المساعد الشخصي الرقمي

مشاهدة النسخة كاملة : القَواعِـــد من الرِجـــال


عبدالله الشقليني
09-06-2006, 06:25 AM
القَواعِد من الرِجال
سأل سائلٌ من أهل الصفوة المُقرَّبة :
ـ مَوَلانَا .. إنتَ ما سمِعتَ ولا جَابو ليك ؟
تململ مولانا في مجلسه وتعجب ، إذ تأتي الأخبار إليه دوماً بعد مواعيدها :

ـ لأ أبداً .. الحاصل شنُو ؟

رد السائل :

ـ إنت ما سمِعتَ بى نَفرة الزواج ، ولا أضان الحامِل طَرشة ؟
المَال و عِندَك ، وكان ناقصَك شي الناس بِتمُوهو ليك ، ولا المَرة ضَهرا قَوي ؟

استراح مولانا إلى الخلف وهمس في أذن صاحبه :

ـ لأ .. أنا من القواعِد من الرِجال ، الذين لا يرجون نِكاحاً .

هزّ السائل رأسه وردَّ :
ـ مولانا .. سِرَك في بير .

haneena
10-06-2006, 10:49 AM
لأ .. أنا من القواعِد من الرِجال ، الذين لا يرجون نِكاحاً .
أستاذنا الشقليني
أضحكتني الطرفة و التي تحمل في باطنها الكثير من النقد اللاذع
في هذه الحالة
ردد معي هذا الدعاء لو تكرمت...
اللهم أقعِد كل الرجال الذين يفكرون في المثني و الثلاث و الرباع
قول آمين
و منها نقول..بركة الجات منك يا جامع :rolleyes:


تشكر شقليني

عبدالله الشقليني
10-06-2006, 01:37 PM
الأستاذة حنينة

ديل طبعاً إنتي عارفاهم ، و كُلنا عارفنهم ،
الكلام المُستَخرَج من النصوص الدينية ما بيغلبُم ،
لكن ربنا غلبُن ، وكَسر مقاديف بعضهم ،
ألهُم شتِت شملهم ،
وسَوِس عِضيمَاتُم


مولانا حسب النص قام بالإقتباس من النص القرآني : الآية (60) من سورة النور

Asma Abdel Halim
11-06-2006, 02:46 PM
القَواعِد من الرِجال

عبد الله عندك من المحن كل جميل

منهم من قعد ومنهم من ينتظر

وبما أن الظلم حرام

فلهم مثل الذى عليهم

عبدالله الشقليني
11-06-2006, 06:40 PM
عبد الله عندك من المحن كل جميل

منهم من قعد ومنهم من ينتظر

وبما أن الظلم حرام

فلهم مثل الذى عليهم

الأستاذة أسماء
تحية لكِ
نرغب دوماً أن يقول القص الموجز الكثير ،
ونُدثر الخطاب بحلية الفكاهة .
الأمر يمس مسائل عميقة تأخذ القيم والمفاهيم ،
وتَرغب إعمال التفكُر .
شكراً لكِ

mamkouna
11-06-2006, 08:38 PM
:D :D :D
استاذنا الشقليني..
الله يجازيك خير على هذا البوست الخفيف الظل...
و..
كنت - قبل فترة - قد تطرقت لهذا الموضوع في بوست بعنوان:

سن اليأس عند الرجال...

حاولت أن أبحث عن الموضوع في الأرشيف فلم أجده...
الظاهر في زول هبشوا طرف السوط فقرر يمسحو... :p :p :p

عبد الوهاب هنداوى
12-06-2006, 08:54 AM
الحبيب الشقلينى
لك حبا وود
شايف المتداخلين من المسرورين
عشان الموضوع فيهو ريحة جندرة
...........ولكم سلام
......................هنداوى

عالم عباس
12-06-2006, 10:13 AM
وكتبت أسماء عبد الحليم:

منهم من قعد ومنهم من ينتظر

وبما أن الظلم حرام

فلهم مثل الذى عليهم

بالمعروف!
بالمعروف يا أسما!!!!

ويا أستاذ الشقليني

وماذا عن الذين تخافون منهم نشوزاً أو إعراضاً ؟!!

Ishrag Dirar
12-06-2006, 12:37 PM
لأ .. أنا من القواعِد من الرِجال ، الذين لا يرجون نِكاحاً


.


ظننته قد قال ..:
بل أنا من الموحدين

عبدالله الشقليني
12-06-2006, 04:29 PM
وكتبت أسماء عبد الحليم:



بالمعروف!
بالمعروف يا أسما!!!!

ويا أستاذ الشقليني

وماذا عن الذين تخافون منهم نشوزاً أو إعراضاً ؟!!

أديبنا الفخيم : عالم عباس

أهلاً بيك

فتحت نفاجات :


كتبنا منذ زمن في المجادعة :


النُوَّارة قامت أريَاحَا هَبت وُ فَاحَت
حُمَّة جِسيمِي مِنُو طَارَت رَاحَت
بُقاقة الجِلِّد تَلقَاهَا مَاحَت سَاحَت
مِريكِب جِدَّك الرَاجيَاني كَاسَت وذَاعَت

وعند النشوز ، نأخذ ( الضَرِب ) ونبني عليه من التُراث الغنائي :

ساعة الضَرِب أصبح شديد
الشديد فات المُهر العَنيد

( يا يُمة ) !!

عبدالله الشقليني
12-06-2006, 04:35 PM
عزيزتناالأستاذة ممكونة
تحياتنا ليك :
في لُغة آباءنا قديماً يقولون :
فلان ( جَلَس )
يقصدون مُطلق عَدم الحركة .

أنا بالمناسبة مُتمني تعيدي لينا ( قهوة ممكونة )
مرة أخرى ، فقد أعدت أنا ( المُجادعة والقصة القصيرة )
شكراً ليك ..رسلي لى أخونا ود الحاج يفتِش الموضوع الرايح

عبدالله الشقليني
12-06-2006, 04:37 PM
الحبيب الشقلينى
لك حبا وود
شايف المتداخلين من المسرورين
عشان الموضوع فيهو ريحة جندرة
...........ولكم سلام
......................هنداوى

عزيزنا عبد الوهاب
تحياتي
يقولون :

( المَغَسة بتطلِع الكلام )

عالم عباس
13-06-2006, 07:52 AM
بيكاسو:
المجادعة خلها!
دحين خليني في (الضرب)
البعرفوا (غير مبرح)
لكن الشايفو، زي السمعت خلف الله حمد قال (ال....
ال...
السوط... أحرَّ من الموت ياجنا)!
فكيف تجي دي مع (غير مبرح)؟
ولا الفرق الشديد ده جا من الفرق بين (هم) و (هن)!

يا زول هوي:
(أنا من الموحدين)!!
وطبعاً أنا موحِّد ومتوّحِّد ووحيد ووحداني كمان!!

عبدالله الشقليني
13-06-2006, 04:52 PM
عزيزنا وشاعرنا الفخيم
عالم عباس

حلو مُداعبة الذين يجلسون على القمم ،
وإن تواضعوا ..
قال شاعر من زمن الحقيبة :
زدني في هِجراني
وفي هواك ياجميل العذاب سراني
مَنْ يهجُر مَنْ ؟
و من يتعذب بالهِجران يا تُرى ؟

لدي ابن أخت ، وهو وحيد ،
وعندما يسألونه وهو في سن الخامسة :
ـ إنتَ ما دايرين يجيبُو ليك أُخُت ؟
فيرد هو :
ـ أنا واحد والله واحد .
...
سيدنا العالم في السماوات :
زي ما بقولوا أهل ناس الشام
( بِكير على الاستسلام النبيل )

عبدالله الشقليني
15-06-2006, 11:17 AM
الحبيب الشقلينى
لك حبا وود
شايف المتداخلين من المسرورين
عشان الموضوع فيهو ريحة جندرة
...........ولكم سلام
......................هنداوى

لك التحية

ربنا يسوس عُضام الخاتِنَهُم في سرنا