ولا الحزن القديم انتي ...

[3mk-Tango]

دا ما لحن الخميس ... :p

لكن لحن للخميس دا بس ...

الاغنية دي سمعتها اسة اول مرة .. وقلت ما بحرم منها اهلي الحلوين عشان نتشارك فيها الراي والسمع
المطربة آمال النور ... الاغنية الحزن القديم .. وردي .. الدوش ..

اجمل تسجيل سمعته لهذه الاغنية من وردي هو تسجيل (منصفون ) .. ولا يزال يسطير علي سماعي لهذه الاغنية

الفكرة جميلة من آمال النور .. رغم اني اسة ما قادر استرخي مع اللحن .. دي دائما بتحصل لي لمن اسمع شكل
جديد لاغنية معينة بحتاج زمن عشان ادخل في زمنها كلو وبدون احساس بي اي نشاز .. ..

استبينت صوت بيانو .. وامكن لاول مرة الاحظ صوت بيانو في اغنية حديثة بالوضوح دا .... استبينت صوت جيتار ايضا ..
كدي فتشو معاي تاني في شنو جوا الشغل دا ؟ ..


http://sudaniyat.net/upload/uploading/7ozn13.ra

http://sudaniyat.net/upload/uploading/7ozn13.ra

[خالد الحاج]

أخخخخخخخخخخخخخ يا تنقو ؟؟
مالك يا أخي...
ولا لون الفرح إنتي!!!!!!!!!!!!!!!!!
الله.... أمانة ما وجعت أخوك...
:( :( :(

[وحيد]

اها تاااااااااااااااااااااااااااااااني الجنوب ياخوني :D

من شهقت زهور عطشانه .............

فوق احزانا متكيه ....................

اخخخخخخخخخخخخخخخ انا من البحر يا تنقو

[3mk-Tango]

تحياتي يا نديدي ..

والله يا نديدي الوجع بقي ما منو مفر محل ما تهبش يجيك ناطي
بس الواحد بقي ياخد ساتر طوالي من الحاجات دي لانو بتعوق
كتر الاوجاع دي .. ونبقي في الدكاترة بعدين ..

انت اعمل ما سامع :D :D

[3mk-Tango]

اها تاااااااااااااااااااااااااااااااني الجنوب ياخوني :D

من شهقت زهور عطشانه .............

فوق احزانا متكيه ....................

اخخخخخخخخخخخخخخخ انا من البحر يا تنقو

وحيد عمري .. الشوق كترينة والله ...

انت عرست ولا شنو مختفي كدا ؟ :D

بالمناسبة الجنوب دي بقت منطقة امن عاليه .. اتخايل لي الناس تعدل المصطلح لي
جهه تانية ... :confused:

اتخيل معاي دي .. بتطلعي انتي من صوت طفة وسط اللمة منسية ...

عشماوي مش معاهو حق يقول الغربة حارة ؟؟؟ :p

[طارق الحسن محمد]

الله الله الله يا تنقو امولة دى ذات صوت سماوى ....... والله فيروز ذاتا ما ( ساعلة فوقا ) ويا تنقو داء اسمه غنا الغنا ............ وغنية زى دى دائر ة تكون متكى ليك تكية لذيذة فى رملة توتى ديك وشارع النيل قدامك وبحرى بوراك وجنبك نص ؟؟؟؟ ( عيشة ) تجقم فيهو .... قصدى تقرض فيهو ! ! ! !

[أبوجهينة]

خالد تنقو
تحياتي

لأن حزني قديم متجدد .. فإن هذه الأغنية بالذات تجدد قديمي كلما إستمعت إليها. و رغما عن ذلك .. أعيش فيها لا فكاك منها.
شكرا

[عبدالله الشقليني]

عزيزنا تنقو
كلما استمعت الأغنية ، أذكر جلستنا في السبعينات مع الراحل الدوش ، والرائع صلاح حسن أحمد
والأديب وجدي ... دردشة من فوق سطح الزمن الجميل .
شكراً لك ولمؤدية الأغنية

[3mk-Tango]

الاخ طارق سلامات يا ذوق وكل سنة وانت طيب ..

طبعا حلو مصطلح ( غنا الغنا ) دا ... طبعا آمال النور صوت عالي التطريب
واجمل ما فيها معرفتها لمقدراتها الصوتية وتعرف كيف توظفها بي صورة
ايجابيه ..

والله عندها تسجيل مع ابو السيد في برنامج صالة العرض حاجة عجيبة ..

لينا عوده لي امال .. ونص ( رغيفتك ) ما بناباهو لكن الفيك اتعرفت ..

:D :D

[3mk-Tango]

العزيز ابو جهينة ...

الحزن فينا مقيم يا عزيزي .. محاوله الفكاك هي محاوله فاشلة ولا انصحك بها
هل تعرف ما هي النظرية التي تقوم عليها قيود الشرطة ( الكلبشات ) ؟؟؟
كلما حاولت ان تتملص منها ... تزيد في الضيق حول معصمك ...
كذا الحزن ..

والصبر هو الدواء الانجع ..

لك الود

[3mk-Tango]

تحياتي الحبيب الشقليني ...

رحم الله الطيب الدوش ... رجل لم تسلط عليه الاضواء بالقدر الكافي بعد ..
ونظل نتحدث عن مشكلتنا في تعاملنا مع المبدعين ..

...

تحية لوردي ( زمان ) وآمال النور

ولك الود

[Dr. Mohammed Hassan]

بسم الله الرحمن الرحيم
خطيييييييييييييييييييييييييييييييييييييييييييييييي ييييير يا عمك تنقو ( قربت اكتب عمك بنقو) ;)

[غيداء]

رائعة
التحيه لـــ المبدعين ..
وردي
وآمال النور
رحم الله الدوش
ولك ايضآ ..التحيه
والشكر
حقيقي
امتع نفسي بالدهشه

غيداء

[3mk-Tango]

تحياتي لي دكتور محمد الحسن

وتحيات لي غيدا ء ..

ودي رفعه خاصة بطلب من .. Aburemaz>
>

[haneena]

تنقو يا فنان
قلت..

استبينت صوت بيانو .. وامكن لاول مرة الاحظ صوت بيانو في اغنية حديثة بالوضوح دا .... استبينت صوت جيتار ايضا ..
كدي فتشو معاي تاني في شنو جوا الشغل دا ؟ ..

البيانو واضح شديد زي ما قلت و الجيتار
لم أسمع أي آلة تانية ولا حتي إيقاع..لكن ممكن نعيد السماع

لكن الكلام يا تنقو
اقعد و أسمع بي مزاااااااااج

رحم الله الدوش
و يا ريت تعمل مقارنة بصوت وردي يا تنقو

مودتي

[هاشم الشيخ]

عمك تنقو ....

اولا سلامات يا ناس... وكل المناسبات الفاتتنا في غيابنا من سودانيات نقول مباركة عليكم من رمضان مرورا بالعيد وحتي

اللحظة بالتاكيدلا مجال للتعابير الاستهلاكية لان الشوق لكم كان اكبرمن الكلمات ..

عمنا تنقو اخترت هذا الركن ليكون مدخلي بعدغيبة كم انت رائع ايها الحزن الجميل ..اعتدنا دائما ان نطرب عند مداخل

عالمك ولا ادري ماذا سيحل بنا بعدان نلج الي عالمك ..بالتاكيد سنغيب عن الوعي لك الود والشكر مقرون علي النظافة

للاذن التي صدئت من ابواق سماسرت الغناء

شكري ومحبتي واحترامي ...
ولي عودة اوسع

[Aboremaz]

استبينت صوت بيانو .. وامكن لاول مرة الاحظ صوت بيانو في اغنية حديثة بالوضوح دا .... استبينت صوت جيتار ايضا ..
كدي فتشو معاي تاني في شنو جوا الشغل دا ؟ ..[/B]
شكرا انك طعمت الصفحات دي . انا سامع صوت بيانو والباقي كله صوت امال. حتى صوت البيانو بديك احساس انها بتدندن لنفسها .

[3mk-Tango]

تحياتي حنينة

و يا ريت تعمل مقارنة بصوت وردي يا تنقو
طبعا المقارنة بين الصوتين صعبة ودايرة اكاديميين .. لكن انا كمستمع بقارن بتاثير
الصوت فيني و امكن في جيل عريض زي كدا ..
و الفرق طبعا بعيد شوية يا حنينة .. طبعا انا وردي البعرفو هو وردي الزمان .. الجديد دا ما واقع لي
يعني وردي الطير المهاجر ووردي الود ومرحبا ياشوق وعاد الحبيب .. وتاريخ طويل من الحاجات
االصعب جدا حصرها . داخله جوا عروقنا وبتجري مع دمنا ... واي كلمة من اي اغنية بتوديك الحلة
توووش وفي اقرب بيت بتلقي روحك ممدد في السهله ... ولا عندك هم ولا غم .. اكتر حاجة ممكن تكون
ماخدة بالك هي القميص والبنطلون الحتلبسهم لي حفلة الخميس الجاي .. والبنت الحديقة حتكون موجودة
ولا ابوها بمنعها تجي الحفلة .. وتتمني تمشي لي ابوها تسمعو الاغنية دي عشان يحن .. ولو ماجات
دا بكون اكبر حزن قديم او حزن مقيم ..

صوت امال النور ومع الاغنية دي تحديدا بجي في زمن جديد وحاجات جديدة واحاسيس جديدة برضو
بتكون مقسم بين مكانك الحالي وغربتك البعيدة وحزنك كبير بحجم التفاصيل الكتيرة والمسيخة
صوت زي صوت امال دي دا لمن يجيك وسط المعمعة دي... بنزل فيك زي البرد ... وتبدا في الاسترخاء
شوية شوية لمن تلقي نفسك في اماكن لا تزورها الا الملائكة ...

دي امكن ما مقارنة لكن ياهو دا الرد الجا في بالي غايتو ... :o

[3mk-Tango]

هاشم العزيز وينك يا حبيبنا .. والله ليك وحشة شدييييدة

انا قلت خلاص عرست وقلت نخلي الشغلة دي ... في ناس كتار بعملو كدا .. الحمد لله ما طلعت منهم غايتو
ومبروك عليك كل الحاجات الما لاقيناك فيها من رمضان وعيد وخلافو ...

اكيد يسعدني ان يكون مدخلك للمنبر الجديد من نفاجي المتواضع دا .. وخصوصا انك متلوم مع المنتدي
كدا كتلت قلوبنا وما حنقدر نسال تاني ..

عن الوعي ما حتغيب لكن اضمن ليك تكون واعي جدا لي درجة انك ما تصدق انك واعي للدرجة دي ..
وفي الوقت داك بالتحديد حتقوم تتحسس ايدك ورجلك عشان تتاكد انك واعي شديد .. :D

تحياتي ومرحب بيك تاني .. والمايك مع اب جقادو عشان يسمعك لازمتو .. ( ابقي شمس ما تغيب )

[3mk-Tango]

ابو ريماز .. تحياتي وتشكر لانك كنت السبب في رفع البوست دا من جديد

البحث جاري عن تسجيل نظيف للاغنية دي وباقي التسجيلات المعاها لامال النور ..

واكيد نسختك محفوظة ...

لك الود

[طارق الحسن محمد]

ابو ريماز .. تحياتي وتشكر لانك كنت السبب في رفع البوست دا من جديد

البحث جاري عن تسجيل نظيف للاغنية دي وباقي التسجيلات المعاها لامال النور ..

(((((((((((واكيد نسختك محفوظة ...))))))))))))

لك الود
وانا كماااااااااااااااااااااااااااااااااااااااااااااااا ااااااااان

[المجدلية]

هاشم الشيخ

http://maroooko.jeeran.com/mar7aba.gif

[Aboremaz]

في الانتظار :rolleyes:

[طيب الاسماء]

العزيز تنقو
ياخ ينصر دينك .....
عليك الله سمعتها بتقول المقطع بتاع (من وديان ومني انا ) كيف ؟؟!!
وانا بتفق معاك .. دا ما لحن الخميس ...
دا لحن كل ساعة ... في كل يوم ...
بجيك راجع في موضوع غنا الغنا

تسلم

[طارق الحسن محمد]

الاخ طارق سلامات يا ذوق وكل سنة وانت طيب ..

طبعا حلو مصطلح ( غنا الغنا ) دا ... طبعا آمال النور صوت عالي التطريب
واجمل ما فيها معرفتها لمقدراتها الصوتية وتعرف كيف توظفها بي صورة
ايجابيه ..

((والله عندها تسجيل مع ابو السيد في برنامج صالة العرض حاجة عجيبة ))لينا عوده لي امال .. ونص ( رغيفتك ) ما بناباهو لكن الفيك اتعرفت ..

:D :D
ما تشوف التسجيل داء بالله وحاول نزلو لينا !

[هاشم الشيخ]

انا قلت خلاص عرست وقلت نخلي الشغلة دي ... في ناس كتار بعملو كدا .. الحمد لله ما طلعت منهم غايتو

اخونا هارومني المنبر الجميل عمنا تنقو ...


شكرا ..شكرا.. ليك علي كل الاحاسيس الحلوة وفقدك لي خلال غيابي( وعتبي علي تخميناتك الظالمة) :)

طبعا كنت منشغل جدا في الفترة الفاتت دي وده كان سبب غيابي يعني العرس ما عندو علاقة وحتي لو عرستا دبل ما

بمسكني من سودانيات يعني معقولة في العرس الاقي لحن الاسبوع ما الحكاية نكد في نكد لا فيها عمك تنقو لا غاندي لا

بادي هم وغم بس هههههههههههههههههههههههههه اها جيتكم تاني

جيب اضانك عمك تنقو :

تعرف ان اكتلار زول كرهتا ليك خالد الحاج هنا طوالي مشاكل بعد العرس حاسي اني مفروض كل يوم اعتزر ليهو من الشوفتو ههههههههههههههههههههههههههههه

[3mk-Tango]

الاخ طارق .. اكيد وانت كمان .. بس خلي ناس السودان ينسترو معانا .. ومنتظرين كلنا يا ابو ريماز ..

الاخ طيب الأسماْء ..
منتظر جيتك في غنا الغنا .. واكيد حيكون كلام جديد وراقي ..


العزيز هاشم ..

دا كلام شنو ؟ :
تعرف ان اكتر زول كرهتا ليك خالد الحاج هنا طوالي مشاكل بعد العرس حاسي اني مفروض كل يوم اعتزر ليهو من الشوفتو

والله ما طمنتني خالص ... انت شفت الكديسة ولا شنو ؟؟؟ :D

[عكــود]

مساك الله بالخير يا عمّك تنقو،

غايتو البيدخل بوستاتك وما يعمل مكتبة أغاني فخمة..
يكون عميان بصيرة "فنّيّة"..
خاصّة وبتضع لِنك الحفظ دائماُ..
ف بالّله واصل في الجِنِس ده،

عكــود

[طارق الحسن محمد]

تحياتي حنينة


طبعا المقارنة بين الصوتين صعبة ودايرة اكاديميين .. لكن انا كمستمع بقارن بتاثير
الصوت فيني و امكن في جيل عريض زي كدا ..
و الفرق طبعا بعيد شوية يا حنينة .. طبعا انا وردي البعرفو هو وردي الزمان .. الجديد دا ما واقع لي
يعني وردي الطير المهاجر ووردي الود ومرحبا ياشوق وعاد الحبيب .. وتاريخ طويل من الحاجات
االصعب جدا حصرها . داخله جوا عروقنا وبتجري مع دمنا ... واي كلمة من اي اغنية بتوديك الحلة
توووش وفي اقرب بيت بتلقي روحك ممدد في السهله ... ولا عندك هم ولا غم .. اكتر حاجة ممكن تكون
ماخدة بالك هي القميص والبنطلون الحتلبسهم لي حفلة الخميس الجاي .. والبنت الحديقة حتكون موجودة
ولا ابوها بمنعها تجي الحفلة .. وتتمني تمشي لي ابوها تسمعو الاغنية دي عشان يحن .. ولو ماجات
دا بكون اكبر حزن قديم او حزن مقيم ..

صوت امال النور ومع الاغنية دي تحديدا بجي في زمن جديد وحاجات جديدة واحاسيس جديدة برضو
بتكون مقسم بين مكانك الحالي وغربتك البعيدة وحزنك كبير بحجم التفاصيل الكتيرة والمسيخة
صوت زي صوت امال دي دا لمن يجيك وسط المعمعة دي... بنزل فيك زي البرد ... وتبدا في الاسترخاء
شوية شوية لمن تلقي نفسك في اماكن لا تزورها الا الملائكة ...

دي امكن ما مقارنة لكن ياهو دا الرد الجا في بالي غايتو ... :o طبعأ البوست داء قديم شوية ، لكن بالنسبة لى هو متجدد دائمأ . لانه اول ما اجى خاشى سودانيات ( بركن هنا ) طوالى لكن اول مرة اقراء كلام ، تنقو لحنينة الحنينة ، بتمعن ، يا زول انت هباش خلاااااااااااااس وقعد تلمس فينا حاجات مرات كتيرة بيغلبنا نفسرها ؟ ! ! ! او نقدر نشرحها ، وتسلم يالعزيز تنقو اللذيذ ..........................

[عالم عباس]

العزيز عمي وعمك تنقوا
ستمتعت دائماً بقدرتك الفائقة في تصيد الجمال، وأريحيتك المتدفقة، في اقتسام متعتها مع أسرة"سودانيات"
كتاب" سودانيات" كالنجوم، وكعازفي أوركسترا مكتملة منسجمة، منضبطة الإيقاع متنوعة وملونة
لاينبو نغم عن نغم ، وليس ثمة من نشاز

أحب وردي ولا أعدل به فناناً غيره منذ قديم!
آمال النور مغنية عظيمة، ومقتدرة، وذات صوت ذي شجو وحنان دافقين
سمعتها مرات عديدة، وهي تغرد من أغنيات مصطفى سيد أحمد، وتلونها بصوتها فتأتي بالعجيب!
وبالرغم من أني فشلت في تشغيل الأغنية(هذه بالتحديد ) في جهازي، إلا أنني لا أجد إلا كلماتك، أعيدها
لتصف بالضبط ما أحس به، وكأنك تنقل عن إحساسي وفكري حول هذه النقطة بالذات، المقارنة:
(طبعا المقارنة بين الصوتين صعبة ودايرة اكاديميين .. لكن انا كمستمع بقارن بتاثير
الصوت فيني و امكن في جيل عريض زي كدا ..
و الفرق طبعا بعيد شوية يا حنينة .. طبعا انا وردي البعرفو هو وردي الزمان .. الجديد دا ما واقع لي
يعني وردي الطير المهاجر ووردي الود ومرحبا ياشوق وعاد الحبيب .. وتاريخ طويل من الحاجات
االصعب جدا حصرها . داخله جوا عروقنا وبتجري مع دمنا ... واي كلمة من اي اغنية بتوديك الحلة
توووش وفي اقرب بيت بتلقي روحك ممدد في السهله ... ولا عندك هم ولا غم .. اكتر حاجة ممكن تكون
ماخدة بالك هي القميص والبنطلون الحتلبسهم لي حفلة الخميس الجاي .. والبنت الحديقة حتكون موجودة
ولا ابوها بمنعها تجي الحفلة .. وتتمني تمشي لي ابوها تسمعو الاغنية دي عشان يحن .. ولو ماجات
دا بكون اكبر حزن قديم او حزن مقيم ..

صوت امال النور ومع الاغنية دي تحديدا بجي في زمن جديد وحاجات جديدة واحاسيس جديدة برضو
بتكون مقسم بين مكانك الحالي وغربتك البعيدة وحزنك كبير بحجم التفاصيل الكتيرة والمسيخة
صوت زي صوت امال دي دا لمن يجيك وسط المعمعة دي... بنزل فيك زي البرد ... وتبدا في الاسترخاء
شوية شوية لمن تلقي نفسك في اماكن لا تزورها الا الملائكة ...

دي امكن ما مقارنة لكن ياهو دا الرد الجا في بالي غايتو )
شكراً لك ، ودم هكذا كالورد يبذل عطره وروحه حتى لقاطفيه وقتلته!