إستراحــة مع (الـــكاكـــى ) بســـودانــيات

[سمراء]

جنــابو بابكر مخير

http://im14.gulfup.com/2011-09-28/1317194278783.png (http://www.gulfup.com/show/X26zteuxpci3o8)


جنابو الطيب بشير

http://im19.gulfup.com/2011-09-28/1317196510681.jpeg (http://www.gulfup.com/show/X26x1st2oaudcw)


جنابو النور يوسف

http://im14.gulfup.com/2011-09-28/1317196867741.jpg (http://www.gulfup.com/show/X8rr1hkyv4b480c)

[بابكر مخير]

يؤخذ عليك!





عدم التقيد بالأقدمية...
كيييييييييف صورة سعادتهو الرائد،
تجي تحت صورهم "جناباتهم"


لاحظي "الشنوبة" ;)



لكن بالله،
مش؟؟












"شرط" :eek:

[سمراء]

وكثيرين ربما هنا ..لا نعرفهم ..

وللكاكى فى السودان مساحات لايستهان بها ..خيرها وشرها ...
ومثلها فى ذاكرة الغنا السودانى ، ومرابيع الشعراء ...
وجلسات الونسة الحميمة ...

...وهنا ..

نفرد مساحه " خضراء" بلون ذاك اليونيفورم ، لنفر احبهم وتحبونهم دون شك ،
نسوح معهم ، فى ذكريات ذاك اللون ،

فهلا تكرمو ، وحضرو ، ورفعو تمام الحضور .؟

[سمراء]

اقتباس:
المشاركة الأصلية كتبت بواسطة بابكر مخير http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=408665#post408665)

"شرط" :eek:

للارض ...
للارض ......وايم الله ياجنابو :D

[بابكر مخير]

مع "البوليس" الحكاية...
طبعي ما بهابش إلا شيتن بعرفهو،،
يعني حتى في الاكل، إلا شيتن ضقته من صغر،،
ناس لحم بط وطبيخ سبانخ وربيان والطعام الصيني وأمور كتيرة لي حسي ما مديت يدي عليهم..
آها البوليس والصيدلة،،
من الأسرة توارثتهم،،
البوليس؛ صديق مخير، علي مخير وحسي فضلي مخير
الصيدلة؛ أبراهيم قاسم، يوسف بدري، قاسم مخير وحسي الصادق مخير..


مشي بي جمب الحيطة سااااااااااااكت :)

[بابكر مخير]

حملت فكرة صيدلية تعاونية في شكل دراسة لسعادة اللواء إسماعيل عطية..
عيييييييك إترمت في درج مكتبه لمدة 6 شهور،
يوم هفت ليا أشوف الحصل في الفكرة شنهو..
قال ليا:
هو يعني عمل إجزخانة عايز لثهو دراسة ذي ورقك دآ؟
ما أهم اليمنين فاتحين دكاكين وبدون دوشة...
شلتا ورق دكان اليماني ومشيت للواء خالد حسن عباس وزير الصحة حينها..
وتحولت الفكرة ونفذت "صيدليات شعبية"

[أميرى]

المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=408667#post408667)
وكثيرين ربما هنا ..لا نعرفهم ..

وللكاكى فى السودان مساحات لايستهان بها ..خيرها وشرها ...
ومثلها فى ذاكرة الغنا السودانى ، ومرابيع الشعراء ...
وجلسات الونسة الحميمة ...

...وهنا ..

نفرد مساحه " خضراء" بلون ذاك اليونيفورم ، لنفر احبهم وتحبونهم دون شك ،
نسوح معهم ، فى ذكريات ذاك اللون ،

فهلا تكرمو ، وحضرو ، ورفعو تمام الحضور .؟


أها يا عمر الجزلي:D


إيييييييييييييييييييييييييييييييييييييييييييييييه زمن:D



ـــــــــــــــ
أصو ماحأكسر تلج يا مخير والنور
درش بس
وأرنب إستعد:D

[الزوول]

.

http://www.sudanyat.org/upload/uploads/March.mp3
.

[سمراء]

جنابو مخير العزيز
واصل بدون فواصل ، شكلو الكاكى ده جا " مغصة " ساى ..



_____

ملحوظة :

اى زول عندو علاقة ، او لبس الكاكى فى زمن ما ، او الان ..بتفضل
البوست بوستينو ...بلا شك

فى قمندان حائم يتاوق وشكلو عاوذ يزوغ ...بس وين ليهو ! حانجيبو
حتى لو بالانتربول الدولى ...


http://www.sudanyat.org/vb/picture.php?pictureid=291&albumid=16&dl=1317198444&thumb=1

الكاوبوى فيصل سعد

[بابكر مخير]

أها يا عمر الجزلي:D
:D

تقصد أنها..
نوت علينا،
تقرضنا .......
الفااااااااااااااااااااااتحة :(:(

[أميرى]

المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=408675#post408675)
تقصد أنها..
نوت علينا.......
الفااااااااااااااااااااااتحة :(:(


طولة العمر يا دكتور ياخ

[سمراء]

دكتورنا الجميل الزوول عوض
مع انى ماسمعتة لاسباب فنية تخصنى ، بس شكلك دعمتة الفكرة بى واحدة من اغانى البنات المجدت العساكر ديل ! صاح ؟

اتا عارف من زمان قاعده تعجبنى الجلالات بتاعتهم دى ، مع انو ماقاعده افرزهم بقولو شنو ...بس ياخ فيها حماس كدى يخليك تقرب تنط حيطةالجيران ...ساى بس:D

فى الرحلة بتاعت سودانيات للباسقات ، جيرانا برضو عاملين رحلة وكانو عساكر بالله جايبين ليهم ناس جلالات كدى قلبوها لينا معسكر والكتاحة ماتديك الدرب .

شوف عينى جنابو النور قرب يطير :D:D

[سمراء]

اقتباس:
المشاركة الأصلية كتبت بواسطة أميرى http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=408672#post408672)
أها يا عمر الجزلي:D


إيييييييييييييييييييييييييييييييييييييييييييييييه زمن:D







اميرى اعمل حسابك
البوست ده بتاع عساكر ...يعنى انتباه ولا بغم !

يجز كرعيك ;)

[سمراء]

من الملاحظ انو عساكر (الشرطة ) بتحس بيهم ناس (فليكسبل) او اقل خشونة
من عساكر " الجيش" !!
السبب شنو ياربى؟

__

نورنا شكلك زعلته لانى اتجاوزته الرتب بالتسلسل الغير منطقى ...ذى ماقال جنابو مخير ....بس العزاء ياخ انى رتبتهم لشى فى نفس يعقوبة :D

[أميرى]

الإخترع جملة أقدم منك أرجل منك دة ما عمل فيني خير أبدا هسا أقلو كنت القائد العام وبالعدم كدة وزير دفاع

أظن يا جنابو منك له :D‏ الجملة أعلاه ظلت عبئا ثقيلا علي كاهلكم حتي فارقتو الكاكي ولا كيف؟

ياخ دي جملة حارة خلاص

[بله محمد الفاضل]

بتاعين كديت ساهي
ينفع يا سمرمر
(ما تحمر لي يا أبا دعد يا اخي ما فيها جنس مكوة مكسورة :D)


بصراحة في ناس كدا
حكاية كاكي ما كاكي دي ما لافقة معاها على الإطلاق
والثلاثي المنير أعلاه
أنموذجاً

إتو كتو قاصدين تمشو الطب لاقتكم العسكرية قبلها
قمتو دخلتو ولا كيف
كدي ورونا
.
.
.

[النور يوسف محمد]

بسم الله الرحمن الرحيم


سمراء ..
التحايا مشرقات ..
كدى خلينا اسجل إعجابى بقدرتك المجنونة على التنوع .. :)
لأنو البوست يمكن يكون مجال رحب لطرق مواضيع ذات علاقة ..

والشرطة يا عزيزتى هى عشقنا ..
عقدين من الزمان بيننا وبين ذلك العشق ..
والذى كنا نرى ـ فيما يرى النائم ـ أنه العشق الأبدى ..

ولكن عذراً
فإن الحكم الصادر من قضاة مدينتنا ..
قد عالجنا بالنزوح وزرع فى دواخلنا بذور الشتات ..

قلائل جداً تلك الصور التى أرتدى فيها الزى الرسمى
فكل عملى كان فى مجال البحث والتحرى .. فى ذات الوقت لم أكن أجد فيه نفسى ..
احياناً أشعر بأنه ( يخنقنى ) :)

كتبت بعض القصاصات المتعلقة بعملى فى مجال التحقيق
وخواطر عن بعض من عملت معهم , سأحاول أن أرفد بها هذا البوست ..
وفى البال تلبية طلب من الراحل المقيم خالد الحاج أن اكتب ذكرياتى عن بعض القضايا التى توليت التحقيق فيها ..
وحابب أن أعود لبعض المراجع فى إجازتى القادمة لأن الكتابة من الذاكرة فى قضايا معقدة يشوهها ولا يخرجها فى بالصورة التى أود ..


ستجدينى مرابط فى هذا البوست ...

[النور يوسف محمد]

من الملاحظ انو عساكر (الشرطة ) بتحس بيهم ناس (فليكسبل) او اقل خشونة
من عساكر " الجيش" !!
السبب شنو ياربى؟
__
نورنا شكلك زعلته لانى اتجاوزته الرتب بالتسلسل الغير منطقى ...ذى ماقال جنابو مخير ....بس العزاء ياخ انى رتبتهم لشى فى نفس يعقوبة :D
بسم الله الرحمن الرحيم

لا ابداً معقولة ..
وهو العين بتعلا على الحاجب ..
ود مخير ده كمندانا كلنا وكبيرنا ..
وجنابو الطيب دى شيخى .. يعنى الترتيب صحيح ولا غبار عليه :)
بالمناسبة مرة فى إجتماع طالبت بعدم إعطاء أهمية للرتب فى التعامل اليومى لضباط المباحث ( قربو يطلعونى مجنون )

يعنى من زمان يا اميرى وسمراء عندى رأى فى التسلسل ده

المرون بتاعت ضباط البوليس اكتسبوها من خلال التعامل المباشر مع الجمهور ..
ولو أنى مازلت أعتقد أن تعديلاً جوهرياً يجب أن يتم فى منهج التعليم العسكرى لتحجيم النظرة ( الفوقية ) التى يمنحونك إياها فى شكل جرعات ..

[سارة]

وب على يا بواليص المنتدى رقيتكم واسرتقيتكم
العين الحاسدة ما تعاين ليكم http://smilies.roro44.com/crazy/018.gifhttp://smilies.roro44.com/crazy/018.gif

يا سمرمر انتى سمعتى بالغنوة قدمنى يلا يا جياشى مع البوليص انا ماشى:p:D:D




:cool::cool: لكى ولضيوفك والمحتفى بهم

ووقت فيها ذكريات آدى قعدة

[سمراء]

اقتباس:
المشاركة الأصلية كتبت بواسطة بله محمد الفاضل http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=408714#post408714)
بتاعين كديت ساهي
ينفع يا سمرمر
(ما تحمر لي يا أبا دعد يا اخي ما فيها جنس مكوة مكسورة :D)

بصراحة في ناس كدا
حكاية كاكي ما كاكي دي ما لافقة معاها على الإطلاق
والثلاثي المنير أعلاه
أنموذجاً

إتو كتو قاصدين تمشو الطب لاقتكم العسكرية قبلها
قمتو دخلتو ولا كيف
كدي ورونا
.
.
.



مستر بلة شرفتة معسكرنا او استراحة المحاربين ديل
بعدين السؤال الختيتو ده هو بالزبط الدائر فى راسى وماعرفته انزلو ليهم بياتو قالب..
بمعنى :
هل الكاكى الدخلو فيهو ده عبارة عن رغبة ؟
ام ..قدر دنيوى خارج عن ما احبوه ؟

سعيدة بتواجدك ....وخليك
ثااااااااااااااابت :D

[سمراء]

اقتباس:
المشاركة الأصلية كتبت بواسطة النور يوسف محمد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=408781#post408781)
بسم الله الرحمن الرحيم


كتبت بعض القصاصات المتعلقة بعملى فى مجال التحقيق
وخواطر عن بعض من عملت معهم , سأحاول أن أرفد بها هذا البوست ..
وفى البال تلبية طلب من الراحل المقيم خالد الحاج أن اكتب ذكرياتى عن بعض القضايا التى توليت التحقيق فيها ..
وحابب أن أعود لبعض المراجع فى إجازتى القادمة لأن الكتابة من الذاكرة فى قضايا معقدة يشوهها ولا يخرجها فى بالصورة التى أود

ستجدينى مرابط فى هذا البوست ...


جنابو النور ..الاشراق ينعكس من محياكم ...
وفى الخاطر بعض من تلك الاحرف التى طالما نرجع اليها بعد نثركم لها هنا .وهناك ، فتجعلنا نبحر فى عبابها غير آبهين من لجج معانيها العميقة ، التى كثير مانتوه معها فترسو بنا فى موانى تبعد عن واقعنا المالح ..

هنا ، قصدت ان نقترب اكثر -منكم - فى مراحل تحمل بالتاكيد ماتحمل مواقف كثيرة تخالف طبيعتكم التى عرفناها من رقة ...
والعسكرية كما نعلمها ، خشونة تفوق الوصف ...

_______

اها بعد الكلام السمح الفوق ده ...ياخ عليك الله ماتنقطعو :D
وتندمونى على البوست الهبابى ويفتح الروح ...اربعة ضلف ده ..

[سمراء]

اقتباس:
المشاركة الأصلية كتبت بواسطة سارة http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=408835#post408835)
وب على يا بواليص المنتدى رقيتكم واسرتقيتكم
العين الحاسدة ما تعاين ليكم http://smilies.roro44.com/crazy/018.gifhttp://smilies.roro44.com/crazy/018.gif

يا سمرمر انتى سمعتى بالغنوة قدمنى يلا يا جياشى مع البوليص انا ماشى:p:D:D


:cool::cool: لكى ولضيوفك والمحتفى بهم

ووقت فيها ذكريات آدى قعدة



سرورة يابت انا سمعتة بى انا بحب البواليس يااااااا
انا بموت فى ضابط الجيش يااااااااااااا

ياجماعة زول ينزل لينا الاغنية دى بصوت غرزة طيب الله حنجرتها :D
او الود البت داك

[النور يوسف محمد]

بسم الله الرحمن الرحيم

يا سمراء إنتى نسيتى أهم زول ياخ ..
أديبنا الرائع جنابو نصار الحاج ..

[Hassan Farah]

سلام ومصابحة للجميع
وسؤال لاخوانا ضباط الشرطة النور يوسف وبابكر مخير..
صديق ضاعت اخباره على...الضابط محمد عبدالجبار الملقب بالكونج هل تعرفونه...منذ السبعينات لم اسمع عنه...

[Refat Mohamed]

والله فكرة البوست ممتازة جدا ياسمراء

بس ياريت ناس الكاكي ديل ينداحو لينا حبة ويحكو لينا عن المواقف
المرت عليهم في بداياتم مع الكاكي ( الطريفة + الماطريفة :))

[مرافي]

جنــابو بابكر مخير

http://im14.gulfup.com/2011-09-28/1317194278783.png (http://www.gulfup.com/show/X26zteuxpci3o8)


جنابو الطيب بشير

http://im19.gulfup.com/2011-09-28/1317196510681.jpeg (http://www.gulfup.com/show/X26x1st2oaudcw)


جنابو النور يوسف

http://im14.gulfup.com/2011-09-28/1317196867741.jpg (http://www.gulfup.com/show/X8rr1hkyv4b480c)




ما شاء الله شباب زي الورد..:D:D
غايتو يا النور ومخير تلقاكم كنتوا مكسرين الجكس :D:D اعتبار ماكان ومااظنه كائن...
اما الطيب فحمدو في بطنو من مذيع لضابط شرطة تكسر عجيب...
بس كيف من بين خشونة العسكر تنهمر شلالات الاحرف الندية هذه,,,؟؟

[سارة]

روفى سلامات
يعنى قصدك الجماعة ديل هسى مافى طريقة لاى تكسير جكس؟؟:p:D
بمعنى راحت عليهمlooool

[النور يوسف محمد]

سلام ومصابحة للجميع
وسؤال لاخوانا ضباط الشرطة النور يوسف وبابكر مخير..
صديق ضاعت اخباره على...الضابط محمد عبدالجبار الملقب بالكونج هل تعرفونه...منذ السبعينات لم اسمع عنه...

بسم الله الرحمن الرحيم

دكتور حسن ..
اسعد الله أوقاتك ..
محمد عبد الجبار أحيل للصالح العام بعد ثلاثة أيام فقط من قيام ثورة الإنقاذ
فى كشف ضم سبعة من خيرة ضباط الشرطة .. وكان وقتها فى رتبة العميد
محمد عبد الجبار كان يلقب (بكارتر ) وشخصية قيادية بامتياز ..
وهو الضابط الذى تولى التحرى فى القضية المشهورة ( قتيلة الشنطة )
وتمت ترقيته فيها استثنائياً من رتبة الملازم الى رتبة النقيب مما جعله يتخطى دفعته ..
كان نابغة وذو حضور وعلاقات إجتماعية مرموقة ..

إنتقل الى جوار ربه إثر إصابته بفشل كلوى على ما أذكر ..
له الرحمة والرضوان ولك أخى حسن أصدق العزاء ..

[مرافي]

روفى سلامات
يعنى قصدك الجماعة ديل هسى مافى طريقة لاى تكسير جكس؟؟:p:D
بمعنى راحت عليهمlooool

القال منو؟؟؟
ماراحت عليهم ناس الكاكي ديل دايماً مفرهدين
والدليل د/مخير على حسبان إني شفتو شخسياً looool
ويخيل لي كذلك النورمازال به ذك النور...
غايتي ياسرورة خليتيني اتغزل في الجماعة سااااي :D
استغفففففرررر الله اعفوا* لي بالله..
* مُستلفة من بابكر عباس اعفى لي عليك الله

[معتصم الطاهر]

سلامات ..


كدى النقوم بدور المديدة حرقتنى ..

رعم أن شعار الشرطة " فى خدمة الشعب "

نجد هذه الأقوال الشعبية و الاغاني التراثية ..

" أصبعك لو عسكرى . أقطعو "

" شرطة الحركة ..اول من أدخل البلصة"

" صدقنى انا يا جياشى مع البوليس .. أنا ما ماشي !!" بعد مقتل القرشى "

لماذا فسد ضباط الشرطة و كانوا أنظف فئة ..

لماذا اشتهرت ميزات الشرطة بالسَكر و الشكش "

[النور يوسف محمد]

والله فكرة البوست ممتازة جدا ياسمراء

بس ياريت ناس الكاكي ديل ينداحو لينا حبة ويحكو لينا عن المواقف
المرت عليهم في بداياتم مع الكاكي ( الطريفة + الماطريفة :))


بسم الله الرحمن الرحيم

سلام يا رفعت .. عساك بخير ..

الشرطة كلها مواقف وخاصة لمن يعمل فى مجال التحرى والبحث ..
وهى مجال ثر للحكى والأنس ..
تجد أنك غارق فى دواخل المجتمع حتى تتلاشى لك الخصوصيات
فيما يليك وفيما يلى الآخرين ..
فى هذا البوست كتبت بعض الذكريات وهنا سندع الأحداث تكتب نفسها ..
http://sudanyat.org/vb/showthread.php?t=11521&page=6

[النور يوسف محمد]

وب على يا بواليص المنتدى رقيتكم واسرتقيتكم
العين الحاسدة ما تعاين ليكم http://smilies.roro44.com/crazy/018.gifhttp://smilies.roro44.com/crazy/018.gif

يا سمرمر انتى سمعتى بالغنوة قدمنى يلا يا جياشى مع البوليص انا ماشى:p:D:D
:cool::cool: لكى ولضيوفك والمحتفى بهم

ووقت فيها ذكريات آدى قعدة

بسم الله الرحمن الرحيم
يا ستنا وست هوانا ..

تسلم لى عيونك وسلم لى عليهن ..

تعرف المشكلة فى إنتقاء هذه الذكريات فكثير منها لا يصلح للفضاء
والخوف من شبهة التجميل وما يقابله من الظنون .. يعنى المعادلة صعبة :)
إجمالاً لم أكن ( قاسياً ) رغم أن كل عملى كان فى مجال التحقيق ..
وكنت أعمل على خلق نوع من التواصل الودود بينى وبين من ترميهم الظروف أمامى لإستجوابهم ..
روحى كانت طويلة ونادراً ما يفلت منى مجرم ..
فى الشمالى الخرطوم وهو من ( اسخن ) اقسام الشرطة والضابط الذى يعمل فيه ما بتخاف عليه تانى ..
أذكر واحدة من مدمنات الهيروين ـ توفت لاحقاً بجرعة زائدة ـ كانت فى غاية الجمال و( فلتت ) من كل القضايا التى اتهمت فيها يمكن لبراعتها ومعرفتها بالمخارج ..
يوم جيت القسم لقيتا واقفة بره قلت ليها
(والله يا .... ألحق لمّا اقول ليم إسمك منو وعمرك كم عشرة سنة ما تحلنى منك ..)
قالت لى ( عارفة الله لا وقعنى فى إيدك )

[النور يوسف محمد]

ما شاء الله شباب زي الورد..:D:D
غايتو يا النور ومخير تلقاكم كنتوا مكسرين الجكس :D:D اعتبار ماكان ومااظنه كائن...
اما الطيب فحمدو في بطنو من مذيع لضابط شرطة تكسر عجيب...
بس كيف من بين خشونة العسكر تنهمر شلالات الاحرف الندية هذه,,,؟؟

مرافى يا مرافى ..
البدلة العسكرية يا ستى تضفى شئ من الالق
فإذا ما اضفتى لها ملعقتين من ورد الشباب وأذبتى هذا الناتج مع عطر كلمات صحاح ..
تديك خلطة تكسر الجن .. ههههههه

لدى صديقة من اليمن السعيد مازلت أحتفظ بعلاقة راقية جداً معها ..
غادرت السودان حينما أتى هؤلاءالتتارهى واسرتها ..
فى 2005 م سافرت اليمن زيارة لإبن خالتى وبحث عنها فلم أعرف مكانها إلا فى أخر يوم لى وأنا مغادر الى الرياض ..
كتبت فى قصاصة صغيرة ( الأخت .... أما زلتين كما الإسفنج , تشربين كل حروف الدنيا ولا تسكرين .. أخوك ...... ) وتركتها عند زوجة قريبى لتسلمها لها ..
قالت لى زوجة قريبى هذا أن .... بمجرد أن قراتها قالت ليها والله ده النور ما غيرو ..
بالمناسبة عندى بت إسمها ....

هوى أخير نتخارج من البوست ده .. :D

[فتحي مسعد حنفي]

بسم الله الرحمن الرحيم

دكتور حسن ..
اسعد الله أوقاتك ..
محمد عبد الجبار أحيل للصالح العام بعد ثلاثة أيام فقط من قيام ثورة الإنقاذ
فى كشف ضم سبعة من خيرة ضباط الشرطة .. وكان وقتها فى رتبة العميد
محمد عبد الجبار كان يلقب (بكارتر ) وشخصية قيادية بامتياز ..
وهو الضابط الذى تولى التحرى فى القضية المشهورة ( قتيلة الشنطة )
وتمت ترقيته فيها استثنائياً من رتبة الملازم الى رتبة النقيب مما جعله يتخطى دفعته ..
كان نابغة وذو حضور وعلاقات إجتماعية مرموقة ..

إنتقل الى جوار ربه إثر إصابته بفشل كلوى على ما أذكر ..
له الرحمة والرضوان ولك أخى حسن أصدق العزاء ..

الأخ النور أولا رحمة الله علي العميد محمد عبد الجبار..ياخ لو المرحوم اترقي عشان حل قضية قتيلة الشنطة فيؤسفني أن أقول لك انه قد ترقي بدون وجه حق عشان المتهم الذي تمت ادانته وهو للعلم قريب زميل لنا في الراكوبة.هذا المتهم بريئ 100% والقاتل الحقيقي خرج كالشعرة من العجين..وغادر البلاد الي أوروبا وقد شاءت الظروف أن ألتقيه في برلين عام 1976 وأسمع منه تفاصيل القصة كما تمت..هذا الشخص قد توفي في مدينة شرم الشيخ منذ بضعة سنوات..

[بابكر مخير]

التحقت بالشرطة "المختبر الجنائي" العام 1975 بعد ما عملت ثلاث سنوات في مجال الصيدلة في الحكومة وعلى عكس القول البيقول إن فاتك الميري إتمرمق في ترابهو "ويقصد دوماً بالميري؛ اللبس العسكري" فأنا بعد ما فاتني الميري لحقتهو.
كان لإكمال تعيني جدل، فأنا صيدلي وكنت أول من يحمل شهادة ذات صلة بأمور الطب "طب، أسنان وصيدلة؛ قرايب ويكاد أن يكونو أبناء عمومة"..
حسب تقييم الخدمة والإدارة أني اُّسكن في درجة DS وهي تعادل رتبة الملاحظ "نقيب"، آها كان قبلي وعاملين بالمختبر إتنين من الشباب خريجي كلية العلوم في رتبة ملازم أول، فعمل صديقي وأستاذي دكتور حاكم على تأخير تعيني حتى يضمن ترقية الإتنين ديل وكان معي في الكشف خريج جديد وهو الدكتور محمد عبد الرحيم جاه النبي والفنيين معاوية شرفي وحسن عوض أبو رفاس..
توفق دكتور حاكم بأن حصل على قرار يترقى به كمال أحمد حسن ومعتصم كريم الي رتبة نقيب ويجمعنا الكشف معهم بأقدمية تديني أكون الأقدم على التلاتة التانيين...
هذه القصة دفعت بإخوة من الضباط الأقدم الي التهكم على كمال ومعتصم بأن لو لا أن بابكر "ود مدينة بدري" لما تم ترفيعهم..
وعليه أطلق علينا:
دفعة أولاد مدينة...
أذكر بكل فخر الأحباء، الحارث عطا الله، فيصل بريمة وغيرهم وغيرهم من ضباط عظيمين لا تفضيل بينهم، فهم كانو شرطة حقيقين في حبها ومتجردين في العطاء لها.....
الماحقيقين بجيهم راجع.... :mad::mad:

[فيصل سعد]

الماحقيقين بجيهم راجع.... :mad::mad:

ديل اكيد ناس هشومي و كدا :D:D
و كلمة السر م.ع .. واصل يا دكتور
يديك العافية ..

[رأفت ميلاد]

المشاركة الأصلية كتبت بواسطة النور يوسف محمد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409172#post409172)
بسم الله الرحمن الرحيم

يا سمراء إنتى نسيتى أهم زول ياخ ..
أديبنا الرائع جنابو نصار الحاج ..

:eek::eek::eek:

نصار الحاج برضو ؟؟

وعماد عبدالله

كدى ورونا العلاقة بين الشرطة والأدباء والشعراء والفنانين شنو .. والأمثلة ما دايرة تفتيش ..

كتبت بوست من قبل .. حاولت أقول فيه .. (داء الشرطة) .. الهوة الثقافية الضخمة بين الظباط .. وبين ظباط الصف والجنود .. لذا كان الأداء رديئ .. أمام المواطن العادى

الدخلت فينا من البوليس ما طلعت ..

[عكــود]

سلام يا سمراء ولابسي الكاكي،

فكرة جميلة لبوست ممكن يكون من أعظم البوستات!
يا ريت لو شفنا مشاركات بقية الكتيبة،
الطيب بشير، نصّار الحاج، عماد عبدالله، أبراهيم عبدالعزيز وعصام سرالختم.

مناشدة لمخيّر والنور،
مطلوب منكم المواصلة والإسهاب، ودعوة الزملاء غير الأعضاء للإنضمام لسودانيّات.
أذكر يا النور، زميل لك قابلناه في السوق العربي، أظن إسمه عبدالرحيم، وعد بالتسجيل بس ما شفناهو.

___

بمجرد أن قراتها قالت ليها والله ده النور ما غيرو ..
بالمناسبة عندى بت إسمها ....تعظيم سلام سعادتك!
وتحيّاتي لكريمتكم.
:)

[سمراء]

اقتباس:
المشاركة الأصلية كتبت بواسطة النور يوسف محمد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409172#post409172)
بسم الله الرحمن الرحيم

يا سمراء إنتى نسيتى أهم زول ياخ ..
أديبنا الرائع جنابو نصار الحاج ..



نصار الحاج ...عسكرى !
ياسبحان الله !معلومة جديدة بالنسبة الى

كده معناها نقدر نقول انو ضباط الشرطة " ادباء" من الدرجة الاولى !!
ملاحظة جديرة بالاهتمام ..

من هنا ، نتمنى ان ينضم إلينا الكاتب والاديب الانيق ...جنابو نصار الحاج
وسط كوكبة " الكاكى " الانيقة بسودانيات

[سمراء]

اقتباس:
المشاركة الأصلية كتبت بواسطة Hassan Farah http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409177#post409177)
سلام ومصابحة للجميع
وسؤال لاخوانا ضباط الشرطة النور يوسف وبابكر مخير..
صديق ضاعت اخباره على...الضابط محمد عبدالجبار الملقب بالكونج هل تعرفونه...منذ السبعينات لم اسمع عنه...


اقتباس:
المشاركة الأصلية كتبت بواسطة Refat Mohamed http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409185#post409185)
والله فكرة البوست ممتازة جدا ياسمراء

بس ياريت ناس الكاكي ديل ينداحو لينا حبة ويحكو لينا عن المواقف
المرت عليهم في بداياتم مع الكاكي ( الطريفة + الماطريفة :))


اقتباس:
المشاركة الأصلية كتبت بواسطة مرافي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409262#post409262)
ما شاء الله شباب زي الورد..:D:D
غايتو يا النور ومخير تلقاكم كنتوا مكسرين الجكس :D:D اعتبار ماكان ومااظنه كائن...
اما الطيب فحمدو في بطنو من مذيع لضابط شرطة تكسر عجيب...
بس كيف من بين خشونة العسكر تنهمر شلالات الاحرف الندية هذه,,,؟؟


اقتباس:
المشاركة الأصلية كتبت بواسطة معتصم الطاهر http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409352#post409352)
سلامات ..


كدى النقوم بدور المديدة حرقتنى ..

رعم أن شعار الشرطة " فى خدمة الشعب "

نجد هذه الأقوال الشعبية و الاغاني التراثية ..

" أصبعك لو عسكرى . أقطعو "

" شرطة الحركة ..اول من أدخل البلصة"

" صدقنى انا يا جياشى مع البوليس .. أنا ما ماشي !!" بعد مقتل القرشى "

لماذا فسد ضباط الشرطة و كانوا أنظف فئة ..

لماذا اشتهرت ميزات الشرطة بالسَكر و الشكش "


اقتباس:
المشاركة الأصلية كتبت بواسطة فتحي مسعد حنفي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409513#post409513)
الأخ النور أولا رحمة الله علي العميد محمد عبد الجبار..ياخ لو المرحوم اترقي عشان حل قضية قتيلة الشنطة فيؤسفني أن أقول لك انه قد ترقي بدون وجه حق عشان المتهم الذي تمت ادانته وهو للعلم قريب زميل لنا في الراكوبة.هذا المتهم بريئ 100% والقاتل الحقيقي خرج كالشعرة من العجين..وغادر البلاد الي أوروبا وقد شاءت الظروف أن ألتقيه في برلين عام 1976 وأسمع منه تفاصيل القصة كما تمت..هذا الشخص قد توفي في مدينة شرم الشيخ منذ بضعة سنوات..


اقتباس:
المشاركة الأصلية كتبت بواسطة فيصل سعد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409613#post409613)
ديل اكيد ناس هشومي و كدا :D:D
و كلمة السر م.ع .. واصل يا دكتور
يديك العافية ..


اقتباس:
المشاركة الأصلية كتبت بواسطة رأفت ميلاد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409620#post409620)
:eek::eek::eek:

نصار الحاج برضو ؟؟

وعماد عبدالله

كدى ورونا العلاقة بين الشرطة والأدباء والشعراء والفنانين شنو .. والأمثلة ما دايرة تفتيش ..

كتبت بوست من قبل .. حاولت أقول فيه .. (داء الشرطة) .. الهوة الثقافية الضخمة بين الظباط .. وبين ظباط الصف والجنود .. لذا كان الأداء رديئ .. أمام المواطن العادى

الدخلت فينا من البوليس ما طلعت ..


الاحباء جميعاً
والمشاركين فى هذا " المعسكر" الجميل
انقل كل " تساؤلاتكم " واسئلتكم الى هؤلاء الجميلين ،

فهلا تكرمو بالحضور ؟...

______
على فكرة المابجى بنجيب ليه " امــر قبــض " عادى يعنى :D

[بابكر مخير]

:eek::eek::eek:

نصار الحاج برضو ؟؟

وعماد عبدالله

كدى ورونا العلاقة بين الشرطة والأدباء والشعراء والفنانين شنو .. والأمثلة ما دايرة تفتيش ..

كتبت بوست من قبل .. حاولت أقول فيه .. (داء الشرطة) .. الهوة الثقافية الضخمة بين الظباط .. وبين ظباط الصف والجنود .. لذا كان الأداء رديئ .. أمام المواطن العادى

الدخلت فينا من البوليس ما طلعت ..

شكرن يا مُّعجب ;););)

[طارق صديق كانديك]

العزيزة سمراء

مساء الخير

هذا البوست( أبقى عشرة عليهو ) سيخرج من بين أحرف من عناهم الكثير الذي لانجد له مثيلا اذ ما انفكت الشرطة في بلدي ترمى سوح الادب بالكثيرين وما النماذج التي أشرقت بها هذه الصفحات إلا عناوين كبرى .. فان شاركونا بعض ذكرياتهم فقط يغشانا من الفرح الكثير .. !!

لك مودتي وتقديري



يوم جيت القسم لقيتا واقفة بره قلت ليها
(والله يا .... ألحق لمّا اقول ليك إسمك منو وعمرك كم عشرة سنة ما تحلنى منك ..) .

قالت لى ( عارفة الله لا وقعنى فى إيدك )

:)

ثم نأتي نحن من بعدكم نستنطق الصخر العصي :D

شكرا سمراء وفي انتظار أن ينهمر الغمام

دمتم سالمين ،،

[معتصم الطاهر]

سلامات

ما عارف الدور لسه ما جا لأسئلتي !!!

الحقيقة أن الشرطة ( والكاكي) عموما ..يزيد الانسان هيبة ..

و أذكر أني أول ما تخرجت من جامعة الخرطوم .. قلت سأجمعها من أطرافها
و معي صديق اسمه هاشم من كوستى القوز ..
هندسة الخرطوم + ضابط مهندس + ود نص حليو كدا ..
تقدمت للأشغال العسكرية بالقوات المسلحة وتم قبولنا جميعا ( تقدم خمسة فقط و الحوجة لخمسة و عشرون .. و 4 من الخمسة دبلوما ..يعنى سنيور دفعتى قبل تبدا )
المهم بعد 10 ايام من العمل الهندسى فى الرئاسة العمارات ..و قبل المعاينة الصحية ( شردت ) ..
السبب .. أن الجيش بالأوامر والمهندس المتمرد لن يلتقيا ..

[سمراء]

اقتباس:
المشاركة الأصلية كتبت بواسطة عكــود http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409744#post409744)
سلام يا سمراء ولابسي الكاكي،

فكرة جميلة لبوست ممكن يكون من أعظم البوستات!
يا ريت لو شفنا مشاركات بقية الكتيبة،
الطيب بشير، نصّار الحاج، عماد عبدالله، أبراهيم عبدالعزيز وعصام سرالختم.

مناشدة لمخيّر والنور،
مطلوب منكم المواصلة والإسهاب، ودعوة الزملاء غير الأعضاء للإنضمام لسودانيّات.
أذكر يا النور، زميل لك قابلناه في السوق العربي، أظن إسمه عبدالرحيم، وعد بالتسجيل بس ما شفناهو.

___

تعظيم سلام سعادتك!
وتحيّاتي لكريمتكم.
:)



العمدة نشكر دعمكم اللا محدود فى هذا الخيط " الميرى "
وقالو الميرى كان فاتك ..ادردق فى ترابو
اهو ...نحنا الان فى طور اننا "بندردق" فى الجماعة ديل عشان يجو يحكو لينا زكرياتهم ، واحوال الشرطة فى ازمانهم
وتوافق الادب مع ذاك الكاكى الذى ندرى خشونته ..

خليك قريب ياعمدة ....

[فتحي مسعد حنفي]

سلامات

ما عارف الدور لسه ما جا لأسئلتي !!!

الحقيقة أن الشرطة ( والكاكي) عموما ..يزيد الانسان هيبة ..

و أذكر أني أول ما تخرجت من جامعة الخرطوم .. قلت سأجمعها من أطرافها
و معي صديق اسمه هاشم من كوستى القوز ..
هندسة الخرطوم + ضابط مهندس + ود نص حليو كدا ..
تقدمت للأشغال العسكرية بالقوات المسلحة وتم قبولنا جميعا ( تقدم خمسة فقط و الحوجة لخمسة و عشرون .. و 4 من الخمسة دبلوما ..يعنى سنيور دفعتى قبل تبدا )
المهم بعد 10 ايام من العمل الهندسى فى الرئاسة العمارات ..و قبل المعاينة الصحية ( شردت ) ..
السبب .. أن الجيش بالأوامر والمهندس المتمرد لن يلتقيا ..

ياباش مهندس رئاسة شنو:confused: انت خريج الجامعة لامن يخش الجيش مش بياخد ستة شهور عسكرية في الكلية الحربية ولا انت كنت معفي:rolleyes::eek:

[سمراء]

اقتباس:
المشاركة الأصلية كتبت بواسطة طارق صديق كانديك http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=409842#post409842)
العزيزة سمراء

مساء الخير

هذا البوست( أبقى عشرة عليهو ) سيخرج من بين أحرف من عناهم الكثير الذي لانجد له مثيلا اذ ما انفكت الشرطة في بلدي ترمى سوح الادب بالكثيرين وما النماذج التي أشرقت بها هذه الصفحات إلا عناوين كبرى .. فان شاركونا بعض ذكرياتهم فقط يغشانا من الفرح الكثير .. !!

لك مودتي وتقديري






كانديك الانيق
لى فترة اخطط لهذا البوست لانى حقيقة اتوقع ان نعتصر تلك الزكريات من دواخل هذه الكوكبة "الخضراء " التى تعج بالكثير المثير ..
مع الاخذ بدهشتى فى ان كل من عرفته عن بعد او قرب من هؤلاء العسكر ، يحمل مايحمل من الذخيرة الادبية الغنية ..!!
وفى مخيلتى العديد من الاسماء فى سوح الوطن ..
منهم على سبيل المثال لا الحصر ، احمد عبد الكريم ، الشاعر المجيد ..
وكثيرين سأجتهد فى الحصول على اعمالهم لنفردها هنا ...

فقط ..

كن بالقرب

[عبدالمنعم الطيب حسن]

الاخت سمراء
الاخوة الضباط العظام
سلام وتحية
بوست دسم
الاجمل لسع قادم
فكوا الاخر ايها الاخيار
وخلونا من شغل النقطة
نقطة دا
سيلوا
عرمرم ...

[النور يوسف محمد]

سلامات ..
كدى النقوم بدور المديدة حرقتنى ..
رعم أن شعار الشرطة " فى خدمة الشعب "
نجد هذه الأقوال الشعبية و الاغاني التراثية ..
" أصبعك لو عسكرى . أقطعو "
" شرطة الحركة ..اول من أدخل البلصة"
" صدقنى انا يا جياشى مع البوليس .. أنا ما ماشي !!" بعد مقتل القرشى "

لماذا فسد ضباط الشرطة و كانوا أنظف فئة ..

لماذا اشتهرت ميزات الشرطة بالسَكر و الشكش "

بسم الله الرحمن الرحيم

الصديق الباش ..
تحيات يا حبوب ..

بداية دعنى أؤكد على أن الشرطة من ( أمتع ) المهن التى يمكن مزاولتها ..
هى المهنة التى تعطيك ابعاداً وتضيف لك قدرات ..
ولك أن تتخيل أن تكون فى موقع ( المسؤولية ) منذ بواكير الشباب ..
وشعار ( الشرطة فى خدمة الشعب ) هو ترجمة لواقع لا يخطئ ..
فأول ما يفكر فيه الإنسان حين يواجه ظلماً هو الشرطة ..
وهو بمثابة ( ورقة ضاغطة ) لكل من يواجه تعنتاً أو فتور فى الخدمة التى يطلبها من الشرطة ..

والقول الذى سار ( أصبعك لو عسكرى . أقطعو ) هو قول للشرطة وليس عليها ..
ولو تعمقت فى المثل لوجدت أنه يستعمل من قبل الذين يبوحون بسر لا يودودن وصوله للدوائر العدلية ..
يعنى لو إعترفت لشرطى بإرتكابك ( جنحة ما ) فتأكد أنه سيبلغ عنك مهما كانت العلاقة بينك وبينه ..
الشرطى فى المقام الأول ينتمى لمهنته وتأتى بقية القرابات فى اسطر أخرى ..
هذا والله عن تجربة ..

الرشوة يا عزيزى ليس محصور بالشرطة ..
لكن لمحنتها فإنها دوماً تحت المجهر ثم ( جرأة ) من يقومون بهذا الفعل ..
ربما يمنحهم الزى الرسمى شئ من اللامبالاة ..
وعوامل كُثر ايضاً ساعدت فى ذلك . أتمنى أن نتطرق لها بالتفضيل ..


فى هذا الزمن الردئ ..
الفساد أيضاً إنتشر يا باش ..
ولو كان له رائحة للزِم الناس بيوتهم وعزفوا عن السير فى الطرقات ..
وشريحة الضباط دون كل فئات المجتمع التى إستباحت المال العام مازالت متماسكة إجمالاً ..

أما سؤالك الأخير فلا يمكن التحدث فيه بمنأى عن ( الجو ) العام ..
فميزات الضباط تجد فيها المهندس والدكتور والقاضى والتاجر والعامل وكل مكونات المجتمع بل و ( السكر ) كان مباح وعلى قفا من يشيل ..
البارات كانت مفتوحة وبيوت البغاء كانت موجودة فى قلب المدن ..
الآن ومنذ 83 لم يعد هذا التصنيف ينطبق ..
يمكن القول بأن ميزات البوليس فى ذلك الزمن كانت ( أروع ) من غيرها فى ترتيب هذه الجلسات ..
كتبت لك مرة فى هذا المنبر عن أحد الميزات التى سكنتها , لو حابب أنزله هنا ما عندى مانع :)

شكراً يا حبيب ..

[الطيب بشير]

.
بعد الإعتذار الشديد لسمراء و القاريء الكريم و زملاء الشرف الباذخ حسب ترتيب الأقدمية، أحييكم من الجنينة، غرب دارفور، و التي تعجّ بالكاكي في هذه الأيام أكثر من أي وقت مضى، و لا أستطيع التعبير عن فرحتي بهذا الكي بورد العربي المبين، بعد أن أمضيت أربعة ايام حسوما و أنا أتابع البوست بكمبيوتر "ألجن" و لا أرغب في الكتابة بالماوس عن الشرطة و لسمراء!
حتى الكتابة بالكي بورد العربي تستعصي الآن!
هذا البوست به حشد من الجمال، و أبدع ما فيه هو اندياح الكومندان النور..
قبل أن استرسل، سيداتي سادتي، و هذه لمرافيء لزوم ذكر التلفزة، أحيي، مع مراعاة قيام نفر البيادة، كومندانات البوست و البورد، و الذين أتشرف بأنني "أحدث" من كل من تقدم ذكره من سعاداتهم، بالله موش تلميذ سعيد؟
كان بالخاطر الكتابة عن زيارتي العملية للجنينة و مورني و أم شلاية، لكن و الله يتم تأجيلها لحين قضاء وطرنا من هذا البوست.
كان يوم 21 يوليو 1991 أول يوم يتم فيه حلق رأسي "صلعة زيرو"..نحن جيل البريل كريم الأخضر و الأحمر و الشامبوهات ذات الماركات..و أول يوم أسمع فيه أوامرآ كثيرة و مريرة في ذات الآن..و أنا المذيع و الصحفي الذي يختار قصته و موضوعه! فلم يعجبني الأمر..و أتممته فقط لأنني "لا أتراجع" never quit
بيد أن يوم 31 أغسطس 1992 تصدّر قائمة الأيام الجميلة بعمري الذي كان في ريعان عشريناته وقتها!
في إستاد الخرطوم..و حافلة من طابت فيها غنايات و مدّاحين، لزوم لخبتة الإختساس الذي لا زلت أستمتع به، و زول جميل يضع الدبابير على كتفي..و بداية جديدة .. أعادت الشرطة صياغتي و لياقتي و كان أبسط ما تعلمت فيها هو الرماية و السباحة و ركوب الخيل..تعلمت فيها أصول الإستماع لطرفي النزاع قبل الحكم! و حكمة ضبط النفس حين الغضب!..و عرفت فيها رجالآ أعتمد عليهم حين يقلّ الصاحب و يعزّ الرفيق و يكثر "البيع"..عرفت فيها "جنيات" يعدلو ميل الزمان و لا زلت أفاخر بهم حدّ الزيف و أباهي بهم ضوء الشمس..
أعادت كلية الشرطة تقديمي لنفسي، و أهدتني الكثير من القدرات الكامنة، إستفزّها رجال التدريب المتمرّسين..المقدّم علي مصطفى (لواء معاش الآن) و المقدّم عصام شريف (لواء عامل و قائد الكلية الآن) و النقيب الرشيد علي مساعد (عميد معاش مظلوم ظلم الحسن و الحسين) و لو كان بالبوليص إمتحان ذكاء لأحرز الرشيد أعلى المعدّلات بلا منازع..و الملازم أول صديق العبيد (عقيد رابط الآن)..و الراحل الملازم سلمة و أظنه قد نزل نقيبآ قبل وفاته عليه من الله شآبيب الرحمات ..و أكتفي بهؤلاء من السادة الضباط رمزآ للباقين..أما ضباط الصف فنحيي ذكرى مساعد الميدان حسن تية، عليه الرحمة، و الصول الظريف عمنا الفيل..و العريف عزالدين النويري.. و المساعد كوّة في التربية البدنية، و قد ظلمه أيضآ صبية النظام العام و فصلوه بحيف، و رقيب الرياضة اللطيف أكوج وول أكوج و حديثه عن (النظم العسكري) و أختم صف الضباط بعبد الرحمن ضلمـّـة و الذي كان عريفآ بإدراك عقيد..
دة يا سمراء
قولة خير
فتحة خشم
أي حاجة كدة لحدي ما نجي للكلام العام و الأسئلة و كدى

تقديري الأكيد
.

[معتصم الطاهر]

ياباش مهندس رئاسة شنو:confused: انت خريج الجامعة لامن يخش الجيش مش بياخد ستة شهور عسكرية في الكلية الحربية ولا انت كنت معفي:rolleyes::eek:

سمرا
بتشتغل هندسة بعدين بودوك جبيت ..

لكن الناس ديل كانت عندهم المخازن الخضراء الجديدة ..( هانقرز) و لذا كانوا عاوزين مهندسين يوزعوهم عشان يؤكبوا الهانقرز و العسكرية ملحوقة ..
أها فى البداية قاموا يتعاملوا معانا "كمدنيين .." مدنى فى العسكرية شتيمة ..

و يوم مفروض الكرين يتحول للرئاسة و أنا عندى شغل " لاحظى الموقع رسميا مسئول منو ضابط اعلى و رسمى) .. قمت لبست ليك دور الضابط وقلت ليهم مادام ا" للوبيد " الشاحنة البترحل ما جات واصلوا الشغل بيهو ..
نائب المدير قام جاطنى و قال لي " دا كلام بتاع مدنينن "
الكرين واقف اسبوع لا اترحل ولا اشتغل ..قولى اتنين ..

الثالثة ..
جاء الفطور و قعدنا فى السفرة نص ساعة منتظرين الضابط الأعلى .. لحدى ما ادينا اتوسخت .. و بعد ياكل قعد نص ساعة يتونس و نحن شبعنا و جعنا و ما ممن تتحرك قبال الضابط الأعلى ..( قولى ثلاثة "

الرابعة ما نكتة .. لكنها نفسيا .. ارعبتنى
تعرفى الرعب .. حسيت بيهو ..
بعد واحدة من الافطارات اياها طلعنا نغسل ..
مكاتب الأشغال العسكرية كانت جديدة .. و فى زراعة و شتول و زهور ..
حوض الماسورة قدام المكاتب ..
طلعنا نغسل ايدينا و كان فى خرطوش (50 متر ) بسقى الشتول
الضابط اول ما طلع ( لازم يغسل أول واحد) .. أدى واحد أمر للعسكرى " جيب راس الخرطوش نغسل ) .. لاحظى راس الخرطوش على بعد 50 متر
انا طوالى قمت فكيت الخرطوش من الماسورة و قلت ليه " انفضل جنابك "

الحصل شنو
1- اولا قام ضحك وقال لبى أنتو ..... عندكم مخ "
2- الضابط الثانى قال " سعادتك يا مدني " ..
اها
اليوم داك شاى الفطور الكارب داك ما شربتو ..


حاجى راجع ..واحكي عن العسكرية بعد الثلاتين ..

[سمراء]

التحية ل جنابو الطيب بشير وهو يرفع التمام " المتأخر"
وفى الخاطر المقولة :
ان تأتى متأخراً ...خيرا من الا تأتى كلوكلو

وفى انتظار جنابو نصار الحاج والبقية التى لم نتشرف بمعرفتهم ..

التحية لكل المتداخلين وسناتى لهم فردا فردا باذن الله ونحن نغوص مع الكاكى فى كل مراحله ..

[الطيب بشير]

هلا بالحبايب
إستهلالآ لدي ملاحظة لمعتصم .. و هي أن ما يحكي عنه هو (الجيش) و المعلوم أن الجيش (أعسكر) من الشرطة..و بعد إذن كومنداناتنا الفوق .. أنا كنت أرى كثيرآ من التعليمات التي لا تعني سوى تقديس العسكرية و كنت أسقطها "بملكية" صارخة كم دفعت ثمنها سخرية من ضباطي الأعلى..
فمثلآ عم حسن الصول العجوز لا يمكن أن يفطر واقفآ و أنا جالس في ظل ندرة الكراسي، و أضطر كثيرآ لإجلاسه بالتعليمات، و حين يمرّ علينا ضابط أعلى يرمقنا بنظرة خارقة و حارقة، و أذكر المقدم، وقتها، داؤود تاور، بيكون لواء هسع، قال لعم حسن بقيت رائد متين يا عم حسن؟...لأني كنت لابس نقيب و واقف في صحن الفول..مثل هذه الأحوال كنا نتجاوز العسكرية..
مواقف في عسكرية الأيام الأولى
كنا ملازمين أوائل في قمـّـة الفتوّة..و آلينا على أنفسنا أن نجتهد فوق المرتب ..كنا نذهب للزملاء في مجمعات الجوازات أيام العمرة و الحج..و نقيم (مكاتب) في صيوانات لتخفيف أرتال البشر..كنا نقوم بالتحري البسيط و نترك الإجراءات المعقدة للمتخصصين..لكن ذلك كان يسهم إسهامآ كبيرآ في تخفيف رهق الوقفة في الصف..و تضييق الفرصة على المرتشين الذين ينتهزون فرصة وجود الضباط بالمكاتب و ينفردوا بالمواطنين..
.

[عكــود]

تعظيم سلام للطيّب البشير،

ولجميع كومندانات البوست،
وفي إنتظار أقلام أخرى.

مرور لتسجيل المتابعة والإعجاب.

[مهند الخطيب]

سلامات ..


كدى النقوم بدور المديدة حرقتنى ..

رعم أن شعار الشرطة " فى خدمة الشعب "

نجد هذه الأقوال الشعبية و الاغاني التراثية ..

" أصبعك لو عسكرى . أقطعو "

" شرطة الحركة ..اول من أدخل البلصة"

" صدقنى انا يا جياشى مع البوليس .. أنا ما ماشي !!" بعد مقتل القرشى "

لماذا فسد ضباط الشرطة و كانوا أنظف فئة ..

لماذا اشتهرت ميزات الشرطة بالسَكر و الشكش "

شفت ده البكيفني فيك .....
بتشجع الواحد على الراي الأشتر البكون بره التراك ...:p

عارف ياباش تلاتة فئات ماقدرت الغي احساسي (خلينا نقول الماجميل تجاهم)

الكيزان
حزب الأمة
البوليس

الغريبة عمي بابكر مخير عندو اتنين من التلاتة ورغم كده ماقدرت اكرهو (نظام جر واطي):D

قلت لي ميزات الشرطة ارتبطت بشنو ؟ ;)

لأنو في اضافات جديدة

[النور يوسف محمد]

بسم الله الرحمن الرحيم

الحبيب ..
جنابو الطيب
عساك رايق ياخ ..

فى البدء تشير التوزيعات فى يومية التمام الى غيابكم ..
لكنا تجاهلنا تلك القصاصة لوجودكم فى مساحات أكثر دفئاً
فحروفكم الممتدة فى أوردة المكان تجادل الزمن ودفاتر الحضور ..

فى تقديرى أن التعليمات والتنفيذ الحرفى للتعليمات مطلوب فى ذاته فى فترة التدريب الأولى ..
تلك فترة التكوين وإعادة تشكيل الفرد والإنتقال بها من حياة الى حياة أخرى ..
حياةلابدّ أن يمثل فيها الإنضباط ثقافة ونمط وأسلوب ..
والخروج عن هذا النمط يبقى سلطة تقديرية للضابط تحددها عوامل التربية الأخرى ومعايير السلوك الذى يؤمن به ..
ليس من الضرورى الإتكأ على مبدأ التنفيذ الواجب للتعليمات فى كثير من المواقف الإنسانية وإمتحانات الخلق الأصيل كمافى المثال الذى تطرقت إليه

عم مصطفى رئيس السواقين فى مباحث المديرية أواسط الثمانينيات تقدم به العمر ومصاب بالسكرى أو الضغط أو ربما بالإثنين معاً كان ضمن مجموعة من الافراد الذين سوف يرافقون السيد النقيب (.....) الى حلفا الجديدة فى مهمة بحث وقبض أحد الفارين ..
تم التجهيز لتلك المأمورية على أن تسافر بالعربة التايوتا single cabin التابعة للقسم
بمجرد خروج العربة من حوش المديرية وفى شارع النيل طلب الضابط من السائق التوقف وطلب من عم مصطفى أن يأخذ مقعده الأمامى لأنه سيركب مع العساكر فى الخلف إذ لابأس عليه فقد كان شاباً فى تمام صحتة ..
بللت الدموع عيني عم مصطفى الغائرتين وهو يركب تحت إصرار الضابط فى المقعد الأمامى وسمعه الكل وهو يحشرج بصوته الباكى ( والله تلاتين سنة مافى زول قال لى زى الكلام ده )

لابدّ من التمرد والخروج عن الأسس العسكرية فى بعض الأحيان ..

[مبر محمود]

عم مصطفى رئيس السواقين فى مباحث المديرية أواسط الثمانينيات تقدم به العمر ومصاب بالسكرى أو الضغط أو ربما بالإثنين معاً كان ضمن مجموعة من الافراد الذين سوف يرافقون السيد النقيب (.....) الى حلفا الجديدة فى مهمة بحث وقبض أحد الفارين ..
تم التجهيز لتلك المأمورية على أن تسافر بالعربة التايوتا single cabin التابعة للقسم
بمجرد خروج العربة من حوش المديرية وفى شارع النيل طلب الضابط من السائق التوقف وطلب من عم مصطفى أن يأخذ مقعده الأمامى لأنه سيركب مع العساكر فى الخلف إذ لابأس عليه فقد كان شاباً فى تمام صحتة ..
بللت الدموع عيني عم مصطفى الغائرتين وهو يركب تحت إصرار الضابط فى المقعد الأمامى وسمعه الكل وهو يحشرج بصوته الباكى ( والله تلاتين سنة مافى زول قال لى زى الكلام ده )
يا (.....) والله دي أحاديث عجيبة!
أن نأتي متاخرين خيراً من أن لا نأتي .. طبعاً بطرفنا من النضمي المتسائل الكثير، ولكن يكفينا الأن تسجيل الحضور وتبليغ الإستمتاع.

[بابكر مخير]

الغريبة عمي بابكر مخير عندو اتنين من التلاتة ورغم كده ماقدرت اكرهو
(نظام جر واطي):D

ولا يابا خوف من "فنتة" رباطاب :cool::cool:

أما عن؛
قلت لي ميزات الشرطة ارتبطت بشنو ؟ ;)


تعرف يابا؛
لا تعرفني إلا إذا جربتني...
أو كما يقال ويقصد..
الشرطة كانو فيها؛
أبارو، صديق مخير، عبد الله حسن سالم، علي متولي وعباس مدني..
عثمان الشفيع وعمر قدور..
الباترآ وكم من ضباط المرور بدء من عم الجميع سليمان ومرورا بالصايغ ومحمد عبد المجيد..
حبيبي حاكم عبد الرحمن وعبد الرحيم عبد القادر وناس الجوازات واللواء البشرى وأبو أمنة حامد...
يا أخي الا يكفي أني كتا فيها gooodgoood...
ما تحسبها ناس "هشومي وإن كان بستكتر عليهو اللقب والتبة الغير مستحقيين" هاشم محمد عثمان ومن لف لفه،،
ديل ما هموا شرطة،
ديل ورطة وقعت فيها الشرطة :mad::mad:

[سمراء]

اقتباس:
المشاركة الأصلية كتبت بواسطة عبدالمنعم الطيب حسن http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=410175#post410175)
الاخت سمراء
الاخوة الضباط العظام
سلام وتحية
بوست دسم
الاجمل لسع قادم
فكوا الاخر ايها الاخيار
وخلونا من شغل النقطة
نقطة دا
سيلوا
عرمرم ...


العزيز عبد المنعم
مرحب بيك فى ساحات الكاكى
ونحن نتنسم تلك الزكريات الخوالى مع هؤلاء العسكر
الذين زينو جيد الوطن وهم فى تلك المنظومة ، كما زينو لنا عيوننا ونحن نقراء
لهم تلك الاحرف الانيقة ..
فقط كون بالقرب
تكن للجمال اقرب ...

اقلاها ترتاح من الرويعى ده شوية :D

[حافظ حسين]

يا أخوانا البتحكوا عنه دا الكاكي حقنا الواحد و لا كاكي تاني؟

[مهند الخطيب]

يا أخوانا البتحكوا عنه دا الكاكي حقنا الواحد و لا كاكي تاني؟

الكاكي البحكو عنو ده ياحافظ الكاكي البقول سيدو لمواطن :
- انت يازول حيوان مابتفهم؟ امشي اقعد في الكرسي استنى اناديك يللللا

[مهند الخطيب]

اقول ليك شي يابت ياسمراء ...

ياخي انا يعجبني جدا نتكلم عن عمي بابكر مخير والطيب بشير والنور كناس جميلين...

الحديث عن الجمال هو بحد ذاتو خطوة تجاهو ....

لكن كمان مانجمّل الشين ...

الكاكي .......... شييييييييين وماشيتا بتشكر...

وبالله مايجيني زول طاير بالحنك العاضي بتاع الناس ديل بسهرو على راحتك وماعارف شنو!!

كان بسهرو على راحتي باللليل فهم بطلعو ......... بالصباح واشياء أخرى ...

[مهند الخطيب]

بابكر مخير ، عرفتو بين جنبات البورد (وتحت تحت في قرابة بعيدة) وفوق فوق الدم واحد ....
شهادتي فيهو مجروحة ...رجل جميل بحق وكبير كبارنا وكان قال لي بس ...ببس..

الطيب بشير سنوات جمعتنا هنا ، مناكفات ومهاظرات وأشياء أخرى ، شاعر وكاتب فريد بارع وله في الجمال (حوش براهو)، عرفناهو عرفة زينة ...

النور يوسف ..... عرفته في الملمات والعواصف -وهي مايخبرك بمعدن الرجال حقاً- جميل عفيف



ولكـــــــــــــن.....

عرفنا الكاكي برضو ، ماهو الجميل وماهو البتشكر وياهو ذراع السلطة الطايلة وطويلة ، بالله سلطة جميلة ؟!! دي كيف ...

[سمراء]

اقتباس:
المشاركة الأصلية كتبت بواسطة حافظ حسين http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=410736#post410736)
يا أخوانا البتحكوا عنه دا الكاكي حقنا الواحد و لا كاكي تاني؟


حقك ياتو يادجانقو :D
بالله خت كباية اللبن دى وافرز لينا شوية

قلنا كاااااااكى ناس سودانيااااااات !!
تكاكى فى السوق
بــِس عليك

[سمراء]

اقتباس:
المشاركة الأصلية كتبت بواسطة مهند الخطيب http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=410738#post410738)
اقول ليك شي يابت ياسمراء ...
ياخي انا يعجبني جدا نتكلم عن عمي بابكر مخير والطيب بشير والنور كناس جميلين...
الحديث عن الجمال هو بحد ذاتو خطوة تجاهو ....
لكن كمان مانجمّل الشين ...
الكاكي .......... شييييييييين وماشيتا بتشكر...





والله يا ابو غاندى ماكنت قايلة سقفك بقى قصير قدر ده !!
ياربى يكون من شنو ؟
غايتو شاكة فى حلة خرافى الحرقانة ولبن حافظ الضارب ! ولا مديدة الاكياس ياربى :D
ياخ محاثيثك انضربت رسمى وشعبى !
ياخ انت هسع تحمد سيدك بقيت " ملازم اول" ذى الترتيب !

يامهند الدهشة بتجى من وين ؟
موش لمن تجيك شى جميلة من داخل شى اصلا هى والجمال متفارقات ؟؟
اهّـن !!
ده ياهو المقصود ياخ :mad:

[مهند الخطيب]

والله يا ابو غاندى ماكنت قايلة سقفك بقى قصير قدر ده !!
ياربى يكون من شنو ؟
غايتو شاكة فى حلة خرافى الحرقانة ولبن حافظ الضارب ! ولا مديدة الاكياس ياربى :D
ياخ محاثيثك انضربت رسمى وشعبى !
ياخ انت هسع تحمد سيدك بقيت " ملازم اول" ذى الترتيب !

يامهند الدهشة بتجى من وين ؟
موش لمن تجيك شى جميلة من داخل شى اصلا هى والجمال متفارقات ؟؟
اهّـن !!
ده ياهو المقصود ياخ :mad:

طيب ياأم مازن يادفعة وكت اصلو كلامك بقى كدي ودايرة تدهشينا بس خلاص بنندهش (بدون نشكر الكاكي)


ماسقفي القصر ياصديقة لكن انت السقفك طال/ر ......

[سمراء]

اقتباس:
المشاركة الأصلية كتبت بواسطة مهند الخطيب http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=410764#post410764)
طيب ياأم مازن يادفعة وكت اصلو كلامك بقى كدي ودايرة تدهشينا بس خلاص بنندهش (بدون نشكر الكاكي)
ماسقفي القصر ياصديقة لكن انت السقفك طال/ر ......



والله يادفعة السقف طار محل ركة مانى خابرة !
بس عموما فى توضيح صغيرونى بخصوص "شكير الكاكى ده "
طبعا الكاكى فى حد زاتو او الشرطة كمؤسسة بكل ماتحمل من مضمون نحترمها جدا ، ومقدرة بلا شك على اساس مابتقدمة للمواطن او مايفترض ان تقدمة !

المشكلة بتكون فى الافراد ، ذيها وذى اى قطاع تانى فى البلد
بمعنى انو مامكن نحاكم مؤسسة من خلال " بعض " المنسوبين ليها !
ولا شنو ؟

الشى التانى يامهند العزيز ، فى البوستين ده بالذات حبينا نلقى ظلال على أناس جميلين عرفناهم معانا هنا ...وعرفناهم من خلال حروفهم وكتاباتهم الادبية الراقية .. ودهشتنا أتت من خلال سؤال دائما بدور فى خلد الكثيرين وانا منهم :
كيف تخرج تلك القصيدة - او ذاك المقال الادبى الانيق من ذلك العسكرى الذى البسناه او البسته معايير وظيفته (القساوة) او سمها ماشئت جلافة بصورة اخرى !!

[النور يوسف محمد]

بابكر مخير ، عرفتو بين جنبات البورد (وتحت تحت في قرابة بعيدة) وفوق فوق الدم واحد ....
شهادتي فيهو مجروحة ...رجل جميل بحق وكبير كبارنا وكان قال لي بس ...ببس..

الطيب بشير سنوات جمعتنا هنا ، مناكفات ومهاظرات وأشياء أخرى ، شاعر وكاتب فريد بارع وله في الجمال (حوش براهو)، عرفناهو عرفة زينة ...

النور يوسف ..... عرفته في الملمات والعواصف -وهي مايخبرك بمعدن الرجال حقاً- جميل عفيف



ولكـــــــــــــن.....

عرفنا الكاكي برضو ، ماهو الجميل وماهو البتشكر وياهو ذراع السلطة الطايلة وطويلة ، بالله سلطة جميلة ؟!! دي كيف ...


قلائل جداً تلك الصور التى أرتدى فيها الزى الرسمى
فكل عملى كان فى مجال البحث والتحرى .. فى ذات الوقت لم أكن أجد فيه نفسى ..
احياناً أشعر بأنه ( يخنقنى )

الموضوع شائك ..
والمسافات تباعدت بين المهام المفترضة وتلك المفروضة ..
ونوعية الثقافة الشرطية التى تربت عليها الأجيال المتعاقبة فى هذا الجهاز
وكل ذلك ليس بعيداً عن المجتمع وتفكيره ..
كلام مهند مهم ويفتح مجالات للحديث عن دور الشرطة ..

فى أوائل عملى بالشرطة كان على إجراء معاينات لبعض المتقدمين للعمل فى الشرطة .
سألت واحد عن السبب شنو الخلاهو يقدم للشرطة ..
قال لى بكل جرأة ( إستعمار الناس ) ...
توقفت كثيراً فى هذا الإجابة ..
لعل أحدهم أملاها عليه , لعله يجهل معناها
لكن فى النهاية لابدّ من الإعتراف أن مفهوماً مثل هذا أخذه من محيطه ..

هل استطاعت الشرطة أن تسوق نفسها كخادمة للشعب ..
هل عملت الشرطة على تنقية الثقافة الشرطية من كل الشوائب والسلبيات ..
هل بالإمكان خلق أجيال شرطة متعافية من داء السلطة ووهم السلطان ..

[نصار الحاج]

سلام يا سمراء
وسلام على كل الزملاء والأصدقاء
وسلام عليك وأنتِ تفتحين نافذة أخرى تُعيدننا بها إلى تلك الأيام الخضراء
والحكاوي والذكريات
والتجربة والوظيفة والتفكير فيها بزاويتك أو بزاوية مهند أو بزاوية معتصم
أو بزاويتنا الذين أنخرطنا لبعض الوقت كضباط شرطة
وما زال لدينا زملاء مستمرون في الخدمة أو بزاوية آخرين،
أو بكل الزوايا.
وسأعود...
لكن قبل ذلك سأخص هذا البوست الجميل،
بنشرِ أول صورة لي بالكاكي تنشر في شبكة الإنترنت .
وهي صورة صوَّرْتها بالموبايل من نسخة ورقية،
ألتقطتها عام 1995 قبل مغادرتي للشرطة بشهور قليلة.

http://www.sudanyat.org/upload/uploads/Untitled2.jpg

[فتحي مسعد حنفي]

بابكر مخير ، عرفتو بين جنبات البورد (وتحت تحت في قرابة بعيدة) وفوق فوق الدم واحد ....
شهادتي فيهو مجروحة ...رجل جميل بحق وكبير كبارنا وكان قال لي بس ...ببس..

الطيب بشير سنوات جمعتنا هنا ، مناكفات ومهاظرات وأشياء أخرى ، شاعر وكاتب فريد بارع وله في الجمال (حوش براهو)، عرفناهو عرفة زينة ...

النور يوسف ..... عرفته في الملمات والعواصف -وهي مايخبرك بمعدن الرجال حقاً- جميل عفيف
ولكـــــــــــــن.....
عرفنا الكاكي برضو ، ماهو الجميل وماهو البتشكر وياهو ذراع السلطة الطايلة وطويلة ، بالله سلطة جميلة ؟!! دي كيف ...

والدليل علي كلامك دا انو الناس الذكرتهم وشكرتهم ديل كلهم برة الملعب حاليا..وهم ذاتم كان كانوا لسة في الشرطة ما كنت لقيتهم هنا..موش:confused::confused:

[بابكر مخير]

والدليل علي كلامك دا انو الناس الذكرتهم وشكرتهم ديل كلهم برة الملعب حاليا..وهم ذاتم كان كانوا لسة في الشرطة ما كنت لقيتهم هنا..موش:confused::confused:

بالله عليك
تقطع إضنيك..
كم ضابط شرطة صادقتا، حتى في فترة قعادك القصيرة في السودان..
ديل يابا،
مجتمع، مجتمع في زول واحد..
أكان سنسنة بيسنسنو،
أكان خصوصيات دآ مجال تخصصهم،
حتى أكان سمسمية لو ما بياكلوها وطلبتها منهم..
بيباصروها ليك...
ولا أضعف الإيمان،
بيقسموا "منها"،
ليكآ..


لاقي العذر...
في شآن إتا،
ماهم ما بياخدو غير السودانين في الخدمة :cool::cool:

[بابكر مخير]

بنشرِ أول صورة لي بالكاكي تنشر في شبكة الإنترنت .
وهي صورة صوَّرْتها بالموبايل من نسخة ورقية،
ألتقطتها عام 1995 قبل مغادرتي للشرطة بشهور قليلة.

http://www.sudanyat.org/upload/uploads/Untitled2.jpg

ما شاء الله تبارك الله،
يعني لو بي البيكسلات الميجآ ونص،،
كان سرقتا السوق من إخيانك،
ديكآ...


(عمو بابو ونونو طيبون، مووووووت يا أبو دعد،، كآكي وبي شنوباتهم ويجنونو:eek:)

[فتحي مسعد حنفي]

بالله عليك
تقطع إضنيك..
كم ضابط شرطة صادقتا، حتى في فترة قعادك القصيرة في السودان..
ديل يابا،
مجتمع، مجتمع في زول واحد..
أكان سنسنة بيسنسنو،
أكان خصوصيات دآ مجال تخصصهم،
حتى أكان سمسمية لو ما بياكلوها وطلبتها منهم..
بيباصروها ليك...
ولا أضعف الإيمان،
بيقسموا "منها"،
ليكآ..


لاقي العذر...
في شآن إتا،
ماهم ما بياخدو غير السودانين في الخدمة :cool::cool:

أفحمتني يارجل فما قلته هو عين الحقيقة فقد كان لي أصدقاء كثيرين من بين ضباط الشرطة خصوصا في فترة جامعة القاهرة الفرع..أذكر منهم من هو غني عن التعريف مثل عباس أبو شامة وزير الداخلية لاحقا ومحمود السيد حمودة الله يرحمو ودا أنا مليت ليهو طلب الالتحاق بالشرطة بخط يدي ..اشتغل فترة طويلة بالشرطة ثم عمل بالمحاماة الي حين وفاته..ثم خورشيد ضابط الحركة وأبو بكر ضابط الحركة والصول سعد الكان بيديني الشدايد من الأحراز في مركز بحري وأخيرا فاروق هلال ود حلتي ودا من النوع العملو عليهو مثل كان صباعك شرطي أقطعو..تخيل الزول دا قبض ود عمو الشيوعي عبد العزيزعوض هلال في وفاة والدته..جاب ليهو الكومر في الفراش..وغيرم كتار..بس يابابكر هناك فرق كبير بين رجال الشرطة زمان وهسة علي الرغم من وجود الرديئين زمان من أمثال الكتيابي في أمدرمان وابن ادريس في بحري..ديل كرهونا الحياة ذاتا..

[مهند الخطيب]

الموضوع شائك ..
والمسافات تباعدت بين المهام المفترضة وتلك المفروضة ..
ونوعية الثقافة الشرطية التى تربت عليها الأجيال المتعاقبة فى هذا الجهاز
وكل ذلك ليس بعيداً عن المجتمع وتفكيره ..
كلام مهند مهم ويفتح مجالات للحديث عن دور الشرطة ..

فى أوائل عملى بالشرطة كان على إجراء معاينات لبعض المتقدمين للعمل فى الشرطة .
سألت واحد عن السبب شنو الخلاهو يقدم للشرطة ..
قال لى بكل جرأة ( إستعمار الناس ) ...
توقفت كثيراً فى هذا الإجابة ..
لعل أحدهم أملاها عليه , لعله يجهل معناها
لكن فى النهاية لابدّ من الإعتراف أن مفهوماً مثل هذا أخذه من محيطه ..

هل استطاعت الشرطة أن تسوق نفسها كخادمة للشعب ..
هل عملت الشرطة على تنقية الثقافة الشرطية من كل الشوائب والسلبيات ..
هل بالإمكان خلق أجيال شرطة متعافية من داء السلطة ووهم السلطان ..

النور يوسف .......... ازيك ياخ ،؟ مالك؟

المهم ........

البوست ده يفترض بيو يكون تاج جمال ، لكن والله ماقدرت اسكت عن البعد التاني البشوفو في البوليس كل يوم وساعة ومرقة في بلد الرماد دي ....
فحقو اقدم ليك مقترح انو اسئلتك الختمت بيها دي تبقى بوست تقيل نجي نداوس فيو بريدة (مابتاعت القصيم):p ولو رفضت الاقتراح يانا الخرمجنا ليك بوست الجمال ده .... تحياتي واحتراماتي ومودتي...

[مهند الخطيب]

والدليل علي كلامك دا انو الناس الذكرتهم وشكرتهم ديل كلهم برة الملعب حاليا..وهم ذاتم كان كانوا لسة في الشرطة ما كنت لقيتهم هنا..موش:confused::confused:

بالضبط ياعم فتحي ، وكمان شوف بالمرة الناس المابرة ديل عاملين كيف وبسوو في خلق الله شنو؟!!!

[بابكر مخير]

الحبيب مهند
مافي مهنة تخلو ممن لا يشوهها
ونعم الشرطة لها أن تكون مثال مادام أخذت على نفسها أنها في خدمة الشعب
لكن هناك السئ في كل أوجه الحياة والشرطة التي أنت تعايشها اليوم
طالتها يد الإنقاص التي شوهت حتى الجنين في بطن أمه
نعم بيننا مرضى النفوس وضعاف الإرادة والجشعين والجهلة
ما كلنا ووالله ما كلنا..
ما بقول ليك أحكم علينا جميعا أننا أبو أمنة حامد ولا أبراهيم أحمد عبد الكريم الشاعر الإنسان ولا النور يوسف ولا الطيب البشير
وكمان ما تحكم علينا أننا كلنا أشباه هاشم محمد عثمان وزمرته ممن خيبوا ظني فيهم...
دمتا
ولك كل التقدير على حدبك على الشرطة لترفع من مستواها وتتحمل مسئوليتها

[البديري]

سلامات استاذة / سمراء
وضيوفة " العبابيس " المفرد المذكر و المؤنث " عباس " :D:D*
فعلا بوست جميل لنرى الوجه الاخر من حياة العسكرية ، فى مشاوير حياتهم بكل افراحة وآلامة ، ونفحات عن زكرياتهم وعطاءهم لنا ، لهم اجمل التحية لمن افنى عمرة فى خدمتنا بكل شرف وامانة ، ومنهم من قدم روحة فداءً لنا لهم الف رحمة ونور لجنودنا ( جيش وشرطة ) لاستشهادهم فى كل بقعة فى ارض وطنا الحبيب ٠



* عباس
كلمة تَطلق على كل شرطى فى اوربا وامريكا ودول العالم من قِبل الاخوة السودانين لا ادرى سبب هذة التسمية لهم ! منْ يعرف يورينا٠

تسلمى يا سمراء
والحمدلله قريت البوست سريع سريع و ( ماقبضونى ) عساكرك ديل:D:D:D
لكم اجمل التحايا

[همس الشوق]

جنابو حياني بي كابو

ليه يا سمارة ياخ
تورتي علينا وجع القلب

بجيك راجعة

[الطيب بشير]

.
أهلين بالحبايب
حضرنا يا سعادتو النور
و الله حضرنا من مأمورية في ريفي/ريفي الجنينة!!
لكن المهم حضرنا جدآ..و سعدنا بوجودكم
أعجبتني نقطة سعادتو مخير عن وجود السوء في كل الإنتماءات المهنية، يعني العمارات البتقع دي ما بناها الشاويش النبطشي في الأوسط..و الطبيب الذي ينتهر البسطاء في حوادث الخرطوم (صباح مساء) لا يتزيـّـا بالأخضر..و شيخ القرآن الذي اغتصب طفلآ يقوم بتعليمه ليس دفعتنا بأي حال..أورنيك الأراضي المغشوش لا يصدر من مرور بحري..و يا مهنـّـد القائمة لن تتوقف..
فكرة سمراء، كما تصوّرتها، أن العسكرية فيها جفاف و صرامة ..كيف تأتـّـى أن جمعت شعراء و أدباء، و بالتالي فكرة البوست ليست، بأي حال، تلميع الكاكي أو تأكيد بهائه المطلق..
مع ذلك لا نحجر على أي تعليق بالطبع..
أما عباس في أمريكا و أوروبا..
فيقول السابقون السابقون أن شرطيآ أبيضآ ناصع البياض أوقف سودانيين مخالفين و قام بتغريمهم، طبعآ هو واقف بمنتهى التهذيب بيملأ أورنيك المخالفة أبو مائة دولار و الجماعة شابكينو ليك منابيذ بذيئة من فئة (أمشي يا ابن ال....) و (أ.....أمك) و (ك....أختك)...و حين فرغ من مهمته، قال لهم بعربية فصيحة (شكرآ لكلامكم عن أمي و أختي ..معاكم أخوكم عبـّـاس من لبنان)!looool

[سمراء]

اقتباس:
المشاركة الأصلية كتبت بواسطة نصار الحاج http://sudanyat.org/vb/images/buttons/viewpost.gif (http://sudanyat.org/vb/showthread.php?p=410776#post410776)
سلام يا سمراء
وسلام على كل الزملاء والأصدقاء
وسلام عليك وأنتِ تفتحين نافذة أخرى تُعيدننا بها إلى تلك الأيام الخضراء
والحكاوي والذكريات
والتجربة والوظيفة والتفكير فيها بزاويتك أو بزاوية مهند أو بزاوية معتصم
أو بزاويتنا الذين أنخرطنا لبعض الوقت كضباط شرطة
وما زال لدينا زملاء مستمرون في الخدمة أو بزاوية آخرين،
أو بكل الزوايا.
وسأعود...
لكن قبل ذلك سأخص هذا البوست الجميل،
بنشرِ أول صورة لي بالكاكي تنشر في شبكة الإنترنت .
وهي صورة صوَّرْتها بالموبايل من نسخة ورقية،
ألتقطتها عام 1995 قبل مغادرتي للشرطة بشهور قليلة.

http://www.sudanyat.org/upload/uploads/Untitled2.jpg



وهنا (اخضراً) انيق ينضم الى كتيبتنا الغراء ..
الاستاذ الاديب نصار الحاج

لك كل المساحات المشرعة يا "جنابو"
ومع فترة احسبها عالقة فى مخيلتكم لاتزحزحها عوامل التعرية او تراكم الايام ...نستريح معكم ، وبكم

الف تحية وامتنان لتلبية نداء البوست

[مرتضى يوسف]

سيدتي الجميلة سارة
بدءاً أشكركم لما تفضلت به من بوست يلامسني بأعضاء المنتدى وغيرهم من الزملاء بالشرطة الذين نكن لهم كثير ود وإنتماء ...
جنابوهات (بابكر مخير والطيب بشير والنور يوسف ونصار الحاج
.....وما إستدعاه البوست من أسماء أخرى عزيزة لدينا محمد عبد الجبار وعبد الرحيم محمد عبد الرحيم وعماد عبد الله وابراهيم عبد العزيزوعصام سر الختم ...
فسعادتو بابكر مخير سنة 75 تجعله لو وقف هنا أقيف أنا في حلفا... لو لقوا حته هناك ..
بالطبع ساسعى لملامسته عن قرب من واقع انضباطي وكذلك جنابو الجميل الأديب نصار الحاج من خلال التواصل معهما عبر هذا المنتدى فلهما مني أجزل السلام
جنابو النور يوسف كونه قائدي حتماً شهادتي به مجروحة ....واكيد حيتهموني فيهو
.. جنابو جنابو الطيب بشير شخصياً وبرغم عدم وجود علاقة مباشرة به إلا أنني إستاذنكم سيدتي في أن.... أستعير قليلا مما تفضل به أستاذنا فتحي الضو بتصرف (لست في حاجة للقول بأن الطيب بشير كما الماء والهواء، كلما أستمطرنا سحاباته أتانا خراجها دون صلاة إستسقاء)
لا عليك أن حسبها وحسبها الجميع مجرد... أحسبها حقيقة ربما لا تصيب إلا نذر بسيط أمام مفردته الأنيقة الحانية التي تترف دواخلنا ونتماهي بها كبوليس....
زاملته بوزارة الداخلية فقد كنت أوانها بمكتب الرئاسة بينما كان هو في إدارة الإعلام والتوجيه المعنوي على ما أعتقد بنفس الوزارة وبرغم عدم ملامستي المباشرة لشخصه الكريم أوانها إلا أنني متابع لكتاباته المفرهدة المترفة بكل ما هو جميل ...لكي ولهم ولبقية الأعضاء المتداخلين السلام
سأعود سيدتي ...بإذن الله 0

[الرشيد اسماعيل محمود]

تعظيم سلام سعادتك!
وتحيّاتي لكريمتكم.:)
تحياتنا ليها برضو يا النور..:)
...
بوست يستحق المتابعة.

[النور يوسف محمد]

تعظيم سلام سعادتك!
وتحيّاتي لكريمتكم.:)
تحياتنا ليها برضو يا النور..:)
...
بوست يستحق المتابعة.

المداخلة ديك يا الرشيد جينا فيها بى نمرة خمسة وبادلناها الــ :)
إنت داير ( تبحتا ) تانى ..
العتب على بوست رومانيا وحسناواتها ... :)

[البديري]

.
أما عباس في أمريكا و أوروبا..
فيقول السابقون السابقون أن شرطيآ أبيضآ ناصع البياض أوقف سودانيين مخالفين و قام بتغريمهم، طبعآ هو واقف بمنتهى التهذيب بيملأ أورنيك المخالفة أبو مائة دولار و الجماعة شابكينو ليك منابيذ بذيئة من فئة (أمشي يا ابن ال....) و (أ.....أمك) و (ك....أختك)...و حين فرغ من مهمته، قال لهم بعربية فصيحة (شكرآ لكلامكم عن أمي و أختي ..معاكم أخوكم عبـّـاس من لبنان)!looool



اخونا / الطيب بشير
حياك الله محل مامتواجد ،
وشكرا جزيلا على الرد وايراد المعلومة وعلى فكرة السؤال دا بسال فيهو لى سنوات وسنوات ومالقيت حتى تخمين من شخص ،،، لك الف تحية ، وحقيقتا علاقة ( بعض ) السودانيين بالخارج مع البوليس متوترة جدا ومن غير آى سبب !! حتى لو البوليس قابلهم فى الشارع وسلم عليهم بالاحضان برضو بنبذوا ٠٠٠٠ :D:D:D

لكم التحية في عطائكم الغير محدود:)

[الطيب بشير]

.
يا كومندة مرتضى يوسف و الله أخجلتني بالحيل
يا رجل..يا رجل..هذه عين رضا شديد..
الله يديك لمن يرضيك..و يوفقك لمن ترضيهو..
و تاني مرحب بيك في البورد و البوست..

و اسمح لي أن أشكر معك الأخ البديري ..

لكما تقديري العميق
.

[بابكر مخير]

من الخرتوم
ليك سلام يا مرتضى
سلم ليا على ناس حلفا :cool:

[مرتضى يوسف]

من الخرتوم
ليك سلام يا مرتضى
سلم ليا على ناس حلفا :cool:

يا سعادتك انا واقف من امس مافي صفا واسترح ؟؟؟؟
يعني اقد سلك حلفا

ويالطيب بشير ( ان شاء الله تدي من كتيرك ) حبوبتي شلبية بت سليمان

[عبدالأله زمراوي]

اقتباس:
المشاركة الأصلية كتبت بواسطة سمراء http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411182#post411182)
وهنا (اخضراً) انيق ينضم الى كتيبتنا الغراء ..
الاستاذ الاديب نصار الحاج

لك كل المساحات المشرعة يا "جنابو"
ومع فترة احسبها عالقة فى مخيلتكم لاتزحزحها عوامل التعرية او تراكم الايام ...نستريح معكم ، وبكم

الف تحية وامتنان لتلبية نداء البوست



تحياتي سمراء...

في غاية الإندهاش منذ أن علمتُ بأن الشاعر نصار الحاج كان يعمل في الشرطة! لم أتوقع ذلك، ليس لأن العمل الشرطي فيه عيبٌ، بل لأنني تخيلته (خيالاً) شخصاً وقد درسَ الآداب ودخل مجال الصحافة وصقل موهبته وصار شاعرا جميلا...

_____________________________
بالمناسبة طيلة عملي بالقضاء، زاملت ضباط شرطة من أعظم من تقابلهم في حياتك، وعلى رأسهم المرحوم فريق شرطة/ عوض
سلاطين دارفور عليه شآبيب الرحمة...

[ود المامون]

... سمراء
... وكل الاحباب ...


... شخصيه .. ( الكاكي ) ... غنيه بالاحداث .. ولها ابعادها النفسيه .. وصراعها بين.. الشخصيه المهنيه .. والانسانيه ... تماما مثل مستر جيكل .. ومستر هايد ... وما بين ( انتباه ) .. الكاكي .. و ( غفوه الميز ) ..و .. مبروك عليك الليله يا نعومه ...... يلجا ( الكومندان ) .. الضخم .. الي الفن بكل خيالاته بوصفه ملاذ الروح ... ليوازن بين ( ضبط ) .. المجتمع .. و (ضبط ) .. الايقاع الوجداني ...

... ... كيف تنسجم مقوله ... لو كان صباعك شرطي اقطعوا .. مع تحقيق .. الشرطه المجتمعيه ... والتي تتطلب كسب ثقه افراد المجتمع وتاييدهم ... لبناء شراكه مع رجال الشرطه .. للوقايه من الجرائم ... وتكريس الاستقرار ...


... كل الحب ...

[نصار الحاج]

اقتباس:
المشاركة الأصلية كتبت بواسطة سمراء http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411182#post411182)
وهنا (اخضراً) انيق ينضم الى كتيبتنا الغراء ..
الاستاذ الاديب نصار الحاج

لك كل المساحات المشرعة يا "جنابو"
ومع فترة احسبها عالقة فى مخيلتكم لاتزحزحها عوامل التعرية او تراكم الايام ...نستريح معكم ، وبكم

الف تحية وامتنان لتلبية نداء البوست



تحياتي سمراء...

في غاية الإندهاش منذ أن علمتُ بأن الشاعر نصار الحاج كان يعمل في الشرطة! لم أتوقع ذلك، ليس لأن العمل الشرطي فيه عيبٌ، بل لأنني تخيلته (خيالاً) شخصاً وقد درسَ الآداب ودخل مجال الصحافة وصقل موهبته وصار شاعرا جميلا...

_____________________________
بالمناسبة طيلة عملي بالقضاء، زاملت ضباط شرطة من أعظم من تقابلهم في حياتك، وعلى رأسهم المرحوم فريق شرطة/ عوض
سلاطين دارفور عليه شآبيب الرحمة...

مولانا الشاعر الجسور عبدالإله زمراوي
محبة وسلام لكَ
دائماً ما كنتُ أقول أن من أخصب الفترات في عمري: تجربةً في الحياة وقراءة للكتب هي الفترة التي عملت فيها كضابط شرطة، فبعدما أفرغت الإنقاذ في سنواتها الأولى الشرطة من الكثير من ضباط الشرطة عن طريق جريمة الصالح العام، وقيد أحيل عبرها الكثير من أميز وأروع ضباط الشرطة، صار هناك نقصاً حاداً، أصبحنا معه، حيث كنت أعمل بأمدرمان بأقسام الشرطة، أمبدة وبعدها الأوسط أمدرمان ( شارع العرضة ) أصبحنا مع هذا النقص منغمسين في طاحونة مناوبات لا تتوقف، لكن كنت دائماً معي كتاب، فحينما تهدأ الحياة أواخر الليل وينتهي المرور على دائرة الاختصاص والنقاط التابعة للقسم، كنت أقضي الساعات في القراءة وتعينني على تمضية الليل كله صاحياً وفي ذات الآن متابعاً لما يحدث بالقسم ...
وأيضاً يا صديقي كانت لي صداقات وعلاقات وتعاملات قوية وجميلة مع عدد من القضاة الرائعين ووكلاء نيابة، كثيراً ما كانوا يحضروا ويقضوا معي الساعات بالقسم في بدايات الليل وتكون زيارة منهم وتفقد للقسم وإنهاء لبعض إجراءات الضمانات والتوصيات بشأن بعض البلاغات وتطوراتها التي تحدث خلال اليوم وبعدها ونسة وحكاوي تلامس كل شئ .. وكذلك صداقات مع عدد من المحامين ...
وأيضاً من خلال العمل تعرفت على عدد كبير من الأدباء والفنانين والكتاب
وأناس من المجتمع لهم كنوز من المعرفة بأشكال وصنوف متعددة ...
أحببت العمل الشرطي جداً خاصة حينما كنت أعمل بأقسام الشرطة رغم رهقها ودوامات عملها التي لا تنتهي لكنها كانت تعني تدفق الحياة بزخم هائل وبصور متعددة .

[سمراء]

تـــــــــماأأأأأأأأأأأم يا افندم
طاخ

إســــــــــــــترح

:D

(صباح الكاكى والادب الانيق )

التحية لكل المنضمين من داخل وخارج المؤسسة الخضراء لهذا المعسكر
والذى بلا شك يزهز ويذهر بوجودكم

[سمراء]

اقتباس:
المشاركة الأصلية كتبت بواسطة مهند الخطيب http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=410839#post410839)
النور يوسف .......... ازيك ياخ ،؟ مالك؟
فحقو اقدم ليك مقترح انو اسئلتك الختمت بيها دي تبقى بوست تقيل نجي نداوس فيو بريدة (مابتاعت القصيم):p ولو رفضت الاقتراح يانا الخرمجنا ليك بوست الجمال ده .... تحياتي واحتراماتي ومودتي...


مهند ياصديقى العزيز
البوست مشرع ومفتوح بكل الاتجاهات التى تحبها !!
وهو فرصة لنكشف ونستكشف ماوراء هذا الاخضر من اشياء ...بالحوار الهادى

فقط ...بدون خرمجه ياخ ;)

[سمراء]

اقتباس:
اقتباس:
المشاركة الأصلية كتبت بواسطة البديري http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=410962#post410962)

فعلا بوست جميل لنرى الوجه الاخر من حياة العسكرية ، فى مشاوير حياتهم بكل افراحة وآلامة ، ونفحات عن زكرياتهم وعطاءهم لنا ، لهم اجمل التحية لمن افنى عمرة فى خدمتنا بكل شرف وامانة ، ومنهم من قدم روحة فداءً لنا لهم الف رحمة ونور لجنودنا ( جيش وشرطة ) لاستشهادهم فى كل بقعة فى ارض وطنا الحبيب ٠تسلمى يا سمراء
والحمدلله قريت البوست سريع سريع و ( ماقبضونى ) عساكرك ديل:D:D:D
لكم اجمل التحايا

البديرى لك كل التحايا وانت تشاركنا هذا الجمال ...
ومالونته لك ...هو بالضبط مانريد ان نصل اليه فى هذا البوست
ثم ...
سجن ديل ...ولا حرية هناى ديك :D

خليك قريب وواصل

[سمراء]

اقتباس:
المشاركة الأصلية كتبت بواسطة الطيب بشير http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411178#post411178)
.
فكرة سمراء، كما تصوّرتها، أن العسكرية فيها جفاف و صرامة ..كيف تأتـّـى أن جمعت شعراء و أدباء، و بالتالي فكرة البوست ليست، بأي حال، تلميع الكاكي أو تأكيد بهائه المطلق..
مع ذلك لا نحجر على أي تعليق بالطبع..





هو كذلك ياجنابو ....هو كذلك ما قصدته

[سمراء]

اقتباس:
المشاركة الأصلية كتبت بواسطة مرتضى يوسف http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411198#post411198)
سيدتي الجميلة سارة
بدءاً أشكركم لما تفضلت به من بوست يلامسني بأعضاء المنتدى وغيرهم من الزملاء بالشرطة الذين نكن لهم كثير ود وإنتماء ...
0



وهنا ايضاً ...(جنابو ) يظهر من بين تلك الكتيبة الانيقة ..
الف مرحب بيك جنابو مرتضى يوسف ...
والدار بلا شك تختال مرحبة ومزهوة بك ...تفضل

تعليمات :
تجرى تصلح سارة دى بسرعة لى سمراء لانو سارة لو جاتك هنا عييييييييييك:D
الا الكريم تانى يخارجنا

احضار واحد صورة بالكاكى ..للتوثيق وكدة

[جيجي]

سمورة الجميلة
شايفاك فتحتي لينا قسم بوليس هنا:p

[سمراء]

اقتباس:
اقتباس:
المشاركة الأصلية كتبت بواسطة الرشيد اسماعيل محمود http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411284#post411284)
تحياتنا ليها برضو يا النور..:)
...
بوست يستحق المتابعة.


رشيدنا الحبيب ...بالاى انت حي !

التحية ليك وللغالية البنوته الحلوة ....بت جنابو النور

[سمراء]

اقتباس:
المشاركة الأصلية كتبت بواسطة جيجي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411646#post411646)
سمورة الجميلة
شايفاك فتحتي لينا قسم بوليس هنا:p


جيجوش ياماى هارت
عشان كده مفروض تلمى عدة الشاى حقتك دى وتنضبطى :D

[جيجي]

جيجوش ياماى هارت
عشان كده مفروض تلمى عدة الشاى حقتك دى وتنضبطى :Dههههههههه
والله مافي اي طريقة
اوعى من الطارة
صدقي كنت عايز اكتب ليك انت فارشة شائيك جنب النقطة مالك
بعدين غيرت رأي:)

[آيات]

جيجوش ياماى هارت
عشان كده مفروض تلمى عدة الشاى حقتك دى وتنضبطى :D


إزيك ياسمراء
ماعاوزين ليكم غنايه ؟؟.. غايتو نديكم عينه .. كان عجبتكم أضربو لي


عيان ومرضان شالوني بالنيسان الريده ياسلااام
عيانه شيلوني الريده ياسلام في سريرو ختوني
يلا يا هاا ... هاهااا
وبالكاكي غتوني .. الريده ياسلام
عيانه انايا يازول ..الريده ياسلام
لوجابو لي دكتور
لوموته سببي الزوول:D
عيانة انا مابطيب . لو جابو لي طبيب
ولو موته سببي نقيب

[مرتضى يوسف]

[QUOTE=سمراء;411643]وهنا ايضاً ...(جنابو ) يظهر من بين تلك الكتيبة الانيقة ..
الف مرحب بيك جنابو مرتضى يوسف ...
والدار بلا شك تختال مرحبة ومزهوة بك ...تفضل

تعليمات :
تجرى تصلح سارة دى بسرعة لى سمراء لانو سارة لو جاتك هنا عييييييييييك:D
الا الكريم تانى يخارجنا

عذرا سيدتي الكريمة سمراء
يحكى عن ملازما كان جالسا في إستقبال وزارة الداخلية فمر بالإستقبال عقيد في طريقه الى داخل الوزارة فعمد الملازم على عدم الوقوف وقال افط ليك العقيد وانسى حكاية الوقوف دي يعني الكون حينخرب فما كان من العقيد إلا وبعد أن خطى خطوات لداخل الوزارة أن صاح بالملازم أجمع يا ملازم فنهض الملازم موديا التحية العسكرية فقال له
العقيد( وين الإنتباه و التحية الأولى )
فلم يجد الملازم مخارجة غير أن يقول
يا سعادتك قبيل إتكبكبت...
ربما وهذه القامات الشرطية التي تتضمنها بوستيك تفاعلت مع جيناتي فانتابتي قليل ....
فطالتك سيدتي سمرا ءبلا قصد فلا عليك ...
احترامي سمراء

[بابكر مخير]

هو كذلك ياجنابو ....هو كذلك ما قصدته

يعني الدكاترآ البيجزرو
بالمشرط وبالكآش..
يبقآ وسطهم شعرآ وفنانين وإحنا
لآ..
لينا الله وعيشت السوق

[سمراء]

اقتباس:
المشاركة الأصلية كتبت بواسطة عبدالأله زمراوي http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411468#post411468)


في غاية الإندهاش منذ أن علمتُ بأن الشاعر نصار الحاج كان يعمل في الشرطة! لم أتوقع ذلك، ليس لأن العمل الشرطي فيه عيبٌ، بل لأنني تخيلته (خيالاً) شخصاً وقد درسَ الآداب ودخل مجال الصحافة وصقل موهبته وصار شاعرا جميلا...

_



شاعرنا المجيد زمراوى
نتبادل الدهشات ، وليس كم زكرت لعيب بالشرطة ...
ولكن لاننى وجدت معظم الادباء ، من لابسي الكاكى ، رغم قسوة العمل بهاء
ولا ندرى !

هل تأثر المجال الشرطة بهم كأدباء ؟
ام ..ماذا؟

التحية لك مكرر الشاعر الانيق ، وعبرك موصول الى الاديب نصار الذى ننتظر حكاياته هنا وزكرياته

[سمراء]

اقتباس:
المشاركة الأصلية كتبت بواسطة سيد احمد محمد علي المامون http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411507#post411507)
... سمراء
... وكل الاحباب ...

... شخصيه .. ( الكاكي ) ... غنيه بالاحداث .. ولها ابعادها النفسيه .. وصراعها بين.. الشخصيه المهنيه .. والانسانيه ... تماما مثل مستر جيكل .. ومستر هايد ... وما بين ( انتباه ) .. الكاكي .. و ( غفوه الميز ) ..و .. مبروك عليك الليله يا نعومه ...... يلجا ( الكومندان ) .. الضخم .. الي الفن بكل خيالاته بوصفه ملاذ الروح ... ليوازن بين ( ضبط ) .. المجتمع .. و (ضبط ) .. الايقاع الوجداني ...

... ... كيف تنسجم مقوله ... لو كان صباعك شرطي اقطعوا .. مع تحقيق .. الشرطه المجتمعيه ... والتي تتطلب كسب ثقه افراد المجتمع وتاييدهم ... لبناء شراكه مع رجال الشرطه .. للوقايه من الجرائم ... وتكريس الاستقرار ...


... كل الحب ...



سيدا احمد العزيز
يشرفنى وجودك هنا ، واعجبتنى عبارة ضبط الايقاع تلك
ومعك ارفع كل تلك التساؤلات الى اصحاب الشأن ...

فهم حقيقة يضربون المثل فى حياة التناقض بين وظيفة جافة جدا ولها حدود صلبة
وبين دواخل تعج بكل ماهو مرن ولطيف ..

[فيصل سعد]

بوست في السلك :D:D

[سمراء]

اقتباس:
المشاركة الأصلية كتبت بواسطة فيصل سعد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411924#post411924)
بوست في السلك :D:D


ده طبعا اكيد عشان صورتك بتاعت الكاوبوى ديك مزيناهو

بالمناسبة اتا موش برضو ( كاكاوى ) :D

وتيييب!!

[فيصل سعد]

ده طبعا اكيد عشان صورتك بتاعت الكاوبوى ديك مزيناهو

بالمناسبة اتا موش برضو ( كاكاوى ) :D

وتيييب!!

لا انا بلو نيفي و كدة :D:D

[سمراء]

اقتباس:
المشاركة الأصلية كتبت بواسطة آيات http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411676#post411676)
إزيك ياسمراء
ماعاوزين ليكم غنايه ؟؟.. غايتو نديكم عينه .. كان عجبتكم أضربو لي


عيان ومرضان شالوني بالنيسان الريده ياسلااام
عيانه شيلوني الريده ياسلام في سريرو ختوني
يلا يا هاا ... هاهااا
وبالكاكي غتوني .. الريده ياسلام
عيانه انايا يازول ..الريده ياسلام
لوجابو لي دكتور
لوموته سببي الزوول:D
عيانة انا مابطيب . لو جابو لي طبيب
ولو موته سببي نقيب




عووووك يابت !!
والله لكن اغنية فى السلك ! ده سلك تانى غير بتاع فيصل داك :D

اها محولة ك طلب لكل من فيصل وود عثمان لاحضارها لنا سماع وجبجبة ..
او احد مترادفاتها من اغانى العسكر ...

خليك بالجوار يا امة الله ...

[سمراء]

اقتباس:
المشاركة الأصلية كتبت بواسطة فيصل سعد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=411929#post411929)
لا انا بلو نيفي و كدة :D:D

بلو دى عرفناها ...بس نيفى دى جاية من شنو ؟
نيفيا ...ولا نيفة :D

[فيصل سعد]

بلو دى عرفناها ...بس نيفى دى جاية من شنو ؟
نيفيا ...ولا نيفة :D

Navy زي لون الكتابة دا !!

[سمراء]

[QUOTE=مرتضى يوسف;411680] اقتباس:

عذرا سيدتي الكريمة سمراء





لا عليك ياصديق ...
ففى حرم هؤلاء القامات السامقة " تتكبكب" حتى الحروف فتأبى الا ان تنحرف بنا يمنة ويسار ...
لا عليك ياخ

ثم انو انا وسارة دى من فصيلة واحدة ...:D

[سمراء]

شوفو ياعساكر !
البوست ده لو ماجيتو ورفعتو التمام فيهو خلال 24 ساعة ..
احسن نطالب الادارة الموقرة بحزفو من خارطة البلد !!

وقد اعزر من انزر

والله اكبر ..ولله الحمد :mad:

[مهند الخطيب]

يابركة ودحسونة مداوي المجنونة مايجيك فيهم زول

[سمراء]

اقتباس:
المشاركة الأصلية كتبت بواسطة مهند الخطيب http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=413333#post413333)
يابركة ودحسونة مداوي المجنونة مايجيك فيهم زول



على بالقسم يامهند اخوى ، العساكر ديل مايجو ...

الا اشكل معاك " عصابة " ضدهم ...

و...

ولع لى النحرقو :D

[فتحي مسعد حنفي]

إزيك ياسمراء
ماعاوزين ليكم غنايه ؟؟.. غايتو نديكم عينه .. كان عجبتكم أضربو لي


عيان ومرضان شالوني بالنيسان الريده ياسلااام
عيانه شيلوني الريده ياسلام في سريرو ختوني
يلا يا هاا ... هاهااا
وبالكاكي غتوني .. الريده ياسلام
عيانه انايا يازول ..الريده ياسلام
لوجابو لي دكتور
لوموته سببي الزوول:D
عيانة انا مابطيب . لو جابو لي طبيب
ولو موته سببي نقيب


انتي ياسماح موش في أغنية بتقول يام جمالا قطع أصبعي سجم أمك كان تنفعي..
داير أطلبا من ود عثمان بس داير أتأكد منها..

[نبراس السيد الدمرداش]

عووووك يابت !!
والله لكن اغنية فى السلك ! ده سلك تانى غير بتاع فيصل داك :D

اها محولة ك طلب لكل من فيصل وود عثمان لاحضارها لنا سماع وجبجبة ..
او احد مترادفاتها من اغانى العسكر ...

خليك بالجوار يا امة الله ...

صدقي انا متابعه البوست دا بادب
اصلو ناس البوليص ديل الزول بعمل حسابو منهم و معاهم
لكن الغنيه دي عندي و بصوت البلابل كمان رايك شنو

[مهند الخطيب]

على بالقسم يامهند اخوى ، العساكر ديل مايجو ...

الا اشكل معاك " عصابة " ضدهم ...

و...

ولع لى النحرقو :D


والله ياسمور أخير ليك الخيانة أصلو شايفم في الأفلام بقوا مابكتلوهم........


وبولع ليك التحرقي;)

بالجمبة كده:

النبي العتود كيف؟:D:D

[سمراء]

اقتباس:
المشاركة الأصلية كتبت بواسطة نبراس السيد الدمرداش http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=413341#post413341)

صدقي انا متابعه البوست دا بادب
اصلو ناس البوليص ديل الزول بعمل حسابو منهم و معاهم
لكن الغنيه دي عندي و بصوت البلابل كمان رايك شنو



اموت ليك رسمى وكاكى كان تجيببيها يابت
اصلو البوست شكلو حايقلب فى خلال السويعات المقبلات :D

[سمراء]

اقتباس:
المشاركة الأصلية كتبت بواسطة مهند الخطيب http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=413342#post413342)

النبي العتود كيف؟:D:D



هو بقى عتود ! ياسبحان الله لحد يومداك كان حمار !!


بالجمبة التانية :
ياتو عتود ياخ !!:D

[فيصل سعد]

النبي العتود كيف؟:D:D

:D:D:D
:D:D
:D

[فيصل سعد]

يابركة ودحسونة مداوي المجنونة مايجيك فيهم زول

تضامن :D:D:D

[Hassan Farah]

بسم الله الرحمن الرحيم

دكتور حسن ..
اسعد الله أوقاتك ..
محمد عبد الجبار أحيل للصالح العام بعد ثلاثة أيام فقط من قيام ثورة الإنقاذ
فى كشف ضم سبعة من خيرة ضباط الشرطة .. وكان وقتها فى رتبة العميد
محمد عبد الجبار كان يلقب (بكارتر ) وشخصية قيادية بامتياز ..
وهو الضابط الذى تولى التحرى فى القضية المشهورة ( قتيلة الشنطة )
وتمت ترقيته فيها استثنائياً من رتبة الملازم الى رتبة النقيب مما جعله يتخطى دفعته ..
كان نابغة وذو حضور وعلاقات إجتماعية مرموقة ..

إنتقل الى جوار ربه إثر إصابته بفشل كلوى على ما أذكر ..
له الرحمة والرضوان ولك أخى حسن أصدق العزاء ..
----------------------------------------------------------
اخى النور يوسف اسف لعدم المتابعة
ندعو الله ان يرحم اخينا محمد عبدالجبار ويغفر له...كان كما ذكرت ذو حضور وعلاقات اجتماعية عالية..كان محبوبا من الجميع درسنا معا فى بورتسودان الثانوية..كان يجيد العزف على العود ويردد اغانى الكابلى باداء رفيع المستوى كما كان شغوفا بالعسكرية وتولى قيادة فرقة الكديت فى المدرسة... يرحمه الله ويدخله الجنة

[بابكر مخير]

الساعة 4 صباحا وأنا في القسم الشرقي (حسي شايفة تبع للقيادة العامة للديش، مثل كل الباقي من السودان) سمعنا صوت طلقات،، قال ليا شاويش السلاح؛ يا سعادتهو أحسن نجمع بنادقنا ماركة 4 دي، لأنه دآ صوت كاشن ونسلم لي آي زول يجينا..
هم نان مهلونا...
ررررررررر ررررررررر وصوت يقول: الحيّ يسلم نفسه..
هي حصلت كدي :eek:..
إتلفت عليا الشاويش ظاااتهو وقال: يا سعادتهو (لاحظت انه ديما بينقال تعظيم للرتبة كأنه لشخص ثالث، جنابهو ومعاليهو،، غايتهو عزتنا السودانيين لمن شترآ) أملص الأزبيلطآ،، هو خليتهو كمل الكلمة بالله الاتنين في لمح البصر كانن في جيوبي الإتنين (بتذكر طريقتي ديك كانت ذي الكاوبويات مع المسدسات)..
الجماعة إستلموا القسم وبيقنا لغااااية 5 بعد العصر وعلى المغارب،،
جآت دبابة من بتاعت النميري رمت القسم بوابل غير منقطع من القذائف (كان حررت سرت من تقلها) وقدرنا نتحرك،،
ركبتا عربية "هنتر" بقيادة وكيل من الأمن وبرفقتي ملازم أول من الشرطة (بالله الواحد خلاااااااااث ونسى الأسماء) ما قلتا أمشي الوزارة أرفع تقرير وأجيب سبل نقل أنقل بيها ممن كانو في القسم لأنه غير مؤهل للبقاء فيه..
قدام الهاتف يا العربية بقدرة قادر وعشان يوم الإتنين ديك،، أقيفي دت..
مطر شنهو ولا طير أبابيل مرت فوقنا سحابة وإستشهد الإتنين سابقي الذكر...
عرفت لاحقا أنهم كانو من جماعة الكيزآن (الله يحاسبهم على أرواح أولائك بقدر قسوتهم فهو ما عزيز عليه النفس التي حرم إلا بالحق)..
منهم غازي صلاح الدين....

إتذكرتهم، الملازم أول شرطة قسم الله ووكيل أمن وراق (من ناس توتي) عليهما الرحمة

[رأفت ميلاد]

يا جماعة البواليص دى خلاس خلسوا من ذكرياتهم الوردية .. دايرين نقلب عليهم ;)

[بابكر مخير]

يا جماعة البواليص دى خلاس خلسوا من ذكرياتهم الوردية .. دايرين نقلب عليهم ;)

وش وش
مقلوب رأس على عقب
بجمبة دي
بالجمبة ديك
كله على كله
منك عديل:eek:

[بابكر مخير]

صفارة التمام ضربت،،
تووووووووووووت
أجمع يا دفعة،،،
كمندان الحتة.....





ما تشمتوا فينا المدنين:mad::mad:

[رأفت ميلاد]

المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=414642#post414642)
صفارة التمام ضربت،،
تووووووووووووت
أجمع يا دفعة،،،
كمندان الحتة.....





ما تشمتوا فينا المدنين:mad::mad:

كتر خيركم البتسمونا مدنيين .. ديلاك بسمونا (ملكية) .. تكون من ملكات اليمين .. عشان كده مستبيحننا .. أنتو بدقونا عشان نتأدب بس ;)

[عماد عبدالله]

http://www.sudanyat.org/upload/uploads/297966_10150367516223340_764303339_8240294_3248367 97_n.jpg

أتحداك يا النور .. ديل منو في الدفعة 45 ؟؟
و يا عفاف .. راحت علينا ، زمننا فات و غناينا مات :)

[النور يوسف محمد]

http://www.sudanyat.org/upload/uploads/297966_10150367516223340_764303339_8240294_3248367 97_n.jpg

بسم الله الرحمن الرحيم

العمدة ..
يعلم الله مستفين شوق ..
ناس 45 لو نسيناهم تبقى عوجة يا مان ..
الوجيه سعادة اللواء السر عباس ( الشايقى المتمر بالغنا )
زول أصيل وود بلد و( غتيت ) إن دعت الضرورة ..
إستضافنى فى آخر زيارة فى مكتبه برئاسة شرطة الخرطوم وأطلعت معه على جهوده لترقية غرفة العمليات وكان معه الأرباب ناصر ود الكباشى ..

والزول البتونس معاك ده سعادة ( الوزير ) محمد سعيد ..
ومالو ( محمر ) ليك كده :)
الظاهر بتونس معاك وبتذكر فى خربشاتك وفاولاتك ..
والله صورة فاقده صلاح وراق بس ..
زمن والله .. ياخى مالو كبر كده ..

45 دى دايره الزول (يبرى ) ليها قلمو شوية ..

ما تقول لى دى الرحلة القابلته فيها آدم البلالى ...

[عماد عبدالله]

مش قلت ليك ح تودّر .. !!
المصايب الإتنين البيتونسو ديل الذ ناس الدفعة ياخ ..
المواجهنا اب صرران ده هو صاحبك اللواء أحمد باهي :) .
زول نصيبه و صاحب مواقف غاية في الطرافة ، و ساخر سخرية الدنيا و العالمين .
أما المشمر ضراعو فهو أخونا اللواء أحمد السيد مكاوي .
برضو مصيبة من مصايب القفشة الحلوة و الضحكة المن القلب .
و مع ذلك فهؤلاء الناس ديل بعد حسهم الإنساني العالي ، فهم من خيرة ضباط الشرطة - ما عشان اصحابي - لكن لأنهم هم كده ..
أحمد باهي كان مدير شرطة بحري ، و أحمد السيد مدير شرطة الولاية الشمالية .

و بالضبط .. دي الرحلة الإتعملت عند الشيخ الكدرو في جناين الكدرو و لمت معظم الدفعة بما فيهم صلاح وراق و صلاح ميرغني و محمد حسب الرسول .. و غيرهم من الذين أحب .
و الفيها برضو لاقيت حاج آدم و موسى الشاخص و عمر كركون و عبدالله راحات و كبوش و علي النديم و ابراهيم عثمان و حيدر و و و وو غيرهم من خلايق الله الجميلة .
ناس تغيب عنهم قرابة العشرين سنة و لما ترجع يفتشوك و يحتفوا بيك ، فكأن الزمان ما برح ميادين كلية الشرطة و الداخليات التي شهدت التوادد و المحبات و الحوبية الجد جد


.......
هسه اقلع منك شنو نظير عدم معرفتك الإجابة :D

[سمراء]

اقتباس:
المشاركة الأصلية كتبت بواسطة عماد عبدالله http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=415820#post415820)
.......
هسه اقلع منك شنو نظير عدم معرفتك الإجابة :D


اقلع منو العداد !
موش هو " النور" ؟ :D

والله ياعمدة الف حمدلله على سلامة " الباسورد" الجابك ..منور والله معسكركم الميمون مع بقية قبيلة بنى كاكى الخضراء ..
جيتك دى تستاهل ليها ضبيحة بى شوايتها !بس الله غالب

طبعا معروف انك زول غتيت وبخيل ..بالحروف ياخ ماتتهجم ساى !
اها ف شنو تقوم تكسر لينا الانطباع ده وتتبحبح شوية ..

____
بالجمبة كدى : حيدر الزكرتو ده اسمو حيدر عجيب دحين ؟؟

[النور يوسف محمد]

مش قلت ليك ح تودّر .. !!


هسه اقلع منك شنو نظير عدم معرفتك الإجابة :D

بسم الله الرحمن الرحيم

والله يا عمدة بس مافى زول بغالطوه فى روحو .. :D

لكن والله لو ده الباهى بس أمشى المغربى اليلة دى وأغير النضارة ..

الباهى طبعاً كان مشكل مع الشيخ خلف الله أجمل ثنائى فى الدنيا ..

غايتو اليوم بدخل ليك ناس 45 كلهم البوست ده ..

بينى وبينك ما مقتنع حتى الآن ..
كدى خلى يحكم بينا ضابط بالعدل ....:)

[عماد عبدالله]

https://fbcdn-sphotos-a.akamaihd.net/hphotos-ak-snc7/298959_10150367514413340_764303339_8240287_3148841 67_n.jpg

اها .. و ديل منو ؟

........
الليلة النور ده يا عفاف ح اجهجه ليك باكاتو ..
و يا سعادتك ، زهايمرك جا مبكر شوية ..
كما كنت ياخ

[النور يوسف محمد]

https://fbcdn-sphotos-a.akamaihd.net/hphotos-ak-snc7/298959_10150367514413340_764303339_8240287_3148841 67_n.jpg

اها .. و ديل منو ؟

........
الليلة النور ده يا عفاف ح اجهجه ليك باكاتو ..
و يا سعادتك ، زهايمرك جا مبكر شوية ..
كما كنت ياخ



ياخى ديل ناس بلتونى لزم ....

عوض الكريم عبد القادر ( كستر ) :)
الفاتح المقبول الحريف الخطر ..
موسى الشاخص ...

تعال هنا ..
الزول الماسك الكمرة ده أعور ..
كل اللقطات جنباوية زى بروفايل د. الأغبش مالن ..

إنا لله .


بعدين ساعتك اللابسة دى إستلفتها من أحمد سيد مكاوى يعنى :D

[نبراس السيد الدمرداش]

تعال هنا ..
الزول الماسك الكمرة ده أعور ..
كل اللقطات جنباوية زى بروفايل د. الأغبش مالن ..

إنا لله .


بعدين ساعتك اللابسة دى إستلفتها من أحمد سيد مكاوى يعنى :D

غايتو يا نورنا ما خاتيه عليك مروجه المخدرات
كان همت من وقعتها في يدك ما تفوتها ليهو الساعه دي

ياخي والله دا بوست طاعم و سمح بس مهند ما يسمعنا

[سمراء]

اقتباس:
المشاركة الأصلية كتبت بواسطة رأفت ميلاد http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=414276#post414276)
يا جماعة البواليص دى خلاس خلسوا من ذكرياتهم الوردية .. دايرين نقلب عليهم ;)



:D:D:D

اتو العسكرية دى غيروها ولا شنو ؟
ماقلنا ليكم تجو تتمو هنا يا عسس

[البديري]

سلامات ..


كدى النقوم بدور المديدة حرقتنى ..

رعم أن شعار الشرطة " فى خدمة الشعب "

نجد هذه الأقوال الشعبية و الاغاني التراثية ..

" أصبعك لو عسكرى . أقطعو "

" شرطة الحركة ..اول من أدخل البلصة"

" صدقنى انا يا جياشى مع البوليس .. أنا ما ماشي !!" بعد مقتل القرشى "

لماذا فسد ضباط الشرطة و كانوا أنظف فئة ..

لماذا اشتهرت ميزات الشرطة بالسَكر و الشكش "

الكلمة البى الاحمر دى معناة شنو يا معتصم

[بابكر مخير]

:D:D:D
اتو العسكرية دى غيروها ولا شنو ؟
ماقلنا ليكم تجو تتمو هنا يا عسس

سعت 1000
تمام بعد 3 سنين وكمين يوم..
سبب الغياب:
متضمن في أورنيك مرضي وسبب المرض وجع الضرس المتاور ديمة...

تحت عنوان:
(حل وإنضباط)
بتذكر وأنا في فترة الستة شهور والبي قدرت قادر إتغلصت لي تلاتة شهور في كلية الشرطة ولباس الطلبة (عراقي دمورية وسروال وجزمة باتا مع الإعفاء من حلاقة الصلعة).
كنت أشكو من عدم القدرة على إستعمال المرحاض البلدي، دخلت على عميد الكلية (حينها كان سعادة العميد عثمان الشفيع "برضه حينها") وطلبت منه تقدير أمري،، بأدبه الجم ولطفه الزايد قال ليا:
يا مخير في الكلية دي كلها ما في مرحاض جلوس إلا الفي مكتبي، يعني أديك مفتاح مكتبي ولا شنهو...
بس برضه قدر لي ظرفي وهو الرجل المتفهم والراقي وإقترح عليا وبما أني كنت أسكن مع الوالد في شارع الجمهورية وقريب، ممكن يديني إذن مرتين في اليوم لمدة 1/2 ساعة،، الأول قبل تمام الصباح والتاني قبل دوام المساء...
...
...

[بابكر مخير]

تحت عنوان:
(صرامة وتقديم المصلحة)
عرف عن سعادة الفريق عبد الله حسن سالم الصرامة المتناهية والقمة في الإنضباط، وكان وقتها مدير عام الشرطة.
أذكر أنه مرة زميلي وصديقي عبد الحميد محمد عثمان بيرم (وكتها كان ملاحظ "نقيب") يقود سيارته وما خاتي الكاب في رأسه ولسؤ حظه شافه الفريق ولسة بيرم ما وصل المختبر في بري وإلا تلفون العقيد "حينها" حاكم عبد الرحم حاكم، يرن وكان المتصل المدير العام، أرما بإيقاف الملاحظ بيرم لعدم الإنضباط...
آهااااااااااااااا
يوم والملاحظ بابكر مخير حايم في مكاتب الإدارة في زيارة لبعض الأحباء الإتعرفت بيهم في فترة الكلية، أصقع بالمدير العام قدااااااااااااااااام وشي..
وأنا كنت مهيص في المظهر..
القميص نص كم تفصيل من خارج إمبراطورية عابدين عوض والبنطلون "شارلستون" والكآب مستورد من مصر وزيييييييييييييييييد على كدآ،، الساعة باليمين...
بعد التحية العسكرية وكل علامات الدهشة إترسمت في وشه. بعفوية وسذاجة تامة مني، صافحت الرجل،،،
ماسك يدي اليمين بي يمينه ودعامها بي يده الشمال وقال ليا:
إتا يا مخير بقيت مع الأنانيا (كان يميز قيادات الأنانيا وهي حركة التمرد الجنوبية الأولى، أنهم بيلبسوا الساعة في اليد اليمنى ... ما عارف السبب، يمكن شوقي يكون عنده فكرة)..
المهم وانا عايش حادثة بيرم مع المدير العام ومع طراوة شارع النيل كان العرق يتصبب مني طول المسافة في طريق عودتي للمكتب..
وصلتا والحمد لله لحدي هنا. طلعت بسرعة لمكتبي في الطابق الأول هروبا من العقيد حاكم لأني كنت مزوق منه...
بس كل الطابق الأول ضابطات وضباط، ضباط صف وأفراد، فراشات وفراشين مرتسمة على وجهوهم بسمة تخفي وراها شئ، ما سراني ولكن كنت أتوقع الأهون، ما هو حاكم كلمة كلمتين والأمور بتتسهل..
(العقيد عايزك ضروري) كانت دي الترجمة للبسمات..
العقيد حاكم:
إتا كتا كنت وين؟؟
أنا: مشيت الوزارة
العقيد: المدير شافك هناك؟
أنا والقلب جلف، نطآ فات الحلقوم وبي حشرجة كأنها جآية من جدادة مذبوحة: آآآآآآآآآآآآي.
العقيد: عايزك تبلغ عنده حسي...
أنا ولا ما أنا
الركب سابت والرأس إنصدع...
خلاصته؛ مشيت ومدير مكتبه، نط من كرسية وبي شماتة لا يعرفها إلا من زامل هاشم محمد عثمان يعرف مقدارها...
قال وبي روح تفشي: أدخل بي سرعة ..
دخلت لقيت مكتب المدير فيهو كمين خواجة وكميرات ودنيا..
قال ليا:
ديل بيعملوا في كتاب عن الشرطة في العالم ويتناول أيضاء أزياء الشرطة وعايزهم يصوروك مثال لزي ضباط الشرطة السودانية...
وإنقلبت الهجمة فرحة
وصرامة الفريق عبد الله حسن سالم راحت في جنبات مصلحة عامة.
وكان قد تم وضع صورتي في ذآك الكتاب وليها قصة "فوضوية" تانية...
...
...

[بابكر مخير]

سمورة يما
"حباب"
وأسمحي ليا أحلج ليك بوستيك
(هو التقول أصلن ما حلجة بالنقة الكتيرة)
المهم وهو شيتن ما مهم (تب)
هاشم محمد عثمان الفريق المزعوم، المن ولا شئ بقآ فريق "برشلونة"..
عينه البشير بعد ما كان مدير مكتبه التنفيذي وجازهو بمدير عام الشرطة (وتقولي ليا كآكي، يا أخي دآ يوم دآك بقآ مديره أخاف أقول،، بقآ "كآآآآآآآآآك")..
اليوم جآت الأخبار أنه بقآ وزير داخلية...
ما هي دي البقول عليها..
تموت الأسود في الغابات جوعا .... الي آخر البيت...
يا أخونا حكاية وزير الداخلية يكون شرطي ووزير الدفاع يكون عسكردي شنهو هي؟؟
يلا يا هو دآ الله وياها دي حكمته..
بس الحمد لله...
الخوف منهو يا ربي الجابهو مدير عام للشرطة..
قال:
الأعور طبزوهو في عينه العضرآ..
قال هي ما أصلها خربانة..
فليكن من يكون:frown::frown::frown:
فلن يكون أسو ممن كان (هاشم محمد عثمان)