ساحتسي الويسكي واصلي خلف الامامة سوزي

[احمد عبدالعاطي]

آه من عيني سوزي
قلت لها يوما وبقايا سكرة الامس لازالت تعشعش فوق راسي.
هل قابلتي السياب يوما؟
غريب انت قالت. واردفت كيف اقابله وهو حسب اعتقادي قد توفي قبل ميلادي؟
اجبتها متسائلا ولكن لمن كتب (عيناك غابتا نخيل ساعة السحر)
اذا نظرت اليك فهي مصيبة واذا اعرضت فالمصيبة اعظم لان(وقع
السهام ونزعهن اليم)
هل احدثكم عن شعرها المتموج الطويل لدرجة ان تتخيل انه اطول
من الحزن القابع داخل نفوسنا؟
عند سجودها يندلق هذا الشلال المتموج الذهبي ليس بين كتفيها
وفوق سجادة المقام انما يندلق هكذا في روحي التي ارهفها الحضور
آه من بهاء ينقطع بك الي عبادة
شعرها كعصب كمان
يعزف شعرها عندما ترفع السجود وتنتصب
أأنا المترجرج عند قيامها وسجودها وقعودها
اين انت من زمان يا سوزي؟
لماذا كنت في السابق اصلي في المسجد القريب خلف الامام
محمد ود جاد السيد
كم كان يخيفني هذا الامام اذ ان خطبته تبدا بعذاب القبر
وتنتهي بالويل واللظي مرورا بالثعابين التي حتما ستخسف بنا
السبع اراضي كان دائما يذكرني بما فعلة معي (عبادالله)في
بيوت الاشباح عام 1990


اين اين التين والزيتون اين الانهر اين الاعناب اين الانهر ياشيخ؟

الهي لماذا يصورونك هكذا
كم انت جميل يا الهي
كريم ومسامح وعادل
وانا احبك
لماذا يخيفونني
اريد ان احبك كما احبتك الحبيبة رابعه العدوية
رابعة التي لا تخاف نارك ولا تطمع في جنتك ولكهنا تحبك...
لن اصلي في مسجد شخينا ود جاد السيد
ساذهب الي جامع الشيخة سوزي لاستمتع بخطبتها المنمقة
بصوتها العذب
يا صوتها لما..... صوتها ليس عورة
كم تغزلت بشعرها وعينيها وتعلمون ان ايضا ان الشعروالاعين مباحات
كما انها لا تؤمن بالحجاب لان الحجاب(اباطيل) بل هو بدعة حمي الله اخواتنا
المسلمات منها خاصة وان شاعرنا القديم قال:
ان السماء ترجي حين تحتجب
نعم الطريق من منزلنا حتي مسجدها بعيد وقد لا تذهب معي صديقي غيداء
لكن لا باس ساصطحب معي صديقتي الاخري زجاجة الوسكي(وهي رخيصة الثمن لكنها
تفعل العجايب)
لقد ضيعت عمري كله وانا بعيد عنها(اقصد زجاجة الوسكي)
العوازل اقنعوني بحرمتها حتي عرفت اخيرا انها حلال
ساحتضنها واعوضها واعوضني الحرمان
قبل سنين عدة قلت ان في بلادي حاكم ظالم
ففل بي (الترابيون) مافعلوا باعتباري عدو الله والوطن
واليوم انا لا ادعي باني امتلك من الشجاعة للدرجة التي تجعلني
ان اقول ما قلته اعلاه
ولكن الشكر للعالم العلامة والفاهم الفهامة
شيخنا وامامنا الشيخ حسن الترابي
له شكري علي اتاحته لي هذه المساحة من الحريه
الان بسرعة ساضعط علي الارسال حتي(لايغير كلامه) فقد عودنا علي ذلك كثير

[ناصر يوسف]

الشكيه لأبيداً قويه

غايتو جنس هضربة عليك يا وليد عمي عبد العاطي

الشئ شنو ...

الزول المخرف ده وداك للفجة البعيييييييييييده دي

عليكم أمان الله شوفوا جنس محن احمد دي

زول سكران ومصليلو وراء حرمه لابسالها شراب (بث)

ومقابل جمال ربه السواهو فوق شعر سوزي

هآآآآآآآآآآآ جني هه تفها من خشيمك الله بعدلها عليك

ههههههههههههههههههههههههههههههههههههههه


جنس هضربه عليك يا ابو حميد


تسلم إنت من جنس ده

[عمر صديق]

صديقى العزيز
احمد عبد العاطى
دائما ما اراك كانك اشبه بنبى او شىء من هذا القبيل
سؤال الى احمد هل العالم يحتمل كل هذا الجمال ؟
وهل يحتمل انبياء بهذا القدر من الروعة والجراة
كثيرا ما تصفنى باننى رجعى
واتقبل هذه الكلمة منك انت فقط يا احمد
وانا لست برجعى ولكنى كثيرا ما اقيم فخاخ لاكتشاف جمالك
وصدقك وروعتك لا استطيع ان اتخيل اى لحظة فى هذه الغربة من دونك
احبك

[وضاحة]

احمد فى شنو
عليك الله :confused: :o :confused: :confused:

[عبدالله الشقليني]

حبيبنا أحمد
يحمل قلمك معه وسواسا خلاّق .
ما أجرأ الفكرة ، لو استطعت أن تصنع لنا منها أقصوصة ،
هذا الخطر ذكرني صديق له طُرفة غريبة التناول :
حكى لي ذات مرة أيام ( شريعة نميري جديدة ) وقال :

ـ أنا والله شفت لي بت سمحة من سماحتا مُستَعِد أنجلِد 100 جلدة ..! :D
قلت ليهو :

ـ كلامك دة بِستحِق تنجَلِد عليهو ..
وأنا السِمِعتَك برضو أنجَلِد معاك

في أئمة تصلي وراهُم ..زي الساكيك كَلِب ،
تتمنى بتين الموضوع ينتهي على خير
أستغفرك يا ربي .

[محمد يحيى]

اخوى ود عبد العاطى
االكترابه ؟ انت يازول الشيخ جننك ولا شنو !! ولا دا بسبب الفرح المعبا في زجاجه !! يا زووووووووووووول انت جنيت عديل كدا
بعدين يا ابو قلبين المثل بقول (ركاب سرجين وقيع) ابقى ليك على واحده بس واكيد انت فاهمنى يا شقى .

بس صح سوزى سمحه بالحيل :)

[احمد عبدالعاطي]

الشكيه لأبيداً قويه

غايتو جنس هضربة عليك يا وليد عمي عبد العاطي

الشئ شنو ...

الزول المخرف ده وداك للفجة البعيييييييييييده دي

عليكم أمان الله شوفوا جنس محن احمد دي

زول سكران ومصليلو وراء حرمه لابسالها شراب (بث)

ومقابل جمال ربه السواهو فوق شعر سوزي

هآآآآآآآآآآآ جني هه تفها من خشيمك الله بعدلها عليك

ههههههههههههههههههههههههههههههههههههههه


جنس هضربه عليك يا ابو حميد


تسلم إنت من جنس ده
العزيز ناصر
وحاتك لم يمسني شيء من الجنون او (عثمان البشري)
لكني اقول لك انني اصبت بداء عضال اسمه داء الشجاعة ... وانا قريب جاييكم وكدي يا خوي شوف لي جامع (سمح)
عشان نمشيهو سوا
الاخوان وضاحة
عبدالله الشقليني
محمد يحيي
عمر صديق
اشكركم وانتظروني

[معاوية عزالدين أبراهيم]

ابو حميد عساك طيب ؟
دحين مش كان فى اغنية بغنيها فنان اسمة سلام
اظنة فيها مقطع بيقول :
لمن بالغ كبر وصلى
شال منام عينى انا ما خلى؟
شاعر القصيدة دى انا ما بعرفة ؟
يمكن يكون عم حسن بياع المحن؟
الراجل قال احسن يلبس قميص اصفر
عشان يظهر وتانى على الكرسى يتحكر
محبة (معتقة)

[احمد عبدالعاطي]

احمد فى شنو
عليك الله :confused: :o :confused: :confused:
الصديقةالغالية وضاحة
ببساطة اردت ان اقول
انا انسان وانت انسانة ونحن يجب ان نكون متساوون في كل شي(ضعي ماشئت من الخطوط تحت كل شي)
انا لست قواما عليك ولا انت نا قصة عقل او دين
كونك خلقتي امراة فهذا ليس بذنبك
فلماذا تظلي طول عمرك تدفعين الثمن
انا امتلكالشجاعة لادافع عنك(عنهن) بكل ما اوتيت من قهوة ولا يهمني الثمن الذي سادفعه
اخريات قد بقفن ضدي فانا اجد لهن العذر ولن اتخلي عن الدفاع عنهن لانه دفاع عن ما اومن به
واعرف ان الفهم الذكوري ليس قاصرا علي الذكوري
اخواتي المظلومات كونن معي فانا دوما معكم
........
الاخوة المتداخلون الجميلون ساعود اليكم واحد واحد

[اشجان البـــ الحديقه ـــت]

احمد يا عبد العاطى

[color=#990000][size=4]موضوعك دا خطير وداير مخمخة

بظبط دماغى واجيك تانى

لك التحية

](يوتا)

[احمد عبدالعاطي]

احمد يا عبد العاطى

[color=#990000][size=4]موضوعك دا خطير وداير مخمخة

بظبط دماغى واجيك تانى

لك التحية

](يوتا)
البت الحديقة شجان
اما انا فسابحث عني دماغي الذي تركته معكم وسانتظرك لتكوني معي في الصف الاول خلف سوزي تماما
يا انت ويا كل الاحباء الذس\ين تركتهم في القاهرة
ما احوجني الان اليكم

[محمد يحيى]

احمد عبد العاطى
لعلك بخير
نحن قبيل شن قلنا .... انا عارفو حار عليك .... اركب تعال لا تكوس للقعاد اعزار
واخوات نسيبه الــ 22 بيسالوا عليك
وبالله على الخاص عايزين الشمارات واكيد وصلت عمك (حربه) :p

[اشجان البـــ الحديقه ـــت]

جيتك يا عبد العاطى
قلت لى داير تصلى خلف سوزى ؟؟؟؟
ذكرت محاسنها انت ماشى تصلى ولا....... ؟؟؟؟؟؟؟؟
حللت شرب الخمرة ؟؟؟؟
ذكرت حبك للخالق ؟؟؟؟
متفق مع كلام الترابى ؟؟؟
شكلك كدا حتودينى فى ..................؟؟؟؟
اسمع يا أحمد

انت شايف كلام سوزرى صاح؟؟ اين ذهب عقلك عرفتك عنك انك زات عقل وتفكير
قلت :انا لست قواما عليك ولا انت نا قصة عقل او دين
اتفق معك فى الجملة الثانية وكنت اتشكك فيها فى بادىء الامر
استغفر الله العظيم
اما الاولى ف انت قوام علينا هناك اشياء انا لا استطيع فعلها مثلك
ياريت تبعد الحاجات دى من راسك لانها بتجننك اكتر من الجن اللى انت فيه
استغفر ربك وشوف دربك صح وحدد موقفك وبانتظار ردك

[د.سيد عبدالقادر قنات]

تقول البت الحديقة ::::
انت شايف كلام سوزرى صاح؟؟ اين ذهب عقلك عرفتك عنك انك زات عقل وتفكير
قلت :انا لست قواما عليك ولا انت نا قصة عقل او دين
اتفق معك فى الجملة الثانية وكنت اتشكك فيها فى بادىء الامر
استغفر الله العظيم
اما الاولى ف انت قوام علينا هناك اشياء انا لا استطيع فعلها مثلك
ياريت تبعد الحاجات دى من راسك لانها بتجننك اكتر من الجن اللى انت فيه
استغفر ربك وشوف دربك صح وحدد موقفك وبانتظار ردك


ربنا قادر وهو قال فيما معناه
لو ما كنت لين ورحيم معاهم كان طوالي فارقوك

نحن اسع ينفتش علي الرحمة واللين والمحبة

والكلمة السمحة البدوب الحجر

بس نلقاها وين

تجار الدين ولا عند دهاقنة السياسة

ولا عند المطبلاتية وماسحي الجوخ


بعدين ربنا قال خير الخطائون التوابون ولا مش كده

والكذب ليس من شيمة المسلمين

لكن الليلة كل المسلمين

صار الكذب دينهم والرياء سنتهم

والنفاق شريعتهم

والخداع سلوكهم

والشر والخديعة والنميمة حضارتهم

فقط دعونا نعيش ما بين سوزي ودعواتها

وسبحانه وتعالي ورحمته

فقط ارحموا من في الارض

يرحمكم من في السماء

دعونا نعيش بالطول والعرض

فرحمة الله وسعت كل شيء

ولا تقنطوا من رحمة الله

وخير الخطائون التوابون


ولا عندكم راي تاني

أخير تكلمونا بيهو الليلة قبال باكر

يديكم العافية

[سارة]

اخى احمد عبد العاطى

آمنت بالله رب العزة

وأشهد انك مبدع حتى النخاع رغم نقصان عقلى اعطيك حق القوامة بصدر رحب

[haneena]

أعجبتني كثيرآ يا أحمد هذه الكلمات و التورية
إن الله جميل يحب الجمال

مش؟

[عمر صديق]

عد الى رشدك
واستغفر ربك

[احمد عبدالعاطي]

جيتك يا عبد العاطى

قلت :انا لست قواما عليك ولا انت نا قصة عقل او دين
اتفق معك فى الجملة الثانية وكنت اتشكك فيها فى بادىء الامر
استغفر الله العظيم
اما الاولى ف انت قوام علينا هناك اشياء انا لا استطيع فعلها مثلك
ياريت تبعد الحاجات دى من راسك لانها بتجننك اكتر من الجن اللى انت فيه

الرايعة اشجان
وانت ايضا تستطيعين فعل اشياء لا اقدر عليها انا
نحن ندان
لا انا قوام عليك ولا انتي قوامة علي
اتفقنا؟؟؟
الي كل المتداخلين والمتداخلات لكم الشكر وسارجع اليكم

[اشجان البـــ الحديقه ـــت]

فى كلامك عندك حق اذا دا فهمك
بس برضو الرجل يستطيع التحمل اكثر من المرأة
فى كثير منا لاشياء حيتثتكون المرأة فيها ضعيفة
كل منهم له اعمال يقوم بها
احمد الراجل راجل والمرأة مرأة خلص الكلام عندى هسى بس .........

[shival]

لكن يا احمد ابدعتا عديييييييييل كدة
دا شنو دا
الشغلا وصلت معاك للدرجة دى
و لا دى من عمايل (روزة) و تاثيرها عليك
لكن و الله الترابى مشكور بفتواته دى الفجرت جواك الابداع دا كلو
و لنا وقفة اخرى