خالد الحاج فى القاهرة

[عمر صديق]

وصل الى مطار القاهرة الاخ خالد الحاج فى زيارة وقد كان فى استقباله مجموعة من رابطة سودانيات
وقد استقبلوه بحفاوة بالغة وفى اليوم الثانى كان هناك لقاء اسرى للتعارف والتفاكر فى مقهى زهر البستان اعرب عن اعجابه عن بالمشاركات المكتوبة فى المنتدى من قبل الاعضاء وقد كان اللقاء يسوده جو اسرى مفعم بالمحبة والود وقد كشف اللقاء عن خالد الذى يجيد توزيع القفشات والسخرية التى لا يفتقدها اهلنا الشايقية (واناماشايقى ) وكان يجيد الاستماع الى محدثيه يشغف بالغ وعدم تكلف وقد اعجب بفكرة انشاء منتدى سودانيات الشفاهى وذكر بان هناك تجربة سبقت هذه الفكرة وهى منتدى اصدقاء الكتاب بالمنطقة الشرقية بالسعودية كذلك ذكر بانه كان يزمع القيام بهذه الرحلة منذ فترة الان متابعته لابنائه فى مراجعة دروسهم وانه فى عطلة الصيف يقوم بتدريسهم العربى والدين وتاريخ وجغرافيةالسودان وانشغاله ببعض الاعمال هى التى حرمته من متعة التواصل وهذ الزيارة
كذلك كان هناك لقاء مفتوحا بينه وبين البورداب عن اهتماماته وهواياته التى بينها كتابة القصة والشعر والاطلاع والاستماع الى الموسيقى وقد وجهت له الاخت وضاحة سؤال هل يساعد زوجته فى الاعباء المنزلية ذكر بانه ليس ضد هذا المبدا الا انه عمله ومتابعته اللصيقة للمنتدى تحرمه من هذه المتعة الجميلة كذلك وجه له الاخ احمد عبد العاطى سؤالا عن ولعه وحبه لاغانى الشايقية واشعار حاج الماحى هل منطلق هذا الحب عن كونه شايقى فكانت اجابته ليس ذلك هو السبب الا ان سبب هذا الحب والولع لان الشايقية حنينين ويستطيعوا ان يعبروا عن مافى وجدانهم وتخرج قصائدهم كانها لوحات تشيكلية زاهية بكل الالوان وقد وجهت له سؤال عن حبه للاسفار وكانت اجابته انه يعشق الاكتشاف والتعرف على انماط وعادات الشعوب عن قرب بعد ذلك اقيمت رحلة على شرفه للقناطر الخيرية وقد كانت رحلة جميلة استمتع فيها الجميع بالمناظر الجميلة والخلابة
بعد ذلك سافر الى مدينة الاسكندرية وشكر كل الذين اعربوا له عن مرافقته عن انه لا يريد ان يؤخرهم او يعطلهم عن اعمالهم بالاضافة الى ذلك فان للاسكندرية حب خاص فى نفسه وانه يريد استعادة ذكرياته واحلامه عندما كان طالبا بها وكل مرة يزور فيها المدينة كانه يدخلها من جديد
وقد تركت هذه الزيارة صدى طيبا فى نفوس الجميع والكل يلهج بها
ترن ترن ترن فجاة رن جرس المنبه وصحوت من هذا الحلم الجميل

[معتصم الطاهر]

عمر الصديق

أحلام زى ( أو كوابيس) قاعد خالد يصدقها وينفذها

أختنا أم جعفر دى خليها تنجم شوية ..

[ناصر يوسف]

هههههههههههههههههههه


عمر صديق الله يجازي محنك

حقو الواحد كان يقرأ البوست ده من الآخر (بالفلبه)

والله ياخي الحبيب خالد الحاج مُحِب للتسفار صحيح
لأني شايفو ما بين لندن أبوظبي لندن وشنو شنو كده ماعارف

غايتو إن كان جاكم ماري بي جاي بالله عليكم أدونا فيه معاكم شوية فرقه (سحبه)


لكن والله عجبتني الأسئله الفي حلمك دي كلها وبالأخص سؤال وضاحه

ويا خالد الحاج إعتبر الأسئلة دي موجهه ليك بالجد كدي يلا رُد عليهم
بس ما تاخد الردود الجات علي لسانك في حلم الصديق عمر صديق وتقول لي ياهي إجاباتي

بالله ؟؟


عمر يا صديق تسلم وتسلم أحلامك الجميله ..

[خالد الحاج]

عمر صديق
تشكر يا صديقي علي الحلم الجميل
بيني وبينك أشتاق لمصر وإسكندرية علي الخصوص
ولا أخفيك أني لا أحب القاهرة كثيرآ...أكره زحامها وتلوث بيئتها وألفاظ سكانها البذيئة

يسعدني أن أحقق لك "كابوسك" قريبآ إن شاء الله وغالبآ ما يتزامن ذلك مع معرض القاهرة للكتاب
فمكتبتي تشتكي قلة "الفئران" والله. كما يسعدني أن ألتقي بالأحباب من آل سودانيات ..


معتصم...
يا باش تجي نعملها سوا ؟ كدي شاور حكومتك :D

ناصر يا حبيب

لو تعلق الأمر بالعدة وملتزمات البيت فأنا أقوم بالواجب والله كتصليح الحنفيات وتجديد طلاء المنزل والأبواب
لكن الشهادة لله عدة ما بغسل :D ده شغل طارق أبوعبيدة أخوي :D :D

[عمر صديق]

عمر الصديق

أحلام زى ( أو كوابيس) قاعد خالد يصدقها وينفذها

..
عزيزنا معتصم الطاهر
لك التحية
حسب ما ارى
فان هناك خيطا رفيعا بين الحلم والواقع
بل اننى فى بعض الاحيان لا ارى اى فواصل
وجميل من الخال انو يصدقها

[عمر صديق]

هههههههههههههههههههه


عمر صديق الله يجازي محنك


لكن والله عجبتني الأسئله الفي حلمك دي كلها وبالأخص سؤال وضاحه

ويا خالد الحاج إعتبر الأسئلة دي موجهه ليك بالجد كدي يلا رُد عليهم
بس ما تاخد الردود الجات علي لسانك في حلم الصديق عمر صديق وتقول لي ياهي إجاباتي

بالله ؟؟


..
صديقى العزيز
ناصر يوسف اضم صوتى لصوتك و هل ماورد من اجابات يتناسب مع شخصيته وميوله واهتماماته
لكن
انت عارف
انا مؤمن بالتقمص والتخاطر عن بعد ربما يكون ما حدث معى فى الحلم يكون تخاطر عن بعد ودى تكون نفس اجابات
اما عن موضوع الصحبة بنتفاكر فيها ومافى مكان اجمل من الوطن
على الاقل يلاقيكم فى الريفيرا وتصطحبوه حتى كسلا او القدارف

[عمر صديق]

عمر صديق
تشكر يا صديقي علي الحلم الجميل
يسعدني أن أحقق لك "كابوسك" قريبآ إن شاء الله وغالبآ ما يتزامن ذلك مع معرض القاهرة للكتاب
فمكتبتي تشتكي قلة "الفئران" والله. كما يسعدني أن ألتقي بالأحباب من آل سودانيات ..



ناصر يا حبيب

لو تعلق الأمر بالعدة وملتزمات البيت فأنا أقوم بالواجب والله كتصليح الحنفيات وتجديد طلاء المنزل والأبواب
لكن الشهادة لله عدة ما بغسل :D ده شغل طارق أبوعبيدة أخوي :D :D
سنرجع يوما هيا بنا
اخشى ان تجى حكومتك
وتقرا البوست وتطلب منك ان تقوم بتطبيقه حرفيا
وبالاخص بما يتعلق بالاعباء :D :D :D :D :D
واكون كده تسببت لك
طبعا بدون ما اقصد فى فتنة طائفية بينك وبين ام جعفر :confused:
تسعدنا اطلالتك وزيارتك التى انا قد سعدت بها ايما سعادة بها فى الحلم
فما بالك فى الحقيقة
حتما ستكون اجمل
لكن معرض الكتاب ما بعيد
تخريمة قبل فترة شايفك فى ابوظبى امامك مكتباتها ما خميت منها
ودمتم جميعا

[ناصر يوسف]

ود الحاج وود صديق
سلام من القلب

شايف صاحبك يا عمر زي زااااااااغ كده من بقية الاسئله

تعال نحاصروا بي جاي وجاي أكان يرد علي كل أسئلة حلمك الجميل

هههههه


خالد الحاج قلت لي ما بتغسل العده ؟؟!!!

قالوا خالد الحاج شغال مدير مؤسسه
وفي يوم جاهو طارق أبوعبيده الموظف عندو ، جاهو الشغل متأخر
قام خالد الحاج قال لي طارق : جايِ متأخر مالك يا أخينا

طارق أبو عبيده : لا هو في الحقيقه كده يا سيادة المدير أصلو ... كنت بغسل في العِدًه لأنو المره عيانه وكده

خالد الحاج (المدير) : يا غبي ... في عِدًة بخلوها تصبح للصباح ....

ههههههههههههههههه

[عبدالله الشقليني]

ناصر يا حبيب

لو تعلق الأمر بالعدة وملتزمات البيت فأنا أقوم بالواجب
:D :D

ما بتقصِّر يا حبيبنا

كتب عتيق :
الرياض مُبتهجة ضاحِك أقحُوانه
والزهور فرحانه تستقبل أوانه

[جميلة]

خالد الحاج قلت لي ما بتغسل العده ؟؟!!!

قالوا خالد الحاج شغال مدير مؤسسه
وفي يوم جاهو طارق أبوعبيده الموظف عندو ، جاهو الشغل متأخر
قام خالد الحاج قال لي طارق : جايِ متأخر مالك يا أخينا

طارق أبو عبيده : لا هو في الحقيقه كده يا سيادة المدير أصلو ... كنت بغسل في العِدًه لأنو المره عيانه وكده

خالد الحاج (المدير) : يا غبي ... في عِدًة بخلوها تصبح للصباح ....

ههههههههههههههههه

يا جماعه ما تخلو الناس دي تغير رايها من غسيل العده ;) ;) ;)

غسيل العده دا هوايه يا خيلان صاح ;) :p :p

:D :D :D :D :D
تحياتي

[احمد عبدالعاطي]

في اثناء الجلسة قلت للاخ خالد الحاج:
منذ سنين لفظني وطني وظللت بين العواصم ابحث عن وطن بديل دون جدوي
حتي وجدت (سودانيات) التي احتضنتني وصارت لي اما ووطنا
فقال لي: احمل وطنك في داخلك واذهب حيث تتقاذفك المنافي
كان خالد يعتقد قبل زيارته للقاهرة ان رابطة اصدقاء سودانيات بالقاهرة هي تنظيم يضم بورداب القاهرة
ولكن سعد جدا عندما علم ان عدد كبير من الاعضاء النشطين ليسوا اعضاء بالمنبر

[عمر صديق]

ود الحاج وود صديق
سلام من القلب

شايف صاحبك يا عمر زي زااااااااغ كده من بقية الاسئله

تعال نحاصروا بي جاي وجاي أكان يرد علي كل أسئلة حلمك الجميل

هههههه




ههههههههههههههههه
الاخ الحبيب

ناصر
ياخى مالك حاكيها
معاهو لحدى ما تجيب الدم
احتمال الخال هذه الاجوبة
قد عبرت عنهو
او ربما لا يريد ان يتدخل فى احلا م الفتى الطائر (شخصى الضعيف )
سعيد جدا بمرورك الجميل
واردد صدى صوتك
تسعدنى اطلالته
انت وهو
وشكرا لكم

[عمر صديق]

بيكاسو
الجميل
شكرا
لك
هذا
الفرح
الحقائبى
المعبا فى
الحنين
وقطار
الذكريات

[عمر صديق]

يا جماعه ما تخلو الناس دي تغير رايها من غسيل العده ;) ;) ;)

غسيل العده دا هوايه يا خيلان صاح ;) :p :p

:D :D :D :D :D
تحياتي
اتفق معك تماما
يا جميلة
انت عارفة الحاجة ربنا يديها الصحة العافية
مرات بتقول لى ولدى ورق معاى الخدرة دى
وعادى جدا انت قايلة اخوك بيقصر
وبالعكس ما بجد فى هذا الامر انتقاص من شخصيتى
وتشكرى على المرور

[عمر صديق]

ابو حميد
بقيت تشاركنى
فى احلامى
كمان
ولكنى اجد لك العذر يا صديقى العزيز
فاحلامنا قد تضل طريقها اليك
او الى
فدعها تمرح فى مراح احلامك