لمحة عن بعض شعراء الأغنية السودانية [الأرشيف] - الصفحة 2

شبارقة

26-02-2013, 07:37 AM

سلامات ... ونواصل :

الشاعر السابع: علي المسـّاح

http://www.sudanyat.org/vb/uploaded/1186_1367840782.jpg

سبب تسميتو بالمسـّاح : قالوا عمنا علي كان زول حوّام لا يستقر في مكان واحد وكان يترك مقر عمله كثيرا ً (كان ترزيا ً) في مدني.. أها في واحدة من حواماتو ديك لاقاهو ليك واحد من التجار المتجولين فقال ليهو : إنت يا علي وين مانمشي نلقاك ؟ يا زول إنت مسـّاح ؟ * فحكى عمنا علي تلك القصة لأصحابه في السوق فضحكوا وتندروا وأصبحوا من ساعتها ينادونه بالمسـّاح.

* في تلك الفترة إنتشر المسـّاحون كثيرا ً في طرقات وشوارع مدني بغرض تخطيطها وهو ما دعى ذلك التاجر المتجول إلى أن يشبهه بالمسـّاحين.

شبارقة

26-02-2013, 07:52 AM

قال علي المسـّاح في ختام قصيدته (نغيم فاهك) :

أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المسـّاح دمع البكا

شبارقة

26-02-2013, 08:20 AM

إشتهر المسـّاح على نطاق واسع عندما غني له المطرب إبراهيم الكاشف أغنيته الشهيرة:

إنت بدر السما في صفاك *** قول لي من عيني من خفاك

شبارقة

06-05-2013, 01:01 PM

إشتهر المسـّاح على نطاق واسع عندما غني له المطرب إبراهيم الكاشف أغنيته الشهيرة:

إنت بدر السما في صفاك *** قول لي من عيني من خفاك

http://www.youtube.com/watch?v=yzq8Ugssrlw

شبارقة

06-05-2013, 01:49 PM

وكتب الشاعر المسـّاح (غصن الرياض المايد)

http://www.youtube.com/watch?v=_JMXr_RTNrA

يا غصن الرياض المايد يا الناحلني هجرك وإنت ناضر وزايد جافيتني ليه أنا ليك رايد

يا غصـــــــن الرياض المــــــــايد ما أظـــــــن عن هواك لو أمـــــــــوت ماحــــايد
سهران ليلي طال والعينين صحت ماهجايد تعبان قصدي ليمك وإنت ناضر وزايد

في الجيــــــــــــــل جمـــــــــالك سائد عينيك ليك جنودك وإنت ليهــــــــن قايد
يالنـــــــافر جفيتني بنظــــــــــــرة لي ماك عايد شوفتك ذي هلال العيد وبيها أعايد

يا خلاصة الحواري المـــــــــــن جنان وخوالد حسنك ليك يدوم لا أم تلـــد لا والد
رافل في ظــــــــــــلال المجد التليد والتالد يا اللابس العفاف حلية وعقود وقلايد

عانيت في ليـــــالي هواك ظروف واحايد مشكلة بين هواي وجفاك وإنت محايد
بــــــس ما ذنبي غير صغت النشيد ونشايد في مدحك بنيت قصر الرشيد الشايد

أنــــــــا وحبك ترعرعنا ونشأنا ندايد من زمنــــــــا ً قبيل ما أيـــام قلال وعدايد
ما خلــــــص القديم وتبين مصايبو جدايد حن يا حبيب كفاي مُـر العذاب وشدايد

شبارقة

06-05-2013, 02:47 PM

وبرضو الأغنية الشهيرة (زمانك والهوى أعوانك) هي من كلمات شاعرنا علي المسـّاح

http://www.youtube.com/watch?v=hx3UGhAJblA

زمانك والهوى أعوانك.....أحكمي فينا هذا أوانك

حمامة الغصون صداحة فوق أغصانك
ذكـّري لي حبيب ياحمامة مولاي صانك
هاجت عبرتي ويا دموعي كيف حبسانك
وين تلقى المنام يا عيوني غاب إنسانك

شبارقة

07-05-2013, 10:03 AM

قصة أغنية (زمانك والهوى أعوانك ) يذكرها الكاتب معاوية حسن يسن في كتابه (الغناء والموسيقى في السودان) .. قال إنو المساح كتب هذه الأغنية في فتاة من أصول مصرية تسمى (بهجة *) .. ويبدو أن عمنا المساح أفتقدها وذلك بعد سفرها مع أسرتها في عطلة إلى مصر في عام 1924م.

الأغنية تغنى بها الفنان الشبلي .. فنان مدينة ودمدني في ذاك الوقت .. لكنها سـُجلت في الإذاعة بصوت الفنان الكبير عوض الجاك ... وتغنى بها الكثير من المطربين فيما بعد.

أبدع المسـّاح في تشبيه المحبوبة بإنسان العين (البؤبؤ) والكناية عن غياب إنسان العين بعدم النوم:

هاجت عبرتى يا دموعى كيف حبسانـــــك
وين تلقى المنام يا عيونى غاب إنسانــــك

يذكرني هذا الكلام قول المتنبي : ما أنسدت الدنيا علي لضيقها ولكن طرفاً لا أراك به أعمى

* يذكرها في آخر بيت في القصيدة :

عدتى و عاد هناى يا (البهجة) هل هلالك

جيجي

07-05-2013, 10:23 AM

ما خلــــــص القديم وتبين مصايبو جدايد حن يا حبيب كفاي مُـر العذاب وشدايد
عودا جميلا ياشبارقة

شبارقة

07-05-2013, 01:11 PM

حبابك 10 يا جيجي وشكرا ً ليك .. بما إنو إقتباسك كان من (غصن الرياض المايد) فأهديك أياها بصوت المطرب : مصطفى السني*

http://www.youtube.com/watch?v=NYLTtDlR5mo

* المطرب مصطفى السنى هو أحد الذين يصدحون ويغردون ببعض أشعار زميلتنا الشاعرة / تماضر الخنساء

شبارقة

07-05-2013, 02:32 PM

وما زلنا في بستان الشاعر علي المساح

لما كان شاعرنا المسـّاح في العشرين من عمره كتب (زمانك والهوى أعوانك) وكان ذلك في 1924م تقريبا ً وقام بعدها بحوالي سنتين بكتابة رائعته (نغيم فاهك) التي يقول في مطلعها :

نغيم فاهك يا أم زين دواى
شفاي البجبر قواي

في هذا البوست لسنا بصدد التركيز على الفنانين الذين قاموا بأداء تلك الأغنيات بقدر ما نريد إلقاء الضو على كاتب الكلمات نفسه والتذكير به ... ولكن الفنان محمد حسنين (أبوسريع) إرتبط في ذهني بأغنية (نغيم فاهك يأم زين دواي)

http://www.youtube.com/watch?v=N75RQEKkgls

النور يوسف محمد

07-05-2013, 02:38 PM

بسم الله الرحمن الرحيم

متابعه واستمتاع ،،

ويبدو إنو الواحد فى حاجة لقراءة تانية ،،

شكراً يا عاصم ياخ

طارق صديق كانديك

07-05-2013, 02:38 PM

ياسلام عليك يا شبارقة حين تجمل أيامنا بالحديث العذب والمداخلات الذكية.

سأعود بالمساء بإذن الله

كن بألف خير

طارق صديق كانديك

07-05-2013, 02:41 PM

يا سعادتك، يبدو كتبنا في نفس الوقت(لاحظ وقت المشاركتين أعلاه:D)

غايتو مدافرة شديدة :)

مساكم الله بالجمال وشكرا لشبارقة

شبارقة

07-05-2013, 02:47 PM

شكرا ً الأعزاء النور وطارق ومرحبا ً بكم دائما ً وأنتم تدفعوننا إلى الأمام وترفعون من معنوياتنا

ويا الشاغلين فؤادي :) (الشاغلين فؤادي) برضو من كلام شاعرنا علي المسـّاح

معظم أو كل أشعاره كتبها بمدينة ود مدني

http://www.youtube.com/watch?v=b9lFpVxUKhY

شبارقة

07-05-2013, 03:22 PM

إستراحة

تحياتي يا قمر دورين

قسم بي محيك البدري جبناها ليكم والإتنين التانيات في الطريق بإذن الله.

محمد وردي في التسجيل القديم كان عندو خطأ في البيت البيقول (بســيمات فاهـــك التبــرى يا جميل آه كم قللت صبري) ... فكلمة التـَبري هي الصحيحة والتـَبر نبات معروف بزهورو ناصعة البياض وده البيقصدو الشاعر إنو الأسنان عند الإبتسام تبدو بيضاء ... وردي كان بينطقا (التـِبري) والتـِبر هو الذهب كما نعلم ... فهل الشاعر يقصد بأن المحبوبة أسنانا دهبية؟ ... يجوز مركبالا أسنان دهب ؟ :)

شكرا ً لك على المتابعة وعلى المداخلة ،،،

يا سلااام قسم بي محيك البدري من أجمل ما كتب شاعرنا أبو صلاح
وقسماً أنا جادة يا أخ شبارقة في حضرة بعض الأغنيات بسمع أكتر ما بتكلم!
لكن نحاول....:)
عن التِبري أو التَبري....
قبل كده مش الشاعر أبو صلاح قال العيون النوركن بجهرا....
أها هو زاته بكون من النور حقّها ولمّا شافا ما عارف الساعة ديك
ده دهب ولا زهور ولا شنو...:D

يلا نحاول نجاوب يمكن تطلع الإجابة صحيحة...:)
تعرف قد يكون المقصود كما قلت التَبري وليس التِبري أي الزهور البيضاء
لأنه مثلاً في مسدار الهضليم لود شوراني بيقول

الضّو قال ليَّ لا تسافر ملاقي الحَرْ
أبرد وشد على ود البِطيرن فَرْ
قُتْله الراتعة في قفر اللراضي البَرْ
فر بسماها فاق تَبر الندى البِنْشَر
فقال تبر الندى البِنْشَر إذاً فالأرجح هو التَبري والله أعلم!!
لكن مش يمكن برضو الفنّان وردي يكون عاجبه اللون فقام قال التِبري!:D

كل التقدير أخ شبارقة وبوست يستحق المتابعة

مرات كدة باخد لي إستراحة أو وقفة مع بعض المداخلات في هذا البوست.. فاليوم مرت بخاطري أغنية (قسم بي محيك البدري) للشاعر أبو صلاح فأسترجعت ذاكرتي المداخلتين أعلاه ...

سؤالنا في هذا المقام عن الزميلة قمر دورين .. التحية لها أينما كانت ونتمنى أن تكون بخير.

طارق صديق كانديك

07-05-2013, 07:07 PM

أنا الكاتم السر ما حكى
أنا الحاضن البلا ما أشتكى
أنا الحِجة بحل مشبكا
أنا المساح دمع البكا

يا سلام ياخي، على المساح، يتجلي في كل دروب الكتابة فخراً وحباً وتمني.

عكــود

07-05-2013, 07:13 PM

سلام يا شبارقة،

بوست شحمان ولا يبلى.

لا تطوّل الغيبات ياخوي.

شبارقة

08-05-2013, 02:05 PM

يا سلام ياخي، على المساح، يتجلي في كل دروب الكتابة فخراً وحباً وتمني.

نعم يا طارق .. فالمسـّاح كما وصفه أحدهم : شاعر تمدد في عمق المعاني

شبارقة

08-05-2013, 02:28 PM

سلام يا شبارقة،
بوست شحمان ولا يبلى.
لا تطوّل الغيبات ياخوي.

مرحبا ً بالعمدة .. وشكرا ً على الإشادة والدعم .. ونهدي ليك حاجة قديمة للمسـّاح بيقول فيها :

ظبى الخـدر المـاشاف قفار منو العسجد عار الصفار
ظـبي الخـدر أين المـسار ناحل جسمي وزاد الحسار
جـيتك واقـع بـي إنكـسار بـُعدك عـُسري وقـُربك يسار
ظـبي الخـدر مـحياه دار حـسناً فـيه الماء و الخدار
مـن لحـظاتو سبب الودار ريقو خلاصة الفي خليتو دار *

ظبي الخدر الماشاف قفار بصوت كرومة (التسجيل طبعا ً قديم جدا ً) ولكن لا بأس به حتى نتعرف على بدايات تشكيل الفن السوداني في ذاك الزمن:

http://www.youtube.com/watch?v=O8qf4JSxAd8

ونفس الأغنية هنا ولكن في زمن لاحق (زمنا ً خدّو مشلخ ** :)) بصوت مرغني المأمون وأحمد حسن جمعة

http://www.youtube.com/watch?v=GCI1lfQJFQQ

* أبدع المساح هنا في التشبيه بالعسل

** المقصود فترة الأربعينيات حيث كانت الشلوخ أعمق مما سبق.

مهند الخطيب

08-05-2013, 02:36 PM

ياعاصم ياخ ده نهل رشيق ...

وتناول طاعم ، بالله مايبقى رقراق ...

شبارقة

08-05-2013, 02:52 PM

ياعاصم ياخ ده نهل رشيق ...

وتناول طاعم ، بالله مايبقى رقراق ...

شكرا ً يا مهند على حضورك الأنيق وكلامك الطيب

سنسعى جاهدين للمواصلة في هذا البوست.

شبارقة

09-05-2013, 10:30 AM

شاعرنا علي المسـّاح كان لا يكتب ولا يقرأ (كان اُميا ً) وبالرغم من ذلك كان عميقا ً في معانيه .. من أعز أصدقائه الشاعر محمد علي الأمي والرحالة / خالد عشرية الذي تعرف عليه في أواخر العشرينيات .. وهما من أبرز الذين وثـقــّوا للمـسـّاح.

http://www.sudanyat.org/vb/uploaded/1186_1368091336.jpg

الرحالة المرحوم/ خالد عشرية (الصورة في قصر الإمبراطور هيلاسلاسي في أسمرة 1955م)

شبارقة

11-05-2013, 03:15 PM

شاعرنا علي المسـّاح كان لا يكتب ولا يقرأ (كان اُميا ً) وبالرغم من ذلك كان عميقا ً في معانيه .. من أعز أصدقائه الشاعر محمد علي الأمي

الشاعر محمد علي الأمي له قصائد مشهورة سنأتي عليها في حينها .. وبالمناسبة هو شاعر أول أغنية لحنها برعي لأبي داؤود وهي أغنية (أحلام الحب) التي إشتهرت بـ (زرعوك في قلبي):

زرعوك في قلبي يا من كساني شجون
ورووك من دمي يا اللادن العرجون

يا الباسم الهادي نورك سطع هادي
وماذا أقول في سناك ..فيك الدلال عادي
وماذا أقول
شايقاني فيك قامة سمحة وميلحة لون
وعاجباني فيك بسمة وساحراني فيك عيون

أنا في انتظار عطفك مرت عليّ سنين
أسعدني بنظرة وخليك علينا حنين

في حسنك الفردي ياما نظمت فنون
هيهات أسلو هواك مهما اعتراني جنون

أنا لي لقاك صادي لو في الخيال راضي
خصمي هواك يا وديع من يا تري القاضي

http://www.youtube.com/watch?v=qgLUw5Aects

شبارقة

12-05-2013, 08:11 AM

http://www.sudanyat.org/vb/uploaded/1186_1367840782.jpg

الشاعر علي المسـّاح إسمو الحقيقي علي أحمداني وهو مولود بحي الإسبتالية بأم درمان وجاء إلى مدينة ود مدني صغيرا ً مع أهله حيث نشأ وترعرع .. قيل أن الشاعر علي المسـّاح كان كتوما ً وقليل الكلام (أنا الكاتم السر ما حكى .. أنا المسـّاح دمع البكا) وقلنا أنه كان ترزيا ً ولكن هناك بعض الروايات تقول بأنه لم يكن ترزيا ً بل كان مساعد ترزي في أحد محلات أولاد الحضري بمدني .. مساعد ترزي جلاليب (يفتح العراوي ويخيطها ويركـّب الزراير ويكتب الشعر :)).

في سنة 1976م إشتهرت أغنية (قام إتعزز الليمون) وكانت على كل لسان حتى الوزير المرحوم/ عمر الحاج موسى ذكرها في خطابه الشهير في 1977م قبل ليلة واحدة من وفاته (يرحمه الله) .. إتعزز الليمون من غناء المطرب / محمد سلاّم .. أها محمد سلام دا هو إبن أخت الشاعر / علي المسـّاح.

كان مولد شاعرنا علي المساح في الفترة من 1900 إلى 1904م (ليس هناك توثيق دقيق لتاريخ مولده) كما جرت العادة في ذاك الوقت حيث كانوا يربطون تاريخ الولادة بحدث معين .. أما وفاته فكانت في 1966م (يرحمه الله)

جيجي

12-05-2013, 08:17 AM

ترى ماهو سر ارتباط الشعر والغناء بالترزية في ذاك الزمان:)
شبارقة صباح النور

زول الله

12-05-2013, 08:42 AM

ترى ماهو سر ارتباط الشعر والغناء بالترزية في ذاك الزمان:)
شبارقة صباح النور
والله سؤال مهم وملاحظة ذكية ياجيجي

لما يكتب الشاعر قصيدة بكون في قمة ثوران عاطفته
بيتخيلها -ملهمته- كما يشتهيها تلهم القريض وتفك المسجون وتلهب الدواخل
بيحاول يلبسها بحروفو اجمل ثوب يليق بنضارها وجمالها ويفصلو عليها بالملم
ونفس الشيء لما يكون قدام ماكينة الـ سنجر بيعزف على نغمات الإبَر نفس ايقاع القصيدة
كدا بيصنع ثوب معنوي بقصيدة وثوب حقيقي بإيقاع القصيدة
وبعض الملحنين ايضا كانوا ترزية والمغنيين-عثمان حسين نموذجاً
الايقاع شيء مهم شديد في عملية تفصيل اللحن او الفستان او الجلابية

اقول قولي هذا واستغفر الله لي...................

النور يوسف محمد

12-05-2013, 08:47 AM

زول الله

12-05-2013, 08:58 AM

بسم الله الرحمن الرحيم
سلام شبارقة ،،
صباحات الطرب ،،
تمر على بوستات ( الآنسة ) اللائحة بكل لجانها وملاحظاتها وتعديلاتها ،
تجد نفسك محتاج لشوية موسيقى ، عساها تعيد ترتيب يومك ونهارك ودفاتر العشق ،
فلو سمحت يا شبارقة ياخ أغنية المساح ( ما بدور لو شهود )
ولو بصوت عباس تلودى يكون ما قصرت معاى ، ونهديها للأخت قمر دورين ،،
الأغنية دى بتذكرنى بأيام جميلة ،،
قلت لي ياسعادتك ماعايز اي شهود:D
دا اظنو اعتراف عديييل .... مش سيد الادلة؟؟

شبارقة بالله جيبها لينا كلنا خلينا نقعد في الكرسي دا:D:D

اقول قولي هذا واستغفر الله لي................

النور يوسف محمد

12-05-2013, 09:04 AM

قلت لي ياسعادتك ماعايز اي شهود:D
دا اظنو اعتراف عديييل .... مش سيد الادلة؟؟

شبارقة بالله جيبها لينا كلنا خلينا نقعد في الكرسي دا:D:D

اقول قولي هذا واستغفر الله لي................

بسم الله الرحمن الرحيم

شيخى ،،
يعلم الله فقدناك ،،
بس تانى بنعمل حساب الخميس ،،
والله يا خلف الموسيقى مريحة وبترتب الزول ،،
والأغنية دى بالذات فيها كلمات واصلة اللحم الحى ،، :D

جيجي

12-05-2013, 09:16 AM

عليك الله يا شبارقة ماتنسى لينا
طول ياليل على الباسل
---
طول يا ليل على الباســـل
على هضـــــــــــــليما متماثل
حلاتا خــــــــدها الآســــــــــــل
حليلو الفى القلب مرســـــــوم
شويدن .. خلقة .. فاطرو بســوم
يتل اكتافو يجيك مقســـــــــــــــوم
هلك عضمى وهرانى سمــــــــــــوم
جبينو العـــــــــــطر انداهـــــــــــو
ســـــطع نور خدو فى حداهو
هلكنى ولسة فى حداهو
عميرى وروحى تفداهو
لوينة وزى فـــريع البان
تفوق الشابو والشبان
تفوق أندادا تيه وعجن
وبى ســـــــاداتا تتعجن
حليلو الفاهو ما هــــراج
حليلو العاصى والسراج
حليلو الغــــــــــالى يا دراج
حبيبى اللى همــــــوم فــــــــراج
حليلو اللآح فــــــر بســــــــــــــمو
حليلو الكية لى خصـــــــــــــــــــــمو
جميع من سم بى إســـــــــمو
حرام النار علي جسمو

شبارقة

12-05-2013, 09:58 AM

ترى ماهو سر ارتباط الشعر والغناء بالترزية في ذاك الزمان:)
شبارقة صباح النور

والله سؤال مهم وملاحظة ذكية ياجيجي

لما يكتب الشاعر قصيدة بكون في قمة ثوران عاطفته
بيتخيلها -ملهمته- كما يشتهيها تلهم القريض وتفك المسجون وتلهب الدواخل
بيحاول يلبسها بحروفو اجمل ثوب يليق بنضارها وجمالها ويفصلو عليها بالملم
ونفس الشيء لما يكون قدام ماكينة الـ سنجر بيعزف على نغمات الإبَر نفس ايقاع القصيدة
كدا بيصنع ثوب معنوي بقصيدة وثوب حقيقي بإيقاع القصيدة
وبعض الملحنين ايضا كانوا ترزية والمغنيين-عثمان حسين نموذجاً
الايقاع شيء مهم شديد في عملية تفصيل اللحن او الفستان او الجلابية
اقول قولي هذا واستغفر الله لي...................

هلا ومرحبا بكما وشكرا ً على الإضافات

شبارقة

12-05-2013, 10:02 AM

فلو سمحت يا شبارقة ياخ أغنية المساح ( ما بدور لو شهود )
ولو بصوت عباس تلودى يكون ما قصرت معاى ، ونهديها للأخت قمر دورين ،،

الأغنية دى بتذكرنى بأيام جميلة ،،

سلامات يا جنابو

لقيتا ليك معتقة وبصوت أحمد يوسف لغاية ما يجينا ود عثمان ويجيبا لينا من عدة جهات

http://www.youtube.com/watch?v=Ps4eTgqvH7I

جيجي

12-05-2013, 10:13 AM

سلامات يا جنابو

لقيتا ليك معتقة وبصوت أحمد يوسف لغاية ما يجينا ود عثمان ويجيبا لينا من عدة جهات

http://www.youtube.com/watch?v=Ps4eTgqvH7I

ممكن اشارك النور في اهداه واهديها لاخونا الجميل طارق صديق محب الحقيبة الاول
مع تحياتي

شبارقة

12-05-2013, 12:22 PM

شبارقة

13-05-2013, 01:01 PM

الشاعر التامن : محمد علي عبد الله (الاُمي)

http://www.sudanyat.org/vb/uploaded/1186_1368433801.jpg

يقال أنه كان متجهم الوجه .. عابسا ً .. منغلقا ً على نفسه .. إنفعاليا ً سريع الغضب يا ويل من يناديه بالأمي .. وبالرغم من ذلك كتب أعذب الأشعار منها الأغنية التالية التي ترنم بها أمير العود ومن بعده أحمد الجابري.
سألتو عن فؤادي بصوت أحمد الجابري :

http://www.youtube.com/watch?v=CVG18Fc_-1o

شبارقة

13-05-2013, 01:03 PM

http://www.sudanyat.org/vb/uploaded/1186_1368433801.jpg

الشاعر محمد علي عبد الله (الاُمي) مولود بحي الركابية بأم درمان في العام 1918م .. يقال إنو تربطو صلة قرابة بالمبدع / خليل فرح .. كان ترزيا ً ماهرا ً .. إنتقل إلى مدينة الأبيض حيث عاش فيها فترة من الزمن وكان دكانو بتاع الخياطة ملتقى للأدباء والفنانين والمفكرين ... ثم انتقل بعدها لشمبات.

ما بخاف من شئ برضي خابرالمقدر لا بد يكون

إن أتانى الهم جيشو دافر يلقى يا خلاي صبري وافر
يلقى عزمي التام ليهو خافر يلقى قلبي شجاع ما جبون

بالعدا معروف ما ببادر ما بخون الجار مانى غادر
ما بقول للناس مثلى نادر بل بقول للخالق شئون

ما عصيت مولاي مانى فاجر لا ولا بالعالم بتاجر
نفسي يا أحباب ليها زاجر لم أكون كل يوم لي لون

الثبات معروف لي معاصر لو بقيت في داخل معاصر
و الإله غير شك لي ناصر رغم انف الواشي الخؤون

قول لشاهد الزور فيما ثائر هدى روعك قبل الخسائر
يا ما قبلك عميت بصائر من لساني وقولي الهتون

قول لأهل الجور والمساخر مافى أول ما ليه آخر
مابدوم العز والمفاخر و ما بدوم الظل والحصون

عن لسان الحق مانى نافر وما جحدت الخير مانى كافر
ما ضمرت السوء مانى حافر للصديق هاويات السجون

http://www.youtube.com/watch?v=pQaG6usAaBs

شبارقة

15-05-2013, 07:26 AM

http://www.sudanyat.org/vb/uploaded/1186_1368433801.jpg

الشاعر محمد علي الأمي له قصائد مشهورة سنأتي عليها في حينها .. وبالمناسبة هو شاعر أول أغنية لحنها برعي لأبي داؤود وهي أغنية (أحلام الحب) التي إشتهرت بـ (زرعوك في قلبي)

http://www.youtube.com/watch?v=FJavIBdC53M

شبارقة

16-05-2013, 08:11 AM

http://www.sudanyat.org/vb/uploaded/1186_1368433801.jpg

في تلاتينيات القرن الماضي شاعرنا (الأمي) كتب (إنت حكمة إنت آية) والزمن داك كان في مدينة الأبيض التي قلنا أنه أنتقل إليها وكان عندو فيها دكان خياطة كبير كان بمثابة منتدى أدبي يلتقي فيه الشعراء والأدباء والفنانين والمهتمين بالأدب والطرب عموما ً وكان من ضمنهم الأديب والشاعر والسياسي والوزير / محمد أحمد المحجوب الذي كان وقتها قاضيا ً بمدينة الأبيض.

إنت حكمة إنت آية ولّ إنسان
إنت صاحي ولّ نايم ولّ طرفك من طبعو نعسان

إنت راحي إنت روحي إنت إنسان
عيني يا صاحي وإنت إحسان
إنت نادي وإنت هادي وإنت ميسان
إنت ظافر إنت ضافر أسود وفرسان

إنت شادن إنت لادن إنت فتـّان
إنت ضامر إنت سامر إنت هتـّان
إنت نادر إنت ناضر إنت بستان
إنت صافي إنت نافي زور وبهتان

يا حياتي يا مماتي هاك سطران
الصبابة ومر عذابها وقلبي أقران
إنت ساهي وإنت لاهي إنت بطران
في دلالك وفي جلالك يا سامي وكران

يا صفايا يا وفايا هاك برهان
عن غرامي وطول هيامي السابني ولهان
عزَ قربك أما بعدك ما لو لي هان
قلبي خافق هل توافق قدري ينهان

يا حبيبي كن طبيبي أمري حيران
طول نهاري ثم ليلي ساهي سهران
طال عذابي وصاح غرامي جـَوّي عكران
دمعي هامي وشوقي نامي وفرشي نيران

إنت حالي إنت عالي إنت سلطان
إنت ساطع وانا ساجع بي غناك طان
طال أنيني وفاق حنيني ألحان لأوطان
واليلومني في هواك يا سيدي غلطان

قالوا الأديب والسياسي الوزير / محمد أحمد المحجوب ( 1910 – 1976م ) زار شاعرنا الأمي في دكانو بالأبيض (بـُعيد إشتهار أغنية (إنتا حكمة)) وقال ليهو ممازحا ً: إنتا الحكمة يا محمد علي .. وأردف مرتجلا ً :

ما أحلى نيران الهوى في حب هواك يا مسرتي
تما أحلى ما يرضى الحبيب ما أحلى نوحي وعبرتي

http://www.youtube.com/watch?v=6d4i5Md6sLE

شبارقة

18-05-2013, 12:18 PM

http://www.sudanyat.org/vb/uploaded/1186_1368433801.jpg

قلنا عمنا الأمي كان سريع الغضب والإنفعال وكان لا يرضى أبدا ً لقب (الأمي) ودا هو السبب زاتو الخلى اللقب يلتصق بيهو لأنو عندنا في السودان بيحلى لينا نلصق فيك اللقب إذا كنت بتزعل منو
أها قال ليك وفد من إتحاد نساء السودان زار مدينة الأبيض ومن ضمن الزيارة قالن النمشي نمر على دكان عمنا الأمي ومشن يسألن من مكان لمكان لغاية ما وصلن المحل ولقن عمنا الأمي (وهن جاهلات له) وقالن ليهو : يا حاج وين دكان الأمي ؟ قال ليك بعد سؤالن دا إلا مرقنهن كرعينهن ... عمك هاج فيهن وطردهن شر طردة :D

طيب تعالو نشوفو قال شنو في عيون الصيد:

عيون الصيد الناعسات عـَيوني عيون النيل حاكن عيوني
نسيت قلبي وروحي ونسوني وفقدت الكانوا يؤانسوني
ليالي هناى جد عاكسوني وأخاصم النوم كيف درسونى
مع الآلام هاجت شجوني وأطباء الكون ما عالجوني
جفوا بنفورهم هيجوني متين في الطيف يصبو ويجونى
فقدت صحاى لا تنصحوني خطاب وعتاب كفى بارحونى
عيون الصيد ديل جرحوني سروري يتم لو يلمحوني
غلبني أسير هيا درجونى وعلى الأطلال ليل عرجونى
هواى شريف لا تحرجونى وعلى الأكفان شيش درجونى
مقر املى فيهم ظنونى يزيدوا دلال وتزيد جنوني
لذيذ تعذيبهم لو ضنونى وصالهم راحتي ومنوني

ونستمع إليها بصوت المطرب هاشم مرغني:

http://www.youtube.com/watch?v=q7vYg_mWEsY

شبارقة

21-05-2013, 01:14 PM

http://www.sudanyat.org/vb/uploaded/1186_1368433801.jpg

في ثلاثينيات القرن الماضي كتب الشاعر الأمي قصيدة (أسمعني وأشجيني)

أسمعني واشجيني بي ذكرة الأحباب بالله ناجيني
غرد يا حمام

رحماك نجيني من دي الهموم البي ومن قاعا سجيني
خلي الهنا يجيني وخلي السرور يصبح في طيـّو زاجيني

تبريحي صاليني وهيامي زاد أضعاف ومنامي ساليني
قول إنت سليني خلي اليزول مني ألمي المواليني

الشوقو ماليني والبين برى جسمي بنوايبو باليني
يا دمعة بليني ويا قسوة الأيام فتي الحدود ليني

مين غيرك يشفيني ومين غيرك إنت يعيد صبري المجافيني
قول ليهو صافيني زمني القصد هجري في هاوية خافيني

غاب رشدي أهديني في ملتقى النيلين اتغن أشديني
على توتي عديني تجد الأدب فطري تجد الحيا الديني

صابحني ماسيني يا جالب الأفراح لا تبقى ناسيني
سجعك يواسيني ورجاي فيك يا حمام إن مت ترثيني

اصعد وناديني واقصد رياض شمبات سيربي وديني
في غناك أبديني واندب هناك حظي وسعدي المعاديني

إن رمت ترويني مروي العطيش في اب روف بي جرعة داويني
في جوفي كاويني حب ام عفاف ام در من قبل تكويني

بطرا البساتين وبطرا الشذى الفواح والمسك والتين
يا جنة فتيني هل بعد هذا رجوع يا حظي أفتيني

http://server8.sm3na.com/719/Sm3na_com_asmeni_wa_ashjini.rm

http://server8.sm3na.com/719/Sm3na_com_asmeni_wa_ashjini.rm

شبارقة

28-05-2013, 09:41 AM

http://www.sudanyat.org/vb/uploaded/1186_1368433801.jpg

نختتم القصائد الغنائية التي اخترتها لكم للشاعر محمد علي عبد الله الأمي بقصيدة غزل (صريح :)) ألا وهي (هواك وهواي بي جارو) وهي أغنية منسية قام المطرب ياسر تمتام بإزاحة الغبار عنها .. يقول الأمي في بعض أبياتها:

هواك وهواى بى جارو .. سبن أفكاري نظراتك
أحب تعطف تزيل وجدي ..أحب كل البحب ذاتك

بحب لونك .. بحبو .. بحب ياحبي نفحاتك
بحب فى خدك الزهرة .. بخاف ترميني لمحاتك

بحب قربك بخاف بعدك .. بشوفك بين دوحاتك
بخاف صدك بخاف جورك .. وأحب تتهنى فى حياتك

بحبك حبي للعافية .. وكمان ياسيدي وحياتك
بحب فيك الحياء الفطري .. وأذوب من حالي صيحاتك

إذا فى حبكم ضعت .. إذا أقبر فى ساحاتك
أكون للحظ دوام شاكر .. واقبل إنت راحاتك

شعاع الشمس من نورك .. زهور الروض وجناتك
سكرت وتهت دون خمرة .. وكان أسبابي لجناتك

صب يادمعي فى سيلك .. وزيد ياصدري زفراتك
حبيبك ودعك راحل .. وزيد ياطرفي عبراتك

http://www.youtube.com/watch?v=vrqOn0WzN-E