مشاهدة النسخة كاملة : مواصلة النفاج ..( نداء إيمان .. تحت شعار ,, فتح كوة أمل لأطفال مرضى السرطان )
أسامة الكاشف
19-09-2010, 09:05 AM
أود أولاً وبأسم مجلس الإدارة
أن أتوجه بتحية خاصة للأخ الفاتح (شليل)
على مبادرته الرائعة التي استقطبت اهتمام
جميع ابناء وبنات سودانيات
وإن شاء الله يالفاتح يوم شكرك ما يجي
فأنت فارس حوبة وأخو بنات
لك التحية اين ما كنت
وقشع الله السحابة التي حجبت فيض خيرك عننا
نستأذنك لإبقاء راية الخير التي رفعتها منتصبة
على سارية سودانيات
تسلموا
أسامة الكاشف
19-09-2010, 09:11 AM
تداول مجلس الإدارة
في اجتماعه الأخير برنامج الأشهر الثلاث القادمات
حيث أكد على أن وجودنا خارج بلادنا لا يعني انقطاع الصلة بيننا
وبين أهلنا الطيبين.. وهمومهم وآلامهم
كما أن تجمعنا الأسفيري هذا
له جانبه الاجتماعي والانساني أسوة بجوانبه الخاصة الأخرى
لذا توجب علينا التقدم خطوة صوب تفعيل الوجه الاجتماعي الإنساني للمنتدى
وكما لا يخفى عليكم فلقد ابتدر العزيز شليل (رد الله غربته)
بوستاً لنفاج يفتح كوة من الأمل
وتداعى العديد من الخيرين دعماً له بالجهد والمال
ولقد رأينا أن نواصل ما بدأناه حتى تكتمل هذه المبادرة المتميزة
أسامة الكاشف
19-09-2010, 09:15 AM
على الرغم من أننا نفتح الباب مشرعاً
أمام كل مبادراتكم الجادة
إلا أننا رأينا أن نكرس جهدنا لانجاز ثلاث مهام رئيسيات هي:
1. إعداد وتنفيذ برنامج ترفيهي لمرضى السرطان بإحدى مستشفيات الخرطوم.
2. تبني حالة أحد الأطفال المصابين بالسرطان بالتنسيق مع د. حذيفة.
3. زيارة أسر المصابين بمرض السرطان.
وهو وإن كان برنامجاً متواضعاً
إلا أنه عملي وقابل للتنفيذ وفقاً للقدرات المتاحة لنا وحجم عضوية المنتدى بالوطن
نأمل أن نسمع منكم وأن نرى مبادراتكم
تسلموا
أسامة الكاشف
19-09-2010, 09:25 AM
مقترح بتشكيل اللجان:
لجنة الإعلام : للتوثيق والإعلان عن البرنامج بالصحف والفضائيات والأسافير ما أمكن:
ناصر يوسف، خالد الحاج، سمراء، عبد الججليل، آمنة عمر، آيات ، فائقة، الفطن الوسيم، عماد عبدالله ، أبجقادو
وأي زول يأنس في نفسه القدرة على المساهمة يمكن ينضم للجنة ويرجى من غير القادرين الاعتذار حتى نستطيع تحديد المهام بدقة.
أسامة الكاشف
19-09-2010, 09:27 AM
لجنة التنسيق والمتابعة:
هيفاء ، أروى، محسن، أحمد زين، نادر السماني، سجمان، الأغبش، حافظ حسين ومحمد عبد الرحمن
وأي عضو مبادر وقادر
تحفة حوا
19-09-2010, 09:32 AM
بارك الله فيكم وسدد خطاكم
هذه الخطوات لمن بداخل السودان فماذا عمن بخارجه ؟
كما ارجو من أهل الاختصاص ان وجودوا ان يوضحوا لنا عن هذه الحالات وطرق علاجها عسى أن يستفيد الاهل
اعتقد ايضا يوجد في الغربة من هم بحاجة لمد يد العون ايضا
فياريت كل من يرى حالة انسانية سودانية بحاجة للعون في اي بلد ينزل بوست يوضح الحالة ومن هم داخل البلد المعني يمدون يد العون معنويا وماديا
بارك الله فيكم جميعا
والشكر ايضا لشليل فالدال على الخير كفاعله ان شاء الله
أسامة الكاشف
19-09-2010, 09:35 AM
اللجنة الأهم هي لجنة استلام التبرعات واستقطاب الدعم
نبراس، منال، نادر السماني
وياريت كل زول قادر
هذا هو مربط الفرس
وأرجو من الثلاثي أعلاه التداخل لبيان كيفية توصيل الدعم
لا حرج.. لا حرج.. لا حرج
عشرة جنيهات سيكون لها أكبر الأثر في إنجاح البرنامج
أي دواء أو هدايا عينية لعب أطفال أو سواه
كلها ستسهم في تضميد جرح أو في أن تخفت أنة حرى
لا تستصغروا ما أنتم قادرون على تقديمه
فهو دون شك سيكون بلسماً لطفل أعياه المرض
كما أرجو تحديد الأعضاء القادرين على جمع التبرعات بالمهجر
كل بلد فيه عدد من العضوية عليهم تسمية أحد الأعضاء لتجميع التبرعات
التي لم ولن نقصرها على العضوية فقط
كل راغب من المحيطين بنا في المساهمة سنقبل ما تجود به يده
فلنعلن عن ذلك بالنوادي الاجتماعية ودور الجالية
باسم سودانيات
أسامة الكاشف
19-09-2010, 09:38 AM
حيث أن الزمن عنصر حاسم
فلقد تحدد مبدئياً
الفترة من النصف الثاني من نوفمبر وحتى نهاية ديسمبر القادم لتنفيذ البرنامج
لذا نرجو التداخل وإثراء الحوار/التجربة حول كيفية التنفيذ
والأهم أن نشرع فعلياً في عمل ما نحن قادرون عليه
مهما قل أو صغر
في انتظاركم
تسلموا
أسامة الكاشف
19-09-2010, 10:01 AM
نتمنى نسمع من الذين وردت أسمائهم
ونتمنى نسمع أفكار تطور المشروع
ونتمنى نسمع طلقة البداية لمشروع إنساني واعد
نبراس السيد الدمرداش
19-09-2010, 10:22 AM
السلام عليكم
حاضرين و تحت الخدمه
بالنسبه للتبرعات ما عندها سقف محدد
من جنيه لما لا نهايه كل زول و قدرتو
الاستلام ممكن تحويل عن طريق بعض الصرافات
او تحويل في حساب نادر السماني
انا ح انزل الرقم هنا تاني
ويلا لقدام
أسامة الكاشف
19-09-2010, 10:41 AM
تسلمي يا نبراس
وأكتبي اسم الشخص الذي يمكن التحويل له عبر الصرافات بالكامل (رباعي)
لأن أغلب دول الخليج التحويل فيها بيتطلب كده
تسلمي
أسامة الكاشف
19-09-2010, 11:48 AM
رجاء نسمع من الناس
الذين تم ترشيحهم
هل قبلوا التكاليف أم لا؟؟؟؟!!!
احمد زين
19-09-2010, 11:57 AM
لجنة التنسيق والمتابعة:
هيفاء ، أروى، محسن، أحمد زين، نادر السماني، سجمان، الأغبش، حافظ حسين ومحمد عبد الرحمن
وأي عضو مبادر وقادر
جاهزين اخي اسامة ان شاء الله
الى الامام
نبراس السيد الدمرداش
19-09-2010, 11:59 AM
تسلمي يا نبراس
وأكتبي اسم الشخص الذي يمكن التحويل له عبر الصرافات بالكامل (رباعي)
لأن أغلب دول الخليج التحويل فيها بيتطلب كده
تسلمي
التحويل ممكن يكون عن طريقي
نبراس السيد الدمرداش عبدالله
او لو في زول تاني مستعد للحته دي
اما بخصوص التحويل البنكي فالعنوان كالتالي
رقم الحساب : 50106018720
بنك الخرطوم فرع نمرة 2
باسم : محمد السماني
لانو نادر اسم البورد فقط
أسامة الكاشف
19-09-2010, 02:15 PM
شكراً العزيز أحمد زين
وياها المحرية فيكم
أسامة الكاشف
19-09-2010, 02:16 PM
تسلمي يا نبراس
وأقترح ناس الخليج كلهم يحولوا عبر صرافة الإمارات
إلى فرع مركز عفراء التجاري
باسم نبراس (خصوصاً ناس عمان والإمارات)
أسامة الكاشف
19-09-2010, 02:19 PM
الأعزاء الأطباء والصيادلة
يا ريت نسمع إن كان في الإمكان التبرع بأدوية
للتفاكر حول كيفية توصيلها للسودان
وناس أوروبا لو ممكن يتصلوا بالهيئات الإنسانية ومنظمات المجتمع المدني
التي تدعم مثل هذه المشروعات
يا ريت نسمع صوتهم
نبراس السيد الدمرداش
19-09-2010, 05:16 PM
تسلمي يا نبراس
وأقترح ناس الخليج كلهم يحولوا عبر صرافة الإمارات
إلى فرع مركز عفراء التجاري
باسم نبراس (خصوصاً ناس عمان والإمارات)
لو ممكن يكون التحويل عن طريق فرع الصرافه بحري سعد قشره
لانها اقرب لي كتير من عفراء انا ساكنه بحري
على الرغم من أننا نفتح الباب مشرعاً
أمام كل مبادراتكم الجادة
إلا أننا رأينا أن نكرس جهدنا لانجاز ثلاث مهام رئيسيات هي:
1. إعداد وتنفيذ برنامج ترفيهي لمرضى السرطان بإحدى مستشفيات الخرطوم.
2. تبني حالة أحد الأطفال المصابين بالسرطان بالتنسيق مع د. حذيفة.
3. زيارة أسر المصابين بمرض السرطان.
وهو وإن كان برنامجاً متواضعاً
إلا أنه عملي وقابل للتنفيذ وفقاً للقدرات المتاحة لنا وحجم عضوية المنتدى بالوطن
نأمل أن نسمع منكم وأن نرى مبادراتكم
تسلموا
سلامات للجميع
جميل ان يستمر النفاج كما بدأ بكم و معكم نكون
نأمل فى ان تمدونا بمقترحاتكم حول التفاصيل للبرنامج و ندور نقاش فى المهام - و فقكم الله
عماد الماحى - مطلوب حضورك هنا - و تورينا ح تقدم معانا شنو فى التفاصيل نحتاجك
أحمد زين رجاء وضع عنوانك كامل لو ممكن - اقتراحى ان تكون نقطه تجمع المساهمات
بقدم اعتذارى لعدم تواجدى فى الخرتوم - اغلب فترة البرنامج بضم مجهودى الى لجنة التنسيق والمتابعه .
برضو اقتراحى يا احمد زين اللجنه الطبيه تتكون و تباشر فى المقترح المساهمه فى نفقات علاج احى حالات الاطفال مصابى السرطان اللجنه من الخرطوم كل العاملين فى الحقل الصحى
(هيفاء - جانيت - الوليد - طيبان - محمد عبدالرحمن - مدثر - الرشيد - احمد زين + كل معارفكم فى هذا المجال)
الاخوان بالخارج العاملين فى المجال الصحى رجاءا ان تمدوا مقترحاتكم و مساهماتكم للمذكورين هنا .و نتابع
نتمنى نسمع من الذين وردت أسمائهم
ونتمنى نسمع أفكار تطور المشروع
ونتمنى نسمع طلقة البداية لمشروع إنساني واعد
تحيه المساء الجميل لى شليلنا
ويا من علمتنا ان نقول
لو اعيش زول ليهو قيمه ... أسعد الناس بوجودى
.
.
.
وابقى شجره ظلالها وارفه تحتى ناس نايمين تعابا
وابقى زولن ليهو قيمه
و نمش لاقدام
الى لجنة التنسيق و المتابعه
نبدأ فى تفاصيل الملامح للبرنامج المقترح فى المحاور الثلاثه
وكل زول يقدم مجهودو البقدر عليهو هنا
عشان نتفاكر ونتوزع الاعباء و المهام
فى بالى الفتره الزمنيه المقترحه قريبه
نعول على مشاركتكم بالكتابه هنا و هناك
الى ان يرى البرنامج النور
عماد الماحي
19-09-2010, 08:36 PM
لا أقول لكم إلا كما قال الراحل الإنسان - عليه الرحمة - إسماعين حسن :
و تريت الحروف متل الحرير
نسجت بي منوال هواي توب العرايا
قطّعت من جلدي الرهيف ..
فصّلت نعلت الحفايا ..
...
و دا خيراً جانا و جاكم - عيادة المريض - ولمن يبسم ليك مريض و تبسم ليه بس مش لقيتو الإتنين حسنات لقول خير الخلق محمد صلى الله عليه و سلّم - تبسمك في وجه أخيك صدقة.
أنا جاااااااااااهز لعمل البوسترات و التصميم و المساهمة في الإعلان في بعض الصحف السيارة و جلب بعض الدعم من منظمة سر الوئام لرعاية الأرامل و الأيتام - بإذن الله - كما اتبرع في أي وقت وف اي زمن -Any where any time - مشاركة الأطفال بفواصل من الكوميديا و المسرح و معي نفر كريم ممثلين و ممثلات و بعض الأصوات الغنائية الجميلة .
و بإختصار 0122509994 - و من أسع قولوا نضمكم .
رايكم شنو
و نسمي البرنامج كمقترح
( حلم شفع )
و أحاول - اتفلفس - ليكم هنا و أصيغ الأسباب :
أول شيء كلمة شافع دي لو اـاملتوها بتلقوها سمحة شديد لأنها مشتقة من - الشفاعة - و نبينا الشفيع - شفتوا الأطفال حلوين كيف؟ يعني سموهم كدي لأنهم بشفعوا لينا يعني زيهم زي الشهداء - لكن من غير عرس شهيد طبعاً - و الأجمل هم بشفعوا لينا بدون مقابل ..
تانياً تكاليف العلاج الغالية جداً و علاجه غير الكامل يجعل هذا الشي ضرب من المستحيل لكنه ليس عند الله ببعيد فهو حلم شفع - يجب - أن نساهم في جعله واقعاً .
ثالثاً - عليكم الله تعال نبدأ
عماد الماحي
الخرطوم - السوق العربي - زقاق صحيفة الراي العام
و الله معاهم و معانا نسأل الله لهم الشفاء
لا أقول لكم إلا كما قال الراحل الإنسان - عليه الرحمة - إسماعين حسن :
و تريت الحروف متل الحرير
نسجت بي منوال هواي توب العرايا
قطّعت من جلدي الرهيف ..
فصّلت نعلت الحفايا ..
...
و دا خيراً جانا و جاكم - عيادة المريض - ولمن يبسم ليك مريض و تبسم ليه بس مش لقيتو الإتنين حسنات لقول خير الخلق محمد صلى الله عليه و سلّم - تبسمك في وجه أخيك صدقة.
أنا جاااااااااااهز لعمل البوسترات و التصميم و المساهمة في الإعلان في بعض الصحف السيارة و جلب بعض الدعم من منظمة سر الوئام لرعاية الأرامل و الأيتام - بإذن الله - كما اتبرع في أي وقت وف اي زمن -Any where any time - مشاركة الأطفال بفواصل من الكوميديا و المسرح و معي نفر كريم ممثلين و ممثلات و بعض الأصوات الغنائية الجميلة .
و بإختصار 0122509994 - و من أسع قولوا نضمكم .
رايكم شنو
و نسمي البرنامج كمقترح
( حلم شفع )
و أحاول - اتفلفس - ليكم هنا و أصيغ الأسباب :
أول شيء كلمة شافع دي لو اـاملتوها بتلقوها سمحة شديد لأنها مشتقة من - الشفاعة - و نبينا الشفيع - شفتوا الأطفال حلوين كيف؟ يعني سموهم كدي لأنهم بشفعوا لينا يعني زيهم زي الشهداء - لكن من غير عرس شهيد طبعاً - و الأجمل هم بشفعوا لينا بدون مقابل ..
تانياً تكاليف العلاج الغالية جداً و علاجه غير الكامل يجعل هذا الشي ضرب من المستحيل لكنه ليس عند الله ببعيد فهو حلم شفع - يجب - أن نساهم في جعله واقعاً .
ثالثاً - عليكم الله تعال نبدأ
عماد الماحي
الخرطوم - السوق العربي - زقاق صحيفة الراي العام
و الله معاهم و معانا نسأل الله لهم الشفاء
ود الماحى حاضرا كما عودنا دوما
كده بتكون تفاصيل عدة ظهرت
1- العمل الاعلامى ( البوسترات - الملصقات - الاعلان عن البرنامج فى الميديا)
2- العمل وسط شريحة الاطفال - حلم شفع (كما ذكرت عمدة كمل تصورك للبرنامج و معك الاخرون )
التقط منك القفاز و نبدأ يا شباب رايكم يوم السبت القادم 26/9 نتلاقى فى لمه بخصوص البرنامج و كل الشباب حاضرين حددوا الزمان و المكان ( مقترحاتكم)
اقتراح لى توزيع مجموعة نقاط تجمع المساهمات
1- نادر السمانى و احمد زين (الخرطوم)
2- نبراس + (بحرى)
3- ناصر يوسف و اروى (امدرمان)
مطلوب منكم - العنوان كامل و التلفونات
و نتابع
أسامة الكاشف
20-09-2010, 06:43 AM
تسلم يا عماد
كده يا منال فقرات البرنامج الترفيهي موضوعها اتحسم
عماد وجوقة الإبداع هم من سيتولون تقديم الفقرات المسرحية والغنائية
يعني واحد من البنود الثلاث اتحسم
باقي موضوع تنظيم الزيارات وتبني الحالة العلاجية
أما الالتزام بالتبرعات فما عارف هل يتم نشره هنا أم يكون عبر البريد الداخلي
لي جهة محددة (مقترحاتكم مع ممراعاة عنصر الزمن)
تسلم يا عماد
كده يا منال فقرات البرنامج الترفيهي موضوعها اتحسم
عماد وجوقة الإبداع هم من سيتولون تقديم الفقرات المسرحية والغنائية
يعني واحد من البنود الثلاث اتحسم
باقي موضوع تنظيم الزيارات وتبني الحالة العلاجية
أما الالتزام بالتبرعات فما عارف هل يتم نشره هنا أم يكون عبر البريد الداخلي
لي جهة محددة (مقترحاتكم مع ممراعاة عنصر الزمن)
صبحك الله بالخير اسامه
و ألف لا بأس عليك وما تشوف شر
سلامتك و المنتدى كلو كرامتك
بشوف من الافضل برسائل داخليه او عندما يختوا الجماعة عناوينهم يكون عبرها
تبنى الحاله فى انتظار تصور اللجنه الطبيه
و باقى البرنامج و توزيع المهام - فى اللمه كلو بى نرتبوا
و منها نضع الجدوله الزمنيه
احمد زين
20-09-2010, 01:27 PM
سلامات يا شباب
بالنسبة لحالات السرطان في السودان كلها بتمر عبر مستشفى الذرة بالخرطوم او مستشفى الذرة مدني وليس هناك مكان لفصل حالات سرطانات الاطفال عن الكبار يعني كلهم موجودين في حتة واحدة.
ساقوم بزيارة لمستشفى الذرة بالخرطوم وعمل دراسة لبعض الحالات واتمنى ان يرافقني اي واحد من الاطباء الموجودين بالخرطوم من اعضاء سودانيات ونحمد الله ان لنا علاقات طيبة داخل المستشفى مما يساعدنا كثيرا في انجاز مهمتنا
فقط ارجو توضيح نوع المساعدات التي يمكن تقديها حتى يتم تنوير المسئولين بالمستشفيات المعنية بها او وضع برنامج للزيارة
انوه لوجود بعض الحالات في ودمدني ارجو تكليف الاخوة بمدينة ودمدني بعمل زيارة للمستشفى واطلاعنا على الوضع هناك واقترح الاخوين (مبر) ( وابارو) للقيام بهذه المهمة
ولي عودة
سمراء
20-09-2010, 02:16 PM
الاخ اسامة الكاشف
الف لابأس عليك
والتحية لمفجر هذا العمل العزيز شليل له التحية والتقدير
ولكل من قدم دعم او حرف ليستقيم هذا العمل الهام
ومن هنا اعلن كامل دعمى لهذا العمل الخيرى الكبير ،
وشفى الله كل اطفالنا واحبابنا من هذا الداء الذى علمت بان علاجه صار متاح
فكرة العزيز عماد اعتقد بانها جاذبة من حيث الحركة ولفت الانتباه للغير حتى يتسنى
ان نحرك اكبر كمية من الخيرين لهذا العمل
مُهيَّد
20-09-2010, 03:17 PM
معكم من الألف إلي الياء ...
حفظ الله كل الأحباب وشفي الله كل المرضي ....
أعرف جيداً المعاناة من هذا المرض اللعين كوني كُنت ملاصقاً لوالدي الذي توفي قبل عام بسببه ...عايشت المعاناة بصورة يومية وبتفاصيلها الدقيقة لحظة بلحظة ...
رحم الله موتانا جميعاً وحفظكم من كل سوء وشفي الله كل مريض ... آمين ...
جعل لله جهدكم هذا في ميزان حسناتكم وجزاكم الله كل خير ...
كُل الوُد
زول الله
20-09-2010, 06:35 PM
نفاج الخير عمل عظيم
الدعم الكامل والجهوزية المفرطة للمشاركة
ادونا راس الخيط وتجدونا ان شاءالكريم من الحاضرين
نحن هنا الرياض - السعودية ... ورونا نسوي شنو ونحن جاهزين
اقول قولي هذا واستغفر الله لي ..................
معكم من الألف إلي الياء ...
حفظ الله كل الأحباب وشفي الله كل المرضي ....
أعرف جيداً المعاناة من هذا المرض اللعين كوني كُنت ملاصقاً لوالدي الذي توفي قبل عام بسببه ...عايشت المعاناة بصورة يومية وبتفاصيلها الدقيقة لحظة بلحظة ...
رحم الله موتانا جميعاً وحفظكم من كل سوء وشفي الله كل مريض ... آمين ...
جعل لله جهدكم هذا في ميزان حسناتكم وجزاكم الله كل خير ...
كُل الوُد
مهيد سلامات
له الرحمه الوالد و المغفره
حقيقى اكثرنا متابع لحالات السرطان للكبار و مدى معاناتهم و نعمل من خلال المبادرة على ان نشاركهم جزء من معاناتهم - و ربنا يحصل الشفاء
جانيت
21-09-2010, 07:01 AM
ربنا يقدرنا علي عمل الخير
والنفاج يكون متواصل وما ينقطع حتى لو من الدعم المعنوي
ومعاكم الى اخر المطاف
نسال الله التوفيق
نفاج الخير عمل عظيم
الدعم الكامل والجهوزية المفرطة للمشاركة
ادونا راس الخيط وتجدونا ان شاءالكريم من الحاضرين
نحن هنا الرياض - السعودية ... ورونا نسوي شنو ونحن جاهزين
اقول قولي هذا واستغفر الله لي ..................
سلامات زول الله
اتوقع ليك تعملو شنو
تتواصلو ناس السعوديه مع بعض و يكون اختياركم لمبادر يكون نقطه تجمع ليكم
ح نعمل دراسه للحالات - مؤكد نطلب منكم مساهمات ماليه + ادويه علاجيه
بس ندى اللجنه فرصه تتحرك فى فحص الحالات و نوافيكم اول باول
و برضو مساهماتك بالافكار لبرنامجنا و تفاصيله اكيد بتخلينا ننضج شغلنا
و مزيدا من التواصل
عكــود
21-09-2010, 07:15 AM
سلامي للجميع و دعمي الكامل.
الآراء حتّى الآن جيّدة وقابلة للتطبيق.
التحيّة لكل من ساهم برأيه وأبدى إستعداداً للمساهمة.
مربط الفرس، هو آليّة جمع المساهمات، فالجميع مستعد لتقديمها.
عن مساهمات الإمارات، أرجو أن يتم التنسيق بيننا عبر رقمي 0505615109 للإتّفاق على كيفيّة جعها وإيصالها.
التحيّة أيضاً والتجلّة لشليل.
أسامة الكاشف
21-09-2010, 08:36 AM
الأعزاء أحمد زين ، سمراء ، مهيد، زول الله وجانيتيا هو ده العشميا ريت نسمع من الباقيين تسلموا
قوت القلوب
21-09-2010, 04:51 PM
سلام للجميع
تتحية بقدر عملكم الخير هذا
عظيم ان يلتقي الاخوة ويلتف الجمع على الخير
لالالالالالالالالالا للتقاعس
اتلى الامام
وربنا يعينكم على هذا العمل المجزي ليهم وليكم
وخاصة من ابتدر
وفتح النفاج الاخ الفاتح تعال لينا وتعال نحتاجك تعال
ومن فتح ابواب سودانيات ومازالت ابواب الخير تترى طالما انتم هنا
فتح الله عليك اخي اسامة لتذكرنا بهؤلاء
ولمثل هذا فليعمل العاملون
نفسي اعمل في منظمة وشغل منواصل
بسأل وين ناس نحن
ديل تبع 99199ولا براهم
نحن نشد من ازركم
وحاضرين
وهدية العروسات مازالت تراودني يانبراس اناجاية قولي لي تكون شنو؟؟؟؟؟
ويامهيد
اعرف وجعك
انا مريت بالتجربة 3مرات
وعانيت كتير معاهم
ولانهم الاقربين (خالي والدة واخت معتصم)وربنا يرحمهم ويغفر ليهم ووالدك ووالدي وكلهم من اصحاب اليمين
نبراس السيد الدمرداش
22-09-2010, 12:51 AM
سلام يا شباب
كيفنكم و كيف احوالكم
حسب ظني بيكم و من بوست النفاج السابق
الكل مستعد للمشاركه و المساهمه
يبقى نتحرك تحرك فعلي
اهم شيء في النفاج هو الدعم المادي
يبقى نشد الهمه شويه و العاوز يتبرع بجنيه حبابو و العاوز يتبرع بالف حبابو
في مساهمات وصلت من بعض الاعضاء
قوتنا بالنسبه للهديه و الله الا اتصل بالدار و اشوف البنات ناقصهم شنو و بفيدك
أسامة الكاشف
22-09-2010, 07:05 AM
العزيزة قوت القلوب
تسلمي لكلماتك الطيبات
وعارفينك ما بتقصري
لو ممكن نجمع مساهمات الأعضاء بالخليج كلها
لدى رئيس المجلس بابوظبي ومن ثم ترسل مرة واحدة
نرجو الإفادة
تسلموا
عكــود
22-09-2010, 07:34 AM
سلام يا أسامة،
ما عندي مانع في أن أكون نقطة تجمّع، لكن الأسهل أن يتم التجميع من كل دولة على حدة وتُرسل للسودان مباشرة (نبراس / حساب نادر).
إن كان سهل بالنسبة لكم في عُمان إرسالها لي هنا، فألف أهلاً ويفضّل عن طريق صرافة الإمارات فلديهم فرع في مدينتنا (الرويس).
في إنتظار أعضاء الإمارات.
مشعل القاضى عبد الله
23-09-2010, 12:07 PM
العزيز اسامة الكاشف
سلاااام
كل عام وانت بالف خير
نبصم بالعشره
التحية لك الاخ اسامة الكاشف
والتحية ايضا للعزيز شليل لفتح هذة النافذة
ليظل هذا النفاج مفتوحا لعمل الخير
ونكون فى سودانيات سباقين لعمل
مثل هذة الاشياء
فى انتظار توجيهاتكم وتحديد
شخص معين للاتصال بة
وايداع مساهماتنا حتى
ولو كانت قليلة
كما قال الاخ زول الله
الجيلى أحمد
24-09-2010, 06:02 PM
تحياتى ياشباب الفزعة..
لدينا محاولة أنا وزوجتى لعمل شئ ما,
الفكرة فى طور التتنفيذ والتطوير..
ستأتيكم رؤيتنا لاحقآ..
الى الأمام
وايد فوق ايد
نهزم مساحة المرض
ونزرع ابتسامة
مبر محمود
24-09-2010, 06:07 PM
انوه لوجود بعض الحالات في ودمدني ارجو تكليف الاخوة بمدينة ودمدني بعمل زيارة للمستشفى واطلاعنا على الوضع هناك واقترح الاخوين (مبر) ( وابارو) للقيام بهذه المهمة
تحياتي للجميع
قولوا عوك وستجدونا تحت الخدمة ورهن الإشارة .. كن بخير يا دكتور
الجيلى أحمد
24-09-2010, 09:17 PM
كنت أتحدث قبل قليل مع صديقى ناصر عمر
من موقع (كوستى سيتى )
وهم معنا فى دعم مشروع ايمان ..
فلنكثر الأيادى والجهد
ولنوحد الهدف
iman mohamed hussien
24-09-2010, 09:27 PM
تسلموا
الامال كثير والاحلام كبيره بس سوف يصلكم البقدر عليهو قريب
دومتم دائما لعمل الخير
ايمان
أسامة الكاشف
25-09-2010, 10:43 AM
الأعزاء مشع ، الجيلي ومبر
تواصل دائم من أجل الآخرين
نتمنى أن نرى جهدكم
العزيزة إيمان
دعمكم مطلوب وعارفينك قدر العشم
الآن تتركز الجهود على الدعم المادي والعيني
في السودان: نبراس ونادر
في الخليج الريس عكود صرافة الإمارات فرع الرويس
نتمنى أن ترسل أغلب المساهمات المادية قبل الأول من أكتوبر
تسلموا
الجيلى أحمد
25-09-2010, 10:17 PM
اقتباس:
نتمنى أن ترسل أغلب المساهمات المادية قبل الأول من أكتوبر
تحياتى اسامة والجميع..
لم أفهم لماذا قبل الأول من أكتوبر..
قمت بالتعاون مع زوجتى باطلاق حملة لتجميع العاب الاطفال المستعملة وبحالة جيدة,
والحملة فقط وسط الأصدقاء حتى الآن .. ونطمح لاحقآ فى توسيعها..
لكننا فى حوجة لانجاز هذه الخطوة الصغيرة الآن..
الحملة اطلقناها على الفيس بوك
وتلقينا على أثرها
اربعة مكالمات
احد الأربعة مكالمات اتت من ثرية ايطالية قالت أنها تود ان تهب بعض ألعاب أطفالها
لمن يحتاجونها , ..
هذا هو النداء فى صفحتى على الفيس بوك باللغة الايطالية :
noi siamo un gruppo di amici che stiamo provando ad aiutare dei bambini malati di cancro in Sudan...Ciascuno di noi sta provando ad aiutarli con quello che possiamo, la mia idea è di portare un po' di felicità, loro non possiedono nulla..neanche un misero giocattolo!
Così vorremmo provare a raccogliere dei giocattoli usati, che tutti noi abbiamo sparsi per la casa, e mandarli a loro....qualcosa di piccolo, ma che per loro può significare tanto. Aspetto vostre notizie e qualsiasi suggerimento è benvenuto....
Gily/Rita
وترجمته هى..:
نحن مجموعة من الأصدقاء نحاول ان نساعد الاطفال المصابين بالسرطان فى السودان,
وكل منا يبذل مابوسعه,
والفكرة تكمن فى جلب السعادة لهم..
انهم لايملكون شيئآ
ولاحتى لعبة مسحوقة ..
دعونا نحاول تجميع الالعاب المستعملة التى تغرق منازلكم فى الفوضى
ولنرسلها لهم..
شئ قليل,
ولكنه يعنى الكثير بالنسبة لهم ,
أنتظر تفاعلكم وملاحظاتكم
جيلى / ريتا
اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=281423#post281423)
اقتباس:
نتمنى أن ترسل أغلب المساهمات المادية قبل الأول من أكتوبر
تحياتى اسامة والجميع..
لم أفهم لماذا قبل الأول من أكتوبر..
قمت بالتعاون مع زوجتى باطلاق حملة لتجميع العاب الاطفال المستعملة وبحالة جيدة,
والحملة فقط وسط الأصدقاء حتى الآن .. ونطمح لاحقآ فى توسيعها..
لكننا فى حوجة لانجاز هذه الخطوة الصغيرة الآن..
ريتا و جيليلنا
سلامات
المساهمات تقوم على شقين مالى - عينى
البرنامج مقترح تنفيذه فى نوفمبر ليكون النافذه على تعاملنا كاصدقاء لمرضى السرطان و لكل الفئات ومنه تكون الانطلاقه لبرامج متواليه.
يبقى النداء للمساهمات الماليه حتى نضع تصورنكون قادرين على تنفيذه(مع العلم بان البعض تتأخرمساهماتهم بفعل اجراءات التحويل مطلوب ان يراسلونبراس/احمد زين /نادربالداخلى ) .
و تبقى المساهمات على طول عمرنا أ الجيلى اخوى(طويل عمر يارب)
واصل و متين ما تصلنا الالعاب نكون معهم.
وفى البال برضو الاطفال المصابين بالايدز و ذوى الاحتياجات الخاصه.
نفجه:
فى تقديرى لكل مبادر منا ان يختار و يحدد الفئه او الشريحه التى يرغب فى توصيل مساهماته لها و التعامل معهاوعلى اللجنه مساعدته فقط.
مثال لمبادر(فى منتدى مجاور): اختار ان يكفل تلميذين يتمين فى مرحلة الاساس فى اربعه مدارس فى الحى الذى يسكنه و توفيرحق وجبة الفطور طوال فترة دراستهم وسلم المبلغ لاحدى الاساتذة و تتم المتابعه مع المدرسه و الاسرة.
أسامة الكاشف
26-09-2010, 10:31 AM
العزيز الجيلي
فعلاً قصدت التبرعات النقدية
حتى يتمكن الفريق العامل بالسودان من تخطيط الفعاليات بواقعية
تسلموا
(والله صندوق خالد الماسي ده عقدنا عديل كده)
ناصر يوسف
02-10-2010, 05:28 PM
الأحباب هنا
تحيةً واحتراماً
نحن الآآآآآآآآآآآآن جلوساً في حضرة النفاج
د. أحمد محمد زين
نبراس
منال
الأغبش
حافظ حسين
كلكلاوي
د. هيفاء
وبعض من الأخوة الكرام من منتدي حُب النيل
ولأننا لدينا حالة مستعجلة شديد
نفيدكم بالآتي:
محتاجين لمبلغ 5000 جنيه سوداني (بالجديد) يعني 5 مليون جنيه سوداني يعني أقل من 2000 دولار بالسعر الجاري اليوم
ومحتاجين ليها من اليوم وقبال ما شهر أكتوبر ده يخلص
محتاجين هِمّتكم يا شباب
لأنو الحالة دي حالة مستعجلة
المتوفر منها الآن 1250 جنيه فقط.
ورقم الحساب موجود في البوست ده
شكراً لإهتمامكم
أسامة الكاشف
03-10-2010, 11:45 AM
العزيز ناصر
إسهامات عمان والإمارات ستصلكم من الريس العمدة
نرجو أن تطلعوا الجميع على الوضع المالي بمنتصف أكتوبر
العشم كبير في الجميع
يا ريت تتضافر الجهود كل حسب قدرته
على الأقل يكون لتجمعنا الأسفيري هذا دوره الإجتماعي
ناصر يوسف
04-10-2010, 07:12 AM
اقتباس:
المشاركة الأصلية كتبت بواسطة أسامة الكاشف http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=284966#post284966)
العزيز ناصر
إسهامات عمان والإمارات ستصلكم من الريس العمدة
نرجو أن تطلعوا الجميع على الوضع المالي بمنتصف أكتوبر
العشم كبير في الجميع
يا ريت تتضافر الجهود كل حسب قدرته
على الأقل يكون لتجمعنا الأسفيري هذا دوره الإجتماعي
ــــــــــــــــــــــــــــــــــــــــــــــــــ ــــــــــــــــــــــ
الأخ العزيز
أسامه الكاشف
بارك الله فيك وفي جميع الزملاء الأحباب هُنا ونحنُ جميعاً نصبو لفعل الخير ...
بمشيئة الله سنوافيكم أول بأول عن أدق التفاصيل ...
وحتماً سنصل إلي مبتغانا جميعاً والذي لا نريد منه إلا التقرب لوجه الله تعالي
اقتباس:
المشاركة الأصلية كتبت بواسطة ناصر يوسف http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=284698#post284698)
الأحباب هنا
تحيةً واحتراماً
نحن الآآآآآآآآآآآآن جلوساً في حضرة النفاج
د. أحمد محمد زين
نبراس
منال
الأغبش
حافظ حسين
كلكلاوي
د. هيفاء
وبعض من الأخوة الكرام من منتدي حُب النيل
ولأننا لدينا حالة مستعجلة شديد
نفيدكم بالآتي:
محتاجين لمبلغ 5000 جنيه سوداني (بالجديد) يعني 5 مليون جنيه سوداني يعني أقل من 2000 دولار بالسعر الجاري اليوم
ومحتاجين ليها من اليوم وقبال ما شهر أكتوبر ده يخلص
محتاجين هِمّتكم يا شباب
لأنو الحالة دي حالة مستعجلة
المتوفر منها الآن 1250 جنيه فقط.
ورقم الحساب موجود في البوست ده
شكراً لإهتمامكم
ناس تاكل وتشيل وتنكر:D:D:D
ناصر يوسف
04-10-2010, 01:12 PM
اقتباس:
المشاركة الأصلية كتبت بواسطة زول خرافي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285304#post285304)
اقتباس:
المشاركة الأصلية كتبت بواسطة ناصر يوسف http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=284698#post284698)
الأحباب هنا
تحيةً واحتراماً
نحن الآآآآآآآآآآآآن جلوساً في حضرة النفاج
د. أحمد محمد زين
نبراس
منال
الأغبش
حافظ حسين
كلكلاوي
د. هيفاء
و زول خرااااااااااااااااااااافي كمان
ناس تاكل وتشيل وتنكر:D:D:D
طيب أنا ما قلت أها وتاني منو تاني منو ياا ربي :p :p
لكن يا ابراهيم ما لقيتك صياد في النجوم بس
وبعدين شنو يا زول يا خُرافي إنت تقول ناس تيشل وتاكل وتنكر ؟؟ :D :D
بي كدي الناس حتفهم بإني شلت قريشاتهم وأكلتها
هههههههههههههه
علي الرغم من إني ما عندي أي علاقة بمسك دفاتر المال ناهيك عن المال ذات نفسه
:p :p :p :p
أسامة الكاشف
05-10-2010, 12:09 PM
العبرة ما بي الكم
العبرة بي مبدأ المشاركة حتى ولو بالجهد
باب النفاج سيظل مفتوحاً دائماً
ده "نفير" بي اسم سودانيات وداير تكاتف
كل زول حسب قدرتو وبس
يا ريت نسمع من الما سمعنا منهم
ونشهد مساهمات الما سهمو بعد (مالية/عينية/فكرية ..غلخ)
تسلموا
عكــود
06-10-2010, 07:42 AM
العبرة ما بي الكم
العبرة بي مبدأ المشاركة حتى ولو بالجهد
باب النفاج سيظل مفتوحاً دائماً
ده "نفير" بي اسم سودانيات وداير تكاتف
كل زول حسب قدرتو وبس
يا ريت نسمع من الما سمعنا منهم
ونشهد مساهمات الما سهمو بعد (مالية/عينية/فكرية ..غلخ)
و . .
جدولاً جاري ولا نهراً متقطّع يا أسامة.
يا ريت لو كل المساهمين يجعلوا مساهماتهم متواصلة (شهريّة أو حسب ما يرون)، فمصارف النفّاج مفتوحة دائماً.
نبروسا وين رقم الشريحة التي تم الاتفاق عليها لسهولة تحويل المساهمات لبوردات السودان
نبراس السيد الدمرداش
09-10-2010, 05:29 PM
ازيكم
معليش اتاخرت عليكم يا خرافي بس اهو الرقم
0916277844
أسامة الكاشف
13-10-2010, 09:51 AM
لماذا هذا الإحجام يا سودانيات
البوست معلق في السقف
عدد الداخلين للبوست محدود
والمشاركات نادرة
نتمنى أن يكون عملاً
بمبدأ لا تعلم يسراه بما قدمت يمتاه
ومعاً لتوسيع كوة النفاج
تسلموا
نبراس السيد الدمرداش
13-10-2010, 10:36 AM
صباحاتكم
اها يا شباب الحمد لله جمعنا مبلغ ما هين
وباقي البسيط يلا يدكم معانا
و بالمناسبه الحاله طارئه جدا و تهمكم جميعا
المبلغ المجمع حتى الان 3100 ج
أسامة الكاشف
13-10-2010, 11:54 AM
العتبى عليكم يا أهل سودانيات
عدد قراء البوست محدود
والمداخلات أقل
ربما والظن حسن
عملاً بمبدأ لا تعلميسراه بما قدمت يمناه
معاً لتوسيع كوة النفاج
تسلموا
ناصر يوسف
17-10-2010, 02:15 PM
اقتباس:
المشاركة الأصلية كتبت بواسطة أسامة الكاشف http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288992#post288992)
العتبى عليكم يا أهل سودانيات
عدد قراء البوست محدود
والمداخلات أقل
ربما والظن حسن
عملاً بمبدأ لا تعلميسراه بما قدمت يمناه
معاً لتوسيع كوة النفاج
تسلموا
نعم يا أسامه
هناك من لا يودون ورود إسماءهم ولهم مساهمات قد وصلت
ونحن برغم أزمتنا المالية الحاصلة علينا ( وهي أظرط من الأزمة المالية العاليمية تلك)
برغم ذلك سنكون حضوراً مع أختنا نبراس في فعل الخير
وربنا يسهلها علي الجميع
تسلم أسامه أخوي
سلامات كل المبادرون
و بالرغم .........
نواصل
نسد فرقه و نشوف زول
دى بالدنيا و ما فيها
و ما زال النداء حيا فينا
تبنى المشاركة فى علاج طفل مصاب بالسرطان
والــــنــفـــاج لــلــخــيــــر
و نمضى
أسامة الكاشف
18-10-2010, 09:52 AM
نفاج الخير مستمر
كل ما يقدم سيرسم بسمة
ويضمد جرح
تسلموا
أسامة الكاشف
20-10-2010, 08:51 AM
العزيز ناصر
مقدرين أن البعض ساهم دون أن يبدي رأي
لكن تداول الأفكار يولد المشروعات
المشاركة في هذا البوست حتى بمجرد الرأي
والمقترح ستكون إضافة فاعلة لمشروع النفاج
منتظرينكم
تسلموا
أسامة الكاشف
26-10-2010, 12:51 PM
العزيز الجيلي
منتظرين نتيجة مشروعكم
الباقيين لا أسكت الله لكم حساً
دقوا باب النفاج بالكلمة الطيبة والمقترح بس يكفي
suhyta
03-11-2010, 06:38 PM
تحياتي اخي اسامة واخوتي المتداخلين..
لمزيد من استقطاب الدعم وطرح الفكرة علي الخيرين
بامكاني ان اجهز لحلقة اذاعية مدتها ساعتان..free
أسامة الكاشف
06-11-2010, 09:32 AM
تحياتي suhyta
مشكور للتضامن وقطع شك عايزين الحلقة الإذاعية
وستتولى العزيزة نبراس التواصل معكم
للتنسيق
تسلم
عكــود
07-11-2010, 05:47 AM
و
فوق
فكرة suhyta تستحق المفاكرة والتنظيم.
كل الشكر.
نبراس السيد الدمرداش
07-11-2010, 08:20 AM
سلام يا احباب النفاج
فكرة اللقاء الاذاعي مجديه جدا
بس خلونا نرتب ليها كويس
الايام دي كلنا مشغولين بالمنتدى الثقافي
كلها يومين و نروق و ان شاء الله تسمعوا كل خير
أسامة الكاشف
08-11-2010, 06:30 AM
اليوم الثقافي سيكون ضربة البداية
لعمل إجتماعي فاعل
مستدام إن شاء الله
بفضل مجهودات الشباب
متابعة عن قرب حتى اكتمال الفرح
ومن ثم تفعيل النفاج مرة بعد اليوم الثقافي
الذي أعتقد أنه سيؤسس
لمنظومة العمل الاجتماعي لسودانيات
حاشية:
بالمناسبة وين منال يا نبراس
تسلموا
نورالدين عثمان
08-11-2010, 10:06 AM
خلوا نور الفرحة يطفر من عوينات الحزانى
صخرة الأحزان تقيلة .. ونحنا ما بنملك سوانا
قولوا هيلا هوب معانا .. من على الشارع نشيلا
حميد
بما انها دي اول مشاركه اتمني ان تكون فاتحة خير واقدر
اقدم من الدعم ما يخفف معاناة الاخرين .صاحب البوست
والمتداخلين انا رهن الاشاره ومن اللحظه انا واحد من
جنودكم ومعالاسعاد فلذات اكبادنا
ناصر يوسف
08-11-2010, 10:21 AM
اقتباس:
المشاركة الأصلية كتبت بواسطة نورالدين عثمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=297934#post297934)
خلوا نور الفرحة يطفر من عوينات الحزانى
صخرة الأحزان تقيلة .. ونحنا ما بنملك سوانا
قولوا هيلا هوب معانا .. من على الشارع نشيلا
حميد
بما انها دي اول مشاركه اتمني ان تكون فاتحة خير واقدر
اقدم من الدعم ما يخفف معاناة الاخرين .صاحب البوست
والمتداخلين انا رهن الاشاره ومن اللحظه انا واحد من
جنودكم ومعالاسعاد فلذات اكبادنا
يا خي إنت زول جميل والله
أول مشاركة وتكون هنا في بوست بيحمل في طياته معاني التراحم والتوادد
يا زول حبابك تب بين أهلك هنا عبر سودانيات المحبة والتواصل والألق والحُب السامي
وحباب إيدك مع الجماعة
وليتك تكون معنا هنا في داخل الوطن الجريح
لو متواجد هنا
حبابك باكر تجي علينا في نادي الشاطئ بحديقة ميدان البحيرة ــ الملازمين في أمدرمان لحضور أولي فعاليات منتدي سودانيات الثقافي
ونفس الناس ياهم هم ذاتهم ناس نفاج الخير ده
وهم نفسهم أهل سودانيات الخير والبركه
ولو كنت خارج العاصمة ولا خارج السودان
تابعنا منذ السابعة مساءاً بتوقيت السودان عبر بوست مباااااااااشر
نورالدين عثمان
08-11-2010, 06:39 PM
اقتباس:
المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif (http://sudanyat.org/vb/showthread.php?p=297940#post297940)
ناصرياخي اخجلت تواضعي وماا نا وانت سوي قطرتين من جمال هادي البلاد ياصديقي
وانشاءالله معاكم بي احساسنا
نبراس السيد الدمرداش
23-11-2010, 11:41 PM
تحياتي اخي اسامة واخوتي المتداخلين..
لمزيد من استقطاب الدعم وطرح الفكرة علي الخيرين
بامكاني ان اجهز لحلقة اذاعية مدتها ساعتان..free
تسلمي سوهيتا وكل احباب النفاج كل عام و انتي /م بالف خير
بخصوص الحلقه ان شاء الله بينا تلفون بعد يوم السبت
يا احباب مر شهر و التاني قرب ينتهي وين مساهمة النفاج :confused:
ناصر يوسف
24-11-2010, 08:41 AM
اقتباس:
المشاركة الأصلية كتبت بواسطة نبراس السيد الدمرداش http://sudanyat.org/vb/images/buttons/viewpost.gif (http://sudanyat.org/vb/showthread.php?p=302213#post302213)
تسلمي سوهيتا وكل احباب النفاج كل عام و انتي /م بالف خير
بخصوص الحلقه ان شاء الله بينا تلفون بعد يوم السبت
يا احباب مر شهر و التاني قرب ينتهي وين مساهمة النفاج :confused:
وأنا طبعاً معروف عني بإني دايماً بشيل وش القباحه وتووووووووشك بخُش في الموضوع بلا إنّ أو أخواتها
أنا مُفَلللللللللللللللللللللللللس
لكن ممكن أرسل ليك المساهمة ( رَصيد) بعد ستة أيام عبر رقم الجوال الخاص بالنفاج ...
الأخت سُهيده
من خلال طرحك يبدو إنك إذاعية ....
ليتنا نلتقي لنتفاكر حول ماهية البرنامج الإذاعي حول النفاج ...
أي إذاعة وأيُ برنامج
وليتك تتصلي بي الآن ..
0912372759
ناصر يوسف
إذاعي ( بالمعاش)
نبراس السيد الدمرداش
24-11-2010, 08:49 AM
اقتباس:
وأنا طبعاً معروف عني بإني دايماً بشيل وش القباحه وتووووووووشك بخُش في الموضوع بلا إنّ أو أخواتها
أنا مُفَلللللللللللللللللللللللللس
لكن ممكن أرسل ليك المساهمة ( رَصيد) بعد ستة أيام عبر رقم الجوال الخاص بالنفاج ...
الأخت سُهيده
من خلال طرحك يبدو إنك إذاعية ....
ليتنا نلتقي لنتفاكر حول ماهية البرنامج الإذاعي حول النفاج ...
أي إذاعة وأيُ برنامج
وليتك تتصلي بي الآن ..
0912372759
ناصر يوسف
إذاعي ( بالمعاش)
طيب يا سيد مفلس
كل سنه و انت طيب اول شي
ربنا يحفظ ويخلي ليك العيال
معليش انا مفترض اوضح انو مبلغ الفاج الاتجمع الفتره الفاتت تم تسليمو للشخص المعني يوم الوقفه و الحمد لله و هو يشكر كل من ساهم في ذلك و يتمنى للجميع موفور الصحه و العافيه
اما البرنامج الاذاعي فهو ابواب الخير عبر الاذاعه الاقتصاديه
و كان من المواضيع الح نناقشا يوم السبت في الرحله لانو المره دي الرحله رحلة عمل نوعا ما ح نناقش فيها حاجات كتارات
نبراس السيد الدمرداش
09-12-2010, 06:12 AM
صباح الخير
شهرين و الناس مطنشه النفاج ما مشكله الناس ظروف
طيب رايكم شنو طالما الدعم المادي متعطل نغير الفكره الشهر دا
الشتاء خلاص دق الابواب بل دخل عديل
و اكيد اكيد بيكون عندنا فائض ملابس ماليه علينا الدواليب
رايكم شنو نجمع ما فاض عن حاجتنا و الحالتا جيده او شبه جيده
و اصحاب النصيب كتار من كل الاعمار
نسمع رايكم و ننتظر مساهماتكم سواء المال كالمعتاد او الملابس
vBulletin® v3.8.8 Beta 2, Copyright ©2000-2026