بوست تجريبي..

[الرشيد اسماعيل محمود]

http://www.sudanyat.org/upload/uploads/1-30-2011%2012-40-18%20AM.png

[الرشيد اسماعيل محمود]

تيست ون..
تيست ون.

[الرشيد اسماعيل محمود]

والله ده كلام عجيب..

[الرشيد اسماعيل محمود]

اللحظات النادرة هي تماما كالمعجزات..
لا تتكرَر وإن تماثلت

[الرشيد اسماعيل محمود]

يعني فكرة تكون براك في المنتدي دي مخيفة خالص خالص..
هسع لو جا حرامي ناطي..
مثلا يعني..
أقول يامنو..؟؟؟

[الرشيد اسماعيل محمود]

سألته كيف تبني القماري عشَها..؟؟
أجابها..قشَة قشَة..
ضحِكا بإغراق ثم افترقا علي أمل.

[الرشيد اسماعيل محمود]

غايتو الواحد يبدا يونس في روحو

[الرشيد اسماعيل محمود]

النَملة تؤدي واجبها اليومي بجديَة ومثابرة..
وهي تسير مع السائرين في سربهم.. لمحت حبيبها النَمل واقفاً علي مبعدة
في أحد الأركان..
أشار لها أنْ بعد انتهائك وافيني هنا..
قال له هامسة (همسة نملة): كويس.
وفي طريق عودتها لملاقاة الحبيب المنتظر فكَرت في اختصار المسافة
فخرجتْ عن السِرب العائد جماعاتٍ جماعات..
إقتربت من مكان حبيبها..تبقَت فقط تلك القشَة تدور حولها لتلتقيه..
وفي اللحظة التي تهيأت فيها النملة لتدور حول القشَة تلك..
في ذات اللحظة وطأتها قدم فتاة كانت تنطُ من الفرح.
فماتت النملة.

[الرشيد اسماعيل محمود]

أراد الرجل الثلاثيني السفر لذويه في القرية البعيدة..
شُوهد واقفاً بعيداً عن البص السفري..
سأله الكومسنجي( ماتركب ياشيخنا البص قرَب يتملي..!!
أجابه المدعو شيخنا( أنا حأركب البص التاني.. سفريات الوداعة)..
كل ذلك بسبب الخط البارز أعلي البص:
سفريات السَلامة..المدينة الحلة وبالعودة.
فالمدعو شيخنا كان يحبذ البص الثاني لأنه مكتوب عليه:
سفريات الوداعة.. المدينة الحِلة وبالعودة إن شاء الله.
تحرَك البص الأوَل ..
واستقل المدعو شيخنا البص الثاني..المزيَن بالمشيئة..
في المساء كانت نشرة الأخبار كالآتي:
إثر حادث حركة أليم ومروع..إصطدم بص سفريات الوداعة بحمار علي طريق المدينة الحلة ومات جميع الركَاب..

[بدور التركي]

Test

[الرشيد اسماعيل محمود]

قالوا: ونسة الضِّكير للضِّكير النوم أخير..
وانا بونِّس في روحي..
والرُّوح أنثي..
يعني ما منطبقة عليّ القاعدة..
وطيِّب مالو..؟؟

[بدور التركي]

عيناي منذ فترة مصلوبتان للاشيء

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331182#post331182)
Test

لالا..
إمتحان.
بالله المصحيك شنو يابدور..
صاحبك الرويعي نايم..الجابك شنو..؟؟

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331185#post331185)
عيناي منذ فترة مصلوبتان للاشيء

بدور سؤال:
البيحدد قيمة العاطفة الإنسانية منو..
والمعايير شنو..؟؟

[بدور التركي]

قالوا
ارحموا عزيز قوم ذل

[بدور التركي]

لالا..
إمتحان.
بالله المصحيك شنو يابدور..
صاحبك الرويعي نايم..الجابك شنو..؟؟

عيوني مليانة دموع
وقلق وخوف

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331188#post331188)
قالوا
ارحموا عزيز قوم ذل

يابدور ياخي انسي الحكاية وخليني اسوق براي..
انا حبيت اتونس بصورة مطلقة في قيم انسانية..
فما تلخبطي لي الكيمان.

[الرشيد اسماعيل محمود]

كويس.
أوسكار وايلد الشخصية المثيرة للجدل قال:
عندما نكون سعداء نكون بحال جيَدة دوماً،ولكن عندما نكون بحال جيَدة،
لانكون دوما سعداء.

[بدور التركي]

بدور سؤال:
البيحدد قيمة العاطفة الإنسانية منو..
والمعايير شنو..؟؟

فقدت الإحساس بالعاطفة
مع الأوضاع القاتلة دي


يا الرشيد
أسألك سؤال؟

[بدور التركي]

يابدور ياخي انسي الحكاية وخليني اسوق براي..
انا حبيت اتونس بصورة مطلقة في قيم انسانية..
فما تلخبطي لي الكيمان.


مممم
طيب خليني اشرب موية
واجيك ما دام فيها فيم إنسانية
ممكن؟

[الرشيد اسماعيل محمود]

قال الفيلسوف (كانط) في اخلاقياته:
لا تعاملوا الآخرين علي انهم وسائل، بل عاملوهم كــ غايات

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331196#post331196)

ممكن؟

ومالو..

[الرشيد اسماعيل محمود]

الرَجل الذي سلك درب النضال مؤخَراً..
أصدقائه كانوا يحكون له عن نضالاتهم وصمودهم..
إرتجف لمَا حكوا له عن أساليب التعذيب اللا إنسانيَة في المعتقل..
توقَف كثيراً عند إحدي تلك الوسائل..
قالوا..
كانوا يقدمون لك الدَعوة بكل لطف لتناول مشروب غازي تختاره أنت بنفسك
ثم بعدها يُجلسونك علي الزجاجة الفارغة..
قال أحدهم..
والله أنا من دقستي طلبت قزازة حجم عائلي..
وانفجر الجميع بالضحك..
فاجأه الآخر : إنت ليه طلبت حجم عائلي..
ياخي كنت عطشان وقلت نخسِر الحيكومة دي شوية..
وبعدين أنا شارب مجَان ؟؟ ما دي قروشنا نحن ديل..
وناموا بعد قصصٍ غريبة غربة أيَامهم.
بعدها بأيَام تمَ القبض علي المناضل الجديد..
زُجَ به في المعتقل..
جاءه شخصٌ غريبٌ سأله أن يختار شيئا ليشربه..
رفض المناضل..
فاجأه الشخص الغريب قائلاً :
مافي حاجة اسمها ماداير..حــ تشرب يعني حــ تشرب..
رد المناضل بهدوء:
يعني ضروري..؟؟
أيوة ضروري..أجاب الشخص.
فكَر المناضل طويلاً ثم قال:
خلاص جيبو لي موية في صحن كبير.
سؤال:
طيب ده علاقتو بالقيم الإنسانية شنو..؟؟

[الرشيد اسماعيل محمود]

قال بن عطاءالله السكندري في لطائفه:
أصلُ كل معصيةٍ وغفلةٍ وشهوةٍ..الرضا عن النفس..
وأصلُ كل طاعةٍ ويقظةٍ وعفةٍ عدم الرضي منك عنها ..
ولأن تصاحب جاهلاً لا يرضي عن نفسه خيرٌ من أن تصاحب عالماً يرضي عن نفسه..فأيُ علمٍ لعالمٍ يرضي عن نفسه وأيُ جهلٍ لجاهلٍ لا يرضي عن نفسه.
ــــــ
وين كيشو ياخوَانا.

[بدور التركي]

شوف يا الرشيد:
قيمة الانسان هي ان يتحرر من عبوديته
وعليه ان يسعى للوصول إلي ذلك
من اجل كرامته وانسانيته

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331201#post331201)
شوف يا الرشيد:
قيمة الانسان هي ان يتحرر من عبوديته
وعليه ان يسعى للوصول إلي ذلك
من اجل كرامته وانسانيته

طيب معايير الكرامة شنو..؟؟
والعبودية دي ذاتا قيمة وين محلها من الإعراب..؟؟؟
افتراض:
انا بحب زولة..
وانا قاعد وسط الشباب اصحابي..
جات من بعيد ونادتني تعال..
قمت ماشي عليها..
الشباب كلهم قالوا لي ليه تمشي ليها ..؟؟
ما تجيك هي..
طيب ياخوانا انا بحبها وقبلان اني امشي ليها..انتو مالكم متوَرين النفس..
المسألة نسبية ومن الخصوصية بمكان..
لا معايير قياسية تصلح هنا سوي القلب.

[الرشيد اسماعيل محمود]

قال البير كامو:
(انني علي اية حال ربما لا أكون واثقاً من الأشياء التي تهمني فعلاً، ولكني واثق من الأشياء التي لا تهمني.)

[بدور التركي]

عيوني مليانة دموع
وقلق وخوف

القلق هنا ليس وهم من الأوهام
ربنا كانت نوع من انواع الحرية
زي ما قال الفيلسوف سارتر
قال:
ان الحرية كثيرا ما تؤرق اصحابها..

[الرشيد اسماعيل محمود]

وطوَالي جا أوسكار وايلد قال:
(أفضل ما يمكن فعله بالنصيحة هو تمريرها للآخرين،فهي ليست ذات فائدة للمرء نفسه)

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331204#post331204)
القلق هنا ليس وهم من الأوهام
ربنا كانت نوع من انواع الحرية
زي ما قال الفيلسوف سارتر
قال:
ان الحرية كثيرا ما تؤرق اصحابها..

الفلسفة الوجودية التي يتمثلها سارتر تعتمد علي مثلث القلق والسقوط واليأس
كقاعدة اساسية لا حياد عنها..
والقلق الوجودي هو قلق الانسان المسؤول..
الانسان الذي حينما يفعل شيئا ما فإنه بذلك انما يقترحه للإنسانية كلها..
مما ينتج عنه قلق المسئولية..
انا حر في كل افعالي ولكنني ايضا مقيَد بالإختيار..
الحرية لا تمثل أي أرق طالما كانت حريَة حقيقيَة

[رأفت ميلاد]

تيست وتصبحو على خير ..
الرشيد ما داير ونسة الضكير .. خليتك مع دامة اهارت دى looool

[بدور التركي]

طيب معايير الكرامة شنو..؟؟
والعبودية دي ذاتا قيمة وين محلها من الإعراب..؟؟؟
افتراض:
انا بحب زولة..
وانا قاعد وسط الشباب اصحابي..
جات من بعيد ونادتني تعال..
قمت ماشي عليها..
الشباب كلهم قالوا لي ليه تمشي ليها ..؟؟
ما تجيك هي..
طيب ياخوانا انا بحبها وقبلان اني امشي ليها..انتو مالكم متوَرين النفس..
المسألة نسبية ومن الخصوصية بمكان..
لا معايير قياسية تصلح هنا سوي القلب.
القلب هنا لا ينطوي إلا على إرادة الكمال الاسمى
إرادة الخير فقط!!
لا ادري لماذا يتوهم بعض المحبين في كثير من المواقف بأنهم مجبرين على تغطية بعض مشاعرهم النبيلة!!

[الرشيد اسماعيل محمود]

المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif (http://sudanyat.org/vb/showthread.php?p=331208#post331208)
تيست وتصبحو على خير ..
الرشيد ما داير ونسة الضكير .. خليتك مع دامة اهارت دى looool

أوووو..
شايب الديناري وصل..هعهع
يازول بالله انت قاعد..
شايفك طفيت نورك واتدمدمت قبيل..
كدي خليك معانا ياخ..
دامة الهارت دي ماتخليها براها مع ود الشيريا اللي هو انا
ههعهع

[بدور التركي]

الفلسفة الوجودية التي يتمثلها سارتر تعتمد علي مثلث القلق والسقوط واليأس
كقاعدة اساسية لا حياد عنها..
والقلق الوجودي هو قلق الانسان المسؤول..
الانسان الذي حينما يفعل شيئا ما فإنه بذلك انما يقترحه للإنسانية كلها..
مما ينتج عنه قلق المسئولية..
انا حر في كل افعالي ولكنني ايضا مقيَد بالإختيار..
الحرية لا تمثل أي أرق طالما كانت حريَة حقيقيَة

شوف ما تقلقني معاك
القلق شعور نبيل امام. ذواتنا وأمام الاخرين

اقول ليك ليه قلقانة
جانا خبر من تحت تحت بأن البلد ستنقلب خلال الايام القادمة
ويجب علينا ترك البلد
يعني بالمفتوح كدا نهرب
طيب!
اين الأخلاق هنا والمثل والقيم
حسيت بأني مسؤولة تجاه الجميع
من الجبن ان اهرب وحدي!!
اي قوة سأرتكز عليها في الخارج
!!

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331209#post331209)


لا ادري لماذا يتوهم بعض المحبين في كثير من المواقف بأنهم مجبرين على تغطية بعض مشاعرهم النبيلة!!


يازولة انا ابوي أستاذ..كويس.
كان مغترب في اليمن حقتكم دي..
بالمناسبة انا كنت في اليمن في قضاء زبيد (الحوطة)..*
لمَا يجي من السفر بيسلم علينا كلنا بالأحضان..
لمَا يجي يسلم علي أمي (اللي هي مرتو)..
بيجر واطي طوالي وبيسلم عليها في يدها..
بالليل بنسمعهم في غرفتهم آخر ونسة وضحكة وذكريات حميمة.
شفتي غتغتة المشاعر دي كيف..؟؟
ــــــــــــــــ
*حـ يجي بابكر عباس يقول لي كضاب

[بدور التركي]

دامة الهارت دي منو؟

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331211#post331211)
شوف ما تقلقني معاك
القلق شعور نبيل امام. ذواتنا وأمام الاخرين

اقول ليك ليه قلقانة
جانا خبر من تحت تحت بأن البلد ستنقلب خلال الايام القادمة
ويجب علينا ترك البلد
يعني بالمفتوح كدا نهرب
طيب!
اين الأخلاق هنا والمثل والقيم
حسيت بأني مسؤولة تجاه الجميع
من الجبن ان اهرب وحدي!!
اي قوة سأرتكز عليها في الخارج

ياساتر..
زي ماقال مُبر عطسة بوعزيزي أصابت المنطقة بالزكام.
سارتر بيحكي موقف قريب لموقفك ده..
قال جاءه شاب في مقتبل العمر إبَان الحرب الثانية..
قال له ان ابي قد مات في الحرب وليس لوالدتي شخص آخر
تعتمد عليه في المنزل..هل أذهب لأقاتل في الجبهة وأثأر لمقتل والدي
وأعين مواطني بلدي ام ابقي بجانب والدتي..؟؟؟
تخيلي قال ليهو شنو..؟؟
قال ليهو اختار براك .
الشاب اختار القعاد مع أمو..
أها ياتو معايير اعتمد عليها..؟؟
علي قلبو براهو..
شفتي استفتاء القلب ده كيف.
الأخلاق بتقول ليهو أمشي قاتل بلا جبن معاك.
والقلب يجعله يلازم والدته
دي الحرية الأنا قاصدا ليك..
الحرية اللي معاها بتختار براك ماتراه مناسبا دون وصاية من أحد..
ملحوظة:
الشاب كان ملحد زيَو زي سارتر..عشان كدة ما عندو مرجعية دينية يرجع ليها.

[بدور التركي]

يازولة انا ابوي أستاذ..كويس.
كان مغترب في اليمن حقتكم دي..
بالمناسبة انا كنت في اليمن في قضاء زبيد (الحوطة)..*
لمَا يجي من السفر بيسلم علينا كلنا بالأحضان..
لمَا يجي يسلم علي أمي (اللي هي مرتو)..
بيجر واطي طوالي وبيسلم عليها في يدها..
بالليل بنسمعهم في غرفتهم آخر ونسة وضحكة وذكريات حميمة.
شفتي غتغتة المشاعر دي كيف..؟؟
ــــــــــــــــ
*حـ يجي بابكر عباس يقول لي كضاب


زبيد منبع الأدباء والشعراء اليمنيين ومنها ولدت الثقافة والعلم والمعرفة
اهل زبيد قال عنهم الرسول
هم ارق قلوب وافئدة..

قلت لي شنو؟
كنتوا بتسمعوا شنو!

كان هذا جزء من ثقافة ابائنا وامهاتنا
واصالتهم
ياخ والله هم اللي عرفوا يحبوا صح..

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331213#post331213)
دامة الهارت دي منو؟

كدي سيبك من دامة الهارت..
ود الشيريا دة منو..؟؟

[بدور التركي]

ياساتر..
زي ماقال مُبر عطسة بوعزيزي أصابت المنطقة بالزكام.
سارتر بيحكي موقف قريب لموقفك ده..
قال جاءه شاب في مقتبل العمر إبَان الحرب الثانية..
قال له ان ابي قد مات في الحرب وليس لوالدتي شخص آخر
تعتمد عليه في المنزل..هل أذهب لأقاتل في الجبهة وأثأر لمقتل والدي
وأعين مواطني بلدي ام ابقي بجانب والدتي..؟؟؟
تخيلي قال ليهو شنو..؟؟
قال ليهو اختار براك .
الشاب اختار القعاد مع أمو..
أها ياتو معايير اعتمد عليها..؟؟
علي قلبو براهو..
شفتي استفتاء القلب ده كيف.
الأخلاق بتقول ليهو أمشي قاتل بلا جبن معاك.
والقلب يجعله يلازم والدته
دي الحرية الأنا قاصدا ليك..
الحرية اللي معاها بتختار براك ماتراه مناسبا دون وصاية من أحد..
ملحوظة:
الشاب كان ملحد زيَو زي سارتر..عشان كدة ما عندو مرجعية دينية يرجع ليها.



هو صحي قصة العطسة دي شنو
أنا شبهت الحكاية
زي حكاية المرأة اللي اطلقت
وقامت شجعت صاحباتها على الطلاق!!


طيب حسي اقرر شنو؟
اهرب ولّ اقعد
قالوا الموت مع الجماعة عرس:D

[فيصل سعد]

يعني فكرة تكون براك في المنتدي دي مخيفة خالص خالص..
هسع لو جا حرامي ناطي..
مثلا يعني..
أقول يامنو..؟؟؟

تقول يا ابو مروؤة :D:D
شكرا لكسر حاجز الصمت ..

يا باذخ انت الحجاب الحاجز
بيحجز شنو !! و هل له علاقة
بالكوزنة و كدا !!

[بدور التركي]

كدي سيبك من دامة الهارت..
ود الشيريا دة منو..؟؟

انت؟

اسمع!
انت الناس دي ليه قاعدة تتفرج علينا ساي
ليه ما تخش تنضم معانا؟

[بدور التركي]

تيست وتصبحو على خير ..
الرشيد ما داير ونسة الضكير .. خليتك مع دامة اهارت دى looool

سلت ليك رسالة امبارح
طنشتني
خلاص ما عايزة إجابة
زعلانة منك

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331217#post331217)
زبيد منبع الأدباء والشعراء اليمنيين ومنها ولدت الثقافة والعلم والمعرفة
اهل زبيد قال عنهم الرسول
هم ارق قلوب وافئدة..

قلت لي شنو؟
كنتوا بتسمعوا شنو!

كان هذا جزء من ثقافة ابائنا وامهاتنا
واصالتهم
ياخ والله هم اللي عرفوا يحبوا صح..

ياالله..
ياسلام ياخي..
كلامك هبشني بشكل غريب..
والله عرفو يحبو صاح إعتماداً علي الظروف الموضوعيَة..
بس هسع برضو في ناس بيحبو صاح.
قلتي لي كنا بنسمع شنو..؟؟
كدي سيبك واحكي ليك..
حضرت ندوة في اليوتيوب عن جفاف مشاعر الرجل (تقريبا..)
كانت في اوروبا ومشاركة فيها إشراقة حامد عضو سودانيات الزولة السمحة.
بيتكلمو عن اسلوب التعبير عن المشاعر ..
جا واحد مسك المايك قال ليهم:
ياخوانا انا مابيخيل لي في ازمة تعبير عن المشاعر..
بس في عدم تطوير للمفردات العندنا..
وضرب مثل قال:
مثلا انا لما اشتاق لصاحبي شديد بلاقيهو وبقول ليهو(وين يا دين)..
يعني وين يا دين دي معناها مشتاق ليك ياخي..
شفتي كيف..؟؟
فالرجل ليس بالضرورة ان يقول للمرأة إني أحبك ياسيدتي الجميلة..
وأنا ولهان بك ومازلت أعد النجوم ياديدمونة..
في حاجات بسيطة ممكن الزول يوصل بيها مشاعرو..
بس الانثي هلي بترضي بأقل من كلمة احبك..؟؟!!
غايتو أبهاتنا ديلك زمان مافي زول بيكون عارف بيقولو شنو ولا كيف..
وحياتهم ماشة في أمان الله لا طلاق ولا خلع ولا يحزنون..
رضيانين يتونسو ويضحكو ويختمو الضحكة بــ (أستغفر الله).

[الرشيد اسماعيل محمود]

المشاركة الأصلية كتبت بواسطة فيصل سعد http://sudanyat.org/vb/images/buttons/viewpost.gif (http://sudanyat.org/vb/showthread.php?p=331220#post331220)
تقول يا ابو مروؤة :D:D
شكرا لكسر حاجز الصمت ..

يا باذخ انت الحجاب الحاجز
بيحجز شنو !! و هل له علاقة
بالكوزنة و كدا !!

هعهعهع..
والله العظيم ياحبوب البوست التجريبي ده كان واحد من اهدافو
جرجرتك الباذخة دي..
ياخي سليت روحي كل ماوشوش صوت الريح في الباب وكدة..
الحجاب الحاجز ده كان ما اخاف الكضب ياهو البيحجز البذور الفي سلطة
الروب تبع الرويعي..هعهع
ياخي طلتك تفرح.

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331219#post331219)


طيب حسي اقرر شنو؟

اهرب ولّ اقعد
قالوا الموت مع الجماعة عرس:D

شكلك دايرة القعدة..هعهع
النكتة بتقول:
الولد سافر دول الخليج..
اتصل هاتفيا بناس البيت..
رفعت السماعة اختو..
بعد السلام والاشواق سألها:
قال ليها اجيب ليك معاي موبايل ولا عريس..؟؟
قال ليهو والله الشبكة ذاتها اليومين ديل كعبة شديد..
أها يابدور الهرب ذاتو فيهو خطورة ومجازفات مامضمونة.
وكدة.

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331221#post331221)
اسمع!
انت الناس دي ليه قاعدة تتفرج علينا ساي
ليه ما تخش تنضم معانا؟

غايتو انا متخيلهم قاعدين يقولو:
الصمتُ في حرمِ الجمالِ جمالُ

[بدور التركي]

يا صاحب العقل الرشيد
الان اهتز النظام
والناس تخبطوا وظنوا بأنفسهم الظنون
فاكرين انهم يملكون من المشاعر الكثير
وهم لا يملكون شيئا

اصبحوا خبرا في قيمة المستندات والأوراق المالية
والقيمة الحقيقة رفضوا ان يعرفوها
رفضوا ان يعرفوا جوهر الحياة!!

[بدور التركي]

شكلك دايرة القعدة..هعهع
النكتة بتقول:
الولد سافر دول الخليج..
اتصل هاتفيا بناس البيت..
رفعت السماعة اختو..
بعد السلام والاشواق سألها:
قال ليها اجيب ليك معاي موبايل ولا عريس..؟؟
قال ليهو والله الشبكة ذاتها اليومين ديل كعبة شديد..
أها يابدور الهرب ذاتو فيهو خطورة ومجازفات مامضمونة.
وكدة.




قالوا
الانسان ابن مجتمعه
والغربة قاتلة
حلم كل انسان ان يعيش وسط بلده ينعم بالراحة وبالواحة التي ينعم بها
بالقوانين والنظام العادل النابع من الدلالات الحقيقية وليس حبر ع جرائد ولا كلمات تقال
وهنا أيضاً غربة عندما تعيش وسط بلد ناقصة أمان وامن
تعيش لحظة تبرم وقلق عندما تشعر بان الدنيا ضاقت بك !!

[الرشيد اسماعيل محمود]

المشاعر الانسانية لا تفصح عن حقيقتها الا حين يتم اختبارها..
والخبرة شيءٌ لا يمكن الحصول عليه بلا مقابل..
في سبيل أن تختبر مشاعرك تجاه الآخرين أو مشاعرهم تجاهك ،يلزمك أن تخطو خطوة..
رغما عن علمك المسبق عن خطورتها (تلك الخطوة)..ولكنك ستفعل..
لأنها الحياة وانت تمارسها كما الآخرين.
ثم..
كيف يمكن أن نحدد قيمة أيَ عاطفة..؟؟
أجاب سارتر:
لا يمكن أن ندلل علي حقيقة العاطفة إلا بالفعل..
لذلك فنحن نفعل..فعل الحياة ، نتقدَم ويكفينا اننا مارسنا حصتنا من الحياة كما ينبغي..
يكفينا ذلك كثيرا..
وكثيراً جدَا..
إذا نجحنا في شيء فذلك ما كنا نبغ..
وإذا لم ننجح فتلك تجربة..
وحينما سُئل أحد الحكماء عن التجربة قال:
(التجربة هي الإسم الذي يعطيه الناس لأخطائهم.)
والعالِم المفكر حينما حاول اثبات تجربة ما ألف مرَة وفشل قال:
أنا لم أفشل..ولكنني إكتشفت ألف طريقة للفشل..
إذن حتي الفشل فهو إكتشاف محض..

[الرشيد اسماعيل محمود]

المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=331241#post331241)
قالوا
الانسان ابن مجتمعه
والغربة قاتلة
حلم كل انسان ان يعيش وسط بلده ينعم بالراحة وبالواحة التي ينعم بها
بالقوانين والنظام العادل النابع من الدلالات الحقيقية وليس حبر ع جرائد ولا كلمات تقال
وهنا أيضاً غربة عندما تعيش وسط بلد ناقصة أمان وامن
تعيش لحظة تبرم وقلق عندما تشعر بان الدنيا ضاقت بك !!

ومصطفي سيد احمد الأسطورة غني للغربة من كلمات عبدالعال السيَد:
الدنيا ليل غربة ومطر
وطرب حزين وجَع تقاسيم الوتر
شرب الزمن فرح السنين
والباقي هدَاهو السفر

ــــــــــــ
الغربة حالة ذهنية وجدانيَة
ممكن تكون عايش في بلدك وغريب والعكس.

[الرشيد اسماعيل محمود]

بدور:
شكرا ياخي علي الونسة السمحة..
والمساء الحافل بالألوان..
خليك بخير..
البوست كان تجريبيا، بدأ بالوحدة والوحشة
ثم انتهي بالغربة وأحاديثها..
ومابين بدايته والنهاية..
تنام الحكاوي آمنة مطمئنة.
سلمتِ..
وتصبحي علي خير

[بدور التركي]

وانت من اهله
كانت سهرة جميلة
شكرًا لك

احلام وردية

[بابكر مخير]

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/buttons/viewpost.gif (http://sudanyat.org/vb/showthread.php?p=331199#post331199)
الرَجل الذي سلك درب النضال مؤخَراً..

أصدقائه كانوا يحكون له عن نضالاتهم وصمودهم..
إرتجف لمَا حكوا له عن أساليب التعذيب اللا إنسانيَة في المعتقل..



رشو
سلام، الفقرة الأولى دي، فكرتني، أول أيام تشكيل التجمع "ياا حليلهو" ونسبة لغياب قيادات الحزب، رشحت "أحدهم" (يا زول هة أصلها جاطت، دآ كان أحمد أخويا) وكان يحضر نيابة عنا الإجتماعات.. يوم جاني وهو عرقااااان،،
يا زول مصيبتك دي، أعملها برآك.
سألته؛ شنهو يا أبو الصحب..
يا أخي ناس الآمن قربوا يمسكونا وبقول ليك أهو دآ، أخيير حكايتك دي أبقآ فيها برآك، لأنه أنا لو مسكوني، بجرك معايا..
والله أول كف وبقول ليهم: بابكر أخويا هو السبب :)

[طارق صديق كانديك]

المشاعر الانسانية لا تفصح عن حقيقتها الا حين يتم اختبارها..
والخبرة شيءٌ لا يمكن الحصول عليه بلا مقابل..
في سبيل أن تختبر مشاعرك تجاه الآخرين أو مشاعرهم تجاهك ،يلزمك أن تخطو خطوة..
رغما عن علمك المسبق عن خطورتها (تلك الخطوة)..ولكنك ستفعل..
لأنها الحياة وانت تمارسها كما الآخرين.

[/COLOR][/SIZE][/FONT]


قرأت فتحسست رأسي وفكرتي .. اذ كنت من أيامٍ قلائل خاضعا لذات الرؤية الانسانية .. !!!

ولكن .. دعني أنظر للنصف الآخر للمعادلة ..!!
اذ ربما ساقتك قدماك هكذا عفو الخاطر*

وكثيرا ما يستوطنك أحدهم/ن فلا تجد الخلاص من وسواسك القهري إلا حين تخطو تلك الخطوة ..!!

والخطوة .. ربما كانت ( فجيعة ) أو (وديعة) لكنها كيفما كانت فهي بلا شك (بديعة ).. !!

متعك الله بالجمال ياصاحب


* في اشارة للمثل السوداني ( الكراع بتمشي محل بتريد ):)

[سمراء]

البوست ده مريح شديد
وبمرقك من حالة اللاوعى ....الى ...الوعى الكامل بالحياة !

_________

دائما بقول اجمل رفقة للانسان ، هى رفقة روحو ..

[سمراء]

[COLOR="DarkRed"]
* في اشارة للمثل السوداني ( الكراع بتمشي محل بتريد )[/

* المثل بقول ( الكراع تدب - محل القلب مايحب )

كانديك ...اذا هى ارادة القلب ...

[طارق صديق كانديك]

* المثل بقول ( الكراع تدب - محل القلب مايحب )

كانديك ...اذا هى ارادة القلب ...

شكرا سمراء لتصحيح المثل .. وان كنت أعتقد أن ( تدب ) هذي ليست متداولة بين أهلنا على الأقل في القرى والحلال .. ومفردة الحب عندهم ايضا يكسوها الحياء من حيث يعلمون ولا يعلمون .. فيستعيضون عنها ب ( الرّيد ) ..!!

-
هي كذلك .. :)

[الرشيد اسماعيل محمود]

المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=331250#post331250)


رشو

سلام، الفقرة الأولى دي، فكرتني، أول أيام تشكيل التجمع "ياا حليلهو" ونسبة لغياب قيادات الحزب، رشحت "أحدهم" (يا زول هة أصلها جاطت، دآ كان أحمد أخويا) وكان يحضر نيابة عنا الإجتماعات.. يوم جاني وهو عرقااااان،،
يا زول مصيبتك دي، أعملها برآك.
سألته؛ شنهو يا أبو الصحب..
يا أخي ناس الآمن قربوا يمسكونا وبقول ليك أهو دآ، أخيير حكايتك دي أبقآ فيها برآك، لأنه أنا لو مسكوني، بجرك معايا..
والله أول كف وبقول ليهم: بابكر أخويا هو السبب :)

قلت لي رشَحت أحدهم..
إنتا يا حبيب رشحتو ولا شرشحتو..؟؟
غايتو أخوك عرفها ومرق منها..
بس إنت الله لا مرقك من محبتنا..
تحيَاتي.

[الرشيد اسماعيل محمود]

المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=331412#post331412)
والخطوة .. ربما كانت ( فجيعة ) أو (وديعة) لكنها كيفما كانت فهي بلا شك (بديعة ).. !!

ياسلام ياخي..
بلا شك بديعة..
بلا شك.
جميلة هي الخطاوي الواثقة..
طبعا الليلة انت عصرت علي..
غايتو الأيَام دُول.
تحيَاتي كانديك ومتَعك الله بالجمال والعافية.
ــــــــــــ
وين صاحبنا الأغبش ياخي.

[الرشيد اسماعيل محمود]

المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=331413#post331413)
البوست ده مريح شديد
وبمرقك من حالة اللاوعى ....الى ...الوعى الكامل بالحياة !

_________

دائما بقول اجمل رفقة للانسان ، هى رفقة روحو ..

المروق من اللا وعي الي الوعي الكامل دي عبارة مُغرية بالتأمل..
ياسلام ياخي..
رفقة الروح ملهمة بصورة لا يمكن تخيلها..
بس المهم الأوَل كيف تلقي روحك..
وكيف تفرض روحك روحها عليك..
مش بقولو الجو فارض نفسو..
وطيَب.
ياسلام ياخي.. الليلة الروح فارضة نفسها..
وهكذا من فرضان وفرضيات.
شكرا سمراء..
مزيداً من التواصل يبني عوالماً تضج.

[سمراء]

المروق من اللا وعي الي الوعي الكامل دي عبارة مُغرية بالتأمل..
ياسلام ياخي..
رفقة الروح ملهمة بصورة لا يمكن تخيلها..
بس المهم الأوَل كيف تلقي روحك..
وكيف تفرض روحك روحها عليك..
مش بقولو الجو فارض نفسو..
وطيَب.
ياسلام ياخي.. الليلة الروح فارضة نفسها..
وهكذا من فرضان وفرضيات.
شكرا سمراء..
مزيداً من التواصل يبني عوالماً تضج.

حالة اللاوعى دى نحن للاسف يارشيدكو ياها حياتنا ..
بنمارس فيها يوماتى ....بشكل اتوماتيكى
حسب مخزونات العقل الاتشحنت بشكل تراكمى ..وبقت الاعضاء تنفذ !

لمن نطلع ونستشعر حياتنا وطبيعته ، بتحريك اطرافنا
وعقولنا بشكل ارادى تاااام ...بنكون مرقنا لى حياة الوعى التام ..

زكرته ليك مرة وقلت ليك انى كلما اقعد مع نفسى براى .....بكون سعيدة !
ومرتبة ....وكل تفاصيلى بتكون حاااااضرة !
وبلقى روحى ...وبستمتع بى رفقتها اكثر !

[طارق صديق كانديك]

وين صاحبنا الأغبش ياخي.

الأغبش ياصديقنا الجميل

المايك معاك .. ومعاهو .. كمين شوق .. !!

[كيشو]

قال بن عطاءالله السكندري في لطائفه:
أصلُ كل معصيةٍ وغفلةٍ وشهوةٍ..الرضا عن النفس..
وأصلُ كل طاعةٍ ويقظةٍ وعفةٍ عدم الرضي منك عنها ..
ولأن تصاحب جاهلاً لا يرضي عن نفسه خيرٌ من أن تصاحب عالماً يرضي عن نفسه..فأيُ علمٍ لعالمٍ يرضي عن نفسه وأيُ جهلٍ لجاهلٍ لا يرضي عن نفسه.
ــــــ
وين كيشو ياخوَانا.



وين كيشو ياخوَانا
[justify]الرشيد
تحياتي
لعلي قلت مرة إني نويت فتح بوست بعنوان "أنا إسمي مكتوب؟"[:)
مالك ياخي عايز تبوّظ لي توبتي من "سودانيات"؟/justify]

[كيشو]

أوّلَ امِسْ قلت أطلع من ميدان التحرير أشم شوية هوا
لاقيت لي فيلم استخدموا فيهو كلمة "define" بطريقة اتمنيت لو كنت معاهم وجاني الدور عشان أقول "define"

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=331882#post331882)
لاقيت لي فيلم استخدموا فيهو كلمة "define" بطريقة اتمنيت لو كنت معاهم وجاني الدور عشان أقول "define

سلامات ياكيشو..
والله غايتو مفتقدنك الأيَام الفاتن ديل..
كنت متوقعك تكون متحكِر هنا ده.. يا خوَانا ما تلبدو بالله.
قلت لي (ديفاين)..؟؟
جبت إسمك عشان أزحلقك تجي تدينا طلة، وانا بكتب في الكلام قلت
ياخي كيشو ده ماحصل دخل بوست من بوستاتي أها النحاول، اضافة الي
إنّو المداخلة ذاتا كلام صوفيَة قلت بالمرَة نشوف رايك شنو.(رأي آخر)
بمناسبة ديفاين دي:
زمان عندنا صاحبنا إسمو أمين جبرا تاور..
أيَام الخدمة الإلزاميّة ديك شغال في القيادة العامة واليوم داك سادّي خدمة.
طبعا بوقفك الديدبان وبقول ليك مين تقول أمين ،طوّالي يسألك أمين مين
تقول ليهو مجنّد (وتقول رقمك العسكري).
أها أوّل يوم جا داخل القيادة ثبّتوه ثاااااابت...
مين..؟؟
قال ليهو أمين..
أمين مين..؟؟
قال ليهو أمين جبرا تاور..
الديدبان مات بالضحك.
ياخي بالله خليك قريب وشاركهم في الأمر.

[كيشو]

[RIGHT]سلامات ياكيشو..
والله غايتو مفتقدنك الأيَام الفاتن ديل..
كنت متوقعك تكون متحكِر هنا ده.. يا خوَانا ما تلبدو بالله.
قلت لي (ديفاين)..؟؟
جبت إسمك عشان أزحلقك تجي تدينا طلة، وانا بكتب في الكلام قلت
ياخي كيشو ده ماحصل دخل بوست من بوستاتي أها النحاول، اضافة الي
[COLOR=blue]

ياخي كيشو ده ماحصل دخل بوست من بوستاتي أها النحاول

معقول ما دخلت بوست من بوستاتك؟
يعني شغالين نهجج في حفلات الناس التانيين؟
معناها إنت عندي زي رأفت ميلاد، محل ما نتلاقى نسوي المحل بيتنا
في حاجة تانية:
أنا كتير بتكلم (بيني وبين نفسي) مع بعض الأحباب، أكون داقي معاك حنك وانت ما جايب خبر :D

إنّو المداخلة ذاتا كلام صوفيَة قلت بالمرَة نشوف رايك شنو.(رأي آخر)
أها في صوفية دي حأقول ليك: define لأني ما ضد التصوف المبني على توحيد الله، قبل مدة سمعت واحد في الراديو قال: أعظم الحرية هي أن تكون عبداً لله وحده لا شريك له

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=331966#post331966)
أها في صوفية دي حأقول ليك: define لأني ما ضد التصوف المبني على توحيد الله، قبل مدة سمعت واحد في الراديو قال: أعظم الحرية هي أن تكون عبداً لله وحده لا شريك له

والله ماخيّبت ظني..
غايتو كنت متوقعك ترد بنفس المعني دا.
مقولات الصوفيّة (المعتدلة) قاعد أقيف عندها كتير..
وبتعجبني لأنها كبيرة في معانيها ومدلولاتها..
عموما النظري حقهم متسامح،بس الكلام كلو في العملي..
ياخي عندهم ممارسات كدا بتخليك تقول ياخوّانا..!! قولو بسم الله.
أها هسع أعظم الحريّة أن تكون عبداً لله وحده لا شريك له..
مافي زول جايب ليهو خبر، كان قالو فيسلوف خوّاجة كان هسع مثبّت في الكتب.
غايتو انا بقرا ليهم كلامهم بس مما يجو للحضرة والحلول والــ شنو داك بفط الصّفحة.

[كيشو]

والله ماخيّبت ظني..
غايتو كنت متوقعك ترد بنفس المعني دا.
مقولات الصوفيّة (المعتدلة) قاعد أقيف عندها كتير..
وبتعجبني لأنها كبيرة في معانيها ومدلولاتها..
عموما النظري حقهم متسامح،بس الكلام كلو في العملي..
ياخي عندهم ممارسات كدا بتخليك تقول ياخوّانا..!! قولو بسم الله.
أها هسع أعظم الحريّة أن تكون عبداً لله وحده لا شريك له..
مافي زول جايب ليهو خبر، كان قالو فيسلوف خوّاجة كان هسع مثبّت في الكتب.
غايتو انا بقرا ليهم كلامهم بس مما يجو للحضرة والحلول والــ شنو داك بفط الصّفحة.

بالمناسبة التصوف زي الثورات، هناك من يسرقه أيضاً

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=331966#post331966)
يعني شغالين نهجج في حفلات الناس التانيين؟
معناها إنت عندي زي رأفت ميلاد، محل ما نتلاقى نسوي المحل بيتنا
في حاجة تانية:
أنا كتير بتكلم (بيني وبين نفسي) مع بعض الأحباب، أكون داقي معاك حنك وانت ما جايب خبر :D

يمكن..
تكون طاقي معاي الحنك وأنا أقول مطنشني ليه..
طيّب كان أنا طنّشتك فاعلم بأني طاقي معاك الحنك بيني وبين نفسي.
قلت لي نهجج في حفلات التانيين..!!ههه
غايتو لمّا تروق، بتجيب من بيت الكلاوي .
إن شاءالله دايما ياخي.
وفي انتظار بوست (أنا إسمي مكتوب).

[محمد عبد الرحمن]

حليف شايفك بتساسق ما بين مشروع كاتب كبير و ما بين مشروع فيلسوف





ليك وحشة

[كيشو]

يمكن..
تكون طاقي معاي الحنك وأنا أقول مطنشني ليه..
طيّب كان أنا طنّشتك فاعلم بأني طاقي معاك الحنك بيني وبين نفسي.
قلت لي نهجج في حفلات التانيين..!!ههه
غايتو لمّا تروق، بتجيب من بيت الكلاوي .
إن شاءالله دايما ياخي.
وفي انتظار بوست (أنا إسمي مكتوب).

أنا قلت "داقي"
وإنت قلت "طاقي"
الفرق بين الدال والطاء سببو شنو؟ "على طريقة بيدي لا بيد عمرو"
(1) كيشو بشيل من طرف دولاب اللغة العربية، والرشيد بيغوص جووه
(2) كيشو بيعضي لسانو بي أسنانو، والرشيد بيعلق لسانو في السقف "سقف شنو"؟
(3) كيشو زول دق ساكت :) "ما خير بين أمرين إلا اختار الدق"looool
والله أخوك رايق روقة والغريبة مجاناً

[نبراس السيد الدمرداش]

حليف شايفك بتساسق ما بين مشروع كاتب كبير و ما بين مشروع فيلسوف





ليك وحشة

يحي العظام وهي رميم
سبحان الله سبحان الله

نورت البيت يا محمد
عليك الله و رسول مكه كيفن هان عليك تنسانا

[الرشيد اسماعيل محمود]

المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=331983#post331983)


حليف شايفك بتساسق ما بين مشروع كاتب كبير و ما بين مشروع فيلسوف

ليك وحشة

أب سفّة...!!!!
ده ما كلامي..ده كلام الجيلي لمّا لاقاك أوّل مرّة..
متذكر..؟؟
يااااه..
والله أمسية غريبة..
ياخي الحياة دي مرّات كدة ما تقدر تقول فيها شنو..
شارع النيل والنيل يحيط بك من جهة واحدة،
والسماء تحوطك بالعناية..
والعربات المارقة كما البرق في لحظة مخاض صاعقة ما..
والنخيل الواقف بلا عياء ينظر..
وصوت الأقدام علي الأسفلت هيّناً،ودوداً طيّبا..
وأنثي تقاسمكم المسير والقهوة المسائية الأخيرة..
لا بالله..
وتاني شنو..؟؟
هسع أقول ليك شنو..؟؟
متذكر كلامك الزمان داك..
ديـــــ شك ذاتو..
تعرف ياحليف..
لمّا تلقي نفسك مرّة كدة بالمجازفة، عبيء روحك بالمكان..
بس طوّالي بعد تمرق من المكان أنساهو..
ما تشيلو معاك ..
صدّقني خليهو وراك..
بيعذبك بالذكري..
يخليك زي تبكي وما تبكي..
زي العطسة الحرون ديك..عارفها صاح..
تقول تمرق وماتمرق..تتمني لو تمرق..
وتطلع ليك لسانها(العطسة طبعا) وتقول ليك ويييييي..
تقول ليها أمرقي تقول ليك أبيت.
أبيتي أبيتي.
ياخي مشتاقين إسفيريا ياخي.
محتاجين ونسة سمحة..
ونسة إسفيرية تجبُّ ما قبلها من غياب.
ثم..
كيفك ياطويل القامة والأحلام.
بالمناسبة ياحليف:
أنا كويّس..
تخيّل...!!

[محمد عبد الرحمن]

نورت البيت يا محمد







البيت منور بيكم وعقبال ما ينور* بالخال قريب إن شاء الله

كيفنك يا نيبو عساك طيبة






*شايف التنوير و مشتقاتو بقت تبع بابكر عباس

[نبراس السيد الدمرداش]

كيفك ياطويل القامة والأحلام.
بالمناسبة ياحليف:
أنا كويّس..
تخيّل...!!

انا كمان تخيل

محمد بيسال عليك
و مايكل لحدي ما هو مسافر بيسال عنك
و وصاني ليك وصيه قال ليك كنت اتمنى الاعبك قيم بلياردو قبل اغادر لابيي
و سبحان الله اتفقوا اني انا شاكلتك او زعلتك عشان كدا حاربتهم

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=331986#post331986)
أنا قلت "داقي
وإنت قلت "طاقي"
الفرق بين الدال والطاء سببو شنو؟ "على طريقة بيدي لا بيد عمرو"
(1) كيشو بشيل من طرف دولاب اللغة العربية، والرشيد بيغوص جووه
(2) كيشو بيعضي لسانو بي أسنانو، والرشيد بيعلق لسانو في السقف "سقف شنو"؟
(3) كيشو زول دق ساكت :) "ما خير بين أمرين إلا اختار الدق"looool
والله أخوك رايق روقة والغريبة مجاناً

يازول نمرة واحد دي أعكسها..
أنا شايلها من الشماعة ولا حصّلتَ الدولاب حتّي..
دقّ يبدو لي أصحّ، طقّ دي من الشماعة وكدة.
قلت لي مافي خيار تالت ..؟؟يعني يا داقي يامدقوق..؟؟
مش خير الأمور أوسطها ولا ككيف..؟؟
السودانيين بيحبو الملح(المجّاني) وبيستمتعو بيهو اكتر من مدفوع التمن..
أها روقتك المجانيّة دي نموذجاً..
بس ماتكتر منّها.
بالله كل ماتكون في روقة مجانيّة بالله قول لنا عووك.هههه

[الرشيد اسماعيل محمود]

المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=331989#post331989)
*شايف التنوير و مشتقاتو بقت تبع بابكر عباس

عليك الله مش هانت الزلابية..؟؟
ياخي صاحبك طارح نفسو منوّراتي كبير..
ونحن بس عاملين منو رايحين.
ــــــــ
نبراس مساء الخير..
الحليف الليلة كيفني والله.
قال شنو..
ديـــــــــشكم ذاتو.
والله أيّام يازمان.

[محمد عبد الرحمن]

أب سفّة...!!!!
ده ما كلامي..ده كلام الجيلي لمّا لاقاك أوّل مرّة..
متذكر..؟؟
يااااه..
والله أمسية غريبة..
ياخي الحياة دي مرّات كدة ما تقدر تقول فيها شنو..
شارع النيل والنيل يحيط بك من جهة واحدة،
والسماء تحوطك بالعناية..
والعربات المارقة كما البرق في لحظة مخاض صاعقة ما..
والنخيل الواقف بلا عياء ينظر..
وصوت الأقدام علي الأسفلت هيّناً،ودوداً طيّبا..
وأنثي تقاسمكم المسير والقهوة المسائية الأخيرة..
لا بالله..
وتاني شنو..؟؟
هسع أقول ليك شنو..؟؟
متذكر كلامك الزمان داك..
ديـــــ شك ذاتو..
تعرف ياحليف..
لمّا تلقي نفسك مرّة كدة بالمجازفة، عبيء روحك بالمكان..
بس طوّالي بعد تمرق من المكان أنساهو..
ما تشيلو معاك ..
صدّقني خليهو وراك..
بيعذبك بالذكري..
يخليك زي تبكي وما تبكي..
زي العطسة الحرون ديك..عارفها صاح..
تقول تمرق وماتمرق..تتمني لو تمرق..
وتطلع ليك لسانها(العطسة طبعا) وتقول ليك ويييييي..
تقول ليها أمرقي تقول ليك أبيت.
أبيتي أبيتي.
ياخي مشتاقين إسفيريا ياخي.
محتاجين ونسة سمحة..
ونسة إسفيرية تجبُّ ما قبلها من غياب.
ثم..
كيفك ياطويل القامة والأحلام.
بالمناسبة ياحليف:
أنا كويّس..
تخيّل...!!


بركة اللقيتك طيب إسفيريا


بعدين اللقب ده أفتكرتو حيسقط بالتقادم
ولا بي فعل صقط الأيام ديك

مالك بتنكت علينا الحاجات القديمة ياخ

بي خصوص النصيحة صعب تطبيقا و الله
ما دام عبيت منها روحك صعب تنساها






ياخ في حاجات بتكنكنكش في الروح و فيك


بالله الشوق إسفيريا ده ملاامحو شنو؟ وكت الكلام في سياق العاطفة و كده يعني

[محمد عبد الرحمن]

انا كمان تخيل

محمد بيسال عليك





إن شاءالله دايما طيبة
محمد بلغي تحياتي لحدي ما أصلكم


كنت اتمنى الاعبك قيم بلياردو قبل اغادر لابيي

حسة أمشي ليهو ولا يجيني
القصة لازمالا تأشيرة و جواز سفر
غايتو الشكية لي الله
(ربنا يعجل شفاء الخال و إن شاء الله ما يشوف شر)


سبحان الله اتفقوا اني انا شاكلتك او زعلتك عشان كدا حاربتهم

سبحان الله
حاشاك و الله يا نيبو

[محمد عبد الرحمن]

عليك الله مش هانت الزلابية..؟؟
ياخي صاحبك طارح نفسو منوّراتي كبير..
ونحن بس عاملين منو رايحين.
ــــــــ
نبراس مساء الخير..
الحليف الليلة كيفني والله.
قال شنو..
ديـــــــــشكم ذاتو.
والله أيّام يازمان.



ياخ الرويعي ده ما هين والله
الزول ده ما جاي يقضي زمن ساي هنا

عنده رسالة بس كيف نفهمو نحنا

[نبراس السيد الدمرداش]

نبراس مساء الخير..
الحليف الليلة كيفني والله.
قال شنو..
ديـــــــــشكم ذاتو.
والله أيّام يازمان.

رشيدنا رضي الله عنه
فرحتي بمحمد نستني احييك في بيتك
وكان للكيف اكتر من كيف البن و الشاي و سمسمية عمك فتحي
الله يطرى سروره بالخير
ديشكم و ديش البحبكم زاتو

والله ايام يا زمان
ابكي و اتحسر عليك
وليه تقول العشنا كان

الله يرحم مصطفى ود سيد احمد

[الرشيد اسماعيل محمود]

المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=331999#post331999)


بالله الشوق إسفيريا ده ملاامحو شنو؟ وكت الكلام في سياق العاطفة و كده يعني


الشوق الإسفيري دة ياحليف إفتقاد المكان لبعض ملامحو..
نحن بنخلي ملامحنا في جنبات المكان..
ولمّا نطوَل الغيبة، بيبدا المكان يفقد جزء من ملامحو تدريجيّاً..
لكن ده برضو ما بيعني أنو بيصل لمرحلة الفقدان الكامل ..
لأنو المكان هنا مكوّن من مجموعة ملامح وملامح..
خُت في بالك برضو الإضافات المستمرّة لملامح جديدة تلوّن جدران المكان.
لكن يظل المكان يئن تحت وطأة الفقد..فقدان جزء أصيل من ملامح مكتسبة.
سودانيّات مثلاً:
في ناس أثّروا بصورة واضحة في تفاصيل البورد..
لدرجة إنّو ماممكن تتصوّر البورد من غيرهم..مشوا..غابوا..إعتصموا
أو حردوا عديل كدة..
بيظل نبض حروفهم بين البوستات،وتلقي نفسك في بوستات معيّنة كدة تقول:
ياالله ..البوست ده بس فاقد فلان..ليه..؟؟
لأنّو اتكونت في الذهنيّة فكرة محدّدة عن مداخلاتو..عن لمستو الخاصّة..
عن ملامح خاصّة بيهو درعا في رقبتنا دي ومشي من غير ما يلوم نفسو..
من غير ما يقول ياخي النّاس دي ممكن تشتاق لي..
من غير عن إذنكم ياشباب..من غير ما يجبر بخاطر زول..
وانت هنا ياحليف..غير تلوك شوقك الماليك حتي الإصبع الصغير في كراعك الشمال..
غير تجتر ذكرياتك بشيء من الأسف، ماعندك حل..
هم ليه بيمشو ويعذبونا بالشوق..؟؟
طيّب هم ليه أصلا جونا طالما حاكماهم المزاجيّة..
طالما هم ماشين..طالما هم مجرّد سحابة صيف..؟؟
و..
قال شنو..
سيبك ياخي سيبك.
إنت عارف ياحليف..
في الحياة دي لازم تعرف نقطة ضعفك الكبيرة..
انا قلت الكبيرة عشان الإنسان ده ذاتو عبارة عن مجموعة بتاعة نقاط ضعف.
الإنسان ياحليف نقاط ضعف تمشي علي رجلين..
لمَا تقدر تسيطر علي نقطة ضعفك الكبيرة بتقدر بعد داك تسيطر علي الصُغار.
المهم:
الحكاية مشربكة خالص خالص..
قيم الإنسان وعواطفو بتخيّل لي زي مصارين البطن..شربكة شديدة..
غايتو أهو بنحاول نفكفك ونعزل كل كوم براهو..
بس في رأيك هل بنقدر..
لأ طبعا..
ليه..
لأنّو الحياة ذاتها بس ياها عملية الفكفكة والفرز دي..
نقعد نساسق كدااااا..
ونحاول نلقي معني للشوق..والذكري..والحب والوفاء والخيانة والحزن
وووو..فجأة الزول يموت.
بس دي الحياة..
حاجة كدة ما مفهومة..مش..؟؟؟
وبعدين ياخي تاعب روحك مالك ياخي..
سيبك كدي من الحكاية..
الصّادق الرّضي قال:
أنا هياكلُ لا هياكلَ لي..
عناصرُ لا عناصرَ فيّ..
وهي مأوايَ وناري..
قدرتي لا اقتداري..
قدري حصاري.

[محمد مصطفي]

البوست ده انا متابعو كل يوم
وقلت اي مُداخلة فيهو .. بتكون شترت تفاصيل ولخبطة محاثيث (يا قولا ):D
الاندياح جميل ... وحديث النفس الي النفس احياناً ذو شجون ...
شوت فيهو شوتك يالرشيد
وادينا من الحتة المليانة جمال
ومتابعين

[محمد عبد الرحمن]

الشوق الإسفيري دة ياحليف إفتقاد المكان لبعض ملامحو..
نحن بنخلي ملامحنا في جنبات المكان..
ولمّا نطوَل الغيبة، بيبدا المكان يفقد جزء من ملامحو تدريجيّاً..
لكن ده برضو ما بيعني أنو بيصل لمرحلة الفقدان الكامل ..
لأنو المكان هنا مكوّن من مجموعة ملامح وملامح..
خُت في بالك برضو الإضافات المستمرّة لملامح جديدة تلوّن جدران المكان.
لكن يظل المكان يئن تحت وطأة الفقد..فقدان جزء أصيل من ملامح مكتسبة.
سودانيّات مثلاً:
في ناس أثّروا بصورة واضحة في تفاصيل البورد..
لدرجة إنّو ماممكن تتصوّر البورد من غيرهم..مشوا..غابوا..إعتصموا
أو حردوا عديل كدة..
بيظل نبض حروفهم بين البوستات،وتلقي نفسك في بوستات معيّنة كدة تقول:
ياالله ..البوست ده بس فاقد فلان..ليه..؟؟
لأنّو اتكونت في الذهنيّة فكرة محدّدة عن مداخلاتو..عن لمستو الخاصّة..
عن ملامح خاصّة بيهو درعا في رقبتنا دي ومشي من غير ما يلوم نفسو..
من غير ما يقول ياخي النّاس دي ممكن تشتاق لي..
من غير عن إذنكم ياشباب..من غير ما يجبر بخاطر زول..
وانت هنا ياحليف..غير تلوك شوقك الماليك حتي الإصبع الصغير في كراعك الشمال..
غير تجتر ذكرياتك بشيء من الأسف، ماعندك حل..
هم ليه بيمشو ويعذبونا بالشوق..؟؟
طيّب هم ليه أصلا جونا طالما حاكماهم المزاجيّة..
طالما هم ماشين..طالما هم مجرّد سحابة صيف..؟؟
و..
قال شنو..
سيبك ياخي سيبك.
إنت عارف ياحليف..
في الحياة دي لازم تعرف نقطة ضعفك الكبيرة..
انا قلت الكبيرة عشان الإنسان ده ذاتو عبارة عن مجموعة بتاعة نقاط ضعف.
الإنسان ياحليف نقاط ضعف تمشي علي رجلين..
لمَا تقدر تسيطر علي نقطة ضعفك الكبيرة بتقدر بعد داك تسيطر علي الصُغار.
المهم:
الحكاية مشربكة خالص خالص..
قيم الإنسان وعواطفو بتخيّل لي زي مصارين البطن..شربكة شديدة..
غايتو أهو بنحاول نفكفك ونعزل كل كوم براهو..
بس في رأيك هل بنقدر..
لأ طبعا..
ليه..
لأنّو الحياة ذاتها بس ياها عملية الفكفكة والفرز دي..
نقعد نساسق كدااااا..
ونحاول نلقي معني للشوق..والذكري..والحب والوفاء والخيانة والحزن
وووو..فجأة الزول يموت.
بس دي الحياة..
حاجة كدة ما مفهومة..مش..؟؟؟
وبعدين ياخي تاعب روحك مالك ياخي..
سيبك كدي من الحكاية..
الصّادق الرّضي قال:
أنا هياكلُ لا هياكلَ لي..
عناصرُ لا عناصرَ فيّ..
وهي مأوايَ وناري..
قدرتي لا اقتداري..
قدري حصاري.





ياخ كيفتا حناني ذاتو


بعدين جميل لوم الضمير المستتر الغائب ده
حسة انا إتذكرتا ناس معينين

لاكين ده حال المجتمع الإسفيري
الإلتزام فيهو شخصي بحت و بتحكُم فيهو نفسك براك

بعدين فكفكة الحاجات دي من شوق و حنين و ما شابه من إندياحات
دايرا ود أبو عاقلة بي شنطة مفاتيحو يجي يساهم فيها

[جيجي]

الرشيد
سلام للناس البتعدل المزاج وقت ماتهل
سالين عليك والله

[محمد عبد الرحمن]

قيم الإنسان وعواطفو بتخيّل لي زي مصارين البطن..شربكة شديدة..
غايتو أهو بنحاول نفكفك ونعزل كل كوم براهو..
بس في رأيك هل بنقدر..
لأ طبعا..



إنت عارف يا حليف

قدر ما يكون التوافق كبير بين القيم و العواطف دي قدر ما كبر التصالح مع النفس

و لازم يكون في فرق بيناتن ده مجال الماسسقة البنتحرك فيهو


لاكين لقيتك شاطح في الوجودية الأيام دي

[حسين عبدالجليل]

الشوق الإسفيري دة ياحليف إفتقاد المكان لبعض ملامحو..
نحن بنخلي ملامحنا في جنبات المكان..
ولمّا نطوَل الغيبة، بيبدا المكان يفقد جزء من ملامحو تدريجيّاً..
لكن ده برضو ما بيعني أنو بيصل لمرحلة الفقدان الكامل ..
لأنو المكان هنا مكوّن من مجموعة ملامح وملامح..
خُت في بالك برضو الإضافات المستمرّة لملامح جديدة تلوّن جدران المكان.
لكن يظل المكان يئن تحت وطأة الفقد..فقدان جزء أصيل من ملامح مكتسبة.
سودانيّات مثلاً:
في ناس أثّروا بصورة واضحة في تفاصيل البورد..
لدرجة إنّو ماممكن تتصوّر البورد من غيرهم..مشوا..غابوا..إعتصموا
أو حردوا عديل كدة..
بيظل نبض حروفهم بين البوستات،وتلقي نفسك في بوستات معيّنة كدة تقول:
ياالله ..البوست ده بس فاقد فلان..ليه..؟؟
لأنّو اتكونت في الذهنيّة فكرة محدّدة عن مداخلاتو..عن لمستو الخاصّة..
عن ملامح خاصّة بيهو درعا في رقبتنا دي ومشي من غير ما يلوم نفسو..
من غير ما يقول ياخي النّاس دي ممكن تشتاق لي..
من غير عن إذنكم ياشباب..من غير ما يجبر بخاطر زول..
وانت هنا ياحليف..غير تلوك شوقك الماليك حتي الإصبع الصغير في كراعك الشمال..
غير تجتر ذكرياتك بشيء من الأسف، ماعندك حل..
هم ليه بيمشو ويعذبونا بالشوق..؟؟
طيّب هم ليه أصلا جونا طالما حاكماهم المزاجيّة..
طالما هم ماشين..طالما هم مجرّد سحابة صيف..؟؟
و..
قال شنو..
سيبك ياخي سيبك.
إنت عارف ياحليف..
في الحياة دي لازم تعرف نقطة ضعفك الكبيرة..
انا قلت الكبيرة عشان الإنسان ده ذاتو عبارة عن مجموعة بتاعة نقاط ضعف.
الإنسان ياحليف نقاط ضعف تمشي علي رجلين..
لمَا تقدر تسيطر علي نقطة ضعفك الكبيرة بتقدر بعد داك تسيطر علي الصُغار.
المهم:
الحكاية مشربكة خالص خالص..
قيم الإنسان وعواطفو بتخيّل لي زي مصارين البطن..شربكة شديدة..
غايتو أهو بنحاول نفكفك ونعزل كل كوم براهو..
بس في رأيك هل بنقدر..
لأ طبعا..
ليه..
لأنّو الحياة ذاتها بس ياها عملية الفكفكة والفرز دي..
نقعد نساسق كدااااا..
ونحاول نلقي معني للشوق..والذكري..والحب والوفاء والخيانة والحزن
وووو..فجأة الزول يموت.
بس دي الحياة..
حاجة كدة ما مفهومة..مش..؟؟؟
وبعدين ياخي تاعب روحك مالك ياخي..
سيبك كدي من الحكاية..
الصّادق الرّضي قال:
أنا هياكلُ لا هياكلَ لي..
عناصرُ لا عناصرَ فيّ..
وهي مأوايَ وناري..
قدرتي لا اقتداري..
قدري حصاري.


الرشيد و محمد عبدالرحمن في بوست واحد ؟ إذن أسأقرأهم بكباية شاي بنعناع و استمتع بحوار ذكي.
ساضع قليلا من اللبن و مزيدا من النعناع في كوب الشاي لو رجع الينا المدعو "أميري " .

عودا حميدا يامحمد . ولاتحرمنا من حروفك الانيقة .

تعرف الرشيد عندي صديق لايحتمل الا قدرا معينا من جمال اللغة . يقرأ درويش بتمهل شديد , بضعة أسطر فقط في اليوم الواحد , ثم يقذف بالقصيدة بعيدا ويعود لها في الغد , وهكذا ..وهكذا .

قال لي بأنه يخاف من الجرعة الزايدة . يخاف ان تصرعه اللغة .
"فاجهش ياابن أمي باللغة "

[الرشيد اسماعيل محمود]

المشاركة الأصلية كتبت بواسطة محمد مصطفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=332013#post332013)


الاندياح جميل ... وحديث النفس الي النفس احياناً ذو شجون ...

شوت فيهو شوتك يالرشيد
وادينا من الحتة المليانة جمال
ومتابعين

ود المصطفي سلامات..
ياخي الحتّة المليانة جمال دي، أكيد أي حتّة تتحكّر فيها إنتَ
فـــ شنو..
نشيل منّك ونديك..
الجمال ذاتو بيقدر يعبِّر عن نفسو لمّا يتقاسموهو الناس..
مثلا:
الزول براهو ممكن يكون جميل..
بس بيكون أجمل لمّا يتشاف في عيون حبيبتو..
لأنّو عيون الحبيبة هنا بتعمل علي تكثيف جمالو..
أنا يامحمد قبل كدا كنت سمح سماحتن.. لأنّو الناس كانت شايفاني
من خلال عيون الحبيبة..والله جادِّي.
أهو الحبيبة مشت وتاني رجعنا نتونّس مع ناس محمد عبدالرحمن ديل.
تخيَّل..!!
فـــ شنو..
خلينا نفتش دايماً عن الأجمل.

[الرشيد اسماعيل محمود]

المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=332016#post332016)
الرشيد
سلام للناس البتعدل المزاج وقت ماتهل
سالين عليك والله


جيجي سلامات ياراقيّة..
كتبت ليك مداخلة ماهلة ..والله الجهاز براهو قفل..والله العظيم جد..
يكون من شنو..؟؟
أنا غايتو في تحليلي قلت يكون ما استحمل واحد من حاجتين:
يا إمّا ما استحمل الكلام المكتوب..(إحتمال وسط)
أو ما استحمل لطافة المكتوب إليه..(إحتمال قوي)
بس قطع شك هو مستحملني..لأنُّو جهازي وانا عارفو كويّس..
حسّاس كلما تعلّق الأمر بالرقة واللطافة..
قبل كدة في بت من الأعضاء هنا بعد لاقيتها في الخرطوم قالت لي:
بالله يارشيد خليك راجل لطيف زي الجيلي(والله العظيم جد)..
في حين أنو الجيلي(اللطيف طبعا) لقاها لابسة برتقالي قال ليها ياسلاااام ياخي..الأصفر ده جميل ياخ..
وبعد اكتشف غلطو قال شنو..قال النظارة بتاعتو معتِّمة..سنة يانظّارات مارتا.
والله ياجيجي أنا جادِّي في الكلام ده..
أها هسع أخير لطافة الجيلي ولا أخير أنا..؟؟
المهم:
الجهاز قفل براهو وكنت في المداخلة الطشّت ديك داير أقشر بيك من خلال الكلام..
صاحبتي سمحة جنس سماحة..
قالت لي الترحيل الليلة ما جاني تقدر تقدمني لحتّة المواصلات..؟؟
قلت ليها ليه لأ..
علي الأقل أقشر بيك في الشارع..
وقشرت بيها طبعاً..
لمّا اتكررت حكاية قدِّمني والترحيل ما جا..
إكتشفتَ إنّو هي ذاتها كانت بتقشر بي..هههه.
ياخي حكاية..
شكراً ياخي وخليك قريبة.
سلمتِ

[الرشيد اسماعيل محمود]

المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=332015#post332015)

ياخ كيفتا حناني ذاتو


بعدين جميل لوم الضمير المستتر الغائب ده
حسة انا إتذكرتا ناس معينين

لاكين ده حال المجتمع الإسفيري
الإلتزام فيهو شخصي بحت و بتحكُم فيهو نفسك براك

بعدين فكفكة الحاجات دي من شوق و حنين و ما شابه من إندياحات
دايرا ود أبو عاقلة بي شنطة مفاتيحو يجي يساهم فيها

شوف اللوّنتهم ليك في مداخلتك وأقرا معاي..
الفكفكة..يعني فرز حاجات متلميّة مع بعض..
شفت كيف انت فكّيت الحنان وبقّيتو كون قائم بذاتو كيف..؟؟
يعني عبارة( كيّفت حناني) دي ياحليف حالة فكفكة عجيبة..
الحنان دة أكيد انت لا عارف شكلو ولا مكان قعادو..
صاح..؟؟
الحنان ده لونو شنو..؟؟ أحمر..أصفر..أخضر..خاتف لونين ولاّ لون زينب.
وطولو كم..متر..مترين..ميّة..كيلومتر..ميل..ولا فرسخ..
وزنو كم..؟؟ وقيّة..رطل..كيلو ولا طن..؟؟
طبعاً ما حتلقي إجابة..ليه..؟؟
لأنو قيمة معنويّة زيّو زي الأخلاق..والحب والخوف والمودّة وإلخ..
يعني مستحيل يجي زول يقول ليك والله أنا أتمتّع بأخلاق تزن ميّة كيلو..
أو بت تجي تقول ليك والله مشتاقة ليك ياحمُّودي شوق بنفسجي..
وبرضو ياحليف ماممكن تجي تقول لي مثلاً حنانك قاعد في البطين الأيمن
أو في الرئة ولا في المادة الرمادية الــــ في المخ..أو متحكر في طرف الرُكبة.
مسألة شائكة مش..
بس ممكن عادي تقول لي كيّفت حناني..
أو زدت افراحي الليلة..
أو تقول لي فكّيت لي الدبرسة بتاعتي..
ليه..
لأنو نحن بنقدر نحدِّد بصورة واضحة القيمة المسّاها الخطاب..
لمّا الموضوع يكون مرتبط بخطاب موجّه ناحيّة قيمة محددة، بنعرف نفك الإرتباط السرمدي بتاع القيم ده ونخت القيمة المستهدفة في الواجهة
عشان يصطدم بيها الكلام الجاي من الزول التاني ويحصل امتزاج بيكون
ليهو أثر طيّب في النفس.
فكفك ياخي وماتنسانا من صالح الفكْفكة.
ـــــــــــــــ
نفتقد ود ابو عاقلة فعلاً..
الرّجل الغمام..أينما حلّ هطل.
عساه بخير.

[سارة]

الرشيد فينا تعرف كم احب ان اقرا لك واقرأك
حكاية أقشر بيها دى رغم صحتها فيها تواضع جميل
بس حكايتك تقشر بيك دى بقت لى زى البرتقالى خاتف لونين:p






خارج منطقة التغطية
تلقى الفى مرادك ان شاء الله

[جيجي]

جيجي سلامات ياراقيّة..
كتبت ليك مداخلة ماهلة ..والله الجهاز براهو قفل..والله العظيم جد..
يكون من شنو..؟؟
أنا غايتو في تحليلي قلت يكون ما استحمل واحد من حاجتين:
يا إمّا ما استحمل الكلام المكتوب..(إحتمال وسط)
أو ما استحمل لطافة المكتوب إليه..(إحتمال قوي)
بس قطع شك هو مستحملني..لأنُّو جهازي وانا عارفو كويّس..
حسّاس كلما تعلّق الأمر بالرقة واللطافة..
قبل كدة في بت من الأعضاء هنا بعد لاقيتها في الخرطوم قالت لي:
بالله يارشيد خليك راجل لطيف زي الجيلي(والله العظيم جد)..
في حين أنو الجيلي(اللطيف طبعا) لقاها لابسة برتقالي قال ليها ياسلاااام ياخي..الأصفر ده جميل ياخ..
وبعد اكتشف غلطو قال شنو..قال النظارة بتاعتو معتِّمة..سنة يانظّارات مارتا.
والله ياجيجي أنا جادِّي في الكلام ده..
أها هسع أخير لطافة الجيلي ولا أخير أنا..؟؟
المهم:
الجهاز قفل براهو وكنت في المداخلة الطشّت ديك داير أقشر بيك من خلال الكلام..
صاحبتي سمحة جنس سماحة..
قالت لي الترحيل الليلة ما جاني تقدر تقدمني لحتّة المواصلات..؟؟
قلت ليها ليه لأ..
علي الأقل أقشر بيك في الشارع..
وقشرت بيها طبعاً..
لمّا اتكررت حكاية قدِّمني والترحيل ما جا..
إكتشفتَ إنّو هي ذاتها كانت بتقشر بي..هههه.
ياخي حكاية..
شكراً ياخي وخليك قريبة.
سلمتِصدقا لكلامك
على بالطلاق اناكمان بقشر بيك:)
ياجميل

[محمد عبد الرحمن]

شوف اللوّنتهم ليك في مداخلتك وأقرا معاي..
الفكفكة..يعني فرز حاجات متلميّة مع بعض..
شفت كيف انت فكّيت الحنان وبقّيتو كون قائم بذاتو كيف..؟؟
يعني عبارة( كيّفت حناني) دي ياحليف حالة فكفكة عجيبة..
الحنان دة أكيد انت لا عارف شكلو ولا مكان قعادو..
صاح..؟؟
الحنان ده لونو شنو..؟؟ أحمر..أصفر..أخضر..خاتف لونين ولاّ لون زينب.
وطولو كم..متر..مترين..ميّة..كيلومتر..ميل..ولا فرسخ..
وزنو كم..؟؟ وقيّة..رطل..كيلو ولا طن..؟؟
طبعاً ما حتلقي إجابة..ليه..؟؟
لأنو قيمة معنويّة زيّو زي الأخلاق..والحب والخوف والمودّة وإلخ..
يعني مستحيل يجي زول يقول ليك والله أنا أتمتّع بأخلاق تزن ميّة كيلو..
أو بت تجي تقول ليك والله مشتاقة ليك ياحمُّودي شوق بنفسجي..
وبرضو ياحليف ماممكن تجي تقول لي مثلاً حنانك قاعد في البطين الأيمن
أو في الرئة ولا في المادة الرمادية الــــ في المخ..أو متحكر في طرف الرُكبة.
مسألة شائكة مش..
بس ممكن عادي تقول لي كيّفت حناني..
أو زدت افراحي الليلة..
أو تقول لي فكّيت لي الدبرسة بتاعتي..
ليه..
لأنو نحن بنقدر نحدِّد بصورة واضحة القيمة المسّاها الخطاب..
لمّا الموضوع يكون مرتبط بخطاب موجّه ناحيّة قيمة محددة، بنعرف نفك الإرتباط السرمدي بتاع القيم ده ونخت القيمة المستهدفة في الواجهة
عشان يصطدم بيها الكلام الجاي من الزول التاني ويحصل امتزاج بيكون
ليهو أثر طيّب في النفس.
فكفك ياخي وماتنسانا من صالح الفكْفكة.
ـــــــــــــــ
نفتقد ود ابو عاقلة فعلاً..
الرّجل الغمام..أينما حلّ هطل.
عساه بخير.





يا حليف عاطف خيري قال في الحنان
والحنانُ طعمهُ داكن’’ يميل إلى السُّمرة ،

وهو يُرى ،
يراه الرضيعُ متحققا غير منقوصٍ ، يراه ويحسّه مِثلما يرى صدْر أمّه
يراه المشرفُ على الموت كذلك ، يرى منه صفحةً من وجهه الممتنع
مشيحا بلونه إلى جهةٍ لا تطالُها بوصلة’’ ولا يتكّهن بها فلكيِّ مثابر.
وهو في كلِّ هذه الأحوال والمراتب مجبول’’ من طينة العصب المتماسكة الهشّة،
طينةٍ تبتلُّ بذاتها ولذاتها وتتشكّلُ على أصابع الحاجة والنزوع إلى آخر-كائنٍ
ما كان – لا ليمتزج فيه وينصهر ، بل ليتحقّق في عنصرٍ من عناصر التفرُّد
بالمكان في الذات العاشقة . والتفرّد بالمكان منزلةُ شاسعة’’ ومتشابكة.
إذ أن العشْقَ في جذْر مكان ، ومن انفرد به ، انفرد بالحواس
وبسائر شطحات الجسد ، لذلك فإنك لا تستطيع أن تتصوّر الله
أو تضع له ملحما ، فقط تتعشّقُه ، لأنه ملءُ المكان.
وللحنانُ لون’’ تخطىء العينُ اذ تراه – لأنه مُذاق – وتتوه الكفُّ حين تحاولُ
تحسّثس خطوطه المتفرّعة ، وتطشُّ القدمُ برغبتها في الوصول إلى أقرب قريةً
من قراه المستترة خلف نهر الظّمأ.
والذي سعى إلى لونه ، لعقه وذاقه ، لم يرهْ ولم يذهب إليه .
والحنانُ يلتهمُ بعْضَه ولا يشبع ، يشربُ بعضه ولا يرتوي
يقتلُ بعضه ولا يموت .


بيقولو الحاجات الماممكن نقيسا ممكن نعمل ليها مؤشرات
المشكلة حاجات العاطفة دي مؤشراتا بتختلف عند فرد عن الآخر

برضو في حاجات واضحة زي الكره مثلاً
لاكين في حاجات حتى التمييز بيناتا يكاد ينعدم زي الشوق و الحنين مثلا.




سارة سلامات

[الرشيد اسماعيل محمود]

المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=332290#post332290)
الرشيد فينا تعرف كم احب ان اقرا لك واقرأك
حكاية أقشر بيها دى رغم صحتها فيها تواضع جميل
بس حكايتك تقشر بيك دى بقت لى زى البرتقالى خاتف لونين:p

خارج منطقة التغطية
تلقى الفى مرادك ان شاء الله

قلتي لي خاتف لونين..هعهع.
ياخوّانا مانرفع إسكورنا شويّة ولا شنو..؟؟
حكاية هي تقشِر بي دي غايتو اتردّدت أكتبها..
بس قلت شنو..
ياخي أكتبا وما تعلِّم أصابعك الخوف..ياصابت ياخابت..
ده كلو في سبيل إنِّو الزول يبقي لطيف زي الجيلي..
بالرغم من أنّي قادر أفرز الألوان كويِّس.
غايتو دنيا بت كلب (زي مابتقول حبُّوبة أسامة الوريف)..
يعني ناس تحتفي بزول مافارز الألوان صاح..
وتتجاهل زول فارز كويّس بس ما لطيف..هعهع

[الرشيد اسماعيل محمود]

المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=332300#post332300)
صدقا لكلامك
على بالطلاق اناكمان بقشر بيك:)
ياجميل

يازولة أقشري من طرف..
البيت بيتك..ههه
تسلمي ياجيجي..رجعتي لي بعضاً من حقي المسلوب.(وش ميّت من الضحك)

[سارة]

محمد عريس بتى كيفنك
سامحنى فى التقصير انا الايام دى الاسكور حقى فى النازل بشهادة الرشيد
بس الله غالب
والحنان عندنا لا لون وله ولا طعم ولا رائحة
بس برضو خاتف لونين

ونقول للرشيد ياخ شكرا ياخ جانى مزاج اشكرك وبس
وش ميت من الضحك وليهو كم اسبوع ما ضحك الله وكيلك

[نبراس السيد الدمرداش]

وتتجاهل زول فارز كويّس بس ما لطيف..هعهع

يا رشيدنا عادي
اسي انت ما اتجاهلت مداخلتي
وانا بقول ليك مساء الخير
فشنو ما تتحسس وشيخي ما هين فاعمل حسابك منو

سرور بالجد افرزي
دا محمد عبدالرحمن الجاب سيرة الحنان
ما محمد عريس بتك

[سارة]

Det er ikke morsom å bli gammel

:p:p

محمد مصطفى سامحنى يا جميل

[الرشيد اسماعيل محمود]

المشاركة الأصلية كتبت بواسطة محمد عبد الرحمن http://sudanyat.org/vb/images/buttons/viewpost.gif (http://sudanyat.org/vb/showthread.php?p=332309#post332309)
بيقولو الحاجات الماممكن نقيسا ممكن نعمل ليها مؤشرات
المشكلة حاجات العاطفة دي مؤشراتا بتختلف عند فرد عن الآخر

برضو في حاجات واضحة زي الكره مثلاً
لاكين في حاجات حتى التمييز بيناتا يكاد ينعدم زي الشوق و الحنين مثلا.

ياحليف مساء الأنوار..
ياخي عاطف خيري ده بهوِّم في دنياوات كدة عجيبة..
طبعا كلام الحنان القالو دة كلام سمح آييي..بس ده كلام الشعرا والأدب.
بخصوص المؤشرات القلت عليها ونسبيّة الحاجات..
طيّب ليه ما أي زول يقوم ينجر ليهو مؤشرات خاصة بيهو..
أنا هسع لمّا أشتاق مثلا بقوم من النوم بدري خالص (جادِّي معاك)..
ولمّا أكون مستّف بالحنين..بكون زول نيرفز ومرتبك..
المهم:
أيِّ زول بعرف شكل عاطفتو وموعد ورودها..
وابو القدح بعرفي محل بعضِّي أخيُّو..مش كدة..
لازم النّاس تعرف تأسِّس شكل حاجاتها..
لازم الزول يكتشف عاطفتو المشربكة دي وبعد داك يقوم يجتهد في الفكفكة..
طبيّا مش لمّا الزول يصدِّع مفروض يرجع يشوف الحاصل شنو بصورة
إستقرائيّة..
يعني هل فوّت وجبة..؟؟
هل بطنو ما نصيحة..؟؟
هل ما اتناول شاي كالمعتاد..قهوة أو سيجارة..
مش كدة..
وبتاع (الأرتيكاريا)* برضو أوّل حاجة مفروض يسأل روحو:
هل أكل أكلة معيّنة..في بيتهم في نوع محدّد من الأشجار..
إستعمل صابونة محدّدة ما كان قاعد يستخدمها..
دي المراجعة الشخصيّة للإستنتاج ومن ثم التعرُّف علي الأشياء..
شيل الفوق وأسقطو علي العاطفة..
كان حسيت بأنك مدبرس مثلاً..إحتمال مشتاق لزول محدّد..
لو حسيت بإنك سيّد سرحان طول اليوم..يمكن ده الحنين الجاني منَّك..
ويمكن من تباريح الهوي..
المهم..وصفو بصعب ياجميل..
فتِّش جوّاك بتلقي روحك فكفكت و...
إتفكفكتَ.
ــــــــ
*نوع من الحساسيّة أو التحسُّس الجلدي.

[محمد عبد الرحمن]

Det er ikke morsom å bli gammel

:p:p

محمد مصطفى سامحنى يا جميل



عليكي الله يا سارة الصنف بتاع الليلة ده تديني منو

[الرشيد اسماعيل محمود]

المشاركة الأصلية كتبت بواسطة نبراس السيد الدمرداش http://sudanyat.org/vb/images/buttons/viewpost.gif (http://sudanyat.org/vb/showthread.php?p=332329#post332329)
يا رشيدنا عادي
اسي انت ما اتجاهلت مداخلتي
وانا بقول ليك مساء الخير
فشنو ما تتحسس وشيخي ما هين فاعمل حسابك منو

يازولة ماممكن تقنعيني بكلامك ده إنُّو ما أشبه الليلة بالبارحة..
ليه..
لأنو أنا فارز الألوان بس قالو ما لطيف..
أمّا انتي..فــ فارزة الألوان كويس ولطيفة في نفس الوكت.
طبعا أنا ماكنت عارف اللطافة دي شنو إلا بعد ما اتهموني بعدم حيازتها.
أهو بقينا نفرز بين اللطيف وناس محمد عبدالرحمن..وبابكر عبّاس.
مساء الخير.

[الرشيد اسماعيل محمود]

المشاركة الأصلية كتبت بواسطة حسين عبدالجليل http://sudanyat.org/vb/images/buttons/viewpost.gif (http://sudanyat.org/vb/showthread.php?p=332221#post332221)
الرشيد و محمد عبدالرحمن في بوست واحد ؟ إذن أسأقرأهم بكباية شاي بنعناع و استمتع بحوار ذكي.
ساضع قليلا من اللبن و مزيدا من النعناع في كوب الشاي لو رجع الينا المدعو "أميري " .

عودا حميدا يامحمد . ولاتحرمنا من حروفك الانيقة .

تعرف الرشيد عندي صديق لايحتمل الا قدرا معينا من جمال اللغة . يقرأ درويش بتمهل شديد , بضعة أسطر فقط في اليوم الواحد , ثم يقذف بالقصيدة بعيدا ويعود لها في الغد , وهكذا ..وهكذا .

قال لي بأنه يخاف من الجرعة الزايدة . يخاف ان تصرعه اللغة .
"فاجهش ياابن أمي باللغة "

سلامات ياهذا الحسينُ الجميل..
كم سعيدٌ أنا بتشريف الحليف ثانية ..
كم أنا سعيد ..
مثل سعادتي حين تكون بالجوار.
زمان ياحسين لي صديقٌ غاية في الرّهافة ..
يسعي نحو الجمال ويخشاه في آن..
يتحرّي الجمال أينما وُجد..
ولكنه ما أن يري شيئاً جميلاً فإنّه يجلس علي الأرض مباشرةً..
ويضع يديه علي رأسه خوفاً من أن يتداعي من عليائه علي حين غفلةٍ
من التماسك..
جميلٌ ذلك الصّديق الجميل..
الجمال ياحسين طاقة رغم أنّها خلاّقة، إلاّ إنّها أيضا أحيانا قاتلة..
والعرّافون وحدهم يدركون أنّه لا بدّ من اتقاء تراكيزه العالية..
وأنا لستُ عرّافا..
تسلم ياصديقنا البعيد القريب.
سلمتَ

[محمد مصطفي]

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=332332#post332332)
Det er ikke morsom å bli gammel

:p:p

محمد مصطفى سامحنى يا جميل





اها امسك يالرشيد عندك دي أم جانيت
بيان بالعمل كده
خليت ليك جانيت وامها ما شايفات محمد غيري تااااااااب :p
هييييييييييييييييييييييييع

[محمد مصطفي]

اقتباس:
المشاركة الأصلية كتبت بواسطة نبراس السيد الدمرداش http://sudanyat.org/vb/images/buttons/viewpost.gif (http://sudanyat.org/vb/showthread.php?p=332329#post332329)
سرور بالجد افرزي
دا محمد عبدالرحمن الجاب سيرة الحنان
ما محمد عريس بتك





ده يا نبروسة اسمو حديث الدواخل ...
يعني سرورة مشتاقة لي ... ونطق عنها قلبها الطيب الجميل
لذلك ودون انتباهة منها لما يدور حولها ...
لم تري محمد غير محمدها وعريس بنتها ... اححححححح انا
المهم قامت جابت اخرا وكبت شوقا ... وانا مصدق وحاسي بيهو :D
اها يا نسيبتي دي مرقتك منها ...
المرة الجاية ما تجيبي لي ضقلا اكركب ... :p
ركزي ما اطقشونا عين :D:D

[نبراس السيد الدمرداش]

يازولة ماممكن تقنعيني بكلامك ده إنُّو ما أشبه الليلة بالبارحة..
ليه..
لأنو أنا فارز الألوان بس قالو ما لطيف..
أمّا انتي..فــ فارزة الألوان كويس ولطيفة في نفس الوكت.
طبعا أنا ماكنت عارف اللطافة دي شنو إلا بعد ما اتهموني بعدم حيازتها.
أهو بقينا نفرز بين اللطيف وناس محمد عبدالرحمن..وبابكر عبّاس.
مساء الخير.

صدق انا اكتر زول ما بيعرف يفرز
اما لطيفه دي فيها قولان
ياخي نا حتى الطيف رحل خلاني ما طيب لي خاطر

[الرشيد اسماعيل محمود]

المشاركة الأصلية كتبت بواسطة محمد مصطفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=332350#post332350)
اها امسك يالرشيد عندك دي أم جانيت

بيان بالعمل كده
خليت ليك جانيت وامها ما شايفات محمد غيري تااااااااب :p
هييييييييييييييييييييييييع

هيييع..
قلت لي حديث الدواخل..
عفيت منك لكن..
دي طبعا المرحلة الأولي..مرحلة تشابه الأسماء..
يعني الأم ما تفرز بين محمد ومحمد..
المرحلة التانية الأم ما تفرز بين محمد وأي شاب تاني..
المرحلة القبل الأخيرة الأم ماتفرز بين محمد وبابكر مخير وفتحي مسعد..
يعني عادي ممكن تلقي الأم خاشة ليك في عمك مخير (هي محمد عريس بتي..) *
المرحلة الأخيرة ياحبيب..الأم عيونها بطّشش..
أي مداخلة تلقاها كاتبة :هي عقدتو..؟؟
ـــــــــــــ
* رد عمنا مخيّر المتوقع:
(يابا سرورة دي ضنيتها كتّرت من السمسميّة والذي منهو..:eek:)

[الأغبش]

الأغبش ياصديقنا الجميل

المايك معاك .. ومعاهو .. كمين شوق .. !!

ياخي منعول ابو النت القطع وحرمنا من لحظات التجلي دي ..
(البسمعني كده يقول كنت في ميدان التحرير )..

أن تجد الرشيد وقد إرتوت ريشته من دواية روحه فهيئ نفسك لمتعة قل ما تتكرر ..
وأن يصطفي هذا البث (التسريبي)أنقياء الروح زادا ووقودا فتلك جذوة أحب أن يأتيني قبسها وأجد عليها هدي نفسي ..

غايتو البوست ده ريحني في كتاوتي

[مرافي]

ياخي منعول ابو النت القطع وحرمنا من لحظات التجلي دي ..
(البسمعني كده يقول كنت في ميدان التحرير )..

أن تجد الرشيد وقد إرتوت ريشته من دواية روحه فهيئ نفسك لمتعة قل ما تتكرر ..
وأن يصطفي هذا البث (التسريبي)أنقياء الروح زادا ووقودا فتلك جذوة أحب أن يأتيني قبسها وأجد عليها هدي نفسي ..

غايتو البوست ده ريحني في كتاوتي

الاغبش سلااام
الرشيد وزواره متعة حتى الاشباع
الا ماقلت لي البوست ريحك وين...؟؟؟
كتاوتك دي اول مرة اسمعا
دا انجليزي يا مرسي الاغبش...

[الأغبش]

الاغبش سلااام
الرشيد وزواره متعة حتى الاشباع
الا ماقلت لي البوست ريحك وين...؟؟؟
كتاوتك دي اول مرة اسمعا
دا انجليزي يا مرسي الاغبش...

مرحبتين مرافي ..وأخواتها
ياخي بالغتي لو ما بتعرفي الكتاوت ..
كدي نشوف منو بجي يتبرع يشرح

[الرشيد اسماعيل محمود]

المشاركة الأصلية كتبت بواسطة الأغبش http://sudanyat.org/vb/images/buttons/viewpost.gif (http://sudanyat.org/vb/showthread.php?p=332592#post332592)
ياخي منعول ابو النت القطع وحرمنا من لحظات التجلي دي ..
(البسمعني كده يقول كنت في ميدان التحرير )..

هههه..
خطير والله..
من ناحية فاتك فـــ فاتك والله..
لمّة شباب باذخة وسهر جميل..
بس شبكتك دي مالها بقت زي شبكة المعز..؟؟
ضرب لي صاحبي من مصر
قال لي الهلالاب معسكرين في مصر..
مرقو ليك مع النّاس وفي نُص الزحمة ديك شغالين(سير سير يا ....
وقبل ما يتمّ لي الكلام الشبكة طشّت.
غايتو ما عرفتو قاصد يا..منو.
المهم:
ياخي فقدناك والله..
وعصرت علينا بغيابك.
شايف صحبك الكبكابة مضرِّي عيشو الأيّام دي.
ـــــ
الكتاوت دي إلا نرجا بيها أشتر..بجيِّها تمام.

[سمراء]

مرحبتين مرافي ..وأخواتها
ياخي بالغتي لو ما بتعرفي الكتاوت ..
كدي نشوف منو بجي يتبرع يشرح

البامبى !!
وحاة الله شفقتنا على هديماتك ! ياجنا طرته وين اتا اصلو؟
اخبارك " منقطعة " النظير !

بعدين الكتاوت دى من جبته سيرته معناها يافردة شكلك اشتريت عربية "نص" كم
ومتعباك شوية ....صاح ؟

مرافى مابتعرفى الكتاوت ؟ ياخ انت معزورة شوية
بس الرشيد ده كيفن مابعرف الكتاوت ؟
يخسسسسسسى والله !

[الرشيد اسماعيل محمود]

المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=332769#post332769)
مرافى مابتعرفى الكتاوت ؟ ياخ انت معزورة شوية
بس الرشيد ده كيفن مابعرف الكتاوت ؟
يخسسسسسسى والله !

متين قلت ما بعرفا.؟..
انا بس قلت أترّيث..
شايف في موضة بتاعت مصطلحات جديدة مع تباشير لمعان نجم الطحنيّة
وسيولة الشعيريّة والجنبات الــ بي قدرة قادر بقت تتشرب..
أقول الكتاوت معناها كيت وكيت يجي ناطي لي زول
يقول لي لأ..
الكتاوت دي معناتا صابون بدرة ولا صابون سايل..أو ويندوز جديد.
أها مسكت قدُّومي عليَ*
ــــــ
* بحسب عكود.

[كيشو]

الرشيد
ياخ عندك مداخلة أعلاه بِقت زي مشْتََرَك الحفلة كم واحد جرّ ليهو منها خط، فتنوع الابداع، أنا جرّيت منها خطوط كتيرة دندنت بيها براي لي روحي دي، منعني من إظهارها "الثقل" و"التعذر" وكمان التعجب" عشان الفاصل دا شكلو كدا "حقكم"
وتقول لي ما بشارك؟ داير ترميني في موطن الجمال دا عشان تتفرج فيني

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=332799#post332799)
ياخ عندك مداخلة أعلاه بِقت زي مشْتََرَك الحفلة كم واحد جرّ ليهو منها خط، فتنوع الابداع، أنا جرّيت منها خطوط كتيرة دندنت بيها براي لي روحي دي، منعني من إظهارها "الثقل" و"التعذر" وكمان التعجب" عشان الفاصل دا شكلو كدا "حقكم"
وتقول لي ما بشارك؟ داير ترميني في موطن الجمال دا عشان تتفرج فيني

:):)
أهاااا..
ناس الخبرة ظهروا..
انت ياكيشو النّاس دي أيِّ زول فيهم جرّا خط واحد بس..
وإنت جرِّيت خطوط كتيرة (لزوم الدندنة)
فــــ تلك إذن قسمةٌ ضيزي..
ده كلو ما مشكلة..
الأهم إنّك وانت بتجر خطوطك الكتيرة دي لازم تكون بشّرت للعرسان.
ثم..
الفاصل حق الجميع ،بس شرط أساسي انو يكون عندك بنطلون كونز..
وقميص أخدر..وموتر سوزوكي.
قال ليهم الحفلة حفلتنا والعروسة عروستنا..
الما عندو بنطلون كونز وقميص أخدر وموتر سوزوكي بالله يتخارج ومايحرجنا
مع الجماهير بالله..
شفت زمان شروط المشاركة ساهلة كيف..؟؟

[كيشو]

:):)
أهاااا..
ناس الخبرة ظهروا..
انت ياكيشو النّاس دي أيِّ زول فيهم جرّا خط واحد بس..
وإنت جرِّيت خطوط كتيرة (لزوم الدندنة)
فــــ تلك إذن قسمةٌ ضيزي..
ده كلو ما مشكلة..
الأهم إنّك وانت بتجر خطوطك الكتيرة دي لازم تكون بشّرت للعرسان.
ثم..
الفاصل حق الجميع ،بس شرط أساسي انو يكون عندك بنطلون كونز..
وقميص أخدر..وموتر سوزوكي.
قال ليهم الحفلة حفلتنا والعروسة عروستنا..
الما عندو بنطلون كونز وقميص أخدر وموتر سوزوكي بالله يتخارج ومايحرجنا
مع الجماهير بالله..
شفت زمان شروط المشاركة ساهلة كيف..؟؟

ياخي أنا دندنتي مكلفة شوية، مش قالوا "ولكلٍ حسب حاجته" (لازم تحرجونا يعني) :o

الأهم إنّك وانت بتجر خطوطك الكتيرة دي لازم تكون بشّرت للعرسان
أنا في الحتة ومع سبق الإصرار والترصد قالب المثل البقول "الجفلن خلهن أقرع الواقفات" العريس والعروس ديل بصنفم ليك "واقفات" عدييل عشان كدا (بخليهن واجليهن)* ذاتو أخوك متخصص "جفلن"، وكمان عندي هواية ما بقولا هنا وللتقريب هي ذي هواية طارق كانيك :)
شفت زمان شروط المشاركة ساهلة كيف..؟؟

وتقول هواي تستبعدو؟

* حاول تقراها زي حمد الريح

[سمراء]

[COLOR="darkorange"أنا في الحتة ومع سبق الإصرار والترصد قالب المثل البقول "الجفلن خلهن أقرع الواقفات" العريس والعروس ديل بصنفم ليك "واقفات" عدييل عشان كدا (بخليهن واجليهن)* ذاتو أخوك متخصص "جفلن"، وكمان عندي هواية ما بقولا هنا وللتقريب هي ذي هواية طارق كانيك :)[/COLOR]

اها انا غايتو مع الجفلن عديل كدة
دايره زول يقرعنى* :D

______________

* قرع يقرع فهو ملاح قرع ..او كما قال كيشو goood

[قوت القلوب]

الرشيد
سلام
دخلناه بسلام امنييييين

ياخ ده مش بوست تجريبي
ده بوست اصلييييييييييييييييييييييييييييي عديللللللللللللللل
ولالالالالالالالالالالالالالا
بغم
ريحت
روحنا معاك
انت تراك نقاق
ونقتك بفهم
زول قراييييييييييي
شديد





اقتباس:
ياخي الحياة دي مرّات كدة ما تقدر تقول فيها شنو..
اقتباس:

شارع النيل والنيل يحيط بك من جهة واحدة،
والسماء تحوطك بالعناية..
والعربات المارقة كما البرق في لحظة مخاض صاعقة ما..
والنخيل الواقف بلا عياء ينظر..
وصوت الأقدام علي الأسفلت هيّناً،ودوداً طيّبا..
وأنثي تقاسمكم المسير والقهوة المسائية الأخيرة..

لمّا تلقي نفسك مرّة كدة بالمجازفة، عبيء روحك بالمكان..
بس طوّالي بعد تمرق من المكان أنساهو..
ما تشيلو معاك ..
صدّقني خليهو وراك..



ياخ الامكنة
دي مرات
بتسكنك
والعجب ناسها
الفيها



اقتباس:
ياخ في حاجات بتكنكنكش في الروح و فيك


بالضبط
كما هذا البوست
وسودانيات
واهلها

[الأغبش]

هههه..
خطير والله..
من ناحية فاتك فـــ فاتك والله..
لمّة شباب باذخة وسهر جميل..
بس شبكتك دي مالها بقت زي شبكة المعز..؟؟
ضرب لي صاحبي من مصر
قال لي الهلالاب معسكرين في مصر..
مرقو ليك مع النّاس وفي نُص الزحمة ديك شغالين(سير سير يا ....
وقبل ما يتمّ لي الكلام الشبكة طشّت.
غايتو ما عرفتو قاصد يا..منو.
المهم:
ياخي فقدناك والله..
وعصرت علينا بغيابك.
شايف صحبك الكبكابة مضرِّي عيشو الأيّام دي.
ـــــ
الكتاوت دي إلا نرجا بيها أشتر..بجيِّها تمام.


رشيدكو ليمتد ويتمدد فينا ..سلامات ياملك

ياخي لي زمن من ونسة زي دي ..
من صاحبك ود ابوعاقله عاد الي رشده :p
ده بوست ..تجريمي مش تجريبي
أما وقد جبت سيرة صاحبي الكبكابة فهو لعمري كبكبي درجة أولي في حرم الجمال ..
أياً كان نوعه ..فهو ممن يتشربون الجمال تشربا .. وتشردا :p

أول أمس قلت لي كبكبي بيه انت ما ملاحظ انو كل الجاليات تم إجلاءها من مصر ماعدا الخمسة مليون سوداني المركلسين هناك ليهم سنين .. بي جوطتا دي أأمن من بلدنا دي ..

[الأغبش]

البامبى !!
وحاة الله شفقتنا على هديماتك ! ياجنا طرته وين اتا اصلو؟
اخبارك " منقطعة " النظير !

بعدين الكتاوت دى من جبته سيرته معناها يافردة شكلك اشتريت عربية "نص" كم
ومتعباك شوية ....صاح ؟

مرافى مابتعرفى الكتاوت ؟ ياخ انت معزورة شوية
بس الرشيد ده كيفن مابعرف الكتاوت ؟
يخسسسسسسى والله !

سمرمر ... -(شفتي آخر الزمن الدلع ده كيف)- كيفك وكيف بهيماتك
اخوك مدروش وحالتو تحنن حسني مبارك ذاتو ..
تخمينك مافي محلو ..انتو توقفو لينا الاستيراد بتاع (الخرد) وعايزننا نركب عربيات كيف ؟؟ شكلنا حانطول مع 11 خ دي ..

مرافي دي ما بتعرف الحاجات دي ...همس الشوق ممكن شلاقة ساي تعرفا ..
الرشيد يكون ما بسمع بالعربية ذاتو :p:p ..انتي قايلاهو نصيح ؟؟

[الرشيد اسماعيل محمود]

المشاركة الأصلية كتبت بواسطة قوت القلوب http://sudanyat.org/vb/images/buttons/viewpost.gif (http://sudanyat.org/vb/showthread.php?p=332883#post332883)
ياخ الامكنة
دي مرات
بتسكنك
والعجب ناسها
الفيها

الأمكنة الـــ تسكنك وناسها..
الغريبة ياقوت القلوب الأمكنة دي بتسكنك ولا علي كيفك..
ما بتنتظر منك توقيع عقد ولا كونتراكت ولا غيرو..
بس تسكنك كدة بس..
وأي زول يتسكن بمكان معين..فــ ياحليلو..
المعاناة في الحياة دي كلها سببها الحب..
لمّا تحب (أي حاجة) يبقي تتوقع طوالي انك حــ تعاني بسبب حبك للحاجة
دي أو بسبب حبها ليك..
الأمين عبد الغفار بيحرِّض علي المعاناة ويغني( حِب الناس يحبُّوك)..
ونحن نغني وراهو..
هو طبعاً مافي مفر من أنك تحب وتتحبّ كمان..
وبقدر قوّة علاقتك بالمحبوب بيكون ألمك وعذابك وطشَشان روحك المُحِبّة..
لكن المحبّة ذاتها عادلة بشكل جميل..
يعني بتألمك قدر قوّة ارتباطك بالشيء..
معاناة الزول الغرقان في المحبّة ما زي الزول الحبّ أمبارح (مثلاً)..
لأنو يا قوت القلوب الألم والمعاناة العاطفيّة دي بتسلك درب الذكريات..
وقدر ما تكون ذكرياتك مع المحبوب كتيرة قدر ما (شيل شيلتك)..
لما يغيب عن عيونك أو إنت تغيب..
ابتسامة بتشبه ابتسامتو ممكن تبكيك..
ضحكة زي ضحكتو ممكن تلخبط يومك كلو..
خط زي خطو في الورق ممكن يخليك تطِش اليوم كلو..
أغنيّة كنتو بتسمعوها سوا ممكن تخليك تفتح بيت عزا في قلبك وتكون انت
الميِّت والمعزّي والمعزِّيين وكل المأتم الوجداني..
وعليه قيسي المكان..
تلاقي زول في لمّة اجتماعيّة الناس تقول ليك ياسلام ياخي والله فلان دة
الدنيا مريحاهو جنس راحة..بيت وعربيّة ومرا..تاني داير شنو..
وطبعا ما بيكونو عارفين الجوّاهو شنو..ممكن عادي يكون جوّاهو متقطع بس ساكت ساي..موش ممكن.
عشان كدة انا شايف انو الراحة في الدنيا حالة مؤقتة..بتمشي وتجي..
زي المواسم بالضبط..
ونحن بين جية المواسم وغيابها غير نلوك الصّبر،ما لينا شيء.
أمّا إنتي..
فــ ليك التحيّة والأمنيات الصادقة.
شكراً قوت القلوب

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=332836#post332836)
ياخي أنا دندنتي مكلفة شوية، مش قالوا "ولكلٍ حسب حاجته" (لازم تحرجونا يعني) :o


أنا في الحتة ومع سبق الإصرار والترصد قالب المثل البقول "الجفلن خلهن أقرع الواقفات" العريس والعروس ديل بصنفم ليك "واقفات" عدييل عشان كدا (بخليهن واجليهن)* ذاتو أخوك متخصص "جفلن"، وكمان عندي هواية ما بقولا هنا وللتقريب هي ذي هواية طارق كانيك :)


وتقول هواي تستبعدو؟

* حاول تقراها زي حمد الريح

والله المداخلة دي فيها تجلي عجيب..
كيشو يتجلّي...
تعرف ياكيشو من الحاجات السّمحة في الحياة دي فكرة التحوُّل من حالة لأخري.
يقول ليك والله الليلة الفنان كان متجلي..
معناها أبدع ولمع نجمه..
طيّب ليه يعني هو ماقاعد يبدع ويتجلي في ابداعه علي طول..؟؟
هنا بيجي رأي الجمهور الحضر الحفلة..
هو البيحدّد هل الفنان ابدع ولا لأ..
ممكن حمد الريح أخشّ ليه تلاتة حفلات وفي التلاتة ديل يغني (حمام الوادي)..
بس أكيد ما كلهم حيكونن حمام وادي بالنسبة لي انا الجمهور ده..
يعني الحكاية بتكون محكومة بمزاجي النفسي وحالتي الحضرت بيها الحفلة..
حمام الوادي ممكن وانا قافلة معاي أشوفو غربان غربان..
وانا سرحان مثلا..ممكن ما أشوف في حمام من أساسو ناهيك عن أنو حمام وادي ولا خلا.. وكان سألوني عن الأغنية
لحظتها ممكن أقول ليهم (الساقية)..وممكن زول سرحان شديد يقول ليهم (زاد الشجون)..
بس الزول المستّف بالحنين بيندمج مع الاغنية كلمة كلمة ونغمة نغمة التقول
كتبوها ليهو مخصوص..أها ده البيحلف ليك إنو حمد الريح الليلة إتجلي واتوهّج.
حكاية مشربكة صاح..
المهم:
بما أني في مقام الجمهور..فأنا شايفك اليومين ديل (ما شاءالله) متجلي..ههههه
وباصاتك البينيّة قاتلة عديل كدة..باصات من نوعيّة (هاك جيب قون)..
قلت لي أقرع الجفلن...هههه.
والله لقيتك أخطر مما أتصوّر ذاتو..
شايف سمراء اعلنت عن نفسها (جافلة)..
فهل ستقرعها..(بالعربي الفصيح).
ياخي لقيتك خطير والله..
بالمناسبة:
(حمام الوادي) شاعرها منو..؟؟؟
أوع تقول لي سبدرات..

[الرشيد اسماعيل محمود]

المشاركة الأصلية كتبت بواسطة الأغبش http://sudanyat.org/vb/images/buttons/viewpost.gif (http://sudanyat.org/vb/showthread.php?p=332891#post332891)

رشيدكو ليمتد ويتمدد فينا ..سلامات ياملك
ياخي لي زمن من ونسة زي دي ..

إنت عارف ياحبيب..
الإنسان حياتو كلها حوجة..
دايما في حالة احتياج مستمر..
محتاج ياكل..
محتاج يحب..يحبوهو..يتعلم..يعمل..الخ..
في حلقة لا نهائيّة من الإحتياج..
يعني ما في زول بيجي يقول ليك والله انا ما عايز أي حاجة..
والدين ذاتو بيشير لفقر الانسان(أنتم الفقراء الي الله)..
والفقر هو الافتقار..هو العوز والبحث عن شيء لا تملكه..
والفقر الي الله هو الفقر الي ما يملكه الله ولا نملكه نحن..والله يملك كل شيء..
ونحن مابنملك شي.
دي الحياة..فقر دائم مهما صرنا اغنياء..
والاغتناء ذاتو مرّات كدة نسبي بحت..
في زول في اقصي قرية في جنوب النيل الأزرق عندو بيت طوب أحمر
وسط قرية بيوتها كلها من الطين والقش..شايف روحو بالضرورة أغني زول.
ونفس الزول ده الغني في القرية لو جا الدمازين مثلا..حيكتشف انو فقير..
ولو وصل الخرطوم مثلا..حيلقي نفسو يبكي علي خيالو الصوّر ليهو إنّو هو غني.
ولو مشي أوروبا (عييييك) وهكذا وهكذا..
الكلام الفوق ده ذاتو حالنا مع الخالق..اغني أغنياء العالم بيفتكر إنو زول غنيان..
لكنو فقير بنفس معطيات المثل القلتو ليك هنا..(مع اختلاف المعايير والعوَز)
هسع الجاب النقة دي شنو..؟؟
أيوااا..
إنت قلت:
(ياخي لي زمن من ونسة زي دي..)
طبعا فجأة اكتشفت حوجتك لونسة زي دي..
طيّب شنو الخلاك تكتشف الحاجة دي كدة بس..
ده بيودينا لكلام عن إخفاء القيم بعضها لبعض..واحتلال حوجة لأخري
مكانيا وزمانيا..
أنا محتاج أنوم بدري..دي حوجة..
بس قبل ما أنوم محتاج آكل..حوجة تانية إحتلت مكان الأولي..
وفي لحظة البحث عن الأكل بتتراجع حوجة النوم وتختفي ظاهريا
مع بقاءها كحوجة مُلحّة..
مجرّد ما تاكل بتلقي نفسك خلاااااص استويت للنوم..
هنا حوجة الأكل ديك تلقاها في سقط لقط.
قلنا شنو..
حوجتك للونسة ظهرت أو اكتشفتها هسع لأنك كنت محكوم
بحوجات تانية زحلقت حاجتك للونسة واخفتها لحين تحقيق الأولي
ثم الثانية ثم ....الخ.
دي القاعدة..
الاستثناء أنو الظروف هي البتحدد مسار الاحتياج.
ودة موضوع طويل.
انت موضوع البوست كان شنو..؟؟؟ههههه

[محمد مصطفي]

حضور ومتابعة واستمتاع يالرشيد
ياخي انا داير اصاحبك ....
وموافقك تشيل حالي بعد زمن :D

[الرشيد اسماعيل محمود]

المشاركة الأصلية كتبت بواسطة محمد مصطفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=333068#post333068)
ياخي انا داير اصاحبك ....
وموافقك تشيل حالي بعد زمن :D

زمن قدر شنو..؟؟
قبل العرس ولا بعدو..؟؟
حالك الماشي ده شيلتو ساااهلة..
ونحن حالنا الواقف ده ما بيتشال بالسّاهل..
الكلام ده قانون فيزيا بيتخيّل لي..
المهم:
إنت لهسع بتفكر في الصُحبة...؟؟
ياخي انا من زمان مصاحبك بيني وبين نفسي وانت ماجايب خبر..!! *
تشرِّف ياحبيب.
ــــــ
* الرواية لأخونا كيشو.

[طارق صديق كانديك]

ياخي أنا دندنتي مكلفة شوية، مش قالوا "ولكلٍ حسب حاجته" (لازم تحرجونا يعني) :o


أنا في الحتة ومع سبق الإصرار والترصد قالب المثل البقول "الجفلن خلهن أقرع الواقفات" العريس والعروس ديل بصنفم ليك "واقفات" عدييل عشان كدا (بخليهن واجليهن)* ذاتو أخوك متخصص "جفلن"، وكمان عندي هواية ما بقولا هنا وللتقريب هي ذي هواية طارق كانيك :)


وتقول هواي تستبعدو؟

* حاول تقراها زي حمد الريح

:D:D:D

دندني وزيد عذابك .. !!!
عارف أنا لسه مبسوط من يوم ( هكرووووووك ) بتاعتك ديك looool

بعدين الرشيد بفرض الجو الذي به يتوفر كتير من الاطمئنان .. !!:)

فتتسع مساحات الهواية .. عندنا .. !!:D

متعك الله بالمحبة

--

الرشيد .. قلت ليهو صاحبو مضرِّي عيشو الأيّام دي .. !!looool

بالغت فيها والله :)

[كيشو]

:D:D:D

دندني وزيد عذابك .. !!!
عارف أنا لسه مبسوط من يوم ( هكرووووووك ) بتاعتك ديك looool

بعدين الرشيد بفرض الجو الذي به يتوفر كتير من الاطمئنان .. !!:)

فتتسع مساحات الهواية .. عندنا .. !!:D

متعك الله بالمحبة

--

الرشيد .. قلت ليهو صاحبو مضرِّي عيشو الأيّام دي .. !!looool

بالغت فيها والله :)

طبعاً عشان إتا الريس بنجيك أول شي
لكن قلت لي شنو؟
عارف أنا لسه مبسوط من يوم ( هكرووووووك ) بتاعتك ديك looool
الحاجات المعتقة دي ناسا معروفين، وشوية منّها بْكَفّي
أما حكاية "بلح اليوم باليوم وكمان بالكوم" :)
قلنا ليكم ما عايزين نخش النادي دا

[كيشو]

اها انا غايتو مع الجفلن عديل كدة
دايره زول يقرعنى* :D

______________

* قرع يقرع فهو ملاح قرع ..او كما قال كيشو goood

دا عندنا أساتذتنا إسمو "كَتْ إنْ" :)
وبعدين ياخ بقى في عقبة كبيرة تحول مستقبلاً بيننا وبين التعبير عن مشاعرنا القديمة والمعروفة تجاه القرعlooool

[سمراء]

دا عندنا أساتذتنا إسمو "كَتْ إنْ" :)
وبعدين ياخ بقى في عقبة كبيرة تحول مستقبلاً بيننا وبين التعبير عن مشاعرنا القديمة والمعروفة تجاه القرعlooool

ليه الحصل شنو ؟
قرعوووووووووك ؟ ...زانت مااااابتعرف صليحك من عدوك
ياخ احبطنى يسعلنى الله ياكيشو :o

مانى قايلاك ضمن كتيبة المقروعين :D

[كيشو]

بما أني في مقام الجمهور..فأنا شايفك اليومين ديل (ما شاءالله) متجلي..ههههه[/COLOR][/SIZE][/FONT]
وباصاتك البينيّة قاتلة عديل كدة..باصات من نوعيّة (هاك جيب قون)..
قلت لي أقرع الجفلن...هههه.
والله لقيتك أخطر مما أتصوّر ذاتو..
شايف سمراء اعلنت عن نفسها (جافلة)..
فهل ستقرعها..(بالعربي الفصيح).


يازول إتا ما عندك تجربة مع الجماعة ديل، عوامل الجذب كتيرة، لكن القرار الأخير لما هو مكتوب في الطرف: (MADE IN SWITZERLAND)
والانتيمو موجود يحمد سيدو looool

[الرشيد اسماعيل محمود]

المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=333136#post333136)
:D:D:D

دندني وزيد عذابك .. !!!
عارف أنا لسه مبسوط من يوم ( هكرووووووك ) بتاعتك ديك looool


العجب أنا..
طبعا ياكانديك في لحظات في الحياة الزول بيعمل حاجات سمحة خلاص..
يعني تكون فرحان شديد كدة .. بتشوف أي حاجة معروفة ما ممكن تعبر ليك عن مدي الفرح دة..
تقوم فجلأة كدة تعمل ليك حركة مشاترة كدة(غض النظر عن اتجاه الشترة سلبا ام ايجابا)..
والحركة دي بتخليك تحس انك عبرت تمام عن الفرحة الانت فيها.
مثلا:
زول محروم من الاطفال..
متزوج ليهو عشرة سنوات..
فجأة الطبيب قال ليهو مبروك المرا حامل..
أها ده حيفرح كيف..؟؟
بيقوم بشكل لا إرادي يعمل حاجة مشاترة كدة..
لأنو الفرحة دي من نوع خاص..
ممكن عادي يقوم يقبض الطبيب ويرفعو فووووووق..
أو بعد يمرق الشارع يسلم علي أي زول بحرااااارة كدة..
التقول ناس الشارع ديل ساعدوهو في الإنجاب.
أو يركب المواصلات والكمساري يطقطق يقوم هو يقول للكمساري:
(علي بالطلاق ما في زول يدفع..ويدفع للناس كلها)
ده اسمو الفرح المجنون..
الفرح الــ في سبيل التعبير عنو..الزول بيجيب حاجات مختلفة ..
ليه...؟؟
لأنو الحدث المفرح ذاتو مختلف..وجنون الفرح هنا بيعتمد علي درجة مغايرة
الحدث المُفرح لما سبقه من بواعث للفرح كانت..إنت ماشفت جنون الفرح حق الكورة..؟؟
ياخي الصحفي شجرابي قبل كدة جايبنو في التلفزيون كورة هلال ناساروة بعد القون
التالت حق مسّاوي قام مسك ليك في رقبة جارو في المدرجات الوسطي وقعد ينطط..
ويجعر عووووع عووووع....وما جايب خبر..المريخاب البيشوفو الكورة الزمن داك تلقيهم بيقولو:(يازول احترم شيبتك دي) ههههه
إضافة لإنو الفرح المجنون بيخلي الزول فرحان وبيفرح التانيين برضو..(فرح إشتراكي راسو عديل)
الكلام ده الجابو شنو..؟؟؟
أيواااا
هكروووووك
الرّاجح أن الأخ كيشو كان في حالة مزاجيّة باهظة الجمال..
لذلك فلم يجد بدّا من التعبير بشكل مغاير وجميل يحتوي كل
ما بداخله من جنون للفرح..
فكتب تلك الجملة الــــ كيفتني في حناني..
واحتمال ساعة كتابتها كان بيدندن معاها جهراً كمان..
فالفرح المجنون ما بيقدر الثقل والتعذر يحجبو بس ممكن يقلل من حدتو
وبس لكن لا بدّ من منفذ وإلا إنشرط الانسان من الفرح..
بالمناسبة:
الفرح برضو ممكن يشرط.
زي الضحك بالضبط.
بس الشرط هنا معناها شنو..؟؟؟
ده خليهو لمداخلة تانية.
لأنو أنا بالطريقة دي حيشرطني الضحك من نقلات كيشو الرشيقة دي.
والله لكن الزول ده خطيييير.

[طارق صديق كانديك]

العجب أنا..
طبعا ياكانديك في لحظات في الحياة الزول بيعمل حاجات سمحة خلاص..
يعني تكون فرحان شديد كدة .. بتشوف أي حاجة معروفة ما ممكن تعبر ليك عن مدي الفرح دة..
تقوم فجلأة كدة تعمل ليك حركة مشاترة كدة(غض النظر عن اتجاه الشترة سلبا ام ايجابا)..
والحركة دي بتخليك تحس انك عبرت تمام عن الفرحة الانت فيها.
مثلا:
زول محروم من الاطفال..
متزوج ليهو عشرة سنوات..
فجأة الطبيب قال ليهو مبروك المرا حامل..
أها ده حيفرح كيف..؟؟
بيقوم بشكل لا إرادي يعمل حاجة مشاترة كدة..
لأنو الفرحة دي من نوع خاص..
ممكن عادي يقوم يقبض الطبيب ويرفعو فووووووق..
أو بعد يمرق الشارع يسلم علي أي زول بحرااااارة كدة..
التقول ناس الشارع ديل ساعدوهو في الإنجاب.
أو يركب المواصلات والكمساري يطقطق يقوم هو يقول للكمساري:
(علي بالطلاق ما في زول يدفع..ويدفع للناس كلها)
ده اسمو الفرح المجنون..
الفرح الــ في سبيل التعبير عنو..الزول بيجيب حاجات مختلفة ..
ليه...؟؟
لأنو الحدث المفرح ذاتو مختلف..وجنون الفرح هنا بيعتمد علي درجة مغايرة
الحدث المُفرح لما سبقه من بواعث للفرح كانت..إنت ماشفت جنون الفرح حق الكورة..؟؟
ياخي الصحفي شجرابي قبل كدة جايبنو في التلفزيون كورة هلال ناساروة بعد القون
التالت حق مسّاوي قام مسك ليك في رقبة جارو في المدرجات الوسطي وقعد ينطط..
ويجعر عووووع عووووع....وما جايب خبر..المريخاب البيشوفو الكورة الزمن داك تلقيهم بيقولو:(يازول احترم شيبتك دي) ههههه
إضافة لإنو الفرح المجنون بيخلي الزول فرحان وبيفرح التانيين برضو..(فرح إشتراكي راسو عديل)
الكلام ده الجابو شنو..؟؟؟
أيواااا
هكروووووك
الرّاجح أن الأخ كيشو كان في حالة مزاجيّة باهظة الجمال..
لذلك فلم يجد بدّا من التعبير بشكل مغاير وجميل يحتوي كل
ما بداخله من جنون للفرح..
فكتب تلك الجملة الــــ كيفتني في حناني..
واحتمال ساعة كتابتها كان بيدندن معاها جهراً كمان..
فالفرح المجنون ما بيقدر الثقل والتعذر يحجبو بس ممكن يقلل من حدتو
وبس لكن لا بدّ من منفذ وإلا إنشرط الانسان من الفرح..
بالمناسبة:
الفرح برضو ممكن يشرط.
زي الضحك بالضبط.
بس الشرط هنا معناها شنو..؟؟؟
ده خليهو لمداخلة تانية.
لأنو أنا بالطريقة دي حيشرطني الضحك من نقلات كيشو الرشيقة دي.
والله لكن الزول ده خطيييير.


يعلم الله ( هكرووووك ) بتاعت كيشو دي تستحق هذه التحفة الجميلة من الحروف الباذخة .. !!

متعك الله بالجمال يا رشيد .. وأعلم أن ( تنشرط بالفرح ) الحبة ما بتجيك ... فانشرط انشراطك لننشرط .. !!
وللدهشة أيضاً ( انشراطها ) ان صحت النسبة .. حدثني صديقي ذات دهشة .. وكان من متعاطيّ (التمباك) عمدا .. أنه ولج مكانا لم يعتقد أن محبوبته بين الحاضرين فألفته عند المدخل .. ( مكوم سفتو ) فصاحت :

وووب علي يا ( ... ) ماااا نظرتا من سقطي ... !!!*

* في اشارة للقول المأثور ( ما سقطت من نظري ) .. !!

تحياتي ياخ ليك وللعزيز كيشو فهو صاحب الفضل في هذا الجمال .. !

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=333188#post333188)
يازول إتا ما عندك تجربة مع الجماعة ديل، عوامل الجذب كتيرة، لكن القرار الأخير لما هو مكتوب في الطرف: (MADE IN SWITZERLAND
والانتيمو موجود يحمد سيدو looool

يازول انت من زمن (ميد إن سويسرا)..
الدولة اتجهت لدول آسيا ياحبيب..
وآسيا دي بعد البحر الأحمر مباشرة..
يعني من السعوديّة وانت ماشي..
البلد كلها منتجات آسيويّة..
إنت ماسمعت بالرد الرد.....؟؟
ياحبيب ما تلاوز من ناس انتيمو ديلك..
الحكاية بسيطة(لو توفرت الرّغبة طبعا)..بس تشيل كيبوردك
ومحل ما تلقي محاثيث طوّالي تتكل.
بس قبل ما تتكل..إتوكل..
وقبل ما تتوّكل..أعقلها..
وأقع القرع.

[سمراء]

تحياتي ياخ ليك وللعزيز كيشو فهو صاحب الفضل في هذا الجمال .. !

غايتو ....اتحمله ياريشو من الريس !!
قالو الخيل تجقلب
والشكر لى كيشو ;)

[طارق صديق كانديك]

غايتو ....اتحمله ياريشو من الريس !!
قالو الخيل تجقلب
والشكر لى كيشو ;)

جافلة ولا لسه :)

مساء القرع .. !!

الجمال الذي عنيته هو مداخلة الرشيد (الشحمانة)* دي .. !!

* ربنا يتم شفاء خالد الحاج صاحب الحقوق في العبارة

[كيشو]

*****
شايف هوامشكم كِتْرت، أتاري عيونكم تعاين لامن جننت قلوبكم ذاتو :D

[طارق الحسن محمد]

الرشيد حمد لله على السلامة
وشكرا للكلام الجميل دا
وبيجيك راجع ليك تانى
شكرا لعودتك

[سمراء]

جافلة ولا لسه :)

[COLOR="darkred"][SIZE="5"]* ربنا يتم شفاء خالد الحاج صاحب الحقوق في العبارة

برى قرعونى* اريته قرعتك الفى يدك :D

_____________
* القرع خشم بيوت هنا ياريس لوووووووووووول

[الرشيد اسماعيل محمود]

المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=333200#post333200)
متعك الله بالجمال يا رشيد .. وأعلم أن ( تنشرط بالفرح ) الحبة ما بتجيك ... فانشرط انشراطك لننشرط .. !!
وللدهشة أيضاً ( انشراطها ) ان صحت النسبة ..

سلامات ياريِّس..
نجي للإنشراطة بفعل الضِّحك..
ملحوظة:
كلّ الكلام الأنا بقول فيهو ده محض رؤية خاصّة ووجهة نظر لا علاقة لها بثابت محدّد..
كويس..؟؟
تعرف يا ريِّس (وقعت لي في جرح حكاية ريِّس دي)..
الإنسان في الوضع الطبيعي غير الضّاحك طبعا..بيكون مجرّد انسان..
وكل الأحوال التعبيريّة اللاحقة هي اللي بتخليهو يتصف بيها ويبقي موصوف بالضحك..بالفرح بالحزن..الخ..
يعني الزول لمّا يكون قاعد ساااي ده انا بسمِّيهو زول..
لمّا يضحك بيكون زول قاعد يضحك..
لمّا يبكي بالضّرورة زول باكي..
يبتسم زول مبتسم..يندهش زول مندهش.
وهكذا من صفات تعبيرية تلحق بهذا الـــ زول فيلحق باسمه حال يدل علي ما هو عليه..
طيّب الضِّحك كيف بيشرط الزول..؟؟
ده مجرّد معني تقريبي لحدّة الضحك وقوته..
الزول في رقبتو حال إنّو ساكت وما لحقتو أيٍّ من دلائل الأحوال كالضِّحك والدّهشة والبكا وإلخ...بيمثل قيمة وقورة..(أي رزينة)..فالوقار هو الرزانة..
وفي القرآن (وقِرن في بيوتكن) بالكسرة ولمّا تتقري بالقاف المفتوحة بتعني القرار(الهبوط)..و(مالكم لا ترجون لله وقارا) بمعني لا تخافون لله عظمة..
المهم:
الوقار هو الرزانة..والتوقير هو التعظيم والترزين..
الضِّحك مثلا بيمثل مهدّد أوّلي لهتك وقار الإنسان (حال أنو قيمة وقورة..)
لمّا الزول يبدا يضحك بيضعف تماسك الغشاء الوقور المحيط بالإنسان دة..
لمّا يزيد في الضحك بتنشأ تشققات في الغشاء الوقور..
لمّا خلااااص يحصِّل سدرة منتهي الضحك بيتمزّق الغشاء الوقور ده..
ويبقي الزول إتعرّي من وقارو المفترض وبقي قاعد في السّهلة (يعني ما رزين) وممكن يعمل حاجات أصلا ما ممكن يعملا حال انو محتفظ بتماسك
الغشاء الوقور داك.
الخلاصة شنو:
تمزُّق الغشاء الوقور البيحيط بشخصيّة الإنسان هو الشرط المعني في المقاربة(الضِّحك شرطني)..
وغايتو هي جملة بلاغيّة شديد طوّالي الزول
ممكن يصنفها علي أساس أنها مجاز مرسل علاقتو الكليّة (أطلق الكل وأراد الجزء)..
الكل هو الزول طبعاً والجزء بالتأكيد الغشاء الوقور.
الجملة الأصليّة كالآتي:
الضِّحك شرط غشاء وقاري...أي مزّقه.
طيّب الوقار وغشائه المفترض ديل هل منشأهن الإتنين حالة دينيّة ولا مجتمعيّة ولا فكريّة محدّدة..
الوقار هنا ياطارق مكتسب بفعل أواليات ومحدّدات كتيرة بيخش فيها الدين
والعادات والتقاليد ونظرة المجتمع ككل.
زمان أهلنا الكبار بعد كلو ضحكة بيستغفروا الله..
ده نابع من إسقاطات دينيّة من أنو كترة الضحك تُميت القلب..
واسقاطات موروثة من أنو الضِّحك بلا سبب قلة أدب..وخلافو..
بس كلها في نظري محاولات للمحافظة بصورة عفويّة غير مستقصدة
علي تماسك غشاء الوقار الإفترضتو ليك دة..
المهم:
الوقار ده ياريِّس ما بالضرورة ديني..بس مجموعة دوال في منظومة
تكوين الزول في رقبتو..كوكتيل من العادات المجتمعيّة والمعتقديّة .
أجمل ما في الموضوع انت قايل شنو..؟؟؟
إنو بمجرّد ما تكمِّل ضحكك الشارطك دة وتروق.. مباشرة الغشاء الوقور بيرجع يلتئم من تاني وترجع زول وقور..
يعني الحكاية وقتيّة طالما انت محتفظ بعقلك..وكان فقدتو وانت بتضحك
ياكا الفقدت الغشاء بالمرّة..ههههههه
ياخي متّعك الله بالجمال والضِّحك.

[الرشيد اسماعيل محمود]

المشاركة الأصلية كتبت بواسطة كيشو http://sudanyat.org/vb/images/buttons/viewpost.gif (http://sudanyat.org/vb/showthread.php?p=333214#post333214)
*****
شايف هوامشكم كِتْرت، أتاري عيونكم تعاين لامن جننت قلوبكم ذاتو :D

عشان جبتها بي فوق نقوم نعمل ليها هامش..
ــــــــ
ياعيني تعاينن..
جننتنُّو قلبي..
ياسلاااام يا الجابري ياخي..:)

[الرشيد اسماعيل محمود]

المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=333320#post333320)
الرشيد حمد لله على السلامة
وشكرا للكلام الجميل دا
وبيجيك راجع ليك تانى
شكرا لعودتك

تسلم ياحبيب..
بس القزاز المظلل ده بالله نزلو شويّة..
النّاس رشّحتك تقوم ترشح تخليها..
قلت لي بقيت من اصحاب الفارهات...
زيّك زي الريِّس كانديك..
سمراء دي بالله شوفو ليها إن شاءالله أتوز..
أمّا نحن ديل فماتنسونا من صالح الدعوات...ههه
في انتظارك .

[الرشيد اسماعيل محمود]

المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=333376#post333376)
برى قرعونى* اريته قرعتك الفى يدك :D

_____________
* القرع خشم بيوت هنا ياريس لوووووووووووول

سمرا ياجافلة...
تجري جري الوحوش غير أنتيمو ما بتحوش..
خليك من التايواني..
ركزي علي الإنتيم علي الأقل تطلعي ليك بشهادة خبرة
ولا ساعة سويسريّة.

[الأغبش]

سلامات ياريِّس..
نجي للإنشراطة بفعل الضِّحك..
ملحوظة:
كلّ الكلام الأنا بقول فيهو ده محض رؤية خاصّة ووجهة نظر لا علاقة لها بثابت محدّد..
كويس..؟؟
تعرف يا ريِّس (وقعت لي في جرح حكاية ريِّس دي)..
الإنسان في الوضع الطبيعي غير الضّاحك طبعا..بيكون مجرّد انسان..
وكل الأحوال التعبيريّة اللاحقة هي اللي بتخليهو يتصف بيها ويبقي موصوف بالضحك..بالفرح بالحزن..الخ..
يعني الزول لمّا يكون قاعد ساااي ده انا بسمِّيهو زول..
لمّا يضحك بيكون زول قاعد يضحك..
لمّا يبكي بالضّرورة زول باكي..
يبتسم زول مبتسم..يندهش زول مندهش.
وهكذا من صفات تعبيرية تلحق بهذا الـــ زول فيلحق باسمه حال يدل علي ما هو عليه..
طيّب الضِّحك كيف بيشرط الزول..؟؟
ده مجرّد معني تقريبي لحدّة الضحك وقوته..
الزول في رقبتو حال إنّو ساكت وما لحقتو أيٍّ من دلائل الأحوال كالضِّحك والدّهشة والبكا وإلخ...بيمثل قيمة وقورة..(أي رزينة)..فالوقار هو الرزانة..
وفي القرآن (وقِرن في بيوتكن) بالكسرة ولمّا تتقري بالقاف المفتوحة بتعني القرار(الهبوط)..و(مالكم لا ترجون لله وقارا) بمعني لا تخافون لله عظمة..
المهم:
الوقار هو الرزانة..والتوقير هو التعظيم والترزين..
الضِّحك مثلا بيمثل مهدّد أوّلي لهتك وقار الإنسان (حال أنو قيمة وقورة..)
لمّا الزول يبدا يضحك بيضعف تماسك الغشاء الوقور المحيط بالإنسان دة..
لمّا يزيد في الضحك بتنشأ تشققات في الغشاء الوقور..
لمّا خلااااص يحصِّل سدرة منتهي الضحك بيتمزّق الغشاء الوقور ده..
ويبقي الزول إتعرّي من وقارو المفترض وبقي قاعد في السّهلة (يعني ما رزين) وممكن يعمل حاجات أصلا ما ممكن يعملا حال انو محتفظ بتماسك
الغشاء الوقور داك.
الخلاصة شنو:
تمزُّق الغشاء الوقور البيحيط بشخصيّة الإنسان هو الشرط المعني في المقاربة(الضِّحك شرطني)..
وغايتو هي جملة بلاغيّة شديد طوّالي الزول
ممكن يصنفها علي أساس أنها مجاز مرسل علاقتو الكليّة (أطلق الكل وأراد الجزء)..
الكل هو الزول طبعاً والجزء بالتأكيد الغشاء الوقور.
الجملة الأصليّة كالآتي:
الضِّحك شرط غشاء وقاري...أي مزّقه.
طيّب الوقار وغشائه المفترض ديل هل منشأهن الإتنين حالة دينيّة ولا مجتمعيّة ولا فكريّة محدّدة..
الوقار هنا ياطارق مكتسب بفعل أواليات ومحدّدات كتيرة بيخش فيها الدين
والعادات والتقاليد ونظرة المجتمع ككل.
زمان أهلنا الكبار بعد كلو ضحكة بيستغفروا الله..
ده نابع من إسقاطات دينيّة من أنو كترة الضحك تُميت القلب..
واسقاطات موروثة من أنو الضِّحك بلا سبب قلة أدب..وخلافو..
بس كلها في نظري محاولات للمحافظة بصورة عفويّة غير مستقصدة
علي تماسك غشاء الوقار الإفترضتو ليك دة..
المهم:
الوقار ده ياريِّس ما بالضرورة ديني..بس مجموعة دوال في منظومة
تكوين الزول في رقبتو..كوكتيل من العادات المجتمعيّة والمعتقديّة .
أجمل ما في الموضوع انت قايل شنو..؟؟؟
إنو بمجرّد ما تكمِّل ضحكك الشارطك دة وتروق.. مباشرة الغشاء الوقور بيرجع يلتئم من تاني وترجع زول وقور..
يعني الحكاية وقتيّة طالما انت محتفظ بعقلك..وكان فقدتو وانت بتضحك
ياكا الفقدت الغشاء بالمرّة..ههههههه
ياخي متّعك الله بالجمال والضِّحك.

رشيدكو .. ازيك ياملك
جبت دلوي وجيتك ..
حبيبنا كانديك تحدث عن الإنشراط بالفرح ..
واسترسلت أنت وواصلت في (الإنشراط بالضحك) ..
من وجهة نظري هناك مساحة بين الفرح والضحك ..
الفرح حاله معنوية تشكل مضمون الحالة ..
والضحك هو حالة تعبيرية عن مضمون الحالة السابقة (الفرح)في كثير من الأحيان
ذ أن هناك من الحالات السلبية ما (يشرطك بالضحك أيضاً) ..
يقول ليك فلان ده الضحك شرطو ..
وقد يكون (الفرح) كاتم صوت ..وإن كانت بقية الحواس لا تلتزم بحالة الصمت هذه ..وأحيناً يحدث تسريب في شكل (تِكِشِم ) ..
كحالة جلوسك مع من تحب ..(لو قعدت تضحك ساي بتقول عليك عبيط):p

[الرشيد اسماعيل محمود]

الأغبش سلامات..
قلت لي المرّة دي ماجيتنا فاضي..
تمام يازول..كلامك صاح..
الفرح ماهو الضِّحك ولا الضِّحك الفرح.. كل واحد كون قايم بذاتو..
وزي ماقلت إنت،الضِّحك واحد من الأشكال التعبيرية الممكن تكون مقترنة
بالفرح بس بصورة غير حصريّة بمعني انو الضحك ممكن يكون بسبب تاني والفرح ممكن يتم التعبير عنو بحاجة غير.
الضحك ممكن يكون بسبب نكتة..والزول البيضحك بسبب نكتة أو قصّة ما بيعني إنو فرحان..
عجبتني حكاية الفرح الصّامت المكتوم دي..
الفهمتو انا من كلامك انو يكون زول في حالة فرح ويحاول ما يعبر عن الحالة، لكن برضو بيبين الفرح عن طريق التسريب اللي بيظهر في صورة (تِكشِّم )
أو الحواس تقوم تفضح الزول..
وهنا التكشِّم دة ذاتو يا أغبش حالة عفويّة لكن لا بدّ منها..
ليه..؟؟
لأنو ضروري الفرح ده يلقي ليهو متنفس وإلاّ لاختلت موازين العواطف الانسانية..
كيف..؟؟
علم النفس فيهو تنظيرة في الحكاية دي..
بيقول:
الإنسان هو الملك..
المشاعر البيظهرها وقريبة ودايما بخليها تمرق دي طبقة النبلاء..
المشاعر المكبوتة بتمثل طبقة البروتاريا..الطبقة المسحوقة.
إذا واصل الإنسان الملك دة، في تقريب طبقة النبلاء علي حساب الطبقة المسحوقة المُبعدة من مسرح الحدث ..
النتيجة حتكون ثورة عمّالية تطيح بالملك وبالتالي بيحدث خلل في الإتزان.
النتيجة: ممكن الجنون.
شفت كيف..!!!
الإنسان السّوي هو البيعامل رغباتو كلها بنوع من تساوي الفرص..
لأنو الرغبات المكبوتة دي ممكن توديك التوج..
والكلام ده دينياً مثبت (الترويح عن القلب ساعة بعد ساعة)..
يعني مشاعرك تجاه الحاجات ورغباتك لا بدّ من ان تعمل حساب ليها..
تخليها تظهر في أي شكل كان، من دون إفراط طبعاً..لأنو الإفراط في رغبة
محدّدة هو كبت لأخري وهكذا من متواليات ودوال.
الحياة ذاتها فن يا الاغبش..والإنسان الفنان بيعرف متين يلبي الرغبة الفلانيّة ومتين ما يكبت التانية ومتين يرخي الحبل للتالتة ومتين ومتين..
الإنسان الله خلقو وجوّاهو بذرة الفن.. ومما يجي الحياة بعد داك يا إمّا صار فنان مشهور(فنّ الحياة) يا إمّا طلع هناق ساي..
فنّ الحياة ذاتو بتندرج تحتو مناهج ومقرّرات ودروس خصوصيّة وامتحانات ومسائل شائكة خلاص..
التعامل مع الآخر فن..
متين تتعامل بعفوية فن..
متين وكيف تفك آخرك برضو فن..
ياخي نمسك من وين وننتهي بي وين.
المهم:
ياخي كلامك كيفني وإندحت ووقعت فيك بري تقيل..هههه
يازول خليك قريب.
عشان تعرف الفرق بين الرويعي والشريف.هههه

[وهاد ابراهيم محمد]

ياااا بلد...


هذا البوست أعمق مما يحتمله عابر..
وفيك لم أعتد مجرد العبور ودروبك تشهد..

ويا الرشيد فينا..
أجمل ما في السفر بين الحروف
إيقاظ خلايا في الروح ظنناها سقطت..
وإنعاش غيرها في العقل ظنناها نائمة..
والأجمل على الإطلاق ان تفتح بكلمة المدى على وسعه
فيتلقاك اثنين بقدر ما تغرف من بحر غوصك فيهما لاتجد لهما قرار
ولن تكتفي:
- الشعور باللانهائية المرئية
- اللاشيئية الانسانية
بحسبما قال رحالة كانت هوايته تقليب صفحات الكون.
ومثله هنا أفعل.

ربما هذا من أجمل ما خطت يدك هنا يا صاحب.
ولله درك يا فتى.

[الأغبش]

الأغبش سلامات..
قلت لي المرّة دي ماجيتنا فاضي..
تمام يازول..كلامك صاح..
الفرح ماهو الضِّحك ولا الضِّحك الفرح.. كل واحد كون قايم بذاتو..
وزي ماقلت إنت،الضِّحك واحد من الأشكال التعبيرية الممكن تكون مقترنة
بالفرح بس بصورة غير حصريّة بمعني انو الضحك ممكن يكون بسبب تاني والفرح ممكن يتم التعبير عنو بحاجة غير.
الضحك ممكن يكون بسبب نكتة..والزول البيضحك بسبب نكتة أو قصّة ما بيعني إنو فرحان..
عجبتني حكاية الفرح الصّامت المكتوم دي..
الفهمتو انا من كلامك انو يكون زول في حالة فرح ويحاول ما يعبر عن الحالة، لكن برضو بيبين الفرح عن طريق التسريب اللي بيظهر في صورة (تِكشِّم )
أو الحواس تقوم تفضح الزول..
وهنا التكشِّم دة ذاتو يا أغبش حالة عفويّة لكن لا بدّ منها..
ليه..؟؟
لأنو ضروري الفرح ده يلقي ليهو متنفس وإلاّ لاختلت موازين العواطف الانسانية..
كيف..؟؟
علم النفس فيهو تنظيرة في الحكاية دي..
بيقول:
الإنسان هو الملك..
المشاعر البيظهرها وقريبة ودايما بخليها تمرق دي طبقة النبلاء..
المشاعر المكبوتة بتمثل طبقة البروتاريا..الطبقة المسحوقة.
إذا واصل الإنسان الملك دة، في تقريب طبقة النبلاء علي حساب الطبقة المسحوقة المُبعدة من مسرح الحدث ..
النتيجة حتكون ثورة عمّالية تطيح بالملك وبالتالي بيحدث خلل في الإتزان.
النتيجة: ممكن الجنون.
شفت كيف..!!!
الإنسان السّوي هو البيعامل رغباتو كلها بنوع من تساوي الفرص..
لأنو الرغبات المكبوتة دي ممكن توديك التوج..
والكلام ده دينياً مثبت (الترويح عن القلب ساعة بعد ساعة)..
يعني مشاعرك تجاه الحاجات ورغباتك لا بدّ من ان تعمل حساب ليها..
تخليها تظهر في أي شكل كان، من دون إفراط طبعاً..لأنو الإفراط في رغبة
محدّدة هو كبت لأخري وهكذا من متواليات ودوال.
الحياة ذاتها فن يا الاغبش..والإنسان الفنان بيعرف متين يلبي الرغبة الفلانيّة ومتين ما يكبت التانية ومتين يرخي الحبل للتالتة ومتين ومتين..
الإنسان الله خلقو وجوّاهو بذرة الفن.. ومما يجي الحياة بعد داك يا إمّا صار فنان مشهور(فنّ الحياة) يا إمّا طلع هناق ساي..
فنّ الحياة ذاتو بتندرج تحتو مناهج ومقرّرات ودروس خصوصيّة وامتحانات ومسائل شائكة خلاص..
التعامل مع الآخر فن..
متين تتعامل بعفوية فن..
متين وكيف تفك آخرك برضو فن..
ياخي نمسك من وين وننتهي بي وين.
المهم:
ياخي كلامك كيفني وإندحت ووقعت فيك بري تقيل..هههه
يازول خليك قريب.
عشان تعرف الفرق بين الرويعي والشريف.هههه
ياخي ذكرتني ايام هواية الغوص في الأعماق ..ياريت لو لقيتك وقتها كنا نكون شغالين كتابة لليوم ...

كدي امشي القرية المجاورة ديك انبش الماضي واجيب ليك حتة ذكرتني ليها كلامك عن فن الحياة وكيف تتعامل مع من حولك ومتي تفك آخرك ومتي تكبح جماح نفسك ..

كدي خلي دي علي جمب كده .. لسه مالقيت البفتش ليهو:

هناك بعض الشخوص بحورها تختلف عن الآخرين ... فبينما تجد بحور عصية الغوص تجد أخري غاية في السهولة... هناك تلك النوعية من البشر ذات السمات البسيطة ... ما أن تقع عينك علي الواحد منهم ... أو حتي تقرأ ما يكتب ... حتي تجد نفسك تحيط بكل جوانب شخصيته ... وهناك علي العكس شخصيات تحتاج لمعدات غوص خاصة لتسبر غورها .. جلد سميك ... وهي من تفسح المجال لتكوين إنطباعات قد تكون خاطئة في كثير من الأحيان .. تحتاج لمهارات مختلفة ... لمجهود أكبر ... يتعبني جداً التعامل مع هذه النوعية من البشر ... لكنه تعب ممتع ...في بدايته فقط... بعضهم تنتهي رحلتك معهم نهايات سعيدة فتجد في الأعماق درراً وياقوت ما كنت لتراها لولا تكبدك عناء ومخاطر تلك المهمة الشاقة ... والبعض الآخر تصل معهم إلي نتائج هزيمة ... أكثر الذين لا أود معرفتهم هم أولئك الذين تحتاج وأنت تتعامل معهم إلي أن تحمل معك آله حاسبة لتصرفاتك ... دائمو التذمر ...لديهم راي سلبي تجاه كل شئ وكل شخص ...لترضيهم يجب أن تتفق معهم في الراي دوماً ...وعلي النقيض منهم هناك أيضاً من يتفقون معك في كل شئ في سلبييه مطلقة ( آآآي والله زي ما قلت .......) والله كلامك صاح .... وإذا غيرت رايك بعد دقائق تجده أيضاً يتفق معك ...
قد يسأل أحدكم ... هل هناك فريق ثالث ؟؟؟ نعم ... من أتفق وأختلف معه ... لكن بأدب الإختلاف والإتفاق ...من يعبر عن نفسه دون ضغوط أو تخوف من رد فعل من يسمع رأيه ...أحب جداً من ( الفي قلبو في لسانو ) ... علي أن يكون صافي القلب ...

[الأغبش]

دي برضو ما عندها علاقة مباشرة مع البفتش ليهو لكن نفاج لكلام كتيييير :


شخصيتان متشابهتان حد التطابق ... لكن مختلفتان حد التنافر ....
هناك من الناس ما يتعامل مع الأمور بكل أريحيه دون تكلف أو عناء ... يدخلك من أول لقاء بكل أبوابك المشرعه وغير المشرعه .... يستبيح محاريبك المقدسه في أقصر مده زمنيه ممكنه ...يختصر مساحات من الزمن بقفزات داخلك ...يبدأ معك من نقطة فوق الصفر ...
بنفس هذه الملامح المتطابقة في شخصين ... أحدهما ينفذ إليك بهدوء مريح وتغلغل تتمني المزيد منه كلما أوغل ..يتشربك بسهوله ولا تحس بزيادة وزن بإضافته الماديه ..فقط تحسها معنوياً ... إضافه وإمتداد لروحك...
أما الآخر .. وايضاً بنفس الملامح ... تحسه متطفلاً ..ساذجاً ... دخوله يسبب لك الكثير من الأعراض الجانبيه ... تحاول قدر الإمكان تفادي تصويبه ... فتنجح مرات وتفشل أخري لكثرت سهامه الموجهه نحوك ... إن لم تكن تملك قدر كافي من اللؤم والمباشره تزيد خسائرك بتكرار زياراته الداخليه لك ...تحاول جاهداً في هذه الحاله إبقاء كل ما تخشي عليه في أقاصي الأعماق ...
كتاحه (أشتر)نموذج للنوع الأول .... وللثاني نموذج لا تعرفونه من خارج المنتدي

[الأغبش]

دي الحتة الذكرتني الموضوع كلو .. كيف تتعامل ومتي ومع من :



نوعين من الشباب مختلفين ... في تصرفاتهم ... ورد فعلك تجاهم
نوع من الشباب وبالذات الأصغر منك تجده عاقلاً رزيناً حتي أن ذلك قد يضيف سنوات الي عمره الحقيقي ... يعاملك بتقدير فائق ( قد تستحق بعضه وقد تستحقه كله ) .. تحس معه أنه يعتبرك قدوه ومثل ... جانب منك يسعد بذلك .. وجانب آخر يتململ .. لأنه يفرض عليك بالمقابل قيود تقيد سلوكك وتصرفاتك أمامه ... حتي لا تخدش الصورة التي رسمها لك وحتي لا تخيب ظنه بك وقد تغير في معتقداته وسلوكه بسبب ذلك ... مسؤولية تفرض عليك نوع معين من الونسه والسؤال عن الأحوال والنقاش العام ...تسعد به وله لكن لا تستطيع أن تمضي معه ساعات طوال لأنه مرهق بالنسبة لك .. ليس السبب أنك تتجمل أمامه ... لكن التعامل الجاد ولبس ثوب المرشد مرهق ...
النوع الثاني خفيف الوزن في كل شئ ... ربما في تقديره لك وإعطائك حقك المشروع من التقدير الكافي بحكم السن أو النسب أو الوضع الإجتماعي ... وهنا يسبب لك الضيق في هذا الجانب ..فالإنسان بطبعه يسعي إلي التقدير الذي يظن أنه يستحقه وهي واحده من درجات سلم ماسلو الشهير للحاجات الإنسانية ... لكن في الجانب الآخر لا يفرض عليك أي نوع من القيود إذ يمكنك التصرف أمامه بدون آله حاسبة لتصرفاتك ... تجد معه بعض المتعه الخفيه ولا يرهقك وجوده لساعات .. تمارس معه نوع من االتمرد الخفي علي قيودك المجتمعية ..لكن هناك تلك الوخزه الخفيه بعد كل حين كلما تجاوز حدوده ( وأعتبر الحاله واحده ) ..
وفي النهاية ليس هناك خيار واحد بأن تختار النوع المفضل لديك ... وإن فعلت تخسر إيجابيات النوع الآخر ... وإن لم تفعل ( تكسب) سلبيات النوعين ,,
هكذا هي الحياة