محاولة لرد الجميل للشاعرالإنسان/ محجوب شريف

[اسامة عبدالماجد]

(فديتك يا مديد القامة ..
يا شعباً سديد الرأي ..
وقلبي عليك يا حجراً حنين دفّاي
أقبل وين أوفتك وين وفي حماك حماي
أسيب عزاي أسيبو، وكيفن ألقى عزاي
في وحشتي وسلواي
عيونو وبحة غنّاي
نخيلك تمرو ضو صباي
ونيلك في جواي هامد هميم جرّاي
وقبضة أيدي مسكة رمحك الرمّاي
أطالع من صحاري الليل مطالع صبحك الضّواي
فديتك لو بقيت منفّاي
فيديتك لو بقيت مرساي..)

http://www.youtube.com/watch?v=QKl4TgM1K28

هكذا تسرب محجوب شريف في خلايا الدم .. حمل هم شعبه بلا كلل .. كانت قصائده تكملة الدورة الدموية في رئة الغلابة..
وكان الشعب حبيبي وشرياني .. كان شعره ترياق العسكر وكلماته بمفعولها السحري تشكل وجدان وطن حر ديمقراطي.. وطن يستوطن أحلامنا ويأخذنا بعيداً ..
محجوب شريف .. مفجر ثورة الوجدان الشعبي وملهم معاني الوطنية والديمقراطية وموقد جذوة النضال الوطني ..
تباً لهذا المرض الذي لا يحسن الإختيار وتباً لنظام يجهل أو يتجاهل أقدار الرجال..
محجوب شريف ..
كنت.. بؤرة ضو .. شعلة عطاء .. منارة علم .. ومعلماً للأجيال، وبين السبورة والطبشور كنت تعلمنا كيف نرسم خارطة الوطن.
(قم للمعلم ووفه التبجيلا كاد المعلم أن يكون رسولاً)
لنا .. لكم .. لصناع الفعل الثوري .. للقلوب الضاجة بالإنسانية .. للواقفين على أرصفة الحياة ..
أما آن لهذا الرجل أن يستريح ؟؟!!
أما آن لنا أن نرد له بعض الجميل؟؟!!
________________________________________
ملحوظة: توجد مطوية عليها بعض المقاطع الشعرية للأستاذ محجوب شريف وبعض المقاطع التي كتبت عنه، مرفق معها سي دي CD يحتوي على قراءات شعرية بصوت الشاعر.. وهي وسيلة للمشاركة في رد الجميل للراغبين في المساهمة.

[طارق صديق كانديك]

طى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل

محجوب شريف
--

لن نمل الفعل أو تكرار الحديث عن رد الجميل لهذا الرجل الانسان ضمير الناس في بلدي .. !!

معكم في مقدمة العمل

ليتنا تكاتفنا أجمعين ،،

شكرا لكم

[عصام بابكر]

دايرنك جنبنا يامحجوب

مثل ما كان عشمه فينا كبير لما قال
الإسم الكامل انسان
الشعب الطيب والديّ
المهنه بناضل بتعلم
تلميذ فى مدرسة الشعبِ
حرياٌ بنا أن نكون كما رأنا وإقتنع بنا واختارنا وإنحاز إلينا
لن نخزلك يابلبل بلادى ففى قلبِ كل منّا محجوب شريف نردد خلفك أهازيجك
نحن ناس المساكن الشعبيه نعرف كيف نرد الجميل وكيف نحفظ للنجوم فينا بريقها
جيناك وكنا طلعنا منك
نحن مرفوعين رؤوس
اهو بنفتح صدورنا مابنكوس الرحمه تب
مافينا عرقاً فيهو سُوس
بل فينا عرقاً من جزور الشعب
عشقاً
لابنداس ونحنا البندوّوس
برغم انه رافض لاى شكل من اشكال المساعده إلا ان سودانيتنا تحتم علينا المشاركة حتى ولو كانت إسميه ياأهلى فى سودانيات ومن تعرفونهم لن تقصروا فى معروف لرجل أعطانا سنين
واحبنا غيابيا حتى دون ان يعرفنا
الخيار متروك لكم لشكل المساهمه والمشاركة نحن اختصرناها فى المطوية و CD صوتى لكن الباب مفتوح لكل مساهم بماتيسر
المطويه موجود لدينا فقط اتصلو تصلكم الى مكانكم
ولكن الاهم دعواتكم للشاعر بتعجيل شفاءه

[نصار الحاج]

يا شعبنا
يا والداً أحبنا
يا من وهبت قلبنا ثباتك الأصيلا
إليك هذه الرسالة القصيرة الطويلة
إليك من زنزانة تخاصم الفصولا
إليك رغم أنف كل بندقية .... / محجوب شريف /

[النور يوسف محمد]

بسم الله الرحمن الرحيم


ومازال ..
ممسكاً بعصا الوعى ..
يتوكأ على جراحات الوطن ..
ويهش بها جيوش الظلام وتنابلة البلد الحزين ..

والمحجوب
قبس اليوم و قنديل الضحى ..

يا ايها الرجل المنارة ..
كم هى مرهقة هذه الأمانى ..
وكم هى ضنينة هذه الرغبات ..
لمثلك يجب أن تتسابق المجالس ..
وتنتظم المدينة ..
ولمثلك يجب أن تصغى المحابر ..
ولشعرك يجب أن تلين الدواة ..
لشخصك يجب أن تحتفل المعالى ..
ولحديثك يجب أن يصتنت السكات ..


معك يا اسامة ..
ولمحجوب شريف فى قلب سودانيات مستقر ومقام ..

تمام الدعم وكل المنى ..

[ماجد تاج]

ـ


كتب المبدع الشايقي ود الشايقية طارق جبريل عن محجوب شريف فقال



محجوب شريف ما حق الشيوعيين براهم

محجوب شريف حق الشعب السوداني دة كله

زيه وزي النيل واااااحد




ما تنسانا يا أسامة

معاكم حتى لو من على البعد

ممكن ننسق بالتلفون



ـ

[اسامة عبدالماجد]

لن نمل الفعل أو تكرار الحديث عن رد الجميل لهذا الرجل الانسان ضمير الناس في بلدي .. !!

معكم في مقدمة العمل

ليتنا تكاتفنا أجمعين ،،

شكرا لكم [/SIZE][/COLOR][/QUOTE]

صديقي ..طارق كانديك
تحياتي
هذا ما توقعناه ممن يعرف اقدار الرجال ...وهكذا كان محجوب شريف انشودة الوطن
والثبات على المبادئ ...وها هي لحظة رد الجميل لاهل الفعل الجميل فكن كما عهدناك .

[اسامة عبدالماجد]

جيناك وكنا طلعنا منك
نحن مرفوعين رؤوس
اهو بنفتح صدورنا مابنكوس الرحمه تب
مافينا عرقاً فيهو سُوس
بل فينا عرقاً من جزور الشعب
عشقاً
لابنداس ونحنا البندوّوس[/COLOR]
برغم انه رافض لاى شكل من اشكال المساعده إلا ان سودانيتنا تحتم علينا المشاركة حتى ولو كانت إسميه ياأهلى فى سودانيات ومن تعرفونهم لن تقصروا فى معروف لرجل أعطانا سنين
واحبنا غيابيا حتى دون ان يعرفنا
الخيار متروك لكم لشكل المساهمه والمشاركة نحن اختصرناها فى المطوية و CD صوتى لكن الباب مفتوح لكل مساهم بماتيسر
المطويه موجود لدينا فقط اتصلو تصلكم الى مكانكم
ولكن الاهم دعواتكم للشاعر بتعجيل شفاءه[/QUOTE]

صديقي عصام بابكر
تحياتي
ما تناولته هو بيت القصيد...محجوب شريف الان بكل عنفوان سنوات نضاله وما جسده من زهد وكبرياء يدفعنا ان نحث الخطى نحوه عسى ان نرد اليه قليلا من كثير زين به جيد الوطن

[اسامة عبدالماجد]

يا شعبنا
يا والداً أحبنا
يا من وهبت قلبنا ثباتك الأصيلا
إليك هذه الرسالة القصيرة الطويلة
إليك من زنزانة تخاصم الفصولا
إليك رغم أنف كل بندقية .... / محجوب شريف /

صديقي ..نصار الحاج
تحياتي
أنتم معشر الشعراء تعرفون وجع ميلاد القصائد ونزيف الجروح التي تحاول اسكات صوت المغني ...محجوب الان قافية النداء لكم ولنا وللوطن الحلم ...فهل لنا ان نعبئ الحناجر بالهتاف ردوا الجميل يا شباب ...ردوا الجميل يا صحاب

[اسامة عبدالماجد]

بسم الله الرحمن الرحيم


ومازال ..
ممسكاً بعصا الوعى ..
يتوكأ على جراحات الوطن ..
ويهش بها جيوش الظلام وتنابلة البلد الحزين ..

والمحجوب
قبس اليوم و قنديل الضحى ..

يا ايها الرجل المنارة ..
كم هى مرهقة هذه الأمانى ..
وكم هى ضنينة هذه الرغبات ..
لمثلك يجب أن تتسابق المجالس ..
وتنتظم المدينة ..
ولمثلك يجب أن تصغى المحابر ..
ولشعرك يجب أن تلين الدواة ..
لشخصك يجب أن تحتفل المعالى ..
ولحديثك يجب أن يصتنت السكات ..


معك يا اسامة ..
ولمحجوب شريف فى قلب سودانيات مستقر ومقام ..

تمام الدعم وكل المنى ..


صديقي النور..
تحياتي ..
لا أستطيع أن أزيد على حروفك الأنيقة سوى أن اليوم يوم سودانيات .. وبقدر أهل العزم تأتي العزائم ..
(افتح بابك آمن تب
زي ما النهر بيلقى مصب
اي حمامة بتلقى الحب
تلقى الورده الندى في الكم
تلقى حداها جناها الام
يرضع صافي حليب الحب
نقدل نحنا الجد والعم
تملا عيونا كهارب سد
باباً جاب الهم والزم والصد ينسد
نفرح لما ندمع جد
مد البصر الامل يمتد
العمل يشتد البنا ينتم الغنا يمتد) محجوب شريف

[اسامة عبدالماجد]

ما تنسانا يا أسامة
معاكم حتى لو من على البعد
ممكن ننسق بالتلفون

ـ[/B]


ماجد تاج .. يا إبن أمي يا إبن أكثر من أبي..
أنتم دوماً في الخاطر خاصة في مثل هذه المحافل والمواقف.. شعورك هذا يجتاح كثيرين من أبناء وطني الذين يعرفون قدر الرجل ويبحثون عن منافذ لرد الجميل إليه..
(يا اللي بتسمع والما بتسمع
لازم تفتح اضانك وتسمع
صوت الشارع لمن يدوي
كل قلاع الخونة بتهوي
وكل جباه الكهنة بتركع
وشمس الحق السرقو شعاعها
بكرة بامر الشعب بتطلع) محجوب شريف

[ناصر يوسف]

أخي أسامه عبد الماجد
تحية واحترام
لعلمي وعلمك وعلم الكثيرين
رفض الأستاذ الحبيب
محجوب شريف لأي شكل من أشكال جمع المال بإسمه
ولحساسية الأمر يا أسامه ،، دعني أسأل
منو صاحب المبادرة دي برد الجميل لمن قدم حياته للناس ؟؟
والمطوية والسي دي موجودات بطرف منو ؟؟
وكيفن الإتصال بيه ؟؟
وكم هو المبلغ المطلوب كمساهمة في رد الجميل؟؟
كلها أسأله تحتاج إلي أجوبة
أكرر ــــ لحساسية الأمر لدي أستاذنا الجليل
محجوب شريف
شكراً ليك

[اسامة عبدالماجد]

الحبيب ناصر يوسف ...
سلاماتي ..
كل ما طرحته من اسالة مشروعة موجودة في وجداننا لاننا نعرف حساسية الامر وموقف الشاعر(محجوب شريف )منه .
المبادرة طرحتها الجمعية السودانية للثقافة والفنون ومقرها الرياض (المملكة العربية السعودية) وتمت مناقشات متعددة في اجتماعات خاصة بهذا الامر وتوصلت الجمعية بالتشاور مع الشاعر لطرح فكرة المطوية في اطار المهتمين والمتابعين للوضع الصحي
للشاعر محجوب شريف.
*المطوية توزع في إطار العلاقات الخاصة ويصاحب توزيعها برنامج متكامل ثقافي فني أدبي ويرافقه معرض تشكيلي تراثي وبعض الأفكار التي ما زالت قيد النقاش.
*تم الاتفاق في احد الاجتماعات على فتح (بوستات )في منتديات متعددة من ضمنها سودانيات للحشد المعنوي والمادي في اطار بادرة لرد الجميل للشاعر الذي وهب عمره لقضية الشعب .
*لاي استفسار آخر يمكن التواصل عبر هذه النافذة ويمكن ان ادون لك/ لكم ارقام تلفونات اعضاء اللجنة .
*المطوية حاليا توزع بين اعضاء الجمعية السودانية واصدقائهم واعضاء سودانيات واصدقائهم بمدينة الرياض .
وافر تقديري الحبيب ناصر

[ناصر يوسف]

شكراً أسامه علي الإيضاح .. وماهو مُعَلَم باللون الأحمر دليلٌ للعافية بالطبع
مشكورين جداً وأنتم تفعلون هذا الفعل النبيل في حق من قدم كُلَ حياته لشعبه ووطنه
لبسط العدل بين الناس بكامل البساطة وتأنق الحرف البسيط ..
ويبقي سؤال واحد فقط ...
كيف يمكن لبورداب الداخل أن يُساهموا في هذا الفعل النبيل ؟؟

[رحاب سليمان]

تحياتي لكم أيها الأصدقاء كلكم تعرفون محجوب شريف
لا كريت أنا لا أنكريت

محجوب

سلميلي على البيابو الحق هدية

ياشعبا تسامى

ربما لا تعرفون الجمعية السودانية للثقافة والاداب والفنون وهي جمعية ثقافية
سودانية يعرفها المهتمون بالثقافة في الرياض وهي تعتبر أن محجوب وأمثاله
موئل ثقتها في كل الفصول ..

هنالك شريط ومطوية ومعارض تشكيلية ومسابقات للأطفال وحفلات غنائية والمستهدف بها كل من استوعب الفكرة التي ظل محجوب يطلقها في شوارع الوطن ... ظننا أن الفكرة واضحة ولكن قد يتطلب الأمر توضيحها أكثر

وسلمولي على البحسو بكل نبض الأرض ديه\وسلمولي على البيابو الحق هدية
وربما أعود لو تطلب الأمر

مداخلة من الاستاذ محمد عبدالجليل وهو أحد قراء شعر محجوب في السي دي وعضو الجمعية السودانية للثقافة والآداب والفنون أرسلها لي بالإيميل بعد قراءة البوست

[عصام بابكر]

أخي أسامه عبد الماجد
تحية واحترام
لعلمي وعلمك وعلم الكثيرين
رفض الأستاذ الحبيب
محجوب شريف لأي شكل من أشكال جمع المال بإسمه
ولحساسية الأمر يا أسامه ،، دعني أسأل
منو صاحب المبادرة دي برد الجميل لمن قدم حياته للناس ؟؟
والمطوية والسي دي موجودات بطرف منو ؟؟
وكيفن الإتصال بيه ؟؟
وكم هو المبلغ المطلوب كمساهمة في رد الجميل؟؟
كلها أسأله تحتاج إلي أجوبة
أكرر ــــ لحساسية الأمر لدي أستاذنا الجليل
محجوب شريف
شكراً ليك


الاخ ناصر
كناعلى استعداد لتوضيح الامر من اول مره وفى مداخلتى اعلاه تجد اننى اشرت الى ما قصدته فى استفساراتك تلك وقلت بالحرف (برغم انه رافض لاى شكل من اشكال المساعده إلا ان سودانيتنا تحتم علينا المشاركة حتى ولو كانت إسميه ياأهلى فى سودانيات ومن تعرفونهم لن تقصروا فى معروف لرجل أعطانا سنين
واحبنا غيابيا حتى دون ان يعرفنا )
ده يدل على انى استبقت كل تساؤل من هذا القبيل
والحاجة الثانيه تمشيا بقوانين المنتدى حجبنا اسم التنظيم (الجمعية السودانية للثقافة والفنون فى الرياض )حتى لايكون اعلان فعاليه تخص تنظيم آخر دون موافقة إدارة سودانيات
وقد نوهت على كل مستفسر الاتصال بنا للتنسيق والايضاحات المطلوبه ان كانت استفسار او مشاركه او مساهمة مع العلم ان معظم برودراب سودانيات فى الرياض شريك فعلى واساسى فى الموضوع وعندهم احاطه كامله لكن لأن العمل تم بالجمعية فمشاركتنا كافراد فقط
قصدنا من البوست توسيع المشاركه عبر اعضاء سودانيات لاصدقاءهم وزملاءهم لاننا لمسنا وجود اشخاص كثر يتمنون المشاركه كرد دين لاستاذنا الكبير محجوب شريف ومشاركته الآمه والاحتفاء به
ثانيا الجمعيه تضم كتاب وشعراء ومهتمون بالحراك الثقافى وزملاء للشاعر واصدقاء مقربون وفيهم من تربطه صلة دم بالشاعر الكبير فهم حريصون لتلبية طلبه وحفاظا على مشاعره
العمل كبير وليس متوقف على المطويه وال CD وسوف يتبلور كمشروع كرنفال ثقافى تكريمى للشاعر يشارك فيه كل السودانين يجمع مابين التكريم وتسليط الضوء على تجربته الشعريه لكن العمل فى طور المشاورات والتخطيط وسوف تعرفون فى حينه
اردت ان اوضح الامر لتجلية الصوره وازالة اى إلتباس
ومنكم العزر
فالتسامحنى سودانيات لتجاوزى القوانين فقط لتوضيح الامر

[ناصر يوسف]

الأخ الكريم
أسامة عبد الماجد
الأخت الكريمة رحاب سليمان
الأخ الكريم الاستاذ محمد عبدالجليل
الأخ الكريم
عصام بابكر
لله دركم وأنتم تفعلون ما فشلت فيه أنا لواحدٍ من الذين أدينُ لهم بالكثير
وهو الأستاذ الجليل
محجوب شريف
ربنا يديم عليه موفور الصحة يا رب

حتي لا يختلط عليكم من مداخلاتي هُنا ،،،
أنا لم أقصد ما وصل بعضكم ،، وأنتم محل الثقة المتكاملة وحق الله
وأعتذر لكم جميعاً إن كانت إستفساراتي أتت عبر العام ،،
فقط لنقاشٍ كان بيني وبين أستاذي الجليل محجوب شريف في ذاتِ الشأن
وبعد أن قام أخي الكريم أسامة عبد الماجد بإيضاح الأمر ،، فهمتُ كثيراً من التفاصيل المُفرحه
ويدي بيدكم يا أهل الرياض السباقون للفعلِ النبيل
التحية لكم فراداً وجماعات وأنتم تفعلون فعلاً نبيلاً بحق
أرجو نقل إعتذاري لكل من تلقي تساؤلاتي بغير مرادها
كامل إعتذاري
وتحيةً وإجلالاً واحتراماً لكم جميعاً
أخوكم
ناصر يوسف

[اسامة عبدالماجد]

الأخ الكريم
أسامة عبد الماجد
الأخت الكريمة رحاب سليمان
الأخ الكريم الاستاذ محمد عبدالجليل
الأخ الكريم
عصام بابكر
لله دركم وأنتم تفعلون ما فشلت فيه أنا لواحدٍ من الذين أدينُ لهم بالكثير
وهو الأستاذ الجليل
محجوب شريف
ربنا يديم عليه موفور الصحة يا رب

حتي لا يختلط عليكم من مداخلاتي هُنا ،،،
أنا لم أقصد ما وصل بعضكم ،، وأنتم محل الثقة المتكاملة وحق الله
وأعتذر لكم جميعاً إن كانت إستفساراتي أتت عبر العام ،،
فقط لنقاشٍ كان بيني وبين أستاذي الجليل محجوب شريف في ذاتِ الشأن
وبعد أن قام أخي الكريم أسامة عبد الماجد بإيضاح الأمر ،، فهمتُ كثيراً من التفاصيل المُفرحه
ويدي بيدكم يا أهل الرياض السباقون للفعلِ النبيل
التحية لكم فراداً وجماعات وأنتم تفعلون فعلاً نبيلاً بحق
أرجو نقل إعتذاري لكل من تلقي تساؤلاتي بغير مرادها
كامل إعتذاري
وتحيةً وإجلالاً واحتراماً لكم جميعاً
أخوكم
ناصر يوسف


الأخ العزيز ناصر يوسف ..
تحية ومحبة..
شكراً جميلاً للمداخلة التوضيحية ..
كلنا يداً واحدة تعمل من أجل هتافات الشاعر محجوب شريف التي ملأت شوارع الوطن من حقك ان تستفسر ومن واجبنا أن نوضح.
لك مودتي.

[ناصر يوسف]

الأخ العزيز ناصر يوسف ..
تحية ومحبة..
شكراً جميلاً للمداخلة التوضيحية ..
كلنا يداً واحدة تعمل من أجل هتافات الشاعر محجوب شريف التي ملأت شوارع الوطن من حقك ان تستفسر ومن واجبنا أن نوضح.
لك مودتي.

أنا الآن بعمل يا أسامه في عملية رفع لفيديو خاص بالأستاذ محجوب شريف
وهو من تصويري ،، لما كنا بنعمل في عمل كبير مع بعض إنتهينا منه
وما زلت في إنتظار رؤية هذا العمل الكبير بحق ،،
وعلي ما أعتقد بإنو العمل ده الآن في دبي أو الدوحة ،، ما عندي أدني فكرة
متوقع بعد ساعتين يتم رفع الفيديو عبر اليوتيوب
ومن ثم حأقوم بتنزيله هنا كإهداء للجميع
وأسمحوا لي بإنو ينزل الفيديو عبر بوست منفصل ،، ده لو سمحتوا لي بالطبع
وبرضو حأنزله هنا كمان ،، شفت الطمع ده كيفن يا أسامه يا أخوي :p :p

[ناصر يوسف]

أهديكم لهذا المقطع القصير من فلم فيديو خاص بالأستاذ الجليل/

محجوب شريف

ربنا يديه الصحة والعافية يا رب


http://www.youtube.com/watch?v=KehWfYr9lUM&feature=youtu.be

[اسامة عبدالماجد]

صديقي ناصر يوسف ..
تحياتي ..
دعني اشد على يدك وأنت ترفد البوست بهذا الفيديو التوثيقي، وهكذا يمكننا أن نمضي جميعنا في إتجاه رد الجميل للشاعر المبدع محجوب شريف.
فمثل هذه المبادرات وأعني التوثيق للمبدعين عمل عظيم يستحق الثناء..
ولك الشكر ،،

[رحاب سليمان]

الأخ الكريم
أسامة عبد الماجد
الأخت الكريمة رحاب سليمان
الأخ الكريم الاستاذ محمد عبدالجليل
الأخ الكريم
عصام بابكر
لله دركم وأنتم تفعلون ما فشلت فيه أنا لواحدٍ من الذين أدينُ لهم بالكثير
وهو الأستاذ الجليل
محجوب شريف
ربنا يديم عليه موفور الصحة يا رب

حتي لا يختلط عليكم من مداخلاتي هُنا ،،،
أنا لم أقصد ما وصل بعضكم ،، وأنتم محل الثقة المتكاملة وحق الله
وأعتذر لكم جميعاً إن كانت إستفساراتي أتت عبر العام ،،
فقط لنقاشٍ كان بيني وبين أستاذي الجليل محجوب شريف في ذاتِ الشأن
وبعد أن قام أخي الكريم أسامة عبد الماجد بإيضاح الأمر ،، فهمتُ كثيراً من التفاصيل المُفرحه
ويدي بيدكم يا أهل الرياض السباقون للفعلِ النبيل
التحية لكم فراداً وجماعات وأنتم تفعلون فعلاً نبيلاً بحق
أرجو نقل إعتذاري لكل من تلقي تساؤلاتي بغير مرادها
كامل إعتذاري
وتحيةً وإجلالاً واحتراماً لكم جميعاً
أخوكم
ناصر يوسف
الاخ الفاضل / ناصر يوسف
لك التحايا النواضر
شكرا جزيلا لمداخلتك الوافيه وكلنا نحمل نفس الهم ونفس الاحترام لشاعر الشعب محجوب شريف
والتحية والتقدير للاخ اسامة عبدالماجد

[نبراس السيد الدمرداش]

المهمل المركون
الكبرت علي والفاض عن الحاجة
المنسي في الدولاب والجوه تلاجة
إلفي الزقاق مركون فردا وازواجا
الكرسي في الحمام البمبر المكسور
أو باقي........................ دراجة
والبي الهموم مسكون والأرض وإزعاجا
ما كان غدا حايكونللصابر الممكون
يسدو كم فرقة ويسدو كم حاجة
الناس اذا بالناس ما تقيفوا فراجة
خوفي المدن تنداس لو دونما احساس
اتعلت........................ ابراجا
كم من ولد لا أم لا بيت ولا حاجة
ياحليلو مابحلم مدرستوا مافتحت
قداموا........................ . ادراجا
لابحس بالعيد لو مر او ما جاء
بتوسد الطرقات والحمي سهراجه
لمن يراهو الجوع واللقمة محجاجة
هوج الرياح في الليل ساكيهو كرباجا
الجمرة تحت العين مابكرة نتفأجا
الغبن ذو الحدين والفتنة مزواجة
الواحد يبقي اتنين والستة افواجا
طقس التسامح زين والشمس وهاجه
كل العشم ياريت تتفتح الاديان بيناتنا نفاجا
نتدفئ بالحسنى وبالسلم نتنأجا
مايبقي زول محتاج ماتبقي محتاجة

حبيب الشعب
دخلت بيتو و انا متهيبه وطلعت منو وانا ست بيت
كرم الضيافه و الاستقبال الحلو وكلمات حسيت معاها اني بت محجوب شريف
اتاخرنا في الجلسه وقلت ليهم الليله بطردوني من البيت عاين لي وابتسم
قال لي انتي ما شبه البطردوهم و يا كاتبنا الكبير(وليد الامين) توصل البت دي لباب بيتهم و تتاكد انها دخلت البيت
الكلمات دي عززت ثقتي في نفسي وشالت من علي قلبي و كتفي هم وحزن كبير

معاكم في اي شيء و اي شيء ممكن وبقدر اساعد بيهو

[اسامة عبدالماجد]

الاخت الفاضله
رحاب سليمان
تحية واحترام
شكرا جميلا لمرورك والكتابات التوضيحيه فى هذا الفعل الانساني الذي يحتاج لمشاركة ومساهمة الجميع حتى تحقق الرسالة مقاصدها .
نامل ان تشاركي بصورة تعكس هذا العمل بشكل اكبر واشمل من هذا الطرح لانك على راس الرمح الذي يصنع هذا الفعل العظيم .
مودتي

[اسامة عبدالماجد]

المهمل المركون
الكبرت علي والفاض عن الحاجة
المنسي في الدولاب والجوه تلاجة
إلفي الزقاق مركون فردا وازواجا
الكرسي في الحمام البمبر المكسور
أو باقي........................ دراجة
والبي الهموم مسكون والأرض وإزعاجا
ما كان غدا حايكونللصابر الممكون
يسدو كم فرقة ويسدو كم حاجة
الناس اذا بالناس ما تقيفوا فراجة
خوفي المدن تنداس لو دونما احساس
اتعلت........................ ابراجا
كم من ولد لا أم لا بيت ولا حاجة
ياحليلو مابحلم مدرستوا مافتحت
قداموا........................ . ادراجا
لابحس بالعيد لو مر او ما جاء
بتوسد الطرقات والحمي سهراجه
لمن يراهو الجوع واللقمة محجاجة
هوج الرياح في الليل ساكيهو كرباجا
الجمرة تحت العين مابكرة نتفأجا
الغبن ذو الحدين والفتنة مزواجة
الواحد يبقي اتنين والستة افواجا
طقس التسامح زين والشمس وهاجه
كل العشم ياريت تتفتح الاديان بيناتنا نفاجا
نتدفئ بالحسنى وبالسلم نتنأجا
مايبقي زول محتاج ماتبقي محتاجة

حبيب الشعب
دخلت بيتو و انا متهيبه وطلعت منو وانا ست بيت
كرم الضيافه و الاستقبال الحلو وكلمات حسيت معاها اني بت محجوب شريف
اتاخرنا في الجلسه وقلت ليهم الليله بطردوني من البيت عاين لي وابتسم
قال لي انتي ما شبه البطردوهم و يا كاتبنا الكبير(وليد الامين) توصل البت دي لباب بيتهم و تتاكد انها دخلت البيت
الكلمات دي عززت ثقتي في نفسي وشالت من علي قلبي و كتفي هم وحزن كبير

معاكم في اي شيء و اي شيء ممكن وبقدر اساعد بيهو

الاخت الفاضله
نبراس
تحياتي
شكرا للمساهمة الثرة .
محجوب شريف كتلة من الابداع يا نبراس والابداع فعل انساني متناهي ,لذا لم يكن غريبا عليه هذا السلوك الابوي وهو معلما في المقام الاول كوني بالجوار حتى نخلق معا فعل نستطيع من خلاله ان نتجاوز مع الاستاذ محجوب شريف هذا العارض الصحي حتى يتواصل دفق ابداعه الذي يشكل وجدان جماهير الوطن .
لك مودتي

[رحاب سليمان]

حنبنيهو البنحلم بيهو يوماتي
وطن شامخ
وطن عاتي
وطن خيِّر ديمقراطي
وطن مالك زمام أمرو
ومتوهج لهب جمرو
وطن غالي
نجومو تلالي في العالي
إرادة.. سيادة.. حرية
مكان الفرد تتقدم
قيادتنا الجماعية
مكان السجن مستشفى
مكان المنفى كلية
مكان الأسرى وردية
مكان الحسرة أغنيَّة
مكان الطلقة عصفورة
تحلق حول نافورة
تمازح شفع الروضة
حنبنيهو
البنحلم بيهو يوماتي
وطن للسلم أجنحتو
ضد الحرب أسلحتو
عدد ما فوقو ما تحتو
مدد للأرضو محتلة
سند للإيدو ملوية
حنبنيهو
البنحلم بيهو يوماتي
وطن حدادي مدادي
ما بنبيهو فرادي
ولا بالضجة في الرادي
ولا الخطب الحماسية
وطن بالفيهو نتساوى
نحلم نقرأ نتداوى
مساكن كهربا ومويه
تحتنا الظلمة تتهاوى
نخت الفجر طاقية
وتطلع شمس مقهورة
بخط الشعب ممهورة
تخلى الدنيا مبهورة
إرادة وحدة شعبية
"محجوب شريف"
محجو ب شريف شاعر الوطن والشعب والانسانية له منا التحية والتقدير فى رحلته التى لامست فيها أوتاره الشمس.
فى الرياض ومن الرياض الى العالم اجمع احتفوا معنا بضمير الشعب الناطق بلسانها ...محجوب شريف
اذن ...لنغنى من الرياض لمحجوب شريف ونحتفى به كما احتفى بنا ولنرد الجميل لصاحب رد الجميل

[عصام بابكر]

جيتك عاشق اتعلم من الايام
ومن سأم الليالى البور
ومن أسر الولف كتّال
لقيتك فى طشّاشى دليل
وفى حرّ الهجيره مقيل
ركزت على ضراكِ عصاى
لقيتك فى حياتى جزور
بنّيه من غنا الأطفال ...
ومن سعف النخيل والنيل
ومن وهج الشمس موّل


يتواص العمل فى سعى محموم لإخراج كرنفال التكريم والتواصل مع شاعرنا الكبير محجوب شريف
فى سعى دوؤب تتكامل الرؤي والفعل لبلورة العمل فى صورة تليغ بمحجوب الانسان والمغنى
نهيب بالجميع فى مشاركتنا بالافكار والاقتراحات
حتى نصل بالعمل حد الكمال والجمال

[مبر محمود]

صنع بقلمه حُلماً له وللكثيرين.. وما أبهى أحلام الوطن!

[ناصر يوسف]

يا ناس الرياض الجميله
يا أيها الجميلين
أنقل لكم تبريكات الأستاذ/ محجوب شريف لنبلكم الذي تفعلون
كنت في ضيافته في بيتكم ، بيتي ، بيته مساء الأمس
وهو يشكر لكم صنيعكم
هناك محاولة من طرفي ليتها تنجح
ولو ربنا شاء بمشيئته ، سوف أحمل كاميرتي صوب داره لأصور خطابه إليكم
ومن ثم سأقوم بإرسال الفلم إليكم لتبثوه عبرالليلة ،، عل أن لا يتعدي زمنه دقائق معدودات ( بين 3 إلي 5) دقائق فقط .
فقط ،،، هي محاااااولة ،،، برغم عناءها وعناء إنجاز عمل فني في الوطن الشقيق ،، هذا السودان الذي أضحينا فيه كما الضيوف

[عصام بابكر]

الاخ ناصر يوسف
التحيه لك وانت تتفاعل مع الحدث
بالفعل لقد طرحت هذه الفكرة فى الاجتماع التنسيقى يوم الاربعاء امس الاول
وذكرت الفلم التوثيقى الذى انزلته على هذا البوست
ولاقت الفكره استحسان الجميع
فقط انتظرت قليلا قبل ان اطرح عليك الموضوع
انه توارد خواطر عجيب جدا
الشكر كل الشكر لك
وسوف يكون بينا حوار فى الايام القادمه للتنسيق والتداول فى الامر
الشكر لكل من يستجيب لنداء محجوب

[ناصر يوسف]

الاخ ناصر يوسف
التحيه لك وانت تتفاعل مع الحدث
بالفعل لقد طرحت هذه الفكرة فى الاجتماع التنسيقى يوم الاربعاء امس الاول
وذكرت الفلم التوثيقى الذى انزلته على هذا البوست
ولاقت الفكره استحسان الجميع
فقط انتظرت قليلا قبل ان اطرح عليك الموضوع
انه توارد خواطر عجيب جدا
الشكر كل الشكر لك
وسوف يكون بينا حوار فى الايام القادمه للتنسيق والتداول فى الامر
الشكر لكل من يستجيب لنداء محجوب

الأخ الحبيب
عصام بابكر
تحيةً واحتراما
علي رقبتي دينٌ عظيم مستحق في حق من علمنا معني الحياة
معني كيف جاز للواحد منا أن يكون إنساناً
هو أستاذنا الجليل
محجوب شريف
وهذا جزء ضئيلٌ حقاً من الدين ،، يحتم الواجب علينا أن نرد الدين الآن وليس ( بعدين)
تسلم يا عصام يا أخوي
وكما ذكرت أعلاه ،، هي مجرد محاولة ..
دعواتك بأن أوفق

[اسامة عبدالماجد]

وردتني رساله على الجوال من الصديق ناصر يوسف بان اتصل به الان .... لم اكن ادري ان ناصر اعد لي مفاجأة جميله بان اتحدث مع الشاعر محجوب شريف فى ظروفه الصحيه التي نعلمها.
اتاني صوته ممتلئا بالحياه، مغطى بالتواضع، مشبع بيقين المؤمنين، مزدهر بألق الشعراء وهم يرتلون قصائدهم الحميمه.
كان فى صوته شجن والفه تاخذك بعيدا الى عوالم ممتلئه بالياسمين واناشيد الاطفال وهم يرسمون فجر الحلم الباكر.
حدثني عن ان الشعب السودانى هو من يستحق التكريم ويجب ان نرد له الجميل وهو شعب المعلمين كما قال، كان جميلا هذا الرجل حتى فى تواضعه وكان يحدثني حديث العارفين عن الجمعيه السودانيه للثقافه بالرياض عن محمد عبد الجليل ونصار الحاج عن عصام عيسى ويوسف السمانى ومعتصم وبقية كوكبه من رجال نذروا انفسهم للعنايه بالجمال الابداعي اينما وجد .. وكانت رحاب ومنى وأخريات وشدد على زيادة اشواقه وسلامه للمبدعه نجاة محمد عثمان وباقي الأخوات اللاتي يسقطن بريقهن على الساحة الإبداعية.

[نصار الحاج]

وردتني رساله على الجوال من الصديق ناصر يوسف بان اتصل به الان .... لم اكن ادري ان ناصر اعد لي مفاجأة جميله بان اتحدث مع الشاعر محجوب شريف فى ظروفه الصحيه التي نعلمها.
اتاني صوته ممتلئا بالحياه، مغطى بالتواضع، مشبع بيقين المؤمنين، مزدهر بألق الشعراء وهم يرتلون قصائدهم الحميمه.
كان فى صوته شجن والفه تاخذك بعيدا الى عوالم ممتلئه بالياسمين واناشيد الاطفال وهم يرسمون فجر الحلم الباكر.
حدثني عن ان الشعب السودانى هو من يستحق التكريم ويجب ان نرد له الجميل وهو شعب المعلمين كما قال، كان جميلا هذا الرجل حتى فى تواضعه وكان يحدثني حديث العارفين عن الجمعيه السودانيه للثقافه بالرياض عن محمد عبد الجليل ونصار الحاج عن عصام عيسى ويوسف السمانى ومعتصم وبقية كوكبه من رجال نذروا انفسهم للعنايه بالجمال الابداعي اينما وجد .. وكانت رحاب ومنى وأخريات وشدد على زيادة اشواقه وسلامه للمبدعه نجاة محمد عثمان وباقي الأخوات اللاتي يسقطن بريقهن على الساحة الإبداعية.


إنه عظيم دائماً
وجميل أبداً، هو محجوب شريف ..
وتحيات عاطرات لك أيها الحبيب ناصر يوسف ..

[اسامة عبدالماجد]

شكرا نصار الحاج
شكرا ناصر يوسف صناع الفعل الجميل هاهى الايام تقترب وانتم تعدون العده للاحتفاء بهذا الانسان الجميل محجوب شريف وهاهى الرياض تضج بحركة شبابها الفاعل لتصنع جميلا يليق بمكانة المحجوب .

[ناصر يوسف]

إنه عظيم دائماً
وجميل أبداً، هو محجوب شريف ..
وتحيات عاطرات لك أيها الحبيب ناصر يوسف ..

نصـــــــار الحاج
قِف ،،
لكَ المحبةُ وكثيفُ الإحترام ،،
قِف ،،
وكثيرُ شوقٍ إلي لقياك
إنتهي ،،
أوهل وصلك مكتوبي عبر هذا الأسامه الماجد ؟؟

[ناصر يوسف]

شكرا نصار الحاج
شكرا ناصر يوسف صناع الفعل الجميل هاهى الايام تقترب وانتم تعدون العده للاحتفاء بهذا الانسان الجميل محجوب شريف وهاهى الرياض تضج بحركة شبابها الفاعل لتصنع جميلا يليق بمكانة المحجوب .

أنا لم أفعلُ شيئاً يا أيها الرجل النبيل
بل أنت من فعلت بأن حركت أرجلي صوبَ بيتا بيت الجمال لأحتفي ببعض تمراتٍ من فيض كرمه هذا المحجوبُ الشريف ذاك اليوم
شكراً لك

[عصام بابكر]

دايرنك جنبنا يا محجوب

تتكامل الجهود فى سعى دؤوب
لاخراج كرنفال رد الوفاء
لشاعر الوطن
محجوب شريف
كل من لديه فكرة او راى او مشاركه فاليسارع بتذويدنا لها
حتى يخرج الكرنفال بقامة استاذنا الجميل
كلنا نحتفى بحبيب الشعب

[عصام بابكر]

نص جديد لمحجوب شريف


بجاه الملوك أموت ولا ألوك
راحة ضمير يا رب وحسن سير وسلوك
حافي قدر لحافي أسير ولا أطير صعلوك
لا أملك أحد يوما ولا أيضا أصير مملوك

محجوب شريف
15 يناير 2012
الآخبار


http://store2.up-00.com/Jan12/8yG82090.jpg (http://www.up-00.com/)

[رحاب سليمان]

ولا كريت أنا لا أنكريت
لا بعت ذمة ولا أشتريت
سنيت قلم صدقي وبريت
وبنعم
نعم السلاطين أزدريت
"محجوب شريف"

[عصام بابكر]

تم تحديد موعد مبدئى
لإحتفائية شاعرنا الكبير
محجوب شريف
وذلك مساء يوم الخميس الموافق
09/02/2012

[الأرباب]

أديتني حماس
وحواس ويقين
كلمت الناس
كم واحد قال
أديتو حماس وحواس ويقين

التحية للثوري الزاهــــد الأستاذ/ محجوب شريف
والتحية لك حبيبنا أسامة .. ولمجموعة الرياض التي تتنفس وطن ..
ولكل الذين شدو الحيل وعقدوا العزم على أنجاح هذا العمل الجليل المقدر ..

أخوكم/ الأرباب

[عصام بابكر]

http://im21.gulfup.com/2012-01-22/1327220720901.jpg (http://www.gulfup.com/show/X43uamz0kxv)



( أم اليتامى)

بين العمل والبيت

فصّد جبينها عرق..

أم اليتامى بكت

لمن حسابها فرق

ماهية تمشي السوق

مركب مصيرها غرق

حق اللبن والزيت

الكسرة والكراس

هم في عيونها برق

الما بحس ما بهم

والخان همومو سرق

هذا المرتب تب

ما بسدها الفرقة..

القعدة في المكتب

والإمضا في الورقة

العبرة في الخبرة

الأيدي لو تعمل

جرح الزمن ببرا

اتباصرت مكنة

ماكوكها يتقدّل

بين خيطها والإبرة

زي ما القلب ساساق

الخطوة ساساقة

وعيونها منتبهة

تباري زقزاقها

لا شك ولا شبهة

والسترة أشواقها

والشفع القصر

والدمعة رقراقة

يا حليل شريك العمر

الدنيا فراقة

اتيقنت أحسن

من تبقى نقناقة

شقشق مقص في ليل

نامت خلايق الله

طاير سُقد حلّق

في بيتها واتدلّى

تدّي الولاد بصة

وتجرب القصة

وتقلّب الحلة

جاهز عمل بكرة

أسأل تقاريرها

السرية والسمعة

هل ركلست يوماً

حتى ولو جمعة

مشكورة في المكتب

مستورة في الحِلة

رغم الشجن هبت

لم تعرف الذلة

ما فارقت سرباً

تتفهم الموقف

تستدرك العلة

ولم تعد أماً

مسكينة بتشفِّق

تفرتق وترتق

قُصاصة في إيدها

كالوردة بتبتِّق

ريانة منشرحة

هدِم قدِم يصبح

في لمحة كم طرحة

لا بد من تكية

لا بد من بكية

لا بد من غمدة

لا بد من سرحة

أنعم بها أماً

بين العمل والبيت

يا مرحىَ يا مرحىَ

[رحاب سليمان]

فى الرياض ومن الرياض إلى العالم احتفوا معنا بشاعر الشعب ...
محجوب شريف
الزمان: التاسع من فبراير 2012
المكان قاعة نورماس مخرج 18

[ناصر يوسف]

فى الرياض ومن الرياض إلى العالم احتفوا معنا بشاعر الشعب ...
محجوب شريف
الزمان: التاسع من فبراير 2012
المكان قاعة نورماس مخرج 18

أختي العزيزه
رحاب سليمان
تحية طيبة وبعد
الشكر كل الشكر لكي وكوكبة الرياض وأنتم تردون الجميل لهذه القامه
وعلي الرغم من إنو ما حنقدر نكون معاكم بأجسادنا بالطبع
لكن مُؤكد حنكون معاكم عبر الكاميرا
بالأمس إقترحت علي الأخ العزيز أسامه عبد الماجد ( ربنا يشفي والدته) وهو معانا هنا هذه الأيام
إقترحت عليه إننا نقوم بزيارة خاطفة لعمنا المحجوب الشريف وبحوزتنا الكاميرا
لأجل إننا نسجل معاه مادة ليتم بثها عبر الإحتفائية بيه عندكم في الرياض
وقد قمت أيضاً بالإتصال بالأخ العزيز
معتصم دفع الله وأخطرته بالفكرة وطلبت منه إخطار اللجنة المُنظمة حتي لا نكون قد تغولنا علي فعلكم النبيل بشئ لم يكن في الحِسبان
أرجو شاكراً نقل الأمر إلي اللجنة المنظمة
جاري عمل المونتاج للفلم (لأنَّ مدة التسجيل فاقت الخمسين دقيقه) ، وسأعمل علي مونتاج فلم يصل لربع الساعة كحد أقصي أو ما تقولونه أنتم ،،
شارك الأخ العزيز/ أسامه عبد الماجد في الحوار بمعية الأخ العزيز /مهند الخطيب
وأعتذر مسبقاً بأنني قد كنت أحمل الكاميرا علي يدي من غير إستاند ( أنا أصلو يا رحاب ما مصور مجترف :p :p :p)
تحياتي ليكم كلكم يا شباب وشابات الرياض الجميلين

ملحوظة: للمحجوب الشريف رأي جميل في مسألة دعمكم له ويري هو أن ،،،، ياخي أنا مالي عاوز أحرق الفلم ،،، هههههههههه

[رحاب سليمان]

أختي العزيزه
رحاب سليمان
تحية طيبة وبعد
الشكر كل الشكر لكي وكوكبة الرياض وأنتم تردون الجميل لهذه القامه
وعلي الرغم من إنو ما حنقدر نكون معاكم بأجسادنا بالطبع
لكن مُؤكد حنكون معاكم عبر الكاميرا
بالأمس إقترحت علي الأخ العزيز أسامه عبد الماجد ( ربنا يشفي والدته) وهو معانا هنا هذه الأيام
إقترحت عليه إننا نقوم بزيارة خاطفة لعمنا المحجوب الشريف وبحوزتنا الكاميرا
لأجل إننا نسجل معاه مادة ليتم بثها عبر الإحتفائية بيه عندكم في الرياض
وقد قمت أيضاً بالإتصال بالأخ العزيز
معتصم دفع الله وأخطرته بالفكرة وطلبت منه إخطار اللجنة المُنظمة حتي لا نكون قد تغولنا علي فعلكم النبيل بشئ لم يكن في الحِسبان
أرجو شاكراً نقل الأمر إلي اللجنة المنظمة
جاري عمل المونتاج للفلم (لأنَّ مدة التسجيل فاقت الخمسين دقيقه) ، وسأعمل علي مونتاج فلم يصل لربع الساعة كحد أقصي أو ما تقولونه أنتم ،،
شارك الأخ العزيز/ أسامه عبد الماجد في الحوار بمعية الأخ العزيز /مهند الخطيب
وأعتذر مسبقاً بأنني قد كنت أحمل الكاميرا علي يدي من غير إستاند ( أنا أصلو يا رحاب ما مصور مجترف :p :p :p)
تحياتي ليكم كلكم يا شباب وشابات الرياض الجميلين

ملحوظة: للمحجوب الشريف رأي جميل في مسألة دعمكم له ويري هو أن ،،،، ياخي أنا مالي عاوز أحرق الفلم ،،، هههههههههه

أخي العزيز/ ناصر يوسف
لك التحايا النواضر
شكرا ليك كتير على مبادرتك الكريمة...
ومرحبا بالمساهمة الكبيرة التى ذكرتها ، وحقيقة ما نفعله تجاه هذا العملاق لن يوافيه حقه

[ناصر يوسف]

أخي العزيز/ ناصر يوسف
لك التحايا النواضر
شكرا ليك كتير على مبادرتك الكريمة...
ومرحبا بالمساهمة الكبيرة التى ذكرتها ، وحقيقة ما نفعله تجاه هذا العملاق لن يوافيه حقه


أختي رحاب سليمان
تحية واحترام لكي ولكل أفراد الجمعية
بمشيئة الله ستصلكم عدد 2 CD يوم باكر بطائرة المساء
مادة فيديو مع الأستاذ محجوب شريف
14 دقيقة تقريباً لكل CD
الزمن الكُلي 28 دقيقة و 41 ثانية

[عصام بابكر]

مشكور اخ ناصر على المجهود والمثابره
فى انتظار ال سيديهات وسوف نقوم بعرضها
مع البرزنتيشن خلال الفعاليه ان شاء الله
وسوف نقوم بانزال الحفل عبر هذا البوست
ونرسل لك نسخة خاصة كامله

[عبدالمنعم الطيب حسن]

اليوم موعدنا
والتحايا للجميع