك

وحنين حنيني الطاغي ليك

كايس مجيك وداير يجيك

[hamza]

الجميل حمزوز حقيقة الفنان ده راقى راقى بدرجة معلم ...وبرتاح جدا لاغنياته

وبهديك الاغنية

لو قدرت غيب علي
و ابقى بوصلك حنين
يا حياتي و نور عيني
وين تروح من حبي وين.؟؟
النسيم الماري هادي
فيهو من اشواقي نفحة
و القمر النورو بادي
فيهو من ضئ حبي لمحة
لو غبت صديت يا حنون
و بعدت تابعت الظنون
للقلوب احساس يقرب
و حتى للارواح عيون
كل زهور زيك عبيرا
فايحة بالشوق و الهيام
كل عطور انت بتريدا
شايلا ليك منى السلام
و انا راجيك بالاماني
بكل اشواقي و حناني
لو بعد طيفك علي..
بطولوا بالفن و المعاني
شعرك الليل الطويل
يحكي ليك سهدي فى غيابك
وجهك الناير جميل
نورو زى املي فى ايابك
و انا برضاهو السهر
لو انت حسنك بيه امر
ليلي بيستناك تهل
علي يااا اجمل قمر

الله الله الله

الله لا جاب يوم شكرك يا سمراء

بس لما اجي السودان عندي ليك هدية كااااااااااربة والله

ودا كلام جد ما كلام ساي

عشان انتي جبتي لي الاغنية الجميلة دي ياخ

تسلمي من كل شر يا رب

[طارق صديق كانديك]

هذا الرائع لديه صوت من ( أحن ) الأصوات الغنائية في بلدي ... !!

سهله ممتنع بحق يمسك بتلابيب حزنك فيبدده شر مبدد .. !!

له التحية متعه الله بالصحة والعافية .. !!

شكرا سمراء

تحياتي

[سمراء]

الله الله الله
الله لا جاب يوم شكرك يا سمراء
بس لما اجي السودان عندي ليك هدية كااااااااااربة والله
ودا كلام جد ما كلام ساي
عشان انتي جبتي لي الاغنية الجميلة دي ياخ
تسلمي من كل شر يا رب

الهدية دى براها ؟
ولا ياها طلباتنا ديك looool

اتصلح ياحمزة اخير ليك

[hamza]

الهدية دى براها ؟
ولا ياها طلباتنا ديك looool

اتصلح ياحمزة اخير ليك

ياخي طلباتكم ومعاها شوية حاجات هوادة ....

تنفع ولا كو ؟؟؟

ياخي ما تفتلي البوست يفتل راسك دا ...

[سمراء]

هذا الرائع لديه صوت من ( أحن ) الأصوات الغنائية في بلدي ... !!

سهله ممتنع بحق يمسك بتلابيب حزنك فيبدده شر مبدد .. !!

له التحية متعه الله بالصحة والعافية .. !!

شكرا سمراء
تحياتي

الانيق طارق كانيدك

طلتك بالدنيا ياحنين ، ومع هذا الجميل تتدلى عناقيد الكلام فنقطف منها مانشاء
ونغرس فى كل ذرة من جميل احرفه فتنبت لنا غرساً نستظل به فى هجير هذه البسيطة ...

وهذا اهداء خالص لوجهك الانيق ياود كانديك ، واكرام لطلتك


لا بتواصلي لا بتفاصلي لا بتلومي
إنتي تعيشي يالكاتلاني قبال يومي
لا بتودي لا بتجيبي لا بتردي
خدك ده الخجل كاسيه ولا مندي؟
لا بتوالفي لا بتحالفي لا بتحني
خلقوك زينة عشان تشقينا
يلا أتهني
تشيلي الخطوة فوق خطوة
وأشيل أنفاسي
ماهماك نحن وراك كيف بنقاسي
تمشي هوينا يالماك هينه قدرك عالي
بس تكفينا نظرة حنينة ما تتعالي
شعرك سبسبو التسريح بعد متدلي
تجيبو النسمة فوق جبينك وإنتي تعلي
بدر إتدلى لي خلق الله وجهك ناير
والخد صورة زي بلورة خاتي مساير
لا بتسالمي لا بتكالمي بس تتهادي
لا سامعانا لاك معانا تيهي اتمادي
أرح وأردح وراك أرتاح ولو بي كلمة
إما أعيش وإما أموت وإما وإما

[سمراء]

ياخي طلباتكم ومعاها شوية حاجات هوادة ....

تنفع ولا كو ؟؟؟

ياخي ما تفتلي البوست يفتل راسك دا ...

كو فى راسك ..
خلاص بطلنا فتل
الله يفتل حبال صبرك وبالك الطويل ده :D

[hamza]

كو فى راسك ..
خلاص بطلنا فتل
الله يفتل حبال صبرك وبالك الطويل ده :D

استغفر الله العظيم :D:D:D

[سمراء]

استغفر الله العظيم :D:D:D

سمح بتتكشب مالك :confused:

[wadosman]

ما شاء الله عينى بارده

بوست جميل علا مالو طافى لمبه صوت....looool

[hamza]

سمح بتتكشب مالك :confused:

اففففففففففففففففففففو

انا قلت استغفر الله العظيم عشان ما عاوز افتل ليك بوستيك ياخ

لكن انتي بوستيك دا والفتل شكلهم مقيلين في شجرة وااااااااااااااحدة :D:D

[سمراء]

ما شاء الله عينى بارده
بوست جميل علا مالو طافى لمبه صوت....looool

ده سؤال ليك ياود عثمان ؟؟
امشى اقراء شوف مطلوب منك شنو ياخ
كل نظرك وكده
ومانجيكم فى شينة ياخ

[أشتر]

ما شاء الله عينى بارده

بوست جميل علا مالو طافى لمبه صوت....looool

شوف كم زمن !!!!!!!!!!!
WIDTH=0 HEIGHT=0

[سمراء]

شوف كم زمن !!!!!!!!!!!
ده بالنسبة لشنو يارفرفنا !!
العيد ؟
تسلم كتييييييييييييييير ونردها ليك فى الافراح
والله لو ماسغاله ممكن اطلب تجيب لى بقية الاغانى ام بى ثرى :D

[أشتر]

ده بالنسبة لشنو يارفرفنا !!
العيد ؟
تسلم كتييييييييييييييير ونردها ليك فى الافراح
والله لو ماسغاله ممكن اطلب تجيب لى بقية الاغانى ام بى ثرى :D

اجيب ليك ام بي من ثري لى سكستي سكس لو عاوزة ...
عندنا كم سمراء ...
طلباتك أوامر ...
راضي وسعيد من وين أضيع !!!!
المهم نسعدكم ...

[فتحي مسعد حنفي]

اجيب ليك ام بي من ثري لى سكستي سكس لو عاوزة ...
عندنا كم سمراء ...
طلباتك أوامر ...
راضي وسعيد من وين أضيع !!!!
المهم نسعدكم ...




وأنا كفاي الثيرتي ونgoood:D

[محمد مصطفي]

سمراء ...

رائعة انتي بكل ما تحملين من احاسيس جميلة وراقية
تتذوقين طعم جمال الغني ... وروعة الكلمات
وتنثريها لنا جمالاً .. كاني اشاركك الاحاسيس نفسها
والتهم معك من هذا الدسم ... طرباً وشجون

ودي الذي تعلمين

[أشتر]

وأنا كفاي الثيرتي ونgoood:D

الثيرتي ون دي بتحرقك يا عمو gooodgoood

[فتحي مسعد حنفي]

الثيرتي ون دي بتحرقك يا عمو gooodgoood



ليه مافي lubricates؟؟؟؟؟؟؟؟؟؟؟؟؟

[أشتر]

ليه مافي lubricates؟؟؟؟؟؟؟؟؟؟؟؟؟
:eek:

حقو تاني بعد 8 بتوقيت غرينيتش ما تدخل النت gooodlooool

[سمراء]

اجيب ليك ام بي من ثري لى سكستي سكس لو عاوزة ...
عندنا كم سمراء ...
طلباتك أوامر ...
راضي وسعيد من وين أضيع !!!!
المهم نسعدكم ...


غايتو لو ما النملة القرصتنى قبل شوية دى ، :D
كنت قايلة روحى بحضر فى اميتاب باتشان وانيتا ، وانا طالعه فووووووووووق والشلال تحتى
واميتاب داير يمد يدو لى وقع جمبلغ فى الموية ...وصحيت :D
ياااااااااارفرووووف ياخ اجدعك وين انا اسع
واشكر بياتو وش (وش خجلان ولايوووق)

بس سوعال النبى السكستى سكس ده شكلو كيف looool
معليش يعنى عندنا وجع حضارة وكده :(

[الرشيد اسماعيل محمود]

سمراء سلامات ..
محمد ميرغني فنان ملتزم بفنو بدون شك..
صوتو فيهو كمية من الشجن..
واداء مسرحي معبر للحد البعيد..
بنفعل بالغناء كأنو بتحسس كل كلمة قبل ماتمرق من الحنجرة..
غايتو انا بيعجبني شديد في اغنيات محددة..
ما قلنا ليك..دي اغنية تصلح كفيلم عاطفي ..
بس ياخي لو دفرتينا بروابط للاغنيات بكون اجمل..
وبالذات اغنية شوف كم زمن..واغنية لو تغيب..
لو تغيب دي قريبة لنفسي بشكل غريب مع اني ماحافظا...!!!
الحاجة البتعجبني ما بحفظا كلو كلو..عشان مايموت جمالا بفعل الروتين
ولواكة اللسان..
بحس انو مفروض تكون بعيدة عن متناول دندناتي الخاصة..
غايتو..
عليك الله ياسمرا ادفرينا برابط لغنية لوتغيب.

[أشتر]

وتبقى سيرتك هي الكلام
WIDTH=400 HEIGHT=350

[الرشيد اسماعيل محمود]

وتبقى سيرتك هي الكلام


غايتو الله يجازي الكان سبب

[معتصم الحارث الضوّي]

الفضلى سمراء
بوست يقلب المواجع، ويفتّح الجروح القديمة، فلك التقدير والشكر المقيم.
سؤال برئ: الكلام السمح حنسمعه متين؟!

مودتي

[نبراس السيد الدمرداش]

عاطفه وحنان يا ناس
و انسان رقيق و ناس

سمراء يا رقيقه و وناسه
مشتاقين شديد
كنت عاوز اجيك قبيل
العبره كانت خانقاني
وقلت مافي زول بفشني الا انتي
وفعلا جيت اتفشيت هنا بالرغم من انو بوست طافي لمبة
ربنا يسعدك و يفتحا عليك و يفرحك محل ما تقبلي

[فيصل سعد]

و البداية مع احب الاغنيات الى نفسى ...

حنينـــــــــي إليـــــــــــك


السلام و التحايا الطيبة لسمراء
و لكل رواد هذا البوست
الانيق، و تقبلوا مساهمتنا
معكم في هذا المشوار المفعم
طربا و شجونا و حنينا و التياع ..

* عذرا محمد ابو عاقلة، عدلنا التشغيل الاتوماتيكي
لفلاش يوتيوب اغنيتك حتى لا تتضارب الاصوات ..

WIDTH=400 HEIGHT=350

[سمراء]

سمراء ...

رائعة انتي بكل ما تحملين من احاسيس جميلة وراقية
تتذوقين طعم جمال الغني ... وروعة الكلمات
وتنثريها لنا جمالاً .. كاني اشاركك الاحاسيس نفسها
والتهم معك من هذا الدسم ... طرباً وشجون

ودي الذي تعلمين

ود مصطفى ،
روعة تلك الانفس التى تتخذ من الجمال مقصدا ،
وتتحسس مواطنه اينما كان
شكرا لهذا الاحساس
والكلمات ، فالروعة ياصديقى تنبع منكم واليكم

[أشتر]

غايتو الله يجازي الكان سبب

شفتا يا الرشيد ... اربعة كلمات لكن كتيرة خلاس ...
في ناس بتستسهل الشعر الغنائي ... وبفتكروه عبارة عن شعر (ضلفتين) وكلمة ورد غطاها ... وساعدونا بالساهلة ...
مطلوب من الكاتب يحشد كمية رؤى بأقل عدد من الكلمات ... ودي مسألة ما ساهلة ...
إلا يكون زي (جيت وما لقيتك ولمن رجعت اشتقت ليك وما عارف شنو)
لما واحدة تقول لي (تبقى سيرتك هي الكلام) تاني بنكون دايرين من الدنيا شنو تفتكر ؟؟؟
طبعا ما أي واحدة والسلام :D
واحدة واحدة ...
والله يا ريت تلقى واحدة تبقى سيرتك هي الكلام ...
ونوعنا دا لو لاقاك في شوارع الدنيا دي ما تشتغل بيهو :Dgoood

[hamza]

سمحة سمحة الصيدة

ما جارتنا وبت حارتنا وبنريدها ....




دي الاغنية الوحيدة التي لم احبها لمحمد ميرغني ..
لانها اغنية تدعو للجلوس في النواصي والاركان كأغنية جارة يا احلي جارة لعبد العزيز المبارك...

صباح الخير سمراء

[سمراء]

وبالذات اغنية شوف كم زمن..واغنية لو تغيب..
لو تغيب دي قريبة لنفسي بشكل غريب مع اني ماحافظا...!!!
الحاجة البتعجبني ما بحفظا كلو كلو..عشان مايموت جمالا بفعل الروتين
ولواكة اللسان..
بحس انو مفروض تكون بعيدة عن متناول دندناتي الخاصة..
غايتو..
عليك الله ياسمرا ادفرينا برابط لغنية لوتغيب.

رشيدكو المليان كلام
كلامك فى محلو ، انو الفنان محمد مرغنى من الفنانين البقدرو فنهم وبلتزمو بالتجويد جداً
مقارنة ببقية الفنانين ،
وذى ماذكرته انو بجسد ليك كل الكلمات حد الانفعال ،وبتحس بكل حرف طالع منو
بالجد بستمتع بيهو جدا
وانا مثلك لا احب ان اجتر تلك الاغنيات التى احب
فهى بالنسبة لى حالة علاجيه تصرف عند اللزوم ، وتؤثر عند زوال المؤثر
امتعتنى كلماتك يا انيق
وطبعا مشكلتى مع الروابط انو النت عندى بطى اليومين دى
بس عشمنا فى اصحاب الخبرات هنا

[جانيت]

سمرا ياروعة بوست جميل وغير قابل للفتل :D;)

بس النقول ليك الرشيد ونبراس ديل لاحظي ليهم

الناس بعد ماتخلص الموضوع الاساسي وخلاص قلبو كلام خفيف

يجيك الواحد ناطي وشابك اصابعينو ويقول ليه كلام جد


يلخبطو ليك محثوثة الواحد بعد ما يضحك ويقرقر يلقى روحو شبك حواجبو

تاني ماتعملو كده :D:D;):p

[أشتر]

* عذرا محمد ابو عاقلة، عدلنا التشغيل الاتوماتيكي
لفلاش يوتيوب اغنيتك حتى لا تتضارب الاصوات ..


إتا موش كنت مزرقن قبل يومين كدا ؟؟؟؟goood
طيب كان تخلي واحد على الأقل شغال عشان الحيوية وكدا والأجواء الرومانسية وما إلى ذلك من طقس يحبس الأنفاس ...
بدل الصمت العايشنو بره دا ...
تدخل تلقى المزازيك شغالة ...
ونلقى اسمك هو الغنا goood

[سمراء]

وتبقى سيرتك هي الكلام


بالله شوف الكلام ده كيف!!
شوف الحشد المترف من المعانى المختزلة فى كلمتين !!
ياسلااااااام يعنى اختصار لى نقة كتيرة جدا وسبيل عيون وكبكبة فى كلمتين!!
ياخ انعل ابو ماكدة زاتو
اشترنا والمن دونو اتبشتنا
تسلم لى اتا ده بس :D

[سمراء]

غايتو الله يجازي الكان سبب

يجزيه خير ياخ ...ويجزيك انت الف الف الف خير
هو منو الكان السبب !!
ولى شنو ؟

[سمراء]

الفضلى سمراء
بوست يقلب المواجع، ويفتّح الجروح القديمة، فلك التقدير والشكر المقيم.
سؤال برئ: الكلام السمح حنسمعه متين؟!
مودتي

الزول الجميل ود الحارث
الفنان محمد مرغنى فنان الشجن ، والجروح التى لاتندمل بفعل الزمن
كن هنا وستستمتع باذن الله بالعين والصوت ،

بالجمبة: اخبار الحبال شنو looool
والله كل ما اتزكره اضحك

[سمراء]

سمراء يا رقيقه و وناسه
مشتاقين شديد
كنت عاوز اجيك قبيل
العبره كانت خانقاني
وقلت مافي زول بفشني الا انتي
وفعلا جيت اتفشيت هنا بالرغم من انو بوست طافي لمبة
ربنا يسعدك و يفتحا عليك و يفرحك محل ما تقبلي

امييييييييين حبيبة القسا ،
مالك ياقلبى انا ؟ الحاصل عليك شنو؟ ياريتك لوجيتى
كنا ختينا همنا مع بعض ورميناهو البحر
ياحبيبة مافى شى مستاهلة
انا وصلة لى قناعه ، انو الدنيا دى حقيقه مابتستاهل الزول يحمله اكتر من حملها
انسى ياحبيبة
وحاولى ابقى زيك وزى الاخرين !
واكتلى قلبك بترتاحى

[سمراء]

[color=#6600CCالسلام و التحايا الطيبة لسمراء
و لكل رواد هذا البوست
الانيق، و تقبلوا مساهمتنا
معكم في هذا المشوار المفعم
طربا و شجونا و حنينا و التياع ..
[/color]

مشكور فيصل سعد على المشاركة الانيقة
والتى بالتاكيد ستكون داعمة لمسيرة البوست
مع الامنيات للجميع بجميل الاستمتاع بهذا النغم الشجى
والايقاعات التى تطرب الحس ..
اكرر امتنانى لك ...

[سمراء]

سمحة سمحة الصيدة
ما جارتنا وبت حارتنا وبنريدها ....دي الاغنية الوحيدة التي لم احبها لمحمد ميرغني ..
لانها اغنية تدعو للجلوس في النواصي والاركان كأغنية جارة يا احلي جارة لعبد العزيز المبارك...
صباح الخير سمراء

كيف الكلام ده ياحمزة !!
ياخ بالعكس دى من الاغنيات الممعنة فى الحميمية ،
اغنية كلماته بسيطة وحتى ايقاعها خفيف ، وفى فترة كنت بتلقى حتى الاطفال برددوها لانها قريبة منهم ، واغنية احلى جاره لعبد العزيز المبارك ، بنفس القدر
صباح النور ياحمزوز

[سمراء]

سمرا ياروعة بوست جميل وغير قابل للفتل :D;)
بس النقول ليك الرشيد ونبراس ديل لاحظي ليهم
الناس بعد ماتخلص الموضوع الاساسي وخلاص قلبو كلام خفيف
يجيك الواحد ناطي وشابك اصابعينو ويقول ليه كلام جد
يلخبطو ليك محثوثة الواحد بعد ما يضحك ويقرقر يلقى روحو شبك حواجبو
تاني ماتعملو كده :D:D;):p



جنو ياجميلة ،
صباحاتك ندى الاشراق والفرح يارب
ويازولة الاتنين ديل اصحابى وحبايبى وانا حااااسة بيهم
ناس حساسين جدا
والانسانيه الجواهم طافحه اليويمن ديل وعامله ليهم تخثر فى ذرات الهيدروجين البرتونى:D
ودى حالة ناااادرة مابتحصل ليهم الا كل كم فترة كدة !
اسع بستعدلو لكن
عادى ماتشيلى همهم ..
ناس قلوبهم صافية

[فيصل سعد]

مين فكرك يا حبيب
و مين الهداك الي

الاستاذ / محمد ميرغني
و فريق اغاني اغاني ..


و كونوا بالف خير ..

WIDTH=400 HEIGHT=350

[hamza]

كيف الكلام ده ياحمزة !!
ياخ بالعكس دى من الاغنيات الممعنة فى الحميمية ،
اغنية كلماته بسيطة وحتى ايقاعها خفيف ، وفى فترة كنت بتلقى حتى الاطفال برددوها لانها قريبة منهم ، واغنية احلى جاره لعبد العزيز المبارك ، بنفس القدر
صباح النور ياحمزوز

يا سمراء ..

الاغنية دي بالذات ما بتشبه محمد ميرغني والله عارفة ليه ؟؟

ياخي الاغاني دي هي نقطة التحول في هبوط كلمات الاغاني السودانية

لانو زمان في زمن الحقيبة كان الناس بتغني حاول يخفي نفسو وهل يخفي القمر في سماه

وحتي بت الجيران كانت تخشي ابن المنطقة وابن الجيران ...

وكان ابن الجيران يعتبرها واحدة من اخواته ....

فكيف تغيرت الاحوال وصار ابن الجيران يغني لبت الجيران

سمحة سمحة الصيدة ... ما جارتنا وبت حارتنا وبنريدها ....

او يغني لها ...

جارة يا احلي جارة ...

[زاد الشجون]

بوست جميل وأنيق
ويستحق الإشادة

شكرا سمراء

[Amin Bushari]

الشفيفة والرقيقة ســـمراء

بوست يشبهك وكعادتك ...
فالتميز دائماً احد صفاتك... والابــداع من عمايل يدك
شكرا على البوست الجميل دا ومحمد ميرغني يستاهل والله
وهو توثيق لقامة فنية عالية في ســـماء الأغنية الســـودانية
اعجبتني كلماتك هـــذه:

كل ما طرقت بوابة الاحساس ، او ندهتة الى مشاعر ارتوى منها حد الترف ، أتانى صوته
بكل الفخامه والاناقة ، وانطرحت كل اسارير قلبى الذى يتكرمش فى كل لحظة بما أراه
واستمع اليه من مآلات الحياة ، والتى لولاء تلك الومضات بين الحين والاخرى ...لما كنا
صبرنا عليها حتى الان ..


...
...

___
احتياطي كدا غايتو قلبك دا وديهو المكوجي:D:D

[Amin Bushari]

http://www.sudani.cc/s-data03/mohamedmirghani/hanini_leek.mp3

وهاك يا سمرمر حنيني إليك
عشـــان مافي زول تاني يشنف ليك البوست دا:D:D

[سمراء]

مين فكرك يا حبيب
و مين الهداك الي

الاستاذ / محمد ميرغني
و فريق اغاني اغاني ..
و كونوا بالف خير ..



تكرار الشكر يقلل قيمة الاهداء
ولكن تقبله يزيد من معانى الزوق

[سمراء]

ياخي الاغاني دي هي نقطة التحول في هبوط كلمات الاغاني السودانية لانو زمان في زمن الحقيبة كان الناس بتغني حاول يخفي نفسو وهل يخفي القمر في سماه وحتي بت الجيران كانت تخشي ابن المنطقة وابن الجيران ...
وكان ابن الجيران يعتبرها واحدة من اخواته ....
فكيف تغيرت الاحوال وصار ابن الجيران يغني لبت الجيران
سمحة سمحة الصيدة ... ما جارتنا وبت حارتنا وبنريدها ....
او يغني لها ...جارة يا احلي جارة ...

تظل وجهة نظر برضو ياحمزة ،،،
ولكن ارفض مبدأ اغنيه هابطة ، فلكل اغنيه ظروفه وروادها
وتظل تحكى عن واقع يخصها ...

[سمراء]

بوست جميل وأنيق
ويستحق الإشادة
شكرا سمراء

وشكرا لك يا انيقة
و يدك معانا للتوثيق ..

[فيصل سعد]

تكرار الشكر يقلل قيمة الاهداء
ولكن تقبله يزيد من معانى الزوق

انت كريمة،
و نحن نستاهل ..
و كلك زوق ..

[سمراء]

الشفيفة والرقيقة ســـمراء
بوست يشبهك وكعادتك ...
فالتميز دائماً احد صفاتك... والابــداع من عمايل يدك
شكرا على البوست الجميل دا ومحمد ميرغني يستاهل والله
وهو توثيق لقامة فنية عالية في ســـماء الأغنية الســـودانية

احتياطي كدا غايتو قلبك دا وديهو المكوجي:D:D

غايتو كلامك الفوق ده براااهو مكوجى ....
وحقو نسميهو مكوجى السعادة لجميع انواع الكرفسة والكرمشة يا اللمين العزيز

وبالجد مشكلتى فى الدنيا دى عارف شنو ؟
قلبى ده اظن نوعو (توتل ) اصلى :D لانو سريع الكرمشة
واى كلمة طيبة وجميلة ، بتفردو وتطرحو ...
نسوى شنو عاد فى الرقة والحثثان الكاتلنا ومارضنا !!
تسلم ياجميل
ورفعت لى كل معدلات المواد الداعمة جواى looool

[سمراء]

وهاك يا سمرمر حنيني إليك
عشـــان مافي زول تاني يشنف ليك البوست دا:D:D

وحنينى اليك
وليل الغربة اضنانى
وطيف هجران بدعم القلب
ابكانى

ياسلام عليك ياخ ، والله عاد مرقتونى من الشناف مرقة ليها ضل
خلاص غايتو شكلك بقيت ليك سهم فى البوست ده ..عليها
اكثر ......نكثـُر

[سمراء]

انت كريمة،
و نحن نستاهل ..
و كلك زوق ..

اعلم كم تستاهل يافيصل
المرجعية التاريخيه الجواى بتأكد كده
ولكن احيانا تحكمنا المناخات
وتسلم

[فيصل سعد]

اعلم كم تستاهل يافيصل
المرجعية التاريخيه الجواى بتأكد كده
ولكن احيانا تحكمنا المناخات
وتسلم

لا عليك يا عزيزتي،،
طيبي نفسا و بالا،،
و كل مناخ لك طائعا
و سلسا و ملائما ..

و تدثري بالعافية ..

[أبو خليفه]

سلام ياسمراء ..
إشتقت ليك دي بتعمل وجع الروح ..

http://www.sudanyat.org/upload/uploads/eshtegt leek.mp3

[سمراء]

لا عليك يا عزيزتي،،
طيبي نفسا و بالا،،
و كل مناخ لك طائعا
و سلسا و ملائما ..

و تدثري بالعافية ..

طيبة النفس ياها عاد الباقية لينا
بس مابنقدر نتحكم فى مناخات الكون
تسلم تانى

[سمراء]

سلام ياسمراء ..
إشتقت ليك دي بتعمل وجع الروح ..



الله عليك ياااااخ goood
غايتو يا ابو خليفه مافى رد بوزاى جميلك ده ...
بس الله يديك ويرضيك

أشتقت ليك من الاغنيات حقيقه الاستاذ محمد ميرغنى بغنيها باحساس مخالف
مخالف تماماً لبقية الاغانى ،
بجسم ليك الاحساس
والكلام كل حرف بقعد فى مكانو فى الروح
وبتتوهط المشاعر وهى مقهية فى عيونو !
ابداع بالجد
خصوصا لمن يقول ليك ....

ومديت معابر شوقى ليك
وحنين حنينى الطااااغى ليك
وحنيييييييييييين ...

روعة ياخ

بالله خليك قريب وحاول اجدع تانى

[كادي]

إشتقت ليك ساعة المساء فرد الجناح لملم مصابيح النهار

والكون شرب لون الجراح

والعتمة نامت في الدروب والليل لبس أجمل وشاح



اشتقت ليك و تحديداً المقطع دا يا سمراء من أجمل ما ترنم به الأستاذ الفنان محمد ميرغني

[سمراء]

اشتقت ليك و تحديداً المقطع دا يا سمراء من أجمل ما ترنم به الأستاذ الفنان محمد ميرغني

كل المقاطع بتتقطع قدامو ياكادى !!
وكل شهقة وفرة بطلع لينا كمية معتبرة من الشجن الاليف الوريف

وبالله شوف التشبيه ده :
الكون شرب لون الجراح

يااااااااااااااخ ده جنون عديل كدة
يعنى شفق المغيب بحمرتو ديك كلها اختزلة لينافى لون الجراح !!
انعل ابو ماكده ياخ...

"
"
"
عاين محسن كيف looool
امس هرشنا ياخ فى بوستينو داك :D

[hamza]

تظل وجهة نظر برضو ياحمزة ،،،
ولكن ارفض مبدأ اغنيه هابطة ، فلكل اغنيه ظروفه وروادها
وتظل تحكى عن واقع يخصها ...

هناك اغاني تغير في طريقة تفكير الناس واخلاقياتهم وخصوصا البسطاء من الناس ...

فالاغنية سلاح يتم تداوله بسرعة متناهية ...

لذا فهي وسيلة اعلامية يمكن ان تكون تربوية ويمكن ان تكون هدامة ...

هذا ما اعني ....

ففي تلك الفترة كانت بنت الجيران هي الاخت .. وتخشي ابن الجيران

فتصوري هذا الفهم وفي نفس الوقت يأتي من يغني لبنت الجيران مثل سمحة الصيدة

وجارة يا احلي جارة ؟؟

سمراء ياخ ما عاوز افتل ليك البوست يفتل راسك المدوقس دا :D:D

[سمراء]

هناك اغاني تغير في طريقة تفكير الناس واخلاقياتهم وخصوصا البسطاء من الناس ...

فالاغنية سلاح يتم تداوله بسرعة متناهية ...

لذا فهي وسيلة اعلامية يمكن ان تكون تربوية ويمكن ان تكون هدامة ...

هذا ما اعني ....

هنا بتفق معاك جملة وتفصيل ...بس بتظل لقواعد السلوك دوره فى تقبل الشى الصاح من الغلط

ففي تلك الفترة كانت بنت الجيران هي الاخت .. وتخشي ابن الجيران
فتصوري هذا الفهم وفي نفس الوقت يأتي من يغني لبنت الجيران مثل سمحة الصيدة
وجارة يا احلي جارة ؟؟
سمراء ياخ ما عاوز افتل ليك البوست يفتل راسك المدوقس دا :D:D

جيران شنو ياحمزة ياخوى الانت بتتكلم عليهم هسع !!
ياخ الاغنيات ديل ظهرن فى وكت اتغيرت فيهو السلوكيات الاجتماعية ، والمفاهيم
وحتى المعايير اختلت !!
وظهرت فيهو لمن الود بقى يحب بت الجيران ، كأول مشهد قدامو وهو بغالب فى عنفوان مراحل
حياتو الطبيعية !!
هسع انت النبى يقصقصك ماحبيت واتكسرت بت جيرانكم لمن اخوها كسر ليك (مرابيعك ) :Dاووووعك تنكر بجيبو ليك بالدليل القاطع looool

[كادي]

كل المقاطع بتتقطع قدامو ياكادى !!
وكل شهقة وفرة بطلع لينا كمية معتبرة من الشجن الاليف الوريف

وبالله شوف التشبيه ده :
الكون شرب لون الجراح

يااااااااااااااخ ده جنون عديل كدة
يعنى شفق المغيب بحمرتو ديك كلها اختزلة لينافى لون الجراح !!
انعل ابو ماكده ياخ...

"
"
"
عاين محسن كيف looool
امس هرشنا ياخ فى بوستينو داك :D

يا سمراء ,, كادي female بس عشان خاطر هذا الذي يمتد في دنيانا سهلاً و ربوعاً و بِقاعا

بعدين بيني وبينك ليس كل الورق لـ الكتابه و المحسن معاهو حق يهرشنا ,, ممكن نشخبط
عنديكم؟:p

[أشتر]

يا سمراء ,, كادي female

دي كا دي ؟؟؟ :eek::eek:
وبنفس رائحة الورد !!!

[كادي]

دي كا دي ؟؟؟ :eek::eek:
وبنفس رائحة الورد !!!



:o كتاحه

[أشتر]

:o كتاحه

اووووه ماي قود ...
كم أنا سعيد ...

[طارق صديق كانديك]

اووووه ماي قود ...
كم أنا سعيد ...

:D:D:D

طيب بالراحة ما تخنق ... !!:)

[أشتر]

:D:D:D

طيب بالراحة ما تخنق ... !!:)

الزولة دي (لو) سِخت .. كتّاااابة يا طارق ...
بس كيف نخليها تكتب ... دا السؤال ...

[كادي]

اووووه ماي قود ...
كم أنا سعيد ...

أنا زاتي هابي ,,

كتاحه، مصيبتك مصيبة لكن ,, متورط تشرح لي المنتدى المقلبن دا ,,

هيلب مي بلييييز,,عشان انداح :o

[كادي]

الزولة دي (لو) سِخت .. كتّاااابة يا طارق ...
بس كيف نخليها تكتب ... دا السؤال ...


قصدك ونااااسه :p

أديني حصة حصتين بس ..ما عارفه القلبه من العدله وحاتك

[طارق صديق كانديك]

الزولة دي (لو) سِخت .. كتّاااابة يا طارق ...
بس كيف نخليها تكتب ... دا السؤال ...


اذن فالنسرج لها الأحرف شموعاً وأمنيات .. !!

مرحب بيها والله ..

التحيات النواضر

[أشتر]

أنا زاتي هابي ,,

كتاحه، مصيبتك مصيبة لكن ,, متورط تشرح لي المنتدى المقلبن دا ,,

هيلب مي بلييييز,,عشان انداح :o

الله يهببك :D
تقومي تمشي لمشرفتنا سمراء وبدورها تدخل الغرفة الزرقاء وتعدّل بيانات العضوية بإظهار الأقدم أولا في المشاركات ...
خالد الحاج شكلو شغال تِطِبِز في قالب المنتدى goood...

[كادي]

اذن فالنسرج لها الأحرف شموعاً وأمنيات .. !!

مرحب بيها والله ..

التحيات النواضر

تسلم يا طارق والله ,, شكراً كتير (بس ما تصدق كتاحه دا)


__________________
يا سمراء يا واضحه ,, السماااااااح :o

[أشتر]

قصدك ونااااسه :p

أديني حصة حصتين بس ..ما عارفه القلبه من العدله وحاتك

ونسة دي ما لقيناها منك ... وما أعتقد في ظل هذا القزاز المرفوع ...
وياااا ابحصتين كايسة الحصة عند أب حصة :D:D:D

[كادي]

الله يهببك :D
تقومي تمشي لمشرفتنا سمراء وبدورها تدخل الغرفة الزرقاء وتعدّل بيانات العضوية بإظهار الأقدم أولا في المشاركات ...
خالد الحاج شكلو شغال تِطِبِز في قالب المنتدى goood...



يعني أنا براي الشايفه من الآخر؟ بالغوا فيني خالد و سمراء

لمّا لبست نضارة الجيران:D

[كادي]

ونسة دي ما لقيناها منك ... وما أعتقد في ظل هذا القزاز المرفوع ...
وياااا ابحصتين كايسة الحصة عند أب حصة :D:D:D



يا حليل أيام الخواجه ,, اكالين و نكارين:p

[طارق صديق كانديك]

تسلم يا طارق والله ,, شكراً كتير (بس ما تصدق كتاحه دا)


__________________
:o

:D:D

مع اني ما محتاج دليل على كلام أشتر باخدو ( صرة في خيط) وأصدقوا .. بس نحاول نسمع نصيحتك دي شوية .. !!looool

[أشتر]

يعني أنا براي الشايفه من الآخر؟ بالغوا فيني خالد و سمراء

لمّا لبست نضارة الجيران:D

غايتو آخر ناس دخلت جديد اشتكت من الحكاية دي ...
لكن لو النضارة ثري دي ممكن تباصري الموضوع ...
لو نظر الحمدلله غايتو :Dgoood

[أشتر]

يا حليل أيام الخواجه ,, اكالين و نكارين:p

:eek:
نفهم من كدا شنو ؟؟؟

[كادي]

غايتو آخر ناس دخلت جديد اشتكت من الحكاية دي ...
لكن لو النضارة ثري دي ممكن تباصري الموضوع ...
لو نظر الحمدلله غايتو :Dgoood

النظر الحمد لله يا خوي ... لسه بنلعب في التراب:D

لكن بالجد كدا ... الموضوع بيجهجه ..بس ماتكلم زولlooool

[كادي]

:eek:
نفهم من كدا شنو ؟؟؟



لا أبداً ... فكرك ما يمشي قريب .. أنا بتكلم عن شتارة ما بعد منتصف الليل في هذيك

البقاع .. و لن ننسى ليالٍ و سَمَر:o

[كادي]

:D:D

مع اني ما محتاج دليل على كلام أشتر باخدو ( صرة في خيط) وأصدقوا .. بس نحاول نسمع نصيحتك دي شوية .. !!looool

يعني نفهم انك من مُريدي و حواري الشتارة و ألا شنو يا طارق؟

أقول ليك حاجة ,, خليك على سبيل الأعراف و أجلي النظرlooool

[طارق صديق كانديك]

يعني نفهم انك من مُريدي و حواري الشتارة و ألا شنو يا طارق؟

أقول ليك حاجة ,, خليك على سبيل الأعراف و أجلي النظرlooool

نعم .. من المريدين .. بدون شك .. !!:)

بس صاحي كالنعسان ... !!:D

[أشتر]

لا أبداً ... فكرك ما يمشي قريب .. أنا بتكلم عن شتارة ما بعد منتصف الليل في هذيك

البقاع .. و لن ننسى ليالٍ و سَمَر:o

كر .. ثم فر .. ثم كررررررررر نجرها للصباح ...
مناورات كانت لذييييييذة ...
وأحلى ما فيها الانتصار الـ بدون نتيجة goood:D

اها محمد مرغني دا حضرت ليهو حفلة في النادي الأرمني بس عشان اشوف عروق رقبتو السالكة والتي تضخ كميات كبيرة من الدم المحسحس ...
لو ما كدا كان باركت للعرسان وبقيت مارق ...
جني وجن الحفلة الفي حتة واسعة وطرابيز مشتتة ...

[فيصل سعد]

ارجوك يا نسيم روح ليه
بأشواقي و صرح ليه
و اذكر صبوتي
و سهادي و سهادي ..

و دا الساكن
ظلال في فؤادي
اختار في الهوى
استعبادي !!!


WIDTH=400 HEIGHT=350

[سمراء]

[color=#0000CC][B][align=center]
ارجوك يا نسيم روح ليه
بأشواقي و صرح ليه
و اذكر صبوتي
و سهادي و سهادي ..

و دا الساكن
ظلال في فؤادي
اختار في الهوى
استعبادي !!!


ياسلاااااام ياخ الزول ده والله حقو يتوج ملك للاغنية الرومانسية بلا منازع !!
الاغنية دى تحديداً ، فيها مافيها من الاحاسيس المفعمة بالحنان ، والترجى
فيها صور من صور الرومانسية العالية الشفيفه جدا ،

هو حبيبى هوسميرى
هو طبيى هو اميرى
وده الساكن ظلال فى فؤادى
ويختار فى الهواء استعبادى

يالله ....

مشكور فيصل لارجاع البوست لمساره بعد الفتله الفوق ديك looool
يعنى اشتر وكادى مالقو يتعارفو الا فى (حفلتى ) اقصد بوستينى ده

من هنا بحزر اى زول بوستينى ده الفتلو لى والله افتلو :mad: :)

[نبراس السيد الدمرداش]

الريدة منو البقدر عليك
الريدة شوقك خففي حلمك علي اتلطفي
بعد عزيز بعد ملِـك اصبحت بامرك مِـلك

صباحاتو يا حبيبة
يا حبوب كيف انك
ما تقصر من الطرب

[سمراء]

الريدة منو البقدر عليك
الريدة شوقك خففي حلمك علي اتلطفي
بعد عزيز بعد ملِـك اصبحت بامرك مِـلك

صباحاتو يا حبيبة
يا حبوب كيف انك
ما تقصر من الطرب

ست الناس العزاز
نيبو ياقلب
ومع الاحساس بتاع الزول ده
صحى الريده منو البقدر عليك

[wadosman]

فى يوم حضور اجمعن اسراب زهور
و اتناثرن نوار وحور
و اتهامسن باسمات ثغور
و الكون صبح شلااال عطور
و رنه الوتر طاب السمر
بين النجوم نزل القمر
فاح العبير بالطيب غمر...


سلااام و كدا......

[سمراء]

فى يوم حضور اجمعن اسراب زهور
و اتناثرن نوار وحور
و اتهامسن باسمات ثغور
و الكون صبح شلااال عطور
و رنه الوتر طاب السمر
بين النجوم نزل القمر
فاح العبير بالطيب غمر...


سلااام و كدا......


غايتو ياود عثمان لو ماكان اسمك فوووق للبوست ده !
ماعرفتك كان سويت شنو ؟
سويتو معاى افرش وتخين !
يعنى بتتعزز على انا يامحمد !
كويس
الاداك بالشوال
ينفضو فينا :o

[أشتر]

مشكور فيصل لارجاع البوست لمساره بعد الفتله الفوق ديك looool
يعنى اشتر وكادى مالقو يتعارفو الا فى (حفلتى ) اقصد بوستينى ده

من هنا بحزر اى زول بوستينى ده الفتلو لى والله افتلو :mad: :)

وانا كمان برضك حاولت اعدلو بالخاتمة اياها ...
ما بت شوفي ولّ ما بت شوفي ..
شوفي ياااااا زولة ..
عادي الناس تلاقى بعض في حفلة وكادي معرفة سنين ... وحنكا سنين ...
اقوم افكها فيك توريك النجوم عز الضهر goood:D
موش يا كادي ؟؟؟
بس النصيحة ليك يا الله المفتول بعدلو أهلو ... بس المشكلة أهلو ذاااااتم يفتلو المفتول ويسعو في فتلانو :Dgoood

[wadosman]

واخص الفنان ود عثمان فى انزال الاغانى


ما شفتها....:rolleyes:

و دا عربون للبوست...و التسليم لمن ترجع النازله للبحر...:rolleyes:

http://sudaniyat.net/wadosman/uploading/ya_nazla.wma

[طارق صديق كانديك]

بهرب من خيال طيفك في عينيا .. وفي عيني بلاقيه

أبو كده زااتو ياخ .. !!:)

دي من الأغاني المسائية السمع .. محفوفة بالحنين .. !!

تحياتي

[wadosman]

يا النازله ماشه على البحر
ساعه الشمس يا دوب بتطلع....

[ود البلد]

يا النازله ماشه على البحر
ساعه الشمس يا دوب بتطلع....


من مابدأ البوست دا ... أنا متابع ...
راجى واحد يجى يقول كلامك الحلو دا ...

ياأخ الله يفتحها عليك دنيا وآخره ...
الحقنا ... قبل مانموت ...

الأخت سمراء ...

غنى محمد ميرغنى مع فنانين عملاقه ... محمد وردى ... ابوعركى البخيت ... وتغنى له كذلك ... مصطفى سيد أحمد ... وآخرون

ياريت نسمع ....

[ود البلد]

مابتقدر تتوب ياقلبى المودر
طول عمرك عطوف اصلك مابتقدر
من هبه نســيم تتلبش تودر

[سمراء]

ما بت شوفي ولّ ما بت شوفي ..


برى مابت شوفى ، بت نورة والله :D
قلت لى محمد مرغنى كان بغنى شنو فى النادى ؟؟

ياخ انت عارف اغنية امسكى عليك عيونك ديل
ادتنى احساس انو عيونة ديل عبارة عن جريوات .

[سمراء]

ما شفتها....:rolleyes:
و دا عربون للبوست...و التسليم لمن ترجع النازله للبحر...:rolleyes:



بشوف القلب
حمدلله بالسلامة ياود عثمان
بعدين انت زاتك بقيت خرماج ومافاضى للغنا زاتو
اتصلح معاى يامحمد اخير ليك looool

[سمراء]

الأخت سمراء ...
غنى محمد ميرغنى مع فنانين عملاقه ... محمد وردى ... ابوعركى البخيت ... وتغنى له كذلك ... مصطفى سيد أحمد ... وآخرون
ياريت نسمع ....

ود البلد حبابك
ومرحب ويطيب مقامك بين الالحان الرايقة والكلام المدوزن
ابقى قاعد وباذن الله حاتسمع الدايرو

[wadosman]

انا و الاشواااق

السر دوليب...حسن باباكر

http://sudaniyat.net/wadosman/uploading/ana_wa_ashwag.wma

[سارة]

قلنا نقول مساء الخير

[طارق صديق كانديك]

مساء الجمال

[wadosman]

احترت فيك..!!

محمد عبد القادر أبو شورة...حسن بابكر

http://sudaniyat.net/wadosman/uploading/ihtrta_fiek.wma

[سمراء]

انا و الاشواااق

السر دوليب...حسن باباكر


ود عثمان مساء الاشواق والدعم المعنوى

وانا والاشواق بقينا اكتر من قرايب

تسلم كتيييييييييييييير

[wadosman]

ود عثمان مساء الاشواق والدعم المعنوى

وانا والاشواق بقينا اكتر من قرايب

تسلم كتيييييييييييييير

غايتو الليله جنس قفله...:mad:

بختكم...حاله تريحكم من العشا...:p

[wadosman]

على لسان حسن بابكر:

ــ من أهم الفنانين الذين تغنوا بألحاني أولاً الفنان (محمد ميرغني) الذي تغنى لي بمجموعة الروائع أبرزها: (أمسكي عليك عيونك ديل)، و(إشتقت ليك) وهما من كلمات إسماعيل حسن، (لا بتفاصلي) وهي من كلمات عثمان خالد، (عشان خاطرنا) من كلمات مصطفى سند، (إحترت فيك أنا شن أقول) من كلمات محمد عبد القادر أبو شورة، (مين فكَّرك يا حبيب) من كلمات السر دوليب، (أنا والأشواق) من كلمات السر دوليب، (النازلة ماشة على البحر) من كلمات حدربي محمد سعد.

[سمراء]

قلنا نقول مساء الخير


مساء السعادة ياسرورة
اها العشاء شكلو عليك يامستر سوبر ريد :D

[سمراء]

مساء الجمال

طارق يا انيق الطلة
مساء بطعم النغم المدوزن

صاحبك المعسم اخبارو شنو ؟ نعلو ما اتفتل looool

[نبراس السيد الدمرداش]

قلنا نقول مساء الخير


مساء الخيرات يا قلبي الشمين
مالا مساء الخير دي بدون نفس كدا

سماره و ودعثمان و كانديك
مساءاتكم بنفسج

اشتقت ليك
ساعة المساء فرد الجناح

[wadosman]

مساء الخيرات يا قلبي الشمين
مالا مساء الخير دي بدون نفس كدا

سماره و ودعثمان و كانديك
مساءاتكم بنفسج

اشتقت ليك
ساعة المساء فرد الجناح

جايه مطلّقه يدينك كدا....:rolleyes:

[سمراء]

مساء الخيرات يا قلبي الشمين
مالا مساء الخير دي بدون نفس كدا

سماره و ودعثمان و كانديك
مساءاتكم بنفسج

اشتقت ليك
ساعة المساء فرد الجناح

نيبو مساء السعادة ياقلب
يابت ود عثمان ده الليلة مركب لينا وش كرتون اظنو looool
ياربى عشان العشاء ولا كيف ؟؟

[سمراء]

جايه مطلّقه يدينك كدا....:rolleyes:

حتى انت يانيبو بقيتى تطلقى كمان :D

قول ليهو الباسطة وديتيها وين ؟؟

[سارة]

مساء الخيرات يا قلبي الشمين
مالا مساء الخير دي بدون نفس كدا

سماره و ودعثمان و كانديك
مساءاتكم بنفسج

اشتقت ليك
ساعة المساء فرد الجناح


خلوا ود عثمان يعشيكم وانا بس خلونى للشكلgooodgooodgoood

[wadosman]

خلوا ود عثمان يعشيكم وانا بس خلونى للشكلgooodgooodgoood

ياهم البايتين القوا كان بقت على انا....:mad:

[عبدالله وداعه الامين]

انتو هنا في شنو؟ :(

[نبراس السيد الدمرداش]

جايه مطلّقه يدينك كدا....:rolleyes:


مالك انت الليله
منو القال ليك مطلقاهن
كان صبرت شوية و فردت لينا وشك

[wadosman]

مالك انت الليله
منو القال ليك مطلقاهن
كان صبرت شوية و فردت لينا وشك

انت و صاحبتك تنوموا بالباسطه
و تجى تقولى لى افرد وشك..!!:mad:

[wadosman]

انتو هنا في شنو؟ :(

الله جابك يا زول...

[نبراس السيد الدمرداش]

خلوا ود عثمان يعشيكم وانا بس خلونى للشكلgooodgooodgoood

والله يانا الما اتعشينا
دا الليله مدينا من الكرتونة

[نبراس السيد الدمرداش]

حتى انت يانيبو بقيتى تطلقى كمان :D

قول ليهو الباسطة وديتيها وين ؟؟

الزمن دا اي شيء وارد
بس انتي عارفه الفيها

الباسطه الله يعلم في عربية طيبان

[نبراس السيد الدمرداش]

الله جابك يا زول...


برضو ما بحلك
بعدين اصلو شاكوش الخميس
حاااااااااااااار

[wadosman]

برضو ما بحلك
بعدين اصلو شاكوش الخميس
حاااااااااااااار

يا سااتر...:confused:

[نبراس السيد الدمرداش]

يا سااتر...:confused:

ما عرفت ليك سبب
قلت خلاص ادوك شاكوش
زي بتاع فيصل

[wadosman]

ما عرفت ليك سبب
قلت خلاص ادوك شاكوش
زي بتاع فيصل

بالله هو فيصل ماخد شاكوش..؟؟
فى البرد بتاعو دا..؟goood


غايتو انا بره...الكلاام دا بيبقى ليك حار...looool

[فيصل سعد]

السلام و التحايا
للجميع هنا و
اطيب التهاني
و التبريكات
بالعيد السعيد ..

انا و الاشواق

http://alzol.net/song/mohamedMergani/1.wma

[فيصل سعد]

لو كان عصيت
امرك انا
و سبتك محلق
في خيال الامكنة
ما كنت وريتني النجوم
عز النهار مدونة

http://alzol.net/song/mohamedMergani/2.wma

[فيصل سعد]

مرت بالروح
زي النسمة
لوحة فنان و
جمال رسمة

http://alzol.net/song/mohamedMergani/alsmha.wma

[سمراء]

اقتباس:
المشاركة الأصلية كتبت بواسطة فيصل سعد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283309#post283309)
مرت بالروح

زي النسمة
لوحة فنان و
جمال رسمة






مرت بالروح زى نسمه لوحة فنان جمال رسمه
بى لفته تسالم منقسمه تسال عن غنيه جديده
يا حلاة خطواتك فى دربنا تنعش حارتنا وتطربنا
الشوق من بدرى معذبنا تايه لو يلقى جنى الصيدا
خايفين من ريدا زمان كنا خايفين وحياتك ما قلنا
شوف العينين كيف نشوانا مـلـيـانـا دمـوع بيـك فـرحـانـا

[مشعل القاضى عبد الله]

حنيني إليك وليل الغربة أضناني وطيف ذكراك بدمع القلب بكاني

[فيصل سعد]

اقتباس:
المشاركة الأصلية كتبت بواسطة سمراء http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=283313#post283313)


شوف العينين كيف نشوانا
مـلـيـانـا دمـوع بيـك فـرحـانـا






قدر ما فكرت
أنسى الماضي
و الامو و ويلو
ألقى نفسي زي
غريب تايه في ليلو
نفسي اوقد شمعة
في ليل الحيارى


http://www.sudanradio.info/arabic/modules/debaser/upload/songs/mohdmerqany/greebRe1.mp3