عاتبون ولا عزاء لنا الا كلمات عبد العال السيد

[عز المزار]

من بعد ما عز المزار
والليل سها وملت نجومو الإنتظار
والشوق شرب حزن المواويل
وإنجرح خاطر النهار
وبقيت أعاين في الوجوه
وأسال عليك وسط الزحام
قبال أتوه
يمكن ألاقى البشبهك
ما الليل براح
والشوق تعالي بيندهك
شايلاهو وين النيل معاك
عصفورة جناحتها النجوم
وأنا بي وراك
بسأل عليك مُدن مُدن
وأعصر سلافة الليل حزن
بسأل عليك في المنفي
في مرفأ السفن
إمكن طيوفك أخريات الليل تمر

تملا البراحات للحزين طول العمر
ما نحن بين الأمنيات والتضحية
بيناالمعزات والعذابات في الحياة
بينا الهوى إخلاص على قلبي إنكوى
وكلام كثير قلناهو آخر الليل سو ى
إنو راح نتلاقى لو طال النوى
لكن كلامنا الكان وكان
خايف يكون شالو الهوى
شكرا عبد العال السيد علنا نجد العزاء


خارج النص الاحساس بالفقد مؤلم
والاحساس بالوحده مميت

[الجيلى أحمد]

أوووووك
حبيبنا عز المزار,

إزيك ياملك ومشتاقين..
وين الحى بيك!!?
بركة الشوفة

يضحك مساك يازول ياضو

[عز المزار]

الجيلى الحبيب
تسلم يا زوق
وانت فى الدم
فإن شئتم تعالوا الآن
نرقص رقصة البدء
ونعلم أن نمد الكف
نحو الشمس للدف
دم بخير