خطل المراهنة على فاعلية القمع، أطفال يهتفوا بسقوط النظام هسي دي

[الطيب بشير]

.
قالت الحكومة في منشورها لجميع طلاب السودان:
عليكم إخراج كل الأطفال بمدارس الأساس عند منتصف نهاراليوم الأربعاء 14 ديسمبر 2011يحملون بالونات و يرفعونها عالية "و يبقوا صامتين" لمدة دقيقة!! دعمآ لجيش البلاد بمناسبة تعدّيه، كالعادة، على بعض مواطنيه.
خرج الأطفال، حلاة الدنيا عليهم، و ما إن ضربهم الهمبريب حتى هتفوا بلا أدنى تنسيق:
(الشعب يريد إسقاط النظام)!!
(الشعب يريد إسقاط النظام)!!
(الشعب يريد إسقاط النظام)!!
و بالطبع عندها هاج المعلمون..يا ولد..أسكت..خشوا جوّة..سريع سريع :p
كان هذا قبل ساعتين و نصف، بالضبط من الآن، و قد كنت بالمصادفة في زيارة بشير و موحى في مدرسةKIPS و في الباب لقيت الخبر طازجآ جدآ..
الغريب أن أطفال ثامن كانوا مشغولين فهذا يعني أن المشاركين من سن إطناشر فما دون، لم يبلغوا الحلم و لكنهم حققوا الحلم، و سأترك لجيلي عناء تشكيل المفردة ما دام أعياهم تشكيل صفوفهم!!

[الطيب بشير]

.
الأطفال الحلوين يتنفسون هواءً نقيى في فضاء التكنولوجي البديع
يتنسمون الربيع العربي من أوسع كيبورداته
لم يفت على أصغرهم أن هذا الهتاف سيقلق أركان النظام
و لا أشكّ، البتـّـة، في أن التقارير قد تطاقشت قبل أن يقوم هدهدي لكم من مقامه..
و طرفة من برلمان القوم..
قال نائب رافض لزيادة البنزين:
القريشات البتوفـّـروها من زيادة البنزين ح تضطروا تشتروا بيها بمبان!
هذه مقروءة مع تلك..تمثــّــل دلائل عافية
إني لأجد ريح يوســـف
.

[مبر محمود]

يا جنابو، أجمل الأطفال قادمون ساعةً فساعة!
شكراً لكَ على هذي البُشارة السارّة.. ولنخرجن من أصلابهم من يخاف الله والشعب ولعنة التاريخ.
ولا عزاء للمتحزلقين والمتحزلقات، أصحاب الحناجر العظيمة والمعاني الضئيلة.

ويا سكّان بلاد العِبر، هل من مُعتبر..؟

[أسعد]

الاخ الطيب بشير
بعد التحية
تفتكر الشفع ديل لمن قالوا الكلام دا قالوهو عن وعي ولا حاكو حاكو؟!
لانها بتفرق كتييييييييييييير بصراحة
وقطع شك الشفع قالوها حاكو حاكو لانو الدم السوداني الذي يهوي المحاكاة يجري في عروقهم

[طارق صديق كانديك]

كيف لهم أن يخالفوا سنن الكون والتاريخ ... ؟
لن يستطيعوا الى ذلك سبيلا ولو حرصوا .. !!

وهكذا ستخرج من هاتيك الحناجر البريئة ان لم نبادر .. !!

ثم :

ما أعذبها من ريح وان تم تفنيدها ... !!

سلام تعظيم ليك ولأطفال بلادي الواقفين هناك والذين ينتظرون

[أسعد]

.إني لأجد ريح يوســـف
.
دا إلا يكون يوسف ود احمد سعيد
لكن ما اظنو يوسف ود سيدنا يعقوب
بالجد كدة اسي انت متوقع انو تقوم ثورة في السودان
ويا سيدي افرض انو قامت ثورة في السودان
بتفتكر هل ح يكتب ليها النجاح ؟!
بالتأكيد لا
وح تكون اشبه ما تكون بثورة البحرين
لسبب واحد فقط
انو الربيع العربي دا وراهو مكيفات QATAR AIR
وناس البشير علاقتهم مع القطرين حلاوة طحنية بس

[الطيب بشير]

لا عزاء للمتحزلقين والمتحزلقات، أصحاب الحناجر العظيمة والمعاني الضئيلة.
و كثيرُ مــّا هم
أحييك و أشكرك يا مبر يا صديقي
للجيل القادم، بقوّة، ألف تحيــة
.

[الطيب بشير]

الدم السوداني الذي يهوي المحاكاة يجري في عروقهم
أهلآ وجدي الأسعد
لك أطيب التحايا
يا ترى
يا هل ترى
أيّ دمٍ كان يجري في عروق ثــوّار أكتوبر..و صـنــّـاع إبريل
حين كانت صدور العراة (دروةً) للحاقدين!!
أرى أنك ظلمت شعبنا (اللطيف الخبير) كما قال اللواء عمر الحاج موسى
و لن أنوب عن أمـّـة الأمجاد لأطالبك بإعتذار لهم و للتاريخ
لكن (إرجع البصر كرّتين)
.

[زاهر صديق الطيب]

اقتباس:
المشاركة الأصلية كتبت بواسطة الطيب بشير http://sudanyat.org/vb/images/buttons/viewpost.gif (http://sudanyat.org/vb/showthread.php?p=424661#post424661)
.
(الشعب يريد إسقاط النظام)!!
(الشعب يريد إسقاط النظام)!!
(الشعب يريد إسقاط النظام)!!



فهذا يعني أن المشاركين من سن إطناشر فما دون، لم يبلغوا الحلم و لكنهم حققوا الحلم،

ويالها من بشارة ..
ثم السلام عليكم سعادتك..
وليتها تخرج حتي لو خازوق من (مدفع)..لقد سئمنا .. وهرمنا زاتو:mad:
ثم أن معظم النار من ( مستصغر ) الشرر..مش ؟؟
لك تحية و مودة ..

[الطيب بشير]

ما أعذبها من ريح وان تم تفنيدها ... !!

مرحبتين كانديك

هي سنة الحياة كما تفضـّـلت

نتنســّــم أرجها

و نتـكـرّف مشمـّـها

آتية..عاتية

.

[أسعد]

أهلآ وجدي الأسعد
لك أطيب التحايا
يا ترى
يا هل ترى
أيّ دمٍ كان يجري في عروق ثــوّار أكتوبر..و صـنــّـاع إبريل
حين كانت صدور العراة (دروةً) للحاقدين!!
أرى أنك ظلمت شعبنا (اللطيف الخبير) كما قال اللواء عمر الحاج موسى
و لن أنوب عن أمـّـة الأمجاد لأطالبك بإعتذار لهم و للتاريخ
لكن (إرجع البصر كرّتين)
.
اول حاجة التعويل علي التاريخ اظنك تعرف انها قصص ميتة ياخ
لو كان التاريخ بشفع كان يشفع لليونان والروس مقدونيا وغيرها

بعدين ثورة اكتوبر دي بالذات حقو ما نفتخر بيها لانها طلعت من اعظم مواسيرنا الثورية

[بله محمد الفاضل]

يا وجدي يا اخي كدي قول خير
كان ما طلنا خلينا نتعشم الله يرضى عليك
ما تكسر مقاديفنا
ومقاديف الصغار الفيهم بذرة عشم
حتى لو حاكو حاكو
يحكحك شياطينك جت يا اخي
أمرق من البكان دا سريع:D


سلام يا الطيب
ويسمع منك ربنا
وإن شاء الله الكبار يختشو بعد يسمعو الكلام دا
ويقومو علي العفن دا يا اخي
هرمنا
أو كما قال

[الطيب بشير]

ثورة اكتوبر دي بالذات حقو ما نفتخر بيها لانها طلعت من اعظم مواسيرنا الثورية
أسعد؟
لاحظت إنك بتغيـّـر (المنهج)؟
يعني أنا رددت على "التقليد" في حاكو حاكو
قمت إنت قفزت فوق المراحل و قمت بتقييم ثورة أكتوبر!!
باقي لي ديل موضوعين مختلفين Don't you think?
.

[ماريل]

ايا بشيرنا الطيب
هل جئت بطيبتك تحمل لنا هذه البشرى
ام انك احببت ان تلقى لنا بعض الضياء
على خيباتنا القابعة هناك فى ركن قصى
اسمه الخوف وربما اللامبالاة........
كل ما عجزنا عنه نحن بكامل (بلوغنا)
فعلوه هم بكامل (برائتهم)..........
اما ان لهذه الحناجر ان تنطلق......
ان تصرخ بالهتاف.......
ان تهزم الخوف والجبن.......
ان تطلب حقا مسلبوق......
وكرامة مهدرة...
الشعب يريد اسقاط النظام
الشعب يريد اسقاط النظام
الشعب يريد اسقاط النظام
شكرا لهم وهم يلهمونا
ثم شكرا لك اضاءتك على
خيباتنااااااااااااااااااا

[الطيب بشير]

إن شاء الله الكبار يختشو بعد يسمعو الكلام دا
مرحبا صديقي (الفاضل)..
يحلنا الحلة (بلة)
من القيد و الذلة
شكرآ يا صديقي لتنبيهك للكبار الذين ينتظرون على الرصيف
بلا (توكـّـل) و عاوزين النصر (كرمان) لعيونهم
أهلآ بك
.

[أسعد]

أسعد؟
لاحظت إنك بتغيـّـر (المنهج)؟
يعني أنا رددت على "التقليد" في حاكو حاكو
قمت إنت قفزت فوق المراحل و قمت بتقييم ثورة أكتوبر!!
باقي لي ديل موضوعين مختلفين Don't you think?
.

طيب يا سعادتك معليش اني نططت ليك كتير
لكن خلينا نرجع لموضوعنا الاساسي أو بالاصح تساؤلي الاساسي
واجيب ليك سؤال ممكن يجمع ليك استنكارك لي على ترديد الحاكو حاكو والقفز الى مرحلة تقييم ثورة اكتوبر
طيب السؤال هو (هدفنا شنو نحن بالضبط اسقاط نظام أم اقامة دولة ديموقراطية؟)
لانو اظن في فرق كبير بين الاتنين اسقاط النظام وانشاء دولة ديموقراطية
ثورة اكتوبر والثورة القامت حاكو حاكو هي ثورات قامت فقط لاسقاط النظام
وانتهت صلاحيتها مع تحقيق الهدف
وكما تعلم ان اسقاط النظام هو وسيلة لتحقيق غاية الدولة الحرة وديموقراطية
لكن عشان تتحقق الغاية دي فلابد أن يكون من ورائها عمل توعوي عظيم عشان يكون زاد لمسيرة الثورة من اجل تحقيق اقامة دولة ديموقراطية
ودا الشيء الخلاني اتداخل معاك واقول ليك الشفع ديل عملوا حركتهم دي حاكو حاكو
وخلاني برضو اعقب انو ثورة اكتوبر كانت ماسورة لان ايدي خارجية كانت تقف ورائها مما جعل هدفها فقط اسقاط النظام

المهم بيت القصيد هنا انو الشفع ديل تلقاهم لمن كانو برددو "الشعب يريد اسقاط النظام" كانوا برددوها ببهجة ممزوجة بالضحك لانهم كانوا فقط بقلدوا الشافهو في التلفزيون

فكونوا شفع يقلدوا في حاجة مفروض يبادروا بيها موش حاجة تدعوا للرثاء؟!
نحن الظاهر موضوعنا حمامو طويل

[الطيب بشير]

كل ما عجزنا عنه نحن بكامل (بلوغنا)
فعلوه هم بكامل (برائتهم)..........
اما ان لهذه الحناجر ان تنطلق......
ان تصرخ بالهتاف.......
ان تهزم الخوف والجبن.......

ياااا لإســمــك..و فيه رائحة البارود..و البمبان و طعم الدموع المالح..الصالح..
ماريل..مارس ماسك كتف ابريل
أعظم شعب و أعظم جيل
أحييك..أشكرك و ألف أهلآ بك في المنتدى
معك أحيي الصغار
نعم..كانوا رائعين..
و قفزوا فوق حواجز الخوف
و هتفوا بكل عنف البراءة
هذا جيل الديجيتال..
و هو أصدق إنباء من جيل الكتب

لك تقديري
.

[الطيب بشير]

كونوا شفع يقلدوا في حاجة مفروض يبادروا بيها موش حاجة تدعوا للرثاء؟!
مفروض يبادروا؟
أطفال التشيبس و الشوكولاتة أصبح (مفروضآ) عليهم المبادرة بالثورة يا أسعد؟ :confused:
بل هم تطوعوا ..و مثار دهشتي، لا رثائي، هو إجتراحهم لفعل عظيم المهابة باهر الأداء كالثورة..
هم أطفال..تعال معي لنصفـّـق لهم و نقول لهم Good job
.

[ود الخير]

[QUOTE=الطيب بشير;424661][SIZE="5"][COLOR="Teal"].
دعمآ لجيش البلاد بمناسبة تعدّيه، كالعادة





من الشعب الف تحيه لرجال الشرطه السودانيه
لكن يا جنابو جيشنا دا مابنتحمل فيه ولا مثقال
ذره من شك وذلك لأن الجيش هو أملنا لما
الكوع يحمى واللسان يبقى أبيض!

[فيصل سعد]

التحية لهم ...
و القومة ليهم ...
و عفارم عليهم ...

[أسعد]

مفروض يبادروا؟
أطفال التشيبس و الشوكولاتة أصبح (مفروضآ) عليهم المبادرة بالثورة يا أسعد؟ :confused:
بل هم تطوعوا ..و مثار دهشتي، لا رثائي، هو إجتراحهم لفعل عظيم المهابة باهر الأداء كالثورة..
هم أطفال..تعال معي لنصفـّـق لهم و نقول لهم Good job
.
وهو كذلك
قود جوب

[عبدالمنعم الطيب حسن]

انو الربيع العربي دا وراهو مكيفات QATAR AIR
وناس البشير علاقتهم مع القطرين حلاوة طحنية بس
يعني يا وجدي هسع الانتفاضه والتغيير دا في السودان منتظر قطر ولان قطر علاقتها حلوه مع الحكومه مافي ثوره ولا تغيير !
دعني اختلف معك يا صديقي فالسودان اولا خارج حسابات الربيع العربي مع فرحتنا به
لدك الظلم ، ولكن نحن سنفجر ربيعا افريقيا سودانيا خالصا ... ولنا السبق وعندنا الخبره
والتراكم والماسي ...
الشعب سيغير النظام لمن قطر ذاتا تامن ...
ومعها هؤلاء القتله الفجره ....

الطيب بشير سلامات ياخ وعاش اطفال السودان ....
واجمل الاطفال قادمون ساعه فساعه
لان بذرة الحياة ليست الرصاص
ويوم بكرة جميل

[لحن الحياة]

تحية مسائية للكل هنا

ياخي قريت البوست ومداخلاتو كلها مرة واحدة

في زول قال الشفع قالوها حاكو حاكو ، طيب مالو؟ (الطفل عنوان البيت) مش دي مقولة سودانية؟ ده لو قصدو بي حاكو حاكو انو سامعينها بس عند الكبار.

وفي زول قال بيرددو الشايفنو في التلفزيون ، بالله التلفزيون جابو فيهو الاغنية دي؟
انا غايتو سمعت اغنية سير سير يا بشير ، وكل شئ لله ، والرد الرد السد السد
ياربي ما عجبتهم ولا شنو ؟ مع انها ملححححححححححنة

وشهادة الطفل في المحاكم معمول بيها ، ولا ما ياهو؟.

وفي زول جاب سيرة الرثاء ، والله انا راثية لي حالهم ، اتولدو وعايشين طفولتهم في عهد الظلم الشب حواجز وشب موانع ، ومطلعينهم نص النهار في شمس الشتا دي ، كر علي يا اخواني

تحية لكل أطفال بلادي واعفو لينا ، ما ساكتين بي ارادتنا لكن مقموعين ومقهورين. والله غالب.

سعادتك ، تحية ليك ، غايتو اتخيلت اختلاجات كتيرة اعتملت في الصدر مع مشاهدة الموقف ده .

[أميرى]

وهو كذلك
قود جوب

كل الدنيا هداياها لأطفالها الوان و حلوي و دفء
و نهديهم نحن إلي المدافع و الشوارع ...ثم ننتشي فرحين تصدق؟

نوت قود جوب يا جنابو
نوت قود جوب

[Sana Mursi]

[QUOTE=الطيب بشير;424661][SIZE="5"][COLOR="Teal"].
دعمآ لجيش البلاد بمناسبة تعدّيه، كالعادة





من الشعب الف تحيه لرجال الشرطه السودانيه
لكن يا جنابو جيشنا دا مابنتحمل فيه ولا مثقال
ذره من شك وذلك لأن الجيش هو أملنا لما
الكوع يحمى واللسان يبقى أبيض!

يا حليل الجيش الكان بيحمي الوطن من العداء
الجيش اتمزق واتهربد واتكسر بعد يونيو 89 والجماعه ختوهم في ثكناتهم وبقوا لابيهشوا ولا بينشو الا ضد الشعب الاعزل, لكن ضد الاعداء الحقيقين فهم مجرد نعامه تدفن راسه في الطين بدل الرمله.
الجيش كان وين لما مصر احتلت حلايب وشلاتين؟
الجيش كان وين لما قوش اتامر مع اسرائيل وجوا بطياراتهم وهبطوا في بورتسودن واغتالوا رجل حماس( وده كلام شهود عيان عني ما من تاليفي ولو فتشت في السايبر ده بتلقى المعلومه دي)
الجيش مهمته انحصرت ضرب العزل في جبال النوبه والنيل الازرق وقبلها في دارفور وكجبار.
و الجيش الجاهو خليل لغاية ضهر السلاح الطبي وشويه كانو حيصلوا القياده العامه والقصر الجمهوري وكان ابله ظاظه شمتت شماتة العدو كااااااااااااااااااااااك



------------------------------
المهم بلا والاهم
الف تحيه للاطفال الابرياء و صوتهم يعلى حين خفت صوت الكبار
لانهم اطفال المعناة , فمنهم من يزهب بلا وجبة فطور ومنهم من لم يشرب كوب حليب في حياته وكل ما يعرفونه عن الحليب ملعقة لبن في كوب شاي ولو لقوا معاه حتة عيشه كتير خير الله.

[أسعد]

منعم يا صاحب عمت مساءا ياخ
دعني اختلف معك يا صديقي فالسودان اولا خارج حسابات الربيع العربي مع فرحتنا به
كيف ياخ السودان خارج حسابات الربيع العربي؟!
السودان دا حاليا يعتبر (الدكت) الوحيد لتوزيع هواء مكيفات قطر اير لتبريد المنطقة العربية وجعلها تستمتع بالربيع العربي
وما قصة توزيع اللحوم في مصر عنا ببعيد
ولا قصة السلاح السوداني لتحرير طرابلس عنا ببعيدة
السودان حاليا شغال معرص لمكيفات قطر حتى يسود الربيع من الخليج الى المحيط

[أسعد]

أحييييييييييييييييييييييييي أنا ^_^
غايتو البعجبني فيك انك ما عندك ذمة ولا ضمير
بتقول العاوز تقولو وفجعتن كدة تمسحو ^_^

[جيجي]

أحييييييييييييييييييييييييي أنا ^_^
غايتو البعجبني فيك انك ما عندك ذمة ولا ضمير
بتقول العاوز تقولو وفجعتن كدة تمسحو ^_^هههههه
خجلت والله العظيم

[أسعد]

هههههه
خجلت والله العظيم
خجلك جميل زي مسحتك ^_^

[ناصر يوسف]

خجلك جميل زي مسحتك ^_^

يا أخوانا زول يديني طوووووووووبة
طوبة يا ناس طوبة

وجدي الأسعد الأسعد ،، كيفنِك
وبـــــــــــــــس
أسمع ياخي ما تمرق من الحِتَّة الإنتَ قاعِد فيها دي ياخ
تعال علينا هني ده في السودان الشغيييييييييييييييييييق ده إنشاء الله

[محمد السر]

السودان حاليا شغال معرص لمكيفات قطر حتى يسود الربيع من الخليج الى المحيط

كابشر يا مان .... شغلتنا معرصين لي قطر يعني .. والله محن :mad::mad:

..............................

تخريمة : برافو علي الوليدات .. وعقبال كبارنا أو بالأصح عقبالنا

[النور يوسف محمد]

بسم الله الرحمن الرحيم

سوريا ـ مدينة حمأة ..
الثانى من فبراير 82 ...

ونظام حافظ السد يرفع شعارات ..
يا أخي قد أصبح الشعب إلهاً ..
آمنت بالبعث رباً لا شريك له وبالعروبة ديناً ماله ثاني ..
كتب تلميذ فى مدرسة إبتدائية على سبورة الفصل ( القرآن دستور الأمة )
تحرك النظام ودك المدينة فيما عرف بمجزرة حمأة التى راح ضحيتها 40 ألف مواطن وكان يقود الحملة رفعت الأسد شقيق الرئيس حافظ ..

الآن ..
الثورة فى حمأة وكل المدن السورية يقودها ذلك الجيل المولود فى 82 ..


هل ياترى علينا أن ننتطر أطفال اليوم ......... ربما ... !!!!!!!

جنابو كيفنك ....

[الطيب بشير]

.
مرحب بالجميع
يا ود الخير يا أخي، فضلآ، أحيلك لمداخلة الأخت سناء مرسي
هل جيشنا اليوم هو جيش وطني متجرّد؟
الجيش الذي تحصل على إستمارات الدخول لكليته الحربية من عضو اللجنة الشعبية بقريتك ليس جيش البلد!! بل هو جيش حزب، يجب حلـّـه، و إعادته سيرته الأولى، لمن كان الفريق أب كدوك بيدخل حدود إثيوبيا بلاندروفر و يقول للملازم الحبشي:
أبلغ قيادتك إنو المعسكر "القريب" من الفشقة دة لو ما ازالوهو في اربع و عشرين ساعة انا بعتبرو Legitimate Target .. الذي حدث أن الأحباش أخلوا المعسكر "قبل" إنتهاء المدة .. حملوا المتاع المهم و تركوا الباقي.. هربآ من جيشنا، الذي نحترم، و بعد أن أتت الإنقاذ..دخل الأحباش جووووووة الفشقة المعنية و قال جيش الإنقاذ، الذي لا نحترم، نحتفظ بحقّ الرد..و ضربتنا إسرائيل في بورتسودان و قالوا.. نحتفظ بحقّ الرد.. و مصر دخلت حلايب و نحن نحتفظ بحقّ الرد..حتى إدريس ديبي يدخل شارع الموردة صينية المجلس البلدي و حوش الخليفة و نحن نحتفظ بحقّ الرد..
هذا ليس جيشنا الذي نعرف و نحترم
.

[ود الخير]

.
مرحب بالجميع
يا ود الخير يا أخي، فضلآ، أحيلك لمداخلة الأخت سناء مرسي
هل جيشنا اليوم هو جيش وطني متجرّد؟
الجيش الذي تحصل على إستمارات الدخول لكليته الحربية من عضو اللجنة الشعبية بقريتك ليس جيش البلد!! بل هو جيش حزب، يجب حلـّـه، و إعادته سيرته الأولى، لمن كان الفريق أب كدوك بيدخل حدود إثيوبيا بلاندروفر و يقول للملازم الحبشي:
أبلغ قيادتك إنو المعسكر "القريب" من الفشقة دة لو ما ازالوهو في اربع و عشرين ساعة انا بعتبرو Legitimate Target .. الذي حدث أن الأحباش أخلوا المعسكر "قبل" إنتهاء المدة .. حملوا المتاع المهم و تركوا الباقي.. هربآ
من جيشنا، الذي نحترم، و بعد أن أتت الإنقاذ..دخل الأحباش جووووووة الفشقة المعنية و قال جيش الإنقاذ، الذي لا نحترم، نحتفظ بحقّ الرد..و ضربتنا إسرائيل في بورتسودان و قالوا.. نحتفظ بحقّ الرد.. و مصر دخلت حلايب و نحن نحتفظ بحقّ الرد..حتى إدريس ديبي يدخل شارع الموردة صينية المجلسالبلدي و حوش الخليفة و نحن نحتفظ بحقّ الرد..
هذا ليس جيشنا الذي نعرف و نحترم
.







أخي الطيب حيث لايخفى عليك تُقُل حركتنا
فمساهمة البشير باسم الشعب السودانى
فى دعم إزالة الطاغيه ما هي الا رد لضربة
الاذاعة في عهد نميري
وحلائب الآن بعد تقلد الإسلاميين أولاد عم الانقاذيين
رأس مالها جوله جولتين وكلو حايكون فى علبو
حركة العدل المرسله من القذافى كرد فعل لتحويل
ملف المفاوضات لقطر دكها في خلاء امدرمان كان
بالنسبه للجيش أسهل من جكه صباحيه في فتاشه
لكن اين كان سوف يكون ملف السودان من لجان حقوق الانسان
و200عربه بقواتها ممسوح بيها حصاص غرب ام درمان داك
أما الأحباش فديل كتابهم براهو وبيني وبينك لو ما الريده
القديمه بين الشعبين;) حبشي شنو البقيف قدام أخوات نسيبه
خليهم يزرعوا ويحصدوا ويأكلوا زول جيعان ! نطرده يعني؟

بالجمبه
شربكة سودانيين ورد فعل بإحالتي لسناء التي احترم
الكاكي القاشر بيه جنابو دا وبعلاماته الشعب السوداني
محتاج ليه لعين ساهره .
الكاكي الذي يرتديه

[الطيب بشير]

.
و نواصل ردودنا على الحبايب حسب أسبقية الكتابة كما يشير عرف المنتدى

** العزيز فيصل سعد..توصل تحيتك للأطفال..هم قاموا بما يليهم، أو لعلهم بادروا لفعل ما يفترض أنه يلينا، و ربما ينتزعوا منا أكثر..معك أحييهم.

** الحبيب منعم الطيب حسن..أوووه..بذرة الحياة ليس الرصاص..دة كلام يتقــّـل بالدهب..سأحفظه..أنشره..أسعد بتكراره..لك الشكر..

** و أجمل ما كتبت الحرف جاء في رد (لحن الحياة)..فيه إجازة لفكرة الحاكو حاكو..و فيه تذكير بأن الأطفال برضك بيسمعوا في التلفزيون هتاف الحكومة الفطير بأن سير يا بشير و الرد الرد..فلماذا تركوها و لم يحاكوها؟؟..لماذا جاء الحاكو حاكو إنتقائيآ و واعيآ لهذا الحد؟؟
شكرآ (لحن الحياة)...

** و استنكر أميري فكرة Good job
يا ريت يا أميري تستطرد في تعليقك
وضـّـح أبن أفصح
و لك ألف شكر

** أما سناء مرسي، التي تزاوج بين النعناع و التركين، فقد كتبت عن الجيش بإحساس "جدودنا زمان"..كتبت عن جيشنا الباسل القديم..قبل جيش الصوارمي خالد سعد و بياناته الهزيلة..لها التقدير

** ناصر و جيجي و محمد السر..شرفتم البوســت أيما شرف..و نظل نتابع عودكم الميمون..

** سعادتو النور يوسف محمد
بالله شوف؟؟
جملة واااحدة أقلقت الأسد الكبير..طال الزمن و أحدثت التغيير ..و قهرت الأسد الصغير..و معك أتساءل هل سننتظر أطفالنا ليقهروا البشير؟
.

[أسعد]

ما عارف زي الفي واحد من المتداخلين عقب على تعليقي بتاع (حاكو حاكو) بناء على اشارة جنابو:D
واحب ان اعقب على رد المعقب على ردي (والذي بطبيعة الحال انا ما بعرفو)
انو الشفع حاكو حتة سير سير يا البشير
لكن بطبيعة الحال لازم يتطورو ويواكبوا الحياة
زي ما نحن الشعب السوداني اتطورنا في محاكاتنا وبدل ما كنا بنحاكي في شراء الملايات والستاير
بقينا نحاكي في تركيب السراميك

على العموم اذا الشفع ديل ما حاكو
يبقى ديل اطفال ثورية وباذن واحد احد حيغيروا الوضع الحاصل في السودان ^_^

[أسعد]

كابشر يا مان .... شغلتنا معرصين لي قطر يعني .. والله محن :mad::mad:
أنا ما شغلتك يا مان
لكن حكومتنا شغالة كدة
والحكومة بتمثل الشعب
والشعب رضيان بالحكومة
اذا تصرفات الحكومة تعني تصرفات الشعب

[رشا]

مفروض يبادروا؟
أطفال التشيبس و الشوكولاتة أصبح (مفروضآ) عليهم المبادرة بالثورة يا أسعد؟ :confused:
بل هم تطوعوا ..و مثار دهشتي، لا رثائي، هو إجتراحهم لفعل عظيم المهابة باهر الأداء كالثورة..
هم أطفال..تعال معي لنصفـّـق لهم و نقول لهم Good job
.


هؤلاء الأطفال انهم يجرأون,, سمعتهم مرة وهم يعبثون بالنشيد الوطني: نحن جند الفول

جند العدس , نشتري الصلصة بأغلي ثمن,,والحقيقة أنني لم أغضب لذلك العبث, بل

أحسست بغاية الأمل والسعادة بذلك التمرد البرئ الذي ربما سيقودهم الي مخرج

عندما كنا أطفال كنا نهتف للانقاذ : رئيسنا حبابو من نايبو لي جنابو,,رئيسنا اتعلي

وتاني مابندلي,,,, وذلك هو الفرق

[الجيلى أحمد]

http://www.youtube.com/watch?v=6MSIT1BlKXE&feature=BFa&list=WLB9CE0B615068AA03&lf=BFp

[الجيلى أحمد]

أ
لكن حكومتنا شغالة كدة
والحكومة بتمثل الشعب
والشعب رضيان بالحكومة
اذا تصرفات الحكومة تعني تصرفات الشعب

ياعمك
دا شعب عظيم

يااخى أجمل حاجة فى الجبهة الاسلامية دى
انها ورتنا انو الشعب السودانى دا كارس

[الجيلى أحمد]

الله أكبر بالقديم