أشجع منه لم تلد النساء صراع شاب سودانى مع مرفعين (فيديو) [الأرشيف]

جمال خضر

12-12-2011, 07:15 PM

اقتباس:
المشاركة الأصلية كتبت بواسطة سماح محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=424243#post424243)
تحياتي أخ جمال

وشكرا لإيرادك هذا الفيديو الذي شاهدته اليوم على صفحات الفيس بوك فبث فيَّ الكثير من الطاقة الإيجابية، وكنت بصدد نشره هنا ولكني عجزت لوهلة عن صياغة عنوان لشجاعة هذا الشاب..
جميل جداً..شجاعة مذهلة .. ووضوح وترتيب في الحكي و(فش غبيــنة)
الله يبرد عليهو دنيا و آخرة
ونشوف يوم في نافع وصحبه..

عظيم تحياتي له ولأمثاله من الشباب الذين لم تمت بداخلهم الرجولة والقلب الحار

الأخت سماح

لك التحية

أدهشنى بشجاعته وكلماته القوية المعبرة الى لخصت الواقع المر فى السودان

كلماته عززت الأمل بالخلاص من الشرذمة فى القريب العاجل

فتحي مسعد حنفي

12-12-2011, 08:04 PM

تسلم البطن الجابتو..غايتو الشاب دا زرع جواي الأمل بعد اليأس العشش فيني....

رأفت ميلاد

12-12-2011, 08:21 PM

مرحب بيك يا جمال خضر .. ده الكلام

جمال خضر

12-12-2011, 08:41 PM

اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=424261#post424261)
تسلم البطن الجابتو..غايتو الشاب دا زرع جواي الأمل بعد اليأس العشش فيني....

أخى فتحى مسعد حنفى
لك التحية
الواحد مسكتو الهاشمية والله سمعتوا أكثر من عشر مرات وكنت أصفق بدون
ما أشعر فى وجود أمثال هؤلاء التغيير قادم لا محالة بإذن الله

جمال خضر

12-12-2011, 08:56 PM

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/buttons/viewpost.gif (http://sudanyat.org/vb/showthread.php?p=424265#post424265)
مرحب بيك يا جمال خضر .. ده الكلام

أخى رأفت ميلاد

لك التحية

ومشكور على الترحيب الشاب ده شجع الواحد للعودة لسودانيات مشاركا
وليس مجرد إسم وباسوورد . متابع كتاباتكم القوية الى الأمام دوما أخى رأفت

النور يوسف محمد

12-12-2011, 09:55 PM

بسم الله الرحمن الرحيم

جمال ..
ياخى أول حاجة ألف مرحب بيك فى سودانيات ..
ومثل هذه النماذج النيرة تبعث الأمل وتنبئ أن هناك من لا يخشى الصدام ..
وحتماً ستكون لهم الكلمة يوماً ما بعون الله ..

أعجبنى ثباته وتصويبه المباشر
كلام مرتب وموزون ومن زول محروق ..

قيقراوي

12-12-2011, 10:09 PM

يوم الحساب سيكون عسير جداَ

-- ------

بالجد مش مفروض اي زول بداف عن النظام دا يختشي؟

اذا كان البروفسير استاذ الجامعة بقري ولدو بحرمان الاكفأ منو ..
و يكلمونا عن الدين؟
و عن الاخلاق هنا؟

سارة

12-12-2011, 10:17 PM

امنت بالذى رفع السماء بلا عمد

دا النضال الحقيقى الشهادة لله

جمال خضر

12-12-2011, 11:10 PM

اقتباس:
المشاركة الأصلية كتبت بواسطة النور يوسف محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=424280#post424280)
بسم الله الرحمن الرحيم

جمال ..
ياخى أول حاجة ألف مرحب بيك فى سودانيات ..
ومثل هذه النماذج النيرة تبعث الأمل وتنبئ أن هناك من لا يخشى الصدام ..
وحتماً ستكون لهم الكلمة يوماً ما بعون الله ..

أعجبنى ثباته وتصويبه المباشر
كلام مرتب وموزون ومن زول محروق ..

أخى النور يوسف محمد
لك التحية
مشكور على الترحيب أنا كنت موجود كإسم وباسوورد والآن الواحد دخل عالم

سودانيات والحمد لله وجدت ترحيب منقطع النظير وكانت كلمات هذا الشاب

الشجاع هى الدافع الذى جعلنى أنفض الغبار وآتى الى هذا الصرح العملاق.

غايتو نافع أخد على راسه لامن عرف حاجة

جمال خضر

12-12-2011, 11:17 PM

اقتباس:
المشاركة الأصلية كتبت بواسطة قيقراوي http://sudanyat.org/vb/images/buttons/viewpost.gif (http://sudanyat.org/vb/showthread.php?p=424283#post424283)
يوم الحساب سيكون عسير جداَ

--------

بالجد مش مفروض اي زول بداف عن النظام دا يختشي؟

اذا كان البروفسير استاذ الجامعة بقري ولدو بحرمان الاكفأ منو ..
و يكلمونا عن الدين؟
و عن الاخلاق هنا؟

أخى قيقراوى
لك التحية
أنا ما قادر أصدق أن هنالك من يدافع عن النظام عن قناعة الموضوع مصالح
وتسهيلات وكده نحمد الله على ذهاب أموال البترول عنهم فإذا حصل جفاف
مالى فهذا يؤدى الى إنفضاض الناس من حولهم وعتق الذمم المشتراة مما يعجل بذهابهم بإذن واحد أحد.

AMAL

12-12-2011, 11:22 PM

ولدي واعقر عليه

جمال خضر

12-12-2011, 11:22 PM

اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=424286#post424286)
امنت بالذى رفع السماء بلا عمد

دا النضال الحقيقى الشهادة لله

الأخت سارة

لك التحية

الشاب ده قدم درس مجانى للجميع فى كيفية النضال والمواجهة فهؤلاء
الكيزان تجدهم عند الطمع ولكنهم سيولون الأدبار عند الفزع فهذا الشاب
بكلماته القوية زرع الفزع فى داخلهم فجعلهم يتلجلجون. التحية له

جمال خضر

12-12-2011, 11:26 PM

اقتباس:
المشاركة الأصلية كتبت بواسطة AMAL http://sudanyat.org/vb/images/buttons/viewpost.gif (http://sudanyat.org/vb/showthread.php?p=424298#post424298)
ولدي واعقر عليه

الأخت أمال

لك التحية

فعلا إنسان ما عادى من يهاجم نافع وما أدراك ما نافع شجاعة منقطعة

النظير ربنا يحفظه ويسدد خطاه ويسدد خطا الشعب السودانى فى ثورته

القادمة التى تقتلع لنا نظام آل كوز من جذوره.

ام التيمان

13-12-2011, 12:24 AM

الشاب دا
اسد
زئر قدام
المرفعين

له التحية
و ربنا احفظو من السفاحين ديل

سارة

13-12-2011, 12:58 AM

طارق صديق كانديك

13-12-2011, 04:57 AM

دا لو نافع قاعد بدون أية حرس ولا هيلمانه
معناه يا قادة الانقاذ حكمتوا فعدلتوا وحقّ
للأمه العربيه ان تتمثل بكم

وبعدين هو البعثيين الديمقراطيه والعدل والعداله
شافوها وين وطبقوها وين لما جايين يبشرو
بيها فى السودان

والله عالم ما بتختشي انسان دكتور من حفروا
البحر مستكثر عليه بيت بطابقين في بري
ياناس ماتحمدوا الله لما لقيتوا ناس بتخاف
فيكم الله.

التحية للرفيق محمد العالم .. وهذا الموقف ليس بغريب عليه فقد خبر كيف هي الحياة وكيف هو النضال .. !!

شكرا اخي جمال خضر على ايراد التسجيل ومرحب بيك في سودانيات .. !!

-----

الأخ ود الخير

حرس وهيلمانة في لقاء سياسي .. ؟؟

يا اخي اتق الله .. كيف حكموا وعدلو والمظالم في السودان بلا عدد ..؟

ان البعثيين في السودان لا يحتاجون لصك اعتماد من ( حكامك العادلين البخافوا الله ) ليتحدثوا باسم الناس فقد خبرتهم السجون وبيوت الاشباح والرصاص لا يعرفون المهادنة أو التلوين .. !!

الذي يعتقد أن هؤلاء المجرمين يخافون الله فينا لم يترك سبيلا للحوار معه بغير ما تفضل الرفيبق محمد العالم أن نفضحهم هكذا أمام الناس ... !!.
قلت لي دكتور من حفروا البحر .. !!؟ هذا النافع صاحب أكبر ثروة حيوانية في البطانة .. برضو الدكتوراة ما ساهلة والله بتجيبا ... !!

Sana Mursi

13-12-2011, 04:59 AM

والله الشاب ده ميد ماي دي يستردي
وكيف كيف الكيف زاتو
و نزل ليك ربربربربر وبدون ما يشم نفس و د\ ضار علي ضار اتخلع اكتر من خلعته في لندن و غلبوا يسوي شنو و بقى يحل في كلمات متقاطعه بتاعت جريدة خال الرئيس. عاينوا ليه مدنقر وما قادر يرفع راسه.

على جنب
يا ود الخير انتو الكيزان ليكم الملكيه الفكريه لكلوجة الحقائق والباسها ثوب غير ثوبها الحقيقي.
قلت لي نافع جاي بدون كلاب امن بالله شوف , يا زول عنصر المفاجاة و ما تنسى انو في لحظه ذي لو اتدخل كلاب الامن رد الفعل كان حيكون كيف و بي بساطه كان حكومتكم الرشيده دي بقت في خبر كان والصبر على الشاب الجميل ده هي ثعلبه من نافع ليس الا و لغاية ما يفبركوا ليه قصص ويلفقوا ليه صحيفة سوابق ويجوا يقروها ذي القراها الوالي بتاع البصات السياحيه في البت الاتجلدت في الكباجاب.
ياخي نجيب ليكم مراره من وين بعد الاتفقعت واستاصلناها قبل 5 سنوات
انا لله انا لله وانا اليه راجعون

Sana Mursi

13-12-2011, 05:17 AM

التحية للرفيق محمد العالم .. وهذا الموقف ليس بغريب عليه فقد خبر كيف هي الحياة وكيف هو النضال .. !!

شكرا اخي جمال خضر على ايراد التسجيل ومرحب بيك في سودانيات .. !!

-----

الأخ ود الخير

الذي يعتقد أن هؤلاء المجرمين يخافون الله فينا لم يترك سبيلا للحوار معه بغير ما تفضل الرفيبق محمد العالم أن نفضحهم هكذا أمام الناس ... !!.
قلت لي دكتور من حفروا البحر .. !!؟ هذا النافع صاحب أكبر ثروة حيوانية في البطانة .. برضو الدكتوراة ما ساهلة والله بتجيبا ... !!

عارف يا طارق اختي بت امي وابوي ( شافوها العمد وجنابو وناصر)حضرت الماجستير بفضل المعونه الامريكيه لما كانت بتقدم معونات لوزارة الزراعه السودانيه(88-91) وكانت ام لطفلتين وقتها.
و حضرت الدكتوراه على حسابها الخاص و نالتها من جامعة النيلين(القاهره الفرع سابقا)2006 وهي ام لاربعه,ولغاية تاريخه لم يتم تعيينها في اي جامعه خرطوميه او اقليميه حكوميه بل العكس اتفصلت للصالح العم هي و زوجها ولسبب واخد فقط لانها لا كوزه ولا عندها كوز ضهر عشان يتوسط ليها في العصر التركي الجديد , زمن المحسوبيه والرشاوي.
في حين انو واحده دفعتي اتخرجت من كلية الخدمه الاجتماعيه بجامعة حلوان ولانها كوزه اتعين في الجامعه الاساميه كمعيد وحضرت عاى حساب الحكومه الرشيده وحسي هي وكيلة كليه مع العلم انا واختي فرق العمر والخبره طبعا 10 سنوات.
وتقول لي دكتوراه ولا بطيخ المعيار الحقيقي واسطه \ رشوه\ انتماء للمؤتكر اللاوطني والا فما عليك الا ان تبل شهادتك ودرجاتك العلميه وخبرتك العمليه والحياتيه وتموصه و تشرب مويتها على قول رئيسهم.

ود الخير

13-12-2011, 07:12 AM

محمد صلاح

13-12-2011, 07:37 AM

ترفع القبعات وتتوالى الإنحناءات احتراماّ للمناضل / محمد حسن عالم (بوشي) الذي خرج توه من معتقلات النظام ولم يأبه لسطوتهم وجبروتهم والذي اثلج صدري انه تكلم في حضرة (نافع ) اكثر رجال النظام استبداد واكثر من مارس العسف تجاه المواطنين بل اكثر الناس سادية ودموية هذا ما عرف عنه وما خفي تزكم رائحة الانوف
نحن لا نخاف على المناضلين والشرفاء طالما قبلو ان تكون حياتهم رهن الاعتقال أو الاستشهاد

‎...
الخبر الاكيد قالو الصديق متربس جوة
وما بتخلى عن الرفيق حتى ان بقت في هوة
ســاعة الدرك ما بنسى شرط الخوة
كباس للدهم فوق البقول يامروّة
...
هع
ابشر يا .. بوشي
البطن الجابتك والله ما بتندم

جيجي

13-12-2011, 07:44 AM

أبوبكر عباس

13-12-2011, 07:47 AM

والله عالم ما بتختشي انسان دكتور من حفروا
البحر مستكثر عليه بيت بطابقين في بري
ياناس ماتحمدوا الله لما لقيتوا ناس بتخاف
فيكم الله.
صلاح كرار سألوهو بيتك بتاع الرياض بنيتو كيف وانت موظف؟ قال ليهم : من سنة 77 لحدي 80 كنت مغترب بالإمارات.
الشي الأنا متأكد منو انو نافع لحدي سنة 89 كان ساكن في بيوت الجامعة بشمبات ولحدي هسع الدكاترة الحفروا معاهو البحر ما عندهم بيوت إن شاء الله طابق بالأطراف!!

بدر الطائف

13-12-2011, 08:04 AM

غايتوكلام محمد العالم ده موجع اكتر من دقة لندن ديك.
تانى بتجى يانافع.

حافظ حسين

13-12-2011, 08:09 AM

عليكم الله يا ناس الإدارة تنزلوا بوست (روز و الغفاري) دا من فوق المنبر و تخت فووووووووووووق هذا الشجاع .....

كلام أقوي من الرصاص
و لنا الصباح

ود الخير

13-12-2011, 08:33 AM

[QUOTE=طارق صديق كانديك;424313][COLOR="DarkRed"][SIZE="4"]

التحية للرفيق محمد العالم .. وهذا الموقف ليس بغريب عليه فقد خبر كيف هي الحياة وكيف هو النضال .. !!

شكرا اخي جمال خضر على ايراد التسجيل ومرحب بيك في سودانيات .. !!

-----
الأخ ود الخير

حرس وهيلمانة في لقاء سياسي .. ؟؟

والله يا أخ طارق من البسمعوا في نافع دا
أنا فاكروا بمشي بعربيه مصفحه
يعني نقول كدا الديمقراطيه البجي
بعدها الإنقلاب بدأت في السودان

الله يولي من يصلح أخي طارق
لكن عني ترانزيت مابعملو في دوله
حاكمها بعثي ناهيك أني أستبشر
خير انو على أيدو حا تسعد بلادي
الأنقاذ سابحه في تيار الشعب السوداني
ودونك التعتير العائش فيه شعبنا فما بالك
من يريد ان يسبح بنا عكس التيار والريح

وما بين جلابيه الإنقاذ المفصله علي مقاس 96٪
من الشعب السوداني والجلابيه المستورده المظلومه
حا يستمر كيّك وعذابك يا شعبي

سمراء

13-12-2011, 09:00 AM

معقولة وصلنا للمرحلة دى ياناس !!
ياحليل زمن ناس جدى يعلم الله

زمان الناس كلهم ذى الشاب ده ، الاستناء كان لو عمل غير كدة !
الخوف الان اتسيطر على النفوس ، الخشية ملة قلوب الناس من كلمة الحق ،
الزول البقول كلمة قوية ويصادم - بقى مفخرة لانو براهو وسط كم هائل من ناس حلقها اتحجر ولسانة برد لانو قلبها اتملى بالخوف !!
الخوف - والحق ..مابتلاقو فى جوف زول حر

ياجماعة لو ما مرقنا من جلاليبنا الضيقة ، البلد ماااابمشى بمهلة ..

ابعدو من الحزبية الضيقة عشان نتوسع فى المشى ...

زول الله

13-12-2011, 09:03 AM

الأنقاذ سابحه في تيار الشعب السوداني
ودونك التعتير العائش فيه شعبنا فما بالك
من يريد ان يسبح بنا عكس التيار والريح

وما بين جلابيه الإنقاذ المفصله علي مقاس 96٪
من الشعب السوداني والجلابيه المستورده المظلومه
حا يستمر كيّك وعذابك يا شعبي
ودالخير سلام
سؤال: انت عايش في سودانا الوااااحد دا وللا حتة تانية؟؟

تحية إجلال وتقدير لمن قال لا في مواجهة وليس من خلف كيبورد
تحية إحترام وقبعة مرفوعة لمن قال لا بالطريقة الصاح

اقول قولي هذا واستغفر الله لي ..................

جمال خضر

13-12-2011, 09:27 AM

الإخوة الأعزاء بجيكم راجع إنشاء الله

بله محمد الفاضل

13-12-2011, 09:31 AM

تحياتي جمال
ومرحباً بك

وتعظيم سلام لهذا الشاب الجدع
رغم أني لم أعرف إلى اللحظة ما قاله
فهل يتكرم علينا أحدكم بكتابة ما قاله لهذا الضار
...

تحياتي واحترامي

سارة

13-12-2011, 10:52 AM

ودالخير سلام
سؤال: انت عايش في سودانا الوااااحد دا وللا حتة تانية؟؟

تحية إجلال وتقدير لمن قال لا في مواجهة وليس من خلف كيبورد
تحية إحترام وقبعة مرفوعة لمن قال لا بالطريقة الصاح

اقول قولي هذا واستغفر الله لي ..................

صح لسانك يا ابو فجر

الناس ديل دايرين عشرة بس زى الاسد دا وتقوم قيامتهم
نضال الشتائم والكىبوردات اصبح ما عندو قيمة لما ينط ليك
واحد زى ود الخير ويمرقك عن جادة الطريق
دايرين مواجهة عينى عينك والحشاش اليملأ شبكتو

سارة

13-12-2011, 10:54 AM

تحياتي جمال
ومرحباً بك

وتعظيم سلام لهذا الشاب الجدع
رغم أني لم أعرف إلى اللحظة ما قاله
فهل يتكرم علينا أحدكم بكتابة ما قاله لهذا الضار
...

تحياتي واحترامي

بلبل يا جميل لو ما سمعت نص عمرك ضاع
اللى حصل واللى جرى ولا ينكتب ولا ينأرى:p

أميرى

13-12-2011, 12:22 PM

سلام علي الولد البشيل سودانو في عينو ...و ما لاوز

دي سرقتها مخصوص عشانك

Sana Mursi

13-12-2011, 12:39 PM

قبل 4 ساعات تقريبا زوجي صحى متوحم بسمك وقال ارح نمشي ناد الربيع بالعاسيه ناكل سمك طازه ونجيب لي ناس البيت وانا ما كضبت خبر.
مشينا واكلنا السمك الطازه وملهلب بمزاااااااااااااااج ومشى جاب لينا شامبيون و طلعت اغسل يدي من اثار الجريمه وكان ف كوز بيغسل يده قصادي وما انتبهت له وما اشتغلت بيه بس سمعت ليك زول بيقول لي غطي شعرك ربنا بيعزبك وبيدخلك النار , عاينت لمصدر الصوت لقيت زول بيعاين لي وغالبا كانت النظره التالته ويا كوز جاك بلا قلت ليه مالك ومالي انا دايره اتعزب واخش النار الحشرك شنو وهو مصر يتحشر قلت ليه اخير ليك يا عفن تتلمى وبلاكيزان بلا لمه معاك و وبلا حركات معاك ومع رئسك الحيوان وانتو بتعرفوا الحرام سرقتوا بلد كامله بي ناسها و جاء زوجي قال لي مالك حكيت ليه قال وينو الحيوان ده , حصلناهو في عربيته وقال ليهو انا زوجها وبقول ما تغطي شعرها مالك ومالها وقام دور العربيه عشان يجري فنيتو بقزازة الشامبيون الما شربت منها جغمه.
خرب لي مزاج السمك ياخ حريقه تحرق الكيزان تجار الدين.

سمراء

13-12-2011, 12:56 PM

اقتباس:
المشاركة الأصلية كتبت بواسطة Sana Mursi http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=424401#post424401)

خرب لي مزاج السمك ياخ حريقه تحرق الكيزان تجار الدين.

ماعرفتك يابت والله !!
اها يلا النسمعك كلام الببكيك ، ويبكى معاك ياشريرة
اول شى انت الغلطانة ، اى والله
والغلط راكبك من راسك الكاشف ده :D ولحد كرعيك السكيتى بيهن الراجل المسكين المرقنو كرعينو !!
اول شى القال ليك منو الزول ده كوز ؟؟ مايمكن زول شغال بمبداء الامر بالمعروف والنهى عن المنكر !ويكون عداهو العيب ياخ !
بارك الله فيمن اهدى الى عوراتى ..ولا عيوبى هى ؟ مافرقت
بعدين القال ليك الكيزان بنبهوك منو ؟ على بالقسم يتفرجو كده لمن يقولو بس !;)
ويعملو رايحين ...
وتانى شى ياسنوية ، البوديك تاكلى السمك شنو وانا لا اسع مافطرتة ؟ الله يعلم عيونى مطششات اسع
انت شكلك جاية تعملى لينا ازمة فى البحر ..سمك وتركين ياخ :D

تالت شى : الشامبيون ده اختيهو

اسامة عبدالماجد

13-12-2011, 12:59 PM

الأخ جمال خضر
تحياتي ..
ومرحب بيك في سودانيات وياااااااا له من مدخل.

محمد حسن عالم (بوشي) كان يتحدث بلسان الشعب السوداني .. وكان يرتكز على صفات الشخصية السودانية الحقة (الشجاعة، الوضوح، المواجهة) لأنه خرج من رحم معاناة الشعب السوداني .. ورضع أوجاعه .. وشب في شوارعه الحزينة وهو يحمل في عينيه أمل باكر .. ففاجأه باكر بالفجائع الكبيرة .. فلم يحتمل فسن حنجرته بالهتاف ليرسم معالماً جديدة للنضال والفعل.

ليس غريباً أن يصادم أو يواجه فهو متحدث الأركان طوال سنوات دراسته بجامعة النيلين .. ولا يعرف الخوف لأنه تجرع كل ما وصلت إليه الآلة الجهنمية لأجهزة الأمن من أساليب مبتكرة في الإعتقال والتعذيب والتشريد.

هكذا بدا نافع على نافع وكأن على رأسه الطير .. متضائلاً منزوياً ومحتاراً من هول هذه المواجهة ولأنه كان بطل من ورق فلم يصمد أمام لهب الحقيقة التي كان ينفحها به محمد بوشي فلاذ بالصمت .. مجبر أخاك لا بطل..

سلمت يمناك وسلم لسانك .. ولنكن كلنا محمد حسن عالم لفضح هذا النظام وجرائمه البشعة في حق هذا الشعب.

ملحوظة: ياريت لو تم إضافة بعض الإشارات في العنوان توضح علاقة الفيديو بفضح نافع على نافع.. ليكون ملفتاً.. مع تقديري.

Sana Mursi

13-12-2011, 01:07 PM

ماعرفتك يابت والله !!
اها يلا النسمعك كلام الببكيك ، ويبكى معاك ياشريرة
اول شى انت الغلطانة ، اى والله
والغلط راكبك من راسك الكاشف ده :D ولحد كرعيك السكيتى بيهن الراجل المسكين المرقنو كرعينو !!
اول شى القال ليك منو الزول ده كوز ؟؟ مايمكن زول شغال بمبداء الامر بالمعروف والنهى عن المنكر !ويكون عداهو العيب ياخ !
بارك الله فيمن اهدى الى عوراتى ..ولا عيوبى هى ؟ مافرقت
بعدين القال ليك الكيزان بنبهوك منو ؟ على بالقسم يتفرجو كده لمن يقولو بس !;)
ويعملو رايحين ...
وتانى شى ياسنوية ، البوديك تاكلى السمك شنو وانا لا اسع مافطرتة ؟ الله يعلم عيونى مطششات اسع
انت شكلك جاية تعملى لينا ازمة فى البحر ..سمك وتركين ياخ :D

تالت شى : الشامبيون ده اختيهو

اوفه ياااااااااااااااااخ كوز لمن غلط وكان بيتكلم معاي وهو في النظره ال20 ولسه مواصل يعاين وعامل دقن الاستثمار الاسلامي و عربيته قزازها مصفح و قارورة الشامبيون حتى ما خدشتوا.

سمراء

13-12-2011, 01:14 PM

اقتباس:
المشاركة الأصلية كتبت بواسطة Sana Mursi http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=424412#post424412)
اوفه ياااااااااااااااااخ كوز لمن غلط وكان بيتكلم معاي وهو في النظره ال20 ولسه مواصل يعاين وعامل دقن الاستثمار الاسلامي و عربيته قزازها مصفح و قارورة الشامبيون حتى ما خدشتوا.

يعنى حكاية غطى راسك كانت حنك عاضى منو ؟
اذا دى حركة فى شكل وردة ....يكون غلبو التعبير ساى ..

بس برضو كنتى تحسنى الظن يازولة ، ومافيها شى لو جريتى توبك وغمتى راسك ،،،عادى اهو تكونى استثمرتى حركتو فى شى كويس

نحنا ياسناء لو بارينا على فكرة انطباعيتنا عن الكيزان ، حانغلط فى ناس كتار ، وفى روحنا دى زاااته ..عشان كده المصريين بقولو اولاد ....ماخلو لى اولاد الحلال حاجة ....والعياذ بالله

طولى بالك يا اختااااااااااه وركزى فى سمك البنفعك :D

اسامة عبدالماجد

13-12-2011, 01:37 PM

هنيئاً للشعب السوداني بالإنقاذ وقادته
إذا هذه هي عيوب أنفذ حكام الإنقاذ
في السلطه خلال أكثر من عشرين سنه!!
إشارات هذا المناضل
خواف ومكتبه ما بفتحه حتي للإسلاميين
الدرجه العلميه نالها علي حساب الشعب السوداني
كلام الانقاذ دوماً عن الأخلاق
لهته السلطه وعندو عماره في بري
ولدك قبول خاص
ولدك مربت ثلاثه مرات بالجامعه
ولدك عملوا ليه منظمه

ود الخير ..
إن هذه ليست (عيوب أنفذ حكام الإنقاذ في السلطه خلال أكثر من عشرين سنه!!) ليست هذه فقط .. فلا المكان ولا الزمن المتاح كان يسع لسرد الكم المهول من جرائم انفذ حكام الإنقاذ.. فهي دقائق سمحت بها المنصة فحاول هو جاهداً أن يختزل الحديث ..
هل تريد كشفاً مفصلاً بأسماء من تم حشرهم في بيوت الأشباح.. أم هل تريد كيفية ممارسة التعذيب وأدواته الغريبة على الأخلاق السودانية.. أم هل تريد قائمة بأسماء الأكرم منا جميعاً (الشهداء) الذين قدموا ارواحهم فداً لهذا الوطن وإنسانه.. هل تريد كشفاً بعدد ملايين الدولارات التي دخلت جيب شيخك الفذ منذ دخوله الإنقاذ وهو الذي لم يكتب إبراء ذمة بممتلكاته قبل تنصيبه في حكومة الإنقاذ.. أم هل تريد أن تعرف كيف غادر الزعيم إسماعيل الأزهري هذه الفانية ولم يكن يملك منزلاً وهو رئيس دولة لسنوات طويلة ومثله كثير من المناضلين..

أدناه كشف صغير بأملاك معالي الدكتور نافع علي نافع ولاية الخرطوم:
1- قصر مشيد في المنشية في الخرطوم ، مكان أقامته الحالية.
2- عمارتان تطلان علي النيل الازرق ، وبجوار فندق القرين فليدج في الخرطوم !
3- مزرعة بمساحة 16 مليون متر مربع في العيلفون ، ومحصنة بسور اسمنتي بطول 16 الف متر طولي !
4- قصر مشيد من عدة طوابق في الرياض لسكن أبنته ، المتزوجة من أبن المرحوم الزبير محمد صالح !
العقارات أعلاه في ولاية الخرطوم فقط !
ولم نذكر العقارات في مسقط رأسه في ولاية النيل !
كما لم نذكر الحسابات الدولارية المرقمة ، في ماليزيا ودبي !

وأدناه صورة لقصر الأميرة نسيبة نافع على نافع إبنة مثلك الأعلى في الزهد:

http://www.sudanyat.org/upload/uploads/4d44d3d023597.jpg

وهذا قليل من كثير.

نبراس السيد الدمرداش

13-12-2011, 01:39 PM

بقول غنوات .. واقول غنوات
فى البلد البسير جنياتها لى قدام ..
وفى الولد البتل ضرعاتو فى العرضة
ويطير فى الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
وفى الولد البشيل مدقاقتو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة فى النسمة الصعيدية
وياجهرة نهار الليلة بدرية
رحيح جنياتنا فى
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق فى الوادى هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذى ركز الأرض معبد
وسوى الناس عليها مقام
سألتك بى حجا الأمات ودعواتنا ..
سألتك بى كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل
يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين
تراب بلدو وسماح فوق بت مزارعية
وبقول غنوات

لله درك يا محمد,ربنا يحفظك

ود الخير موش قلت ليك امس
في ناس لو ادوها تلسكوب ما بتشوف

Hassan Farah

13-12-2011, 04:32 PM

صلاح كرار سألوهو بيتك بتاع الرياض بنيتو كيف وانت موظف؟ قال ليهم : من سنة 77 لحدي 80 كنت مغترب بالإمارات.
الشي الأنا متأكد منو انو نافع لحدي سنة 89 كان ساكن في بيوت الجامعة بشمبات ولحدي هسع الدكاترة الحفروا معاهو البحر ما عندهم بيوت إن شاء الله طابق بالأطراف!!
----------------------------------------------------------
غايتو يا بابكر الشاب دا ود امو وابوهوعفارم عليه...فضح الحرامى نافع واسرته وفسادهم بالدلائل الثابتة...بس هو نافع براهو..اول امس مصطفى عثمان اسماعيل بعضمة لسانه ذكر فى لقائه مع الصادق المهدى انه قبل انقلاب الانقاذ كان ساكن فى الكلاكلة.. يا ربى هسع ساكن فين..

AMAL

13-12-2011, 09:45 PM

الروح وصلت الحلقوم
دي المناظر
السؤال لماذا المستهدف دايما الجلف نافع دون غيرو من العصابة؟؟؟

شبال للجسورة سناء
الكيزان بعددا العضو جلاليبن بس:D

اهلا بيك يا خضر وترحيب كبير

غلالات الشذى

13-12-2011, 10:26 PM

فالوحش يقتل ثائراً .. و الأرض تنبت ألف ثائر !

يا كبرياء الجرح ! لو متنا لحاربت َ المقابر !

فمــــلاحم الدم في ترابك ِ مــــــــالها فينا أواخر

حتى يعـــــــودَ القمح ُ للفلاح يرقص في البيادر

و يُغرّدَ العصفور حين يشاء في عرس الازاهر

و الشمس تشرق كل يوم .. في المواعيد البـواكر

****

ألف تحيه وألف شكر أيها الفتي الثائر حتي النصر

باشمهندس محمد حسن عالم

ناصر يوسف

13-12-2011, 10:34 PM

وكم منه قد تبقي ليقودنا إلي طرحِ الظُلمِ أرضاً ؟؟
كم من مثلِ هذا الجسور قد تبقي منا وقد نَكَسَنا كُلُنا رؤوسنا في الرمال ؟؟
لله دره هذا الفتي ،،، لله درُهُ وكفي

شكراً جمال ،، شكراً علي هذا الفيديو ،، شكراً بحق

رحاب سليمان

14-12-2011, 01:27 AM

عفارم … عفارم … يا شعباً مسالم .. يا حر الإرادة… وجماعي القيادة يا وكتين تصادم
بروقك تضوي … ورعودك تدوي .. ورياحك تقصقص رقاب المظالم
تحياتي جمال

ود الخير

14-12-2011, 08:43 AM

ماعرفتك يابت والله !!
اها يلا النسمعك كلام الببكيك ، ويبكى معاك ياشريرة
اول شى انت الغلطانة ، اى والله
والغلط راكبك من راسك الكاشف ده :D ولحد كرعيك السكيتى بيهن الراجل المسكين المرقنو كرعينو !!
اول شى القال ليك منو الزول ده كوز ؟؟ مايمكن زول شغال بمبداء الامر بالمعروف والنهى عن المنكر !ويكون عداهو العيب ياخ !
بارك الله فيمن اهدى الى عوراتى ..ولا عيوبى هى ؟ مافرقت
بعدين القال ليك الكيزان بنبهوك منو ؟ على بالقسم يتفرجو كده لمن يقولو بس !;)
ويعملو رايحين ...
وتانى شى ياسنوية ، البوديك تاكلى السمك شنو وانا لا اسع مافطرتة ؟ الله يعلم عيونى مطششات اسع
انت شكلك جاية تعملى لينا ازمة فى البحر ..سمك وتركين ياخ :D

تالت شى : الشامبيون ده اختيهو

صباحك خير يا سمراء
والله يعدلها عليك دنيا وآخره
وعجبني جداً إسلوبك الجميل فى
إسدى النُصح
والعجبنى أكثر قبول النصح!

إتخيلى لو ما جيتي من حلفا
وأديتينى الأمل دا؟
كان عندي آخر عِمّه حا أمشي أحرقها الليله!!

Sana Mursi

14-12-2011, 09:30 AM

يعنى حكاية غطى راسك كانت حنك عاضى منو ؟
اذا دى حركة فى شكل وردة ....يكون غلبو التعبير ساى ..

بس برضو كنتى تحسنى الظن يازولة ، ومافيها شى لو جريتى توبك وغمتى راسك ،،،عادى اهو تكونى استثمرتى حركتو فى شى كويس

نحنا ياسناء لو بارينا على فكرة انطباعيتنا عن الكيزان ، حانغلط فى ناس كتار ، وفى روحنا دى زاااته ..عشان كده المصريين بقولو اولاد ....ماخلو لى اولاد الحلال حاجة ....والعياذ بالله

طولى بالك يا اختااااااااااه وركزى فى سمك البنفعك :D

سموره تجربتي في الحياة علمتني ما احسن الظن باي كوز على وجه الارض لانهم حتى الله ما سلم منهم وحاولوا يغشوا الناس بقال الله وقال الرسول وما هم الاتجار دين ودينهم استرتش على مقاسهم وبيتغير على حسب المكان والزمان وبيتلونوا ذي الحربويه.
وانا الحمد لله ربنا راضي عني اكتر منهم وشفت كتير من علامات رضاء الله ورضاء والديي الله يرحمهم. وما مستنيه كوز يجي يوزع لي صكوك غفران لاني والحمد لله لا اكلت مال حرام ولا باكذب واتدهنس ولا بنافق زيهم والغلط بقول عليه غلط كان لي ولا علي.
زمان سنة 93 واحد من الكيزان اسمه ابو عكر لاقاني في رسيبشن مكتب وكنت هناك عشان اقدم لوظيفه وقال لي اتجاهك اسلامي ؟وقلتا ليه لا ,استغرب من صراحتي او بجاحتي و قلت ليه علاقتي بي ربنا واداء فروض الاسلام مافي مخلوق بيحاسبني عليه وانا ما اتجاه اسلامي وما حاكون في يوم من الايام.
قال لي فكري في الموضوع ده ولو بقيتي مستعده تبقي اتجاه اسلامي باشغلك في الحته الانتي عايزها قلت ليه ما دايراك تشغلني وما حابقى اتجاه اسلامي لا حقيقيه ولا مزيفه.
وتاني في نفس السنه ملحنا في عربيه بوكس دبل كابين قريب من موقف شندي بعدما وصلت بت خالتي الكانت ماشه شندي لخالي الله يرحمه وكان في الراديو اخبار واتكلموا في الاخبار عن انو امريكا بتدين السودان لرعايتها للارهاب وسالني سيد البوكس عن رائ : قلت ليه امريكا ما من حقها تدين اي بلد لانها بترعى اكبر بلد عنصريه و هي اسرائيل : قامت اتكيف من كلامي وافتكرني ببرئي السودان من التهمه وطوالي توشك وقال لي : تشتغلي في الامن؟ قلت ليه لالالالالالالا
قال لي حنديكي رقم ما متزكراهو حسي لكن كان فلكي , قلت ليه لالالا
قال علاقتي في الوسط النسائي كيف ؟ قلت ليه منعدمه
قال للظروف الاقتصاديه؟ قلت ليه لانعدام الحميمه والناس ما بقت ذي زمان
قال لي فكري!!!!!!!! قلت ليه لالالالالا
قال لي ليه؟ قلت ليه اخلاقي و تربيتي ما بتسمح لي اشتغل الشغلانه دي
قال انتي من وين؟ قلت ليه من عبري\ السكوت\الشماليه قال لي اي سي
مع اي سي كنت وصلت قصاد شارعنا في ناصر , قلت ليه انا وصلت ممكن انزل
نزلني ومشينا كل منا لحال سبيله
مشيت البيت مش اتعرض علي اشتغل جاسوسه عليكم وعلى الجيران

Sana Mursi

14-12-2011, 09:32 AM

صباحك خير يا سمراء
والله يعدلها عليك دنيا وآخره
وعجبني جداً إسلوبك الجميل فى
إسدى النُصح
والعجبنى أكثر قبول النصح!

إتخيلى لو ما جيتي من حلفا
وأديتينى الأمل دا؟
كان عندي آخر عِمّه حا أمشي أحرقها الليله!!

قوم لف بالسوداني
اتلهي بالمصري
واحرق عمتك عشان الكوز داس بنزين وجرى مني امس

بدر الطائف

14-12-2011, 09:46 AM

بعدين القال ليك الكيزان بنبهوك منو ؟ على بالقسم يتفرجو كده لمن يقولو بس !;)
ويعملو رايحين ...

صباحك خير يا سمراء
والله يعدلها عليك دنيا وآخره
وعجبني جداً إسلوبك الجميل فى
إسدى النُصح
والعجبنى أكثر قبول النصح!

إتخيلى لو ما جيتي من حلفا
وأديتينى الأمل دا؟
كان عندي آخر عِمّه حا أمشي أحرقها الليله!!

بدون تعليق والله.

حامد محمداني

14-12-2011, 02:37 PM

الاستاذ جمال خضر
زكرنى الباشمهندس محمد بشجاعة صدام حسين للقاضى حين قال له
لولا الامريكان لا انت ولا أبوك يجيبنى الى مكان مثل هذا فالتحية للبعث الذى
أنجب محمد والتحية للام الجابتو[/]

عبدالمنعم الطيب حسن

14-12-2011, 05:46 PM

ياسلام ياخ
دا الكلام
والله لامن شعرت جلدي كلبت !!!
وامتلأت فرحا وسرورا وبهجه
حتى غازلني الماره في الشوارع ...
والجمله الاخيره للاستاذ بشرى الفاضل .
لله درك يا لك من شجاع ،

طارق صديق كانديك

16-12-2011, 12:25 PM

المهندس الرفيق محمد الحسن عالم ( بوشى )

http://www.sudanyat.org/upload/uploads/aalim.jpg

جمال خضر

16-12-2011, 10:28 PM

اقتباس:
المشاركة الأصلية كتبت بواسطة ام التيمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=424309#post424309)
الشاب دا
اسد
زئر قدام
المرفعين

له التحية

و ربنا احفظو من السفاحين ديل

الأخت أم التيمان
شكرا على المرور فعلا هذا الشاب قدم درس لنا ولهم لا يقدر بثمن وربنا يحفظه ذخرا للوطن

جمال خضر

16-12-2011, 10:36 PM

اقتباس:
المشاركة الأصلية كتبت بواسطة طارق صديق كانديك http://sudanyat.org/vb/images/buttons/viewpost.gif (http://sudanyat.org/vb/showthread.php?p=424313#post424313)

التحية للرفيق محمد العالم .. وهذا الموقف ليس بغريب عليه فقد خبر كيف هي الحياة وكيف هو النضال .. !!

شكرا اخي جمال خضر على ايراد التسجيل ومرحب بيك في سودانيات .. !!

-----

الأخ ود الخير

حرس وهيلمانة في لقاء سياسي .. ؟؟

يا اخي اتق الله .. كيف حكموا وعدلو والمظالم في السودان بلا عدد ..؟

ان البعثيين في السودان لا يحتاجون لصك اعتماد من ( حكامك العادلين البخافوا الله ) ليتحدثوا باسم الناس فقد خبرتهم السجون وبيوت الاشباح والرصاص لا يعرفون المهادنة أو التلوين .. !!

الذي يعتقد أن هؤلاء المجرمين يخافون الله فينا لم يترك سبيلا للحوار معه بغير ما تفضل الرفيبق محمد العالم أن نفضحهم هكذا أمام الناس ... !!.
قلت لي دكتور من حفروا البحر .. !!؟ هذا النافع صاحب أكبر ثروة حيوانية في البطانة .. برضو الدكتوراة ما ساهلة والله بتجيبا ... !!

أخى طارق صديق كانديك

لك التحية والتحية للبطل المقدام الذى هز عرش الطغاة برصاص كلماته القوية

مشكور أخى لى الترحيب الحار

جمال خضر

16-12-2011, 10:43 PM

اقتباس:
المشاركة الأصلية كتبت بواسطة Sana Mursi http://sudanyat.org/vb/images/buttons/viewpost.gif (http://sudanyat.org/vb/showthread.php?p=424314#post424314)
والله الشاب ده ميد ماي دي يستردي
وكيف كيف الكيف زاتو
و نزل ليك ربربربربر وبدون ما يشم نفس و د\ ضار علي ضار اتخلع اكتر من خلعته في لندن و غلبوا يسوي شنو و بقى يحل في كلمات متقاطعه بتاعت جريدة خال الرئيس. عاينوا ليه مدنقر وما قادر يرفع راسه.

على جنب
يا ود الخير انتو الكيزان ليكم الملكيه الفكريه لكلوجة الحقائق والباسها ثوب غير ثوبها الحقيقي.
قلت لي نافع جاي بدون كلاب امن بالله شوف , يا زول عنصر المفاجاة و ما تنسى انو في لحظه ذي لو اتدخل كلاب الامن رد الفعل كان حيكون كيف و بي بساطه كان حكومتكم الرشيده دي بقت في خبر كان والصبر على الشاب الجميل ده هي ثعلبه من نافع ليس الا و لغاية ما يفبركوا ليه قصص ويلفقوا ليه صحيفة سوابق ويجوا يقروها ذي القراها الوالي بتاع البصات السياحيه في البت الاتجلدت في الكباجاب.
ياخي نجيب ليكم مراره من وين بعد الاتفقعت واستاصلناها قبل 5 سنوات

انا لله انا لله وانا اليه راجعون

الأخت سناء مرسى

لك التحية ومشكورة على المرور وعلى الكلمات القوية والمنطقية فى تحليل الواقعة وفعلا فوجئ نافع
برصاص الكلمات الذى أتى سريعا مما أصاب هدفه بدقة وأى تدخل لمنعه كانت ستترتب عليه تبعاتلا يحمد عقباها من هرج ومرج سيأتى بنتائج عكسية تهز أكثر وأكثر صورة النظام التى هى أصلامهزوزة.

جمال خضر

16-12-2011, 10:48 PM

اقتباس:
المشاركة الأصلية كتبت بواسطة محمد صلاح http://sudanyat.org/vb/images/buttons/viewpost.gif (http://sudanyat.org/vb/showthread.php?p=424326#post424326)
ترفع القبعات وتتوالى الإنحناءات احتراماّ للمناضل / محمد حسن عالم (بوشي) الذي خرج توه من معتقلات النظام ولم يأبه لسطوتهم وجبروتهم والذي اثلج صدري انه تكلم في حضرة (نافع ) اكثر رجال النظام استبداد واكثر من مارس العسف تجاه المواطنين بل اكثر الناس سادية ودموية هذا ما عرف عنه وما خفي تزكم رائحة الانوف
نحن لا نخاف على المناضلين والشرفاء طالما قبلو ان تكون حياتهم رهن الاعتقال أو الاستشهاد

‎...
الخبر الاكيد قالو الصديق متربس جوة
وما بتخلى عن الرفيق حتى ان بقت في هوة
ســاعة الدرك ما بنسى شرط الخوة
كباس للدهم فوق البقول يامروّة
...
هع
ابشر يا .. بوشي

البطن الجابتك والله ما بتندم

أخى محمد صلاح
لك التحية والتجلة
نحييى البطل الذى وقف كالطود الشامخ فى وجه أكثر رجالات النظام شراسة وجبروت الشئ الذى أثلجالصدور فالتحية له .

جمال خضر

16-12-2011, 10:53 PM

اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=424330#post424330)
والله ياود الخير
لاعرفناك مغشوش ولابتغش

جيجى

لك التحية على المرور الذى أثلج الصدور
99.9 من الذين يدافعون عن النظام مدركين
أن النظام يعتبرمن أسوأ الأنظمة الموجودة
فى القارة الأفريقية من جميع النواحى ولكن
يدافعون لمآرب أخرى.

جمال خضر

16-12-2011, 10:58 PM

اقتباس:
المشاركة الأصلية كتبت بواسطة بدر الطائف http://sudanyat.org/vb/images/buttons/viewpost.gif (http://sudanyat.org/vb/showthread.php?p=424336#post424336)
غايتوكلام محمد العالم ده موجع اكتر من دقة لندن ديك.
تانى بتجى يانافع.

بدر الطائف

لك التحية على المرور الجميل كلام فى الصميم لم يتوقع نافع أن يسمعه فى حياته
وسيكون له أثر مستقبلا وأتوقع أن يقلل نافع من بجاحته التى جرجرت اليه المصائب حيثما ذهب.

جمال خضر

16-12-2011, 11:06 PM

اقتباس:
المشاركة الأصلية كتبت بواسطة حافظ حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=424338#post424338)
عليكم الله يا ناس الإدارة تنزلوا بوست (روز و الغفاري) دا من فوق المنبر و تخت فووووووووووووق هذا الشجاع .....

كلام أقوي من الرصاص
و لنا الصباح

أخى حافظ حسين
لك التحية والتجلة
فعلا كلام أقوى من الرصاص ومن دانات المدافع
مشكور أخى وأنت تطالب برفع البوست تحية للمناضل
الذى روع نافع وصحبه وقدم لنا ولهم درس بليغ
لنا فى أن نحذو حذوه فى أن نساهم بقدر الأمكان
فى سبيل كشف فساد أولئك القوم ونهيئ الأجواء
للتغيير القادم لا محالة أما الدرس بالنسبة لهم أنهم مهما
نكلوا بالشعب فلن ينجحوا فى إسكات الأصوات.

جمال خضر

16-12-2011, 11:11 PM

اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=424354#post424354)
معقولة وصلنا للمرحلة دى ياناس !!
ياحليل زمن ناس جدى يعلم الله

زمان الناس كلهم ذى الشاب ده ، الاستناء كان لو عمل غير كدة !
الخوف الان اتسيطر على النفوس ، الخشية ملة قلوب الناس من كلمة الحق ،
الزول البقول كلمة قوية ويصادم - بقى مفخرة لانو براهو وسط كم هائل من ناس حلقها اتحجر ولسانة برد لانو قلبها اتملى بالخوف !!
الخوف - والحق ..مابتلاقو فى جوف زول حر

ياجماعة لو ما مرقنا من جلاليبنا الضيقة ، البلد ماااابمشى بمهلة ..

ابعدو من الحزبية الضيقة عشان نتوسع فى المشى ...

الأخت سمراء

لك التحية

فعلا المفترض أن ننزع رداء الخوف ونتحرك فى سبيل إسقاط هذا النظام
بكافة السبل من كشف فسادهم للجميع وإقناع الناس أن أسوأ من هؤلاء
البشر لا يوجد وأن أى تغيير سيقودنا الى الأحسن .

جمال خضر

16-12-2011, 11:14 PM

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=424355#post424355)

ودالخير سلام
سؤال: انت عايش في سودانا الوااااحد دا وللا حتة تانية؟؟

تحية إجلال وتقدير لمن قال لا في مواجهة وليس من خلف كيبورد
تحية إحترام وقبعة مرفوعة لمن قال لا بالطريقة الصاح

اقول قولي هذا واستغفر الله لي ..................

أخى زول الله

لك التحية على المرور ونحيى عبرك البطل الذى قال لا فى وجه أشرس صقور
النظام الجارحة.

جمال خضر

16-12-2011, 11:19 PM

اقتباس:
المشاركة الأصلية كتبت بواسطة بله محمد الفاضل http://sudanyat.org/vb/images/buttons/viewpost.gif (http://sudanyat.org/vb/showthread.php?p=424360#post424360)
تحياتي جمال
ومرحباً بك

وتعظيم سلام لهذا الشاب الجدع
رغم أني لم أعرف إلى اللحظة ما قاله
فهل يتكرم علينا أحدكم بكتابة ما قاله لهذا الضار
...

تحياتي واحترامي

أخى بله محمد الفاضل
مشكور على المرور وعلى الترحيب
الشاب ده أطلق على نافع زخات من كلمات
لن ينساها نافع مطلقا وسأحاول أعمل رابط
من بعض المواقع التى تم تفريغ التسجيل

جمال خضر

16-12-2011, 11:21 PM

اقتباس:
المشاركة الأصلية كتبت بواسطة أميرى http://sudanyat.org/vb/images/buttons/viewpost.gif (http://sudanyat.org/vb/showthread.php?p=424397#post424397)
سلام علي الولد البشيل سودانو في عينو ...و ما لاوز

دي سرقتها مخصوص عشانك

أخى أميرى

مشكور على المرور فى حضرة الشجاعة مجسدة فى إنسان

جمال خضر

16-12-2011, 11:27 PM

اقتباس:
المشاركة الأصلية كتبت بواسطة اسامة عبدالماجد http://sudanyat.org/vb/images/buttons/viewpost.gif (http://sudanyat.org/vb/showthread.php?p=424409#post424409)
الأخ جمال خضر
تحياتي ..
ومرحب بيك في سودانيات وياااااااا له من مدخل.

محمد حسن عالم (بوشي) كان يتحدث بلسان الشعب السوداني .. وكان يرتكز على صفات الشخصية السودانية الحقة (الشجاعة، الوضوح، المواجهة) لأنه خرج من رحم معاناة الشعب السوداني .. ورضع أوجاعه .. وشب في شوارعه الحزينة وهو يحمل في عينيه أمل باكر .. ففاجأه باكر بالفجائع الكبيرة .. فلم يحتمل فسن حنجرته بالهتاف ليرسم معالماً جديدة للنضال والفعل.

ليس غريباً أن يصادم أو يواجه فهو متحدث الأركان طوال سنوات دراسته بجامعة النيلين .. ولا يعرف الخوف لأنه تجرع كل ما وصلت إليه الآلة الجهنمية لأجهزة الأمن من أساليب مبتكرة في الإعتقال والتعذيب والتشريد.

هكذا بدا نافع على نافع وكأن على رأسه الطير .. متضائلاً منزوياً ومحتاراً من هول هذه المواجهة ولأنه كان بطل من ورق فلم يصمد أمام لهب الحقيقة التي كان ينفحها به محمد بوشي فلاذ بالصمت .. مجبر أخاك لا بطل..

سلمت يمناك وسلم لسانك .. ولنكن كلنا محمد حسن عالم لفضح هذا النظام وجرائمه البشعة في حق هذا الشعب.

ملحوظة: ياريت لو تم إضافة بعض الإشارات في العنوان توضح علاقة الفيديو بفضح نافع على نافع.. ليكون ملفتاً.. مع تقديري.

الأخ أسامة عبد الماجد
لك التحية ومشكور على الترحيب
ولتكون كلمات هذا البطل نبراس نهتدى ونقتدى به فى عمل ما نستطيع
من أجل إسقاط هذا النظام المتسلط ويجب أن نتخلى عن لعب دور المتفرج
أُثنى على إقتراحك بإدخال ما يدل على هزيمة نافع بالقاضية .

جمال خضر

16-12-2011, 11:31 PM

اقتباس:
المشاركة الأصلية كتبت بواسطة نبراس السيد الدمرداش http://sudanyat.org/vb/images/buttons/viewpost.gif (http://sudanyat.org/vb/showthread.php?p=424420#post424420)
بقول غنوات .. واقول غنوات

فى البلد البسير جنياتها لى قدام ..
وفى الولد البتل ضرعاتو فى العرضة
ويطير فى الدارة صقرية ..
ولو السمحة تلت إيد
ومدت جيد يقوم شايلاه هاشمية
يشيل شبالو وختفة ريد وفرحة عيد ..
وريدة روح وحمرة عين وإيدية
وفى الولد البشيل مدقاقتو قولة خير على القمرة
يقابل الجاية متحزم ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
و قبال حول تغيم غيمة قبلية
ترش الدارة والحدبة الصعيد الحلة
يا فرحه بتطارد الصفقة فى النسمة الصعيدية
وياجهرة نهار الليلة بدرية
رحيح جنياتنا فى
الحدبة الصعيد الحلة
يا قمحاتنا هو لبلب ...
يا سمحاتنا هو لبلب
و يا اللوز الفتق فى الوادى هو لبلب
ويا البحر الطمح مدادى هو لبلب ..
ويا حجواتنا يا دعواتنا هو لبلب
سألتك بالذى ركز الأرض معبد
وسوى الناس عليها مقام
سألتك بى حجا الأمات ودعواتنا ..
سألتك بى كبيداتن و دمعاتنا
شليل وين راح ..
يكون ضل الخريف فاتنا
وشليل وين راح
وزى برق السماك الجابها دغشية
وزى زغرودة البطن الكبارية
مرق من شامة القمرة
مهيقت بى وداعة الله
ومقدم بالعديل يبرا
تعالوا ابشروا ياجنيات
شليل ما راح .. شليل ما فات
شليل عند المسورو حرق بقالو حصاد
شليل فوق التقانت قام خدار وبلاد
شليل مشوار.. شليل مسدار
شليلنا أرضنا يا جنيات
شليل قائم نصاصي الليل
يتمتم ليلو وردية
حرازنا شليل .. شليلنا دليب
شليلنا دليل على البلدات بعد درب التبلدية
شليل ما راح .. شليل ما فات
مزارع بات على عشقين
تراب بلدو وسماح فوق بت مزارعية
وبقول غنوات

لله درك يا محمد,ربنا يحفظك

ود الخير موش قلت ليك امس
في ناس لو ادوها تلسكوب ما بتشوف

الأخت نبراس السيد الدمرداش
لك الشكر على المرور الجميل
ديل شايفين وعارفين أى حاجة لكن لهم مآرب ومنافع أخرى.

جمال خضر

16-12-2011, 11:34 PM

اقتباس:
المشاركة الأصلية كتبت بواسطة Hassan Farah http://sudanyat.org/vb/images/buttons/viewpost.gif (http://sudanyat.org/vb/showthread.php?p=424441#post424441)
----------------------------------------------------------
غايتو يا بابكر الشاب دا ود امو وابوهوعفارم عليه...فضح الحرامى نافع واسرته وفسادهم بالدلائل الثابتة...بس هو نافع براهو..اول امس مصطفى عثمان اسماعيل بعضمة لسانه ذكر فى لقائه مع الصادق المهدى انه قبل انقلاب الانقاذ كان ساكن فى الكلاكلة.. يا ربى هسع ساكن فين..

أخى حسن فرح
لك التحية على المرور
هذا البطل بكلمات قوية كالرصاص لخص واقع الحياة المر تحت حكم آل كوز.

جمال خضر

16-12-2011, 11:37 PM

اقتباس:
المشاركة الأصلية كتبت بواسطة AMAL http://sudanyat.org/vb/images/buttons/viewpost.gif (http://sudanyat.org/vb/showthread.php?p=424491#post424491)
الروح وصلت الحلقوم
دي المناظر
السؤال لماذا المستهدف دايما الجلف نافع دون غيرو من العصابة؟؟؟

شبال للجسورة سناء
الكيزان بعددا العضو جلاليبن بس:D

اهلا بيك يا خضر وترحيب كبير

الأخت أمال
لك التحية ومشكورة على الترحيب

جمال خضر

16-12-2011, 11:40 PM

اقتباس:
المشاركة الأصلية كتبت بواسطة غلالات الشذى http://sudanyat.org/vb/images/buttons/viewpost.gif (http://sudanyat.org/vb/showthread.php?p=424503#post424503)

فالوحش يقتل ثائراً .. و الأرض تنبت ألف ثائر !

يا كبرياء الجرح ! لو متنا لحاربت َ المقابر !

فمــــلاحم الدم في ترابك ِ مــــــــالها فينا أواخر

حتى يعـــــــودَ القمح ُ للفلاح يرقص في البيادر

و يُغرّدَ العصفور حين يشاء في عرس الازاهر

و الشمس تشرق كل يوم .. في المواعيد البـواكر

****

ألف تحيه وألف شكر أيها الفتي الثائر حتي النصر

باشمهندس محمد حسن عالم

غلالات الشذى لك التحية
و شكرا على المرور ونحيي معك البطل المقدام محمد حسن عالم

جمال خضر

16-12-2011, 11:45 PM

اقتباس:
المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif (http://sudanyat.org/vb/showthread.php?p=424504#post424504)
وكم منه قد تبقي ليقودنا إلي طرحِ الظُلمِ أرضاً ؟؟
كم من مثلِ هذا الجسور قد تبقي منا وقد نَكَسَنا كُلُنا رؤوسنا في الرمال ؟؟
لله دره هذا الفتي ،،، لله درُهُ وكفي

شكراً جمال ،، شكراً علي هذا الفيديو ،، شكراً بحق

أخى ناصر يوسف
لك التحية ومشكور على المرور والتحية للبطل الذى أحيا فينا الأمل من جديد
النظام فى أسوأ حالاته ويجب أن نهتدى بكلمات البطل ونتخذها نبراسا نستظل به
للعمل جميع من أجل إسقاط النظام بما نستطيع.

جمال خضر

16-12-2011, 11:47 PM

اقتباس:
المشاركة الأصلية كتبت بواسطة رحاب سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=424527#post424527)
عفارم … عفارم … يا شعباً مسالم .. يا حر الإرادة… وجماعي القيادة يا وكتين تصادم
بروقك تضوي … ورعودك تدوي .. ورياحك تقصقص رقاب المظالم
تحياتي جمال

رحاب سليمان
لك التحية والتجلة
مشكورة أختى على المرور الجميل وعلى كلماتك القوية.

جمال خضر

16-12-2011, 11:51 PM

اقتباس:
المشاركة الأصلية كتبت بواسطة حامد محمداني http://sudanyat.org/vb/images/buttons/viewpost.gif (http://sudanyat.org/vb/showthread.php?p=424697#post424697)
الاستاذ جمال خضر
زكرنى الباشمهندس محمد بشجاعة صدام حسين للقاضى حين قال له
لولا الامريكان لا انت ولا أبوك يجيبنى الى مكان مثل هذا فالتحية للبعث الذى
أنجب محمد والتحية للام الجابتو[/]

الأخ حامد محمدانى
لك التحية والتجلة على المرور الجميل
ونحيى عبرك هذا البطل الذى وقف شامخا
كالطود أمام نافع الذى إرتبط إسمه بالتعذيب
وبيوت الأشباح سيئة الذكر.

جمال خضر

16-12-2011, 11:56 PM

اقتباس:
المشاركة الأصلية كتبت بواسطة عبدالمنعم الطيب حسن http://sudanyat.org/vb/images/buttons/viewpost.gif (http://sudanyat.org/vb/showthread.php?p=424728#post424728)
ياسلام ياخ
دا الكلام
والله لامن شعرت جلدي كلبت !!!
وامتلأت فرحا وسرورا وبهجه
حتى غازلني الماره في الشوارع ...
والجمله الاخيره للاستاذ بشرى الفاضل .
لله درك يا لك من شجاع ،

أخى عبد المنعم الطيب حسن
لك التحية على المرور
كلما إستمع للفيديو أصفق لهذا البطل الشجاع الذى قال كلمة الحق فى وجه سلطان جائر

أبوبكر عباس

17-12-2011, 04:24 AM

الجميل في أخلاق اخوانا البعثيين النضالية، عدم إهتمامهم الزايد بمسألة تأمين الكادر، فهم شجعان شجاعة شديدة. حكى لي صديق مناضل في زمن الإنقاذ دي، قال لي: لمان كنا نخطط لمظاهرة ويكون البعثيين مشاركين معانا، اليوم التاني بننقبض بننقبض، فهم لا يتراجعون

ابومشعل

17-12-2011, 09:27 PM

اقتباس:

لا تقل :
http://sudanyat.org/vb/images/buttons/viewpost.gif (http://sudanyat.org/vb/showthread.php?p=425143#post425143)
الجميل في أخلاق اخوانا البعثيين النضالية، عدم إهتمامهم الزايد بمسألة تأمين الكادر، فهم شجعان شجاعة شديدة. حكى لي صديق مناضل في زمن الإنقاذ دي، قال لي: لمان كنا نخطط لمظاهرة ويكون البعثيين مشاركين معانا، اليوم التاني بننقبض بننقبض، فهم لا يتراجعون

ولكن قل :

الراسخ فى عقيدة رفاقنا البعثيين النضالية، عدم إهتمامهم الزايد بمسألة تأمين الكادر، فهم شجعان شجاعة شديدة. حكى لي صديق مناضل في زمن الإنقاذ دي، قال لي: لمان كنا نخطط لمظاهرة ويكون البعثيين مشاركين معانا، اليوم التاني بننقبض بننقبض، فهم لا يتراجعون

وعلاما الاستغراب ؟ فلهم في سيرة ( النشمي ) ابو عدي الرمز صدام حسين الاسوة الحسنه .

تحياتي للعالم ومن ثم بابكر .

عبده سعد

18-12-2011, 07:07 AM

تحياتى بلاحدود.
وبالمناسبة الفديو دا أثلج صدور الكثيرين وبالمناسبة تانى موش بس الذين يجاهرون بمعارضة النظام ولكن حتى آخرين تسرب إلى دواخلهم اليأس وأصبحوا موقنيين أن هؤلاء الذين يتسنمون السلطة مافيش حد حيقول ليهم عينكم فى رأسكم.
الزول دا لازم الناس يتابعوا أخبارو ويشوفوه وين ؟ وعامل شنوه وهل إتعرض لى مضايقة أم لا؟؟.
دى حاجة ضرورية جداً نسبة لأن أمثاله قليلون ولا تتوفر فيهم جرأة الحديث لمسؤلين بهذه القوة وفى هذه الأوقات.
ديل ناس البقرة فى الإبريق.

Hassan Farah

18-12-2011, 10:31 AM