في حضرة محسن خالد طاب لينا السمر

[ناصر يوسف]

بسم الله الرحمن الرحيم
الإخوة والأخوات الأفاضل الأكارم
السلام عليكم ورحمة الله

بكتب ليكم الآن وأنا في ضيافة الأخ العزيز

محسن خالد

تناقشنا كثيراً ،،، حول الأمر وكل الذي سأقوله لكم هو قول أخوكم محسن خالد ورسالته التي كلفني بها الآن ،، يقول لكم محسن خالد ،،،


فقط إنتظروا حتي الساعة الحادية عشرة من صباح يوم الأحد 23 ديسم وسيأتيكم بنفسه مدافعاً أو منافحاً لما تنبأ به ،،، ويقول لكم إنه بخير فقط سيدخل خلوته يومي السبت والأحد ،،،

بمعني حيكون بعيد حتي من أسرته ، حيكون مقفول في صومعته ، خلوته من الساعات الأولي من فجر السبت وحتي الساعة الحادية عشرة من صباح يوم الأحد القدامنا ده ،،

وأي نقاش دار هنا ولا يزال يدور حتي لحظة كتابة هذه المداخلة ، في حضور عددِ مقدر من أعضاء سودانيات وأهل بيته الكرام ،،،

مُؤجلٌ حتي الموعد المحدد

من الحاضرين لهذه الجلسة التاريخية من أسرتة الكريمة ،،،

د. هاشم خالد الشقيق الأكبر لمحسن خالد ،،
احمد الصادق محمد خالد
محمد البشير عبد الله

ومن أعضاء سودانيات ،،

مهند الخطيب
محمد علي
مبر محمود
محمد بشير ( من أسرة محسن خالد )





،،،،،،،،،،،،، أنا أخدت التابعية من شيخي محسن خالد في أمر (زهرة الغرق) وبيناتنا موعد مُؤجل حتي صباح الأحد لمناقشة أمر الفلم الوثائقي حول زهرة الغرق ،،
محمد علي أخد تابعيتو من شيخه محسن خالد (مهدوياً )

مهند الخطيب كافر بالأمر، أما مبر محمود فقد كان الكافر الأكبر في الجلسة !


عموماً كانت جلسة رائعة جداً وموعدنا صباح الأحد إذن

[سارة]

ناصر يا شقيق اقرى محسن منى السلام
يؤلمنى ما يحدث لمحسن من من كانوا يعتبرون حتى وقت قريب اصدقائه
ولكن ثقتى فى محسن تجعلنى اتأكد انه سيتجاوز كل معضلة.لا ادعى بانى
من اصدقائه المقربين وان كانت بيننا احاديث وضحكات وونسات من القلب
حادثته وحادثنى اكثر من مرة وبينى وبينه اتصال ومودة واحترام الشكر لله
ثم للاخ خالد الذى كان سببا ف ذلك..ما يحدث هذه الايام ليس سهلا على من
يعرف محسن ويقدره .
فقط قل له انى اثق فيه واحترمه واقدره وسيظل الكاتب الذى اقف عاجزة احيانا
لفهم كل ما يكتب ولكنه يعجبنى
قل له الوجع فركناهو فى العضام وصابرين الى ان يقضى الله امرا كان مفعولا
لن يتغير شىء بالنسبة لى يوم الاحد او بعده سيظل محسن هو محسن بالنسبة لى
وانا اعرف انه بخير وانه عاقل وان يدرك ما يقول.
اتمنى له التوفيق من كل قلبى.

سارة

[عبدالمنعم الطيب حسن]

فقط إنتظروا حتي الساعة الحادية عشرة من صباح يوم الأحد 23 ديسم وسيأتيكم بنفسه مدافعاً أو منافحاً لما تنبأ به ،،، ويقول لكم إنه بخير فقط سيدخل خلوته يومي السبت والأحد ،،،



وفي خلوته هذه ، هل سيكون معه اللابتوب ، والانترنت ام لعله بدون ؟
محسن يكتب في رواية ،
ما بال هؤلاء الدراويش ،التورشينيون الجدد
اكتر حماسا من المهدي المنتظر نفسه ،
يا ناصر كيف الدراما والصورة والاخراج ؟،
لكن ود البدري سمين يا خليفة ،
ويل لامة اذا تدجَّل مثقفوها *!!!
.
في ظل الهزيمة الكبرى التي نعاني منها كشعب ، كل شيء متوقع ...
ما اقرب يوم الاحد ، ولن يحصل شيئا البتة ، لا في اللد ، ولا المسيكتاب ،
ولا جبال قري ،
...........................
*او من يعتبرون انفسهم كذلك ...
...........................

[AMAL]

قصة خلوة دي مامريحاني !!!
سمر شنو ياناصر في الحر دا
كان لازمك توثيق للجلسة السميتا سمر دي

[جيجي]

المشكلة يا امال انه بعد اتضحت الرؤية من خلال بوست ناصر دا تقريبا القصة عندها سلبيات كبيرة
بتذكر امس في احدى البوستات في سودانيزاون لاين انه في واحد يال قال ليه انه هو في الرياض
وانه عنده زوجته واولاده في محيط الكنيسة في انجلترا وسالوا هل اطلع اولادي من الحتة دي
قال ليه اسرع طلعهم باسرع فرصة انا قريت رده
فشوفي شنو الوضع ياستي

[AMAL]

المشكلة يا امال انه بعد اتضحت الرؤية من خلال بوست ناصر دا تقريبا القصة عندها سلبيات كبيرة
بتذكر امس في احدى البوستات في سودانيزاون لاين انه في واحد يال قال ليه انه هو في الرياض
وانه عنده زوجته واولاده في محيط الكنيسة في انجلترا وسالوا هل اطلع اولادي من الحتة دي
قال ليه اسرع طلعهم باسرع فرصة انا قريت رده
فشوفي شنو الوضع ياستي

بيني وبينك كنت دايرة اسالو المصيبة دي بتصل مانشيستر:p:D






غايتو الله يستر من الخلوة
ويكضب الشينة

[حسين عبدالجليل]

بيني وبينك كنت دايرة اسالو المصيبة دي بتصل مانشيستر:p:D


والله حننتيني . أو كما قال إبن عباس (بابكر عباس).

[طارق صديق كانديك]

في تقديري أن محسن خالد حين كتب (زهرة الغرق) كتبها وفقا لرؤى محددة كما أشار الى ذلك ، والآن مجازفة كبيرة يطرحها تضع الكثير من منتوجه الفلسفي والأدبى على المحك ، كان الأولى اختبار هذه الرؤى قبل طرحها، لكنه الصدق مع النفس الذى جعله لا يلقى بالا لكل جهده السابق في مقابل أن يتحدث بما يراه.

ولعل التاريخ الذي ربط به كل هذه الاحداث لا يفصلنا عنه سوى يوم واحد بعدها سيكتب محسن حتى وان طار وفي يده ناراليشب، أو لم يتحرك من مدني حتى النشيشيبة.

شكرا ناصر والتحية لك ولمحسن ولمن معك

[هشام آدم]

يقول لكم محسن خالد ،،،
فقط إنتظروا حتي الساعة الحادية عشرة من صباح يوم الأحد 23 ديسم
يعني ما 22 يا ناصر؟
المهم في الموضوع دا، جضمّتو لي كما أوصيتك؟ :D

[مبر محمود]

كانت جمعة مختلفة بحق، إزدانت فيها ودمدني بزيارة الأعزاء ناصر يوسف، مهند الخطيب، ومحمّد علي، فشكراً جزيلاً لهم على صناعة يومنا بأبهى ما يكون!

[خال فاطنة]

سلام ناصر صاحب البوست و ضيوفه

والآن مجازفة كبيرة يطرحها تضع الكثير من منتوجه الفلسفي والأدبى على المحك ،

لا أعتقد يا طارق أن في الأمر إختبار أو إنتقاص من مشروعه الفكري و الأدبي. فهذه الحكاية تتفاعل عناصرها في عوالم خاصة و بعيدة من مشروعه. القصة تبدو أقرب إلى طيوف و رؤى تأتيه شاء أم أبا، و هو بما يطرحه الآن يخلط بين نتائج بحثية و طيوف رؤى يبدو أنها تندمج في إتساق..فحالته أقرب إلى صدق و إتساق مع ما يأتيه كطيف أو رؤية. فهو لا يستميت في الدفاع العلمي أو الفكري عن ما يطرح بقدر ما يلف طرحه بهالة من غموض يرجح الوجهة الميتافيزيقية في الطرح....
النبوءة في ما يتعلق بكنيسة أُلد واردة بنسبة ما بإعتبار إنه لا يوجد ما ينفيها قطعاً..فالكوارث الطبيعية و الزلازل واردة

[ابو ابراهيم]

بسم الله الرحمن الرحيم

من الحاضرين لهذه الجلسة التاريخية من أسرتة الكريمة ،،،

د. هاشم خالد الشقيق الأكبر لمحسن خالد ،،


السلام عليكم الاخ الكريم ناصر والاخوة والاخوات الكرام
والتحية للاخ الكريم محسن خالد
ونسأل الله الكريم ان يجعل له من امره مخرجا
وان يلهمنا جميعا الرشد والسداد
وان يكفينا شر الفتن ما ظهر منها وما بطن

ما عارف يا اخى ناصر انت غلطان ولة دى حقيقة انت متاكد منها هل د هاشم ودامحمد خالد اخ شقيق لمحسن ؟
لانه من اجابة محسن فى سودانيزاونلاين حسب ما فهمت
يقول : انه ليس له شقيق ردا على رواية كمال الزين التى زعم ان الله اجراه له من باب القصة وهذا رده
فإني سوداني لا صيني، ولا تومة لي، ولا شقيق، أصغر إخواني من أبي، وأصغر إخواني من أمي، ومفرد (ويحيد).
تجدها
هنا (http://www.sudaneseonline.com/cgi-bin/sdb/2bb.cgi?seq=msg&board=410&msg=1355569001&page=10&pb=)

[طارق صديق كانديك]

سلام ناصر صاحب البوست و ضيوفه



لا أعتقد يا طارق أن في الأمر إختبار أو إنتقاص من مشروعه الفكري و الأدبي. فهذه الحكاية تتفاعل عناصرها في عوالم خاصة و بعيدة من مشروعه. القصة تبدو أقرب إلى طيوف و رؤى تأتيه شاء أم أبا، و هو بما يطرحه الآن يخلط بين نتائج بحثية و طيوف رؤى يبدو أنها تندمج في إتساق..فحالته أقرب إلى صدق و إتساق مع ما يأتيه كطيف أو رؤية. فهو لا يستميت في الدفاع العلمي أو الفكري عن ما يطرح بقدر ما يلف طرحه بهالة من غموض يرجح الوجهة الميتافيزيقية في الطرح....
النبوءة في ما يتعلق بكنيسة أُلد واردة بنسبة ما بإعتبار إنه لا يوجد ما ينفيها قطعاً..فالكوارث الطبيعية و الزلازل واردة


كيفك يا خال فاطنة والله ليك وحشة

المحك الذي اراه هو في طرح كل هذه الرؤى /الطيوف على الناس، اذ ذاك بالضرورة مجازفة تخصم من مشروعه الفكري الذي لا أراه في منأى عن الذي يجري الآن، ودونك ردود الافعال التي ذهب بعضها بعيدا حد اتهامه بالجنون، والأمر في تقديري على غير ذلك دون شك ، لاشئ يجعله يضع كل جهده في مقابل ركونه الى هذه الرؤى سوى صدقه مع نفسه ومع الآخرين.

مسألة الكنيسة ليس محسن وحده من قال بها وأتفق مع رؤيتك لها. 

[سارة]

الاخ من الاب او من الام يمكن ان يكون فى منزلة الشقيق
دى حسب وجهه نظرى انا:D

[ابو ابراهيم]

الاخ من الاب او من الام يمكن ان يكون فى منزلة الشقيق
دى حسب وجهه نظرى انا:D

:D:D
سارة القاعدة كيف حالك ياخى :D
يازولة كلامك يمشى تب gap

بس هاشم خالد ماهو شقيق من ام واب لمحسن
والنديك من الشعربيت دى اسرة كريمة وسمحة جدا جدا فى عووضة
والعجب لو شفتى حسين ياااا الله دة راجل سمح بمعنى الكلمة
بالله عليك يا ناصر تحياتنا ليهم جميعا ياخى ودكتور هاشم ولدنا الباسم :cool:

[سارة]

:D:D
سارة القاعدة كيف حالك ياخى :D
يازولة كلامك يمشى تب gap

بس هاشم خالد ماهو شقيق من ام واب لمحسن
والنديك من الشعربيت دى اسرة كريمة وسمحة جدا جدا فى عووضة
والعجب لو شفتى حسين ياااا الله دة راجل سمح بمعنى الكلمة
بالله عليك يا ناصر تحياتنا ليهم جميعا ياخى ودكتور هاشم ولدنا الباسم :cool:


ابو ابراهيم يا جميل حبابك يا زين

ياخ هى اسرة جابت محسن بكون فيها كلام
ربنا يديهم العافية ويرضيهم
وتحياتى معاك لهم وللدكتور هاشم

مع مودتى
سارة ممثل القواعد:D:D:D

[ماريل]

سلامات يا ناصر
أرجو ان تقرأ ما اكتب هنا قبل شروق شمس الغد
وقبل دخول محسن الى خلوته التى قالها.........
فليس هناك وسيلة اصلك بها غير ان اكتب لك هنا
لا تمنعو محسن عن خلوته فقط تأكدو انها خالية
من كل شئ يمكن ان يؤذى به نفسه
(حبل..آلة حادة..طبنجة).....
انا فى قلق حقيقى على محسن الانسان وهذا كل
ما استطيع التفكير فيه حاليا.....
لا تبتعدو عن مكان تواجده كونو اقرب مما يتخيل
اسال الله ان تشرق شمس الاحد ويكون محسن
بالف خير.......

[احمد زين]

سلامات يا ناصر
أرجو ان تقرأ ما اكتب هنا قبل شروق شمس الغد
وقبل دخول محسن الى خلوته التى قالها.........
فليس هناك وسيلة اصلك بها غير ان اكتب لك هنا
لا تمنعو محسن عن خلوته فقط تأكدو انها خالية
من كل شئ يمكن ان يؤذى به نفسه
(حبل..آلة حادة..طبنجة).....
انا فى قلق حقيقى على محسن الانسان وهذا كل
ما استطيع التفكير فيه حاليا.....
لا تبتعدو عن مكان تواجده كونو اقرب مما يتخيل
اسال الله ان تشرق شمس الاحد ويكون محسن
بالف خير.......

لا حول ولا قوة الا بالله
الامر ليس كما يبدو لك يا ماريل
محسن في كامل عقله
محسن ليس من الصنف من الناس الذي يهاب الفشل او يهرب منه اذا حدث
فان صدقت نبوءته خرج الينا وان لم تصدق ايا سيخرج من خلوته
ولن يتوارى خلف الموت

[ناصر يوسف]

الإخوة والأخوات الكرام
تحية طيبة وطابت أوقاتكم جميعاً بكامل المحبةِ والخير

شكراً لكم ،،،

نقاط هامه توجب علي الرد عليها

عبد المنعم الطيب أخوي ،،، سلام

أخوك محسن خالد يحتاج إلي غير مثل هذا الكلام السابق لأوانه فتريث يا رجل
ثُم لا أدري لماذا التهجم علي مفهوم الحواريين والتابعين لمحسن خالد ،،،
نعم أنا حواره فما الضير يا رجل ،،، أرجع لحديثي عاليه في صدر هذا المفترع وأعد قرائتي مرةً ثانية خاصةً في أمر شياخة محسن خالد بالنسبة لي والتي سقت أنت عليها جزئية من مداخلتك ،،،

ود ابراهيم ،،،
شكراً علي التنبيه ،،، د. هاشم خالد هو الأخ غير الشقيق لمحسن خالد
وإن كان هذا لا يهم الآن هنا ،،، ولا يقل أهمية بالطبع ولذا توجب علي إصحاح خطأي الذي وقعت أنا فيه ،،،،
أمال يا أختي ،،،،
محسن بخير وهو موقنٌ بحدوثِ ما تنبأ به ،،، فصبراً

أختي ماريل ،،،

لا تهولي الأمر كثيراً ،،،
محسن خالد إنسان (ماتيور إنف) وإنسان مُؤمن بالله
سوف لن يصيبه أي مكروه مما تظنين بمشيئة الله

وقد أكون قد نسيت بأنَ محسن خالد يقول لكم ،،،

وبمشيئة الله سيأتيكم عند تمام الحادية عشر من صباح يوم الأحد 23 ديسم
ليفند أو يدحض ما تنبأ به هو هنا
إن حدث سيأتي متحدثاً ومسترسلاً في تفاصيل جد ستكون كثيرة ومُثيرة ( حسب قوله هو )
وإن لم يحدث أيضاً فقد وعد بأن يأتي إلي هنا ليخبركم أيضاً بأنَّ الأمر لم يحدث ،،، وكفي

إذن لماذا لا ننتظرُ صباح يوم الغد ( أنا أكتب الآن عند الساعة الأولي من فجر السبت 22 ديسمبر أو ديسم علي قول محسن )

سارة ،،، خال فاطنة شكراً لكما ... وبالفعل سيظل محسن خالد كما هو إن صدق التنبأ أو لأ .. وسوف لن بخصم ذلك من محسن خالد الذي نعرف

يا امال برغم الحر الذي تشعرين به بالفعل كانت جلسة سمر ومؤانسة وبين بين نقاشات عميقة في الأمر

أختي جيجي ،،،
سمي الرحمن وكل شئ جائز

هشام آدم سلام أخوي ،،،
وصيتك وصلتها ليه بالحرف الواحد وكذا ،،، جضمناه ليك ياخ :

عذراً لو سقط إسم أحد المتداخلين/ات سهواً فأنا عائد للتو من مدينة مدني الجميلة ،،، أقف الآن أمام مستشفي آسيا بعد ما أخدت حقنة فولتريكس لأجل الغضروف ولم أصل لأسرتي بعد ،،، دعواتكم p

[جيجي]

يعني ياياناصر محسن دا هسى هو شيخ ولاالمهدي المنتظر ولاشنو

[جيجي]

يعني لو بقى المهدي المنتظر تكون ضمنت الجنة ياناصر

[قيقراوي]

ربنا يجيب العواقب سليمة

[سارة]

جيجى يا حبيبة
كدى ارفعى رجلك من البنزين شوية:p:D

[أبوبكر عباس]

جيجى يا حبيبة
كدى ارفعى رجلك من البنزين شوية:p:D

شايف يا سارا، انو سخرية جيجي (تمثل موقف) من طرح محسن إيجابية أكثر من تعاطفكم انتم.
كلو بدربو
الصحوبية بدربها
والحوار بدربو

[هشام آدم]

هشام آدم سلام أخوي ،،،
وصيتك وصلتها ليه بالحرف الواحد وكذا ،،، جضمناه ليك ياخ :
p
كدا ريّحتني شديد يا ناصر goood

[جيجي]

والله الذي لا إله إلا هو، إنني هبة البارئ، أصغر إخوتي أبناء محمّد بن خالد بن عمر بن أحمد الحسين، وريث الأنبياء الأخير، الذي لا ينجب، المعروف بالباراسيليتس، أو المهدي المنتظر، النبي الطائر، والمأذون الأكبر في ملكوت الله، المُدّلَّل عند ربه، ومن يُدعى في الملأ الأعلى بـ(النبي المثقف) وأيضاً بـ(صاحب الزي الغريب) يعنون فنيلتي والبنطال، أحشر الناس إلى ربهم، فيتبعني كل من فيه خير، ولا يتبقى إلا شرار الناس تقوم عليهم الساعة.
وإنه للحق من ربكم، فيا فتح الرحمن أحبك نعم، ولكن لا أغني عنك من الله شيئاً، انتظر فيمن ينتظر، ولا تتأخر في اللحاق بي حين ترى الآيات، فمن شمال السودان تخرج الرايات السوداء والخضراء والبرتقالية، والله أكبر ولله ما خلق.
وربي الحق، وربي آبائي الأولين إنها الساعة، فانجوا بأنفسكم.
عايني ياسارة دا كلام محسن في رده على فتح الرحمن
المشكلة مابقت في محسن بقت فيكم انتوا

[سارة]

بابكر سلامات
انا اقدر كلامك ووكذلك اقدروجهة نظر جيجى
لكنى لا اريد ان اكذب عليكم انا شخصيا مع محسن:p ان صدق
وان كذب وبصراحة ما دايرة ادعى الصحوبية الشديد مع محسن
رغم علاقتى بيهو لكن تقدروا تسموها انجذاب روحانى:D:D:D:D


هووووى انا بصراحة دايرة اتونس معاكم
بس برضو مع محسن

[أبوبكر عباس]

عايني ياسارة دا كلام محسن في رده على فتح الرحمن
المشكلة مابقت في محسن بقت فيكم انتوا
المحيرني يا جيجي،
ناصر قال عندو مواعيد يوم الأحد لمناقشة تصوير الفلم الوثايقي!!
عليك الله، موش فعلا الناس دي، محتاجة لمهدي منتظر مثقف؟

[سارة]

عايني ياسارة دا كلام محسن في رده على فتح الرحمن
المشكلة مابقت في محسن بقت فيكم انتوا

يا جميلة انا قريت المداخلة دى وطوالى اتصلت عليهو ما رد تلفونه
انا فى حاجات كتيرة ما دايرة اقول مفاجاءة من العيار الثقيل بالنسبة
لى لكن صعب استيعابها وبالرجوع لزهرة الغرق لقيت نفسى فى حتات
كتيرة بالنسبة لى زى المداخلة الجبتيها دى
عموما
فات الكتير وفضل القليل وان غدا لناظره قريب

[جيجي]

المحيرني يا جيجي،
ناصر قال عندو مواعيد يوم الأحد لمناقشة تصوير الفلم الوثايقي!!
عليك الله، موش فعلا الناس دي، محتاجة لمهدي منتظر مثقف؟لا ولا الرايات الخضر والصفر والحمر

[جيجي]

بابكر سلامات
انا اقدر كلامك ووكذلك اقدروجهة نظر جيجى
لكنى لا اريد ان اكذب عليكم انا شخصيا مع محسن:p ان صدق
وان كذب وبصراحة ما دايرة ادعى الصحوبية الشديد مع محسن
رغم علاقتى بيهو لكن تقدروا تسموها انجذاب روحانى:D:D:D:D


هووووى انا بصراحة دايرة اتونس معاكم
بس برضو مع محسنلا والله ربنا حيسالك من موقفك دا ياسارة
لانه دي فتنة

[سارة]

لا والله ربنا حيسالك من موقفك دا ياسارة
لانه دي فتنة

يالطيف يالطيف ليه كدا؟؟؟
فتنة مرة واحدة؟؟؟

كدى اشرحى لى فتنة كيف عشان ارجع لربى واستغفر:confused:

[جيجي]

هسى انتي تكوني منتظرة بكرة عشان تشوفي اخر الكنيسة دي لو اتفجرت طوالي حاتامني بمحسن ... ولا كيف؟
هل في رائك اختبار ربنا عشان الناس تؤمن بالمهدي المنتظر حيكون بالبساطة دي
وخاصة الشيء فيه عربات اسعاف وغيره يعني لو بالغ يكون زي برجين التجارة
بعدين نحن رسولنا صلوات الله عليه وسلم وضح اوصاف المهدي المنتظروحتى اسمه ومكان مولده فايهما ستتبعين حينها

[ام التيمان]

بصراحة الاديان القديمة اصبحت متخلفة و لا تلبى طموحات البشر
نحن فى حوجة ماسة لى دين جديد يواكب العصر
انا مع النبى محسن(ص)
لو خرج من خلوتة منتصرأ

[ماريل]

لا حول ولا قوة الا بالله
الامر ليس كما يبدو لك يا ماريل
محسن في كامل عقله
محسن ليس من الصنف من الناس الذي يهاب الفشل او يهرب منه اذا حدث
فان صدقت نبوءته خرج الينا وان لم تصدق ايا سيخرج من خلوته
ولن يتوارى خلف الموت

صباح الخير يا دكتور
انا بعتقد انو محسن بيمر بظرف نفسى حرج
بناء عليه كتبت لاصدقائه الا يغفلوا عنه...
الشعب السودانى ما اول مرة يتبع مهدى منتظر
نحن شعب غريب وثورة المهدية شاهدة على
سذاجتنا وبساطتنا ....

[سمراء]

والله الود محسن يستاهل ياخ بى راسو المليان " جغاميس " دا !
انتو قايلين الاجتهاد دا حاجة كعبة !؟

بس الكعب المحلبية ماتكون أصلية
تقوم ام التيمان " تحنن البورض " ..

وماتشيل :D

[زول الله]

الهداية البعرفا بتعني التوبة
"مهدي" بالعربي البعرفو = زول تاب او رجع عن اعتقاد او ممارسة
"منتظر" دي إلا يكون انتظاركم لـ يوم الأحد
النبوءة الصرح بيها يمكنني اعتبارها حسابات وقرائن يعتقدها محسن ويؤمن بصحتها
شخصياً أؤمن تماماً بإمكانيات وقدرات محسن خالد الأدبية والثقافية والفكرية
وفي نفس الوقت اجدني أول كافر به في ادعائه للمهدية وإن صدقت توقعاته
-
ياناس الزول "مجذوب" أدعوا ليهو بالثبات والـ "عودة"






اقول قولي هذا واستغفر الله لي.............

[هشام آدم]

نحن فى حوجة ماسة لى دين جديد يواكب العصر

حوجة، وكمان ماسة يا أم التيمان؟ :D
ما الأديان "العصرية" موجودة في شكل قوانين "بتجدد" حسب "حوجتنا"
يعني إلا نقع ونقوم ولا شنو ونتبع زول؟
"الله" يهديكِ بس goood

[ام التيمان]

حوجة، وكمان ماسة يا أم التيمان؟ :D
ما الأديان "العصرية" موجودة في شكل قوانين "بتجدد" حسب "حوجتنا"
يعني إلا نقع ونقوم ولا شنو ونتبع زول؟
"الله" يهديكِ بس goood

يا هشام انت مؤمن بوجود اله
و الا ما طلبت لى الهداية

[ابو ابراهيم]

حوجة، وكمان ماسة يا أم التيمان؟ :D
ما الأديان "العصرية" موجودة في شكل قوانين "بتجدد" حسب "حوجتنا"
يعني إلا نقع ونقوم ولا شنو ونتبع زول؟
"الله" يهديكِ بس goood

تحياتى يا هشام
تعرف يا هشام انت واقع فى مشكلة كبيرة وانت ما منتبه ليها
احتجاجك على كلام ام التيمان
بصراحة الاديان القديمة اصبحت متخلفة و لا تلبى طموحات البشر

انت واقع فيه لأخمص قدميك
بس انت بتعمل فيها ما خايض

كان ما عارف
الحادك الانت بتسميه الحاد او الالحاد كما هو
فى النهاية دين
والشى الملاحظو انك بتوسم غيرك انو بدور فى غير فلك القضية
بس للاسف فهمك للالحاد او الدين بحتم عليك
موش بس تغير اللغة بل واشياء كثيرة
يعنى انت بتفتكر القضية ونسة الحاد وبس :confused:
الالحاد يلزمك تغير اللغة والقوانين والمفاهيم والقيم والاخلاق و و و و وهلمجرة ( على قولة ود المهدى )
لان هذه الامور هى فروع وتراكمات للدين
وفيك انت واضحة ما قدر تتخلص منها
وان زعمت انك تستصحبها للحوار والافحام !!;)
غيرك بسميها نظام او قوانين او شريعة او لوائح او دستور
بس فى النهاية هى يدين بها من يلزمها بأي وضعية كانت
فام التيمان بتتكلم عن دين معاصر يلبى حاجات الواقع برغباتها عرفت :D

[هشام آدم]

يا أُم التيمان
إنتِ قايلاني ختيت القوسين ديل عدم شغلة ولا زينة ******** ؟ ؟ :D

[هشام آدم]

الالحاد يلزمك تغير اللغة والقوانين والمفاهيم والقيم والاخلاق و و و و وهلمجرة ( على قولة ود المهدى )
لان هذه الامور هى فروع وتراكمات للدين

في دي يا أبو إبراهيم إنتَ فُتَّ ودّ البتولا ذاتو
من متين بقت ولا كانت اللغة والقوانين والمفاهيم والقيم (وكمان الأخلاق) تراكمات للدين؟ هو الدين ذاااااتو في عظم يا ود أبوي تراكمات للمعرفة الإنسانية، وجزء من ثقافتنا البشرية. وعن فهمك للإلحاد بأنه دين، فدا فهم راجع ليك وما مُلزم لي أبدًا، راجع راجع مفهومك للدين، وتكون ما قصّرت لو ختيت لينا تعريفك للدين عشان نناقشوا، لو البوست بيتحمّل كلام قدر دا أصلًا

[خضر حسين خليل]

تحياتي ناصر وضيوفه الكرام
يمر العزيز محسن خالد بتجربة كبيرة إختلف الناس حولها منهم من أشفق عليه كونه يمر بمرض نفسي ومنهم من كذب دعوته ومنهم من صدقه .
من خلال معرفتي بمحسن وفور قراءتي للبوست الأخير الذي إمتحن قدرات الناس وإختلفوا حوله أقول فور قراءتي لبوست محسن عدت مباشرة لزهرة الغرق المثبته أعلي المنبر وخرجت أكثر يقينا بأن ما وصل له محسن مؤخراً كان قد إبتدر خطواتها ها هنا في سودانيات عبر زهرة الغرق .
ليس أمامي الآن سوي القراءة في ما يطرحه محسن من أراء بصورة مباشرة أقول ليس أمامي سوي إنتظار التاريخ الذي حدده محسن ويقيني إنو النقاش الحقيقي حيبدأ بعد داك .
في أشياء مهما قتلها الناس نقاشاً لن تكتمل حلقاتها الا بحضور محسن فالناس تشيل الصبر وتحياتي يا ناصر

[هشام آدم]

ألي خدر هسين، إر أيدني هرباهي؟ إرمي أيدن بنيموني ولا أيقا أبرموني؟

[أسامة الكاشف]

قراءة مختلفة قليلاً

معطيات:

1. محسن قبل فترة في زهرة الغرق أكد إيمانه بالله وكفره بالأديان
2. ذكر أنه مر بتجربة روحية خاصة أنارت له طريق الهداية
3. استشهد بمحمد بن عبد الله المهدي السوداني كصاحب رسالة ولم يستهجن أو يستنكر مهديته.
4. ذكر في ما ذكر أنه المختار "كنبي مثقف" وليس كمهدي بالمعنى التقليدي لتلافي التعارض ما بين فكرة أن المهدي المنتظر واحد يأتي ليملأ الأرض عدلاً بعد أن ملئت جوراً وما بين مهدويته الحداثية التي لم يبشر بها كدعوة طالباً اتباعها بقدر طلبه التبصر والتدبر في ما طرح.
5. يعني مرحل التجربة وتنقل بحرفية وحرفنة بين هذه المراحل

إشارات أخرى كثيرة توحي إلى بأن:

"محسن خالد قصد إلقاء حجر في بركة راكدة بقصد فتح نوافذ للحوار وتحريض على البحث مع إعلاء قيمة السوداني بمعنى ما ينتسب للسودان .. وفكرة المهدية تمثل هذه العودة لإرثنا التاريخي خصوصاً وهي مقروءة مع الإشارت الأخرى التي تشير إلى ارتباط مسار الكون منذ الأزل بمركزه السوداني وكذلك التأكيد على الصوفي الكامن في دواخلنا رمزاً للتسامح والمحبة"

ربما

تسلموا

[خضر حسين خليل]

يا هشام وين الحي بيك ياخ
اي الدن اسكا بايموني فقمون آخرنقا


لز لي تلفونك

[همس الشوق]

الهداية البعرفا بتعني التوبة
"مهدي" بالعربي البعرفو = زول تاب او رجع عن اعتقاد او ممارسة
"منتظر" دي إلا يكون انتظاركم لـ يوم الأحد
النبوءة الصرح بيها يمكنني اعتبارها حسابات وقرائن يعتقدها محسن ويؤمن بصحتها
شخصياً أؤمن تماماً بإمكانيات وقدرات محسن خالد الأدبية والثقافية والفكرية
وفي نفس الوقت اجدني أول كافر به في ادعائه للمهدية وإن صدقت توقعاته
-
ياناس الزول "مجذوب" أدعوا ليهو بالثبات والـ "عودة"




اقول قولي هذا واستغفر الله لي.............


:L:L

أمين يا رب

وشي يدعو للخوف على هذا الرجل .. بجد

[نبراس السيد الدمرداش]

اهلنا بقولو الزول دا واصل
اعتقد محسن في اولى درجات الوصول
التحول 180 درجه والقرب من الله ومعرفته عن طريق المعرفه والعلم بالاضافه للبحث المستمر احتمال خلت محسن يشوف اشياء نحن ما شايفنها
وجاء في الحديث القدسي
((وَمَا يَزَالُ عَبْدِي يَتَقَرَّب إليَّ بِالنَوَافِلِ حَتَى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَذِي يَسْمَعُ بِهِ، وَبَصَرَهُ الَذِي يُبْصِرُ بِهِ))

[هشام آدم]

يا هشام وين الحي بيك ياخ
اي الدن اسكا بايموني فقمون آخرنقا


لز لي تلفونك

كلامك دا ريّحني شديد ياخ ... راجع الخاص

[عبدالمنعم الطيب حسن]

اهلنا الزول دا واصل
)
محسن وصل مدني بامان ،
حفظ الله مهدينا المنتظر محسن بن محمد بن خالد ،
في حله وترحاله ،
..................
سلام وتحية نبراس ،

[ام التيمان]

اهلنا بقولو الزول دا واصل
اعتقد محسن في اولى درجات الوصول
التحول 180 درجه والقرب من الله ومعرفته عن طريق المعرفه والعلم بالاضافه للبحث المستمر احتمال خلت محسن يشوف اشياء نحن ما شايفنها
وجاء في الحديث القدسي
((وَمَا يَزَالُ عَبْدِي يَتَقَرَّب إليَّ بِالنَوَافِلِ حَتَى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَذِي يَسْمَعُ بِهِ، وَبَصَرَهُ الَذِي يُبْصِرُ بِهِ))

حوار

[سارة]

هسى انتي تكوني منتظرة بكرة عشان تشوفي اخر الكنيسة دي لو اتفجرت طوالي حاتامني بمحسن ... ولا كيف؟
هل في رائك اختبار ربنا عشان الناس تؤمن بالمهدي المنتظر حيكون بالبساطة دي
وخاصة الشيء فيه عربات اسعاف وغيره يعني لو بالغ يكون زي برجين التجارة
بعدين نحن رسولنا صلوات الله عليه وسلم وضح اوصاف المهدي المنتظروحتى اسمه ومكان مولده فايهما ستتبعين حينها

جيجى يا حبيبة المسالة بالنسبة لى غير كدا خالص صدقينى
ولست انا من تتخذ من اذية الناس مطية لتمرير اغراضى
انا تعاملت مع محسن كاى انسان تصوف وزهد رغم معرفتى الشديدة
بانه محسن ما متصوف ابدا..لكنى فى مرحلة من مراحل حياتى
تصوفت ودخلت الطريقة التجانية من شيوخها واخذت ما يسمونه سند
وكنت اداوم على اورادى لا اتكلم عن تصوفى الكان ولكنى شاهدت
بام عينى ما يسمى بكرامات وانا مسؤلة عنها قدام رب العالمين
صحيح اننى لست متصوفة الان ولكنى احترمهم جدا واقدرهم جدا
بالنسبة لى تعاملت مع الموضوع على هذا الاساس ومسالة انسان يتنباء
بموت ولا بكارثة هذه لا اتوقع انها غريبة فمحسن لم يبتدىء هذا الطريق
ولا اتوقع ان يكون الاخير وبحكم معرفتى بمحسن توسمت فيه الخير
وقلت سيظل محسن عندى محل احترام وتقدير ايا كانت النتائج
وانا بالمناسبة حتى كتابة هذه السطور اقول ان محسن شديد وعاقل
ويعرف ما يفعل بكرة باذن الله ستنتهى مهلته او قصته وبالنسبة لى
محسن هو محسن يمكن مخطئة فى تحليلى لكن اهو دا الحاصل

بعتذر لطول المداخلة
وسامحينى:cool::cool::cool:

[اشرف السر]

سلام

اعتقد انو في حاجة انه نخت خط
بين المنتوج الفكري ولأدبي لمحسن خالد
وبين محسن خالد كشخص له (حاجاته البتخصو هو)
سوى صرح بها او كتمها فهي تخصه
----------------------

محسن البعرفو
غير محسن البتعرفوه
بعرف محسن خالد الولد من المسيكتاب...
-----------------------
داير تعرف حاجة وتطورها الفكري والمعرف
ارجع لجذور النشأة ومراحل التطور مرحلة مرحلة
الى ان تصل للوضع الراهن..
محسن طبيعي جدا
وأعقل من العقل..
بس انتو ادوها صنه

[ناصر يوسف]

أظنو أو علي ما أعتقد إني قلت هنا كلام مهم للغاية

وهو قول محسن بعضمة لسانو

أنا متيقن جداً يا ناصر بإنو حيحصل ولو ما حصل بجيكم وبكل شجاعة وبكتب ليكم ،،، تنبأت وما حصل

يبقي المشكلة شنو يا شباب ؟؟

متبقي لينا حوالي عشرة ساعات وتلت الساعة من الآن
نشيل الصبُر وننتظر ،، ولا شنو ؟؟؟

وأنا مع كلام سارة ،،، حيظل محسن خالد في نظري ياه ذاتو محسن خالد البعرفو إن حصل الكلام القال بإن حيحصل ولا ما حصل ،،،

ثم إنو محسن ما قال باكر نهاية العااااااااالم يا عالم ،،، قال كنيسة لُد بإنجلترا حتنضرب ،،،

ننتظر ونشوف وبس

[فيصل سعد]

وأنا مع كلام سارة ،،، حيظل محسن خالد في نظري ياه ذاتو محسن خالد البعرفو إن حصل الكلام القال بإن حيحصل ولا ما حصل ،،،



يا ابو رحيق الايام دي تلحقنا و تنجدنا :D:D
التحايا لك و لمحسن و مبر و مهند و محمد على
و كل جمعكم العامر ..

و ابقوا طيبين ..

[محمد علي الجراح]

أظنو أو علي ما أعتقد إني قلت هنا كلام مهم للغاية

وهو قول محسن بعضمة لسانو

أنا متيقن جداً يا ناصر بإنو حيحصل ولو ما حصل بجيكم وبكل شجاعة وبكتب ليكم ،،، تنبأت وما حصل

يبقي المشكلة شنو يا شباب ؟؟

متبقي لينا حوالي عشرة ساعات وتلت الساعة من الآن
نشيل الصبُر وننتظر ،، ولا شنو ؟؟؟

وأنا مع كلام سارة ،،، حيظل محسن خالد في نظري ياه ذاتو محسن خالد البعرفو إن حصل الكلام القال بإن حيحصل ولا ما حصل ،،،

ثم إنو محسن ما قال باكر نهاية العااااااااالم يا عالم ،،، قال كنيسة لُد بإنجلترا حتنضرب ،،،

ننتظر ونشوف وبس


ياخ انت كلمه عاقل فيك شويه ...

كيف من الرهق ...اتمناك مبسوط يا حبيب

[محمد علي الجراح]

يا ابو رحيق الايام دي تلحقنا و تنجدنا :D:D
التحايا لك و لمحسن و مبر و مهند و محمد على
و كل جمعكم العامر ..

و ابقوا طيبين ..

كل التحايا الناضره يا فيصل ...

[ناصر يوسف]

يا ابو رحيق الايام دي تلحقنا و تنجدنا :D:D
التحايا لك و لمحسن و مبر و مهند و محمد على
و كل جمعكم العامر ..

و ابقوا طيبين ..

ياخي تلحقني وتنجدني إنت ده إنشاء الله ترسل لي فيزا زيارة علي كالقاري ياخ

تحية وشوق ليك يا حبوب

[سمراء]

صباح الخيرات ياناصروف
اها الاخبار شنو ؟

الزول دا مامرق يدينا النجيضة !؟

[Sana Mursi]

محسن يا صديق ......لم تنتقص كل الارهاصات المثاره في اسافير الله و رسله من اخي و صديق محسن شئ........ ولم اكترث لها لانني اثق برجاحة عقلك وعبقريتك و تلك الابتسامه الساحره التي تدخل القلوب بلا استثناء و تحكر في قلب القلب حيث التقاء الاذين و البطين.... ابقى طيب يا نقي القلب....... وكن الصديق وقت الفرح والضيق.........متذكر لما اتصلت بيك السنه الفاتت وقلت لي انا في قلب النيل في مركب بمجداف بالمسيكتاب ومعاك الكاميرا تجدف حبه و تقيف وتصور في ملكوت الله.........دي حاجه افي زول غير محسن خالد بيعملها......... ارقد عافيه يا صديق....
احبك بااااااااااااااااااااااااخ واحب ناصر يوفس ظاطو

[همس الشوق]

ألف حمدا على سلامتك يا محسن

[ناصر يوسف]

وهذا بالضبط ما وعد به محسن خالد كل الناس

يقول محسن خالد ( منقول من سودانيز أون لاين)


الأخوة والأخوات
السلام عليكم ورحمة الله وبركاته
لقد وعدتُ بالعودة إلى هذا الكتاب وتبيان ما يحدث معي، وهانذا بينكم.
أولاً، إنني لا أعرف ما حدث لي، كأنما اختطفتني قوىً وجعلت مني طبشيراً تكتب به ما تشاء، فلم أكن مستهتراً بكم ولا كاذباً، ولا ينبغي لي، والله على ما أقول وكيل وشهيد. إني أعتذر منكم جميعاً، من يحبني ومن يكرهني، وأرجو عفوكم ومسامحتكم جميعاً، من كان حريصاً علي ويحبني ومن كان يتربص بي وينتظرني لدى الثغرات والكبوات والدوائر.
إنني الحمد لله بخير، والويندوز بتاعي لسع شغال ريستوريشن، فربما بعد اكتمال هذه الاستعادة أفهم معكم ما يحدث. تبقى هذه المعارف التي جئتُ بها محل نظر وتدقيق من قبلي ومن قبلكم، فهي التي تمثل المشكلة! إن كانت من الله فهو لا يخلف الميعاد، وإن كانت من الشيطان فهو لا يمنح ناصيته لأحد.
بشكل مبسّط جداً أقول، ربما رأى الشيطان في أوبتي لله قوة لأهل الله، فصنع هذه اللوثة كلها ليحيل تجربتي إلى الضد، وقد دعوتُ الله كثيراً وطويلاً أن لا يجعلني فتنة، وأن يكرم الناس فيَّ ولا يخزيهم بي.
إني أتوب إليه، مما نسبتُه له وللمسيح، وأرجو عفوهما وصفحمها.
فاعفوا أنتم أيضاً واصفحوا، ألا تحبون أن يغفر الله لكم؟
والله ولي التوفيق

بارك الله فيك يا شيخي محسن خالد ،،، لقد وعدت وهكذا جئت بكامل الشجاعة التي فيك والتي أعرفها تماماً ،،،،
ومعك نمضي في سبيل مناقشة ما جئت به بكامل التمهل ،،،
ومعاً لأجل زهرة الغرق ،،،
شكراً لك شيخي الجميل ،،، وتعال ياخي نشرب شاهينا ونشيل عِدتنا ونمشي نصور الإتفقنا عليه ،،، أنا في إنتظارك أيها الحبيب فلا تتأخر بالله عليك

[ام التيمان]

وهذا بالضبط ما وعد به محسن خالد كل الناس

يقول محسن خالد ( منقول من سودانيز أون لاين)




بارك الله فيك يا شيخي محسن خالد ،،، لقد وعدت وهكذا جئت بكامل الشجاعة التي فيك والتي أعرفها تماماً ،،،،
ومعك نمضي في سبيل مناقشة ما جئت به بكامل التمهل ،،،
ومعاً لأجل زهرة الغرق ،،،
شكراً لك شيخي الجميل ،،، وتعال ياخي نشرب شاهينا ونشيل عِدتنا ونمشي نصور الإتفقنا عليه ،،، أنا في إنتظارك أيها الحبيب فلا تتأخر بالله عليك

يا ناصر
بالبساطة دى!
**
ان محسن يمر بى مرحلة صعبة و غير طبيعية
و يحتاج ان يعرض لى طبيب نفسى
قبل فوات الاوان
دا لو كنا خايفين على صحة محسن

[ناصر يوسف]

يا ناصر
بالبساطة دى!
**
ان محسن يمر بى مرحلة صعبة و غير طبيعية
و يحتاج ان يعرض لى طبيب نفسى
قبل فوات الاوان
دا لو كنا خايفين على صحة محسن

سوقي عربيتك وأمشي مدني ووديه لأي طبيب نفسي إنتي شايفاه كويس بالنسبة ليه

[أبوبكر عباس]

شكراً لك شيخي الجميل ،،، وتعال ياخي نشرب شاهينا ونشيل عِدتنا ونمشي نصور الإتفقنا عليه
سلام ناصر،
إتفقتوا تصوروا شنو يا ناصر؟
لو الإتفاق سري، أعفي لي.

[ام التيمان]

سوقي عربيتك وأمشي مدني ووديه لأي طبيب نفسي إنتي شايفاه كويس بالنسبة ليه

يا ناصر دا المفترض احصل فى هذه الحالة
لو كان لمحسن او غيرو

[ناصر يوسف]

سلام ناصر،
إتفقتوا تصوروا شنو يا ناصر؟
لو الإتفاق سري، أعفي لي.

ده إتفاق سري للغاية وخاص بحواريي محسن خالد looool

[فيصل سعد]

ده إتفاق سري للغاية وخاص بحواريي محسن خالد looool

قلت ليك يا صاحب انت الايامات
دي يزوروا فوقك :D:D:D

[الرشيد اسماعيل محمود]

سوقي عربيتك وأمشي مدني ووديه لأي طبيب نفسي إنتي شايفاه كويس بالنسبة ليه
إنت زعلتَ ولا شنو يا دوك:D

وتعال ياخي نشرب شاهينا ونشيل عِدتنا ونمشي نصور الإتفقنا عليه ،،، أنا في إنتظارك أيها الحبيب فلا تتأخر بالله عليك

تشربو شاهينا وتكسِّرو كبابينا؟!:D

[Sana Mursi]

يا هشام وين الحي بيك ياخ
اي الدن اسكا بايموني فقمون آخرنقا


لز لي تلفونك

ممكن الترجمه يا استاذ خدر
لوووووووووووووب
وانا مركبه مكنة عربسات

[بدور التركي]

سلام

اعتقد انو في حاجة انه نخت خط
بين المنتوج الفكري ولأدبي لمحسن خالد
وبين محسن خالد كشخص له (حاجاته البتخصو هو)
سوى صرح بها او كتمها فهي تخصه
----------------------

محسن البعرفو
غير محسن البتعرفوه
بعرف محسن خالد الولد من المسيكتاب...
-----------------------
داير تعرف حاجة وتطورها الفكري والمعرف
ارجع لجذور النشأة ومراحل التطور مرحلة مرحلة
الى ان تصل للوضع الراهن..
محسن طبيعي جدا
وأعقل من العقل..
بس انتو ادوها صنه



عشان كدا
مؤمنة بكل كلمة قالها

محسن ما قاعد يقول كلام من فراغ


بديها صنة للأيام الجايات

[ناصر يوسف]

قلت ليك يا صاحب انت الايامات
دي يزوروا فوقك :D:D:D

المشكلة يا فيصل سعد يا أخوي
كل الناس مستهترة بــحكاية شيخي محسن وإني من حواريي محسن خالد دي

كدي أرجعوا لقولي ياخ ،،،

وتااااني كمان بكررها للجميع

أنا حُوار العالم الباحث الأديب الأريب محسن خالد
وتابع ليه تحدييييييييييداً في ( زهرة الغرق)

إنتو مُتضايقين ليه ياخ ؟؟ أوعوا تكونوا رابطين مسألة الشياخة والتابعية دي بمفهوم المهدوية ؟؟؟ تكونوا غلطانين ياخ وعليكم الله تعفوا لي في الحالة دي ( تعفوا لي دي ياها ذاتها بتاعة بكَه الذي ،،،،،،، نُحِبُهُ كثيراً ياخ ) :p :p


اقتباس:
المشاركة الأصلية كتبت بواسطة ناصر يوسف مشاهدة المشاركة
سوقي عربيتك وأمشي مدني ووديه لأي طبيب نفسي إنتي شايفاه كويس بالنسبة ليه


إنت زعلتَ ولا شنو يا دوك


أبداً لا زعلت ولا شيتاً تاني يا رشيدوف ،،، أنا طرشقتَ ساااااكِت كدي ياخ ;)

[ناصر يوسف]

عشان كدا
مؤمنة بكل كلمة قالها

محسن ما قاعد يقول كلام من فراغ


بديها صنة للأيام الجايات

بدور التركي سلامات
وينك مشكلة غياب ليك فترة وأريتك طيبة يا زولة

محسن بيقول إنو المسألة محتاجه لبحث منو ومننا
أنا شخصياً ما بقدر أخوض في تفاصيل المسألة ديك لأني ما عندي ليها أي بصارة ولا دَبَاره ،،،

انا مع عودة محسن خالد لزهرة الغرق وبـــــــــــس
ويلا يا محسن لا قِدَام ياخ أنا منتظرك ،،، سَمِح يا ود البتولا ؟؟؟
يلا ورحكاكا ياخ علي زهرة الغرق

[نسايم]

ناصر سلامات وكيفنك. ...
أنا عندي سؤالين ليك أولا محسن خالد نزع عنه صفة ماكان
يتبناه ونسبه لنفسه وقال غي من صنع الشيطان
أتت حوار لي منو ولي شنو مادامت لوثة جنون من عبقري أو أيا كان اسمها
والاشفاق الشديد دا شنو من تماااام كنت بكره معاملة الأستاذ للطالب النجيب بي تحيز
حتى ولو أخطاء دا رأي الشخصي
وتقبل تحياتي

[ناصر يوسف]

ناصر سلامات وكيفنك. ...
أنا عندي سؤالين ليك أولا محسن خالد نزع عنه صفة ماكان
يتبناه ونسبه لنفسه وقال غي من صنع الشيطان
أتت حوار لي منو ولي شنو مادامت لوثة جنون من عبقري أو أيا كان اسمها
والاشفاق الشديد دا شنو من تماااام كنت بكره معاملة الأستاذ للطالب النجيب بي تحيز
حتى ولو أخطاء دا رأي الشخصي
وتقبل تحياتي

نسايم إزيك وكيفنك أختي

وأنا برضو بَتقَبَل تحياتك وأسئلتك ،،، بس بكامل الأسف ما بقدر أعيد الأجوبة لذات الأسئلة أكتر من مرة ،،،
جاوبت علي ذات الأسئلة بطريقة تانية هنا ده

أبقي طيبة يا زولة