عيونك

[جيجي]

ديل عيونك ولاّ واحة
ولاّ للشوق استراحة
ولاّ مستودع سماحة

ولاّ نبعين لمشاعرفايضة
ما محدود براحا

ديل عيونك ولاّ أنغام من موسيقا
مافي وتراُ أصلو طالا

أو عرف سكة طريقا
ولاّ يا رائع حديقة

عامرة بالندي والازاهر
والتعاريش الانيقة

صادحة بي شدْوَ القماري
والعصافير الطليقة

تهدي للارواح شذاها
وللنفوس طيبا ورحيقا

وتحلو في رموش السباحه
ديل عيونك ولاّ واحة

ديل عيونك ولاّ جِلّة
بزحام وبيوت مطلّة

وبشجر من فوقا ظلاّ
ومرة مرة عليكي الله

أرسلي النظرات نواعس
وبعثري الشوق في المِحِلّة

ديل عيونك
ولاّ حسن الدنيا طلاّ

ولاّ غيم بي الالفة زاخر
في النفوس من فوق تدلاّ

ورشّ فينا وداد وراحة
ديل عيونك ولاّ واحة

ديل عيونك ولاّ غابة
من بعيد الزول يهابا

سامغة اشجارا وغصونا
سارحة في تيها و رحابا

والدروب الماشيا بيها
وَدّرت كل المشابا

الا برضو نقول حبابا
طاما في الروح سكونا

وفي الجوانح إندياحا
ديل عيونك ولاّ واحة

[جيجي]

ياجماعة والله نحن في كلمات كتيرة ما سمعناها مدوزنة
العنده الكلمات الفوق دي مدوزنة يسمعنا
وعرفت انه الفنان الجيلاني الواثق
وقوقلنا مالقينا
لكن لقينا عيون تانية برضو اول مرة نسمعها:)
وممكن تسمعوا معانا
طال ما المكتب يحمد سيدو مافيه الا اناgoood

[جيجي]

WIDTH=350 HEIGHT=400

[قيس شحاتة]

ديل عيونك ولاّ واحة
ولاّ للشوق استراحة
ولاّ مستودع سماحة

ولاّ نبعين لمشاعرفايضة
ما محدود براحا

ديل عيونك ولاّ أنغام من موسيقا
مافي وتراُ أصلو طالا

أو عرف سكة طريقا
ولاّ يا رائع حديقة

عامرة بالندي والازاهر
والتعاريش الانيقة

صادحة بي شدْوَ القماري
والعصافير الطليقة

تهدي للارواح شذاها
وللنفوس طيبا ورحيقا

وتحلو في رموش السباحه
ديل عيونك ولاّ واحة

ديل عيونك ولاّ جِلّة
بزحام وبيوت مطلّة

وبشجر من فوقا ظلاّ
ومرة مرة عليكي الله

أرسلي النظرات نواعس
وبعثري الشوق في المِحِلّة

ديل عيونك
ولاّ حسن الدنيا طلاّ

ولاّ غيم بي الالفة زاخر
في النفوس من فوق تدلاّ

ورشّ فينا وداد وراحة
ديل عيونك ولاّ واحة

ديل عيونك ولاّ غابة
من بعيد الزول يهابا

سامغة اشجارا وغصونا
سارحة في تيها و رحابا

والدروب الماشيا بيها
وَدّرت كل المشابا

الا برضو نقول حبابا
طاما في الروح سكونا

وفي الجوانح إندياحا
ديل عيونك ولاّ واحة

ياخي والله دا كلام سمِح وطاعِم بلحيل

النص دا أول مرة أطّلع عليهو ، قايلو حقك :) قلت البت دي اتشفتنت عديل :D وقلبت الهوبه في القصيدة دي .. خليتيني اتضاير ياخ:D .. ما ارتحت :p وبالي هِدا :p إلا بعد قلتي الجيلاني الواثق ، حينها بسَط أبو حنيفة رِجليه :D

[ود المامون]

...

.. هي فعلا

.. للشوق استراحة ....


... جيجي ... دائما تقتفي اثر هذا الشاعر .. الكلمات لنفس صاحب ... ان في العيون ببنيولو دارين ...


.. الضحكة .. واللفتة ... البتاخد من عيوني النوم سنين وتجفلو ...


.. كل الحب ..

[جيجي]

ياخي والله دا كلام سمِح وطاعِم بلحيل

النص دا أول مرة أطّلع عليهو ، قايلو حقك :) قلت البت دي اتشفتنت عديل :D وقلبت الهوبه في القصيدة دي .. خليتيني اتضاير ياخ:D .. ما ارتحت :p وبالي هِدا :p إلا بعد قلتي الجيلاني الواثق ، حينها بسَط أبو حنيفة رِجليه :Dههههه
غايتوا انا شايفة تعقل رجليك الاتنين
يابتاع ال كما:p

[جيجي]

...

.. هي فعلا

.. للشوق استراحة ....


... جيجي ... دائما تقتفي اثر هذا الشاعر .. الكلمات لنفس صاحب ... ان في العيون ببنيولو دارين ...


.. الضحكة .. واللفتة ... البتاخد من عيوني النوم سنين وتجفلو ...


.. كل الحب ..
كامل عبد الماجد
شاعر جميل
شكرا لكل هذا المرور

[جيجي]

نقلب البوست لاشعار كامل عبد الماجد لحدي مانلقي حد ينزل ليا الاغنية اعلاه

--------
حدها متين الحرابة

الحمام الفر جافل
امتي يرجع ليكي قافل
والسلام من تاني يقدل في رباكي الحلوة رافل
****
يا عرين اهلي البواسل
ما عرفنا الفيكي حاصل
الجيوش تزحف حيالك
جيش يفوت والتاني واصل
والاذاعات بيكي ترطن
من صباح لي ليل تواصل
والوفود قاصداكي تتري
فيكي تفتي وفيك تفاصل
والحمام الفر جافل امتي يرجع ليكي قافل
****
يا عرين أهلي الكرام
البعشوا الضيف نعام
البشيلوا الليل قيام
الزمان جلجل هديرم
وساروا في جيش الإمام
والزمان دفقوا العطايا
ودثروا البيت الحرام
يا سلام أنا يا سلام
كيف أفل بالله نجمك
وصرتي في الآخر حطام
والحمام الفر جافل امتي تاني يجيكي قافل
****
ياعرين أهلي الطيابة
حدها متين الحرابة
الدمار ماخلا حلة
والحريق ما خلا غابة
عشعش البوم في طلولك
والبيوت صبحت خرابه
والخيام صبحت ملاذ ك
بي جحيمة وبي عذابة
كيف تعيشي علي الإغاثة
وكنتي للوطن السحابة
كافي خيرك ويكفي غيرك
ليكي شنة وليكي رنة وليك مهابة
هل كبارك شتوا فاتوا وسدت الجودية بابة
والحمام الفر جافل هل بعود ليك تاني راحل

[جيجي]

الزمان الزاهي مرّ
وعدت ايام المسرة
وفضلت الذكري الحبيبة
نارة توقد مرة مرة
حار خلاص الكون ده اصبح
وخوفنا بكرة نشوف احرّ
واسه ما طايقين مرارتو
كيف مع الجاي الامرّ
***
اسدل الابداع سدولو
وما فضل بس غير طلولو
العمالقة انفضو فاتو
وابتدو الاقزام يطولو
يا زمن ايه النقولو ؟
هل نقول نضب المعين ؟
وفننا اندثرت حقولو
او نقول كملو البغنو
والشعر اجدب خميلو
***
كانت ايامنا الخوالي
حلوة طاعمة ومستطابة
يا زمان رجعنا ليها
كان فضل عندك عقابة
نحن منها ما ارتوينا
مالو قافل بدري بابة ؟
النوابغ شتو فاتو
خلفو الاسي والرتابة
لا قصيدة تهز كيانا
لا كمنجة ولا ربابة
لا ولد هز الشباك من تاني
او سجل اصابة
كورة ماف زولا بعدنا
للشباك اسدا مشابا
وفرح الامة الجسورة
الكورته العالم بهابة
***
العصافير الوديعة
الراكه في ينبوع امان
افردت جنحينه طارت
لما خضاها الزمان
في الاقاصي وفي الفيافي
اصلو ما خلت مكان
انحسر صخب الاماسي
وانبهم حس الكمان
***
كانت امدرمان وديعة
وليلة عامر بالحدائق
البصادفك كلو ضاحك
والبقابلك كلو رائق
والحبايب اللينا فيها
بالجمال لفتو الخلائق
الا ما قطعو العلائق
***
كانت الخرطوم جميلة
وليله يلصف بالكهارب
المتاجر الضخمة تفتح
لما فجر اليوم يقارب
الشجر ظالي الشوارع
النوافير النجايل والملاعب
المحطة الوسطي كانت
ملتقي الناس والحبايب
ناس تناقش وناس بتضحك
وناس تقالد وناس تطايب
جاطت الدنيا الجميلة
واصبحت ساحة مأرب
ناس بدون مجهود تحصل فوق
وتصفالة المشارب
وناس تقول مافي البطولا
وفجأة نجمها يمشي غارب
وناس تكابد وناس تجابد
وبرضو ما سادة المطالب
الخليل الكان بزورنا
صدّ مننا مالو هارب ؟
والحسان الكانو غزلان
كيف تحولو لي عقارب ؟
***
يا سلام انا من زمنا
الكان ينابيع من سرور
كانت الحاجات عديلة
ودوغري لا زيف لا قشور
الطيور كانت طيور
والعطور كانت عطور
والزهور كانت زهور
بي شذاها وبي نداها وبالعبير
الغني مجاور الفقير
والوزير صاحب الخفير
***
مجتمع كان من بساطة واحترام
لا تطاول لا تباهي
لا تجافي ولا ملام
تبدا يومك بي حبابك
وتنهي بي مرحب سلام
***
وكل زول حايم اخوكا
وان ختيت او يوم غلطت
في الكبار البزجروكا
والمعلم كان ابوكا
كنا نحترمو ونجلو
كانت الناس بي سلوكا
كان صحابك في المدارس
طول حياتم يذكروكا
لما تطلع فوق تشيلهم
ولما يطلعوا يرفعوكا
كنت تشتاق للحبايب
ولما تبعد يشتهوكا
والقطر كان ستة شوكة
الزمن ما فوضة روكة
بيهو للحبان نسافر
ولا هم حلوين يجوكا
كانت البوستة التواصل
ان بعد منك خليلك
وان بعدت يحنو ليكا
يقولوا وينك يا حليلك
والخطابات المسطرة
والمناديل المعطرة
زي حمام زاجل تجيكا
***
الوداد شار فوقنا ضلو
والحبيب كنا بنجلو
العواطف حاجة تانية
والغرام كان طعمه حلو
المحبة قطوفة زاهية
ولي فروعا الناس يعلو
تزدهي الحيشان وتجمل
الحبايب يوم يطلو
كنا اوفي الناس مودة
في عموم الكون ده كلو
اصلو مافي اتنين تدانو
وفرتقوا وبعدوا وتخلو
***
العفاف كان سوقه عامر
وليهو ما بنفض سامر
كنا بي رقتنا نزهو
وكنا بالتهذيب نفاخر
الصغير كان كلو طاعة
والكبير كان ناهي امر
والوداد كان البشكل
العلاقات والاواصر
***
البلد كانت رخية
لا كلاش لا بندقية
القروش تكفي وتفضل
حتي لو كانت شوية
مافي زول ساكي المعايش
والاكل ما كان قضية
كانت الناس بالعواطف
والمشاعر جد غنية
لا بتجيك من زول اذية
لا بتواجهك يوم اسية
ظلل الابداع زمانا
وطالت اشجارو الطرية
كانت المزيقة طاعمة
صادحة منسابة وشجية
كانت الجامعة في زمنا
واحة زاهية وشاعرية
الثقافة قطوفه دانية
والشعر كان بالسجية
كل يوم اشعار جديدة
كل يوم نكتب قصيدة
مرة في المهدي الامام
ومرة في غصن السلام
ومرة في بدر التمام
مرة في نهرو المناضل
ومرة في عزة الفتية
مرة في الزهرة الندية
ومرة في الجارت عليا
ومرة في الدر البراري
الفيها شفت شبه صغاري
وليها اوفيت الله داري
ومرة في اخت القماري
ومرة في الحلوة القصيدة
ومرة في النافرة العنيدة
ومرة في الاسرني ريده
مرة في الوادعة القيافة
ومرة في الجادة البخافة
ومرة في ست الظرافة
ومرة في الاسر عفافة
ومرة في السامقة الزرافة
مرة في عبدالفضيل
ومرة في شدو الخليل
ومرة في برعي الجميل
ومرة في حسبو الطويل
***
صاح زمانا الزاهي مرة
وتفضل الذكري الحبيبة
نارا توقد مرة مرة

[قيس شحاتة]

نقلب البوست لاشعار كامل عبد الماجد لحدي مانلقي حد ينزل ليا الاغنية اعلاه

--------
حدها متين الحرابة

الحمام الفر جافل
امتي يرجع ليكي قافل
والسلام من تاني يقدل في رباكي الحلوة رافل
****
يا عرين اهلي البواسل
ما عرفنا الفيكي حاصل
الجيوش تزحف حيالك
جيش يفوت والتاني واصل
والاذاعات بيكي ترطن
من صباح لي ليل تواصل
والوفود قاصداكي تتري
فيكي تفتي وفيك تفاصل
والحمام الفر جافل امتي يرجع ليكي قافل
****
يا عرين أهلي الكرام
البعشوا الضيف نعام
البشيلوا الليل قيام
الزمان جلجل هديرم
وساروا في جيش الإمام
والزمان دفقوا العطايا
ودثروا البيت الحرام
يا سلام أنا يا سلام
كيف أفل بالله نجمك
وصرتي في الآخر حطام
والحمام الفر جافل امتي تاني يجيكي قافل
****
ياعرين أهلي الطيابة
حدها متين الحرابة
الدمار ماخلا حلة
والحريق ما خلا غابة
عشعش البوم في طلولك
والبيوت صبحت خرابه
والخيام صبحت ملاذ ك
بي جحيمة وبي عذابة
كيف تعيشي علي الإغاثة
وكنتي للوطن السحابة
كافي خيرك ويكفي غيرك
ليكي شنة وليكي رنة وليك مهابة
هل كبارك شتوا فاتوا وسدت الجودية بابة
والحمام الفر جافل هل بعود ليك تاني راحل




اللُّخت بتعاني من شيزوفرينيا سايبرية ولّ شنو:rolleyes:

شكلو زي ما في فراغ عاطفي :p .. في برضو.. فراغ إسفيري

حرَكْتك دي بتذكّرني بتاعين الخدار في سوق الملجة بعد ما الدنيا تليِّل والسوق ينوم .. بعرفو يحرّرو سوقن كيف :D:p:D

[جيجي]

اللُّخت بتعاني من شيزوفرينيا سايبرية ولّ شنو:rolleyes:

شكلو زي ما في فراغ عاطفي :p .. في برضو.. فراغ إسفيري

حرَكْتك دي بتذكّرني بتاعين الخدار في سوق الملجة بعد ما الدنيا تليِّل والسوق ينوم .. بعرفو يحرّرو سوقن كيف :D:p:Dعندي كل انواع الفراغات:)
والفارغات
انت بس جيب قفتك
والكوم بقرش والدقه بلاش:p

[جيجي]

دي ابتسامة
ولا قمرة في ليل تمامة
ولا شمسا نورة يجهر
منّو ياالله السلامة

******

دفقة الضو المطلة
جودي بيها
عليكي الله
وشتتي النور
في المحلة
دي ابتسامة
ولا مجموعة اهلة
بي سناها
وبي ضياها
وبي زحامة
ولا عالم من وسامة

******

ابتسامتك ادهشتنا
وبالسنى الوضاح سبتنا
وفجرت فينا القصائد
انتي حكمة
ولا آية
ولا بدرا في وسطنا
ولا برقا شع ساطع
بدد الوان الغمامة

******

ابسميلنا
ياعطر روحنا وخميلنا
ابسميلنا
يانبع قولنا وهديلنا
انثري النور
في نفوسنا
وبابتسامتك
ضوي ليلنا
وخلي حسنك
في جناح الريد يشيلنا
لي شواطئ
ولي مشاعر مستدامة
دي ابتسامة
ولا قمرة في ليل تمامة

[جيجي]

أســــــه فيك أنــا شن أســو
يـا سـلام لـــو جـيـتـي أبــدر وهـل تـفـيــد بـالله لــــــــو
يــاتــوغيـمـاً نــازلــــة مـنــــو ويـاتـو مخمل ويـاتو جـــو
والكــــواكـب أيــــه لــزومــه وإنتـي ماليــه الدنيــا ضـو

عـلـــــمي الغصـن الطــراوة ومــن نـــداوتك هـشــشـي
وعـلـــمي البـــــــان التـثنــي والـتمايــل وادهـشــــــــي
وعـلـــمي الطــاؤوس يـعـدل فـي اختيـالــو وفـي مشــي
الـجمــــال لـمـيـتـي كـلـــــــو للمعـــاك ماسـبتــي شــــي
وقـلبـي تــاه من يـوم عـرفتك الإتـــــــــوه مــا تـفـتـشـي

النسيـــــم لـــــو مـــر جنبـك بـــي أريـجـك عطــــــري
وخلــــي بعدك لينا يوصــــل أوع يرجــــــع حــــــذري
والـــــورد من فيض نداكــي أدي بـرضو اتـذكـــــــري
عمـــري ليك أنا واهبو كلــو هاتــــي نظـــرة وإشتـري
وإن ودر فـي دربك إنتــــــي يعنـي أيـــــــه ما تـودري
***********
الحريــــــر شافـــــك تحيـــر وصــد زعــلان حنســـــي
إنتــــي أنــعم منــــو ملمـس إلا جــاملــــي والبســــــي
وطيفــي لو جاك في الأماسي هــدهــديــــو وونســـــــي
أحكـــــي ليهـو وقولــي ليهـو وسيبــي عنـدك واحبســي
وخلــــي من أنفــاسك ينعـــم وبــــي ودادك حســســــي

الجمـــــــال العهــدو ولـــــى جيتــــــي تـــاني ترجعـي
والـدلال القــالـــــوا قـــــــــل جيتــي في الكون تزرعي
وقلبــــي من الريـد تخلــــــى جيتــي تـانــي تـلــوعـــي
البريـــــق الفـــي عيـونـــــك كفــــي عـنــي وأقـرعــي
مـابـراي تصلينـي بيـهـــــــو شـتـتـيـهــو و وزعـــــــي
والوصـــال الضانــــة بيهـــو ضنـــي بيهــــو وامنعــي
مــا الكــلام الدايـــر أقولـــــو مــن عيونــي بتسمعــــي

يــوم تدخلـي علي المحافـــل الحضـــور بتجهجهـــــي
الـعيـــون تبراك جحافــــــل وكــــل زول بتوهـــــــي
القمــــر فـــي ليــــل تمامــو بشبهــك مــابتشبهـــــــي
والنجــــــوم ماتشــابـي ليهـا خلــــي تنزل ليكــي هـي
أنضميهـا وزينـــــي بيـهــــا جيــدك النـــــادي البهــي
الفــــراش لـــو ركٌ فـاكـرك زهـــــــرة أوع تنبهـــــي
خلــــــي يرشف مـــا رحيقك مــــافي زول ما مشتهي

الـــــورد لــــو جيتــــي جنبو بقطفك مـــــا بتقطفــــــي
والعســـل بهجــر مناحلــــــو ويرشفك مـــــا بترشفـــي
قلبــــــي فـــارش ليك أزاهـر خشــــي جــــوا وشرفــي
إلا بــس شيـشـك عـليهــــــو إجتيـاحـــك خـفـفـــــــــي
وفــــي الدخـول خليك حنينـه نبضـــــو أوعـى توقفــي

[جيجي]

هسى ياقيس بتعرف تجيب زي البيت دا

الحريــــــر شافـــــك تحيـــر وصــد زعــلان حنســـــي
إنتــــي أنــعم منــــو ملمـس إلا جــاملــــي والبســــــي
ممنوع الشتارة:p

[قيس شحاتة]

خلا بعض القصائد الجميلة التي أنتجت أغنيات - بالمثل - جميلة ، فإن كامل عبد الماجد، برأيي، يكتب شعراً جيداً لكنه عادي - في معظمه قصائده. شعرٌ لا يُبهر المشاعر بصورِه أو يستفِز الخيال بتأويلاته أو يُحرّك الدواخل بإشاراته.
أريد أن أقول، يا جيجي، أن هناك شعراء عباقرة في تاريخ الأغنية السودانية.. لكن كامل عبد الماجد - مع كامل احترامي له - ليس منهم.

[جيجي]

يا الجفيتي وطال خصامك
خلي باب الريد موارب
يمكن يرجع لي حمامك
****
مالو عز علي سلامك
ومالو قل معاي كلامك
تمشي في الناس نسمة نادية
وفيني واقدة جحيم ضرامك
زى تقول ما كنت زولك
ودنيتك وأجمل غرامك
خلي باب الريد موارب
يمكن يرجع لي حمامك
****
في جفاي كملتي عامك
ولسه تقدلي فيني سارحة
ناصبه في جواي خيامك
يسري ريدك فيني ماشى
ويضوي في ليلي ابتسامك
وفي هجير الدنيا لسه
فوقي هامي رزاز غمامك
خلي باب الريد موارب
يمكن يرجع لي حمامك
****
في مسامي سكن هيامك
هل هيامي سكن مسامك
ولا ليك أنا صرت ماضي
وما صبحت من اهتمامك
تنسي كيف الكان بعزك
وفي الأعالي رفع مقامك
خلي باب الريد موارب
يمكن يرجع لي حمامك
****
في غيابك عز نومنا
وأنتي بعدنا كيف منامك
هل بعد ماسبتي زولك
نلتي في الأيام مرامك
وهل لقيتي المثلي رادك
وصان ودادك واحترامك
خلي باب الريد موارب
يمكن يرجع لي حمامك
****
القمرشافك تعجب
في طلوعك وانتظامك
ليهو قال في تمامو ليلة
وانتي طول العام تمامك
ولي ندي الأغصان مواسم
وانتي نادي دوام قوامك
خلي باب الريد موارب
يمكن يرجع لي حمامك
****
كلما أقول ابتعدت
برضو ماشة علي سهامك
وكلما أقول انتصرت
امتثل مهزوم أمامك
وكلما أقول انعتقت
القي نفسي أسير غرامك
يا سلام أنا منو أسرك
ومن حصارك واستلامك
خلي باب الريد موارب
يمكن يرجع لي حمامك
****
تمشي مالية الدنيا زحمة
واتنسيت أنا في زحامك
وما ارتويت من صافي نبعك
ومن رحيقك ومن مدامك
وحتى لو انفض سامرك
عني واتباعد وئامك
خلي باب الريد موارب
يمكن يرجع لي حمامك

[قيس شحاتة]

هسى ياقيس بتعرف تجيب زي البيت دا


ممنوع الشتارة:p

الشطحة الفي البيت جميلة - ما في كلام - لاكين ، ما عارف ، حاسي بيها معسّمة معسّمة:p

بعدين إياك تستفزيني:cool: .. ماشي أسمعي المدخل دا ، يدخل فيك قطر:D

يا بت .. يا إنتي يا جيجي
حا تروحي ولّ تيجي :p:p

ودا حالتو الكيبورد ما شادّي حيلو:cool: .. حرّم أنا من شدة محاثيثي دي ما متوهجة ، مستعد اكتب ليك قصيدة وانا مغمِّد :p

[جيجي]

شاحدة الله يلم فيك هناي البطفش الناس من البوستات ويطفشك الطفيشة الصاح:p

[جيجي]

WIDTH=350 HEIGHT=400