لــــــــــدن

[حسين أحمد حسين]

لــــــــــدن

لو مره وِزِّينِك رطن
وامطر سماكِ على غناى
ما كان وراك خد المواويل إتعطن
وين إنتِ يا وجعى وشفاى
أنا قلبى بالشوق إتبطن

وين يا مصابيح يا بروق
فجيلنا فى العتمات سكن
مات بدِّد الليل يا شروق
لو نصحا لا ويل لا محن

لا متين أغنيك يا صباح
دفتر غناى مليان شجن
مات بِق من الوجع، الجراح
مَزِّقْ حصار هذى الدجن

مفجوعه فيك ِ الأُغنيات
بالحسرة والأَسى والحزن
وين إنتِ يا ست البنات
ما ضاع وراك كل الزمن

حجيت بِك الأَطفال حُجا
متوسم الفال الحسن
ما جيتِ لما الليل سجى
وغتْغتْ عويناتنا الوسن

أنا نفسى اغنيلك نشيد
يمدح جمالك يا لــــــدن
أُنشودة من بيت القصيد
تِتماهى فى الروح والبدن

لكنِّى لو قُتْ يا حبيب
صورة البلد، صورتك يجن
راودتَ طيفك بالنسيب
إتمارا فى عينىْ وطن.
------

[عكــود]

لــــــــــدن


ما كان وراك خد المواويل إتعطن



أنا قلبى بالشوق إتبطن


------


سلام يا حسين،

خد المواويل البيتعطِن، والقليب البيتبطِن!

دلّلت الخيال عندي والله.

تسلم ياخي وتسلم لدن.

[لنا جعفر]

أنا نفسى اغنيلك نشيد
يمدح جمالك يا لــــــدن
أُنشودة من بيت القصيد
تِتماهى فى الروح والبدن
حسين اخوي مساك خير ومودة...
عندي أُختي اسمها لُدن بضم اللام ...وزولة بتشبه
رسمك ده ....وعيد ميلاد لُدن قريب
فياخ اسمح لي اكتب ليها الحتة الاقتبستها منك دي
في كرت المعايدة وبقول ليها دي من اخونا حسين
يسلم قلمك وروحك الحلوة دي
ولك وافر التقدير والأحترام

[خضر حسين خليل]

انا برضو يا حسين اخوي
عايز اهدي لي لدن فردتي
ان امكن ذلك
ومشكور علي النص السمح ده

[حافظ حسين]

حسين اخوي مساك خير ومودة...
عندي أُختي اسمها لُدن بضم اللام ...وزولة بتشبه
رسمك ده ....وعيد ميلاد لُدن قريب
فياخ اسمح لي اكتب ليها الحتة الاقتبستها منك دي
في كرت المعايدة وبقول ليها دي من اخونا حسين
يسلم قلمك وروحك الحلوة دي
ولك وافر التقدير والأحترام

حقيقة البطن بطرانة
لدن يا صحاب عينها مقشوشة بكحل المحبة و الحنين
أرق من النسمة
و أجمل من خيال شاعر نبيل
تلتقيها يوم و تخال انك تعرفها لسنين
كل الود ليك يا لدن .....
لنا كيفك؟:D:D:D
أستاذ حسين شكراً علي الإبداع
و الله جابني العنوان و لقيته
عنوان علي متن
شكراً يا أستاذ انك جملت مساءاتي الكئيبة

[لنا جعفر]

انا برضو يا حسين اخوي
عايز اهدي لي لدن فردتي
ان امكن ذلك
ومشكور علي النص السمح ده

نعرف ياخدوري ؟؟؟ لدن اختي دي كائن جمييييييل
كفاية انها مستحملاني :D:D:D
زولة بي دستة شموس....
بس اياااااااااك تقول ليها الكلام ده عشان ماتجهجه باكاتي :D
شفت البت دي سمحة كيف؟؟؟
ثابتة وحقانية ونسمة وقدامية وهميمة وشايلانا كلنا..
الله يخليها لي نور عيني ......
واللهي ياخضر تنقل الغزل ده البد ليك
ده بس للناس الهنا...:D
عشان يعرفو انه عيلتنا فيها ناس مسالمين :D:D:D
بهناك بنصرف ليها اوامر بس..
تسلم ياخضر لينا الاتنين

[لنا جعفر]

حقيقة البطن بطرانة
لدن يا صحاب عينها مقشوشة بكحل المحبة و الحنين
أرق من النسمة
و أجمل من خيال شاعر نبيل
تلتقيها يوم و تخال انك تعرفها لسنين
كل الود ليك يا لدن .....
لنا كيفك؟:D:D:D
أستاذ حسين شكراً علي الإبداع
و الله جابني العنوان و لقيته
عنوان علي متن
شكراً يا أستاذ انك جملت مساءاتي الكئيبة

كيفي ؟؟؟
كنت كويسة قبال مداخلتك بتاعت المطاعنة دي :D:D
العنوان ع متن وانت على شماتة ومقارنة:D
البت لُدن ستي وتاااج راسي
حبيبة وقريبة وشايلة همنا ...
بس انت عايز تقول شنو في حتة العيون والبصل؟؟
ياااااادي المحاور والدواير ياحافظ...:D
أمجد فريد عندو حكاية لزيزة عن لُدن اختي
لمن مسكوها في الشمالي اثر مظاهرة
النبي خليهو يحكيها ليكم
ولُدن تستاهل خير الدنيا كلو وفي قلبها حنية العالم
قلت البطن بطرانة؟؟؟سمح ياحافظ :(
---
مشتاقييين ياحفوظ...
اظهر وبان
وشكرا للنفاج ده يااخونا حسين
جميت روحنا

[ناصر يوسف]

لــــــــــدن



وين يا مصابيح يا بروق
فجيلنا فى العتمات سكن
مات بدِّد الليل يا شروق
لو نصحا لا ويل لا محن




ياخي هي فَجَّت ليك كل عتمات الدنيا وهج وضي ،،،،

حسين يا أخوي شكراً لحروفك السمحة دي ياخ
شكراً ليك بالجد

[الجيلى أحمد]

قريتا لندن :D
ولقيت المسألة كويسة

شكرآ ياأخى على تمجيد الفضاء

[محمد مصطفي]

ياخ نص تريان ورويان ... يجمل الوقت كله
لك التحية يا حسين

[حسين أحمد حسين]

سلام يا حسين،

خد المواويل البيتعطِن، والقليب البيتبطِن!

دلّلت الخيال عندي والله.

تسلم ياخي وتسلم لدن.


أُستاذنا أباذر،
الشوق والسلام مطبوق.

وألفُ تحيةٍ وشكر على الإطلالة الودودة، وإنْ شا الله مُشهادك سرور فى الدنيا والأخرة.

سلِمتَ وسلمَتْ لَكَ لَدَنُك.

[حسين أحمد حسين]

حسين اخوي مساك خير ومودة...
عندي أُختي اسمها لُدن بضم اللام ...وزولة بتشبه
رسمك ده ....وعيد ميلاد لُدن قريب
فياخ اسمح لي اكتب ليها الحتة الاقتبستها منك دي
في كرت المعايدة وبقول ليها دي من اخونا حسين
يسلم قلمك وروحك الحلوة دي
ولك وافر التقدير والأحترام

أهلاً بِبِنتِ القلوب،
الأديبة الأريبة لنا جعفر.

ياااااااا،

يا لهذى السنين العواجيف، التى تستطيل حواجزاً بين سُمَّارِ التثاقفِ والموائدِ الشفيفة. فقد كنتم، ومازلتم، فناراتٍ شواهق لسفينِ التيهِ، والبين - بين، والفكرة الحائرة. فشكراً على المثابرة والنبل.

ما أنتِ من يستأذن يا أختى الكريمة، فافعلى ما تشائين بنصٍ يتزين، بين ظهرانيه، بحضورِكم البهىّ. ومِن لَدَن لِلُدَن وردةُ كِستناء، وشمعاتُ عمرٍ مديد، وهبى بيرث دــيْ لُدن.

المعزة التى تعلمين، ولا تعلمين.

[حسين أحمد حسين]

انا برضو يا حسين اخوي
عايز اهدي لي لدن فردتي
ان امكن ذلك
ومشكور علي النص السمح ده

تحياتى للعزيز خضر حسين خليل،
حضورك شرف يا دكتور.

شكراً على إستحسانك لهذا النص الذى لم يكن ليستحق كل هذا الإطراء لو لا تداخلكم اللطيف هذا، ولو لا إرتباط النص بالإسم لَدن/لُدن، ويا للكيمياءِ بين الإسمِ والمسمى.

ويا سيدى أنت مأذون بأنْ تفعل بالنص ما تشاء.

مع خالص الود.

[حسين أحمد حسين]

حقيقة البطن بطرانة
لدن يا صحاب عينها مقشوشة بكحل المحبة و الحنين
أرق من النسمة
و أجمل من خيال شاعر نبيل
تلتقيها يوم و تخال انك تعرفها لسنين
كل الود ليك يا لدن .....
لنا كيفك؟:D:D:D
أستاذ حسين شكراً علي الإبداع
و الله جابني العنوان و لقيته
عنوان علي متن
شكراً يا أستاذ انك جملت مساءاتي الكئيبة

أديبنا الأُستاذ حافظ حسين،
تحياتى.

تعرف يا حافظ، أعرف من النساء عدداً مِمَّن تسمين بهذا الإسم، وكلُّهُنَّ يشتركن فى الصفات التى ذكرتَ. ولا أدرِ حقيقةَ هذا الأمر. وكل ما أعرفه، على تواضعِهِ، أنَّ الأسماء نوايا حسنة وأشواق ينشدُها الآباء فى أبنائهم، بعضها يصدق وبعضها يخيب.

ويا سيدى ألف شكر على التقريظ.

خالص الود الإحترام.

[طارق صديق كانديك]

لــــــــــدن

لكنِّى لو قُتْ يا حبيب
صورة البلد، صورتك يجن
راودتَ طيفك بالنسيب
إتمارا فى عينىْ وطن.
------




يا لها من لدن

هكذا هو حرفك يا سيدي حين يختال مغرداً.

وأنا أقرأ مكرراً هذه الأبيات اللادنة، قفزت الى خاطري رائعة الشاعر سيد عبدالعزيز (نظرة يا السمحة أم عجن لو كان قليل تبري الشجن)، أهديها لك وللجميع بصوت الفنان الشجي نميري.
http://www.youtube.com/watch?v=KJdRFGwgKAY
 


ثم إني وجدتُ في المقطع أعلاه من القصيدة، أن استبدال كلمة (صورتك) المفردة ب (صُوَرِك) الجمع أدعى للوزن ، أو لعلّ ذائقتي تقاصرت عن استيعاب الوزن.

لك المحبة لادنة ونضيرة

[معتصم الطاهر]

كلام جميل

و مفردات سمحة عديل

و قافية كاملة

و نسج غنائي ..

[معتصم الطاهر]

اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif (http://sudanyat.org/vb/showthread.php?p=520393#post520393)


نعرف ياخدوري ؟؟؟ لدن اختي دي كائن جمييييييل
كفاية انها مستحملاني :D:D:D
زولة بي دستة شموس....
بس اياااااااااك تقول ليها الكلام ده عشان ماتجهجه باكاتي :D
شفت البت دي سمحة كيف؟؟؟
ثابتة وحقانية ونسمة وقدامية وهميمة وشايلانا كلنا..
الله يخليها لي نور عيني ......
واللهي ياخضر تنقل الغزل ده البد ليك
ده بس للناس الهنا...:D
عشان يعرفو انه عيلتنا فيها ناس مسالمين :D:D:D
بهناك بنصرف ليها اوامر بس..
تسلم ياخضر لينا الاتنين






يا غتيتين

بالله لنا يكون عندها أخت فى الخرتوم و بتعرفوها و ما اتعرّف عليها ؟

ليه

الأمير ما زى الملك ..؟

ملحوظـــــــــــــــــــــــة

لدن

الصاح

لــــــــَــــــــــــدُن ..

لــُـــــــدْن ..

و مافى ( لــُـــدَن) ..

يعنى الدال أبدا ما تفتح ..


ولَدُنْ ولُدْنٌ ولَدْنٌ ولَدِنٌ ولَدُ محذوفة منها ولَدَى مُحَوَّلة، كله: ظرف زماني ومكاني معناه عند؛ قال سيبويه: لَدُنْ

[زول الله]

حسين ياخ حيا الله صباحك الوردي كما حليت صباحنا
وصح لسانك وسلمت يمينك وحاجات كتيرة والله
ثم ..
شكيتك على الله



..

..
مافى ( لــُـــدَن) ..
يعنى الدال أبدا ما تفتح ..
ياباش اعتقد النطق لـُدَن هو السائد عندنا
والاساس لـَـدِن من اللدانة والنعومة والربربة وهكذا وهكذا*
اما الجبتهن ديل ف اظن عندهن معاني تانية برا الشبكة بتاعة اللدانة والـ هكذا:D






*تُقرأ كدا و كدا
اقول قولي هذا واستغفر الله لي..................

[بله محمد الفاضل]

ولقد تخيلت، بل قل قرأتُ يا كانديك: صوت
لا: صور
أو كما قال وقلت...
وإن كان لكل مسوغه.



كدأبك حسين
تحسن الإيقاع بنا
في دائرتي شجو وشجن
بكيفما شئت
من أزاهير عالية النسج والعطر...

سلمت لنا


محبتي الأكيدة


ويا لنا بالله تحايا خاصة للتي تشبهك وعيدها الالتفاف الأتم بكم...

[معتصم الطاهر]

اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=520441#post520441)
حسين ياخ حيا الله صباحك الوردي كما حليت صباحنا
وصح لسانك وسلمت يمينك وحاجات كتيرة والله
ثم ..
شكيتك على الله



ياباش اعتقد النطق لـُدَن هو السائد عندنا
والاساس لـَـدِن من اللدانة والنعومة والربربة وهكذا وهكذا*
اما الجبتهن ديل ف اظن عندهن معاني تانية برا الشبكة بتاعة اللدانة والـ هكذا:D






*تُقرأ كدا و كدا
اقول قولي هذا واستغفر الله لي..................




قال تعالى: من لَدُنَّا رحمةً،
وقوله تعالى: قد بَلَغْتَ من لَدُنِّي عُذْراً؛

اللَّدْنُ: اللّيِّنُ من كل شيء من عُودٍ أَو حبل أَو خُلُقٍ، والأُنثى لَدْنة، والجمع لِدانٌ ولُدْن وقد لَدُنَ لَدانةً ولُدُونةً.
ولَدَّنه هو: لَيَّنه

التَّلدُّن: التَّمكُّثُ، معنى قوله تَلدَّنَ أَي تَلَكَّأَ

[حسين أحمد حسين]

كيفي ؟؟؟
كنت كويسة قبال مداخلتك بتاعت المطاعنة دي :D:D
العنوان ع متن وانت على شماتة ومقارنة:D
البت لُدن ستي وتاااج راسي
حبيبة وقريبة وشايلة همنا ...
بس انت عايز تقول شنو في حتة العيون والبصل؟؟
ياااااادي المحاور والدواير ياحافظ...:D
أمجد فريد عندو حكاية لزيزة عن لُدن اختي
لمن مسكوها في الشمالي اثر مظاهرة
النبي خليهو يحكيها ليكم
ولُدن تستاهل خير الدنيا كلو وفي قلبها حنية العالم
قلت البطن بطرانة؟؟؟سمح ياحافظ :(
---
مشتاقييين ياحفوظ...
اظهر وبان

وشكرا للنفاج ده يااخونا حسين
جميت روحنا

وأنا من يشكركم يا أحباب،
حبابكم مطرة، تصب لا عشرة.

[حسين أحمد حسين]

ياخي هي فَجَّت ليك كل عتمات الدنيا وهج وضي ،،،،

حسين يا أخوي شكراً لحروفك السمحة دي ياخ
شكراً ليك بالجد

ناصر يوسف؛ خازن التواصل والمحبة،
شكراً يا حبيب على هذا الجيئة والمؤآزرة الودودة، وأرجو أنْ أكون بما يوازى الأشواق.

المحبة التى تعلم.

[حسين أحمد حسين]

قريتا لندن :D
ولقيت المسألة كويسة

شكرآ ياأخى على تمجيد الفضاء

جيلى القوم الخاتى اللوم، سلام وهيام من هِنى لى أمستردام.

وهل يا تُرى يجئ يومٌ نترك فيه الغناء للوطن، وننفرد بالغناء للحبيبة بعيداً عن متلازمة الحبيبة الوطن، نصفها كما وصفها شعراء الحقيبة، الرشيقة والرداح، دون تشويشٍ بالحروب والكروب والإنقاذ؟

الله للوطنِ الحبيبة.

عطفة:

بمناسبة لندن دى، إنتَ ماتجينا بى جاى ياخى، كل ناس هولندا جونا، وإنتَ مالك مابينا.

المعلوم يا حبيب.

[حسين أحمد حسين]

ياخ نص تريان ورويان ... يجمل الوقت كله
لك التحية يا حسين

أستاذنا ود مصطفى،

شكراً أنْ خصصتَ جزءاً من وقتِك لهذى اللَّدن، وشكراً لكلماتك الطيبات والحفاوة.

غاية الإمتنان.

[حسين أحمد حسين]

يا لها من لدن
هكذا هو حرفك يا سيدي حين يختال مغرداً.

وأنا أقرأ مكرراً هذه الأبيات اللادنة، قفزت الى خاطري رائعة الشاعر سيد عبدالعزيز (نظرة يا السمحة أم عجن لو كان قليل تبري الشجن)، أهديها لك وللجميع بصوت الفنان الشجي نميري.
http://www.youtube.com/watch?v=KJdRFGwgKAY
 


ثم إني وجدتُ في المقطع أعلاه من القصيدة، أن استبدال كلمة (صورتك) المفردة ب (صُوَرِك) الجمع أدعى للوزن ، أو لعلّ ذائقتي تقاصرت عن استيعاب الوزن.

لك المحبة لادنة ونضيرة

أُستاذنا طارق صديق كانديك،
تحياتى يا شفيف.

شكراً على طيِّبِ قولِك، وعلى الأُغنية العذبة يا طارق. وفيما يتعلق بملاحظتك حول الوزن، فحاشى عليك تقاصر الذائقة، ولكنَّك رُبَما قرأتَ ذلك المقطع على عجل، أو قد يكون الخطأ منِّى، فسأعيد القرأءة لا محالة.

فيوض محبة.

[حسين أحمد حسين]

كلام جميل

و مفردات سمحة عديل

و قافية كاملة

و نسج غنائي ..

أستاذنا معتصم الطاهر،

ألف تحية وشكر يا عزيزى على هذا الحرف النبيل، وعلى ذائقتِك التى تمدحك قبل أن تمدح القصيدة.

كل الإمتنان.

[حسين أحمد حسين]

اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif (http://sudanyat.org/vb/showthread.php?p=520393#post520393)



ملحوظـــــــــــــــــــــــة
لدن
الصاح
لــــــــَــــــــــــدُن ..

لــُـــــــدْن ..

و مافى ( لــُـــدَن) ..
يعنى الدال أبدا ما تفتح ..

باشمهندس سلام تانى،

لنتحدث عن: "إمرأةٌ لَدْنٌ (مفرد) ونساءٌ لُدْنٌ (جمع)"، وهو النّطقُ الصحيحُ كما أشرت.

غير أنَّ السودانيين يُحبون التخفيف، خاصةً عندما يتعلق الأمر بحروف القلقلة (قُطب جَد). ومن الصعب أن نُنادى لَدَن و لُدَن بتسكين الدال كما فى (لَدْن) و (لُدْن) فى لهجتنا السودانية. بل حتى فى العربيةِ نفسها، فإنَّ القلقلة هى إهتزاز بمقدار حركتين؛ كقولِك: قُلْ هو اللهُ أحَدَ (الفتحة على دال أحد هنا للإشارة للإهتزاز)، ولا يجوز أنْ نقف على الدال بالسكون من دون أن نُقَلقِلَها فى النُطقِ الصحيح.

لذلك درجَ النَّاس مناداة لَدْنٍ بِلَدَنْ، ولُدْنٍ بِلُدَنْ. وكذلك يفعلون بِـ"حاجْ طه". فالمصريون يتخلصون من ثِقَلِ القلقلة بكسر الجيمِ مثلاً (ربما لإلتقاءِ الساكنين)؛ كقولِهم: "حاجِّ طه" لتناسب لهجتهم. والسودانيون تخلصوا من ثِقَلِ القلقلة وثِقَلِ كسرِ الجيم ذاتها، بِإبدالها بحرفٍ آخر؛ كقولِهم: "حاى طه".

وهكذا تتحرك اللغة. وهذا لعمرى جائز، واللهُ أعلم.

المعزة.

[حسين أحمد حسين]

حسين ياخ حيا الله صباحك الوردي كما حليت صباحنا
وصح لسانك وسلمت يمينك وحاجات كتيرة والله
ثم ..
شكيتك على الله

ياباش اعتقد النطق لـُدَن هو السائد عندنا
والاساس لـَـدِن من اللدانة والنعومة والربربة وهكذا وهكذا*
اما الجبتهن ديل ف اظن عندهن معاني تانية برا الشبكة بتاعة اللدانة والـ هكذا:D

*تُقرأ كدا و كدا
اقول قولي هذا واستغفر الله لي..................


حيّاك اللهُ وجمّل صباحاتِك وحلاَّها لك،

شكراً أُستاذنا زول الله، على عبارات التشجيع والإطراء، وأرجو أن يكون الحرف قدر المشتهى.

المعزة التى تعلم.

[حسين أحمد حسين]

ولقد تخيلت، بل قل قرأتُ يا كانديك: صوت
لا: صور
أو كما قال وقلت...
وإن كان لكل مسوغه.

كدأبك حسين
تحسن الإيقاع بنا
في دائرتي شجو وشجن
بكيفما شئت
من أزاهير عالية النسج والعطر...

سلمت لنا
محبتي الأكيدة
...

الحبيب بله محمد الفاضل،
تحياتى وأشواقى.

شكراً أُستاذ بله على الحروف الوسيمة، ووسامة حرفِكَ ليستْ كلالة؛ فأنتَ من أنتَ ألمعىٌّ بخيالٍ واسع.

وحول جزئية: (صورة البلد صورِك/صورة البلد "صوتك" يَجَن) كبديل لـِ"صورة البلد صورتِك يَجَن"، فهى مُمكنة لو لا أنَّ المشهد بصرى من الدرجة الأُولى، تتماهى فيه صورتان (لا أكثر) فى بعضهما البعض؛ الوطن والحبيبة. فصور وصوت فى تقديرى المتواضع، تُضخِّم المعنى فيما لا ضرورة لذلك.

شكراً لك ولِكانديك على هذه التفاكير والمباصرة.

محبتى التى تعلم.

[محمد حسن الشيخ العالم]

حسين:

جميلة كلها ..
كهذا من لدنها الى ما لا يرأف بنا ..
صورة غاية البهاء.

دمت رائعا.

[لنا جعفر]

اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif (http://sudanyat.org/vb/showthread.php?p=520393#post520393)







يا غتيتين

بالله لنا يكون عندها أخت فى الخرتوم و بتعرفوها و ما اتعرّف عليها ؟

ليه

الأمير ما زى الملك ..؟

ملحوظـــــــــــــــــــــــة

لدن

الصاح

لــــــــَــــــــــــدُن ..

لــُـــــــدْن ..

و مافى ( لــُـــدَن) ..

يعنى الدال أبدا ما تفتح ..

ياهندسة...كيفنك؟؟؟
قبل كده وجدي الأسعد اتهم حافظ ومهند واشرف السر
بي انهم داسيني انا زاااتي في بت ام رويحتي دي :D
بعد كلامك ده جاني احساس انه انا واختي كائنات اثيرية
وفي مشكلة في قبضنا...:D
ياسيدي بس لمن تمشي الخرطوم امسك في خضر ده
وممكن حافظ برضو...
معتصم واللهي متلومة معاك...لكن لو عرفت بتعذرني
اتمناك بخير وعافية وبالغيب بندعو لي الشاب اللطيف محمد عثمان
كل الود ليك ولاسرتك الجميلة
وتسلم ياباش

[لنا جعفر]

ولقد تخيلت، بل قل قرأتُ يا كانديك: صوت
لا: صور
أو كما قال وقلت...
وإن كان لكل مسوغه.



كدأبك حسين
تحسن الإيقاع بنا
في دائرتي شجو وشجن
بكيفما شئت
من أزاهير عالية النسج والعطر...

سلمت لنا


محبتي الأكيدة


ويا لنا بالله تحايا خاصة للتي تشبهك وعيدها الالتفاف الأتم بكم...

بلة يازولاً براااك
تحايا ومحبة
تحاياك ومطايبتك وعيديتك وصلوا...
تعيش ياملك وعاجزة عن شكر لطفك وحلاوة روحك
مانتحرم من ودادك وطلاتك...
طلتك العافية وسعيدة باللفتة دي
مودتي وعرفاني

[حسين أحمد حسين]

حسين:

جميلة كلها ..
كهذا من لدنها الى ما لا يرأف بنا ..
صورة غاية البهاء.

دمت رائعا.

ومن لَدُن قلبٍ تعلَّق عِشْقَ ليلى، جاءتْ حروفُكَ هكذا طُرّاً لَدُنِّية.
أرجو أنْ تكون إطلالتُك إطلالةَ تنسُّمِ نَسْمِ النقاهة.
جميلةٌ كلُّها بحضورِكَ الباهرِ المهيب،
وبهاؤها من بهائكَ أيها السمح.

ومن قبل السلامُ، الرّوْحُ، والبركات.

المحبة التى تعلم.

[مي هاشم]

وين إنتِ يا وجعى وشفاى
أنا قلبى بالشوق إتبطن





الله عليك يا أخي

:L

[معتصم الطاهر]

اقتباس:
المشاركة الأصلية كتبت بواسطة لنا جعفر http://sudanyat.org/vb/images/buttons/viewpost.gif (http://sudanyat.org/vb/showthread.php?p=520697#post520697)
ياهندسة...كيفنك؟؟؟
قبل كده وجدي الأسعد اتهم حافظ ومهند واشرف السر
بي انهم داسيني انا زاااتي في بت ام رويحتي دي :D
بعد كلامك ده جاني احساس انه انا واختي كائنات اثيرية
وفي مشكلة في قبضنا...:D
ياسيدي بس لمن تمشي الخرطوم امسك في خضر ده
وممكن حافظ برضو...
معتصم واللهي متلومة معاك...لكن لو عرفت بتعذرني
اتمناك بخير وعافية وبالغيب بندعو لي الشاب اللطيف محمد عثمان
كل الود ليك ولاسرتك الجميلة
وتسلم ياباش





يا أخت لدن ..كيفنك ..
شوفي .. الشمس بتنشاف محل ما كنت ..
لكن ياخ مرات فى ناس غتات بحجبوا الشمس لكن ما الضو ..

بعدين أنا كميرتي دى ما بعيد عليها الخرطوم ولا مسقط ..

و النشوف آخرتا ..
جنى و جن يشكروا زول و يحندكوني ..

[حسين أحمد حسين]

الله عليك يا أخي

:L

سلامٌ سلامٌ أُهَيْل المُدام، خُذونا عليكم فأنتم كِرام.

بِتْ أبواتنا العُزاز: كدى كَلْكِلى لينا القدر دا بالدعاء بعد ورد السحر؛ كان الساجور يتفكا.
ومن قبل، عاطر التحايا لكِ وللعيال ولربَّاطة الليل. وشكراً لاستحسانك لِلَدَنْ.

المحبة، والمعزة، وكل لوازم الإحترام.

[مي هاشم]

سلامٌ سلامٌ أُهَيْل المُدام، خُذونا عليكم فأنتم كِرام.

بِتْ أبواتنا العُزاز: كدى كَلْكِلى لينا القدر دا بالدعاء بعد ورد السحر؛ كان الساجور يتفكا.
ومن قبل، عاطر التحايا لكِ وللعيال ولربَّاطة الليل. وشكراً لاستحسانك لِلَدَنْ.

المحبة، والمعزة، وكل لوازم الإحترام.




خذوني إليكم فأنتم كرام

ود أبوي الحبيب.. ومالي والأسحار؟؟ هي للمحبّين الصّادقين (واختك ياكافي البلا مليّسة تب.. لكن بحق الخوّة شاحدين الكريم وما ردّ سائل) :)


استحسان كلمة قليلة على ما وجت لُدن في نفسي.. وواجبٌ عليّ شكرك فقد جمّلت أيامي يا حسين

المعلوم

[حسين أحمد حسين]

خذوني إليكم فأنتم كرام

ود أبوي الحبيب.. ومالي والأسحار؟؟ هي للمحبّين الصّادقين (واختك ياكافي البلا مليّسة تب.. لكن بحق الخوّة شاحدين الكريم وما ردّ سائل) :)

استحسان كلمة قليلة على ما وجت لُدن في نفسي.. وواجبٌ عليّ شكرك فقد جمّلت أيامي يا حسين.

المعلوم

يا ستى هذا زمانُ النِّساء، فلا تنسَيْننا من دعائكنّ. ونسأل اللهَ أن يَجْزِيَكُنَّ الخيرَ كلَّه.

وتشكرات على الذوقِ والذائقة.
المعلوم.

[مي هاشم]

يا ستى هذا زمانُ النِّساء، فلا تنسَيْننا من دعائكنّ. ونسأل اللهَ أن يَجْزِيَكُنَّ الخيرَ كلَّه.

وتشكرات على الذوقِ والذائقة.
المعلوم.




آمين آمين آمين


جاد الزمان بوده فرعاني ** بمحبةٍ ومودةٍ وحنان

وأمدني بوصاله ونعيمه ** لكنني لا زلت منه أعاني

لا زلت من بعد الأحبة متعباً ** إذ أنهم كانوا غذاء جناني


(الأبيات للأخ مكرم الشيخ عبد القادر)

المعلوم

[حسين أحمد حسين]

آمين آمين آمين

جاد الزمان بوده فرعاني ** بمحبةٍ ومودةٍ وحنان

وأمدني بوصاله ونعيمه ** لكنني لا زلت منه أعاني

لا زلت من بعد الأحبة متعباً ** إذ أنهم كانوا غذاء جناني

(الأبيات للأخ مكرم الشيخ عبد القادر)

المعلوم

شكراً لكِ وللأُستاذ مكرم الشيخ عبد القادر يا أستاذة مى، على هذه الأبيات الشفيفة.

ومنا التحايا الشفيفة.
ما قد عُلم.