يوم غير المطر إتجاهو.... بت مسكونة بس

[زول الله]

شوفو كيف المطر بغيير إتجاهو
تستاهل تكون هدية جمعة ليكم كلكم
البت دي
http://www.youtube.com/watch?v=Sk17qosmtxQ






اقول قولي هذا واستغفر الله لي..........

[عبدو منصور]

زول أللّه
(يوم غير المطر إتجاهو
وجهجة الضل والحراز
أنحت قبال الخريف
سنوات قصايدنا العجاف
فتحت دروب الشحدة فى وش كل صيف )

زول أللّة
هدية من أيدك مقبولة

[ود الخير]

زول الله جمعة مباركة ومقبولة

شفته نضال الجن دي كيف؟دا حالها بتحنّس فى السُكات!

[زول الله]

زول أللّه
(يوم غير المطر إتجاهو
وجهجة الضل والحراز
أنحت قبال الخريف
سنوات قصايدنا العجاف
فتحت دروب الشحدة فى وش كل صيف )
زول أللّة
هدية من أيدك مقبولة
تقبل الله منا ومنكم ياخي
ثم مرحبمبك وحبابك مليون والله
الدار دارك تب





اقول قولي هذا واستغفر الله لي...........

[زول الله]

زول الله جمعة مباركة ومقبولة
شفته نضال الجن دي كيف؟دا حالها بتحنّس فى السُكات!
علينا وعليك ياود الخير
يعني لو ماحنستو كان جنينا نحن

لازلت أصر على رأيي
الزولة دي مااابراها





اقول قولي هذا واستغفر الله لي..........

[الجيلى أحمد]

يسعد مساك يازول الله
واريتك طيب

كلام الأخت نضال دا ماعندو كتير علاقى بالشعر !!

دا حديث جميل جدآ

لكن وصفوا بالشعر فيها عصرا شديدة

يسعد مساك يافردة
وشكلك البسمة لعبت بيك

[الجيلى أحمد]

سمعتا كلام الشاعرة الأخت نضال
فى وصلتك عاليه

مرة ,
وقلت لنفسى ان الأمر ربما يكون ذاتى
واننى لم أستوعب جيدآ
لم أفهم وقع التعابير
صياغات اللغة
الرتم
والتوزيع الفوضوى لمجازات التعبير ..
ثم سمعت مرة أخرى ووقفت قبل المنتصف


النصيحة لى الله
دا ماشعر

دى ونسة يازول الله

[زول الله]

يسعد مساك يازول الله
واريتك طيب
كلام الأخت نضال دا ماعندو كتير علاقى بالشعر !!
دا حديث جميل جدآ
لكن وصفوا بالشعر فيها عصرا شديدة
يسعد مساك يافردة
وشكلك البسمة لعبت بيك
سمعتا كلام الشاعرة الأخت نضال
فى وصلتك عاليه
مرة ,
وقلت لنفسى ان الأمر ربما يكون ذاتى
واننى لم أستوعب جيدآ
لم أفهم وقع التعابير
صياغات اللغة
الرتم
والتوزيع الفوضوى لمجازات التعبير ..
ثم سمعت مرة أخرى ووقفت قبل المنتصف
النصيحة لى الله
دا ماشعر
دى ونسة يازول الله
الجيلي كيفنك وعساك فاين ياخ
سمعت بالزولة البـ تفتح الروح ضلفتين...
وتخشك وتمرقك عادي ومابتقفل الباب بي وراها؟؟؟؟؟
أظن دا سبب طششان الشبكة لديكم حالياً
فـ شنو تقوم تـُرجع السمع كرة أخرة أو كرتين
وبعد داك جيب دلوك وكبو هنا دا
سلام





اقول قولي هذا واستغفر الله لي.............

[قيس شحاتة]

الحبيب زول الله
سلام وتحايا واشواق قدر الليله وباكر
نضال بنيّة فنجريّة .. وبتكتب الشعر زي كأنها بتتونّس معاك .. تحسّو كلام مألوف وعادي وساهل .. لكنو قادر يسوقك ويساسق بيك :D

نضال بت مشرّبة بي محنة ناس الجزيرة .. ورويانة بي إحساسُم .. وفوق دا ... ممسوسة بي شيطان الشِعِر..
وأي زول يشكّك في شعرية القصيدة عاليه، ما ليهو حق.


___
وفي سياق آخر .. طوّلت اخبارك مقطوعة يا مان.

[زول الله]

الحبيب زول الله
سلام وتحايا واشواق قدر الليله وباكر
نضال بنيّة فنجريّة .. وبتكتب الشعر زي كأنها بتتونّس معاك .. تحسّو كلام مألوف وعادي وساهل .. لكنو قادر يسوقك ويساسق بيك :D
نضال بت مشرّبة بي محنة ناس الجزيرة .. ورويانة بي إحساسُم .. وفوق دا ... ممسوسة بي شيطان الشِعِر..
وأي زول يشكّك في شعرية القصيدة عاليه، ما ليهو حق.
وفي سياق آخر .. طوّلت اخبارك مقطوعة يا مان.
ياقيس ياخي المحنة بتتدفق بين كل حرف والتاني
حتى لتكاد تراها عديل شوف عين
و البعمل القلتو فوق دا بكون فيهو حاجة ... أقل شيء أشتر -ما اشتر حقنا-
دي زولة مسكونة بي كمية بتاعة شياطين حقين شعر وحاجات تانية ماعادية

وبي الزقاق كدا ..
شريطنا أظن صنفوهو معارضة
حتى نحن ماعندنا خبرو ....غريبة مش؟؟؟ لكن يومين وبجيب ليك نجيضتو

ثم انو مشتاقين وكدا ياخ






اقول قولي هذا واستغفر الله لي............

[الجيلى أحمد]

وأي زول يشكّك في شعرية القصيدة عاليه، ما ليهو حق.
:D:D
تمام ياعمك
والرسالة وصلت .
والله فعلآ أنا ما لى حق ..

الأخت نضال الحاج شاعرة مجيدة
وكلاما زى الورد

ومعليش على الازعاج

[مهند الخطيب]

:D:D
تمام ياعمك
والرسالة وصلت .
والله فعلآ أنا ما لى حق ..

الأخت نضال الحاج شاعرة مجيدة
وكلاما زى الورد

ومعليش على الازعاج

كاااااااك
لملم كرامتك وانسحب مايحرجوك.....:D:D

وللا هم احرجوك خلاص؟;);):D:D

[مهند الخطيب]

والله البنية - والحق يقال - ذات بسيمة جميلة .....

ولو واصلت في الكلام اكتر من كده حخش تحت مقولة قيس التي لاياتيها الباطل;)

وأي زول يشكّك في شعرية القصيدة عاليه، ما ليهو حق.
بالله ولا نشكك زاتو؟!!!

[قيس شحاتة]

مهند يا محترم
والله أنا ما نبي ولا مبعوث من السماء ، ولا فيني جينات إلهية عشان كلامي يكون لا يأتيه الباطل وما عارف شنو.
الجيلي قال راي ، وانا قلت راي .. ليهو الحق يقول اي حاجه بشوفا، ولي الحق - بالمثل - اقول اي حاجه بشوفا ...
ولّ تكونوا إنتو حافظنّها ومنقطنّها وشايفين نفِسكم ستاندرد؟

[قيس شحاتة]

كاااااااك
لملم كرامتك وانسحب مايحرجوك.....:D:D

وللا هم احرجوك خلاص؟;);):D:D

بعدين شنو أحرجوك وما احرجوك؟
حقك علينا يا الاحرجناك! المرة الجاية بنراعي رقة مشاعرك ورهافة احاسسك ، وما بنختلف معاك!

[معتصم الطاهر]

نضال ..

وما أدراك ما نضال ..


نضال .. بتقول كلام حنيييييييييييين

مفردات جديدة ..

وصاّفة ..

كلامها موزون ..نعم ..

بكاية .. و يبكوا فيها ..

نعم ..


لكن تـَبـَـكِّي ...

[مهند الخطيب]

مهند يا محترم
والله أنا ما نبي ولا مبعوث من السماء ، ولا فيني جينات إلهية عشان كلامي يكون لا يأتيه الباطل وما عارف شنو.
الجيلي قال راي ، وانا قلت راي .. ليهو الحق يقول اي حاجه بشوفا، ولي الحق - بالمثل - اقول اي حاجه بشوفا ...
ولّ تكونوا إنتو حافظنّها ومنقطنّها وشايفين نفِسكم ستاندرد؟

بعدين شنو أحرجوك وما احرجوك؟
حقك علينا يا الاحرجناك! المرة الجاية بنراعي رقة مشاعرك ورهافة احاسسك ، وما بنختلف معاك!

طيب مادام من حق اي زول يقول رايو ليه الكلام ده:

وأي زول يشكّك في شعرية القصيدة عاليه، ما ليهو حق.

يعني مرة عندنا الحق ومرة ماعندنا ؟!!!!..... كدي اركز ليك على فهم!!!

بعدين مهما كنا رقيقي المشاعر ورهيفي الاحساس في الآخر جربندية ساي لا بنحصل شعريتك لا رهافتك .... عليك الله اغفر لينا تطولنا ده

[زول الله]

ودخالي الرباطابي القطيم ازييك
اصلاً ابوالجيل داك لاجناح عليه ولمدة عام من تاريخه
وأنا القدامك دا مكسر عديل وماداسيها
اما انت فـ حاسي بيك والله
خليها على كدا





اقول قولي هذا واستغفر الله لي...........

[اشرف السر]

يسعد مساك يازول الله
واريتك طيب

كلام الأخت نضال دا ماعندو كتير علاقى بالشعر !!

دا حديث جميل جدآ

لكن وصفوا بالشعر فيها عصرا شديدة

يسعد مساك يافردة
وشكلك البسمة لعبت بيك

الجيلي

يا بوس..
انقطاعك عن المشهد الثقافي السوداني خلاك لسه متمسك بالمعايير البالية..

اولا الزولة دي شاعرة جدا جدا
ونانسي عجاج مطربة جدا جدا




:D:D


زول الله


لك موفور المحبة

والشعر الملهم

[زول الله]

الجيلي يا بوس..
انقطاعك عن المشهد الثقافي السوداني خلاك لسه متمسك بالمعايير البالية..
اولا الزولة دي شاعرة جدا جدا
ونانسي عجاج مطربة جدا جدا

آآي بالله وريهو تاني
انقطاع بس؟ دا شكلو ملص توب الزراق عديل:D



زول الله
لك موفور المحبة
والشعر الملهم
اشرف ياخ احييك من هنا لي عندك والله
موفور الحاجات السمحة كلها لك ومن تحب
+مودة كتيرة خلاص





اقول قولي هذا واستغفر الله لي............

[جيجي]

النقد الهدام والله مرات موجع
المهم البت دي بتكتب مشاعرها بمفردات بيئتها
واسلوبها ومفاهيمها
وهي بت شجاعة قدرت تعبر عن ادق المشاعر وتنشرها على الملا
ونقاد المنتدى ديل معتمدين في نقدهم دا على ياتوا مدرسة من مدارس الشعر :p
لو ورونا يعني عشان نكون على بينة
سلام يازول الله وضيوفك

[اشرف السر]

زول الله


الزولة دي من جنها بتكتب الشعر وهي نايمة.. حتى تصحى وتدونوا في الدفتر

شوفوا معاي

http://www.youtube.com/watch?v=HQ1ueSowmrg




جيجي

انا بنقد من وجهة نظر المدرسة الجمالية في الشعر

[زول الله]

النقد الهدام والله مرات موجع
المهم البت دي بتكتب مشاعرها بمفردات بيئتها
واسلوبها ومفاهيمها
وهي بت شجاعة قدرت تعبر عن ادق المشاعر وتنشرها على الملا
ونقاد المنتدى ديل معتمدين في نقدهم دا على ياتوا مدرسة من مدارس الشعر :p
لو ورونا يعني عشان نكون على بينة
سلام يازول الله وضيوفك
حتى الاشعار "النضالية" البرددوها (ناس هنا) مابتطلع من حيز "مفردات" الونسة العادية
طيب المشكلة وين؟؟
المشكلة في الروسين المابتستوعب غير أمريء القيس وانت طالع
ناس كبارات طبعاً ومابنقدر نجاريهم في فهمهم "العالي" للأدب وكل الحاجات
كفانا ناس نضال وقيس وروضة ومن لف لفنا - نموت فيهم ومعاهم عديل:cool:
هم عايشين ونحن كذلك حيث ايضاً عايشين
ماهمانا والـ يحصل يحصل
تشكرات جيجي وتحايا لحد عندك





اقول قولي هذا واستغفر الله لي..........

[زول الله]

زول الله
الزولة دي من جنها بتكتب الشعر وهي نايمة.. حتى تصحى وتدونوا في الدفتر

مش قلت ليكم الزولة دي مسكونة؟؟ عشان تصدقوني بس



اقول قولي هذا واستغفر الله لي.......

[معتصم الطاهر]

الجيلي

يا بوس..
انقطاعك عن المشهد الثقافي السوداني خلاك لسه متمسك بالمعايير البالية..

ا

اذا كان على المشهد الثقافى

فالجيلى فى الخط ..

واذا كان على الشهرة و توابعها .. فالجيلى يطير

و كان على التعبير عن المشاعر ( فإكثار الصور .. يكون الشعر تامنو موية ولو موية سكر .. ) .. أها البت دى تمتو عسل

الجيلى داير شعر يتموهو "نضال"

[اشرف السر]

:D


اسه انا بس مستني الجيلي
يجي يوريني هل نانسي عجاج غناية ولا شترا ساي
بعدين نقدر نحدد اذا في الخط او غيرو:p

[جيجي]

اذا كان على المشهد الثقافى

فالجيلى فى الخط ..

واذا كان على الشهرة و توابعها .. فالجيلى يطير

و كان على التعبير عن المشاعر ( فإكثار الصور .. يكون الشعر تامنو موية ولو موية سكر .. ) .. أها البت دى تمتو عسل

الجيلى داير شعر يتموهو "نضال" ياباش
موية السكر دي للحمام
اها الما حمام ماعندهم معاها شغلة
انا بفتكر انه الزول بكتب لنفسه في المقام الاول
وبكتب الجواه اذا كان شعرا او حتى كلمات ساي
والجيلي والله علم في راسه نار
بس هو يدرو والناس التانية برضو تدور

[قيس شحاتة]

طيب مادام من حق اي زول يقول رايو ليه الكلام ده:

وأي زول يشكّك في شعرية القصيدة عاليه، ما ليهو حق.

يعني مرة عندنا الحق ومرة ماعندنا ؟!!!!..... كدي اركز ليك على فهم!!!

بعدين مهما كنا رقيقي المشاعر ورهيفي الاحساس في الآخر جربندية ساي لا بنحصل شعريتك لا رهافتك .... عليك الله اغفر لينا تطولنا ده

closed علي كدا

[ام التيمان]

تسكن المجارى
فى المجارى
تتبرز لحمآ
لماذا تعاقبها
انت الذى صنعتها

قيس بتقول شنو

[سارة]

closed علي كدا


ولا يهمك يا قيس ولا يهمك:cool:

[اشرف السر]

ام التيمان بتقولي في شنو ؟;)

[قيس شحاتة]

ولا يهمك يا قيس ولا يهمك:cool:

طيّب هاتي واحده تانيه عشان أركلس أكتر (من ريلاكس:D)

[سارة]

طيّب هاتي واحده تانيه عشان أركلس أكتر (من ريلاكس:D)

ستين مرة قلت ليك بطل حركات الجيش دى:cool:
ولو فى زول زعلك امسحها لى فى وشى الشين دا

[قيس شحاتة]

ستين مرة قلت ليك بطل حركات الجيش دى:cool:
ولو فى زول زعلك امسحها لى فى وشى الشين دا



طول مافي ناس بحلاوتك وطعامتك دي ...





ح نفتل البوست طوالي :D

[ام التيمان]

ام التيمان بتقولي في شنو ؟;)

اصلو فاتحة قلبى اربعة ضلف
يعنى قراش عربية
هههههههههههه

[جيجي]

اصلو فاتحة قلبى اربعة ضلف
يعنى قراش عربية
ههههههههههههههههههههه
ان شاء الله تكون فهمت يا اشرف:p
امهم
حليل بوستاتك والله:cool:

[زول الله]

تسكن المجارى
فى المجارى
تتبرز لحمآ
لماذا تعاقبها
انت الذى صنعتها

ام التيمان تستاهلي صفقة كبيرة على هذا الأدب المميز
حاولي تميها عشان نلحنا ليك





اقول قولي هذا واستغفر الله لي..........

[عبدالله وداعه الامين]

اخخخخخخ انا


غايتو جنس بشتنة ورقاد واطة هو :D

[قيس شحاتة]

ام التيمان تستاهلي صفقة كبيرة على هذا الأدب المميز
حاولي تميها عشان نلحنا ليك





اقول قولي هذا واستغفر الله لي..........


حاولي تمّيها ..
وانا بساعدك فيها

...
وانا بساعدك فيها ..
كيّة للمابيها..
يا بلال عليّا :D

[اشرف السر]

متششجش (الصوت الذي يخرج عند السودانيين من تحت اللسان وتعقبه عبارة- مخيّر الله)



ناس متخصصة فتل وبس;)

ام التيمان دي تتم القصيدة وتصورها لينا فيديو وتنزلو هنا
بعدين نحكم هل هي شاعرة جدا جدا أم لا

[ام التيمان]

ام التيمان تستاهلي صفقة كبيرة على هذا الأدب المميز
حاولي تميها عشان نلحنا ليك





اقول قولي هذا واستغفر الله لي..........


تمت
قلت اديها وردى اغنيها
لكن معليش قصيدتى ما محظوظة
وردى مات

[ام التيمان]

حاولي تمّيها ..
وانا بساعدك فيها

...
وانا بساعدك فيها ..
كيّة للمابيها..
يا بلال عليّا :D

يا قيس
شكرآ على المساعدة
و التمومة :D

[قيس شحاتة]

يا قيس
شكرآ على المساعدة
و التمومة :D
العفو يا أمهم العفو .. دي حاجه بسيطة تعبيراً عن مشاعرنا الجياشة وحسن ظننا بقصايدكم المتواضعة :D:cool:
إنتي بس أبدي القصيدة وقولي عووك .. حالاً نجي نلتّقا ، أقصد نتمّها :D



____
تمومة جرتق؟!:D

[زول الله]

[COLOR="Blue"][SIZE="5"]تمومة جرتق؟!:D
ديك اسمها تميمة يامواطن

غايتو جنس فتل:confused:





اقول قولي هذا واستغفر الله لي..........

[قيس شحاتة]

ديك اسمها تميمة يامواطن

غايتو جنس فتل:confused:





اقول قولي هذا واستغفر الله لي..........


خلاص آآ ابن تيمية!! :D:D

[طارق صديق كانديك]

شكرا يا زول الله ياجميل

غايتو القصيدة والله ما كملتها النصيحة لازم اقولا .. !!:)

وذاك لا يعني أنها ليست شاعرة اذ لها نصوص جميلة ومعبرة غير أن هذا الذي تقول في اليوتيوب المرفق ليس شعراً -في ظني- هي تحسن الإلقاء وتطفى عليه بعداً آخر بجمالها اللافت غير أنني حتى الدقيقة الثالثة لم أجد ما أحبسه عندي ولا أكاد أذكر كيف بدأت ماتقول .. !!

هذا الرأي يخالفه كثيرون أحبوها ووجدوا فيما تقول صولجاناً من الجمال .. وتلك هي سنة الاختلاف في الكون .. !!

غايتو غير النص ده ... عصرت علينا شديد

[زول الله]

شكرا يا زول الله ياجميل

هذا الرأي يخالفه كثيرون أحبوها ووجدوا فيما تقول صولجاناً من الجمال .. وتلك هي سنة الاختلاف في الكون .. !!

غايتو غير النص ده ... عصرت علينا شديد
جميل اتا دا ياخ
طيب دا كيف معاك يا ابوحمزة؟؟
http://www.youtube.com/watch?v=2LPkE_Nl224






اقول قولي هذا واستغفر الله لي...............

[مهند الخطيب]

ودخالي الرباطابي القطيم ازييك
اصلاً ابوالجيل داك لاجناح عليه ولمدة عام من تاريخه
وأنا القدامك دا مكسر عديل وماداسيها
اما انت فـ حاسي بيك والله
خليها على كدا





اقول قولي هذا واستغفر الله لي...........


أبو الجيل هين ، عارفين والله حكاية ورقو الزايد :p

لكن القصيدة دي والله ياابن عمتي مااضافة ، وزي عملة كانديك في الاول ماتميتا لكن رجعت ليها عشان مااكون قلت راي طاير في الهوا ساي,,,,, ياخ قصيدتا الفي تيوب قصاد دي لكن ناصية اجمل ومقنعة وغير مكرورة زي دي ........

كيفنك ياخ؟

[مهند الخطيب]

ثم اني حبيت أبين اني كواحد نقاد من نَقّادين المنتدى بعتمد على مدرسة المشاغبين ...




في النقد .....

[مهند الخطيب]

closed علي كدا

والله نحن كلوز على كده من زمااااان ..... بس فتحنا شوية لمن قمت اتبيضنت فينا........

[زول الله]

ثم اني حبيت أبين اني كواحد نقاد من نَقّادين المنتدى بعتمد على مدرسة المشاغبين ...

في النقد .....
شوف عايز اقول ليك حاجة
النقد زاتو خشم بيوت
في المكسورة قافو والتاني ذو القاف الساكنة
فـ شنو مفروض تبين لينا قصدك ياتا فيهن عشان الاختساس وكدا
مبدئياً كدا عندي علم انك بارع في واحدة فيهنlooool
المهم...
انا لو محل الزول القاصدنو دا بنتحر وبالـ هيري كاري كمان
http://www.youtube.com/watch?v=AXh9R85-rQM&feature=related




اقول قولي هذا واستغفر الله لي...........

[مهند الخطيب]

شوف عايز اقول ليك حاجة
النقد زاتو خشم بيوت
في المكسورة قافو والتاني ذو القاف الساكنة
فـ شنو مفروض تبين لينا قصدك ياتا فيهن عشان الاختساس وكدا
مبدئياً كدا عندي علم انك بارع في واحدة فيهنlooool
المهم...
انا لو محل الزول القاصدنو دا بنتحر وبالـ هيري كاري كمان



اقول قولي هذا واستغفر الله لي...........


انا ماقمت شكّلتها في مداخلتي عشان تعرفا مكسورة وللا مسكونة......
والله ياخلف الناس دي حيرونا ... يزازوك في رويحتك دي !!!

عموما على قدر ماقفلا معاي صحبك قيس ده لكن الانتحار بالهاري كيري ريحني للدين:D:D:D:D

قلت لي اخت السيف تكليبا على البطن ويقولو جغغغغغغغ؟:D

[زول الله]

انا ماقمت شكّلتها في مداخلتي عشان تعرفا مكسورة وللا مسكونة......
والله ياخلف الناس دي حيرونا ... يزازوك في رويحتك دي !!!
عموما على قدر ماقفلا معاي صحبك قيس ده لكن الانتحار بالهاري كيري ريحني للدين:D:D:D:D
قلت لي اخت السيف تكليبا على البطن ويقولو جغغغغغغغ؟:D
وكمان الوقفة جمب باب بيتهم عشان الاستشهاد على نغمات كشحة جردل الموية:D
قيس دا خلو حمدو في بطنو
هسه فرقو شنو من البت المستفة دي غير السماحة وطعم الزيتون؟؟
ماياهو كل يوم يعذب في خلق الله زييها واحد لحدما بقينا "غاوون" زاتو

جغغغغغ دي بالياباني وللا التاباني؟:p






اقول قولي هذا واستغفر الله لي..........

[النور يوسف محمد]

بسم الله الرحمن الرحيم

زول الله .. سلام
إنت زول فنان وجميل الإختيارات ..
من جانبى معجب جداً بـ ( البنية ) وأدخل الى عوالمها من باب القبول ..

آراء الجيلى وكانديك ومهند دوماً تجد عندى الإحترام
ناس قرايين وذوقهم عالى
لكن المرة دى يا عملات كانديك ذات نفسه عصروا علينا كتير :D

بالله شوفوا المقطع ده ولزوم ما لا يلزم المدهش

أهو دى البنية الفـجتك
فتحت يقين الريدة ضو
مرقت تكفت لـجتك
وادت صباحاتك طعم شمسين
وبالشوق حـجتك
فتحت دواخلك للفرح
بكماء وحروفا إتهـجتك

ياخ ده مقطع ذو بداية خرافية وصورة شعرية مستفزة ..

[زول الله]

بسم الله الرحمن الرحيم
زول الله .. سلام
إنت زول فنان وجميل الإختيارات ..
من جانبى معجب جداً بـ ( البنية ) وأدخل الى عوالمها من باب القبول ..
آراء الجيلى وكانديك ومهند دوماً تجد عندى الإحترام
ناس قرايين وذوقهم عالى
لكن المرة دى يا عملات كانديك ذات نفسه عصروا علينا كتير :D
بالله شوفوا المقطع ده ولزوم ما لا يلزم المدهش
أهو دى البنية الفـجتك
فتحت يقين الريدة ضو
مرقت تكفت لـجتك
وادت صباحاتك طعم شمسين
وبالشوق حـجتك
فتحت دواخلك للفرح
بكماء وحروفا إتهـجتك
ياخ ده مقطع ذو بداية خرافية وصورة شعرية مستفزة ..
قطع النور قول كل خطيب :L
احيي فيك كل شيء ياخ :L
ماعندي قول بعد قولك





اقول قولي هذا واستغفر الله لي..........

[مهند الخطيب]

:D:D:D

جدا ياابن عمتي الهاري كيري اعتمدناهو لكن مامع نغمة كشح الموية ، قبل كده شوية مع نغمة غرف البلاعة بكون احسن:mad::mad:

وكت انت مع الغاويين قيس ده خليتو كان ماجا اتسوى تاني;)

وجغغغغغغغ بالتاباني انا:D

[مهند الخطيب]

بسم الله الرحمن الرحيم

زول الله .. سلام
إنت زول فنان وجميل الإختيارات ..
من جانبى معجب جداً بـ ( البنية ) وأدخل الى عوالمها من باب القبول ..

آراء الجيلى وكانديك ومهند دوماً تجد عندى الإحترام
ناس قرايين وذوقهم عالى
لكن المرة دى يا عملات كانديك ذات نفسه عصروا علينا كتير :D

بالله شوفوا المقطع ده ولزوم ما لا يلزم المدهش

أهو دى البنية الفـجتك
فتحت يقين الريدة ضو
مرقت تكفت لـجتك
وادت صباحاتك طعم شمسين
وبالشوق حـجتك
فتحت دواخلك للفرح
بكماء وحروفا إتهـجتك

ياخ ده مقطع ذو بداية خرافية وصورة شعرية مستفزة ..

النور ياخ اسمح لي بشكرك اولا اذ ضممتني للذواقة ....

وبعد داك كدي خليني اقول ليك قبل تشمت ودعمتي ده فيني انا ماعلقت على القصيدة الجبتها انت...
انا علقت على القصيدة الونسة الفي اول فيديو وتمتا لينا بسمات وتكشم ديك.....
يانور ياخ اهم شي في اي قصيدة انها تعملو وحدة من اتنين ياتنقلك ياتدهشك ، والقصيدة دي لا دهشة لا نقلة ...

وأوافقك انو الصورة الشعرية في المقطع الاخير الذكرتو في الاقتباس اعلاه صورة مستفزة لكنها ليست خرافية:)

[مهند الخطيب]

قطع النور قول كل خطيب :L
احيي فيك كل شيء ياخ :L
ماعندي قول بعد قولك





اقول قولي هذا واستغفر الله لي..........



ماقلت ليك ياالنور بتفرحو وتشمتو فيني زول الله ده؟

[معتصم الطاهر]

غايتو البنية دى فرّحت زول الله لمـّأ اتنـّـت ..

[ود الخير]

[QUOTE=زول الله;


كَدي يا زول الله فج لي النقعد جنبك

تعرف في فترة من الفترات كنت من المولعين بأغاني
أستير وبعض المبدعين من فنانيين أثيوبيا أهن ما أدس
عليك كنت مغرم لدرجة بترجم كلمات الأغنيه أو بالأصح
بترجموها لي (الله يطراهم بالخير ياأخ) فصراحة
في الفتره ديك لو جبت لي مش نضال بت أمبارح دي
لو جبته لي أمير شعراء السودان بشوف كلامه طشاش
طشاش، فسبحان الله مما أتخلصته من :D الله يطراه
بالخير صديقنا بابان كان بسمي أيه حاجه مرتبطه بالناس
الطيبين ديل فيروس، أهن اول ما إتخلصته منو... بقيت
أتذوق الشعر والفن وكل ما يتعلق بحاجاتنا السودانيه

فداير أقول إنو مرات عدم حبنا أو إظهار إعجابنا بإبداع
بتشوفوا انت توب وآخر بشوفو عادي ليه أسباب وخلفيات
ما ساكت

[اشرف السر]

ثم اني حبيت أبين اني كواحد نقاد من نَقّادين المنتدى بعتمد على مدرسة المشاغبين ...




في النقد .....

:D:D:D:D

قوية دي يا "نقاد"

[مهند الخطيب]

زول الله;


كَدي يا زول الله فج لي النقعد جنبك

تعرف في فترة من الفترات كنت من المولعين بأغاني
أستير وبعض المبدعين من فنانيين أثيوبيا أهن ما أدس
عليك كنت مغرم لدرجة بترجم كلمات الأغنيه أو بالأصح
بترجموها لي (الله يطراهم بالخير ياأخ) فصراحة
في الفتره ديك لو جبت لي مش نضال بت أمبارح دي
لو جبته لي أمير شعراء السودان بشوف كلامه طشاش
طشاش، فسبحان الله مما أتخلصته من :D الله يطراه
بالخير صديقنا بابان كان بسمي أيه حاجه مرتبطه بالناس
الطيبين ديل فيروس، أهن اول ما إتخلصته منو... بقيت
أتذوق الشعر والفن وكل ما يتعلق بحاجاتنا السودانيه

فداير أقول إنو مرات عدم حبنا أو إظهار إعجابنا بإبداع
بتشوفوا انت توب وآخر بشوفو عادي ليه أسباب وخلفيات
ما ساكتيااخوانا الوشوش البتضاحك مصنقعة علي قفاها وكرعينا شغالات بدال ديك القاها وين؟

يعني انت بعد مااتخلصتا بقيت من كبار (الزواغة).......؟!

[مهند الخطيب]

بعدين ياخالد محجوب انت اخير ليك تتخلص من غتغتة الكلام والتطبيل للقتلة والفاسدين ودسديس الصور الجبان جوة صور أعضاء هنا ......

بعد داك التخلص من ريدة الحبش(الله يطراهم بالخير) هينة .......

بعدين انت ماك راجل وللا شنو ياخالد؟ ليه بتطاعن في الكلام ؟ غالبك تقول مهند الخطيب؟
ياخ قول مهند عديل كده انا والله لا بدقك لابكفتك هي كلها الحكاية كلام في كلام يمكن زاتو بعدا تتعلم الكلام !!!

ضعيف انت ياخ...

[سارة]

غايتو ناس تحب الخرمجة زى عيونهاlooool
بس عليكم { بكسر السين يكسر روسينكم}

[ود الخير]

غايتو ناس تحب الخرمجة زى عيونهاlooool
بس عليكم { بكسر السين يكسر روسينكم}


يا ساره الله كتب لينا نعيش في بلد خَرمة الوستي
دائره تكتلنا، فما يهمك اصلو السيك حاره كدا

مع إني القص دا إتعلمتو هنا دا!

[مهند الخطيب]

يا ساره الله كتب لينا نعيش في بلد خَرمة الوستي
دائره تكتلنا، فما يهمك اصلو السيك حاره كدا

مع إني القص دا إتعلمتو هنا دا!

جني وجن الموية السخنة ....

والأكل البارد .....

والمربوطة الكضابة .....

والراجل الخاتف طعين ....

[ود الخير]

جني وجن الموية السخنة ....

والأكل البارد .....

والمربوطة الكضابة .....

والراجل الخاتف طعين ....


حمداً على السلامه يا أخ! الجاتك فى قبول زول الله

يا بن عمي لو بتصدق والله بكِن ليك كل إحترام وتقدير
أها في حاجة أكتر من كدا؟؟

[زول الله]

لاحولاااااا:eek:
دا متين وصل هنا؟؟؟
غايتو ناس عجيبين خلاص
اها نضال بي كلاما جابتكم وبي كلامكم برضو جيتو
كدي النراجع الفات وأجيكم صاد




اقول قولي هذا واستغفر الله لي...........

[مهند الخطيب]

حمداً على السلامه يا أخ! الجاتك فى قبول زول الله

يا بن عمي لو بتصدق والله بكِن ليك كل إحترام وتقدير
أها في حاجة أكتر من كدا؟؟

ياخي تكن لي ماتكن لي ده شي بيرجع ليك وماملزم بالنسبة لي.......

أنا البيني وبينك استهبالك الجوة القمر الصناعي ده وكتو اللي ينتهي ماعندي مشكلة تكن لي ....

[مهند الخطيب]

اعفي لي ياخلف الخرمجة الجانبية حصلت ، لكن ظروف حَكَمَت ماكنا دايرين نفتل ليك بوستي البت السمحة دي اكتر :p......

قالها ودرع خرتايتو علي ترباسو وقام فالّي....

[عبدالمنعم الطيب حسن]

نضال دي مبدعة جدا
والكلام القالتو دا اشعر من شعر
دا كلام جديد بمفردات موغلة في اللهجة السودانية
مفردات بنت اليوم والساعة والشارع العريض
اراها عملاقة ....

وقد اغتدي والطير في وكناتها
بمنجرد قيد الاوابل هيكل
هذا الكلام قيل قبل الاف السنين فيه جرس وموسيقي ولكنه لا يعبر عن اللحظة الراهنة
منجرد قال !!!!


قيس خلي نفسك لونق شوية !
الانفعالات الزايدة في القمر الصناعي تفقدك اراضي شعرية

وربما


قصصية ،


مهند يا مشاغبين


رشهم ،

[زول الله]

غايتو البنية دى فرّحت زول الله لمـّأ اتنـّـت ..
نان هي داب تنية ياباش
انا زاتي قربت اتَني مثنى وثلاث ورباع:D


كَدي يا زول الله فج لي النقعد جنبك
تعرف في فترة من الفترات كنت من المولعين بأغاني
أستير وبعض المبدعين من فنانيين أثيوبيا أهن ما أدس
عليك كنت مغرم لدرجة بترجم كلمات الأغنيه أو بالأصح
بترجموها لي (الله يطراهم بالخير ياأخ) فصراحة
في الفتره ديك لو جبت لي مش نضال بت أمبارح دي
لو جبته لي أمير شعراء السودان بشوف كلامه طشاش
طشاش، فسبحان الله مما أتخلصته من :D الله يطراه
بالخير صديقنا بابان كان بسمي أيه حاجه مرتبطه بالناس
الطيبين ديل فيروس، أهن اول ما إتخلصته منو... بقيت
أتذوق الشعر والفن وكل ما يتعلق بحاجاتنا السودانيه
فداير أقول إنو مرات عدم حبنا أو إظهار إعجابنا بإبداع
بتشوفوا انت توب وآخر بشوفو عادي ليه أسباب وخلفيات
ما ساكت
عارف ياودالخير انا من زمان عندي رأي في الناس ديل
"الهبوش" ديل لو "هبشوك" غايتو الله قال بي قولك
إدمان حتى التسكع في شوارع اديس
وصدق اللي قال ذلك لكنه فايروس من جمال
ونضال شيء آخر


:D:D:D:D
قوية دي يا "نقاد"
مش بالله؟
ماجستير نقدlooool


غايتو ناس تحب الخرمجة زى عيونهاlooool
بس عليكم { بكسر السين يكسر روسينكم}
ومايحبوها إلا في مواطن الحاجات السمحة ياخ:confused:
بالله دبلي ليهم "بِس" دي


اعفي لي ياخلف الخرمجة الجانبية حصلت ، لكن ظروف حَكَمَت ماكنا دايرين نفتل ليك بوستي البت السمحة دي اكتر :p......
قالها ودرع خرتايتو علي ترباسو وقام فالّي....
ياخوي عفوياً يزيدك خبرة "نقدية" لامن تقول كفاي اها شنو ليك؟
خرتايتك مابناباها إلا ترباسك ماوقع لينا:D
شرحوووووو






اقول قولي هذا واستغفر الله لي...............

[زول الله]

نضال دي مبدعة جدا
والكلام القالتو دا اشعر من شعر
دا كلام جديد بمفردات موغلة في اللهجة السودانية
مفردات بنت اليوم والساعة والشارع العريض
اراها عملاقة ....
وقد اغتدي والطير في وكناتها
بمنجرد قيد الاوابل هيكل
هذا الكلام قيل قبل الاف السنين فيه جرس وموسيقي ولكنه لا يعبر عن اللحظة الراهنة
منجرد قال !!!!
ياسلام ياخ على الناس البتفهما طايرة
منجرد وهيكل بتاع الساعة كم ... والله لوبقى شنو داك زول بشتغل بيهو مافي
هسه في منجرد اكتر من دي بالله؟
ياخي دي الإنجراد زاتو ولو كحت برضو حيكون شِعر ورصين كمان ويعبر عن واقع:)
لاعزاء لمهند او الجيلي في حتة الكحة دي





اقول قولي هذا واستغفر الله لي.............

[قيس شحاتة]

نضال دي مبدعة جدا
والكلام القالتو دا اشعر من شعر
دا كلام جديد بمفردات موغلة في اللهجة السودانية
مفردات بنت اليوم والساعة والشارع العريض
اراها عملاقة ....

وقد اغتدي والطير في وكناتها
بمنجرد قيد الاوابل هيكل
هذا الكلام قيل قبل الاف السنين فيه جرس وموسيقي ولكنه لا يعبر عن اللحظة الراهنة
منجرد قال !!!!


قيس خلي نفسك لونق شوية !
الانفعالات الزايدة في القمر الصناعي تفقدك اراضي شعرية

وربما


قصصية ،


مهند يا مشاغبين


رشهم ،

I dont care, Monaem. i dont care:)

[عبدالمنعم الطيب حسن]

I dont care, Monaem. i dont care:)

اكان كدي











معليش ...

[الجيلى أحمد]

سمعت بالزولة البـ تفتح الروح ضلفتين...
وتخشك وتمرقك عادي ومابتقفل الباب بي وراها؟؟؟؟؟



وأي زول يشكّك في شعرية القصيدة عاليه، ما ليهو حق.

:D:D



دي زولة مسكونة بي كمية بتاعة شياطين حقين شعر وحاجات تانية ماعادية

[/COLOR]
:D

وأنا القدامك دا مكسر عديل وماداسيها


يسعد مساكم جميعآ..

و يازول الله وقيس,

يااخى والله نجيهتكم دى مالقيت ليها مشابه غير نجيهة أخوكم فى الله الصابر والمكلوم المدعو بيتر أندريه , والذى يقول فى احداثيات المسترياص:

http://www.sudanyat.org/upload/uploads/khalfalah.mp3

:D:D

Cc:

نسخة من الأغنية لصديقنا أشرف السر وذلك فيما يختص
بالمغنية نانسى عجاج :D:D

_____________
أنا والله كان دقونى:D شعر زى دا مابقع لى ,

والحكاية بتبقى مجرد رأى ,
فبطلوا حماقة بتاعت
(انتو ناس أدباء ) (وانتو خطرين )
والذى منو..

[الجيلى أحمد]

اولا الزولة دي شاعرة جدا جدا
ونانسي عجاج مطربة جدا جدا


قلت لى كيف ياعمك,
جدآ جدآ :D:D
شايف التعبير خانك شديد :D

يضحك مساك يافردة (على قول صديقنا الجميل محسن خالد)

أما لو أردت رأى أخوك فى المغنية نانسى عجاج فلابأس ياصاحب ,
ويبقى مجرد رأى عادى , من شخص يعتمد على منطقه الخاص فى السماع ولايلزم بذلك أحدآ ولايحق له أن يفعل :

نانسى شابة مبدعة , لكن صوتها ضعيف , ضعيف شديد
أو (جدآ جدآ ):D:D
وتلك مسألة تحتاج فى عملية الابداع لايجاد توليفات تخصها فى غناء تنتجه هى من عصير ممارستها الفنية الصوتية , حتى تستطيع مداراة جوانب الضعف فيه ..
لو قمت بتأمل أغنية (أندرية) التراثية *
http://www.youtube.com/watch?v=czOdxxurl38
, ستجد انه عمل مجيد فى حد ذاته , ولو قمت بسحب صوتها من صياغات اللحن والايقاع فلن يختلف الأمر كثيرآ , اللهم الا فى طريقة التوزيع الجديدة و وتزليلها لمسألة التلقى غير الفاحص ,وذلك بتذويبها لبعض الكلمات فى فضاء الصوت الانثوى..وهذا فى مقاييسى صوت يفتقد لشخصيته وقوامه الابداعى .. ستكون هذه المقارنة أكثر اتضاحآ لو عدت بالذاكرة لمحاولة الأخت الفنانة نانسى عجاج تقليد مصطفى سيد أحمد!!
هذا لاينفى بأى شكل عنها ابداعها واحساسها الموسيقى العالى , فلكل منا اذن تسمع باختلاف, ولكن ربما يستوجب أحيانآ الغوص أعمق فى مسألة ال (جدآ جدآ ) هذه:D:D
يااخى والله لو كانت المسألة الابداعية تقاس بالجمال الخارجى لما كان لعمتك نينا سيمون صوت يشدو على الأرض كأنه شئ من نبض الاله..
____________
* لاذلت فى كثير من الأحيان أجد أغنية (أندرية) التراثية مدخلآ فى نقاشاتى مع صحابى من الثقافات الأخرى, وأجده أحيانآ أقرب الطرق لتقريب اللحن وتبسيطه حتى يكون مادة سهلة هو تقديمه لهم بصوت نانسى عجاج ..!! ولكنه يبقى مدخلآ وليس جوهرآ للتقيم الفنى وللحمولة التراثية والتاريخية للمادة بداخل النص والرتم وأجواء العمل الموسيقى العظيم.

[الجيلى أحمد]

و ياأبوالشوش
شوف الشغل البمشى يهابش الناس فى حياتهم,
ويطرب النسيم والروح..
زى ناس عمك امانويل دا :

http://www.youtube.com/watch?v=TzTKTblg_8U&feature=player_embedded

يابا ماتدق لينا النقارة
يمة دايرين مريسة
برميل كبير

[قيس شحاتة]

:D:D


:D


يسعد مساكم جميعآ..

و يازول الله وقيس,

يااخى والله نجيهتكم دى مالقيت ليها مشابه غير نجيهة أخوكم فى الله الصابر والمكلوم المدعو بيتر أندريه , والذى يقول فى احداثيات المسترياص:

http://www.sudanyat.org/upload/uploads/khalfalah.mp3

:D:D

Cc:

نسخة من الأغنية لصديقنا أشرف السر وذلك فيما يختص
بالمغنية نانسى عجاج :D:D

_____________
أنا والله كان دقونى:D شعر زى دا مابقع لى ,

والحكاية بتبقى مجرد رأى ,
فبطلوا حماقة بتاعت
(انتو ناس أدباء ) (وانتو خطرين )
والذى منو..



الله يفتح عليك يا مان..
والله الموضوع ما مستاهل دا كلو. وانا ما قصدت - بأي حال - أسلبك يا جيلي (حق) إنك تقول رايك. إمكن بس عبارة (ما ليهو حق) دي ، إلتبست عليك وعلي مهند ، لأنو استخداما في عاميتنا السودانية غير معناها المقصود في اللغة. باختصار أنا قصدت منها إنك (أجحفت) في حق البنيّة!
فلكَ العُتبى ولمهند.

[الجيلى أحمد]

إنك (أجحفت) في حق البنيّة!

اذآ فهى الحرب ياقيس فخذ..:D:D:D

تانى قمتا على سيرة البحر ..:D

مايهم ياقيس
انو مسألة التذوق دى مسألة صعبة جدآ فى تركيبات الشعر منذ الأزل , فمابالك بالآن..؟؟
الشعر لم يعد مناطق يلجها الناس بفهارس وكتلوجات, شأنه فى ذلك شأن بقية الفنون
وضروب الكتابة , فتداخل العالم والثقافات وسرعة تغيير المفردات , وطريقة التنقل السريع للمعلومة والأجساد, جعل مسألة التلقى والتقييم هذه تحضع لمعايير أكثر توسع
ويمكنها استيعاب كل شئ , وللناس فى ذلك مذاقات ..
لهذا أتت الحوجة الملحة لتبادل الآراء فى الفضاءات المفتوحة, فم يعد بالامكان مع كل هذا التطور والتقدم , حصر النقد الأدبى فى الدواويين المغلقة , ولا منتديات الأدبيين الراقية , ولا فى الأنادى, ولا حتى الأزقة ..
والفكرة تكمن فى قول الرأى بوضوح , وليس المجاملة فيه, ليس حفاظآ على ذائقة شعرية موروثة توارت الثرى أو تمجيد لرأى يحتفى بالمشهد اللغوى وتنضيد وتشذيب اللغة .. ولكن, حتى لاتكسر الفكرة الهشاشة..
وحتى لايقف الحنين والعزف على وتر الجمال المظهرى وحيدآ فى فضاء الكلمة ..

[قيس شحاتة]

اذآ فهى الحرب ياقيس فخذ..:D:D:D

تانى قمتا على سيرة البحر ..:D

مايهم ياقيس
انو مسألة التذوق دى مسألة صعبة جدآ فى تركيبات الشعر منذ الأزل , فمابالك بالآن..؟؟
الشعر لم يعد مناطق يلجها الناس بفهارس وكتلوجات, شأنه فى ذلك شأن بقية الفنون
وضروب الكتابة , فتداخل العالم والثقافات وسرعة تغيير المفردات , وطريقة التنقل السريع للمعلومة والأجساد, جعل مسألة التلقى والتقييم هذه تحضع لمعايير أكثر توسع
ويمكنها استيعاب كل شئ , وللناس فى ذلك مذاقات ..
لهذا أتت الحوجة الملحة لتبادل الآراء فى الفضاءات المفتوحة, فم يعد بالامكان مع كل هذا التطور والتقدم , حصر النقد الأدبى فى الدواويين المغلقة , ولا منتديات الأدبيين الراقية , ولا فى الأنادى, ولا حتى الأزقة ..
والفكرة تكمن فى قول الرأى بوضوح , وليس المجاملة فيه, ليس حفاظآ على ذائقة شعرية موروثة توارت الثرى أو تمجيد لرأى يحتفى بالمشهد اللغوى وتنضيد وتشذيب اللغة .. ولكن, حتى لاتكسر الفكرة الهشاشة..
وحتى لايقف الحنين والعزف على وتر الجمال المظهرى وحيدآ فى فضاء الكلمة ..

جيلي سلامات

في إحدى مداخلاته ، أخونا مهند قال إنو القصيدة الفيها روح الشعر الحقيقي - أو ما يشير إلى هذا المعنى - قال إنها يا تنقلك .. يا تدهشك. والشاهد إنو قصيدة نضال موضوع النقاش ، تحقق الشرطين المعنيين في تمام الرؤية وفي كمال المشاهد.
(النقلة) بتحصل في القصيدة من خلال التفاصيل الجميلة البتذخر بيها ، والصورة الذهنية المرسومة بعناية. البنيّة دي بتكتب كلام تحس بيهو ما مُرتّب زي ما تعوّد الشُّعرا في النصوص التقليدية. يعني ما بتلتزم ليك بالقوالب المحفوظة في الشعر ، لكن ميزان الشعر عندها مستقيم السياق ، ومسارو معتدل ، وغايتو واضحة ، وتأثيرو ملموس.. ودي القيود والضوابط المطلوبة عشان نقول على الكلام إنو شعر.
بعدين الإدهاش القال عليهو مهند ، متوفر في النص. إنت بس سيب نفْسك يسوقك النص :) وخلّي حواسك ليهو بدون أحكام مُسبقة ، وبدون (تحفُّز) نقدي (مُقدّم) ، حا تلقى - غالباً - الاستفزاز المتوقع ، حصل لمشاعرك (ومحاثيثك) وأنت لا تدري، أو تدري.
داير أقول ، إنو الحُكم مُطلقاً ، ببُطلان تسمية النص عاليه ، شعراً ، أمرٌ فيه قول ، وعليه مآخذ ، وبه إجحاف :p وفيه تجنّي ؛ لإنو الشعر نَفَس وميزان بيظبطوا ليك استخدام التعابير والمفردات عشان يسبّكوا الفكرة والاسلوب ، بحيث يكون وقْع القصيدة في النفس زي تأثير الماء البارد في حلقٍ جاف.



بعدين يا جيلي ، مافي زول بدُقك :D عشان تغيّر رايك ، لكن بندّيك فرصة :D تراجع نفسك ، وتعيد سماع النص وفق المعايير المُشار إليها أعلاه:D ، وبعد داك أنا أثق إنك تملك الشجاعة الأدبية :D للإعتراف بأنك أجحفت في حق هادي البنيّة:D .. لتطلب الصفح منها ، وتقدّم صكوك الغفران لزول الله ، باعتباره مُفترع البوست ، وبالعدم لشخصي الكريم.

[زول الله]

يادا الغُنا اليوماتي بِتونَس حضورك ومرقَتَك
كيف إحتشادك في حضور اللحظة كيفن كُت قريب...
وأنا وانت والقمرا بتمد أيديها تشحد ضوء
عشان تستر جسد شمس الله وكتين تنكشف سيقانا تمرق للمغيب
حنس اطفال القصيدة الحلوة
لايصحوني بي هذا الضجيج الما في حضرة حضرتك شان ماتغيب
والله هسع كوني ما أكتب على باب الغياب الجبري
إنك جيت ومالاقيتني في قلبك دا أكبر وأشنا عيب
انا ساي ركِب مركب مروق نوح
ما إنتبهت منو البسد فرقة ولاد آدم معاي
إتنين نكون وخلاص وناديت عشقي بي إحساس غريب
.....
اها الشُعاع دا وكتين يهبشك
مالو لو راعى إندفاع الغيرة في بطن الهوا الموجاتو في قلب البحر؟
ياخ انت فاكر ساي على كيف إنتباهك لي غياب فرحي وحضورك إنت حُـر؟
....
لكن مادام هذي الشمس تابعاها تاء تأنيث ومي متل المطر
من حقي اتطمن على كونك ممدد في ممرات ضُلي
وأديك سر تعاويذ الهوى التكفيك وسوسة أي حر
ياخ ماني من طينة إنتظار
انا من عجينة إحساس وفطرة وغيرة عمياء بلا صبر
انا بشكي ليك اللهفة والشوق والحنين
وألم بعادك ياخي وحيات رجعتك ياغالي مـُر
هسه في داعي ؟؟؟
عشان رفعتك راية لي كل الخلوق الحايمة
وهطتك مسار الدم
تقعِد روحي في الخوف والجمر؟؟
....
على كيفك تبرمج قعدتك في الدم
تقيم الليلة في كريات دماي البيضاء
شان باكر تقيل في الحـُمـُر

لاحول ولاقوة إلا بالله
اللهم لاتمحنا ولابلينا
ولا تقسي حبايبنا علينا






اقول قولي هذا واستغفر الله لي................

[قيس شحاتة]

يادا الغُنا اليوماتي بِتونَس حضورك ومرقَتَك
كيف إحتشادك في حضور اللحظة كيفن كُت قريب...
وأنا وانت والقمرا بتمد أيديها تشحد ضوء
عشان تستر جسد شمس الله وكتين تنكشف سيقانا تمرق للمغيب
حنس اطفال القصيدة الحلوة
لايصحوني بي هذا الضجيج الما في حضرة حضرتك شان ماتغيب
والله هسع كوني ما أكتب على باب الغياب الجبري
إنك جيت ومالاقيتني في قلبك دا أكبر وأشنا عيب
انا ساي ركِب مركب مروق نوح
ما إنتبهت منو البسد فرقة ولاد آدم معاي
إتنين نكون وخلاص وناديت عشقي بي إحساس غريب
.....
اها الشُعاع دا وكتين يهبشك
مالو لو راعى إندفاع الغيرة في بطن الهوا الموجاتو في قلب البحر؟
ياخ انت فاكر ساي على كيف إنتباهك لي غياب فرحي وحضورك إنت حُـر؟
....
لكن مادام هذي الشمس تابعاها تاء تأنيث ومي متل المطر
من حقي اتطمن على كونك ممدد في ممرات ضُلي
وأديك سر تعاويذ الهوى التكفيك وسوسة أي حر
ياخ ماني من طينة إنتظار
انا من عجينة إحساس وفطرة وغيرة عمياء بلا صبر
انا بشكي ليك اللهفة والشوق والحنين
وألم بعادك ياخي وحيات رجعتك ياغالي مـُر
هسه في داعي ؟؟؟
عشان رفعتك راية لي كل الخلوق الحايمة
وهطتك مسار الدم
تقعِد روحي في الخوف والجمر؟؟
....
على كيفك تبرمج قعدتك في الدم
تقيم الليلة في كريات دماي البيضاء
شان باكر تقيل في الحـُمـُر

لاحول ولاقوة إلا بالله
اللهم لاتمحنا ولابلينا
ولا تقسي حبايبنا علينا






اقول قولي هذا واستغفر الله لي................


شكراً زول الله على إضافة النص كتابةً.
وعلي قول المثل (بتاع مراية العربية داك) :
النص - مكتوباً - أوضح مما يبدو في اليوتيوب :D:D

[زول الله]

النص - مكتوباً - أوضح مما يبدو في اليوتيوب :D:D
وفي رواية أخرى: أقرب الى حبل الوريد
والله صحي




اقول قولي هذا واستغفر الله لي............

[الجيلى أحمد]

يادا الغُنا اليوماتي بِتونَس حضورك ومرقَتَك
كيف إحتشادك في حضور اللحظة كيفن كُت قريب...
وأنا وانت والقمرا بتمد أيديها تشحد ضوء
عشان تستر جسد شمس الله وكتين تنكشف سيقانا تمرق للمغيب
حنس اطفال القصيدة الحلوة
لايصحوني بي هذا الضجيج الما في حضرة حضرتك شان ماتغيب
والله هسع كوني ما أكتب على باب الغياب الجبري
إنك جيت ومالاقيتني في قلبك دا أكبر وأشنا عيب
انا ساي ركِب مركب مروق نوح
ما إنتبهت منو البسد فرقة ولاد آدم معاي
إتنين نكون وخلاص وناديت عشقي بي إحساس غريب
.....
اها الشُعاع دا وكتين يهبشك
مالو لو راعى إندفاع الغيرة في بطن الهوا الموجاتو في قلب البحر؟
ياخ انت فاكر ساي على كيف إنتباهك لي غياب فرحي وحضورك إنت حُـر؟
....
لكن مادام هذي الشمس تابعاها تاء تأنيث ومي متل المطر
من حقي اتطمن على كونك ممدد في ممرات ضُلي
وأديك سر تعاويذ الهوى التكفيك وسوسة أي حر
ياخ ماني من طينة إنتظار
انا من عجينة إحساس وفطرة وغيرة عمياء بلا صبر
انا بشكي ليك اللهفة والشوق والحنين
وألم بعادك ياخي وحيات رجعتك ياغالي مـُر
هسه في داعي ؟؟؟
عشان رفعتك راية لي كل الخلوق الحايمة
وهطتك مسار الدم
تقعِد روحي في الخوف والجمر؟؟
....
على كيفك تبرمج قعدتك في الدم
تقيم الليلة في كريات دماي البيضاء
شان باكر تقيل في الحـُمـُر

كاااااااااك

ياأخى عجبتنى مسألة الحمر دى ..
والله ابداع :D:D:D:D

يضحك مساكم ياشباب
_______

ياقيس ياأخى ماممكن تكتب ليك مداخلة لطيفة
وتعنونها باسمى , وجوفها فيه خطاب لمهند ..

أفرز ياديجانغو ;)

[قيس شحاتة]

كاااااااااك

ياأخى عجبتنى مسألة الحمر دى ..
والله ابداع :D:D:D:D

يضحك مساكم ياشباب
_______

ياقيس ياأخى ماممكن تكتب ليك مداخلة لطيفة
وتعنونها باسمى , وجوفها فيه خطاب لمهند ..

أفرز ياديجانغو ;)



إفُرزَك الغبا آآ الجيلي. قول آمين :D

ياخي جوفها دا ما فيهو خطاب لمهند ولا حاجه. أنا بس أسّست كلامي علي مُعطيات قالا مهند. والخطاب كان ليك إنت يا مان .. والفكرة إنو أنا مُصِر أفنّد :D رايك السلبي في النص.
ودا اقتباس من كلامي في الفقرة التالتة ((داير أقول ، إنو الحُكم مُطلقاً ، ببُطلان تسمية النص عاليه ، شعراً ، أمرٌ فيه قول ، وعليه مآخذ ، وبه إجحاف وفيه تجنّي ؛ لإنو الشعر نَفَس وميزان بيظبطوا ليك استخدام التعابير والمفردات عشان يسبّكوا الفكرة والاسلوب ، بحيث يكون وقْع القصيدة في النفس زي تأثير الماء البارد في حلقٍ جاف)). وطبعاً كان رد وتفنيد:D لزَعْمك إنو (دا ما شعر). إذن الخطاب ليك يا المنطّط عينيك:rolleyes:

[طارق صديق كانديك]

يادا الغُنا اليوماتي بِتونَس حضورك ومرقَتَك
كيف إحتشادك في حضور اللحظة كيفن كُت قريب...
وأنا وانت والقمرا بتمد أيديها تشحد ضوء
عشان تستر جسد شمس الله وكتين تنكشف سيقانا تمرق للمغيب
حنس اطفال القصيدة الحلوة
لايصحوني بي هذا الضجيج الما في حضرة حضرتك شان ماتغيب
والله هسع كوني ما أكتب على باب الغياب الجبري
إنك جيت ومالاقيتني في قلبك دا أكبر وأشنا عيب
انا ساي ركِب مركب مروق نوح
ما إنتبهت منو البسد فرقة ولاد آدم معاي
إتنين نكون وخلاص وناديت عشقي بي إحساس غريب
.....
اها الشُعاع دا وكتين يهبشك
مالو لو راعى إندفاع الغيرة في بطن الهوا الموجاتو في قلب البحر؟
ياخ انت فاكر ساي على كيف إنتباهك لي غياب فرحي وحضورك إنت حُـر؟
....
لكن مادام هذي الشمس تابعاها تاء تأنيث ومي متل المطر
من حقي اتطمن على كونك ممدد في ممرات ضُلي
وأديك سر تعاويذ الهوى التكفيك وسوسة أي حر
ياخ ماني من طينة إنتظار
انا من عجينة إحساس وفطرة وغيرة عمياء بلا صبر
انا بشكي ليك اللهفة والشوق والحنين
وألم بعادك ياخي وحيات رجعتك ياغالي مـُر
هسه في داعي ؟؟؟
عشان رفعتك راية لي كل الخلوق الحايمة
وهطتك مسار الدم
تقعِد روحي في الخوف والجمر؟؟
....
على كيفك تبرمج قعدتك في الدم
تقيم الليلة في كريات دماي البيضاء
شان باكر تقيل في الحـُمـُر











:)


مافي داعي ..

والله ياقول حبوبتي ( أخير أمس)


على الأقل ( أمس) فيها ابتسامات وعوينات بالغة التأثير واشياء أخرى أشد فتكاً :D

[قيس شحاتة]

:)


مافي داعي ..

والله ياقول حبوبتي ( أخير أمس)


على الأقل ( أمس) فيها ابتسامات وعوينات بالغة التأثير واشياء أخرى أشد فتكاً :D

المعَنَى يا كانديك إتا كُتا مركّز في البسمات :D وشكلك كدا ، كتمت وراها دموع :D

[طارق صديق كانديك]

المعَنَى يا كانديك إتا كُتا مركّز في البسمات :D وشكلك كدا ، كتمت وراها دموع :D

وحاتك لو لقينا نص شعري كان ركزنا بس نسوى شنو .

هسي في داعي ؟؟؟:)

[قيس شحاتة]

وحاتك لو لقينا نص شعري كان ركزنا بس نسوى شنو .

هسي في داعي ؟؟؟:)


لا خلاص الفكرة وقعَت لي تب. البنيّة سمحة وفنجرية ، وإتو مستخسرين تقولوا سمحة وشعرها سمِح. قلتوا كفاها سماحة وشيها:D. النص موجود - أيها البعثيُّ الجميل - ، ولو كانت العبارة المَسَكت فيها دي ، فيها (كسرة) و(شوية شتارة) .. فهناك عبارات أخرى وضيئة ومليئة ودفيئة:)

[أسعد]

السؤال الذي يطرح نفسه الآن ^_^
اشمعنى يعني الجيلي وطارق بس مرقوا النصيحة في قول نضال
وقطعوها في حنانهم في شعر تماضر حمزة ورشا حاتم وغيرهم الكثير المثير ؟!


يا جماعة عينة كلام نضال هو على ما اظن انو مدرسة حاليا مالية الشارع بجنس كلامها دا
واللي هو انو بنلقى القصيدة قايمة علي اساس تدخلك اوضة مليانة مجاز وتمرقك ما راسك جايط
دي اظنها مدرسة جديدة داقشة السودان
وسمعت شعرهم في رمضان الفات على ما اذكر برنامج اسمه (ريحة البن)

فيا اخوانا انتو بجنس نضميكم دا بتعذبوا في اصدقاء لكم من غير ما تقصدوا ^_^

[طارق صديق كانديك]

السؤال الذي يطرح نفسه الآن ^_^
اشمعنى يعني الجيلي وطارق بس مرقوا النصيحة في قول نضال
وقطعوها في حنانهم في شعر تماضر حمزة ورشا حاتم وغيرهم الكثير المثير ؟!




السؤال ما طرح نفسو كويس واللاي:)

--
ان وجهة النظر المتعلقة بهذا البوست لم تتطرق لتجربة الشاعرة نضال بشكل عام كان الحديث ينصب على قصيدة بعينها هذا من ناحية ومن الناحية الأخرى ( ياطويل العمر والسلامة ) تجربتي الشاعرتين تماضر حمزة ورشا حاتم لم تكن تحت التقييم حتى ندلى بدلونا فيها وان كنت أعتقد بجمال العبارة وقوة التصوير عندهن جميعاً (نضال/تماضر/رشا).

الشاعرة نضال ذكرت في أول مداخلة لي في هذا البوست أن لديها شعر جيد قرأته واستمعت لها غير أن هذه القصيدة هي محل النقد وليس تجربتها في العموم.

[أسعد]

واللاي يا ابوضحكة جنان
انا بصراحة حنيت علي الجيلي اقوم اوقفوا في الحر دا براهو
قلت بالمرة ادخل معاهو صاحبنا طارق ^ـ^





اسي فيها شنو لو وقفت مع صاحبك في حرتو دي؟!
فريند ان ايز فريند انديد ياخ

[زول الله]

:)

مافي داعي ..
والله ياقول حبوبتي ( أخير أمس)
على الأقل ( أمس) فيها ابتسامات وعوينات بالغة التأثير واشياء أخرى أشد فتكاً :D
امبارح خليها
هاك حقت الليلة دي
شوف الفتك دا كيف:D



فيا اخوانا انتو بجنس نضميكم دا بتعذبوا في اصدقاء لكم من غير ما تقصدوا ^_^
بالله قول ليهم تاني ياخ



انا بصراحة حنيت علي الجيلي اقوم اوقفوا في الحر دا براهو

لا لا عليك الله
ماتوقف معاهو زول خليهو برااااو نصت نهار
النشوف بلدو الشايلو في ضهرو دا نزلو وين

أبــــــــــــوي
http://www.youtube.com/watch?v=tI65LtGzesg&feature=related





اقول قولي هذا واستغفر الله لي..........

[قيس شحاتة]

واللاي يا ابوضحكة جنان
انا بصراحة حنيت علي الجيلي اقوم اوقفوا في الحر دا براهو
قلت بالمرة ادخل معاهو صاحبنا طارق ^ـ^





اسي فيها شنو لو وقفت مع صاحبك في حرتو دي؟!
فريند ان ايز فريند انديد ياخ
آخر إصدارات - وتجلّيات - أبو الوجود .. الآن بالأسواق :D:D

[الجيلى أحمد]

زول الله وقيس
ياخوارج

موش نضال دى ,
أها انشاء الله تضوى ليكم :D:D

ودا آخر حنك :D:D

[قيس شحاتة]

زول الله وقيس
ياخوارج

موش نضال دى ,
أها انشاء الله تضوى ليكم :D:D

ودا آخر حنك :D:D

حنكك عاضّي يا مان :D

[زول الله]

زول الله وقيس
ياخوارج
موش نضال دى ,
أها انشاء الله تضوى ليكم :D:D
ودا آخر حنك :D:D
يمين كترة ماضوت لينا لمن بقينا نشوف طشاش طشاش:D
خوارج دي بي ملاح شنو؟؟؟
بعدين آخر حنك دي كيفتني للطيش طبعاً:D:D
هل ذلك يعني إنو رصيد حنككم الشهير قد نفد هنا أخي الكريم؟؟؟:D
حاول جاوب بعد تكتح الأخير دا:p

تخريمة:
قال شنو..احمل حنكك أنى ذهبت وكن نرجسياً إذا لزم الأمر

الدنيا ليييييييل غربة ومطر
ترن ترررن تنlooool





اقول قولي هذا واستغفر الله لي...........

[الجيلى أحمد]

هل ذلك يعني إنو رصيد حنككم الشهير قد نفد هنا أخي الكريم؟؟؟:D
looool
[/COLOR]
أول حاجة ,
أخى الكريم انت دا ..

فول ستوب .

حنكنا الشهير , صاحبك قال عليهو (عاضى) :D
_________
برقيات:

-السعودية بنين دى شكلها صعبة
فيما يعنى انو الواحد لقى عذر منطقى لخرمجة وجدى أسعد زول ..

- يعضيك فار فى نخرتك ياقيس , وانت نائم وحلمان انك بتسمع فى شعر لعمك
أزهرى محمد على , ويعمل ليك غاغا فى راسك الجائط دا :p:p

- انتو مجرد ناس بكائيين ساكت , الروب عندكم ماعايز خجة ..


-
http://www.sudanyat.org/upload/uploads/18c188c1dab740f0344e3fa3155d335d.jpg

من أنتم

[الجيلى أحمد]

يضحك مساكم ياشباب ..


بمناسبة أننا ذكرنا الزول الجميل أزهرى محمد على
دعونى اقترح عليكم قصيدته هذه :


http://www.youtube.com/watch?feature=player_embedded&v=Q7BHbZiXXyQ

[زول الله]

- انتو مجرد ناس بكائيين ساكت
الروب عندكم ماعايز خجة ..
من أنتم
والله في حتة بكائيين دي عداك العيب ياشيخنا
البكا زاتو خشم بيوت وأفضله البكا الـ مقعَد

نحن الذين نحمل بلادنا في أكتافنا ديل وحايمين بيها ليل ونهار




يضحك مساكم ياشباب ..
بمناسبة أننا ذكرنا الزول الجميل أزهرى محمد على
دعونى اقترح عليكم قصيدته هذه :

الزول دا جمييييييل ياخ
http://www.youtube.com/watch?feature=player_embedded&v=Q7BHbZiXXyQ


بالجمبة:
الحجاج مابناباهو لكن الفيك إتعرفت تب:D





اقول قولي هذا واستغفر الله لي..........

[مهند الخطيب]

بالله حجوة ام ضبيبينة دي لسة ساقية:D:D:D

شنو ياأخوانا ؟ ماخلاص ....

الجيلي دة تباروهو بيعمل ليك البوست ده 40 صفحة وزول الله يشيل وينزل في البسمات وغرويد العيون;);)

بالجمبة كده:
أحيي السيد المحترم طارق صديق كانديك على ثباته أمام توالي البسمات:p:p:p:p

[النور يوسف محمد]

بالجمبة كده:
أحيي السيد المحترم طارق صديق كانديك على ثباته أمام توالي البسمات:p:p:p:p

:D:D
وهو الذى لا يقوى على العابر منها والمرتد ....

[مهند الخطيب]

:D:D
وهو الذى لا يقوى على العابر منها والمرتد ....

:D:D:D:D

سئيلي الله من شان كده حييتو;)

[جيجي]

:D:D
وهو الذى لا يقوى على العابر منها والمرتد ....لانه يقع عند خط استواء سهام الجمال جميعا:p

[النور يوسف محمد]

لانه يقع عند خط استواء سهام الجمال جميعا:p

:D:D

وخط تقسيم المياه لا يبعد كثيراً عن مدار الإستواء ...

[ود الخير]

:D:D

وخط تقسيم المياه لا يبعد كثيراً عن مدار الإستواء ...


شفته الدافوري لذيذ كيف يا جنابو؟؟

بس دير بالك فيه قبقبه!!

[طارق صديق كانديك]

بالجمبة كده:
أحيي السيد المحترم طارق صديق كانديك على ثباته أمام توالي البسمات:p:p:p:p

والله الجمبة عصرت علينا شديد تماما كما فعلت البسمات

تصدق ليك بعدد واحد وش أخدر اب سنينات

:D:D
وهو الذى لا يقوى على العابر منها والمرتد ....

حتى أنت يا بروتس :)

لانه يقع عند خط استواء سهام الجمال جميعا:p

كان الواحد ممكن يفرح بالاطراء لمن لقينا اللسان مسكنا فرحنا .. بس المفيد أكتر مسكنا المداخلة زاتا في عضما من المسح :)

[جيجي]

والله الجمبة عصرت علينا شديد تماما كما فعلت البسمات

تصدق ليك بعدد واحد وش أخدر اب سنينات



حتى أنت يا بروتس :)



كان الواحد ممكن يفرح بالاطراء لمن لقينا اللسان مسكنا فرحنا .. بس المفيد أكتر مسكنا المداخلة زاتا في عضما من المسح :):)
اللسان تبع النور
اما العضام والله خوف على شفافتكم:)

[زول الله]

والله احلى من كدا مافي
قلت ليكم البت دي سرها باااتع
قادر الله
الأهرام عندما تنداح إندياحاً
سنة يا انا:cool:





اقول قولي هذا واستغفر الله لي..............

[بدور التركي]

بصراحة
البت
جمييييييييلة جداً جداً
واحساسها رائع
ناعمة
ورقيقة
ورومانسية
وتخش القلب من غير استئذان

[زول الله]

بصراحة
البت
جمييييييييلة جداً جداً
واحساسها رائع
ناعمة
ورقيقة
ورومانسية
وتخش القلب من غير استئذان
ياسلام يابدور ياخ
إحساسها الرائع هو البهمنا في الحتة دي
ودخولها القلب بدون إستئذان هو بيت القصيد
وحروفها لما تقولها بتكتمل اللوحة
ينصر دينك ياخ






اقول قولي هذا واستغفر الله لي...........

[بدور التركي]

ياسلام يابدور ياخ
إحساسها الرائع هو البهمنا في الحتة دي
ودخولها القلب بدون إستئذان هو بيت القصيد
وحروفها لما تقولها بتكتمل اللوحة
ينصر دينك ياخ






اقول قولي هذا واستغفر الله لي...........




يعني
انت ما شغال بالشعر
وما ليك أي اهتمام فيه
جاري بس للجمال والحاجات السمحة :D

طيب مالك تاعب الجيلي معاك ومجهجهو:D

[الفاتح]

زوله حلوه ، والكلام البيطلع من فلجتها ذاتو حلو.. إلا كلامها ده ما لامس فيني حاجه شعريه.. شايف إنو كلام والسلام.. فالشاعر الجيد هو البيفتح نوافذ تخليك تطل على حواف النص من كل إتجاه ، هو البستفزك لإنك تقرا النص تاني وتالت وتطلع بقرايه مختلفه عن القرايه الأولى.. والحاجه دي ما لقيها عند نضال فمن ناحية الموضوع :.. موضوع الشوق للحبيب مطروق بإستمرار..
من ناحية التصاوير : ما عندها تصاوير جديده ..بتعيد إنتاج القديم ، نفس التصاوير القديمه بتاعة الحبيب ، القمره ، الشعاع والبحر. بل في تصاوير عباره عن حشو ساي وكلام مثقفاتيه..
هسي زي التصوير ده بتطلع منو بشنو :
على كيفك تبرمج قعدتك في الدم
تقيم الليلة في كريات دماي البيضاء
شان باكر تقيل في الحـُمـُر..

وظيفياً كريات الدم البيضاء بتعمل على الدفاع عن غزو الجسم بالميكروبات والحمراء بتحافظ على الهميبوغلوبين والإتنين ما ممكن تستغنى عنهم .. وبالتالي فكرة إنك " نبطشي " تتوزع على كيفك ما بتستقيم .. وبتخل بالنص..
-اللهم إلا إذا الشاعر خاتًي ضمير مستتر في " الحـُمـُر" بترجع ل(مزز) موجودين في مخيلة الشاعر فقط.. لأنو في سياق النص أعلاه واضح إنها بتتكلم عن نفسها وواثقه عن كده بإشارتها ل أنو من حقها إنها تتطمن على كونو ممدد في ممرات ضلها..

---
تحياتي يازول الله ولضيوفك.

[سماح محمد]

.. وبالتالي فكرة إنك " نبطشي " تتوزع على كيفك ما بتستقيم .. وبتخل بالنص..
.
:p
بالعكس
فوقها شنو؟!
على كيفو..:D..وهنا الوهمة

[الفاتح]

:p
بالعكس
فوقها شنو؟!
على كيفو..:D..وهنا الوهمة

:D
فيها حاجاتن أجنً.. وإنحناءات للحمامه
يعني كيف أبرمج قعدتي في الدم وبياتو توقيت.. توقيت ريدي ليك ؟ مابتجي.. لأني لو بريدك مفروض أكون ساكن في وريدك وبالتالي قصة دخول وخروج دي ما جايه..
ماعلى كيفو ولا أي حاجه.. ووهمتو عاضَه:D

[ام التيمان]

امبارح خليها
هاك حقت الليلة دي
شوف الفتك دا كيف:D



بالله قول ليهم تاني ياخ



لا لا عليك الله
ماتوقف معاهو زول خليهو برااااو نصت نهار
النشوف بلدو الشايلو في ضهرو دا نزلو وين

أبــــــــــــوي
http://www.youtube.com/watch?v=tI65LtGzesg&feature=related





اقول قولي هذا واستغفر الله لي..........


ممكن اكون شعر لزوم قعدة جبنة

[النور يوسف محمد]

شوف عايز اقول ليك حاجة
النقد زاتو خشم بيوت
في المكسورة قافو والتاني ذو القاف الساكنة
فـ شنو مفروض تبين لينا قصدك ياتا فيهن عشان الاختساس وكدا
مبدئياً كدا عندي علم انك بارع في واحدة فيهنlooool
المهم...
انا لو محل الزول القاصدنو دا بنتحر وبالـ هيري كاري كمان
http://www.youtube.com/watch?v=AXh9R85-rQM&feature=related




اقول قولي هذا واستغفر الله لي...........



ثم
حين تتسع مساحات الحب فى قلب الإنسان

https://www.youtube.com/watch?v=WnRudUaQLgw&feature=related