المساعد الشخصي الرقمي

مشاهدة النسخة كاملة : الشمعة \ غناء كمال ترباس\كلمات\أزهري عوض الكريم


د. أزهري
09-01-2011, 04:03 PM
بشوف كل حاجة في الدنيا......بتمشي مع الزمن تكبر
الا الشمعة لما تدور تفارق الليل.....تكون .... اصغر
تّنزل دمعة فوق دمعة.....ودموعة الحارة.....تتقطر
وانا المجبور.....علي الشمعة اقول اطفيها..مابقدر
__________________________________
لما تنور الشمعة.... تخلي قلوبنا..........مجتمعة
ماتأذوها يوم أوعة..........عشان ماتظلم الروعة
نحنا الشمعة بنريدها.......أإصلها روعة الروعة
وعشانه الشمعة سهرانه......تحرق ليله في اللوعة
________________________________
تغالب الشمعة..ظلم الريح...حرام تقضيه ليلها نويح
كم ضوت مع الافراح...وكم هنت حزين وجريح
ماأصلو الشمعة فنانة.....تخلي الكون جميل وفسيح
لي الليل الطويل هي دليل....ولي القلب العليل بتّريح
_________________________________
طبع الشمعة بتريح..........عشان ماتفرح الحبان
كم شالوها للحنة........ وكم ضووها للعرسان
بعد ماكملت نورها..........مشو خلوها للأحزان
وديمة الشمعة مظلومة......ويجهل قدرها الانشان
؟

حمدي السمر
10-01-2011, 04:51 AM
شكراً لك ولترباس ولــ ازهري
موداتي

بابكر مخير
11-01-2011, 03:07 PM
يقال أن كمال ترباس من كسلا
وأنا حبيت عشانك "حرف الكاف، كسلا أو كمال" :)
الابيات دي بتهزني لأني بحبها..
وبحبها لأنها بتهزني من جوووووووآ
دكتورنا
أروينا من السبيل هولك دآ، عشان نروى و نثمل..
دمت أخي

د. أزهري
13-01-2011, 09:22 AM
اقتباس:
المشاركة الأصلية كتبت بواسطة حمدي السمر http://sudanyat.org/vb/images/buttons/viewpost.gif (http://sudanyat.org/vb/showthread.php?p=323700#post323700)
شكراً لك ولترباس ولــ ازهري
موداتي ..لك أخ حمدي كل تقديري واحتراماتي وأتمني أن أكون عند حسن ظنك

د. أزهري
13-01-2011, 09:28 AM
أخي مخير .....انت عز الدنيا عزك وانت تسلم للبعزك....لا زمن جائر يخونك لا عواطف ريد تهزك.....كل الود