تسجيل الدخول

مشاهدة النسخة كاملة : سنة اولى اب

بارعة
19-06-2006, 01:01 AM
عليكم الله وخسمتكم كان ما قلتو ليهو كل سنة وانت اب لذيييذ كدة


مع انو لقاء ضايقتنى فى المراسيل

لكن برضوفى اول عيد اب



حبيت اقول الليلة كل الكلام الما قلتو ليك



حبيت تحس بى كل كلمة هنا انا عايزة اكتبها ليك


ولما غلبنى الكلام قلت


كل سنة وانت طيب يا اجمل ابو لقاء فى الدنيا


وغنيت

http://sudaniyat.net/Agani/MaItawadt.wma


عزيز ايه رايك فى المقلب دة ;) ;)
قوت القلوب
19-06-2006, 08:12 AM
كل سنة وانت اب لذيييذ كدة



وصية
واوع تترسل ليهن
أبو العز الجنوبي
19-06-2006, 08:26 AM
كل سنة وانت اب لذيذ كده وكده وكده..
كده الأولى بتاعة بارعة..
وكده الثانية بتاعة قوت القلوب....
وكده الثالثة بتاعتي انا....
بس وصية قوت القلوب اعمل بيها، إلا كان حاجة انسانية ساكت ممكن تترسل...
مع تحياتي
أماني
19-06-2006, 08:31 AM
كل سنه وابو لقاء لذيذ
بارعة
20-06-2006, 12:32 AM
هيييي يا قوت القلوب وابو العز


بالمناسبة الموضوع طلع من حد السيطرة


وبقى يراهو لما يكون ماشى ساى يقول لى اسمعى اجيب ليك شنو معاى

حتى لو ما دايرة حاجة هو اتبرمج خلاص



اوعكم تحموا لى الراجل دة المراسيل













يعنى انا ارسل منو
بارعة
20-06-2006, 12:35 AM
امانى يا لذيذة انتى

ويحلى ايامك ويحلى ليك سيد بيتك

قولى آمييييييييييين
أبو العز الجنوبي
20-06-2006, 08:19 AM
بارعة]هيييي يا قوت القلوب وابو العز


بالمناسبة الموضوع طلع من حد السيطرة


وبقى يراهو لما يكون ماشى ساى يقول لى اسمعى اجيب ليك شنو معاى

حتى لو ما دايرة حاجة هو اتبرمج خلاص



اوعكم تحموا لى الراجل دة المراسيل


يعنى انا ارسل منو[/quote]
العزيزة بارعة:
كان لنا صديق اراد ان يتزوج، وكنا كلما جلسنا - ونحن مجموعة - في اي مجلس لا بد من المرور على ذكر الزواج والزوجات، وسيطرتهن على الزوج، او العكس... وكنا نحذر من يريد أن يدخل القفص الحديدي بعدم ترك المرأة تأخذ زمام المبادرة وتشد سرجها، فسألنا ذات مرة: هي - اي المرأة- بتبتدئ شد السرج كيف؟؟
قلنا ليهو : البداية تدريجية، مثلا تكون جنب الثلاجة تقول ليك: مادام انت جنب الثلاجة يا عبده اديني معاك مويه...وفي المرة الثانية تقول ليك: كدي امشي جيب موية انا ما قادرة.... والمرة الثالثة تقول ليك بصيغة الأمر: قوم جيب لي موية... هنا بتكون خلاص هي شدت سرجها.... ومن اللحظة الاولي لمن تقول ليك انت مادام جنب....قبل ما تم كلامها اديها العين الحمرا خليها تسكت.....
قال لينا: والله يا اخوانا لو انا جنب الثلاجة فعلا بديها الموية لأنها دي مسألة عادية وإنسانية....
قلنا له: خلاص حتخت في بالها انك ممكن تترسل وحتستغلك...
قال لينا: والله كان عرفتها انها عايزة تستغلني بسب ليها دين.....
تخريمة:
ابو لقاء ده ما عترت ليك السجادة وانتو في شهر العسل وبعد داك وانتو في البيت ولّ شنو؟؟؟
عبدالعزيز خطاب
20-06-2006, 09:29 AM
عليكم الله وخسمتكم كان ما قلتو ليهو كل سنة وانت اب لذيييذ كدة


مع انو لقاء ضايقتنى فى المراسيل

لكن برضوفى اول عيد اب



حبيت اقول الليلة كل الكلام الما قلتو ليك



حبيت تحس بى كل كلمة هنا انا عايزة اكتبها ليك


ولما غلبنى الكلام قلت


كل سنة وانت طيب يا اجمل ابو لقاء فى الدنيا


وغنيت

http://sudaniyat.net/Agani/MaItawadt.wma


عزيز ايه رايك فى المقلب دة ;) ;)








بارعة أختى

انا ضحكت لمن بطنى وجعتنى :D

أختيار الأغنية فى السلك ;)

أنا بديك آخرك :confused: المرستان والفستان الأبيض البلبسوه بالقلبه عشان يربطوا الأيدين :eek:

كل سنه وصاحبى بخير وعافية وجميل وحلو وواقف تحت السلم حارس أختى لقاء وهى نائمة خايف عليها من صوتى الكبير يصحيها..

كل العمر ليكم هناء وربنا يسعدكم بالقاء وتجيبى لينا أخوان كتااااااااااااار عشان صاحبى داشو يروس من المراسيل :)

كل الود

عزيز
بارعة
22-06-2006, 12:47 AM
ابو العز


ابو لقاء مافى اى شى عتر ليهو شغال مراسيل تمام


بس ما يقرا البوست دة :mad: :mad:
بارعة
22-06-2006, 12:58 AM
انت عارق انا من عملت البوست دة اتذكرتك طواالى


قلت كان ممكن تدينى من العندك لكن ما لميت فيك وانا بعيدة الايام دى فى الشرق


والله يا عزيز مرحلة الفستان الابيض البلبسوه بالقلبة دى قررربنا ليها


بس شيل الصبر انا دايرة البسو لى خالك اول ((لو ما عزمنى سمك))





هسسة فى ناس يعرفوا انا فى الشرق يقوموا يمشوا هناك


((NOORD HOLLAND))

هييي انا جاااااية ووووووووووووووووو :D :D















وانت كمان بى الف صحة وهناء يا عزيز