حبا وحقا وجمال ... للجميع

[Ishraga Hamid]

التحايا مجددا لصاحب البوست والضيوف



مهند سلام انا اجيب صورة المحادثة بالحروف عشان تزول دهشتك
رايك شنو؟؟؟؟؟؟؟؟؟؟؟؟؟؟
للعلم مرجعيتى محادثة اسكيبى مصورة لن ارسلها فى الخاص ولكنى على استعداد
لنشرها فى العام والرهيفة تنقد
وانا متاكدة يهمك تعرف ويهمك جدا
انا بعتذر عن اى عهد قطعته وساصوم كفارة لقسمى

العزيزة سارة
كيفنك

من كم يوم بقرأ فى كل البوستات الخاصة بالانتخابات لاجراء قراءة عن الآخر من خلال هذه التجربة..
استوقفنى هنا مسالة التسجيلات دى!!
لا اعرف ملابسات الامور كلها وانا بصدد قراءتها بموضوعية
لكن لماذا يتم التسجيل كدليل كما فى مداخلتك اعلاها
هل تم التسجيل المعنى برضا وعلم الطرفيين؟
حقيقة يهمنى لانو بيضيف لآليات تحليلى لكل ماجرى هنا

محبتى

[سارة]

العزيزة سارة
كيفنك

من كم يوم بقرأ فى كل البوستات الخاصة بالانتخابات لاجراء قراءة عن الآخر من خلال هذه التجربة..
استوقفنى هنا مسالة التسجيلات دى!!
لا اعرف ملابسات الامور كلها وانا بصدد قراءتها بموضوعية
لكن لماذا يتم التسجيل كدليل كما فى مداخلتك اعلاها
هل تم التسجيل المعنى برضا وعلم الطرفيين؟
حقيقة يهمنى لانو بيضيف لآليات تحليلى لكل ماجرى هنا

محبتى

اشراقة سلام واريتك طيبة
انتى فى بعض مداخلاتك فى هذا المفترع دعمتى رايك بانه سودانيات تواصل ومحبة
ومن هذا التواصل ومن هذه المحبة تنبع علاقتى انا سارة باعضاء سودانيات
التواصل مستمر بين الاعضاء فى الاسكيبى فى المسنجر الداخلى فى الفيس بوك
فى القروبات فى التلفونات ومن الطبيعى فى ناس علاقتهم ببعض قوية يعنى
العلاقة لا تختصر على مداخلات المنتدى ومن الطبيعى الونسة بتجيب سيرة الانتخابات
ودا شى طبيعى ووارد لكن لما الكلام يتعدى الانتخابات ويمس اخلاق الناس
( مع الاعتذار لحافظ جبت سيرة الاخلاق:p) لما الكلام يتعدى الانتخابات ويبقى
التحشيد وحس الناس بالتصويت لفلان دون فلان لانه فلانة صفتها وصفتها
دى بتبقى ما سمحة التصوير بجى متين لما زول يتبرع يوصل ليك المعلومة
وتكونى انتى مندهشة اكبر من اندهاشة مهند دى وعشان اثبت للبوصل لى المعلومة
انا ما بسكت بقوم امسك مستند عندى يا اما هو طلع كضاب واصحابى صادقين
يا اصحابى باعونى رخيص وانا ادفع ضريبة ثقتى.

[سارة]

نسيت يا اشراقة
لاحظى كم هو مؤلم ان تسجل او تصور هذا عن ما تسميهم اصحابك
شفت كيف دا الوجع الما بتلقى ليهو دواء

الحمد لله على كل حال
انا امشى اتخمت وكان مت قبل الصبح يعلم الله انى موجوعة
لكن الله يغفر ليكم كلكم
وكان مد الله فى العمر مستعدة لكل شى ومسؤلة عن كل كلمة
كتبتها

[عكــود]

سلام،

الإعتذار لا يغفر الخطأ الفادح.
ما أصاب آمال من ساقط القول، لا يبرّره إستصحاب المخاشنات السابقة وتصويره كرد فعل.
أمّا إستثمار رأي العوض فيما حدث، واستخدامه في شد قوس تنطلق منه سهام مسمومة؛ فهذا ما لا يغيب عن فطنة القرّاء.

هي محاولة رخيصة ّجدّاً لكسر صوت المرأة وإنكسارها.

كوني النخلة يا آمال.

[عبدالمنعم الطيب حسن]

عادل عسوم ،
عارف كل الهراء القاعد تستفرغوا هنا دا ،
ضعيف وهش وممكن تبيان خطله في مداخلة واحدة ،
عارف لم اتداخل معك ابدا قبل كدة ، ليه ؟
اجاوبك انا لانك لاتستحق ، ولانك غير طبيعي ، ولانك مهووس ، ولانك مربوش ،
ولانك اي كلام ،
................................
لكن عارف اليوم بتداخل معاك ليه ؟ لانك (هبشت )* نخلنا وثمرنا ،
ولانه رجل نخلة انت تقذف حجرا
هو يبعث ثمرة ،
ولان الرجل مودب ومهذب وودناس ،
لكن هنالك الكثر ممن معترفون بفضله ، وسموه ، وانسانيته ،
فهو تقدم ساعة الحارة ، وما تضارى ،
وما زال يعطي هذا الكيان من ماله وجهده وفكره ووقته الكثير ،
ذد على ذلك تهذيب قلمه ، الذي هو انعكاس طبيعي لنفس مهذبة ،
طيبة ، ومحبوبة ...
لكن نحن مارقين للرباء، والتلاف
والزيك دا نعفصو ، لا نبالي ،
لانه تحت ،
نكويه بالنار وبالحديد ، ولايهم في وجهه جاءت ، ام زلفت لمكان اخر ...
............................
انت واحد مع اخرين يودون تدمير هذا الكيان !
لكن في الاحلام ،
العضوية متماسكة واصحاب الحلال ولا احلى ،
وانت شن نفرك ؟
...........................
كنت ارثى لحالك يا رجل في بوستاتك المهببة التي تقرؤها وحدك !!!
تقتبسك مداخلاتك وترد على نفسك ،
(انت واحد من مصائب الاسافير )الحقوق لطيبان ...
يقتلك الفراغ والوحدة وعايش براك والهم عصفك !!
الذات عندك مضخمة حتى لكأنها تكاد تنفجر !
هذا بالنسبة لك ولنفسك يالك من نرجسي ،
اما عند ناس سوانيات فانت صفر كبير !
على اقصى الشمال وجودو زي عدمو ،
وهنا مقتلك
او قل نهايتك
يا لك من بائس تعيس ،
....
هذا مع الرأفة

.........................
واحد من الخلايا النائمة

* الحقوق لوجدي الاسعد الاسعد

هذه مداخلة لي سابقة ، عندما هبش هذا الرجل،
استاذنا عكود ، الان اعيدها لانه ينتقل بفظاظة من سئ لاسوا ،
ويكتب عن اعراض الناس بكل هذا السوء ،
ويقول ان له ، بنات ، يا رجل استحي ...

[الجيلى أحمد]

قرفك دا بتشربو بى نخرينك

[جيجي]

ابحث الآن عن كتابة لى بعنوان * بعاعيت الاسافير* وهى ورقة اقرب للبحثية
قمت بتجميع مواد من شاكلة * غيرجديرة بالاحترام* لمجرد الاختلاف فى وجهات النظر

مواد ساقوم يوما بتحليلها ولكنى تذكرتها الآن لان ماحدث هنا يشبه تماما ما اقوم بتحليله.اشراقة يا جميلة
شكرا لتلك الخطى الواعية التي تمشي بيننا بتؤدة تمنحنا التامل وتلعمنا الاتزان
لك هذه المادة ارجوا اضافتهالورقتك البحثية

مداخلة الامين العام المرتقب** ومسلسل السخرية من العملية الديمقراطية المحترمة ان وافقت النشطين ، الغير محترمة ان خالفت يتواصل ، وسامية باروكة تغني وتلعلع ملئ حلقها ، وفي نفس الصيوان اقتراحات بتسمية دورتها " ذات المسج" رغم اني أرى تسمية "دورة التنور" أو " الدورة الشهرية" أقرب وربما أجمل ....!!

امال يا سيدتي لاعزاء للسيدات فهن شهيدات الحق دوما
لا تدعي مثل هذا الغثاء ينال منك ابدا

[الجيلى أحمد]

---------

[أبوبكر عباس]

يا الجيلي، مداخلتك غير لائقة، أرجو سحبها.
مداخلة عادل ما شفتها، لكن ما دامت عند الأمين، خلاص،
ممكن تسجل صوت إدانة بكل هدوء ومن غير تجاوز، صحتك تهمنا!

[الجيلى أحمد]

صحتك تهمنا!


تحياتى يابابكر,

ياأخى ماتتخيل المسألة دى مؤذية قدر شنو,

يادوك الواحد داير يطق فيهو عرق,

الواحد بى زعلتو أم رجفى دى كان لما فيهو قدامو
كان ببلعو نم

[أبوبكر عباس]

كدي أسحب المداخلة وتعال لي في بوست طق العرق نسقيك شاي بحرجل

[الجيلى أحمد]

تمام يبابكر ولكل مقام مقال,أود التأكد فى البدء من أنه غير موقوف
فهذه البلادات تنوء عن حملها ظهور الانسانية التى تجمعنا هنا

[أسامة معاوية الطيب]

بابكر عباس والجيلي
ياخي أنتو جميلين جداً ...
جدا

[جيجي]

تمام يبابكر ولكل مقام مقال,أود التأكد فى البدء من أنه غير موقوف
فهذه البلادات تنوء عن حملها ظهور الانسانية التى تجمعنا هناالقلم الفي اخره ممحاة
هو اقواها في الحق
دم شيخا بلا حوار

[تماضر حمزة]

سلامات،
شئ محبط طبعاً، صراحة أنا أمس جيت هنا وشعرت بسوء شديد
وشفت الادانة ما كافية.
أعتذر ليك ياآمال عمّا أصابك، وشعوري انّو أصابني زيّك تمام.

[كيشو]

سلامات،
شئ محبط طبعاً، صراحة أنا أمس جيت هنا وشعرت بسوء شديد
وشفت الادانة ما كافية.
أعتذر ليك ياآمال عمّا أصابك، وشعوري انّو أصابني زيّك تمام.

أتفق مع ما تفضلت به اﻷخت تماضر فقد قالت ما وددت قوله
أختي آمال
كوني كما عهدناك: اتفقي معنا أو اختلفي، فأنت آمال الرقم، وأنت آمال القلم المميز في سودانيات
وثقي أننا نحبك كما تحبيننا، ونرجو لك ما نرجو ﻷنفسنا وأخواتنا
خذينا نحن فما نكنه لك من الخير والود أعظم مما نعلن

[Ishraga Hamid]

نسيت يا اشراقة
لاحظى كم هو مؤلم ان تسجل او تصور هذا عن ما تسميهم اصحابك
شفت كيف دا الوجع الما بتلقى ليهو دواء

الحمد لله على كل حال
انا امشى اتخمت وكان مت قبل الصبح يعلم الله انى موجوعة
لكن الله يغفر ليكم كلكم
وكان مد الله فى العمر مستعدة لكل شى ومسؤلة عن كل كلمة
كتبتها

ياسارة فكرة انو يتم تسجيل لآخر او اخرى مسألة غير مقبولة بتاتا وبتوجع الى بيعملها خاصة لو كان زول كويس وانسانى.
لنختلف ولكن بعيدا عن فكرة بعاعيت الاسافير
الغريبة ده محور تناولته فى مشروع فصل فى كتاب اعمل عليه ليرى النور وتناولت فيه التسجيلات كنموذج وهى وسيلة مستخدمة فى حروب خاسر فيها الانسان وحده

[Ishraga Hamid]

اشراقة يا جميلة
شكرا لتلك الخطى الواعية التي تمشي بيننا بتؤدة تمنحنا التامل وتلعمنا الاتزان
لك هذه المادة ارجوا اضافتهالورقتك البحثية

مداخلة الامين العام المرتقب*
امال يا سيدتي لاعزاء للسيدات فهن شهيدات الحق دوما
لا تدعي مثل هذا الغثاء ينال منك ابدا

ممكن يا جيجى تدينى اللنك اللى كتب فيه مهند الكلام ده؟
تعرفى فرضيتى فى البحث ده منطلقة من انو الرجال فى حتة قهر النساء دى مرات بيكونوا بعقلية واحدة واخذت نموذجا لزول يمينى قال لى فى كتابة علنا فى منبر مجاور بما معناه انى امرأة فى سن اليأس
ويسارى قال لصديقتنا بيان ذات المعنى..

تبقى المرأة والموقف الفعلى منها هى المحك الحقيقى يا جيجى

[سارة]

العزيزة اشراقة اتفق معاك رغم ما تسببه من الم الا انك
تفعل ما يؤلمك لكى تكبح جماح ثقتك
ما يؤلمنى الان صاحبى المزعوم يشتم احد الاخوات صحيح
اننى لم اشاهد المداخلة ولم ادخل الامانة العامة لكنها بدون شك المتنى
وكما تفضلت تماضر انا اى اهانة موجهة للمراة تمسنى مباشرة
والاخوات والاخوان فى المنتدى يعلمون رايى فى هذا والا اين وصلت
مع الشتائم والمهانات ولا ازايد على ذلك
فتخيلى ان ما نسب لى كيف لا يكون مؤلم
وبعدين تعالى عاتبينى فى التصوير وانا بقبل

[سارة]

اما سارة فلا بواكى لها:confused::confused:

[جيجي]

اما سارة فلا بواكى لها:confused::confused:ولماذا ياسيدتي تنتظرين من يبكي لك
او عليك

[سارة]

ولماذا ياسيدتي تنتظرين من يبكي لك
او عليك

سلام يا جيجى
فى حقيقة الامر لا انتظر ولم اتوقع اساسا
بس هى النفس الامارة بالسوء

[جيجي]

ممكن يا جيجى تدينى اللنك اللى كتب فيه مهند الكلام ده؟
تعرفى فرضيتى فى البحث ده منطلقة من انو الرجال فى حتة قهر النساء دى مرات بيكونوا بعقلية واحدة واخذت نموذجا لزول يمينى قال لى فى كتابة علنا فى منبر مجاور بما معناه انى امرأة فى سن اليأس
ويسارى قال لصديقتنا بيان ذات المعنى..

تبقى المرأة والموقف الفعلى منها هى المحك الحقيقى يا جيجىتجدينها في نفس البوست قبل قليل فقط من مداخلةعادل وتطاوله على امال للاسف الشديد
ضمن انتفاشه الولاية كما سماها- النصيحة هو قال داير ينتفش-وانا لمين انتفش سميتها انتفاشة الولاية:Dمداخلةرقم194

[وهاد ابراهيم محمد]

ولمّا يتعلق الأمر بالنساء فماذا أسهل من تحقيرهن؟
(بالمناسبة يا أ. إشراقة.. في هكذا مواقف.. الأصل أنهن (غير جديرات بالإحترام) ثم يأتي الإستثناء بحسب الغرض!!!)
تباً للإنسانية التي تُمرغ (أحد), فقط لكونه (امرأة).
هذه هي الصورة بتمام وضوحها..
الذي قيل لآمال , لا يسمى قبح ولا قذارة ولا سوء..
هو شروع في قتل إنسانية انسان, مهما كانت مسوّغاتها ومبرراتها.
ثم اني لا أستطيع قبول الإعتذار.

________
ولمّا يتعلّق الأمر بتبخيس المواقف والآراء, فليس أسهل من تمسيح القذارات على خدود النساء!!!
شكراً يا مهند.
ليس أفضل من أن تأتي بكامل الوضوح.




_______
وتسألون مالنا نتقدم الى الخلف بسرعة؟

هذا كامل البؤس
ومُخزي.


_______


ونحن الساكتون عن القضية كي نحوز على جواز الانتماء
عاديّون في أعيادنا
متسامحون مع اللصوص
نصلّي صوب أحزان المساء
ونشرب في ليالي العرس
نحلم بالبنات
وندعّي مجداً من الأسمنت
أو طقساً من البارود
والكرم المؤزر بإمتلاك الأرض و الثروة.
فلو كنا من الغابات حقاً
لما تركت جموع الناس, هذا العسكر المأجور
يرفل في الخضار, بإسمنا.


تباً لنا.

[Ishraga Hamid]

شكرا ياجيجى

وهاد هو ما اعنيه
تعرفى المحك بقى عندى الحتة دى
وللاسف بكون مرات محبطة لحد الاكتئاب

تعرفى مرة كنت قول لزول صديقى عن نص جميل لبنية شاعرة
تعليقة صدمنى.. (دى واحدة بتفتش ليها فى راجل)..

حزنت على روحى لانى وبعد عمر طويل اكتشفت ان هذا الرأى يعبر عنه فقط
ويشملنى وان قاله عن شابة تكتب الشعر بروحها وكل نبضة صادقة فيها...
فكيف كان صديقا لى منذ اعوام طويلة ولم انتبه؟

مش حاجة محزنة؟!

[أبوبكر عباس]

يا أخي، لمان يحصل تعدي على إمرأة بالمنبر قاعد أزعل شديد وطوالي بخاف من قميص محرقة اليهود.

[كيشو]

اخواتي العزيزات اشراقة سارة جيجي وهاد
لكن التحية
ما تتناولنه موضوع في غاية اﻷهمية، ولكن أخشى أن يقلل من أهميته أن تتم مناقشته هنا في هذا البوست الذي يناقش موضوعا آخر، كما أخشى أن يقلل من أهميته أن يتم تناوله بمناسبة تعرض إحدى اﻷخوات لﻷذى
لقد شهدت سودانيات مناقشة هذا الموضوع في مناسبات مختلفة، ولكنه لم يحظ بطرحه منفصﻻ كقضية تستحق اﻻهتمام ليس من قبل النساء فقط؛ بل من قبل الرجال أيضا، ولعلي أذكر أن اﻷخت سارة كانت فتحت بوست خاص قبل سنتين - إن لم تخني الذاكرة- حول العنف اﻹسفيري ضد النساء، ولعلها تعرضت بسبب ذلك لمضايقة من أحد الزمﻻء
أتمنى أن يتم مناقشة الموضوع في بوست منفصل حتى نستطيع اﻻستفادة من اﻵراء الجيدة
تحياتي واحترامي

[Ishraga Hamid]

مهند كتب:

والديمقراطية ، العملية المحترمة ، يتم انتقادها على رؤوس الأشهاد وماكنتها تدور والتصويت لم يغلق بعد بأغنيات شذى الخور وسامية باروكة !!

مهند سلامات

مازلت اقرا بهدف قراءة موضوعية للعملية الانتخابية التى تمت هنا وهى تجربة فريدة رغم ماحاقها من سلبيات الا اننا نتعلم كل يوم شئيا جديدا.

ساقول رأى فى بوست منفصل عن رؤيتى ان هون الله القواسى ولكنى مبدئيا اقول:
اى عملية انتخابية تمت ومنذ ان كنت طالبة سوى فى انتخابات الكلية او الروابط الادبية يتم اعلان للمرشحين وبرنامجهم ومايتم من حشد يرتكز اصلا على البرنامج المطروح ومدى قناعة الآخر بالمرشحين/ت.
اى منبر وان سُمى اجتماعى فمعلوم ان الاجتماعى لا ينفصل عن السياسى وسودانيات لم تقف مكتوفة الايدى باختلاف اراء عضويتها... بدء من صفحتها الاولى للرئيس البشير والمحكمة الدولية وانتهاء بالمناداة بمحاكمته.. هذا مثال فقط , بمعنى (وبحكم التخصص الاخير فى العلوم السياسية) اقول لا يمكن فصل السياسة حتى من نوعية الهواء الذى نتنفسه.
ولا تنفصل ايضا من رؤيتك هنا يا عزيزى:

وايضا كتب مهند

ومسلسل السخرية من العملية الديمقراطية المحترمة ان وافقت النشطين ، الغير محترمة ان خالفت يتواصل ، وسامية باروكة تغني وتلعلع ملئ حلقها ، وفي نفس الصيوان اقتراحات بتسمية دورتها " ذات المسج" رغم اني أرى تسمية "دورة التنور" أو " الدورة الشهرية" أقرب وربما أجمل ....!!


ولكن هناك محكات يا مهند.. محكات اركزها حاليا فى الاقتباس اعلاها وتركيزا على:

ربط الدوره الشهرية بدورة التنور
سامية باروكة، شذى الخور وسامية باروكة

وددت لو اعرف سر الربط بين هذه المحاور؟

مازلت اقرأ واتمنى انجزها واشرع فى تحليل (نحن والآخر) من وحى مايدور هنا منذ بدء الانتخابات...

فى انتظار ردك

[كيشو]

اخواتي العزيزات اشراقة سارة جيجي وهاد
لكن التحية
ما تتناولنه موضوع في غاية اﻷهمية، ولكن أخشى أن يقلل من أهميته أن تتم مناقشته هنا في هذا البوست الذي يناقش موضوعا آخر، كما أخشى أن يقلل من أهميته أن يتم تناوله بمناسبة تعرض إحدى اﻷخوات لﻷذى
لقد شهدت سودانيات مناقشة هذا الموضوع في مناسبات مختلفة، ولكنه لم يحظ بطرحه منفصﻻ كقضية تستحق اﻻهتمام ليس من قبل النساء فقط؛ بل من قبل الرجال أيضا، ولعلي أذكر أن اﻷخت سارة كانت فتحت بوست خاص قبل سنتين - إن لم تخني الذاكرة- حول العنف اﻹسفيري ضد النساء، ولعلها تعرضت بسبب ذلك لمضايقة من أحد الزمﻻء
أتمنى أن يتم مناقشة الموضوع في بوست منفصل حتى نستطيع اﻻستفادة من اﻵراء الجيدة
تحياتي واحترامي

تحية مجددا
ومعذرة
بعد هذه المشاركة وجدت بوست يتناول الموضوع

[Ishraga Hamid]

اخواتي العزيزات اشراقة سارة جيجي وهاد
لكن التحية
ما تتناولنه موضوع في غاية اﻷهمية، ولكن أخشى أن يقلل من أهميته أن تتم مناقشته هنا في هذا البوست الذي يناقش موضوعا آخر، كما أخشى أن يقلل من أهميته أن يتم تناوله بمناسبة تعرض إحدى اﻷخوات لﻷذى
لقد شهدت سودانيات مناقشة هذا الموضوع في مناسبات مختلفة، ولكنه لم يحظ بطرحه منفصﻻ كقضية تستحق اﻻهتمام ليس من قبل النساء فقط؛ بل من قبل الرجال أيضا، ولعلي أذكر أن اﻷخت سارة كانت فتحت بوست خاص قبل سنتين - إن لم تخني الذاكرة- حول العنف اﻹسفيري ضد النساء، ولعلها تعرضت بسبب ذلك لمضايقة من أحد الزمﻻء
أتمنى أن يتم مناقشة الموضوع في بوست منفصل حتى نستطيع اﻻستفادة من اﻵراء الجيدة
تحياتي واحترامي

http://sudanyat.org/vb/showthread.php?t=26244

شكرا يا كيشو

[الفاتح]

ما قريت الوضيع ده قال شنو فيك يا آمال ، وواضح إنو كلام مشين ، لأنو ما لاقى قبول من غالبية الإتداخلو.. أبقي راكزه لبطان العقلية الإقصائية دي وختي في بالك إنو الزول البيعتدى على إمرأه زول ناقص رجوله..

[شهرزاد]

انا لا ارجو اعتذارا من العضو عادل عسوم
وقد فوضت امري فيه لادارة سودانيات
ومن قبل ذلك للمولي عز وجل
حيث لا تضيع الحقوق
اعتذارك مردود عليك

كنت خايفة إنك تقبلي الإعتذار يا آمال والحمد لله خيبتي ظني .
والحمد لله إنك تمسكت ب حقك ..
موش كل زول يغلط ويجي ببساطة يعتذر وكمان ده ما أي غلط ..!
والكلمة كالرصاصة أذا طلعت مستحيل ترجع تاني .


ويا عادل عسوم أخجل ياخ ..

[شهرزاد]

اما سارة فلا بواكى لها:confused::confused:

سارة هوني عليك حبيبتي ...

[مهند الخطيب]

اشراقة يا جميلة
شكرا لتلك الخطى الواعية التي تمشي بيننا بتؤدة تمنحنا التامل وتلعمنا الاتزان
لك هذه المادة ارجوا اضافتهالورقتك البحثية

مداخلة الامين العام المرتقب*
امال يا سيدتي لاعزاء للسيدات فهن شهيدات الحق دوما
لا تدعي مثل هذا الغثاء ينال منك ابدا

رجاء ياجيجي

انا اكتب تحت اسم مهند الخطيب ولست أمينا عاما لسودانيات بعد وان مد في الآجال وبلغت فارجو منك مخاطبتي بهذا الاسم مادمت أتداخل به ....
اكرر رجائي مخاطبتي بهذا الاسم ان اردت....

سأعود لمناقشة مداخلتك ان استطعت ..... ودي وشكري

[طيبان]

سلامات يا مهنّد .
قلت لي قبل تخت كراعك بقيت تقابض في الفصل بين مهنّد العضو ومهنّد الأمين العام ؟؟ الله غالب يا صاحب ،، والغريق قدّام ..
وبمناسبة الكديسة أنا برضو وقفت في مسألة ( الدورة الشهرية ) الحشرتها في مداخلتك ديك ،، وما ريّحني في حناني إلا شليل وهو يربط مجمل المداخلة بكتابات إسحق أحمد فضل الله وهو ما أحسسته بالضبط وأنا أقرأ مداخلتك ،، وكل مرة كنت بحسن في الظن ولامن وصلت للدورة الشهرية آمنت بأنو روح إسحق فضل الله متلبّساك ،،فلا تثريب عليك .:)
عموما إن كان مهند الأمين العام أو مهند العضو أو مهنّد ود قلبا ،، فاستخدام لغة زي دي في هذا المكان يخصم منك الكثير ،، وما في زول ح يقعد يشيل منقاشو ويباري مداخلاتك ويسلسل مداخلات العضو من مداخلات سعادة الأمين العام.
وعموما الكلام الفوق دا كلو ممكن ما يكون بهمّك في شي ،، دحين كان ما عجبك اعتبرو راي اتقال ،، ومشّيهو من باب حريّة التعبير .. وكدة ..
موش حريّة التعبير مكفولة حسب اللائحة برضك ؟؟ :)

__

يسعد صباحك ..

[مهند الخطيب]

سلامات يا مهنّد .
قلت لي قبل تخت كراعك بقيت تقابض في الفصل بين مهنّد العضو ومهنّد الأمين العام ؟؟ الله غالب يا صاحب ،، والغريق قدّام ..
وبمناسبة الكديسة أنا برضو وقفت في مسألة ( الدورة الشهرية ) الحشرتها في مداخلتك ديك ،، وما ريّحني في حناني إلا شليل وهو يربط مجمل المداخلة بكتابات إسحق أحمد فضل الله وهو ما أحسسته بالضبط وأنا أقرأ مداخلتك ،، وكل مرة كنت بحسن في الظن ولامن وصلت للدورة الشهرية آمنت بأنو روح إسحق فضل الله متلبّساك ،،فلا تثريب عليك .:)
عموما إن كان مهند الأمين العام أو مهند العضو أو مهنّد ود قلبا ،، فاستخدام لغة زي دي في هذا المكان يخصم منك الكثير ،، وما في زول ح يقعد يشيل منقاشو ويباري مداخلاتك ويسلسل مداخلات العضو من مداخلات سعادة الأمين العام.
وعموما الكلام الفوق دا كلو ممكن ما يكون بهمّك في شي ،، دحين كان ما عجبك اعتبرو راي اتقال ،، ومشّيهو من باب حريّة التعبير .. وكدة ..
موش حريّة التعبير مكفولة حسب اللائحة برضك ؟؟ :)

__

يسعد صباحك ..

صباحاتك تطيب ياحبيب ....

الفصل بين الاتنين البقابض فيهو ده باقي لي ضروري ، الامين العام ده زول لايحة ومهند الخطيب ده زول راي ....والشي مابدورلو منقاش ، الامين العام عنده حساب بخش بيه ومهند عنده حساب وكلو بدربو الله يهداك ....


فيما يخص اللغة .... الدورة الشهرية الزعلتك دي اتقالت هنا في سودانيات دي وفي ايام الانتخابات انا بس اتناولتها ساي ، بعدين تغيير اللغة ده علي بالأيمان ماهو ساهل كده عشان اغيرا والله ياها لغتي بس ماشايفك عاينت ليها بياتو عين ...


بالجمبة كده:
اسحق فضل الله ده اي نعم كوز لكنه كتاب والله (رأي شخصي)

بالجمبة التانية:
رأيك ياطيبان ان مابقى مكفول باللايحة انت عارف انو عندي مكفول فبطل حركاتك ديlooool

[مهند الخطيب]

ولمّا يتعلّق الأمر بتبخيس المواقف والآراء, فليس أسهل من تمسيح القذارات على خدود النساء!!!
شكراً يا مهند.
ليس أفضل من أن تأتي بكامل الوضوح.


حقيقة لم افهم مداخلتك ياوهاد .... ربما لغشاوة تغشى ...

أرجو التوضيح ...

[مهند الخطيب]

مهند كتب:

والديمقراطية ، العملية المحترمة ، يتم انتقادها على رؤوس الأشهاد وماكنتها تدور والتصويت لم يغلق بعد بأغنيات شذى الخور وسامية باروكة !!

مهند سلامات

مازلت اقرا بهدف قراءة موضوعية للعملية الانتخابية التى تمت هنا وهى تجربة فريدة رغم ماحاقها من سلبيات الا اننا نتعلم كل يوم شئيا جديدا.

ساقول رأى فى بوست منفصل عن رؤيتى ان هون الله القواسى ولكنى مبدئيا اقول:
اى عملية انتخابية تمت ومنذ ان كنت طالبة سوى فى انتخابات الكلية او الروابط الادبية يتم اعلان للمرشحين وبرنامجهم ومايتم من حشد يرتكز اصلا على البرنامج المطروح ومدى قناعة الآخر بالمرشحين/ت.
اى منبر وان سُمى اجتماعى فمعلوم ان الاجتماعى لا ينفصل عن السياسى وسودانيات لم تقف مكتوفة الايدى باختلاف اراء عضويتها... بدء من صفحتها الاولى للرئيس البشير والمحكمة الدولية وانتهاء بالمناداة بمحاكمته.. هذا مثال فقط , بمعنى (وبحكم التخصص الاخير فى العلوم السياسية) اقول لا يمكن فصل السياسة حتى من نوعية الهواء الذى نتنفسه.
ولا تنفصل ايضا من رؤيتك هنا يا عزيزى:

وايضا كتب مهند

ومسلسل السخرية من العملية الديمقراطية المحترمة ان وافقت النشطين ، الغير محترمة ان خالفت يتواصل ، وسامية باروكة تغني وتلعلع ملئ حلقها ، وفي نفس الصيوان اقتراحات بتسمية دورتها " ذات المسج" رغم اني أرى تسمية "دورة التنور" أو " الدورة الشهرية" أقرب وربما أجمل ....!!


ولكن هناك محكات يا مهند.. محكات اركزها حاليا فى الاقتباس اعلاها وتركيزا على:

ربط الدوره الشهرية بدورة التنور
سامية باروكة، شذى الخور وسامية باروكة

وددت لو اعرف سر الربط بين هذه المحاور؟

مازلت اقرأ واتمنى انجزها واشرع فى تحليل (نحن والآخر) من وحى مايدور هنا منذ بدء الانتخابات...

فى انتظار ردك

اشراقة ..... عساك بخير ...

قبل ان يوضع مهند الخطيب محكوما بهولوكوست التمييز والعنف ضد النساء ، اعقلوا ماكتبه في صياغه وانظروا مايعنيه به ....

أرى أنك قد قرأته تحت اضاءة الزميلة جيجي التي اخرجته من سياقه ومن معناه ، وارى أن اعتراضكن لم يتعد الألفاظ التي ذكرها مهند الخطيب!!

التنور .... هو الفرن الذي وضع فيه مهند الخطيب في فترة صمته الانتخابي التي لم يراعيها البعض وهو يتحدث عن الخذلان وأشياء أخر ...

"ذات المسج" هو الاسم الذي اقترحه الصديق اسامة للدورة القادمة لا عتراضه على فكرة الحشد ....

الدورة الشهرية ..... تجدينها في بوست الخيمة الانتخابية

سامية باروكة وشذى الخور فنانتان تغنيان مايسمى جدلا غناء هابطا ، وهي اشارة لاستهزاء آخر تم في بوست افترعته الزميلة سماح محمد عنوانه رشحني وانا ارشح ليك ...... رشح لي الريده !!!!حرفت فيه اغنيات هابطة وغيرها لتناسب سخطها الانتخابي!!

يللا يا صديقة وريني وين هنا التمييز والعنف ضد النساء وشغل البعاعيت !!! الا لو قاصدة انو عشان كلامي ده موجه لجيجي وسماح (النساء) ففي الحالة دي اعفي لي ولاحظي انو اسامة في تفسيري ده موجود ....

[الجيلى أحمد]

وعموما الكلام الفوق دا كلو ممكن ما يكون بهمّك في شي

:D:D:D
مشتهى لى كيبورد عربى

[طيبان]

:D:D:D
مشتهى لى كيبورد عربى


إنت يا الجيلي لا متين تفتّش في كيبورد الجن دا .
كونك تجي تكـوّت جزء من كلامي وترمي ليك تلاتة وشوش خُدُر ومعاهن 4 جمل عربي ،، ثم تبيّن حوجتك لي كيبورد عربي ،،يبقى واحد فينا يفترض يتحسسس قنبورو ،، يا أنا يا إنت ..

سؤال المليون دولار لهذا الصباح :
من سيتحسّس القنبور ..؟؟

__

الله يلمّك في الكيبورد ،، أنا كيبوردي جاهز ومعرّب ..

[طارق صديق كانديك]

صباح الخير على الجميع

وددت أن أشير الى الذين يوجهون حديثهم الى العضو عادل عسوم بأنه موقوف ولا يمكنه الرد على مداخلاتكم.

[الجيلى أحمد]

،،يبقى واحد فينا يفترض يتحسسس قنبورو ،، يا أنا يا إنت ..
سؤال المليون دولار لهذا الصباح :
من سيتحسّس القنبور ..؟؟

مادام فى قنبور, ماأظن فى داعى للتحسس

[الجيلى أحمد]

اقتباس:
،، أنا كيبوردي جاهز ومعرّب ..




ومعرّب


دا حالتو معرب

[الجيلى أحمد]

دى ذاتا سانحة كويسة

[طيبان]

عندك كلام عديل يا الجيلي لمّو في بُقجة واحدي وتعال ،، الفارغة دي أنا زولا تب الليلة ..

[كيشو]

فيما يخص اللغة .... الدورة الشهرية الزعلتك دي اتقالت هنا في سودانيات دي وفي ايام الانتخابات انا بس اتناولتها ساي ، بعدين تغيير اللغة ده علي بالأيمان ماهو ساهل كده عشان اغيرا والله ياها لغتي بس ماشايفك عاينت ليها بياتو عين ...
looool

اشراقة ..... عساك بخير ...

قبل ان يوضع مهند الخطيب محكوما بهولوكوست التمييز والعنف ضد النساء ، اعقلوا ماكتبه في صياغه وانظروا مايعنيه به ....
الدورة الشهرية ..... تجدينها في بوست الخيمة الانتخابية



يا مهند ازيك ياخ

اسم الدورة الشهرية أطلقته أنت وحدك فاثبت عليه، أو إذا فهمت مداخلتي في بوست الخيمة الانتخابية خطأ فتراجع عن فهمك الخاطيء ولن يضيرك شيء
ارجع إلى مداخلتي التي وجهت إشراقة لمراجعتها، واقرأها في سياقها الصحيح وستجد أنك أطعت قراءة متعجلة ساعدتك عليها نفسك التي بدأت تثور بين جنبيك من تعاسة الانتخابات عموماً، وفوزك الذي كنا نتمناه أن يأتي نظيفاً أبيض لائحة وأخلاقاً
ولو راجعت فستجد أن ناقصة العقل والدين هي الانتخابات التي تمناها الموريتاني في الطرفة التي حكاها أسامة معاوية وراجع البوست التي وردت فيه والسياق الذي جاءت فيه ولعل إشراقة تفعل

[كيشو]

* وأُريد حبا وحقا وجمال ...... والقوالات تملأ المكان !!!

* حباً وحقاً والقوم سلخوا انتخابات الامانة العامة وهي تجري على قدم وساق ولم ينتظروا مطلع الفجر !

* القوم يتحدثون عن الديمقراطية الأخلاقية والديمقراطية اللائحية ... جميل ، لماذا الدهشة والتنقل بين الاثنتين ؟
يتحدثون عن الديمقراطية الآلية اللائحية التي تعطي المصوت الحق في مراقبة صوته وحين لا يجدون فيها منهلا لتأخر (فئامهم) في السباق الانتخابي يحدثونا في انتقال سريع عن الديمقراطية الأخلاقية وأن الحشد ليس من الديمقراطية في شئ !!!

*القوم يصابون بالخذلان لا بل ويندمون على التصويت لعضو سودانيات المرشح الفائز لأن من صوت له وحشد له هم فلان وعلان !!

* الحشد وهو الفعل الانتخابي القائم على التعبئة يغدو فعلا لا أخلاقيا بين ليلة وضحاها فقط لأن القوم لا يرضيهم تقدم فلان أو علان !!

* وصديقيّ أسامة معاوية وطيبان يريدانها دعوة للحب والحق والجمال ونشرا لقوائم من صوت !! وأحسب أن الخطوة التي تليها هي التحقيق مع كل عضو لم صوتّ ومن جاء بك فليس لباسويردك أو اللائحة أو الديمقراطية حق يكفيك أن تفعل !!

* أترى الخطوة التالية تكون تفتيش السرائر والنفوس بحثاً عن أوراق وضعت في صناديق الاقتراع؟!!

* والقوم يطالبون باعادة الانتخابات!!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* والمنتدى أضحى مسرحاً للقوالات البديعة و في طريقه ليصبح معرضاً تشكيليا للرسائل الفيسبوكية والتلفونية والخاصة وجوابات البريد ... وربما نحتاج قريبا لجمع الطوابع !!

* والدهشة حاضرة أيضاً ... عادل عسوم يخبرنا مستخفاً بما تبقى فينا من عقول أن عضوا بالمنتدى لابل عضوين اثنين أرسلا له يحثانه على التصويت للمرشح مهند الخطيب ويشفع خبره باليمين والقسم !!!

* والدهشة تترى بخبر العزيزة سارة الذي يحدثنا عمّن قرن بينها وبين عسوم فأقصاها وهي التي مازالت في السباق الانتخابي وتعدت الخمسين صوتاً فهل غاب العقل؟؟ والمذكور لم يصل من الأصوات عشرينها؟؟؟ ان كانت صديقته لكانت حملته معها ولكان له صوت في جراب كل من صوت لها ... أو أن الناس فقدو العقل!!!
ومرجعها رسالة أو مقولة ممن يخشى الضوء ويرغب في اخفاء اسمه ويطلب القسم حامياً لهذا الاخفاء... ومن يخشى الضوء لا يخشاه أحد...


* والقوم الذين أبدوا (قرفهم) من الحشد الآن يحشدون !!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* ونستوي سواء على ديمقراطية احتشادية حال التنافس ويضرب القوم المعترضون على حشد انتخابات الأمانة العامة عرض الحائط بكلماتهم عن "أخلاقية" الديمقراطية ويحشدون ....

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* وخذلان الأعضاء في بعضهم يصبح تيمة تزجى كل حين ، ويؤتى بغرس زميلة لنا هنا فعلت في الحشد في انتخابات الأمانة العامة علنا لتجلد ضحىً ويغض القوم الطرف عن تصاعد عداد انتخابات المجلس بصورة جنونية (تفرحني) والمصوتون يربون عن المائة وسبعين !!

* والحزن يغطي الموقع ، وقوم يدعون أن كان الله في عون سودانيات ، فالديمقراطية التي تأتي بمن لا أريد تغدو هدّامة وتضر الموقع !!!

* ومهند الخطيب يضيف الى سيرته الذاتية نجمات ونجمات بعد أن أصبح أميناً عاماً لسودانيات!!!

*والقوم يتحدثون عن الحب والحق والجمال !!!

* وتتفق بعض العضوية على أن اللائحة (القاصرة) لم تخترق وفي نفس السطر يحدثوننا عن (الخج)!!!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* ويستغرب القوم رضى المرشح الفائز عن نتيجة الانتخابات العامة فرضاه (لا أخلاقي) لديهم .. عليه أن يخالف (أخلاقه) الخاصة ويضرب بعرض الحائط أصوات كل من صوتوا وممثل المالك الذي رشحه ليرضي أخلاقهم!!

* واللائحة لا مكان لها أمام الأخلاق التي نعرف أنها نسبية تختلف باختلاف المكان والمرء والزمان !!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* ويُذبح الحاشدون في ساحات المنبر وبعد أيام خمس يحشد ( الضباح) حشده!!

* " والما عنده لسان فقري وفلسان"

* والديمقراطية ، العملية المحترمة ، يتم انتقادها على رؤوس الأشهاد وماكنتها تدور والتصويت لم يغلق بعد بأغنيات شذى الخور وسامية باروكة !!

* وكل من له غرض أو غبينة مع عضو اتجه لتصفيتها واختيار فريق آخر ، (وكلو بالأخلاق) !!


*والحديث يترى عن احترام العملية الديمقراطية ومدى احباط القوم من (خجّها) !!

* وذيل القائمة يضحك في جذل رغم قلة الأصوات واستفتاء شعبيته التي أتى بالنسبة له فائقا للمتوقع ...

* وبعض العضوية يقررون خلق تمييز وتصنيف جديد للعضوية اتباعا لضلالة مضل ، فتغدو العضوية اما فئاماً واما خلايا نائمة واما نشطين ، والأخيرون هم من لهم القرار لأن لهم الباسويرد (الأرجل)...

* ويتبع هذا التقسيم بامكانيات وحدود أي عضو مصنف ، فالفئام عليهم بعدم نشر أفكارهم ، والخلايا النايمة عليها ألا تشارك في أي عملية انتخابية مالم (يكسروا رقبتم ويشاركو) والنشطون هم يد الله في الأرض يفعلون مايريدون ، يصنفون ويرشحون وينتخبون وفي بعض الحالات يفوزون جميعا فمرحى ....

* ومواصلة لمسلسل التمييز يحدثنا الزميل بابكر عباس ويهرف عن اقصاء كل حزبي ومسيس عن العمل العام في منظمات ومنتديات العمل المدني والاجتماعي والثقافي ، العالم يسعى لوحدة الحقوق والواجبات وتحطيم حوائط التمييز بين بني البشر والزميل العزيز يسعى لخلق تمييز جديد وأقصاء آخر !!!

* والحزبيون المنظمون يريدون حكم مملكة سودانيات العليا لينفذوا أجندة أحزابهم الطامحة للحكم !! فلقد جائوا الى سودانيات يعرضون على العضوية برامج أحزابهم ويبشرون بها حاملين بطاقات عضويتهم و أوامر التفويض من سكرتاريات أحزابهم المختلفة !!

* ومسلسل السخرية من العملية الديمقراطية المحترمة ان وافقت النشطين ، الغير محترمة ان خالفت يتواصل ، وسامية باروكة تغني وتلعلع ملئ حلقها ، وفي نفس الصيوان اقتراحات بتسمية دورتها " ذات المسج" رغم اني أرى تسمية "دورة التنور" أو " الدورة الشهرية" أقرب وربما أجمل ....!!

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

* وبعض العقلاء ارتضوا التراجع للخطوط الخلفية...

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"


* ولاتنه عن خلق .......
فمهند الخطيب (الشيوعي) يعترف بوجود حشد ولكنه ليس مخالفا للائحة والا كان تحمل مسئولية (وخش في دور بطولة وشفافية) فهل يستطيع أن يفعلها رافضو التحشيد أمس العاملين به اليوم حال انتهاء انتخابات المجلس؟؟

* واللايحة (التلجة السايحة) اضحت الآن شرا خالصا والقوم ينشدون (مخارجة) في غيرها ....

* " الديمقراطية اللائحية ان تقدم (زولنا) والديمقراطية الأخلاقية ان تقدم (زولم) !!"

صراحة عجبتني لغة المداخلة دي وأهنيك عليها
بس كانك تقول من خلالها إنك اتعقدت
أخلاقياً كدا بقول مهند لن يطلب من أحد أن يصوِّت له
تعرف يا مهند عندنا واحدة قريبتنا قبل كم سنة كدا الأطباء قالو ليها عندك حصوة ولكن الأطباء اختلفو في ضرورة إجراء عملية لإزالة الحصوة فمنهم من قال إنها كبيرة ولازم عملية وواحدين قالو هي عادية وكثير من الناس الحايمين ديل عندهم حصاوي زيها وما لازم تعمل عملية.....
أها الزولة ما سوت العملية، وبعد سنتين ونص شعرت ببعض الآلام فذهبت إلى الأطباء الذين اختلفوا هذه المرة فبعضهم قال لها عندك ورم ويمكن نحتاج نشيل عينة، وواحدين قالو ليها الكبد شوية فيها كلام، ومافي زول جاب سيرة الحصوة
هي من حكت لي هذه القصة عبر التلفون، قمت سألتها: أها وناوية تسوي شنو؟
فأجابتني: والله قلت أخير لي الحصوة وبقيت عليها تب :D
أها قصة قريبتنا دي يبقالي ذي قصتك مع انتخاباتنا دي، المرشحين فيها للأمانة العامة من اختصاص المالك، يعني ما ترشيح من الأعضاء، أها الناس لقو المرشحين مهند والزوول وخال فاطنة
أها قالو أخير لينا الحصوة وباقين عليها تب :p
إنتا أطلع منها، في تقديري الناس الوقفو معاك وقفو مجبورين وليسوا ابطالاً، فيا اخي لا تسلم رقبتك لمن رشحك، ولا تحَمِّر للبيتكلمو عن أخلاقية الانتخابات
خليك مهند الذي له شخصيته المعروفة وأنا شخصياً أثق بك وأنت تعرف ذلك، وأنا شخصياً لم أصوت في الانتخابات دي لأني كنت متوقع ما يدور فيها، وكلامي دا قلتو لأعضاء هنا وهم يشهدون أنني قلته قبل الانتخابات وعندهم اسم الدورة الجاية الاقترحتو أنا
ياخوي انت اتورطت لا إيدك لا كراعك، فلا تتورط أكثر وإلا ستفقد حياديتك وهذا ما يتمناه البعض
زمااان في الإذاعة في تمثيلية فيها جماعة بحاولو يرشو ليهم واحد نزيه، وجربو معاهو كل السبل ولم يفلحو، ولكن في النهاية وتحت إلحاحهم وطرقهم قام طلب منهم مبلغاً خرافياً، ولما رجعوا إلى زعيمهم يائسين وقالو له الراجل طلب مبلغ خرافي؛ قاطعهم زعيمهم وقال ليهم: طالما هو اتنازل وطلب فموضوع انتهى
أوعك تطلب وكان عايز تعضي زول أمشي لي عكود :)

[سارة]

مهند يا صاحب سلامات ومبروك عليكم بداية الدورة الجديدة
قلت(الامين العام عنده حساب بخش بيه ومهند عنده حساب وكلو بدربو الله يهداك ).
يا صديق الله يهداك انت زاتك والامين العام ليس باستورد تخش وتمرق منها الامين
العام يا صديق مسؤلية وحيادية غصبا عنك تعمل بيها الناس كانت عارفاك مهند الخطيب
واختارتك امين عام وليس العكس يعنى جلابية الامين العام حتى وان اضطررت لخلعها
لازم تراعى ان لا تركفسها بمداخلات مهند الخطيب يعنى زى مداخلتك الاولى بعد
انتخابكم انا سارة دى بعتبرها بائسة جدا وتمنيتك لو لم تكتبها اما هذه المداخلة التى
ذكرت فيها (التنور) والدورة الشهرية الغريبة انك ما ذكر(سلطة الروب) ما لها عيبها لى؟؟
المسالة يا مهند ليست كلامات قبيحة او مفردات سخيفة الكلام الشين ما قاسى
ولا بيشتروهو بالقروش اى زول عندى كيبورد والحشاش بيملأ شبكتو.
يعنى لو قلت ليك سموها دورة (أنحنا جيينا وكيًة للمابينا) بكون رايك شنو؟؟
نصيحتى لك يا صاحب حتى وانت مهند الخطيب لا تنسى الامين العام .

[Ishraga Hamid]

اشراقة ..... عساك بخير ...

قبل ان يوضع مهند الخطيب محكوما بهولوكوست التمييز والعنف ضد النساء ، اعقلوا ماكتبه في صياغه وانظروا مايعنيه به ....

أرى أنك قد قرأته تحت اضاءة الزميلة جيجي التي اخرجته من سياقه ومن معناه ، وارى أن اعتراضكن لم يتعد الألفاظ التي ذكرها مهند الخطيب!!

التنور .... هو الفرن الذي وضع فيه مهند الخطيب في فترة صمته الانتخابي التي لم يراعيها البعض وهو يتحدث عن الخذلان وأشياء أخر ...

"ذات المسج" هو الاسم الذي اقترحه الصديق اسامة للدورة القادمة لا عتراضه على فكرة الحشد ....

الدورة الشهرية ..... تجدينها في بوست الخيمة الانتخابية

سامية باروكة وشذى الخور فنانتان تغنيان مايسمى جدلا غناء هابطا ، وهي اشارة لاستهزاء آخر تم في بوست افترعته الزميلة سماح محمد عنوانه رشحني وانا ارشح ليك ...... رشح لي الريده !!!!حرفت فيه اغنيات هابطة وغيرها لتناسب سخطها الانتخابي!!

يللا يا صديقة وريني وين هنا التمييز والعنف ضد النساء وشغل البعاعيت !!! الا لو قاصدة انو عشان كلامي ده موجه لجيجي وسماح (النساء) ففي الحالة دي اعفي لي ولاحظي انو اسامة في تفسيري ده موجود ....

يا مهند يا صديقى
راجع مراجعتى.. التى انبت فى الاساس على اسئلة واستفسارات
انا لم اكتب بعد وجهة نظرى

شغل البعاعيت لم افترعة الآن, وراجع البوست الذى تعود فكرته الى العام 2005 وربما الانتباهات الاولى تعود الى ماقبل ذلك. راجع برضو النوتز على صفحتى فى الفيسبوك..

لاكتب وجهة نظر علمية احتاج ان اقرأ كل ماكُتب فى امر الانتخابات
لكن عموما يزعجنى تماما الانتقاص من المرأة بسبب بيولوجى لا يد له فيها.
بيقومن لى قرون عديييييل لمن يتم الانتقاص من النساء عبر النساء..
النساء المزكورات فى الاغنيات (الهابطة) هى بتعبر عن المجمتع بمعنى ما جات من فراغ وكونهن يغن هذه الاغنيات لاينتقص منهن شيئا... اقول هذا حتى معرفة مصدرها الاول.

يامهند ياعزيزى فكرتى فى الامر لاتقف فقط عند الانتخابات هنا بل ماكُتب فى لحظات غضب بيعبر تماما عننا وعن وعينا الباطنى.... (لاحظ النا هنا اذ انى لا اخرج نفسى من بعض التناقضات التى اقع فيها من حين لآخر).

مداخلتى الاولى كانت اسئلة واستفسار وشكرا ليك ان اجبت عليها.

[مرافي]

يا جبل ما يهزك ريح ...
مهداة للاخت آمال
لماذا كل هذا ..؟؟؟؟
لماذا الانتقاص من قيمة الانسان الى متى هذا الاقصاء البايولجي يا اهل المباديء.؟؟

[AMAL]

الاعزاء الغالين
سندي وعضدي
ضلي وضراي
ودفاي حين يستبد بي ليل المظالم
وزمهرير الغربة
قنديلي ومنارتي وبوصلتي
انا لن اشكر هنا الا شخص واحد
ليس من بين هؤلأ
حسين عبدالجليل
ياسر كبوش
طارق صديق كانديك
أسامة معاوية الطيب
ناصر يوسف
Ishraga
سماح محمد
عكــود
عبدالمنعم الطيب حسن
الجيلى أحمد
جيجي
بابكر عباس
تماضر حمزة
كيشو
وهاد ابراهيم محمد
شليل
شهرزاد
مهند الخطيب
مرافي
لستم المعنيين بشكري
فانتم عزي وعزوتي وملاذي الامن
ولاجلكم انا هنا
وبكم انا اقوي
ساشكر من وجه لي الاساءة
فقد بين معادنكم
من يتفق معي ويختلف
ويبقي بيننا الاحترام والود الذي لا تفسد له تباين الاراء قضية

اما مجلس ادارة سودانيات وامانته
فلن اوفيهم حقهم
كانوا قدر توقعاتي واكبر
ادوا الامانة واستحقوا وسام العطاء والسهر علي المكان
اقول فيهم شنو؟
ما لاقية كلام
يوم شكركم مايجي
بحبكم جدا
والبحبني يصوت لاي واحد منكم في اي انتخابات قادمة

[AMAL]

مهند يا صاحب سلامات ومبروك عليكم بداية الدورة الجديدة
قلت(الامين العام عنده حساب بخش بيه ومهند عنده حساب وكلو بدربو الله يهداك ).
يا صديق الله يهداك انت زاتك والامين العام ليس باستورد تخش وتمرق منها الامين
العام يا صديق مسؤلية وحيادية غصبا عنك تعمل بيها الناس كانت عارفاك مهند الخطيب
واختارتك امين عام وليس العكس يعنى جلابية الامين العام حتى وان اضطررت لخلعها
لازم تراعى ان لا تركفسها بمداخلات مهند الخطيب يعنى زى مداخلتك الاولى بعد
انتخابكم انا سارة دى بعتبرها بائسة جدا وتمنيتك لو لم تكتبها اما هذه المداخلة التى
ذكرت فيها (التنور) والدورة الشهرية الغريبة انك ما ذكر(سلطة الروب) ما لها عيبها لى؟؟
المسالة يا مهند ليست كلامات قبيحة او مفردات سخيفة الكلام الشين ما قاسى
ولا بيشتروهو بالقروش اى زول عندى كيبورد والحشاش بيملأ شبكتو.
يعنى لو قلت ليك سموها دورة (أنحنا جيينا وكيًة للمابينا) بكون رايك شنو؟؟
نصيحتى لك يا صاحب حتى وانت مهند الخطيب لا تنسى الامين العام .

ابقي واضحة وقولي كلامك عدييل
سمح?

[سارة]

ابقي واضحة وقولي كلامك عدييل
سمح?

قولى المحتاج توضيح شنو وانا اوضح!!

[خالد غالي]

سلام يامهند

حسب تقديري مافي حاجة اسمها الفصل بين مهند العضو ومهند الامين العام .. لانو مهند العضو هو نفسه مهند الامين العام
يعني لو قام مثلا مهند العضو في معرض ممارستو لي عضويتو دي اتحمس شدييييد ذات نقاش وقال كده خالف اللائحة نقوم نحن نعمل شنو ؟ نشتكي مهند العضو لي مهند الامين العام ؟؟
طيب مهند الامين العام يعمل شنو في الحالة دي ؟ يعتبرها زيتنا في بيتنا ولا يوقف مهند العضو ونقعد نحن نتلفت بلا امين عام !
ياحبيبنا اظن الامانة العامة عندها التزامات مخيفة ابسطها الانضباط في التداخل سوى بهيئة عضو او امين عام

ومن هنا اقترح تضمين الكلام ده للنقاش الحايتم حين وضع اللائحة البتنظم الانتخابات
كيف يتم التعاطي مع الامانة العامة ومجلس الادارة في حالة المخالفات ؟

تحياتي

[AMAL]

قولى المحتاج توضيح شنو وانا اوضح!!

عارفاني زي الصراط المستقيم
لا بطاعن ولا بهمز ولا بلمز
كونك تردي علي مهند وتختي دي بين قوسين
دي الدايرة توضيح
الغريبة انك ما ذكر(سلطة الروب) ما لها عيبها لى


اعملي رايحة وانا بعفيك
وبعتبرو حراق روح ساي

[AMAL]

قولى المحتاج توضيح شنو وانا اوضح!!

حراق روح


صاح?



يلا فكيها بعيد عني
مفهوم

[سارة]

عارفاني زي الصراط المستقيم
لا بطاعن ولا بهمز ولا بلمز
كونك تردي علي مهند وتختي دي بين قوسين
دي الدايرة توضيح



اعملي رايحة وانا بعفيك
وبعتبرو حراق روح ساي

بصراحة فى الاول انه رايى فيك زى ما اتفضلتى لكن الان تغير
هذا من ناحية من ناحية تانية وحسب اعترافاتك انك رشحتى مهند
ودعيتى احبابك لترشيحه لكن ما سمعت مهند رشحك تردى نيابة عنه:confused:
المداخلة دى انا كتبتها لمهند والمفردات الاستعملتها دى ما ممنوعة
انتى زاتك استعمليتها ولا عشان جبتى طارى سلطة الروب يكون
محرم على استعمالها؟؟ يا امال انتى دايرة ليك سبب وتشبكى فينى
انا ما سالتك وسلطه الروب المزعلاك دى انتى استعمليتها بطريقة
المفروض لا تتناسب مع مبادئك البتنادى بيها فما تتضايقى منها الان
ايا كانت المبررات السقتيها ولا قلتيها وايا كانت شرعيتها وقانونيتها
رايى فيها انا سارة دى ما اخلاقية وضربت الديمقراطية فى مقتل
لو كان الكلام الكتبتيهو فى الفيس كتبتيهو هنا يمكن يكون شكلها
اقل سوء لكن والله تقبلى ولا ترفضى تصرفك ما جميل وما سليم
وطالما جبتى سيرة سلطة الروب خلى يسموا الدورة دى باسم سلطة
الروب المشكلة وين؟؟ اهو مجرد اقتراح لو ما عجبهم ما يعملوا بيهو
وخلى مهند يختار من الاسماء الذكرها ان شاء الله يسميها الدورة الشهرية
انا ما عندى مشكلة.

ملحوظة صغيرة فى اكتر من مرة قلتى لى حراق روح :o فى شنو؟؟؟
اوعى تكونى خاتة فى بالك الانتخابات!! الانتخابات ان يكفينى شرفا
هناك خمسة وستين عضو وعضوة رشحونى لا دعيت زول لا اتصلت
على زول ولا طلعت مداعى لزول وضعوا ثقتهم فينى فانا فخورة بهم
وساظل سارة كما عرفونى. وانا واجبى تجاه سودانيات لا ينتظر منى فوز
فى انتخابات ولا ترشيح انا اعمل من اجل سودانيات فلا من بذاك ولا كلام.

[AMAL]

ممتاز وجيد جدا
وبركة الاتفشيتي
خفت عليك والله
بخصوص دي
بصراحة فى الاول انه رايى فيك زى ما اتفضلتى لكن الان تغير

التغيير سنة الكون والثبات هو الاستثنا
طالما رايك مخيرة فيه تماما وتأكدي مالي بيه صالح
وحسب اعترافاتك انك رشحتى مهند المداخلة دى انا كتبتها لمهند والمفردات الاستعملتها دى ما ممنوعة
انتى زاتك استعمليتها ولا عشان جبتى طارى سلطة الروب يكون
محرم على استعمالها؟؟
ودعيتى احبابك لترشيحه لكن ما سمعت مهند رشحك تردى نيابة عنه

اعترافات شنو يازولة
هي جريمة ولا جريمة
بعدين انا مارديت نيابة عن مرشحي المفضل مهند
انا جبت الجزو الطاعنتيني بيه بتاع سلطة الروب
ولا يخفي علي فطنة احد هنا انك قاصداني بيه انا وماغيري
لمتين انتي بتشتغلي باسلوب اياك اعني واسمعي ياجارة
الخط المستقيم دا اقرب طريق بين نقطتين غالبك ليه تسلكيه
وبراك قلتي انا استعملتها يعني اعترفتي قاصداني بيها
طيب الجبن ليك شنو ماكان رايك دا تقولي عدييل
زي ما القبلك قالوه
يا امال انتى دايرة ليك سبب وتشبكى فينى
انا ما سالتك وسلطه الروب المزعلاك دى انتى استعمليتها بطريقة
المفروض لا تتناسب مع مبادئك البتنادى بيها فما تتضايقى منها الان
ايا كانت المبررات السقتيها ولا قلتيها وايا كانت شرعيتها وقانونيتها
رايى فيها انا سارة دى ما اخلاقية وضربت الديمقراطية فى مقتل
لو كان الكلام الكتبتيهو فى الفيس كتبتيهو هنا يمكن يكون شكلها
اقل سوء لكن والله تقبلى ولا ترفضى تصرفك ما جميل وما سليم
وطالما جبتى سيرة سلطة الروب خلى يسموا الدورة دى باسم سلطة
الروب المشكلة وين؟
مبادئي دي بتخصني وانا المسئولة منها ما انتي
ولو جبنا سيرة المبادئ صدقيني حتتعبي شديد فخليها مستورة
بعدين اكتب كلامي في الفيس ولا اعلقو في تلاجة بيتنا
ماانتي البتحددي لي والاخلاق اللوكتوها لواكة وعملتيها شماعة وحبل تتعلقي بيه مابتستحمل الحمل دا كلو فشنو خلي روحك رياضية وماتتضاري ورا الدعوات والانتخابات دا حالا وطبعا انتي دي اول مرة تختبري شعبتك رغم انك ادارية ازلية عشان كدا مقدرة شعورك والله وعافية ليك حراق الروح وجر الشكل ورغم اني اتحاشيتك كتير شايلة بقجة غبينتك ومبارياني ومستكترا علي حتي تضامن الناس وكل القدرتي عليه ان سارة لا بواكي لها :o
شوفتي روحك قاعدة علي الهبشة كيف
ياخ انا اخدت فيك الاجر عديل:D
هبشة واحدة خلتك تطلعي دا كلو
الحمدلله الذي اذهب عنك الاذي وعافاكlooool

[AMAL]

هناك خمسة وستين عضو وعضوة رشحونى لا دعيت زول لا اتصلت
على زول ولا طلعت مداعى لزول وضعوا ثقتهم فينى فانا فخورة بهم

:confused:
ولسة بطاعني وبتلفي زي المروحة في جميع الاتجاهات
اها انا طلعت مداعي
وكتبت في الفيس البحبني يصوت لمهند وخال فاطمة
هل دا عندو علاقة بانك تحصلي علي 66 صوت!!!
لو متضررة هديك الادارة وما تنططي كتير

[سارة]

انا ما عارفة انتى ليه خاتة فى راسك انه انا زعلانة ومغبونة؟؟
عموما طالما دا فهمك يبقى انتى حرة فيهو
وبعدينى شعبيتى دى كتيرة ولا شوية انتى مشغولة بيها مالك؟؟
ماهى العدادات باينة والناس شايفة:p:D . تبقى المشكلة وين؟؟
المفردات الاستعملها مهند ذكرت فى المنتدى يعنى انا بس البطاعن:p
ما مهند برضو كان بطاعن ولا دا عشان مرشحك المفضلgapgap
ياستى انا قلت سلطة الروب وقاصداك بيها عديل لانك استعملتيها
فى موضع وبطريقة ما جميلة ودا رايى رضيتى ولا ابيتى
اما موضوع استكثر عليك تضامن الناس دا فهمك ودا رايك وانتى حرة فيهو
وكت بقيت زولة خير اخدى الاجر فى نفسك وارحميها عليك الله
البتعملى فيهو دا خصما عليك لو اصحابك ما قالوا ليك انا بحكم المحبة
المنكورة بقول ليك يا امال البتعملى فيهو دا بيخصم منك ما بضيف ليك
انا مشكلتى معاك انى ما ايدتك فى رؤيتك وجههة نظرك وبقيت ضد
ارائك ودا الخلاك مستقصدانى فى كل مداخلة شايلة عكازك مرة تقولى
انضبطى ومرة تذكرينى بشعبيتى الاتدهورت ومرة تانية بحراق الروح
ياخ وكت انا بالسوء دايرة منى شنو مبارينى من بوست لبوست ومن
مداخلة لمداخلة؟؟؟؟؟؟؟؟

[سارة]

:confused:
ولسة بطاعني وبتلفي زي المروحة في جميع الاتجاهات
اها انا طلعت مداعي
وكتبت في الفيس البحبني يصوت لمهند وخال فاطمة
هل دا عندو علاقة بانك تحصلي علي 66 صوت!!!
لو متضررة هديك الادارة وما تنططي كتير

والله انا ما قلت متضررة
انا قلت انا فخورة
انتى براكى دايرة تضررينىgapgap

والمطاعنة وينها هسى:p:D:D

[AMAL]

عايني هنا
مهند قال مهند طاعن دا ما شغلي
هو البرد عليك
انا البخصني الجزو الوريتك ليه
وقلت ليك كوني شجاعة وقولي القلتيه دا
وماتحشريه بين قوسين في كلام موجه لزول تاني
بعدين البحاضر عن الاخلاق والمبادئ مابسجل ,,لاصحابو,,
ويجي يعترف هنا ويهدد دا اسمو ابتزاز ياستي
والاخلاق مابتتجزأ
والنفاق برضو ما من الاخلاق:confused:
وعصاية نايمة وعصاية قايمة
وراي بي فوق وراي بي تحت;)
ولو انت نسيت انا مانسيت
حاسبي علي بيتك القزاز
والمستقصد التاني منو
مش هسي اعترفتي اني انا استعملت كلمة او عبارة قمتي حشرتيها في كلام موجه لزول تاني
انا فكيت شوطك زمان من ماشفتا ضيقك بالنقد
وسميتيه تأديب يبقي توجهي الكلام دا لروحك ياستي
ولازمك كتير شان تتعلمي تبقي دغرية وتخلي مسك العصاية من النص
وانا البهمني بس الجزو البهبشني
عارفاني جني وجن الحقارة
صاح؟

[أمين محمد سليمان]

البتعملى فيهو دا خصما عليك لو اصحابك ما قالوا ليك انا بحكم المحبة
المنكورة بقول ليك يا امال البتعملى فيهو دا بيخصم منك ما بضيف ليك
الحقيقة إنو البتعملو فيه انتو الاتنين بيخصم منكم و مننا و من المحل ده ....
بالله عليكم تقيفو لحدي هنا ... عشما و رجاء و ليس أمرا ...

[AMAL]

ا
ياخ وكت انا بالسوء دايرة منى شنو مبارينى من بوست لبوست ومن
مداخلة لمداخلة؟؟؟؟؟؟؟؟



خليك امينة وريني باريتك وين ؟
اتحداك جيبي لي مداخلة بارتك فيها غير لما جبتي مطاعنتك بتاعت سلطة الروب الظاهر دي الامالوفوبيا :Dمخلياك شايفاني في كل بوست وكل مداخلة

[سارة]

يا بت يا دغرية
اها رايك شنو بالمرة تادبينى وتمشينى على الصراط المستقيم
وكت المسالة جابت ليها نفاق واخلاق بعد المطاعنات واللف
انا راكزة تب يا امال
ودا طرفى يا امال
قولى اى شى واكتبى اى شى
ما انا البتضارى ولا انا البرفع عصاية فوق وعصاية تحت
مسموح لك قولى اى شى يا امال
وصفحات المنتدى امامك
انا موجودة
خلينى اسالك فهمك شنو للمطاعنات؟؟؟
كم مرة انتى وغيرك استعملتم فئام وسياق وعوار لغة؟؟
هذه الكلمات معروف من يستعملها هل استعمالك لها انتى امال
لا يدخل فى باب المطاعنات؟؟؟؟؟؟؟؟؟؟
يلا ست امال
تعالى ورينى نفاقى كان وين؟؟؟
وتعالى ورينى متين ختيت عصاية فوق وعصاية تحت؟؟
مسموح لك اكشفى كل ما تعرفيهو عنى ومسموح لكل من يعرفنى يمدك باى شى
انا هنا انتظر
قلتى لى ما بترضى الحقارة؟؟؟

[AMAL]

الحقيقة إنو البتعملو فيه انتو الاتنين بيخصم منكم و مننا و من المحل ده ....
بالله عليكم تقيفو لحدي هنا ... عشما و رجاء و ليس أمرا ...

والله ياامين مافي اثقل علي نفسي من ان اجد نفسي في هذا الموضع
بس براك شايف جر الشكل والاستفزاز
نقاش دور من مداخلة دكتور عوض
وقلت فيه كلامي ودفوعاتي كلها
يجيني عادل عسوم بي اتفه مما ممكن يقال
وتتبعوا سارة وتحشر نفس الكلام وسط رد لزول تاني
حقيقي انا محترمة شجاعة عادل الخلتو يقول كلامو عدييل
مش يرميه في نص كلام تاني ويفوت

[سارة]

امين سلامات اعتذر عن ما حصل ولكنى اضطررت لارد
مداخلة امال رقم 305 كانت الساعة 7و58 دقيقة فقررت ما ارد
واسكت بصراحة وكنت اونلاين لكن امال ما سكتت الساعة اتناشر
تانى كتبت مداخلة وكان لابد من الرد عليها
انا الان بقيت متهمة بالمطاعنات والنفاق واشياء تانية عشان كدا
ببقى صعب التوقف فارجوك السماح

[AMAL]

سؤال يا سارة
العبارة الحشرتيها في ردك علي مهند
وردت في مداخلة الزول وقبل مشكلة عادل عسوم وماترتب عليها
ليه ماقلتي راييك هناك وخاطبتيني بيه مباشرة
ليه اللفة الطويلة دي واسلوب الهمز واللمز
نحن ناس ماتيور واسس التحاور والنقاش بتقول كدا
ولا دي ما اخلاق برضو
العندو رايي في كلام زول مابستني فرصة ويمرر و
في شكل مطاعنة صاح ولا انا غلطانة

[سارة]

سؤال يا سارة
العبارة الحشرتيها في ردك علي مهند
وردت في مداخلة الزول وقبل مشكلة عادل عسوم وماترتب عليها
ليه ماقلتي راييك هناك وخاطبتيني بيه مباشرة
ليه اللفة الطويلة دي واسلوب الهمز واللمز
نحن ناس ماتيور واسس التحاور والنقاش بتقول كدا
ولا دي ما اخلاق برضو
العندو رايي في كلام زول مابستني فرصة ويمرر و
في شكل مطاعنة صاح ولا انا غلطانة

اولا انا حرة اقول رايى متى ما حسيت انى عايزة اقوله يعنى انا بحدد
متين اتكلم ومتين اسكت.
انا ما لفيت لكن انتى عايزة تلففينى حسب مزاجك
اسلوب الهمز واللمز دا انا ما بعرفه والمنتدى قدامك جيبى لى
مداخلة انا همزت ولا لمزت فيها انتى ولا غيرك اهو المنتدى قدامك:confused:
العبارة الانا حشرتها وجابت الدنيا عاليها واطيها انا رايى قلته
فى ردى على دكتور عوض ولما انتى جيتى ورديتى على دكتور عوض
ما اشرتى لى بالاسم لكن اشرتى لمداخلتى انا ساعتها لم اعتبره همز ولا لمز
وجيت بكل ادب عندى رديت عليك وبينت ليك ردى دا فيما يخص
كلام دكتور عوض المنقول بالصورة
لما جاء مهند كانت مداخلته سخيفة ورديئة استعمل فيها لفظ التنور وقاصد بيهو
بوست جيجى واستخدم فيها لفظ الدورة الشهرية والتى وردت فى بوست الاخ كيشو
وكان استعماله لم يعجبنى وردا عليه قلت له لماذا لم تستعمل سلطة الروب كاسم
وانا كنت (اقصد التنور ضدك طيب السلطة ما تبعك مالها عيبها لى وجملة مداخلتى
اقصد بها مهند)
جيتى انتى واخدتى الموضوع انتى المقصودة بيهو ولما الكلمة انتى الكتبتيها
انا قلت ليك ايوة قاصداك
انتى بتشوفى بس الحاجة العايزة تشوفيها ودى مشكلتك
عموما انا قلت ليك وبكرر كلامى انا عايزة اعرف نفاقى وما تبعه من اتهامات
ضرورى بالنسبة لى عشان طالما الايام دى بابا التوبة مفتوح يمكن ربنا يتوب علينا

من النفاق ومسك عصاية تحت وعصاية فوق ويكون ليك الاجر كما تفضلتى
وانا منتظراك

[تماضر حمزة]

صاح ولا انا غلطانة






وانا منتظراك

عليكم الله أسمعوا الزولة دي غنّاية كيف:


http://www.youtube.com/watch?feature=endscreen&NR=1&v=K8-VgfKqsOI

عجيبة جدّاً!
أنا حالفة انزل شهر سبعة الا اسوّي ليّ حفلة بي أيّ سبب
إن شاءالله نطهّر الود تاني..بس نجيبا:D:D

مبالغة شكلي وأنا عاملة حمامة سلام:p

[سارة]

يا تامدور والله والله امال دى دايرة بس تشاكلنى بسب وبدون سبب
فى نفس البوست والمداخلة رقم 269 ولا ستة وتسعين يعنى بعد مداخلتك
انا جيت وما عارفة الحصل لكن من تداخل الناس عرفت انه اتقال كلام شين
وجيت كتبت وقلت رايى من رايى تمادور انا بحس بالم وبعتبر دى اهانة مباشرة لى
هل تصدقى امال جات ذكرت ناس عزوتها واهلها وما ذكرتنى ..انا يشهد الله
لم اسجل استنكارى ولا تضامنى وفى انتظار مقابل انا يا تمادور وبدون فخر
وبعض اعضاء المنتدى يشهدوا انا لو اى انسان اساء لواحدة من الاخوات بعتبر
الموضوع قضيتى وبوصلها لحدها ولا انتظر تضمينى فى لستة شكر وتقدير
لكن عشان امال مبيتة النية لحرب ضروس وجاهزة باتهاماتها جات وصبت جام
غضبها على كلمة انا قصدت بيها مهند وان كتبتها هى بس نقول شنو
نسمع نصرة والجاعلها الله بتبقى

:D:D:D

شكرا للاهداء

[تماضر حمزة]

لا، النبي فيك مش غنّاية..أمرقي النصيحة..

[أمين محمد سليمان]

مبالغة شكلي وأنا عاملة حمامة سلام:p بعد ما فتحو لي ... كدي خليهم يبقو نسوان و ما يواصلو !! :mad::mad::mad::mad:

[سارة]

بعد ما فتحو لي ... كدي خليهم يبقو نسوان و ما يواصلو !! :mad::mad::mad::mad:

:cool::cool::cool: فى الصلعة
بس والله ما ناوية اقيف:confused:

يا تمادور الزول غناية مافى شك

[تماضر حمزة]

بعد ما فتحو لي ... كدي خليهم يبقو نسوان و ما يواصلو !! :mad::mad::mad::mad:

انت جيتهم صارّي
زي ديك راجل خالة فتحي
كان خلّوك مع السواسيوالمابخافوا الله فينا ديل..تنقرّهم في ريسينهم..لامن يعتذروا ولان يموتوا..
كان فكوك، تحمينا نحنا ناس الله نصلّي!:D

مع الاعتذار للفنان فتحي:p

[تماضر حمزة]

يا تمادور الزول غناية مافى شك

ممتاز!

أهن ياآمال بتجي طهور ولدي ولا لع؟:p

[سارة]

بجى بكرة اواصل شكلتى بمزاج
تصبحوا على خير

[أمين محمد سليمان]

:cool::cool::cool: فى الصلعة
بس والله ما ناوية اقيف:confused:

يا تمادور الزول غناية مافى شك شكرا يا سارة ..أوعك تقيفي ..
و كان آمال ما ورتك مسك العصاية تحت و العصاية فوق ده شنو ما تخليها كلو كلو ..و كمان يا آمال لو سارة ما ورتك الجملة الحشرتها في كلامها مع مهند دي قصتها شنو ... أصلك ما تقيفي، و محل الرهيفة التنقد !! :mad:..
انت جيتهم صارّي
زي ديك راجل خالة فتحي
كان خلّوك مع السواسيوالمابخافوا الله فينا ديل..تنقرّهم في ريسينهم..لامن يعتذروا ولان يموتوا..
كان فكوك، تحمينا نحنا ناس الله نصلّي!:D

مع الاعتذار للفنان فتحي:p ياخي ديك خال عمك فتحي علي الأقل المره بتفكو ... ساره و آمال ديل بتفكو فينا براهم !! :D:D
مافي حل غير دفع الشكلة دي للامام، و كلما النيران دي تنطفي أنا ح أولعا زيادة و قد أفتح ليهم بوست خاص نوريهم الجن الما بعرفو !! :mad::mad:

[تماضر حمزة]

شكرا يا سارة ..أوعك تقيفي ..
و كان آمال ما ورتك مسك العصاية تحت و العصاية فوق ده شنو ما تخليها كلو كلو ..و كمان يا آمال لو سارة ما ورتك الجملة الحشرتها في كلامها مع مهند دي قصتها شنو ... أصلك ما تقيفي، و محل الرهيفة التنقد !! :mad:..
ياخي ديك خال عمك فتحي علي الأقل المره بتفكو ... ساره و آمال ديل بتفكو فينا براهم !! :D:D
مافي حل غير دفع الشكلة دي للامام، و كلما النيران دي تنطفي أنا ح أولعا زيادة و قد أفتح ليهم بوست خاص نوريهم الجن الما بعرفو !! :mad::mad:

والله ياأمين تخش بيناتن إلا نجيب مغنطيس ونلمّك!:p

آآي حديد انت..لكن بفلّنّك!:p

[أمين محمد سليمان]

والله ياأمين تخش بيناتن إلا نجيب مغنطيس ونلمّك!:p

آآي حديد انت..لكن بفلّنّك!:p كده بقي في خيارين لا ثالث لهما : يا تخشي معاي نولع النيران دي ... يا ندور أنا و إنت و كل زول يجيب مغنطيسو لمن سارة و آمال يجو يحنسونا !! :(

[طارق صديق كانديك]

غايتو بعد تدخل بروف أمين وتمادور بينكم يا امال وسارة، مافي شئ ممكن يتقال.*


---

* كانديك يحدثكم من دمشق:)

[سارة]

طارق كانديك شكرا لتدخلكم من دمشق:p:D
دى واحدة من مداخلات امال

((عايني هنا
مهند قال مهند طاعن دا ما شغلي
هو البرد عليك
انا البخصني الجزو الوريتك ليه
وقلت ليك كوني شجاعة وقولي القلتيه دا
وماتحشريه بين قوسين في كلام موجه لزول تاني
بعدين البحاضر عن الاخلاق والمبادئ مابسجل ,,لاصحابو,,
ويجي يعترف هنا ويهدد دا اسمو ابتزاز ياستي
والاخلاق مابتتجزأ
والنفاق برضو ما من الاخلاق
وعصاية نايمة وعصاية قايمة
وراي بي فوق وراي بي تحت
ولو انت نسيت انا مانسيت
حاسبي علي بيتك القزاز
والمستقصد التاني منو
مش هسي اعترفتي اني انا استعملت كلمة او عبارة قمتي حشرتيها في كلام موجه لزول تاني
انا فكيت شوطك زمان من ماشفتا ضيقك بالنقد
وسميتيه تأديب يبقي توجهي الكلام دا لروحك ياستي
ولازمك كتير شان تتعلمي تبقي دغرية وتخلي مسك العصاية من النص
وانا البهمني بس الجزو البهبشني
عارفاني جني وجن الحقارة
صاح؟ ))

انا منتظرة
مع تقديرى الكامل لعمو امين وتمادوروسيادتكم

[ماجد تاج]

ـ



سارة

آمال

كل واحدة منكن عايزه تنتصر لي شنو ؟

ما تفكونا من الكلام الما جايب همه دا ياخ




ـ

[ماجد تاج]

ـ



الخلاصة :

1 - في قصور في اللائحة

2 - اختلاف في تقييم ما هو اخلاقي وما هو متاح من قبل كل طرف

3 - شوية تصرفات كل طرف شايف انها عادية عنده وما عادية عند التاني

يبقى عدلو اللائحة وفقاً لوجهة نظر الطرف البينجح في تمريرها حسب الاليات المشروعة هنا وننتهي من القصة دي







ـ






مهند ( كلامك الكتبتوا هنا دا ) محبط شوية

لكن بتجاوز ما يخصني فيه .. للأسباب التالية :

اليومين ديل بنعم بسلام داخلي عميق .. وتراودني رؤى كثيفة

:D

بقيت شايف الدواس ، وما سامع ضجيجه

وأزمعت الرحيل بإذن الله .. في ميقاته

فقط تذكر أن ما أُلقِي في يدك هو جمرة نار اخترت طائعاً ( لا مجاملة لعكود ) أن تحملها

فاااا ما تشتكي من حرقها من قولة تيت

:)

وأرجع لأرشيف من سبقك تجد فيه ما يسندك



ـ

[الجيلى أحمد]

اقتباس:
المشاركة الأصلية كتبت بواسطة ماجد تاج http://sudanyat.org/vb/images/buttons/viewpost.gif (http://sudanyat.org/vb/showthread.php?p=507171#post507171)
اليومين ديل بنعم بسلام داخلي عميق .. وتراودني رؤى كثيفة







:D:D:D
ماجد ياكثيف

[سماح محمد]

والله يا تماضر غنية حلوة شديد
ذكرتني أيام الجامعة لما البنات في الكورة يشجعن فريق مجمع شمبات* بنفس اللحن :
(أنا بريد المزارعيّة ..
الشوتة شوتة قوية ..
أنا بريد المزارعيّة)..
:p

التوقيع:
سماح النزهة (ومن غير باروكة - والله طبيعي :D )

* مجمع الكليات الزراعية بجامعة الخرطوم

[تماضر حمزة]

تارق، صباحاتك ورد..
سماح السمحة، حلوة انت طبعاً وبلا باروكة.


أمين دا طبعاً بتاع أواخر ليل..زي الكوابيس:D

[سارة]

ماجد تاج يا صاحب ياخ والله سارة دى اخر من يفكر
فى الانتصار بس الله غالب نسوى شنو
قصور فى اللائحة ولا قصور فى تفسيراتها كلو عند العرب صابون:p
سموحة بدون باروكة ولا بـ باروكة تعجبى الباشا
تمادور وعمو امين ديل بتاعين مديدة حرقتنى وانا ما شغالة بيهم
بس نصرة غناية:p:D:D:D

[مهند الخطيب]

سلام يامهند

حسب تقديري مافي حاجة اسمها الفصل بين مهند العضو ومهند الامين العام .. لانو مهند العضو هو نفسه مهند الامين العام
يعني لو قام مثلا مهند العضو في معرض ممارستو لي عضويتو دي اتحمس شدييييد ذات نقاش وقال كده خالف اللائحة نقوم نحن نعمل شنو ؟ نشتكي مهند العضو لي مهند الامين العام ؟؟
طيب مهند الامين العام يعمل شنو في الحالة دي ؟ يعتبرها زيتنا في بيتنا ولا يوقف مهند العضو ونقعد نحن نتلفت بلا امين عام !
ياحبيبنا اظن الامانة العامة عندها التزامات مخيفة ابسطها الانضباط في التداخل سوى بهيئة عضو او امين عام

ومن هنا اقترح تضمين الكلام ده للنقاش الحايتم حين وضع اللائحة البتنظم الانتخابات
كيف يتم التعاطي مع الامانة العامة ومجلس الادارة في حالة المخالفات ؟

تحياتي

تحياتي ياخالد وكل عام وانت بخير ...

لا أدري صراحة تعريفا حقيقيا لما أسميته الانضباط في التداخل ؟؟؟

أليست اللائحة هي مايضبط تداخل أي عضو هنا ؟ أم أن الأمين العام ملزم بأن يكون مسيحاً وفوق التداخل لغة وحساً؟

ماذكرته أنت ياخالد كان كما قلت "حسب تقديرك" ولكن حسب تقديري أنا أرى أن الأمين العام حين لا يكتب بحساب الأمانة العامة حر في استخدام لغته التي لا تخالف اللائحة مثله مثل أي عضو هنا ولذلك أثمن اشارتك الى مايحدث ان خالف "مهند الخطيب" اللائحة ، وأرجو أن نستصحب ذلك ونحن (نكرّب) موادنا اللائحية ...

رأيي الذي قلته هنا هو لك ولسارة ولطيبان ولكل القادمين الذين يرون أن على الأمين العام أن يلبس كرفتة ...

تحياتي وودي ياخالد ....

[سارة]

بمناسبة الكرفتة يا سعادة الامين العام
لو انت استاذ فى مدرسة حسب معلوماتى مفروض يكون انضباطك
فى المدرسة وخارج المدرسة يعنى ما ممكن تقيف تشحد سفة من تلاميذك
ودايرهم يضعوا ليك هيبة استاذ صحيح المثل بعيد لكن مسالة انك
تعمل لينا فيها مهند الخطيب وتمرق من المداخلة تعمل لينا فيها امين عام
دى ما من مصلحتك ولا من مصلحة المكان تقبل كلامنا ولا ترفضه
انت حر تلبس كرفتة ولا تمشى زى ما قلت ليك امس:p برضو
انت حر لكن انحنا قاعدين للربا والتلاف:D:D
لو كنت مهند محاسب ولو كنت امين عام محاسب
انكرب بس وخلى البطبطة
gap

[مهند الخطيب]

لما جاء مهند كانت مداخلته سخيفة ورديئة استعمل فيها لفظ التنور وقاصد بيهو
بوست جيجى واستخدم فيها لفظ الدورة الشهرية والتى وردت فى بوست الاخ كيشو
وكان استعماله لم يعجبنى وردا عليه قلت له لماذا لم تستعمل سلطة الروب كاسم
وانا كنت (اقصد التنور ضدك طيب السلطة ما تبعك مالها عيبها لى وجملة مداخلتى
اقصد بها مهند)
مااستعملتها لأنها بتهيج لي القرحة :D


اوريك ماأستعملتها ليه ياسارة ؟

اولا انا حرة اقول رايى متى ما حسيت انى عايزة اقوله يعنى انا بحدد
متين اتكلم ومتين اسكت.
وأنا زاتي بالمناسبة ....


انتو ما بتعرفو تتشاكلو بلا تجيبو سيرة زول؟؟؟؟
واصلوا ياخ الموضوع ده لسة مااتحسم والله *



________________
مهند في ثوب البروف

[سارة]

مااستعملتها لأنها بتهيج لي القرحة :D


اوريك ماأستعملتها ليه ياسارة ؟


وأنا زاتي بالمناسبة ....


انتو ما بتعرفو تتشاكلو بلا تجيبو سيرة زول؟؟؟؟
واصلوا ياخ الموضوع ده لسة مااتحسم والله *



________________
مهند في ثوب البروف

هنا بتهيج ليك القرحة:mad:
لكن هناك كانت عاجباك مشgap

غايتو جنس غايتو

[مهند الخطيب]

يا مهند ازيك ياخ

اسم الدورة الشهرية أطلقته أنت وحدك فاثبت عليه، أو إذا فهمت مداخلتي في بوست الخيمة الانتخابية خطأ فتراجع عن فهمك الخاطيء ولن يضيرك شيء
ارجع إلى مداخلتي التي وجهت إشراقة لمراجعتها، واقرأها في سياقها الصحيح وستجد أنك أطعت قراءة متعجلة ساعدتك عليها نفسك التي بدأت تثور بين جنبيك من تعاسة الانتخابات عموماً، وفوزك الذي كنا نتمناه أن يأتي نظيفاً أبيض لائحة وأخلاقاً
ولو راجعت فستجد أن ناقصة العقل والدين هي الانتخابات التي تمناها الموريتاني في الطرفة التي حكاها أسامة معاوية وراجع البوست التي وردت فيه والسياق الذي جاءت فيه ولعل إشراقة تفعل

عصام كيفنك وعساك طيب؟

دي القراية الانا قريتا ليها انا ، ان كانت قرائتي خاطئة وقصد بالطرفة ومادار حولها من مداخلات ببوست الخيمة الانتخابية شئ آخر غير الدورة الشهرية فأقر تماما بالخلل في قرائتي ولن يضيرني شئ كما قلت ....


معذرة على تأخر الرد ،لم أرى مداخلتك وتم تنبيهي اليها ...

[بدر الطائف]

لو كنت مهند محاسب ولو كنت امين عام محاسب

gap

يا جماعة انتو الحكاية دى مش بتضبطه قوانين ولوائح ولا حاجه تانية.
الامين العام لما يتحدث بيتحدث من منطلق لوائح وضوابط المفترض انه الاعضاء كلهم مشاركين فى صياغته ووضعها.
يبقى الامين بيتحدث باسم الكيان (سودانيات).
العضو كذلك بتحكم مشاركاته ضوابط ولوائح محدده .
وفى النهاية نقول كما قال الكثيرين الاخلاق لا تتجزاء.
_____________________
غايتو مره عترته لى فى منبركده لما يحصل (دواس) ما بتفرز الرئيس من الامين من العضو.
ولا باللباسات زاتو.:D

[سارة]

بدر سلامات واريتك طيب
انا قصدت من المحاسبة
انه العضو لو تخطى اللائحة محاسب
والامين العام لو اخطأ او قصر فى
تطبيق اللائحة محاسب
وبصراحة الكل امام القانون سواء امين عام ولا مهند
يعنى بـ كرفتة ولا بتموت تخلى حيتبل يعنى حيتبلgap

[مهند الخطيب]

بمناسبة الكرفتة يا سعادة الامين العام
لو انت استاذ فى مدرسة حسب معلوماتى مفروض يكون انضباطك
فى المدرسة وخارج المدرسة يعنى ما ممكن تقيف تشحد سفة من تلاميذك
ودايرهم يضعوا ليك هيبة استاذ صحيح المثل بعيد لكن مسالة انك
تعمل لينا فيها مهند الخطيب وتمرق من المداخلة تعمل لينا فيها امين عام
دى ما من مصلحتك ولا من مصلحة المكان تقبل كلامنا ولا ترفضه
انت حر تلبس كرفتة ولا تمشى زى ما قلت ليك امس:p برضو
انت حر لكن انحنا قاعدين للربا والتلاف:D:D
لو كنت مهند محاسب ولو كنت امين عام محاسب
انكرب بس وخلى البطبطة
gap

انت ياسارة قايلة مهند الخطيب بيخشى محاسبة ؟؟؟!البطبطة دي ليها ناسا بالمناسبة

انا ماعارف مثالك ده علاقتو بالحالة الهنا شنو لكن البتذكرو ان في الثانوي استاذنا في مادة الكيمياء كان المرحوم خالد سعيد مرحوم وأذكر انه يدفّر معانا في الحلة ، ويخمس السجاير معانا لمن يقبضنا ورا دكان النو ....

كما أذكر انه في السنة الامتحنا فيها في 12 من تلاميذو فاتو الـ 85 ... وأذكر انه كان محبوبا ومشكورا وفاضلا ....

[سارة]

انت ياسارة قايلة مهند الخطيب بيخشى محاسبة ؟؟؟!البطبطة دي ليها ناسا بالمناسبة

انا ماعارف مثالك ده علاقتو بالحالة الهنا شنو لكن البتذكرو ان في الثانوي استاذنا في مادة الكيمياء كان المرحوم خالد سعيد مرحوم وأذكر انه يدفّر معانا في الحلة ، ويخمس السجاير معانا لمن يقبضنا ورا دكان النو ....

كما أذكر انه في السنة الامتحنا فيها في 12 من تلاميذو فاتو الـ 85 ... وأذكر انه كان محبوبا ومشكورا وفاضلا ....

وانا اقول ليه مهند دا طلع كداgapgap
باينة من اساتذك
اللهم لا تمحننا لا تبلينا

[مهند الخطيب]

وانا اقول ليه مهند دا طلع كداgapgap
باينة من اساتذكاللهم لا تمحننا لا تبلينا


استاذة العربي بتاعتك ذاتا باينة بينونة ....

gap

[AMAL]

تقديرا لرجاء الاعزاء وطلبهم مني التوقف
سأستجيب ولن اواصل
خاطركم غالي عندي جدا
وانتم من جبرتم خاطري وآزرتوني
أأكد اني مسئولة من كل كلمة كتبتها هنا
وعندي مايسندها لا اهدد ولا ابتز
وسارة كادارية قديمة تعرف القنوات التي تحقق لها مطلبها في التقصي حول ما اوردته في حقها ولها ان تسلك ذلك الطريق
وهذا اخر مااخطه هنا
وعذرا لكل من سائه ان يجد نفسه مجبرا لمتابعة سباق الحمير هذا

[خالد غالي]

تحياتي ياخالد وكل عام وانت بخير ...

لا أدري صراحة تعريفا حقيقيا لما أسميته الانضباط في التداخل ؟؟؟

أليست اللائحة هي مايضبط تداخل أي عضو هنا ؟ أم أن الأمين العام ملزم بأن يكون مسيحاً وفوق التداخل لغة وحساً؟

ماذكرته أنت ياخالد كان كما قلت "حسب تقديرك" ولكن حسب تقديري أنا أرى أن الأمين العام حين لا يكتب بحساب الأمانة العامة حر في استخدام لغته التي لا تخالف اللائحة مثله مثل أي عضو هنا ولذلك أثمن اشارتك الى مايحدث ان خالف "مهند الخطيب" اللائحة ، وأرجو أن نستصحب ذلك ونحن (نكرّب) موادنا اللائحية ...

رأيي الذي قلته هنا هو لك ولسارة ولطيبان ولكل القادمين الذين يرون أن على الأمين العام أن يلبس كرفتة ...

تحياتي وودي ياخالد ....

سلامات يامهند وكل سنة وانت طيب ياخي

قصدت ليك بالانضباط في التداخل يعني الانضباط مع اللائحة وعدم تخطيها ... وذكرت ليك مثال اظن .. وعارفك مانبي ولا مسيح بس البفرقك مننا اننا لو اتخطينا اللائحة ممكن نتعاقب وخلاص لكن انت لو اتخطيتها بتدخلنا كلنا في ضفورنا :D وتدخل اللائحة والقانون والديمقراطية وعكود .. يعني بالمختصر مخالفتك انت للائحة حاتجهجه باكات المنتدى ده كلو ومن هنا جاء التنبيه ... وماتفتكر تخطي اللائحة صعب .. صدقني اسهل مايكون .. مزاج خربان + نقاش زي ده + زول اصلا مانازل ليك من زور ... تلقى روحك طاااااااخ كبست ليهو ونبقى في العوك عااك
فدحين ياحبيب الموضوع داير ليهو استراتيجية وتخطيط وانت اساسا زول نفسك حار :)

تحياتي وامنياتي بدورة ناجحة

[سارة]

تقديرا لرجاء الاعزاء وطلبهم مني التوقف
سأستجيب ولن اواصل
خاطركم غالي عندي جدا
وانتم من جبرتم خاطري وآزرتوني
أأكد اني مسئولة من كل كلمة كتبتها هنا
وعندي مايسندها لا اهدد ولا ابتز
وسارة كادارية قديمة تعرف القنوات التي تحقق لها مطلبها في التقصي حول ما اوردته في حقها ولها ان تسلك ذلك الطريق
وهذا اخر مااخطه هنا
وعذرا لكل من سائه ان يجد نفسه مجبرا لمتابعة سباق الحمير هذا

انا لا اشتكى لادارة وليس لى قوم يسندونى
او يآزرونى انا عندى الله وقلمى
الادارة ديل ينصفوك انتى انا لا احتاج الا لربى
ان تعذر على قلمى الرد
انا اشتكى لله عز وجل وارفع مظلمتى لله
انا يا امال بشتكيك للذى لا يظلم مخلوق عنده
بشتكيك لربى وربك بشتكيك لرب العزة والملكوت
ساصلى كل يوم وادعو الله ان ينصفنى يا امال

هذا الكلام ليس جديد ولم تكن اول مرة اسمعه منك
قلتيه قبل ذلك لما تدخلت سماح وبينت لك المقصود
وسمعته بدل المرة مرات فى كل مرة يعنى بالنسبة
لى ما جيتى بجديد
انا لادارة ما بشتكى ولزول ما بشتكى وانتى كل
تتزنقى فى حوار تهددى بانه عندك مستندات تثبت
نفاقى وانى وحسب ما تفضلتى عصاية فوق وعصاية تحت
مشكلتك معاى انا لم اصفق لك كما يفعل الاخرون
مسالة شتايمك ومحاولتك اغتيال شخصيتى دى ما تتعبى
روحك انا سارة دى راسى مرفوع فى السماء لو يوم صدف
وقطعت قطيعة ولا عملت زى عملتك بتاعة الانتخابات
وجابوا كلامى مصور بعتذر وما بختشى ولا بكابر
مع اصحابنا بنقطع ومع اصحابنا بنقول الما بنقولوا للناس
يعنى انا سارة دى بوصيك تقطعى اضانك دى وتجدعيها فى اى منتدى
انا عضو فيهو سودانيزاونلاين .عكس الريح سودان دوت نت حب النيل
منتديات كرفان ومنتديات شبكة سودانيات
لو سمعتى ولا شفتى حاجة تخلينى اختشى ولا ادنقر راسى انا بسمح ليك
جيبيها هنا للناس
مشكلتى معاك يا امال انا ما بقيت من حواريك يعنى لما ارفض
تاييدك بتنقلبى على ودى فى حد زاتها ما المشكلة مشكلتك
فى كل مرة بتطلعى بشتيمة جديدة فى الاول كان نفاق وتانى بقى
مسالة نفسية عشان سقوطى وشعبيتى النازلة وفشلى كادارية
فى تجميع الاصوات انا يامال بخليك لى الله .
كنت اتمنى على الذين يقومون بمناصرتك ان ينصحوك لو همسا
البتعملى فيهو يا امال وعمليتهو فى الانتخابات دا كان شين وشين شديد
وانا لسة مصرة على شناتو وراى دا لو جبتى ما يثبت انى فاسقة
وانه يجب رجمى لن اغيره.

[أبوبكر عباس]

وانت اساسا زول نفسك حار انتا يا غالي، قايلنا نحن صوتنا ليهو ساكت؟ سنتين ح نتفرج وندقل بالكورة علي خط التماس. أمس كنت حلمان انو إستقال بعد أربعين يوم فقط وتحديدا يوم عشرة فبراير 2013.

[خالد غالي]

انتا يا غالي، قايلنا نحن صوتنا ليهو ساكت؟ سنتين ح نتفرج وندقل بالكورة علي خط التماس. أمس كنت حلمان انو إستقال بعد أربعين يوم فقط وتحديدا يوم عشرة فبراير 2013.

يابابكر الاستقالة هينة .. الكلام التوقيف :D

[ام التيمان]

فى donkey race
فى حمارة عايرة

[أبوبكر عباس]

يابابكر الاستقالة هينة .. الكلام التوقيف :Dدكتور عمر سعيد ود أختى وفي عمري، كان عندنا فريق كورة في مدني إسمو براعم بانت، وفي واحدة من الدورات كان هو الرئيس، أثناء التمرين سبّ الدين، في اليوم التاني جاب لي روحو غرامة* وزعها مع غرامات الآخرين.

* زمان يا تماضر كان البعمل مخالفة في تمارين فرق الناشئين، بجيبوا ليهو غرامة مالية قبل التمرين التاني، ولو ما دفعها، التمرين البعدو بقعدوهو في الجير (أوعة تسأليني، الجير يعني شنو؟)

[تماضر حمزة]

بابكر،
أنا ولدوني في مستشفى مدني والله:p

[سارة]

بابكر،
أنا ولدوني في مستشفى مدني والله:p

وانا اقول خالك ما شكرك ليه:p:D:D

[ام التيمان]

بابكر،
أنا ولدوني في مستشفى مدني والله:p

يا تماضر
انتى دايرة بكة دا
اخلى النياق
و ابقى حوار فى اسبتالية مدنى و لا شنو

[ام التيمان]

انا لا اشتكى لادارة وليس لى قوم يسندونى
او يآزرونى انا عندى الله وقلمى
الادارة ديل ينصفوك انتى انا لا احتاج الا لربى
ان تعذر على قلمى الرد
انا اشتكى لله عز وجل وارفع مظلمتى لله
انا يا امال بشتكيك للذى لا يظلم مخلوق عنده
بشتكيك لربى وربك بشتكيك لرب العزة والملكوت
ساصلى كل يوم وادعو الله ان ينصفنى يا امال

هذا الكلام ليس جديد ولم تكن اول مرة اسمعه منك
قلتيه قبل ذلك لما تدخلت سماح وبينت لك المقصود
وسمعته بدل المرة مرات فى كل مرة يعنى بالنسبة
لى ما جيتى بجديد
انا لادارة ما بشتكى ولزول ما بشتكى وانتى كل
تتزنقى فى حوار تهددى بانه عندك مستندات تثبت
نفاقى وانى وحسب ما تفضلتى عصاية فوق وعصاية تحت
مشكلتك معاى انا لم اصفق لك كما يفعل الاخرون
مسالة شتايمك ومحاولتك اغتيال شخصيتى دى ما تتعبى
روحك انا سارة دى راسى مرفوع فى السماء لو يوم صدف
وقطعت قطيعة ولا عملت زى عملتك بتاعة الانتخابات
وجابوا كلامى مصور بعتذر وما بختشى ولا بكابر
مع اصحابنا بنقطع ومع اصحابنا بنقول الما بنقولوا للناس
يعنى انا سارة دى بوصيك تقطعى اضانك دى وتجدعيها فى اى منتدى
انا عضو فيهو سودانيزاونلاين .عكس الريح سودان دوت نت حب النيل
منتديات كرفان ومنتديات شبكة سودانيات
لو سمعتى ولا شفتى حاجة تخلينى اختشى ولا ادنقر راسى انا بسمح ليك
جيبيها هنا للناس
مشكلتى معاك يا امال انا ما بقيت من حواريك يعنى لما ارفض
تاييدك بتنقلبى على ودى فى حد زاتها ما المشكلة مشكلتك
فى كل مرة بتطلعى بشتيمة جديدة فى الاول كان نفاق وتانى بقى
مسالة نفسية عشان سقوطى وشعبيتى النازلة وفشلى كادارية
فى تجميع الاصوات انا يامال بخليك لى الله .
كنت اتمنى على الذين يقومون بمناصرتك ان ينصحوك لو همسا
البتعملى فيهو يا امال وعمليتهو فى الانتخابات دا كان شين وشين شديد
وانا لسة مصرة على شناتو وراى دا لو جبتى ما يثبت انى فاسقة
وانه يجب رجمى لن اغيره.






يا سارة الله معاك
و نحن معاك

[بدر الطائف]

عموما انا بالنسبة لي البوست استنفد اغراضو


تحياتى يا اسامه.
البوست لم يستنفذ اغراضة لناس تانيين.

[سارة]

تحياتى يا اسامه.
البوست لم يستنفذ اغراضة لناس تانيين.



انا بالنسبة لى استنفذ اغراضه
والنتيجة خمسة صفر بعدين طقيع الحجار
فكرت ما ارجاهو امشى البيت استحمى واشرب قهوة
وانتظر الجرايد:p
الكلام دا قالوا لى احد اصحابى فى حينقطيعة:D:D
ودى اخر مداخلة

[مهند الخطيب]

انتا يا غالي، قايلنا نحن صوتنا ليهو ساكت؟ سنتين ح نتفرج وندقل بالكورة علي خط التماس. أمس كنت حلمان انو إستقال بعد أربعين يوم فقط وتحديدا يوم عشرة فبراير 2013.

gapgapgap

تمووووووت انت وتبقى محسن خالد

[بدر الطائف]

انا بالنسبة لى استنفذ اغراضه
والنتيجة خمسة صفر بعدين طقيع الحجار
فكرت ما ارجاهو امشى البيت استحمى واشرب قهوة
وانتظر الجرايد:p
الكلام دا قالوا لى احد اصحابى فى حينقطيعة:D:D
ودى اخر مداخلة

شفتى كيف يا ساره.
انا بالنسبة لى لسه ما استنفذ اغراضه:p
لغاية ما (ينحلب التور) ونزيل ما علق بالنفوس.
_____________
انتى ما لاحظت اسامة قال كلامه ده فى صفحة كم ونحن هسع فى كم.

[سارة]

شفتى كيف يا ساره.
انا بالنسبة لى لسه ما استنفذ اغراضه:p
لغاية ما (ينحلب التور) ونزيل ما علق بالنفوس.
_____________
انتى ما لاحظت اسامة قال كلامه ده فى صفحة كم ونحن هسع فى كم.

بدر يا صديقى
التور ما بينحلب وما علق بالنفس
خليهو يمكن الزمن يداويهو لكن صعب
صدقنى صعب


هسى جبتنى تانى مالك:p:D

[أسامة معاوية الطيب]

تحياتى يا اسامه.
البوست لم يستنفذ اغراضة لناس تانيين.


شكرًا بدر ياخي
البوست استنفد غرضو حين كتابة المداخلة ... لان ما وددت قوله حينها قلته ... ولكني الان سانزل خاطرتي عن " الرسائل " التي كنت انتظر بها ظهور النتيجة ...
واعلن للجميع ان كل المداخلات التي وردت ولم أتمكن من الرد عليها هي في صميم موضوع البوست ... خط المنتدى العام وما يجب ان يكون عليه ... السالبة منها مدانة برأي عام بدأ يقوى ويتكاثف ... والإيجابية حتما ستساهم في خلق المظلة الواقية - قانونية ، أخلاقية - وزيادة تمتين عرى الضمير الجماعي

[بدر الطائف]

شكرًا بدر ياخي
البوست استنفد غرضو حين كتابة المداخلة ... لان ما وددت قوله حينها قلته ... ولكني الان سانزل خاطرتي عن " الرسائل " التي كنت انتظر بها ظهور النتيجة ...
واعلن للجميع ان كل المداخلات التي وردت ولم أتمكن من الرد عليها هي في صميم موضوع البوست ... خط المنتدى العام وما يجب ان يكون عليه ... السالبة منها مدانة برأي عام بدأ يقوى ويتكاثف ... والإيجابية حتما ستساهم في خلق المظلة الواقية - قانونية ، أخلاقية - وزيادة تمتين عرى الضمير الجماعي
وعشان كده يا الحبيب البوست ما استنفذ اغراضه.
وتاكد بان خواطرك محل اهتمامنا .

[نغم]

قت احصل هنا قبل استفاذ اغراضو
وانثر حبى للجميع هنا وفى اى بوست
مش الحبكانات تنثر برضو ههههههههههههه


رسالة اخص بها امال الشيخ وحدها
السم فى الدسم

غالبت تفكيرى فى ان اكتب ليك وين بعد ان توقفت هنا حسب افادتك
لكن يا امال الجابنى ليك حاجه واحدة فقط
اتمنى ان تضعى لها اعتبار جيد كما عرفناك

اختلافى كبير مع الرأى البقول انو تحقير للمراة و فى ناس حزنو وادانو كميات

راى بقولو
- امال عضو كامل العضويه من حقوق و اجبات - تتداخل هنا باسم عضو
- معركتها هنا مع عضو اى كان نوعه
- الفيصل بينها الادارة

امال شتمت ما لانو هى امراة ولا اللائحة فصلت بمقاس امراة-رجل
امال معركتها مع عضو فى منتدى
حقو نسمى الاشياء بمسمياتها

وسبب واحد يخلينى انظر كل مرة الى عقوبة العضو المدان لانو بتكرر منو الفعل ده مرات و مرات وبى بساطة يعتذر لانو ما اهان امراة و عندو بنات قول مسيخ وممل
افضل تكون المواجه "عضو ل عضو"
و لو شويه كدى كانت ح تكون معركة تانيه من ذات العضو
امال كعصو تاخذ حقها من العضو

و الحصيلة = العضو مدان
ثم ماذا؟




عندى مشكلة اكسس للنت ما ح اتابع الا حين من مغالبة فشل الوصول

[نغم]

و ختى فى بالك يا امال العضو
البقول على المرحوم خالد هسه ليه بقولو فى الوقت ده
بتكلم حتى عن راى اسرتو فى الموقع
و القصة كلها فى شعرو باختطاف المنتدى التى يجدعها هنا كل مرة

اها ده تفكيرو


فى مسالة تانيه
فى العقوبة = عدد المرات التوقيف
التالى شنو؟

[كيشو]

ـ


مهند ( كلامك الكتبتوا هنا دا ) محبط شوية

لكن بتجاوز ما يخصني فيه .. للأسباب التالية :

اليومين ديل بنعم بسلام داخلي عميق .. وتراودني رؤى كثيفة

:D

ـ

:D:D:D
ماجد ياكثيف

الأيام دي ما ماجد براهو
كدي خلي شهرك دا ينتهي وتعال لينا (يا جماعة شهر الجيلي دا الشهر القال هو مشغول فيه وبجينا بعد ما ينتهي، الشهر الواااحد دا:p خليتونا نلاوز ياخ)

[ماجد تاج]

الأيام دي ما ماجد براهو
كدي خلي شهرك دا ينتهي وتعال لينا (يا جماعة شهر الجيلي دا الشهر القال هو مشغول فيه وبجينا بعد ما ينتهي، الشهر الواااحد دا:p خليتونا نلاوز ياخ)
ـ


:D:D:D:D:D



ـ

[كيشو]

عصام كيفنك وعساك طيب؟

دي القراية الانا قريتا ليها انا ، ان كانت قرائتي خاطئة وقصد بالطرفة ومادار حولها من مداخلات ببوست الخيمة الانتخابية شئ آخر غير الدورة الشهرية فأقر تماما بالخلل في قرائتي ولن يضيرني شئ كما قلت ....


معذرة على تأخر الرد ،لم أرى مداخلتك وتم تنبيهي اليها ...

ازيك يا مهند
رديت عليك ثلاث مرات، وكل مرة الرد يضيع بسبب "عصلجة" في إرسال المشاركة، الظاهر عليك مستعين بصديق:p
غايتو نحاول المرة دي، وكان ما مشت حأستعين بصديق
أؤكد ليك إنو مداخلتي إياها كانت للموريتاني (الموريتانيين ديل بعجبني نطقهم للعربية)، وشكراً ياخ ومافي مشكلة