طِــــينْيَـــا- شَــهْقَـــةُ المَـــاء في المُدْرَكــ

[أبوبكر عباس]

شعر جديد لمامون التلب
إن أردت الدقة:
هي نصوص جديدة سَتُشرَق سماوات الشعر باشعتها المُلتهبة،
حسب ثروت همت الصديقة النصية أو الشعرية للناص أو الشاعر (من نصوص أو شعر على التوالي)

قوقلت طِــــينْيَـــا من غير تشكيل
- قوقل قال لي:
Did you mean
كينيا؟
- أوكي خلينا من الطين دا، عفيناك منو،
سيدو (الناص) قال: مكان للوجود،
خلاص شوف لينا الباقي.
- أقول ليك حاجة يا قوقو:
شَــهْقَـــةُ و المَـــاء ديل بعرفم
شهقة دي كان بستعملها عمر الطيب الدوش في شعرو "ومن شهقَة زهور عطشانَهْ فوق أحزانهْا متْكَّيهْ "، و "حديثا" سرقها منو عاطف خيري في "شهقة الأرض البكر" و ممكن لو أنا واصلت في نفس قص الأثر، أقدر أفك طلسم طينيا و شهقة.
- الماء يا هو الماء من بعد جهد أو من غير جهد، ما ظنيت الحداثة ممكن تهبشو.
- انت بس يا سيدنا قوقل ساعدني في: المُدْرَكــ
يخرب بيتك يا قوقو! ما ممكن الناص دا يكون قاصد بالمدرك إسم قرية بالسعودية
كدي شوف غيرها؟
- ممتاز، المدرك للسيراميك؟!
دا ممكن يظبط معاي المعنى خالص
يا ود تمشي القرآن تجيب الآية بتاعة ملكة سبا لمان جات تدخل على النبي سليمان،
(قِيلَ لَهَا ادْخُلِي الصَّرْحَ فَلَمَّا رَأَتْهُ حَسِبَتْهُ لُجَّةً وَكَشَفَتْ عَنْ سَاقَيْهَا)
أكيد بلقيس لمان جات تدخل الصرح السراميكي (المدرك)، أكيد بتكون شهقت لأنها إفتكرت السيراميك دا ماء (لجة) و رفعت فستانها لتكشف عن ساقها لحدي ما شاعر الحقيبة في أم درمان صاح: شفناهو شفناهو
نقول ليك يا مامون: نصوصك دي بنفرتقا بنفرتقا، مهما حاولت تخفي نفسك

[أبوبكر عباس]

صورة الغلاف:
صورة الغلاف دي ما بقدر أفرتق ليكم طلاسما،
لكن حسب كلام الفنانة إيمان شقاق هو عمل رائع!
و برضو يمكن "كل يغني ليلاه"

http://www.sudanyat.org/upload/uploads/tilib.jpg

[أبوبكر عباس]

جَنَّةُ العُمْيَان
(سَمَاوَاتُ الجِّذْرِ الْمَجْهُولَة)
2007م
قلبُ الجنَّة

خائنٌ
هَذَا الثَّورُ الأعْمَى
مَنْ رَفَسَ الأَرْضَ وطَعَنَ الفضاءَ بقرونِ خيالهِ
تَارِكَاً مُصَارِعِيهِ يَلْهَثُونَ في نَوْمِهِم خَلْفَ دَمِ النُّجُومِ الْمُتَقطِّرِ،
وَاعِدَاً أسْلِحَتَهُم الفَاتِرَة بِمَعَارِكَ لا تُرَى.


خَائِنَةٌ
هَذِه القَطْرَةُ التي تَحْفِرُ في صَوْتِ الْمُحِيطِ قَبْرَهَا هَانِئَةً
وتَحِطُّ مِن قَدْرِ السَّحَابِ في قَلْبِهَا.

[مبر محمود]

سلام بابكر..
شايفك الأيامات دي متربص بهذه اللونية من الأدب وأهلها، وقد سبقك في هذا التربّص الكثيرين، منهم صاحبك محمّد حسبو إذ له في هذا المجال صولات وجولات..
كتب في بوست طريف له، ديباجة تبيّن موقفه المبدئي من هذا الأمر
جاء فيها:

خيانة المثقّفين*

هذا الخيط يتربّص بما اسميه "ظاهرة الأدب الجاهليّ" -نسبة إلى الجهل لا إلى الفترة المسماة بالجاهليّة في التأريخ الإسلامي- في الإنتاج الثقافيّ السودانيّ، و محوره التحقّق من "فساد" توظيف اللّغة في هذا الضرب من الخطاب الثقافي/ الإبداعي.

فرضيّتي هي أنّ اللّغة ضمن هذه الظاهرة تُستخدم بما يُناقض مفهوم المعرفة الإنسانيّة بمعناها العام و البسيط، و هو المفهوم الذي يقوم على قابليّتها للنقد العقليّ، و بالتالي، باعتماد الإنتاج ضمن هذه الظاهرة على اللّغة المُلتبسة، يصب منتوجها "خارج" وعاء المعرفة الإنسانيّة، بينما رفد هذا الوعاء في ظنّي، هو المسئوليّة الأساسيّة للمثقّف، عندما يُخاطب جمهوراً يفتك به الجهل و التضليل خاصّة.

بهذا المعنى، فالأدب الجاهليّ هو تعبير عن "هروب" مثقّفينا و مثقّفاتنا عن مواجهة قضايانا المصيريّة -قل اسئلتنا الوجوديّة- إزاء العلم و الدين و الاجتماع و غير ذلك، و الأدب الجاهليّ هو -بدرجة ما- تفسيرٌ لكون حصيلة خمسة آلاف عام من الكتابة و الألقاب و صرير المطابع، لم تكن إلّا كغثاء السيل.

*اسم كتاب لجولين بيندا

http://sudan-forall.org/forum/viewtopic.php?t=2307&highlight=&sid=d65787b91fd3cf7b798cbf71bbd56831

[أبوبكر عباس]

يا مُبر يا أخي إنتهيت لي من البوست بالرابط العظيم دا!
يا أخي أنا لو كنت أعرف انو الاستاذ الكبير جدا محمد حسبو أدلى دلوه في الدواس دا، و الله ما كنت فتحت البوست دا و لا يحزنون.

أصلو أنا برلوم على الحوارات الاسفيرية السودانية.
الله يرحم خالد الحاج الادانا الفرصة دي.

يا أخي محمد حسبو دا بالرغم من انو مباشر و ناشف نشاف شديد، لكن تصدق يا مُبر، بعد دا كلو، جكس الأمارات دا مكسر فوقو جنس تكسر!

بجي راجع لفرتيق:
جنة الرعاع
أو
جنة العميان

[أسعد]

يا بابكر ياخ صديقك محمد حسبو دا ابتثر الشعر ابتثار عجيب كلو كلو وكونه جعل الشعر من ضروب الأدب ذات الأهداف المباشرة في توعية المجتمع

دا بالاضافة لي أنو غضبة حسبو بتذكرني بأهل الريف لمن ظهر (الرغيف الأفرنجي)
فاخذوا يدافعون عن كِسرتهم لكي يحموها من الاندثار
بظهور الرغيف الافرنجي والذي وجد روجاً لدى الاطفال والشباب
فتولى اهلنا الدفاع عن الكِسرة بتعداد منافعها وتبيان محاسنها ولها ما لها من فوائد للجسم
والسخرية من الرغيف الافرنجي وايضاح مضاره وأنه مضر للجسد
واخذوا يستهزؤون بصانعي الرغيف الافرنجي ومستهلكوه
ولكن النهاية كانت على عكس ما يحب أهل الريف
اذ اندثرت الكسرة وانتصر الرغيف الافرنجي
لأن هذا الزمان زمان الرغيف الافرنجي

فيا اخوانا كونكم لا تستصيغون هذا الضرب من الشعر الحداثي
لا يعني أنه ضرب من الجنون ، لان هذا الضرب له معجبيه ومريديه
فا شنو؟!
اكلوا كسرتكم وخلوا الناس التانية تاكل رغيفها الافرنجي

[قيقراوي]

يا بابكر ياخ صديقك محمد حسبو دا ابتثر الشعر ابتثار عجيب كلو كلو وكونه جعل الشعر من ضروب الأدب ذات الأهداف المباشرة في توعية المجتمع

دا بالاضافة لي أنو غضبة حسبو بتذكرني بأهل الريف لمن ظهر (الرغيف الأفرنجي)
فاخذوا يدافعون عن كِسرتهم لكي يحموها من الاندثار
بظهور الرغيف الافرنجي والذي وجد روجاً لدى الاطفال والشباب
فتولى اهلنا الدفاع عن الكِسرة بتعداد منافعها وتبيان محاسنها ولها ما لها من فوائد للجسم
والسخرية من الرغيف الافرنجي وايضاح مضاره وأنه مضر للجسد
واخذوا يستهزؤون بصانعي الرغيف الافرنجي ومستهلكوه
ولكن النهاية كانت على عكس ما يحب أهل الريف
اذ اندثرت الكسرة وانتصر الرغيف الافرنجي
لأن هذا الزمان زمان الرغيف الافرنجي

فيا اخوانا كونكم لا تستصيغون هذا الضرب من الشعر الحداثي
لا يعني أنه ضرب من الجنون ، لان هذا الضرب له معجبيه ومريديه
فا شنو؟!
اكلوا كسرتكم وخلوا الناس التانية تاكل رغيفها الافرنجي

لووووووووووب

تعرف لو قدر لحسبو ان يمر من هنا ح يبدأ بنتف رشيك انت دا اول شئ:D

هو بتكلم عن " فساد " توظيف اللغة ساااي ..

و انت بتمارس في " إفساد " اللغة اتسلف .. دا لو ما كان سفاد مفرداتها غير الشرعي

هذا الخيط يتربّص بما اسميه "ظاهرة الأدب الجاهليّ" -نسبة إلى الجهل لا إلى الفترة المسماة بالجاهليّة في التأريخ الإسلامي- في الإنتاج الثقافيّ السودانيّ، و محوره التحقّق من "فساد" توظيف اللّغة في هذا الضرب من الخطاب الثقافي/ الإبداعي.
:D

[أسعد]

قيقا يا قيقا
تعرف لو رجعنا وراء لزمن بدايات تخلق الشعر لمن كان حداء ورجز
وقمنا أنشدنا فوق الحادين والراجزين بيت المتنبي مثلا:
رمى واتقى رميي ومن دون ما اتقى ***** هوى كاسر كفي وقوسي وأسهمي
ح يقولوا دا شنو دا اسي؟!
وح يشوفوهو نوع من افساد توظيف اللغة
لأنه في زمنهم ما كانوا عارفين المحسنات البديعية ولا المجاز والاستعارة ولا الخ الخ الخ

عليه يا حبوب حتة افساد توظيف اللغة دي محض تلفيق ساااااااااااي
فطالما انه هذا الضرب من الأدب له مريديه ومعجبيه ، والريدة والاعجاب نتجت لان هذا النوع له معانيه ودلالاته التي اعتقد انها لامست وجدان وعقل المريدين
يبقى انا شايف تهمة (افساد توظيف اللغة) مجرد فرية ساااااااااي هذا وإلا لما كان لهذا الادب معجبين ومريدين (قطع شك فهموا الادب دا)

المهم يا عزيزي محمد حسبو في نقده اعلاه ما خايف على اللغة من فساد توظيفها
لكن خايف علي اخوانه ورفاقه أهل اليسار من النداهة دي تقوم تقلبهم صوفية يمينيين
فالنوع دا من الادب خطر جداً على السادة العلمانيين
عشان كدة محمد حسبو رافضه
الأديب البباري نوع الأدب الجاهلي -كما اسماه حسبو- قطع شك بمرق في اخره صوفي عديل كدة
عشان كدة محمد حسبو متصدى لهذا الضرب من الادب

أها يا قيقا شوفت نهاية مداخلتي دي:
فيا اخوانا كونكم لا تستصيغون هذا الضرب من الشعر الحداثي
لا يعني أنه ضرب من الجنون ، لان هذا الضرب له معجبيه ومريديه
فا شنو؟!
اكلوا كسرتكم وخلوا الناس التانية تاكل رغيفها الافرنجي
أنا كنت قاصد بيها بابكر بس
لكن العجلة قاتلها الله خلتني اخت بابكر وحسبو في سرج واحد:p

[أسعد]

حبيبنا قيقا وعلى طاريء افساد توظيف اللغة نهديك القصدة أدناه وتدينا رأيك في أفساد ابن عربي لتوظيف اللغة

كل ما أذكره من طلل * * * أو ربوع أو مغانٍ كل ما
وكذا إنْ قلت ها أو قلت يا * * * وألا ، إن جاء فيه ، أو أما
وكذا إن قلت قد أنجد لي * * * قدر في شعرنا أو أتهما
وكذا السحب إذا قلت بكت * * * وكذا الزهر إذا ما ابتسما
أو أنادي بحداءة يمموا * * * بانة الحاجر أو ورق الحمى
أو بدورٌ في خدور أفلت * * * أو شموسٌ أو نباتٌ أنجما
أو بروقٌ أو رعود أو صبا * * * أو رياح أو جنوب أو سما
أو طريق أو عقيق أو نقا * * * أو جبال أو تلال أو رمَا
أو خليل أو رحيل أو ربى * * * أو رياض أو غياض أو حمى
أو نساء كاعبات نُهدٌ * * * طالعات كشموس أو دمى
كل ما أذكره مما جرى * * * ذكره –أو مثله- أن تفهما
منه أسرار وأنوار جلت * * * أو علت جاء بها رب السما
لفؤادي ، أو فؤاد من له * * * مثل مالي من شروط العُلما
صفة قدسية علوية * * * أعلمت أن لصدقي قدما
فاصرف الخاطر عن ظاهرها * * * وأطلب الباطن حتى تعلما

[أبوبكر عباس]

رمضان كريم يا وجدي يا بتاع الرغيف و الإبتثار.
يا زول أنا ليبرالي و ما عندي مانع أسيب الكسرة لرغيفك دا،
لكن عليك الله سوقنا معاك شوية شوية
و كدي أبد معانا بنص "الناص" مامون التلب دا،
و أشرح لينا رؤيتك يا عملات ميسون النجومي للجزء دا من النص أو علمنا كيف نصيد السمك دا:

جَنَّةُ العُمْيَان
(سَمَاوَاتُ الجِّذْرِ الْمَجْهُولَة)
2007م
قلبُ الجنَّة

خائنٌ
هَذَا الثَّورُ الأعْمَى
مَنْ رَفَسَ الأَرْضَ وطَعَنَ الفضاءَ بقرونِ خيالهِ
تَارِكَاً مُصَارِعِيهِ يَلْهَثُونَ في نَوْمِهِم خَلْفَ دَمِ النُّجُومِ الْمُتَقطِّرِ،
وَاعِدَاً أسْلِحَتَهُم الفَاتِرَة بِمَعَارِكَ لا تُرَى.


خَائِنَةٌ
هَذِه القَطْرَةُ التي تَحْفِرُ في صَوْتِ الْمُحِيطِ قَبْرَهَا هَانِئَةً
وتَحِطُّ مِن قَدْرِ السَّحَابِ في قَلْبِهَا.

[أبوبكر عباس]

لحدي ما يجينا أخونا وجدي يعلمنا الرؤى
كدي خلونا نعوس كسرتنا:
جَنَّةُ العُمْيَان
(سَمَاوَاتُ الجِّذْرِ الْمَجْهُولَة)
2007م
قلبُ الجنَّة
- جَنَّةُ العُمْيَان: قدر ما باصرتها غير نعيم الرعاع أو نعيم الجهل، ما لقيت ليها مخارجة!

- (سَمَاوَاتُ الجِّذْرِ الْمَجْهُولَة): مع إنها بين هلالين (قوسين بالقديم)* و يفترض تفسر جنة العميان أو لوازمها أو هي نفسها من لوازمها، لكن و الله تعبتني تعب شديد!
إتحايلت عليها و قريتها بالمعكوس و إستخدمت التباديل و التوافيق بين الكلمات الثلاتة، لكن بعد كلو فشلت! يا أخي الزول دا لو كان قلب لينا الذال زين في "الجذر"، كنت باصرت ليكم المعنى.
- 2007م: ما ظنيت فيها تخفي! يا ها السنة الميلادية "البسيطة"

- قلب الجنة: مركز الجهل أو النعيم

* ما زالت الحقوق للطيب بشير.


ا

[أسعد]

يشرحوا ليك شنو يا بكور ياخ؟!
الشيء دا شغل رموز عديل كدة
فلو ما هبشك في روحك ما بتقدر تفك رموزها
لانو حتى لو فكوا ليك رموزها حتظل الرموز رموز (لانك ما فكيتها بروحك المهبوشة من الرموز دي)
ياخ الشغل دا خارج نطاق الشرح والفهم

بالظبط كدة زي مثلاً لمن أجي اسالك واقول ليك ياخ العاجبك في صوت (علي المبارك) وكدي اشرح لي الحاجات العاجباك فيهو؟
لاحظ أنا هنا بتكلم عن صوت علي المبارك موش مدائح علي المبارك
أسي تقدر تشرح لي صوت وأداء علي المبارك وتقنعني أني اعجب بيهو ؟!
طبعا ما حتقدر ، الا اذا برااااااااااااي كدة ارتحت للصوت وبقيت اسمع ليهو كتيير
بعد كدة بلقى روحي فهمت رموز صوت علي المبارك

سيبك من مثال علي المبارك
وعشان نشوف الفرق بين الشعر الواحد والشعر الما بعد الحداثة دا
كدي في الأول اديني رايك في الرسمتين ديل
http://sudanesehost.com/pic/uploads/1312621306_Untitled-12.jpg
http://sudanesehost.com/pic/uploads/1312621077_Untitled-1.jpg
وبعدين بجيك بعد تعقيبك علي الرسمتين ديل

[قيقراوي]

حبيبنا قيقا وعلى طاريء افساد توظيف اللغة نهديك القصدة أدناه وتدينا رأيك في أفساد ابن عربي لتوظيف اللغة

كل ما أذكره من طلل * * * أو ربوع أو مغانٍ كل ما
وكذا إنْ قلت ها أو قلت يا * * * وألا ، إن جاء فيه ، أو أما
وكذا إن قلت قد أنجد لي * * * قدر في شعرنا أو أتهما
وكذا السحب إذا قلت بكت * * * وكذا الزهر إذا ما ابتسما
أو أنادي بحداءة يمموا * * * بانة الحاجر أو ورق الحمى
أو بدورٌ في خدور أفلت * * * أو شموسٌ أو نباتٌ أنجما
أو بروقٌ أو رعود أو صبا * * * أو رياح أو جنوب أو سما
أو طريق أو عقيق أو نقا * * * أو جبال أو تلال أو رمَا
أو خليل أو رحيل أو ربى * * * أو رياض أو غياض أو حمى
أو نساء كاعبات نُهدٌ * * * طالعات كشموس أو دمى
كل ما أذكره مما جرى * * * ذكره –أو مثله- أن تفهما
منه أسرار وأنوار جلت * * * أو علت جاء بها رب السما
لفؤادي ، أو فؤاد من له * * * مثل مالي من شروط العُلما
صفة قدسية علوية * * * أعلمت أن لصدقي قدما
فاصرف الخاطر عن ظاهرها * * * وأطلب الباطن حتى تعلما

لوووووب
ابن عربي حتة واحدة!؟
في قرايتي لاسباب حملة حسبو الدفتردارية ، و كما صرّح بنفسه ..
إنو هو ضد اي فن ما بضيف للمعرفة .. ما مقتنع بحاجة اسمها " مدرسة الفن لأجل الفن " دي!

شفت كيف؟

يعني ما تجي تقول - ليهو - انو صوت علي المبارك بهابش روحك دي ..
ما لم يضيف ليك ( معرفة ) يبقى ( خبز ) ما بسمن من جوع!
شفت كيف؟

انا بوافقو في حتة .. و بخالفو في كتيييير .. و بشوفا - الحملة - تجني ساااي!
لاني بختلف معاو في تعريف ( المعرفة ) ذات نفسها ..

اسي حسبو دا بقتنع لي بانو ابن عربي دا امام العارفين!؟
كان الاجابة لا .. يبقى هذا فراقون بيني و بينه من هنا دا ..
و نتفق في ضرورة وظيفية ( الادب ) .. و مفروض انو يكون أداة تغيير
و لّ يكون اخير قلتو ..
و معروف قلة الادب مذمومة .. مش!؟:D

[نصار الحاج]

POETRY

And it was at that age...Poetry arrived
in search of me. I don't know, I don't know where
it came from, from winter or a river
I don't know how or when
no, they were not voices, they were not
words, nor silence
but from a street I was summoned
from the branches of night
abruptly from the others
among violent fires
or returning alone
there I was without a face
and it touched me
I did not know what to say, my mouth
had no way
with names
my eyes were blind
and something started in my soul
fever or forgotten wings
and I made my own way
deciphering
that fire
and I wrote the first faint line
faint, without substance, pure
nonsense
pure wisdom
of someone who knows nothing
and suddenly I saw
the heavens
unfastened
and open
planets
palpitating planations
shadow perforated
riddled
with arrows, fire and flowers
the winding night, the universe
And I, infinitesimal being
drunk with the great starry
void
likeness, image of
mystery
I felt myself a pure part
of the abyss
I wheeled with the stars
my heart broke free on the open sky

Neruda

[أبوبكر عباس]

POETRY

And it was at that age...Poetry arrived
in search of me. I don't know, I don't know where
it came from, from winter or a river
I don't know how or when
no, they were not voices, they were not
words, nor silence
but from a street I was summoned
from the branches of night
abruptly from the others
among violent fires
or returning alone
there I was without a face
and it touched me
I did not know what to say, my mouth
had no way
with names
my eyes were blind
and something started in my soul
fever or forgotten wings
and I made my own way
deciphering
that fire
and I wrote the first faint line
faint, without substance, pure
nonsense
pure wisdom
of someone who knows nothing
and suddenly I saw
the heavens
unfastened
and open
planets
palpitating planations
shadow perforated
riddled
with arrows, fire and flowers
the winding night, the universe
And I, infinitesimal being
drunk with the great starry
void
likeness, image of
mystery
I felt myself a pure part
of the abyss
I wheeled with the stars
my heart broke free on the open sky

Neruda

رمضان كريم يا نصّار
صحي يا نصّار، نيرودا قال القصيدة بتجيك من حيث لا تحتسب زيها و زي الوحي،
لكن الرسول (الشاعر) دا، كوسيط، لو ما حولها للغة مفهومة، شن فائدة وساطتو؟!

[قيقراوي]

رمضان كريم يا نصّار
صحي يا نصّار، نيرودا قال القصيدة بتجيك من حيث لا تحتسب زيها و زي الوحي،
لكن الرسول (الشاعر) دا، كوسيط، لو ما حولها للغة مفهومة، شن فائدة وساطتو؟!

ما تلخبت الاختساسات يا بيكو

الرسول عليو ينقل الوحي بس .. و بامانة .. بي ضبانتو

التجسير مهمة النقاد ياخ!

وقع ليك!؟:D

[مبر محمود]

يشرحوا ليك شنو يا بكور ياخ؟!
الشيء دا شغل رموز عديل كدة
فلو ما هبشك في روحك ما بتقدر تفك رموزها
لانو حتى لو فكوا ليك رموزها حتظل الرموز رموز (لانك ما فكيتها بروحك المهبوشة من الرموز دي)
ياخ الشغل دا خارج نطاق الشرح والفهم
تحيّاتي وجدي والجميع..
ياخوي شايفك بكلامك الفوق دا عصرت علينا وعصرت على الشعراء وعلى الشعر في رقبتو!
متين اللغة بقت رموز!؟
ومتين الشعر بقى خارج نطاق الشرح والفهم!؟
الكلام دا يا سيدي غير صحيح بالمرّة بل ويعاني من مشكلات جوهرية لا حصر لها..
اللغة يا وجدي قد يتلبسها الغموض أحياناً، ولكنها رغماً عن ذلك تظل دائماً مفهومة. والرؤى والأفكار والصيغ الجمالية التي يبذلها لنا الشعر منذ الأزل هي مواضيع قابلة للشرح وغير عصيّة على التوضيح والإبانة..
بعدين ياخوي مافي علاقة "نقدية" بين الشعر والغناء والرسم ..الخ
هذه موضوعات يتم التعامل معها نقدياً كلٌ على حده، يعني أي واحد أدواتو النقدية بتختلف عن الأخر.

[أسعد]

قيقا
كيف أنك؟

في قرايتي لاسباب حملة حسبو الدفتردارية ، و كما صرّح بنفسه ..
إنو هو ضد اي فن ما بضيف للمعرفة .. ما مقتنع بحاجة اسمها " مدرسة الفن لأجل الفن " دي!

شفت كيف؟
دا تطرف ظريف ^_^
يعني الانسان بقى عبارة عن كمبيوتر لينكس
شغال برمجة ورسيفرات بس
لكن الويندوزهات ديل الشغالين بالميديا يجب التخلص منهم فوراً

أسي أفرض انا بسمع بافروتي توفي وما بفهم في الايطالي التكتح
هل معنى كدة انو استماعي لي بافروتي كان محض وهم ساااااااااي؟

ياخ أنا خايف علي صاحبك دا بكون عربيتو بكب ليها بنزين فقط
وشايف أي سوائل تانية غير الوقود اصبحت غير ذات فائدة لعربيتو

[أسعد]

المبر غاية الأشواق ياخ
متين اللغة بقت رموز!؟
اللغة بقت رموز من زمن شيخك محي الدين ابن عربي وخاصة في ديوانه (ترجمان الأشواق)
وقالها عديل كدة عندما ارفق قصيدته -الجبتها لي قيقراوي- في اشاره منه لرموز ديوانه

ومتين الشعر بقى خارج نطاق الشرح والفهم!؟
الشعر بقى خارج نطاق الشرح والفهم منذ بداية شعر ما بعد الحداثة دا
اسي دي تعال انت ومعاك صاحبك محسن خالد زاتو
واشرحوا لينا الحتة دي
جَنَّةُ العُمْيَان
(سَمَاوَاتُ الجِّذْرِ الْمَجْهُولَة)
2007م
قلبُ الجنَّة

خائنٌ
هَذَا الثَّورُ الأعْمَى
مَنْ رَفَسَ الأَرْضَ وطَعَنَ الفضاءَ بقرونِ خيالهِ
تَارِكَاً مُصَارِعِيهِ يَلْهَثُونَ في نَوْمِهِم خَلْفَ دَمِ النُّجُومِ الْمُتَقطِّرِ،
وَاعِدَاً أسْلِحَتَهُم الفَاتِرَة بِمَعَارِكَ لا تُرَى.

خَائِنَةٌ
هَذِه القَطْرَةُ التي تَحْفِرُ في صَوْتِ الْمُحِيطِ قَبْرَهَا هَانِئَةً
وتَحِطُّ مِن قَدْرِ السَّحَابِ في قَلْبِهَا.
ح تشرحوها وتوفوها حقها في الشرح المبدع والخلاق
لكن ممكن يجي واحد تاني يشرحها بطريقة تانية مختلفة تماما وبتكون بنفس الشرح المبدع
دا بالاضافة لي انها بتكون لها معاني مختلفة عند الشاعر
تعدد الشروحات هنا برجع لرمزية اللغة المستخدمة في شعر ما بعد الحداثة ياخ


بعدين ياخوي مافي علاقة "نقدية" بين الشعر والغناء والرسم ..الخ
هذة موضوعات يتم التعامل معها نقدياً كلٌ على حدا، يعني أي واحد أدواتو النقدية بتختلف عن الأخر.
يا مبر ياخ نحن بقينا في زمن تعدد اللغات
اللون والموسيقى والتصوير والجسد والخ الخ من اشياء دي كلها بقت لغات موازية للغة الكلام
في قصيدة كأنها لوحة تشكيلية
ولوحة كأنها موسيقى
وموسيقى كأنها قصيدة
وهكذا ياخ
الزمن اتغير يا مبر ياخ
خُلقت فيه لغات أخرى من لغة لون ولغة موسيقى ولغة جسد ولغة
نحن بقينا في زمن الدكاترة ينصحوا الحامل تشغل موسيقى هادئة عشان جنينها ، وأنها لازم تدهن غرفتها باللون الفلاني لكي يحافظ على هدوء اعصاب الحامل
وتجي تمسك لي في اللغة العربية دي؟!

بعدين ياخ لغة عربية بتاع الساعة كم؟!
اسي صاحبك المتنبي لو ودينا ليهو ابيات عاطف خيري البقول فيها:
أنــا لـيــه تــجــيـنـى الــمــويـة حــفـايـنـه
وأدنــقـر ألـبـسـها فــى شـبـط أخـضـر

تفتكر المتنبي ح يقول شنو؟!

-- ---------
المهم يا صاحب الكتابة دي علي عجل (كالعادة)
فا صبراً علي اخوك ياخ لو الكلام الفوق دا ما واضح

[مبر محمود]

تحيّاتي مجدداً يا وجدي.. والأشواق.
شاكر لكَ الرد الشافي بالنسبةِ لي وإن حسبته أنت عجولاً
تقول:

اللغة بقت رموز من زمن شيخك محي الدين ابن عربي وخاصة في ديوانه (ترجمان الأشواق)
وقالها عديل كدة عندما ارفق قصيدته -الجبتها لي قيقراوي- في اشاره منه لرموز ديوانه
اللغة ليست برمز يا وجدي، ولا ينبغي لها ذلك، بل إن جوهر عملها يتلخّص في إماطة الترميز وفتح المستغلق، وذلك في كل ضروب الحياة.. تفعل اللغة ذلك ببداهة وظيفتها الوجودية الأساسية كأداة للتواصل والكشف والوضوح.
داخل حقل اللغة الفسيح هنالك كائن جميل وفتّان يسمّى "أدب" والشعر أحدى موضوعاته، وداخل موضوع الشعر هذا، هنالك ضرب يسمى إصلاحاً الشعر الرمزي، والرمزية هنا رمزية مُرادات ومقاصد وليست رمزية "معاني لغة" .. يعني شعر إبن عربي دا مفهوم و واضح ومعناهو لا تتناطح عليه عنزان، ولكن رمزيته تكمن في أن مقصد كاتبة الحقيقي قد يختلف عن معناهو الحرفي، وهذه مسألة معروفة ومكررة لدى معظم الشعراء، تجد بعضهم يتغزّل في "ليلى" أو "سعاد" ولكنه يعني بذلك شيئاً أخر. وتجد بعضهم يكتب "برز الثعلب يوماً" وهو يقصد ثعلب أخر لا علاقة له إطلاقاً بثعلب حديقة الحيوانات .. وهكذا، فالرمزية داخل موضوع الشعر هي رمزية مقاصد وليست رمزية معاني لغة.
الشعر بقى خارج نطاق الشرح والفهم منذ بداية شعر ما بعد الحداثة دا
اسي دي تعال انت ومعاك صاحبك محسن خالد زاتو
واشرحوا لينا الحتة ديالشعر والله لا بقى خارج نطاق الشرح والفهم ولا حاجة، الشعر ياهو الشعر يا سيدي..
ببساطة هو خلق جمالي على صعيد اللغة والمعنى. وأي شئ مرق برّة دا فدا ببقى شئ تاني والله أعلم.

[قيقراوي]

قيقا
كيف أنك؟

دا تطرف ظريف ^_^
يعني الانسان بقى عبارة عن كمبيوتر لينكس
شغال برمجة ورسيفرات بس
لكن الويندوزهات ديل الشغالين بالميديا يجب التخلص منهم فوراً

أسي أفرض انا بسمع بافروتي توفي وما بفهم في الايطالي التكتح
هل معنى كدة انو استماعي لي بافروتي كان محض وهم ساااااااااي؟

ياخ أنا خايف علي صاحبك دا بكون عربيتو بكب ليها بنزين فقط
وشايف أي سوائل تانية غير الوقود اصبحت غير ذات فائدة لعربيتو

بالضبط يا ابو الوجود ..
هنا العلّة .. علة تيارات ( الحداثة ) الجات تعالجا تيارات ( ما بعد الحداثة )
في ارتهانها للكلية .. اغراقها في ( المادية ) .. و في قطيعتها مع التراث .
و الكلام ا بشكل عام .. ما ليو علاقة بالنصوص الهنا دي .. لست في مقام من يفتي فيها وفي المدينة مليون مالك .. و مالك!
ما تدخلونا في حرج . .
او تجيبوا لينا عبق ذاك الموضع الاثير من الوزة ياخ! ( اعانها الله على كثرة الداخلين ):D

انا في دي مع شيخي محسن .. انشتايني لا نيوتني

ياخ دي مناسبة انو حسبو يفتينا انو هل انشتاين قال اللكلام دا و لّ لا

قال العلامة انشتاين بعد أن لاحظ و جرب و ساير العلم في خطواته :
" إن أعظم جائشة من جائشات النفس و أجملها تلك التي تستشعرها النفس عند الوقوف في روعة أمام هذا الخفاء الكوني و الظلام. إن الذي لا تجيش نفسه لهذا تتحرك عاطفته حي كميت ... انه خفاء لا نستطيع أن نشق حجبه و ظلام لا نستطيع أن نطلع فجره، و مع هذا فنحن ندرك إن وراءه شيئاً هو الحكمة .. احكم ما تكون، و نحس وراءه شيئاً هو الجمال ... أجمل ما يكون.
و هو حكمة وهو جمال لا تستطيع أن تدركه عقولنا القاصرة إلا في صورة لهما بدائية أولية. و هذا الإدراك للحكمة، و هذا الإحساس بالجمال في روعة هو جوهر التعبد عند الخلائق. و إن الشعور الديني الذي يستشعره الباحث في الكون هو اقوى حافز على البحث العلمي و أنبل حافز"
و يقول العلامة انشتاين ايضاً ان ديني هو إعجابي في تواضع بتلك الروح السامية التي لا حد لها. تلك التي تتراءى في التفاصيل الصغيرة و القليلة التي تستطيع إدراكها عقولنا الضعيفة العاجزة، و هو إيماني العاطفي العميق بوجود قدرة عاقلة مهيمنة، قدرة تتراءى حيثما نظرنا في هذا الكون المعجز للافهام.
إن هذا الإيمان يؤلف عندي معنى الله (1)

-----

* "الإيمان بالله و الجدل الشيوعي" – فتح الرحمن احمد الجعلي – دار الفكر - الطبعة الثالثة ص 26 & 27
* ( 1 ) صفحة 260 – 266 " مع الله في السماء " تأليف دكتور احمد زكي.

[أسعد]

وداخل موضوع الشعر هذا، هنالك ضرب يسمى إصلاحاً الشعر الرمزي، والرمزية هنا رمزية مُرادات ومقاصد وليست رمزية "معاني لغة" .. يعني شعر إبن عربي دا مفهوم و واضح ومعناهو لا تتناطح عليه عنزان، ولكن رمزيته تكمن في أن مقصد كاتبة الحقيقي قد يختلف عن معناهو الحرفي، وهذه مسألة معروفة ومكررة لدى معظم الشعراء، تجد بعضهم يتغزّل في "ليلى" أو "سعاد" ولكنه يعني بذلك شيئاً أخر. وتجد بعضهم يكتب "برز الثعلب يوماً" وهو يقصد ثعلب أخر لا علاقة له إطلاقاً بثعلب حديقة الحيوانات .. وهكذا، فالرمزية داخل موضوع الشعر هي رمزية مقاصد وليست رمزية معاني لغة.
يا مبر الرمزية خشم بيوت
رمزية العقاد في العقاب الهرم
تختلف عن رمزية أسبارتكوس عند أمل دنقل
ورمزية محسن خالد في غابتي البتختلف عنهم الاتنين
كل رمزية وعندها زمنها وعرضتها
لكن رمزية شعر الما بعد الحداثة دي رمزية صعبة وشاقة لأنها وضعت في جبال وعرة
فالرمزية في الشعر القديم هي رمزية (أخو ود أمو وأبو)
لكن رمزية شعر ما بعد الحداثة هي رمزية (ود خالة صاحب ود جيرانو)
فلا يمكن تقارن لي (برز الثعلب يوماً) بـ (خائنٌ هَذَا الثَّورُ الأعْمَى)
رمزية الثعلب يمكن فكها من خلال قراءة البيت كاملاً لأنها رمزية مباشرة
يمكن ان تتخيل الثعلب وهو يعظ ، والثعلب معروف عنه المكر والدهاء
لكن (الثور الأعمى) في شعر مأمون له أكثر من رمز فلو قعدت تفسر فيهو يبقى ح تروح شمار في مرقة
حتى لو اكملت بقية الأبيات عشان تتخيل المشهد
حتلقى روحك ضعت في مشاهد كتيييييييييييييرة ، عشان كدة الرمزية هنا ما بتشبهنا نحن
الرمزية دي بتشبه أجيال سنة 2025 وأنت ماشي
خائنٌ
هَذَا الثَّورُ الأعْمَى
مَنْ رَفَسَ الأَرْضَ وطَعَنَ الفضاءَ بقرونِ خيالهِ
تَارِكَاً مُصَارِعِيهِ يَلْهَثُونَ في نَوْمِهِم خَلْفَ دَمِ النُّجُومِ الْمُتَقطِّرِ،
وَاعِدَاً أسْلِحَتَهُم الفَاتِرَة بِمَعَارِكَ لا تُرَى.

مثلاً لو جينا قارناها برمزية أدونيس في أورفيوس:
عاشِقٌ أتدحرج في عَتمات الجحيمْ
حجَرا ، غير أنّي أُضيءُ
إنّ لي موعداً مع الكاهناتْ
في سرير الإله القديمْ
كلماتي رياحُ تهزّ الحياةْ
وغنائي شرارْ.
إنني لغةٌ لإله يجيءُ
إنني ساحرُ الغبارْ.
فالرمزية عند أدونيس واضحة جداً
لكن قبل خمسين سنة كانت عبارة عن طلاسم من الكلمات

المهم نهاية القصد
لغة شعر ما بعد الحداثة هي بالنسبة لنا عبارة عن رموز عصية التفكيك
زي مثلا (برز الثعلب يوماً) ح تكون رموز لو اتقالت في زمن الشعر ما كان حداء ورجز فقط
نحن حاليا جيل الحداثة ناس ادونيس ودرويش وامل دنقل والثياب وغيرهم
لكن بعد كمين سنة كدة الجماعة ديل ح يكونوا زي ناس امروء القيس وابوتمام
والعقاد وابونواس
هنالك فئة من الشعراء دائما سابقين آوانهم بعقود من السنين

لكل زمان دولة ورجال ياخ:p

[مبر محمود]

لغة شعر ما بعد الحداثة هي بالنسبة لنا عبارة عن رموز عصية التفكيك
وجدي يا صاحب.. جيتك تاني.
أولاً ياخوي أنا قاعد أتعامل بريبة كبيرة مع المصطلحات الجديدة على شاكلة "حداثة" و"ما بعد حداثة".. بصراحة قلبي محدثني تجاهن وعندي فوقن مناضمة طويلة وعريضة. أرأهن في زماننا هذا أضحن مطايا يمتطيها البعض بتذرّع تبريري واهي لا يخدم منطقاً، يعني أي شئ يستعصي تسويقو يحشروهوا ليك طوالي في شوال "ما بعد الحداثة" العجيب دا ويقولوا ليك خشمك عندك!!
المهم دا مدخل لكلامات قد تأتي بيننا يوماً ما، فالى ذلك الحين كن بخير.

[الوليد عمر]

....


صباح الخير يا شباب
و رمضانكم كريم


لو قلنا إنو كلام حبيبنا مبر عن اللغة دا:


اللغة ليست برمز يا وجدي، ولا ينبغي لها ذلك، بل إن جوهر عملها يتلخّص في إماطة الترميز وفتح المستغلق، وذلك في كل ضروب الحياة.. تفعل اللغة ذلك ببداهة وظيفتها الوجودية الأساسية كأداة للتواصل والكشف والوضوح.

ولكن هل يمكن سحبه على إستخدام اللغة فى الحالة الإبداعية ؟
أنا بتفق معاك يا مبر جداً فى الإقتباسية الفوق دى فيما يخص إستخدامات اللغة كوسيلة للتحاور و التداول و المفاهمات حول ما هو كائن بالفعل ، و لكنها و ربما قد تكون قاصرة بمفراداتها المباشرة و البائنة فى الحالة الإبداعية ، اللهم إلا لو قبلنا بموت القريحة الإنسانية القادرة على تلمس التصاوير و المعانى الجديدة و غير المألوفة أو سلمنا بمفهوم: " هل غادر الشعراء من متردَّم ؟ "

اللغة كائن حى فى الأساس و ما يمنحها الحياة فى تقديرى هو إشتمالها على المعانى و التصاوير و التى تقوم اللغة مقام تكريسها و عرضها و تجسيرها* يا عملات قيقراوى ، إذن الترميز قد لا يراه البعض ضروريا فى الحالة المثالية لإستخدام اللغة لعرض ما هو كائن بالفعل و توصيفه ، و لكنه - أى الترميز - لا أراه يمثل سبة أو عيباً عند إستخدامه فى نصوص إبداعية ، بل على العكس تماماً ، إذ يمكن للرمز أن يخلق أرضية متينة لعرض المعانى و الأطروحات الأدبية و الفنية غير المألوفة.



العزيز وجدى قال:

يا مبر الرمزية خشم بيوت
رمزية العقاد في العقاب الهرم
تختلف عن رمزية أسبارتكوس عند أمل دنقل
ورمزية محسن خالد في غابتي البتختلف عنهم الاتنين
كل رمزية وعندها زمنها وعرضتها
لكن رمزية شعر الما بعد الحداثة دي رمزية صعبة وشاقة لأنها وضعت في جبال وعرة
فالرمزية في الشعر القديم هي رمزية (أخو ود أمو وأبو)
لكن رمزية شعر ما بعد الحداثة هي رمزية (ود خالة صاحب ود جيرانو)
فلا يمكن تقارن لي (برز الثعلب يوماً) بـ (خائنٌ هَذَا الثَّورُ الأعْمَى)
رمزية الثعلب يمكن فكها من خلال قراءة البيت كاملاً لأنها رمزية مباشرة
يمكن ان تتخيل الثعلب وهو يعظ ، والثعلب معروف عنه المكر والدهاء
لكن (الثور الأعمى) في شعر مأمون له أكثر من رمز فلو قعدت تفسر فيهو يبقى ح تروح شمار في مرقة
حتى لو اكملت بقية الأبيات عشان تتخيل المشهد
حتلقى روحك ضعت في مشاهد كتيييييييييييييرة ، عشان كدة الرمزية هنا ما بتشبهنا نحن
الرمزية دي بتشبه أجيال سنة 2025 وأنت ماشي





و أرى فى كلامه الكثير مما يتفق و رؤيتى حول الترميز كأسلوب إبداعى يتطور بتطور الوعى الجمعى و بيئة المتلقيين ، ولكن ما لا أره صواباً هو الإطناب فى الترميز بمنأى عن التصاوير و المعانى بإفتراض تقدمية النص المبدَع على زمانه و إنتظار الأجيال القادمة لإستسهال هضمه و إستيعابه ، لأننى أرى أن الترميز فى حد ذاته حالة إبداعية لا تتوفر إلا لذوى القرائح المفتولة و الوجدانات الناعمة بتناقض دافع و محفز على إستنباط الرمز من الصورة الإبداعية و ليس العكس ، فالترميز الموغل فى الغموض لا يخدم الإبداع بقدر ما تخدمه الرمزية المعقولة و إنحياز المبدع للصورة و تفاصيلها قبل إنحيازه لدهاليز اللغة.




تحية.







.....

[سماح محمد]

بابكر وضيوفه تحياتي

هذه القراءة ل(مأمون التلب) أرى في مناقشتها إمتداد لما جاء في بوست (كاتب خطير) والذي أخذ النقاش فيه منحىً جدليا مع تمسك كل الأطراف برؤيتها ..!!

عموما الجابني كلام الأخ وليد عمر ده
لأنه ببساطة كيفني

....

فالترميز الموغل فى الغموض لا يخدم الإبداع بقدر ما تخدمه الرمزية المعقولة و إنحياز المبدع للصورة و تفاصيلها قبل إنحيازه لدهاليز اللغة.

.....

والله أنا دهاليز اللغة دي ممحناني محنة شديدة..
وإحتمال تكون بسبب تأثيرات الرعرعة ياقيقراويlooool

[قيقراوي]

سماح يا شقيقة


والله أنا دهاليز اللغة دي ممحناني محنة شديدة..
وإحتمال تكون بسبب تأثيرات الرعرعة ياقيقراويlooool
:D

افحصي دمك كاملاً بدمك كاملاً ..

بس ( بكسر الباء :D )



هذه القراءة ل(مأمون التلب) أرى في مناقشتها إمتداد لما جاء في بوست (كاتب خطير) والذي أخذ النقاش فيه منحىً جدليا مع تمسك كل الأطراف برؤيتها ..!!


كدي ما اطريتي خطرفات بابكر عباس دي ساي ..
يا للهول!!
رفعتيها لمقام قراءة عديييل كدا!؟





-------

بالجد كان دا رأيك محتاجة لي قراءة جديدة للبوست
هي كانت معركة بالله و نحن ما جايبين خبر، و لّ شنو!؟
ما هكذا تورد ابل الاحكام حول ( الحوارات )
كان مطلوب شنو يعني ؟
كل الناس تتطلع برأي واحد!؟
ام طرف ( يقنع ) طرف ( دا حسب افتراضك انت يورسلف! )!!

[سماح محمد]

العزيز قيقا الراوي


افحصي دمك كاملاً بدمك كاملاً ..



أما وقد أفتيتني في شأن شعوري الذي بات متجذرا ب(الرعرعة) في ظل أدب مابعد الحداثة ..فجزاك الله عني كل خير..وماتجرجرني ياخ الدنيا رمضان وجرجرتك بعرفها:D

بالجد كان دا رأيك محتاجة لي قراءة جديدة للبوست
هي كانت معركة بالله و نحن ما جايبين خبر، و لّ شنو!؟
ما هكذا تورد ابل الاحكام حول ( الحوارات )
كان مطلوب شنو يعني ؟
كل الناس تتطلع برأي واحد!؟
ام طرف ( يقنع ) طرف ( دا حسب افتراضك انت يورسلف! )!!

بس في فرق مابين النقاش العادي و النقاش الجدلي
الهدف من الحوار طرح الرؤى وأحيانا محاولة المقاربة بينها والإتفاق على بعض الخطوط فيها..وهذا على فكرة ليس بالضرورة فللإختلاف نكهته وجماليته أيضا

الجدل هو نقاش لا يصل الى نهايات..ولا الى اتفاق..هو السير في خطين متوازيين

وعلى فكرة آسفة على التقييم لو أزعج بابكر عباس (سيد البوست)
ومنكم نتعلم كيف تورد إبل إصدار الأحكام على الحواراتlooool

وتفطروا على خير

[قيقراوي]

الجدل هو نقاش لا يصل الى نهايات..ولا الى اتفاق..هو السير في خطين متوازيين

وعلى فكرة آسفة على التقييم لو أزعج بابكر عباس (سيد البوست)
ومنكم نتعلم كيف تورد إبل إصدار الأحكام على الحواراتlooool

وتفطروا على خير
مالك عاوزة تفطريني من اسي!!
ما تخميني ساي يا سامح
و فطورنا لسة باقي ليو 3 ساعات ...


ما هو دا بالضبط محور كلامي فوق يا خ!

يعني كل البوست داك طلعتي منو انو مجرد ( جدل )!!؟
و في اسوأ معانيها كمان .. ( جدل عقيم)!!


الله في



-----

يا ريت تبحث عن معنى ( جدل ) دي عشان ما تجي تعكميها ساااي هنا!
بتعني عكس ما اردتي بالمناسبة:D
ياخ لو الجدل داك ما كان مفيد لسعاتك .. ما معناها انو ( الجدل ) حاجة كعبة
الجدل هو المحتوى الداخلي لحركة التقدم بالمناسبة .. ضدو الجمود و التبلد

شفت كيف؟

طوالي قاعد تكرري لي الجملة دي [ ومنكم نتعلم ]:D
اثنان لا يتعلمان ...
عارفاهم؟:p

تفطري على خير يا فردةlooool

[سماح محمد]

سلامات

ياخ لو الجدل داك ما كان مفيد لسعاتك .. ما معناها انو ( الجدل ) حاجة كعبة



ياخ أنا قلت انو ما مفيد؟؟!!
ببساطة هو مرهق بالنسبة لي..يعني بصل لحد محدد كدة وبفتكر انو الكلام بيبقى تكرار وببطل...والفايدة بآخذها كاملة والحمدلله

طوالي قاعد تكرري لي الجملة دي [ ومنكم نتعلم ]:D
اثنان لا يتعلمان ...
عارفاهم؟:p

وطوالي بتصدر لي في حوارك إحساس إستعلائي أتمنى اني أكون مخطئة بشأنو
وأتمنى فعلا إني أستفيد من تجربتك يافردة
وأعوذ بالله أن أكون ممن يأخذهم الحياء والتكبر عن طلب العلم والمعرفة..

إحترامي

[قيقراوي]

سلامات



ياخ أنا قلت انو ما مفيد؟؟!!
ببساطة هو مرهق بالنسبة لي..يعني بصل لحد محدد كدة وبفتكر انو الكلام بيبقى تكرار وببطل...والفايدة بآخذها كاملة والحمدلله


وطوالي بتصدر لي في حوارك إحساس إستعلائي أتمنى اني أكون مخطئة بشأنو
وأتمنى فعلا إني أستفيد من تجربتك يافردة
وأعوذ بالله أن أكون ممن يأخذهم الحياء والتكبر عن طلب العلم والمعرفة..

إحترامي

و الله البعن لي قاعد اكتبو

فا شنو؟

ولك ان تقريهو كما يعن لك

و كلام منكم نتعلم دي عادية انت شايفاها؟

مررتها المرة الاولى .. لكن لمن تتكرر يبقى من حقي افهما زي ما عاوز افهما ..
و لّ شنو!؟


بعدين ياخ دا منبر عام ..
ما اعتقد في زول رسلو ليهو دعوة!
اتركي ما يرهقك لما لا يرهقك بدل الشناف الما ليهو لازم دا!
ولّ شنو؟ ( مكرور )


سم سانين - و كان في نقطتو الكم ما عارف؟ :D - اعتذارك لبابكر كان عن شنو؟
رأيك!!

سم ياخي هو ( الجدل ) عندك بسلتزم طرف واحد؟




--------

شفتي دهاليز اللغة كيف بتضهب؟
كلمة ( جدل ) عندك غير عندي ..
ؤ غير عن ( هيغل ) ..
و العجب عند فير & لفلي*
غييييييييييييير!!

ماركس & انجلز:D

[سجمان]

انت يورسلف! )!!

اعتقد هار سلف:p:p:p

:D:D:D

[قيقراوي]

اعتقد هار سلف:p:p:p

:D:D:D

يقول لي - يحاكي البرق - مبتسماً :

يا انت؟:D
يا ذا؟:D

و عمداً لا يسميني!

يورسلف صحيحة مية المية لمن تكون صيغة ( مخاطبـ/ـة )
و لّ شنو!؟

مش سبقتها ( انت ) عديييل؟:D




-----

لسة ما بطلت حلاقة الكف و قبلت على معرّفك المعقدنا دا يا انت؟ يا ذا؟

http://www.alrakoba.net/vb/images/smiles_alrakoba/014.gifhttp://www.alrakoba.net/vb/images/smiles_alrakoba/014.gif

[سجمان]

شوف مخاطبتك إنت همسيلف:D:D في ذات السياق..

افحصي دمك كاملاً بدمك كاملاً .

كدي ما اطريتي خطرفات بابكر عباس دي ساي ..

بالجد كان دا رأيك محتاجة لي قراءة جديدة للبوست

!!



يقول لي - يحاكي البرق - مبتسماً :

يا انت؟:D
يا ذا؟:D

و عمداً لا يسميني!

يورسلف صحيحة مية المية لمن تكون صيغة ( مخاطبـ/ـة )
و لّ شنو!؟

مش سبقتها ( انت ) عديييل؟:D




-----

لسة ما بطلت حلاقة الكف و قبلت على معرّفك المعقدنا دا يا انت؟ يا ذا؟

http://www.alrakoba.net/vb/images/smiles_alrakoba/014.gifhttp://www.alrakoba.net/vb/images/smiles_alrakoba/014.gif

لمن نلقى لينا حل للمعرف بتاعنا دا بنجيك تاني عشان ما
تبقى علينا قصة (أفتّال أنت يا سجمان):D

سجمان مش:D:D:D

[سماح محمد]

تحياتي ياقيقراوي

اتركي ما يرهقك لما لا يرهقك

حاضر




تشكرات & إحترامي

[قيقراوي]

سماح خلف الله اختي:D

هاك تعريف ( جدل )

" تدل كلمة جدل على معنيين :
تعني الكلمة اولاً فن الكلام . ذلك الفن الذي يجعلنا نفهم و يبرهن لنا على صحة ما نعتقد . كما انها تعني ثانياً فن المناقشة الهادفة التي تجعلنا نكشف للخصم عن الحقيقة بما نبسطه أمامه من حجج و براهين .
إذن فكلمة جدل تتضمن فن البرهان و فن دحض كلام الخصم ، لأن المجادل يدرك كيف ينظم معرفته فيضعها في نظام متماسك، كما يعرف بصفة خاصة كيف يجد اساساً منطقياً لآرائه . كما ان المجادل يتميز على نحو خاص ببراعته في تمييز الصحيح من الفاسد فيما يعرضه الآخرو من اراء ، كما يتميز بمقدرته على اكتشاف مواطن الضعف في نظرية الخصم ، وإدلائه بالحجج القاطعة التي تستطيع أن تحيل المعترض الى السكوت "

" و إذن فالجدل وثيق الصلة بالمنطق ، غير ان هذه الكلمة احرى ان تدل على نظرية التفكير العقلي ، في حين أن الجدل يقوم على تطبيق معرفتنا بالقواعد المنطقية على سياق المناقشة "

" فالجدل إذن عبارة عن فن صوغ المحاكمات المتماسكة و الدقيقة و جعلها تتسلسل بصورة محكمة "


-------

ص 6 ، 7 ، 48 " هذه هي الديالكتيكية " - بول فلكييه . . من مصدر ثانوي ( سابق )

[أسعد]

العزيز وليد تحياتنا ورمضانك كريم
ولكن ما لا أره صواباً هو الإطناب فى الترميز بمنأى عن التصاوير و المعانى بإفتراض تقدمية النص المبدَع على زمانه و إنتظار الأجيال القادمة لإستسهال هضمه و إستيعابه ، لأننى أرى أن الترميز فى حد ذاته حالة إبداعية لا تتوفر إلا لذوى القرائح المفتولة و الوجدانات الناعمة بتناقض دافع و محفز على إستنباط الرمز من الصورة الإبداعية و ليس العكس ، فالترميز الموغل فى الغموض لا يخدم الإبداع بقدر ما تخدمه الرمزية المعقولة و إنحياز المبدع للصورة و تفاصيلها قبل إنحيازه لدهاليز اللغة.
مافي أي افتراض عند الشاعر على اساس ان النص متقدم على زمانه
ولكنها رغبة في الخروج عن الموروث والتحرر من قيود الحاضر
وخليني اشرح ليك تنظيري عن الحتة دي -ضرب مثل اخوك ما عندو خلفية عن سيرة حياة الشعر-
الفن عموماً هو وسيلة (لا إرادية) يبتكرها المجتمع عشان يعبر بيها عن رغباتو
وبالتالي ممكن تكون إشارة أو نبوءة لمستقبل المجتمع
فالحداء مثلا كان ضرب من الشعر يدعو للخروج عن موروث الفراغ الكان بعيشو الفرد في تلك الحقبة
ثم كانت الحياة المجتمعية وعيشة الناس مع بعض فجاء الشعر العربي يعبر عن عاطفة البني آدم ورغبته في المعيشة مع بنت حواء تانية وكان أمرؤ القيس وأبو ليلى المهلهل وغيرهم
ثم جاءت حقبة من الزمن دخل فيه شعر الممزوج بالحكمة ليعمل على توعية البني آدم وخروجه عن عيشة العاطفة القديمة ، ومن رواده جبران وأيليا ابوماضي والعقاد وغيرهم
ثم جاء زمن المطالبة بالحرية وخصوصا حرية الفرد فكان الشعر الحديث وكان أدونيس وأمل دنقل والثياب وغيرهم
واخيرا جاء زمن شعر ما بعد الحداثة وهنا خلينا نمشي مصدرها هناك في الدول الغربية ، أنا اعتقد أن شعر ما بعد الحداثة نتج لكي يعبر عن الروح فبعد أن غطست دول الغرب في المادية والعقلانية وبعد ما شبعوا حرية لمن قالوا كفاية ،وبما انو الكتير مسيخ عشان كدة نتجت حركة تهتم بالروح وشغالة بسالفة (الأشياء ليست كما تبدو) فكانت شعر ما بعد الحداثة في مخاطبته للروح واستخدمها في قراءة هذا الضرب من الشعر

لكن نحن ناسنا في السودان عاوزين ينشروا فينا (الصوفية اليسارية) دي ونحن لسة ما مرقنا ولا اتحررنا من الصوفية اليمينية . لا عشنا حرية ولا استمتعنا بالمادية وهم عايزين يغتسونا في الروحانيات اليسارية دي:D


المهم نهاية القصد -واسفين علي الاطالة-
انو الشعر موش بمرق بارادة الشعراء مستقصداً شيئاً معيناً
لكن ممكن نقول ان الشعراء والفنانين هم أول شريحة بتلتقط اشارة رغبة المجتمع وتبدأ في طرح هذه الرغبة قبل أوان وضوحها للناس لأن الشاعر هو الناطق الرسمي باسم المجتمعات البشرية وهو أول من يذيع البيانات
اها بعد داك الناس تفهم البيانات دي متين؟! الله اعلم




-----------------------
معاً لارهاق سموحة:p

[قيقراوي]

سماح يا حديقة

تحياتي ياقيقراوي

حاضر

تشكرات & إحترامي
يحضروا ليك الخير يا اختي!:D
ياخ ليه انت مصرة على اللغة دي معاي؟
استعلاء .. اتعلم منك .. حاضر!!

يا عزيزة متين انا قلت اني فاتح لي مدرسة او جاي اعلم زول هنا؟
او متين انا كنت مؤسسة ذاتو!!

المعرفة ترقد في بطون الكتب ..
و دا ( حوار ) في دسكشن بورد .. كلو زول يجي متعلم جااااهز!!
و يرمي بياضو هنا ( رأي ) كامل الدسم ..

و ليسيل دم الفكرة للركب ..

ديالكتيك كهنوتي عدييييل!

المافي شنو؟:D
اها وقع ليك كلام د. الوليد دا لمن قال دهاليز اللغة دي ودّارة في بحر التيه؟

المبارزة
تنهزم الأفكار ، نعم
لكن بالأفكار
يحتكّ المنطق بالمنطق ،
والحجة بالحجة ،
والبرهان الساطع بالبرهان
نتجادل حتى
ينثلم الرأي الأوهى
في وجه الرأي الأقوى
نختلف كما يختلف الناس،
ولكن يا للخزي ، ويا للعار
إن أفلسنا حتى ضقنا
ذرعا بالرأي الآخر.

الاستاذ/ عالم عباس محمد نور

دي آخر مرة اعلمك حاجة بالمجاني .. افحصي دمك كاملاً بدمك كاملاً تاني
هاك الاستعلاء دا!؟
بتجيب الكلام السجمان دا من وين انت!؟:D



-------
ثم ياخ الرأي - ان شئت اقري ( الفكرة ) - لمن تطلع من الات المبدعة ليها بتخلق وجودها الخاص بيها .. ذاتها المنفصلة تماماً
خايفة من شنو عليها .. خليها تفطس لو ما قادرة على استحقاق وجودها ..
مش دا قانون الانتخاب/ الارتقاء الطبيعي بتاعكم ذاتو؟
و تيب!؟

تشكرات و احترامات و محبات .. و انت عارفة قدر شنو .. و لّ ما عارفة؟looool
:D

[الرشيد اسماعيل محمود]

وجدي نفي إمكانية الشرح والفهم من الأساس..

يشرحوا ليك شنو يا بكور ياخ؟!
الشيء دا شغل رموز عديل كدة
فلو ما هبشك في روحك ما بتقدر تفك رموزها
لانو حتى لو فكوا ليك رموزها حتظل الرموز رموز (لانك ما فكيتها بروحك المهبوشة من الرموز دي)
ياخ الشغل دا خارج نطاق الشرح والفهم

وجا تاني في مداخلتو التانية أقر بإمكانية الشرح..
ولكنه فقط يعتقد بتعدد الشروحات.. في محاولة متناقضة لإثبات فرضيته..

الشعر بقى خارج نطاق الشرح والفهم منذ بداية شعر ما بعد الحداثة دا
اسي دي تعال انت ومعاك صاحبك محسن خالد زاتو
واشرحوا لينا الحتة دي

ح تشرحوها وتوفوها حقها في الشرح المبدع والخلاق
لكن ممكن يجي واحد تاني يشرحها بطريقة تانية مختلفة تماما وبتكون بنفس الشرح المبدع
دا بالاضافة لي انها بتكون لها معاني مختلفة عند الشاعر
تعدد الشروحات هنا برجع لرمزية اللغة المستخدمة في شعر ما بعد الحداثة ياخ