جيبولى بس قلبى الودر يا اخوانا فى حفلة خدر

[سارة]

http://www.sudanyat.org/upload/uploads/qalby.mp3



بين اياديكم الجميل بادى دعوة للفن واهله
ودعثمان والمرهف مبر نموذجن:cool:

[wadosman]

http://www.sudanyat.org/upload/uploads/qalby.mp3



بين اياديكم الجميل بادى دعوة للفن واهله
ودعثمان والمرهف مبر نموذجن:cool:

يا سلااام على الفن المعتق

يلا احكى لينا قصه الاغنيه دى..:rolleyes:

[سارة]

يا سلااام على الفن المعتق

يلا احكى لينا قصه الاغنيه دى..:rolleyes:


يا جميل البوست دا مخصص ليك ولمبر لقول كل شىء عن العبادى
وعن الراحل بادى ياخ أيفتى ومالك فى المدينة؟؟:p

[wadosman]

يا جميل البوست دا مخصص ليك ولمبر لقول كل شىء عن العبادى
وعن الراحل بادى ياخ أيفتى ومالك فى المدينة؟؟:p



حفله خضر دى موضوع طويل
و بدون عشا كارب فى الليل الطويل دا
لا بنقدر نحكى عنو ولا شى...:rolleyes:

[نبراس السيد الدمرداش]

مساء الخير يا ستهم
كيفنك وكيف صحتك و اخبارك

[مبر محمود]

و...
فرع النقا المال وإنّصــب
لي قلوبنا بالرشرش حَصب
شلخو التقول صابنو صـب
والرشمة أخ قطعة ونصـب
و
رقّ الضمير راق الجسم
إن يمشي تحسبو ينقسم
للعاشقين ترياق وســـم
أهو وصفو وما بقول الإسم
و
شكلك لطيف يا بتّنا
زي القطيف الإنتّنى
قالتلي عددت التنا، هن ستة غير التنتنه

و
سلام علي العبّادي وعلى بادي وهما في الخالدين .. وعشي لينا ود عثمان يا سارة

[سارة]

جيبولي بس قلبي الودر ياخوانّا في حفلة خضر
ازهار ربيع كان بُسطها والنور يبق من وسطها
ارواحنا نالت قِسطها بلغت نهــــــــــاية بَسطها
بي روقة ما متهابلين
وعلي سُرر متقابلين
حركات اساري مكبلين
جلسن سكينة بي وقار
طفح السرور والهم غار
مابين كبارن والصغار
من نون وعارضا ذوالفقار
فرع النقا المال وانّصب
لي قلوبنا بالرشرش عصب
القوس تقول صابّينو صب
والرشمة آ قطعة ونصب
شالت قُناعا واسبغت
بعد النجير اتطبقت
الحفلة طيب اتعبّقت
وارواحنا في الطقّاق بقت
رقّ الضمير راق الجسم
ان يمشي تحسبو ينقسم
للعاشقين ترياقو سم
اهو وصفو مابقول الاسم
شكلك لطيف يابتّنا
زي القطيف الانتني
غير التنتنة
الحفلة كانت حاجة بون
شيكات الوفات ماكبون
الشافعة ديسا للجبون
بي روحك اقرب يازبون


دا كلام بدورلو عشا يا ود عثمان الله يهداك

[شهاب كرار]

غايتو انا جبتا الكرسي بتاعي وقعدت ليكم في نص حوش بوستيكم دا

يا جميل البوست دا مخصص ليك ولمبر لقول كل شىء عن العبادى
وعن الراحل بادى ياخ أيفتى ومالك فى المدينة؟؟

عبادي وبادي مرة واحدة؟؟
والله البوست غفير مستشفى ما يمرقني منو:D

[احمد زين]

بين اياديكم الجميل بادى دعوة للفن واهله
ودعثمان والمرهف مبر نموذجن:cool:

يا السرور
والله دي مصادفة غريبة
ارحلي بوست ساهروووون وشوفي الحاصل شنو

[wadosman]

دا كلام بدورلو عشا يا ود عثمان الله يهداك

مكنتك دى ما بتقسم معانا...:mad:

[سارة]

ود عثمان..ست ابوها وامها.. مبر والجميل شهاب

والله البوست بخيت وسعيد فى رقبتو

يلا كل زول يجيب العندو

[ابرا]

ود عثمان..ست ابوها وامها.. مبر والجميل شهاب

والله البوست بخيت وسعيد فى رقبتو

يلا كل زول يجيب العندو



غايتو انا ماشي اجيب التلج والجبنه وجايكمlooool

[احمد زين]

غايتو انا ماشي اجيب التلج والجبنه وجايكمlooool

وانا ماشي اغسل ليكم الكمونية:D
واقطع ليكم البصل:D

[ابرا]

وانا ماشي اغسل ليكم الكمونية:D
واقطع ليكم البصل:D

انت لا تفوت ولا تموت:cool:

[سارة]

ابو حميد ياخ توارد ارواح ولا خواطر ما انت عارف انا بحبك
خرافى حبابك يا زين يلا بالله عليكم تمجلسوا وخلوا شهاب دا
فى الصف الامامى والعشا يا ود عثمان بجيبوا بس انكرب لينا
نيبو خليك قريبة
مبر وعد الحر دين عليه وات ماك زولا بينقض عهدو

[شهاب كرار]

http://www.youtube.com/watch?v=kAfSEVp1hoM

[نبراس السيد الدمرداش]

ود عثمان..ست ابوها وامها.. مبر والجميل شهاب

والله البوست بخيت وسعيد فى رقبتو

يلا كل زول يجيب العندو



وين باقي الازرق دا يا ستي انا

بس زي ما قلتي لا يفتى و مالك في المدينه
و مدينتك اليوم فيها كذا مالك (ودعثمان,مبر,ود الزين ,خرافي و شهاب)

[سارة]

الليلة وين يا بنية الظاهر الليلة اب ليا

وووووب ابا ليا


http://www.youtube.com/watch?v=7-EZAny8glg

[شهاب كرار]

جسمي المنحول
براهو جفاك يا مليح الزي

كيف حبي يحول
و فؤادي معاك يا زينة الحي
حلمك يا جميل أنا داني رحول
تركني هواك بين ميت و حي


كيف ليك وصول
سكونك فوق لسهيل و ثري
النوم من عيني ّ دوام مفصول
دموعي تلاقي و تزرف ري



الساحره عقول
دي بروق في غيم و لا در في لمي ّ
خدودك أم أزهار في حقول
سقاني غرامك صافي حمي ّ


أنا دمعي هطول
يحن لي هواك و قاسي علي ّ
أيصح في هواك تعذيبي يطول
البين اترابك لاهي خلي ّ


يا الرمشو كسول
بي خدو و جيدوا بيسبي ظبي ّ
بالشوق يا نسيم أبقى لي رسول
لو يعطف ثانيه .. يزيل البي ّ



يا سلام يا عتيق وبادي، عمالقة شكلوا وجدان جيل بأكمله، ونحن لينا (الله) وعيشة السوق :D

[ابرا]

http://http://youtu.be/C_YOdIOWIyc

[مبر محمود]

شكلك لطيف يا بتّنا
زي القطيف الإنتّنى
قالتلي عددت التنا، هن ستة غير التنتنهوعادةً العبّادي مع الناس البتّنوا ديل لا بينستر لا بيسترنا.. شوفو شن قولو كمان:
فرع الياسمين المِن النسيم يتّنى
سالكه مضمّره والتنّه فوق التنّه
عبّ نهوده كالتله جاء يكتلنا
فزنا شهادة منو اللقاها متلنا
وتاني:
إن جاتك تقود في عومه زى الوزّه
واللفتات غزالا بالنتايل....... فزّه
وقتين تدى جوز عينيها كسرة وغزّه
زى الفارس الشال حسامو وهزّه
وتااااتي:
يوم إن كان تصادفك حافلة أو غير حافلة
تتناول فؤادك وتمشى منك قافلة
تنظر قامة ممشوقة ومضمّرة كافلة
نغماتا تنسيك الفروض والنافلة


ا

[سارة]

الليلة وين يا بنية
مساهر الليلة النوم اب ليا
يا ام خدا كانو مرايا
نسانى العذاب بى ورايا
بموية الشباب رويانة
لى قلوبنا ما دايرنا
كونك عارفة ومكاوينا
الليلة وين يا عينيا
الظاهر الليلة النوم اب ليا
ا

[سارة]

http://comps.fotosearch.com/compb/IMZ/IMZ008/dpr0021.jpg

يا ست ابوها وامها وستى وست عقابى لكى وللجميع هنا ارفع قبعتى
يا مبر بالله عليك تشرح لينا الكلام البفتت العضام دا
شهاب يا ملك يسلموا الايادى وكان جاء غفير المستشفى قول ليهو
انا بتذكرتى:p ود عثمان ياقلب ما قنا بنعشيك ما مصدقنا يعنى
ابو حميد كمونية ولا ام فتفت ان شاء الله العفشة كلها مع بادى
دا اى حاجة بتبقى حلوة
يازول يا خرافى :cool: الفديو ما فتح معانا ما تشوف لينا صرفة

[نبراس السيد الدمرداش]

http://comps.fotosearch.com/compb/IMZ/IMZ008/dpr0021.jpg

يا ست ابوها وامها وستى وست عقابى لكى وللجميع هنا ارفع قبعتى
يا مبر بالله عليك تشرح لينا الكلام البفتت العضام دا
شهاب يا ملك يسلموا الايادى وكان جاء غفير المستشفى قول ليهو
انا بتذكرتى:p ود عثمان ياقلب ما قنا بنعشيك ما مصدقنا يعنى
ابو حميد كمونية ولا ام فتفت ان شاء الله العفشة كلها مع بادى
دا اى حاجة بتبقى حلوة
يازول يا خرافى :cool: الفديو ما فتح معانا ما تشوف لينا صرفة

والله قبعتك ما بناباها لكن كان ختفتي رجلك الخرطوم تكوني ما قصرتي
مبر الشيخ المادح و المتبتل في محراب بادي جاب ليهو كلام عجييييييييب
يا ستي العشاء علي نريح احمد شويه باقي كان في ترعة بابكر
و التحليه على خرافي looool

[مبر محمود]

حدثني أحدهم قائلاً: العبّادي علّم الشعراء السودانيين الخيابة والبكاء في النسوان
ببكي وبنوح وبصيّح للشوفتن بتريّح
فرع النقا المميّح منو المسك يفيّـــح
وكتين صباحو يبيّح بلبل قلوبنا يصيّح

قلت ليهو: ياريتو لو وقف عند دي وبس، إنت ما سمعتو عند أبو داؤود؟
عمل الدهر دى العملة .. جرد على الحملة
فارقت دورن جُملة .. تفرغ عيوني وتملا
مُر يانسيم بى جارى .. واحكيله كل الجاري
قول ليه دمعه الجاري .. في خدوده سوى مجارى
ذكرى الحبيب عاطرانى .. كابه الدموع ماطرانى
الزمّا والأطرانى .. سيان .. لو تطرانى
ياريته لو وافاني .. قبل أندرج في اكفانى
أنا كنت أعده لفاني .. وما كان منامي جفاني
ولّ ما سمعتو عند خدر بشير؟
جدّ وجدي وآن إنفقادى
ديمه هايم رايح وغادي
يجرى دمعي وفى النار رقادي
يطفئ ناري الماء في اعتقادي
وأخيراً ملحمة الدموع الكبرى
ياعازه الفراق بى طال .. وسال سيل الدمع هطال
ارض آمالي في امحال .. من الهم بقيت في وحال
بعدك عازه ساء الحال .. نومي وصبري أضحى محال
طريت برق الفويطر الشال .. وسال دمعي البكب وشال
فقد صبري ومنامي انشال .. لبس من ناري عمه وشال
أنا والهم دوام في نزال .. نحل جسمي وصبح في هزال
ياشماتى والعزال .. افرحوا بالعلى مازال

[بابكر مخير]

جيبولي بس قلبي الودر ياخوانّا في حفلة خضر
ازهار ربيع كان بُسطها والنور يبق من وسطها
ارواحنا نالت قِسطها بلغت نهــــــــــاية بَسطهابي روقة ما متهابلين
وعلي سُرر متقابلينحركات اساري مكبلين
جلسن سكينة بي وقار
طفح السرور والهم غار
مابين كبارن والصغار
من نون وعارضا ذوالفقار
فرع النقا المال وانّصب
لي قلوبنا بالرشرش عصب
القوس تقول صابّينو صب والرشمة آ قطعة ونصب
شالت قُناعا واسبغت
بعد النجير اتطبقت
الحفلة طيب اتعبّقت
وارواحنا في الطقّاق بقت
رقّ الضمير راق الجسم
ان يمشي تحسبو ينقسم
للعاشقين ترياقو سم
اهو وصفو مابقول الاسم
شكلك لطيف يابتّنا
زي القطيف الانتني
غير التنتنة
الحفلة كانت حاجة بون
شيكات الوفات ماكبونالشافعة ديسا للجبون
بي روحك اقرب يازبون


دا كلام بدورلو عشا يا ود عثمان الله يهداك

مرة التقيت "كابلي" وسألته عن غنية "سلمى" وقلتا ليهو دآ كُّفر عديييييييييييييل "عبدت الله في سري، لأن الله سواك"..
قال قوله وحسي في القصيدة الجميلة دي :(
وحسن الإختيار،،
شايفها منتهى الإباحية..
ودي
"شيكات الوفات ماكبون":eek:
شينة، تب

[سارة]

عم بابكر سلامات
الغرض من البوست هو ابراز النواحى الجمالية
والابداع فى شعر العبادى..اولا اعتذر عن نقل اى شىء قبيح
او اباحى لست انا سارة من يفعل ذلك
لانى بالجد ما فهمت الاباحية المقصودة فلو تكرمت اشرح لى
لاسحبها واعتذر

فانا فعلا لا ادعى فهم كل المعانى والمقصود

[بابكر مخير]

عم بابكر سلامات
الغرض من البوست هو ابراز النواحى الجمالية
والابداع فى شعر العبادى..اولا اعتذر عن نقل اى شىء قبيح
او اباحى لست انا سارة من يفعل ذلك
لانى بالجد ما فهمت الاباحية المقصودة فلو تكرمت اشرح لى
لاسحبها واعتذر

فانا فعلا لا ادعى فهم كل المعانى والمقصود

زااااكي سلامي ليكي..
بوافقك بشدة أنك لم تفهمي كل المعاني والمقصود،،،
كان بيقولوا لشعراء الغزل قولة أقرب وصف ليها "سفيهين"..
تشبيهاتم متسترة وكلماتهم لها معنى عفوي وآخر "بيعرفهوا هم والذييهم"..
كتيييير ناس بتتداول أقوال بعفوية، نعم ولكن لو تبحروا في معانيها..
آ آ :(
ربما أشرت لبعض من الإباحيات بالتلوين