تأملات في الدوبيت السوداني .. !!

[طارق صديق كانديك]

وانا اتصفح في شأن الدوبيت السوداني استوقفني هذا المقال الجميل للاستاذ أسعد الطيب العباسي ..

النص :



في شأن استعمالات اللغة وتوظيفها الشعري في الدوبيت تدور بعض المفردات المؤثرة التي تضيف لهذا الفن القولي بعداً أخاذاً. كنموذج لذلك نأخذ مفردتي (الأحيح) و(النواح) اللتين تبرزان في الغالب في الوجد والغزل من شعر الدوبيت، كما تبدو في أحايين اخرى في المناحات.

نجح شعراء الدوبيت السوداني من أهل الغزل في توظيف مفردة (الأحيح) ومشتقاتها العامية ذات الأصول الفصيحة ووظفوها ببراعة متناهية فأعطت غزلياتهم بعداً مسكوناً بالحنين وقوة العشق، فلفظة (أح) الشائعة بينهم تستعمل عند الألم ويقولون أيضاً أحي وأحيا، وقد قال الموفق البغدادي في سفره (ذيل الفصيح):

يقال عند التألم أح بحاء مهملة أما أخ فكلام العجم آه.

وقد وجدنا ان اللفظة مأخوذة من الأحيح والأحيحة في الفصحى وكلها
بمعنى العطش والغيظ وحرارة الفم، يقول الشارق بن عبد العزيز الجهني في حماستها لمنصفة:

فبَانُو بِالصعِيدِ لَهُمْ أُحاحُ وَلَوْ خَفَّتْ لَنَأ الكَلْمَى سَرَيْنَا

وقد فسر التبريزي في شرحه على الحماسة ان الأُحاح العطش والمشرف من الجراح على الهلاك يعطش. وقد قيل أن الأحاح شدة الوجد من الغيظ حتى يسمع له من الصدر صوت وهو على مثال الأدواء والأصوات جميعاً لأن فعالاً يكثر فيهما.

والوحيح قديجمع على وحايح وقد يفرد على وحّة، وعندما يصدر الصائت صوتاً فيه بحح يقال انه قدوحوح. كما وجدنا أن لفظة (حي) تقال عند التألم وتقرنها النائحات عننا بلفظة (ووب) وهي كلمة مثل (ويل) زنة وفصيحتها (ويب) التي يكني بها عن الويل.

على كل فان لفظةالأحيح بمشتقاتها تضفي سحراً على شعر الدوبيت يبرز تماماً ما يعتمل في الصدر وماينشأ في الأغوار من معاني الألم اللذيذ المرتبط بالعشق والهوى، ومن النماذج الرائدة في هذا الشأن ما قاله الشاعر المقدم الحاردلو الذي اندملت جراحات عشقه الذي كتمه، غير أن هذه الجراحات تجددت عند سماعه لصوت المحبوب الذي شبهه بسُريح الجدي والسُرِيح من التسْرِيح وهو صوت الجدي الخائف وفيه معنى الإثارة يقول:

هَبْهَابْ الشَمَال الجَانِي نَسَّام رِيحُو
حَرَّك سَاكِناً أَزْمنْ كَتَمْتَ وَحِيحُو
الجَرْحَ الدَلَكْ نَيُّو وقَطعْ من قِيحُو
فتقُو علَيْ بُرّيبْ نَامَة بَيْ سُريحُو

ومن الشعراء الذين لجأوا كثيراً الى الأحيح في أشعارهم الغزلية الشاعر الفرد والناغم الساحر عبد الله ود حمد ود شوراني والذي يقول:

أَحْ والوَحَّه ما بِتدُور تفَارق قلْبِي
أحْ من نَار فِلانَه وجَرْحها النوسَربِي
يا نَفْسِي الصّبُرْ لُوكِيهُو لا تَنْسلْبِي
الحَظْ ما بدُِوم يومْ غَالَبه يومْ تِتْغِلبي

ويقول وقد إقترن أحيحه بنواح قلبه:

الَبارحْ نَسِيم رِيحاً طَلَق من جَبْرَه
ذَكّرْ عَقْلِي بِي وَدْ العَنَانِيف هَبْره
أحْ من فِلانه وجَرحهَا المَاببرْه
قَلْبِي عليها نَاح بعد اليقين والصَّبْره

في مربع بديع وضح لنا ود شوراني كيف ان الوحايح قد عادت إليه عندماقال وهو يناجي بلبلاً مغرداً في غصنه:

أَنَا يَا البُلْبُلْ الفُوقْ رَاسفُروعِك سَاجعه
ضيِفِي على وَجعِكْ ونُومي قبْل الهَاجعه
ريد الفَرْقُو صَحَي العَيْن بعد مِي ضَاجعه
أَتْلف صَحَتِي وعَاد لِي الوَحِايحْ رَاجعه

وقد وجدنا الشاعر الفحل أمير المهاجرة وأمير قوافيهم الطيب ود ضحوية وهو يطلق آهاتهالمكتومة في شأن عشقه بوحيحٍ عالٍ ولكنه ظل متمسكاً بفتوته وفروسيته وحبه للنهيض يقول:

أَحْ وَاغُلْبِي من زوُلاً جَمالُو مُلُوكِي
والحَاس بيهُو منْ تَالاكْ يَضوُقُو عَدُوكي
أَمَّنْ بَرضَي بالذِّله وأتركُو لهُوكي
أَمَّنْ نطلَع القَلْعه وجِبالْ السَّوكِي

ويقول في ذات المعاني وهو يتمسك بالأحيح والنهيض:

أَحْ وَاغُلْبِي من سِتْ الصِّبَا المُنْتَبره
وازَمنْ هَجرِي يَاأُمْ شَلاخ بَلُوك فِي العَبْره
أما بَنْتظرْ السَادرَات غرب لي جَبْره
ولاالسِيدَا في الدِنْدِرْ مِقوَّي الكَبْره

وعلى نهج الأوائل سار الشعراء الشباب المبدعون وتمسكوا بالمفردة المؤثرة فوجدنا الأحيح يعتور بعض أشعارهم.. يقول الشاعرالشاب سليمان عجيمي:

يَا خِلايْ مَعذّبْ ولِيلي شَايْلُو وَحِيحْ
جَرْحِي المِغَوَّر زاد وشَالْ القِيحْ
الخَلانِي أنْقُزْ في الصَقيعة وأَصِيحْ
يَاقُوتةَ البَدَوي الزَايدَة في التَرْجِيحْ

ويقول الشاعر الشاب محمود محمدشريف

يَا وَحَّاتِي ما تزَيدَنْ وَقلْبي كَفَاكَا
قَلِيلْ سُرْعَتْك خَانَكْ طَعَنْ في قَفاكَا
كُل ما حدَّثكْ عَاقِلْ ومَنُو نَهاكَا
تَصْبِحْ زَيْرَضِيع من الصِِليحْ تِتْبَاكَا

أما لفظة او مفردة (النوح) ويقال النويح وهوالبكاء بجزع وعويل وصياح، والحمامة النائحة هي الحمامة الساجعة، وعندما تتجاوب الرياح ويشتد ريحها فهي متناوحة، والمرأة نائحة، والمناحة هي رثاء الميت يناح به عليه.

الأمثلة كثيرة والنماذج متعددة في شعر الدوبيت الذي تبرز فيه النوح ككلمةآسرة ولفظة ساحرة تقرب معنى الأشواق للنفس وتعبر عن الوجد والتباريح تعبيراً صارخاً ومميزاً، وقد رأينا ان نجعل من بعض أشعار الشاعر المتقدم الكبير عبد الله ود حمد ودشوراني والشاعر المحدث المبدع الشاب سليمان عجيمي نماذج لتدلنا الى معاني الإبداع الذي تبسطه مفردة النوح وما تفرزه من شجن يتعمق به الوجد والغزل. يقول ودشوراني:

بالَتا تَتَاتِي المَشْيه وتَمُوح مِتاكَيه
حَاوية جمَال وذُوق وأنْدادَا مِنهَا شَاكيه
سَمْحه الفِي السِّير بيهَا المَجَالسْ حَاكيه
لَيْ عليها قَلْباً نَاح وعيْناً بَاكيه

وفي مربوعة أخرى يوضح لنا ود شوراني أسباب النوح والبكاء وكيف أنهما انتزعا منه حياءه وأسبلا من عيونه ماءها.

الخَلانِي أنُوع واقِلي وحَياي مَمْزُوع
لابْسه هَيْبة القَايد اللَّواء ومَتْبُوعْ
فَرقُو سَقَانِي مُراً لَيْ غيري مُو مَجْروع
أَبْكِي وَأَبكِّي وأَطَفِّي النِّار عليهو دِمُوع

ثم يجيء سليمان العجيمي فيشجينا ببكائيات عشقة معبراً عنها بالنوح فيقول:

جَافِيتْ الغمِيد لَيْلي ونَهارِيخَتْمتُو
ونَوْح الشَوقْ البِوَدِرْ في فُؤادِي كَتمْتُو
عَاد يَا عَقْلِي كَان سِيد المَحَاسِنْ لُمْتُو
بَعاتْبِكْ قَلْبِي لِيه ظَبْيَّ البَراري ظَلَمْتُو

ويقول:

يَا صَيْد الوَحشْ وَاويَلْي لو تنْسَانِي
سَاعة الهَجْعة بَطْرَاك وَبضُوق نَيرَانِي
مِنَّوحْ قَلْبِي والسَّهَرْ المِلازمُو أَزاني
كيف اللِيم علىْ ظَبياً نَجعْ خلانِي

إن اختيار الألفاظ المؤثرة منمفردات اللغة في شعر الدوبيت ساعدت على بقائه ممسكاً بأسباب الإبتداع الذاتي وساعدتنا على التعرف أكثر على
شعرائنا أنفسهم فالمرء مخبوء تحت لسانه.

لم يكن النواح والأحيح عند الشاعر الشعبي سوى إسقاطات فنية في أدب
الدوبيت أتى بها عن طريق مقدرة بينة ليثير بها عند المتلقي كوامنه وينتزع من أعماق جوفه الأحاسيس الغائرة ويبرزها رطبة إلى السطح. والشاعر الشعبي رغم أنه لا يستمد بلاغته من علوم أدبية أكاديمية إلا أنه بصدق مشاعره وقوة حدسه ينجح في تصيد تلك المشاعر ويجعل المتلقي شريكه فيها، فهو يطلق طاقته الطبيعية الإيحائية أو المباشرة ذات الخواص الجمالية الفعالة في مخيلة المتلقي فيجعله في حالة من الشجن أو الطرب ويغريه بنوازع البحث والتطلع والتأمل بعد أن ينتزع إعجابه بقوة إبتكارية وإبتداع ذاتي خلاق، يغذيه دائما ذلك في ذلك التراكم الناجم عن ثقافته المحلية الهائلة ومخزونات الصور البيئية المحيطة المتفردة وتجاربه الشعورية الصادقة ولغته الخاصة، ولعل الإهتزازات التي تحدثها الكلمات من شاكلة النوح والأحيح أو ما يشتق منهما وغيرها من الكلمات التي يختارها الشاعر الشعبي بعفوية تفوق العناية تقرب المعاني وتفصح عن التصوير الشعري بشكل أخاذ، وللشاعر الشعبي في فنه القولي الكثير من الوسائل التي تمكنه من تسديد إستحقاقات الإبداع والبلاغة الأدبية تسديدا كاملا غير منقوص فيجبرنا بذلك على إنصافه واحترامه والإحتفاء به أكثر من غيره من محترفي فنون القول الأخرى، وقبل أن أخرج من حديقة الدوبيت المزدانة بأحرف وكلمات النواح والأحيح وغير ذلك من كلماته المؤثرة أقول أنه لابد أن نعض بالنواجذ على إرثنا الفني المتمثل في شعر الدوبيت الذي نظن أن ما يحمله من إبداع سيجعل راياته خفاقة أبدا وسيظل تليده وحاضره قائم فينا وفي وجداننا ما ظلت تلك الآرام ترعى في مسارحها، وما ظلت تلك الظعائن ترنو للبروق والصبيب، وما ظلت الأرض تنبت على أديمها الزرع ويسمق فيه الفرع، وما ظلت المودة تلف أفئدة المحبين وتغشى الرعشة قلوب العاشقين، وما ظلت النساء تنجب شعراء النم والدوباي شعراء النوح والإحيح.

المصدر : سودانايل

[أبو دعد]

نعم يا ود كانديك
هذا الشبل من ذاك الأسد

[wageeda]

مساءك الله بالخير يا مدير
بالله شوفي لي معاك الليلت ناصر يوسف لافقا لاوين :D

واكان في فرقه ممكن تشوف لي اييييييييييييييييييييييي وآآآآآآآآآآآآآآآآآآآ في الدوبيت
وكمان اغاني الحقيبه شائفه في صوت كدا بمطووووووها في اخر الغنيه
عند حسين شندي وكم فنان كدا بجيب لي الضغط
وقنب عافيه

[طارق صديق كانديك]

نعم يا ود كانديك
هذا الشبل من ذاك الأسد

ابو دعد .. كيفنك ياخي ومطول الغيبات .. "" عساك جبت الغنائم "" :)

هو والله كذلك ..

له التقدير والتحية

ولك المودة

[طارق صديق كانديك]

مساءك الله بالخير يا مدير
بالله شوفي لي معاك الليلت ناصر يوسف لافقا لاوين :D

واكان في فرقه ممكن تشوف لي اييييييييييييييييييييييي وآآآآآآآآآآآآآآآآآآآ في الدوبيت
وكمان اغاني الحقيبه شائفه في صوت كدا بمطووووووها في اخر الغنيه
عند حسين شندي وكم فنان كدا بجيب لي الضغط
وقنب عافيه

وجيدة نهارك سعيد

هذه المسادير مليانة بكل شئ نطقت به ألسن الناس في بلدي .. هي مستودع للحراك اللغوي والمواقف وهكذا فالميدان فسيح جدا ...

نحاول نشوف تكرم عينك:)

[عكــود]

عزيزنا الكانديك . .

تسلم أضانك البتسمع محل الوحيح و ين ما كان و يوقد نيرانو فيك!

له الله اسعد العبّاسّي، فقد أتت أحرفه مليئة بالوحيح و الوجعة،
و لم تأتي أحرفك بصوت أخفت من ذلك، فلك الله برضو! :)

أَحْ والوَحَّه ما بِتدُور تفَارق قلْبِي
أحْ من نَار فِلانَه وجَرْحها النوسَربِي
يا نَفْسِي الصّبُرْ لُوكِيهُو لا تَنْسلْبِي
الحَظْ ما بدُِوم يومْ غَالَبه يومْ تِتْغِلبي

و هذا والله أكثرهم وحيحاً و قلّة صبر على طبق مراويد الكيْ، وحيحه يقطّع نياط القلب رغم إزجاءه الوصيّة لنفسه المتبشتِنة.

التحيّة لك ولأسعد وليته يشاركنا الحرف هنا،
فحرفه له أزيز و وحيح!

ملحوظة:
بعض كلمات الأبيات أتت ملتصقة و قد تصعب قراءتها،
يا ريت لو راجعتها.

[طارق صديق كانديك]

عزيزنا الكانديك . .

تسلم أضانك البتسمع محل الوحيح و ين ما كان و يوقد نيرانو فيك!

له الله اسعد العبّاسّي، فقد أتت أحرفه مليئة بالوحيح و الوجعة،
و لم تأتي أحرفك بصوت أخفت من ذلك، فلك الله برضو! :)

أَحْ والوَحَّه ما بِتدُور تفَارق قلْبِي
أحْ من نَار فِلانَه وجَرْحها النوسَربِي
يا نَفْسِي الصّبُرْ لُوكِيهُو لا تَنْسلْبِي
الحَظْ ما بدُِوم يومْ غَالَبه يومْ تِتْغِلبي

و هذا والله أكثرهم وحيحاً و قلّة صبر على طبق مراويد الكيْ، وحيحه يقطّع نياط القلب رغم إزجاءه الوصيّة لنفسه المتبشتِنة.

التحيّة لك ولأسعد وليته يشاركنا الحرف هنا،
فحرفه له أزيز و وحيح!

ملحوظة:
بعض كلمات الأبيات أتت ملتصقة و قد تصعب قراءتها،
يا ريت لو راجعتها.



العمدة كيف حالك ياخي

أدري أن ذائقتك الشعرية لا تفتأ توزك أزاً جميلا لكل مايطرب ..


عليك الله ود شوراني هنا ما عصر علينا :

بالَتا تَتَاتِي المَشْيه وتَمُوح مِتاكَيه
حَاوية جمَال وذُوق وأنْدادَا مِنهَا شَاكيه
سَمْحه الفِي السِّير بيهَا المَجَالسْ حَاكيه
لَيْ عليها قَلْباً نَاح وعيْناً بَاكيه


بالتاء .. تتاتي المشية وتموح متاكية ... حاجة عجيبة .

لا أكتمك سرا فقد راسلته على البريد الالكتروني داعيا له أن يظللنا بحرفه هنا وفي انتظار رده .. عسى يستجيب .. ويكرمنا .. !!

وتم التعديل في الابيات المتداخله .. شكرا للتنبيه

كن بألف خير

[عكــود]

بالَتا تَتَاتِي المَشْيه وتَمُوح مِتاكَيه
حَاوية جمَال وذُوق وأنْدادَا مِنهَا شَاكيه
سَمْحه الفِي السِّير بيهَا المَجَالسْ حَاكيه
لَيْ عليها قَلْباً نَاح وعيْناً بَاكيههو داب عصر هو!
مو علينا و بس، قبلنا علي أندادا المنّها إشتكن لطوب الأرض!

(بالتاء تتاتي المشية وتموح متّاكية)، ياخي ده وصف عجيب، لأنّو ما ممكن تموح متّاكية إلاّ إذا كان (الضمير متل الحجاب طاونّو طيْ - حسن الدابي)، وهنا وهناك أثقال تتحرّك مع وقع الخُطى حين "تتاتي المشية"(قصّاصِن ما يفرّق دربهِن من بين دريبات القماري - ود بادي)، ولمّا كانت الخطى درب قميريّات بأثر الأقدام الصغيرة، فلا بدّ أن إرتجاج تلك الأثقال (الهنا و الهناك) يأتي متّاكياً ذات اليمين و ذات اليسار، حين السير بطريقة (يتقسم مقاطع في المشي و يتحرّن
زي فرخ القطا الأمّاتو ركّن و فرّن - عكير الدامر).

كلام!

[طارق صديق كانديك]

بالَتا تَتَاتِي المَشْيه وتَمُوح مِتاكَيه
حَاوية جمَال وذُوق وأنْدادَا مِنهَا شَاكيه
سَمْحه الفِي السِّير بيهَا المَجَالسْ حَاكيه
لَيْ عليها قَلْباً نَاح وعيْناً بَاكيههو داب عصر هو!
مو علينا و بس، قبلنا علي أندادا المنّها إشتكن لطوب الأرض!

(بالتاء تتاتي المشية وتموح متّاكية)، ياخي ده وصف عجيب، لأنّو ما ممكن تموح متّاكية إلاّ إذا كان (الضمير متل الحجاب طاونّو طيْ - حسن الدابي)، وهنا وهناك أثقال تتحرّك مع وقع الخُطى حين "تتاتي المشية"(قصّاصِن ما يفرّق دربهِن من بين دريبات القماري - ود بادي)، ولمّا كانت الخطى درب قميريّات بأثر الأقدام الصغيرة، فلا بدّ أن إرتجاج تلك الأثقال (الهنا و الهناك) يأتي متّاكياً ذات اليمين و ذات اليسار، حين السير بطريقة (يتقسم مقاطع في المشي و يتحرّن
زي فرخ القطا الأمّاتو ركّن و فرّن - عكير الدامر).

كلام!

مساء الخير ياعمدة

هكذا حين يكسوك الطرب .. " وصاّفا ما بتتلاحق" .. متعك الله بالجمال والتحية لمن استشهدت بحرفهم ..

ثم اني وجدت مربوع آخر للشاعر ( سليمان عجيمي) مافيهو الأحيح لكنه قاتل حين قال:

الـليـلْ بـوبـا واتـخـافـضْ نـُواح السُقْدَّه

وحـبـلَ الـريده رابِـط في الحناجـِر عُقدَّه

صَـقـْرَاً فـي الـقـلِب كـُلْ حِينْ بِياخُدْ نَقْدَّه

إسمو الشوقْ وما بخَليكْ تَضُوقلَكْ رَقْدَّه

اها جنس " النقدة " دي ياهو البجيب النواح داك الحزة:D

[مبر محمود]

طارق..
طَرقاً برفق وبلطف على نواصي القلب.
وهذا المشوار الذي إفترعته هو في غاية التشويق- وقيل التشويك..بل أفدح!
في غاية التهذيب والفتنة،
نمشيهوا على أقدام القلبِ وحّه وحّه.
وقد جاء في كتاب الشعر: "فوق أهل الفِكر كاس الوحيح دائر"
وجاء أيضاً: "ببكي وبنوح وبصيّح للشوفتن بترّيح"
ولن تحتاج منّي أن أذكرك بأن على المغني أن يغني فقط، وعلينا نحن أن نصطفي ليلانا!
ثم كيف كان نويح ودشوراني؟

تقيلة المجلس المِنْ القبيح تِتْسَحَى
مِن حَر شُوقَا جُوفي ينوح ولحمي إتّلَحَا
الخلاني فيك القايلة ما أسمعها
مقطوع النصيب بيك نَفْسُو ما متّعها

لكَ ودي يا طارق، وسأكاتبك أيضاً في وحيح الذي قال: ريِشة قلبي في لُب الفؤاد لولحها.
فقط أدعو معي أن تصالحنى ذاكرتي..فهي ومنذ زمن متحالفة مع النسيان.

[طارق صديق كانديك]

لكَ ودي يا طارق، وسأكاتبك أيضاً في وحيح الذي قال: ريِشة قلبي في لُب الفؤاد لولحها.
فقط أدعو معي أن تصالحنى ذاكرتي..فهي ومنذ زمن متحالفة مع النسيان.

عليك السلام والمحبة يا صاحب

ألم تر كيف طلب " ود الشلهمة" سكيناً ماضية حين قال:

الحداد أخوي .. داير لي منك خُوسه
نصيحه حديدتا وعن غيري مي ملبوسه
تاخد حِـدَّتا .. إن ركَّـت الناموسـه
تتلقف ... كما تهتز عصاية موسى


الشاهد أن ذاكرتك هي الأخرى تلقف كما تهتز عصاية موسى .. ثم ان للنواح والوحيح أقوال عديدة وكلما دنونا منها بادرتنا بالتنوع كيف لا وهم قد ارتووا من نهرٍ غير آسن يقتبسون من كلام الله مايعين على المعاني وبعضهم يمازج بما استحدثه بني البشر .. وهذا هو ود عشميق يقول :

الخلاني أفرح وكت أشوفو فرحها
والخلاني أغضب وكت أقافي مرحها
سنك درة الصهباء البيحكو نفحها
نفسك بروة اللوكس أم بروداً صحة


وكثيرٌ غيره نغالب فيه ويغالبنا ... !!

وفي انتظار عودتك كن بألف خير

[طارق صديق كانديك]

وكان صديقنا الدكتور احمد زين في بوست راكوبة المجادعات قد تأوه " واحاً " حين قال:


أحّي يا الوحيح يا الما بتفارق روحي
ومن نيران هواك الفَتّقَنلي جروحي
يا نسيمة الصباح اغشيني قبل تروحي
شان تشفى العلل وتداوي كل قروحي

وتبعه في ذات الطريق الصديق " سجمان " الذي قال :

البكا والنويح بِقَتْ العيون والفاهن
والخُفّين سِخَن درب الحبيب حفّاهن
نايرات الخدود ربي الكريم عفّاهن
ما جلطن كريم واتفشرن بي جاهن

[أشتر]

الله يعلم يا ود كانديك سبقتني على الموضوع دا ...
يعني لو كنت معاك في فجة واحدة كانت ختفت اللقمة من خشمي :D
وتديها للجيعان ..
صحي بى ضبانتو لكن بتمها وحايح من عندي ..
غايتو قريت موضوع هنا في سودانيات متزامن مع الوحايح دي لكن قدر ما سجيت ما اتذكرتو ...

كدي عاين لتاريخو عندي في الكمبيوتر ... وبالدليل
عشان ما يبقى كلام ساي ...
created 26/5/2011

http://www.sudanyat.org/upload/uploads/Screen%20shot%202011-06-24%20at%209.10.13%20AM.jpg
ما علينا ..
اعتبرا توارد وحوحة ... وكدا ...
مع إنو ما غريبة عليك ...

نخليك مع طارق اللبيب وقول هييع
http://www.sudanyat.org/upload/uploads/tareqallabeeb.mp3

هيييع ... بس خلاص ..

[تماضر حمزة]

ياااتارق ياخ صباح الدوبيت والمسادير
يعني كلامك الجايبو ده مع قهوة الصباح جاب الووووب وأحيّ من سماحة الكلام طبعن:D

وقال :
لـمـا الـلـيل بــرد ومــرَّت نسـمـة
ألقي الكبد من حرّ الوحيح منقسمة
أحس با ليأ س وبين شفتيّ تموت البسمة
أصبّر نفسي بي حكم النصيب والقسمة

[طارق صديق كانديك]

هيييييييييييع يا أشتر ... يبشر بالخير ياخي

ياقصرُوا الكلام ياقصو راس البادي

هييييع
--

الحمدلله على التخاطر في الأحيح بس ... كان وقفت هنا .. الحبة ما بتجينا .. !!:)

يا صديقي هذا الضرب من الشعر موغل في تأثيره على النفس أو هكذا أظن ... !!

فاسكت كِب :D

[طارق صديق كانديك]

ياااتارق ياخ صباح الدوبيت والمسادير
يعني كلامك الجايبو ده مع قهوة الصباح جاب الووووب وأحيّ من سماحة الكلام طبعن:D

وقال :
لـمـا الـلـيل بــرد ومــرَّت نسـمـة
ألقي الكبد من حرّ الوحيح منقسمة
أحس با ليأ س وبين شفتيّ تموت البسمة
أصبّر نفسي بي حكم النصيب والقسمة

ياصديقة الحرف والنغم


قال ود الدكيم :
دمك صافى تحوير المعردب لونك
بدر الكون جبينك والضلمه قرونك
مدام أنتى ذى نجف الخواجه عيونك
كيف يداوى من ألمه ويطيب مجنونك

فجاراه ودشورانى وقال :

يا ياقوتة الحضرى الحضارمى زبونك
عازه وغالية وطلعن فى الثريا فنونك
عاليه ارداف ،ضامره هاف ، وقارن نونك
أنكال بالجمال لامن دفق ماعونك

* * * * * * * *
يا تمرة كريمه القاد سبيط عرجونك
لو كان أمنوك زاهد الدنيا يخونك
معلومية الذكاء فيها ماهره فنونك
ربى كساك بالهيبه وصدر قانونك
* * * * * *
قمر السبعتين نورك مضوى دجونك
يقلق ويفقد الحياه والصبر مسجونك
واعى الناس يضيع ما بين قساك وهونك
كل المالى مركزه صار قتيل مسنونك
* * * * * *
عودك قامته مربوعه وكحيله وجونك
خدك دكن الشف والفدى الفى اذونك
ديسك كابى ، خمر و صندليه دهونك
ماهو غريب على لو كان ساهرنبى طعونك

--
الناس ديل شايلين كميراتهم ديجتال ويصوروا :)

كوني بالجوار فوجودك يكسو المكان اخضرارا وحرفاً

[تماضر حمزة]

تيب،
أنا سجلت للفرجوني فريع الهبهان على أجزاء كان أهداها للنافذة
بنزّل ليك جزء عربون فتفيت لمحتوى البوست
التسجيل حصري وحقوق الصوت ال قد يكون ماواضح شديد محفوظة عندك:D
حلو؟

[تماضر حمزة]

الجزء (1)
http://www.sudanyat.org/upload/uploads/Habahannr1.wma

[طارق صديق كانديك]

تيب،
أنا سجلت للفرجوني فريع الهبهان على أجزاء كان أهداها للنافذة
بنزّل ليك جزء عربون فتفيت لمحتوى البوست
التسجيل حصري وحقوق الصوت ال قد يكون ماواضح شديد محفوظة عندك:D
حلو؟

مساء الهبهان

جزء واحد ما كفاية كملي جميلك ونزلي الفريع والهبهان والتحية للفرجوني خابر دروب القريض ..

أداء ندِيّ جدا وفي تعاريج الأداء الواحد بتخيلك بتبكي هسسسسي دي .. !!:)

التحية ليك ولصوتك الواضح

شكرا لإئتمان الحقوق :D

ننتظر عودتك باهتمام

[الزوول]

غايتو مسألة الهبهان دي انت وتماضر اسألوا منها عكود شايفو جابلها قانون عديل كدي في بوست الليِل قوانين الطبيعة :):D:)
...
هنالك نوع آخر من الوحيح يظهر أكثر ما يظهر في الرثاء
من أكثر من رُثِي في أدبنا الشعبي الفنان يس عبد العظيم الذي مات بالسرطان وهو في ريعان شبابه حيث كان عمره 22 سنة
رثاه جملة من الشعراء يمكن أن تكوّن اِشعارهم ديواناً. منهم حميد وخالد شقوري نفيسة أحمد علي ...الخ
أبراهيم ابنعوف كان أكثرهم حزناً وأرى أيضاً أنه كان أبلغهم
قصيدته جاوزت المائة بيت بدأها بقوله الذي يتداخل معنا في موضوع هذا البوست
...
لو كان ما الأجل بدري انكتب في اللوح
أو كان النفوس تتفدي , روح .. بي روح
ما كان ... مت ياغريد بلابل الدوح
آحّي .. وآ وحيح قلباً عليك مجروح
....

[تماضر حمزة]

ياتارق ياخ انا بكيت عديل ما قرّبت
قال ليها لاتخنقيها فكي زرارة لاتلعبّك الغرّارة

الآداء الصحي،صحي بتاع رشيدو ياخ ده كان عندو صولات وجولات ووكت ينم لاحولا أنا المرة دي بقرّب أعرض خليك من الرجال:D

الزول ياخ نحوّل المايك ل عكود خلاس ويفتينا في قصة الهبهان الجاهو المطر والسيل واشجار القرنفل الفوّحن في الليل.

[محمد مصطفي]

غايتو يا طارق صديق ... البوست ده كل يوم بتاوق ليهو بالرقراق
لكن تب ماني داير أمر عليهو سريع سريع ............
وقلت اقراك بي مهلة واتأني في القراية كمان
اها لحدي ما دخلت عليك الحلبية السموها تماضر دي
يمين بالله ما خليتو لي غير الوحيح
احححححححح منكم واحححححححح عليكم واححححح علي القلب البريدكم :cool:
واحححححح من الكلام لمن يهبشك جوة
زي الفايتمين املاك مروة ...... وقوة :D

واصلو في وحيحكم واكونا نحن معاكم .... وبنواصل

[طارق صديق كانديك]

غايتو مسألة الهبهان دي انت وتماضر اسألوا منها عكود شايفو جابلها قانون عديل كدي في بوست الليِل قوانين الطبيعة :):D:)
...
هنالك نوع آخر من الوحيح يظهر أكثر ما يظهر في الرثاء
من أكثر من رُثِي في أدبنا الشعبي الفنان يس عبد العظيم الذي مات بالسرطان وهو في ريعان شبابه حيث كان عمره 22 سنة
رثاه جملة من الشعراء يمكن أن تكوّن اِشعارهم ديواناً. منهم حميد وخالد شقوري نفيسة أحمد علي ...الخ
أبراهيم ابنعوف كان أكثرهم حزناً وأرى أيضاً أنه كان أبلغهم
قصيدته جاوزت المائة بيت بدأها بقوله الذي يتداخل معنا في موضوع هذا البوست
...
لو كان ما الأجل بدري انكتب في اللوح
أو كان النفوس تتفدي , روح .. بي روح
ما كان ... مت ياغريد بلابل الدوح
آحّي .. وآ وحيح قلباً عليك مجروح
....


الزوول اب "كراع" مكسورة كيفنك ياخي :)

ذاك ضرب عجيب من ضروب الوحيح اذ تتلقف الووب حي جوانح الناس ذات أنين .. !!

كثيرون برعوا في هذا النوع من اظهار الحزن لهبا من حرفٍ عظيم ..

رحم الله الفنان الشاب يس عبدالعظيم

--

قت لي العمدة قال شنو ؟:D

[طارق صديق كانديك]

ياتارق ياخ انا بكيت عديل ما قرّبت
قال ليها لاتخنقيها فكي زرارة لاتلعبّك الغرّارة

الآداء الصحي،صحي بتاع رشيدو ياخ ده كان عندو صولات وجولات ووكت ينم لاحولا أنا المرة دي بقرّب أعرض خليك من الرجال:D

الزول ياخ نحوّل المايك ل عكود خلاس ويفتينا في قصة الهبهان الجاهو المطر والسيل واشجار القرنفل الفوّحن في الليل.



أعرضي ولا يهمك .. :)

خلينا ننتظر فتوى العمدة عسى ولعل :D

[طارق صديق كانديك]

غايتو يا طارق صديق ... البوست ده كل يوم بتاوق ليهو بالرقراق
لكن تب ماني داير أمر عليهو سريع سريع ............
وقلت اقراك بي مهلة واتأني في القراية كمان
اها لحدي ما دخلت عليك الحلبية السموها تماضر دي
يمين بالله ما خليتو لي غير الوحيح
احححححححح منكم واحححححححح عليكم واححححح علي القلب البريدكم :cool:
واحححححح من الكلام لمن يهبشك جوة
زي الفايتمين املاك مروة ...... وقوة :D

واصلو في وحيحكم واكونا نحن معاكم .... وبنواصل

اوووو الناس الفيهم الملائكة :)

ان لم يكن الجمال يكسوك لن تستشعره هكذا على قارعة الوحيح .. !!

فانت ياصديقي جميلا بالفطرة والبت تماضر تزرع الفرح وين وضعت حرفها أو صوتها .. لك ولها التحية والمودة

كن بخير في الأرض الجديدة :)

[مبر محمود]

تحيّاتي يا بلدياتنا..
جيئتك بحزمة وحاوح ونويح، فلتدخر لها مِن عندك طاقة، وطبعاً لصاحبنا ودشوراني النصيب الكبير فيها وقيل الأكبر..

أنا يا البُلبُل الفوق رَاس فِروعِك سَاجعه
ضِيفِي عَليّ وَجَعِك ونُومِي قبل الهَاجعه
ريد الفُرقُو صَحّى العين بعد مِي ضَاجعه
أتْلف صَحتِي وعَاد ليّ الوحَايح راجعه

وأيضاً:
بعلوك المِلوك عدّينا إسبوعين
في فايق إحترام لكن مِسَاهرَاَ العين
العادْ ليَّ الوله والوَحّة والقربين
بُكرة حَتمنا يا الهِضلِيم نجي اللتنين

وأيضاً:
مَشتول الرَوَىَ الجدول شَرابو مَميّح
قَلباً يا رُشّاد لي ليمو بكّه ونَيّح
مادام راقي فاهم بالفريق ما أديّح
المان إن سَار دَمّي عِندو مَبيّح

ويا:
عَرب الخَلا قلبي يَنُوح وبَصري مِسَاقِد
شَبكوا الشيل حَمَار ساعة سَغِيرُن رَاقد
حَبروا العالي فوق أبْ مشَالاً زَايد
غير ما يكون بَشر مِن الدهب شِن فَاقد

هذا ما بلغنا وما توفر لدينا حتّى الأن من أمر وحيح ونويح و"دشوراني"..
أما ما بلغنا من أمر "نياح" كبيرهم، شيخ النمّامين( من نمّه وليس نميمة) أحمد عوض الكريم أبوسن، فمرجوزه كبيرة رأيت لجمالها أن أوردها كاملة دون إبتسار لها
يقول الحاردلو:

البارح سوجعات الفروع إتنادن
خلن عيني والنوم اللذيذ إتعادن
جابن لى سهاد حسسي البحس بى زادن
سهرن وأسهرن عاشق أمات ضفايرن قادن
‏
جحيم جمر الغرام الفي جسمي وقادن
بى سببو الطعون لى صدري عقبان عادن
بعد ما ليلي هجع وفي النياح إتفادن
ضمن بصري البلجلج ليهو مافي رقادن
‏
قريب الفجري هجسن وقنبن يتهادن
قامن تاني سمعن بلبلا غرادن
غرزن في جروحا منهن سقادن
يبرن في الضحى ويمسن عشية جدادن

[عبدالمنعم الطيب حسن]

الاخ طارق كانديك
شكرا لهذا البوست الممتع

وهذا نوع من الوحيح شفيف بعض كلمات قالها ابي
يصف حاله بعد ان تزوجت من يحبها

بي ام صعيب تراني احوم
ومتحزم علي بطني وبقيت موهوم
بخيت السجلك ماخد عليك رسوم
وبعد الحالة دي لي ريدة ما في لزوم

بعض اضاءات :
ام صعيب : اسم قديم لحلتنا يذكر فقط من الواحد لمن يكون زهجان
البيت التالت: المقصود به خلاص العقد بعد دفع المهر تاني مافي شيء

[أزهري سيف الدين]

تحياتي يا أخ طارق ..
بوست جميل و الله ..

أول ما قرأت عنوان البوست قفزت إلى ذهني كلمات ود الرضي:

مالك يا زمان شبّعتنا وح ووحيح
صِح الدون كضب و كضب العوالى صحيح
يات من كان انا جعلتو ليّ صليح
عقرب حزّه ليّ ويا نفسي زين ومليح

ويواصل

فى احوال الزمن صار الفكر حاير
والياباك خلّو عندو شن داير
فوق اهل الفكر كاس الوحيح داير
نفد سوق النفاق سوق السمح باير


مع خالص المودة

[الرشيد اسماعيل محمود]

أَحْ والوَحَّه ما بِتدُور تفَارق قلْبِي
أحْ من نَار فِلانَه وجَرْحها النوسَربِي
يا نَفْسِي الصّبُرْ لُوكِيهُو لا تَنْسلْبِي
الحَظْ ما بدُِوم يومْ غَالَبه يومْ تِتْغِلبي
غايتو جنس عصرة هي لكن..:)
المهم:
البوست سمح، بالرغم من جهجهة تساب طمئنينتنا..

[نبراس السيد الدمرداش]

و الله عصرتو علينا شدييييييد يا ريس انت و ضيوفك
الا بس النضم سمح و اصلنا موحوحين و منوحين

هاك نوحه من ود الرضي

ينوحن لي حماماتن
همن عيني غماماتن
بريدن شوقي لي لماتن
هياب رعاب جمال فاتن
ولا شي في الادب فاتن
تتوق الروح لشوفاتن
وارجف حين موافاتن

[طارق صديق كانديك]

تحيّاتي يا بلدياتنا..
جيئتك بحزمة وحاوح ونويح، فلتدخر لها مِن عندك طاقة، وطبعاً لصاحبنا ودشوراني النصيب الكبير فيها وقيل الأكبر..

أنا يا البُلبُل الفوق رَاس فِروعِك سَاجعه
ضِيفِي عَليّ وَجَعِك ونُومِي قبل الهَاجعه
ريد الفُرقُو صَحّى العين بعد مِي ضَاجعه
أتْلف صَحتِي وعَاد ليّ الوحَايح راجعه

وأيضاً:
بعلوك المِلوك عدّينا إسبوعين
في فايق إحترام لكن مِسَاهرَاَ العين
العادْ ليَّ الوله والوَحّة والقربين
بُكرة حَتمنا يا الهِضلِيم نجي اللتنين

وأيضاً:
مَشتول الرَوَىَ الجدول شَرابو مَميّح
قَلباً يا رُشّاد لي ليمو بكّه ونَيّح
مادام راقي فاهم بالفريق ما أديّح
المان إن سَار دَمّي عِندو مَبيّح

ويا:
عَرب الخَلا قلبي يَنُوح وبَصري مِسَاقِد
شَبكوا الشيل حَمَار ساعة سَغِيرُن رَاقد
حَبروا العالي فوق أبْ مشَالاً زَايد
غير ما يكون بَشر مِن الدهب شِن فَاقد

هذا ما بلغنا وما توفر لدينا حتّى الأن من أمر وحيح ونويح و"دشوراني"..
أما ما بلغنا من أمر "نياح" كبيرهم، شيخ النمّامين( من نمّه وليس نميمة) أحمد عوض الكريم أبوسن، فمرجوزه كبيرة رأيت لجمالها أن أوردها كاملة دون إبتسار لها
يقول الحاردلو:

البارح سوجعات الفروع إتنادن
خلن عيني والنوم اللذيذ إتعادن
جابن لى سهاد حسسي البحس بى زادن
سهرن وأسهرن عاشق أمات ضفايرن قادن
‏
جحيم جمر الغرام الفي جسمي وقادن
بى سببو الطعون لى صدري عقبان عادن
بعد ما ليلي هجع وفي النياح إتفادن
ضمن بصري البلجلج ليهو مافي رقادن
‏
قريب الفجري هجسن وقنبن يتهادن
قامن تاني سمعن بلبلا غرادن
غرزن في جروحا منهن سقادن
يبرن في الضحى ويمسن عشية جدادن


وعليك السلام والمحبة يا بلدياتنا

مسكت في أساطين الأحيح ودشوراني وأبو سن .. كلاهما يعرف من أين الجروح بيوحن ... !!

كن بخير وسأتيك تارة اخرى

[طارق صديق كانديك]

الاخ طارق كانديك
شكرا لهذا البوست الممتع

وهذا نوع من الوحيح شفيف بعض كلمات قالها ابي
يصف حاله بعد ان تزوجت من يحبها

بي ام صعيب تراني احوم
ومتحزم علي بطني وبقيت موهوم
بخيت السجلك ماخد عليك رسوم
وبعد الحالة دي لي ريدة ما في لزوم

بعض اضاءات :
ام صعيب : اسم قديم لحلتنا يذكر فقط من الواحد لمن يكون زهجان
البيت التالت: المقصود به خلاص العقد بعد دفع المهر تاني مافي شيء




مرحبتين حبابك أخي عبدالمنعم الطيب

وحباب مسدار الوالد وحباب أهل " أم صعيب" ..

هذه هي الفطرة بعضهم يأتيك بالقول هكذا على قارعة المحِنة

كن بالجوار فليل الأنين لازال يحبو

مودتي وتقديري

[طارق صديق كانديك]

تحياتي يا أخ طارق ..
بوست جميل و الله ..

أول ما قرأت عنوان البوست قفزت إلى ذهني كلمات ود الرضي:

مالك يا زمان شبّعتنا وح ووحيح
صِح الدون كضب و كضب العوالى صحيح
يات من كان انا جعلتو ليّ صليح
عقرب حزّه ليّ ويا نفسي زين ومليح

ويواصل

فى احوال الزمن صار الفكر حاير
والياباك خلّو عندو شن داير
فوق اهل الفكر كاس الوحيح داير
نفد سوق النفاق سوق السمح باير


مع خالص المودة


الجميل ازهري سيف الدين كيفنك ياخي ..

كدي عليك الله شوف ود يس جاب سبب النويح حين قال:

في وصف فتاته :

أُف يـا تَحـنسْ يـا ام جـمالاً فـرضَـه
مـا لقيتِك قِبيل يا مِـن بِقيت عُـود أرضه
خُـدودك كهـارِب وحـزمـتك منقرضَـه
وكَفَلِكْ عالي تمشي الفرده مابيا الفرده

باقيلك الناس دي بتوح من شوية .؟ :)

كن بالف خير

[تماضر حمزة]

كل الخلوق هبشن خصالك ووحّن
وكت نضمن معاك عشرق رعودن وكحّن
بتهدهد سماي وكتين حروفك يصحن
وبرّاق الكلام ينزل مطورو مَلحَّن


وحّة صباحيّة وكده:D

[طارق صديق كانديك]

غايتو جنس عصرة هي لكن..:)
المهم:
البوست سمح، بالرغم من جهجهة تساب طمئنينتنا..

يسمحن ايامك يا صاحب

ود اب سن قال :


قليعات الرزق أمست تعولن ماطرة

حمريبن طلق ريحة الفلير والباترة

أكان جيتن فوق أم محاجما قاطرة

تلقى العافية من غير بنسلين ودكاترة

--

وهذا النظم يدي العافية من غير بنسلين ودكاترة ..

خليك قريب

[شبارقة]

يا سلام عليكم يا طارق والمتداخلين

بوست يخلي الزول يدوبي براهو

كنت حافظ لي دوبيت حق وحاويح كدي لكن قدر ما فتشتو ما لقيتو ... خلاص بقينا نجلي ونفط سطر يا صاحب :) لكن أكان إتذكرتو بجيك بيهو صاد.

متابعة لصيقة.

[تماضر حمزة]

يومتا قال ليّ:
وعفرة ليل وبرقا للسحاب فوّاطة
جت قشوها لابي استسقا لابحواطة
اتفقن سوا وساطوا الحكاية سواطة
خلّوا سبيطنا زي مكفي النهد في الواطة

[طارق صديق كانديك]

و الله عصرتو علينا شدييييييد يا ريس انت و ضيوفك
الا بس النضم سمح و اصلنا موحوحين و منوحين

هاك نوحه من ود الرضي

ينوحن لي حماماتن
همن عيني غماماتن
بريدن شوقي لي لماتن
هياب رعاب جمال فاتن
ولا شي في الادب فاتن
تتوق الروح لشوفاتن
وارجف حين موافاتن

ونحن زاااتنا معصورين ألم ترِ كيف كتبوا هذا النويح بروحٍ مشبوبة الى الجمال أينما كان ..

قال أحدهم :

يا باشة عموم الفي الحكم بدول
مسختي الشباب القام جديد والاول
لو خلوه يا ام ريد المرض بتحول
كت بضيفو لي جرحي المنوسر طول

والتحية لود الرضى الذي يرجف ونرجف معه حين موافاتن :)

[طارق صديق كانديك]

كل الخلوق هبشن خصالك ووحّن
وكت نضمن معاك عشرق رعودن وكحّن
بتهدهد سماي وكتين حروفك يصحن
وبرّاق الكلام ينزل مطورو مَلحَّن


وحّة صباحيّة وكده:D

المطر البكب يوت والبروق الشّحن
زاد وجعي العلي وقتين طيوفك زحّن
الخلاني فوق مسداري فيك.. اتمحّن
صفن* ساكت وقت براق عيونك بحّن

*صفن .. من الصافنات والمحنة .. :)

[طارق صديق كانديك]

يا سلام عليكم يا طارق والمتداخلين

بوست يخلي الزول يدوبي براهو

كنت حافظ لي دوبيت حق وحاويح كدي لكن قدر ما فتشتو ما لقيتو ... خلاص بقينا نجلي ونفط سطر يا صاحب :) لكن أكان إتذكرتو بجيك بيهو صاد.

متابعة لصيقة.

افتقدتك يا شبارقة في الدارة ..

بتتذكروا في لحظة تانية باذن الله بس اقرب حاجة جنبك اكتب عليها .

ننتظرك بمحبة ياصاحب

[تماضر حمزة]

قال:
بقووووول..
عالي سِديرو مالي وعِن حشاو مسلوب
وغير زُرقة نواجلو ودِيسو خاتي عيوب
أها؟؟
شفت قِديمو مدقور وودّر العرقوب
قُتَّ رِقابو يمكن وخَتّو بس مقلوب!:D

[أبو دعد]

هاكم الوحة دى
ختيت فوق الافج كوعو وبعيد زورو
و ختر براى بالوادى المنوحر خورو
امحمد سعيد انا مرضى باكر دورو
نوسر بى جراحو وبعيييييد دكتورو

[مبر محمود]

وللهبماتة فُرّاس الليل أيضاً وحيح يا طارق..
أنظر كيف يقول "ود ضحوية":

الليل أمسى والنعسان جرايدو يرحّن
كَبس الهم على السُلّط قِلوبُن وحّن
كضم الجرة سحّار الغروب إتمحّن
نعود سلمانة يا عمر الظنون إن صَحّن

النعسان: إسم جمله، السُلّط: الشجعان

[طارق صديق كانديك]

يومتا قال ليّ:
وعفرة ليل وبرقا للسحاب فوّاطة
جت قشوها لابي استسقا لابحواطة
اتفقن سوا وساطوا الحكاية سواطة
خلّوا سبيطنا زي مكفي النهد في الواطة

:D

باسم طرفو قام المتنى .. هز الواطة
من جهلو الجمال كاسيهو خاطو خياطة
كابي الديس شمال تعبت معا المشاطة
والخد الاسيل في الشطة زادلوا شطاطةlooool

[طارق صديق كانديك]

هاكم الوحة دى
ختيت فوق الافج كوعو وبعيد زورو
و ختر براى بالوادى المنوحر خورو
امحمد سعيد انا مرضى باكر دورو
نوسر بى جراحو وبعيييييد دكتورو

حباب ابو دعد ... يقيني ان هذا الضرب من الشعر يستهويك وانت العالم ببواطن الأنين .. ننتظر منك الكثير

والله يبرئ الجروح المنوسرة :)

[تماضر حمزة]

:D

باسم طرفو قام المتنى .. هز الواطة
من جهلو الجمال كاسيهو خاطو خياطة
كابي الديس شمال تعبت معا المشاطة
والخد الاسيل في الشطة زادلوا شطاطةlooool

الضيّ والنجوم واب سبعتين الهلَّ
فيهن من خصالك عِلا نورِن أقلَّ
الخالف كراعو زايد جلالو وأجلَّ
نشّابك حريف لكن كلامي الجلَّى
:D

[طارق صديق كانديك]

وللهبماتة فُرّاس الليل أيضاً وحيح يا طارق..
أنظر كيف يقول "ود ضحوية":

الليل أمسى والنعسان جرايدو يرحّن
كَبس الهم على السُلّط قِلوبُن وحّن
كضم الجرة سحّار الغروب إتمحّن
نعود سلمانة يا عمر الظنون إن صَحّن

النعسان: إسم جمله، السُلّط: الشجعان

ذاك فعلهم الأصيل أن يكونوا على أسنة الرماح شكيمة وينسرب الحنين من بين جنباتهم كدفقة ماء ..

وقال ذات أنين :

ود المسمى الحوري *
عوم براحة لا تكسِّر علي باصوري
الزول البدور ليمو وبيطفي حروري
بانت دارو يا أب فكاً بشابه اللوري

* يحادث جمله أن يسرع به اليها ..

لافاكاك من هؤلاء القوم يساكنهم الجمال ويشاطرهم غزواتهم .. !!

[الأغبش]

ود صديق ويحك يافتي .. انت لسه توِح ؟؟؟

[طارق صديق كانديك]

قال:
بقووووول..
عالي سِديرو مالي وعِن حشاو مسلوب
وغير زُرقة نواجلو ودِيسو خاتي عيوب
أها؟؟
شفت قِديمو مدقور وودّر العرقوب
قُتَّ رِقابو يمكن وخَتّو بس مقلوب!:D

قال:

نارو السّاها من جقليب السِّدير الفزا
تالي اليُمنى عايم حاكت مشيّهو الوزا

أها؟؟
المِسك انكشح غير الرضاب النزا
يانفسي الصبُر شيليّهو أركزي ركزا

:D

[طارق صديق كانديك]

ود صديق ويحك يافتي .. انت لسه توِح ؟؟؟

يادكتور مساء الخير والاحيح ...

وانت بردتا مالك ؟ :)

ياصديقي الجميل هذا الحديث يطرب ويعالج زي ماقل ود اب سن من غير بنسلين ودكاترة .. !!

مطول الغيبات ياخي .. !!

كن بخير

[أبو دعد]

الحوش ابسدرة يا خلى كيف اوصافو
قول للساكننوا جو وبرة ما بتنشافو
انا كان بس اقدر اجيد ليكم اوصافو
شن شفنا منو غير ديسو الهدل اكتافو

[تماضر حمزة]

قال:

نارو السّاها من جقليب السِّدير الفزا
تالي اليُمنى عايم حاكت مشيّهو الوزا

أها؟؟
المِسك انكشح غير الرضاب النزا
يانفسي الصبُر شيليّهو أركزي ركزا

:D

قال:
وأنا كان عندي والي ..ولا صاحبي صليح
كان جنزرني مادام عقلي ماهو نصيح

أها؟؟


بقيت في صلاتي بتذكّر هواها وأصيح
أنم في الركعتين والباقي أتمّو نويح:D

[طارق صديق كانديك]

الحوش ابسدرة يا خلى كيف اوصافو
قول للساكننوا جو وبرة ما بتنشافو
انا كان بس اقدر اجيد ليكم اوصافو
شن شفنا منو غير ديسو الهدل اكتافو

الحوش القدل فيهو.. انترس لقفاهو
زاهي وناهي يأمر والخلوق طايعاهو
الطول طول زراف أما الخصر بارياهو
جهجه للخلوق حابسا الحويش بارياهو looool

[نهلة عمر الشيخ]

سلام يا استاذ طارق
شايفاك برضك انجزت ما وعدت به يومداك ,, يوم بوست القسوهlooool

قريت البوست دا واستمتعتا بيهو جدا
بس جا في بالي اسالك
انت المناحات مش برضو ممكن ندرجها في خانة النويح والوحيح؟؟
لو ممكن فياريت تدرج لينا اجمل مناحة سودانية وهي المناحة التي كتبتها بنونة في المك نمر
مو نمر الشجر حاضن فروعو مقيل
دا النمر البضاير الصف محل ما يميل
قدر ما اقول شكر القاهو فيهو قليل
كفو بيخجل العين السحابا منيل
احي علي

[أبو دعد]

سلام يا استاذ طارق
شايفاك برضك انجزت ما وعدت به يومداك ,, يوم بوست القسوهlooool

قريت البوست دا واستمتعتا بيهو جدا
بس جا في بالي اسالك
انت المناحات مش برضو ممكن ندرجها في خانة النويح والوحيح؟؟
لو ممكن فياريت تدرج لينا اجمل مناحة سودانية وهي المناحة التي كتبتها بنونة في المك نمر
مو نمر الشجر حاضن فروعو مقيل
دا النمر البضاير الصف محل ما يميل
قدر ما اقول شكر القاهو فيهو قليل
كفو بيخجل العين السحابا منيل
احي علي

نهلة لو تسمحى تصويب
هذا ما قاله طه الضرير فى المك نمر حين استجار به بعد ان قتل حمد ودكين زعيم الشكرية

[أبو دعد]

اح يا و حيحى و يا وجع قلبى
من ناس فلانة و شلخها النوسربى
الدارس العلم و بى دينو بتغلبى
و الشايل الحجاز من جدة بتفلبى

[قمر دورين]

أخ طارق سلااام

ده يا ربّي من البوستات الببدوها ب........
ويا عااااااازة الفراق بي طال
بعدين فجأة كده تتجه إلى آخر القصيدة ولاّ العكس صحيح؟ :D

[نهلة عمر الشيخ]

نهلة لو تسمحى تصويب
هذا ما قاله طه الضرير فى المك نمر حين استجار به بعد ان قتل حمد ودكين زعيم الشكرية
تصويبك جميل يا ابو دعد بس هو زاتو يحتاج لتصويب
فعلا الابيات الاوردتها انا ليست لبنونة بت المك ولكنها ايضا ليست لطه الضرير
وانما للشاعر ابراهيم العبادي وقيلت على لسان طه البطحاني وليس طه الضرير في مسرحية طه وريا
طه الضرير شخصية حقيقية وهو احد شعراء الهمباتة وصديق الهمباتي الاخر الطيب ود ضحوية
اما طه البطحاني فهو شخصية مسرحية من تاليف ابراهيم العبادي
اما عن المناحة التي قالتها بنونة في المك فبعد بحث في القوقل وجدتها وهاهي
ماهو الفافنوس ماهو الغليد البوص
ود المك عريس خيلا بجن عركوس
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقات
وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم

[النور يوسف محمد]

بسم الله الرحمن الرحيم

سلام ود كانديك ..

الحاردلو فى مسدار المطيرق يقول مخاطباً عبد الله ..

طاريهن براها , اصلو مالىْ لزوم
وشالت الشوف بعد ما تجمّعن لى الزوم *
فى غناك السبق ما قت أنا ملزوم
لا هسّع معاى وحّه وأنين وبزوم

وود الفراش تصيبه ( شحتفة ) الروح
لغيابه خمسة شهور عن محبوبته ( الدون لحق )

خمسة شهور تمام والهلّ سايق
روحى مشحتفة وانا مانى فايق
لهيج المشرق العند الشوايق
ردودة روحى انا وكت ابقى ضايق

خمسة شهور قاعد أعاين
يبقن فى نيران الغباين
لهيج الفى المحس جلب الزباين
ردودة روحى يا عنب الجناين

هناك صور شعرية جميلة فى شعر البادية فى الوصف والغزل
أعمل على فرد بوست منفصل لها فهنا دعنا نكتفى بالوحيح وشحتفة الروح دى :)


* الرقص

[أبو دعد]

تصويبك جميل يا ابو دعد بس هو زاتو يحتاج لتصويب
فعلا الابيات الاوردتها انا ليست لبنونة بت المك ولكنها ايضا ليست لطه الضرير
وانما للشاعر ابراهيم العبادي وقيلت على لسان طه البطحاني وليس طه الضرير في مسرحية طه وريا
طه الضرير شخصية حقيقية وهو احد شعراء الهمباتة وصديق الهمباتي الاخر الطيب ود ضحوية
اما طه البطحاني فهو شخصية مسرحية من تاليف ابراهيم العبادي
اما عن المناحة التي قالتها بنونة في المك فبعد بحث في القوقل وجدتها وهاهي
ماهو الفافنوس ماهو الغليد البوص
ود المك عريس خيلا بجن عركوس
أحيّ علي سيفه البحد الروس
ما دايرالك الميته أم رمادا شح
دايراك يوم لقى بدميك تتوشّح
الميت مسولب والعجاج يكتح
أحيّ علي سيفه البسوي التح
إن وردن بجيك في أول الواردات
مرنا مو نشيط إن قبّلن شاردات
أسد بيشه المكرمد قمزاته متطابقات
وبرضع في ضرايع العنّز الفاردات
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
يا جرعة عقود السم
يا مقنع بنات جعل العزاز من جم
الخيل عركسن ما قال عدادهن كم
فرتاق حافلن ملاي سروجهن دم

نهلة و اللله تصويبك اصوب من تصويبى
و لقد اررتى قصيدة او مناحة من منهل الشعر العذب
يا بت الحلال اعملى فينى فايدة و قوقلى لى مسدار الكلب للفرجونى و بعد داك بقول فيك الوحة الماها خمج

[النور يوسف محمد]

وللهبماتة فُرّاس الليل أيضاً وحيح يا طارق..
أنظر كيف يقول "ود ضحوية":

الليل أمسى والنعسان جرايدو يرحّن
كَبس الهم على السُلّط قِلوبُن وحّن
كضم الجرة سحّار الغروب إتمحّن
نعود سلمانة يا عمر الظنون إن صَحّن

النعسان: إسم جمله، السُلّط: الشجعان


بسم الله الرحمن الرحيم

سلام مبر ..

الأبيات أعلاه وحسب ما يتوفر لدى من نظم طه الضرير
وهى مجاراه بينه وبيت صديقه عمر ود السميرى ..
والصحيح ( الليل أمسى والنعسان جرايدو بِدِحّن

رد عليه ود السميرى بقوله

ستات الصبا ال من الفسل بتسحّن
أمسَى دويك عليهن رف بروقن لحّن
القيد زعزَعَك حِسو وجرايدَك دحّن
يا دناى بعيد دناين بعد ما اتنحّن

والمعروف أن اسم جمل طه الضرير هو (السحار)
لذا فأعتقد بأن للنعسان هنا معنى آخر .. خلينا نشوف

[أبو دعد]

بسم الله الرحمن الرحيم

سلام مبر ..

الأبيات أعلاه وحسب ما يتوفر لدى من نظم طه الضرير
وهى مجاراه بينه وبيت صديقه عمر ود السميرى ..
والصحيح ( الليل أمسى والنعسان جرايدو بِدِحّن

رد عليه ود السميرى بقوله

ستات الصبا ال من الفسل بتسحّن
أمسَى دويك عليهن رف بروقن لحّن
القيد زعزَعَك حِسو وجرايدَك دحّن
يا دناى بعيد دناين بعد ما اتنحّن

والمعروف أن اسم جمل طه الضرير هو (السحار)
لذا فأعتقد بأن للنعسان هنا معنى آخر .. خلينا نشوف
و نضيف ايضا نظم لاحد الشعراء لا اذكر اسمه



الليل امسى و البندر فوانيسو ماتن
السماء نجوموا الكبار يشوفن غابن
قول لى بنات هضاليم الخلا البنجاطن
اسرع قودح خلاص المواعيد فاتن

[النور يوسف محمد]

بسم الله الرحمن الرحيم

صديقى أبو دعد

وردت هذه الأبيات باللفظ أدناه فى مقدمة كتاب دومة ود حامد للأديب الطيب صالح
وعزاها لشاعر سودانى مجهول..
يقال أنها لشاعر يدعى يوسف ود شبيش , لكن دعنى أتأكد

الدرب انشحط واللوس جبالو اتناطن
والبندر فوانيسو البيوقدن ماتن
بنوت هضاليم الخلا البنجاطن
أسرع قودع أمسيت والمواعيد فاتن

[عبدالمنعم الطيب حسن]

و نضيف ايضا نظم لاحد الشعراء لا اذكر اسمه



الليل امسى و البندر فوانيسو ماتن
السماء نجوموا الكبار يشوفن غابن
قول لى بنات هضاليم الخلا البنجاطن
اسرع قودح خلاص المواعيد فاتن

بسم الله الرحمن الرحيم

صديقى أبو دعد

وردت هذه الأبيات باللفظ أدناه فى مقدمة كتاب دومة ود حامد للأديب الطيب صالح
وعزاها لشاعر سودانى مجهول..
يقال أنها لشاعر يدعى يوسف ود شبيش , لكن دعنى أتأكد

الدرب انشحط واللوس جبالو اتناطن
والبندر فوانيسو البيوقدن ماتن
بنوت هضاليم الخلا البنجاطن
أسرع قودع أمسيت والمواعيد فاتن

ما ان قرأت ابيات ابودعد حتى اختلط الامر عندي واضح ان الوزن غير مستقيم
والمعنى مختلط ... الابيات مرت بي من قبل ونسيتها
وفكرت في حلول ....
وقرات مداخلة النور ووجدت الابيات كما مرت بي من قبل
شكرا ابودعد لفتح النافذة
شكرا النورللتصحيح لقد ارحتني يا رجل تسلم
وللجميع كل التقدير

[مبر محمود]

الأبيات أعلاه وحسب ما يتوفر لدى من نظم طه الضرير
وهى مجاراه بينه وبيت صديقه عمر ود السميرى ..
والصحيح ( الليل أمسى والنعسان جرايدو بِدِحّن

رد عليه ود السميرى بقوله

ستات الصبا ال من الفسل بتسحّن
أمسَى دويك عليهن رف بروقن لحّن
القيد زعزَعَك حِسو وجرايدَك دحّن
يا دناى بعيد دناين بعد ما اتنحّن

والمعروف أن اسم جمل طه الضرير هو (السحار)
لذا فأعتقد بأن للنعسان هنا معنى آخر .. خلينا نشوف
تحيّاتي يا سيدي..
"النعسان" هو إسم جمل ود ضحوية
أما الأبيات المنسوبة لطه الضرير، والتي تقصدها أنت، فحسب علمي وقد أكون مخطئاً هي التالية:
الليل أمسى والسحّار جرايدو بِدحّن
(...... .... ..... ..... ...)
تمباك التُرُك المنو المصاريف شَحّـن
تعود سَلمان يا طه الظروف إن صَحّن

[النور يوسف محمد]

تحيّاتي يا سيدي..
"النعسان" هو إسم جمل ود ضحوية
أما الأبيات المنسوبة لطه الضرير، والتي تقصدها أنت، فحسب علمي وقد أكون مخطئاً هي التالية:
الليل أمسى والسحّار جرايدو بِدحّن
(...... .... ..... ..... ...)
تمباك التُرُك المنو المصاريف شَحّـن
تعود سَلمان يا طه الظروف إن صَحّن

بسم الله الرحمن الرحيم

الحبيب كيفنك ..

أبداً يا مبر ,
ود ضحوية عندو ( الغول , اب تغزى , أب شنشون وتيس العشانيق

ويقول

اليل أمسى يا أب تَغَزِى النعامان غزّن
الناس نايمة يا أب شنشون عيونى بعزّن
الأماتو بى الصِبا والجمال إتمزن
أكان أترك مواثيقها الجبال يتهزن ..

( الهرع ) لود شورانى والسحار بلا شك هو لطه الضرير ..

أستند فى ذلك لرواية محمد بشير محمد عثمان الصديق فى روايته المثبتة فى كتاب ( شذرات من الموروث الثقافى السودانى ) والرواية عبارة عن مقابلة إذاعية يبدو أن تاريخها يعود الى نهاية الستينات ويقول الرجل فى تلك المقابلة
( .. الطيب ود ضحوية ما حضرته , طه الضرير شاهدته ونقلت عنه , بعدين الشريف إبراهيم شاهدته ونقلت عنه , الصادق ود أحمد ود أحمودى فى البطانه هناك , ود شورانى برضو جاء أخد ليهو معانا أيام .... )

لذا أجد نفسى مطمئن لهذه الرواية ..
ولمزيد من التوثيق هناك كتاب ( الشاعر الهمباتى الطيب ود ضحوية ) لمؤلفه شرف الدين الأمين عبد السلام , جامعة الخرطوم للنشر ..

على العموم يا صديق أعمل على جمع بعض ما يتعلق بالوصف والغزل فى شعر البادية ساتطرق فيها ايضاً بالتفصيل لعلاقة الهمبات بجمالهم ..

شكراً مبر

[مبر محمود]

بسم الله الرحمن الرحيم
الحبيب كيفنك ..
أبداً يا مبر ,
ود ضحوية عندو ( الغول , اب تغزى , أب شنشون وتيس العشانيق
ويقول
اليل أمسى يا أب تَغَزِى النعامان غزّن
الناس نايمة يا أب شنشون عيونى بعزّن
الأماتو بى الصِبا والجمال إتمزن
أكان أترك مواثيقها الجبال يتهزن ..
( الهرع ) لود شورانى والسحار بلا شك هو لطه الضرير ..
أستند فى ذلك لرواية محمد بشير محمد عثمان الصديق فى روايته المثبتة فى كتاب ( شذرات من الموروث الثقافى السودانى ) والرواية عبارة عن مقابلة إذاعية يبدو أن تاريخها يعود الى نهاية الستينات ويقول الرجل فى تلك المقابلة
( .. الطيب ود ضحوية ما حضرته , طه الضرير شاهدته ونقلت عنه , بعدين الشريف إبراهيم شاهدته ونقلت عنه , الصادق ود أحمد ود أحمودى فى البطانه هناك , ود شورانى برضو جاء أخد ليهو معانا أيام .... )

لذا أجد نفسى مطمئن لهذه الرواية ..
ولمزيد من التوثيق هناك كتاب ( الشاعر الهمباتى الطيب ود ضحوية ) لمؤلفه شرف الدين الأمين عبد السلام , جامعة الخرطوم للنشر ..

على العموم يا صديق أعمل على جمع بعض ما يتعلق بالوصف والغزل فى شعر البادية ساتطرق فيها ايضاً بالتفصيل لعلاقة الهمبات بجمالهم ..
شكراً مبر
سلام يا سيدي..
غايتو بعد حبّة إستفسار وشوية إطلاع ومراجعة جيتك للغلاط الجد جد..
الأبيات يا سيدي للطيّب ود ضحوية وقد قطعت في ذلك "سلمانة" قول كل خطيب!
كيف فاتت علينا!؟
سلمانة هي محبوبة ود ضحوية وقد جاء ذكرها عنده في أكثر من موضع..أنظر:
وين "سلمانة" وين ديفة المعيز الجبر
والزيف هبا ياعاشق أم خدود اتصَبّر
الكل مدو زائد فـوق ندادتو وشَبّـر
الفوت هيلو عارف عزه ما بتنبّر

ليس هذا دليلي الوحيد يا النور، فقد تبيّن لي إن سحّار الغروب هو أيضاً أحد أسامي جمل ود ضحوية..
أنظر كيف يشتاق اليه وهو في الحبس:
الليلة السجن جاب إنكتامة وحرّا
نمّن جرارقو حدث لي الجنين البرّا
سحّار الغروب راجينا كاضم الجرّة
بلحق بيك مراح حسب الله وين ما خرّا

وأسماء جمل ود ضحوية لا تنحصر فقط في سحّار الغروب والأسامي الأخرى التي جلبتها أنت
فهو يسميه أيضاً بالعبّادي.. أنظر:
كم عتمرتبن فوق قُجة العَبّادي
وكم غَوّصْتلن من الدنادر وغادي
كان مي قسمة يا الدِّيقة أم قريناً ناديْ
ما خسّانا بي زراعة الفَشَقْ والوادي


من كل هذا يا عزيزي النور يمكن لنا أن نعيد قراءة الأبيات محل الخلاف وسنجدها متّسقة تماماً مع سيرة "ودضحوية"
الليل أمسى والنعسان جرايدو يرحّن
كَبس الهم على السُلّط قِلوبُن وحّن
كضم الجرة "سحّار الغروب" إتمحّن
نعود "سلمانة" يا عمر الظنون إن صَحّن

فعلاً النعسان ليس إسم جمله، ولكنه حاله!
أي الليل أمسي والجمل "سحّار الغروب" أصابه النعاس

ملحوظه: إذا رجعت لكتاب الأستاذ شرف الدين فستجد جميع الأبيات بعاليه مضمّنه فيه.

[ود فداسي]

اقتباس:
المشاركة الأصلية كتبت بواسطة طارق صديق كانديك http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=384886#post384886)


أَحْ والوَحَّه ما بِتدُور تفَارق قلْبِي
أحْ من نَار فِلانَه وجَرْحها النوسَربِي
يا نَفْسِي الصّبُرْ لُوكِيهُو لا تَنْسلْبِي
الحَظْ ما بدُِوم يومْ غَالَبه يومْ تِتْغِلبي

ويقول وقد إقترن أحيحه بنواح قلبه:

الَبارحْ نَسِيم رِيحاً طَلَق من جَبْرَه
ذَكّرْ عَقْلِي بِي وَدْ العَنَانِيف هَبْره
أحْ من فِلانه وجَرحهَا المَاببرْه
قَلْبِي عليها نَاح بعد اليقين والصَّبْره

في مربع بديع وضح لنا ود شوراني كيف ان الوحايح قد عادت إليه عندماقال وهو يناجي بلبلاً مغرداً في غصنه:

أَنَا يَا البُلْبُلْ الفُوقْ رَاسفُروعِك سَاجعه
ضيِفِي على وَجعِكْ ونُومي قبْل الهَاجعه
ريد الفَرْقُو صَحَي العَيْن بعد مِي ضَاجعه
أَتْلف صَحَتِي وعَاد لِي الوَحِايحْ رَاجعه

وقد وجدنا الشاعر الفحل أمير المهاجرة وأمير قوافيهم الطيب ود ضحوية وهو يطلق آهاتهالمكتومة في شأن عشقه بوحيحٍ عالٍ ولكنه ظل متمسكاً بفتوته وفروسيته وحبه للنهيض يقول:

أَحْ وَاغُلْبِي من زوُلاً جَمالُو مُلُوكِي
والحَاس بيهُو منْ تَالاكْ يَضوُقُو عَدُوكي
أَمَّنْ بَرضَي بالذِّله وأتركُو لهُوكي
أَمَّنْ نطلَع القَلْعه وجِبالْ السَّوكِي

ويقول في ذات المعاني وهو يتمسك بالأحيح والنهيض:

أَحْ وَاغُلْبِي من سِتْ الصِّبَا المُنْتَبره
وازَمنْ هَجرِي يَاأُمْ شَلاخ بَلُوك فِي العَبْره
أما بَنْتظرْ السَادرَات غرب لي جَبْره
ولاالسِيدَا في الدِنْدِرْ مِقوَّي الكَبْره

وعلى نهج الأوائل سار الشعراء الشباب المبدعون وتمسكوا بالمفردة المؤثرة فوجدنا الأحيح يعتور بعض أشعارهم.. يقول الشاعرالشاب سليمان عجيمي:

يَا خِلايْ مَعذّبْ ولِيلي شَايْلُو وَحِيحْ
جَرْحِي المِغَوَّر زاد وشَالْ القِيحْ
الخَلانِي أنْقُزْ في الصَقيعة وأَصِيحْ
يَاقُوتةَ البَدَوي الزَايدَة في التَرْجِيحْ

ويقول الشاعر الشاب محمود محمدشريف

يَا وَحَّاتِي ما تزَيدَنْ وَقلْبي كَفَاكَا
قَلِيلْ سُرْعَتْك خَانَكْ طَعَنْ في قَفاكَا
كُل ما حدَّثكْ عَاقِلْ ومَنُو نَهاكَا
تَصْبِحْ زَيْرَضِيع من الصِِليحْ تِتْبَاكَا

أما لفظة او مفردة (النوح) ويقال النويح وهوالبكاء بجزع وعويل وصياح، والحمامة النائحة هي الحمامة الساجعة، وعندما تتجاوب الرياح ويشتد ريحها فهي متناوحة، والمرأة نائحة، والمناحة هي رثاء الميت يناح به عليه.

الأمثلة كثيرة والنماذج متعددة في شعر الدوبيت الذي تبرز فيه النوح ككلمةآسرة ولفظة ساحرة تقرب معنى الأشواق للنفس وتعبر عن الوجد والتباريح تعبيراً صارخاً ومميزاً، وقد رأينا ان نجعل من بعض أشعار الشاعر المتقدم الكبير عبد الله ود حمد ودشوراني والشاعر المحدث المبدع الشاب سليمان عجيمي نماذج لتدلنا الى معاني الإبداع الذي تبسطه مفردة النوح وما تفرزه من شجن يتعمق به الوجد والغزل. يقول ودشوراني:

بالَتا تَتَاتِي المَشْيه وتَمُوح مِتاكَيه
حَاوية جمَال وذُوق وأنْدادَا مِنهَا شَاكيه
سَمْحه الفِي السِّير بيهَا المَجَالسْ حَاكيه
لَيْ عليها قَلْباً نَاح وعيْناً بَاكيه

وفي مربوعة أخرى يوضح لنا ود شوراني أسباب النوح والبكاء وكيف أنهما انتزعا منه حياءه وأسبلا من عيونه ماءها.

الخَلانِي أنُوع واقِلي وحَياي مَمْزُوع
لابْسه هَيْبة القَايد اللَّواء ومَتْبُوعْ
فَرقُو سَقَانِي مُراً لَيْ غيري مُو مَجْروع
أَبْكِي وَأَبكِّي وأَطَفِّي النِّار عليهو دِمُوع

ثم يجيء سليمان العجيمي فيشجينا ببكائيات عشقة معبراً عنها بالنوح فيقول:

جَافِيتْ الغمِيد لَيْلي ونَهارِيخَتْمتُو
ونَوْح الشَوقْ البِوَدِرْ في فُؤادِي كَتمْتُو
عَاد يَا عَقْلِي كَان سِيد المَحَاسِنْ لُمْتُو
بَعاتْبِكْ قَلْبِي لِيه ظَبْيَّ البَراري ظَلَمْتُو

ويقول:

يَا صَيْد الوَحشْ وَاويَلْي لو تنْسَانِي
سَاعة الهَجْعة بَطْرَاك وَبضُوق نَيرَانِي
مِنَّوحْ قَلْبِي والسَّهَرْ المِلازمُو أَزاني
كيف اللِيم علىْ ظَبياً نَجعْ خلانِي

إن اختيار الألفاظ المؤثرة منمفردات اللغة في شعر الدوبيت ساعدت على بقائه ممسكاً بأسباب الإبتداع الذاتي وساعدتنا على التعرف أكثر على
شعرائنا أنفسهم فالمرء مخبوء تحت لسانه.

لم يكن النواح والأحيح عند الشاعر الشعبي سوى إسقاطات فنية في أدب
الدوبيت أتى بها عن طريق مقدرة بينة ليثير بها عند المتلقي كوامنه وينتزع من أعماق جوفه الأحاسيس الغائرة ويبرزها رطبة إلى السطح. والشاعر الشعبي رغم أنه لا يستمد بلاغته من علوم أدبية أكاديمية إلا أنه بصدق مشاعره وقوة حدسه ينجح في تصيد تلك المشاعر ويجعل المتلقي شريكه فيها، فهو يطلق طاقته الطبيعية الإيحائية أو المباشرة ذات الخواص الجمالية الفعالة في مخيلة المتلقي فيجعله في حالة من الشجن أو الطرب ويغريه بنوازع البحث والتطلع والتأمل بعد أن ينتزع إعجابه بقوة إبتكارية وإبتداع ذاتي خلاق، يغذيه دائما ذلك في ذلك التراكم الناجم عن ثقافته المحلية الهائلة ومخزونات الصور البيئية المحيطة المتفردة وتجاربه الشعورية الصادقة ولغته الخاصة، ولعل الإهتزازات التي تحدثها الكلمات من شاكلة النوح والأحيح أو ما يشتق منهما وغيرها من الكلمات التي يختارها الشاعر الشعبي بعفوية تفوق العناية تقرب المعاني وتفصح عن التصوير الشعري بشكل أخاذ، وللشاعر الشعبي في فنه القولي الكثير من الوسائل التي تمكنه من تسديد إستحقاقات الإبداع والبلاغة الأدبية تسديدا كاملا غير منقوص فيجبرنا بذلك على إنصافه واحترامه والإحتفاء به أكثر من غيره من محترفي فنون القول الأخرى، وقبل أن أخرج من حديقة الدوبيت المزدانة بأحرف وكلمات النواح والأحيح وغير ذلك من كلماته المؤثرة أقول أنه لابد أن نعض بالنواجذ على إرثنا الفني المتمثل في شعر الدوبيت الذي نظن أن ما يحمله من إبداع سيجعل راياته خفاقة أبدا وسيظل تليده وحاضره قائم فينا وفي وجداننا ما ظلت تلك الآرام ترعى في مسارحها، وما ظلت تلك الظعائن ترنو للبروق والصبيب، وما ظلت الأرض تنبت على أديمها الزرع ويسمق فيه الفرع، وما ظلت المودة تلف أفئدة المحبين وتغشى الرعشة قلوب العاشقين، وما ظلت النساء تنجب شعراء النم والدوباي شعراء النوح والإحيح.

المصدر : سودانايل



بتموت في الوحيح انت :D:D:D

[النور يوسف محمد]

بسم الله الرحمن الرحيم

الحبيب مبر ..

فى تقديرى أن ورود ( سلمانة ) لا يقطع بصحة نسب الأبيات لود ضحوية ..
وذلك ـ كما تعلم ـ فسلمانة وغيرها ممن وردت أسماءهم فى شعر الهمباتة تشير الى ( المنزل ) قبل صاحبة الإسم المعنية ..
فالضرير وود ضحوية وشلتهم يقصدون منزل سلمانة و هناك يتفرق عشقهم فوق قبائل الجمال ..
الرواية التى أوردتها ( من زول سمع ) مباشرة من الضرير ..
ايضاً مخاطبة الجمال ليست محصورة على أصحابها , إذا وضعنا فى الإعتبار إن الضرير وطه يترافقا على الدوام , فلا حرج أن يخاطب طه جمل وود ضحوية والعكس صحيح ..

على العموم سأعود الى هذا الموضوع ..

[أبو دعد]

طيب يا النور ودج شورانى عندو شنو
قال
الضهر صليتو و قلب فوق تيسى
مربوط يعلق فيتريت مو حميسى
الظانها فى مرادى و مناى و تقييسى
اهجمبو السمح صورنو رب النيسى

[النور يوسف محمد]

بسم الله الرحمن الرحيم

ابو دعد ..

كيفنك والوليدات ..

والأبيات فى رواية أفضل وزناً ..

ضهر الجمعة صليتو وقلب فوق تيسى
كان مربوط يعلق فيتريت مو حميسى
تقديرى ومناى ومظنتى وتقييسى
أهجم بو المسمح صورتو رب النيسى

وبعضهم يقول
أهجم بو المجمل صوتو رب النيسى .. .. ولا فرق كتير ..

طبعاً ود شورانى هنا يخاطب جمله الهرع
ويشير الى نوع العليقة التى يتناولها حين يكون بالفريق ( مربوط ) وهى فيتريت وليست حميسى ..
ود شورانى هنا يفضل الفيتريتة على الحميسى ولا أظنه صائباً فالفيريتة من أردأ أنواع الذرة ..
عكس أبراهيم الفراش الذى يفتخر بأن علوق ناقته حميس ماهو الفيتريتة :

بشد وأركب على ناقتى الوهيطة
علوقَ حميس ماهو الفيتريتة
جبت العنقريب فوقه اتكيتَ
طريت فوماً ينقّر فوق رحيطَ ..
وبقية البيت واضح المعنى وربما هنا معانى فاتت علينا ...

[طارق صديق كانديك]

أهل الجمال والحضرة .. والحرف الجميل .. واللطائف المنتقاة بعناية فائقة لاتقودك إلا الى الاستدلال بها على ذائقية وروعة مشهد الجمال عندكم ..

شكرا النور يوسف ومبر محمود على التثاقف الذي بُسطت مفرداته على قارعة الموضوع ولعل الحديث عن (جمال) هؤلاء الفطاحلة تعددت اسماءها وفي ذلك دليلا ناصعا على عظمتها عندهم وافتخارهم بها ومحبتهم لها محبة تجعلهم يتفنون في التغزل فيها شعرا وتشبيبا عجيب .. ثم أنظر الى قول ود شوراني :


أرُبْطو الجـانا ضامر لا كَبد لا كرشة
سحّار الغروب جيب لي العلوق بي الورشة
نفِّصـنْ المراتب ؤطرَّحن بـي الفُرشة
داير يبـرى جرحاً في القلب مُــو خرشة

فيناجيه ليسرع به الى التي كانت هى الدواء من الجرح ال " مو خرشة" .. !!

أنعِم بكما من رفيقي سفرٍ ووحيح .. !!

لكما محبتي

[طارق صديق كانديك]

سلام يا استاذ طارق
شايفاك برضك انجزت ما وعدت به يومداك ,, يوم بوست القسوهlooool

قريت البوست دا واستمتعتا بيهو جدا
بس جا في بالي اسالك
انت المناحات مش برضو ممكن ندرجها في خانة النويح والوحيح؟؟
لو ممكن فياريت تدرج لينا اجمل مناحة سودانية وهي المناحة التي كتبتها بنونة في المك نمر
مو نمر الشجر حاضن فروعو مقيل
دا النمر البضاير الصف محل ما يميل
قدر ما اقول شكر القاهو فيهو قليل
كفو بيخجل العين السحابا منيل
احي علي

مرحب بيك يانهلة بين دفتي هذا السرد لمنتوج شعراء الجمال في بلدي ولعل ان المناحات من ضروب الشعر الحي فهى تعبير صادق عن حزن عميق ذات بلوى .. !!

ودعيني اتفق مع تصويبك لتصويب الأخ ابو دعد حول الابيات اعلاه .. وقد كتبت الكثير من المناحات ولعل انها في المشافهة أكثر روياً وكلما تناقلتها الالسن ربما زادت عليها من بين فلذات آلامها شيئا آخر ..

شكرا للمتابعة من زمن بوست القسوة :)

[طارق صديق كانديك]

أخ طارق سلااام

ده يا ربّي من البوستات الببدوها ب........
ويا عااااااازة الفراق بي طال
بعدين فجأة كده تتجه إلى آخر القصيدة ولاّ العكس صحيح؟ :D



:)

مساء الجمال أختنا قمر دورين

ذاك باب من الفرح ظاهره المسادير وباطنه من قبله الحقيبة وشعراءها .. لذا فهما في تناغم عجيب .. ويبدو لي ان لم اكن مخطئاً أن كل شعراء الحقيبة اجترحوا الدوبيت والمسادير أو تناولوه ولو لماما .. !!

نسعد بمتابعتك دون شك

كوني بالف خير

[طارق صديق كانديك]

الأعزاء

أبو دعد

عبدالمنعم الطيب حسن

ودفداسي :)

شكرا لوجودكم الذكي في هذا البوست بكم كان المكان أجمل

لكم تقديري ومحبتي

[تماضر حمزة]

صباحاتكم ورد،
النور ومبر غايتو اجمل غلاط لاقاني
واصلوا وارفدونا بالمرابيع الثرّة
ويامبر الشرح يحتمل اكثر من معنى واتفق مع القول البدعم انو سلمانة تشير للمنزل والمكان قبل صاحبة الاسم
تشكرات،

[مبر محمود]

صباحاتكم ورد،
النور ومبر غايتو اجمل غلاط لاقاني
واصلوا وارفدونا بالمرابيع الثرّة
ويامبر الشرح يحتمل اكثر من معنى واتفق مع القول البدعم انو سلمانة تشير للمنزل والمكان قبل صاحبة الاسم
تشكرات،
تماضر يا ستي ..تحيّاتي
الغلاط مع النور فعلاً جميل وممتع، وأنا محربس ليهو لسّع وناوي أجيب ليهو كتاب الأستاذ شرف الدين مصوّر هنا.. شفتي كيف!؟

المهم إنتي وكانديك ما تنقطعوا من البوست، واصلوا الوحاويح والنويح

[طارق صديق كانديك]

قال:
وأنا كان عندي والي ..ولا صاحبي صليح
كان جنزرني مادام عقلي ماهو نصيح

أها؟؟


بقيت في صلاتي بتذكّر هواها وأصيح
أنم في الركعتين والباقي أتمّو نويح:D

قال :

آه يالرخرخ المن قام صغير متفدّع *
طاش مني العقل وحالي امسى مبّدع

أها ؟؟

هزيت الجبل بالشوف جاك متصدّع
يا الاكحل كفاك لِم النظر ما تجدّع :)


* البيت لطه البطحاني ان لم تخني الذاكرة

[تماضر حمزة]

قال :

آه يالرخرخ المن قام صغير متفدّع *
طاش مني العقل وحالي امسى مبّدع

أها ؟؟

هزيت الجبل بالشوف جاك متصدّع
يا الاكحل كفاك لِم النظر ما تجدّع :)


* البيت لطه البطحاني ان لم تخني الذاكرة

قال:

محّق صبري طول ليلا مسكتوحاس
وبعد اللجّة طرف الجن بدالو يباس

أها؟؟

أنا ضوّقني لحس الكوع وشيل الفاس
تقول فجرو وقيام الساعة راس بي راس:D

[أبو دعد]

بسم الله الرحمن الرحيم

صديقى أبو دعد

وردت هذه الأبيات باللفظ أدناه فى مقدمة كتاب دومة ود حامد للأديب الطيب صالح
وعزاها لشاعر سودانى مجهول..
يقال أنها لشاعر يدعى يوسف ود شبيش , لكن دعنى أتأكد

الدرب انشحط واللوس جبالو اتناطن
والبندر فوانيسو البيوقدن ماتن
بنوت هضاليم الخلا البنجاطن
أسرع قودع أمسيت والمواعيد فاتن
شكرا النور و شكرا عبد النعم على التصويب و حقيقة انا ذاتى كنت اشعر بعدم الوز و لكن قلت بتلقى ليها ود حلال يصلحها
طيب فيكم الخير تموا الوحة دى و شوفوا لى من القالا و الله واقفا لى فى حلقى
شن جابرنا على الوادىالدبيبو يشفق
غير زولا وشيهو من الملاحة يدفق

[طارق صديق كانديك]

يا سلام عليكم يا طارق والمتداخلين

بوست يخلي الزول يدوبي براهو

كنت حافظ لي دوبيت حق وحاويح كدي لكن قدر ما فتشتو ما لقيتو ... خلاص بقينا نجلي ونفط سطر يا صاحب :) لكن أكان إتذكرتو بجيك بيهو صاد.

متابعة لصيقة.

يا شبارقة

اتذكرتو ولا يا الليل؟ :D

[طارق صديق كانديك]

كتب الأستاذ أسعد الطيب العباسي : الفتوة والفخر في الدوبيت السوداني :


(أشعار الفتوة والفخر تثير الحماسة في قلوب الشعراء والمتلقين بشكل واضح ومدهش، مثلما تلهب أشعار الغزل والوجدانيات العاطفة بحرائق متصلة، ولعلها من أكثر الأغراض التي اهتم بها شعر الدوبيت السوداني، فأشعار الفتوة والفخر وجدت سندها من القبلية التي تنازعتها الحروب، ومن العرقية التي غذتها النعرات والانتماءات اللصيقة والمجتمعات المغلقة وقد وجد شعراء الدوبيت في باب الرثاء متسعاً للإفاضة في معاني الفتوة والفخر كما سنرى في مرثية الشاعر بابكر ود مهدي التي قالها في عمارة بن المك نمر بل تكاد قوافي الفتوة والفخر تنتظم وتسلك في غالبية أبواب شعر الدوبيت).

نبدأ بما قاله الشاعر العاقب ود موسى العيشابي في الفخر:

نِحَنا بنسوي وما بــنقول سـويـنا

نحنا نفرتِق الكرنه أم صِفوف بـإيدينا

الزول البضيف عَـدم الشداعَه عليـنا

يفهم مِني ويسأل من تـوارخَ النيـنه

ويتضح لنا أن الإشارة التي أتى بها الشاعر وهي (النينا) الذي هو سيف عتيق لدى قبيلة الشكرية وقاتل به حسان ود أب علي في حرب الهمج والفونج تحمل الدلالة على أن الفخر والتعبير عنه شعراً رفدته القبيلة التي تنازعتها الحروب. ويعود نفس الشاعر ليدلل لنا على أن الانتماءات اللصيقة والمجتمعات المغلقة من دواعي الفخر، وذلك عندما اشار إلى مجتمعه الذي ينتمي إليه وهو مجتمع قبيلة الشكرية بقولِهِ:

نحنا الـود لبّونَا بشيلْ حُـمول النايبْ

تَصْرَم عِندنا القَحبه البصيبا الصايـبْ

نحنا أولاد شِكير جورنالنا كُـلو نَقايبْ

ديمه نلولي في المِحن الكُبار وغَرايبْ

ونجد أن أشعار الفخر تبرز القيم التي تعتز بها القبيلة، كالشجاعة والصبر والكرم وإجارة المستجير وحماية الضعيف. يقول الشاعر العاقب ود موسى:

نِحنا سهمنا دايماً في المصادِف عالي

نِحـنا العِـندنا الخُلق البِِتاسع التالي

نِحنا اللي المِحن بنشـيلا مـا بنبالي

بِنلوك مُـرهِن لامِـن يجينا الحـالي

ولعل ادعاء التفوق رسالة أخرى تحملها أشعار الفخر، كقول الشاعر ود الصِقري الذي افتخر بقومه فقال:

نِحـنا صَـواقع البَرق الشَـلع ضَحـوِّيه

ونِحنا الفوق نِحاسـنا بِنلـعبْ الصَقـرِّيه

نِحـنا صَغـيرنا مَـاموناً يلاقـي المِيـه

نِحنا قرارنا مالكِنو مِنو البِرفع علينا قضيه

وترتبط أشعار الحماسة والفخر والفتوة في أحايين كثيرة بأخبار الحروب والمعارك فتبرز البطولات والمواقف التي تشي بالقوة والشجاعة كما قال أحد شعراء البطانة:

أمانه عليك بطانة اب سن بتنبي الكاعه

يوم اكلت كباد ساكت رخم وضباعه

يوم محمود وناس عوض الكريم سمساعه

واقفين في الشمس دايرين يغطوا شُعاعا

وفتوة وفخر الهمباتة تتجلى كثيراً في أخبار معاركهم التي تنشأ مع مغامراتهم غير أنها تبرز أيضاً في محابسهم عندما يسقطون في أيدي السلطات، يقول أحدهم:

زنزانة الرماد قاطعه البصيص والضو

وفيها مسجنين ناساً أسوداً حو

أرجا الباري شن ما يريد عليك يسو

وإن وقع القدر تلقانا يابسين كو

وللحماسة والفخر مواقع متميزة في شعر الدوبيت، وهي مدار من المدارات الخصبة للمجادعات والمساجلات والمجاراة، ونسوق لذلك مثالاً، فقد دار في جلسة ضمت الشاعر المعروف عكير الدامر والشعراء حمدان ود حاج والطيب حاج عبد القادر ومحمد خير الدوش، مساجلة سلكت فيها مربعاتهم في شكل من أشكال الربقية توخوا فيها موضوعاً واحداً هو الفخر وقافية واحدة وهي النون.

قال عكير:

نِحنا إن هـجنا تتضلل لِيـوث الكـرنا

جايعات السباع في العوق بتتذكَّــرنا

نحنا الفوق كـراسي المملكة اتحكَّـرنا

نِحنا أعـدانا تثبِت فضلنا وتـشكَّـرنا

وقال حمدان ود حاج:

نِحنا أسود غُوب كَضَبْ البداني وكـرنا

ومـا بِكـتر سُرورو اللَيهو نِحنا فكرنا

شوفـتنا القبـال تبيـنا جـانا سكرنـا

نِحنا إن هجنا سبحان من يصفي عكرنا

وقال الطيب ود حاج عبد القادر:

أحـمر لونـو مـن دم الرجال دُكَّـرنا

وتتبعنا السباع في رواحنا وإن بكَّـرنا

ويـن يجد المجال عازِلناشِنْ أنكـرنا

تعـرفنا الدهـور تثبت نبانا ذِكِــرنا



وقال: محمد خير الدوش:

نحنا أسود خُشش كَضَبْ البقـول أحقـرنا

عاليات نفوسنا لى غيرنا تَّبْ ما صِـغرنا

ويـلو عـدونا لو فيهو يـوم فَـدْ غـِرنا

غير رب العباد الموت مين مِنو قِدر يفرقنا

وعندما نلج الآن عبر بوابة الشعر الوطني والسياسي على ظهر راحلة الدوبيت، نجده وجها آخر لعملة الحماسة والفخر والفتوة، ولكنه يحمل دلالات أعمق وتصديات أوسع وشمولية محببة. تقول مهيرة بت عبُّود وهي تشجع الابطال ليذودوا عن حمى الوطن ويبذلوا لأجله كل مرتخصٍ وغالٍ:

حسـان بـي حـديدو الليله إتلثَّمْ

الدابي الكمن في جُحـرو وشمَّ الدَّمْ

مامـون يالملك ويـا نقـيع السِّمْ

فـرسانا بكيلو العين وبفرجو الهمْ

وقالت:

الليله استعَدُّوا وركـبوا خيـول الكَرْ

وقِـدامُـن عقـيدُنْ بالأغـرْ دَفـرْ

الليله الأســود الليـله تتــنتـَّرْ

ويا الباشا الغشيم قول لي جِدادك كرْ

وشعر الدوبيت الوطني والسياسي الذي بث الحماسة في القلوب ودافع عن تراب الوطن ووقفت قوافيه لتسجل انتصارات هذا الشعب وتشيد بأبطاله ومواقفهم، لم يكن بعيداً عن مشاعر الفرحة التي انتظمت كل أفراد الأمة عندما رفرف علم الاستقلال.

فقال شاعرنا القومي حسن خلف الله يحيى:

أطـرب يا شـباب الليله رَفـرف عَلمـكْ

غـاب عَـلم القبيل كَتَّلْ جـدِودك وظَلمَكْ

دير كـاس الطرب واشفى جـرحك وألمكْ

سـطر للوراك تاريـخ نزيــه بي قلمكْ

وعندما نستقرئ التاريخ ندرك أن السودان ومنذ أن أخذت تطأ أرضه الطاهرة ثلة اللصوص ومحترفي السياسات الاستعمارية البغيضة، أضحى كياناً من المقاومة والرفض، وقدم أرتالاً من الشهداء في سبيل مقاومة الدخيل واسترداد الحرية. وقد قال: شاعرنا ود رانفي مذكراً أهل السودان بأولئك الذين دافعوا عن الأمة على صهوات خيولهم وسيوفهم، وهم يواجهون مدافع وبنادق الأعداء، وسقطوا شهداء فداءً لهذا السودان وترابه الطاهر، بعد أن رأى اختلاط الحابل بالنابل وفوضى الانتخابات، وما آل إليه الحال بعد الاستقلال من تردٍ سياسي وفوضى شاملة يقول:

حِليل أهـلك حِليل البِريدوكَ قبيــلْ

داهجين المدافِـع بى صِـدور الخيلْ

قَبَّال التصـاويت والبهـادِل دَيــلْ

ما شافوا الأضافِر في جَوامع السيلْ

وعندما وقعنا على القصيدة الجهيرة للشاعر بابكر ود مهدي والتي رثى فيها الفارس المك عمارة بن الفارس المك نمر تكرس لدينا ما ظللنا نعتقده بأن الرثاء باب يتسع للفتوة والفخر وهي مرثية رائعة ومليئة بالمشاعر وتغذي الحماسة في النفوس مما يحملنا على إيراد أجزاء منها خاصة وأنها سلكت في أصعب أنواع الشعر القومي وهو المربوقة وسنزيلها بما قالته الشاعرة بنونة بت المك نمر وهي ترثي شقيقها عمارة متخذة ذات المنوال في رثائها له حيث ذهب إلى تخوم الفتوة والفخر.

سيد نِحلْ الفراسه وتُنْدُل اللُبَّاسْ

الولدْ البِصُد الحَافِلاتْ يُبَّاسْ

وكتْ الشوفْ يشوفْ سَيفُو البِضَايرْ النَاسْ

وحرسو من أب قريقِد لى سَعد كَبَّاسْ



صَمَدْ البِجَنْ عَرْكُوسْ

وبِلمَعْ فَوقْ ضُهور خَيلاً قماري لُبوسْ

وكتينْ الرِجال تِشَامَرْ المَلبُوسْ

سَيفُو بِخَلِصْ الفَارِس مع الكَرْبُوسْ



زَامْ أسد الكَدادْ بين القُدَينْ واللُوسْ

وفي غَابْتُو الضَرِيَّه أحمَى الخَلِقْ ما تكُوسْ

مَعْلُوم عِنْ مُلاقاة الرِجال كَابُوسْ

وكُلْ الرِجالْ تَقولْ مِن دَربَك الحَابُوسْ



كَمْ شَديتْ على طَرْزَه وجَنى امْ مَحَسُوسْ

ولِبْسَك تندلو ودَهَجَكْ بضربوا كَروسْ

كَمْ شَقيتْ هَامه وكَمْ فَلَقتَ ضُرُوسْ

وكَمْ جَدَعْ رِجالاً بَىْ ضراعَكْ المَسْيُوسْ



كَمْ شديتْ على كِيكاً نَوايبُو كَرَكْ

وكَمْ شَقَيتْ وكَمْ دَخَلتَ دَرَكْ

قَارْحَك عِنْ مُلاقاة الخُيولْ مَا جَكْ

حَارْسَاهُو الفَراسَه عَمارَه ود المَكْ



جَنَكْ مَشِيهِنْ عَكْ

والخيلْ بَادَرنْ شِبِعْ عَقِيدَك سَكْ

سَيفَكْ بِسَوِّي النَكْ

وحَرَسكْ مِنْ عَجِيبْ وادريسْ ونِمِر المَكْ



إنتَ العَليكْ الرَّكْ

ومِنْ حِسَكْ تَقُومْ البَاديَّه تِتْحرَكْ

الولدْ البِسِومْ الرَوح ويِدَّرَكْ

دَمَرَتُو العَبُوسْ خَتَّ الحِمِلْ وترَكْ



يا لِسَانِي جِيبْ النَّمْ

لىْ مُقْنَعْ بناتْ جَعلْ العُزازْ مِنْ جَمْ

الخَيلْ رَوَقَنْ ما بْقُولْ عِدَادِنْ كَمْ

فَرْتَاقْ عُقْدَتِنْ مَلايْ سِرُوجِنْ دَمْ



ما دَايْرَالَكْ المِيتَه امْ رَماداً شَّحْ

دايراكْ يوم لُقَا في دَمِيكَ تِتْوَشَّحْ

وكتَ الخَيل تِتْدَعِكْ والسَيفْ يِسَوِّي التَّحْ

والميتْ مَسولبْ والعَجاجْ يِكْتَحْ



إن إختيار الألفاظ المؤثرة من مفردات اللغة في شعر الدوبيت خاصة في الفخر والفتوة يجعلنا نعيد ما قلناه بأنها قد ساعدت على بقائه ممسكاً بأسباب الإبتداع الذاتي وساعدتنا على التعرف أكثر على شعرائنا أنفسهم فالمرء مخبوء تحت لسانه ولكن لسان شاعر الدوبيت السوداني يحمل خصائص ومزايا لا تختلف كثيراً عما يحمله غيره من فنون القول الأخرى، إلا أنه الأبعد أثراً والأبلغ تأثيراً في نفوس السودانيين، والأكثر شيوعاً وشعبية في أواسط كل فئات الشعب المتعلمة وغير المتعلمة، لذا يتذوقه معظم أفراد الشعب السوداني ويقدرونه ويصغون إليه بكل حواسهم خاصة عندما ينشد، وللدوبيت السوداني أفضال تاريخية لا تخفى، فقد سجل الأحداث التاريخية العامة وحمل في متنه وقائعها المثيرة، ورصد آمال الأمة وآلامها وعبَّر عن خواطرها وانتشل الأحاسيس الكامنة في وجدان أبنائها، وأبان جغرافية الوطن باقتدار مدهش عجزت عنه كافة الخرائط، إذ أوضح المناحي والمدن والقرى والأرياف والأنهار والطرق والجبال والصحارى والوهاد والوديان، ومكونات البيئة بطقسها المتقلب وأنوائها وشموسها المنيرة وأقمارها المضيئة، بل سلك في مسالك علم الفلك، فعرفنا أسماء النجوم ودلالتها، ولا شك أن الدوبيت كان له عظيم الأثر في تشكيل الوجدان السوداني، كما كان أداة للترفيه والتسلية وحمل القيم النبيلة وشجع على اعتناقها.


المصدر :

http://www.sudanile.com/2008-05-19-17-39-36/254-2009-09-07-19-37-51/15402-2010-06-05-16-47-48.html

[جيجي]

وبعض الفخر المسموع لايضير هذا الجمال
و

خايلة الملكة فوقو

WIDTH=350 HEIGHT=400
بس اوعاك يا طارق تعمل زي عمك محمد:)
والليلة اي يا اي

[ود المامون]

اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=442529#post442529)
وبعض الفخر المسموع لايضير هذا الجمال
و

خايلة الملكة فوقو

WIDTH=350 HEIGHT=400
بس اوعاك يا طارق تعمل زي عمك محمد:)
والليلة اي يا اي




... جيجي
... من الصعب ان تستمع لهذه الاغنية بعد المغنية الاسطورة / حميرة .. والجود .. والتومة بت علي ...

[جيجي]

اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=442529#post442529)
وبعض الفخر المسموع لايضير هذا الجمال
و

خايلة الملكة فوقو

WIDTH=350 HEIGHT=400
بس اوعاك يا طارق تعمل زي عمك محمد:)
والليلة اي يا اي




... جيجي
... من الصعب ان تستمع لهذه الاغنية بعد المغنية الاسطورة / حميرة .. والجود .. والتومة بت علي ...على اصوله يعني
وعاد نحن شن نسو:)
مش في مثل بيقول
ان فاتك الميري
اتمرمق في ترابه

[سارة]

غتاتة منى خلو البوست دا لاصق هنا:p

[طارق صديق كانديك]

وبعض الفخر المسموع لايضير هذا الجمال
و

خايلة الملكة فوقو

WIDTH=350 HEIGHT=400
بس اوعاك يا طارق تعمل زي عمك محمد:)
والليلة اي يا اي

تسلمي ياجيجي

والله الاغنية كاربة

وبيني وبينك شاركت الاستاذ محمد سليمان في النقزي :)

[طارق صديق كانديك]

غتاتة منى خلو البوست دا لاصق هنا:p

ماااا بتحلك الغتاتة:)

تعالى جر النم

[معتصم الطاهر]

بعد هذا يجب إعادة ترتيب قيادات البكاء و الوحيح فى هذا المنبر ..

على أنّ " العالم " يظل الأدميرال ..

[معتصم الطاهر]

أَنَا يَا البُلْبُلْ الفُوقْ رَاس فُروعِك سَاجعه
ضيِفِي على وَجعِكْ ونُومي قبْل الهَاجعه
ريد الفَرْقُو صَحَي العَيْن بعد مِي ضَاجعه
أَتْلف صَحَتِي وعَاد لِي الوَحِايحْ رَاجعه


بكا خمج ..

[طارق صديق كانديك]

قال:

محّق صبري طول ليلا مسكتوحاس
وبعد اللجّة طرف الجن بدالو يباس

أها؟؟

أنا ضوّقني لحس الكوع وشيل الفاس
تقول فجرو وقيام الساعة راس بي راس:D


محّق صبري وعدِم "طنوب" الشراب في الكاس
صِبح عيان بعد ركزان موهط جابلي دوشة راس
وكت يبسم تندى الـزّهرة ويخضّر المكانو يباس
وكان تاتا تميل الدنيا تتنهّد تمد في لسانا بس جرقاس:D


* طنوب = ( ما يبقى في الضرع بعد الحليب وعادة بكون قليل جدا)

[طارق صديق كانديك]

بعد هذا يجب إعادة ترتيب قيادات البكاء و الوحيح فى هذا المنبر ..

على أنّ " العالم " يظل الأدميرال ..

"الأدميرال" وأركان الحرب :)

بدري علي كانديك يا باش قدامو كتيرين

[تماضر حمزة]

محّق صبري وعدِم "طنوب" الشراب في الكاس
صِبح عيان بعد ركزان موهط جابلي دوشة راس
وكت يبسم تندى الـزّهرة ويخضّر المكانو يباس
وكان تاتا تميل الدنيا تتنهّد تمد في لسانا بس جرقاس:D


* طنوب = ( ما يبقى في الضرع بعد الحليب وعادة بكون قليل جدا)

الزول البريدو وباقي ليّ وسواس
معجون الملايكة الوصفو ليّن وقاس
راقي فطن مهذب وفيو جمال احساس
مابنساهو هن هلك الرويحة وشيعوني الناس

[زول الله]

والله بس ناقصة عصاةً مضببة ومعقوفة من راسها
وصديري وسربادوباً ماااهل
تنقز من هنااااك لي هنااااك
وتنزل صقرية لامن الغبار يغطيك

قومتو علينا الحكة أم شوك
الله يجازيكم..
خير





اقول قولي هذا واستغفر الله لي.............

[طارق صديق كانديك]

الزول البريدو وباقي ليّ وسواس
معجون الملايكة الوصفو ليّن وقاس
راقي فطن مهذب وفيو جمال احساس
مابنساهو هن هلك الرويحة وشيعوني الناس

الزول اب لحاظ تبرق تقول الماس
مفطوم بالشعر مـا بلمسو الخنّاس
يلهيك ان وقف او كان مع الجُلاس
وان نطق الدُررزولا عجيب ونّاس

[أبو دعد]

محّق صبري وعدِم "طنوب" الشراب في الكاس
صِبح عيان بعد ركزان موهط جابلي دوشة راس
وكت يبسم تندى الـزّهرة ويخضّر المكانو يباس
وكان تاتا تميل الدنيا تتنهّد تمد في لسانا بس جرقاس:D


* طنوب = ( ما يبقى في الضرع بعد الحليب وعادة بكون قليل جدا)

طنوب المحل الختا الماعون
بدور شرح يا ست الكلام الموزون
انا الليلة صبح من نضمك معيون
العاقل قال بقى زى قيس المجنون

[طارق صديق كانديك]

والله بس ناقصة عصاةً مضببة ومعقوفة من راسها
وصديري وسربادوباً ماااهل
تنقز من هنااااك لي هنااااك
وتنزل صقرية لامن الغبار يغطيك

قومتو علينا الحكة أم شوك
الله يجازيكم..
خير


اقول قولي هذا واستغفر الله لي.............


طنوب المحل الختا الماعون
بدور شرح يا ست الكلام الموزون
انا الليلة صبح من نضمك معيون
العاقل قال بقى زى قيس المجنون

يبدو مسكنا من المتابعة الشديد القوي

لكما امتناني

وخلونا (نَوِح) من جديد.:)