شهاااااب كراااار

[بدور التركي]

أنت بين كبدي وخلبي( اكسر الخاء)

مثل يضرب للعزيز الذي يشفق عليه:D

نسمع حاجة حلوة ونقدم الهدايا وبعدين نخش في الموضوع

سمح:p

[بدور التركي]

تنبيه:
يمنع منعا باتا دخول الكيزان والأشرار;)

[ام التيمان]

ممكن اتاوق يا عثل

[شهاب كرار]

أنت بين كبدي وخلبي( اكسر الخاء)

مثل يضرب للعزيز الذي يشفق عليه:D

نسمع حاجة حلوة ونقدم الهدايا وبعدين نخش في الموضوع

سمح:p

الخيل تجقلب ... زي الشرا في القندول
مثل يضرب للمجانين الرائعين زي بدور دي:D
تنبيه:
يمنع منعا باتا دخول الكيزان والأشرار;)
:D:D:D

[شهاب كرار]

ممكن اتاوق يا عثل

بدور شنو كمان البتدي الاذن؟:p
ما شوفتيها ضبحت خروفين وعملت السماية وسمت البوست بي اسمي:D

يعني تخم وتصر:p

ابقي متلبة جوة ساااي يا ام التيمان

[مبر محمود]

بدور شنو كمان البتدي الاذن؟:p
ما شوفتيها ضبحت خروفين وعملت السماية وسمت البوست بي اسمي:D
بختك يا كرّار، ليك يومين في المنتدى وبقيت "فتى غلاف"، فضل ليك يصبغوك بصبغة "الشفافيه" ويبقى حالك كلو عال العال.

تحيّاتي يا بدور، ويا أم التؤام.

[شهاب كرار]

بختك يا كرّار، ليك يومين في المنتدى وبقيت "فتى غلاف"، فضل ليك يصبغوك بصبغة "الشفافيه" ويبقى حالك كلو عال العال.

تحيّاتي يا بدور، ويا أم التؤام.

فتى غلاف شنو يا مبر
اخوك حا يتنتف نتف من لا يخشي التحمير :D
بدور ناوية لي نية ما دستا
وشهااااب كراااار دي عشان تلم فيني الناس :D
والا انت صدقت حكاية الكيزان ولاشرار ديك؟
دي ما زي لا تقرأ هذا الخبر :D

[بدور التركي]

لو قلت تمرة لقال جمرة
يضرب عند إختلااف الأهواء

يا شهاب الأختلااف عندي لا يفسد للود قضية
وخلي قلبك جبهة جلواء
وما تخاف اللي يرشك بالمية أرشو بالدم
انت تحت سقف بيتي
ما تخاف مني
سمح:)

[بدور التركي]

ممكن اتاوق يا عثل

بياتو عين:D:eek:

إنانا هي ربة الحب السومرية
اسمها يعني العين
او عين العناية
كانوا يرمزوا لها بكوكب الزهرة لأنها تبقى زي الحارس في الظلمة
إذا غاب الشمس والقمر

ويا قمر في معاد حبيبي خليك يا قمر سهرانlooool

[بدور التركي]

الخيل تجقلب ... زي الشرا في القندول
مثل يضرب للمجانين الرائعين زي بدور دي:D

:D:D:D

أفواهها مجاسها
يضرب في شواهد الأشياء الظاهرة لمعرفة بواطنها:eek:

(قل سيروا في الأرض فانظروا كيف بدأ الخلق) قران كريم

[بدور التركي]

بختك يا كرّار، ليك يومين في المنتدى وبقيت "فتى غلاف"، فضل ليك يصبغوك بصبغة "الشفافيه" ويبقى حالك كلو عال العال.

تحيّاتي يا بدور، ويا أم التؤام.

هو طيب السريرة


زعلاانة منك
وسافة التراب:confused:

وأكيد تحياتي العميقة

[Amin Bushari]

تنبيه:
يمنع منعا باتا دخول الكيزان والأشرار;)

وادرك بــدور الصباح فسكتت عن الكلام المباح
لم أجــد نفسي في اياً من التصنيفين أعلاه
فدخلت برجلي اليمين لنتابع هذا الشهاب

تحياتي

[Mohammed Qurashi]

أفواهها مجاسها
يضرب في شواهد الأشياء الظاهرة لمعرفة بواطنها:eek:

(قل سيروا في الأرض فانظروا كيف بدأ الخلق) قران كريم

وهي الآية الـ 20 من سورة العنكبوت ..

تحياتي بدور ..
عارفه الآية دي بالنسبة لي هي أوضح "نص" في صحة فهم التطور الأحيائي و كانت جزء من دربي في التفتيش قديما عن الله .. فدحين لو ما مقتنعه بنظرية التطور الداروينية فما تفتحي الموضوع ده مع شهاب لأنو ما حتاكلي فيهو عيش معاه :)

غايتو لو إحتجت للإستعانه بصديق ألكزيني ;)
__________
لو كلامي حول الآية أثار إهتمامك شوفي اللنك ده
http://www.science-islam.net/article.php3?id_article=804&lang=ar
ما بتفق معاه 100% لكنها بداية جيدة

[شهاب كرار]

غايتو لو إحتجت للإستعانه بصديق ألكزيني
محمد قرشي
اسي بدور دي ما قالت كلام واضح، الاشرار ما معانا :D


---
اسمع، كمتدينين انت وبدور، ما تمشو على جنبة كدا وتتفاهمو في موضوع التطور دا وتجوني راجعين :D
توحيد المواقف التفاوضية مهم :D

[بله محمد الفاضل]

متاوقة ساهي كيف بدورو

[Mohammed Qurashi]

محمد قرشي
اسي بدور دي ما قالت كلام واضح، الاشرار ما معانا :D


---
اسمع، كمتدينين انت وبدور، ما تمشو على جنبة كدا وتتفاهمو في موضوع التطور دا وتجوني راجعين :D
توحيد المواقف التفاوضية مهم :D

طبعا إنت المحرية فيك تبقيني شرير في البوست ده :)
بس الخوف الست بدور تجي تثني على رأيك ده :)
دحين عندها حساسية من ضربي الأمثلة بالحمير ;)

بعدين ياخ ما تتدخل في السياسات الداخلية للأديان ..
ده إسمه توزيع أدوار .. واحد يديك فرقه و التاني يمعطك فيها :)

التوقيع
شرير حالي :)

[بله محمد الفاضل]

ود كرار عليك مفاهيمك هاك الهدية دي:
ميسون الإرياني
كراكيب

ليس الأسى
من يجعل منا عصافير
أو يشعل صوت الله في أسئلتنا
وشواطئنا الباردة

ليس الحزن
من يرتب أحذيتنا أمام باب الجنة
و يمنح قاماتنا لونها الباهت

ثمة أشياء لا نألفها
تعبث بنا
مثل حلم مربوط إلى السرير
عاضّا أصابعه كل الوقت
ينتف أجنحته
ثانية
ثانية
ثانية
ثانية
حتى أستحال طفلا من ورق..
أطيّره
أرسم عليه
قمصانا
و دُمى
و صندوقا ذهبيا
أوصده
كيلا يتبخر القلب..

ــــــــــــــــــــــــــــــــــــــــــــ
شُفتا كيف المجنونة دي بتكتب
ديني أنا يا اخ

[بله محمد الفاضل]

ود قرشي صباحو
والله حنيت عليك
دي وقعت شنو دي يا اخي
يا زول كمل الامتحانات بتاعتك
وتعال

ما تباري الجماعة ديل
بسقطو حجرك

واحد حُشري والطريفيlooool

[بدور التركي]

وادرك بــدور الصباح فسكتت عن الكلام المباح
لم أجــد نفسي في اياً من التصنيفين أعلاه
فدخلت برجلي اليمين لنتابع هذا الشهاب

تحياتي

اللهم أجعلنا من أهل اليمين جمعا

وشهاب معانا
قولوا أمين
يا ربنا يا رب العالمين

صبحكم بالخير يا حلوين

[Mohammed Qurashi]

ود قرشي صباحو
والله حنيت عليك
دي وقعت شنو دي يا اخي
يا زول كمل الامتحانات بتاعتك
وتعال

ما تباري الجماعة ديل
بسقطو حجرك

واحد حُشري والطريفيlooool

بله الحكيم ..
و الله أنا ياهو ده بديك السوط في يدك ..
كل ما أخف عقلي و أكتب هنا تعال أمعطني طوالي :)
ده شكلو من عمل الشيطان أن هداني لهذا المكان الجميل في مثل هذا الوقت بالتحديد !!

[بله محمد الفاضل]

بله الحكيم ..
و الله أنا ياهو ده بديك السوط في يدك ..
كل ما أخف عقلي و أكتب هنا تعال أمعطني طوالي :)
ده شكلو من عمل الشيطان أن هداني لهذا المكان الجميل في مثل هذا الوقت بالتحديد !!

كان كدي
اعتبرني من الآن
ما رديت عليك
فشنو
ماترد علي
وأمش بوشك
بالله عليك
وكرب الامتحانات
لمن تأمن
وبعدين مسراعك تعال

ربنا يوفقك
وينور دربك

بالله آمين في سرك
وبوشك تربس الباب وشتت
سمح

[قيقراوي]

بختك يا كرّار، ليك يومين في المنتدى وبقيت "فتى غلاف"، فضل ليك يصبغوك بصبغة "الشفافيه" ويبقى حالك كلو عال العال.

تحيّاتي يا بدور، ويا أم التؤام.

عشان تقتنعوا بالظلم و الحيف الوقع علينا نحن اليتامى ديل:D
من شهر تمانية الفين و تمانية و لي يوم الليلة ما جابونا في مينشيت ساي!
ان شاء سارق ذاتو .. ما مهم
كلو يهون في سبيل الشهرة:p
جرنا أي حاجة ما نفعت .. حتى الحردان ذاتوlooool

http://sudanyat.org/vb/showthread.php?t=20152
:D

بيني و بينك " شهاب كرار " اسم فنان - ما يعادل وش فوتوجينك - الله لي ناس " قيقراوي" وش اذاعي سااااي;)


-----

بدور ياخي معليش - بما اني من الاشرار - لكن قلت اسجل اعتراضي بس
ناسك ديل هنا حقارين ( و اقصد المتدينين بالذات المسلمين )
" اما اليتيم فلا تقهر " دي الآية 9 من سورة الضحى - جزء عم ( الجزء التلاتين يعني ).
ذكر فإن الذكرى تنفع المؤمنين

[بابكر مخير]

شهاب كرار
49 مشاركة وإنقال فيهو:أنت بين كبدي وخلبي( اكسر الخاء)

مثل يضرب للعزيز الذي يشفق عليه:D

نسمع حاجة حلوة ونقدم الهدايا وبعدين نخش في الموضوع

سمح:p

طيب لمن يبقآ 49 سنة..
حينقال فيهو شنهو :eek::eek:

[بدور التركي]

وهي الآية الـ 20 من سورة العنكبوت ..

تحياتي بدور ..
عارفه الآية دي بالنسبة لي هي أوضح "نص" في صحة فهم التطور الأحيائي و كانت جزء من دربي في التفتيش قديما عن الله .. فدحين لو ما مقتنعه بنظرية التطور الداروينية فما تفتحي الموضوع ده مع شهاب لأنو ما حتاكلي فيهو عيش معاه :)

غايتو لو إحتجت للإستعانه بصديق ألكزيني ;)
__________
لو كلامي حول الآية أثار إهتمامك شوفي اللنك ده
http://www.science-islam.net/article.php3?id_article=804&lang=ar
ما بتفق معاه 100% لكنها بداية جيدة



عارف يا محمد
الفلاسفة الأقارقة الأوائل كانوا يُطلق عليهم فلاسفة الطبيعة
كان اهتمامهم للطبيعة والحوادث والظواهر التي تحدث وتتطور
أكثر شيء كان شتغلهم الحنة دي
فكثيرا ما تساءلوا أصل العالم وان شيئا ما قد نشأ عن لا شيء وان قوة خفية كانت موجودة
كانوا كثيرين التأمل والتفكر في التقلبات المتواصلة في الطبيعة
وكيف يمكن لشئ ميت ان يتحول او مادة تتحول لشيء حي أو مختلف تماما
كانوا مؤمنين ان هناك شيء في اصل كل شيء وإليه يعود
كان تفكيرهم علمي متحرر من الدين
وكانوا هم السباقين في مجال علم الطبيعة
تالس فيلسوف اغريقي كان له رحلات كثيرة
وقال ان الماء هو أصل الأشياء
لاحظ في مصر انحسار النيل يجعل الأرض خصبة
كان يقول ان الارض مملوءة ببذور الحياة!!

والأية الكريم
تأمرنا ان نسير في الأرض لا في الأوهام ولا في حاجة غير التأمل والنظر في كيفية بدء الخلق ونشأة الانسان في طوره البشري الأول منذ خلق أدم الاول
أكيد يا محمد سيأتي يوم يكتشف فيه الانسان حقيقة هذا الوجود بالقصة التي
حكاها القران لا تلك الاساطير التي دونتها سومر
حقيقة الكون وتفسيره مدونة في القران الكريم
بس من يفك رموزها!!!!

الموضوع طوييييل وشيق وممتع
وصعب عليّ استوعبه لانه كله ماشي بالحسبة
وانا ضعيفة في الحساب


سلام يشرح الخاطر

[بدور التركي]

محمد قرشي
اسي بدور دي ما قالت كلام واضح، الاشرار ما معانا :D


---
اسمع، كمتدينين انت وبدور، ما تمشو على جنبة كدا وتتفاهمو في موضوع التطور دا وتجوني راجعين :D
توحيد المواقف التفاوضية مهم :D

هي رسالة واحدة
لإله واحد وتوحيد واحدlooool

[معتصم الطاهر]

أنت بين كيدي ومخالبي

شهاب ..
شفتك آخر مسجل ..
قلت منو الاسم الفنان
تاريك بناســــــــــاتك

[بدور التركي]

متاوقة ساهي كيف بدورو
زي متاوقتي ليك بهناك
كل ما أحاول أخش معاك في بوستك المليان احاسيس جميلة
أخاف واطلع


يا جميل المشاعر
صباحك عسل

[بدور التركي]

عشان تقتنعوا بالظلم و الحيف الوقع علينا نحن اليتامى ديل:D
من شهر تمانية الفين و تمانية و لي يوم الليلة ما جابونا في مينشيت ساي!
ان شاء سارق ذاتو .. ما مهم
كلو يهون في سبيل الشهرة:p
جرنا أي حاجة ما نفعت .. حتى الحردان ذاتوlooool

http://sudanyat.org/vb/showthread.php?t=20152
:D

بيني و بينك " شهاب كرار " اسم فنان - ما يعادل وش فوتوجينك - الله لي ناس " قيقراوي" وش اذاعي سااااي;)


-----

بدور ياخي معليش - بما اني من الاشرار - لكن قلت اسجل اعتراضي بس
ناسك ديل هنا حقارين ( و اقصد المتدينين بالذات المسلمين )
" اما اليتيم فلا تقهر " دي الآية 9 من سورة الضحى - جزء عم ( الجزء التلاتين يعني ).
ذكر فإن الذكرى تنفع المؤمنين


ضحكتني ضحك
الله يجعل أيامك كلها فرح ونور
وضحكة تملأك فرح وسرور

[بدور التركي]

شهاب كرار
49 مشاركة وإنقال فيهو:

طيب لمن يبقآ 49 سنة..
حينقال فيهو شنهو :eek::eek:
ح ينقال فيه الكلام اللي ما انكتب :D

صباح الخير يا فيلسوف:D

[شهاب كرار]

شهاب ..
شفتك آخر مسجل ..
قلت منو الاسم الفنان
تاريك بناســــــــــاتك

تحياتي اخ معتصم ...
لست فنان ولا قريب حتى من ان احمل تلك الصفة العظيمة، وسعادتي كبيرة جدا بي انو اسمي بيوحي بي كدا :)
ابدا وحياتك ما عندي ناسات ولا حاجة والبوست دا افترع بناء على نقاش سابق بيني وبين بدور في امر الدين.
عشان كدا هي قالت الكلام دا
أنت بين كبدي وخلبي
لانها خايفة علي اخش النار بسبب افكاري.
ولعلك لم تنتبه لدلالات الوش الضاحك في تفسير المثل. وهذا لك فيه عذر ربما لانك لم تتابع بوست محسن خالد (زهرة الغرق).

تحياتي للجميع ووافر الاحترام والتقدير

[بدور التركي]

شهاب ..
شفتك آخر مسجل ..
قلت منو الاسم الفنان
تاريك بناســــــــــاتك

يا ناسينا حن علينا


يا استاذ معتصم
تصدق أني أول مرة اشوفه هنا الشهاب دا
لكن من أول مرة حبيته
حب لله في الله
دا لو كان بعرف الله:D
وحب اخت اكبر منه



معتصم جاياك
في يا خااال
اصبر شوية

[قيقراوي]

يا ناسينا حن علينا


يا استاذ معتصم
تصدق أني أول مرة اشوفه هنا الشهاب دا
لكن من أول مرة حبيته
حب لله في الله
دا لو كان بعرف الله:D
وحب اخت اكبر منه




لوووووووول

لو!؟
ما فيها لو ..
للضمان كدا ركزي على اختو الكبيرة سايlooool

[بدور التركي]

تحياتي اخ معتصم ...
لست فنان ولا قريب حتى من ان احمل تلك الصفة العظيمة، وسعادتي كبيرة جدا بي انو اسمي بيوحي بي كدا :)
ابدا وحياتك ما عندي ناسات ولا حاجة والبوست دا افترع بناء على نقاش سابق بيني وبين بدور في امر الدين.
عشان كدا هي قالت الكلام دا

لانها خايفة علي اخش النار بسبب افكاري.
ولعلك لم تنتبه لدلالات الوش الضاحك في تفسير المثل. وهذا لك فيه عذر ربما لانك لم تتابع بوست محسن خالد (زهرة الغرق).

تحياتي للجميع ووافر الاحترام والتقدير


شكرًا يا شهاب للتوضيح
أنا ما خائفة عليك
خائفة على الناس التي ترمي الناس بالإفك والبهتان
انت صادق وواضح وصريح
ونظيف الدواخل
عشان كدا حبيتك لله في الله برضو
وامر الدين دي عايزة ليها وقت ويقين بس
وما بعيدة عليك وح نلحق أصحابك
ما كلكم كنتوا في الهوا سوا
وهداكم الله
الله يهديني أنا كمان

[بدور التركي]

لوووووووول

لو!؟
ما فيها لو ..
للضمان كدا ركزي على اختو الكبيرة سايlooool

عمل الشيطان ما وقته حسي

مركزة
ركز انت:p

[قيقراوي]

عمل الشيطان ما وقته حسي

مركزة
ركز انت:p

و ديني - و زكزي لي على ديني دي looool - انت الذ زول هنا :D

تكوروكوا لينا براكم بـ " لو "
لمن نجيكم تقنبوا تكوركوا فينا " ممنوع دخول الاشرار " !؟

اسي نجي و لّ ما نجي
في مطار ابوظبيlooool

تاني ما تفتحوا عمل الشيطان سمعتي؟
" لو " ما معاكم .. سمح؟

[بدور التركي]

أسطورة (الإنسان وإلهه )
فيها علاقة شفيفة بين الانسان وخالقه
كلامتها رفيقة وثقافة إيمانية موجودة منذ الأزل

تقول الأسطورة

يا إلهي أريد أن أقف بين يديك
أريد أن أكلمك
وكلمتي أنين وحسرة
أريد أن أندب اضطراب نفسي
على أمي التي ولدنتي
أن لا تكف عن الرثاء لي أمامي
لتكف اختي عن الترنّم وتردد الاغنية السعيدة
ولتبك وتنح بمصائبي بين يديك
يا إلهي يا من انت ابي الذي ولدني
ارفع وجهي
كالبصرة البريئة بعطف اصغ لأنيني
إلى متى ستلهمني وتتركني بدون حمايتك
الى متى ستتركني بدون هدايتك


(
من كتاب الأساطير السورية
وديع بشور)

[بدور التركي]

و ديني - و زكزي لي على ديني دي looool - انت الذ زول هنا :D

تكوروكوا لينا براكم بـ " لو "
لمن نجيكم تقنبوا تكوركوا فينا " ممنوع دخول الاشرار " !؟

اسي نجي و لّ ما نجي
في مطار ابوظبيlooool

تاني ما تفتحوا عمل الشيطان سمعتي؟
" لو " ما معاكم .. سمح؟

انت "لو"
عايز تجي تعال
و"لو". ماعايز تجي
ما تفتح لينا عمل الأشرار

سمح يا شرير؟:D

[ام التيمان]

اقتباس:
المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=368320#post368320)
شكرًا يا شهاب للتوضيح
أنا ما خائفة عليك
خائفة على الناس التي ترمي الناس بالإفك والبهتان
انت صادق وواضح وصريح
ونظيف الدواخل
عشان كدا حبيتك لله في الله برضو
وامر الدين دي عايزة ليها وقت ويقين بس
وما بعيدة عليك وح نلحق أصحابك
ما كلكم كنتوا في الهوا سوا
وهداكم الله
الله يهديني أنا كمان



القمر ضلم
بقى موتمر وطنى
ولا شنو

[بابكر مخير]

لانها خايفة علي اخش النار بسبب افكاري.


الحبيب 49
دآ ما خوف، ظنيتهو حسد gooodgoood
قالوا هناك ناس مارلين مونرو ملكات جمال العالم لكل الأعوام السابقات واللاحقات...
خليك يا زول على المبادي وإستمتع برفقتن قادمة ;);)

[بابكر مخير]

عشان كدا حبيتك لله في الله برضو

هنا يا ود عثمان ما عندك عذر..
أمشي قول ليا دي ياتو غنية :mad::mad:


"إيضاح؛ حب لله ما للشهوات"

[شهاب كرار]

الحبيب 49
دآ ما خوف، ظنيتهو حسد gooodgoood
قالوا هناك ناس مارلين مونرو ملكات جمال العالم لكل الأعوام السابقات واللاحقات...
خليك يا زول على المبادي وإستمتع برفقتن قادمة ;);)

مارك توين الكاتب الامريكي الساخر لما سألوه شايف نفسك حا تخش النار ولا الجنة قال ليهم
"لم أقرر بعد، فلي اصدقاء في الجانبين"
:D

[Mohammed Qurashi]

عارف يا محمد
الفلاسفة الأقارقة الأوائل كانوا يُطلق عليهم فلاسفة الطبيعة
كان اهتمامهم للطبيعة والحوادث والظواهر التي تحدث وتتطور
أكثر شيء كان شتغلهم الحنة دي
فكثيرا ما تساءلوا أصل العالم وان شيئا ما قد نشأ عن لا شيء وان قوة خفية كانت موجودة
كانوا كثيرين التأمل والتفكر في التقلبات المتواصلة في الطبيعة
وكيف يمكن لشئ ميت ان يتحول او مادة تتحول لشيء حي أو مختلف تماما
كانوا مؤمنين ان هناك شيء في اصل كل شيء وإليه يعود
كان تفكيرهم علمي متحرر من الدين
وكانوا هم السباقين في مجال علم الطبيعة
تالس فيلسوف اغريقي كان له رحلات كثيرة
وقال ان الماء هو أصل الأشياء
لاحظ في مصر انحسار النيل يجعل الأرض خصبة
كان يقول ان الارض مملوءة ببذور الحياة!!

والأية الكريم
تأمرنا ان نسير في الأرض لا في الأوهام ولا في حاجة غير التأمل والنظر في كيفية بدء الخلق ونشأة الانسان في طوره البشري الأول منذ خلق أدم الاول
أكيد يا محمد سيأتي يوم يكتشف فيه الانسان حقيقة هذا الوجود بالقصة التي
حكاها القران لا تلك الاساطير التي دونتها سومر
حقيقة الكون وتفسيره مدونة في القران الكريم
بس من يفك رموزها!!!!

الموضوع طوييييل وشيق وممتع
وصعب عليّ استوعبه لانه كله ماشي بالحسبة
وانا ضعيفة في الحساب


سلام يشرح الخاطر

بدور يا خطيرة
سئيلي الله
بعد مداخلتك دي كلها ..
ما عرفتك إنت مع التطور و لا ضدو ..
مع محسن خالد في غرقه و لا ضدو !!
مع الخلق المستقل للإنسان و لا مع تطوره الأحيائي
مع أساطير سومر و لا مع الداروينية !!
طلعت بي العالي* ياخ :)

بس أحلى حاجه سلامك البيشرح الخاطر جد جد
:cool:
_____________
* كدى شهاب تعب معاك
ماحيقدر يقبضك كلو كلو !!
PS
قلت لي أصدقاء من الجانبين يا شهاب
كويس بدور عرفناها أصحابك في اليمين
ناس الشمال ديل منو :)

[بدور التركي]

اقتباس:
المشاركة الأصلية كتبت بواسطة بدور التركي http://sudanyat.org/vb/images/buttons/viewpost.gif (http://sudanyat.org/vb/showthread.php?p=368320#post368320)
شكرًا يا شهاب للتوضيح
أنا ما خائفة عليك
خائفة على الناس التي ترمي الناس بالإفك والبهتان
انت صادق وواضح وصريح
ونظيف الدواخل
عشان كدا حبيتك لله في الله برضو
وامر الدين دي عايزة ليها وقت ويقين بس
وما بعيدة عليك وح نلحق أصحابك
ما كلكم كنتوا في الهوا سوا
وهداكم الله
الله يهديني أنا كمان



القمر ضلم
بقى موتمر وطنى
ولا شنو


لسة
مكسوف:D
شكلو ج يتخسف هههههههههه


يا ام التيمان لو سمحتي
نأتي ما تجئ هنا

ردودك بتخليني شريرة:D

[مبر محمود]

مارك توين الكاتب الامريكي الساخر لما سألوه شايف نفسك حا تخش النار ولا الجنة قال ليهم
"لم أقرر بعد، فلي اصدقاء في الجانبين"

الراجل الكسلان دا صاحبنا يا شهاب
وبنحبوا لله في الله، ولمّ نخش الجنة حنخصم الله بالنبي عشان يدخلو معانا..

خاطبته زوجته يوماً قائلة: يجب أن تنهض من فراشك، هذا غير لايقاً، فهنالك صحفي يريد إجراء حوار معك
قفال لها: إذاً فلتجلبي له فِراشاً اخر.

ومن أقواله أيضاً:
- من لا يستطيع القراءة أفضل ممن لا يريد
- التعميم خاطئ بما فيه مقولتي هذه
- من الأفضل أن تبقي فمك مغلقاً ويشك الناس بغبائك من أن تفتحه فتتأكد شكوكهم
- صاحب الفكرة الجديدة مجنون إلى أن تثبت نجاحها (شفت يا محمد قرشي؟)
- البعض تزعجهم المقاطع التي لا يفهمونها في الكتاب المقدس، لكن ما يزعجني هو المقاطع التي أفهمها (شفت يا شهاب؟)
وقوله ايضاً:
- الامتناع عن التدخين سهل للغاية، لقد امتنعت عنه آلاف المرات (شفت يا مبر؟)

[بدور التركي]

يا محمد:
أنا مع الله
الله يغطيني بعينه التي لا تنام
ويسترني دنيا وأخرة
وياكم يا رب


يا شهاااب
تسمع شنو
لسة ما ضيفناك

هوووي
ما تتخلع
ما في شر ولّ حاجة
الكون جميل وكله حب وخير
والله محبة
والخير محبة
وسودانيات
محبة
ووجود خير ومحبة

[بدور التركي]

هنا يا ود عثمان ما عندك عذر..
أمشي قول ليا دي ياتو غنية :mad::mad:


"إيضاح؛ حب لله ما للشهوات"

http://www.youtube.com/watch?v=iwEWmnopZqQ&feature=youtube_gdata_player

[شهاب كرار]

يا شهاااب
تسمع شنو
لسة ما ضيفناك
بدور
اسمع Natural Mystic بتاعت اية الله العظمى بوب مارلي
عندي معاها قصة طريفة جدا
يوم كدا وانا نايم صحيت فجأة الساعة 2 صباحا تقريبا
مش ناتشرال ميستك دي في بدايتا كدا في بيز جيتار كدا بعد داك بتاع الدرم بيستلم وبوب مارلي بيغني؟
أها انا الصحاني صوت الجيتار الفي الاول دا، والدنيا دي صانة صنة عدوك والناس دي كلها نايمة، حسام اخوي نايم جنبي وشمس الدين جنو وجن الباعوضة منزل مرتبتو في الواطة قصاد المروحة.
قمت قعدت في السرير براحة عشان سريري بيعمل اصوات مزعجة، وصوت الجيتار بيتكرر لمن الهزة بتاعت البيز حاسي بيها في صدري جوة.
الجيتار يخش بتاع الدرم يخش، بوب مارلي يابا يستلم
تاني من الاول
الجيتار يخش بتاع الدرم يخش، بوب مارلي يابا يستلم
تاني من الاول
الجيتار يخش بتاع الدرم يخش، بوب مارلي يابا يستلم
لمن زهجت وديني طلع عديل عديل كدا
انا قاعد في نص السرير ونعسان وداير أتم نومتي وبوب مارلي بيتعزز.
اها قلت استلم انا
استلمت طبعا وصحيت البيت كلو

من ديك عرفت انو: ان تكون عاقلا يعني ان تكذب بحيث لايكتشفك احد ابدا ابدا، حتى انت نفسك.

--
غايتو يا قيقراوي انشالله يوم شكرك ما يجي، اسي بهناك كان كتبت جنس دا ما وطاتي اصبحت

[بدور التركي]

قال غوتيه
ان من لا يعرف دروس ثلاثة آلاف عام
يعيش فقط من يوم ليوم...

في حاجة مهمة يا محمد
أهم من الأكل و الحب والحنان

الشيء المهم ونحن بحاجة إليه
معرفة من نحن ولماذا جئنا

وما معنى ان يكون الكائن انسان؟


هاك

http://www.youtube.com/watch?v=3VRGANguGQE&feature=youtube_gdata_player

If you listen carefully now you will hear

[بدور التركي]

مارك توين الكاتب الامريكي الساخر لما سألوه شايف نفسك حا تخش النار ولا الجنة قال ليهم
"لم أقرر بعد، فلي اصدقاء في الجانبين"
:D

من الممكن ان يختار الانسان اصدقاؤه
ولكنه لا يملك ان يختار نفسه
من اختار ان تكون انسانا او غير انسان؟

[أبوبكر عباس]

وهي الآية الـ 20 من سورة العنكبوت ..

تحياتي بدور ..
عارفه الآية دي بالنسبة لي هي أوضح "نص" في صحة فهم التطور الأحيائي و كانت جزء من دربي في التفتيش قديما عن الله .. فدحين لو ما مقتنعه بنظرية التطور الداروينية فما تفتحي الموضوع ده مع شهاب لأنو ما حتاكلي فيهو عيش معاه
محمّد قرشي صديقي المحتمل
سلام
يا أخي ما ممكن تكون مقتنع بنظرية التطور و مؤمن بقدرة الله من غير ما تربط الحاجتين ديل مع بعض؟
لانو لو الآية دي وصلتك لصحة التطور الإحيائي، انا خائف يكون بحثك دا كان منحاز للآية دي؟!

نسيت أرحب بنجم المنتدى شهاب كرار
مرحب بشهاب

[Mohammed Qurashi]

محمّد قرشي صديقي المحتمل
سلام
يا أخي ما ممكن تكون مقتنع بنظرية التطور و مؤمن بقدرة الله من غير ما تربط الحاجتين ديل مع بعض؟
لانو لو الآية دي وصلتك لصحة التطور الإحيائي، انا خائف يكون بحثك دا كان منحاز للآية دي؟!

نسيت أرحب بنجم المنتدى شهاب كرار
مرحب بشهاب

بابكر عباس صديقي و بس*
إنت فهمتني غلط .. إقتناعي بالتطور هو القادني للإيمان و الآية دي هي الأقنعتني بالقرآن (مع حاجات تانية بالتأكيد) .. يعني لو كان القرآن زي الإنجيل مثلا في موضوع الخلق كنت حأكون زي آينشتين بسلم بقوة وراء الكون دون أن أؤمن بأي دين بشري .. كده أوضح؟؟!!

__________
* ياربي المحتمل دي من التحمل Tolerance و لا الإحتمال Probability

نسيت أعلق على إنك نسيت ترحب بشهاب موضوع البوست أصلا بجريك وراء مكاجرتي :) .. ياخ روق المنقه ما تختلط عليك الإبل !!

[Mohammed Qurashi]

- من الأفضل أن تبقي فمك مغلقاً ويشك الناس بغبائك من أن تفتحه فتتأكد شكوكهم
- صاحب الفكرة الجديدة مجنون إلى أن تثبت نجاحها (شفت يا محمد قرشي؟)
- البعض تزعجهم المقاطع التي لا يفهمونها في الكتاب المقدس، لكن ما يزعجني هو المقاطع التي أفهمها (شفت يا شهاب؟)
وقوله ايضاً:
- الامتناع عن التدخين سهل للغاية، لقد امتنعت عنه آلاف المرات (شفت يا مبر؟)

غايتو يا مبر البركه الما شوفتني المثل الأول بتاع فتحة الخشم :)
إنت القرآن ما محذرك من متابعة الشعراء ؟؟!! :)
شوف أسي جنس الغواية الدخلك فيها محسن دي

تحياتي الحارة

[شهاب كرار]

محمّد قرشي صديقي المحتمل
سلام
يا أخي ما ممكن تكون مقتنع بنظرية التطور و مؤمن بقدرة الله من غير ما تربط الحاجتين ديل مع بعض؟
لانو لو الآية دي وصلتك لصحة التطور الإحيائي، انا خائف يكون بحثك دا كان منحاز للآية دي؟!
وصاحبك المحتمل دا في بوست مديني درس في البدايات المحايدة
وانا صاري ليهو للظروف الصعبة زي دي :D
بس خلي صاحبي دا يجي نشوفو بقول شنو


--
هذه المداخلة كتبت قبل ان ارى ردي محمد قرشي اعلاه (التعديل للتوضيح)

[Mohammed Qurashi]

وصاحبك المحتمل دا في بوست مديني درس في البدايات المحايدة
وانا صاري ليهو للظروف الصعبة زي دي :D
بس خلي صاحبي دا يجي نشوفو بقول شنو

و الله لولا إنك إستثنيت و قلت تستناني كنت شمت فيك شديد لأنك مباري لي بابكر عباس .. بس معليش إنت جديد هنا و ممكن نعذرك :) .. أها دحين بعد الإيضاح كده أنا في السليم و لا عندك رأي تاني ؟؟

تعرف في أيام الثانوي لما خشيت اللاأدرية الجد جد كانت بسبب إن كل الكنت شايفه صاح من أسس التفكير السليم قد أطاحت به نسبية آينشتين و لايقينية هيزنبرغ و قمت عملت خلف در (بلغة العساكر) لكل قناعاتي بالسبب ده (موش علشان أرقتني تناقضات ما) و فتشت و قريت و فكرت و تأملت لحدي ما رسيت على بر .. أها بعد ده بقيت بأتناول الإشكالات الظهرت لي بعد كده بنفس هادي فيه من ذكريات الحياد القديم و فيه من إطمئنان الشعور الجديد بالإيمان .. و عارف إنو ماكل الوصلت ليه صاح بس ذهني منفتح على كل شيء إن نجح في إقناعي :)

تحاياي شهاب

[أبوبكر عباس]

* ياربي المحتمل دي من التحمل Tolerance و لا الإحتمال Probability

الO في tolerance هي upper case و تعني وقود كثير
أما ال O الفي probability فهي lower case و تعني قلة وقود

عشان كدا بختار التانية عشان انت صديق إسفيري من زمن طويل و كنت لفترة طويلة مباريك في سودانيزاونلاين، لكن النصيحة كدا زهرة الغرق جهجهت موقعك عندي كأمير أول للمعرفة

[شهاب كرار]

و الله لولا إنك إستثنيت و قلت تستناني كنت شمت فيك شديد لأنك مباري لي بابكر عباس ..
بابكر بتشرف بي مباراتو والنحدثك لي اسي مباريهو لانو ردك دا بالنسبة لي ما مقنع نهوائي.

يعني شوف جنس الخرمجة دي:
يعني لو كان القرآن زي الإنجيل مثلا في موضوع الخلق كنت حأكون زي آينشتين بسلم بقوة وراء الكون دون أن أؤمن بأي دين بشري .. كده أوضح؟؟!!
كدي وريني بفرق شنو القرآن من الانجيل بالنسبة للباحث المحايد اصلا؟
يعني اذا كان انت اصلا ما عندك اي شكل من اشكال القداسة لي اي واحد فيهم...
داير الفروقات الخلتك ما زي انشتاين دي عشان اعرف ازرك الزرة الياها :D

[Mohammed Qurashi]

الO في tolerance هي upper case و تعني وقود كثير
أما ال O الفي probability فهي lower case و تعني قلة وقود

عشان كدا بختار التانية عشان انت صديق إسفيري من زمن طويل و كنت لفترة طويلة مباريك في سودانيزاونلاين، لكن النصيحة كدا زهرة الغرق جهجهت موقعك عندي كأمير أول للمعرفة

دي مشكلة تتشاكل مع صاحب بتعزه في وقت إنت فيه مزنوق .. لا بتقدر تكرب مشاهدك تجاهه لضيق وقتك و لا بتقدر تخلص تجاه نسف كلامه لأنو قلبك ما مطاوعك و عندك عشم في إنو يكون صاح :)
غايتو شهادتك دي كبرت لي راسي شديد فما تكررها علشان ما يطرشق :)
أتاريني كان عندي معجبين و كده و أنا ماداري;)
أضحك الله سنك ياخي

[Mohammed Qurashi]

بابكر بتشرف بي مباراتو والنحدثك لي اسي مباريهو لانو ردك دا بالنسبة لي ما مقنع نهوائي.

يعني شوف جنس الخرمجة دي:

يعني لو كان القرآن زي الإنجيل مثلا في موضوع الخلق كنت حأكون زي آينشتين بسلم بقوة وراء الكون دون أن أؤمن بأي دين بشري .. كده أوضح؟؟!!

كدي وريني بفرق شنو القرآن من الانجيل بالنسبة للباحث المحايد اصلا؟
يعني اذا كان انت اصلا ما عندك اي شكل من اشكال القداسة لي اي واحد فيهم...
داير الفروقات الخلتك ما زي انشتاين دي عشان اعرف ازرك الزرة الياها :D

شهاب كرار
ذكائك مشى وين الليلة ؟؟ جني و جن ما أشرح الواضح (و لا أكون أنا مافهمتك ياربي؟؟)
القرآن و الإنجيل للباحث المحايد واحد من جهة القداسة ، و فرق القرآن من الإنجيل في الجزئية المتعلقة بقصة الخلق دي إن الإنجيل واضح و حرفي في مسألة الخلق الإسطوري ( و ممكن أقبل ده كتعبير شاعري أو إستعاري مثلا) بينما القرآن بيسوقك لدرب متوافق مع التطور بشكل كبير بحيث تتفهم آياته حول الخلق بشكل أفضل حسب رواية التطور من تلك التي تسيطر عليها رواية الإسطورة .. ده كان دليل إضافي على قداسته عندي و إنه مانتاج بيئته بس !!
____________
ياشهاب ياخي مالك داير تخرب الرصة
عادة المؤمنين أمثالي هم البيجوا يزروا اللادينيين في حكاية التطور دي .. ماالعكس :)
إنت دايرني أرجع تكويني تاني و لا شنو؟؟

[شهاب كرار]

شهاب كرار
ذكائك مشى وين الليلة ؟؟ جني و جن ما أشرح الواضح (و لا أكون أنا مافهمتك ياربي؟؟)
القرآن و الإنجيل للباحث المحايد واحد من جهة القداسة ، و فرق القرآن من الإنجيل في الجزئية المتعلقة بقصة الخلق دي إن الإنجيل واضح و حرفي في مسألة الخلق الإسطوري ( و ممكن أقبل ده كتعبير شاعري أو إستعاري مثلا) بينما القرآن بيسوقك لدرب متوافق مع التطور بشكل كبير بحيث تتفهم آياته حول الخلق بشكل أفضل حسب رواية التطور من تلك التي تسيطر عليها رواية الإسطورة ؟

يعني الخلا شتو القرآن يسوقك بالدرب المتوافق مع التطور والانجيل ما يسوقك؟
القرآن ساقك لي درب التطور سوق اكاديمي عديل بلغة واضحة ومنضبطة ؟
ولا الحكاية انك حا تلقط لي كم اية كدا وتحمر كلمتين هنا وكلمتين هناك وتقول لي دا بيرمز للطفرة ودا بيرمز للانتقاء ودا ما عارف ايه (وصلتك الفكرة)؟
طيب دق الجرس مع محسن خالد فوق شنو؟ دا ما هو البيعمل فيهو ذاتو

انا يازول من الاول قاصد الدرب الساقك فيهو القران وما ساقك فيهو الانجيل، بطل ببطة وقول عشان تتنفش :D

[Mohammed Qurashi]

كويس يا شهاب ..

القرآن ساقك لي درب التطور سوق اكاديمي عديل بلغة واضحة ومنضبطة ؟
ولا الحكاية انك حا تلقط لي كم اية كدا وتحمر كلمتين هنا وكلمتين هناك وتقول لي دا بيرمز للطفرة ودا بيرمز للانتقاء ودا ما عارف ايه (وصلتك الفكرة)؟
طيب دق الجرس مع محسن خالد فوق شنو؟ دا ما هو البيعمل فيهو ذاتو


المسألة كالآتي :
1) درست كل آيات القرآن المتعلقة من قريب أو بعيد بمسألة خلق الإنسان (يعني ما إختيارات إنتقائية).
2) وجدت أن إعتماد حقيقة التطور يجعل من الآيات اللي بتتكلم عن الخلق أكثر إتساقا مع بعضها و بتستلزم قدر أقل من التأويل و التحكم بالمعنى مما لو فسرت على حسب نظرية الخلق المستقل.
3) قارنت لغة القرآن حول هذا الأمر مع الإنجيل و النصوص الدينية الأخرى و مع لغة العرب زمن نزوله (كحافظة مفاهيم العصر) و لقيت إن الكلام بيتجاوز مجرد إنعكاس بسيط لمفاهيم الثقافة السائدة و بيستطبن مسألة التطور.

المسألة الأهم هي :
ما قاعد أتعامل بفكرة الإعجاز القرآني و إن القرآن فيه تفاصيل الحقائق العلمية كلها، كل قصدي هو أن الأفكار المتضمنة بالقرآن فيما يخص العلم لا تجبرك على مصادمته كما أنها تنفتح على آفاق دلالية تتناغم مع الحقائق العلمية في مبادئها لا تفاصيلها .. القضية عندي هي في فهم القرآن بشكل أكثر إتساقا مع لغته و إسلوبه .. ما قاعد أفتش فيه عن تعضيد لقناعاتي المسبقة سواء أكانت علمية أم غيرها .. و الإتجاه عندي دوما من الكون نحو القرآن لمزيد تفهم و ليس العكس.

التطور كان دربي للإيمان بعظمة فكرة الخلق المتضمنه فيه و القرآن هو أحد روافد تبنيني لفكرة الأديان لمجمل الآيات البينبه عليها .. مسألة أعلق قضية حياتية كبرى على مجرد تأويل لآية آيتين من كتاب مقدس أؤمن به سلفا بالتشريط الإجتماعي مسألة لا تعقل عندي في الأساس !!!

________
ياربي فهمتك و رديت صاح و لا الطشاش الحاسي بيهو ده طشش فهمي:confused:

[شهاب كرار]

ما قاعد أتعامل بفكرة الإعجاز القرآني و إن القرآن فيه تفاصيل الحقائق العلمية كلها، كل قصدي هو أن الأفكار المتضمنة بالقرآن فيما يخص العلم لا تجبرك على مصادمته كما أنها تنفتح على آفاق دلالية تتناغم مع الحقائق العلمية في مبادئها لا تفاصيلها .. القضية عندي هي في فهم القرآن بشكل أكثر إتساقا مع لغته و إسلوبه .. ما قاعد أفتش فيه عن تعضيد لقناعاتي المسبقة سواء أكانت علمية أم غيرها .. و الإتجاه عندي دوما من الكون نحو القرآن لمزيد تفهم و ليس العكس.


الفكرة وصلت تماما يا صديق
لكن لسة بندور حول ذات النقطة...
يعني كلامك دا ممكن يقولو اي شخص من اي ديانة تانية عن كتابو المقدس
ممكن تغيير كلمة القران بالانجيل او بالكتاب الباستفاري المقدس ومافي شي حيتغيير من عبارتك دي ، حتظل هي هي..
عشان كدا انا ضربت ليك مثل بي دق الجرس بتاعك مع محسن خالد...
يعني شيل القران برة في كلامك وخت بدلو أبداد الرموز
ياها دا القال محسن انو بعمل فيهو
ولا شنو؟

[مبر محمود]

غايتو شهادتك دي كبرت لي راسي شديد فما تكررها علشان ما يطرشقلإطالة عمر المتعة في هذا الخيط..
وللتشاغب معك أيضاً يا محمّد، ولإعادة تدوير سيرة مارك توين من جديد في هذا البوست، فح أعلق على كلامك الفوق دا بما قاله مارك توين ذات مديح:
(سمعت الكثير من المديح، وأحرجني ذلك؛ فلطالما شعرت أنه لا يكفي)

[Mohammed Qurashi]

لإطالة عمر المتعة في هذا الخيط..
وللتشاغب معك أيضاً يا محمّد، ولإعادة تدوير سيرة مارك توين من جديد في هذا البوست، فح أعلق على كلامك الفوق دا بما قاله مارك توين ذات مديح:
(سمعت الكثير من المديح، وأحرجني ذلك؛ فلطالما شعرت أنه لا يكفي)

كويس ما تساهم إنت زاتك ياخ ما دام قادر تصلك رسائلي الخفية دي :) :)

غايتو مارك توين ده راجل عسل شديد .. ما بيشبهه إلا عمك برنارد شو !!

[بدور التركي]

والرأي يبقى رأي
والقول يبقى قولا
ولا بد للعقل الواعي سماع كل الأراء والأقوال حول قصة التطور
ومفاهيم فسرناها ضمن منظور مختلف لمسيرتنا الانسانية
بكبوتها او بستقامتها



يا حلوييين يا طاعمييين
راسي وجعني
شكلي ما ح اقدر اسايركم
عقولكم خطيييرة
وانا مسكييينة

[Mohammed Qurashi]

الفكرة وصلت تماما يا صديق
لكن لسة بندور حول ذات النقطة...
يعني كلامك دا ممكن يقولو اي شخص من اي ديانة تانية عن كتابو المقدس
ممكن تغيير كلمة القران بالانجيل او بالكتاب الباستفاري المقدس ومافي شي حيتغيير من عبارتك دي ، حتظل هي هي..
عشان كدا انا ضربت ليك مثل بي دق الجرس بتاعك مع محسن خالد...
يعني شيل القران برة في كلامك وخت بدلو أبداد الرموز
ياها دا القال محسن انو بعمل فيهو
ولا شنو؟

كويس .. خلينا نضرب مثال علشان مسألة مقارنتك لي بمحسن دي عامله لي أرتكاريا :)
الآية دي زاتها .. (قل سيروا في الأرض فانظروا كيف بدأ الخلق) .. خلتني أفتش عن الحقل الدلالي لـ (سيروا في الأرض) في أي حته إستعملها القرآن فيها .. و كلها رجعت للتفتيش في الأركيولوجي و الآثار لإعادة بناء الماضي* .. و برضو (إنظروا) دي دلالاتها بتتماهى مع التفكير و الإستنتاج و ليس مع البصر العادي بالعيون .. و أخيرا (كيف بدأ الخلق) لو أخدناها بحرفيتها بتعني ببساطة إن في بداية واحده للخلق و إن بالإمكان التوصل لكيفيتها عبر النظر في (سيروا في الأرض) .. و ده بيوصلني لمسألة الحفريات و رحلة دارون على متن البيجلز .. كمان الآية القبالها ({أو لم يروا كيف يبدئ الله الخلق ثم يعيده إن ذلك على الله يسير}) بتنفي تأويلها بمسألة الخلق اليومي و إعادته كل مرة لأنها إتكلمت عنه كتمهيد للآية المفتاحية دي .. و بقية الآية (قُلْ سِيرُوا فِي الْأَرْضِ فَانْظُرُوا كَيْفَ بَدَأَ الْخَلْقَ ثُمَّ اللَّهُ يُنْشِئُ النَّشْأَةَ الْآَخِرَةَ إِنَّ اللَّهَ عَلَى كُلِّ شَيْءٍ قَدِيرٌ) بتحدد مسألة إنو الفهم الحرفي مقصود بمقابلته مع النشأة الآخرة و على مسألة القدرة .. قارن ده مع إن فكرة زي دي لا هي موجوده في معهود العرب الثقافي و لا من المفكر فيه بالعصر داك !!
يلا وين في كلامي ده كله حاجه بتشبه شوف محسن المفارق لكل أساس مشترك للتفكير بين الناس على أسس متفق عليها و واضحة بذاتها !!
______________
* متفق معاي و لا أمشي أجيب ليك كل الآيات :)

[Mohammed Qurashi]

يا حلوييين يا طاعمييين
راسي وجعني
شكلي ما ح اقدر اسايركم
عقولكم خطيييرة
وانا مسكييينة

سلامتك من وجع الراس !!
أنا ياهو ده طرفي من البوست
ماصاح أحتلاهو كده أصلا
بقيت شرير بالجد :)

فتك بعافيه
______________
أهلنا بقولوا (المسكين سكين) :)

[بدور التركي]

يا محمد:
في كتاب " حيوان ما قبل التاريخ"
قيل والله أعلم
انه منذ 6000 مليون سنة مضت تكونت المجموعة الشمسية من سحابة من الأتربة الكونية وتم انفصال الشمس والأرض وأخواتها الكواكب من السحابة
وكانت في تلك الفترة الارض كرة غازية ملتهبة تحولت بالبرودة الي صهير تجمد مكوّنا قشرتها الخارجية. وقيل هذا التحول استغرق ملايين السنين (لا اذكر كم بالضبط ميحة في الحساب)
والفترة دي كانت الحياة ميتة وهي ما تسمى ب" الحقبة الابتدائية"
وبعد ما تهيأت الحياة بها تكون حولها غلاف جوي يصلح للتنفس وغلاف مائي يصلح للشرب واعتزل المناخ واصبح جاهز لاستقبال الكائنات الحية التي ظهرت
وهدة الفترة سميت ب" حقبة الحياة القديمة" واستمرت. كم. مليون سنة اعتقد 300 مليون وبعدها تعاقبت العصور المختلفة عصور الاسماك والحشرات
ثم بعده عصر الحياة الوسطى وبعدها حقب الحياة الحديثة ويسمونها بعهد الثديات والنباتات وفي نهايته ظهر الانسان منذ نحو مليونين من السنين

[شهاب كرار]

يلا وين في كلامي ده كله حاجه بتشبه شوف محسن المفارق لكل أساس مشترك للتفكير بين الناس على أسس متفق عليها و واضحة بذاتها !!

وكلامك ايضا يا محمد قرشي مفارق لكل اساس مشترك للتفكير بين الناس على أسس متفق عليها و واضحة بذاتها !!

مثلا،
.. قارن ده مع إن فكرة زي دي لا هي موجوده في معهود العرب الثقافي و لا من المفكر فيه بالعصر داك !!
كيف قطعت بهذا؟ ركبت سفينة الزمن ومشيت عشت وسطهم وعرفت انو دا في معهود العرب الثقافي ماف؟
دا غير انو في دلائل بتشير لي عكس كلامك يعني زي كلام قس بن ساعدة دا:
"يا معشر إياد، أين الآباء والأجداد؟ وأين المريض والعواد؟ وأين الفراعنة الشداد؟ أين من بنى وشيد، وزخرف ونجد؟ " ما اركلوجيا؟
عارف الفرق بيني بينك الكلام القلتو ليك من الاول ونكرتو، القداسة يا محمد.
يعني لو كلامك الفوق دا طلع صاح وما طلعت انتقائية منك ساي في اختيار الايات عشان تعضد كلامك، انت ح تقول يااااسلام التطور ما قاعد في القران وانا ما عارف ، اذا القران من عند الله وتجر المخدة وتنوم لأنك يا اما منساق ورا القداسة يا كسلان.
لكن انا بقول انو القران دليل قوي على انو فكرة التطور كانت ضمن معهود العرب الثقافي بعكس ما هو سائد.شفتا كيف؟
وانت سيد العارفين انو الفكرة دي قديمة جدا اعاد احياءها دارون وولاس من جهة ولامارك من جهة.
يعني في ناس كتار وقبل الاسلام بقرون قالو بالتطور زي أناكسيماندر وأبيقور وباتانجالي الهندي العجيب المنسي,
اها البيمنع شنو انها تكون ضمن معهود العرب الثقافي؟ هذا مع التحفظ على نتائجك من اساسها.

محبتي التي تعلم

[بدور التركي]

سلامتك من وجع الراس !!
أنا ياهو ده طرفي من البوست
ماصاح أحتلاهو كده أصلا
بقيت شرير بالجد :)

فتك بعافيه
______________
أهلنا بقولوا (المسكين سكين) :)



يا ولدي محمد
دا بيتك ومطرحك
خذ راحتك وسعيدة بيك والله وفخورة

ولو ما شالك البوست نشيلك فوق الرأس


عملت شنو في الامتحانات
لكوم:D

[Mohammed Qurashi]

العزيز شهاب

الفكرة المفارقة للعصر اللي أنا قصدتها هي تحديدا :
إمكانية معرفة بداية واحدة للحياة من تتبع آثارها في الأرض

دي ماحتلاقاها لا عند الإغريق القدماء و لا المصريين القدماء و لا غيرهم !!
بعدين بيناتنا أساس مشترك .. يعني أسي ياهو ده بقول ليك أيوه و الله ممكن الفكرة دي موجودة وقتها و لحدي ما تلقى لي دليل على كده ما حأنفيها ليك زي عدم قدرتك حاليا على إثباتها، رغم إنو غيابها في تفاسير القرآن ما بيوحي بكده
بعدين ياخي أركيولوجي شنو في الشعر ؟؟ ما طبعا فكرة الإستدلال على حياة القدماء من آثارهم هي موجوده و لولا كده إستغلالها في الخطاب في الآية دي ما حيكون عنده معنى !!
مسألة القداسة اللي إنت مصر تلبسني ليها دي بتشبه مسألة الصدق المصرين الناس يجردوه منك !! .. يعني ما تحكم لي على عالمي النفسي شكلو كيف بره من إستدلال بتفتكر إنو ما راكب عدلو .. بعدين ياخ ماتقولني حكاية إن القرآن قال بالتطور (عارف الإعجازيين بيتاوقوا ليك في أي مؤمن لكن ما كده ياخ) .. أنا وضحت ليك وجهة نظري سابقا بتفصيل فكدي عاين ليها كويس ..
إتصلح معاي يا شهاب ما تسقطني ياخي :)

[Mohammed Qurashi]

ولو ما شالك البوست نشيلك فوق الرأس


عملت شنو في الامتحانات
لكوم:D

ده إسمو ضرب تحت الحزام :)
ترحيب شديد بعده تذكير بالبعبع !!

و الله لكوم زاتها ما حتحلني بعد ده
و أخير أحترم نفسي و أتخارج من المنتدى ده لحدي الإمتحان
:p

[بدور التركي]

كلامك صحيح يا شهاب
في صخرة قريبة من بحيرة مونتانا قطعة عائمة على بحر كبير والمعروفة باسم "بحيرة ربة النار" أسطورة قديمة
المهم وجدت مردومة بالغبار البركاني ووجدوا كلام مرسوم بلغة غريبة من نقوش توصف معنى خلق مخلوق يطير سريعا ويجلس كالشجرة العارية من الورق ويمشي كرجل بلا يدين ويتسلق الجبل بلا قدمين ويصطف الثمار بلا اظافر

وقال بعض الهنود الحمر سكان امريكاالاصليين انهم سمعوا أجدادهم ان المنطقة كانت جنة عدن التي عاش فيها ادم ( إها ادم طلع امريكي هههههههه)
لكنها غرقت في بحر كبير
وبعض العلماء في الاثار يقولون ان منطقة مونتانا مليااانة اسرار والغاز ورموز:D 

[بدور التركي]

ده إسمو ضرب تحت الحزام :)
ترحيب شديد بعده تذكير بالبعبع !!

و الله لكوم زاتها ما حتحلني بعد ده
و أخير أحترم نفسي و أتخارج من المنتدى ده لحدي الإمتحان
:p


امتحاناتك ودراستك اهم
والرحيل عبر مجاهل الارض والنفس واكتشاف الانسان لنفسه
ستدعوك في اي وقت تكون مستعد
يا محمد انت من القلائل الذين يسعد بهم القلم ويثيرون الفكر

عشان كدا بابكر عباس عايز يصاحبك:D
عليك الله خليك قريب في هذة الرحلة العجيبة والمثيرة للاندهاش



وسلام كثير يشرح الخاطر

[شهاب كرار]

كلامك صحيح يا شهاب
في صخرة قريبة من بحيرة مونتانا قطعة عائمة على بحر كبير والمعروفة باسم "بحيرة ربة النار" أسطورة قديمة
المهم وجدت مردومة بالغبار البركاني ووجدوا كلام مرسوم بلغة غريبة من نقوش توصف معنى خلق مخلوق يطير سريعا ويجلس كالشجرة العارية من الورق ويمشي كرجل بلا يدين ويتسلق الجبل بلا قدمين ويصطف الثمار بلا اظافر

وقال بعض الهنود الحمر سكان امريكاالاصليين انهم سمعوا أجدادهم ان المنطقة كانت جنة عدن التي عاش فيها ادم ( إها ادم طلع امريكي هههههههه)
لكنها غرقت في بحر كبير
وبعض العلماء في الاثار يقولون ان منطقة مونتانا مليااانة اسرار والغاز ورموز:D 

أساطير الهنود الحمر غنية للغاية ومدهشة للحد البعيد، خصوصا بتاعين مونتانا ديل، لانو قبيلة البلاكفوت او الاقدام السوداء زي ما سموهم المستوطنيين الاؤائل الكانت بتسكن مونتانا عندها ثقافة غنية وبشكل الرمز جزء اساسي فيها، بعدين الناس ديل عندهم فهم متقدم جدا للحياة، اكتر بكتير من فهم الاوربيين الجو ابادوهم. يعني شوفي دا واحد من القادة بتاعنهم بقول شنو:
"What is life? It is the flash of a firefly in the night. It is the breath of a buffalo in the wintertime. It is the little shadow which runs across the grass and loses itself in the sunset."

ولا شوفي واحد من امثال البلاكفوت
Life is not separate from death. It only looks that way

اذا انت زولة اسطورية زيي - يعني بتحبي الاساطير والقصص القديمة
الموقع دا حا تغرقي فيهو عدييييل كدا
http://www.legendsofamerica.com/

[بدور التركي]

اسطورية فوق ما تتخيل لكن ما خرافية :Dواقعية في نفس الوقت
الأساطير مرجع لتراث الاولين ومهد الحضارت والتوحيد ( عليك الله خت كم شخيط تحت كلمة التوحيدlooool)
كل الأساطير في جميع الحضارات القديمة قد تناولت موضوعات مشتركة
بينت واقع الانسان وبداياته وكشف لنا اي رسالة كان يحملها وماذا كان يعتقد وكيف يفكر ومستوى فكره ومعرفته

انت عارف. يا شهاب كلمة اساطير ذكرت كثير في القران الكريم
أكيد كان لها دور كبير !!


قال تعالى
(بل قالوا مثل ما قال الأولون قالوا أئذا متنا وكنا ترابا وعظاما أئنا لمبعوثون لقد وعدنا نحن وآباؤنا هذا من قبل إن هذا إلا أساطير الأولين)

[بدور التركي]

نسيتنمطين ما اقول ليك
الموقع رهييييب ودا حالتي بس كدا اديتو طلة
حفظتو في الجهاز
شكرًا كثييير احلى هدية
شكرًا تاني

[شهاب كرار]

غايتو يا حبيب لمن تقرب تقنع الزول انو كلامك صاح، لكن النشوف مراوغاتك الذكية دي بتجيب بيها قون في النهاية ولا ضييع زمن ساي :D

انت قلتا
ما قاعد أتعامل بفكرة الإعجاز القرآني

وجيت بعد تلاتة مداخلتين كدا قلتا

الفكرة المفارقة للعصر اللي أنا قصدتها هي تحديدا :
إمكانية معرفة بداية واحدة للحياة من تتبع آثارها في الأرض
دي ماحتلاقاها لا عند الإغريق القدماء و لا المصريين القدماء و لا غيرهم !!
بغض النظر عن انو كلامك دا مطلوق ساي، وممكن اجيب ليك دليل انو غلط والفكرة دي موجودة عند التلاتة فلاسفة الذكرتهم ليك، واصلا الحجج بتاعتم بتعتمد على ترتيب الكائنات الحية في شكل سلم من ادنى الي اعلى - متذكر رسالة اخوان الصفا؟ - اي نعم اعتباطا ساي وبدون اسس لكن في النهاية ترتيب قائم على ملاحظة ما هو موجود ، ولا شنو؟
لكن دي ما المشكلة الاساسية!
المشكلة الاساسية هي انت اذا ما اعجازي وما شايف انها معجزة انو القران يحتوي على معرفة مفارقة للعصر، اها دلالات مفارقة الحاجة دي للعصر - بفتراض مفارقتها من الاساس - شنو عندك بالضبط؟

[شهاب كرار]

يقول إخوان الصّفاء : " ثمّ اعلم يا أخي بأن النبات متقدم الكون و الوجود على الحيوان بالزمان , لأنّه مادة لها … و هو كالوالدة للحيوان … و ذلك أنّه يمتص رطوبات الماء و لطائف أجزاء الأرض بعروقه إلى أصوله ثمّ يحيلها إلى ذاته , و يجعل من فضائل تلك المواد ورقاً و ثماراً و حبوباً … و يتناول الحيوان غذاءً صافياً هنيئاً مريئاً كما تفعل الوالدة بالولد . ثمّ اعلم يا أخي , أيدك الله و إيانا بروح منه , بأن الحيوان ما هو تام الخلقة كامل الصورة كالتي تنزو و تحبل و ترضع , و منها هو ناقص الخلقة كالتي تتكون من العفونات و منها ما هو بين ذلك كالحشرات و الهوام بين ذلك , التي تنفذ و تبيض و تحضن و تربي . ثمّ أعلم بأن الحيوانات الناقصة الخلقة متقدمة الوجود على التامة الخلقة بالزمان في بدء الخلق . و نقول أيضاً أن حيوان الماء وجوده قبل وجود حيوان البر بزمان , لأن الماء قبل التراب , و البحر قبل البر في بدء الخلق . و اعلم يا أخي بأن الحيوانات التامة الخلقة كلها كان بدء كونها من الطين أولاً , من ذكر و أنثى توالدت و تناسلت و انتشرت في الأرض … من تحت خط الاستواء حيث يكون الليل و النّهار متساويين و الزمان أبداً معتدلاً هناك بين الحرّ و البرد و المواد المتهيئة لقبول الصورة موجودة دائماً . و هناك أيضاً تكون أبونا آدم أبو البشر و زوجته , ثمّ توالدا و تناسلت أولادهما و امتلأت الأرض منهم سهلاً و جبلاً و براً و بحراً إلى يومنا هذا " .
http://aljsad.net/showthread.php?t=3709391

[شهاب كرار]

Epicurus is a key figure in the development of science and the scientific method because of his insistence that nothing should be believed, except that which was tested through direct observation and logical deduction. Many of his ideas about nature and physics presaged important scientific concepts of our time. He was a key figure in the Axial Age, the period from 800 BC to 200 BC, during which similarly revolutionary thinking appeared in China, India, Iran, the Near East, and Ancient Greece. His statement of the Ethic of Reciprocity as the foundation of ethics is the earliest in Ancient Greece, and he differs from the formulation of utilitarianism by John Stuart Mill by emphasizing the minimization of harm to oneself and others as the way to maximize happiness.

Epicurus's teachings represented a departure from the other major Greek thinkers of his period, and before, but was nevertheless founded on many of the same principles as Democritus. Like Democritus, he was an atomist, believing that the fundamental constituents of the world were indivisible little bits of matter (atoms, Greek atomos, indivisible) flying through empty space (kenos). Everything that occurs is the result of the atoms colliding, rebounding, and becoming entangled with one another, with no purpose or plan behind their motions. (Compare this with the modern study of particle physics.) His theory differs from the earlier atomism of Democritus because he admits that atoms do not always follow straight lines but their direction of motion may occasionally exhibit a 'swerve' (clinamen). This allowed him to avoid the determinism implicit in the earlier atomism and to affirm free will.[8] (Compare this with the modern theory of quantum physics, which postulates a non-deterministic random motion of fundamental particles.)

He regularly admitted women and slaves into his school and was one of the first Greeks to break from the god-fearing and god-worshiping tradition common at the time, even while affirming that religious activities are useful as a way to contemplate the gods and to use them as an example of the pleasant life. Epicurus participated in the activities of traditional Greek religion, but taught that one should avoid holding false opinions about the gods. The gods are immortal and blessed and men who ascribe any additional qualities that are alien to immortality and blessedness are, according to Epicurus, impious. The gods do not punish the bad and reward the good as the common man believes. The opinion of the crowd is, Epicurus claims, that the gods "send great evils to the wicked and great blessings to the righteous who model themselves after the gods," when in reality Epicurus believes the gods do not concern themselves at all with human beings.

http://en.wikipedia.org/wiki/Epicurus

[أبوبكر عباس]

شهاب كرار تحياتي
يا أخي البوست دا للتعريف بشهاب كرار و شايف صديقك محمّد قرشي سيطر عليهو و قلعك مننا، يا سيدي انت و الله شخصية فريدة و مثيرة للتساؤل و الفضول و داير في المداخلات الجايات ديل تديني من زمنك شوية عشان نعرف منك عن اللأ أدريون ديل؟
شايفك في واحدة من مداخلاتك قلت لمحسن خالد إنك بحثت عن الله بصدق، لكنك لم تجده
السؤال: ما دام بحثت بصدق و لم تجده، ليش تبقى مع اللا أدريون ديل؟ ليش ما تبقى ناكر عديل لوجود الله؟ أنا كنت فاهم انو اللا أدريون ديل ناس لا بحثوا عن وجود الله و لا عن عدم وجوده
و الله لو ما خائف ناس المنتدى ديل يقولوا لي: حننتني!
كنت قلت ليك انو مقدراتك الحوارية محل إعجاب عندي

[شهاب كرار]

انت عارف. يا شهاب كلمة اساطير ذكرت كثير في القران الكريم
أكيد كان لها دور كبير !!
بدور

بتفق معاك تماما في انو الاساطير كان ليها ومازال ليها دور كبير جدا في تشكيل وجدان الناس، ما اهو اكتر من اربعة اخماس سكان الارض عايشين عليها !

[أبوبكر عباس]

إضافة:
التعريف الموجود في الموسوعة الحرة غير كاف بالنسبة لي

[شهاب كرار]

بابكر عباس
تحياتي وفائق الاحترام ياخ
في البداية كدا والله انا مبسوط منك بسطة في زرزرتك لي محسن خالد في البوست بتاعو حتى قبل ما اخد الباسوويرد، لكن شايفك نخيت شوية اليومين ديل، وجد اتشرفت بي معرفتك من خلال المكان دا وشكرا على اطرائك اللطيف.

الجايات ديل تديني من زمنك شوية عشان نعرف منك عن اللأ أدريون ديل؟
بلا تردد

السؤال: ما دام بحثت بصدق و لم تجده، ليش تبقى مع اللا أدريون ديل؟ ليش ما تبقى ناكر عديل لوجود الله؟

اللا أدرية موقف قائم على الشك في الاساس، انا شخصيا لدي موقف من اليقين بشكل جذري، اليقين المبرر بشكل موضوعي مجرد اسطورة لاوجود له في الفيزياء ولا في غيرها، يمكنك ان تختار ان تتبنى موقف يقيني ما ولكن عليك الاعتراف انه مجرد خيار شخصي بناء على معايير ذاتية تخصك، ولن يطالبك احد بتبرير، وما لاحاجة لتبريره لا يندرج تحت تصنيفات صح/خطأ.
لا توجد اية احكام قاطعة او نهائية في الموقف اللادري من الحياة، وهي ليست سلبية كما يوحي بها اسمها، بل هي تتابع العلم في ديناميكيته وحركته، لأن مشهد فهمنا للحياة والكون ديناميكي دائم التبدل، والاسئلة لا نهاية لها، فالانسان يزداد عمقا وتركبا كلما عرف اكثر، فتفتح المعرفة الباب لمزيد من الاسئلة ما كانت لتطرح لولا ما نفحت به سابق الاجابات موضع التساؤل في الذهن بالمزيد من الوقود المعرفي، او يعاد طرح اسئلة قديمة بناء على معطيات جديدة ومنظور اعمق واكثر نضجا.
سأقرب لك وجهة نظري اكثر بهذا المثال الشهير الذي ضربه الفيلسوف الانجليزي راسل (الاب الروحي للاأدريين :D).
اذا قال لك احدهم ان هناك ابريق من الشاي موجود في مدار بين الارض والمريخ، رد الفعل الطبيعي هنا لاي بشري هو ان تسأله دليله على هذا الكلام، فرد عليك الرجل بأن دليله الوحيد هو انك لا تستطيع نفي وجود هذا الابريق! او بعبارة اخرى انك لن تستطيع ان تأتي بدليل انه غير موجود.
الرجل كلامه صحيح، لن تستطيع انت يا بابكر عباس ولا انا ولا راسل نفسه ان يأتي بدليل ان الابريق غير موجود!
ولكن هل يعني هذا ان ابريق الشاي هذا موجود؟
إذا اي شيء يمكن ان يكون موجودا، وهنا تبرز براعة الطبيعة في تكييف عقول البشر في اتجاه السلوك العملي الفعال بغض النظر عن نتائج المنطق الشكلي البحت!
يعني مثلا اذا ذهبنا في رحلة الي المريخ ففي الغالب أننا لن نأخذ معنا كبابي فاضية وسكر وبسكويت لاننا سنقابل ابريق الشاي بما اننا فشلنا في اثبات عدم وجوده!
ذات المنطق الحياتي البسيط اتعامل به حيال قضية وجود الله، فأنا اكيف سلوكي وفلسفتي في الحياة على اساس عدم وجود الله، لأن ما هو مطروح من أدلة غير كاف بالنسبة لي للأقتناع بوجود الله.

تبقت نظرتي للدين وهو أمر هام جدا توضيحه، انا انظر للدين بعين تملؤها الاحترام والاعجاب والتقدير، كواحد من اعظم منجزات الحضارة الانسانية في مسار تطورها.
وانظر الي الانبياء كما انظر لبقية العظماء الذين اثروا تاريخ البشرية بفكرهم. إن انبياء كمحمد او عيسى هم مصلحين اجتماعيين حقيقيين إذا وضعناهم في سياقهم التاريخي الصحيح، وليس ادل من قوة تأثير الانبياء على مسيرة الحضارة اكثر من عدد اتباعهم في يومنا هذا بعد عشرات القرون من وفاتهم. ولكن هذا لا يشمل ولا حتى شبهة قداسة، بل يوضع الدين والانبياء والفكر الديني بكل رموزه وايقوناته من كتب وخلافها تحت منظار النقد الموضوعي كغيره من منجزات الحضارة الانسانية الاخرى.

تحياتي ليك بابكر وشكرا كتير

[بدور التركي]

صباااحاتو أيها العقل الشامل الغير مدمر

العلم يا شهاب ليس إلا فاعلية جزئية من فاعليات العقل
لا يتطور ولا ينمو إلا إذا أتاح فيه لكل التفاعلات الذهنية الأخرى الاعتقادية
إذا تقوقع الذهن في خانة واحدة فأنه لا يستطيع ان يستوعب الأشكال والرموز الأخرى غير العلمية
حتما ستنفيها وتلقي شرعيتها وفي اللحالة دي يفقد العقل عقله ومصداقيته!!

(وما اتيتم من العلم إلا قليلا) قران كريم

[شهاب كرار]

العلم يا شهاب ليس إلا فاعلية جزئية من فاعليات العقل
لا يتطور ولا ينمو إلا إذا أتاح فيه لكل التفاعلات الذهنية الأخرى الاعتقادية
إذا تقوقع الذهن في خانة واحدة فأنه لا يستطيع ان يستوعب الأشكال والرموز الأخرى غير العلمية
حتما ستنفيها وتلقي شرعيتها وفي اللحالة دي يفقد العقل عقله ومصداقيته!!
يا بدور جني وجن الكلام المطلوق ساي بدون دليل ، اقعدي باري لي محمد قرشي دا لمن يغطس حجرك :p
دليلك على الكلام دا شنو؟
والتفاعلات الذهنية الاعتقادية دي هي ذاتا في عضما شنو؟

[شهاب كرار]

وليك وللجميع صباح الورد

http://t1.gstatic.com/images?q=tbn:ANd9GcQ0eso3iqHUd7IBeh0zD6oC4hYFDwUGP Xg0A6xyynfz9EJ6kA9t&t=1

[بدور التركي]

يا بدور جني وجن الكلام المطلوق ساي بدون دليل ، اقعدي باري لي محمد قرشي دا لمن يغطس حجرك :p
دليلك على الكلام دا شنو؟
والتفاعلات الذهنية الاعتقادية دي هي ذاتا في عضما شنو؟


وانا يا شهاب
جني وجن الإلتباس والا تّباع والعقل المهدور

التفاعلات الذهنية والاعتقادي الحسي هي نتائج تجربة تستمد قيمتها منها
اساس المعرفة يا شهاب هو الحدس او التجربة زي ما قال ابن تيمية
الحدس والحس هو طريق العلم ومصدره
والوصول الي اليقين
انت بس اقعد تابع لي الافلاطونيين لما يغطسو حجرك وما تصل لحقيقة الوجود ابدا

[سمراء]

ذات المنطق الحياتي البسيط اتعامل به حيال قضية وجود الله، فأنا اكيف سلوكي وفلسفتي في الحياة على اساس عدم وجود الله، لأن ما هو مطروح من أدلة غير كاف بالنسبة لي للأقتناع بوجود الله.

تبقت نظرتي للدين وهو أمر هام جدا توضيحه، انا انظر للدين بعين تملؤها الاحترام والاعجاب والتقدير، كواحد من اعظم منجزات الحضارة الانسانية في مسار تطورها.
وانظر الي الانبياء كما انظر لبقية العظماء الذين اثروا تاريخ البشرية بفكرهم.

هااااااى الوف يو بيبول ! هاو اريو انتو ؟

بدور العثل سلامات
ضيوفك السمحين كيفنكن جت ! اريو شديدين شديد ؟

شهااااب كرااااااار ...ازيك وسعيدين بوجودك هنا ، ويكفى انك طويت الكسل الجواى
من القراية " المجهدة " للعقل والبتخلى الزول يتلفت ويعاين ويتحسس الكون ،
شفة كيف !
نحن ناس الجااااهزة ، مع شوية فرفرة عشان نمرق من حتتة " التعليب " دى لى آفاق ارحب شوية ...بس!
بس دى خليها لى عليك الله شوية ..سمح !

اهان اسع انا النصيحه قريت كدى لمن جانى " حول " ذهنى ..بس وقفتة فى الحاجات الحمر حمر دى ودايراك تشرحهم لى !!
الله يعلم مافهمتهم !

[بدور التركي]

وليك وللجميع صباح الورد

http://t1.gstatic.com/images?q=tbn:ANd9GcQ0eso3iqHUd7IBeh0zD6oC4hYFDwUGP Xg0A6xyynfz9EJ6kA9t&t=1

صباح الفل والياسمين لك ولكل الحلوين
أها تسمع شنو الليلة بإدراك ونفس ناطقة
:D

[قيقراوي]

لإطالة عمر المتعة في هذا الخيط..
وللتشاغب معك أيضاً يا محمّد، ولإعادة تدوير سيرة مارك توين من جديد في هذا البوست، فح أعلق على كلامك الفوق دا بما قاله مارك توين ذات مديح:
(سمعت الكثير من المديح، وأحرجني ذلك؛ فلطالما شعرت أنه لا يكفي)

:D :D :D :D :D

لووووول
علي بالحلال انا نصبت مارك توين بتاعك دا يا مبر شيخ لي عدييييل:D





----

بدور
شهاب المباري الافلاطونيين دا - الافلاطونيين اشرار شديد .. أساليني انا دا - اها ما يقنعك. بعدين تبقى عليك حكاية الانقليزي الجا يعلم الشايقي. طلع هو بتكلم الانقليزية بلكنة شايقية ( ياكل الحروف الاخيرة ):p مثلا كان سالوهو:
كان يو سويم؟
يرد " يس آي كا :D " .. و هكذا

[سمراء]

اها ياشهاب ومحمد قرشى دى واحدة من فوائد وجودكم ....تابعته موضوع اخوان الصفاء ديل ، فعتر لىالكلام ده فى واحدة من الرسائل ..

دايرة اعرف رايك فيها شنو ؟؟



رسائل إخوان الصّفاء و خلان الوفاء

قال النّاجي للهالك : كيف أصبحت يا فلان؟
قال : أصبحت في نعمة من الله , طالباً للزيادة راغباً فيها حريصاً على جمعها , ناصراً لدين الله , معادياً لأعداء الله , محارباً لهم .
قال النّاجي : و من أعداء الله هؤلاء؟
قال : كل من خالفني في مذهبي و اعتقادي
قال : و إن كان من أهل لا إله إلاّ الله؟
قال : نعم
قال : إن ظفرت بهم ماذا تفعل بهم؟
قال أدعوهم إلى مذهبي و اعتقادي و رأيي
قال : فإن لم يقبلوا منك؟
قال : أقاتلهم و استحل دماءهم و أموالهم , و أسبي ذراريهم
قال : فإن لم تقدر عليهم ماذا تفعل؟
قال : أدعو عليهم ليلاً و نهاراً , و ألعنهم في الصلاة , كلّ ذلك تقرباً إلى الله تعالى .
قال : فهل تعلم أنك إذا دعوت عليهم و لعنتهم يصيبهم شيء؟
قال : لا أدري! و لكن إذا فعلت ما وصفت لك وجدت لقلبي راحة , و لنفسي لذة , و لصدري شفاء .
قال له النّاجي : أتدري لمَ ذلك؟
قال : لا , و لكن قل أنت
قال : لأنك مريض النّفس , معذب القلب , معاقب الرّوح . لأن اللّذة هي خروج من الآلام . ثم اعلم أنك محبوس في طبقة من طبقات جهنم , و هي الحطمة نار الله الموقدة التي تطلع على الأفئدة , إلى أن تخلص منها و تنجو نفسك من عذابها , إذا لقيت الله عزّ وجلّ كما وعد بقوله : ثم ننجي الّذين اتقوا و نذر الظالمين فيها جثياً . ثم قال الهالك للناجي : أخبرني أنت عن رأيك و مذهبك و حال نفسك كيف هي؟
قال : نعم . أما أنا فإني أرى أني قد أصبحت في نعمة من الله و إحسان لا أحصي عددها , و لا أؤدي شكرها , راضيا بما قسم الله لي و قدّر , صابراً لأحكامه , لا أريد لأحد من الخلق سوءاً , و لا أضمر لهم دغلاً , و لا أنوي لهم شراً . نفسي في راحة , و قلبي في فسحة , و الخلق من جهتي في أمان . أسلمت لربي مذهبي , و ديني دين إبراهيم عليه السلام . أقول كما قال : " فمن تبعني فإنّه مني و من عصاني فإنك غفور رحيم " " إن تعذبهم فإنّهم عبادك و إن تغفر لهم فإنّك أنت العزيز الحكيم

[بدور التركي]

:D :D :D :D :D

لووووول
علي بالحلال انا نصبت مارك توين بتاعك دا يا مبر شيخ لي عدييييل:D





----

بدور
شهاب المباري الافلاطونيين دا - الافلاطونيين اشرار شديد .. أساليني انا دا - اها ما يقنعك. بعدين تبقى عليك حكاية الانقليزي الجا يعلم الشايقي. طلع هو بتكلم الانقليزية بلهجة شايقية ( ياكل الحروف الاخيرة ):p مثلا كان سالوهو:
كان يو اسويم؟
يرد " يس آي كا :D " .. و هكذا


لوووووووب هههههههه

ما تخاف عليّ واعية وبخاف على روحي وبتصفحها
وماشين على سراطه المستقيم

سمرااااااء حبابكم يا عسل
نورتي الفجة:p

[بدور التركي]

يا بدور جني وجن الكلام المطلوق ساي بدون دليل ، اقعدي باري لي محمد قرشي دا لمن يغطس حجرك :p
دليلك على الكلام دا شنو؟
والتفاعلات الذهنية الاعتقادية دي هي ذاتا في عضما شنو؟


جيت تاني اقول ليك
دليلي
هو
الكتب المقدسة
والرسل المختلفة لإله واحد احد
العقائد والشرائع

تعال لكلمة سواء بيننا
ان لانعبد إلا الله الواحد القهار

[أبوبكر عباس]

سأقرب لك وجهة نظري اكثر بهذا المثال الشهير الذي ضربه الفيلسوف الانجليزي راسل (الاب الروحي للاأدريين :D).
اذا قال لك احدهم ان هناك ابريق من الشاي موجود في مدار بين الارض والمريخ، رد الفعل الطبيعي هنا لاي بشري هو ان تسأله دليله على هذا الكلام، فرد عليك الرجل بأن دليله الوحيد هو انك لا تستطيع نفي وجود هذا الابريق! او بعبارة اخرى انك لن تستطيع ان تأتي بدليل انه غير موجود.
الرجل كلامه صحيح، لن تستطيع انت يا بابكر عباس ولا انا ولا راسل نفسه ان يأتي بدليل ان الابريق غير موجود! و الله يا شهاب مثل الإبريق مررناهو، إلا الفيك إتعرفت.
يا شيخنا المثل دا فيهو إشكالية:
في المثل دا الناس متفقه على انها بتفتش في شنو؟؟
في موضوع الإله الناس ما ممكن تتفق على إنها بتفتش في شنو (المواصفات) و وين؟!
هسع انت لو قلت لينا مواصفات الإله الإنت فتشتو بصدق دا و ما لقيتو، بنقدر نتفهم اللاأدريه دي من غير ما نفتح قلبك (مش عقلك)!

[سمراء]

و الله يا شهاب مثل الإبريق مررناهو، إلا الفيك إتعرفت.
يا شيخنا المثل دا فيهو إشكالية:
في المثل دا الناس متفقه على انها بتفتش في شنو؟؟
في موضوع الإله الناس ما ممكن تتفق على إنها بتفتش في شنو (المواصفات)!
هسع انت لو قلت لينا مواصفات الإله الإنت فتشتو بصدق دا و ما لقيتو، بنقدر نتفهم اللاأدريه دي من غير ما نفتح قلبك (مش عقلك)!

100% والله يابكور ...

[أبوبكر عباس]

100% والله يابكور ...
سمرا كيفنك؟
يا زولة التشجيع مع ناس زي شهاب دا بجيب لينا مشاكل كثيرة ما بنقدر عليها.
عليك الله يا شهاب ما تزعل شديد
أصلو أنا معلوماتي الفيزيائية و الرياضية ما بتفوت:
بعير = علف - بعر
أي معادلة غير دي بتجهجهني

[قيقراوي]

لوووووووب هههههههه

ما تخاف عليّ واعية وبخاف على روحي وبتصفحها
وماشين على صراطه المستقيم




كلنا ماشين في السكة نمد

بس ارسمي لنا صراطاً مستقيماً نحو افقك كي نجئك .. و نقدر نتابع معاكم :

من وين جبتي انو شهاب مباري الافلاطونيين!؟
عمل شنو هو يعني اداك الاحساس دا؟:D ( اوع يكون الوهمة بتاعة الاساطير ديك؟:D )
البعرفو عنو انو زول رياضيات و منطق سااااي .. فيزيقيا ساااي ؤ كدي .. شفت كيف؟
و دا ابعد ما يكون عن افلاطون ..
ياخ افلاطون دا - حسب الشمار الوصلنا طبعاً، و اخوك يحمد ربو، يموووووت في الشمارات:D - عمك ارسطو قالوا عمل مظاهرة عدييل بهتافات :
اهبطوا بالفلسفة من السماء الى الارض ..
انت قايلة كان قاصد منو؟
ما هو ابو الفاء دا همسلف ياخ!:D


-----

شكرن ياخ
مبسوط منك انا و الله
و لله في لله كدا

[بدور التركي]

يا شهاب؟
بعض الاشخاص عندهم حس ديني وممكن يعتنقوا مذهب معين من المذاهب الثلاثة وممكن يتأثروا ثقافيا بالقيم الموجودة في الكتب المقدسة
ممكن إدي تلاقي مسلم متأثر بالقيم المسيحية
ونلاحظ برضو مسيحي متأثر بالقيم الاسلامية زي عمو رأفتlooool
داعم لها ويحيا معها:cool:
في جميع تلك القيم يوجد مفكرين تشبعوا من الرسائل والقيم
تحدثوا عنها ووصفوها

شهاب انت تميل لأي دين
بمعنى
ممكن تعتنق اي واحد منهم؟

[بدور التركي]

يا چيچا
بچيك بعدين
الان أنا في طريقي للاهرامات
وحشني الخيل والفروسية
:D

[سمراء]

سمرا كيفنك؟
يا زولة التشجيع مع ناس زي شهاب دا بجيب لينا مشاكل كثيرة ما بنقدر عليها.
عليك الله يا شهاب ما تزعل شديد
أصلو أنا معلوماتي الفيزيائية و الرياضية ما بتفوت:
بعير = علف - بعر
أي معادلة غير دي بتجهجهني

يازول اركز اتا قايلة شنو الشغلة ! مالفحى من هنا ومن هناك
اسع انا النصيحه بعد كلامو الفوق ده مشيت قوقلتو ليك لميت ليك فى موضوع قرب يمرقنى من الجنة وسقطه !
فياصديقى دعنا نتعلم ..

[قيقراوي]

يا چيچا
بچيك بعدين
الان أنا في طريقي للاهرامات
وحشني الخيل والفروسية
:D

الخيل و الليل و البيداء تعرفني . . و السيف و الرمح و القرطاس و القلم كمان


لي بعدين .. المافي شنو؟

چيچا looool

[Mohammed Qurashi]

I beg your pardon for a necessary absence ..
I need to focus on my study for a while ..
I will be back to clarify my alleged contradiction Shihab
but for now..
I was much impressed by your statement here ..


تحياتي بدر الدين وشكرا على ترحيبك

كنت اريد قول السلام عليكم فتزكرت عدم تسليمك بموجود يسمى السلام فعدلت عن ذلك
كدي في الاول ، السلام عليكم ورحمة الله تعالى وبركاته يابدر
والله جملتك يا بدر حرقتني في قلبي من جوة، وعرفت لي اي مدى سودانيز والكتابة فيهو ساهمت - وانا الفاعل والملام الاول على ذلك - في ترسيخ صورة شائهة ما بتشبهني.
هل هذا ظنك بي؟ شخص مترفع عن ثقافة قومه السائدة لمجرد انه فارق ما يؤمنون به من افكار؟
هذه التحية يا بدر معناها عندي كبير جدا لو تعلم، فهي تحية كل من احب في هذه الدنيا، امي وابي وجداتي وجدودي واعمامي وخالاتي، تحية زينب بت يوسف وود الكرار وفتحية بت معروف امي الشالتني في بطنا تسعة شهور وغسلت خراي وسهرت معاي وانا ببكي بكى دلع ساي، تحية اصحابي عادل ومحمد وودالريس وخليفة وعبدالعظيم وناس كتااااااااار شديد...
ياخ ما تظلمني ساي يابدر، بناء على حاجات ما حقتي اصلا وبعملا مضطر اضرار ساي لما كنت اعتقد انه - ضرورات الكتابة في سودانيزاون لاين - يعني يا بدر اسي كان انا رديك عليك بهناك السلام عليكم ورحمة الله تفتكر الحا يحصل شنو؟
اول مداخلة زعموط يجيك ناطي: "ورحمة الله؟ انت الله دا بتعرفو من وين؟"
وبعد دا شنكر:" ديييشك ، ماقلتو ملحدين وكدا"
وما بعيد عبد التواب يفتح بوست :"الله اكبر جاء الحق وزهق الباطل، شهاب كرار يشهر اسلامه".
ويأتي الشنوشي قمر وهو لا يعرفك ولا تعرفه ولم يسبق ان تقابلتما ولم تجمعك به من قبل ولا حتى مداخلة في بوست يكتب:"ستظل عندي ايها الملحد الزنديق بلا اخلاق حتى ولو قلت السلام عليكم"
ياخ اخلاق شنو وعجور شنو؟ اسي الاخلاق الحشرا هنا شنو؟
فيدفعوك دفعا للانتقام لذاتك واتخاذ السخرية سبيلا في تفريغ غضبك وإحباطك، وما اسهل ايجاد مواطن السخرية والاستهزاء في اي فكرة، السخرية من مقدساتهم ومن رموزهم، واستخدام اساليب غير شريفة ولا اخلاقية ولا تعبر عنك، فالانتقام شهوة عجيبة ارجو ان يأتي اليوم وارتقي في سلم الانسانية درجة اخرى بلفظها لفظا بائنا بينونة كبرى.
لقد ساهمت مساهمة بالغة في تقديم نفسي بشكل خاطئ، وارتكبت العديد من الاخطاء الكبيرة والهفوات مما اضر بي انا في شخصي قبل ان يضر بصورتي امام الناس، وآمل ان يأتي يوم يستعدل فيه الموعج ونفهم بعضنا كما يجب ان يفهم الكائن البشري اخاه، فلا تكن عبارة "الاختلاف لايفسد للود قضية" عبارة نتبادلها من اجل المجاملات ولنظهر بمظهر المتسامحين المتفهمين فقط.
أن أهم ميزة في هذا المكان انه يدار بالديموقراطية، وهي ستكون الدرقة بينه وبين الشلليات وصاحبي وصاحبك والحملات المنظمة التي تدبر بليل من اجل نسف مصداقية اشخاص بعينهم.
الدين عندي قيمة عظيمة من غير تقديس يا بدر الدين، فهو نتاج الانسانية في صيرورتها مثله مثل التشكيل والموسيقي والرياضيات والفيزياء والفلسفة...
أن الاحترام الذي انظر به الي الدين ورموزه ومقدساته نابع من أحترامي وتقديري للأنسانية في ذاتها كقيمة لا تدانيها قيمة، وللحرية من حيث كونها قلب الانسانية ووجدانها وشعورها، ولأنه ثقافة جل من احب، فهل هناك حقيقية أمضى وانصع من ان تسعد من تحب؟


لك التحية والاحترام
--
ما نسيت سؤالك لكن في بوست مدورة فيهو نفس المواضيع دي، كدي ادينا طلة
http://sudanyat.org/vb/showthread.php?t=20353

so .. be well all of you
bye

[سمراء]

اقتباس:
المشاركة الأصلية كتبت بواسطة Mohammed Qurashi http://sudanyat.org/vb/images/buttons/viewpost.gif (http://sudanyat.org/vb/showthread.php?p=368872#post368872)
I beg your pardon for a necessary absence ..

I need to focus on my study for a while ..
I will be back to clarify my alleged contradiction Shihab
but for now..
I was much impressed by your statement here ..


so .. be well all of you
bye






والله يامحمد قطعتنا حاتكون فى حتة عجيبة !!
عموما ربنا يوفقك وترجع بالسلامة

بس برضو لو لقيت فرقة حاول تاوق لى شهاب ده شوفو حايوصلنا لى ياتو حتة :D
بالتوفيق محمد

[شهاب كرار]

تحياتي للجميع

كتب با بكر عباس
الله يا شهاب مثل الإبريق مررناهو، إلا الفيك إتعرفت.
يا شيخنا المثل دا فيهو إشكالية:
في المثل دا الناس متفقه على انها بتفتش في شنو؟؟
في موضوع الإله الناس ما ممكن تتفق على إنها بتفتش في شنو (المواصفات) و وين؟!
هسع انت لو قلت لينا مواصفات الإله الإنت فتشتو بصدق دا و ما لقيتو، بنقدر نتفهم اللاأدريه دي من غير ما نفتح قلبك (مش عقلك)!

هو ما يسميه الالوهيون عموما بالسبب الاول، او الاصل الذي صدر عنه كل شيء، اوالجامع لمطلق الصفات.
هذا هو الاله الذي بحثت عنه!

[شهاب كرار]

كتبت سمراء

.بس وقفتة فى الحاجات الحمر حمر دى ودايراك تشرحهم لى !!

وهذا هو الشرح

أدلة:أعني بها في هذا السياق كل ما يقنع الانسان بصواب او خطأ فكرة ما.

منجزات الحضارة الانسانية: هي كل منتوج ثقافي او مادي انتجته الاجناس الانسانية منذ فجر وجودها على كوكب الارض قبل مليوني عام الي يومنا هذا.

أثروا: أضافوا شيئا جديدا.

بفكرهم: في هذا السياق تعني النظم الاجتماعية الجديدة التي اقترحوها، وهي بمعايير علم الاجتماع عبارة عن ثورات اجتماعية كاملة الدسم!


تحياتي ووافر الاحترام

[بدور التركي]

كلنا ماشين في السكة نمد

بس ارسمي لنا صراطاً مستقيماً نحو افقك كي نجئك .. و نقدر نتابع معاكم :

من وين جبتي انو شهاب مباري الافلاطونيين!؟
عمل شنو هو يعني اداك الاحساس دا؟:D ( اوع يكون الوهمة بتاعة الاساطير ديك؟:D )
البعرفو عنو انو زول رياضيات و منطق سااااي .. فيزيقيا ساااي ؤ كدي .. شفت كيف؟
و دا ابعد ما يكون عن افلاطون ..
ياخ افلاطون دا - حسب الشمار الوصلنا طبعاً، و اخوك يحمد ربو، يموووووت في الشمارات:D - عمك ارسطو قالوا عمل مظاهرة عدييل بهتافات :
اهبطوا بالفلسفة من السماء الى الارض ..
انت قايلة كان قاصد منو؟
ما هو ابو الفاء دا همسلف ياخ!:D


-----

شكرن ياخ
مبسوط منك انا و الله
و لله في لله كدا
الرياضيات والمنطق والفيزيا. و و و
مش علم؟
والعلم كما يدل اسمه مش معرفة؟
والمعرفة مش نوع يبحث عن قوانيين مرتبطة بمجموعات وحقائق خاصة!!
ومش كل نتائج العلم ثمرة ما يقدمه من معرفة
طيب الاستفهامات لشنو إذا لاحظنا اهتمام شخص بجانب واحد
دون بقية الجوانب
في الحالة دي لا يستطيع المفكر ان ينظر للعالم نظرة متوازنة!!

فهمت يا چيچا:p

[قيقراوي]

والله يامحمد قطعتنا حاتكون فى حتة عجيبة !!
عموما ربنا يوفقك وترجع بالسلامة

بس برضو لو لقيت فرقة حاول تاوق لى شهاب ده شوفو حايوصلنا لى ياتو حتة :D
بالتوفيق محمد

:D

[شهاب كرار]

التفاعلات الذهنية والاعتقادي الحسي هي نتائج تجربة تستمد قيمتها منها
اساس المعرفة يا شهاب هو الحدس او التجربة زي ما قال ابن تيمية
الحدس والحس هو طريق العلم ومصدره
والوصول الي اليقين
اها يا بدور
وزي الناس الماعندهم احساس زيي ديل ، وما قدروا ابدا ابدا يصلو فكرة خالق ومدبر للكون دي عن طريق الحدس
يسوو شنو؟
اوعى تقولي لي يبحثو بي صدق اكتر من بتاع المرتين الفاتو عشان بخنقك :D

[بدور التركي]

اها يا بدور
وزي الناس الماعندهم احساس زيي ديل ، وما قدروا ابدا ابدا يصلو فكرة خالق ومدبر للكون دي عن طريق الحدس
يسوو شنو؟
اوعى تقولي لي يبحثو بي صدق اكتر من بتاع المرتين الفاتو عشان بخنقك :D

شوف يا شهاب كا تحاول تقنعني انك ملحد
المرة الفاتت قلت ليك ابحث بصدق لأني لم اكون قد تداخلت معك وحاورتك
مش الفيلسوف قال "تكلم حتى أراك"
اها الان أنا شايفاك برغم تفكيرك وذكائك العلمي
إلا انك من الناحية الدينية يختلف أسلوبك في التفكير
انت داخلك مؤمن بوجود الله
بس المطلوب منك ان تتخذ الدين موضوعا للفكر
ومارسه بطريقة علمية
في حاجات كثير لا يمكننا ان نصل إليها إلا عن طريق الممارسة
اسعى يا عبد والله معك يا شهاب
العقل والوجدان اذا اجتمعا سنتعلم اكثر كيف نسمو ونتعلم ونتفوق ونسعد بالبهجة

كدي عليك الله حاول
الدين يا شهاب مبحث علمي يعلمنا ان نكتشف قدرات جديدة للعقل والقلب
الحكاية تتطلب منا عمل وجهد وصبر

[بدور التركي]

لكزة
يا محمد القرشي
تعال ساعدني
الانسان دا ح يخنقني

لو عندك دراسة
ممكن نستعين بالاكواز والأشرار :p

[Mohammed Qurashi]

لكزة
يا محمد القرشي
تعال ساعدني
الانسان دا ح يخنقني

لو عندك دراسة
ممكن نستعين بالاكواز والأشرار :p

حبا و كرامة يا ستو ..
و أهو شهاب براهو قدم دعوة لبدرالدين* هنا :)

كدي في الأول يا شهاب النهديك الرابط ده تعقيبا على كلامك ده ..

فيدفعوك دفعا للانتقام لذاتك واتخاذ السخرية سبيلا في تفريغ غضبك وإحباطك، وما اسهل ايجاد مواطن السخرية والاستهزاء في اي فكرة، السخرية من مقدساتهم ومن رموزهم، واستخدام اساليب غير شريفة ولا اخلاقية ولا تعبر عنك، فالانتقام شهوة عجيبة ارجو ان يأتي اليوم وارتقي في سلم الانسانية درجة اخرى بلفظها لفظا بائنا بينونة كبرى.

Does Revenge Serve an Evolutionary Purpose
http://www.scientificamerican.com/article.cfm?id=revenge-evolution&WT.mc_id=SA_CAT_MB_20110504

بعد ده النتكلم معاك ..
تعرف تعريفك لللاأدرية داك حيخليني أنا زاتي لا أدري !!
لأن مسألة الوصول لليقين بإستخدام درب المنطق/العقل ده أمر محكوم عليه بالفشل مبدئيا .. ليه؟ لأن زي ما نحن عارفين أسي العقل أداه و ليس محتوى .. يعني زمان كان بيشوفوا للمسلمات العقليه من نوع (الكل أكبر من الجزء/ لكل معلول علة ... إلخ) بإعتبارها حقائق عقليه واضحة بذاتها .. و ده الجاب تعريفات الفلاسفة للإله اللي إنت رصيتها ديك و اللي برضو حأكون لا أدري قصادها !! .. لأن أي نشاط عقلي في الأساس بيعتمد على مسلمات و قواعد معينة .. يعني لو شفنا الرياضيات كمثال .. لازم نبدأ من مسلمات هي تعريف العدد كمثال و قواعد هي المنطق الرياضي كمثال و نبني على كده .. ياخ نحن ممكن حتى نتفق على إعتماد التناقض (برفض قانون الثالث المرفوع - أما أ أو لا أ) و نبني على كده نظام عقلي برضو زي مابيحصل أسي في المنطق الحديث .. فمحاولات إثبات أي شيء (الدين و خلافه) هي في الأساس تسليم بمباديء معينة في الأساس و قد تكون غايبه أصلا عن الوعي المفكر .. و مافي أي دليل على صحتها المطلقة .. مجرد إختيار !!
علشان كده أنا بعتبر اللاأدرية موقف فلسفي بحت لا يصلح كموقف وجودي .. يعني شنو؟؟ مثلا إتخيل زول يقول ليك أثبت لي إنك بتحب حبيبتك دي !! .. صدقني ما حتقدر !! .. حتنطبق عليك نفس أدرية إبريق الشاي الفالقنا بيها دوكنز :) .. بس يقينك الداخلي بالحب ده ما حيتأثر بعقم محاولات الإثبات دي .. أنا مرت بي لحظة فارقه في حياتي لما إكتشفت إن التعويل على بعد واحد في الإنسان زي عقله بس هو خصم على قيمته كإنسان و عاهدت نفسي إني أعيش بكل أبعادي و على قول محسن ..

إيه الخلاني ضيعتك يا روح
و عمدك في ريفي الحزين
لو فكرة جابوك من وجود ذو حداشر بعد **
الباقي من أبعادي وين
و من قبلك كيف كان طقس الكلام
و آدم صاني طين

ده مدخل كويس لتوضيح موقفي من الآية إياها و من إستهدائي و قناعتي بالقرآن بشكل عام .. فبرغم وعيي بالقصور الإثباتي و قناعتي بإن الحقيقة دوما أكبر من الإثبات (زي ما وصل ليه جودل و شايتين Chaitin) .. إلا أن مسألة إنو الزول يتناقض مع المسلمات اللي إختارها (لسبب يتجاوز العقل و يرتبط بالإحساس و التجربة و الحدس) دي مسألة بتفارق اللاأدرية تماما .. يعني ماممكن أقول أنا مقتنع بنتائج العلم و بأدلة التطور و بعدين أتبنى رأي ديني مثلا مناقض بشكل قاطع للتطور من أساسه .. و ده اللي كنت بقصده بشكل أساسي لما قلت ليك القرآن بيسوق للتطور .. المسألة ما إثبات و سبق زماني و إعجاز في الأساس .. بل مسألة إنو ما بيصادم لي فهمي للتطور هو الحاجه المذهلة في المقام الأول .. يلا و علشان ماتقول لي الفكرة قديمة و أبيقور و إخوان الصفا .. أرجع و أنبهك لإنك تستخلص أفكار الناس ديل في جوهرها .. يعني ديل كلهم كانوا بيتكلموا عن ملاحظات حول شبه الحياة ببعضها و بيتبنوا آليات معينة للحكاية دي (الإستعداد بالأفق القريب عند إخوان الصفا مثلا) و بيعتقدوا ببدايات متعدده لكل نوع حي (زي الإنجيل مثلا) .. بينما الفكرة المفارقة للقرآن لا تتعلق بالتفاصيل و لا الملاحظات المتاحة للعباقرة بل هي ببساطة زي ما قلت ليك فوق .. تحديد لوجود بداية أولى للخلق و توجيه بأن البحث في الأرض (أركيولوجيا/يولوجيا) حيكون مفتاح لإدراك كيفية البداية دي !! .. و ما أظني محتاج أذكرك بإن مسألة البحث في طبقات الأرض عن آثار الحياة كانت أكبر دليل على فكرة البداية الواحده و أكبر محفز لفكرة التطور الحديثة الجا دارون و قرط عليها برحلته المشهورة .. إنت لو ماشايف إنو الفكرة دي مفارقة حأكون مستغرب منك .. هل حصل زول قال الفكرة دي بالضبط بشكلها ده قبال كده على حسب علمك؟؟؟ ..
عموما .. ده برضو ماوجه حجتي أو تعلقي بالقرآن أبدا !! .. وجه إعجابي و يقيني و حبي ليه نابع من كون أن إستدلاله بفكرة البداية الواحده للخلق و كيفيتها اللي عرفت أنا الآن إنها عبر عملية التطور الرائعة هو مدخل لفكرة النشأة الأخرى .. يعني لما يخاطبني و يقول : شفت كيفية الخلق دي مكربة و بديعه كيف .. أها العملها كده ما غالبه ينشئكم من جديد (فيما لا تعلمون) .. بلقى تجاوب وجداني عميق جواي مع الكلام ده لأنه بيخاطب الحس الإتكون عندي من معاشرتي للتطور و فنونه الرائعة .. و قس على ذلك بقية الآيات الكونية .. بلقى تعبير عن الجلال الحسيت بيه في دراستي للكون جوه كلام القرآن عنها .. و قبال الفترة دي القرآن كان أشبه بكتاب ممل و غير مفهوم عندي !! .. لولا التفكر و التأمل فستبقى الأكنه على القلوب تجاه القرآن (و ده ماحكم عليك .. فلكل دربه و مآلئه .. و ربما تكون أنت على صواب آخر المطاف) .. فأنا يا عزيزي أبعد ما أكون عن مسألة الإعجاز دي و شايف إنو الآية البتقول (وَلَوْ فَتَحْنَا عَلَيْهِم بَابًا مِّنَ السَّمَاء فَظَلُّواْ فِيهِ يَعْرُجُونَ - لَقَالُواْ إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَّسْحُورُونَ ) سورة الحجر (14-15) .. بتقفل الباب على مسألة كسر الرقبه بطريق عقلي للإيمان :) .. رغم إن الإعجازيين عملوها هي زاتها من الإعجاز العلمي :) ..
فضل أقول إن حكاية مفارقة العصر دي بالنسبة لي هي دليل على صدق الرسول و ليس على إعجاز القرآن .. يعني المسألة عندي ماهي وجود الله (شايف إن السؤال ده زاتو معيب فلسفيا بدرجة كبيرة) بل هي تصديق الرسول (ص) .. زول قال إنو رسول من الله .. يا تصدقه يا تكضبه .. أها لما تشوف القرآن و كلامه و تقارنه مع كلام الرسول (الحديث) و مع التراث الديني في الوقت داك (الكتاب المقدس) و مع المتاح من الفلسفة و العلوم .. تقوم تلقى فكرة مفارقه زي دي و تتكرر أفكار كتيرة ما بتتناقض مع المعارف الحالية كمان .. ده بالتأكيد بيعضد صدق الزول ده بالذات لما تضع في الحسبان ظروف حياته و بقية صفاته و منجزاته و ظروف قوله للقرآن (حالات الوحي و مشقتها) .. ده الكنت قاصده ليك بمسألة المفارقة دي .. ده إطارها عندي و دلالتها لدي .. ما مسألة إعجاز و دعايات إسلاموين ساكت !!!

غايتو أنا هضربت كتير إستجابة للست السمحه بدور . فأعفي لي لو الكلام ما مرتب أو مضغوط أكتر من اللازم .. و بطل زرزرة و ماتعصر على الناس ديل شديد .. خلوني أذاكر ياخي :)
فتكم بعافية
_______________
* كوز بس ما شرير :)
** إشارة لنظرية الأوتار الفائقة (تحت تأثيري طبعا:) )

[Mohammed Qurashi]

الأحباب* بالبوست
الجدير بالذكر إنو كل الرصيتو أنا فوق ده
مازاد على اللي إنتو قلتوه متفرقا من قبلي
إلا قليلا ..

فمعليش على النقة الكتيرة ..
و شكرا ليكم على الإلهام ..
سلام
____________
* في العربي المذكر بيشمل المؤنث ..
و كمان صعبه أقول الحبيبات تقوم حبيبتي تفهمني غلط :)

[بدر الدين اسحاق احمد]

تنبيه:
يمنع منعا باتا دخول الكيزان والأشرار;)

سيد الجلد والراس دعانــى الى هذه الدغمســــة ...;)

[بدور التركي]

ما دام سيد الحق ناداك
يبقي ما عندنا غير نقول
اهلا وسهلا
ونورت دارك واهلك



يا محمد
سلم لي على حبيبتك
وخلي بالك منها
وامشي ذاكر
ولو في حاجة بلكزك

سلام يشرح الخاطر
وكامل الدسم

[قيقراوي]

* كوز بس ما شرير :)


ود القرشي اخير تمش تذاكر يا اخوي

القالو ليك محسن عن " قراية الزول الممتحن" كلو صاح
اها لو قريت صيغة الحظر كويس هي كدا [ الكيزان و الاشرار ]
يعني ما بعد الكوز ا كلو بزار سااااي:D

لوووول قلت اتسدى:p



------

يا زول امش ذاكر
لكن خليك قريب
ما شفت البت التي لم تفارق سمرتها بعد، اتجرست كيف؟( صرفنا عدد واحد :D )
لووووووووووووب:D

[Mohammed Qurashi]

والله يامحمد قطعتنا حاتكون فى حتة عجيبة !!
عموما ربنا يوفقك وترجع بالسلامة

بس برضو لو لقيت فرقة حاول تاوق لى شهاب ده شوفو حايوصلنا لى ياتو حتة :D
بالتوفيق محمد

تعرفي يا سمرا كنت ناوي أشبك ليك قيقا ده منطق لمن يفهم حاجه و مايعمل فيها محسن خالد :)
بس لما لقيته ذكرني بإني ما سلمت عليك و شكرتك على المداخلة الحلوة دي .. خجلني و حسسني إنو محسن عنده حق في إنو راسي جايط مع القراية ..
فدحين لك العتبى حتى ترضي ..
و ليك من التحايا أعذبها

[شهاب كرار]

عموما .. ده برضو ماوجه حجتي أو تعلقي بالقرآن أبدا !! .. وجه إعجابي و يقيني و حبي ليه نابع من كون أن إستدلاله بفكرة البداية الواحده للخلق و كيفيتها اللي عرفت أنا الآن إنها عبر عملية التطور الرائعة هو مدخل لفكرة النشأة الأخرى .. يعني لما يخاطبني و يقول : شفت كيفية الخلق دي مكربة و بديعه كيف .. أها العملها كده ما غالبه ينشئكم من جديد (فيما لا تعلمون) .. بلقى تجاوب وجداني عميق جواي مع الكلام ده لأنه بيخاطب الحس الإتكون عندي من معاشرتي للتطور و فنونه الرائعة .. و قس على ذلك بقية الآيات الكونية .. بلقى تعبير عن الجلال الحسيت بيه في دراستي للكون جوه كلام القرآن عنها .. و قبال الفترة دي القرآن كان أشبه بكتاب ممل و غير مفهوم عندي !! .. لولا التفكر و التأمل فستبقى الأكنه على القلوب تجاه القرآن (و ده ماحكم عليك .. فلكل دربه و مآلئه .. و ربما تكون أنت على صواب آخر المطاف) .. فأنا يا عزيزي أبعد ما أكون عن مسألة الإعجاز دي و شايف إنو الآية البتقول (وَلَوْ فَتَحْنَا عَلَيْهِم بَابًا مِّنَ السَّمَاء فَظَلُّواْ فِيهِ يَعْرُجُونَ - لَقَالُواْ إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَّسْحُورُونَ ) سورة الحجر (14-15) .. بتقفل الباب على مسألة كسر الرقبه بطريق عقلي للإيمان .. رغم إن الإعجازيين عملوها هي زاتها من الإعجاز العلمي ..
فضل أقول إن حكاية مفارقة العصر دي بالنسبة لي هي دليل على صدق الرسول و ليس على إعجاز القرآن ..
د. محمد قرشي
تمام كدا وصلنا لي نقطة مسدودة دخلت في العضم الحي، وهي حق كل انسان الطبيعي في ان يختار المسلمات التي تجعل فهمو للكون متسق مع حاجاتو النفسية و غيرها مما يحتاجه الشخص لذاته...
لكن بس في سؤال بسيط يدور بخلدي، وعليك الله ما تعتبرو تحقيق معاك او محاولة لقول انك صح او غلط، بس للمزيد من الفهم ولجعل باب الاحتمال موربا للبقية حتى لا يغلق النقاش.

انت قلت في ذات مداخلة ما صاريها للظروف الصعبة الزي دي
القضية عندي هي في فهم القرآن بشكل أكثر إتساقا مع لغته و إسلوبه .. ما قاعد أفتش فيه عن تعضيد لقناعاتي المسبقة سواء أكانت علمية أم غيرها .. و الإتجاه عندي دوما من الكون نحو القرآن لمزيد تفهم و ليس العكس.
د. محمد قرشي

طيب اها لو اتجه بوذي او هندوسي لي كتبو المقدسة ممكن يجد "مزيد تفهم" كما وجدته انت في القران؟
ام إن الامر حصريا على القران؟
وفي حال لم يكن الامر حصريا على القران، فما السبب الذي دفعك لاتخاذه دليلا على صدق الرسول؟
وفي حال كان حصريا، فهل نطمع في ان تقيم لنا دليلا على حصريته تلك؟

--
يجوز التأجيل الي ما بعد الامتحانات

[بدور التركي]

يا شهاب
ما عندك صديق يهودي تعمل له دعوة
عشان يكتمل الشمل:D

الحياة دي معقدة عقادة
بس مين يفك رموزها؟؟؟؟

[شهاب كرار]

يا شهاب
ما عندك صديق يهودي تعمل له دعوة
عشان يكتمل الشمل:D

الحياة دي معقدة عقادة
بس مين يفك رموزها؟؟؟؟

ياريت يا بدور
لكن عندي واحد ملحد من اصل يهودي مغربي
ينفع؟ :D

[بدور التركي]

نسيت ما اقول ليك
امبارح وانا في الأهرامات وفوق الجمل تحديدا بتمشى
اشوف ليك من بعيد ناس منهم أجانب ومنهم مصريين
ملمومين في ساعة ذهول
اتاري الشركة الاجنبية اكتشفت كمية اثار مدفونة جنب ابو الهول
طبعا اللي اتكتشف الاثار دي الأجانب
ناس شغالة بحوث ودراسات وتنقيب في اراضينا المليئة بالأسرار والغموض!!!

[الجيلى أحمد]

ياريت يا بدور
لكن عندي واحد ملحد من اصل يهودي مغربي
ينفع؟ :D

دا كلو من قيقا

[قيقراوي]

المشاركة الأصلية كتبت بواسطة شهاب كرار

ياريت يا بدور
لكن عندي واحد ملحد من اصل يهودي مغربي
ينفع؟


دا كلو من قيقا

لوووووووب

دا مما يقودني لسؤال آية الله العظمى سيدي حسن الموسوي قدس الله سره:

انتو الملحدين العرب ديل، هم عرب و ملحدين .. و لّ ملحدين و عرب سااااي!!؟:D

او كما قال

رواه قيقا راوي

[بدور التركي]

ياريت يا بدور
لكن عندي واحد ملحد من اصل يهودي مغربي
ينفع؟ :D

مافي من اصل يمني؟

اليمن مليانة يهود

تصدق قالوا فيني عرق يهودي:eek:
لكن طلعت إشاعة


يا الجيلي حبابك
سعيدة بيك كل الأديان :D

[بدور التركي]

يا شهاب صباح الخير

تفتكر العناصر ليها طبائع وقوة
زي الحروف مثلا والأشكال
اللون والصوت والضوء

ما معنى الحدس يا شهاب؟
في ناس خارقة ليها قدرة عجيبة
يستطيعون ان يستفيدوا من هذة القوة لتفسير الفضاء الواسع الذي يحيطهم
في علاقة قوية يا شهاب بين العقل والجسد
زي علاقة اتصال اجزاء الكون ببعضه

ما تقول لي اشرحي
ما ح اقدر اشرح ليك حاجة

[بدور التركي]

يا شهاب
ما تفقد الحواس
مش لما كنا اطفال كنا نثق بحواسنا بما نسمعه ونتذوقه ونلمسه
كانوا البشريين زمااااااااان جداً شغالين بالحواس دي
وفهموا حقيقة الكون والطبيعة

ما تعتمد فقط على التأمل المادي فقط
لا تهمل امكانياتك الذاتية وقدراتك كمتأمل


تاني صباح الخير

[بدر الدين اسحاق احمد]

ما تعتمد فقط على التأمل المادي فقط



سؤال عديل كدا ..

الكلام دا معناتو شنــو ؟
التأمــل
مادى

سؤال هل هناك تأمـل غير مادى ( شكلو شنو ؟) نلقاهو ويــن ؟

بدور السؤال ليك
ويمكن ان يحول لمن ترينــه مناسباً

[أبوبكر عباس]

هو ما يسميه الالوهيون عموما بالسبب الاول، او الاصل الذي صدر عنه كل شيء، اوالجامع لمطلق الصفات.
هذا هو الاله الذي بحثت عنه!و الله فضل ليك تقول لينا: و لا يتأثر بالأحماض
يا زول دا ما بتلقاهو.

القلتو دا إله أكاديمي


الله بتاعنا زول ساهل ممكن تصاحبو

[الجيلى أحمد]

القلتو دا إله أكاديمي


الله بتاعنا زول ساهل ممكن تصاحبو

يابابكر
يااخى الليلة دى حقو نعمل صلح عديل كدا
لأول المرة الواحد يتفق معاك هندرت برسنت

صاحبنا شهاب دا شكلو قابل الاله ود أم بعلو *
____________
أو كما قال الرجل المجرى

[بدور التركي]

سؤال عديل كدا ..

الكلام دا معناتو شنــو ؟
التأمــل
مادى

سؤال هل هناك تأمـل غير مادى ( شكلو شنو ؟) نلقاهو ويــن ؟

بدور السؤال ليك
ويمكن ان يحول لمن ترينــه مناسباً


شكلو غير طبيعي بالنسبة للانسان
ونلقاهو في السلوك العلمي الاكاديمي

ما لازم كل حاجة نحكها عشان نثبت صحتها
ما لازم نعتمد على العلم فقط بل على ايماننا ويقيننا

مثلا
نفسي اشرب حليب ابل
وقدامي مجموعة من الإبل فيها المريضة وفيها السليم
ح اروح أسأل. الطبيب بابكر عباس بعد ما يفحصهم
وين الإبل السليمة لكي استطيع ان أتناول حليبها
في الحالة دي أنا اعتمدت علي ايماني بقدرة بابكر الطبية
ولم اطلب منه ان يثبت لي علميا صدق فحصه
أنا مؤمنة بقدرة الدكتور وتتبعت نصائحه

وقع ليك ولّ اعيدو ليك:D

[شهاب كرار]

و الله فضل ليك تقول لينا: و لا يتأثر بالأحماض
يا زول دا ما بتلقاهو.

القلتو دا إله أكاديمي


الله بتاعنا زول ساهل ممكن تصاحبو

يا زول ما عندي اي مانع
بس وريني ليهو
اها انا قدامك والبوست قدامك والمايك معك

[قيقراوي]

المشاركة الأصلية كتبت بواسطة شهاب كرار

هو ما يسميه الالوهيون عموما بالسبب الاول، او الاصل الذي صدر عنه كل شيء، اوالجامع لمطلق الصفات.
هذا هو الاله الذي بحثت عنه!


و الله فضل ليك تقول لينا: و لا يتأثر بالأحماض
يا زول دا ما بتلقاهو.

القلتو دا إله أكاديمي


الله بتاعنا زول ساهل ممكن تصاحبو

يا شهاب يا اخوي البقولوهو الالوهيين خلو.
ديلاك بفهمم انت بتوافق عليو لكن!؟
انو المحدود ما بستدرك المطلق .. الجزء ما بستوعب الكل ( لوووول وكت تمساحنا ود القرشي مزنوق حالياً، دي فرررررصة يا رجبية خلونا نقدل بيها لحدي ما يجي يطيرا لينا من ن ن راسنا دا:D
لي وكتها انا دا فهمي انو الجزء ما بستوعب الكل كلو كلو

اهن ..
الصفات الجبتها دي كلها كلية / اول / اصل ..

ح تعتمد منهج اللالوهيين برضو؟
و لّ عندك مشهادن آخر؟

بس اوع ما تقول لي مشهاد الابريق داك!
لووووووول

ياخ الببحث عن إلهة بمجرد حواسه بس، و الحاجات البقدر يمسكا، يدركها عقلياً، قطع شك بنتهي الى صنم ، من حجر، او عجوة زي حق سيدنا عمر داك :D.. لا فرق.
ابريق شنو ياخ!؟:D






--------

تعرف في الجارغون بتاعنا يقولوا ليك الزول دا " ابريق " .. يعني عّلة، لصقة:D ..
و تضرب في مثل حالات الضيف البجيك، وانت تكون مارق ليك مشوار. اها يقوم يحقنك!;):D
بالله ابريقكم دا ضايرو جاي جاي .. و فكونا منو ياخ!:D
تعالى الله عن المثل و الشبيه.

[شهاب كرار]

يا شهاب
ما تفقد الحواس
مش لما كنا اطفال كنا نثق بحواسنا بما نسمعه ونتذوقه ونلمسه
كانوا البشريين زمااااااااان جداً شغالين بالحواس دي
وفهموا حقيقة الكون والطبيعة

ما تعتمد فقط على التأمل المادي فقط
لا تهمل امكانياتك الذاتية وقدراتك كمتأمل


تاني صباح الخير
مساء الخير بدور


إنت يا بدور دايرة تقولي لي لازم تؤمن اول عشان الله يهديك للإيمان ولا شنو؟:D

[بدور التركي]

مساء الخير بدور


إنت يا بدور دايرة تقولي لي لازم تؤمن اول عشان الله يهديك للإيمان ولا شنو؟:D

العافية درجات:D


السلام عليكم

ياخ ما عارفة ليه ردتك
كدا لله في الله
اها دي كمان فيها حساب ولا فيزيا
جات كدا من عند ربنا
قصدي
ربي

[أبوبكر عباس]

يا زول ما عندي اي مانع
بس وريني ليهو
اها انا قدامك والبوست قدامك والمايك معك
لو ما هبّ عليك نسيم الحب القدحة ذاتها ما بتشمها
كمان داير تشوف عديل!
انت قايل نفسك المكاشفي و لّ محسن خالد؟
ما أتكلَّم عنه لم يحدث لي في النوم، ولا على طريقة داري. بل على طريقة جوديل، عِياناً بياناً، في الصحو، ليلاً ونهاراً لما يزيد على أسبوع كامل
محسن خالد - زهرة الغرق

[شهاب كرار]

لو ما هبّ عليك نسيم الحب القدحة ذاتها ما بتشمها
كمان داير تشوف عديل!
انت قايل نفسك المكاشفي و لّ محسن خالد؟

يعني خلاص طلعت البوست فشنك؟

والموضوع طلع نهايتو نسيم يا هبا يا ما هبا انت وحظك ؟:D

[شهاب كرار]

ياخ ما عارفة ليه ردتك
كدا لله في الله
اها دي كمان فيها حساب ولا فيزيا
جات كدا من عند ربنا
قصدي
ربي

تسلمي يا بدور
لأنو قلبك صافي ونيتك بيضاء
وياريت الناس تريد بعض ساااي كدا من غير غرض
لانو الحب هو حقيقة الانسان
وهو الخلاهو يكتسب التمييز بتاعو على باقي الكائنات الحية
والكلام دا ما كلام شعراء ساي
دا كلام علمي وحقيقي، الحب هو القاد الانسان في درب التطور
ومحمد قرشي (الله يرد غربتو :D)
ممكن يأيد كلامي دا بالادلة المابقدر عليها انا

تسلمي وأبادلك ريدتك الصافية هذه بلا أدنى تردد

[Mohammed Qurashi]

تسلمي يا بدور
لأنو قلبك صافي ونيتك بيضاء
وياريت الناس تريد بعض ساااي كدا من غير غرض
لانو الحب* هو حقيقة الانسان
وهو الخلاهو يكتسب التمييز بتاعو على باقي الكائنات الحية
والكلام دا ما كلام شعراء ساي
دا كلام علمي وحقيقي، الحب هو القاد الانسان في درب التطور
ومحمد قرشي (الله يرد غربتو** :D)
ممكن يأيد كلامي دا بالادلة المابقدر عليها انا

تسلمي وأبادلك ريدتك الصافية هذه بلا أدنى تردد

أجي يا شهاب !!
إنت اللاأدري(الملحد:)) فينا منو ياخ ..
كدي عليك الله وقع لي كيفية تدخل الحب كمميز لنا و قائد في درب التطور ؟؟
دي جد جديدة علي .. و أتمنى تكون صاح
لكن بيهيأ لي هي من باب التفسيرات الفلسفية المشروعة للتطور لكن ما حاجه ممكن نثبتها علميا !!
غايتو إنت شكلك مؤمن شديد لامن ماقادر تلاحظ على قول بدور :D
أنا المؤمن ده ما عندي زي شاعريتك الجميلة دي تجاه التطور !!
__________________________________________
* متأكد إنو كونك في الغرام In Love ما دافع للكلام ده :)
**غربتي دي تبدأ كيف و إنتو يا الحلوين بتقولوا في كلام زي العسل كده

[شهاب كرار]

أجي يا شهاب !!
إنت اللاأدري(الملحد:)) فينا منو ياخ ..
كدي عليك الله وقع لي كيفية تدخل الحب كمميز لنا و قائد في درب التطور ؟؟
دي جد جديدة علي .. و أتمنى تكون صاح
لكن بيهيأ لي هي من باب التفسيرات الفلسفية المشروعة للتطور لكن ما حاجه ممكن نثبتها علميا !!
غايتو إنت شكلك مؤمن شديد لامن ماقادر تلاحظ على قول بدور :D
أنا المؤمن ده ما عندي زي شاعريتك الجميلة دي تجاه التطور !!
__________________________________________
* متأكد إنو كونك في الغرام In Love ما دافع للكلام ده :)
**غربتي دي تبدأ كيف و إنتو يا الحلوين بتقولوا في كلام زي العسل كده

يعني يا محمد قرشي جبناك فزع بقيت لينا وجع:D:D
كدي اقرا المقال دا وتعال اشرحو لينا عشان اوريك انك ما عارف اي حاجة عن الحب :D
http://www.livescience.com/3312-romantic-evolution-true-love.html

[بدور التركي]

تسلمي يا بدور
لأنو قلبك صافي ونيتك بيضاء
وياريت الناس تريد بعض ساااي كدا من غير غرض
لانو الحب هو حقيقة الانسان
وهو الخلاهو يكتسب التمييز بتاعو على باقي الكائنات الحية
والكلام دا ما كلام شعراء ساي
دا كلام علمي وحقيقي، الحب هو القاد الانسان في درب التطور
ومحمد قرشي (الله يرد غربتو :D)
ممكن يأيد كلامي دا بالادلة المابقدر عليها انا

تسلمي وأبادلك ريدتك الصافية هذه بلا أدنى تردد


أنا عارف دي أجمل مداخلة في البوست
وفعلا بتأكد حدسي فيك
انت زول مؤمن بالفعل
لان حقيقة الانسان هي الحب
والحب هو الله...
يستغرب كيف الانسان ببحث عن التطور
وجوهره مليان حقد وكره ومصالح

قال الحكيم الهندي شَنكَر:
ما هي الفضيلة؟ هي الشعور مع جميع المخلوقات
ما هي السعادة؟ هي الصحة عند أهل الدنيا
ما هي المحبة ؟هي الإحساس الصادق الطبيعي
وما هي المعرفة؟ هي الإدراك )


في معرفة الله ..الروح ..الدين
"يعتقد أصحاب الرؤى ان الدين الحقيقي يتضمن كل الديانات
فالله واحد ولكن الناس يسمونه بأسماء مختلفة"•

"اي نور يملكه الانسان؟
الروح هو نوره لانه بالنور يجلس الانسان ويعمل ويتحرك ويعود" •

شهاب رأيك شنو نغير مسار البوست
للشعور الانساني مع جميع المخلوقات ؟؟

____________
•أقوال مقتبسة من الفكر الفلسفي الهندي

[بدور التركي]

أجي يا شهاب !!
إنت اللاأدري(الملحد:)) فينا منو ياخ ..
كدي عليك الله وقع لي كيفية تدخل الحب كمميز لنا و قائد في درب التطور ؟؟
دي جد جديدة علي .. و أتمنى تكون صاح
لكن بيهيأ لي هي من باب التفسيرات الفلسفية المشروعة للتطور لكن ما حاجه ممكن نثبتها علميا !!
غايتو إنت شكلك مؤمن شديد لامن ماقادر تلاحظ على قول بدور :D
أنا المؤمن ده ما عندي زي شاعريتك الجميلة دي تجاه التطور !!
__________________________________________
* متأكد إنو كونك في الغرام In Love ما دافع للكلام ده :)
**غربتي دي تبدأ كيف و إنتو يا الحلوين بتقولوا في كلام زي العسل كده

شفت كيف يا محمد !الزول دا جميل كيف؟ كيف وكم:D
أنا قلت كدا
ومن غير مصلحة
كدا بس لله في الله
محبة ساي

[شهاب كرار]

أها محمد قرشي ، شوف الكلام دا كيف، عشان الموضوع ما يبقى غلاط ساي :D

The growing length of childhood coevolved with the enlarging of the brain - which has tripled in size over the last 2.5 million years, since the time of the first tool-making hominids - and with the development of complex bonding, which includes friendship, romantic love, parent-child attachment, and loyalty to a group.

As the brain grew bigger, childhood needed to be longer since there was so much to learn. To keep a vulnerable child alive for many years, we evolved strong bonds between parents and children, between mates, within extended family groups, and within bands as a whole - all in order to sustain "the village it takes to raise a child." Bands with better teamwork outcompeted other bands for scarce resources; since breeding occurred primarily within bands, genes for bonding, cooperation, and altruism proliferated within the human genome.

Numerous physical, social, and psychological factors promote bonding. Let's focus on physical factors, and then drill down further to examine two chemicals inside your brain: dopamine and oxytocin. Both are neurotransmitters, and oxytocin also functions as a hormone when it acts outside the nervous system.

(By the way, dopamine and oxytocin, like many other biochemical factors, are present in other mammals, too, but as with most things human, their effects are much more nuanced and elaborated with us.)

Dopamine
It's an error to reduce love to chemicals, since so many other factors are at work in the brain and mind as well, so let's hold this material in perspective.

That said, it appears that when people are in love, among other neurological activities, two parts of their brain really get activated. They are called the caudate nucleus and the tegmentum. The caudate is a reward center of the brain, and the tegmentum is a region of the brain stem that sends dopamine to it; dopamine tracks how rewarding something is.

In effect, being in love rewards the pleasure centers in your brain, which then crave whatever it was that was so rewarding - in other words, your beloved. Those reward centers are the same ones that light up when people win the lottery. Or use cocaine.

And being rejected in love activates a part of the brain called the insula, which is the same region that lights up when we are in physical pain.

So we are doubly motivated to hold fast to the object of our love: feel the pleasure, and avoid the pain.

Interestingly, when people are in lust, rather than in love, different systems of the brain get activated, notably the hypothalamus and the amygdala.

The hypothalamus regulates drives like hunger and thirst. Interestingly, the word in the early records of the teachings of the Buddha that is translated in English as the "desire" or "attachment" or "clinging" that is the root of suffering has the fundamental meaning of "thirst," so it's pretty likely that the hypothalamus is involved in much of the clinging that leads to suffering.

The amygdala handles emotional reactivity, and both it and the hypothalamus are involved in arousal of the organism and readiness for action. (While these systems are centrally involved in fight-or-flight responses to stress, they also get engaged in energizing activities that feel emotionally positive like cheering on your favorite team - or fantasizing about your sweetheart.)

These neural components may shed some light on the subjective experience of being in love, which commonly feels softer, more "Aaaaahh, how sweet!" rather than the "Rawwrh, gotta have it!" intensity of lust.

That said, dopamine - increased in love - triggers testosterone production, which is a major factor in the sex drive of both men and women.

So, in short, we fall in love, and among other neural circuits and psychological complexities, the same reward chemicals involved in drug addiction lead us to crave our beloved and want sex with him or her. Sorry to be mechanistic here, but you get the idea.

The intended result, in the evolutionary playbook, is, of course, babies.

Then what?!

Oxytocin
Oxytocin promotes bonding between mothers and children, and between mates, so they work together to keep those kids alive.

For example, in women, oxytocin triggers the let-down reflex in nursing, and is involved in that blissful, oceanic feeling of peace and comfort and love experienced by many women while breastfeeding.

It also seems to be part of the female response to stress (more than in men - since women have much more oxytocin than men do), in part by encouraging what Shelley Taylor at UCLA has termed "tend-and-befriend" behaviors in women when they are stressed.

(Of course, men, too, will often reach out to others and be friendly during tough times, whether it's crunch quarter at the office, or somewhere in a dusty war - another example of how there are many pathways in the brain to important functional results.)

The experiential qualities of oxytocin are pleasurable feelings of relaxation and rightness, so it is an internal reward for all bonding behaviors - not just with mates.

Oxytocin encourages sociability; for example, when oxytocin capabilities are knocked out in laboratory mice, their relationships with other mice are very disturbed.

And oxytocin dampens the stress response of the sympathetic nervous system and the hypothalamus-pituitary-adrenal axis - besides having functional benefits, this is another pathway for rewarding, and thus encouraging, bonding behaviors.

What triggers this warm and fuzzy and let's-get-together-now chemical?

Oxytocin is released in both women and men:
• When nipples are stimulated (such as through nursing)

• During orgasm, promoting the afterglow of warm affection (and a tendency, sometimes annoying in a partner, to fall asleep!)

• During extended, physical, especially "skin-to-skin" contact (e.g., cuddling children, long hugs with friends, teens forming packs on the couch, lovers caressing after sex)

• When moving together harmoniously, like dancing

• When there are warm feelings of rapport or love; a strong sense of compassion and kindness probably entails releases of oxytocin, though I haven't seen a study on that specific subject (a great Ph.D. dissertation for someone).

• Probably during devotional experiences, such as in prayer, or while with certain kinds of spiritual teachers

Probably, oxytocin can also be released just by imagining - the more vividly, the better - the activities just mentioned, particularly when combined with warm feelings.

* * *

Of course, dopamine and oxytocin are just two of the many factors at work in our relationships. For example, philosophical values or ideals of universal compassion, such as in the major religions of the world, can also influence a person's behavior greatly, with or without any measurable surges of dopamine or oxytocin.

Nonetheless, appreciating the biochemical factors at work on Valentine's Day, or at any time we experience bonding or love, can help a person not get quite so swept away by the ups and downs of relationships.

منقول من هنا (http://www.psychologytoday.com/blog/your-wise-brain/201002/the-evolution-love)

[Mohammed Qurashi]

كدي شوف إنت الكلام بتاعي ده حول نفس الموضوع زمان ..

1) لطالما تسائلت قديما عما إذا كان الحب مجرد ظاهرة ثقافية حديثة إبتدعت منذ قرون و تدعمت بالأدب و الفن الحديثين و كان بعض أرباب علم النفس يثيرون قلقي بما يبدعونه من نماذج نفسية رائعة تفسر منشأ الشعور العاطفي و ربطه بالحضارة الحديثة .. لذا كنت في غاية السعادة عندما تم إكتشاف الأساس البيولوجي للحب الرومانسي و إثبات تفرده و إختلافه عن الشهوة أو الإرتباط Attachment و قد بدأ هذا الأمر بمصادفة علمية طريفة عرضت لبعض الباحثين في الفسيولوجبا العصبية للرؤية Vision إذ لاحظوا أثناء تصويرهم لنشاط الدماغ لبعض المتطوعين نشاطا غريبا و مختلفا لدى بعض الأشخاص عند تعريضهم لصورة المحبوب .. فقاموا بعمل تجربة كبيرة لفحص النشاط الدماغي للعشاق و أثبتوا وجود نشاط مميز ( لا يملكه غير العشاق) بأربعة مناطق بالدماغ عند العشاق و ذلك عند رؤيتهم صورا للمحبوب و الطريف أن هذه المناطق الأربعة هي بالضبط نفس تلك المناطق التي تظهر نفس هذا النشاط لدى مدمني الكوكايين عندما يتعاطون جرعة منه !! (الحب إدمان __ قطعا نعم)
2) الباحثة المشهورة هيلين فيشر قضت 30 سنة من حياتها تدرس الحب علميا و سيكولوجيا و لها إستبصارات رائعة .. و لكن مايلينا منها هنا هو التأكيد على أن الحب هو دافع Drive و ليس غريزة Instinct و أنه أقوى من الغرائز كالجوع و العطش .. فإذا أضفنا هذه النتيجة للنقد الشديد الذي تعرض له هرم الإحتياجات الإنسانية في مجتمع علم النفس حتى صار من تاريخه .. إستطعنا ببساطة فهم حالات الجرائم و الإنتحار بسبب الحب .. فبشكل ما يشكل الحب دافعا أكبر من رغبة الحياة ذاتها.
3) أثبتت دراسة تعتمد على مراقبة نشاط الدماغ أن الحب يمكن له الإستمرار طويلا جدا (30 سنة بالدراسة .. و هذا ليس حدا أعلى و لكنه فقط عمر علاقة الزوجين الذين خضعا للإختبار) فنفس المناطق الدماغية التي نشطت لدى المحبين الجدد إستمرت بنشاطها لدى قدامى العشاق الأزواج مع إضافة بسيطة و هي أن المناطق المسئولة عن الهدوء و عدم القلق أكثر نشاطا لدى القدامى عن المحدثين .. مما يفسر الهدوء الذي يعتري العلاقات الزوجية العشقية و يمنع تفسير ذلك السلام بين الأزواج ببرود عاطفة ما و لكنها طمأنينة تجلبها العشرة و تطور للحب نحو شكل أهدأ مع إحتفاظه بكل علامات الإدمان التي بدأ بها ..
4) الجدير بالذكر أن الأنظمة العصبية المسئولة عن الشهوة و الحب الرومانسي و الإرتباط لا تعمل في معزل عن بعضها فهناك الكثير من مناطق التداخل Overlap بينها .. لذا ليس من السليم التعامل مع هذه التصنيفات كمناطق معزولة لا تأثير لها على بعضها و قطعا لا أعتقد بصحة الرأي القائل أن الحب الرومانسي مصيدة للزواج تزول بسرعة بعده .. فالبيولوجبا و التجارب تنفي هذا الفهم و مايحدث هذا الفتور العاطفي إلا بسبب من جهلنا لآليات إستدامة الحب و تغذيته عبر السنين .
أولا : حول المناطق الدماغية و دور الدوبامين:
- بدئا تكون العلاقة الرومانسية في أولها ذات تعلق بمناطق دماغية مشبعة بالدوبامين تتحكم في الدافعية و المكافأة Motivation & reward و ليس بمناطق الإنفعالات و العواطف Emotion الشيء الذي يجعل العلاقة في أولها شديدة الحيوية و تتسم بالتخطيط و المتعة .. هذه المناطق تدعى الـ right caudate nucleus and right ventral tegmentum و هي نفس المناطق التي تنشط حين الإستمتاع بتذوق الشوكلاته المفضلة لديك!! الجدير بالذكر أن نمط النشاط الدماغي في هذه المرحلة يشابه نمط المصابين بالوسواس القهري Obssessive-Compulsive Disorder و لا يزول إلا حين نضوج العلاقة.

http://farm5.static.flickr.com/4002/4590619595_db84792914_o.jpg

- مع نضوج العلاقة و إستقرارها تتغير الصورة الدماغية حيث تنشط المناطق الدماغية المسئولة عن العواطف كـ insular cortex and parts of the anterior cingulate cortex و يصبح الحب أكثر سلاما و أقل قلقا .. الجدير بالذكر أن النساء يصلون لمرحلة العاطفة هذه بشكل أسرع من الرجال كثيرا !! بينما يتميز الرجال بنشاط إضافي في المناطق الدماغية البصرية المرتبطة بالإثارة الجنسية !!

http://farm5.static.flickr.com/4026/4591239748_d7251217f9_o.jpg

- أخيرا بعد مرور سنين طويلة على علاقات الحب المستقرة لا تحدث تغييرات أساسية على المناطق الدماغية سوى زيادة في نشاط تلك المناطق الخاصة بالإرتباط بالآخر و الهدوء كـ ventral tegmental area مما يقيم الدليل العلمي على إستمرارية الحب عبر السنين و صيرورته بنكهة أكثر سلاما و طمأنينة و هدوئا من مبتدئه الصاخب.

http://farm5.static.flickr.com/4048/4591239502_87ac5ac335_o.jpg

ثانيا : حول الأصل البيولوجي للحب الرومانسي
هناك من يرى في الحب الرومانسي غطائا للشهوة فقط (مجرد تطور إجتماعي لتلطيف الرغبة الجنسية) و هناك من يرى فيه حبا للذات مسقطا على الآخر من أهل علم النفس .. و لكن مساهمة علم الأعصاب المعرفي Cognitive Neuroscience المهمة هي إقتراحة بأن طبيعة الحب الرومانسي هي نفس طبيعة علاقة الأم بأطفالها و لربما يكون متطورا عن نفس الآلية الدماغية التي تتحكم بعاطفة الإمومة مع إضافة بعد جنسي لا يتواجد بالإمومة بطبيعة الحال ..

http://farm5.static.flickr.com/4032/4590619461_f8ba6c46cd_o.gif

فكما نرى هنا هناك تشابهات جمة بين نمط العاطفة الإمومية المصورة بالدماغ و نمط الحب الرومانسي و قد إنتبه علماء النفس بعد هذا التنبية للتشابهات السلوكية/العاطفية الكبيرة جدا بين الإمومة و الحب .. مما جعلهم يأخذون بهذه النظرية محمل الجد و هناك محاولات حالية لتتبع ظهور هذه الأنظمة أول مرة و كيف إنبثق الحب من عاطفة الإرتباط بالأطفال عند الأجناس التي ترعى صغارها لفترات طويلة..
_____________
ثبت أيضا أن الحب الرومانسي يعطل عمل مناطق بالدماغ مسئولة عن التفكير المنطقي و التقدير الصحيح للمواقف الإجتماعية !!
يعني العاشق عندو ريالة بشهادة العلم
____________
هنا .. في موضوعة الهجر و العذاب العاطفي للعلم قول أيضا !!
فقد درست هيلين فيشر أدمغة الـ "مشوكشين" أو المهجورين لترى بماذا تمسك شباكها .. و وجدت الآتي:
أولا : نفس المناطق الدماغية المسئولة عن الألم الفيزيائي (الحريق/الجروح/ ... إلخ) تكون نشطة جدا حين الهجر العاطفي!! (يعني وجع الريدة حقيقي زي حرقة النار واحد بالنسبة لدماغنا)
ثانيا: مناطق الشغف تزداد حدة و نشاطا!! يعني بدل ما تتوقف المشاعر الفياضة بالأحرى هي تزيد لحدي ماتدفق فتزيد عذابنا !!
ثالثا: كيماويات الوسواس القهري تشتغل على آخر مداها و تحولنا لمهووسين بالحبيب بدل ما ننساه !!!

فزي ماشايفين .. كل الآلآم صحيحة و لها أصل بيولوجي و قدر عذاب رباني و مامجرد جرسة بس .. نحن مركبين كدة !!!
_____________________
أما الخداع فهذا قطعا ليس بالحب الومانسي الحقيقي فنشاط الدماغ حين الحب يجعل العاشق مهووسا بمحبوبه و لا يلفته عنه أي خيار آخر و لو كان أكثر جمالا !! فالمنطقة المسئولة عن الـ Passion أو الشغف العاطفي تختلف عن تلك التي تقيم الجاذبية الجسدية و ماأحسب الذين يلعبون على خيوط عدة سوى ساعين نحو إشباع نفسي من نوع آخر ربما تمجيد للذات و إحساس بالعظمة .. عموما يمكن الآن عمل إختبار الرنين المغنطيسي fMRI لمدعي العشق و الكشف الفوري عما إذا كانت الإدعاءات صحيحة !! فيابنات العالم و أولاده إستعينوا بالعلم حين أول الشك :)
لكن من الممكن أن تحب أحدا و تشتهي آخر و ترتبط Attachment بثالث فهذه الأنظمة متمايزه لحد بعيد عن بعضها و إن كانت في الأغلب تتوجه نحو موضوع واحد (المعشوق) .. فهذا مما لا يقدح في مصداقية الحب الرومانسي الحقيقي!!
أخيرا هناك جين يدعى allele 334 (يشفر أحد مستقبلات الفاسوبرسين Vasopresin و هو الهرمون المسئول عن الإرتباط العاطفي) يمكن أن توجد منه نسخة أو إثنان بالرجال و إكتشف إحصائيا أن وجوده يسبب مشاكل للرجل في الإحتفاظ بعلاقة سوية مع الطرف الآخر!! فالرجال الذين يملكون نسختين منه تتضاعف فرصة مرورهم بأزمة زواجية مرتين أكثر ممن لا يملكون أي نسخة منه !! فإحذروا معشر النساء من رقم 334

http://farm2.static.flickr.com/1118/4595442272_121f33c971_m.jpg

و كتكمله مهمة لابد من القول أن هذا الجين قد تم إكتشافه أولا في فأر المروج ..
و قد كان من المعروف أن هناك فئران تبقى وفية لشريكاتها طوال العمر دون خيانة monogomous relationship بينما هناك فئران تتجول و تتعدد علاقاتها كثيرا خاصة مع شريكات الأوفياء أولئك !! و قد إستطاع العلماء تحويل سلوك التعددية للإخلاص الزواجي بحقنها بهرمون الفاسوبرسين !! بينما إستطاعوا أيضا تحويل الإخلاص للتعدد بحرمان الفأر من تصنيع نفس الهرمون .. و يعتقد العلماء حاليا أن الوفرة من الأبحاث بالفئران حول الرباط الثنائي Pair-Bonding يمكن تعديتها على الإنسان لتشابه الأساس الجيني و العصبي لهذا السلوك بينهما !!
و لا عزاء
_______
الإنسان سلوكه الغريزي اللي بيتشارك فيه مع الحيوانات تحت سيطرة الجانب العقلي/الإجتماعي فيه .. فعلميا قشرة الدماغ الأمامية Frontal lobe المسئولة عن التخطيط و التعقل و الشخصية تفوق كل مثيلاتها عند الحيوانات الأخرى بما لا يقارن (أصلا مافي حيوان عنده زيها إلا الشيمبانزي) لذا لا نستطيع الحكم على سلوكياته تماما من التجارب على الحيوان إلا في حدود .. فعامل الإرادة البشرية يلعب دورا هاما هنا .. (ياما في ناس بيولوجيا مخلصين و بيلعبوا بديلهم و العكس صحيح ) ..
http://www.sudaneseonline.com/cgi-bin/sdb/2bb.cgi?seq=msg&board=320&msg=1293517665&page=1&pb=

يلا وريني ده كله علاقته بأن الحب صاغ التطور شنو ؟؟
اللهم إلا إذا أخدنا الفهم المسيحي بتاع God is love

تعرف سؤال بدور ليك قبيل عن أقرب الأديان ليك ..
أنا بقترح البوذية علشان تسامحك الفايت الحد ده (بعد التعديل طبعا) :)
فتكم بعافيه
_________________________________________
كدي بالجنبة كده يا شهاب إيه رأيك نعمل ليك الفحص بتاع الجين 334 ده .. عندك مانع؟ :D :D:D

[بدور التركي]

يقول المهاتما غاندي
عن الحقيقة:

" حيث توجد الحقيقة توجد المعرفة الحقيقية وحيث توجد المعرفة الحقيقية توجد دائما المسرّة 00وليس هناك مكان للألم وكما ان الحقيقة خالدة فإن المسرّة المشتقة منها خالدة"

وكيفية الوصول للحقيقة يقول أيضاً
"ما قد يبدو حقيقة للواحد غالبا ما يبدو خطأ بالنسبة إلى الآخر وإذا ما بذل المرء جهدا صادقا تبيًن له أن الحقائق المختلفة كما تبدو ظاهرا كالأوراق الكثيرة التي تبدو مختلفة تحت أشكال متباينة ومع ذلك نحن نعلم انه واحد..فلا بأس أن يبحث كل فرد عن الحقيقة بحسب تجلياته الخاصة"

[بدور التركي]

يا حلوين يا طاعمين
اجمل منكم عيني ما رأت
لكن آه من حكم القدر

ساعتين وطالعة المطار
وما معروف اصل بتين وأمكن ما اصل
المهم الموضوع ح يبقى حلو وشيق
وما عارفة اقدر اتابعكم ولّ لا!!

يا محمد الحب كمياء بين اتنين
لو حصل انسجام استمرت
ولو في تنافر انقطعت

بالمناسبة كنت بليدة جداً في المواد العلمية
وبالذات الرياضيات وما زلت:D

هووووي
نلتقي في ساعة خير وبركة
عليكم الله اعفو لي وسامحوني
لو بدر مني اي حاجة زعلتكم
وانت كمان يا اللي مخاصمني
سامحني وسامح نفسك
ما ح يجرى حاجة لو عملتها !!

[بابكر مخير]

يا حلوين يا طاعمين
اجمل منكم عيني ما رأت
لكن آه من حكم القدر

ساعتين وطالعة المطار
!!

على وين يا "بت بطوطة" :o

[بابكر مخير]

ما ح يجرى حاجة لو عملتها !!

البامبرز بقآ بسعر السوق ;);)

[بدور التركي]

على وين يا "بت بطوطة" :o

http://www.youtube.com/watch?v=S_iFulbe79E&feature=youtube_gdata_player

[شهاب كرار]

يلا وريني ده كله علاقته بأن الحب صاغ التطور شنو ؟؟
بعد نقتك الكتيرة دي كلها وبتسأل لسة؟

طيب يا ود قرشي

تضاعف مخ الانسان ثلاث مرات في حجمه وتعقيده منذ 2.4 مليون سنة فجر ظهور الانسانيات صانعة الادوات الي يومنا هذا.
هذا التضاعف لم يكن ليكون ممكنا لولا وجود نظام إجتماعي تكافلي يضمن تربية الاولاد، لان زيادة حجم المخ تجعل ولادة الطفل تأتي مبكرا حتى لايكون حجم الرأس عائقا في عملية الولادة.
فالطفل البشري يولد وهو عمليا غير مكتمل مقارنة بغيره من الحيوانات.
عدم الاكتمال هذا يستدعي رعاية الاطفال لفترات اطول مما هو معتاد، وهذه هي ضريبة الميزة التنافسية بلغة التطوريين.
لا توجد طريقة لتحقيق هذا ان غاب الحب!
حب الام والاب لأطفالهما، مفهوم الاسرة الممتدة، الحب بين الزوجين كضمانة لأستقرار عملية التربية ورعاية الاطفال وهكذا...
هل ترى ان نمو مخ الانسان كان يمكن ان يكون ممكنا لو لم يكن الحب بمفهومه الواسع موجودا؟
الحب هو الضمانة الاساسية للنظام الاجتماعي الذي يبدأ بالاسرة، ثم بعده تأتي المصالح المشتركة، وتستطيع ان ترى هذا واضحا في حب الام لأطفالها او حب البالغين للأطفال، هل تستطيع ان تجد تفسيرا لهذا النوع من الحب الا ضمن هذا الاطار؟

---
وأنا بكتب في المداخلة دي جاني ايميل من ماريل بتعلق فيهو على مداخلتك الاخيرة مع تعليمات واضحة بنشره
هناك مفواضات لإثناءها عن موضوع النشر هذا ، ولن انشره لو فشلت المفاوضات:D

[Mohammed Qurashi]

يلا وريني ده كله علاقته بأن الحب صاغ التطور شنو ؟؟

بعد نقتك الكتيرة دي كلها وبتسأل لسة؟

---
وأنا بكتب في المداخلة دي جاني ايميل من ماريل بتعلق فيهو على مداخلتك الاخيرة مع تعليمات واضحة بنشره
هناك مفواضات لإثناءها عن موضوع النشر هذا ، ولن انشره لو فشلت المفاوضات:D

على عجل كده :
- الرابط بتاعك الأول داااك .. إنتقد كلامك ده كلو و قال إنو نتاج Bias غربي لمفهوم الحب الرومانسي و الأسرة النووية و إنو تاريخيا كانت العشيرة كلها هي المسئولة عن التربية و الأخوات كحواضن في المجتمع الإمومي و كده و نقه كتيره بتطيح بمسألة الحوجه للإرتباط الثنائي ده .. فبالله لما تديني رابط حدد موقفك منو الأول .. ما تخُمّني ساي :D
- نقتي الكتيرة دي و نقتك إنت ذاتك بتقول إن التطور صاغ الحب و ليس العكس ( الحب هو القاد الانسان في درب التطور .. حسب تعبيرك في الأول) .. فكتر خيري العملت ليك زي ماركس مع هيجل .. إستعدلت ليك جدليتك المثالية دي :)
- عليك الله يا ماريل ما يحنكك شوتي طوالي و لا أقول ليك رسلي للموقع يدوك عضوية و تعالي أديه على راسو طوالي (أو أديني أنا على راسي .. شهاب ما صرح مغتت عليك ليه و لو أخاف الكضب أقول حتسخيني أنا ده زاتي في عضمي :)) ... مرحب بيك مقدما ياخ !!

نرجع للقراية أم دق :mad:

[قيقراوي]

ثبت أيضا أن الحب الرومانسي يعطل عمل مناطق بالدماغ مسئولة عن التفكير المنطقي و التقدير الصحيح للمواقف الإجتماعية !!
يعني العاشق عندو ريالة بشهادة العلم
____________
هنا .. في موضوعة الهجر و العذاب العاطفي للعلم قول أيضا !!
فقد درست هيلين فيشر أدمغة الـ "مشوكشين" أو المهجورين لترى بماذا تمسك شباكها .. و وجدت الآتي:
أولا : نفس المناطق الدماغية المسئولة عن الألم الفيزيائي (الحريق/الجروح/ ... إلخ) تكون نشطة جدا حين الهجر العاطفي!! (يعني وجع الريدة حقيقي زي حرقة النار واحد بالنسبة لدماغنا)
ثانيا: مناطق الشغف تزداد حدة و نشاطا!! يعني بدل ما تتوقف المشاعر الفياضة بالأحرى هي تزيد لحدي ماتدفق فتزيد عذابنا !!
ثالثا: كيماويات الوسواس القهري تشتغل على آخر مداها و تحولنا لمهووسين بالحبيب بدل ما ننساه !!!

فزي ماشايفين .. كل الآلآم صحيحة و لها أصل بيولوجي و قدر عذاب رباني و مامجرد جرسة بس .. نحن مركبين كدة !!!



لووووووب

و الله يا دكتور كلامك دا واقع لي في جرح عدييييل كدا ...
ما تفهموني غلط ياخ! looool جرح علمي .. بحثي ياخ! ما جرح شاكوش:Dlooool

ايام الجامعة كان عندنا " تنظيمات عاطفية " .. مبنية على مشاهدات - ناس عاديين تماماً - بالتالتالي ممكن تبدو فطيرة بامتياز طبعاً بالنسبة لمتخصصين. لكن حتماً في مجالاتنا ( علوم اجتماعية، ولاحقاً انسانية ) هي كافية لتعميم احكام عامة. و تجميع المفرات/ الافراد في مجموعة متشابهة.
بشكل اساسي كان في تلاتة تنظيمات :
- المشابهة للتوصيف الاول في المقتبس، ديل كان ناس " حزب الدمعة " او الناس " البيض" اللابسين نظارات وردي:D و الكون مختزل ليهم في المحبوب ، و على اقل تقدير هو محوره البدور حوله!;) .. و ديل حسب نظرية حزبنا - التصنيف التالت الذي لم يرد ذكره اعلاه. ببساطة لانو هو الحالة التصحيحية للاعتلالين في المقتبس و البجسدهم في الارض الحزبين الاخرين - المهم في تحليلنا ليهم - في مسألة الرؤية الاجتماعية - و بما يتوافق مع البيولوجيا زي ما تكرمت. انهم معطلين العقل، و الادراك السليم. بالتالي بعانوا من قصر نظر. ما ابعد من تحت اقدام الحبيب، و رضاه!!
- المشابهة لناس الوسواس القهري، الكارهين ذاتم، و الحاقدين على المجتمع. كان اسم التنظيم الاجتماعي البضمهم هو " حزب الشهيد " الشهيد الحيييي :D - المشوكشين - بكون دايماً تفكيرم سلبي. زي عبدو الجاب سيرة البحر مرتين في نفسسسس الليلة:D. في احسن الفروض بلجأوا - كالعادة في حالات الازمات - للتفكير الاستراتيجي / الكوني / الوجودي، لابسط الحاجات. برضو زي عبدو البقى فيلسوف!
شئ علاقة بين يوم السبت وعين الحسود
و الجمال و الجهل سوء الاخيتار
قال شينة قال؟!!looool:D
ديل برضو - حسب تحليلنا - بعانوا من طول نظر اكتر من اللازم. و لابسين نظارات سوداء، مظللة دوكو* خالص:D
عشان كدا نحن مهمتنا في " النقض الاجتماعي " اننا نهد الاشكال المهترئة دي. و نستثمر الطاقات الخلاقة للعاطفة لبناء مجتمع سليم و معافى. و ما فيهو هدر، و تبديد طاقات و قوى الانتاج من ديل او ديل.




--------

* الدوكو - و العهدة على صحبي الكهربائي - هو اشد انواع التظليل سواداً.

يا شهاب فعلن حيرتونا!؟ ( و تونا ما تونا صاحبتي الاتحيرت دي بالمناسبة:D **)
الحوار هنا معكوس بخصوص الحب/ التطور

رايك شنو في ( إلحاد ) نزار قباني ( العاطفي ):
"الحب في الأرض شيء من تصورنا.. لو لم نجده عليها لاخترعناه".

مش دا اساس انكار وجود الله عند كثير من الملحدين!؟
افيدونا افادكم الله بفضله


** صاحبتن لينا اسمها " تونا " كان طوالي بحيروها لينا الناس:D

[شهاب كرار]

بعد ان مورست علي ضغوطات بأساليب لا اخلاقية، دا ايميل ماريل

السلام عليكم ورحمة الله يا أهل سودانيات جميعكم



د.محمد قرشي

معليش على الاحباط، لكن شهاب دا التعب فيو خسارة ساكت، دا لا بحس ولا بشعر...
عاين في الحب جاي يكب ليك النظريات الحافظة حفظ دي...
يا مبر وابوبكر وبدور وفرو جهدكم
الزول دا معندو قلب وما ممكن يجي يوم يحس بالحاجات دي
أنا اقتنعت بي كدا ورضيت بي قسمتي القسما لي ربنا
شهاب عبارة عن مخ صرف، ما ممكن يقتنع بحاجة بدون ما تمر بي راسو الكبير دا...
بس كان ما حبت ميزات كدا كويسة فيهو يعني زي مهندس، والراتب بتاعو ما بطال بيستر الحال وكدا كان طلقتو زماااااااان
بعدين قلت لي بوذية وتسامح، والله ضحكتني يا دكتور، قول ليه كان راجل يحكي اول امس شاكلني في التفون ليه...
بس اسوي شنو، بحبو عديل كدا

[أبوبكر عباس]

بعد ان مورست علي ضغوطات بأساليب لا اخلاقية، دا ايميل ماريلماريل كيفنك؟*
يا زولة و الله الزول لا دايرنو يجي معانا و لا شتين!
أنا والله كنت داير أشوف إلاهو الما داري دا، شن نفرو؟ عشان لو لقينا الزول دا مبسوط نمشي عليهو.
لكن ما يشيلك هم، نحن والله البوم البعجبو الخراب، خليهم يترسوا لينا النار دي،
يمكن نلقى لينا فرقة مفاضلة في الجنة

* تلقاهو شهاب دا، ماريل دي شخصية قاطعا من راسو دا

[أبوبكر عباس]

ماريل انتي وجودك بالنسبة لي لا أدري
نحن لو ما شفنا كي بورد الزول ما بنصدقو

[Mohammed Qurashi]

بعد ان مورست علي ضغوطات بأساليب لا اخلاقية، دا ايميل ماريل

السلام عليكم ورحمة الله يا أهل سودانيات جميعكم



د.محمد قرشي

معليش على الاحباط، لكن شهاب دا التعب فيو خسارة ساكت، دا لا بحس ولا بشعر...
عاين في الحب جاي يكب ليك النظريات الحافظة حفظ دي...
يا مبر وابوبكر وبدور وفرو جهدكم
الزول دا معندو قلب وما ممكن يجي يوم يحس بالحاجات دي
أنا اقتنعت بي كدا ورضيت بي قسمتي القسما لي ربنا
شهاب عبارة عن مخ صرف، ما ممكن يقتنع بحاجة بدون ما تمر بي راسو الكبير دا...
بس كان ما حبت ميزات كدا كويسة فيهو يعني زي مهندس، والراتب بتاعو ما بطال بيستر الحال وكدا كان طلقتو زماااااااان
بعدين قلت لي بوذية وتسامح، والله ضحكتني يا دكتور، قول ليه كان راجل يحكي اول امس شاكلني في التفون ليه...
بس اسوي شنو، بحبو عديل كدا



مرحب حبابك مريال ..
سعيدين بيك كتير و الله ..
قلت لي ما أتعب ؟؟
ياخ أهل مكة أدرى بشعابها .. خلاص تب بعد ده حأناديه بالرفيق* كرار
لكن حكاية شاكلك دي ذكرتني بزول صاحبي جمهوري حبَّ يهزر مع مرته و تصنع الشرقية فقال يلا وراي .. قامت ضحكت و قالت ليه موش ياها العشرة ألف** ديك .. دي ما بتخليك من رجال ورايا !! .. فدحين اللاأدري ده مايحقر بيك :) غايتو يا شهاب طيارتك قامت في البوست ده :) و بالجنبة كده ما تزعلي من بابكر عباس فهوايته المحببه هي إنو يجي يشكك أي زول جديد في روحه .. غايتو يوم كده بيفقع ليه مرارة زول :)
غايتو مخ صرف دي ذكرتني بالفار Brain في سلسلة Pinky & Brain :D:D
و كدي نستنى قيقا حيطلعك تبع أي حزب .. غالبا بتاع الدمعة داك :D
_______________________
* على وزن أي جندي سوفيتي في سيبيريا واقف لوح تلج قدام معسكر إعتقال!
** بالقديم يا أخوانا و دي تكلفة عرس الجمهوريين عموما !!

[قيقراوي]

ماريل انتي وجودك بالنسبة لي لا أدري
نحن لو ما شفنا كي بورد الزول ما بنصدقو

حلوة و معلوبة يا معلم looool
بيكو ياخ انت كدا http://www.sudaneseonline.com/db/attention/070_Thumb_Up.gif
http://www.sudaneseonline.com/db/attention/350_clap.gif http://www.sudaneseonline.com/db/attention/350_clap.gif



-------

يا شهاب قول اتنين ...
و ماشين في السكة نعدlooool

[أبوبكر عباس]

قرشي و قيقراوي
شنو كشفتوا لعبتنا؟
يا أخي أنا داير أزعلها عشان طوالي ترسل تطلب باسورد
و نكون كسبنا زول خطير* زي ماريل دي

* خطيرة بناء على إختيار شهاب كرار

[احمد عبد الرافع]

البوست دي جميل ودسم للغاية
وفيه نقلات جميلة من الدين للمنطق، من الفكر للحب .. ما عارف الجاي شنو
ربما يعتقد البعض أنو لمن ما تكون في وحدة موضوع بتكون الكتابة والمتابعة مرهقة نوعاُ ما .. لكن أنا بفتكر العكس تعدد الموضوعات بخدم ثراء وحيوية الكتابة .
خاصة ونحن عارفين تماماً إنو ما غرض البوست دا ولا البوستات بشكل عام
الوصول لنتائج حاسمة وقاطعة حول ما يطرح من قضايا
....
والأهم أنو رغماً عن عمق الموضوعات المطروقة
اللغة المستخدمة سهلة ورفيعة في نفس الوقت
ولا يخلو من دعابات لطيفة ..

keep up this good work
..

محمد قرشي

أول ما قريت توقيعك فتشت الرابط عشان " أشاهد " قبر كزانتزاكس :D:D:D

[قيقراوي]

قرشي و قيقراوي
شنو كشفتوا لعبتنا؟
يا أخي أنا داير أزعلها عشان طوالي ترسل تطلب باسورد
و نكون كسبنا زول خطير* زي ماريل دي

* خطيرة بناء على إختيار شهاب كرار

لوووووووب

قلت لي ظهرناها عاملة؟:Dlooool




-------

لوووووووول يا شهاب يا فردة

طلعت بتدور بسرعة خلاس!looool

ياخ انا ما شككت في " وجود " ماريل ساااي .. و لا تشكيك في صدقك انت

لكن ما كان عندي دليل مادي " يثبت " وجودها .. شفت كيف " العقل " ( ممكن ) يضلل بانكار " وجود " الموجود .. و ممكن يصل لي " التشكيك " في العلة الاساسية في الوجود ذات نفسه!؟

دا الحساب - الولد و بت - القاعد احسبو ليك انا من قبيل ... ما غيرو.

مش دا موضوع البوست؟
بعدن قول اتنين دي انت فهمتا شنو؟
اني ( تاني ) بعد ( بابكر ) !!؟
يا للهول!! ( او كما قال في مسلسل الاطفال:D )
كرمشت مشاعري ياخ ! .. اهبطني كزعيم لا يقبل ( التاني )* ابداً:D

نعيدو تاني :

1- هو تشكيك البعض - و تتعدد الاسباب بالضرورة - في وجود حاجة اسمها " حب " من اساسو .. " بيت شعر " نزار قباني نموذجاً .. هنا قول واحد يا دوب.
2- تشكيك البعض في وجود " موجود " و متعين، بس المرة دي انت - و وحدك لا شريك لك، على الاقل هنا - البتملك الدليل القاطع على وجوده. بابكر & قيقراوي- لاحظ& بتاعة الجمع " مشترك " نموذجاً**


---------

* الخواجات بقولوا ليك : مافي حاجة اسمها " التاني" .. " اول " بس! .. التاني ، " اول " اللوزرس:D
** الـ ( واو ) حسب رياضيات الله و الرسول بالتضامن مع اللغة بتفيد الجمع مش.. اها شوف حجم الشك دا قدر شنو!؟ رغم انك تمتلك دليل قاطع جداً على تاكيد وجودو!looool

دا المعنى يا حبيب
لتمنى اني اكون وضحت فكرتي؟

بعدين ياخ تاني ما ترصني وراء بابكر مهما كانت الاسباب ... بخسرك و الله:Dlooool:D

تحياتي الاكيدة لماريل .. اسمها جميل طبعاً
و شكنا دا منهجي .. ما مذهبي ... بنحاول ننحت في الصخر ... المافي شنو؟:D
ربنا يهنيكم ياخ .. و ابقي على ولدنا دا عشرة ... سمعتي؟

[مبر محمود]

(الله المحبّة) أخواننا المسيحيين.
(زدني بفرط الحب فيك تحيّرا ) إبن الفارض.
(ادين بدين الحب اني توجهت .. ركائبه فالحب ديني وايماني) إبن عربي.

ولديّ صديقٌ آخر، رجل من ضواحي الهند، عاش في كوكبنا هذا 91 عاماً، قضى منها ستين عاماً وهو علي سفر. جالس الناس، شباب وشيوخ وأطفال، حاضرهم وجادلهم في أي شئ، وكان لا ينفك يردّد (من خلال تغيير كامل في قلوب الأفراد وعقولهم* يمكن أن يحدث تغيُّر في المجتمع وسلام في العالم). إنه العم "كريشنامورتي":
الحقيقة أرض بلا دروب. ليس بمقدور الإنسان أن يدنو منها عبر أي تنظيم، عبر أي معتقد، عبر أية عقيدة أو كاهن أو طقس، ولا عبر أية معرفة فلسفية أو رياضة نفسانية. عليه أن يجدها عبر مرآة العلاقة، عبر فهم محتويات ذهنه هو، عبر الرصد، وليس عبر التحليل الفكري أو العقلاني أو التشريح الاستبطاني.

لقد بنى الإنسان تصورات عديدة في خياله سياجَ أمان طوَّق به نفسه – من صور دينية، وشخصية، وسياسية. تظهر هذه الصور على هيئة رموز وأفكار ومعتقدات، ويسيطر عبؤها على تفكير الإنسان وعلاقاته وحياته اليومية. وهذه الصور هي سبب مشكلاتنا حيث تفرق بين إنسان وآخر. إدراك المرء للحياة مقولب على المفاهيم التي رسخت مسبقاً في ذهنه. ومحتوى وعيه هو كل وجوده، وهو يشترك في هذا المحتوى مع البشرية جمعاء. الفردية هي مجرد الاسم والشكل والثقافة السطحية المكتسبة من التقاليد والبيئة التي نشأ فيها. إن فرادة الإنسان ليست في السطحية، بل في التحرر التام من محتوى وعيه الذي هو الشيء المشترك بينه وبين سائر البشرية. لذا فهو ليس فردياً.

الحرية ليست ردَّة فعل، ولا هي الاختيار. إنه لمن زعم الإنسان وحسب أن حرية الاختيار هي الحرية حقاً. الحرية هي الرصد الصافي بدون جهة، بدون خوف من العقاب والثواب. الحرية مجردة من أي حافز. الحرية ليست عند نهاية تطور الإنسان، بل هي تكمن في الخطوة الأولى من وجوده. بالرصد نبدأ اكتشاف انعدام حريتنا. توجد الحرية في إدراكنا المتواصل، المتحرر من الاختيار، لوجودنا ونشاطنا اليوميين.

الفكر هو الزمن. الفكر وليد التجربة والمعرفة الملازمين للزمن والماضي. الزمن هو العدو النفسي للإنسان. فأفعالنا كلها متكئة إلى المعرفة، وبالتالي على الزمن؛ لذا فإن الإنسان دائماً عبد للماضي. الفكر – أياً كان – محدود دائماً، ولذلك نعيش في صراع ومكابدة دائمين. ليس هناك تطور نفسي.

عندما يصبح الإنسان واعياً لحركة أفكاره يرى ويكتشف أن هذا الانقسام بين المفكر والفكر، بين الراصد والمرصود، بين المختبر والخبرة، ما هو إلا وهم، عندئذٍ فقط يوجد الرصد الصافي الذي هو بصيرة بدون أي ظل أو شوائب من الماضي أو الزمن. تجلب هذه البصيرة اللازمنية تحولاً جذرياً وعميقاً في الذهن.

النفي المطلق هو جوهر الإيجاب. عندما يكون هناك إنكار ونفي تام لكل تلك الأشياء التي أتى بها الفكر على نحو نفسي، عندئذٍ تكون هناك محبة، هي رحمة وفطنة

* تحيّاتي يا ماريل.. الكُفر عتبة من عتبات الإيمان.

[Mohammed Qurashi]

محمد قرشي

أول ما قريت توقيعك فتشت الرابط عشان " أشاهد " قبر كزانتزاكس :D:D:D

حلوة و ملعوبة يا أحمد :D
و شكرا على التقريظ اللطيف للبوست السمح زي سيدو ده ..
أها شاهد يا زول المافي شنو :)

http://farm6.static.flickr.com/5168/5216425947_961aacb41d.jpg

http://kazantzakispublications.org/greek/galleries/6.O_Apoxairetismos/20.jpg

إنت يا شهاب الزول ده برضو لا أدري .. موش كده !!
______________________________________
في الأصل هذه الكلمات المنقوشة على الشاهد Tomb Stone تحكى عن قصة هندية قديمة (الهنود الحمر) .. حيث تورط أحدهم في تيار قوي أخذ يقربه من شلال هادر ذو موت محقق .. و لما يئس من النجاه .. رمى المجداف و رفع ذراعيه و أخذ ينشد قائلا :"فلتحمل الريح أغنيتي .. لا آمل في شيء .. لا أخاف من شيء .. أنا حر !!" .. حتى إبتلعه اليم !!

[شهاب كرار]

قيقا يا حبيب

لكن ما كان عندي دليل مادي " يثبت " وجودها .. شفت كيف " العقل " ( ممكن ) يضلل بانكار " وجود " الموجود .. و ممكن يصل لي " التشكيك " في العلة الاساسية في الوجود ذات نفسه!؟


اي دا ما كلام اللاادرين ذاتو ، اها النقول ليك :D
الوضع الطبيعي ان "تشك" في وجود ماريل ما دمت لا تملك دليل على وجودها ، لا تنكره ولكن "تشك" في وجوده وتكون صادقا مع نفسك وتقول "لا أدري" ان كانت موجودة أم لا.
وفي حال توفر الدليل "المقنع بالنسبة لك" على وجودها تنتقل من خانة الشك في وجودها الي حالة التقين بأن ماريل شخص حقيقي...
شفتا كيف؟ :D

[Mohammed Qurashi]

بما إننا سحبنا شرف البوذية من شهاب بعد وشاية ماريل به .. فحنقوم نديها لمبر طوالي بعد إقتباسه ده .. لولا إنو طبزها في النهاية :) .. ياخي يا مبر تابع الزول ده لا أدري سااااي .. لسه ماطلعها في الكفر !! .. طبعا كلام كريشنا ده وراني ليه زول صاحبي جمهوري و طبعا هو بيحتاج لمزاج جمهوري لبلعه كاملا بضبانته :) .. لكن بس خليني أجيب ليك كلام شيخي أنا في الموضوع ده .. عمك آينشتين :D

The distinction between past, present, and future is only a stubbornly persistent illusion

The only reason for time is so that everything doesn't happen at once


و كدي خلي الباقي للزعمطه الناويها ليك بعد الإمتحانات :) :)
_____________________________________
إنتو يا جماعه قيقراوي ده بيرد على مداخلة شبحية و لا بيهضرب ؟؟
مافهمنا حاجه

[قيقراوي]

بما إننا سحبنا شرف البوذية من شهاب بعد وشاية ماريل به .. فحنقوم نديها لمبر طوالي بعد إقتباسه ده .. لولا إنو طبزها في النهاية :) .. ياخي يا مبر تابع الزول ده لا أدري سااااي .. لسه ماطلعها في الكفر !! .. طبعا كلام كريشنا ده وراني ليه زول صاحبي جمهوري و طبعا هو بيحتاج لمزاج جمهوري لبلعه كاملا بضبانته :) .. لكن بس خليني أجيب ليك كلام شيخي أنا في الموضوع ده .. عمك آينشتين :D


و كدي خلي الباقي للزعمطه الناويها ليك بعد الإمتحانات :) :)
_____________________________________
إنتو يا جماعه قيقراوي ده بيرد على مداخلة شبحية و لا بيهضرب ؟؟
مافهمنا حاجه

ركزي في ورقتك .. و زعمط لينا مبر انت ..looool:D

الشبح فهمني و رد لي كمان ..

لوووووووووول

[Mohammed Qurashi]

ركزي في ورقتك .. و زعمط لينا مبر انت ..looool:D

الشبح فهمني و رد لي كمان ..

لوووووووووول

كدي ركز إنت الأول و وريني ضمير المؤنث الحايص ليك ده جايي من وين :)
عمك فرويد قال زلات اللسان و الأحلام هما الطريق الملكي لمحتويات اللاوعي :D

لو عرفنا ليك حبيبة كنا فتناك معاها بالدقسه دي لوووووووووول

[قيقراوي]

كدي ركز إنت الأول و وريني ضمير المؤنث الحايص ليك ده جايي من وين :)
عمك فرويد قال زلات اللسان و الأحلام هما الطريق الملكي لمحتويات اللاوعي :D

لو عرفنا ليك حبيبة كنا فتناك معاها بالدقسه دي لوووووووووول

لووووووووب

العبارة اصلاً كان مفروض تكون كدا ( ركز لي .... )
و لو بتلاحظ انو في كتير من مداخلاتي .. كتير من الحروف الساقطة ..
خصوصاً الحروف المتطرفة زي " د، ذ، ض، ش ...اللخ الللخ "
لكن بيني و بينك سقوط الـ ( ل ) دي غريبة! لانها وسطية تماماً .. و انا زول وسطي
الياهو اظنو كلام عمك فرويد بي ذاتو:D






-------

لووووول فرويك بتاع قلبك!؟
دا محسن صاحبي انتهى ليك منو:Dlooool

انا بدل الواحد عندي 3 حبيبات ...
اتنين منهن من دمي رسمي ي ي ي
سيبكن حين موتي دون زيف .. خاصة الانسة شلوفة .. اصغرهن و اكثرهن جمالاً
فيها حلاة دين جعرة !؟
يا ضل ضحانا الليلة الحر جانا:D
يا غتانا البرد جانا .. و هكذا من المواويل الشعبية:D

[مبر محمود]

بما إننا سحبنا شرف البوذية من شهاب بعد وشاية ماريل به .. فحنقوم نديها لمبر طوالي بعد إقتباسه ده .. لولا إنو طبزها في النهاية :) .. ياخي يا مبر تابع الزول ده لا أدري سااااي .. لسه ماطلعها في الكفر !! ..مع إني ما فاضي (لانو ما عندي إمتحانات ولا حاجة) لكن الرد الرد، السد السد، أو كما هتف وزير دفاعنا المبجل.

أولاً يا محمّد، حقو نستلف من حسبو وصفو لمحسن ونجي نلصقوا ليك إنتَ دا في رقبتك
فحقيقي "جليتها واقفه" ..
ياخي مداخلتي الفوق دي موجهه بالأساس لماريل.
فحواها إنو الناس العلى شاكلة شهاب ديل، جميلين، ومليانين محبّة، وقلوبهم عامرة
وعشان كده لونت ليها جملة تغيير القلوب والعقول الفي كلام العم كريشنا.
يعني المداخلة كانت مداخلة تضامنية بحته، دعماً لمشروع شهاب كرار العاطفي.

ثانياً، أنا في رائي إن اللا ادرية، ما هي إلا الوجه الحركي للبوذية
فالمتدينون البوذيون لا يؤمنون بوجود إله (لا إله إلا القيمة)، ويقولون علي الإنسان أن يترقى حتى يتخلص من حيوانيته تماماً ومن ثمه يبلغ مرتبة البوذا، وبوذا في اللغة الهندية تعني "الواعي اليقظ المستنير".

عليك الله يا محّمد تاني ركّز معانا،عشان تزعمطني كويس، وعشان الشامت قيقراوي إنتظارو ما يطول

ولك المحبة كلها

[Mohammed Qurashi]

مع إني ما فاضي (لانو ما عندي إمتحانات ولا حاجة) لكن الرد الرد، السد السد، أو كما هتف وزير دفاعنا المبجل.

أولاً يا محمّد، حقو نستلف من حسبو وصفو لمحسن ونجي نلصقوا ليك إنتَ دا في رقبتك
فحقيقي "جليتها واقفه" ..
ياخي مداخلتي الفوق دي موجهه بالأساس لماريل.
فحواها إنو الناس العلى شاكلة شهاب ديل، جميلين، ومليانين محبّة، وقلوبهم عامرة
وعشان كده لونت ليها جملة تغيير القلوب والعقول الفي كلام العم كريشنا.
يعني المداخلة كانت مداخلة تضامنية بحته، دعماً لمشروع شهاب كرار العاطفي.

ثانياً، أنا في رائي إن اللا ادرية، ما هي إلا الوجه الحركي للبوذية
فالمتدينون البوذيون لا يؤمنون بوجود إله (لا إله إلا القيمة)، ويقولون علي الإنسان أن يترقى حتى يتخلص من حيوانيته تماماً ومن ثمه يبلغ مرتبة البوذا، وبوذا في اللغة الهندية تعني "الواعي اليقظ المستنير".

عليك الله يا محّمد تاني ركّز معانا،عشان تزعمطني كويس، وعشان الشامت قيقراوي إنتظارو ما يطول

ولك المحبة كلها

أها إنت جليتها واقفه دبل :D
موش في نهاية مداخلتك الإجتهدت في شرحها فوق هنا (و الواضحة في مراميها التضامنية بالضرورة لعلمك .. إلا إذا إفترضت الغباء أو سوء الطوية) .. قلت لماريل :

* تحيّاتي يا ماريل.. الكُفر عتبة من عتبات الإيمان.

يعني بس لو إستبدلت كلمة الكفر دي باللاأدرية كان خلعنا عليك مقام المتبوذ (من بوذا) :) .. بعدين ياخ ماحاسي في كلامك ده كلو غمط لحق شهاب في اللإعتقاد و في مفارقة منظومة اليقين دي كلها ؟؟ .. قايل نفسك بتشكر فيهو لما تطلعوه طالع في أول عتبة السلم اللي نهايتها بوذا دي :D
كان دي مشاهدك .. بعفيك من الزعمطة :) :)

[سمراء]

محمد قرشى ماممكن تهنضبنا بالامتحانات من الصفحة الاولى ...وتجى تانى :D
غايتو لو بقت دى متاوقة ساى ، استعد للسقوط ...
خسوسن وكت دخل " مبر" قدس الله جهره

[مبر محمود]

بعدين معاك يا محمّد.. يعني نحن نكتب المداخلة ونشرحها كمان؟
المداخلة بديناها بالمسيحيين وتدرجنا بها مروراً بالمسلمين و(الا ادرية البوذيين) وختمناها بالكفار
يعني "الكل" عندو في المحبة نصيب.


كلها في الثرى دوافع خير

[شهاب كرار]

بعدين معاك يا محمّد.. يعني نحن نكتب المداخلة ونشرحها كمان؟
المداخلة بديناها بالمسيحيين وتدرجنا بها مروراً بالمسلمين و(الا ادرية البوذيين) وختمناها بالكفار
يعني "الكل" عندو في المحبة نصيب.


كلها في الثرى دوافع خير

مع احترمنا البالغ لشخصكم الكريم يا محمد قرشي
فإن مبر زعمطكم زعمطة من لا يخشى الريش :D
والعاقبة عندكم في المسرات :D

[قيقراوي]

مع احترمنا البالغ لشخصكم الكريم يا محمد قرشي
فإن مبر زعمطكم زعمطة من لا يخشى الريش :D
والعاقبة عندكم في المسرات :D

انت و مبر فرحانين بجلية الكورة!؟

اها رايكم شنو في البجيب قون في نفسو عدييييل!؟looool
:D:D:D

[قيقراوي]

قيقا يا حبيب



اي دا ما كلام اللاادرين ذاتو ، اها النقول ليك :D
الوضع الطبيعي ان "تشك" في وجود ماريل ما دمت لا تملك دليل على وجودها ، لا تنكره ولكن "تشك" في وجوده وتكون صادقا مع نفسك وتقول "لا أدري" ان كانت موجودة أم لا.
وفي حال توفر الدليل "المقنع بالنسبة لك" على وجودها تنتقل من خانة الشك في وجودها الي حالة التقين بأن ماريل شخص حقيقي...
شفتا كيف؟ :D

عليك نور و كهرباء كمان ... المافي شنو؟
سددتهم؟:D
لووووووووول
ادري انه مذهب اللا ادري
يلا عندي تحفظين على الكلام دا :
اولاً " الشك " ذاتو انواع .. و قصدت اوضح في اعتذاري لماريل انو " شكنا " كان منهجي .. مفضي ليقين زي ما انت اتفضلت و خصيت بيهو اللادريين كيف لا ادري!؟
و دا بقودنا لشككم .. الليهو مذهبي .. حيث لا يقين بتاتاً .. في حالة شك طواااالي .. اصلو شنو هو ياخ!؟:D
و دا ما ديالكتيك هيغل ( الاطروحة، الطباق، الاثبات) دا مقبول على الاقل لي انا دا ..
لانو بفسر حركة الفكر .. من حالة اليقين .. نفي .. نفي النفي ( الاثبات ) و دا استقرار مؤقت لحدي ما يتولد تناقض جديد .. و هكذا دواليبك:D

هل اللادريين عندهم يقين؟
سم سانين : وجود ماريل محدود، عشان كدا يمكن اثباته لعقل ( محدود ) لكن الشورة كيف مع ( مطلق )!؟
ما ح تقبل حجتي دي مش؟
ما طالبك حاجة يازول ... كفاية علي في المرحلة دي اجهجه باكاتك ساي ..
المرة الجاية بتدخلا في قونك براك:D:D

[شهاب كرار]

انت و مبر فرحانين بجلية الكورة!؟

اها رايكم شنو في البجيب قون في نفسو عدييييل!؟looool
:D:D:D

يا عمك
أنا بس داير المؤمنين يوحدوا مواقفم التفاوضية سريع :D
او واحد يغلب التاني والغالب يلاقيني في الكاس* :D
---

*الكاس= المبارة النهائية :D

[شهاب كرار]

اولاً " الشك " ذاتو انواع .. و قصدت اوضح في اعتذاري لماريل انو " شكنا " كان منهجي .. مفضي ليقين زي ما انت اتفضلت و خصيت بيهو اللادريين كيف لا ادري!؟
و دا بقودنا لشككم .. الليهو مذهبي .. حيث لا يقين بتاتاً .. في حالة شك طواااالي .. اصلو شنو هو ياخ!؟

أها بس هنا دا مربط الفرس

نحن بنهتم بي كلام فارغ كدا اسمو ال Consistency
ودي حاجة إختيارية طبعا في ما يخص حياتك الخاصة
يا تختار تكون كونسيست زيي كدا :D
يا ما كونسيست زيك :D
لا يقين يعني لا يقين بأي حال من الاحوال
بغض النظر عن القضية المطروحة شنو
بعدين الشك الطواااالي دا كان قدرت تتعلم تستفيد منو ما حاجة سمحة خلاص
اولا بتضع دايما نصب أعينك احتمال كونك مخطئ - لاتتعصب لرأي ابدا...
تاني شي تتقبل نفسك الانتقال من حال الي حال دون عناء - تتخلص من المكابرة
تالت شي تحترم اراء الناس التانين مهما بدت سخيفة وخالية من المنطق - لأنو المنطق زاتو في عضمو قابل للتغيير والتبديل

أها وكان قدرت تضع صيغة بينك وبين نفسك تلم بيها الحاجات التلاتة الفوق ديل مع اليقين التام، عوجة تب مافي وما في داعي للنقاش من اساسو ودا المطلوب بس لا أكثر ولا اقل.

[قيقراوي]

أها بس هنا دا مربط الفرس

نحن بنهتم بي كلام فارغ كدا اسمو ال Consistency
ودي حاجة إختيارية طبعا في ما يخص حياتك الخاصة
يا تختار تكون كونسيست زيي كدا :D
يا ما كونسيست زيك :D
لا يقين يعني لا يقين بأي حال من الاحوال
بغض النظر عن القضية المطروحة شنو
بعدين الشك الطواااالي دا كان قدرت تتعلم تستفيد منو ما حاجة سمحة خلاص
اولا بتضع دايما نصب أعينك احتمال كونك مخطئ - لاتتعصب لرأي ابدا...
تاني شي تتقبل نفسك الانتقال من حال الي حال دون عناء - تتخلص من المكابرة
تالت شي تحترم اراء الناس التانين مهما بدت سخيفة وخالية من المنطق - لأنو المنطق زاتو في عضمو قابل للتغيير والتبديل

أها وكان قدرت تضع صيغة بينك وبين نفسك تلم بيها الحاجات التلاتة الفوق ديل مع اليقين التام، عوجة تب مافي وما في داعي للنقاش من اساسو ودا المطلوب بس لا أكثر ولا اقل.

لووووووووب
انا فرزت ديل من ديلا ما ساي يا شهاب
داير تطلعني ما متسق!؟:D

الشك المذهبي دين .. الالحاد دين ( اللادين ) .. اللخ اللخ
لانو فيهو ثبات .. ثبات على حالة اللايقين ..

عشان كدا فرزت الديالكتيك .. المحتوى الداخلي للحركة
انا بتهمني الحركة خالص خالص .. هي اتساقي المشتهيو ..



----

بالله:D
و الله ضحكت في ي ي نفسي .. و انا امارس سرقة الخط و دخول النت اثناء ساعات العمل الرسمية:D

عاوز اقول ليك " بالله اقراها مقرونة بمداخلتي اللاولى في بوست زهرة الغرق " بخصوص عدم الثبات ديك.

[شهاب كرار]

داير تطلعني ما متسق!؟

حاشاك يا قيقا من عدم الاتساق، وإنما هي المكاواة فقط لا غير

الشك المذهبي دين .. الالحاد دين ( اللادين ) .. اللخ اللخ
لانو فيهو ثبات .. ثبات على حالة اللايقين ..

الشك فيهو ثبات دي جديدة علي النصيحة ليك يا قيقا
الكلام دا بدخلك في مغالطة شهيرة وقديمة ما اتحلت الا بنظرية الفئة بعد ما اية الله العظمى راسل رد اصول الرياضيات للمنطق.

طبعا انت زي ما عارف انو اي مجموعة جزئية من نفسها
يعني مثلا اذا كان عندنا المجموعة
A={a,b,c} for example
المجموعات الجزئية منها هي:
{} , {a} , {b} , {c} , {a,b} , {a,c} , {b,c}
وأخيرا المجموعة A في عضما
أها لو قمنا لمينا كل المجموعات الجزئية من نفسها في مجموعة واحدة سمينها مجموعة المجموعات الجزئية من نفسها، المجموعة دي حا تكون جزئية من نفسها ولا لا؟
النتيجة طبعا تناقض، لانها اذا كانت جزئية من نفسها فلن تكون جزئية من نفسها!
أنا في مواضيع التفكير المجرد الزي دي ما بحب ضرب الامثال لانها بتدخل في مغالطات ليها علاقة بي بناء المثل نفسو اكتر من الهيكل الاساسي للفكرة.
لكن نضرب المثل بس خت في بالك انا ما قاصد المثل ذاتو انا قاصد الفكرة الفوق دي، اها نضرب المثل الضربو راسل ذاتو.
لو كان عندنا ملاحظة بتقول: إن عمدة المدينة إما ان يكون مقيم في مدينته التي يحكمها او ان يكون مقيم خارجها، فقرر الحاكم بناء مدينة اسمها مدينة العمد الذين يعيشون خارج مدنهم، عمدة هذه المدينة - مدينة العمد - اين سيعيش؟
إذا قلنا في مدينته فإنه سيكون من العمد الذين يعيشون في مدنهم وبالتالي يجب ان لا يعيش في هذه المدينة !

وقعت الفكرة؟
أها راسل حلا التناقض دا عن طريق ما يعرف بنظرية الانماط، ونظرية الانماط اثرت على اي شي في الرياضيات الحديثة حتى في طريقة كتابة الفئات.
راسل يقول ان مجموعة كل المجموعات هذه عناصرها من نمط اخر يختلف عن عناصر المجمواعات التي كونتها، ودي قصة شرحها حا يطول ...
يعني عمدة مدينة العمد هذا هو عمدة عمد وليس عمدة مواطنين، يعني هو من نمط مختلف أعلى..
فعندما تقول عن الشك انه يتضمن ثبات تكون قد حكمت على الشك - الذي هو من نمط - بالثبات الذي هو من نمط اخر..
تمام كدا؟


---------
و الله ضحكت في ي ي نفسي .. و انا امارس سرقة الخط و دخول النت اثناء ساعات العمل الرسمية
ياعمك انا قصدي الصيغة دي ماف ما موجودة، يعني في داعي للنقاش :D

[قيقراوي]

الشك فيهو ثبات دي جديدة علي النصيحة ليك يا قيقا


الثبات في " حالة اللايقين " مع سبق الاصرار و الترصد.

الشك المنهجي واضح زي ما بقترح " منهج " الظاهرة على آخره.
لكن لو ما افضى ليقين كلو كلو، يبقى هو، في ذاته ( مذهب ) عديل .. شك طواااااالي ..
فلمن تنفي " اليقين" و بيقينية تامة، من النوع ابو كديس، زي بتاعة قون مبر في مرماه بهناك ديك :D
و تقول لي " مافي يقين " كلو كلو. دا جمود، و ثبات، ودين في ذاته.
شفت كيف؟

عرفت الثبات البتكلم عنو انا؟

الشك .. بتنفي .. و النفي بتنفي
تختل " حالة " اليقين مرة تانية .. و تقوم تتناقض من جديد لشك جديد ..
و تاني نرجع لذي بدء ..

و قومي كدا انت يا المرا موتي:D

[Mohammed Qurashi]

Giga
don't let him intimidate you by russell and his famous paradox .. the truth is that Russell's solution is heavily criticized !! .. look here for example :

Russell does not offer a solution to the paradox, rather his theory of types avoids the paradox. The function (x e x) cannot be expressed within his type theory.
----------------
I just wonder if you have heard of ZFC or NF or NGB? They are all consistent axiom schemes for set theory. All of them avoid Russel's paradox in the sense that they have adjusted their axioms so that it does not occur.

http://groups.able2know.org/philforum/topic/3223-1


so go ahead .. you still have a valid point :D

[قيقراوي]

Giga
don't let him intimidate you by russell and his famous paradox .. the truth is that Russell's solution is heavily criticized !! .. look here for example :


so go ahead .. you still have a valid point :D

لوووووووووب

قلت كدي؟
ح نواصل في ارباك دفاعو حتى نلقى لينا " ثلعب " يدفع الكورة في مرماه:D




------

ياخ رسل دا عندو راي في النظم و البناءات الاجتماعية، ظنيتها - غير آثم - لافقة مع كلام القطب الغوث إنشتاين الجبتو فوق لمبر داك.
لو ممكن ترجمة عربية صميمة ليهو ياخ!

[شهاب كرار]

Giga
don't let him intimidate you by russell and his famous paradox .. the truth is that Russell's solution is heavily criticized !! .. look here for example :


so go ahead .. you still have a valid point :D
يا محمد الزول دا بيتخبط ساي
وزي ما قال ليهو البناقش فيهو دا دى منطق اريكة ساي لكن ما بطال ، عاين زي دي:
if R is >= then Ax (x>=y <->x>=x).


URL: http://groups.able2know.org/philforum/topic/3223-1
في زمتك يا محمد التعميم دا صاح؟؟:D

[Mohammed Qurashi]

يا محمد الزول دا بيتخبط ساي
وزي ما قال ليهو البناقش فيهو دا دى منطق اريكة ساي لكن ما بطال ، عاين زي دي:
if R is >= then Ax (x>=y <->x>=x).


URL: http://groups.able2know.org/philforum/topic/3223-1
في زمتك يا محمد التعميم دا صاح؟؟:D

غايتو يا شهاب رميت ليك الصنارة و الشرك قبض :)
أنا عارف الزول ده هاوي ساي و إخترت الرابط ده بالذات علشان تجي تبزبط لي كده !!
المنطق ده من مجالات إهتمامي الرئيسية و قريت فيه قراية صاح .. الشاهد إنو متناقضة رسل دي و حله ليها مما عفى عليهم الزمان .. هو زاتو ماكان راضي عنها آخر أيامه (ماتقول لي جيب الدليل علشان مابقدر أفتش كتبه أسي .. أنا الزول ده بريده شديد و بعشق كتاباته) .. يلا هاك الإقتباس ده من ناس ستانفورد (بالمناسبة ده من أجمل الموسوعات الفلسفية القوية و الجميلة لازم تتصفحه كويس) ..

Although Russell first introduced his theory of types in his 1903 Principles of Mathematics, type theory found its mature expression five years later in his 1908 article, “Mathematical Logic as Based on the Theory of Types,” and in the monumental work he co-authored with Alfred North Whitehead, Principia Mathematica (1910, 1912, 1913). Russell's type theory thus appears in two versions: the “simple theory” of 1903 and the “ramified theory” of 1908. Both versions have been criticized for being too ad hoc to eliminate the paradox successfully. In addition, even if type theory is successful in eliminating Russell's paradox, it is likely to be ineffective at resolving other, unrelated paradoxes.

Other responses to Russell's paradox have included those of David Hilbert and the formalists (whose basic idea was to allow the use of only finite, well-defined and constructible objects, together with rules of inference deemed to be absolutely certain), and of Luitzen Brouwer and the intuitionists (whose basic idea was that one cannot assert the existence of a mathematical object unless one can also indicate how to go about constructing it).

Yet a fourth response was embodied in Ernst Zermelo's 1908 axiomatization of set theory. Zermelo's axioms were designed to resolve Russell's paradox by again restricting the Comprehension axiom in a manner not dissimilar to that proposed by Russell. ZF and ZFC (i.e., ZF supplemented by the Axiom of Choice), the two axiomatizations generally used today, are modifications of Zermelo's theory developed primarily by Abraham Fraenkel.

Together, these four responses to Russell's paradox have helped logicians develop an explicit awareness of the nature of formal systems and of the kinds of metalogical and metamathematical results commonly associated with them today.

http://plato.stanford.edu/entries/russell-paradox/

يلا عاوزك تركز لي في مسألة ماوراء المنطق دي Metalogic لأنها السبب في مشكلة تفسير رسل في تقديري .. لأننا لما نحقن معاني Semantics في نظام تجريدي صرف علشان نحل تناقض معين فيه بنكون بنلوث نقاء الإستدلال من المسلمات بالقواعد المنطقية المعروفة .. في تقديري المحاولة الرابعة بتاعة تغيير المسلمات أجدى كتير ..
و على كل حال .. ده مفروض ينبهك للحذر من إستعمال نتائج قضايا مجادلات منطقية صرفه في حوار قايم على الحس المشترك Common sense .. لأن قيقراوي ببساطة كان بسألك عن إستعدادك لتقبل فكرة وجود حقيقة مطلقة أو يقين إذا ماأوصلك درب الشك لشيء كهذا .. يعني من وجهة نظر نفسية (ما منطقية) هل إنت رافض اليقين مبدئيا دون أدلة و لا عندك إستعداد نفسي لتقبله إذا ما مررت بالخبرة الكافية بالنسبة لك للإطمئنان إليه ؟؟

بس ما أكتر :p

[شهاب كرار]

محمد قرشي
في الاول خلعتني في التلفون
قلت الزول دا الليلة زعمطني زعمطة الذين زعمطو، ياخ ابراهم فرانكل دا صاحبي عدييل كدا...و ZF و ZFC سألتك منهم بالاسم في التلفون.
الموجة بتاعت الميتا Meta دي ممكن تسميها الموجة الريمانية بجدارة واستحقاق، وبدت من الهندسات اللااقليدية وبعد داك عيييك كل زول جاب الميتات بتاعت مجالو بتغيير المسلمات الاساسية في كل نظام. تبدا بي مسلمات تنتهي بي نظام مختلف، وحسب مبرهنة جودل توجد دائما نظرية واحدة على الاقل لا تستطيع برهنتها ضمن مسلمات النظام، “G cannot be proved to be true within the theory T”.
بالمناسبة دا سبب قبولي بالميتافيزيكس :D
بالنسبة للنقاش مع قيقا الوضع مختلف تماما...
نحن بنتناقش ضمن إطار معين، ومنطق راسل شغال ضمن الاطار دا، يعني يا محمد قرشي، كان عندي مسألة بتاعت فيزياء من بتاعات زمان ديل "ناس قذف حجر بسرعة ما عارف ايه ديك" أقوم استخدم تحويلات لورنز ومعادلات انشتاين للحركة؟ دي تبقى عوارة مني ساي بس :D
قيقا بيتعامل مع الشك واليقين بإعتبارهم اضاد او يا اي يا لا، والمسألة ما كدا، انا الداير اقولو ليهو ياهو كلامك السألتني منو
. يعني من وجهة نظر نفسية (ما منطقية) هل إنت رافض اليقين مبدئيا دون أدلة و لا عندك إستعداد نفسي لتقبله إذا ما مررت بالخبرة الكافية بالنسبة لك للإطمئنان إليه ؟؟
اليقين تحديدا حالة نفسية ذاتية، يعني مافي طريقة تنقل بيها يقينك لي زول تاني بشكل اوتوماتيكي مالم يكون في عامل نفسي (صاحبك بيثق فيك مثلا)، وكل زول بدرجة ما عندو نسبة من اليقين بتحدد سلوكو اليومي لكن اليقين دا غير مبرر منطقيا، يعني انا اسي لو ما متيقن انو الدكان بيبيع سيجاير والقروش بشترو بيها السجاير ما بقوم من محلي دا بعد ما اتم المداخلة عشان اشتري سجاير ، لكن ممكن أمشي وألقى الدكان قافل، او السجاير منعو، او العملة غيروها، يعني مبررات الشك بتكون موجودة بالمنطق لكن على المستوى العملي انت بتتعامل بكل يقين الدنيا..
الفكرة زي العلاقة بين ميكانيكا نيوتن ونسبية انشتاين، كلو شغال في حدود..
بالنسبة لي لا استطيع هضم اليقين التام، وأظن ان تركيبتي النفسية هي السبب ..

محبتي التي تعلم

[قيقراوي]

قيقا بيتعامل مع الشك واليقين بإعتبارهم اضاد او يا اي يا لا، والمسألة ما كدا، انا الداير اقولو ليهو ياهو كلامك السألتني منو


الكلام دا ابداً ما صحيح!
دا فهمك لي كلامي بنقبل ..
لكن بالنسبة لـي ( الشك / اليقين ) انا ما خاتيهم اضاد و لا نقائض ( عارف الفرق؟ )
ضد اليقين = اللايقين ..
استخدمتها مليون مرة في المداخلات

و الشك ذاتو انا بتعامل معاو في حالاتين حركة و ثبات
و كررتها برضو مليون مرة

اها لسة مصر على الكلام دا .. و ل نمشي للبعدو؟

النقاشات الزي دي ما مجدية يا شهاب يا فردة

[شهاب كرار]

نمشي للبعدو طبعا، في احلى من الايجابية :cool:

[قيقراوي]

نمشي للبعدو طبعا، في احلى من الايجابية :cool:

الايجابية وين يا شهاب؟

انت زعمت زعم صاعق زاعق و انا اعترضت عليو ..
يبقى الايجابية في انك تثبتو، او تعتذر عنو لانو تشويه لما طرحتو انا. المسألة ما تبقى تحصيل نقاط و السلام.


دا زعمك :



قيقا بيتعامل مع الشك واليقين بإعتبارهم اضاد او يا اي يا لا، والمسألة ما كدا، انا الداير اقولو ليهو ياهو كلامك السألتني منو


و دا ردي :

الكلام دا ابداً ما صحيح!
دا فهمك لي كلامي بنقبل ..
لكن بالنسبة لـي ( الشك / اليقين ) انا ما خاتيهم اضاد و لا نقائض ( عارف الفرق؟ )
ضد اليقين = اللايقين ..
استخدمتها مليون مرة في المداخلات

و الشك ذاتو انا بتعامل معاو في حالاتين حركة و ثبات
و كررتها برضو مليون مرة

اها لسة مصر على الكلام دا .. و ل نمشي للبعدو؟

النقاشات الزي دي ما مجدية يا شهاب يا فردة
يلا قول بسم الله كدا :D
و اتوكل عليهو و عشان ما يبقى كلام ساي ..
يلا افتل لي اثبات يليق لزعمك اعلاه، من دقن مداخلاتي في البوست دا، او من كووول البورد .. او حتى من بوردات مجاورة .. المافي شنو؟:D

[بدور التركي]

يا اخوانا في حالات معينة يختلط فيها النقيضان
يلخبط الحواس ويخلي ما قادر يميز او يفصل


مشاركات كثير فاتتني
برجع ليكم بمهلة

مشتاقين يا عباقرة الفكر

[شهاب كرار]

قيقا
هذه المداخلة هي ما اوحت لي بذلك

و دا ما ديالكتيك هيغل ( الاطروحة، الطباق، الاثبات) دا مقبول على الاقل لي انا دا ..
لانو بفسر حركة الفكر .. من حالة اليقين .. نفي .. نفي النفي ( الاثبات ) و دا استقرار مؤقت لحدي ما يتولد تناقض جديد .. و هكذا دواليبك


ثم عدت أنت وكتبت

الشك .. بتنفي .. و النفي بتنفي
تختل " حالة " اليقين مرة تانية .. و تقوم تتناقض من جديد لشك جديد ..
و تاني نرجع لذي بدء ..


رجاء أعد تفسير مداخلاتك أعلاه في ضوء مداخلتك أدناه
ضد اليقين = اللايقين ..


هل أطمع في تعطيني تعريف واضح للايقين (الذي هو ليس الشك طبعا حسب زعمك)؟

[شهاب كرار]

الايجابية وين يا شهاب؟
اي شخص طرح وجه نظره ولا يوجد جديد يقال، نحترم إختلافنا وننتقل للنقطة التالية

[Mohammed Qurashi]

الايجابية وين يا شهاب؟

انت زعمت زعم صاعق زاعق و انا اعترضت عليو ..
يبقى الايجابية في انك تثبتو، او تعتذر عنو لانو تشويه لما طرحتو انا. المسألة ما تبقى تحصيل نقاط و السلام.


يلا قول بسم الله كدا :D
و اتوكل عليهو و عشان ما يبقى كلام ساي ..
يلا افتل لي اثبات يليق لزعمك اعلاه، من دقن مداخلاتي في البوست دا، او من كووول البورد .. او حتى من بوردات مجاورة .. المافي شنو؟:D



Giga
this is Sudanyat not somewhere else:mad:
It is positivity enough
be cool man
go on

[شهاب كرار]

يا اخوانا في حالات معينة يختلط فيها النقيضان
يلخبط الحواس ويخلي ما قادر يميز او يفصل


مشاركات كثير فاتتني
برجع ليكم بمهلة

مشتاقين يا عباقرة الفكر

بدور
أفتقدك البوست كثيرا يا صديقة
حمدالله على السلامة

[قيقراوي]

اي شخص طرح وجه نظره ولا يوجد جديد يقال، نحترم إختلافنا وننتقل للنقطة التالية

آي ( نحترم ) لكن ما نشوه اراء بعض .. مش؟
و كلامك دا انا قلتو قبل كمين مداخلة و قفلت النقاش بانو بكفيني كدا .. بعد ما سألتك انو حجتي ما ح تكون مقبولة ليك مش؟.. اها الجد شنو جيت فتحتو بالطريقة دي!!؟

يا شهاب اللغة ما حقتنا عشان نتكلم بيها زي ما عوزين او كما يتفق

قبل اللايقين
الضد فرقو من النقيض شنو؟
و سؤالي كان جاد بالمناسبة ( ودي نفس المناسبة الفوق عشان ما نبذر ساي :D )
ممكن تستعين بـ ( طوق الحمامة ) انا لقيتو هناك غايتو.
و ليه في ترجمة الديالكتيك بستخدمو " وحدة و صراع الآضاد " ما النقائض!؟
عشان اقرب ليك ..
الحب ضده = الكره
و نقيضو = السلوى/ السلوان .. المستخدمة في حالات العزاء و المواساة في الفقد
الاضاد ممكن يجتمعن عاااادي .. لانو الضد ما برفع الضد
لكن النقيض بالضرورة برفع النقيض

اللايقين في فهمي هو الانكااااااااااار بالدرب العديل داك، في سياق البوست دا.
و دا بالنسبة لي انا هو " الشك المذهبي " يعني شنو زول في حالة شك مستمر؟
مش ياهو الانكار ذاتو؟


ممكن تتكرم تقرأ عبارتك على ضوء فهمي انا لكلامي الكتبتو بي عضمة كيبورديني دا؟
و لو موافق على فهم ( الضد/ الآضاد ) اعلاه، و ( شك ) ما كلمة مطلقة كدا، انا بسحب اعتراضي .. لكن لو مصر تستخدم الضد للنقيض يبقى الحال على ما هو عليه من اعتراضي.

و الخوة في ي محلها

-----

ود القرشي شنو يعني " دي سودانيات " !!!؟
ماف معايير!؟:D:D
طيب انت بهناك بتقاوح مالك؟ ما تمشي:D

[Mohammed Qurashi]

قبل اللايقين
الضد فرقو من النقيض شنو؟
و سؤالي كان جاد بالمناسبة ( ودي نفس المناسبة الفوق عشان ما نبذر ساي :D )
ممكن تستعين بـ ( طوق الحمامة ) انا لقيتو هناك غايتو.
و ليه في ترجمة الديالكتيك بستخدمو " وحدة و صراع الآضاد " ما النقائض!؟
عشان اقرب ليك ..
الحب ضده = الكره
و نقيضو = السلوى/ السلوان .. المستخدمة في حالات العزاء و المواساة في الفقد
الاضاد ممكن يجتمعن عاااادي .. لانو الضد ما برفع الضد
لكن النقيض بالضرورة برفع النقيض

اللايقين في فهمي هو الانكااااااااااار بالدرب العديل داك، في سياق البوست دا.
و دا بالنسبة لي انا هو " الشك المذهبي " يعني شنو زول في حالة شك مستمر؟
مش ياهو الانكار ذاتو؟


ممكن تتكرم تقرأ عبارتك على ضوء فهمي انا لكلامي الكتبتو بي عضمة كيبورديني دا؟
و لو موافق على فهم ( الضد/ الآضاد ) اعلاه، و ( شك ) ما كلمة مطلقة كدا، انا بسحب اعتراضي .. لكن لو مصر تستخدم الضد للنقيض يبقى الحال على ما هو عليه من اعتراضي.

و الخوة في ي محلها

-----

ود القرشي شنو يعني " دي سودانيات " !!!؟
ماف معايير!؟:D:D
طيب انت بهناك بتقاوح مالك؟ ما تمشي:D

شفت يا قيقا علشان مشاغلتك دي كدي النتحالف مرحليا مع شهاب :)
سودانيات ياخ بلاد المحبة و السلام ..
يعني غالط زي ماعاوز و لكن لما زول يقول ليك أنا فهمت من كلامك كيت و كيت مافي داعي تشبكه شوهت كلامي .. دي جرسة ساااي ياخ :) .. خليك إيجابي و مشي الإمور ..
يلا شايف كلامك الفوق ده معيب منطقيا بالحيل .. لأن النقيض منطقيا بيعتمد على قانون الثالث المرفوع (إما أ أو لا أ) .. يعني السلوان ده ممكن برضو يتواجد مع الحب و نقيض الحب هو فقط اللاحب .. شفت كيف !! .. و المنطق الحديث بيعلمنا إنو ممكن نتجاوز القانون المنطقي ده نحو أنواع من المنطق تسمى (المنطق المتعدد القيم Multi-Valued Logic) أو المنطق الشواشي Fuzzy Logic و ده فيه درجات بين الشيء و نقيضه .. ممكن يكونوا إتنين أو تلاته أو لا نهائي زاتو .. فشهاب مثلا ممكن يتحرك في المتصل ده مابين اليقين و اللايقين بلا تناقض منطقي !! خصيصا إنو تطبيات المنطق الجديد ده أثبتت إنه هو الأقرب للواقع و لطريقة عمل الدماغ و بيحل مسائل عمليه بيعجز عنها منطقنا القديم اللي إنت جايبه من زمن إبن حزم ده .. فروق المنقه ياخي .. خليك إيجابي :D


محمد قرشي
في الاول خلعتني في التلفون
قلت الزول دا الليلة زعمطني زعمطة الذين زعمطو، ياخ ابراهم فرانكل دا صاحبي عدييل كدا...و ZF و ZFC سألتك منهم بالاسم في التلفون.
الموجة بتاعت الميتا Meta دي ممكن تسميها الموجة الريمانية بجدارة واستحقاق، وبدت من الهندسات اللااقليدية وبعد داك عيييك كل زول جاب الميتات بتاعت مجالو بتغيير المسلمات الاساسية في كل نظام. تبدا بي مسلمات تنتهي بي نظام مختلف، وحسب مبرهنة جودل توجد دائما نظرية واحدة على الاقل لا تستطيع برهنتها ضمن مسلمات النظام “G cannot be proved to be true within the theory T”.
بالمناسبة دا سبب قبولي بالميتافيزيكس :D
بالنسبة للنقاش مع قيقا الوضع مختلف تماما...
نحن بنتناقش ضمن إطار معين، ومنطق راسل شغال ضمن الاطار دا، يعني يا محمد قرشي، كان عندي مسألة بتاعت فيزياء من بتاعات زمان ديل "ناس قذف حجر بسرعة ما عارف ايه ديك" أقوم استخدم تحويلات لورنز ومعادلات انشتاين للحركة؟ دي تبقى عوارة مني ساي بس :D
قيقا بيتعامل مع الشك واليقين بإعتبارهم اضاد او يا اي يا لا، والمسألة ما كدا، انا الداير اقولو ليهو ياهو كلامك السألتني منو

اليقين تحديدا حالة نفسية ذاتية، يعني مافي طريقة تنقل بيها يقينك لي زول تاني بشكل اوتوماتيكي مالم يكون في عامل نفسي (صاحبك بيثق فيك مثلا)، وكل زول بدرجة ما عندو نسبة من اليقين بتحدد سلوكو اليومي لكن اليقين دا غير مبرر منطقيا، يعني انا اسي لو ما متيقن انو الدكان بيبيع سيجاير والقروش بشترو بيها السجاير ما بقوم من محلي دا بعد ما اتم المداخلة عشان اشتري سجاير ، لكن ممكن أمشي وألقى الدكان قافل، او السجاير منعو، او العملة غيروها، يعني مبررات الشك بتكون موجودة بالمنطق لكن على المستوى العملي انت بتتعامل بكل يقين الدنيا..
الفكرة زي العلاقة بين ميكانيكا نيوتن ونسبية انشتاين، كلو شغال في حدود..
بالنسبة لي لا استطيع هضم اليقين التام، وأظن ان تركيبتي النفسية هي السبب ..

محبتي التي تعلم

شوف ياشهاب .. ماعارف فهمك لمسألة الـ Meta دي شنو بالضبط لكن جودل قال إنو ممكن نثبت ببرهان منطقي حول الرياضيات إنو أي نظام من المسلمات معقد كفاية* هناك نظريات صحيحة لا يمكن إثباتها و لا نفيها إعتمادا على تلك المسلمات مالم تكن متناقضة منطقيا .. و جا عمك شايتن و أثبت عبر نظريته في Algorithmic Information Theory إنو عدد النظريات دي لا نهائي !! و ما أفتكر إنو إكتشاف الهندسات اللاإقليدية عندو علاقة بكلام جودل أو طريقة الميتا (و الله أعلم :)) ..
نجي لمسألة اليقين .. تعرف أسوأ حاجه في الفلسفة إنها فصلت بين الجزء المفكر و الجزء البيشعر في الإنسان .. علوم الأعصاب المعرفية Cognitive Neuroscience ورتنا إنو مافي إنفصال بتاتا بين مكونات التفكير و الشعور في الإنسان و أي تفكر مهما يكون منطقي محتاج لنشاط دماغي في مناطق العاطفة .. يلا جودل ورانا إنو في حقائق صحيحة ما ممكن إثباتها و لا نفيها !! .. أنا بزعم إنو مخنا ده بيشتغل بطريقة فوق منطقية ممكن يوصلنا لإطمئنان كامل تجاه مسألة ما حتى و لو ماقدرنا نبررها منطقيا .. أفتكر إن القرآن كان بيستعمل مفاهيم آيات (إشارات/علامات/دلائل) و تفكر و تدبر بالفهم ده .. يعني ما قال إستنتجوا و لا منطقوا الشغله .. التفكير بمعناه الكبير البيشمل الوجدان و المنطق و الحس هو الممكن يوصل ليقين ديني ما .. و ليس مجرد القهر العقلي زي ما بيوحوا ناس الإعجاز مثلا !! .. يلا سؤالي ليك : هل إنت متقبل فكرة إنك ممكن تمر بتجربة Experience تقنعك بالدين و لا المسألة دي مرفوضة بسبب تبنيك لمنظومة أفكار بتنفي الأفكار الدينية أصلا و بتعتبرها أساطير/ضعف نفسي/...إلخ ؟؟
حكاية إستنادك الدايم لمسألة الذاتية و الموضوعية دي مابتحلك لأنها زاتها أس البلاء الفلسفي اللي أنا بديت بيه كلامي معاك و الأثبتت تطورات العلوم إنها مسألة مصطنعة لحد بعيد (مشكلة القياس نموذجا:)) ..
حتسقطوني .. الله لا عافاكم :p
_________________________________
*Simple systems can survive Godel

[شهاب كرار]

قيقا يا حبيب

اي ( نحترم ) لكن ما نشوه اراء بعض .. مش؟

أنا لا أملك القدرة على تشويه آراءك يا قيقا، فأنت تكتب وأنا وغيري يقرأون، اعبر عن فهمي لما كتبت بالرد عليه. فإذا كان فهمي مختلا فثق تماما ان القارئ الذي يتابع هذا البوست له القدرة على تمييز ما كتبت انت وما فهمته انا، الموضوع ليس تشويه ولا يحزنون.
وما شجعني على قول "احيي الايجابية" الا عبارتك هذه
النقاشات الزي دي ما مجدية يا شهاب يا فردة
حيث فهمت منها انني طرحت رايي وأنت طرحت رأيك وانتهى الموضوع، فنحن لسنا في مباراة كرة قدم، ولأنها كانت خاتمة مداخلتك ولم يأتي بعدها اي تبرير لها فهمت ان هذا هو رأيك النهائي فأعطيتك قبلة على الخد وقلت لنمضي للأمام.

اللايقين في فهمي هو الانكااااااااااار
لم أكن اعلم بهذا الا الان ويبدو ان هذا هو سبب سوء التفاهم، حيث انني اعتبر الانكار موقف يقيني ايضا (متيقن انه لا توجد افيال طائرة = منكر لوجود الافيال الطائرة)

و الخوة في ي محلها
ولا على كيفك

---
ود القرشي شنو يعني " دي سودانيات " !!!؟
الشفيف ود القرشي لا يحب اللهجة الحادة فهي تكرمش مشاعره المرهفة :D:D
"غايتو محاكاة لي بابكر عباس ساي، كان طلع الموضوع كود وطاتي اصبحت :D:D"

[Mohammed Qurashi]

---

ود القرشي شنو يعني " دي سودانيات " !!!؟

الشفيف ود القرشي لا يحب اللهجة الحادة فهي تكرمش مشاعره المرهفة :D:D
"غايتو محاكاة لي بابكر عباس ساي، كان طلع الموضوع كود وطاتي اصبحت :D:D"

كده التحالف فك .. أرجى الراجيك ..
:mad:

[شهاب كرار]

هل إنت متقبل فكرة إنك ممكن تمر بتجربة Experience تقنعك بالدين و لا المسألة دي مرفوضة بسبب تبنيك لمنظومة أفكار بتنفي الأفكار الدينية أصلا و بتعتبرها أساطير/ضعف نفسي/...إلخ ؟؟

طبعا يا محمد قرشي، اتقبل هذه الفكرة تماما ولا استغربها بأي حال من الاحوال، فأمامي الكثير من الناس مروا بتجارب اقنعتهم بأفكار الدين ليس اغربها على الاطلاق، وما انا الا واحد من الناس يا صديقي... يقع علي ما يقع عليهم بغض النظر عن كونه ضعف نفسي او سواه، وعموما انا لا اهتم كثيرا بالدوافع والاسباب التي دفعت الناس للأيمان، فهذا ليس من شأني ولان هذه الدوافع تكون عادة شديدة التباين وتختلف من شخص الي آخر حسب تكوينه النفسي وخلفيته الفكرية.

شوف ياشهاب .. ماعارف فهمك لمسألة الـ Meta دي شنو بالضبط لكن جودل قال إنو ممكن نثبت ببرهان منطقي حول الرياضيات إنو أي نظام من المسلمات معقد كفاية* هناك نظريات صحيحة لا يمكن إثباتها و لا نفيها إعتمادا على تلك المسلمات مالم تكن متناقضة منطقيا .. و جا عمك شايتن و أثبت عبر نظريته في Algorithmic Information Theory إنو عدد النظريات دي لا نهائي !! و ما أفتكر إنو إكتشاف الهندسات اللاإقليدية عندو علاقة بكلام جودل أو طريقة الميتا (و الله أعلم ) ..
الحفر في الاساس.
لم يهندس ريمان الهندسة الاقليدية، بل حفر في اساسها وبنى من ذات الاساس بتغيير المسلمات الهندسات اللأقليدية فغيير نمط تفكير كامل.
والاشياء ليست منفصلة على عن بعض، فثورة ريمان في الهندسة جاورتها ثورة الفيزياء ايضا عن طريق ذات الطريقة، ماكسويل حفر في اساس المجال وغير نمط التفكير في الموجات، انشتاين في مفهوم الزمان والمكان، جودل وراسل وفريجه فتحو الباب بالحفر في اساس المنطق والرياضيات نفسه لانواع اخرى من المنطق مثل المنطق الضبابي والكمومي وانواع تانية من الرياضيات، بس البيقومو بيهو دا ما كان منطق دا كان ميتا منطق، متجاوز للمنطق نفسه ويعمل عليه.
الحفر في اساس الدوال والتفاضل والتكامل والمفاهيم الاساسية بواسطة ديراك وغيره وإكتشاف الدوال المتقطعة وتكاملاتها ومشتقاتها ترافقت معاها ثورة ميكانيكا الكم ، يعني شغل ديراك ما كان تفاضل وتكامل، كان حفر في اساس التفاضل والتكامل عشان يتعرف على انواع تغيير تانية غير المعتادة والمعروفة.
دا فهمي للميتا، زابط معاك؟

[قيقراوي]

قيقا يا حبيب



أنا لا أملك القدرة على تشويه آراءك يا قيقا، فأنت تكتب وأنا وغيري يقرأون، اعبر عن فهمي لما كتبت بالرد عليه. فإذا كان فهمي مختلا فثق تماما ان القارئ الذي يتابع هذا البوست له القدرة على تمييز ما كتبت انت وما فهمته انا، الموضوع ليس تشويه ولا يحزنون.
وما شجعني على قول "احيي الايجابية" الا عبارتك هذه

حيث فهمت منها انني طرحت رايي وأنت طرحت رأيك وانتهى الموضوع، فنحن لسنا في مباراة كرة قدم، ولأنها كانت خاتمة مداخلتك ولم يأتي بعدها اي تبرير لها فهمت ان هذا هو رأيك النهائي فأعطيتك قبلة على الخد وقلت لنمضي للأمام.


لم أكن اعلم بهذا الا الان ويبدو ان هذا هو سبب سوء التفاهم، حيث انني اعتبر الانكار موقف يقيني ايضا (متيقن انه لا توجد افيال طائرة = منكر لوجود الافيال الطائرة)


ولا على كيفك

---

الشفيف ود القرشي لا يحب اللهجة الحادة فهي تكرمش مشاعره المرهفة :D:D
"غايتو محاكاة لي بابكر عباس ساي، كان طلع الموضوع كود وطاتي اصبحت :D:D"

ح اعلق على مداخلتك دي بالعموم كقفلة للحتة دي :
انا قاصد في حتة يقين / انكار في سياق المناقشة دي " ايمان / الحاد " .. بدل الفيل الطاير بـ " وجود الله " .. كدا وضحت؟
و بتفق معاك انهم اللتنين ( يقين ) بمعناها العام تماماً عشان كدا قلت الالحاد دين اتسلف!
و دي - في فهمي المتواضع جداً - بتعبر عن حالة الحركة و السكون في ( الشك ) .. دا الجمود القلت عليو انا .. متفقين هنا .. ودا محتوى مداخلتي - على الاقل القصدتو لو تاقصرت العبارة عنو - الاحلتك ليها في بوست " زهرة الغرق " .. ما غيرتو ابداً، و لا ممكن اجي اسي اناقضو.

بالنسبة للعبارة المعترضة على جدوى النقاشات ( الزي دي ) كانت تعديلية للمداخلة، و ما من اصلها. لما غلبني امشي جيت كتبتها :D كاعتراض على مداخلتي انا زااااتي! بالجد انا بحس انو زمنا كلنا اقيم من اهدارو في انت قلت كدا ، لا لا انا ما قاصد كد و بلا بلا بلا ...


مسألة الشفافة ما فوكا حاجة ..ز لوووووووووول انت في سودانيات looool
كووولهم هنا شفيفين الا انا عشان يتيم بس حقروا بي:D

شايف كيف يا شفيف؟
المرة الجاية أسأل .. ياخ انا ما عالم زيكم
نحن عنقالة ساي .. و كلامنا كلام ناس سوق .. ما بهمنا كان وافق نسق جودل و بقى خاتف لونين وشو انشتايني، و كرعيه نيوتنيه .. نلخبت ليكم الماركسية مع الصوفية لمن ما تفهموا حاجة ذاتو!!
فااا شنو؟
ما تلخبتوهو لينا بمصلحاتكم الكبار كبار دي .. سمعتو؟
هذا قسمنا فيما نملك .. باقي نحن ما متاوقين الكتب زيكم كدي .. البنلقاهو بنقراهو .. مافي نسق محدد بقولوا عليو .. النبي ما تتعبوا نفسكم تصنفونا ، بطير ليكمlooool

[Mohammed Qurashi]

بالنسبة للعبارة المعترضة على جدوى النقاشات ( الزي دي ) كانت تعديلية للمداخلة، و ما من اصلها. لما غلبني امشي جيت كتبتها :D كاعتراض على مداخلتي انا زااااتي! بالجد انا بحس انو زمنا كلنا اقيم من اهدارو في انت قلت كدا ، لا لا انا ما قاصد كد و بلا بلا بلا ...



إنت أحسن زول و الله ..
يمين ما أزعلك تاني :cool:

[شهاب كرار]

بالنسبة للعبارة المعترضة على جدوى النقاشات ( الزي دي ) كانت تعديلية للمداخلة، و ما من اصلها. لما غلبني امشي جيت كتبتها كاعتراض على مداخلتي انا زااااتي! بالجد انا بحس انو زمنا كلنا اقيم من اهدارو في انت قلت كدا ، لا لا انا ما قاصد كد و بلا بلا بلا
وحاتك يا قيقا انا بريدك عديل كدا :cool:

[Mohammed Qurashi]

الحفر في الاساس.
لم يهندس ريمان الهندسة الاقليدية، بل حفر في اساسها وبنى من ذات الاساس بتغيير المسلمات الهندسات اللأقليدية فغيير نمط تفكير كامل.
والاشياء ليست منفصلة على عن بعض، فثورة ريمان في الهندسة جاورتها ثورة الفيزياء ايضا عن طريق ذات الطريقة، ماكسويل حفر في اساس المجال وغير نمط التفكير في الموجات، انشتاين في مفهوم الزمان والمكان، جودل وراسل وفريجه فتحو الباب بالحفر في اساس المنطق والرياضيات نفسه لانواع اخرى من المنطق مثل المنطق الضبابي والكمومي وانواع تانية من الرياضيات، بس البيقومو بيهو دا ما كان منطق دا كان ميتا منطق، متجاوز للمنطق نفسه ويعمل عليه.
الحفر في اساس الدوال والتفاضل والتكامل والمفاهيم الاساسية بواسطة ديراك وغيره وإكتشاف الدوال المتقطعة وتكاملاتها ومشتقاتها ترافقت معاها ثورة ميكانيكا الكم ، يعني شغل ديراك ما كان تفاضل وتكامل، كان حفر في اساس التفاضل والتكامل عشان يتعرف على انواع تغيير تانية غير المعتادة والمعروفة.
دا فهمي للميتا، زابط معاك؟

غايتو بشكل عام كده شاعري زي مسألة الحب و التطور ديك :) زابط معاي !!
لكن حتكون زعلت لوباتفسكي و بوليا شديد، لأن الإتنين ديل هم البدوا الثورة اللاإقليدية و ريمان جا عمم نتائجهم بس !! ده طبعا ما بينفي عبقريته الشاعرية على قول محسن !! .. بعدين Meta دي في المنطق و الرياضيات عندها فهم محدد جدا .. كدي نجيب كلام الويكيبيديا علشان زابط المرة دي ;)

Metalogic is the study of the metatheory of logic. While logic is the study of the manner in which logical systems can be used to decide the correctness of arguments, metalogic studies the properties of the logical systems themselves. According to Geoffrey Hunter, while logic concerns itself with the "truths of logic," metalogic concerns itself with the theory of "sentences used to express truths of logic."
The basic objects of study in metalogic are formal languages, formal systems, and their interpretations. The study of interpretation of formal systems is the branch of mathematical logic known as model theory, while the study of deductive apparatus is the branch known as proof theory.

في كتاب لـ Geoffrey Hunter إسمه Metalogic لو ماقريته لازم تسكه و تدرسه .. من أمتع الكتب في المجال ده .. و كمان واحد تاني بتاع عمك Douglas Hofstadter و إسمه G&#246;del, Escher, Bach - An Eternal Golden Braid برضو متعة .. و لكن بتفق معاك في كون التفكير الإبداعي في الأسس هو تفكير متجاوز و مهم رغم إنو أفتكر جانبك الحظ في بعض الأمثلة :)
يلا .. نمشي لقدام
تصبحوا على خير

[بدور التركي]

توجد تصورات عديدة وأراء مختلفة على قدر عدد البشر
من الممكن ان تتلائم تصوراتنا من تصور أو رأي واحد
وقد تضطرنا بعض الحقائق إلي وضعهاخارج تصورنا
ليست كل النظريات نتائجها مضمونة تماما
قد تظهر في المستقيل نظريات اكثر تطابقا مع الحقائق
او تاني مفسرة لنظرية سابقة


اختلفوا بس ما تتزاعلوا
وقليل من الخمر في كأس المنطق لا ضير:D


شهاااب
شكرًا على السؤال

محمد خف شوية
لسانك سليطlooool

چيچا
سلام يشرح الخاطر

[بدور التركي]

ياأيا أخوانا
حاسة روحي في حديييقة. جميييلة مليانة ورود وازاهير عطرة
كل ما أحاول اقطف زهرة من أزاهير المعرفة والعلم والفكر والفلسفة
ألاقي نفسي محتارة اقطف اي وحدة
بقيت زي النحلة راكة من زهرة لزهرة


جميييل العلم والمعرفة والعقلانية الشاملة
وفكركم خطييير 

[قيقراوي]

يلا شايف كلامك الفوق ده معيب منطقيا بالحيل .. لأن النقيض منطقيا بيعتمد على قانون الثالث المرفوع (إما أ أو لا أ) .. يعني السلوان ده ممكن برضو يتواجد مع الحب و نقيض الحب هو فقط اللاحب .. شفت كيف !! .. و المنطق الحديث بيعلمنا إنو ممكن نتجاوز القانون المنطقي ده نحو أنواع من المنطق تسمى (المنطق المتعدد القيم Multi-Valued Logic) أو المنطق الشواشي Fuzzy Logic و ده فيه درجات بين الشيء و نقيضه .. ممكن يكونوا إتنين أو تلاته أو لا نهائي زاتو .. فشهاب مثلا ممكن يتحرك في المتصل ده مابين اليقين و اللايقين بلا تناقض منطقي !! خصيصا إنو تطبيات المنطق الجديد ده أثبتت إنه هو الأقرب للواقع و لطريقة عمل الدماغ و بيحل مسائل عمليه بيعجز عنها منطقنا القديم اللي إنت جايبه من زمن إبن حزم ده .. فروق المنقه ياخي .. خليك إيجابي :D


*

نقول ليكم بقرة " لغة " تمشوا تحلبوا لينا تور ( المنطق ) تاني!!؟
أها و الله صدق بن حزم الاندلسي .. وصدّقته مقولتنا في حالات الاتراح " الشالو من عيونا، يشيلو من قلبنا " مع انها مخاتلة جداً .. وانا لمن جلي يكش لمن اسمعا! ..
كانوا بشحدوا في الله في شنو الناس ديل؟
و لمن يقولوا مواسين : " و الهم آله و ذويه الصبر و السلوان "
الناس ديل طالبين شنو لاهل الميت؟
ياهو اللاحب دا ذاااتو
شفت كيف انو :
اللاحب = السلوان!؟
عاد رفع اكتر من كدا كيف تاني ؟:D

[بدور التركي]

يا شهاب:
انت عقلاني زيادة على اللزوم
كل شيء عندك خاضع للعقل
وكل ظاهرة في الوجود يجب ان تكون خاضعة للتفسير العقلاني
وانت تقوم بستخدام العقل في حقيقة الوجود
ما هي حقيقة الوجود في نظرك؟
عقلك بقول ليك شنو في الحنة دي؟

[شهاب كرار]

بدور مرحب بيك

ما هي حقيقة الوجود في نظرك؟

لاأدري

[بدور التركي]

بدور مرحب بيك



لاأدري
بل
تدري



معقول العقل دا كله والفكر دا ولا تدري؟
يا. شهاب
الإثبات والنفي لا يجتمعان

[بدور التركي]

معقول يا شهاب
تكون عايش وميت في تفس الوقت؟


بالمناسبة
يا ريت حبيبتك تسجل معانا
أتمنى
تحياتي العميقة لها

[شهاب كرار]

بل
تدري
معقول العقل دا كله والفكر دا ولا تدري؟
يا. شهاب
الإثبات والنفي لا يجتمعان

وحاتك يا بدور كل ما عرفت اكتر، أكتشف انو لاأدري دي انسب منها مافي

[بدور التركي]

وحاتك يا بدور كل ما عرفت اكتر، أكتشف انو لاأدري دي انسب منها مافي


طيب
انت عايز تدري
يعني عندك استعداد
ولّ عايز تعيش عمرك الباقي لا تدري
عندك رغبة في معرفة الحقيقة ولّ
عايز تسد دي بطينة ودي بعجينة:D

[بدور التركي]

صباح خير ملفوف بالمعرفة
ملون بالفكر
مغلف بأسرار الوجود والزمان
والتقدم الانساني الذي يجعل منه وعيا..ذاتا..شعورا..او شخصا
الذي يجعل منه إنسانا يفهم نفسه على الدوام من خلال تواجده
ومن خلال تواجده وتحقيق ذاته ويختار نفسه

يسعد صباح بالخير والعلم والفكر والمعرفة

[أبوبكر عباس]

بالمناسبة
يا ريت حبيبتك تسجل معانا
أتمنى
تحياتي العميقة لها
يا بدور يا أخي قصتك شنو؟
قلنا ليك مية مرة نحن ديل ما زيك،
نحن ناس معقدين و الكلام السمح و عديل دا بربكنا و بخلينا نشيل عكاكيزنا،
عليك الله رفقا بالرفاق.
هسع موش شهاب دا أكتر زول ليبرالي و متحرر فينا، تلقى الجملة بتاعتك الفوق دي جهجهتو ليك جهجهة شديدة و جابت ليهو مساعلات ما عندو ليها طاقة

[Mohammed Qurashi]

نقول ليكم بقرة " لغة " تمشوا تحلبوا لينا تور ( المنطق ) تاني!!؟
أها و الله صدق بن حزم الاندلسي .. وصدّقته مقولتنا في حالات الاتراح " الشالو من عيونا، يشيلو من قلبنا " مع انها مخاتلة جداً .. وانا لمن جلي يكش لمن اسمعا! ..
كانوا بشحدوا في الله في شنو الناس ديل؟
و لمن يقولوا مواسين : " و الهم آله و ذويه الصبر و السلوان "
الناس ديل طالبين شنو لاهل الميت؟
ياهو اللاحب دا ذاااتو
شفت كيف انو :
اللاحب = السلوان!؟
عاد رفع اكتر من كدا كيف تاني ؟:D

قيقا ياخ ماتكابر ساي .. لما نقول ليك منطق ما تتضارى لينا ورا اللغة .. لأن المنطق عملوا ليه لغة رمزية أصلا علشان يتخلصوا من غموض اللغة المطلوقة ساي دي :) .. أسي كدي شوف السلوان بتاعتك دي معانيها كتيرة قدر كيف ..

وسلاني من همي تسلية أسلاني أي كشفه عني . وانسلى عني الهم وتسلى بمعنى أي انكشف . وقال أبو زيد : معنى سلوت إذا نسي ذكره وذهل عنه . وقال ابن شميل : سليت فلانا أي أبغضته وتركته . وحكى محمد بن حيان قال : حضرت الأصمعي ونصير بن أبي نصير يعرض عليه بالري فأجرى هذا البيت فيما عرض عليه فقال لنصير : ما السلوان ؟ فقال : يقال : إنه خرزة تسحق ويشرب ماؤها فيورث شاربه سلوة ، فقال : اسكت لا يسخر منك هؤلاء ، إنما السلوان مصدر قولك سلوت أسلو سلوانا ، فقال : لو أشرب السلوان أي السلو شربا ما سلوت . ويقال : أسلاني عنك كذا وكذا وسلاني . أبو زيد : يقال ما سليت أن أقول ذلك أي لم أنس ولكن تركته عمدا ، ولا يقال سليت أن أقوله إلا في معنى ما سليت أن أقوله . ابن الأعرابي : السلوانة خرزة للبغض بعد المحبة . ابن سيده : والسلوة والسلوانة ، بالضم ، كلاهما خرزة شفافة إذا دفنتها في الرمل ثم بحثت عنها رأيتها سوداء يسقاها الإنسان فتسليه . وقال اللحياني : السلوانة والسلوان خرزة شفافة إذا دفنتها في الرمل ثم بحثت عنها تؤخذ بها النساء الرجال . وقال أبو عمرو السعدي : السلوانة خرزة تسحق ويشرب ماؤها فيسلو شارب ذلك الماء عن حب من ابتلي بحبه . والسلوان : ما يشرب فيسلي . وقال اللحياني : السلوان والسلوانة شيء يسقاه العاشق ليسلو عن المرأة . قال : وقال بعضهم : هو أن يؤخذ من تراب قبر ميت فيذر على الماء فيسقاه العاشق ليسلو عن المرأة فيموت حبه .
(لسان العرب)

يعني كدي شوف المعاني الكتيرة دي من البغض (اللي هو الضد في فهمك) لحدي النسيان و الكجور عديل كده :) .. و تجي تختار لي إنت فرضية منها مفادها إن السلوان بعد الحب يعني اللاحب .. بينما أنا ممكن أجادلك بأن حالة ما بعد الحب اللاحقة للسلوان لا تشبه حالة اللاحب الأصلية التي لم يسبقها حب و ذلك من وجهة نظر نفسية بتراعي لللاشعور Subconscious .. و عدم موت المشاعر تماما بالدماغ (كدي إتذكر ليك أي شاكوش حار كده إنت سلوته .. بيشبه أي عرفه ساي كده لله في الله و لا في فرق :)) .. عليك الله خليك في شكرنا ليك الفوق داك :) .. كده حتزعل بدور مني .. ما شايفها لصقت لي لسان سليط :) :) (أعمل شنو .. تربية محسن:p)

الست بدور
حمدالله على السلامة .. نورت البوست

بل
تدري



معقول العقل دا كله والفكر دا ولا تدري؟
يا. شهاب
الإثبات والنفي لا يجتمعان
هو إنت حتعرف أكتر من الحكومة يا شهاب :)
تدري و لا على كيفك :)
بعدين يا بدور يؤسفني أقول ليك في المنطق الكمومي الحاجتين ديل بيجتمعوا:D
كيتا كده في سلاطة اللسان:p
سلام من سلاماتك البتشرح الخاطر ديك


يا بدور يا أخي قصتك شنو؟
قلنا ليك مية مرة نحن ديل ما زيك،
نحن ناس معقدين و الكلام السمح و عديل دا بربكنا و بخلينا نشيل عكاكيزنا،
عليك الله رفقا بالرفاق.
هسع موش شهاب دا أكتر زول ليبرالي و متحرر فينا، تلقى الجملة بتاعتك الفوق دي جهجهتو ليك جهجهة شديدة و جابت ليهو مساعلات ما عندو ليها طاقة
إذا قال بابكر فصدقوه ..
أنا غايتو بثني الإقتراح ده :)

و صباح الخير أيها العالم

[بدور التركي]

http://www13.0zz0.com/thumbs/2011/05/08/06/442351468.jpg

حورس

[بدور التركي]

يا بدور يا أخي قصتك شنو؟
قلنا ليك مية مرة نحن ديل ما زيك،
نحن ناس معقدين و الكلام السمح و عديل دا بربكنا و بخلينا نشيل عكاكيزنا،
عليك الله رفقا بالرفاق.
هسع موش شهاب دا أكتر زول ليبرالي و متحرر فينا، تلقى الجملة بتاعتك الفوق دي جهجهتو ليك جهجهة شديدة و جابت ليهو مساعلات ما عندو ليها طاقة


يا دكتور
قالوا والله اعلم
ان آدم لما نزل الأرض نزلت معاهو ثلاث حاجات
المطرقة
السندان
والكلبتان

تقول العكاكيز اللي في يد الملوك
وفأس إنليل
لها علاقة بالأمر
؟؟

[بدور التركي]

يابابا سليط :D
كيف يعني يجتمعوا
حسي الماء والزيت يجتمعان؟
ولّ الليل والنهار
( والشمس والقمر بحسبان)


صباح الفل أيها المنطق

[Mohammed Qurashi]

يابابا سليط :D
كيف يعني يجتمعوا
حسي الماء والزيت يجتمعان؟
ولّ الليل والنهار
( والشمس والقمر بحسبان)


صباح الفل أيها المنطق

غلطان أنا الماعاوز شهاب الماسليط ده ما يزعمطك :)
بعد ده أكلي نارك مع العقل الصرف الشهابي :D
ياهو ده طرفي منكم:p
أخليني في قرايتي أحسن :)

[بدور التركي]

والغلط مرجوع يا ود العم
عايز الحق
خائفة منك اكثر من شهاب
انت عقلك دجتال خطير;)
وانا ميولي فن بأنواعه

شهاب بؤمن بالحب وتطويره بإحساسه لجمال هذا الوجود
الما عايز يعترف به!!

يا القرشي فيك عرق عربي؟
لقب القرشي دا يمني:D

لا ادري:D

امشي شوف قرايتك
عايزين نتيجة لكوم

[قيقراوي]

قيقا ياخ ماتكابر ساي .. لما نقول ليك منطق ما تتضارى لينا ورا اللغة .. لأن المنطق عملوا ليه لغة رمزية أصلا علشان يتخلصوا من غموض اللغة المطلوقة ساي دي :) .. أسي كدي شوف السلوان بتاعتك دي معانيها كتيرة قدر كيف ..

يعني كدي شوف المعاني الكتيرة دي من البغض (اللي هو الضد في فهمك) لحدي النسيان و الكجور عديل كده :) .. و تجي تختار لي إنت فرضية منها مفادها إن السلوان بعد الحب يعني اللاحب .. بينما أنا ممكن أجادلك بأن حالة ما بعد الحب اللاحقة للسلوان لا تشبه حالة اللاحب الأصلية التي لم يسبقها حب و ذلك من وجهة نظر نفسية بتراعي لللاشعور Subconscious .. و عدم موت المشاعر تماما بالدماغ (كدي إتذكر ليك أي شاكوش حار كده إنت سلوته .. بيشبه أي عرفه ساي كده لله في الله و لا في فرق :)) .. عليك الله خليك في شكرنا ليك الفوق داك :) .. كده حتزعل بدور مني .. ما شايفها لصقت لي لسان سليط :) :) (أعمل شنو .. تربية محسن:p)

نبدأ ليك من حيث انتهيت تماماً
اذا قالت بدور فصدقوها ..
وتصدق عليك بعدد واحد كوت :


هو إنت حتعرف أكتر من الحكومة يا شهاب :)

بضاعتكم ردت اليكم .. فتل دقنو بس looool

ياخ انا ما جبت حاجة من عندي، و مثال الحب/الكره/ السلوان، دا مثال مدرسي لابن حزم في " طوق الحمامة " .. و اثبت ليكم المرجع.
يعني حلالون الاباريق على شهاب حرامون على قيقراوي الامثلة المدرسية من كل جنسي!؟
سم سانين : و كان في نقطه الكم ما عارف؟:D
لخير كدا كدي اقرا الكلام المقتبس دا :


السلوانة خرزة تسحق ويشرب ماؤها فيسلو شارب ذلك الماء عن حب من ابتلي بحبه . والسلوان : ما يشرب فيسلي . وقال اللحياني : السلوان والسلوانة شيء يسقاه العاشق ليسلو عن المرأة . قال : وقال بعضهم : هو أن يؤخذ من تراب قبر ميت فيذر على الماء فيسقاه العاشق ليسلو عن المرأة فيموت حبه .



هنا وين معنى ( بغض/ كراهية ) .. هنا بتكلم عن نزع ( الحب ) .. اما مسالة انو يكون زي حالة العدم الاولى فدا تعسف منك بس!! .. و لو حاكمنا الحاجة كدا لكثفنا الزمان و حجزناه في الماضي فقط. يا زول بدور هينة و حنيّنة .. كدا انت بتزعل شيخك قطب المعرفة و غوث علوم الزمان سيدي انشتاين، و بتزعل لينا ماركس معاك ذاتو.
الحاجات بتتقدم ما بترجع لي وراء وتسوي الترترة .. و [ التاريخ يسير إلى الغد ] او كما قال درويش.
السلوان = اللاحب تماماً .. اها دا عودي في الرياضيات العاطفية العليا و الدقيقة من اسي .. فبلغوا عني.

سم سانين - و المرة دي ما ( سلى ) انو استخدما سابقاً ، لكن عامل رايح ساي:D - ياخ كدي فهمني دي، كيف يجتمع السلوان و الحب في قلب واحد؟
شفت منطقك عامل كيف؟
يعني اكون بحب زول و سالي و قلبي خالي!؟
لوووووول الكلام دا مالو بقى لي زي الشعر كدا؟
بالمناسبة دي ياخ انت ما بتسمع حقيبة .. شوف المجنون دا شاتا لي مدردقة كيفظ انا و القون :
الليل و القمرة ضدين و اجتمعوا ..
الله ياخ! .. ديني انا
خلى ليك فرقة لسلوان هنا .. اذا دخل عليهم سلوان فتاكد انو، دخل باب هازم اللذات و مفرق الجماعات ..

ارحنا بها يا ود عثمان*:cool: ..
ارحنا بها و خلي الاعصاب في البوست دا تهدأ شوية ياخ

و غنى الخليل :
عزة ما ( سليت ) وطن الجمال ..
و لا ابتغيت بديل غير الكمال

كفاك و لّ ازيدك؟



و صباح الخير أيها العالم

و عليكم الجمال و رحمة الله و بركاته
و بعدين بطلوا خرخرة
لو التزمت بدور
انا ما بلتزم
ح تتحبوا يعني ح تتحبوا
ما على كيفكم
و .. تاني looool



و صباح الخير أيها العالم




------

* دا مؤذن الجمال عند قدامى الشفيفين ؤ كدا:D

[Mohammed Qurashi]

شهاب هوي تعال إستلم ..
أنا عندي قراية ..
شكيتك على الله ..
:rolleyes:

[شهاب كرار]

شهاب هوي تعال إستلم ..
أنا عندي قراية ..
شكيتك على الله ..
:rolleyes:

إستلم منو؟

غايتو كان بدور الجميلة ما عندي مانع

لكن قيقا الجنو غلاط دا اتبالا بي براك يا اخوي، ما كل ما يعصرك تقعد قول عندي قراية* وعندي إمتحانات :D


---
* غايتو كان دي قرايتك، بعد ما تاخد تخصص الجلدية الا تشتغل في المدبغة :D

[قيقراوي]

* غايتو كان دي قرايتك، بعد ما تاخد تخصص الجلدية الا تشتغل في المدبغة :D


:D :D :D

لوووووووووووب
و الله دي قوية قوية قوية
ياخ ريحتني في حناني ذاتو ياخ! looool

[فتحي مسعد حنفي]

يا دكتور
قالوا والله اعلم
ان آدم لما نزل الأرض نزلت معاهو ثلاث حاجات
المطرقة
السندان
والكلبتان

تقول العكاكيز اللي في يد الملوك
وفأس إنليل
لها علاقة بالأمر
؟؟

ليه آدم دا أصلو كارل ماركس؟؟؟؟؟؟؟؟؟؟؟؟؟؟؟؟؟؟؟؟

[فتحي مسعد حنفي]

والغلط مرجوع يا ود العم
عايز الحق
خائفة منك اكثر من شهاب
انت عقلك دجتال خطير;)
وانا ميولي فن بأنواعه

شهاب بؤمن بالحب وتطويره بإحساسه لجمال هذا الوجود
الما عايز يعترف به!!

يا القرشي فيك عرق عربي؟
لقب القرشي دا يمني:D

لا ادري:D

امشي شوف قرايتك
عايزين نتيجة لكوم

سبحان الله يابدور كمان دا يرين تتسلبطو في قريس وتطلعوها قبيلة يمنية:confused::confused:
عموما ما بعيد مادام كلهم بيوعدوا وما بيوفوا:( بكرة تقولوا الرسول صلعم يمني..

[بدور التركي]

أنا عارفة الجية دي جيت عتاب
وقالوا ما يعاتبك إلا اللي بريدك

[Mohammed Qurashi]

إستلم منو؟

غايتو كان بدور الجميلة ما عندي مانع
:D

ليه إنت قايل روحك يمني :)
شايف يا قيقا صاحبك باعك في أول ملف جمال كيف؟؟ :)
غايتو بابكر ماخاتي الإستثناك .. لا أدري و ليبرالي كمان !! :D
أرجا الراجيك من اللي في بالي بس :p

[بدور التركي]

ليه آدم دا أصلو كارل ماركس؟؟؟؟؟؟؟؟؟؟؟؟؟؟؟؟؟؟؟؟


أصله من ماء ثم طين
ولم يكتمل تطوره في يوم وليلة
بل استمرت بداية تطوره ملايين السنين

[بدور التركي]

همس لي الحكيم شَنكَر قائلا
(إن رائحة الأزهار لا تنتشر بعكس الريح لكن رائحة الانسان الطيبة تتجه باتجاه الريح وعكسه
الانسان الصالح ينتشر في كل مكان
مركبات الملوك الفاخرة تمّحي وتعتريء والجسد أيضاً يشيخ
لكن فضيلة الانسان الصالح لا تشيخ
هكذا ما يعمله الصالح للصالح)


الجمال يا محمد زايل
تبقى جمال الروح
يا روح ما بعدك روح:D

[شهاب كرار]

أرجا الراجيك من اللي في بالي بس

النت يومين دي قاطع بهناك، والكلام مشا الصفحات الخلفية، يعني لو جاني هوا بمسك فيك من رقبتك دي :D

[Mohammed Qurashi]

همس لي الحكيم شَنكَر قائلا
(إن رائحة الأزهار لا تنتشر بعكس الريح لكن رائحة الانسان الطيبة تتجه باتجاه الريح وعكسه
الانسان الصالح ينتشر في كل مكان
مركبات الملوك الفاخرة تمّحي وتعتريء والجسد أيضاً يشيخ
لكن فضيلة الانسان الصالح لا تشيخ
هكذا ما يعمله الصالح للصالح)


الجمال يا محمد زايل
تبقى جمال الروح*
يا روح ما بعدك روح:D

مانحن قاصدين الروح برضو :p
بس ما متأكد شهاب قاصدو زيي و لا لأ !! ;)

______________________
* الروح مابناباها لكن الفيك إتعرفت :)

[قيقراوي]

چيچا
سلام يشرح الخاطر

و عليكم بما قلتم .. و مزيد
يخليك يا ستهن

ربنا يديم السلام و المحبة في الارض
و للناس المسرة ..






-----

لووووووووول

اخيراً زول قال لي كلمة طيبة .. و كانت من حلّوة
ماشين في السكة نمد ...
حدنا الشفافة غايتو:Dlooool

[بدور التركي]

هدية للشفيف بابكر
من الشفيفة بدور


http://www10.0zz0.com/thumbs/2011/05/08/12/265671019.jpg

تصوير الفنانة بدور:D

[بدور التركي]

مانحن قاصدين الروح برضو :p
بس ما متأكد شهاب قاصدو زيي و لا لأ !! ;)

______________________
* الروح مابناباها لكن الفيك إتعرفت :)

ليك هدية من روحي لروحك الطيبة
دقيقة بجيبها ليك

[بدور التركي]

ليك هدية من روحي لروحك الطيبة
دقيقة بجيبها ليك

رأيك شنو في المربع دا
http://www5.0zz0.com/thumbs/2011/05/08/13/109869694.jpg (http://www.0zz0.com/realpic.php?s=5&pic=2011/05/08/13/109869694.jpg)

[بدور التركي]

(الإله واحد أحد لا ثاني له
الإله باطن خفي ولا أحد يعرف تكوينه ولا أن
يدرك كهنه وماهيته لا شبيه له
وهو خالق الكون وكل ما فيه)

هذا ما استنتجه احد علما الأثار المصرية الألماني (هنري بروجين)
ان المصريين القدماء كانت عقيدتهم قمة التوحيد

[Mohammed Qurashi]

المشاركة الأصلية كتبت بواسطة بدور التركي
چيچا
سلام يشرح الخاطر

و عليكم بما قلتم .. و مزيد
يخليك يا ستهن

ربنا يديم السلام و المحبة في الارض
و للناس المسرة ..



لووووووووول

اخيراً زول قال لي كلمة طيبة .. و كانت من حلّوة
ماشين في السكة نمد ...
حدنا الشفافة* غايتو:Dlooool

يعني يا قيقا أنا أقول :

إنت أحسن زول و الله ..
يمين ما أزعلك تاني :cool:

وشهاب يقول :

وحاتك يا قيقا انا بريدك عديل كدا :cool:

و تجي ماتشوف إلا كلمة بدور الطيبة :confused:
نلبس طرح يعني نحن و لا شنو علشان نتشاف :p :D :D
أمانة ماوقعت راجل .. :) :)
__________________________
* قصدك الشلاقة موش كده ؟؟ :)

[Mohammed Qurashi]

رأيك شنو في المربع دا
http://www5.0zz0.com/thumbs/2011/05/08/13/109869694.jpg (http://www.0zz0.com/realpic.php?s=5&pic=2011/05/08/13/109869694.jpg)

ده كلو من محسن ..
أسي أنا قلت الهدية المربعة دي حتكون لوح جالاكسي كارب كده !!
بعدين ده موش هرم ؟؟؟:confused:

سلامات يا ست الكل

[طارق صديق كانديك]

[COLOR="Navy"]

اخيراً زول قال لي كلمة طيبة .. و كانت من حلّوة
ماشين في السكة نمد ...
حدنا الشفافة غايتو:Dlooool

:D:D

"الشفافة" بتجيك انت شيل الصبر بس .. ماشي كويس ..!!

المافي شنو ؟:D

[قيقراوي]

يعني يا قيقا أنا أقول :



وشهاب يقول :



و تجي ماتشوف إلا كلمة بدور الطيبة :confused:
نلبس طرح يعني نحن و لا شنو علشان نتشاف :p :D :D
أمانة ماوقعت راجل .. :) :)
__________________________
* قصدك الشلاقة موش كده ؟؟ :)

بالنسبة لشهاب :
غصباً عنو ..

و انت لم تات بجديد
دا العادي بتاعي ..
انا المجد عديييل ( او كما قال :D )
شنو تاني مرجعني لي وراء!؟
لوووول
احسن زول دي، كترة ما سمعتها كتير زمان، لمن كنت قايلا اسم الدلع بتاعي:D

لكن بدور غييييرlooool

--------

لوووول
انت كان كدا لسه ما عرفت كبانية الشفافة وين؟
ياها بدور دي ذات نفسها

اها كدا وقع ليك انو بدور غييييير:D

ياخ انا اليتيم دا لي الحردان داك حرتو .. و لا في زول انعم علي باللقب الشفيف دا
اقصى ارتفاع لمنسوب الشفافة وصلتو " جميل " .. تاني ما زدتا كلو كلو:D

[قيقراوي]

:D:D

"الشفافة" بتجيك انت شيل الصبر بس .. ماشي كويس ..!!

المافي شنو ؟:D

قلت كدي ..
الله يطمنك ياخ ..
اول قايلا لناسات بسlooool
وكت دورنا بجي .. ننتظر في الصف بس


-------

مرّة واحد بلييييييييد لدرجة قف و ما تتامل ذاتو!!
اها جا صاري وشو ..
ابوهو سالو : ادوكم النتائج؟
رد مبوّز : ايوة
ابوه بلا مبالاة ( كان متوقع الرد " الطيش" ) : جيت الكم؟
صاحبنا ( في دور الضحية، كانو ظالمنو ) : جيت الـ 57
ابوه بابتسامة كمساري : كويس و الله .. اول انا قايلك ما بتجي كلو كلو:D

[بدور التركي]

ده كلو من محسن ..
أسي أنا قلت الهدية المربعة دي حتكون لوح جالاكسي كارب كده !!
بعدين ده موش هرم ؟؟؟:confused:

سلامات يا ست الكل

دا هرم اسمه محسن خالد

عايز الحق!!
كلمة الحق  كالنار كما قيل عندما تحاول تغطيته تحترق..
ونور الحق لا يطفى
الاستاذ محسن خالد خالد  زاخر بكنوز  العلم والمعارف والثقافة
المفكر محسن خالد  بمثابة القمر الذي يساهم في تبديد الظلام
الاستاذ محسن كالزارع  يزرع الحكمة والمعرفة 
يزرع سهولا  في النفوس
إنه البذار الصالح في التربة  التي  تتقدم ارضي امام حدوده الواسعه
ذات يوم سألت صديق لي  هو عرفني بهذا المحسن
سألته من هو محسن خالد الذي لم اكن اسمع عنه 
كنت في تلك الفترة  مجرد  فكر سطحي اجول واتنقل 
من كتاب لأخر افتش عن المعرفة  والحكمة
دخلت غابته تنسمت نفحة من رياحينه الأدبية والفكرية
قطفت منها باقات من المعارف زينت بها عقلي وفكري
حرصت على اقتناء كتبه وحصلت على كتابين من كتبه
هما إحداثيات الانسان و والحياة السرية للأشياء 
قد تبدو بعض كتاباته  في نظر الاخر قبيح  وتزكم الأنوف 
كنت مؤمنة   سيأتي يوم  يخشى الانسان من الغرق في محيط علمه
وجاءت زهرة الغرق وستكون منهلا يرتشف منه الانسان ويطور تفكيره
وتنفجر امكانياته العقلية بالبحث وبكلمة"اقرأ"
لان القران  قال :
نحن نقص عليك احسن القصص)
جاء الاستاذ محسن خالد معتمدا بالقران  وقص علينا بداية الخلق
وقصة أدم وتاريخه بفهمه هو ودراسته وتحليله للرموز لا  مستند  بالقصاصين ولا بكهنةالتوراة

بكل مصداقية وصراحة ووضوح اقول
نعم تعلمت من هذا الكاتب والمفكر  في هذة الفترة القصيرة
بأن الانسان يستطيع ان يطور نفسه وفكره
بمتابعتي لكتابته  وموسوعته الحضارية والفكرية
ما كنت وجدت الطريق الصحيح للتفكير
كنت سأبقى قلقة مترددة اتخبط في غياهب الظلمات
ولم اكن أتفهم  الجذور العميقة في الماضي البعيد
الكاتب الكبير من يعيش في التاريخ  بنزعة إنسانية 
الانسان هو كل اهتمام هذا الكاتب
تطوره نشأته 
لك الفخر أيها النبي  بكونك اول من سيكتشف  حقيقة هذا الوجود

وبالتالي لك مني كل الاعتزاز والتقدير يا استاذ محسن لتغير طريقة فكري
وللاخ مبر  مثله 
 

[wadosman]

نبدأ ليك من حيث انتهيت تماماً
اذا قالت بدور فصدقوها ..
وتصدق عليك بعدد واحد كوت :


بضاعتكم ردت اليكم .. فتل دقنو بس looool

ياخ انا ما جبت حاجة من عندي، و مثال الحب/الكره/ السلوان، دا مثال مدرسي لابن حزم في " طوق الحمامة " .. و اثبت ليكم المرجع.
يعني حلالون الاباريق على شهاب حرامون على قيقراوي الامثلة المدرسية من كل جنسي!؟
سم سانين : و كان في نقطه الكم ما عارف؟:D
لخير كدا كدي اقرا الكلام المقتبس دا :


هنا وين معنى ( بغض/ كراهية ) .. هنا بتكلم عن نزع ( الحب ) .. اما مسالة انو يكون زي حالة العدم الاولى فدا تعسف منك بس!! .. و لو حاكمنا الحاجة كدا لكثفنا الزمان و حجزناه في الماضي فقط. يا زول بدور هينة و حنيّنة .. كدا انت بتزعل شيخك قطب المعرفة و غوث علوم الزمان سيدي انشتاين، و بتزعل لينا ماركس معاك ذاتو.
الحاجات بتتقدم ما بترجع لي وراء وتسوي الترترة .. و [ التاريخ يسير إلى الغد ] او كما قال درويش.
السلوان = اللاحب تماماً .. اها دا عودي في الرياضيات العاطفية العليا و الدقيقة من اسي .. فبلغوا عني.

سم سانين - و المرة دي ما ( سلى ) انو استخدما سابقاً ، لكن عامل رايح ساي:D - ياخ كدي فهمني دي، كيف يجتمع السلوان و الحب في قلب واحد؟
شفت منطقك عامل كيف؟
يعني اكون بحب زول و سالي و قلبي خالي!؟
لوووووول الكلام دا مالو بقى لي زي الشعر كدا؟
بالمناسبة دي ياخ انت ما بتسمع حقيبة .. شوف المجنون دا شاتا لي مدردقة كيفظ انا و القون :
الليل و القمرة ضدين و اجتمعوا ..
الله ياخ! .. ديني انا
خلى ليك فرقة لسلوان هنا .. اذا دخل عليهم سلوان فتاكد انو، دخل باب هازم اللذات و مفرق الجماعات ..

ارحنا بها يا ود عثمان*:cool: ..
ارحنا بها و خلي الاعصاب في البوست دا تهدأ شوية ياخ
و غنى الخليل :
عزة ما ( سليت ) وطن الجمال ..
و لا ابتغيت بديل غير الكمال

كفاك و لّ ازيدك؟


و عليكم الجمال و رحمة الله و بركاته
و بعدين بطلوا خرخرة
لو التزمت بدور
انا ما بلتزم
ح تتحبوا يعني ح تتحبوا
ما على كيفكم
و .. تاني looool





------

* دا مؤذن الجمال عند قدامى الشفيفين ؤ كدا:D


http://www.sudanesehost.com/uploads/user_uploads/vipmohdosman2f56/min_awal_nazra.mp3

لينك للحفظ (http://www.sudanesehost.com/uploads/user_uploads/vipmohdosman2f56/min_awal_nazra.mp3)

اها دى القريبه...:rolleyes:

[بدور التركي]

الفنان منو:p

شكرا يا فنان
لحن جمبل جدا

[بدور التركي]

تحياتي اخ معتصم ...
لست فنان ولا قريب حتى من ان احمل تلك الصفة العظيمة، وسعادتي كبيرة جدا بي انو اسمي بيوحي بي كدا :)
ابدا وحياتك ما عندي ناسات ولا حاجة والبوست دا افترع بناء على نقاش سابق بيني وبين بدور في امر الدين.
عشان كدا هي قالت الكلام دا

لانها خايفة علي اخش النار بسبب افكاري.
ولعلك لم تنتبه لدلالات الوش الضاحك في تفسير المثل. وهذا لك فيه عذر ربما لانك لم تتابع بوست محسن خالد (زهرة الغرق).

تحياتي للجميع ووافر الاحترام والتقدير

عندي إحساس انك ستعشق هذا الفضاء الرحب
كعشق الطائر الحبيس للفضاء الواسع
وستتنسم هواء الحرية

وتدري
ولو تدرون

[سمراء]

[COLOR="Navy"]

مرّة واحد بلييييييييد لدرجة قف و ما تتامل ذاتو!!
اها جا صاري وشو ..
ابوهو سالو : ادوكم النتائج؟
رد مبوّز : ايوة
ابوه بلا مبالاة ( كان متوقع الرد " الطيش" ) : جيت الكم؟
صاحبنا ( في دور الضحية، كانو ظالمنو ) : جيت الـ 57
ابوه بابتسامة كمساري : كويس و الله .. اول انا قايلك ما بتجي كلو كلو:D

غايتو ياقيقا النكتة دى حاتخليك تحجز مقد امامى عدييييل كدة فى "صف" " الرائعين " وعلى فكرة عشان مايخموك دى درجة اعلى من " الشفافية ..
اى عشان مايقومو يسرحو بيك ساى ..
هى وصلة درجة بقو يدهو لى بابكر عباس:D ...دحين انساها ياخ

____
بابكر اقيف بعيد كويس :D

[بدور التركي]

ده كلو من محسن ..
أسي أنا قلت الهدية المربعة دي حتكون لوح جالاكسي كارب كده !!
بعدين ده موش هرم ؟؟؟:confused:

سلامات يا ست الكل

بجيب ليك الهرم وما يتضمنه من مناهج الحساب والفلك
الهرم يحتوي على خلاصة المعارف الحسابية والفلكية
انت عارف الأهرامات دي اصلها سودانية؟
عارف كيف بنوها؟ولماذا؟
عارف ما هي اسرار الحكمة والمعرفة التي تحتويها؟؟؟

[قيقراوي]

غايتو ياقيقا النكتة دى حاتخليك تحجز مقد امامى عدييييل كدة فى "صف" " الرائعين " وعلى فكرة عشان مايخموك دى درجة اعلى من " الشفافية ..
اى عشان مايقومو يسرحو بيك ساى ..
هى وصلة درجة بقو يدهو لى بابكر عباس:D ...دحين انساها ياخ

____
بابكر اقيف بعيد كويس :D

صدقت و الله
خسوساً .. خسوساً كدا في حتة هملة الشفافة البدوها الرواعية دي!!؟
يا للهول عديل كدا!!

الترويع مهم جداً ياخ ..

نحن في حلف النيدو ( حلف شمال الضهرة ) من مبادئنا الراسخة ترويع المدنيين، و ما بنفرز مدينيين و لّ بدو .. حتى الما بدوا لسه، ذاتم لهم من ( الروعة ) نصيب.
المافي شنو!؟:D
يا رائع جفيتني و انا ضائع
تعال لي:D


-------

ما قلت ليك انا في اسفيركم دا ضائع سااي
حياتي هنا من غيرك شوربة ساي
اسي لو ما انت في، كان سرحوا بيو ساااي
و لّ سرحوني بي غنم ابليس بس

قيقاراعي يريد لقب ( الشفيف ):D
و بشدّة .. مغروووووود فيو ياخ:D

[سمراء]

الترويع مهم جداً ياخ ..

نحن في حلف النيدو ( حلف شمال الضهرة ) من مبادئنا الراسخة ترويع المدنيين، و ما بنفرز مدينيين و لّ بدو .. حتى الما بدوا لسه، ذاتم لهم من ( الروعة ) نصيب.
المافي شنو!؟:D
يا رائع جفيتني و انا ضائع
تعال لي:D

قيقاراعي يريد لقب ( الشفيف ):D
و بشدّة .. مغروووووود فيو ياخ:D

خلاص حانرفع شعار
الشعب يريد " تشفيف " قيقاراعى :D
ومن هذا المنطلق ستنطلق المساير من راس حبوبات الشعب ولحد دقنوسات الحكام
وسندك فى هذا "الدرب الاخضر" كل الشفافين الحالمين* :mad:

وسننصبك الاهاً للشفافية بلا منازع
اهان المافى شنو :D



___________
*الرويعى بعد دة اعتقد محتاج جكة شديدة عشان يحصل يقلع اللقب ده :D

[بدور التركي]

الشعب كله عايز يكون شفيف:eek:
صباح الخير يا حلوين

الشفيف بابكر وين
ما جا علق ع الهدية?

[wadosman]

الفنان منو:p

شكرا يا فنان
لحن جمبل جدا

الفنان قيقراوى...:p

ياخى دا ولا كشكر لينا زاااتو...:rolleyes:

[بدور التركي]

الفنان قيقراوى...:p

ياخى دا ولا كشكر لينا زاااتو...:rolleyes:


ما فهمت:(
ياخ دا شنو
لينا منو

[قيقراوي]

الفنان قيقراوى...:p

ياخى دا ولا كشكر لينا زاااتو...:rolleyes:

عليك الله يا ود القرشي تعال شوف صاحبك دا
ياخ بدور هارسلف اصدرت فرمان سامي و انعمت عليك بلقب " فنان "
جاي تكوسها كشكرة ساي من قيقا راعي!؟looool




-------

لوووووول
يابا ان شاء الله يوم شكرك ما يجي كلو كلو انت
تتقاصر الشكرات معاك .. او كما قال بابا عن النعيم ود حمد :
فوقك الشكرات قلائل

خليك جاهز بـ ( يا رائع ) .. سمح؟
اهن انت قايل الالقاب دي ببلاش؟
بعدين البياكل براو بخنق .. انت فنان و انا رائع .. و بابكر شفيف .. و هكذا ياخ
المافي شنو!؟:Dlooool