المساعد الشخصي الرقمي

مشاهدة النسخة كاملة : إفطار طالب .. معتدل مارش


مشرف منتدى نوافذ
12-05-2013, 10:42 AM
سلام جاكم..
1- البوست ده قد تكون سواقتو صعبه نظرا لإننا حنتكلم عن تفاصيل مالية ، فالرجاء التعامل مع كاتب البوست كزول بيفتش في الأرقام ليس إلا ، عشان الشفافية أولا ً ، وعشان نطلع الناس على العمل الطوعي بين الهتافات وبين البيان بالعمل ثانياً..
2- كاتب البوست ما بيفتش لأي صنيع ، عشان ما تلصقوا فيهو فرية إنو زول بيبادر بالعمل الطوعي وو .. فكرة إفطار طالب الناس إتلقتها كلها ، وإذا كان في صنيع ، بالتأكيد بيرجع للناس الساقت المشروع ده ، وإللي حتسوقو بعد التعطيل الإتعرض ليهو..

نبدأ.........

مشرف منتدى نوافذ
12-05-2013, 10:43 AM
- تصدق في قمة زهجي حصلت لي حاجه كويسه
- بشًر
- إتصل علي زول إسمو *** وقرا بوستات عن إفطار طالب ، وقال بيقدر يدعم 10 طلاب في العام الدراسي 13 -14 بس شوف الطلاب وإحتياجاتهم وأنا جاهز
- يا سلاااااااام
- يا شليل محمد ود عشه للمره التالته جا الأول ، والمرًه دي قفًل المجموع





هكذا تكلم ذرادشت.. ود حليمه

مشرف منتدى نوافذ
12-05-2013, 10:43 AM
وتكلمت زرادشته بحسره : نزلت السودان الإجازة الفاتت ، وجاني ولد صغير طلب مني أغسل العربية ، فوافقت وأخدت وأديت معاهو في الحوار .. عرفت إنو زول ذكي وأول الفصل بتاعم ، وخلى الدراسة عشان يعول أسرتو.. أها مشيت معاهو البيت وإتعرفت على ناس بيتم ، وإلتزمت بإنو إتكفل بمصاريف المعيشة و الدراسة لحدي ما يخش الجامعه ، بشرط إنو يركز فقط في الدراسة وما ينزل السوق.. وبالفعل كان بإستمرار بيحرز درجات متقدمة ، ونشأت علاقة طيبة بيني وبين أسرتو ، وكنا على تواصل لحدي ما حصلت الفاجعه.. في نتيجة إمتحانات الشهادة السودانية أحرز ( *** ) درجة كبيرة جدا ً وكان شايل النتيجة وعايز يقطع شارع الزلط عشان يضرب لي يوريني جاب كم .. بلا ضربتو عربية ، مزقت نتيجتو وجسدو الصغير و حلمو بإنو يبقى دكتور.

مشرف منتدى نوافذ
12-05-2013, 10:50 AM
وفي سودانيات .. تكلم العديد من الذرادشت
هنا في ( حق الفطور )
http://sudanyat.org/vb/showthread.php?t=23690
وممكن نلخصو في المداخلة رقم 156

* من ناحية تسمية المشروع ماعندي مانع إنو يحل إسم المرحوم خالد الحاج ، أو وجبة إفطار سودانيات ، أو أي مسمًى الناس تتفق عليهو..
* أهم نقطة في تقديري هي الجات بيها العزيزه نبراس حول : الإلتزام.. لمسئوليتنا الأخلاقية أولاً ومسئوليتنا الإجتماعية تجاه أخواننا.. وكلنا مرًينا بالظرف ده ، وعارفين معنى إنو ما تلقى حق الفطور في حين إنو زميلك عندو ، الحاجه البتخلق صدمة نفسية وتعاظم من الصراع الطبقي... فرجاءً يا شباب/ات ، ما تأخروا إرسال المساهمة بتاعتكم.

* يتم الدفع قبل 31 مارس
* باب الشيرنغ حيكون مفتوح ، وفي تقديري إنو عددية الإخوة التنسيقيين كافية ( رايكم شنو في النقطه دي ! )
أي زول مقيم خارج السودان .. يجتهد في إنو يجيب ليينا ناس يساهموا مادياً..

* النقطة التانية المهمه .. الهدوء يا أخواننا.. ما عايزين (شو) وتلميع.. كل ما الواحد قدر يعمل واجبو بدون ما يحسس الناس الحوالينو كلما كان أكتر تصالحا مع نفسو ، ورصيدو الإنساني فووق.

* بالإمكان دفع الإشتراك كل شهر ، أو دفع مقدم 3/6/9/ سنه كل حسب وضعو المالي..
يتم إرسال التحاويل المالية للأخ حافظ حسين (. ما تعمل فيها غمران ).. رقم موبايلو ..249929487608 ، للإتصال من داخل السودان 0929487608
كمسئول مالي.. وهو بدورو يعمل على تكوين لجنة مالية من الإخوة الفي التنسيق ، نبراس السيد الدمرداش
د. أحمد محمد زين
مهند الخطيب
ناصر يوسف

- كمقترح من مداخلات الأخوان/ات-

ويشوفوا الحاجه المناسبه ، عايزين ينزلوا الأداء المالي بتاع كل شهر ويذكروا فيها أسماء الناس العملوا التحاويل - بعد أخذ الإذن منهم- أهلا وسهلاً .. ما عايزين أسماء.. أهلا وسهلاً برضو.. نثق فيكم وفي حضوركم الإنساني..

* ال rate of exchange.. الدولار داٌقي الدلجة في السوق الموازي.. أمس كان عامل 5500 ، اليورو ماعندي فكرة..
في حال إنو أخواننا خارج السودان واجهو صعوبة في إرسال تحاويل مالية ، " ناس أمريكا مثلاً " .. ما عندي مانع إنو إستلمها عبر western union exchange ، بشرط إني حأنزًل ال receipt إللي حيتضمًن إسم المرسل ، وفي حالة رفض المرسل وضع إسمو حأشير للحاجه دي..
الوضع ده ممكن يتمرر على كل الأخوان خارج السودان.. وضعت إسمي لتسهيل عملية الحوالات للناس المقيمين بقطر/خارج قطر..
الإسم : الفاتح السعيد .. موبايل 0097455663802..
Elfatih Elsaeed
* النقطة الأشار ليها هيثم.. جديرة بالإحترام.. بإنو قد يقدر يساهم بشكل متقطًع.. فإذا في أخوان/ات بيقدروا إنو يساهموا بشكل متقطًع وما شهري ملتزم يقولوا عووك باللاي.

* وفقاً لتقديرات الزملاء/ات ، وبحجم المشاركين/ات في الشيرنغ الشهري ، الساندويتش حيكون خالي من المحسًنات البديعية ، إلى أن يقضي الله أمراً كان مفعولاً ، ونشوف إمكانية مربى، طحنيه ، أو طعميه.. بس محتاج شوية وكت ، والناس تركز شويًه ، وبعديها من تجارب أخواننا وأخواتنا حنستفيد أكتر.

* يتم تخصيص راتب/نثرية ، للأسر الفقيره الحتقوم بالمشروع ده ، بالتعاون مع الإخوة/ات المتطوعين ، إللي مهامهم ما بتقتصر على خلق صلة بيننا وبينهم ، بل تمتد للتعاون ، وتوزيع وجبة الإفطار ، وتوفير نقل الإفطار ، والتنسيق مع جهات المدارس الإدارية..

* المدارس المعنيه بالمشروع ده ، هي البتقع في الهامش.. إللي بتنعدم فيها البنى التحتيه ، وغالبية طلبتها بيتساووا في إنهم مقشًطين..
كبداية حنبتدي بمدرسة واحده ، يجمع عليها الإخوة في اللجنة التنسيقية ، وبعديها إن شاء الله نحاول نوسًع في مشروعنا..

* يوضع في الإعتبار لاحقاً .. بعد ما نقطع شوط.. ضرورة الإنتباه لمسألة الشرب.. بإعتبار إنو في نماذج لطلبه بيشربوا من موية ما صحيًُه ، من براميل مصدًيه وو.. وذلك بتوفير أزيار ، صهاريج ، أو الحاجه البنتفق عليها..


* يتم الإبتعاد عما يسمًى المحلية ، تجنباً لإنها تطقط حناننًا..

* مجموع الطلبة المستهدفين وفقاً لتقديرات الأخوان/ات ، ورحمة السوق بيتفاوت بين 180 - 200

* في حالة إنو طلعت قروشنا مبروكه ، وواحد مننا طلع فكي.. ومرقنا بفائض شهري.. يتم شراء الإستوك ( فول ، دقيق ، زيت )

* الإخوة الفي الجنة التنسيقية ممكن يمروا على بتعاين الأفران ، وقد نلقى لينا ود حلال يخفض لينا قيمة شوال الرغيف..

* يجب دراسة تجارب الناس السبقونا في التجربة دي ، والإستفادة من خبرتهم
- مداخلة نبراس نموذجاً-

* المتاح حاليا : بحوزة حافظ حسين
300 جنيه من أحد قراء سودانيات و التحية لهذا الصديق اينما كان
500 من أحد أعضاء سودانيات
1000 عضوة من سودانيات رفضت الاشارة لإسمها
وبحوزة ناصر يوسف شوال فول أو ما يعادله.

إتضمًت أخت عزيزة لقروب الشيرنغ ، رفضت ذكر إسمها ، حأشير ليها ب " م ".. وبكده يكون عندنا 22 زول حيلتزم شهريا بدفع 200 ج ، و13 في اللجنة التنسيقية ، وعدد 1 بيلتزم بالمساهمة متى ما سنحت أحوالو المادية

الملتزمين بالمساهمة الشهرية :
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- حسين عبد الجليل
9- ناصر يوسف
10- عبد المنعم الطيب
11- نور العين
12- حافظ حسين
13- مروان هلال
14-سر الختم
15- أحمد محمد زين
16- أميري
17 زول خرافي
18- آمال
19- مرافئ
20- العزيزه (س)
21- العزيزة (م)
21- شليل

المتطوًعين
1- حافظ حسين
2- نبراس
3- والدة نبراس
4- عبد المنعم الطيب
5- ناصر يوسف
6- بدرالدين عبدالباقي
7- رقية عمر
8- توسل نصر الدين
9- أماني حدو
10- السيدة حد الريد (والدة أماني حدو)
11- مني عبداللطيف
12- سميًة آدم
13- سمراء

المشاركين بدفع الشيرنغ بشكل غير منتظم :
1- هيثم

وزي ما شايفين المبادرين بالإلتزام 21 فرد ، والمتطوعين 13 فرد
وزي ما شايفين إنو التقديرات المالية المكتوبه في البوست بتختلف من تقديرات اليوم
وزي ما شايفين إنو مافي تحرك إيجابي ، بمعنى إنو في ناس قد يكونوا خلوا الدراسة لإعتبارات بتتعلق بإشكالات مالية ، أو يكونوا أحرزوا درجات متدنية ، لأنو فوتوا فطورم.
ما مشى المشروع بتاع إفطار طالب لإعتبارات بتتعلق بإنو ما حددنا مسئول مالي واحد ، يقوم بتمليك العضوية حركة الصادر والمنصرف في إكسل شيت ، ولأنو ما حددنا مسئول تنظيمي واحد يقوم بالتعاون مع المتطوعين في إستهداف المدارس والقيام بالواجب..
حركة الوارد ما كانت واضحة لغياب مسئول مالي محدد.. ونشأت البوستات دي
وارد مشروع إفطار طالب :
http://sudanyat.org/vb/showthread.php?t=23909
ثم إنو العمل الخيري
http://sudanyat.org/vb/showthread.php?t=26267&page=4
مشروع إفطار طالب
http://sudanyat.org/vb/showthread.php?t=25508

Sahar
12-05-2013, 10:51 AM
وجاك برضه السلام يا مُشرف نوافذ
تصدق امس خطر لي اسأل من المشروع وصل لحد وين، غيرت رأي وسكت قلت انتظر شوية قبل ما تلتصق فيني تهمة التسرع.

العمل العام بيعتمد في أساسه على الشفافية والتجرد. ورغم انه كاتب البوست نفى الفرية عن نفسه لكنها والله فرية جميلة وتهمة يتمنى الواحد انه تصبغ عليه..

مشرف منتدى نوافذ
12-05-2013, 11:02 AM
تعاني الزميلة نبراس بإعتبارها آلت ليها المسئولية المالية ، من مشاكل تقنية بتتعلق برفع ملفات الإكسل ووعدت بإرسال الملف لي.. والمتواجد معاها بيتمثل في 7800 جنيه سوداني ، وبطرف أحمد زين 3462
ونظراً لإنو همة مشروع إفطار طالب إتثبطت ، نتيجة لإنو مافي تقارير عن سير المشروع ، فبرجو المعذرة ، وبثق في تفهمكم لدواعي القيام بآكشن معتدل مارش

أولاً : وافق العزيز أشرف السر بإنو يكون المسئول المالي لسودانيات
مهمتو تتمثل في :
1- قراية البوستات المتعلقة بموضوع إفطار طالب وتحصيل المبالغ مالية منها
2- + عائد جوائز مسابقة خالد الحاج للقصة القصيرة 2013
http://sudanyat.org/vb/showthread.php?p=534657#post534657
وإللي شايفو متدني جدا جداً.. وإقترح مع الخلاصة بتاعة بوست حق الفطور
تحويل رصيد بمقدار 10 / 20 جنيه بشكل شهري وبعديها يباع الرصيد ويتخت في وارد المشروع
3- إصدار تقارير دورية عن حركة الوارد والصادر ( إن وجد )
4- التنسيق مع المسئول التنظيمي لمعرفة حوجة المدارس

ثانيا : وافق العزيز خال فاطمة إنو يكون مسئول تنظيمي ، مهمتو تتمثل في :
1/ التنسيق مع المتطوعين لسد حوجات المدارس
2/ كتابة تقارير دورية توضح الحاجه الإتعملت ، والمشاكل البنواجهها

وحرصاً على ضبط المشروع ده ، وتمليك الناس حركتو صعودا وهبوطاً ، حنقوم بإنشاء منتدى فرعي بإسم ( نفاج خالد الحاج ) يضم كل المشاريع الطوعية من نفاج
http://sudanyat.org/vb/showthread.php?t=14406&page=10
+ حق الفطور
يتم تخصيص بوستين لكل من المسئول المالي ( أشرف السر) يحمل عنوان وارد ومنصرف مشروع إفطار طالب 2013 -2014 أو بالمعني ده يوضح فيها حركة النقدية
وبوست تاني للمسئول التنظيمي (خال فاطمة ) يوضح فيهو تقرير مشروع إفطار طالب 2013 – 2014
فكلما كان الشغل مرتب كلما كان أفضل ، الناس تقدر تقيف على أخطاؤها وتعالجها..

مشرف منتدى نوافذ
12-05-2013, 11:14 AM
وجاك برضه السلام يا مُشرف نوافذ
تصدق امس خطر لي اسأل من المشروع وصل لحد وين، غيرت رأي وسكت قلت انتظر شوية قبل ما تلتصق فيني تهمة التسرع.

العمل العام بيعتمد في أساسه على الشفافية والتجرد. ورغم انه كاتب البوست نفى الفرية عن نفسه لكنها والله فرية جميلة وتهمة يتمنى الواحد انه تصبغ عليه..


جاك شيراك ، وجاك السلام ورحمة الله
بالعكس ..كلما الناس إتسرًعت كلما كان أفضل:D.. ما محتاج أقول ليك أنقري كيف مش !.. لأنو كلما إتحركنا سريع كلما ضمنًا إنو الطلبة ما يدكوا الحصص ويشتغلوا في السوق.

معتصم الطاهر
12-05-2013, 11:52 AM
سؤال واحد بس

افطار الطالب فى اليوم كم ؟ و فى العام الدراسى بى كم ؟ و حتفطروا ياتو طلبة ؟ وشنو ؟ و بياتو كيفية ؟

معتصم الطاهر
12-05-2013, 11:57 AM
اقترح
دول الخليح الاربعة يكون عندها مناديب لجمع الفلوس ..
مندوب لكل دولة
الا السعودية 3 مناديب ( شرق +غرب +الرياض)

الالتزام يكون علنى .. ( للمسئولية و ليس للفخر او غيرو)
المبالع غير معلنة

اعلان المساهمة فيهو دعم للمشروع أكتر من الصمت عنها ..

احمد زين
12-05-2013, 04:57 PM
أولاً : وافق العزيز أحمد زين بإنو يكون المسئول المالي لسودانيات


:confused::confused::confused:

معتصم الطاهر
12-05-2013, 05:25 PM
المشاركة الأصلية كتبت بواسطة مشرف منتدى نوافذ
أولاً : وافق العزيز أحمد زين بإنو يكون المسئول المالي لسودانيات




:confused::confused::confused:

كان ما وافق ..
وافق ..


و كان ما قال
قلنا ليهو ..
أها شن رايك ..!!

انت قايل التكاليف دى بدوها ساى ..
للبسدها ..

احمد زين
12-05-2013, 05:46 PM
كان ما وافق ..
وافق ..


و كان ما قال
قلنا ليهو ..
أها شن رايك ..!!

انت قايل التكاليف دى بدوها ساى ..
للبسدها ..

يا هندسة
قال ليك الموافقات اليومين دي ما بجدعوها كده ساكت:D

انت ما قاعد تقرأ جرايد ولا شنوlooool

AMAL
12-05-2013, 06:39 PM
يا هندسة
قال ليك الموافقات اليومين دي ما بجدعوها كده ساكت:D

انت ما قاعد تقرأ جرايد ولا شنوlooool

:D

اعتقد بقصد اشرف السر
م ن دا خرف خلي بالك:p

عمر صديق
12-05-2013, 06:46 PM
اتمنى ان يرى الموضوع النور بعد كل هذا الانتظار
ودائما الخطوة الاولى هى الاصعب والباقى بعد داك ساهل
الناس مشغولة بالجرى وراء لقمة العيش والمجاملات ولكن مع ده كلو حقو تخصص وقت ولو يسير من موضوع اتصدت له من ناحية عمل طوعى جاهزين
وده تلفونى
0907174898
والرصيد اترسل على ياتو رقم خالص الود

مشرف منتدى نوافذ
13-05-2013, 06:16 AM
:confused::confused::confused:

تم تعديل الخطأ ، بإدراج إسم أشرف السر بدلا عنك
ولك مني العتبى

طارق صديق كانديك
13-05-2013, 07:46 AM
الأخ مشرف منتدى نوافذ

السلام عليكم ورحمة الله

على الرغم من نبل هذا المشروع وأهميته، إلا أنني أجد أن افتراع هذا البوست بواسطة مشرف منتدى نوافذ خطأ، فمشرف منتدى نوافذ معني بالدرجة الاساس بكل ما يتعلق بحدود عمله في (منبر نوافذ)، حتى مع قرار الامانة العامة القاضي بايقاف العضو شليل، اذ ذاك حساب شخصي ينبغي ألا يتأثر به الحساب الاداري، أما أن تتعدى كتابة مشرف منتدى نوافذ الى ما بعد اشرافه على منبر نوافذ، ففي تقديري أن الأمر يجعل من قرار الأمانة العامة القاضي بايقاف العضو شليل بلا معنى.

احمد زين
13-05-2013, 08:09 AM
كان ما وافق ..
وافق ..


و كان ما قال
قلنا ليهو ..


تم تعديل الخطأ ، بإدراج إسم أشرف السر بدلا عنك
ولك مني العتبى

يا فاتح ياخ بعد قولك انت وقول معتصم ما كان عندي قول
بس حبيت اهظر ياخ

ثم انو انا في سبيل سودانيات بقبل اي تكليف وبدون تشاورني

مشرف منتدى نوافذ
13-05-2013, 09:06 AM
سؤال واحد بس

افطار الطالب فى اليوم كم ؟ و فى العام الدراسى بى كم ؟ و حتفطروا ياتو طلبة ؟ وشنو ؟ و بياتو كيفية ؟

مرحبا يا معتصم ، الإجابة على الأسئلة دي بنجيها بس نخلص من الإشو المالي

مشرف منتدى نوافذ
13-05-2013, 09:26 AM
اتمنى ان يرى الموضوع النور بعد كل هذا الانتظار
ودائما الخطوة الاولى هى الاصعب والباقى بعد داك ساهل
الناس مشغولة بالجرى وراء لقمة العيش والمجاملات ولكن مع ده كلو حقو تخصص وقت ولو يسير من موضوع اتصدت له من ناحية عمل طوعى جاهزين
وده تلفونى
0907174898
والرصيد اترسل على ياتو رقم خالص الود
كتًر خيرك يا عمر ، يا ريت الأخوان/ات المبادرين بالداخل ينسقوا معاك عشان نقدر نتحرك سوا

مشرف منتدى نوافذ
13-05-2013, 09:59 AM
الأخ مشرف منتدى نوافذ

السلام عليكم ورحمة الله

على الرغم من نبل هذا المشروع وأهميته، إلا أنني أجد أن افتراع هذا البوست بواسطة مشرف منتدى نوافذ خطأ، فمشرف منتدى نوافذ معني بالدرجة الاساس بكل ما يتعلق بحدود عمله في (منبر نوافذ)، حتى مع قرار الامانة العامة القاضي بايقاف العضو شليل، اذ ذاك حساب شخصي ينبغي ألا يتأثر به الحساب الاداري، أما أن تتعدى كتابة مشرف منتدى نوافذ الى ما بعد اشرافه على منبر نوافذ، ففي تقديري أن الأمر يجعل من قرار الأمانة العامة القاضي بايقاف العضو شليل بلا معنى.

وعليك السلام والرحمه يا طارق
لو أعدت البصر في أول مداخلة بوست مسابقة خالد الحاج للقصة القصيرة بتلقى إنو مشرف نوافذ نوًه لإنو حتكون في جوائز حتمشي لدفع مشروع إفطار طالب .. ولو أعدت البصر كرًتين في آخر مداخلة لمشرف نوافذ بتلقى إنو في دعوة من مشرف منتدى نوافذ لمتابعة بوست جوائز القصة القصيرة ، وللبوست ده.
ثانيا : البيمنع شنو إنو تتفتح نافذة من نوافذ على العمل الطوعي ! التمسك بقوالب محدده بيحد من إنو الزول منتج ، ليه ما يكون الواحد فليكسيبل ويتقبًل ماهية بوست زي ده إنت أشرت لأهميتو ، وليه ما الواحد يطوًر من نوافذ علماً بإنو جهات الإشراف الفني على علم بمنتدى (نفاج خالد الحاج ) مستقبلاً
ثالثاً : الشق المتعلق بالأمانة العامة وبشليل بتمنى توجهو للجهات المعنية
تحياتي.

عادل عسوم
13-05-2013, 10:26 AM
الأخ مشرف منتدى نوافذ

السلام عليكم ورحمة الله

على الرغم من نبل هذا المشروع وأهميته، إلا أنني أجد أن افتراع هذا البوست بواسطة مشرف منتدى نوافذ خطأ، فمشرف منتدى نوافذ معني بالدرجة الاساس بكل ما يتعلق بحدود عمله في (منبر نوافذ)، حتى مع قرار الامانة العامة القاضي بايقاف العضو شليل، اذ ذاك حساب شخصي ينبغي ألا يتأثر به الحساب الاداري، أما أن تتعدى كتابة مشرف منتدى نوافذ الى ما بعد اشرافه على منبر نوافذ، ففي تقديري أن الأمر يجعل من قرار الأمانة العامة القاضي بايقاف العضو شليل بلا معنى.
:L

معتصم الطاهر
13-05-2013, 04:36 PM
وعليك السلام والرحمه يا طارق
لو أعدت البصر في أول مداخلة بوست مسابقة خالد الحاج للقصة القصيرة بتلقى إنو مشرف نوافذ نوًه لإنو حتكون في جوائز حتمشي لدفع مشروع إفطار طالب .. ولو أعدت البصر كرًتين في آخر مداخلة لمشرف نوافذ بتلقى إنو في دعوة من مشرف منتدى نوافذ لمتابعة بوست جوائز القصة القصيرة ، وللبوست ده.
ثانيا : البيمنع شنو إنو تتفتح نافذة من نوافذ على العمل الطوعي ! التمسك بقوالب محدده بيحد من إنو الزول منتج ، ليه ما يكون الواحد فليكسيبل ويتقبًل ماهية بوست زي ده إنت أشرت لأهميتو ، وليه ما الواحد يطوًر من نوافذ علماً بإنو جهات الإشراف الفني على علم بمنتدى (نفاج خالد الحاج ) مستقبلاً
ثالثاً : الشق المتعلق بالأمانة العامة وبشليل بتمنى توجهو للجهات المعنية
تحياتي.

بس يا ريت يكون فى تكليف من مجلس الادارة بنافذة زى دى.

مشرف منتدى نوافذ
15-05-2013, 06:52 AM
نحاول نحصر الوارد بتاع المشروع وفق البوستات الإتناولت الموضوع ده..

بوست جوائز مسابقة القصة القصيرة 2013.2014
http://www.sudanyat.org/vb/showthread.php?p=534657#post534657
مداخلة 22/ ص 2
حصيلة تبرعات جوائز القصة القصيرة
موجود معاي 100 دولار + جهاز موبايل
مشكورا تبرع مبر بمبلغ 10 جنيه
بحوزة أشرف السر 500 جنيه سوداني )و (زول وعد بإرسال مبلغ 600 جنيه حيقوم بإستلامها بكره )
المجموع الكلي بحساب ال 600 جنيه الما تم إستلامها
100 دولار
110 جنيه سوداني
جهاز موبايل

بوست حق الفطور
http://www.sudanyat.org/vb/showthread.php?t=23690&page=7
المداخلة رقم 94 ص 7
إفادة من ناصر يوسف ب :
أفيد بإنو بحوزتي الآن ،،، شوال فول أو ما يعادل سعره من ( فاعلة خير)

مداخلة شليل رقم 122 / ص 9
حول الزميلة الإتبرعت بمبلغ مليون جنيه ، حتلقوا إسمها نزل في الإكسل شيت

مداخلة ناصر يوسف رقم 130/ ص 9

بطرفنا الآن مبلغ 1800 جنيه
وشوال فول أو ما يوازيه من مبلغ مالي
أجاب عنها حافظ حسين في المداخلة رقم 147 ص 10
القروش البحوزتي يا شليل مليون و تمنمية و تفاصيلها كالأتي
300 جنيه من أحد قراء سودانيات و التحية لهذا الصديق اينما كان
500 من أحد أعضاء سودانيات
1000 عضوة من سودانيات رفضت الاشارة لإسمها

المبلغ بحوزتي لكن و الله ما بقدر أكون مسئول مالي لكن ممكن أكون مراجع عام
مداخلة شليل رقم 157 / ص 11
+ تم إرسال مبلغ 500 ريال سعودي من عضو المنبر أ.ا أي ما يعادل 662 ج سوداني ، سيقوم العزيز ود حليمة بإستلامها..

نجمع المقترحات الوارده في ال 3 بوستات ، بخلاف الملخًص :
مداخلة عكود رقم 126 / ص 9
http://www.sudanyat.org/vb/showthread.php?t=23690&page=9
حول الدفع ل 3 أو 6 أو 12 شهر
التحويلات الشهريّة قد لا تكون مناسبة لكل الناس البرّه (أنا منهم)، وبعض الفي الداخل برضو.
يعني العايز يدفع مساهماتو عن 3 شهور أو 6 أو سنة، مقّدم، عن طريق تحويل واحد، ممكن.

برضو مهم إنّو الناس تذكّر بعض كل فترة.
النسيان بيحصل، وفتور الحماس برضو وارد.

مداخلة نبراس رقم 132 / ص 9 ، والنظر ليها بالتغييرات الحاصلة في السوق اليوم
http://www.sudanyat.org/vb/showthread.php?t=23690&page=9
مساء الخير

الحمدلله ربنا سهل ووصلت المنظمه وقابلت المدير فارس النور ابراهيم
بعد الترحيب والتعريف وضحت ليهو الفكره بتاعتنا وهدفنا و امكانياتنا شنو حسب ما موضح من خلال الداعمين بالشير وعددهم ومبلغ الشير طلعت بالاتي:

*اهم حاجتين الالتزام هو سر نجاح المشروع,تانيا لازم حصر الطلاب بالضبط كم لانو في بعض الادارات بيحتالوا بعدد غير حقيقي للطلاب

*افطار طالب واحد طيلة العام الدراسي بيكلف 140ج دا باعتبار الغلاء الفي البلد والبكون اثر على مدخلات الوجبه نفسها
يعني بحسبه بسيطه اذا التزم الجميع بمبلغ الشير 200 شهري دا بخلينا نقدم افطار ل 210 طالب

*وجبة الافطار نفسها ممكن تتنوع ما بين الفول و السلطه و البليله حسب الامكانيات وبكون افضل انها تتنوع

*عدم المجاذفه بجودة الافطار..بمعنى انو لو فكرنا نعمل افطار ونساعد اسره من خلال الزامها بعمل الافطار دا بيأثر على الوجبه فيما بعد..الافضل اما زول من المتطوعين يقوم بتجهيز الافطار والالتزام بتوصيلو او الاتفاق مع البوفيه الفي المدرسه او استقطاب معلمه من المدرسه

*الاتفاق مع ادارة المدرسه على طريقه معينه للاشراف على ضمان وصول الافطار للطلبه المعنيين

*اهم شيء ضمان الاستمراريه يعني الناس ممكن تمر بظروف دا بخلاف المرض و الموت عافاكم الله و طول عمركم فالناس تخت في بالها الحته دي

*مراعاة الحاله النفسية للطلاب ودي ممكن معالجتها بعد حصر الطلاب باعطاء كل طالب كوبون يقدمو لحظة الافطار ويستلم فطورو

*شاهدت ريبورتاج صورتو قناة الجزيره عن مشروع افطار تلميذ وكان شيء مؤثر جدا..بيحكي استاذ سيف انو اثناء التصوير لاحظ مراسل القناه انو في طفله بتاكل وبتدس جزء في طرفها فلما اتكلم معاها قالت ليهو دا لاختي لانو في مدرستهم مافي فطور
نموذج تاني مدرسه في منطقة ودالحوري كانت مغلقه بسبب عدم توفر وجبة الافطار بعد مشروع افطار تلميذ اول سنه رجع للدراسه 85 تلميذ والعام الماضي 152 تقريبا
النماذج دي بتوضح اهمية المشروع دا لمجموعه من الطلاب والاسر الممكن تكون منتظرا اولادها متين يخلصو تعليم ويشيلو حملها

الملفت للنظر انو كل الحالات دي في نطاق ولاية الخرطوم فقط والملفت اكثر انو في مدارس في مناطق زي الرياض والمنشيه و الطائف باعتبارها من الاحياء الراقيه مدارسها الحكوميه بتعاني من تسرب الطلبه بسبب وجبة الافطار لانها ببساطه لا يدرس فيها الا البسطاء

ابدى استاذ سيف الاستعداد للتعاون مع سودانيات مع الاحتفاظ بحقها الادبي
طلب انو في حالة حصل شورت في اي وقت اللجؤ ليهم لانو اصعب شيء انو تنقطع الوجبه اثناء العام
كما سمح بانو نستخدم اي ماده مصوره تابعه للمنظمه نلقاها في كل وسائل الميديا من يوتيوب و فيس بوك وانا استاذنتو في اني انزل تقرير قناة الجزيره في المنتدى

مقترح هيثم علي الشفيع رقم 140 في نفس البوست ص 10
أقترح :

تحديد جهة معينة -وبطريقة معينة "تحويل الرصيد مثلاً"- لإستلام مساهمات غير المضمنين في قوائم "شليل" أعلاه(مادية أو عينية)...

وطبيعي إنو البحر ما بيابا الزيادة
----
بجي أواصل ، واقف حاليا ص 12 من بوست حق الفطور

معتصم الطاهر
15-05-2013, 07:31 AM
اقتراح نجميع البوستات فى بوست واحد ..

ما ممكن تجهجهونا كدا ..

دا كلام زول عندو حديدة حالتو ..

المجموع الكلي بحساب ال 600 جنيه الما تم إستلامها
100 دولار
110 جنيه سوداني
يعنى 1400 ..

و ما زلت عند وعدى إن شاء الله .

معتصم الطاهر
15-05-2013, 07:34 AM
*ثم انو العمل الخيري* ‏( 1 2)



حق الفطور ‏( 1 2 3 ... الصفحة الأخيرة)وارد مشروع إفطار طالب ‏( 1 2)
إفطار طالب .. معتدل مارش

سر الختم إبراهيم نقد
15-05-2013, 08:05 AM
أسمع جعجعةً ، ولا أرى طِحنا.
مع الاحترام للجميع.

سر الختم إبراهيم نقد
15-05-2013, 08:07 AM
الطلبة المعنيين ديل حيفطروا كلام؟؟؟.

معتصم الطاهر
15-05-2013, 08:35 AM
المدارس حتفتح يوم كم ؟

المدرسة المعنية

كم الميزانية المتوقعة لهذا العام : ( "N" طالب ×Y جنيه = NY)..

احمد زين
15-05-2013, 08:56 AM
أسمع جعجعةً ، ولا أرى طِحنا.
مع الاحترام للجميع.

الطلبة المعنيين ديل حيفطروا كلام؟؟؟.

يا اخوانا زي الكلام ده محبط ومؤذي في نفس الوقت للناس الشغالة بجهدها ووقتها (الثمين)

يا قولو خير يا اعفونا من الشغلانة دي

سر الختم إبراهيم نقد
15-05-2013, 09:19 AM
يا اخوانا زي الكلام ده محبط ومؤذي في نفس الوقت للناس الشغالة بجهدها ووقتها (الثمين)

يا قولو خير يا اعفونا من الشغلانة دي
آسف يا أخي أحمد إذا كلامي أحبطك.
لكن تفتكر حوالى عامين منذ ظهور الفكرة وحتى تاريخه ولم تنفذ مامحبطة؟ ولا التضخم الحصل وفقدت الفلوس نصف قيمتها ما محبط؟.
ولا الجائع حينتظر حتى ننتهي من التنظير.
رأيي الواحد لو وقف في باب المدرسة وحصر المحتاجين وما أكثرهم ووزع الفلوس 2 جنيه لكل واحد كان المشروع نجح ورأى النور.
أعفى لي.

مشرف منتدى نوافذ
15-05-2013, 11:37 AM
النقاط الحأسوق بيها البوست ده بتتمثل في :
1- تجميع الداتا للمسئول المالي ، بعد عرض الإكسل شيت والوقوف على الملاحظات ، ومن ثم تسليمها للمسئول المالي
2- تجميع الداتا البتتمثل في المقترحات والخلاصة وتسليمها للمسئول التنظيمي
في الأثناء دي حيقوم المشرف الفني بإنشاء منتدى (نفاج خالد الحاج ) بقسمينو الفرعيين
المنتدى الفرعي الأول :وارد ومنصرف إفطار طالب : يفتح المسئول المالي فيهو بوست بما معناهو : التقرير المالي لإفطار طالب 2013- 2014 ، يرفق بداخلو ايصالات الإستلام ، بعد مسح أسماء المرسلين وترميزهم ، ومكاتبة المرسلين لإبراء الذمة برسائل داخلية توضح المداخلة رقم (كذا ) صفحة (كذا ) بالمبلغ (كذا ) تخصك
+ المسئول المالي هو الجهة المعنية بتمليك العضوية حركة الوارد والمنصرف
+ على المسئول المالي الإلتزام بأوجه الصرف ما تمشي لأي جند تاني ، وإذا إدعى الداعي لكده ، يقوم بالتشاور مع الجمعية العمومية بتاعة النفاج ( والمكونة من المبادرين ) ويقرروا بشأن المستجد.
المنتدى الفرعي التاني : تقارير أداء سير العمل الطوعي

يقوم المسئول التنظيمي بفتح بوست بما معناهو ( تقرير حول مدرسة (**) للعام الدراس 2013 التيرم الأول / التاني ) يوضح لينا العراقيل البتواجهو في إفطار طالب ، ونحاول مع بعض بقدر الإمكان نزلل العقبات دي.

3- كل البوستات من شاكلة النفاج ، إفطار طالب ، العمل الطوعي ، حق الفطور ، حتجمًع في المنتدى المعني.. كريفرنس الناس ممكن تلجأ ليهو وتقوًم خطواتها + إبراء ذمم ، بالرغم من ثقتنا الكاملة في المبادرين.

4- المدرسة تم تحديدها ، وكلفة إفطار طالب حنجيها مع متطلبات السوق ، قليل من الصبر لا يضير.

مشرف منتدى نوافذ
18-05-2013, 10:52 AM
نحاول نحصر الوارد بتاع المشروع وفق البوستات الإتناولت الموضوع ده..

بوست جوائز مسابقة القصة القصيرة 2013.2014
http://www.sudanyat.org/vb/showthread.php?p=534657#post534657
مداخلة 22/ ص 2


بوست حق الفطور
http://www.sudanyat.org/vb/showthread.php?t=23690&page=7
المداخلة رقم 94 ص 7
إفادة من ناصر يوسف ب :


مداخلة شليل رقم 122 / ص 9
حول الزميلة الإتبرعت بمبلغ مليون جنيه ، حتلقوا إسمها نزل في الإكسل شيت

مداخلة ناصر يوسف رقم 130/ ص 9


أجاب عنها حافظ حسين في المداخلة رقم 147 ص 10

مداخلة شليل رقم 157 / ص 11


نجمع المقترحات الوارده في ال 3 بوستات ، بخلاف الملخًص :
مداخلة عكود رقم 126 / ص 9
http://www.sudanyat.org/vb/showthread.php?t=23690&page=9
حول الدفع ل 3 أو 6 أو 12 شهر


مداخلة نبراس رقم 132 / ص 9 ، والنظر ليها بالتغييرات الحاصلة في السوق اليوم
http://www.sudanyat.org/vb/showthread.php?t=23690&page=9


مقترح هيثم علي الشفيع رقم 140 في نفس البوست ص 10
أقترح :


----
بجي أواصل ، واقف حاليا ص 12 من بوست حق الفطور

مواصلة لحصر الوارد ، والمقترحات ، من خلال البوستات
الوارد
الرجاء من الأخ المسئول المالي الإنتباه ، لأنو في أرقام قد تتكرر.. أنا هنا بحاول أجمًع ليك الداتا ، وبعديها إنت قارن..
ثم إنو العمل الخيري :
مداخلة نبراس رقم 10 / ص 1

http://www.sudanyat.org/vb/showthread.php?t=26267
مساء الخير الحبيبه امال
ومساء الخير ضيوفك الكرام
ادناه تفاصيل المبلغ المعاي بالضبط

وهي موجوده في البنك 8500 ج
تفاصيلها كالاتي:
اشتراك 5 شهور من عضوين كل واحد 1000ج
اشتراك 4 شهور من احدى العضوات 800ج و200ج منها نثريه للحركه
تبرع من صديقة حبيبه للكل ب 1000ج
مساهمه من احد الاعضاء 200ج
ومن عضو اخر 90ج
اشتراك شهر من احد الاعضاء 200ج
مساهمه من احدى العضوات 730ج
مساهمه من سيدات من المملكه العربيه السعوديه ارسلت بواسطة العضو شهاب 3500ج
__________________

عن نفسي حيكون واحد من مشاريعي خلال تواجدي في مجلس الاداره انجاح مشروع افطار طالب وبث الروح فيه من جديد وجاهزه للمحاسبه في اي وقت

ملحوظه:
المبالغ دي اتحولت كلها باسمي ما عدا ال 730 سلمني ليها ناصر يوسف عن طريق خال فاطنه

مداخلة أحمد زين رقم 11/ ص 1
هناك 3460ج استلمتها من حافظ حسين (قبل الحردة الاخيرة)
موجودة بطرفي

بوست وارد إفطار طالب
http://www.sudanyat.org/vb/showthread.php?t=23909

مداخلة شليل رقم 1
تم إستلام مبلغ 150 USD من الأخ العزيز عضو المنبر ح ، قمت بتحويلها للأخ حافظ حسين بما يقابل 737 جنيه سوداني.

فله الشكر أجزله.

مداخلة شليل رقم 2
+ * المتاح حاليا : بحوزة حافظ حسين
+ 300 جنيه من أحد قراء سودانيات و التحية لهذا الصديق اينما كان
+ 500 من أحد أعضاء سودانيات
+ 1000 عضوة من سودانيات رفضت الاشارة لإسمها
+ تم إرسال مبلغ 500 ريال سعودي من عضو المنبر أ.ا أي ما يعادل 662 ج سوداني ، سيقوم العزيز ود حليمة بإستلامها..
فله التحيه والتجله.
وبحوزة ناصر يوسف شوال فول أو ما يعادله.
+ بوتوجاز
+ أنبوبه

مداخلة حافظ حسين رقم 3
شكراً شليل
أستلمت أمس يوم 1-4-2012 مبلغ 660 جنيه أي ما يعادل 500 ريال سعودي من أحد أعضاء سودانيات الذي رفض ذكر إسمه....
و يصير المبلغ حتي الان بحوزتي 2460 جنيه

تم تحويل مبلغ 600 جنيه من أحد الأعضاء بقطر لكن الزول المفروض يسلمني قال أن هنالك خطأ في المعلومات و علي زميل قطر مراجعة الأمر
مبلغ 400 جنيه من أحد الأعضاء بالسعودية و سيد التلفون نكرني حطب... زميل السعودية شكله كتب التلفون غلط عليه المراجعة...

تشكرون جميعاً
والتي أعقبها بالمداخلة رقم 12
إستلمت يوم 3-4 مبلغ 400 الف من أحد أعضاء سودانيات من المملكة العربية السعودية الزميل (ط) و عليه يصير إجمالي المبلغ المستلم 2860.
هنالك مبلغ 730 من الزميل (ح) من أمريكا مرسل بواسطة الزميل شليل لم أتمكن من إستلامه لإشكالات في الاسم و المبلغ و لكن قد حلت جميع هذه الاشكالات اليوم عبر التلفون و سوف استلم المبلغ يوم غداً...
مداخلة نبراس رقم 18/ص 2
مساء الخير

قمت باستلام مبلغ 1000ج اليوم
مداخلة حافظ حسين رقم 19/ص 2
استلمت اليوم مبلغ 600 جنيه من أحد الأعضاء بأمريكا (م) و سوف اسلم كامل المبلغ غداً للزميلة نبراس
مداخلة نبراس رقم 21/ ص 2
مساء الخير
اول الامس استلمت مبلغ 1000ج
800 للفطور
200 نثريه للحركه و المواصلات

كامل المبلغ بحوزتي 2000ج قمت اليوم بايداعها ببنك الخرطوم فرع البلديه بحري

مداخلة نبراس رقم 26/ص 2
تم اليوم استلام مبلغ 2150ج
1000 من احد الاعضاء عباره عن تبرع ل5 شهور دراسيه
1000 من صديقه لسودانيات
150 تبرع من احد الاعضاء
مداخلة نبراس رقم 30/ص 2
استلمت اول امس مبلغ 100ج رصيد وعند البيع اصبحت 90
وبالامس استلمت 200ج كاش
مداخلة نبراس 95/ ص 4
استلمت مبلغ 780ج
730 مساهمه من اختنا في بلاد اوروبا
و50 من احد الاخوان تتممه لمساهمتو الشهريه

جملة المبالغ المعاي
اشتراك 5 شهور من عضوين كل واحد 1000ج
اشتراك 4 شهور من احدى العضوات 800ج و200ج منها نثريه للحركه
تبرع من صديقة حبيبه للكل ب 1000ج
مساهمه من احد الاعضاء 200ج
ومن عضو اخر 90ج
اشتراك شهر من احد الاعضاء 200ج
مساهمه من احدى العضوات 730ج

جملة المبلغ 5220ج
مداخلة شيهاب رقم 53/ص 4
مبلغ بطرفي قيمته 2500 ريال سعودي

سعر الصرف اليوم 1400

القروش بالسوداني 3500000

سوف أرسلها لعروستنا الجميلة نبراس لانو حافظ حسين ما بيرد علي التلفون

مداخلة ناصر يوسف رقم 35 / ص3
إستلمت مساء الأمس من يد الأخ الحبيب حافظ حسين
مبلغ 730 جنيه سوداني
وهي تبرع كريم من أخت وزميلة كريمة من أوروبا
المداخلة رقم 44 /ص 3 لشليل
إتصل على الزميل ش من السعودية ، وقال إتمررت الفكرة دي على مجموعة نساء تقدر عدديتمهم ب 25 ورحبوا بالفكرة وأبدوا إستعدادهم لإنو يقدموا البيقدروا عليهم.. المبلغ المتوقع جمعوا منهم يفوق 12000 ريال... مبدئياً في 4 أخوات جمعوا مبلغ 2500 ريال حيقوم بإرسالها لنبراس.


المقترحات :
مقترح وهاد بضرورة التحرك وعدم تجميد المبالغ : مداخلة رقم 21/ ص 2 من بوست ثم إنو العمل الخيري
http://www.sudanyat.org/vb/showthread.php?t=26267&page=2
أولا: بحسب حساب نبراس ود. احمد, الموجود الآن 11,960 جنيه.
قيمتها في السنة الجديدة أبداً لن تساوي 11,960 جنيه !!! فهل هناك إنتباه لتناقص القيمة المادية للمبلغ؟
مداخلة شليل رقم 25/ ص 2 بوست (وارد إفطار طالب )
http://www.sudanyat.org/vb/showthread.php?t=23909&page=2


يرجى مشكوراً تعيين مسئول مالي للجنتكم المالية ومن ثم إرفاق ملف إكسل يوضح الوارد ومن أي جهات ( الإشارة لرموز أ/ب في حالة تحفظ الإسم ) والعينات التي تم إستلامها (فول ، بوتجاز ، إلخ )
ولكم مني الشكر أجزله

مشرف منتدى نوافذ
18-05-2013, 11:05 AM
السيد المسئول المالي : أشرف السر
قبل ما أفصل الداتا المتعلقة بالحسابات عن المقترحات
1/ رجاء تتصل على حافظ حسين بخصوص (ود البلد ) المن خارج سودانيات وإللي قال إنو بمقدورو يتكفًل بإفطار 10 طلاب..
2/ وبرجو مشكوراً الإتصال بنبراس بخصوص ملف إكسل شيت ، وتنزلو هنا ، بعد ترميز أسماء المرسلين ( وإخطارهم برسائل داخلية ) ، وبعد ما تساهر في الداتا دي:D ، تعمل أبديت للملف بتاعك ، واضعاً في الإعتبار إنو في أرقام قد تتكرر.
3/ وضع رقم موبايلك عشان تسهل عملية التحاويل

--------------

بوست جوائز مسابقة القصة القصيرة 2013.2014
http://www.sudanyat.org/vb/showthrea...657#post534657
مداخلة 22/ ص 2
اقتباس:
حصيلة تبرعات جوائز القصة القصيرة
موجود معاي 100 دولار + جهاز موبايل
مشكورا تبرع مبر بمبلغ 10 جنيه
بحوزة أشرف السر 500 جنيه سوداني )و (زول وعد بإرسال مبلغ 600 جنيه حيقوم بإستلامها بكره )
المجموع الكلي بحساب ال 600 جنيه الما تم إستلامها
100 دولار
110 جنيه سوداني
جهاز موبايل
بوست حق الفطور
http://www.sudanyat.org/vb/showthrea...t=23690&page=7
المداخلة رقم 94 ص 7
إفادة من ناصر يوسف ب :
اقتباس:
أفيد بإنو بحوزتي الآن ،،، شوال فول أو ما يعادل سعره من ( فاعلة خير)


مداخلة شليل رقم 122 / ص 9
حول الزميلة الإتبرعت بمبلغ مليون جنيه ، حتلقوا إسمها نزل في الإكسل شيت

مداخلة ناصر يوسف رقم 130/ ص 9

اقتباس:
بطرفنا الآن مبلغ 1800 جنيه
وشوال فول أو ما يوازيه من مبلغ مالي
أجاب عنها حافظ حسين في المداخلة رقم 147 ص 10
اقتباس:
القروش البحوزتي يا شليل مليون و تمنمية و تفاصيلها كالأتي
300 جنيه من أحد قراء سودانيات و التحية لهذا الصديق اينما كان
500 من أحد أعضاء سودانيات
1000 عضوة من سودانيات رفضت الاشارة لإسمها

المبلغ بحوزتي لكن و الله ما بقدر أكون مسئول مالي لكن ممكن أكون مراجع عام
مداخلة شليل رقم 157 / ص 11
اقتباس:
+ تم إرسال مبلغ 500 ريال سعودي من عضو المنبر أ.ا أي ما يعادل 662 ج سوداني ، سيقوم العزيز ود حليمة بإستلامها..
ثم إنو العمل الخيري :
مداخلة نبراس رقم 10 / ص 1

http://www.sudanyat.org/vb/showthread.php?t=26267
اقتباس:
مساء الخير الحبيبه امال
ومساء الخير ضيوفك الكرام
ادناه تفاصيل المبلغ المعاي بالضبط

وهي موجوده في البنك 8500 ج
تفاصيلها كالاتي:
اشتراك 5 شهور من عضوين كل واحد 1000ج
اشتراك 4 شهور من احدى العضوات 800ج و200ج منها نثريه للحركه
تبرع من صديقة حبيبه للكل ب 1000ج
مساهمه من احد الاعضاء 200ج
ومن عضو اخر 90ج
اشتراك شهر من احد الاعضاء 200ج
مساهمه من احدى العضوات 730ج
مساهمه من سيدات من المملكه العربيه السعوديه ارسلت بواسطة العضو شهاب 3500ج
__________________

عن نفسي حيكون واحد من مشاريعي خلال تواجدي في مجلس الاداره انجاح مشروع افطار طالب وبث الروح فيه من جديد وجاهزه للمحاسبه في اي وقت

ملحوظه:
المبالغ دي اتحولت كلها باسمي ما عدا ال 730 سلمني ليها ناصر يوسف عن طريق خال فاطنه
مداخلة أحمد زين رقم 11/ ص 1
اقتباس:
هناك 3460ج استلمتها من حافظ حسين (قبل الحردة الاخيرة)
موجودة بطرفي
بوست وارد إفطار طالب
http://www.sudanyat.org/vb/showthread.php?t=23909

مداخلة شليل رقم 1
اقتباس:
تم إستلام مبلغ 150 USD من الأخ العزيز عضو المنبر ح ، قمت بتحويلها للأخ حافظ حسين بما يقابل 737 جنيه سوداني.

فله الشكر أجزله.
مداخلة شليل رقم 2
اقتباس:
+ * المتاح حاليا : بحوزة حافظ حسين
+ 300 جنيه من أحد قراء سودانيات و التحية لهذا الصديق اينما كان
+ 500 من أحد أعضاء سودانيات
+ 1000 عضوة من سودانيات رفضت الاشارة لإسمها
+ تم إرسال مبلغ 500 ريال سعودي من عضو المنبر أ.ا أي ما يعادل 662 ج سوداني ، سيقوم العزيز ود حليمة بإستلامها..
فله التحيه والتجله.
وبحوزة ناصر يوسف شوال فول أو ما يعادله.
+ بوتوجاز
+ أنبوبه
مداخلة حافظ حسين رقم 3
اقتباس:
شكراً شليل
أستلمت أمس يوم 1-4-2012 مبلغ 660 جنيه أي ما يعادل 500 ريال سعودي من أحد أعضاء سودانيات الذي رفض ذكر إسمه....
و يصير المبلغ حتي الان بحوزتي 2460 جنيه

تم تحويل مبلغ 600 جنيه من أحد الأعضاء بقطر لكن الزول المفروض يسلمني قال أن هنالك خطأ في المعلومات و علي زميل قطر مراجعة الأمر
مبلغ 400 جنيه من أحد الأعضاء بالسعودية و سيد التلفون نكرني حطب... زميل السعودية شكله كتب التلفون غلط عليه المراجعة...

تشكرون جميعاً
والتي أعقبها بالمداخلة رقم 12
اقتباس:
إستلمت يوم 3-4 مبلغ 400 الف من أحد أعضاء سودانيات من المملكة العربية السعودية الزميل (ط) و عليه يصير إجمالي المبلغ المستلم 2860.
هنالك مبلغ 730 من الزميل (ح) من أمريكا مرسل بواسطة الزميل شليل لم أتمكن من إستلامه لإشكالات في الاسم و المبلغ و لكن قد حلت جميع هذه الاشكالات اليوم عبر التلفون و سوف استلم المبلغ يوم غداً...
مداخلة نبراس رقم 18/ص 2
اقتباس:
مساء الخير

قمت باستلام مبلغ 1000ج اليوم
مداخلة حافظ حسين رقم 19/ص 2
اقتباس:
استلمت اليوم مبلغ 600 جنيه من أحد الأعضاء بأمريكا (م) و سوف اسلم كامل المبلغ غداً للزميلة نبراس
مداخلة نبراس رقم 21/ ص 2
اقتباس:
مساء الخير
اول الامس استلمت مبلغ 1000ج
800 للفطور
200 نثريه للحركه و المواصلات

كامل المبلغ بحوزتي 2000ج قمت اليوم بايداعها ببنك الخرطوم فرع البلديه بحري
مداخلة نبراس رقم 26/ص 2
اقتباس:
تم اليوم استلام مبلغ 2150ج
1000 من احد الاعضاء عباره عن تبرع ل5 شهور دراسيه
1000 من صديقه لسودانيات
150 تبرع من احد الاعضاء
مداخلة نبراس رقم 30/ص 2
اقتباس:
استلمت اول امس مبلغ 100ج رصيد وعند البيع اصبحت 90
وبالامس استلمت 200ج كاش
مداخلة نبراس 95/ ص 4
اقتباس:
استلمت مبلغ 780ج
730 مساهمه من اختنا في بلاد اوروبا
و50 من احد الاخوان تتممه لمساهمتو الشهريه

جملة المبالغ المعاي
اشتراك 5 شهور من عضوين كل واحد 1000ج
اشتراك 4 شهور من احدى العضوات 800ج و200ج منها نثريه للحركه
تبرع من صديقة حبيبه للكل ب 1000ج
مساهمه من احد الاعضاء 200ج
ومن عضو اخر 90ج
اشتراك شهر من احد الاعضاء 200ج
مساهمه من احدى العضوات 730ج

جملة المبلغ 5220ج
مداخلة شيهاب رقم 53/ص 4
اقتباس:
مبلغ بطرفي قيمته 2500 ريال سعودي

سعر الصرف اليوم 1400

القروش بالسوداني 3500000

سوف أرسلها لعروستنا الجميلة نبراس لانو حافظ حسين ما بيرد علي التلفون
مداخلة ناصر يوسف رقم 35 / ص3
اقتباس:
إستلمت مساء الأمس من يد الأخ الحبيب حافظ حسين
مبلغ 730 جنيه سوداني
وهي تبرع كريم من أخت وزميلة كريمة من أوروبا
المداخلة رقم 44 /ص 3 لشليل
اقتباس:
إتصل على الزميل ش من السعودية ، وقال إتمررت الفكرة دي على مجموعة نساء تقدر عدديتمهم ب 25 ورحبوا بالفكرة وأبدوا إستعدادهم لإنو يقدموا البيقدروا عليهم.. المبلغ المتوقع جمعوا منهم يفوق 12000 ريال... مبدئياً في 4 أخوات جمعوا مبلغ 2500 ريال حيقوم بإرسالها لنبراس.

مشرف منتدى نوافذ
18-05-2013, 11:16 AM
السيد المسئول التنظيمي : خال فاطمه
شاكر ليك جداً إنو بالرغم من إنو الشغل بياخد زمن طويل منك ، إلا إنك أبديت رغبتك في إنك تكون حاضر .. ويا سيدي إذا في أي ظرف من الظروف إبتلعتك دوامة العمل في أخوانك زي هاني عربي ممكن يواصلو معاك..
المطلوب إنك تعد التقارير حول مشروع إفطار طالب.. وإنت وتقديرك ، شهرية ، نصف سنوية.. تبعاً حالة المدرسة المستهدفة..
تعكس لينا النشاط إللي بتقوموا بيهو إنت ومجموعة المبادرين - إللي موجودة في الصفحة الأولى - وتطلعونا على العقبات البتواجهكم سواء كانت إدارية أو مالية ، علشان نحاول مع بعض إنو نوجد ليها حل.
---
المقترحات أدناه دي حصيلة 3 بوستات ، يرجى الإطلاع عليها :
مداخلة عكود رقم 126 / ص 9
http://www.sudanyat.org/vb/showthrea...t=23690&page=9
حول الدفع ل 3 أو 6 أو 12 شهر
اقتباس:
التحويلات الشهريّة قد لا تكون مناسبة لكل الناس البرّه (أنا منهم)، وبعض الفي الداخل برضو.
يعني العايز يدفع مساهماتو عن 3 شهور أو 6 أو سنة، مقّدم، عن طريق تحويل واحد، ممكن.

برضو مهم إنّو الناس تذكّر بعض كل فترة.
النسيان بيحصل، وفتور الحماس برضو وارد.
مداخلة نبراس رقم 132 / ص 9 ، والنظر ليها بالتغييرات الحاصلة في السوق اليوم
http://www.sudanyat.org/vb/showthrea...t=23690&page=9
اقتباس:
مساء الخير

الحمدلله ربنا سهل ووصلت المنظمه وقابلت المدير فارس النور ابراهيم
بعد الترحيب والتعريف وضحت ليهو الفكره بتاعتنا وهدفنا و امكانياتنا شنو حسب ما موضح من خلال الداعمين بالشير وعددهم ومبلغ الشير طلعت بالاتي:

*اهم حاجتين الالتزام هو سر نجاح المشروع,تانيا لازم حصر الطلاب بالضبط كم لانو في بعض الادارات بيحتالوا بعدد غير حقيقي للطلاب

*افطار طالب واحد طيلة العام الدراسي بيكلف 140ج دا باعتبار الغلاء الفي البلد والبكون اثر على مدخلات الوجبه نفسها
يعني بحسبه بسيطه اذا التزم الجميع بمبلغ الشير 200 شهري دا بخلينا نقدم افطار ل 210 طالب

*وجبة الافطار نفسها ممكن تتنوع ما بين الفول و السلطه و البليله حسب الامكانيات وبكون افضل انها تتنوع

*عدم المجاذفه بجودة الافطار..بمعنى انو لو فكرنا نعمل افطار ونساعد اسره من خلال الزامها بعمل الافطار دا بيأثر على الوجبه فيما بعد..الافضل اما زول من المتطوعين يقوم بتجهيز الافطار والالتزام بتوصيلو او الاتفاق مع البوفيه الفي المدرسه او استقطاب معلمه من المدرسه

*الاتفاق مع ادارة المدرسه على طريقه معينه للاشراف على ضمان وصول الافطار للطلبه المعنيين

*اهم شيء ضمان الاستمراريه يعني الناس ممكن تمر بظروف دا بخلاف المرض و الموت عافاكم الله و طول عمركم فالناس تخت في بالها الحته دي

*مراعاة الحاله النفسية للطلاب ودي ممكن معالجتها بعد حصر الطلاب باعطاء كل طالب كوبون يقدمو لحظة الافطار ويستلم فطورو

*شاهدت ريبورتاج صورتو قناة الجزيره عن مشروع افطار تلميذ وكان شيء مؤثر جدا..بيحكي استاذ سيف انو اثناء التصوير لاحظ مراسل القناه انو في طفله بتاكل وبتدس جزء في طرفها فلما اتكلم معاها قالت ليهو دا لاختي لانو في مدرستهم مافي فطور
نموذج تاني مدرسه في منطقة ودالحوري كانت مغلقه بسبب عدم توفر وجبة الافطار بعد مشروع افطار تلميذ اول سنه رجع للدراسه 85 تلميذ والعام الماضي 152 تقريبا
النماذج دي بتوضح اهمية المشروع دا لمجموعه من الطلاب والاسر الممكن تكون منتظرا اولادها متين يخلصو تعليم ويشيلو حملها

الملفت للنظر انو كل الحالات دي في نطاق ولاية الخرطوم فقط والملفت اكثر انو في مدارس في مناطق زي الرياض والمنشيه و الطائف باعتبارها من الاحياء الراقيه مدارسها الحكوميه بتعاني من تسرب الطلبه بسبب وجبة الافطار لانها ببساطه لا يدرس فيها الا البسطاء

ابدى استاذ سيف الاستعداد للتعاون مع سودانيات مع الاحتفاظ بحقها الادبي
طلب انو في حالة حصل شورت في اي وقت اللجؤ ليهم لانو اصعب شيء انو تنقطع الوجبه اثناء العام
كما سمح بانو نستخدم اي ماده مصوره تابعه للمنظمه نلقاها في كل وسائل الميديا من يوتيوب و فيس بوك وانا استاذنتو في اني انزل تقرير قناة الجزيره في المنتدى

مقترح وهاد بضرورة التحرك وعدم تجميد المبالغ : مداخلة رقم 21/ ص 2 من بوست ثم إنو العمل الخيري
http://www.sudanyat.org/vb/showthrea...t=26267&page=2
اقتباس:
أولا: بحسب حساب نبراس ود. احمد, الموجود الآن 11,960 جنيه.
قيمتها في السنة الجديدة أبداً لن تساوي 11,960 جنيه !!! فهل هناك إنتباه لتناقص القيمة المادية للمبلغ؟
مداخلة شليل رقم 25/ ص 2 بوست (وارد إفطار طالب )
http://www.sudanyat.org/vb/showthrea...t=23909&page=2


اقتباس:
يرجى مشكوراً تعيين مسئول مالي للجنتكم المالية ومن ثم إرفاق ملف إكسل يوضح الوارد ومن أي جهات ( الإشارة لرموز أ/ب في حالة تحفظ الإسم ) والعينات التي تم إستلامها (فول ، بوتجاز ، إلخ )
ولكم مني الشكر أجزله

أبوبكر عباس
18-05-2013, 12:26 PM
سلام يا أحمد
الإقتباسات والروابط الكثيرة تجعل متابعة البوست صعبة وغير مُحفزة
بإختصار قول لينا خطة القايميين على الأمر والميزانية للعام القادم ومتوقعين مننا شنو

مشرف منتدى نوافذ
18-05-2013, 02:08 PM
سلام يا أحمد
الإقتباسات والروابط الكثيرة تجعل متابعة البوست صعبة وغير مُحفزة
بإختصار قول لينا خطة القايميين على الأمر والميزانية للعام القادم ومتوقعين مننا شنو

مرحبا يا با بكر
معليش قصدت إنو أجيب الروابط ، كمرجع ، ولإرساء مزيد من الشفافية المتعلقة بالشق المالي ، لأنو بعد كم نقلة حنوضَح حجم المبالغ المستلمة.. أما بالنسبة للشق التنظيمي ، فعايزين نجمًع خلاصة المقترحات الإتقدموا بيها لأخوان/ات في التلاتة بوستات ، ونؤسس على ضوئها خطة عملنا.
المدرسة حاليا موجوده ، وحنبتدي بيها على ضوء الميزانية العندنا.. فقط عايزين إلتزام من الناس الأبدوا إستعدادم إنو يتبرعوا / يشاركوا ، ويتحرًكوا بسرعه.

خال فاطنة
19-05-2013, 09:57 AM
السيد المسئول التنظيمي : خال فاطمه
شاكر ليك جداً إنو بالرغم من إنو الشغل بياخد زمن طويل منك ، إلا إنك أبديت رغبتك في إنك تكون حاضر .. ويا سيدي إذا في أي ظرف من الظروف إبتلعتك دوامة العمل في أخوانك زي هاني عربي ممكن يواصلو معاك..
المطلوب إنك تعد التقارير حول مشروع إفطار طالب.. وإنت وتقديرك ، شهرية ، نصف سنوية.. تبعاً حالة المدرسة المستهدفة..
تعكس لينا النشاط إللي بتقوموا بيهو إنت ومجموعة المبادرين - إللي موجودة في الصفحة الأولى - وتطلعونا على العقبات البتواجهكم سواء كانت إدارية أو مالية ، علشان نحاول مع بعض إنو نوجد ليها حل.

تسلم يا عمك...عُلم و سينفذ...

وهاد ابراهيم محمد
19-05-2013, 10:44 AM
السيد المسئول المالي : أشرف السر
.....
3/ وضع رقم موبايلك عشان تسهل عملية التحاويل



please

أبوبكر عباس
19-05-2013, 11:05 AM
مرحبا يا با بكر
المدرسة حاليا موجوده ، وحنبتدي بيها على ضوء الميزانية العندنا.. فقط عايزين إلتزام من الناس الأبدوا إستعدادم إنو يتبرعوا
مليون جنية من الأديب بابكر عباس

عليكم الله، أمدحوني، أنا بحب المديح

ماريل
19-05-2013, 11:12 AM
مليون جنية من الأديب بابكر عباس

عليكم الله، أمدحوني، أنا بحب المديح

نشكر الانسان الذى يفيض انسانية الاديب المؤدب والكاتب الكبير بابكر بن عباس
كنت عايزة ارشك بكم من(الوشيين الصفر ديلاك)لكن كيبوردى ما طاوعنى كلو كلو..

ماريل
19-05-2013, 11:14 AM
بالتوفيق يا شباب ...على الوعد يا شليل ..تمام

معتصم الطاهر
19-05-2013, 11:27 AM
مليون جنية من الأديب بابكر عباس

عليكم الله، أمدحوني، أنا بحب المديح

ينوبك ثواب احعلها 1400 لتكون عشرة طلاب لعام كامل.

أبوبكر عباس
19-05-2013, 11:29 AM
ينوبك ثواب احعلها 1400 لتكون عشرة طلاب لعام كامل.
موافق
بس كترو المديح

معتصم الطاهر
19-05-2013, 02:54 PM
ربنا يا واهب يا معطى

اللهم يا قادر .. و خالق الرحم

أسكن قلب أم دكتورة حنينة السكينة بنجاح أبنائها و فلاح زوجها.

Sahar
19-05-2013, 03:09 PM
ربنا يا واهب يا معطى

اللهم يا قادر .. و خالق الرحم

أسكن قلب أم دكتورة حنينة السكينة بنجاح أبنائها و فلاح زوجها.

I didn't understand this ya Mutasim Eltahir, do you mean Hanina, Nahla as we know her. Is there something with her mother.

معتصم الطاهر
19-05-2013, 03:21 PM
سحر
سلامات

نتمنى لحنينة كل الخير

دكتورة حنينة أعلاه هي ( بنت بابكر عباس .. أحلى من أبوها ..) سمت نفسها كدا براها .. دكتورة حنينة .. انت قايلة بابكر براهو فاكيها فى روحو.

و أمنياتنا هنا لوالدتها - زوجة ابوبكر - بنجاح ابنهما و بنتمها ..
و بالمناسبة لماذا لا نشرك أبناءنا فى هذا المشروع.؟

Sahar
19-05-2013, 03:49 PM
سحر
سلامات

نتمنى لحنينة كل الخير

دكتورة حنينة أعلاه هي ( بنت بابكر عباس .. أحلى من أبوها ..) سمت نفسها كدا براها .. دكتورة حنينة .. انت قايلة بابكر براهو فاكيها فى روحو.

و أمنياتنا هنا لوالدتها - زوجة ابوبكر - بنجاح ابنهما و بنتمها ..
و بالمناسبة لماذا لا نشرك أبناءنا فى هذا المشروع.؟


شكرًا للتوضيح فقد إلتبس عليّ الامر.

ربنا يحفظ الحلوين الصغار ويجعلهم قرة عين لوالديهم

ان كان السؤال أعلاه موجهاً لي، فالاجابة هي أَنَّ رزين ويزن والحمدلله تعالى يفوقان كل من رأته عيني في مثل هذه الاعمال نشاطاً.

وهاد ابراهيم محمد
19-05-2013, 05:25 PM
و بالمناسبة لماذا لا نشرك أبناءنا فى هذا المشروع.؟

جميل جداً يا باش

حسب ملاحظاتي وقراءاتي الخاصة
الأطفال أكثر تفاعلاً مع الأعمال الخيرية على قلة ما يستقطعونه من مصروفهم الخاص
لعناية هذا العمل.
ويكونون الأكثر فرحاً برؤيتهم لمردود أفعالهم في غيرهم, خاصة ان طالت أطفال مثلهم.

إن كان ثمة اتصالات ببعض المدارس الخاصة (حتى لا نُرهق عوز طلابنا في المدارس العاجة بالمحتاجين)
ويمكن إنتقاء هذه المدارس بعناية.
سيسعد كثيرون بمد يد العون وإطعام بعض رفاقهم في الطرف الآخر من بحر الحياة.
وبالطبع, بأُسَرنا من يساهم.

وهاد ابراهيم محمد
19-05-2013, 05:30 PM
دكتورة حنينة أعلاه هي ( بنت بابكر عباس .. أحلى من أبوها ..) سمت نفسها كدا براها .. دكتورة حنينة .. انت قايلة بابكر براهو فاكيها فى روحو.

:D:D
من شابه أباه فما ظلم
ربنا يحفظ, وينوِّل كل المُنى,, يااااارب.

مشرف منتدى نوافذ
21-05-2013, 09:51 AM
موافق
بس كترو المديح

كتر خيرك يا بابكر..
كتر خيركم يا شباب ..

مشرف منتدى نوافذ
27-05-2013, 06:59 AM
إتعطل سير البوست ده لأسباب تنظيمية ليس إلا..
والحمد لله تم إنشاء منتدى نفاج خالد الحاج إللي حيستوعب أي عمل طوعي يبادرو بيهو الزملاء أو الزميلات
وتخصيص منتدى وارد/منصرف إفطار طالب ، وسير العمل
فعلى المسئولين التنظيميين ( أشرف السر/ خال فاطمه ) إنو يبادروا بالعمل ، وليهم التحية على تصديهم للمسئولية الأخلاقية دي..
حيقوم أشرف السر بتمليك العضوية رقم موبايلو ، لتنسيق التحاويل المالية ، ولتنسيق آلية تحويل الرصيد بالنسبة للناس المتواجدين في السودان ، علماً بإنو لمن تلجأ لبيع رصيدك بيكون في خصم مقدارو 20% من المبلغ الكلي..
عندو تصوًر كلي للإدارة المالية حيقوم بتمليكو ليكم ..
والخال العزيز حضورو الإنساني في العمل الطوعي أكسبو خبره في إدارة وتنسيق المبادرات.

طيب..
بالنسبة لنفاج خالد الحاج..
في عدة بوستات نزلت في منتدى الحوار حول
مساعدة أطفال أبكرشولا : لمهند الخطيب
وحول النفاج : لشليل
وحول الإهتمام بالمرضى : لماجد تاج
على سبيل المثال لا الحصر..
هل إنتفت الحوجه لمتابتعتها والإهتمام بيها ؟
أو نقفز لسؤال تاني.. هل بالضرورة نعمل أبديت للجمعية العمومية لنفاج خالد الحاج لأنو في ناس إبتعدو وفي عضوية جديده ؟ وعلى ضوء تقسيمات الجمعية العمومية من ملتزمين بالدفع الشهري ومن مبادرين بتسيير المشاريع ، وقرارات الجمعية العمومية بالإجماع ، وتقييم الوضع المالي نقدر نحدد إذا بنقدر نسوق البوستات الإتفتحت دي وللا لأ..
رايكم يهمنا.

اشرف السر
28-05-2013, 09:15 PM
حيقوم أشرف السر بتمليك العضوية رقم موبايلو ، لتنسيق التحاويل المالية ، ولتنسيق آلية تحويل الرصيد بالنسبة للناس المتواجدين في السودان ، علماً بإنو لمن تلجأ لبيع رصيدك بيكون في خصم مقدارو 20% من المبلغ الكلي..
عندو تصوًر كلي للإدارة المالية حيقوم بتمليكو ليكم ..


بحوزتي الان مبلغ 500 جنيه سوداني...

تم تخصيص الرقم 0903060774
لتلقي مساهمات العضوية والزوار في شكل تحويل رصيد..
ما سنقوم به هو بيع هذا الرصيد كلما دعت الحاجة لتسيير الأمور..

وحسب مسح صغير للمتعاملين في بيع وشراء الرصيد
وجدت انه يتم بيع الرصيد لهم بخصم نسبة مئوية تتراوح بين 10-20% في الميه
وهذا التفاوت في النسبة المخصومة عند بيع الرصيد يرجع لحال السوق.. اذ يرتفع الطلب في ايام المناسبات والاعياد.. ويخف في الايام العادية...

ماجد تاج
29-05-2013, 08:06 AM
إتعطل سير البوست ده لأسباب تنظيمية ليس إلا..
والحمد لله تم إنشاء منتدى نفاج خالد الحاج إللي حيستوعب أي عمل طوعي يبادرو بيهو الزملاء أو الزميلات
وتخصيص منتدى وارد/منصرف إفطار طالب ، وسير العمل
فعلى المسئولين التنظيميين ( أشرف السر/ خال فاطمه ) إنو يبادروا بالعمل ، وليهم التحية على تصديهم للمسئولية الأخلاقية دي..
حيقوم أشرف السر بتمليك العضوية رقم موبايلو ، لتنسيق التحاويل المالية ، ولتنسيق آلية تحويل الرصيد بالنسبة للناس المتواجدين في السودان ، علماً بإنو لمن تلجأ لبيع رصيدك بيكون في خصم مقدارو 20% من المبلغ الكلي..
عندو تصوًر كلي للإدارة المالية حيقوم بتمليكو ليكم ..
والخال العزيز حضورو الإنساني في العمل الطوعي أكسبو خبره في إدارة وتنسيق المبادرات.

طيب..
بالنسبة لنفاج خالد الحاج..
في عدة بوستات نزلت في منتدى الحوار حول
مساعدة أطفال أبكرشولا : لمهند الخطيب
وحول النفاج : لشليل
وحول الإهتمام بالمرضى : لماجد تاج
على سبيل المثال لا الحصر..
هل إنتفت الحوجه لمتابتعتها والإهتمام بيها ؟
أو نقفز لسؤال تاني.. هل بالضرورة نعمل أبديت للجمعية العمومية لنفاج خالد الحاج لأنو في ناس إبتعدو وفي عضوية جديده ؟ وعلى ضوء تقسيمات الجمعية العمومية من ملتزمين بالدفع الشهري ومن مبادرين بتسيير المشاريع ، وقرارات الجمعية العمومية بالإجماع ، وتقييم الوضع المالي نقدر نحدد إذا بنقدر نسوق البوستات الإتفتحت دي وللا لأ..
رايكم يهمنا.
ـ


أكيد سمعت بإدارة عموم الزير يا شليل ..

إن ما سمعت بيها ممكن أكتب ليك عنها هنا ..

المعنى الا تتوسع في التفاصيل الادارية والبيروقراطية لأنها ممكن تقتل الموضوع بمنتهى البساطة ودون أن تعرف مكمن الخلل

قصة إفطار طالب دي وعن تجربة تقوم على ركائز واضحة

تجميع فلوس

تحديد مدرسة

شراء الاغراض ( فول ، كبكي ، جبنة ، زيت ، طحنية ، مربة .. غاز أو فحم )

تحديد مين ح ينجض الفول ، ومين ح يجهز السندوتشات ، ومين ح يوزعا

أكتر من كدا ح يبقى تفاصيل ما ليها أهمية في بداية العمل

اللجنة مسئولة توثق عملها ( المالي والاداري والتنفيذي ) لأغراض الشفافية وتجويد الاداء مستقبلاً

لو في خمسمية جنيه المفروض على طول يتم تجهيز أول دفعة سندوتشات وتوصل للطالب بأسرع وقت

حتى لو فطرناه يوم واحد بس ما ساهلة ، ونسأل الله الثبات والدوام

في تجربة مماثلة تقوم بيها منتديات ود مدني ويسهم فيها عدد من الاخوة في قطر

( ممكن أزودك برقم هاتف المسئول بالدوحة

وهو رجل خلوق ممكن يقدم ليك تفاصيل مهمة في كيفية تجويد العمل دا

أزودك هنا طبعاً )

المهم الفكرة تقوم على تقسيم العمل على مجموعات متطوعة كلها

واحدة تعمل الفول .. واحدة أو واحد يجهز السندوتشات .. ومجموعة للتوصيل أو التوزيع

أبدو والمسائل ح تتوسع بشكل يفوق التصور ..

والاسهام من خارج عضوية المنتدى ح يكون أكبر من داخله

أنا ممكن أجيب مصادر تمويل خارجية بإذن الله إن المشروع بدأ بالفعل ..

وما أكثر أهل الخير حيث نقيم ..

المهم ضربة البداية ، والباقي ساهل ..



ـ

مشرف منتدى نوافذ
29-05-2013, 10:32 AM
ـ


أكيد سمعت بإدارة عموم الزير يا شليل ..

إن ما سمعت بيها ممكن أكتب ليك عنها هنا ..

المعنى الا تتوسع في التفاصيل الادارية والبيروقراطية لأنها ممكن تقتل الموضوع بمنتهى البساطة ودون أن تعرف مكمن الخلل

قصة إفطار طالب دي وعن تجربة تقوم على ركائز واضحة

تجميع فلوس

تحديد مدرسة

شراء الاغراض ( فول ، كبكي ، جبنة ، زيت ، طحنية ، مربة .. غاز أو فحم )

تحديد مين ح ينجض الفول ، ومين ح يجهز السندوتشات ، ومين ح يوزعا

أكتر من كدا ح يبقى تفاصيل ما ليها أهمية في بداية العمل

اللجنة مسئولة توثق عملها ( المالي والاداري والتنفيذي ) لأغراض الشفافية وتجويد الاداء مستقبلاً

لو في خمسمية جنيه المفروض على طول يتم تجهيز أول دفعة سندوتشات وتوصل للطالب بأسرع وقت

حتى لو فطرناه يوم واحد بس ما ساهلة ، ونسأل الله الثبات والدوام

في تجربة مماثلة تقوم بيها منتديات ود مدني ويسهم فيها عدد من الاخوة في قطر

( ممكن أزودك برقم هاتف المسئول بالدوحة

وهو رجل خلوق ممكن يقدم ليك تفاصيل مهمة في كيفية تجويد العمل دا

أزودك هنا طبعاً )

المهم الفكرة تقوم على تقسيم العمل على مجموعات متطوعة كلها

واحدة تعمل الفول .. واحدة أو واحد يجهز السندوتشات .. ومجموعة للتوصيل أو التوزيع

أبدو والمسائل ح تتوسع بشكل يفوق التصور ..

والاسهام من خارج عضوية المنتدى ح يكون أكبر من داخله

أنا ممكن أجيب مصادر تمويل خارجية بإذن الله إن المشروع بدأ بالفعل ..

وما أكثر أهل الخير حيث نقيم ..

المهم ضربة البداية ، والباقي ساهل ..



ـ

ضربة البداية رهينة بمستوى جدية الأعضاء ، وتخصيص منتدى وارد ومنصرف الأعضاء لعكس جدية الأفراد وإلتزامهم..
التجارب الفاتت أسفرت عن كمية بتاعة إلتزامات ووعود ، ورصيد من الأغاني البتعنى بالعمل الطوعي.. هسي لمزيد من الجدية قررنا تجويد العمل بتخصيص منتدى الوارد والمنصرف ، ومنتدى سير الأداء..
الوارد والمنصرف ده بيشمل الناس الأبدوا إستعدادم لإنو يكونو حاضرين لسد الحوجة المالية للمشروع
ومنتدى سير الأداء ، بيتكون من الإخوان/ات المبادرين إللي حيسيًروا المشروع ده من ناحية ( تحديد المدرسة ، تجهيز الإفطار ، توزيعو ، إلخ )
مافي توسعة في التفاصيل.. والأبديت ضرورتو بتتمثل في إستيعاب العضوية الجديدة بالتحديد للشق المالي ، لأنو الشق التنظيمي بتكفي العضوية الموجودة هناك.
وده ما بينفي إنو ممكن نستفيد من التجارب إللي سبقتنا..
عموماً..
ياريت لو إتحركت في إمكانية إنك تجيب مصادر تمويل خارجية ، وتنسق مع العزيز أشرف السر ، الخاتي موبايلو في منتدى نفاج خالد الحاج إللي بنعول عليهو وعلى خال فاطمه في تحريك منتدى نفاج خالد الحاج..
مرحب بيك ، ومرحب بكل زول يساهم في دفع المشروع ده لقدام.

مشرف منتدى نوافذ
04-06-2013, 10:26 AM
بحوزتي الان مبلغ 500 جنيه سوداني...

تم تخصيص الرقم 0903060774
لتلقي مساهمات العضوية والزوار في شكل تحويل رصيد..
ما سنقوم به هو بيع هذا الرصيد كلما دعت الحاجة لتسيير الأمور..

وحسب مسح صغير للمتعاملين في بيع وشراء الرصيد
وجدت انه يتم بيع الرصيد لهم بخصم نسبة مئوية تتراوح بين 10-20% في الميه
وهذا التفاوت في النسبة المخصومة عند بيع الرصيد يرجع لحال السوق.. اذ يرتفع الطلب في ايام المناسبات والاعياد.. ويخف في الايام العادية...

على بركة الله يا حبيب..
إجتمع بنبراس وأحمد زين ، وأعملوا أبديت للإكسل شيت

حسين عبدالجليل
28-06-2013, 05:03 PM
هل من جديد؟
ف العام الدراسي الجديد قد بدأ , وكان الوعد في العام الماضي أن نبدأ من بداية العام الجديد .

اشرف السر
02-07-2013, 12:23 AM
الاخوة والاخوات الاحباب

زمان قيل (البقول النصيحة... يخت عكازو جنبو)

لن أضع عكازا.. لكني سأقول النصيحة...

مثل هذا المشروع.. يحتاج مالاً... وجهداًً.. ووقتاً...
وأثمنها الوقت والجهد... فالعضوية كل زول شغال، مرتبط بعمل وأكل عيشو واحتمال ما يكون فاضي الا الجمعة لساعات فقط...
أرى انه لا توجد امكانية لانجاز هذا المشروع...
نعم النيات طيبة والآمال كثيرة...
لكن الواقع يقول انه لا توجد عضوية (متفرغة)... مثل هذا العمل يتطلب التفرغ..
وفي دولة مثل السودان.. ليس بمقدور أحد عليه مسئوليات وأعباء... ان يتفرغ للعمل الطوعي... على حساب عمله الذي يسترزق منه....
------------
بحوزتي 500 جنيه سوداني...
وجنيهنا كل يومين في السوق قيمتو متآكلة....
فارجو اتفاق الاعضاء (او العضو الذي تبرع بالمبلغ) على جهة او شخص او اشخاص محتاجين نوزع عليهم هذا المبلغ قبل ان يؤول الى القيمة الصفرية...

الفاتح
14-07-2013, 11:23 AM
الاخوة والاخوات الاحباب

زمان قيل (البقول النصيحة... يخت عكازو جنبو)

لن أضع عكازا.. لكني سأقول النصيحة...

مثل هذا المشروع.. يحتاج مالاً... وجهداًً.. ووقتاً...
وأثمنها الوقت والجهد... فالعضوية كل زول شغال، مرتبط بعمل وأكل عيشو واحتمال ما يكون فاضي الا الجمعة لساعات فقط...
أرى انه لا توجد امكانية لانجاز هذا المشروع...
نعم النيات طيبة والآمال كثيرة...
لكن الواقع يقول انه لا توجد عضوية (متفرغة)... مثل هذا العمل يتطلب التفرغ..
وفي دولة مثل السودان.. ليس بمقدور أحد عليه مسئوليات وأعباء... ان يتفرغ للعمل الطوعي... على حساب عمله الذي يسترزق منه....
------------
بحوزتي 500 جنيه سوداني...
وجنيهنا كل يومين في السوق قيمتو متآكلة....
فارجو اتفاق الاعضاء (او العضو الذي تبرع بالمبلغ) على جهة او شخص او اشخاص محتاجين نوزع عليهم هذا المبلغ قبل ان يؤول الى القيمة الصفرية...

ليه كده

اشرف السر
17-07-2013, 11:32 PM
ليه كده

دا الواقع يا الفاتح
هل في حد عنده (فعل) ينفي كلامي الفوق دا؟

حسين عبدالجليل
18-07-2013, 03:30 PM
من البداية كنت أتمني أن يتولي الأخ الفاتح الإشراف علي و قيادة هذا العمل رغم علمي بأنه يقيم بقطر , وذلك لأنه صاحب الفكرة و سبق له فعل أعمال خير مماثلة .

مازلت أعتقد بأن الأخ الفاتح يمكنه إنقاذ هذا العمل و قيادته لبر الأمان. هذه هي رؤيتي :
- حاليا يجب أن نركز جهودنا في صرف المبالغ الموجودة و عدم السعي لجمع أي مبالغ أخري مالم يبدأ المشروع .
- نبدأ بداية بسيطة بتحديد مدرسة إبتدائية في حي فقير بالخرطوم بها بوفيه أو باعة متجولين يبيعوا إفطار للطلبة .
- الإستعانة بإدارة المدرسة لتحديد عدد مناسب من الطلبة المحتاجين , ثم الإتفاق مع صاحب البوفيه أو من يبيع الفطور خارج المدرسة بقيمة شهرية , و يمكن أن يفعل ذلك و يراقبه شهريا أحد الإخوة المقيمين بالسودان (أشرف السر أو أحمد زين) .
- اي مواد عينية تم جمعها تباع و تضاف قيمتها لصندوق الإفطار .

من المحزن أن نفشل بعد أن إقتربنا من تحقيق هدفنا .

عكــود
18-07-2013, 04:05 PM
من البداية كنت أتمني أن يتولي الأخ الفاتح الإشراف علي و قيادة هذا العمل رغم علمي بأنه يقيم بقطر , وذلك لأنه صاحب الفكرة و سبق له فعل أعمال خير مماثلة .

مازلت أعتقد بأن الأخ الفاتح يمكنه إنقاذ هذا العمل و قيادته لبر الأمان. هذه هي رؤيتي :
- حاليا يجب أن نركز جهودنا في صرف المبالغ الموجودة و عدم السعي لجمع أي مبالغ أخري مالم يبدأ المشروع .
- نبدأ بداية بسيطة بتحديد مدرسة إبتدائية في حي فقير بالخرطوم بها بوفيه أو باعة متجولين يبيعوا إفطار للطلبة .
- الإستعانة بإدارة المدرسة لتحديد عدد مناسب من الطلبة المحتاجين , ثم الإتفاق مع صاحب البوفيه أو من يبيع الفطور خارج المدرسة بقيمة شهرية , و يمكن أن يفعل ذلك و يراقبه شهريا أحد الإخوة المقيمين بالسودان (أشرف السر أو أحمد زين) .
- اي مواد عينية تم جمعها تباع و تضاف قيمتها لصندوق الإفطار .

من المحزن أن نفشل بعد أن إقتربنا من تحقيق هدفنا .سلام للجميع،

أتفق تماماً مع إقتراح حسين، وذلك من واقع تجربة مشابهة مستمرة منذ خمس سنوات.

فقط، أرى أن يقوم بالاتفاق مع صاحب البوفيه ومراقبته، أحد طاقم المدرسة، فهم المتواجدون يوميّاً.

الآن، فلنعرف كم هو المبلغ الذي بحوزتنا؟
وكم تكلّف وجبة الفطور؟

وليس الأمر بهذه الصعوبة.

ليت أحمد زين ونبراس يتداخلان هنا.

نبراس السيد الدمرداش
19-07-2013, 08:50 PM
سلام يا احبه
ورمضان كريم عليكم اجمعين وينعاد عليكم الشهر بالخير والبركات

بخصوص مشروع افطار طالب وتنفيذو
تم اجتماع مصغر بيني واحمد زين ومهند وعلى نهاية الاجتماع لحقنا خال فاطنه
واتفقنا على المنطقه الجنشتغل فيها وطريقة الشغل وان شاء الله حيبدا تنفيذ المشروع خلال الاسبوع القادم باذن الله لظروف تخصنا انا واحمد تاخرت البداية عن بداية العام الدراسي ودي انا اعتذر عنها

تنفيذ الشمروع

1- سيتم تنفيذ المشروع باحدى مدارس الثورة الحارة 29 غرب الحارات

2- التفيذ سيتم عن طريق سيده
تسكن الثوره 29 غرب الحارات وتعاني من نفس الاشكال تهرب ابناءها من المدرسه بسبب عدم وجود وجبة الافطار لظروف وفاة زوجها وعدم وجود مصدر دخل بصوره منتظمه
حتقوم بعمل الافطار لمدرسة في نفس منطقة سكنها نوفر ليها المواد الخام وتعمل الافطار وتجهزو وتشرف على توزيعو بالتعاون مع ادارة المدرسه منها تحل مشكلة عيالها ومنها تستفيد بعمل يدر عليها دخل بسيط

طريقة العمل:

سنقوم بتوفير المواد الخام اسبوعيا..بمعنى اننا ما ح نسلم السيدة الفاضله اي مبالغ ماليه فقط مواد خام حتى العيش سيتم الاتفاق مع المخبز لمحاسبته اسبوعيا

تكلفة الافطار شهريا ل 180 طالب 3100ج متضمنة اجرة السيده الفضلى
الميزانية المتوفره حاليا 12380ج وبتكفي لمده 4 شهور

حيقوم بالاشراف والمتابعه خال فاطنه واحمد

اذا في اي استفسار او ملاحظة او اقتراح نحن حاضرين

الفاتح
30-07-2013, 08:41 AM
سلام يا احبه
ورمضان كريم عليكم اجمعين وينعاد عليكم الشهر بالخير والبركات

بخصوص مشروع افطار طالب وتنفيذو
تم اجتماع مصغر بيني واحمد زين ومهند وعلى نهاية الاجتماع لحقنا خال فاطنه
واتفقنا على المنطقه الجنشتغل فيها وطريقة الشغل وان شاء الله حيبدا تنفيذ المشروع خلال الاسبوع القادم باذن الله



إن شاء الله تكونوا بديتوا بالفعل
-----
كل سنه وإنتو طيبين

نبراس السيد الدمرداش
30-07-2013, 09:57 PM
إن شاء الله تكونوا بديتوا بالفعل
-----
كل سنه وإنتو طيبين


سلام يا فاتح

الحمد لله سلمت خال فاطنه مبلغ احتياجات الاسبوع

في تفاصيل جديده ان شاء الله ارتبها مع احمد زين و اوافيكم بيها

الفاتح
19-08-2013, 07:05 PM
سلام يا فاتح

الحمد لله سلمت خال فاطنه مبلغ احتياجات الاسبوع

في تفاصيل جديده ان شاء الله ارتبها مع احمد زين و اوافيكم بيها

اهلين يا نبراس..
بشري يا زوله ومدينا بالتفاصيل

نبراس السيد الدمرداش
22-08-2013, 12:25 PM
اهلين يا نبراس..
بشري يا زوله ومدينا بالتفاصيل

سلام يا حبيبنا
كل عام وانت بالف خير

بكره الجمعه ان شاء الله حنتقابل الصباحية انا وخال فاطنه في سوق امدرمان مع الاستاذه روجينا المسوؤله من المدرسه وهي مدرسه للاطفال النازحين في منطقه تسمى القريه

حنسلمها موؤنة الاسبوع للافطار (فول+حق رغيف العيش)
وحنشتري ليهم بعض الاحتياجات (صحون+مشمعات)

حيجيكم تقرير مفصل اكتر عن احتياجاتهم الممكن نوفرها ليهم

عكــود
24-08-2013, 10:15 AM
سلام يا نبراس،

الله يقوّيكم إن شاء الله.
وفي إنتظار ما تمّ عمله وما هو المطلوب لتغطية باقي العام الدراسي.

تحياتي لك ولكل من حمل هم هذا الواجب عنّا.

نبراس السيد الدمرداش
24-08-2013, 10:54 PM
سلام يا نبراس،

الله يقوّيكم إن شاء الله.
وفي إنتظار ما تمّ عمله وما هو المطلوب لتغطية باقي العام الدراسي.

تحياتي لك ولكل من حمل هم هذا الواجب عنّا.

مساءك خير يا عمدتنا
وعساك بخير انت ومن معك
وتحياتي لكل من ساهم في مشروع افطار طالب سواء ماديا او ذهنيا او حتى بالتقريع لتقصير حدث

الفكره كانت انو نشتغل في مدرسة في منطقة غرب الحارات امدرمان من خلال اخت كريمه لكن اعتذرت فجأة لانها ارتبطت بعمل في جهة ما واصبحت لا تستطيع التوفيق بين عملها والاشراف على الافطار

في اثناء بحثنا انا واحمد عن بدايل جاني اتصال من خال فاطنه بانو في بوست منزلو حافظ في الفيسبوك عن حوجة مدرسة لدعم عاجل في نواحي كتيره (الافطار..كتب..ادوات مكتبيه..بناء فصول)

تقع المدرسة في منطقة الفتح 2 مربع 8 جوار سوق 9 اسم المدرسة مركز امل
قامت منظمة حواء بانشاء المدرسة للاطفال فاقدي السند والاشراف عليها لمدة عام دراسي واحد فقط ورفعت يدها عنها حسب افادة استاذة روجينا واصلت روحينا ومن معها من معلمات العمل لعام دراسي اخر بمجهود فردي ودون اي دعم من وزراة التربيه والان هذا العام الثالث ومستمرات في عملهن بمحبه دون كلل..الان بالاضافه للاطفال فاقدي السند تضم المدرسة اطفال نازحين من منطقتي دارفور وابوكرشولا
يوجد بها 3 فصول دراسيه (اولى..ثانية وثالثة) عدد الطلاب الكلي 160 طالب الطلاب في الفصول المتقدمه بتم توزيعهم على المدارس الحكوميه

شاورت احمد واتفقنا انو نتبنى المدرسة ويتم تنفيذ المشروع فيها ونتكفل بافطار الطلاب لنهاية العام الدراسي وبالفعل سلمت خال فاطمه مبلغ 350ج لشراء مواد تكفي افطارهم لمدة اسبوع زي ما وضحت في مداخلات سابقة..اتصلنا بحافظ وقال انو حاليا في مواد بتكفي الناس ديل لبعد العيد فاحسن تبدو بعد العيد جات الامطار وتاجلت المدارس

يوم الخميس اول امس اتصلنا على الاستاذه روجينا مديرة المدرسة واتفقنا نتقابل يوم الجمعه في سوق امدرمان وفعلا اتلاقينا هناك انا وخال فاطمه اولا وبدينا نشتري في احتياجات المدرسة الملحة اثناء انتظارنا لروجينا..وصلتنا بعد ساعه سلمناها كل الطلبتو بالورقه والقلم وتم الاتفاق على انها قبل ما تخلص المواد العندها تتصل علي او على خال فاطنه عشان نجهز ليها مواد تاني(لانو قالت شوال الفول 50 كيلو بيقعدهم فتره كويسة اكتر من اسبوع فقط حندفع ليها حاليا قروش العيش اسبوعيا) واجرنا ليها عربة امجاد واطمأنيت على وصولها بالسلامه

تفاصيل المشتروات الرجاء مراجعة الملفات المرفقه

احتياجات المدرسة

2 ترابيز مكتب
4 كراسي
دولاب
كراسات واقلام

** الكتب موعودة روجينا من جهات اخرى بتوفيرها

رقم استاذة روجينا 0928352816

عكــود
25-08-2013, 12:23 PM
سلام يا نبراس،

التحية ليك ولخال فاطنة ولكل الشايلين الهم من أعضاء الداخل.

شئ جيّد جدّاً أن نكون قد ضربنا ضربة البداية.

فقط يا ريت لو أديتينا معلومات أكتر، مثل:
كم تكلفة فطور عام دراسي للمدرسة؟
كم المبلغ المتوفّر حاليّاً؟
عشان نعرف الفرقة قدر شنو ونسدّها كيف.

إحتياجات المدرسة الأخرى (ترابيز وكراسي ودولاب وكراسات وأقلام)، رأيي أن نحاول إيجاد تمويل ليها بعيد عن المبلغ الاتجمع بغرض الفطور، والناس ممكن تساهم فيها، وكويس انو حافظ بدأ مبادرة في الإتجاه ده ويا ريت يوسّع نطاق الإستقطاب.

لكم كل الشكر والتقدير.

نبراس السيد الدمرداش
25-08-2013, 01:07 PM
سلام تاني يا عمده

المبلغ المتوفر معاي انا 6275
في مبلغ مع احمد زين 4860

الاجمالي 11.135 ج

حسب اتصال هاتفي الان مع روجينا تصبح تكلفة الشهر كالتالي

2 شوال فول 560 ج
عيش 800 ج
غاز 64 ج

جملة التكلفه شهريا 1424 ج
العام الدراسي بيخلص في مارس يعني باقي 7 شهور للعام الدراسي تقريبا

1424* 7 = 9968 ج

بالحسابات دي حيكون في فايض 1167 ج

عكــود
25-08-2013, 01:12 PM
شكراً نبراس،

واضح تماماً.

كده أعتقد حقو نبدأ مساهمات للعام الدراسي المقبل، من الآن.

يا ريت الناس تتداخل لسماع الآراء.

تحيّاتي.

نبراس السيد الدمرداش
25-08-2013, 01:21 PM
شكراً نبراس،

واضح تماماً.

كده أعتقد حقو نبدأ مساهمات للعام الدراسي المقبل، من الآن.

يا ريت الناس تتداخل لسماع الآراء.

تحيّاتي.

بالنسبه للعام الدراسي الجديد في اقتراح من خال فاطنه بانو ينتقل المشروع للاقاليم القرى والحلال الفيها مدارس لانو هناك حجم وشكل النقص غير
وما يكون مقتصر على الافطار فقط يعني ممكن الناس تساهم بتوفير الكتاب المدرسي لانو في مدارس مشتركين كل 10 في كتاب يعني لما الكتاب يصلك بتكون متراكمه عليك عدة دروس

حسب نقاشنا انو طالما اتوفر تمويل بيبقى التنفيذ مافيهو مشكله وتعهد خال فاطنه بانو يضع نفسو وسيارتو تحت خدمة المشروع ان شاء الله متى ما الناس اتفقت على شكل معين هل حيكون افطار بس ولا توفير كتب مع ملاحظة انو عندو معرفه جيده بصاحب المطبعه البتنتج الكتاب المدرسي

الفاتح
28-08-2013, 05:04 PM
كده الواحد ممكن يفك الحرده شويه:D
سلام يا نبراس وهوني ، .. التحية ليكم ولأحمد زين وخال فاطمه وولد أمي ، وكل الشباب العملوا على إنو المشروع ده ينتقل يتنفذ..
بتنفق مع عكود حول ضرورة إنو الناس تعمل على إنها تجمًع إحتياجات العام الدراسي الجاي.. وبنفس الجدول الأرفقتيهو يا نبراس ، ياريت لو أرفقتي جدول يبين أوجه الوارد ... عشان نقدر نقدر نمد كرعينا قدر لحاف الناس الملتزمين.
الجانب التاني إنو الأبديت بحركة الوارد والمنصرف بيخلي الواحد يتذكر دفع لياتو شهر وفضل ليهو كم شهر ، فياريت لو نظمتو الشغل ده ، في الشق المتعلق بالمنتدى الفرعي المالي عشان يكون رفرنس واضح للناس كلها.
أحرصي مع أستاذة روجينا إنو كل طالب يلقى حصتو إسوة بإخوانو ، عشان مايقوموا ملانين بأحقاد طبقية..
وبالنسبة للأخوان/ والأخوات المبادرين : إنتبهوا لإنو الطلبه ديل ما ينقطع عنهم الإفطار اليومي عايزينهم يحصلوا واجباتم زيهم زي أخوانم.
تحياتي

احمد ابوزيد
03-09-2013, 06:47 PM
السلام ملح المشاعر
ومافي ريد إلا ان بدابو ...

سلام الله عليكم اعزائي رواد المنتدا ، انا جديد لنج وإن شاءالله اكون عند حسن ظن الجميع ، وعفوا (للتحشر) المستعجل في الموضوع ،، لكن (فطور لكل طالب) ، شد إنتباهي في ظل الوضع الراهن الذي يمر به الطلبه واسرهم في هذه البلده (الظالم اهلها) ..
لكن دعوني أن استفسر عن الموضوع اكثر وأرى إن كان هناك ما افعله ولكم ودي ..

نبراس السيد الدمرداش
05-09-2013, 10:14 AM
كده الواحد ممكن يفك الحرده شويه:D
سلام يا نبراس وهوني ، .. التحية ليكم ولأحمد زين وخال فاطمه وولد أمي ، وكل الشباب العملوا على إنو المشروع ده ينتقل يتنفذ..
بتنفق مع عكود حول ضرورة إنو الناس تعمل على إنها تجمًع إحتياجات العام الدراسي الجاي.. وبنفس الجدول الأرفقتيهو يا نبراس ، ياريت لو أرفقتي جدول يبين أوجه الوارد ... عشان نقدر نقدر نمد كرعينا قدر لحاف الناس الملتزمين.
الجانب التاني إنو الأبديت بحركة الوارد والمنصرف بيخلي الواحد يتذكر دفع لياتو شهر وفضل ليهو كم شهر ، فياريت لو نظمتو الشغل ده ، في الشق المتعلق بالمنتدى الفرعي المالي عشان يكون رفرنس واضح للناس كلها.
أحرصي مع أستاذة روجينا إنو كل طالب يلقى حصتو إسوة بإخوانو ، عشان مايقوموا ملانين بأحقاد طبقية..
وبالنسبة للأخوان/ والأخوات المبادرين : إنتبهوا لإنو الطلبه ديل ما ينقطع عنهم الإفطار اليومي عايزينهم يحصلوا واجباتم زيهم زي أخوانم.
تحياتي

تحياتي يا صديقي وبركة الحرده الفكت

بخصوص الشق الاول من مداخلتك البتوافق فيهو عكود على تجميع تبرعات العام الدراسي الجديد انا بشوف انها تكون في آخر شهر من شهور اجازة العام الدراسي اي قبل بداية العام الدراسي الجديد بشهر لسبب بسيط انو قيمة المبلغ ما تتناقص زي ما حصل اسي بسبب تاخيرنا في التنفيذ وسبب تاني كل يوم السوق عندو سعر يعني يمكن للسنه الجايه الميزانيه تزيد او تنقص فاحسن ناخر جمع المال شوية

الشق التاني حركة الوارد والمنصرف
مافي وارد جديد الميزانية المتوفره مذكورة في مداخله اعلاه بتكفي ان شاء الله لنهاية العام الا اذا حصل مستجدات في السوق ودي ممكن نوافيكم بيها اول باول

المنصرف اصلا كل شهر ح اوافيكم باوجه الصرف هنا وفي المنتدى المالي

جدا يا حبيب الكل يفطر ويكون مبسوط

نبراس السيد الدمرداش
05-09-2013, 11:13 AM
السلام ملح المشاعر
ومافي ريد إلا ان بدابو ...

سلام الله عليكم اعزائي رواد المنتدا ، انا جديد لنج وإن شاءالله اكون عند حسن ظن الجميع ، وعفوا (للتحشر) المستعجل في الموضوع ،، لكن (فطور لكل طالب) ، شد إنتباهي في ظل الوضع الراهن الذي يمر به الطلبه واسرهم في هذه البلده (الظالم اهلها) ..
لكن دعوني أن استفسر عن الموضوع اكثر وأرى إن كان هناك ما افعله ولكم ودي ..

مرحب بيك احمد وحبابك في سودانيات

افطار طالب مشروع جات فكرتو من الفاتح والتف حولو نفر من اعضاء سودانيات تم دعمه ماديا ومعنويا تاخر تنفيذه لاسباب لمدة عام دراسي كامل والان الحمد لله بدينا التنفيذ وحتستمر باذن الله لنهاية العام الحالي

الفكره ما فطور لكل طالب بالتاكيد لكن اختيار مدرسة في مكان نقدر نصلو ونتابع الطلاب الفيها بتهربو من الدراسة بسبب عدم توفر وجبة الافطار الممكن تعينهم على التحصيل وفهم الدروس وتوفير وجبة الافطار او حق الفطور زي ما كان عنوان اول بوست ودا بتم بمتابعه من بعض عضوية الداخل(بورداب السودان)

راجع الرابط حتعرف اكتر ومرحب باي مقترح منك او دعم يودينا لقدام واكيد حنستفيد منك واذا عندك اي استفسار حاضرين

http://www.sudanyat.org/vb/showthread.php?t=23690

نبراس السيد الدمرداش
07-09-2013, 11:17 AM
صباح الخير
اليوم الصباح قابلت الاستاذه روجينا وسلمتها مبلغ 500 ج حق شوال الفول + الغاز +زيت
وسيتم تحويل مبلغ 200 ج كل اسبوع ليها لشراء العيش حتى نهاية الشهر

عبده سعد
08-09-2013, 08:14 AM
ماشاء الله تبارك الله دا مجهود كبير ومثمر.
رايعيين والله.
معكم بإذن الله فى العام الجديد أول ماتبدو نبهونا .
نسأل الله لكم التوفيق.

نبراس السيد الدمرداش
05-10-2013, 11:09 AM
سلام يا احباب
عشان ما ننسى

تم تحويل مبلغ 600 جنية بتواريخ 8و15و22 سبتمبر وهي عباره عن حق العيش اسبوعيا
الان المدارس في اجازة ح نستانف المشروع بعد العيد ان شاء الله
بس نخت في بالنا انو سعر الغاز اتغير بزيادة 10 ج للاسطوانه والفول والزيت الا بعد نصل السوق حتى نتاكد اذا في سعرو القديم او زاد

نبراس السيد الدمرداش
26-10-2013, 02:07 PM
السلام عليكم
تم اليوم استئناف دفعيات المشروع
حيث تم تسليم الاستاذه باولينا مبلغ 700ج
تفاصيلها كالتالي
400 ج لشراء جوال عدسي(بليله)
200 ج لشراء الخبز (لمدة اسبوع)
50 ج لشراء زيت
35 ج لشراء الغاز
15 ج المواصلات

الدراسة في المدرسة استئنفت الاثنين الماضي وكانت لديهم بقية مواد للافطار

نبراس السيد الدمرداش
18-11-2013, 10:33 AM
تم تحويل مبلغ 600ج(200ج كل اسبوع) للعيش بتواريخ
2..9..16

عكــود
18-11-2013, 06:49 PM
شكراً نبراس
شكراً لكل من ساهم
شكراً بورداب الداخل لهذا الإنجاز

يا ريت يا نبراس لو نبهتوا من يود أن يساهم عن:
كم هو المبلغ الباقي بحوزتكم؟
المدة التي يكفيها المبلغ المتبقي؟
كم نحتاج حتى نهاية السنة الدراسية؟
كم هو المبلغ البنحتاجو عشان يسد الفرقة (إن وجدت)؟
كم تقديراتكم لمبلغ السنة الدراسية الجاية؟

إلى الأمام.

نبراس السيد الدمرداش
24-11-2013, 11:04 AM
شكراً نبراس
شكراً لكل من ساهم
شكراً بورداب الداخل لهذا الإنجاز

يا ريت يا نبراس لو نبهتوا من يود أن يساهم عن:
كم هو المبلغ الباقي بحوزتكم؟
المدة التي يكفيها المبلغ المتبقي؟
كم نحتاج حتى نهاية السنة الدراسية؟
كم هو المبلغ البنحتاجو عشان يسد الفرقة (إن وجدت)؟
كم تقديراتكم لمبلغ السنة الدراسية الجاية؟

إلى الأمام.

سلام يا عمده ومشكور على الرد والمتابعه
ومشكورين كل الشباب

بالنسبه للميزانيه زي ما مكتوب فوق انها مقسمه جزء معاي وجزء مع احمد

المبلغ المعاي 6275ج هو البنصرف منو حاليا ودا اتصرف منو 3625ج والباقي منو 2650 ج وبتكفي لمدة شهرين ونص ان شاء الله

احمد زين معاهو 4860 ج ما شلنا منها اي شيء باقيه كما هي
يبقى حاليا خزنة الافطار فيها مبلغ 7510 ج ودا مبلغ كافي جدا لمواصلة الافطار لنهاية العام ان شاء الله

السنه الجديده يا عمده حساباتها لازم تكون قبل السنه بشهر تقريبا لانو السوق كل يوم في حال

اتمنى انو الناس لسه يكون عندها الحماس والاستعداد لدعم المشروع لانو الطلاب ديل اعتمدوا علينا في وجبة افطارهم

مها الرشيد
28-11-2013, 06:01 PM
مرحب بيك احمد وحبابك في سودانيات

افطار طالب مشروع جات فكرتو من الفاتح والتف حولو نفر من اعضاء سودانيات تم دعمه ماديا ومعنويا تاخر تنفيذه لاسباب لمدة عام دراسي كامل والان الحمد لله بدينا التنفيذ وحتستمر باذن الله لنهاية العام الحالي

الفكره ما فطور لكل طالب بالتاكيد لكن اختيار مدرسة في مكان نقدر نصلو ونتابع الطلاب الفيها بتهربو من الدراسة بسبب عدم توفر وجبة الافطار الممكن تعينهم على التحصيل وفهم الدروس وتوفير وجبة الافطار او حق الفطور زي ما كان عنوان اول بوست ودا بتم بمتابعه من بعض عضوية الداخل(بورداب السودان)

راجع الرابط حتعرف اكتر ومرحب باي مقترح منك او دعم يودينا لقدام واكيد حنستفيد منك واذا عندك اي استفسار حاضرين

http://www.sudanyat.org/vb/showthread.php?t=23690

:)

نبراس السيد الدمرداش
07-12-2013, 08:53 AM
صباح الخير
مها شكرا على الابتسامه :cool::cool:

تم تحويل مبلغ 400ج(200ج كل اسبوع) للعيش بتواريخ
(23..30 نوفمبر)

من المفترض تجي روجينا بكره الاحد تستلم مبلغ بقية موؤنة الشهر

نبراس السيد الدمرداش
16-12-2013, 09:18 AM
صباح الخير

تم تسليم روجينا مبلغ 700 ج يوم 9/12 عباره عن
400 ج شراء جوال فول
200 ج عيش للاسبوع
50 ج زيت
35 ج الغاز
15 ج ترحيل

كما تم تحويل رصيد 200 ج يوم 14/12 عباره عن حق العيش للاسبوع الحالي

عكــود
11-05-2014, 06:50 PM
الأحباب الأفاضل،

ها قد انقضى العام الدراسي ومشروع إفطار طالب سار على أفضل ما يكون هذا العام.

التحية والشكر للذين بذلوا الجهد ..
التحية للذين بذلوا المال ..
التحية للذين بذلوا الرأي والفكرة ..

والتحية كلّها للذين بذلوا كل ذلك وأكثر؛ أؤلئك هم من تصدّوا للمهمّة من بورداب الداخل ..
نبراس، أحمد زين، مهند الخطيب، خال فاطنة، حافظ حسين وغيرهم/ن من الذين عملوا بصمت ونكران ذات، وليعذرني من ساهم ولم يرد إسمه، ولهم العتبى. حاديهم لقمة في بطن طالب علم جائع، دافعهم الإنسانية والإحساس بالآخر. لم يطلبون جزاء ولا شكورا من أحد، فليكافئهم الله بقدر ما قدّموا.

التحية موصولة للفاتح، مفجّر الفكرة وقادح زنادها ..
والتحية للذين وعدوا بالمساهمات وأوفوا ..
ويوم باكر أجمل.

الآن، يجب أن يكون نجاح التجربة هذا العام دافعنا للتجهيز للعام الدراسي المقبل، فلا أقل من أن نكرّر التجربة وأن نزيد عليها قليلا.

أدعو الأخت نبراس والأخ أحمد زين بتوضيح ما تمّ إنجازه وتقديراتهم المالية لتكلفة العام الدراسي المقبل، حتّى نبدأ في تجميع مساهماتنا منذ الآن.

تحياتي للجميع.

ناصر يوسف
12-05-2014, 08:44 AM
صباح الخير

تم تسليم روجينا مبلغ 700 ج يوم 9/12 عباره عن
400 ج شراء جوال فول
200 ج عيش للاسبوع
50 ج زيت
35 ج الغاز
15 ج ترحيل

كما تم تحويل رصيد 200 ج يوم 14/12 عباره عن حق العيش للاسبوع الحالي


الكلام ده كان أمبارِح ياخ ،، هسي كلو إتغير يا نبراس ،، مع تغيير الأسعار الما عندها مُخ دي :biggrin:





السنه الجديده يا عمده حساباتها لازم تكون قبل السنه بشهر تقريبا لانو السوق كل يوم في حال

اتمنى انو الناس لسه يكون عندها الحماس والاستعداد لدعم المشروع لانو الطلاب ديل اعتمدوا علينا في وجبة افطارهم

نعم يا نيبو السوق ،، هذا الغول ،، كل يوم حاله متغير ،، أتمني منكم إنتي ومهند واحمد زين وحافظ حسين تمدوا الناس بالأسعار اليوم ،، والمتوقع تصل لوين في نهاية شهر يونيو القدامنا ده

بالنسبة لحماس الناس وإستعدادهم لدعم المشروع الإنسانس ده ،،،

كل الناس علي أتم الإستعداد للدعم ،، لأنو المشروع ده مشروعهم هم كلهم ،،،
بس الناس محتاجه لتجديد الإحتياجات بدراستكم لحال السوق اللآن
وهل حتواصلوا في نفس المدرسة المعنية ولا حيكون في شوية توسع في دائرة التغطية لطلابنا المحتاجين للوجبة بتاعة الفطور دي يا شباب

وبرضو مسألة توصيل الدعم من داخل وخارج السودان ،، محتاجه لتذكير وتجديد لو في تجديد للطريقة أو العناوين الممكن الناس توصل بيها مساهماتها


يلا الكوره في ملعبكم يا ناس الخرطوم ،،،

الأحباب الأفاضل،

ها قد انقضى العام الدراسي ومشروع إفطار طالب سار على أفضل ما يكون هذا العام.

التحية والشكر للذين بذلوا الجهد ..
التحية للذين بذلوا المال ..
التحية للذين بذلوا الرأي والفكرة ..

الآن، يجب أن يكون نجاح التجربة هذا العام دافعنا للتجهيز للعام الدراسي المقبل، فلا أقل من أن نكرّر التجربة وأن نزيد عليها قليلا.

أدعو الأخت نبراس والأخ أحمد زين بتوضيح ما تمّ إنجازه وتقديراتهم المالية لتكلفة العام الدراسي المقبل، حتّى نبدأ في تجميع مساهماتنا منذ الآن.

تحياتي للجميع.




أها جاكم كلامي ؟؟

التجهيز من دغيشاً بدري ،، من ضِي

يلا يا ناس الخرطوم ،، ترانا نحن قاعدين في الخلاء برفقة الرفيق الفَسِل

أفتونا وأأمرونا

نبراس السيد الدمرداش
15-05-2014, 12:02 PM
الأحباب الأفاضل،

ها قد انقضى العام الدراسي ومشروع إفطار طالب سار على أفضل ما يكون هذا العام.

التحية والشكر للذين بذلوا الجهد ..
التحية للذين بذلوا المال ..
التحية للذين بذلوا الرأي والفكرة ..

والتحية كلّها للذين بذلوا كل ذلك وأكثر؛ أؤلئك هم من تصدّوا للمهمّة من بورداب الداخل ..
نبراس، أحمد زين، مهند الخطيب، خال فاطنة، حافظ حسين وغيرهم/ن من الذين عملوا بصمت ونكران ذات، وليعذرني من ساهم ولم يرد إسمه، ولهم العتبى. حاديهم لقمة في بطن طالب علم جائع، دافعهم الإنسانية والإحساس بالآخر. لم يطلبون جزاء ولا شكورا من أحد، فليكافئهم الله بقدر ما قدّموا.

التحية موصولة للفاتح، مفجّر الفكرة وقادح زنادها ..
والتحية للذين وعدوا بالمساهمات وأوفوا ..
ويوم باكر أجمل.

الآن، يجب أن يكون نجاح التجربة هذا العام دافعنا للتجهيز للعام الدراسي المقبل، فلا أقل من أن نكرّر التجربة وأن نزيد عليها قليلا.

أدعو الأخت نبراس والأخ أحمد زين بتوضيح ما تمّ إنجازه وتقديراتهم المالية لتكلفة العام الدراسي المقبل، حتّى نبدأ في تجميع مساهماتنا منذ الآن.

تحياتي للجميع.



تحاياي للعمده وشاكره جدا اهتمامك ومتابعتك اللصيقه لمشروع الافطار
وبدوري اشكر كل من ساهم في انجاح الافطار سواء بالمال او التفكير او التنفيذ

الحمدلله ربنا وفقنا في تنفيذ افطار طالب من شهر 8/2013 حتى شهر 3/2014
تقريبا من بداية العام الدراسي وحتى نهايته ان شاء الله ح اكتب تقرير في بوست منفصل عن ما تم انجازه والتكلفه الكليه للمشروع كانت كم والمتوفر بالخزينه

بالنسبه للعام الجديد اذا ختينا اي تكلفه حتكون زي البنحرث في البحر لانو الاسعار كل يوم متحوله ومتغيره مع تغير سعر الصرف

الاجدى الان عرض المشروع على العضويه من جديد ومعرفة نيتهم في الاستمرار من عدمها..يا ريت لو فتحت بوست يا عمده في منتدى الحوار
في حال الموافقه على الاستمرار يبقى انو تتجمع التبرعات من اول شهر 6 لانو المدارس باذن الله حتفتح بعد عيد رمضان كدا حنقدر نبدا من اول ايام العام الدراسي في مد المدرسه بالافطار مع ملاحظة انو العدد حيذيد طلاب الصف الاول

نبراس السيد الدمرداش
15-05-2014, 12:12 PM
الكلام ده كان أمبارِح ياخ ،، هسي كلو إتغير يا نبراس ،، مع تغيير الأسعار الما عندها مُخ دي :biggrin:




نعم يا نيبو السوق ،، هذا الغول ،، كل يوم حاله متغير ،، أتمني منكم إنتي ومهند واحمد زين وحافظ حسين تمدوا الناس بالأسعار اليوم ،، والمتوقع تصل لوين في نهاية شهر يونيو القدامنا ده

بالنسبة لحماس الناس وإستعدادهم لدعم المشروع الإنسانس ده ،،،

كل الناس علي أتم الإستعداد للدعم ،، لأنو المشروع ده مشروعهم هم كلهم ،،،
بس الناس محتاجه لتجديد الإحتياجات بدراستكم لحال السوق اللآن
وهل حتواصلوا في نفس المدرسة المعنية ولا حيكون في شوية توسع في دائرة التغطية لطلابنا المحتاجين للوجبة بتاعة الفطور دي يا شباب

وبرضو مسألة توصيل الدعم من داخل وخارج السودان ،، محتاجه لتذكير وتجديد لو في تجديد للطريقة أو العناوين الممكن الناس توصل بيها مساهماتها


يلا الكوره في ملعبكم يا ناس الخرطوم ،،،




أها جاكم كلامي ؟؟

التجهيز من دغيشاً بدري ،، من ضِي

يلا يا ناس الخرطوم ،، ترانا نحن قاعدين في الخلاء برفقة الرفيق الفَسِل

أفتونا وأأمرونا

يا حبوب كيفنك والخلا
بعض من اسئلتك حتلقى اجابتها في ردي على العمده
والباقي هنا

بالنسبه للمدرسه والاستمرار فيها طبعا لازم نستمر فيها لانو الطلاب ديل بقو مسؤلين مننا في راي وانقطاع الدعم عنهم قد يحرم الكثير منهم من مواصلة الدراسه

نتوسع في التغطيه دي مرهونه بالدعم الحيتوفر للمشروع وكان في اقتراح من خال فاطنه انو الدعم يتوسع ليشمل الكتب سواء بجزء من الميزانيه او بتجميع كتب من الاعضاء اكيد كلنا عندنا ناس بتقرا لسه في المدارس ممكن نجمع الكتب ونعيد تجديدها وتغليفها لانو الكتاب برضو مشكله

ما بتقصر يا ابو رحيق وماك مشحود بس لم لينا كتب البنيات القديمه
:cool::cool::cool:

عكــود
17-05-2014, 06:42 AM
تحاياي للعمده وشاكره جدا اهتمامك ومتابعتك اللصيقه لمشروع الافطار
وبدوري اشكر كل من ساهم في انجاح الافطار سواء بالمال او التفكير او التنفيذ

الحمدلله ربنا وفقنا في تنفيذ افطار طالب من شهر 8/2013 حتى شهر 3/2014
تقريبا من بداية العام الدراسي وحتى نهايته ان شاء الله ح اكتب تقرير في بوست منفصل عن ما تم انجازه والتكلفه الكليه للمشروع كانت كم والمتوفر بالخزينه

بالنسبه للعام الجديد اذا ختينا اي تكلفه حتكون زي البنحرث في البحر لانو الاسعار كل يوم متحوله ومتغيره مع تغير سعر الصرف

الاجدى الان عرض المشروع على العضويه من جديد ومعرفة نيتهم في الاستمرار من عدمها..يا ريت لو فتحت بوست يا عمده في منتدى الحوار
في حال الموافقه على الاستمرار يبقى انو تتجمع التبرعات من اول شهر 6 لانو المدارس باذن الله حتفتح بعد عيد رمضان كدا حنقدر نبدا من اول ايام العام الدراسي في مد المدرسه بالافطار مع ملاحظة انو العدد حيذيد طلاب الصف الاول

سلام يا نبراس،

مجهودك ومجهود المعاك مقدر تماماً والله يديكم العافية ويتقبل منكم.

الأنسب يا نبراس، أن تكتبي تقريرك المفصل هنا ولا داعي لتشتيت البوستات عن نفس الموضوع، وده لسهولة المرجع الواحد.
نفس الشي بينطبق على إستنفار الناس للدعم للعام الدراسي المقبل، برضو يكون هنا في نفس البوست، بس ده بيحصل بعد تقريرك عشان الناس تكون على بينة في تحديد مبلغ الدعم الممكن يساهموا بيهو.

البوست ده ممكن ننشر رابطو بوسائط مختلفة لإستقطاب الدعم، فمن الأفضل أن يكون شاملاً.

كل الشكر.

نبراس السيد الدمرداش
18-05-2014, 11:23 AM
بسم الله الرحمن الرحيم
تحيات طيبات زاكيات
ادناه تقرير عن مشروع افطار طالب بعد نهاية العام الدراسي
وتحياتي لكل من ساهم في مشروع افطار طالب سواء ماديا او ذهنيا او حتى بالتقريع لتقصير حدث

الفكره كانت انو نشتغل في مدرسة في منطقة غرب الحارات امدرمان من خلال اخت كريمه لكن اعتذرت فجأة لانها ارتبطت بعمل في جهة ما واصبحت لا تستطيع التوفيق بين عملها والاشراف على الافطار

في اثناء بحثنا انا واحمد عن بدايل جاني اتصال من خال فاطنه بانو في بوست منزلو حافظ في الفيسبوك عن حوجة مدرسة لدعم عاجل في نواحي كتيره (الافطار..كتب..ادوات مكتبيه..بناء فصول)

تقع المدرسة في منطقة الفتح 2 مربع 8 جوار سوق 9 اسم المدرسة مركز امل
قامت منظمة حواء بانشاء المدرسة للاطفال فاقدي السند والاشراف عليها لمدة عام دراسي واحد فقط ورفعت يدها عنها حسب افادة استاذة روجينا واصلت روحينا ومن معها من معلمات العمل لعام دراسي اخر بمجهود فردي ودون اي دعم من وزراة التربيه والان هذا العام الثالث ومستمرات في عملهن بمحبه دون كلل..الان بالاضافه للاطفال فاقدي السند تضم المدرسة اطفال نازحين من منطقتي دارفور وابوكرشولا
يوجد بها 3 فصول دراسيه (اولى..ثانية وثالثة) عدد الطلاب الكلي 160 طالب الطلاب في الفصول المتقدمه بتم توزيعهم على المدارس الحكوميه

شاورت احمد واتفقنا انو نتبنى المدرسة ويتم تنفيذ المشروع فيها ونتكفل بافطار الطلاب لنهاية العام الدراسي وبالفعل سلمت خال فاطمه مبلغ 350ج لشراء مواد تكفي افطارهم لمدة اسبوع زي ما وضحت في مداخلات سابقة..اتصلنا بحافظ وقال انو حاليا في مواد بتكفي الناس ديل لبعد العيد فاحسن تبدو بعد العيد جات الامطار وتاجلت المدارس

يوم الخميس 22/8/2013 اتصلنا على الاستاذه روجينا مديرة المدرسة واتفقنا نتقابل يوم الجمعه 23/8/213في سوق امدرمان وفعلا اتلاقينا هناك انا وخال فاطمه اولا وبدينا نشتري في احتياجات المدرسة الملحة اثناء انتظارنا لروجينا..وصلتنا بعد ساعه سلمناها كل الطلبتو بالورقه والقلم وتم الاتفاق على انها قبل ما تخلص المواد العندها تتصل علي او على خال فاطنه عشان نجهز ليها مواد تاني(لانو قالت شوال الفول 50 كيلو بيقعدهم فتره كويسة اكتر من اسبوع فقط حندفع ليها حاليا قروش العيش اسبوعيا) واجرنا ليها عربة امجاد واطمأنيت على وصولها بالسلامه

تم الاستمرار في دعم المدرسه عن طريق الاستاذه روجينا شهريا اقوم بتحويل رصيد لها على ارقام هواتفها او احيانا تحضر لاستلام المبلغ يدويا وتم كل ذلك بمتابعه ومشاركه من احمد زين في ايصال بعض المبالغ الماليه


الميزانية التم توفيرها من الداعمين للمشروع من داخل وخارج سودانيات
13360 ج

طلب احد الاخوه تحويل مبلغ 1000ج من تبرعو لصالح مشروع شارع الحوادث..لتصبح الميزانية المتوفره

12360ج

ما تم صرفه من اواخر شهر اغسطس 2913 وحتى اواخر شهر مارس 2014
كان 9550 ج

مقارنة الوارد مع المنصرف
12360-9550=2810 ج

الان متوفر بخزينة الافطار مبلغ 2810 ج سوداني

اتمنى من الله انو نكون قدرنا قدمنا ولو اليسير للطلاب والمدرسه واوفينا جزء من حق المجتمع علينا
واتمنى اكون قدرت اوفيت لسودانيات بعض حقها علي وللخال عليه الرحمه الذي لولاه لما قامت كتير من الاشياء الجميله باسم سودانيات

حابه اشكر ناس ساعدوني في تنفيذ المشروع
اولهم الفاتح شليل لانو منبع الفكره
وتانيا كل الدعمو المشروع ماليا
وكل الدعمو بالسؤال والاهتمام والمتابعه
وشكري لشخوص بعينها

احمد زين
خال فاطمه
حافظ حسين
مهند الخطيب
العمده عكود
لنا جعفر
امال الشيخ
واخيرا زوجي وعضو المنبر عصام عبدالسلام

الان الامر بين ايديكم للاستمرار في هذا المشروع المهم مع الوضع في الاعتبار ان هذه المدرسه لا حول لها ولا قوة وانها لولا دعمنا لهؤلاء الطلاب لتسربو من الدراسه..وايضا الانتباه لانو في العام الدراسي الجديد سيذداد عدد الطلاب

نفتح باب الدعم والتبرعات منذ الان استعدادا لعام دراسي جديد ان رغب الاعضاء في ذلك وكذلك التنبيه لجمع كتب قديمه من اسر الاعضاء ليتم توزيعها على طلاب المدرسه

اذا في اي مساءله او استفسار انا حاضره

رقم الاستاذه روجينا للتواصل معها
0928352816
0127252243

عكــود
18-05-2014, 11:34 AM
هذه المدرسه لا حول لها ولا قوة وانها لولا دعمنا لهؤلاء الطلاب لتسربو من الدراسه.
شكراً نبراس على التقرير الوافي الواضح، والشكر مرة تانية لكل الناس الذكرتيهم.

الجملة أعلاه، حريّ بها أن تحرك فينا دوافع الإنسانية والواجب للإستمرار والمساهمة ولو بالقليل.

لي قدّام.

ناصر يوسف
26-05-2014, 08:21 AM
شكراً يا نبراس علي التقرير الوافي الكافي
وشكراً لمجهودات كل الذين شاركوا في إنجاح هذا المشروع

عن نفسي أعتذر لأني كنت بعيد جداً عن المشروع بكل النواحي
الآن أنا أضع نفسي تحت أوامر اللجنة المُكلَفة
ووعدت د. احمد زين بتسليمه مبلغ من المال حيصلكم قريب جداً بمشيئة الله

ويلا لا قِدام

نبراس السيد الدمرداش
16-06-2014, 03:17 PM
السلام عليكم

اتوقعت تداخلات في البوست من العضويه
بخصوص دعم المدرسه اوعدمها

حسب ما كان مقرر المدارس مفترض تفتح بعد عيد رمضان
لكن الان الوزارة طلعت قرار ببداية العام الدراسي يوم 22/6 يعني بعد اسبوع
اها الراي شنو

فتح العليم
21-05-2015, 09:56 AM
هل نستطيع إعادة هذا البوست الذي يمجد عظمة الخير في نفوس أعضاء سودانيات .
رمضان كريم وكل سنة وانتم طيبين