مشاهدة النسخة كاملة : لحظة بس يا الرشيد
مرات العنف ده نحن بنساعد في تأجيج أواره وتضخيمهوإبقاءه حيَاً علي الدوام..التجاوز والتغاضي احيانا بتخلي العنف اللفظي ده يندثر تدريجيا..التجاوز البعنيهو انا هنا مابيعني غض الطرف وإنما بيعني التجاهل عن ثقة وادراك .
لتقريب المعني:
لو في زول أعور لا سمح الله..بيحلم احلام كبيرة زيو زي كل البشر..وناجح جدا في حياته العملية.. لما يكون ما واعي بتفاصيل انو هو انسان زي الاخرين..ممكن بسهولة جدا اقصاءه وتدميره عن طريق تذكيره بعاهته الملازمة له.. مثلا (امشي ياطافي لمبة).. ولكن اذا وعي بالمسألة تاني بيبقي من الصعب جدا محاولة اقصاءه وتحجيمه من خلال العاهة دي.
الزول الماواعي الحكاية بتشكل ليهو هاجس ابدي حينغلق علي نفسو ويفقد الرغبة في الحاجات بمجرد مايذكره الاخرون علي سبيل التحجيم والحد من اخذ فرصته في الحياة ومسرح الحضور..
الزول الواعي بيتجاوز الموضوع زي الترتيب وبيواصل تشكيل الحضور بثقة وثبات وبصيرة نافذة..ذلك لأنو التجاوز هنا فكرة مكتسبة عن طريق (العارف عزو مستريح)..والعز الذي اعنيه هنا هو تمتعه بصفات الإنسانية المطلقة.
رضوخ المرأة واستجابتها لمحاولة التحجيم والاقصاء والتكميم هو سبب قوي ومغري للتمادي في التحجيم.., كل الاساليب الموجهة ناحية تحجيم الانثي.
دايما انا بركز علي حكاية ان العنف ضد المرأة لا يتلاشي الا بوعيها بإنسانيتها في المقام الاول..والوعي ده عملا وليس حقلا نظريا يتجمل بواسطة الحروف المتلألأة والبراقة ومحاولة الاثبات علي صفحات الكتابة..الوعي خطوة موضوعية جادة في واقع الحياة وليس عبارات مندسة وسط الكلام...
فيما يخص نظرتي للمرأة ناقصة العقل والدين :
المرأة يلزمها كتير جدامن الخطوات الجادة عشان ماتمرق من حتة انها مابتكسر راس دي حتي كان بقت فاس..
طيب دكتورة فلانة الفي مستشفي الخرطوم دي لو ماواعية بأنها انسانة كاملة الاهلية ممكن عادي الراعي داك ذاتو يجي يقصيها ويقول ليها (اسكتي.. انتي في النهاية مامرا بس)..وتقوم تنكفي علي نفسها وتسكت..ليه لأنها ما فارزة الحاجات صاح..ولأنو ما قدرت تكون الوعي الانساني المطلوب للمجابهة والتحدي..
ياسارة انا الوالدة امي باعت كل الدهب العندها شان نقرا ونتخرج ونرفع راسنا نحن قبل مانرفع راسها هي..الوالد دايما كان بعيد ومتنقل لأنو معلم اساس بيتنقل من حين لآخر..لما مايكون في حاجة عشان نتصرف ولا ناكل ونشرب كانت بتنحت عقلها وبتتوفق في توفير ما يقيم الصلب..اخوي الاكبر فكر انو يخلي القراية عشان يشتغل ويساعد..قامت رفضت بشكل مجنون كدة لأنها بتشوف انو دي مسؤولية الآباء وليس الابناء..لغاية ماقرينا واتخرجنا ..المهندس والطبيب والصحفي والطبيبة و..(رجَعنا ليها الدهب)..
إمرأة ذي دي انا هل بقارنا سااااي براجل متزوج وشرد من اولادو عشان ماقادر يتحمل مسؤولية تربيتهم وبقي في السهر والسكر والعربدة..
ياخي العقل ده كيف..؟؟
والدين ده شنو..؟؟
لا العقل بيعني شهادات اكاديمية ولا الدين بيعني الصلاة والصوم والزكاة..الموضوع اكبر من كدة بكتير..موضوع انسان خلاق بيفيد الانسانية في مسيرتها..أو يعيق الإنسانية بشكل من الأشكال.
وفي ذات الوقت لا يمكنني مقارنة إمرأة (خمبة) تفلح فقط في القيل والقال وفلان فعل وعلان ترك.. علي اهداب تنتنة قهوة الضُهرية وبتفتكر انو رئيس السودان سوار الدهب..ماممكن دي تكون افيد للإنسانية من رجل مكافح يعمل ببيع الفحم في اطراف سوق ليبيا من اجل ان يأكل حلالاً طيباً مباركاً فيه..شفتي كيف..؟؟
المقاييس انسانية بحتة وفقا للإفادة وعدم الإعاقة.
ثم..
المحاضرة العنف ضد المراة حتطلع بأساليب مكرورة للشجب وتكوين كيانات مناهضة واوراق براقة وووو...
لكنها ما حتمرق من حتة النظري الذي لا يسمن المرأة ولا يغنيها من جوع..
يعني شنو اتلميتن كلكن واتكلمتن بإسهاب عن الموضوع وتداعياتو وطرق مناهضته..؟؟شنو يعني..كم مؤتمر وكم ورقة وكم وكم اقيمت قبل كدة..
الخطوات العملية ابلغ واسرع من الشعارات..المرأة ما محتاجة للورق ده كلو..لا بهمها في شي ولا يحزنون..المرأة بهمها في الاساس النظرة لها كأنسانة..والمؤتمرات الزي دي ما بتحقق ليها اي هدف حسبما أري..السبيل الوحيد خلخلة لمفاهيم كتيرة جدا ضاربة في جذورها..كل انثي يجب ان تكون واعية بإنسانيتها وليس أنوثتها وتضاريس جسدها ومكياجها..
كل انثي يجب ان تخطو خطوة فعلية تجاه اختبار الوعي واستيعاب امكانية تحقق ذات الوعي..الحيتقال في المحاضرة ماحيمرق من حتة انو نحن ندين ولابد من خطوات ولا للانكسار ولا للعنف ضد المرأة ولا ولا في حلقة مستمرة من دالة اللاءات..
انا اتمني انو الندوة تطلع بحاجة مفيدة..تتأسس علي افعال ايجابية بدلاً عن لعن الظلام بواسطة الشعارات واللجان الورقية.
أخيراً:
أنا لست من انصار المرأة..
أنا من أنصار أيَ كائن خلاَق.. مبدع.. واعي بوجوده وقيمته.. يضيف للإنسانية ولا يعيق تقدمها..لا فرق عندي بين رجل وإمرأة بل الفرق يكمن في ماهية الكائن وقيمته في إطار حيزه الوجودي..ذلك لا يعني بأية حال أنني ضد الأصناف غير الواعية بوجودها وقيمتها..قد لا أحبذها نعم ولكنني لا أفقد الرغبة والتمني في إكتسابها لبذرة الوعي والخلق والإبداع.
سلامات و حالك احواليك
دى نقه واعيه ...لكن كمان فيها حتات ما ممكن تمر ساكت كده و اعاين ليها تمام كده ... خلينى اجرك لنقتك و بخيط ما مصطلح و لا مفاهيمى و ان كان تغيير المفاهيم المتوالدة فى مجتمعاتنا من المفترض نكون مشتركين فيهو رجل و امراة (لو سمحت جر خيط مرا و راجل ) و امرقنى من الانثى و ان هى الاصل
طيب ما بكب مقدمات لانو بتوقع افقد الكونكشن ( و اقوم اخليك انت تأـطر للمفاهيم الداير تجر نقاشك فيها الى حين تمكنى من نت مستقر)
المحاضرة العنف ضد المراة حتطلع بأساليب مكرورة للشجب وتكوين كيانات مناهضة واوراق براقة وووو...
لكنها ما حتمرق من حتة النظري الذي لا يسمن المرأة ولا يغنيها من جوع..
يعني شنو اتلميتن كلكن واتكلمتن بإسهاب عن الموضوع وتداعياتو وطرق مناهضته..؟؟شنو يعني..كم مؤتمر وكم ورقة وكم وكم اقيمت قبل كدة..
الخطوات العملية ابلغ واسرع من الشعارات..المرأة ما محتاجة للورق ده كلو..لا بهمها
اخدت الاخبر ده يا الرشيد نحن اناس لا نبخس الاخرين مجهوداتهم
طيب من غير اوراق علميه و قاعد قاعات و الخروج بتوصيات :D
ندخل طوالى فى ولاية الخرتوم ... نتاج ورش و شغل مناصرة و تصدى تكونت او انشئت وحدة المراة و الطفل بدا بوزارة العدل .. الرعايه الاجتماعيه ...الصحه ... التعليم منوط بيها كاليات للحد من العنف ضد المراة بكل اشكاله ( ماعدا الاسفيرى:p) و مشبنا اكتر من كده و كان ان تمت ورش عمل و منابر مع قوات الشراطة انتجت ان لا تتحرك اى قوة للتفتيش الا بوجود ضابط برتبه يكون المسئول و تخصيص خط ساخن للبلاعات العنف ضد الطفل و المراة و تجريب مشترك ما بين التنظيمات النسويه و قوات الشرطه فى التعامل مع المراة واثمرت فى حتت الكشات لبائعات الشاى و الماكولات و كل خالتنا و امهاتنا الفرشات فى الاسواق و الشوارع
و بل تجرى الجهود على قدم و ساق لقيام مركز علاجى لحالات التروما من اثار العنف للنساء و الفتيات و الاطفال و ان كان هناك مجهودات بدت فى العلاج لحالات... ده ثطره فى محيط العنف المحاك ضد المراة
طيب يا الرشيد هسه فى كتم و بكتب ليك و انت سيد العارفين بالحال ... ملف العنف ضد نساء دارفور المربوط بالحرب و الله ما اقدر اكتب فيهو حرف ... بس كمان فى حته نتاج انعدام الوعى و عرفت بختان الاناث ( و تتحول للعنف ظاهر و ما تعانيه المراة الدارفوريه من الختان) من 2009 بنعمل فى رصد فقط لحالات مرض الناسوروسط نساء المدن ناهيك عن الارياف النسبه مخيفه و مفجعة و نساء تمت معاقبتهن و تعنيفهن بفعل المجتمع و الرجل تحديدا الزوج و كلما ندخل فى ريفى الفاشر الحالات خطيرة و تؤدى الى الوفاة و الشغل ماشى و نتاجه و اثاره واضحه و توضح كل ثانيه
ده نتاج علمى و عملى لمجهود نساء قابضت الجمرة و يدركن العنف و مخابيه و كل اشكاله
و من الاخر يا رشيدنا انت و اخوانك الرجال و كل نساء السودان نعمل سويا من اجل انفاذ اتفاقيه مناهضة كافة اسكال التمييز ضد المراة (سيداو) و الحراك الان للضغط على الحكومة للتوقيع عليها و الان نعمل وفق البرتكول الافريقى للمراة و ده بامن لينا جانب من الحقوق لكن نهدف لانفاذ الاتفاقيه و تعديل القوانين لننال جميعا حق العيش الكريم و انا فى منطقة يبحث اهلها عن الحق فى الحياة فقط .... اهات من الوجع
اصلا قاعدة احتار يازول و عشان هسع فى كتم و شبكتنا كيف كيف كب نقتك و خلينا نشوف مجودنا المشترك شنو نضع ايدينا فى موضع الالم و نكون اكثر تداخلا معها و فلفلتها الى ان تنضج
مودتى يا صديق
نوت
فشلت فى التعامل مع التحديث ده و الاخطاء ما بتعدل الاديت بجينى البوكس للنص ذاتو فاضى اعدل شنو :D:D:D
عموما بالاخطاء دى يا الرشيد حقو نقرأ حراكنا برضو ... وفى ظل كميه من ... قادرين نعمل شنو ... و بهدف شنو ... و ماشين لوين ... و بنعمل مع منو؟
تانى كمان النقه فى موضوع العنف و عشان نكون معقولين العنف المجتمعى مصاب بيهو النوعين و لو حللنا الحالات بى الكونتكس لواقعنا بنلقى انو شغلنا تجاه النوع يحتم علينا ان نعمل سويا و نشوف ال سينرجى و اصل انت يازول
بس كمان انبهك انو منذ الثمنينات بدأ ما يسمى برفع الوعى (وسط المجتمع) يؤثر فى نشر و بث مفاهيم من الخطورة ان تكون مغلوطه او لا تستوعب contxt
لو ربك هون بجيك صاده
الرشيد اسماعيل محمود
09-10-2010, 01:26 PM
منال ياخي هجمتيني..;)
ازيك وسلامات وخبرك مقطوع جدا..
ياخي عجبتني فكرة ونسة بوعي دي..
انا ذاتي كايس ليك عشان ندور جنس الونسة دي..
خليني اقراك برواقة واجي اقول كلامي واسمع قولك شنو.
شبكتي كانت طاشة بس لميت لي في شبكة لا بأس بها.
بجيك يازولة...
بس ياريت تطلعي ليك اقرب جبل من جبال دارفور ديك
عشان الشبكة تجمع معاك..:D
طارق الحسن محمد
09-10-2010, 01:45 PM
اقتباس:
المشاركة الأصلية كتبت بواسطة منال http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287240#post287240)
سلامات و حالك احواليك
دى نقه واعيه ...لكن كمان فيها حتات ما ممكن تمر ساكت كده و اعاين ليها تمام كده ... خلينى اجرك لنقتك و بخيط ما مصطلح و لا مفاهيمى و ان كان تغيير المفاهيم المتوالدة فى مجتمعاتنا من المفترض نكون مشتركين فيهو رجل و امراة (لو سمحت جر خيط مرا و راجل ) و امرقنى من الانثى و ان هى الاصل
طيب ما بكب مقدمات لانو بتوقع افقد الكونكشن ( و اقوم اخليك انت تأـطر للمفاهيم الداير تجر نقاشك فيها الى حين تمكنى من نت مستقر)
اخدت الاخبر ده يا الرشيد نحن اناس لا نبخس الاخرين مجهوداتهم
طيب من غير اوراق علميه و قاعد قاعات و الخروج بتوصيات :D
ندخل طوالى فى ولاية الخرتوم ... نتاج ورش و شغل مناصرة و تصدى تكونت او انشئت وحدة المراة و الطفل بدا بوزارة العدل .. الرعايه الاجتماعيه ...الصحه ... التعليم منوط بيها كاليات للحد من العنف ضد المراة بكل اشكاله ( ماعدا الاسفيرى:p) و مشبنا اكتر من كده و كان ان تمت ورش عمل و منابر مع قوات الشراطة انتجت ان لا تتحرك اى قوة للتفتيش الا بوجود ضابط برتبه يكون المسئول و تخصيص خط ساخن للبلاعات العنف ضد الطفل و المراة و تجريب مشترك ما بين التنظيمات النسويه و قوات الشرطه فى التعامل مع المراة واثمرت فى حتت الكشات لبائعات الشاى و الماكولات و كل خالتنا و امهاتنا الفرشات فى الاسواق و الشوارع
و بل تجرى الجهود على قدم و ساق لقيام مركز علاجى لحالات التروما من اثار العنف للنساء و الفتيات و الاطفال و ان كان هناك مجهودات بدت فى العلاج لحالات... ده ثطره فى محيط العنف المحاك ضد المراة
طيب يا الرشيد هسه فى كتم و بكتب ليك و انت سيد العارفين بالحال ... ملف العنف ضد نساء دارفور المربوط بالحرب و الله ما اقدر اكتب فيهو حرف ... بس كمان فى حته نتاج انعدام الوعى و عرفت بختان الاناث ( و تتحول للعنف ظاهر و ما تعانيه المراة الدارفوريه من الختان) من 2009 بنعمل فى رصد فقط لحالات مرض الناسوروسط نساء المدن ناهيك عن الارياف النسبه مخيفه و مفجعة و نساء تمت معاقبتهن و تعنيفهن بفعل المجتمع و الرجل تحديدا الزوج و كلما ندخل فى ريفى الفاشر الحالات خطيرة و تؤدى الى الوفاة و الشغل ماشى و نتاجه و اثاره واضحه و توضح كل ثانيه
ده نتاج علمى و عملى لمجهود نساء قابضت الجمرة و يدركن العنف و مخابيه و كل اشكاله
و من الاخر يا رشيدنا انت و اخوانك الرجال و كل نساء السودان نعمل سويا من اجل انفاذ اتفاقيه مناهضة كافة اسكال التمييز ضد المراة (سيداو) و الحراك الان للضغط على الحكومة للتوقيع عليها و الان نعمل وفق البرتكول الافريقى للمراة و ده بامن لينا جانب من الحقوق لكن نهدف لانفاذ الاتفاقيه و تعديل القوانين لننال جميعا حق العيش الكريم و انا فى منطقة يبحث اهلها عن الحق فى الحياة فقط .... اهات من الوجع
اصلا قاعدة احتار يازول و عشان هسع فى كتم و شبكتنا كيف كيف كب نقتك و خلينا نشوف مجودنا المشترك شنو نضع ايدينا فى موضع الالم و نكون اكثر تداخلا معها و فلفلتها الى ان تنضج
مودتى يا صديق
منال ازيك ومشتاقين
كبرت الخط عشان نقراءك من كل الجهات
مودتى يا اخية
طارق الحسن محمد
09-10-2010, 01:46 PM
اقتباس:
المشاركة الأصلية كتبت بواسطة منال http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287242#post287242)
نوت
فشلت فى التعامل مع التحديث ده و الاخطاء ما بتعدل الاديت بجينى البوكس للنص ذاتو فاضى اعدل شنو :D:D:D
عموما بالاخطاء دى يا الرشيد حقو نقرأ حراكنا برضو ... وفى ظل كميه من ... قادرين نعمل شنو ... و بهدف شنو ... و ماشين لوين ... و بنعمل مع منو؟
تانى كمان النقه فى موضوع العنف و عشان نكون معقولين العنف المجتمعى مصاب بيهو النوعين و لو حللنا الحالات بى الكونتكس لواقعنا بنلقى انو شغلنا تجاه النوع يحتم علينا ان نعمل سويا و نشوف ال سينرجى و اصل انت يازول
بس كمان انبهك انو منذ الثمنينات بدأ ما يسمى برفع الوعى (وسط المجتمع) يؤثر فى نشر و بث مفاهيم من الخطورة ان تكون مغلوطه او لا تستوعب contxt
لو ربك هون بجيك صاده
شرحو
الأغبش
09-10-2010, 02:06 PM
ده بوست لازملو خيمه وابريق وسعن مويه سااااااااااقطه ..
متفنين وراجينكم ..
وهاد ابراهيم محمد
09-10-2010, 04:53 PM
دي طوبتي...:)
طارق الحسن محمد
09-10-2010, 04:58 PM
شياتى طوبتك وختيها وراى يا وهاد
انا قبلك والله
:D
وهاد ابراهيم محمد
09-10-2010, 05:03 PM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287583#post287583)
شياتى طوبتك وختيها وراى يا وهاد
انا قبلك والله
:D
انت وكتك الجيت عملت لينا فيها اخصائي عيون تشيل وتكبر في الخط
ما كنت تخت طوبتك...:p
اها هسي لا وراك لا وراي
تعال إندمس في البنبر الجمبي ده
سمراء
09-10-2010, 05:10 PM
منال انا غايتو الطوب ده مابقدر اقعد فوقو
جيت بى بمبرى :D
_____________
بس عشان نكون واضحين ....لحد الان انا بتفق مع الرشيد يابت !!
الفعل العلمى بثقة ، افضل من جعجعة المؤتمرات وخلافه .
طارق الحسن محمد
09-10-2010, 05:13 PM
اقتباس:
المشاركة الأصلية كتبت بواسطة وهاد ابراهيم محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287584#post287584)
انت وكتك الجيت عملت لينا فيها اخصائي عيون تشيل وتكبر في الخط
ما كنت تخت طوبتك...:p
اها هسي لا وراك لا وراي
تعال إندمس في البنبر الجمبي ده
لا لا
انتى سمينة
بخمس مع سمراء فى بنبرها
:D :D
سمراء
09-10-2010, 05:24 PM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287589#post287589)
لا لا
انتى سمينة
بخمس مع سمراء فى بنبرها
:D :D
والنية لو صفت
البمبر بشيل 100 looool
الرشيد اسماعيل محمود
09-10-2010, 09:26 PM
منال مساء الخير..
طبعا يامنال انا كلامي الجبتيهو في الاقتباس كنت قاصد بيهو العنف اللفظي
(حسب مافهمت من كلام سارة)..
بس مامشكلة نتكلم عن الخطوط العريضة الخططيها فوق..
انا لم احاول ان ابخس المؤتمرين مؤتمراتهم ولا اللجان اوراقها ونقاشاتهم بس ببخسهم ما يخرجون به من نتائج..
انا شايف انها ما الحل السليم بالرغم من فعاليتها التخديرية.
زمان كان عندي صاحبي زول متقدم في افكارو ومشاهداتو..
جينا ماشين جمب جامع الخرطوم الكبير اتشعلقن فينا بنيات صغااار كدة لزوم نديهم قروش..كانن بشحدن..قلت ليهو اديهم الريالات الفكة الفي جيبك دي..
قال لي مابديهم..واديهم ليه ..؟؟
قلت ليهو اتصدق ياخي..
قال لي قول اديتهم الريالات دي..خلاص تاني ماحيشحدن..ومشاكلهم كلها بتكون انتهت يعني..ياخي ده تخدير موضعي ونحن بنشجع في الحكاية..
يعني لو اي زول بيديهم اكيد ما حيفكرو يشتغلو حاجة..
طيب الحل شنو..؟؟
الحل يامنال اعادة صياغة للحاجات من الاساس..(الفكرة ماصعبة)
خلينا نتونس في الوعي ورؤيتي ليهو..
الوعي يامنال وعي فردي وفي نفس الوقت جمعي..
يعني كل فرد يعي بنفسو وبالوجود.. والجميع يعي بالفرد وبالمجموع..بمعني انو انا مفروض اكون واعي بذاتي كإنسان وواعي بالجميع كذوات انسانية..
والاخرين بيكونو واعين بذواتهم الفردية وبي انا كآخر واجب الاحترام والتقدير علي الاقل ككائن حي يأكل ويشرب ويحلم مثلهم تماماً..
ماممكن انا اعتدي علي آخر مختلف عني لونا او جنسا او فكرا..
والاخر ده ذاتو يلتزم (حال انو واعي بي كآخر)..يلتزم ذات السلوك..
طيب الوعي ده هل يتجزأ..بمعني هل هو فرض كفاية..؟؟
يسقط عن الاخرين اذا قام به بعض هؤلاء الاخرين..؟؟
لأ..
الوعي ده فرض عين..واجب علي كل انسان في سبيل نشدنا للحياة القويمة..
طيب حنصنعو كيف..؟؟
الوعي ماصنيعة يامنال..الوعي بذرة موجودة بداخل كل فرد..
تحتاج البذرة فقط للسقاية حتي تصبح شجرة يستظل بها الفرد ويلعب تحتها اطفال الانسانية (شد الحبل)..
عشان نسقيها لازم يكون عندنا مصدر للموية الصالحة للري..والموية دي هي ايماننا العميق بضرورة اخضرار الفكرة..
طيب ما كل الناس دي مؤمنة بالفكرة..فكرة الوعي..
بقول ليك لأ..
الايمان بالفكرة بيكتمل لما الناس تحس بأنو الحياة دي ابدية..حياة ابدية مقسومة علي اتنين..حنعيش فيها جزء بوجود مادي جسدي والجزء التاني بوجود ذكرياتي إسمي يخلده الزمان..
بمعني:
في بيت الايجار مافي زول بجتهد عشان يزرع شجرة ويتعب ويعمر ويبني ويطلي الجدران و..وو
لإحساسو بأنو هو اصلا مارق من البيت..وضل الشجر ده ما حيهنأ بيهو ولا حيجر عنقريبو الهبابي ويرقد تحتو ..الحيلقي الضل سيد البيت الاصلي..
ليه يعني انا تاعب روحي في حاجة ماحقتي..
وده البقصدو ليك يامنال..
كل زول بيعمل الحاجة لما يظن انو حييستمتع بنتايجها هو وليس الاخرين..لما يقتنع انو الحاجة حقتو ملك..عشان كدة اولي الخطوات انو نحس انو الدنيا دي حقتنا نحن ديل..
يلا ده التمهيد وبجيك بالخطوات واحدة واحدة.
الرشيد اسماعيل محمود
09-10-2010, 09:31 PM
البيوت فاتحة علي شارع كبير..الشارع وسخان وساخة شديدة..
ليه وسخان..؟؟لأنو كل زول بيرمي وساخة بيتو في الشارع..
طيب ليه..؟؟ عشان الشارع ده ما حقو..
طيب الشارع ده حق منو..حق الحيكومة..!!
لما كل زول يحس انو الشارع ده حقو هو..مافي زول حيرمي فيهو الوساخة..
طيب ده الايمان بالفكرة القلت ليك عليهو..
ولو انا براي واعي بذاتي وبالوجود الحولي..منظر الوساخة ده ماحيعجبني..اقوم انضف قدام باب بيتي ..لكن هل كدة يامنال الشارع بقي نضيف..؟؟ لأ طبعا..
إذاً يامنال الوعي ليس فرض كفاية..وعشان مايكتسب فعاليتو لابد من ان يعي الجميع بذواتهم وبالوجود كمعطي متكامل..
الخطوة الاولي بتعتمد علي إقتناعنا بملكيتنا للحياة بصورة حقيقية..ولو قدرنا نخطوها بعد داك ممكن نمشي لي قدام.
كنت يامنال راكب مع واحد صديق في عربيتو..شايلين معانا موية صحة..بعد شربناها وخلصت قام وقف العربية قصاد مقلب قمامة علي الشارع ونزل مشي بكل بساطة ورمي
الفارغ في الصندوق حق القمامة..في شباب كانوا بعاينو للمنظر..ضحكو وقالو بصوت مسموع:
عاين صاحبك ده عامل فيها متحضر قال..
الفرق هنا انو صاحبي ده كان شايف انو الشارع ده جزء لا يتجزأ من ممتلكاتو..والشباب شايفين الشارع حق الحيكومة.
الرشيد اسماعيل محمود
09-10-2010, 09:37 PM
الأغبش..
طارق ..
وهاد..
وسمراء..
ياريت يدكم معانا وتصوراتكم للحاجة دي..
خطوة خطوة نفلفل المفاهيم دي ونشوف حنطلع بشنو..
منال..
جاييك لأسئلتك كلها بس حبيت اول شيء ابدا ليك من البداية كتمهيد عشان لما اجي للأسئلة وشرح ماتحته خط في الاقتباس تكون رؤية منطقية..
ده جزء من الحيثيات..ونتونس لغاية مانصل لحتة نظرتي للعنف وعدم جدوي المؤتمرات المناهضة .
ماتنسي انها دي مجرد وجهة نظر ممكن نتناقش فيها من خلال الونسة البمزاج دي..بس ياريت الشبكة ماتخزلك.
زي ماقلت ليك..إستعيني بجبل يعصمك من طششان الشبكة.:D
قوت القلوب
10-10-2010, 03:42 PM
سلام للواعين الهنا وراعين البوست
تعجبني الونسة الزي دي
يلا
وكلنا اذان صاغية
الرشيد اسماعيل محمود
10-10-2010, 04:36 PM
الانسان ده مجموعة من البنيات المتعددة المتداخلة فيزيائيا وبيولوجيا ونفسيا واجتماعيا..بمجرد ماتتفك واحدة منها عن باقي البنيات بيختفي الانسان..
ونحن هسع زي بنيتنا الاجتماعية وقعت مننا والخطوة الاولي يامنال اننا نعرف كيف نرجعها.
يامنال الشارع الوسخان ده ممكن هيئة نظافة المدينة تلتزم بأنها تنضفو بصورة دورية..وبمجرد ما المسؤول يتغير ولا يكسل ساي كدة أو الحيكومة دي تنقلب..
مشروع النضافة حيقيف ويرجع الشارع للوساخة من تاني..بعكس لما الناس كلها بتنضف علي اساس انو الشارع ملك ليها وهنا الفرق..يعني النضافة هنا ماممكن تكون رهينة بمزاجية الافراد ولكنها واجب وضرورة حقيقية زيها زي الأكل والشراب.
المؤتمرات والندوات كلها زي حكاية هيئة النضافة دي..يعني تجمييل وتزيين مؤقت بيزول بزول المؤثر..بعكس لما الحكاية تكون نابعة من وعي الناس بطبيعية الحاجة دي..شان كدة قلت ليك انا ما شايف انو المؤتمرات دي ممكن تطلع بحاجة..
والحاجة البقصدا هنا نتيجة ايجابية حقيقية مستمرة وليست مؤقتة.
حتقولي لي بدلا ان نلعن الظلام خلينا نوقد شمعة..
حأقول ليك ياخي الشمعة لما نوقدها وماعارفين نحن دايرين ننير بيها شنو اخير نلعن الضلام ساي..يعني زي الناس الولعو شمعة عشان يقرو للامتحان..بدل القراية قامو قلبوها ونسة وضحك..
الشمعة بكت وسالت دموعها واتلحست..لما انتبهو لي انهم مفروض يقروا انطفت الشمعة..أها الونسة كمان دايرالا شمعة..؟؟
المؤتمرات تصلح كمسكن ذي فعالية تخديرية عالية بس ماهو الحل المثالي..
الحل الأمثل هو إستهداف الإنسان الفرد في رقبتو..
يعني نرجع للأسباب الحقيقية بدل مانركز علي نتاجاتها..
يامنال ياخي انا بحترم مجهودات الناس الشغالين بصورة منظمة وبروتوكولات لكن زي ماقلت ليك مابأمل في نتايجهم الحيطلعو بيها..انا مؤمن بأنو التغيير بيبدا بصورة لا مركزية..
الرشيد اسماعيل محمود
10-10-2010, 05:05 PM
ومشبنا اكتر من كده و كان ان تمت ورش عمل و منابر مع قوات الشراطة انتجت ان لا تتحرك اى قوة للتفتيش الا بوجود ضابط برتبه يكون المسئول
جميل جداً يامنال..
بس السؤال:
هل قوات الشرطة دي لما إستجابت لطرحكم ده هل كانت مقتنعة بالقضية
كضرورة وواجب إنساني ولا بس كواجب مهني..
مشكلتنا يامنال في الإنسان كفرد..في وعيه وقناعاته..
لما افراد الشرطة ديل يكونو علي قدر من الوعي حيعملو الحاجات دي عن قناعة
ونزاهة كمان..كضرورة وليست مهنة واستجابة للتعليمات فقط..
انا دايما مابتكلم في السياسة وعنها علي الاطلاق ليه..
عشان شايف انو المشكلة الحقيقية مافي منو اليحكم ولا ياتو حزب حيدير القصة دي..
لأنو المشكلة في تكوين الفرد السوداني في رقبتو..بيئة واحدة ..فهم واحد..مواطن واحد..و..و..
صدقيني الناس دي بتجوط وتعارض وتطالب برحيل فلان وعلان..
افرضي جا اوباما وحكم السودان مثلا..هل سيتغير الوضع...هههه
انا ابصم بالعشرة انو الحال حيظل من بعضو..الحيكومة اقلية مهما بلغت..
والمجتمع اغلبية مهما تقاصر وتضاءل..
كيف يعني..
لأنو القصة زي ما انا شايف مافي البيحكم منو..
بل في البيحكمو منو..المواطن البسيط الماعارف احتياجاتو شنو..الفساد في المواطن..
اغلبنا يامنال منافقين وخوافين ودجالين جنس دجل..
اغلبنا يامنال طماعين وكضَابين جنس كضب..
اغلبنا يامنال بنتباع ونُشتري بدراهو معدودة..
ذمة مافي ولانزاهة مافي..
وأوع تقولي لي الحيكومة وصلت الناس لكدة..
الحيكومة مابتقدر تعمل كدة الا بمساعدة قوية من مواطن مسكين وضايع
وماعارف هو محتاج شنو..
بس ده مابيعني انو في فئة مشرفة بمواقفها وافكارها وتمسكها بقضية الانسان وبث المعرفة والوعي وايمانها القوي بي انو بكرة احلي..
ودي الفئة النزيهة الواعية بذاتها وبالآخرين كذوات إنسانية تسعي نحو التحرر.
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287475#post287475)
منال ياخي هجمتيني..;)
ازيك وسلامات وخبرك مقطوع جدا..
ياخي عجبتني فكرة ونسة بوعي دي..
انا ذاتي كايس ليك عشان ندور جنس الونسة دي..
خليني اقراك برواقة واجي اقول كلامي واسمع قولك شنو.
شبكتي كانت طاشة بس لميت لي في شبكة لا بأس بها.
بجيك يازولة...
بس ياريت تطلعي ليك اقرب جبل من جبال دارفور ديك
عشان الشبكة تجمع معاك..:D
ازيك و رووق و تجى بالمهله يارب
جبل شنو ياخ فى وسط وادى كتم و اكتمال جمال الطبيعه حيث الخريف و الرمال البيضاااااء و الجو النقى و المزارع الخضراء و خرير المياه
يا الرشيد تبارك لى عرفت المشيش و شربت ويتو السااااااااااااقطه بالكورة الكبيرة و غتست فيهو و استمتعت بى السنابل و القناديل و ضوء القمرو اتعكاسه على رملة بيتنا و بدخل جواك كمان و ياخ دى دنيا تانيه انعم بهداوة و طعم الفاكهة ياخ شفت الرمان فى شجرتو و اللارنجا و عرفت كيف ازرع بطاطس و بصل و باميه و ............ تطير سكنتا البتكتم النفس خنقت الخرتوم و البنيات المعتمعه و كواريك شوارع الاسفلت و ضجيج البشريه
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287494#post287494)
منال ازيك ومشتاقين
كبرت الخط عشان نقراءك من كل الجهات
مودتى يا اخية
طارق اظيك و كيف عامل
جميل انو نلقى زول تعامل مع التحديث و بساعدنى
واقراء و تعال نقرأ تانى
و كل الاشواق ليك
اقتباس:
المشاركة الأصلية كتبت بواسطة الأغبش http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287509#post287509)
ده بوست لازملو خيمه وابريق وسعن مويه سااااااااااقطه ..
متفنين وراجينكم ..
وينك يا اللغبش
تعرف اختك متفنه فى كترت رمله ومويتا نقيه و صحيه
علا بالجد مبهوره بالنخيل و العيش بكل انواعه وقاعدين يا حافظ نضيع زمنا ساى فى التنظير و المزارعين هنا بالتجربه يقنعوك بجدوى الزراعة و الاكتفاء الذاتى و اصلا هم اكلهم صحى و السماد طبيعى و ربنا حباهم بحضرة و طييعه فى الوادى الكبير وفى اعتقادى ده البخلى اتجاهات تفكيرهم ناضجه و تجيضه زى زراعتم... أحمدو كتييييير الاتفرت المساحه و الوقت فى كتم فرصة بعمرى كلو هههههههههه
تسلمو
اقتباس:
المشاركة الأصلية كتبت بواسطة وهاد ابراهيم محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287581#post287581)
دي طوبتي...:)
ويااااااااا رونق الصبح البديع
ازيك
امكن يا حبيبه اول مرة نتلاقى فى اقتباس :D منعانى المسافه
وبفتش اقرا ليك و يديك طولة البال التزيد حروفك وخلى الطوب لوقتو يوما داك بندقو سوا سوا loooollooool
و
اقتباس:
المشاركة الأصلية كتبت بواسطة سمراء http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287587#post287587)
منال انا غايتو الطوب ده مابقدر اقعد فوقو
جيت بى بمبرى :D
_____________
بس عشان نكون واضحين ....لحد الان انا بتفق مع الرشيد يابت !!
الفعل العلمى بثقة ، افضل من جعجعة المؤتمرات وخلافه .
اسمريكا ازيك
و الله يا ناس الخرتوم لو شفتو قعادى وين علا تفنقلو بنابركم و العجيبه يا سمرا بنبرم ذاتو شكلو و لونو و طعمو عاد فيهو سماحة قهوة و جمال ونسه :D:D
اها بنبر مجلد بى حبل مودتى تصنقرى فى
ويكتمل وضوحك ونشوفك قريب
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287685#post287685)
منال مساء الخير..
طبعا يامنال انا كلامي الجبتيهو في الاقتباس كنت قاصد بيهو العنف اللفظي
(حسب مافهمت من كلام سارة)..
يا زول قلت ليك اصلا بختار و هذه ما اقتبسته وعلى ذكرك للعنف اللفظى ما بقفز منها و اقول ليك فى محاولة سارة فى حتت الاسفيرى التقط من كتاباتها (حسب فهمى) فيما معناه التفريق بين الهزار و الجد و متين و كيف الهزار بكون ما مقبول واقول و جهة نظرى لاى زول القدرة على الهزار و الخستاكا ورضاك للهزار البجيك من الاخرين بصادف روحك البتهزر بيها معاهم بكون عليك طالما بتهزر بهزرو معاك و يخستكو ييك وتمش عادىgooodgoood
بس مامشكلة نتكلم عن الخطوط العريضة الخططيها فوق..
انا لم احاول ان ابخس المؤتمرين مؤتمراتهم ولا اللجان اوراقها ونقاشاتهم بس ببخسهم ما يخرجون به من نتائج..
انا شايف انها ما الحل السليم بالرغم من فعاليتها التخديرية.
زمان كان عندي صاحبي زول متقدم في افكارو ومشاهداتو..
جينا ماشين جمب جامع الخرطوم الكبير اتشعلقن فينا بنيات صغااار كدة لزوم نديهم قروش..كانن بشحدن..قلت ليهو اديهم الريالات الفكة الفي جيبك دي..
قال لي مابديهم..واديهم ليه ..؟؟
قلت ليهو اتصدق ياخي..
قال لي قول اديتهم الريالات دي..خلاص تاني ماحيشحدن..ومشاكلهم كلها بتكون انتهت يعني..ياخي ده تخدير موضعي ونحن بنشجع في الحكاية..
يعني لو اي زول بيديهم اكيد ما حيفكرو يشتغلو حاجة..
تعرف يا رشيد انو علمنى كيف اصطاد دى فى بتصدق فى الزولة البتشحد لكن يا صديق ده واقع نعايشو و نتعامل معاهو ما الحل السليم اوكى ... لكن فى اى ظروف و معطيات بتكون الحلول و قدر شنو المتاح ليك تتحرك فيهو وانت مواجه بشنو و شنو ....وبى تتعامل مع ترسانة شنو
طيب الحل شنو..؟؟
الحل يامنال اعادة صياغة للحاجات من الاساس..(الفكرة ماصعبة)
خلينا نتونس في الوعي ورؤيتي ليهو..
الوعي يامنال وعي فردي وفي نفس الوقت جمعي..
يعني كل فرد يعي بنفسو وبالوجود.. والجميع يعي بالفرد وبالمجموع..بمعني انو انا مفروض اكون واعي بذاتي كإنسان وواعي بالجميع كذوات انسانية..
والاخرين بيكونو واعين بذواتهم الفردية وبي انا كآخر واجب الاحترام والتقدير علي الاقل ككائن حي يأكل ويشرب ويحلم مثلهم تماماً..
ده ما مربط الفرس و ما بحالفو فيهو اتنين
ماممكن انا اعتدي علي آخر مختلف عني لونا او جنسا او فكرا..
والاخر ده ذاتو يلتزم (حال انو واعي بي كآخر)..يلتزم ذات السلوك..
طيب الوعي ده هل يتجزأ..بمعني هل هو فرض كفاية..؟؟
يسقط عن الاخرين اذا قام به بعض هؤلاء الاخرين..؟؟
لأ..
الوعي ده فرض عين..واجب علي كل انسان في سبيل نشدنا للحياة القويمة..
طيب حنصنعو كيف..؟؟
الوعي ماصنيعة يامنال..الوعي بذرة موجودة بداخل كل فرد..
تحتاج البذرة فقط للسقاية حتي تصبح شجرة يستظل بها الفرد ويلعب تحتها اطفال الانسانية (شد الحبل)..
عشان نسقيها لازم يكون عندنا مصدر للموية الصالحة للري..والموية دي هي ايماننا العميق بضرورة اخضرار الفكرة..
طيب ما كل الناس دي مؤمنة بالفكرة..فكرة الوعي..
بقول ليك لأ..
طبعن لا ... لانو هسع بعانى من زول بتعامل معاى بشد الحبل ومن الله خلق الناس وهبطوا الارض ليعشوا بوعى و لا وعى ...وبعضهم بفرض علينا حالة تغبيش الوعى ونجهر سلاحنا فى وجه الظلم الواعى
تقدر تورينى يا الرشيد الوعى ده ذاتو بكون كيق و بجى متين؟
بقوم معاك و لا بجييك بالفطرة
بتباريهو انت و تكوس ليهو
وتلقطو زى حب السنابل التعبو فيهو وزرعو حبوب
وهل هو مكتسب من الجمعى الذكرتو داك؟
ولا بتنفخ قبسو بذهن متقد و باحث
وشنو الاداك ليهو الجتمع عشان تكون واعى و بسقط المؤسسات هنا متعمدة لفشلها فى تقديم اى شئ
وانت ذاتك كيف بتقنع تفكيرك بى بكان الوعى و تعرفو و البتنازعك كتييييير
ياربى انا وين و قاعد افكر كيف ههههههههه
الايمان بالفكرة بيكتمل لما الناس تحس بأنو الحياة دي ابدية..حياة ابدية مقسومة علي اتنين..حنعيش فيها جزء بوجود مادي جسدي والجزء التاني بوجود ذكرياتي إسمي يخلده الزمان..
بمعني:
في بيت الايجار مافي زول بجتهد عشان يزرع شجرة ويتعب ويعمر ويبني ويطلي الجدران و..وو
لإحساسو بأنو هو اصلا مارق من البيت..وضل الشجر ده ما حيهنأ بيهو ولا حيجر عنقريبو الهبابي ويرقد تحتو ..الحيلقي الضل سيد البيت الاصلي..
ليه يعني انا تاعب روحي في حاجة ماحقتي..
وده البقصدو ليك يامنال..
كل زول بيعمل الحاجة لما يظن انو حييستمتع بنتايجها هو وليس الاخرين..لما يقتنع انو الحاجة حقتو ملك..عشان كدة اولي الخطوات انو نحس انو الدنيا دي حقتنا نحن ديل..
هى لكن كمان المشكلة فى الاحساس ده من وين يجيك احساس وانت مكبل و مقيد و فى اغلب الاوقات غير أمن و مطحوووووووون عينك شاكيه و تعلم انو فى ناس "شيالين الهم بالجمله" وبيبنو فى ضل ثابت ما ضل شجرة ويااااااااااا الفرج القريب ويكون من حقنا نعيش ناكل و نشرب زى خلق الله "و بكرة بتقيف الحرب و لى بناك ننكرب "
يلا ده التمهيد وبجيك بالخطوات واحدة واحدة.
و افتح مساراتك
واصل قدر ما تقدر تخت كتابة
وبجيك
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287687#post287687)
البيوت فاتحة علي شارع كبير..الشارع وسخان وساخة شديدة..
ليه وسخان..؟؟لأنو كل زول بيرمي وساخة بيتو في الشارع..
طيب ليه..؟؟ عشان الشارع ده ما حقو..
طيب الشارع ده حق منو..حق الحيكومة..!!
لما كل زول يحس انو الشارع ده حقو هو..مافي زول حيرمي فيهو الوساخة..
طيب ده الايمان بالفكرة القلت ليك عليهو..
ولو انا براي واعي بذاتي وبالوجود الحولي..منظر الوساخة ده ماحيعجبني..اقوم انضف قدام باب بيتي ..لكن هل كدة يامنال الشارع بقي نضيف..؟؟ لأ طبعا..
إذاً يامنال الوعي ليس فرض كفاية..وعشان مايكتسب فعاليتو لابد من ان يعي الجميع بذواتهم وبالوجود كمعطي متكامل..
الخطوة الاولي بتعتمد علي إقتناعنا بملكيتنا للحياة بصورة حقيقية..ولو قدرنا نخطوها بعد داك ممكن نمشي لي قدام.
كنت يامنال راكب مع واحد صديق في عربيتو..شايلين معانا موية صحة..بعد شربناها وخلصت قام وقف العربية قصاد مقلب قمامة علي الشارع ونزل مشي بكل بساطة ورمي
الفارغ في الصندوق حق القمامة..في شباب كانوا بعاينو للمنظر..ضحكو وقالو بصوت مسموع:
عاين صاحبك ده عامل فيها متحضر قال..
الفرق هنا انو صاحبي ده كان شايف انو الشارع ده جزء لا يتجزأ من ممتلكاتو..والشباب شايفين الشارع حق الحيكومة.
هوى يا زول
هو الشارع ماشى لوين؟gooodgoood
خلينها الحكومة تغوووووور و لا تجى
بس كل الاوراق و الملفات بى تدويك
كوشة الحكومه
ما مكن من 56 الى اليوم بنفتش فى درب الحكومه و لا المواطن
الرشيد خابر الطريق وين؟
بس ما نلف يمين و شمال
سوق بى 4
وقداااااااااام
اقتباس:
المشاركة الأصلية كتبت بواسطة قوت القلوب http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288003#post288003)
سلام للواعين الهنا وراعين البوست
تعجبني الونسة الزي دي
يلا
وكلنا اذان صاغية
قوتنا يا أنيس الحسن يا سامى المكانه
متناسه بيك و كل ما الالقيك بزيدها تانى
و يسلم شوفك و سمعك
بابكر مخير
11-10-2010, 06:00 AM
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288014#post288014)
..يعني زي الناس الولعو شمعة عشان يقرو للامتحان..بدل القراية قامو قلبوها ونسة وضحك..
رشو الحبيب
ديلآ برضهم أخيير من المولعين شمعة وراسهم مولعة،،
فتشوا الكبريتة والولاعة عشان يولعو "النوامة"..
فتشك، فتشك ولمن ما لقوهآ، الأعقل فيهم، قال لي التاني...
مدام مافي طريقة نولع "نوامتنا" أطفي الشمعة خلينا الننوم بايتين القوآ..
:p:p:p
حلوة ونستكم
بي هداوتكم
gooodgoood
وهاد ابراهيم محمد
12-10-2010, 12:26 AM
ستي انا منال..
واها جيناك face to face وبدون اقتباسات
برجع معاك لحتة الوعي القال عليها الرشيد
وسؤالك: هو الوعي بجي كيف؟ وفينا بالفطرة ولا مكتسب؟
انا ما حقدر اجاوب ليك تحديدا انما بحسب (ويكبيديا):
الوعي كلمة تعبر عن حالة عقلية يكون فيها العقل بحالة إدراك (http://ar.wikipedia.org/wiki/%D8%A5%D8%AF%D8%B1%D8%A7%D9%83) وعلى تواصل مباشر مع محيطه الخارجي عن طريق منافذ الوعي التي تتمثل عادة بحواس الإنسان (http://ar.wikipedia.org/wiki/%D8%A7%D9%84%D8%A5%D9%86%D8%B3%D8%A7%D9%86) الخمس. كما يمثل الوعي عند العديد من علماء علم النفس (http://ar.wikipedia.org/wiki/%D8%B9%D9%84%D9%85_%D8%A7%D9%84%D9%86%D9%81%D8%B3) الحالة العقلية التي يتميز بها الإنسان (http://ar.wikipedia.org/wiki/%D8%A7%D9%84%D8%A5%D9%86%D8%B3%D8%A7%D9%86) بملكات المحاكمة المنطقية، الذاتية (الإحساس بالذات) ، والإدراك الذاتي ، والحالة الشعورية , والحكمة أو العقلانية والقدرة على الإدراك الحسي (http://ar.wikipedia.org/wiki/%D8%A7%D9%84%D8%A5%D8%AF%D8%B1%D8%A7%D9%83_%D8%A7% D9%84%D8%AD%D8%B3%D9%8A) للعلاقة بين الكيان الشخصي والمحيط الطبيعي له.
على هذا الأساس يكون الوعي المجرد هو متاح بالفطرة انما تفعيله هو ما يقوم به الانسان لاحقاً من خلال امتلاكه للأدوات الكافية لذلك..
وهذه الأدوات يُغرس بعضها مع عملية التنشئة من قبل الأهل في الطفل... ويُكتسب بعضها الآخر فيما بعد بصورة ذاتية تتيح له المعايشة مع المحيط او البيئة حوله...
يعني يا منال
في الشي البنتربى عليهو وابدا ما بالضرورة انو صحيح
وده بيدخل فيهو معظم الكلام الكتير النحنا هسي بنتناقش حوالينو عشان نطلع بحتة مُجدي ولا ما مُجدي دي...
بس السؤال الحقيقي: هل نحن بعد بلوغ سن الرشد قادرين على التفرقة بين ماهو كائن وما يجب ان يكون؟... ولا نحن ماشين قِرب منفوخة ساي...
يعني هل بقدر أميز خطأ المعتقد الإتربيت عليهو وأصلحو في نفسي ولا حأمشي بيهو والسلام...
اذا ما بنقدر نميز يا منال معناه كل النقة دي كلام فاضي ساي... واذا مابنقدر نعمل حاجة بعد حصولنا على قدر مقدر من الثقافة وتوسيع المدارك فبنكون زي قاشرين بشهاداتنا البنلِّبسا الحيط في الآخر...
الموضوع يا منال ما مؤتمرات ولا ندوات ولا روابط ولا إتحادات
الموضوع نحنا في الأساس...
ومن ناحية تانية وجود الخطأ ما مبرر لإستمراريته... وإكتشافنا ليهو ما مفروض يخلينا ننتظر الآخر يعمل لينا ويخطط لينا ويفتش لينا حلول.. لانه الحل فينا لو قلنا بسم الله ومشينا مشوار جديد بصورة صح..
طيب أسألك سؤال يا منال..
من متين الناس في الدنيا واعية لحتة انه في ظلم واقع على المرأة وإضطهاد؟
وقبل كده من متين والناس واعية لحتة انه معظم المجتمعات على وجه الارض ذكورية؟
اها...
عملنا شنو بعد عرفنا؟
العرفو قبلينا زماااان عملو شنو؟
الأسئلة دي بس عشان أجيبك لواقع اننا بنتكلم وبس.. وبنخت يدنا في محل الوجعة صاح لكن بس بنفضل ضاغطين عليها عشان توجعنا... وما بنفكر في حل حقيقي او بالأصح ما عايزين نلقى حل حقيقي...
أديك مثال...
أم صاحبة أختي (شفتي اللفة دي..:))
سيدة مجتمع لامعة ولها مركز قيادي بإتحاد المرأة
بطلعوا لينا كل يوم بشعارات تمكين المرأة وانو المرأة لازم يكون ليها دور ولازم نمكنها من الأدوات التكون بيها فاعلة في المجتمع وهلمجرا...
لما جات بتها تتزوج أصرت لازم تسكن عندها مش عند نسابتا مع انه النسابة ديل جيران الباب فاتح في الباب وكانت مشكلة قربت تلغي العرس... بس عشان بتها تكون تحت عينا...
أحسبي واحد أداة تمكين لدور فاعل في المجتمع...
البت المتزوجة دي زاتا ما بتقدر تعمل اي حاجة بدون ماهي تتدخل فيها.. حتى على صعيد تربية الأحفاد
أحسبي معاي اتنين دي بذرة جديدة طالعة للدنيا
البت ما تشتغل عشان ليه ما راجلا قاعد يصرف عليها هي تتبهدل وتشتغل ليه...
أحسبي معاي تلاتة مفهوم العمل عند قيادية ومفهوم المشاركة في الحياة الزوجية عندها
ولسه كتير...
اها...
شوفي المثال ده بس رجعنا ورا كم سنة...؟
وزيها كم..؟
يا منال الموضوع وعي وأكتر كمان..
أهم شي المرأة نفسها تكون مقتنعة بأنها إنساااااان في الدنيا دي وفاعل كمان وعليهو إتكال ومنو رجا...
لأنه مش نص واقع المرأة انما معظم واقع المرأة هو صنيعة المرأة نفسها
لأنها هي البتغرس في المرأة مثلها انها كائن متأخر وأقل درجة من الرجل وبالتالي كائن لايمكنه تحقيق واقعه انما انتظار ما يجود به الرجل وهو ما يترتب عليه إنتظار الوصاية والحماية من طرف الرجل الذي يجد اللقمة سائغة وفي متناول يده من طرف جاهز لا إرادياً بحسب المغروس فيه ليكون ضحية للتسلط والتعنت والإعتداء...
وفي اي مجتمع حتى على مستوى الاطفال في الشارع... الطفل ضعيف الشخصية هو البكون مطية الآخرين..
ويا منال خلينا نبدا منك ومني ومن الشابات الزينا...
هل بنقدر ننشئ جيل جديد يطلع مننا نغرس فيهو إيمان تام بالذات..؟
مش ده حل المشكلة من أساسا ولا شي تاني..؟
المرأة مافي شي كسرا زي إقناعا بإنها كائن تابع للرجل... وهنا دايما بنخلط بين دور المرأة في المجتمع وفاعليتها مجتمعيا وبين دور المرأة في الأسرة.. (ربنا لما أمر بطاعة المرأة المطلقة للزوج حددها بالزوج ما قال للرجل)...
الإنكسار ده هو البخلي المرأة الحلقة الأضعف القابلة لممارسة كل العنف الممكن ضدها بقصد إذلال المجتمع المفترض انه مسؤول عن حمايتا... عشان كده أي عملية إجتياح في حرب بتستهدف النساء عبر الإغتصاب لإذلال الرجل في عرضه ورجولته.. مش لإذلال المرأة لأنها بالأساس ما عادنها شي ممكن يتختا إعتبار للبحصل معاها...
يا منال نحنا قادرين نغير الواقع...
بس خلينا نربي اولادنا صاح... نفس قناعتك بأنه أمهم كيان يقاسم ابوهم ذات الدور بذات الكفاءة أغرسيها فيهم (طبعا ده بعد يكون ابوهم زاتو واعي للحتة دي...looool)
لكن ما ممكن أربي لي بت بكرة تقول لي ياخ انا حي الله بت واقول غيرت في واقعي شي..!
خلينا نبدا مننا...
وأكيد باكر صنيعة يدنا.
خالد الصائغ
12-10-2010, 06:30 AM
دي حقيقي ونسة مترفة فكريا و ضاربة في العمق
شكرا علي كل هذا البذخ يا شباب
الأغبش
12-10-2010, 07:47 AM
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287693#post287693)
الأغبش..
طارق ..
وهاد..
وسمراء..
ياريت يدكم معانا وتصوراتكم للحاجة دي..
خطوة خطوة نفلفل المفاهيم دي ونشوف حنطلع بشنو..
منال..
جاييك لأسئلتك كلها بس حبيت اول شيء ابدا ليك من البداية كتمهيد عشان لما اجي للأسئلة وشرح ماتحته خط في الاقتباس تكون رؤية منطقية..
ده جزء من الحيثيات..ونتونس لغاية مانصل لحتة نظرتي للعنف وعدم جدوي المؤتمرات المناهضة .
ماتنسي انها دي مجرد وجهة نظر ممكن نتناقش فيها من خلال الونسة البمزاج دي..بس ياريت الشبكة ماتخزلك.
زي ماقلت ليك..إستعيني بجبل يعصمك من طششان الشبكة.:D
رشيد ..سلامات يا جميل
تعرف يا الرشيد انا لو اتكلمت يمكن كلامي ما يعجب أخواتنا في الإنسانية (النساء) ..
بعد العيد بي كم يوم مشيت مستشفي الولادة امدرمان عشان أطلع شهادة ميلاد ولدي لقيت ليك صف طويييييييييييل في الشارع في شمس حارقة والموظفين شغالين بسلحفائية تشك انها مقصودة (طبعا في النهاية تكتشف انو الموظف من ذوات الثياب البيضاء والنظارة قعر الكباية ):p.. بعد كل ربع ساعة تطلع شهادة ومرات بعد نص ساعة لأنو في منحشرين من الداخل ... تجي واحدة تقيف في الصف وتستسمح الناس عشان تقيف في اول الصف .. ومع انو بالطريقة البعملو بيها دي زول واحد قدامك يفرق ..الناس توافق وتقيف كأول شخص ..وبعد شوية يتكرر المشهد تاني .. غايتو أكلنا الشمس ديك مع صيامنا وقلنا ياخي ديل القوارير ونحن موصييننا عليهن ..
من المقدمة أعلاه :
لاحظت أن النساء يلجأن بذكاء خارق الي التفرقة بين كونهن نساء وبين شقائقهن الرجال عندما يكون في الأمر مصلحة تخصهن أو درءاً لضرر قد يقع عليهن ...
فعندما يكون الموقف مرتبطاً بالحقوق فهن والرجال سواسية في كل شئ ولا يحق للرجال بأي نوع من التمييز وإلا اعتبرن ذلك تعدي علي حقوقهن ..
وعندما يرتبط الموقف بالمسؤوليات هنا يأتي الحديث عن خصوصية المرأة وما يجب أن تتمتع به من تمييز عن الرجال نسبة لإختلاف طبيعة المرأة وتكوينها والخ ...
شخصياً لي رأي واضح في هذا الامر وهو إيماني التام بمبدأ خصوصية المرأة وأنها لا يجب أن تُعامل بالتساوي مع الرجل ..خاصة فيما يخص المسؤوليات مراعاة لقدسية الأنثي كأنثي ..فهي الأم والأخت والزوجة والحبيبة ..وأن لا تُظلم في الحقوق بدعاوى تميز الرجال عليهن في بعض الأمور ..لأن هناك جوانب (خفيه) للمرأة وأدوار تقوم بها لا تدخل تحت طائلة الأعمال المنصوص عليها في وصفها الوظيفي في عملها الرسمي وهي الأعمال المتصلة بالأسرة ..
لكن المهم هنا أن لا تكيل النساء بمكيالين وأن يتم توحيد المعيار حتي لا نُضطر في يوم من الأيام الي تكوين (جمعية حقوق الرجل):p...
الأغبش
12-10-2010, 07:57 AM
اقتباس:
المشاركة الأصلية كتبت بواسطة منال http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288159#post288159)
اقتباس:
المشاركة الأصلية كتبت بواسطة الأغبش http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=287509#post287509)
ده بوست لازملو خيمه وابريق وسعن مويه سااااااااااقطه ..
متفنين وراجينكم ..
وينك يا اللغبش
تعرف اختك متفنه فى كترت رمله ومويتا نقيه و صحيه
علا بالجد مبهوره بالنخيل و العيش بكل انواعه وقاعدين يا حافظ نضيع زمنا ساى فى التنظير و المزارعين هنا بالتجربه يقنعوك بجدوى الزراعة و الاكتفاء الذاتى و اصلا هم اكلهم صحى و السماد طبيعى و ربنا حباهم بحضرة و طييعه فى الوادى الكبير وفى اعتقادى ده البخلى اتجاهات تفكيرهم ناضجه و تجيضه زى زراعتم... أحمدو كتييييير الاتفرت المساحه و الوقت فى كتم فرصة بعمرى كلو هههههههههه
تسلمو
تعرفي يا منال ..كتير بسأل نفسي سؤال
أهلنا في الأرياف الفيها مشاكل كبيرة دي محتاجين لي دعم قدرو كم عشان يعيشو حياة غن لم تكن مترفه لكن عادية من غير مشقة ... يعني مليون دولار ممكن تغير حياة كم من البشر لو تم انفقاها صاح وعلي اساسيات زي مياه الشرب مثلاً .. ياخي مليون دولار دي لما تفكيها بالسوداني حاجه كتيرة خلاص ..وتجي تسمعي بي مية منظمة وطنية واجنبية شغالة ..والحكومة شغالة ..والمعارضة شغالة :p..ولما تجي للواقع ما تلقي اي تغيير في حياة الناس ..يعني القروش دي بتمشي وين ما تعرف :confused:...ياخي في دارفور في اكثر من خمسمائة منظمة لو ما يكون اكتر .. ديل بعملو في شنو ما تعرف ..
الناس دي محتاجة لي حاجات بسيطه والباقي ممكن تكلمو براها لأنو فيهم الهمه ..لكن نحن اتعودنا انو نعمل اي حاجه بصور إحتفالية ..يعني افتتاح موسم الحصاد ممكن يكلف اكتر من قيمة حصادنا ذاتو ... عشان نوزع لينا غنمايتين علي الفقراء البنزين البنصرفو في جيش العربات البمشي والمصورين والعوازيم يعمل ليهوقطيع بتاع بهائم ...
زي ما قال الرشيد المشكلة في إنسان هذه البلد وليس غير ...
الرشيد اسماعيل محمود
12-10-2010, 10:01 PM
.وبعضهم بفرض علينا حالة تغبيش الوعى ونجهر سلاحنا فى وجه الظلم الواعى
تقدر تورينى يا الرشيد الوعى ده ذاتو بكون كيف و بجى متين؟
بقوم معاك و لا بجييك بالفطرة
بتباريهو انت و تكوس ليهو
وتلقطو زى حب السنابل التعبو فيهو وزرعو حبوب
وهل هو مكتسب من الجمعى الذكرتو داك؟
ولا بتنفخ قبسو بذهن متقد و باحث
وشنو الاداك ليهو المجتمع عشان تكون واعى و بسقط المؤسسات هنا متعمدة لفشلها فى تقديم اى شئ
منال ازيك..
اللونتو ليك بالاحمر بيجيب عن نُص تساؤلاتك الفوق دي..تغبيش الوعي..
اعتراف بانو الوعي ده قاااعد..جزء من تكوين الزول ده..بس ضارباهو الغبشة..
ونحن عشان نزيل الغبار المغطيهو ده لازم نهبشو..وننفض الغبار ونخليهو يلمع زي صحن الصيني..
الوعي ده زي صحن الصيني الغطاهو الغبار..نلمسو بالراحة ونتمَرو برواقة
ومانتجابد فوقو عشان مايقع وينكسر..
وكان انكسر ياهو رماد الجهل كال حماد التفاؤل..
المجابدة يامنال البتكسر صحن الوعي ياها محاولة اي زول اثبات انو بيمتلك صكوك توزيع الوعي وانو هو الوصي علي الاخرين وهو البيفهم اكتر من الاخرين وهو البيحميهم من المؤامرات والاجندة الخارجية وهلم جرا ديك..
يعني لو كل زول مننا اعترف بنقصانو حال انو براهو..
وعرف انو عشان مايكتمل انسانيا لازم يندمج ويعترف بالاخرين
بنقدر نزيل الغبشة من وعينا البنتكلم عنو ده..
الفكرة زي الزراعة..بدل اي زول يزرع جُبراكتو براهو
ياخي أخير نتلم كلنا في مشروع واحد ونجتهد في عملية الكديب والحِشاشة سوا..
عشان المنتوج يبقي وفير ويغطي كل احتياجاتنا..
الرشيد اسماعيل محمود
12-10-2010, 10:07 PM
نحن ما عايزين تفكيرنا يوفر للناس مشقة التفكير..
دايرين تفكيرنا وتصوراتنا المختلفة للحاجات تثير في الناس افكارهم الخاصة..
الرشيد اسماعيل مشروع انسان ناقص طالما هو متعالي علي الاخرين وبيفترض
انو هو زول واعي..ومثقف وفاهم الحاجات كويس..لكنو بيكتمل لما يعترف بأنو من غير الناس التانيين ديل مابيسوي شيء..مجرد زول عميان..
عشان الناس التانيين هم عيونو البيشوف بيها..
تعرفي يامنال المثقف السوداني بيفترض الصفوية في نفسو..
وبيتحصن بقلعة الثقافة بصورة متعالية كأنو من كوكب تاني وفالح جدا في التنظير الايديولوجي..ويملأ اجهزة الاعلام بعبارات من شاكلة والله المشهد الثقافي..
وأكدمة الفن (أكدمة دي قالو من اكاديمي)..وحركة الثقافة والتثاقف والمثْقفة
و..نحن كمثقفين وجمر القضية والشفافية...عيييييك..
ياتو جمر وياتو قضية هن..؟؟
القضية الوحيدة المفروض ينتبه ليها المثقف ده..هي قضية دوره كوسيط مدني..
وسيط مدني بسيط شايل عدتو وحايم بين الناس وينشر في مفاهيمو الاكتسبها وتصوراته ومفاهيمه الانسانية اللي ما بتكتمل الا من خلال اندماجو في الناس البسيطين ديل..
اكتمالنا الانساني لا بد ليهو من اختلاف ظاهري واتفاق جوهري..
الاتفاق الجوهري هو قضية الوعي دي..والاختلاف الظاهري هو سبيل تحقيق القضية..اي زول يعمل مابوسعه وكلٌ بأدواته ومقدراته..
ولكن داخل إطار المشروع الكبير ده..زي المثل حق الزراعة القلت ليك عليهو قبيل..
كلنا نحرث في ارض المشروع لكن اي زول بأدواتو الخاصة بيهو وماهر في استخدامها..البيعرف يحش بالجرَاية ..والمتمرس بالكدنكة..والمعلم في استعمال السلَوكة..
وهكذا وهكذا..وبعد ننتهي نرجي المطرة تسقي المشروع..
الوعي يامنال ما بالضخامة الفي بالنا دي..
الحد الادني للوعي في رأيي الخاص هو احترام الآخر كإنسان وبس..
وكان قدرنا نحقق الحد الادني ده يابختنا..
لو كل زول بدا يلفت انتباه الاخرين للحاجة دي يبقي الباقي هين..
وعشان ماتقولي كلامي ده كلو تنظير وكلام سااكت كدة حأوريك قاعدين نعمل في شنو..
الرشيد اسماعيل محمود
12-10-2010, 10:18 PM
نحن شباب متفقين علي فكرة استهداف الانسان والتغيير الفردي دي..مشينا خطوات كويسة جدا في الخط ده..
أي زول مننا مشي اي حتة لازم يحاول يضيف حاجة ويضع بصمة في الاتجاه ده..والحمدلله ماشيين كويس.
نموذج:
اشتغلت في الجزيرة سنة 2008 وبراقب في السلوك حق الناس..
لقيت الناس عايشة في تعايش سمح..ناس الحلة (عرب الجزيرة)..
وناس الكمبو اللي هم غرابة..بيحبو بعض ومتسالمين للحد البعيد..
حصلت مرة شكلة بين اتنين..واحد من الكمبو والتاني من عرب الجزيرة ..طوالي ود الجزيرة لما فقد اعصابو قال للغرباوي (أمشي ياعب)..
المهم بعد الشكلة انتهت ناديتو وقعدت معاهو وبالراحة شرحت ليهو وجهة نظري..
ياخي انت موش مسلم..؟؟
قال لي ااااي مسلم..
قلت ليهو ياخي كلمتك القبيل دي الاسلام قال حرام..
قال لي انا ماقاصد بيها حاجة..مما قمنا بنقول ليهم كدة..؟؟
قلت ليهو خليك مما قمتو..انت هسع رايك شنو لو زول قال ليك عب..؟؟
قال لي والله كان اكتلو..!!!
قلت ليهو معناها حاجة كعبة..صاح..؟؟
قال لي كلامك صاح والله..معليش ياخي..
قلت ليهو معليش دي تقولا للزول القلت ليهو ياعب..
مشي اعتذر منو والمشكلة اتحلت بصورة جذرية.
الحصل شنو..
الحصل انو الولد ده اقنعتو يجي المركز الصحي وعلمناهو شغل التمريض..بقي يدي الحقن ويركب الدربات وحس بأنو زول مهم..
وهسع بيقرا دبلوم صيدلة(نظام سنتين) في الخرطوم..ومن اعز اصدقائي..بيتصل علي من وكت لآخر.
المعني شنو..؟؟
المعني انو انا كسبت فرد جديد في المنظومة حقت المشروع المدني ده...
وده بيديني امل في المواصلة..والنماذج كتيرة عندي.
ده الوعي البقصدو ليك يامنال..في غاية البساطة..لاحظي انو الولد
ده ممكن يؤثر بسلوكياتو لي قدام علي كم شاب زيو..؟؟
لو اي زول فينا واعي بتساوي الناس إنسانيا وبدا يلفت انتباه الناس للفكرة..
اكيد حيحصل تقدم ملحوظ..
مامهم بعد كم سنة..المهم يحصل..والاجيال الحتجي بعدنا تنعم بالمساواة..
صحيح مافي زول حيتذكرك بعد ماتموت..بس الانسانية حتكون ممنونة ليك
بصورة تدعوك للاعتزاز..
خلونا نبدا مشروعنا المدني ده بشكل عفوي كدة..
اي زول في مكانو من غير اجندة ولا اجتماعات ولا بروتوكولات
ولا ندوات ولا ميزانية..كل زول يقوم يفعل دورو كوسيط مدني فعال..
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288014#post288014)
الانسان ده مجموعة من البنيات المتعددة المتداخلة فيزيائيا وبيولوجيا ونفسيا واجتماعيا..بمجرد ماتتفك واحدة منها عن باقي البنيات بيختفي الانسان..
ونحن هسع زي بنيتنا الاجتماعية وقعت مننا والخطوة الاولي يامنال اننا نعرف كيف نرجعها.
يامنال الشارع الوسخان ده ممكن هيئة نظافة المدينة تلتزم بأنها تنضفو بصورة دورية..وبمجرد ما المسؤول يتغير ولا يكسل ساي كدة أو الحيكومة دي تنقلب..
مشروع النضافة حيقيف ويرجع الشارع للوساخة من تاني..بعكس لما الناس كلها بتنضف علي اساس انو الشارع ملك ليها وهنا الفرق..يعني النضافة هنا ماممكن تكون رهينة بمزاجية الافراد ولكنها واجب وضرورة حقيقية زيها زي الأكل والشراب.
المؤتمرات والندوات كلها زي حكاية هيئة النضافة دي..يعني تجمييل وتزيين مؤقت بيزول بزول المؤثر..بعكس لما الحكاية تكون نابعة من وعي الناس بطبيعية الحاجة دي..شان كدة قلت ليك انا ما شايف انو المؤتمرات دي ممكن تطلع بحاجة..
والحاجة البقصدا هنا نتيجة ايجابية حقيقية مستمرة وليست مؤقتة.
سلامات الرشيد
رشيد كنت بفكر فى انو الشارع هو انا وانت و معانا ناس كتار من اثنيات و ديانات و مجتمعات ثريه بالتنوع - التعدد و قادرة على التعايش اخدت الشارع المعنى الكبير لحياتنا دى ... و كلنا اسع مشتركين فى الوساخه دى و كل مرة بندلق فى زيادة فيها و ما الاحباط الجوانا الا كوم وساخه ما بينضيف ما بين ليله او ضل ضحويه
نجى لمشروع النضافه و انت بتدينى خيط تانى لكن نجر مالو فى زول طالبنا حاجه ههههههه
و اتخيلتك عارف و معاك احرون عندهم اسهمات فى البوست انو المؤتمرات شنو ... و التانى منها اللهو ورش العمل شنو... هدقها – نوعية المشاركين فيها- كيفية تناولهم للقضايا
و بتفرق كتير( منو البشتغل و بفكر كيف و بعمل باى (approaches
ولو ما كان فى وعى بخطورة وضع او قضية لما توصلو اصلا الى اليات تعالج و تاخد وقتها الى ان يلتئم الجرح... و من زوايه تانيه يا رشيد اى مجموعة تحمل وعى تجاه قضيه تؤثر على الاخرين الين يعون بمرور الوقت بخطورتها و اثرها عليهم ... طيب فى هامش الحريات و التحرك النحن فيهو ده و كل المجابدة و الشقاوة مع الجماعة اياهم بنعمل بايدينا و كرعينا لنغير الكتييييييييير وبى tactic
عشان خابرين نشيل الشمعة و نعمل الاضاءة وين و نخش جوه الضلام و ما نضل الدرب
حتقولي لي بدلا ان نلعن الظلام خلينا نوقد شمعة..
حأقول ليك ياخي الشمعة لما نوقدها وماعارفين نحن دايرين ننير بيها شنو اخير نلعن الضلام ساي..يعني زي الناس الولعو شمعة عشان يقرو للامتحان..بدل القراية قامو قلبوها ونسة وضحك..
الشمعة بكت وسالت دموعها واتلحست..لما انتبهو لي انهم مفروض يقروا انطفت الشمعة..أها الونسة كمان دايرالا شمعة..؟؟
المؤتمرات تصلح كمسكن ذي فعالية تخديرية عالية بس ماهو الحل المثالي..
الحل الأمثل هو إستهداف الإنسان الفرد في رقبتو..
ادعوك يا رشيد دعوة بالرسمى ان تكون واحد من المشاركين فى ورشة عمل نخطط لها فى مجال عملى المكتبى لترى كيف المشاركين بقوموا بعملية التحليل و دراسة المشكلة وفى مجموعات عمل (ويرك جروب) المهم ان تشوف بعينك طريقة الوصول للنتائج بكون كيف و منها بتكون الاليات ... (ما لاقيتك قبل كده لكن خت لى الايميل فى الخاص برسل ليك الكتير)
يعني نرجع للأسباب الحقيقية بدل مانركز علي نتاجاتها..
يامنال ياخي انا بحترم مجهودات الناس الشغالين بصورة منظمة وبروتوكولات لكن زي ماقلت ليك مابأمل في نتايجهم الحيطلعو بيها..انا مؤمن بأنو التغيير بيبدا بصورة لا مركزية..
عارف انت فى قضايا كتيرة استهدفت ناس مختلفين فى المحتمع لو مسكت بس القضاء على ختان الاناث – مجهود منذ السبعينات متواصل فى الريف بتركيز اكبر وانبرت مجموعات نساء و رجال للقضاء عليه كواحد من ظواهر العنف – و مؤسسات و تنظيمات و شخصيات ارتبط اسمها حتى بالمهنيه العاليه التى كانت نتاج ورش عمل و مؤتمرات وسط المجتمعات منها الاحفاد و د. ناهد فريد طوبيا و الفائمة طويلة الى ان اثرت حتى فى سياسة المجلس الاعلى للطفولة و جاء التغيير الحقيقى - فى قانون الطفل الا انه اصطدم بترسانة الجماعة و لوبى الانقاذيين فى داخل المجلس الوطنى عند اجازة القانون و اجهضت بس الفقرة دى ليه؟ هل ينسحب ده على المجهودات ام على عقلية و طريقة عمل جماعة و سيطرتهم بل قول قبضتهم لكن بالحراك تشكل وعى متنامى وسط الناس و ده المطلوب ويبقى القضاء الكلى و اثره بكون نابع من مؤسسات الحكم و التغيير بى يذحف نحوها. كيف يكون عايزة مجهود وقت
اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288017#post288017)
جميل جداً يامنال..
بس السؤال:
هل قوات الشرطة دي لما إستجابت لطرحكم ده هل كانت مقتنعة بالقضية
كضرورة وواجب إنساني ولا بس كواجب مهني..
اها هنا يا الرشيد اسنهدفنا الشرطه ليه ما يكون ده سؤالك.. لانها بتقوم بواجب مهنى مؤثر على حياتنا و متضررين منو لانها بى تؤديه بلا وعى ...لابد من الدق على باب المهنيه دى و يعرفو حدود واجباتم وقطع شك لو ما اثرنا على انسانيتم ما كانوا واقفوا على ان يكون فى عمل مشترك و نطلع بى اليات اتت اكلها
مشكلتنا يامنال في الإنسان كفرد..في وعيه وقناعاته..
لما افراد الشرطة ديل يكونو علي قدر من الوعي حيعملو الحاجات دي عن قناعة
ونزاهة كمان..كضرورة وليست مهنة واستجابة للتعليمات فقط..
اها تانى برجعك لحتت انو افراد الشرطة ديل كناس ح يجيبوا الوعى ده من وين لو ما اقتحمنا عالم ده و ختينا القضيه على بساط البحث و تفاكرنا و نقاشناها و بى تعب كتييير و كويس انو سمعونا و تخلو عن العنهجيه الانت عارفا ديك و فتحوا ابوابم لتنظيمات العمل المدنى تنويرم على الاقل ياخى ده براهو مكسب و كنت مشاركة فى كتيير من الورش و اشهد ان هناك تقدم كتيير حقو ندفعو للامام
انا دايما مابتكلم في السياسة وعنها علي الاطلاق ليه..
عشان شايف انو المشكلة الحقيقية مافي منو اليحكم ولا ياتو حزب حيدير القصة دي..
لأنو المشكلة في تكوين الفرد السوداني في رقبتو..بيئة واحدة ..فهم واحد..مواطن واحد..و..و..
صدقيني الناس دي بتجوط وتعارض وتطالب برحيل فلان وعلان..
افرضي جا اوباما وحكم السودان مثلا..هل سيتغير الوضع...هههه
انا ابصم بالعشرة انو الحال حيظل من بعضو..الحيكومة اقلية مهما بلغت..
والمجتمع اغلبية مهما تقاصر وتضاءل..
كيف يعني..
لأنو القصة زي ما انا شايف مافي البيحكم منو..
بل في البيحكمو منو..المواطن البسيط الماعارف احتياجاتو شنو.
بالتاكيد لازمنا كتير عشان نعرف الانسان السودانى البسيط باحتياجاتو الاساسيه و انها حق مشروع و مكفول ليهو فى الدستور ده و عليهو يتمسك بيها و يقالعا من فك الحكومه السمها فااااير
.الفساد في المواطن..
اغلبنا يامنال منافقين وخوافين ودجالين جنس دجل..
اغلبنا يامنال طماعين وكضَابين جنس كضب..
اغلبنا يامنال بنتباع ونُشتري بدراهو معدودة..
ذمة مافي ولانزاهة مافي..
وأوع تقولي لي الحيكومة وصلت الناس لكدة..
الحيكومة مابتقدر تعمل كدة الا بمساعدة قوية من مواطن مسكين وضايع
وماعارف هو محتاج شنو..
بس ده مابيعني انو في فئة مشرفة بمواقفها وافكارها وتمسكها بقضية الانسان وبث المعرفة والوعي وايمانها القوي بي انو بكرة احلي..
ودي الفئة النزيهة الواعية بذاتها وبالآخرين كذوات إنسانية تسعي نحو التحرر.
لا بس بقول ليك الحكومه المغفله قاعدة تستغفلنا و تضرب فى بساطة تفكيرنا لاننا ما بى نتعمق وعندك مواسير الفاشر خير مثال استغفال وفى الاخر الحصل شنو ناس سكتوا واستعوضو ربهم و ناس مشت المحاكم و ناس تانين اهدرو دم الوالى و خطب حتى فى المساجد ... المهم فى حق وفى مطالب ستدور الدائرة و نشوف اخرتا مع الاستغفال
تانى نرجع لانو نحن المغفلين ديل لازمن علينا ننفض الرماد و ننكرب و نجابد الا ان نصطاد
اها كما الرصة بتاعت اغلبنا الفوق دى نغنى ليها ده كلو كلو بنتهى
بس بتلقانى وافقه الف للقصاص
و يا سبدى حقنا ما بنخليى فى بطن الحوت
نجابدو و يجابدنا و كلنا فى الضفه و شايلين القفه
و كلنا منو
ده سوعال كبير؟؟؟؟
كدى فلم الانفصال ده المخرج قال شنو
ما نطلعو من العلبه
ويخش صالة العرض
(وطبعن نحن فراجا ساااى مع اهلى فى دارفور)
علا وحات النبى النمسك فى شباكو سوا
خوتنا ما بى يقرتقوها الثعالب
وقنعت غايتو من السودان الواحد
وبرجا التوب الجديد
بعد ترسيم الحدود
ومع دينكا نوك
و المسيريه
او المساليت
و الزغاوة
بس يا الرشيد
واجعانى انى مصنفه مع الجلابا
اها يرمونى وين بعد التقسيم
اسكت خلاها
اقتباس:
المشاركة الأصلية كتبت بواسطة بابكر مخير http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288175#post288175)
فتشك، فتشك ولمن ما لقوهآ، الأعقل فيهم، قال لي التاني...
مدام مافي طريقة نولع "نوامتنا" أطفي الشمعة خلينا الننوم بايتين القوآ..
:p:p:p
حلوة ونستكم
بي هداوتكم
gooodgoood
يابا ازيك و حالك زين
وصحتك كيف
متمنيه ليك نومه هادئه مافيها كوابيس و هلوسة اللغوسة اللتنا فى البلد دى
و هواجسك يابا بنطفيئها ونقدح جازها و كبريتتا الانت ختيتا جنبو من سنة كم (عشان روفى ما يجى:D) ماشين فى السكه و طالما النفس طالغ نازل وانتو معانا بنصل لى صباح جديد
و ان طال السفر و السهر
و نشيع نوم بلا صوت رصاص و دماء و جرحى و عمليات
ويابا بيتان القوا
هسع هو المقوينا
وما بتفتر ثوانا و عزيمتنا
وانت وانا
نسرج الخيل العنيدة
تسلم من كل شر يابا
بتك
اقتباس:
المشاركة الأصلية كتبت بواسطة وهاد ابراهيم محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288535#post288535)
ستي انا منال..
واها جيناك face to face وبدون اقتباسات
حبيبتى قولى يارب
تتم بركة الشوفه كمان ياااا سنا الروح
برجع معاك لحتة الوعي القال عليها الرشيد
وسؤالك: هو الوعي بجي كيف؟ وفينا بالفطرة ولا مكتسب؟
انا ما حقدر اجاوب ليك تحديدا انما بحسب (ويكبيديا):
الوعي كلمة تعبر عن حالة عقلية يكون فيها العقل بحالة إدراك (http://ar.wikipedia.org/wiki/%D8%A5%D8%AF%D8%B1%D8%A7%D9%83) وعلى تواصل مباشر مع محيطه الخارجي عن طريق منافذ الوعي التي تتمثل عادة بحواس الإنسان (http://ar.wikipedia.org/wiki/%D8%A7%D9%84%D8%A5%D9%86%D8%B3%D8%A7%D9%86) الخمس. كما يمثل الوعي عند العديد من علماء علم النفس (http://ar.wikipedia.org/wiki/%D8%B9%D9%84%D9%85_%D8%A7%D9%84%D9%86%D9%81%D8%B3) الحالة العقلية التي يتميز بها الإنسان (http://ar.wikipedia.org/wiki/%D8%A7%D9%84%D8%A5%D9%86%D8%B3%D8%A7%D9%86) بملكات المحاكمة المنطقية، الذاتية (الإحساس بالذات) ، والإدراك الذاتي ، والحالة الشعورية , والحكمة أو العقلانية والقدرة على الإدراك الحسي (http://ar.wikipedia.org/wiki/%D8%A7%D9%84%D8%A5%D8%AF%D8%B1%D8%A7%D9%83_%D8%A7% D9%84%D8%AD%D8%B3%D9%8A) للعلاقة بين الكيان الشخصي والمحيط الطبيعي له.
على هذا الأساس يكون الوعي المجرد هو متاح بالفطرة انما تفعيله هو ما يقوم به الانسان لاحقاً من خلال امتلاكه للأدوات الكافية لذلك..
وهذه الأدوات يُغرس بعضها مع عملية التنشئة من قبل الأهل في الطفل... ويُكتسب بعضها الآخر فيما بعد بصورة ذاتية تتيح له المعايشة مع المحيط او البيئة حوله...
يعني يا منال
في الشي البنتربى عليهو وابدا ما بالضرورة انو صحيح
وده بيدخل فيهو معظم الكلام الكتير النحنا هسي بنتناقش حوالينو عشان نطلع بحتة مُجدي ولا ما مُجدي دي...
بس السؤال الحقيقي: هل نحن بعد بلوغ سن الرشد قادرين على التفرقة بين ماهو كائن وما يجب ان يكون؟... ولا نحن ماشين قِرب منفوخة ساي...
يعني هل بقدر أميز خطأ المعتقد الإتربيت عليهو وأصلحو في نفسي ولا حأمشي بيهو والسلام...
اذا ما بنقدر نميز يا منال معناه كل النقة دي كلام فاضي ساي... واذا مابنقدر نعمل حاجة بعد حصولنا على قدر مقدر من الثقافة وتوسيع المدارك فبنكون زي قاشرين بشهاداتنا البنلِّبسا الحيط في الآخر...
اها يا وده
قلتو هنى ده شفتى المعايشة دى و باخد بس اسبوعى الاول فى كتم دى ادانى حتات لوعى جانى من المحيط الفيهو الان
يا وهاد قريت و درست و قعت فى الكنب و المدرجات و طلعت بحتت وريقه قالو شهادة ادتنى شنو وحاتك طلعن من جامعة جوبا ملقنه كلام دراب كتير و لامن حصل لى intervention مع مجتمعات اكتسبت الوعى و اشهد الله تعلمت من اميين عديل كده ما يحضر فيه الدكتورة و الماستر المعم نتعلم كيف و عشان نفتح للمدارك قبس..
الموضوع يا منال ما مؤتمرات ولا ندوات ولا روابط ولا إتحادات
الموضوع نحنا في الأساس..
.ده محك كبير نسقط فى امتحانو مرات ... و مرات نقفز ...و مرات ننجح بأمل ان نغير شئ
ومن ناحية تانية وجود الخطأ ما مبرر لإستمراريته... وإكتشافنا ليهو ما مفروض يخلينا ننتظر الآخر يعمل لينا ويخطط لينا ويفتش لينا حلول.. لانه الحل فينا لو قلنا بسم الله ومشينا مشوار جديد بصورة صح..
موضوعنا كبير صح من نحن؟ تعرفى لسه ما عرفنا من نحن عشان نعرف دايرين شنو؟
طيب أسألك سؤال يا منال..
من متين الناس في الدنيا واعية لحتة انه في ظلم واقع على المرأة وإضطهاد؟
يا ستى لو مسكتى السودان ح تلقى منذ المقاومه للاستعمار كانت النساء حاضرات يعنى الاربعينيات نقول و فى 1952 نظمن النساء جهودهن فيما عرف بالاتحاد النسائى السودانى بكل الوان الطيف لتغيير من وضع النساء والحد من اضطهاد واقع عليهن فى زمن كانت المجتمعات متماسكه و ليس بالكم الهائل من المشاكل كما الان اضافة للتمدد الكمى فى البشريه من غير اى مكتسبات حقوقيه.
وقبل كده من متين والناس واعية لحتة انه معظم المجتمعات على وجه الارض ذكورية؟
اها...
عملنا شنو بعد عرفنا؟
العرفو قبلينا زماااان عملو شنو؟
الأسئلة دي بس عشان أجيبك لواقع اننا بنتكلم وبس.. وبنخت يدنا في محل الوجعة صاح لكن بس بنفضل ضاغطين عليها عشان توجعنا... وما بنفكر في حل حقيقي او بالأصح ما عايزين نلقى حل حقيقي...
اها فى فترة الخمسينات يا وهاد كانوا يعملون نساء و رجال من اجل الوطن و من اجل حقوقنا كلنا ... السؤال البفرض نفسو هنا حصل تراجع ليه و جينا هسه بلغة حقوق ذكوريه و شنو داك انوثه
غايتو قرونى انو الحقوق للانسان من غير تمييز نوعى ... و طلعت للمجتمع لقيت اللغة محالفه النساء عندهن قضايا و فى جاب كبير بين التمتع الكامل بحقوقهن مقارنه مع الرجل السودانى
نجى لينا كجيل عندو الاحساس بقضايا كتيرة و مشربكه ... و امكن انت و انا ما لقينا تمييز نوعى و ما واجهتنا مشاكل لانو المركز وفر بعض الخدمات (الخرتوم) .
و صدقينى اصلا ما عندى احساس انو فى اضطهاد ضدى كامرأة لانو محيطى بتعامل بحقوق ماعدا الكونتكس الكبير المؤثر فيهو المجتمع و الدوله و السوق اها عرفت ده من وين وكيف ...من عملى المكتبى فى مجال التتنميه عرفت عدم التوازن وين... الخلل وين؟ المشكلة و جذورها ...الخ
طيب وجهة نظرى الانتهاك فى الحقوق و الظلم ده بعانى و بمس المراة و الرجل (الاتنين – قضية بلد) ... و الى الان بعمل مع الرجل على قدم وساق و بتعامل معاى بوعى عشان نمش قدام وده لانو اتوفر لى مناخ للتعامل مع قضايا و شلت من الاخرين حتت التماس الوعى و التفكير فى انو زى ما منال انسان فى انسان تانى له تفكير و محيط و تنشئة و تعقيدات و يحتم علينا ان تعامل سويا و نتعايش سويا
أديك مثال...
أم صاحبة أختي (شفتي اللفة دي..:))
سيدة مجتمع لامعة ولها مركز قيادي بإتحاد المرأة
بطلعوا لينا كل يوم بشعارات تمكين المرأة وانو المرأة لازم يكون ليها دور ولازم نمكنها من الأدوات التكون بيها فاعلة في المجتمع وهلمجرا...
لما جات بتها تتزوج أصرت لازم تسكن عندها مش عند نسابتا مع انه النسابة ديل جيران الباب فاتح في الباب وكانت مشكلة قربت تلغي العرس... بس عشان بتها تكون تحت عينا...
أحسبي واحد أداة تمكين لدور فاعل في المجتمع...
البت المتزوجة دي زاتا ما بتقدر تعمل اي حاجة بدون ماهي تتدخل فيها.. حتى على صعيد تربية الأحفاد
أحسبي معاي اتنين دي بذرة جديدة طالعة للدنيا
البت ما تشتغل عشان ليه ما راجلا قاعد يصرف عليها هي تتبهدل وتشتغل ليه...
أحسبي معاي تلاتة مفهوم العمل عند قيادية ومفهوم المشاركة في الحياة الزوجية عندها
ولسه كتير...
اها...
شوفي المثال ده بس رجعنا ورا كم سنة...؟
وزيها كم..؟
يا منال الموضوع وعي وأكتر كمان..
أهم شي المرأة نفسها تكون مقتنعة بأنها إنساااااان في الدنيا دي وفاعل كمان وعليهو إتكال ومنو رجا...
تعرفى المثال ده مشكلتو وين فى التفكير الانتهازى للام زى ما بقولو المثقفاتيه... و خلينا نقول قولنا هى الام بتشوف بتها زول ... عندو استغلاليتو و تفكيرى و ترسم و تخطط ليهو حياتو الزوجيه ليه وكلنا مقتنعين بقلب الام ... لكن هى لا تعليمها ولا قيادتها غيرت فيها بشئ ... احكمت سيطرتها على الابنه بدوافع و تفكير من جانبا وهى جاهله انو ح تولد مشاكل فى اسرة جديدة تفرز شنو للمجتمع الله غالب بس... اها زمان كنا بنقول تربية حبوبات تجرنا لحتت الممكن و المعقول
كمان فى جيل تانى بخطط ليك حياتك و يدخل فيها ... وده كلو بدور فى فلك السيطرة و الادى المرا الجبروت شنو ياوهاد
بل اضهاد المراة للمراة ح نعمل شنو فيهو؟
و ح اجيك ... نفلفل التمكين للمراة جا من وين ؟ و ليه يكون فى تمكين ذاتو؟
و اى تمكين ننشدو و نعمل من اجلو؟
و ليه اتحاد المراة فشل حتى فى وضع خطة للتمكين؟
لأنه مش نص واقع المرأة انما معظم واقع المرأة هو صنيعة المرأة نفسها
لأنها هي البتغرس في المرأة مثلها انها كائن متأخر وأقل درجة من الرجل وبالتالي كائن لايمكنه تحقيق واقعه انما انتظار ما يجود به الرجل وهو ما يترتب عليه إنتظار الوصاية والحماية من طرف الرجل الذي يجد اللقمة سائغة وفي متناول يده من طرف جاهز لا إرادياً بحسب المغروس فيه ليكون ضحية للتسلط والتعنت والإعتداء...
وفي اي مجتمع حتى على مستوى الاطفال في الشارع... الطفل ضعيف الشخصية هو البكون مطية الآخرين..
ويا منال خلينا نبدا منك ومني ومن الشابات الزينا...
هل بنقدر ننشئ جيل جديد يطلع مننا نغرس فيهو إيمان تام بالذات..؟
مش ده حل المشكلة من أساسا ولا شي تاني..؟
المرأة مافي شي كسرا زي إقناعا بإنها كائن تابع للرجل... وهنا دايما بنخلط بين دور المرأة في المجتمع وفاعليتها مجتمعيا وبين دور المرأة في الأسرة.. (ربنا لما أمر بطاعة المرأة المطلقة للزوج حددها بالزوج ما قال للرجل)...
الإنكسار ده هو البخلي المرأة الحلقة الأضعف القابلة لممارسة كل العنف الممكن ضدها بقصد إذلال المجتمع المفترض انه مسؤول عن حمايتا... عشان كده أي عملية إجتياح في حرب بتستهدف النساء عبر الإغتصاب لإذلال الرجل في عرضه ورجولته.. مش لإذلال المرأة لأنها بالأساس ما عادنها شي ممكن يتختا إعتبار للبحصل معاها...
يا منال نحنا قادرين نغير الواقع...
بس خلينا نربي اولادنا صاح... نفس قناعتك بأنه أمهم كيان يقاسم ابوهم ذات الدور بذات الكفاءة أغرسيها فيهم (طبعا ده بعد يكون ابوهم زاتو واعي للحتة دي...looool)
لكن ما ممكن أربي لي بت بكرة تقول لي ياخ انا حي الله بت واقول غيرت في واقعي شي..!
خلينا نبدا مننا...
وأكيد باكر صنيعة يدنا.
وهاد يا حبيبه بقولو المرا بتصنع الواقع و تشكل الحياة للرجل
وده البخلينى افكر فى منو هل المرا البتعمل كدا و منو الراجل البشارك فى هذا كله
ومدى فاعلية ده ونحن جيل طالع من براميل و برغم من رفضى لجر التركه المثقله تحت اقدامى و قذفتها من اطار تفكيرى و بتعامل مع الرجل زى ما بعاملنى وعشان ما نصنع حياة من غير ازمات و مضايقات و نمر عبر المطبات
الاثنين نعرف اننا انسان كامل له كينونه و مزاجيتو و تفكير و تعامل مع الادوات المتاحه
نؤمن بانو الحياة بسيطه تعقيدها مرهق لينا كفردين نواة مجتمع
ولامن ندخل البيت الحبل هو المودة و السكينه والمشايله و المشاركة فى الادوار
يعنى جناك ذاتو نربى سوا يا وهاد هسع الامات بعانن من غياب دور الاب المشغول فى العمل و بجى منهك و بخلف كراعو عايز ياكل و يشرب و ينوم و يقوم يحوم
اها وقت ماف عشان يربى جناهو معقوله بس يتربى بى جناح واحد عندو ذات المشغوليات
اها التربيه الصاح دى ما عايزة شد و جذب الاب و الام مشتركين فى حق توفير وكت للطفل – ناس العلم قالو من 3 شهور يحتاج لتربية اب وام وحقو نفكر نربى كيفن من الاول قبل يجى و يكبر و يلقى امو فى وادى وابوهو فى وادى و الغرس ده ما بجى من ايد واحدة الاب البشارك بس فى استحمام جناهو بروريهو النظافه الشخصيه بتكون كيفن و البذاكر مع طفلو بعلموا ما الابجديه لكن كتير اكتساب و معرفة والثمرة حقتم دى يى تنضج بمشاركة و حنان و حزم و صداقه و معرفه فى ضل الاسرة الواعيه لانها بتخرج ابناء واعين للمجتمع
اقتباس:
المشاركة الأصلية كتبت بواسطة الأغبش http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288565#post288565)
اقتباس:
رشيد ..سلامات يا جميل
تعرف يا الرشيد انا لو اتكلمت يمكن كلامي ما يعجب أخواتنا في الإنسانية (النساء) ..
بعد العيد بي كم يوم مشيت مستشفي الولادة امدرمان عشان أطلع شهادة ميلاد ولدي لقيت ليك صف طويييييييييييل في الشارع في شمس حارقة والموظفين شغالين بسلحفائية تشك انها مقصودة (طبعا في النهاية تكتشف انو الموظف من ذوات الثياب البيضاء والنظارة قعر الكباية ):p.. بعد كل ربع ساعة تطلع شهادة ومرات بعد نص ساعة لأنو في منحشرين من الداخل ... تجي واحدة تقيف في الصف وتستسمح الناس عشان تقيف في اول الصف .. ومع انو بالطريقة البعملو بيها دي زول واحد قدامك يفرق ..الناس توافق وتقيف كأول شخص ..وبعد شوية يتكرر المشهد تاني .. غايتو أكلنا الشمس ديك مع صيامنا وقلنا ياخي ديل القوارير ونحن موصييننا عليهن ..
من المقدمة أعلاه :
لاحظت أن النساء يلجأن بذكاء خارق الي التفرقة بين كونهن نساء وبين شقائقهن الرجال عندما يكون في الأمر مصلحة تخصهن أو درءاً لضرر قد يقع عليهن ...
فعندما يكون الموقف مرتبطاً بالحقوق فهن والرجال سواسية في كل شئ ولا يحق للرجال بأي نوع من التمييز وإلا اعتبرن ذلك تعدي علي حقوقهن ..
وعندما يرتبط الموقف بالمسؤوليات هنا يأتي الحديث عن خصوصية المرأة وما يجب أن تتمتع به من تمييز عن الرجال نسبة لإختلاف طبيعة المرأة وتكوينها والخ ...
شخصياً لي رأي واضح في هذا الامر وهو إيماني التام بمبدأ خصوصية المرأة وأنها لا يجب أن تُعامل بالتساوي مع الرجل ..خاصة فيما يخص المسؤوليات مراعاة لقدسية الأنثي كأنثي ..فهي الأم والأخت والزوجة والحبيبة ..وأن لا تُظلم في الحقوق بدعاوى تميز الرجال عليهن في بعض الأمور ..لأن هناك جوانب (خفيه) للمرأة وأدوار تقوم بها لا تدخل تحت طائلة الأعمال المنصوص عليها في وصفها الوظيفي في عملها الرسمي وهي الأعمال المتصلة بالأسرة ..
لكن المهم هنا أن لا تكيل النساء بمكيالين وأن يتم توحيد المعيار حتي لا نُضطر في يوم من الأيام الي تكوين (جمعية حقوق الرجل):p...
سلامات اللغبش
طيب يا صديق خلينا نركز فى الادوار دى بس
و اياها المطالبين بيها النساء
و اصلا الدور البيولوجى بدخلك طوالى للمصطلح انثى و ذكر
لكن الدور الاجتماعى بتدخل بيهو بى (راجل و مرا وده المقصود بيهو مصطلح الجندر
اها يا حافظ كل مجال عملى الان فى المساواة النوعيه
و طوالى بفكر الحقوق راجل و مرا اى طرف مفروض تكون لها كاملة و متساويه من غير تمييز نوعى
و تدخل فيها الحقوق (المدنيه و الاقتصاديه و الثقافيه و الاجتماعيه و السياسيه مثال فى (الحياة – التعليم – العلاج – الترقى الوظيفى – المشاركه السياسيه - الخ)
ولو قلنا بسم الله و عملنا لننال حقوق الانسان – ما بى نحتاج لجمعيات و مطالبات لانو الكفة قاعدة متوازنه
فيصل سعد
13-10-2010, 05:13 AM
العزيزة منال :
لك السلام و التحايا و الاحترام و عساك بالف خير ..
وفق الله جهودك و عملك و حفظك في ربوع دارفور
معافاه و مطمئنة .. و رد غربتك الى الديار و الاهل
سالمة و غانمة ..
مجدد التحايا
و في امان الله ..
فيصل سعد
13-10-2010, 05:44 AM
و هدية لك خاصة و خالصة
و مختصة .. تجدك و انت ترفلين في
ثوب الروقة و النقاء و الصفاء ..
WIDTH=350 HEIGHT=400
منال يابت من نور
لكى ولضيوفك كل الاحترام
كونى لنا نبراسا يضىء العتمة وانا بتخيلك فى كل شىء شكرا فيصل
للجمال انت كريم ومنال تستاهل
اقتباس:
المشاركة الأصلية كتبت بواسطة الأغبش http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288570#post288570)
تعرفي يا منال ..كتير بسأل نفسي سؤال
أهلنا في الأرياف الفيها مشاكل كبيرة دي محتاجين لي دعم قدرو كم عشان يعيشو حياة غن لم تكن مترفه لكن عادية من غير مشقة ... يعني مليون دولار ممكن تغير حياة كم من البشر لو تم انفقاها صاح وعلي اساسيات زي مياه الشرب مثلاً .. ياخي مليون دولار دي لما تفكيها بالسوداني حاجه كتيرة خلاص ..وتجي تسمعي بي مية منظمة وطنية واجنبية شغالة ..والحكومة شغالة ..والمعارضة شغالة :p..ولما تجي للواقع ما تلقي اي تغيير في حياة الناس ..يعني القروش دي بتمشي وين ما تعرف :confused:...ياخي في دارفور في اكثر من خمسمائة منظمة لو ما يكون اكتر .. ديل بعملو في شنو ما تعرف ..
طبعن يا حافظ المنظمات ذاتا لحم راس و فى دارفور خشم بيوت ... يعنى اوكسفام شغالة فى المدارس قاموا طردوها ... اسع الرك بقى على الجمعيات الوطنيه و نحن واحدة منهن ... و كدى نقول الجمعيات الوطنيه ظهرت متين ما بعد الجفاف و التصحر 83 يادوك ماعدا الجمعية السودانية لحماية البيئة قبل 25 عاما و منتشرة فى كل السودان و الكثير منها تاريخ قريب بعد تفلقم حرب الجنوب و اندلاع الحرب فى الشرق و الغرب التسعينات
و سؤال برضو هل الجمعيات دى بروزها ده بحل محل الحكومه الغائبه
و كم من مشاريع تنمية يخطط ليها تعرقلو الحكومه و تحبسو فى الادراج
لكن بتفق معاك فى حتت الانفاق من المنظمات العالميه على حتت اللوجستك و التسير الادارى كبير جدن و مكلف. و تشوف الجمعيات الوطنيه كان شنو و شنو داك اقنعت الممولين مشروعك بكون فى حدود 30 الف دولار لمدة عام و بحكم الجمعيات الوطنيه مبادئ اولها المحاسبيه و الشفافيه و المراجعة السنويه و لكل مشروع على حدا من مكتب مراجع معتمد و يكون مرفق للممول مع التقرير العام السنوى كشرط اساسى للتمويل حتى
الناس دي محتاجة لي حاجات بسيطه والباقي ممكن تكلمو براها لأنو فيهم الهمه ..لكن نحن اتعودنا انو نعمل اي حاجه بصور إحتفالية ..يعني افتتاح موسم الحصاد ممكن يكلف اكتر من قيمة حصادنا ذاتو ... عشان نوزع لينا غنمايتين علي الفقراء البنزين البنصرفو في جيش العربات البمشي والمصورين والعوازيم يعمل ليهوقطيع بتاع بهائم ...
طبعن سيرة منظمات الحكومة البتجى مع المسئول مكلفه و مرهقه للبشريه ... لكن خلينى اقول ليك فى الجمعية اول من نبدأ شغل بعد دراسات ميدانيه لازم يكون فى تحريك للمجتمعات و تشتغل وسطم رجال و نسوان و بعد يقتنعو و يفكرو معاك نقوم اول شئ ننظمهم فى جمعية لابد ان يكون فى جسم تنظيمى له كينونته و استقلاليته و يساعدنا فى ادارة المشروع وعلينا مجمعية ان نتحمل كل مصرفاتهم الاداريه و لازمن يقاسمونا العمل خطوة بخطوة و بعد داك دورنا بكون اشرافى و متابعة فقط بل حتى كتابة التقارير هم مطالبين بكتابة تقرير مفصل للانشطة مع ميزانيته ,ويبقى كيف انك تنجح فى ادارة المشروع و تكسب ثقة المجتمعات المحليه و يتم تفعيلها بالتنظيم – و شوف يا حافظ لو كل جمعية وطنية نظمت المواطنين فى جمعيات قول تعاونيه مثلا و جمعتم حول اهداف و برامج السودان ده بكون فيهو حراك مجتمعى متقدم و الناس تعرف حقوقها وين و تقاله الفك المفترس
زي ما قال الرشيد المشكلة في إنسان هذه البلد وليس غير ...
اوكى يا حافظ النقول المشكلة فى الانسان ذاتو ... اها الانسان ده مزارع بسيط ما عندو شغلة غير يزرع الخمس (يسمى فى ريف الفاشر و هو قريب لى فدان) للاكتفاء الذاتى و عندو مراح و دجاج و بوفر المويه بى تعب و مشقة للزراعة يحوشها فى تروس او حفير ... اها عندو فائض انتاج عايز يرحلو الفاشر بكان السوق – تكلفة الترحيل ارقام فلكيه – قول نجح فى انو باع كل المنتوج – عايز بشترى تقاوى و مبيدات بس رقم خرافى ... اها باقى ليك ما شيتن بمحن ... يعمل شنو و الله بحونا انو صغار المزراعين لامن يجوا سوق ام دفسو يوم الجمعة راسم بيسرح ( يعنى يذهب عقلو و قول يجن) يرجع لبيتو خسران زول شقيان و تعبان و يجى الموسم و يزرع و يقلع و يجى السوق يبلعو منو؟
اها الحكومة لامن شاف ولامن سمع ... تجى شايل الدفاتر للضرائب و الدمغه ... اها ادى حكومة ما وفرت لى و لا شكلت لى حمايه مليم واحد ليه بربك الواحد الاحد
ياخ هو زول نضيج و زرع و حصد ياكلو منو تماسيح يعيشن كيفن
اها نغير الزول ده كمزارع بسيط و نقنعو فى الجمعية انو يدحل مظلة التأمين نقوم كجمعية بدفع المبلغ الاول و هو من البيبعو فى مطنقتو يدفع الباقى – لكن عندو مشكلة تسويق لمنتجاته ودى سياسة دولة بتاعت خصخصة و تجار بلهفو و حكومة جبايات من انزل الله مثلها من قبل ( وليكم يوم ياولاد الهرمه ) هكذا نردد معاهم عندما بحكونك عن الخسارة ... طيب زول مواطن بيكدح من الدغيش الى المغربيه تانى يغيير شنو؟
و الافنديه قاعدين فى الكندشات و يخططو لجمع الامول و بناء الفلل ... شن نسوى كلنا ده دورنا جميعا
اللونتو ليك بالاحمر بيجيب عن نُص تساؤلاتك الفوق دي..تغبيش الوعي..
اعتراف بانو الوعي ده قاااعد..جزء من تكوين الزول ده..بس ضارباهو الغبشة..
ونحن عشان نزيل الغبار المغطيهو ده لازم نهبشو..وننفض الغبار ونخليهو يلمع زي صحن الصيني..
الوعي ده زي صحن الصيني الغطاهو الغبار..نلمسو بالراحة ونتمَرو برواقة
ومانتجابد فوقو عشان مايقع وينكسر..
وكان انكسر ياهو رماد الجهل كال حماد التفاؤل..
ههههههههه يا الرشيد ناس دارفور واقفين الف احمر للصينى و جودو بيناتم – اها عمتك الحكومة قامت وقعت مع شركة صينيه فى مجال مياه الشرب – اهلى قالو شنو – اليخلونا نشرب من الحفير من يجيبو الصينى يلغوث مويتنا و بيئتنا – ده الكلام النجيض
علا يشيلو سلاحم و يحرسو مويتم و كنوز باطن الارض من الحراميه
المجابدة يامنال البتكسر صحن الوعي ياها محاولة اي زول اثبات انو بيمتلك صكوك توزيع الوعي وانو هو الوصي علي الاخرين وهو البيفهم اكتر من الاخرين وهو البيحميهم من المؤامرات والاجندة الخارجية وهلم جرا ديك
ده البسوا الجماعة و يكوركوا مؤامرة خارجيه ياخى فى اكبر من مؤامرتم دى ..
يعني لو كل زول مننا اعترف بنقصانو حال انو براهو..
وعرف انو عشان مايكتمل انسانيا لازم يندمج ويعترف بالاخرين
بنقدر نزيل الغبشة من وعينا البنتكلم عنو ده..
الفكرة زي الزراعة..بدل اي زول يزرع جُبراكتو براهو
ياخي أخير نتلم كلنا في مشروع واحد ونجتهد في عملية الكديب والحِشاشة سوا..
عشان المنتوج يبقي وفير ويغطي كل احتياجاتنا..
يا الرشيد ان الله ما ليك يا اخوى – مشروع شنو خد ريف الفاشر مثال ناس تعابا مشروع شنو ليهم – كدى الينجح يزرع الجبراكا و ياكل وليداتو – المشروع يؤجل الى حين الانتهاء من الحرب
يادوب نوفر للمواطن يزرع ارضو عشان بعيش
نحن ما عايزين تفكيرنا يوفر للناس مشقة التفكير..
دايرين تفكيرنا وتصوراتنا المختلفة للحاجات تثير في الناس افكارهم الخاصة..
الرشيد اسماعيل مشروع انسان ناقص طالما هو متعالي علي الاخرين وبيفترض
انو هو زول واعي..ومثقف وفاهم الحاجات كويس..لكنو بيكتمل لما يعترف بأنو من غير الناس التانيين ديل مابيسوي شيء..مجرد زول عميان..
عشان الناس التانيين هم عيونو البيشوف بيها..
تعرفي يامنال المثقف السوداني بيفترض الصفوية في نفسو..
وبيتحصن بقلعة الثقافة بصورة متعالية كأنو من كوكب تاني وفالح جدا في التنظير الايديولوجي..ويملأ اجهزة الاعلام بعبارات من شاكلة والله المشهد الثقافي..
وأكدمة الفن (أكدمة دي قالو من اكاديمي)..وحركة الثقافة والتثاقف والمثْقفة
و..نحن كمثقفين وجمر القضية والشفافية...عيييييك..
ياتو جمر وياتو قضية هن..؟؟
القضية الوحيدة المفروض ينتبه ليها المثقف ده..هي قضية دوره كوسيط مدني..
وسيط مدني بسيط شايل عدتو وحايم بين الناس وينشر في مفاهيمو الاكتسبها وتصوراته ومفاهيمه الانسانية اللي ما بتكتمل الا من خلال اندماجو في الناس البسيطين ديل..
اكتمالنا الانساني لا بد ليهو من اختلاف ظاهري واتفاق جوهري..
الاتفاق الجوهري هو قضية الوعي دي..والاختلاف الظاهري هو سبيل تحقيق القضية..اي زول يعمل مابوسعه وكلٌ بأدواته ومقدراته..
ولكن داخل إطار المشروع الكبير ده..زي المثل حق الزراعة القلت ليك عليهو قبيل..
كلنا نحرث في ارض المشروع لكن اي زول بأدواتو الخاصة بيهو وماهر في استخدامها..البيعرف يحش بالجرَاية ..والمتمرس بالكدنكة..والمعلم في استعمال السلَوكة..
وهكذا وهكذا..وبعد ننتهي نرجي المطرة تسقي.
الرشيد فى حرب مدورة و نهب حكومى مسلح و ينهب خير المزارع الشقيان ... المشروع ده البحرسو منو من الحكومة خلى ناس الحركات قاعدين يدوهم بى ايدم السمحة و قالو فى اجرنا المشروع..
الوعي يامنال ما بالضخامة الفي بالنا دي..
الحد الادني للوعي في رأيي الخاص هو احترام الآخر كإنسان وبس..
وكان قدرنا نحقق الحد الادني ده يابختنا..
لو كل زول بدا يلفت انتباه الاخرين للحاجة دي يبقي الباقي هين..
وعشان ماتقولي كلامي ده كلو تنظير وكلام سااكت كدة حأوريك
قاعدين نعمل في شنو..
تنظير شنو يا صديق ما حصل نظرت ذاتو ههههههههههه
اصلو اى تحرك منك تجاه مجتمعك بيورى انك متفاعل و مهموم و هميم بى قضايا الناس
__________________
حن شباب متفقين علي فكرة استهداف الانسان والتغيير الفردي دي..مشينا خطوات كويسة جدا في الخط ده..
أي زول مننا مشي اي حتة لازم يحاول يضيف حاجة ويضع بصمة في الاتجاه ده..والحمدلله ماشيين كويس.
نموذج:
اشتغلت في الجزيرة سنة 2008 وبراقب في السلوك حق الناس..
لقيت الناس عايشة في تعايش سمح..ناس الحلة (عرب الجزيرة)..
وناس الكمبو اللي هم غرابة..بيحبو بعض ومتسالمين للحد البعيد..
حصلت مرة شكلة بين اتنين..واحد من الكمبو والتاني من عرب الجزيرة ..طوالي ود الجزيرة لما فقد اعصابو قال للغرباوي (أمشي ياعب)..
المهم بعد الشكلة انتهت ناديتو وقعدت معاهو وبالراحة شرحت ليهو وجهة نظري..
ياخي انت موش مسلم..؟؟
قال لي ااااي مسلم..
قلت ليهو ياخي كلمتك القبيل دي الاسلام قال حرام..
قال لي انا ماقاصد بيها حاجة..مما قمنا بنقول ليهم كدة..؟؟
قلت ليهو خليك مما قمتو..انت هسع رايك شنو لو زول قال ليك عب..؟؟
قال لي والله كان اكتلو..!!!
قلت ليهو معناها حاجة كعبة..صاح..؟؟
قال لي كلامك صاح والله..معليش ياخي..
قلت ليهو معليش دي تقولا للزول القلت ليهو ياعب..
مشي اعتذر منو والمشكلة اتحلت بصورة جذرية.
الحصل شنو..
الحصل انو الولد ده اقنعتو يجي المركز الصحي وعلمناهو شغل التمريض..بقي يدي الحقن ويركب الدربات وحس بأنو زول مهم..
وهسع بيقرا دبلوم صيدلة(نظام سنتين) في الخرطوم..ومن اعز اصدقائي..بيتصل علي من وكت لآخر.
المعني شنو..؟؟
المعني انو انا كسبت فرد جديد في المنظومة حقت المشروع المدني ده...
وده بيديني امل في المواصلة..والنماذج كتيرة عندي.
ده الوعي البقصدو ليك يامنال..في غاية البساطة..لاحظي انو الولد
ده ممكن يؤثر بسلوكياتو لي قدام علي كم شاب زيو..؟؟
لو اي زول فينا واعي بتساوي الناس إنسانيا وبدا يلفت انتباه الناس للفكرة..
اكيد حيحصل تقدم ملحوظ..
مامهم بعد كم سنة..المهم يحصل..والاجيال الحتجي بعدنا تنعم بالمساواة..
صحيح مافي زول حيتذكرك بعد ماتموت..بس الانسانية حتكون ممنونة ليك
بصورة تدعوك للاعتزاز..
خلونا نبدا مشروعنا المدني ده بشكل عفوي كدة..
اي زول في مكانو من غير اجندة ولا اجتماعات ولا بروتوكولات
ولا ندوات ولا ميزانية..كل زول يقوم يفعل دورو كوسيط مدني فعال
خلينى اقول ليك شنو يا زول
اى مؤتمر عالمى لحقوق الانسان – بنلقى منو الدعم و الاطار بنعمل بيهو – و ح اجيك بالمهلة لحتت المؤتمرات العالميه و ليه بى نتابعا – عارف يا لرشيد اى مؤتمر فيهو تقرير من الحكومة و تقرير من منظمات المجتمع المدنى – بينك و بين روحك كده ح تعرف اى تقرير بكون صادق و علمى و عملى و مدعوم بى داتا و تحليل و كشف للاوضاع معاى لحدى هنا
نجى ليه نحن بنشارك فى المؤتمرات – ياخى ما نوصل صوتنا و نورى العالم السودان ده مليان مصايب و مشاكل ... و خبراتنا الوطنيه قاعدة تحلل و ترصد الواقع و تختو بى مهنيه عاليه جدن يعنى يا الرشيد البخلى سيما سمر ممثل المفوض لحقوق الانسان ناطه عندنا فى السودان كل شهرين شنو و منو البوصل التقارير الكاشفه – و ليه اسع مجلس الامن الوفد حام الفاشر و رجع – لانو فى وطنين مشاركين فى مؤاتمرات اثمرت جهودهم فى توضيح الحاصل و ملف الجنائيه بمش ليه...
خلى من نحن النساء استفدنا شنو من اول مشاركة للاستاذة فاطمة احمد ابراهيم فى مؤتمر كوبنهاجن 1975 المؤتمر العالمى للمرأة و بجين 1985 ودى تنظيمات ما حكوميه ... الى المؤتمر الاخير نيويوك يا لرشسد القصة و مافيها التزام الفرد منا بوعى تام بقضايا الوطن و المواطن و قدر شنو قاعد تقدم كفرد للاحرين و تنشر الوعى على المستوى المحلى و يبدا من بيتكم و اسرتك و اصدقائك و المدرسة و ايييييك المجتمع الكبير
ما بنرجى يقولو لينا شنو و شنو بنعمل لكن كمان ما نقول المؤتمرات منضمه و ما نصوب ناحية الحكومة و الصرف البذخى – ياخ فى بلد نسبة الفقر 97% و الاميه 85% و عى شنو البتكلم عنو ... و مجتمعاتنا تحتاج للعيش الكريم
بجيك لو ربك هون
اقتباس:
المشاركة الأصلية كتبت بواسطة فيصل سعد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288878#post288878)
و هدية لك خاصة و خالصة
و مختصة .. تجدك و انت ترفلين في
ثوب الروقة و النقاء و الصفاء ..
اوووووووو فيصل سعد
و اليوم خميس
نفتل البوست ذاتو و كفانا نقه :D:D
ترباس فى السلك يا عمك
خلتنا نطرب و ندندن بالجميل
يدبيك قدر ما يرضيك حبيبنا ود سعد
اها نخش معاك فى الخميس بديتو من الصباح مع السقيد علا كان اديك منو اتفضل
http://www.youtube.com/v/5NVJhV_fsPI?fs=1
اسمع معاى هنى
http://www.youtube.com/v/1pUAkCQPgNw?fs=1
http://www.youtube.com/v/KWDx8Run16c?fs=1
http://www.youtube.com/v/gag843B917o?fs=1
اقتباس:
المشاركة الأصلية كتبت بواسطة سارة http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=289020#post289020)
منال يابت من نور
لكى ولضيوفك كل الاحترام
كونى لنا نبراسا يضىء العتمة وانا بتخيلك فى كل شىء شكرا فيصل
للجمال انت كريم ومنال تستاهل
يا سرو
يااااااااااا طوق النجا
ما انت كل شئ
يابنيه يا شهقه كيفنك و الشوق من حاصف لى نخلتك اسمعى هنى جاااااااااااااى
http://www.youtube.com/v/NXTNPQfR1FQ?fs=1
و كمان دى بسمع فيها اليوم المزاج عالى و العدا كاااااااااارب و مظبط
مظام قاعدين فى البيت ههههههههههههه مزازيك ساااى
وهو يا سرور لو ما الغنا ده اكان تقعنا زمااان ... غايتو قربت احسب الرملا هنى علا غلبنى اشعبط فى النخلات و صديقتى قالت ما انا بت البسكويت و الجبنه ههههههه
شفتى البقت على ياختى
بجيك تانى و يجوك فى سمح ود تكتوك صاحبى
http://www.youtube.com/v/_F3Q8kjBOMA?fs=1
سلامات للجميع
و اكون اكثر تخصصيه لجانب تمكين المرأة و نشوف جاء من وين اصلا؟
نظمت الأمم المتحدة منذ السبعينات وحتى اليوم أربعة مؤتمرات عالمية بشأن المرأة هي: المؤتمر العالمي للسنة الدولية للمرأة، مكسيكو، 1975؛ والمؤتمر العالمي لعقد الأمم المتحدة للمرأة: المساواة والتنمية والسلم، كوبنهاغن، 1980؛ والمؤتمر العالمي لاستعراض وتقييم منجزات عقد الأمم المتحدة للمرأة: المساواة والتنمية والسلم، نيروبي، 1985؛ والمؤتمر العالمي الرابع المعني بالمرأة، بيجين، 1995. غير أنها اتخذت قراراً بعدم عقد مؤتمر للمرأة في عام 2005، أي بعد مرور عشر سنوات على عقد مؤتمر بيجين. وأولت أهمية قصوى للمؤتمرات التي ستنظمها اللجان الإقليمية، بما فيها الإسكوا، تحضيراً للدورة التاسعة والأربعين للجنة وضع المرأة التي ستُعقد في نيويورك خلال الفترة من 28 شباط/فبراير إلى11 آذار/مارس 2005. ولذلك يكتسب المؤتمر الإقليمي العربي أهمية كبرى في تأكيد خصوصية المرأة العربية وإبراز البعد الإقليمي العربي في الوثيقة الدولية التي ستستعرض في آذار/مارس 2005. ويستمد المؤتمر هذا البعد من التقرير الإقليمي العربي للمراجعة والتقييم العشري لتنفيذ منهاج عمل بيجين الذي وُضع استناداً إلى الردود على الاستبيان الموجه إلى الحكومات لهذا الغرض.
مع أن إنجازات عديدة قد تحققت للنهوض بالمرأة على المستوى العربي، مثل إنشاء منظمة المرأة العربية وتصديق 17 دولة عربية على اتفاقية القضاء على جميع أشكال التمييز ضد المرأة، لا تزال هناك تحديات جمة ينبغي تخطيها لتحقيق المساواة والعدالة والتنمية والسلام. ولذلك يهدف المؤتمر الإقليمي العربي إلى تقييم ما تم تنفيذه للنهوض بالمرأة العربية بعد مرور عشر سنوات على عقد المؤتمر العالمي الرابع المعني بالمرأة في بيجين في عام 1995، وذلك باستعراض الإنجازات التي تحققت والعقبات والتحديات التي واجهت الدول العربية في تنفيذ منهاج عمل بيجين وخطة العمل العربية للنهوض بالمرأة حتى عام 2005، ووضع مبادرات جديدة لتجاوز التحديات التي تواجه المرأة العربية وعملية تمكينها اقتصادياً واجتماعياً وسياسياً في جو مشحون بعدم الاستقرار.
فالمنطقة العربية تتعرض لظروف قاسية نتيجة لعدم الاستقرار والاحتلال والحرب والمقاطعة الاقتصادية. وهذه الظروف تؤخر النمو والتقدم، وخاصة تقدم المرأة وتمكينها. فاستمرار عدم الاستقرار السياسي يؤثر كثيراً في تحقيق المساواة نظراً لانشغال المرأة بسلامتها وسلامة عائلتها ولانشغال الدولة عن الأمور التنموية وتوجيه مواردها المحدودة للأمور العسكرية. ولذلك اتخذ المؤتمر الإقليمي العربي شعاراَ له "عشر سنوات بعد بيجين: دعوة إلى السلام" ليبرز دور المرأة من خلال المشاركة السياسية للبرلمانيات والوزيرات والتنفيذيات والمفكرات والأديبات والإعلاميات والناشطات في النقابات المهنية والأحزاب السياسية.
وأكد قرار مجلس الأمن 1325 المؤرخ 31 تشرين الأول/أكتوبر 2000 دور المرأة في السلام والأمن، وكذلك الأهداف الإنمائية للألفية التي اعتمدتها الجمعية العامة للأمم المتحدة في عام 2000،ولاسيما الهدف الثالث المعني بتعزيز المساواة بين الجنسين وتمكين المرأة. والآن وبعد عشر سنوات على مؤتمر بيجين، تتقدم المرأة العربية بالدعوة إلى الأمن والسلام، وهي أكثر من يقاسي من آثار الحرب في منطقة يسودها عدم الاستقرار والنزاع المسلح والاحتلال والمقاطعة الاقتصادية، وتطالب بأن تأخذ موقعها إلى جانب الرجل في إعادة البناء والتأهيل وفي العمل على إحلال الأمن والسلام عن طريق المشاركة السياسية الفعالة على شتى الأصعدة.
من بعض الاوراق البحثيه
مؤتمر بيجين الذي عقد عام 1995، وقد اشتهر هذا المؤتمر نظراً للتغطيةالإعلامية التي حظي بها، ولطبيعة النقلة النوعية في المطالب والدعوات التيقدمت فيه.
وقد صدر عنه إعلان بيجين الذي كان من فقراته :
-تمكين المرأة ومشاركتها الكاملة على قدم المساواة في جميع جوانب حياة المجتمعبما في ذلك عملية صنع القرار وبلوغ مواقع السلطة.
-الاعتراف الصريح بحقِّ جميع النساء في التحكم بجميع الأمور المتعلقة بصحتهنوخصوصاً تلك المتصلة بالإنجاب.
-اتخاذ جميع التدابير اللازمة للقضاء على جميع أشكال التمييز بين المرأة.
-مؤتمر بيجين 5+ الذي عقد في نيويورك في صيف 2000 الماضي والذي خصِّص لدراسةتطبيق التوصيات الصادرة عن مؤتمر بيجين حول المرأة 1995 في السنوات الخمسالماضية والتخطيط للسنوات الخمس المقبلة وذلك تحت شعار "المرأة عام 2000: المساواة بين الجنسين والتنمية والسلام في القرن الحادي والعشرين".
ولعل أبرز وأهم التوصيات التي صدرت عن مؤتمر بيجين 5+ هو العمل على رفعالتحفظات عن "اتفاقية القضاء على جميع أشكال التمييز ضد المرأة" والعمل علىالمصادقة النهائية عليها، وذلك في أفق سنة 2005.
سبقنا كثير من الدول العربيه و بعض الفرنجه فى مسائل المسازاة و كان نتاج نضال للرائدات الحركه النسويه فى السودان ( حاجه كاشف – فاطمة احمد ابراهيم – سعاد ابراهيم عيسى – ثريا امبابى – نفيسه احمد الامين و كثيرات ) تتوالى مجهودات المرأة فى مسائل الحقوق و بالطبع التعرض زى كل المواطنين فى عهد الديكتاتوريات الثلاثه لانتهاكات كتثيرة فى الحقوق و نشهد الان فى ظل نظام الانقاذ المعشش فى كل اروقة الحكم على الكثير حتى من التراجع تجاه مكتسيات حقوقيه نالتها المراة منذ السبعينات نمسك فى مجال العمل (الحق المتساوى للاجر المتساوى – الترقى الوظيفى – فوائد ما بعد الخدمة – الاجازات ) الاخيرة دى فقط الانقاذ قللت الفترة المدفوعة الاجر الى 45 يوما و بعدها ساعة الرضاعة فقط – حتى اضطرت الكثيرات الى اخذ اجازة من غير مرتب لانو اصلا ماف خدمات من حضانات و رياض اطفال الا القليل و بمجهود النساء و ليس المؤسسات ليه عشان يستغنوا من خدمتهن بعد الاجازة من غير مرتب وهى بتاخدها عشان جناها يقوى و تقدر تخليهو فى الحضانه)
وطبعن الهجمه على الترقى الوظيفى و التمييز حتى فى الدخول لبعض الكليات الاكاديميه فيه اجحاف ولا تحتاج الى عين ثاقبه
نرجع تانى و نقول التمكين للمرأة فى مجتمعناا السودانى جاء لسد الفرقه- الهوة الفجوة النوعيه و تمسكنا فى مسألة الحقوق و كان لنا الحراك و القداح المعلى فى تضمينها فى دستور بالصياغة الواضحة للحقوق من غير تفريق للجنس.
و نشوف مجهودات من اجل تمكين المراة و مطالبنا اصلا شنو وده كان ثمرة لقاءات بين تنظيمات العمل المدنى و نساء الاحزاب السياسيه لطرح برنامج الاجندة المشتركة للمرأة فى مرحلة تاريخيه مفصليه الكل يطالب بالحقوق و كانت ان اجمعت عليها كل القوى الساسيه بمحتلف الوان الطيف و كالعادة المؤتمر الوطنى يشق الصف الوطنى و لا يقدم شئ للمراة الا لمن ينتفعون من منتسبيه.
و اتحاد المراة ديكور ساااى و مطبلاتيه و بعدين حتى عن فهم قضية النساء.
طيب يا الرشيد جزئية تانيه من تواصلنا نشوف حتت العنف ضد المراة
و نخت الاطار العام ليهو و بعدين نشوف مجتمعاتنا و تعاملها مع العنف و اشكاله و مسبابته
1- العنف وتعريفاته القانونية والنفسية
إن ظاهرة العنف بشكل عام وفي الأطر المختلفة تعد من أكثر الظواهر التي تستدعي اهتمام الجهات الحكومية من ناحية والأسرة من جهة أخرى، كما لا بد من مواجهتها أولاً بمعرفة حجمها الحقيقي بالأرقام ثم الوقوف على الأسباب لاجتثاثها من جذورها، ونتيجة لتطور الوعي القائم في مطلع القرن العشرين كان الالتفاف والاهتمام بظاهرة العنف بما يتعلق بالمرأة،
وعلى المستوى العالمي فقد جرى التسليم بأن أشكال العنف كافة التي تقع ضد المرأة والتي تأخذ أنماطاً في الحياة العامة والخاصة تمثل انتهاكاً لحقوق الإنسان الأساسية وفي هذا السياق صادق حوالي ثلث دول العالم على اتفاقية إلغاء كافة أشكال التمييز ضد المرأة التي صدرت في مايو / أيار 1984 عن الأمم المتحدة. ومن المفترض أن تشكل نصوص الاتفاقية معياراً أخلاقياً لشعوب العالم كافة في كيفية التعامل مع قضايا المرأة ويقصد بالتمييز بين الرجل والمرأة –لصالح الرجل- ونصت المادة الثانية عشر من الإعلان العالمي لحقوق الإنسان على أنه " لا يعرض أحد لتدخل تعسفي في حياته الخاصة أو أسرته أو مسكنه أو مراسلاته أو لحملات على شرفه وسمعته ولكل شخص الحق في حماية القانون.
ماذا يعني مفهوم العنف:
· هو كل تصرف يؤدي إلى إلحاق الأذى بالآخرين، وقد يكون الأذى جسدياً أو نفسياً فالسخرية والاستهزاء من الفرد، فرض الآراء بالقوة، إسماع الكلمات البذيئة جميعها أشكال مختلفة لنفس الظاهرة.
· تشير الموسوعة العلمية (Universals) أن مفهوم العنف يعني كل فعل يمارس من طرف جماعة أو فرد ضد أفراد آخرين عن طريق التعنيف قولاً أو فعلاً وهو فعل عنيف يجسد القوة المادية أو المعنوية.
· ذكر قاموس (Webster) أن من معاني العنف ممارسة القوة الجسدية بغرض الإضرار بالغير وتعني بمفهوم العنف هنا تعمد الإضرار بالمرأة أو الطفل، وقد يكون شكل هذا الضرر مادي من خلال ممارسة القوة الجسدية بالضرب أو معنوي من خلال تعمد الإهانة المعنوية للمرأة والطفل بالسباب أو التجريح أو الإهانة.
· هو سلوك أو فعل يتسم بالعدوانية يصدر عن طرف قد يكون فرداً أو جماعة أو طبقة اجتماعية أو دولة بهدف استغلال وإخضاع طرف آخر في إطار علاقة قوة غير متكافئة اقتصاديا وسياسياً مما يتسبب في إحداث أضرار مادية أو معنوية أو نفسية لفرد أو جماعة أو طبقة اجتماعية أو دولة أخرى.
· الوثيقة الصادرة عن المؤتمر العالمي الرابع للمرأة في بكين 1995 "أن العنف ضد النساء هو أي عنف مرتبط بنوع الجنس، يؤدي على الأرجح إلى وقوع ضرر جسدي أو جنسي أو نفسي أو معاناة للمرأة بما في ذلك التهديد بمثل تلك الأفعال، والحرمان من الحرية قسراً أو تعسفاً سواء حدث ذلك في مكان عام أو في الحياة الخاصة.
· ربط المؤتمر العالمي لحقوق الإنسان والذي صدر عنه ما يعرف بإعلان وبرنامج عمل فينا (1993) بين العنف والتمييز ضد المرأة، الفقرة (38) على أن مظاهر العنف تشمل المضايقة الجنسية والاستغلال الجنسي والتمييز القائم على الجنس والتعصب والتطرف وقد جاءت الفقرة ما يلي" يشدد المؤتمر العالمي لحقوق الإنسان بصفة خاصة على أهمية العمل من أجل القضاء على العنف ضد المرأة في الحياة العامة والخاصة والقضاء على جميع أشكال المضايقة الجنسية والاستغلال والاتجار بالمرأة والقضاء على التحيز القائم على الجنس في إقامة العدل وإزالة أي تضارب يمكن أن ينشأ بين حقوق المرأة والآثار الضارة لبعض الممارسات التقليدية أو المتصلة بالعادات والتعصب الثقافي والتطرف الديني".
بعض المؤشرات على هذه الظاهرة:
تقول منظمة العفو الدولية أن النساء يتعرضن لتكل الانتهاكات فيما يرجع جزئياً للامبالاة الشرطة بالإضافة الى العوائق القانونية التي تحول دون تصنيف الانتهاكات باعتبارها جرائم جنائية، وأيضاً تحيز المحاكم والادعاء لجنس المتهم وهو ما يعوق إجراء محاكمة عادلة. كما وتقول المنظمة في تقرير نشرته بمناسبة يوم المرأة العالمي عام 2001 " أن التعذيب يتغذى على ثقافة عالمية ترفض فكرة المساواة في الحقوق مع الرجال والتي تبيح العنف ضد النساء.
أظهر تقرير أصدرته الأمم المتحدة في عام 2001 أن واحدة من بين كل ثلاث نساء في العالم تعرضت للضرب أو الإكراه على ممارسة الجنس أو إساءة المعاملة بصورة أو بأخرى، وغالباًُ ما تتم هذه الانتهاكات لحقوق المرأة بواسطة إنسان يعرفنه.
وتفتقر منطقتنا إلى الدراسات التي تبحث في موضوعات العنف على الأطفال أو النساء وأن ورد منها القليل فهو يشير إلى العنف الجسدي، لذا فلا تزال المعلومات حول حالات العنف ضد النساء محدودة ولا يتم التبليغ عنها.
أنواع العنف:
أولاً: العنف العائلي:
ويسمى أيضاً بالعنف الأسري ويدخل ضمن تهديد حرية الإنسان وكرامته وبالتالي حقوقه كإنسان، وأشارت المادة الخامسة من الإعلان المذكور إلى عدم تعريض أي إنسان للتعذيب ولا للعقوبات أو المعاملات القاسية أو الوحشية أو الحاطة بالكرامة".
وفي تعريف آخر للعنف الأسري " هو أحد أنماط السلوك العدواني الذي ينتج من وجود علاقات غير متكافئة في إطار نظام تقسيم العمل بين المرأة والرجل داخل الأسرة وما يترتب على لك من تحديد لأدوار ومكانة كل فرد من أفراد الأسرة وفقاً لما يمليه النظام الاقتصادي والاجتماعي السائد في المجتمع.
وأيضاً فأن العنف العائلي يشير إلى ضرب وإهانة الزوجة والأطفال بأشكال متعددة، واغتصاب المحرمات من النساء في الأسرة، وقد يقوم بلك الزوج، الابن، الأب، الأخ حيث يتمتع الرجل في المجتمعات الأبوية بمكانة وسلطة، الأمر الذي يعزز تلك السلطة على المرأة وفرض نفوذه من خلال استخدامه العنف عليها.
والمبرر الحقيقي وراء العنف أن للأمر علاقة بالتقسيم الاجتماعي للعمل تاريخياً، ونشوء السلطة الأبوية في مجتمع، فمن يقوم بالضرب يقوم به لعدة أسباب، ومن أبرزها أنه في ظل مجتمع ذكوري يتمتع فيه الرجل بالسلطة على أنه السيد، فإنه يعتبر أن المرأة جزءا من ممتلكاته له حق التصرف بها كيفما يشاء.
ثانياً: العنف الجسدي:
والذي يتمثل باستخدام القوة الجسدية بشكل متعمد تجاه الآخرين بهدف إيذائهم وإلحاق أضرار جسيمة لهم وذلك كوسيلة عقاب غير شرعية مما يؤدي إلى التسبب بوقوع الألم، الأوجاع، والمعاناة النفسية جراء تلك الأضرار مما يعرضهم للخطر ومن الأمثلة على أشكال العنف الجسدي : الحرق أو الكي بالنار، رفسات بالرجل، خنق، ضرب بالأيدي أو بالأدوات، دفع الشخص، لطمات.... الخ.
ثالثاً: العنف النفسي:
الذي قد يتم من خلال عمل أو الامتناع عن القيام بعمل وفق مقاييس مجتمعية ومعرفة علمية بالضرر النفسي وقد تكون تلك الأفعال على يد فرد أو مجموعة يملكون القوة والسيطرة مما يؤثر على وظائفه السلوكية، الوجدانية، الذهنية والجسدية، ومن الأمثلة على العنف النفسي: الإهانة، التخويف، الاستغلال، العزل، عدم الاكتراث وكذلك فرض الآراء على الآخرين بالقوة يعتبر نوعاً من أنواع العنف النفسي.
رابعاً: الإهمال :
ويتمثل بعدم تلبية الرغبات الأساسية لفترة مستمرة من الزمن ويصنف إلى فئتين: الإهمال المقصود- والإهمال غير المقصود.
خامساً: الاستغلال الجنسي:
هو الاتصال الجنسي الإجباري باستخدام القوة إرضاء لرغبات جنسية أو إعطاء موافقتهم على تلك العلاقة، ويقصد بالاستغلال الجنسي:
أ. كشف الأعضاء التناسلية.
ب. إزالة الملابس، الثياب.
ت. ملامسة أو ملاطفة جنسية.
ث. التلصص على المرأة.
ج. تعريض المرأة لصور أو أفلام جنسية.
خ. اغتصاب.
أسباب التحرش الجنسي متعددة .. والتغيير بيد المرأة وحدها
أجمع عدد من الخبراء والمثقفين علي تعدد الأسباب والدوافع في قضية التحرش الجنسي بما يصعب معه التركيز علي عنصر واحد منها وتحميله المسؤولية عن تفاقم الظاهرة في الآونة الأخيرة، وكانت العديد من حوادث التحرش الجنسي قد شغلت الرأي العام في الفترة الأخيرة، خاصة أن بعضا من تلك الحوادث كان جماعيا.
و نواصل
الجيلى أحمد
16-10-2010, 07:29 AM
سبقنا كثير من الدول العربيه
الدول العربية دى لسه عايشة فى زمن مشاتر
غايتو يامنال من الناجية دى أرقدى قفا..
والله ياصديقتى لولا ان الجبهة الاسلامية أدخلتنا فى هذا النفق المظلم,
لكان للمرأة السودانية شأن آخر..
ورغم ذلك فلها شأن مميز ووعى متقدم ..
يكفينى ان أرى حوارك هذا لأدرك أن الجبهة الاسلامية لم تفلح البتة فى مشروع موات المرأة السودانية
مبر محمود
16-10-2010, 08:07 AM
اقتباس:
اقتباس:
المشاركة الأصلية كتبت بواسطة منال http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=289900#post289900)
و كالعادة المؤتمر الوطنى يشق الصف الوطنى و لا يقدم شئ للمراة الا لمن ينتفعون من منتسبيه.
و اتحاد المراة ديكور ساااى و مطبلاتيه و بعيدين حتى عن فهم قضية النساء.
تحياتي يا منال .. أريتك طيبة وشديدة
مؤقف المؤتمر الوطني من قضية المرأة، هو موقف أيدلوجي بحت، يصعب تغييره أو التساير معه حتى. وذلك لإرتباطة عندهم بمنهج الحكم، وتصوراتهم لشكل الدولة المنشودة (دولة الشريعة الإسلامية) .. أذكر في حوارتنا مع بعض الأصدقاء الجنوبيين إنهم كانوا يقولون : في حال تطبيق الشريعة فاننا سنصبح مواطنين من الدرجة الثانية. فكنت أقول لهم: لا، بل ستصبحون مواطنين من الدرجة الثالثة، وذلك لأن المواطنين من الدرجة الثانية في دولة الشريعة هي "المرأة المسلمة"
إذاً يا منال مسألة إن نساء المؤتمر الوطني بعيدات عن فهم قضية المرأة، أعتقد إنها مسألة غير دقيقة وتفتقر للتمحيص، ففي رائي أن المرأة داخل المؤتمر الوطني تعي جيداً دورها وقضيتها ولكن بصورة متوافقة مع مشروعها الأيدلوجي ..
وفي رائي إن "البعد عن فهم قضية المرأة" موجود وبكثافة عند بعض الناشطات اللبراليات أكثر من وجوده لدي نساء دولة الشريعة الإسلامية
الجيلى أحمد
16-10-2010, 08:34 AM
قبل فترة يامبر سمعت على عثمان محمد طه يجعجع فى تلفزيون الجبهة,
كان بتحدث فى احد الاحتفالات الكرتونية التى تقام باسم المرأة السودانية..
والله يامبر كنت فى غاية التشوق لسماع ماسيقوله عن المرأة السودانية..
وأصلآ ماخيب ظنى,
قال مامعناه ,
أن المرأة السودانية عظيمة لأنها وقفت ودعمت توجهات الدولة الرشيدة...!!!
أى والله !!
هل تصدق؟
طبعآ سيستحيل عليه أن يتحدث عن نضالات المرأة السودنية وعن وعيها,
لأن تلك الأشياء بطبيعتها تلغى مشروعه القائم فى الأساس ضد المرأة ..
اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=289904#post289904)
الدول العربية دى لسه عايشة فى زمن مشاتر
غايتو يامنال من الناجية دى أرقدى قفا..
والله ياصديقتى لولا ان الجبهة الاسلامية أدخلتنا فى هذا النفق المظلم,
لكان للمرأة السودانية شأن آخر..
ورغم ذلك فلها شأن مميز ووعى متقدم ..
يكفينى ان أرى حوارك هذا لأدرك أن الجبهة الاسلامية لم تفلح البتة فى مشروع موات المرأة السودانية
الجيلى ازيك
سيكون لنا شانا فى سودانا ده
ماقد كان و ما سيكون
بس كمان يا جيلى لامن نقول اجمل الاطفال قادمون عيونهم اشد من عيوننا بريقا
ما كمان لازمنا نخت لهم الزوادة للجايين
بس شبابنا الفى الجامعات و همن اصلوا عايشين الفراغ الكبير و التلقين المستمر - عايزين شغل كتيييييييييير ياخ
خوفى على وجود مفكرين و عباقرة وسط الطلاب اليوم يعنى لاهو قرا و لا اتثقف ... ولا مهموم بمجتمعو يعنى ح يكون ليهو دور مرجو كيفن
غايتو بى تقادم السنوات و مثلما سقط المشروع الحضارى ستسقط دولتهم البوليسيه
و لينا الصبر
طارق صديق كانديك
16-10-2010, 02:08 PM
الصديقة منال
مساء الخير أينما كنتِ
فضلك لحظة واااااااحدة .. يا ضابط السجن .. !!
أتزود بنظرة .... وأرجع أنسجن ... !!!
**
لحظة واحدة لا تكفي يا صديقة .. !!
مجهود عجيب كتابة في العصب الحي .. متعك الله والرشيد اسماعيل بالصحة .. !!
التحية ليك ولضيوفك
مودتي
اقتباس:
المشاركة الأصلية كتبت بواسطة مبر محمود http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=289917#post289917)
اقتباس:
اقتباس:
المشاركة الأصلية كتبت بواسطة منال http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=289900#post289900)
و كالعادة المؤتمر الوطنى يشق الصف الوطنى و لا يقدم شئ للمراة الا لمن ينتفعون من منتسبيه.
و اتحاد المراة ديكور ساااى و مطبلاتيه و بعيدين حتى عن فهم قضية النساء.
تحياتي يا منال .. أريتك طيبة وشديدة
مؤقف المؤتمر الوطني من قضية المرأة، هو موقف أيدلوجي بحت، يصعب تغييره أو التساير معه حتى. وذلك لإرتباطة عندهم بمنهج الحكم، وتصوراتهم لشكل الدولة المنشودة (دولة الشريعة الإسلامية) .. أذكر في حوارتنا مع بعض الأصدقاء الجنوبيين إنهم كانوا يقولون : في حال تطبيق الشريعة فاننا سنصبح مواطنين من الدرجة الثانية. فكنت أقول لهم: لا، بل ستصبحون مواطنين من الدرجة الثالثة، وذلك لأن المواطنين من الدرجة الثانية في دولة الشريعة هي "المرأة المسلمة"
إذاً يا منال مسألة إن نساء المؤتمر الوطني بعيدات عن فهم قضية المرأة، أعتقد إنها مسألة غير دقيقة وتفتقر للتمحيص، ففي رائي أن المرأة داخل المؤتمر الوطني تعي جيداً دورها وقضيتها ولكن بصورة متوافقة مع مشروعها الأيدلوجي ..
وفي رائي إن "البعد عن فهم قضية المرأة" موجود وبكثافة عند بعض الناشطات اللبراليات أكثر من وجوده لدي نساء دولة الشريعة الإسلامية
مبر عساك طيب
و ما اتلاقينا لكن قول قريب وحقو ما كان تاكل الشيه براك هههههههه
تجدنى يا مبر من الراصيدين منذ 2005 الى المشاركة السياسية للمرأة و عملت كباحث فى الموضوع على مستويات الحكم المختلفه بما فيها مراكز اتخاذ القرار و البحث لم يكتمل و لكن اديك قراءتى سريعة هنا و بعد داك نجى للتمحيص الكتير
رصدنا فى ظل زخم الانتخابات السابقة وجود المراة و مشاركتها فى مواضع اتخاذ القرار داخل الاحزاب السياسيه و نشوف المفارقات
حزب الامة القومى : وجود المرأة منذ تاريخ ليس بالقريب وجودها على رئاسة المكتب السياسى الاستاذة سارة نقدالله ( و عندى معها موقف ما اساهو اصلا ) و معها فى المكتب د. مريم الصادق المهدى (ويقال ان كل بنات الامام الصادق داخل هيئات الجزب ) ونسبة النساء داخل الحزب لم تصل الى 30% التى نطمح اليها و لكن فى تقدم احرز بالمقارنه مع 1986
الحزب الاتحادى الديمقراطى – وجود للمراة داخل الحزب و نشطة و ليس فى مواقع اتخاذ القرار والنسبة برضو تقل عن 30%.
حزب المؤتمر الشعبى (و هو مربط الفرس لموقف الايدلوجى المرتبط بمنهج الحكم الذى ذكرته النسبة كانت 25% وعدد النساء فى مواقع اتخاذ القرار 6 فى المكتب العام او التنفيذى على ما اذكر و قد تناقشنا فى برامج الاجندة المشتركة و شهادة لله ان نسائهن متقدمات ويرجع هذا للارث التاريخى للاتحاد النسائى الذى كان يجمع كافة الوان الطيف السياسى و توافقن مع كل النساء حتى فى تضمين سيدوا و الدستور النسبة المادة – 32 و نسبة 30% مقاعد للنساء فى الانتخابات الماضيه وسجل لهن التاريخ حتى وقفهن الى جانب القائمة المدمجه – وقد افلح الترابى بتمكينهن فى حزبه ولا استطيع ان اجزم انها توافق مصالح او مقتضيات مرحلة ام تقدم وعى للنساء الحركة الاسلاميه الاصل وان كنت ارجح الاخيرة.
المؤتمر الوطنى : طوال بحثنا لم يقدموا لنا المعلومات الكافية ورفضوا حتى المقابلة و ان كانت بخطابات رسمية بحجة انهم مشغلون ... و اكدوا لمصادر صحفية ان نسبة 25% من المشاركة موجودة داخل الحزب و لكن كيف ده السؤال.
الحزب الشيوعى السودانى :منذ التأسيس فى قيادته نساء ما يعرف عندهم تنظيميا (اللجنة المركزيه) عدد النساء مقارنة مع العضويه والان بعد المؤتمر الخامس نجد المفارقه عدد النساء باللجنة سبعة اعضاء حسب الرصد و لكن هل هن بمواقع اتخاذ قرار ام فقط عضوات باللجنة يقولون ان سياسات الحزب ليس فيه قيادات و ان قرارته مركزيه و يعملون بمبدأ الديمقراطيه المركزيه ولم يعملون بتاسيس مكاتب للمرأة كما فى بقية الاحزاب و ينادون بالمساواة المطلقه و ليس النوعية و بانفاذ المساواة لا تحتاج المرأة الى حقوق و قضايا تخصصيه .
حزب البعث العربى الاشتراكى :توجد نساء و لكن كسائر احزاب اليسار هل هن فى مراكز اتخاذ قرار – حاورت تسير نوارنى كثيرا فى مسالة الاحصائيه و عدتنى و على ان التقيها.
اخلص من هذا ان نسبة وجود النساء فى احزاب اليسار التى من المفترض ان تكون تقديميه تجاه قضايا النساء توجد قلة فى عدد العضوية و يعزون ذلك لفترات التخفى و الحكم العسكرى و المناخ السياسى و هم الان مواجهون باشكاليه ذكروها حتى الا وهى عزوف المرأة عن المشاركة السياسية عامة و الانضمام للاحزاب و هذا اتجاه عام يسود حتى وسط الشباب .
ولكن ما يدعو للتفاؤل ان التحول الحقيقى داخل الاحزاب التقليديه و زحف النساء نحو مراكز اتخاذ القرار و امانات الحزب لهو نتاج حراك سياسى للنساء و تقدمهن حزبيا يدعونا الى المطالبة بالمزيد داخل كافة مؤسسات الحكم ونرجع لزيادة نسبة وجود المراة فى البرلمانات كذلك. و انه من المحزن ان تكون النسبة 25% للمشاركة و يلتفون حولها واضح ان المجال السياسى مازال منفر للعامة و المرأة ان وجدت من يخاطب قضاياها و يعمل على توعيتها و ليس كسبها كصوت ناخب سيكون التغيير حقيقى و فاعل.
طيب يا مبر يبقى التساؤلات حول المشاركة السياسية هى كما ام نوعا؟ و هل كل النساء يخدمن قضايا المراة
وهل النساء الحزبيات مدركات للتحديات – و لو قارنت نساء الشعبى و الوطنى تجد الفرق كبير فكريا ... نساء الكوتات فى المؤتمر الوطنى اغلبهن لا يخدمن المرأة و بل تجدنى يا مبر قد اسقطت عمدا ذكر اسم سعاد الفاتح البدوى كواحدة من الرائدات – و الان هى عضو مجلس وطنى بالانتخابات المزورة و عملت مستشارة لكثير من الحقب الديكتاتوريه – ماذا قدمت؟ بل هى من اجحفت بحق النساء و معها بدريه الزين فيما ذكرت بقوانين الشريعه الاسلاميه 1983 و التى هى بعيدة عن الشرع وحاكمن النساء بالعدالة الناجزة وهذه السعاد من باعت مشوار الاتحاد النسائى بثمن بخس و باعت حتى تاريخها فى الحركه الاسلاميه و انسلخت كم مرة؟ و صوتت ضد القانون كم مرة و...و... و من يبيع حزبه قطعا يبع قضية المرأة.
و حتما يا مبر هناك تباين اصلى فى الفهم و القاعدة التحليليه للقضية لمختلف الناشطات و لا كلهن مدركات لحالهن ولا يمكن ان نضع كل النساء فى صندوق واحد و ما تعانيه النساء من الاميه فاقت نسبته 90% و نعنى بها كل انواع الاميه. بالتالى تواجهنا تحدى كبير للتغلب على الاميه و محاربتها و نترك الوعى يتمدد وسط النساء و حتما التغييير بجئ بعد 50 عاما وزى ما ح تتغيير الخارطة تتغير المفاهيم و الادوات و الوسائل.
ونواصل
اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=290046#post290046)
الصديقة منال
مساء الخير أينما كنتِ
فضلك لحظة واااااااحدة .. يا ضابط السجن .. !!
أتزود بنظرة .... وأرجع أنسجن ... !!!
**
لحظة واحدة لا تكفي يا صديقة .. !!
مجهود عجيب كتابة في العصب الحي .. متعك الله والرشيد اسماعيل بالصحة .. !!
التحية ليك ولضيوفك
مودتي
طارق مشتاقين بحور و محيطات
ولو تعب .... :D:D
وااااااه من لحظك الفتان
يا ابو العيون السود
ده غزل عديل كده
بالعربى كدى اخير
وتسلم لى عيونك
و ادفر معانا
الرشيد اسماعيل محمود
18-10-2010, 01:18 AM
منال القريبة..
إزيك ياخي والمعذرة..
اخوك اليومين دي ماقادر يرص ليهو سطرين مع بعض..
واصلي في التشريح والكلام..
بجيك بجيك..شفتي كيف..ههههه.
والله الكلام كتير الا البراح ماهو متوفر .
الله يلزمنا الصبر.
كلام الاغبش ووهاد دايرلو رجعة..عجبني.
شايفك تفتلي في البوست بالغنا وتاني ترجعي الزلط..ههههههه
ياخي جميلة الاختيارات.
سلامات للجميع
نبهونى الى المشاركة السياسية و ين بقية الاحزاب؟
هههههههههههه الا من رحم ربى و من يتعاملون بجدية و يملكون الاحصاءات
نجى الى تقدم ملحوظ فى الانتخابات الفاشلة
وجود المراة فى مفوضية الانتخابات - عضو واحد
كذلك فى كل لجان الانتخابات
واما بالنسبة للترشيح مثلت المراة فى كافة المستويات ابتداء من رئاسة الجمهوريه - فاطمة عبد المحمود - الى اخر تمثيل فى المجالس المحليه
اما على مستوى الاحزاب فاتنى ان اشير الى تقلد الاستاذة هاله عبد الحليم رئاسة حزب حق
وهذه مؤشر الى التقدم الذى احرزه الحراك النسوى الى المشاركة فى البناء
و تستمر المسيرة
و الاحصائيات كتيرة فى كافة المستويات - الاجهزة العدليه و الامنيه و السياديه
وعلينا ان نكمل بروفايل الجندر لنعرف الجندر قاب و هناك فرق بحثيه تعمل فى ولايتى جنوب كردفان و النيل الازرق والرجاء ان يتم البروفايل لكل الولايات
يا اخونا ماااااااا معقول الزول يعقد ليهو ساعتين
عشان يخت رد بتاع دقيقتين
وقت ماف
القصة شنو؟
و الناس المجدعين فى واطة الله و الخلا
ديل يسو شنو للودليينج بتاعت الموقع
المعنى ؟
منال القريبة..
إزيك ياخي والمعذرة..
اخوك اليومين دي ماقادر يرص ليهو سطرين مع بعض..
واصلي في التشريح والكلام..
بجيك بجيك..شفتي كيف..ههههه.
والله الكلام كتير الا البراح ماهو متوفر .
الله يلزمنا الصبر.
كلام الاغبش ووهاد دايرلو رجعة..عجبني.
شايفك تفتلي في البوست بالغنا وتاني ترجعي الزلط..ههههههه
ياخي جميلة الاختيارات.
الرشيد اصبحت كيف
و الحال وقف
وقفت معاهو كمان بيوت
يعجبك السمح كلو يابا
الدعكه حاصلا
بس انفض يديم زينا كده
و ما تقعد قدام الجهاز كتيييييييير :confused:
هو تانى وين نلقى البراح
الخوف نحش مشفى البراح ههههههههههههههه
غايتو حاول من عندك
مودتى
طبعن يا الرشيد البوست ده
زى صينية العدا و فيها صحن الفته
ح تعمل شنو تخلبطو كلام ... كان نتذوقو تاستى
نرجع للمفيد و العنف فى مجتمعاتنا كيف بكون؟
قالو الراجل البدق مرتو ما راجل
طوالى ينتقص من رجولتو البرقع ايدو على مرا
اها الكلام ده ما جا عبطا لانو الاحترام و التربيه القمنا بيها
و التنشئة الكانت ما تخلى الراجل يضرب دى حقو نكوس ليها
عرفنا الراجل ينهر و يتفرعن :o
لكن يضرب دى كبيرة و خطيرة
ضرب البنات فى الاسر
وقالن ما شلوت و كف ضرب بالسوط و الحزام
معقوله بس
و مرات بالخرطوش
ما حرام بهيمه هى!
ضرب الزوجة و ده مكمن الخطورة
البولد انفعالت و تفلاتات اسريه
قالت احداهن ابوى بضرب امى قدامنا
و يفلعا بى اى شئ قدامو (حتى التربيزه) و تربيزة دى معناها شئ كبير و مؤذى
ندفن راسنا فى الرمال و لا نقول فى عنف منزلى حاصل
فى يتعدد باشكال و مراراتو كتيرة
ممكن نقولو اظن
خلى نقول مسباباتو
و ح نحكى الوجع
vBulletin® v3.8.8 Beta 2, Copyright ©2000-2026