اغاني .. واغاني [الأرشيف] - الصفحة 4 - سودانيات .. تواصل ومحبة

الرشيد اسماعيل محمود

05-08-2013, 10:05 PM

ايوة صاح انا كيشة في الجكس
لكن والله اتحدى اي زول في الكشتينة،

أنا غايتو ما حصل لقيت لي زول حريف في الكتشينة وكيشة في الجكس:D

حلقة الليلة والله متعة ما بعدها، جمال فرفور أبدع في الاغنية الأولي وجضّمها ليك بإحساس عالي جدّاً، والأجمل إني عرفت إنو المُبدعة ليلي المغربي هي شاعرة الأغنية (حياتي حلوة)، يا سلااام ياخي!
تاور فنان بتميّز بالأداء المختلف، عندو طريقتو الخاصّة الممكن تشد المستمع ليهو، خلق حالة من الحيوية لمّن غنا (منو الهسّا غيرك)، يا سلاام علي الأداء والإبداع.

(حياتي حلوة، والزمان أهداني ريد وعمر جديد)، الله يرحم ليلي المغربي، جميلة الشاشة والشاعرة المرهفة ذات الصوت النادر والحضور اللطيف. عمّك السر قدور اتفاجأ لمّا تاور قال ليهو دي قصيدة ليلي المغربي، ما عرف يقول شنو، لأنو لو عارف من البداية، كان حيقول فيها كلام كتير ومرتّب، لكن شكلو كان زي والي الخرطوم القاعد يتفاجأ بالخريف.

حجة امنة

05-08-2013, 10:56 PM

جابوهن ليك بشحمن ولحمن ..
آآآيييييييا (صاح الكورس):D

--------

بمناسبة (الدعاية)

وجن بتي(4سنة) لافحة لوقو البرنامج اشتر كلو كلو ..
بترددو هكذا:
اغاني واغاني بي (دعاية) زين!:D
والله صحي

المافي شنو!؟
امها حكت -مش زمان في غنية: "رحلت بعيد يا سارة وشلت معاك (قلوب) اتنين “ او نحو ذلك- قالت انها كانت حافظاها:
رحلتي بعيد يا سارة .. وشلت معاك (هدوم) اتنين!:p

انتو يا شباب ما اقتنعتوا -زيي كدا- انو (زحل) دي فضائية!؟

الغنية بتقول: (بعيدة بعيدة يا سارة بقينا نشيل هموم إتنين)

الغنية دي غنوها فوق واحده من بنات الدويم، الكلام دا كان ما أخاف الكضب في السبعيناتgap

لقيتوني كيف و انا متقمصه شخصية عمك السر قدورgap

زول الله

05-08-2013, 10:58 PM

قيقراوي

06-08-2013, 01:38 AM

(حياتي حلوة، والزمان أهداني ريد وعمر جديد)، الله يرحم ليلي المغربي، جميلة الشاشة والشاعرة المرهفة ذات الصوت النادر والحضور اللطيف. عمّك السر قدور اتفاجأ لمّا تاور قال ليهو دي قصيدة ليلي المغربي، ما عرف يقول شنو، لأنو لو عارف من البداية، كان حيقول فيها كلام كتير ومرتّب، لكن شكلو كان زي والي الخرطوم القاعد يتفاجأ بالخريف.
الله يرحمه ياخي ويبشبش الطوبة التحت راسا

------

عندي شك ما مؤسس انو ابو امنة حامد كتب سال من شعرها الذهب فيها ..
استصحبو اني قلت (شك) يعني ظن ؤ كدا .. ؤ ما مؤسس .. آآثم!

هو -رحيمو الله- عندما سُئل عنها، قال كل السودان بحبها .. واسي ماتت!

قيقراوي

06-08-2013, 01:44 AM

الغنية بتقول: (بعيدة بعيدة يا سارة بقينا نشيل هموم إتنين)

الغنية دي غنوها فوق واحده من بنات الدويم، الكلام دا كان ما أخاف الكضب في السبعيناتgap

لقيتوني كيف و انا متقمصه شخصية عمك السر قدورgap

انا غايتو لقيتك زي الواطة دي!:p
اسي تاني الا نفرزكم بالبدلة الكاروهات بعد دا
بس (بكسر الباء)

------

انا غايتو (وحين اراك تختال) دي ما فرزتها الا بعد اشتعل الرأس شيباً
كنت عاكما (وحين رتختا) .. يعني شنو ما عارف .. لكن ماسك في القالب اللحني بس!:D

(اكسروا الباء في اللتنين .. في بسي وبس حجة قدورالسرها بااااتع دي)

وباقي اللغنية دي الحس مكوة الكهربا وهي شغالة وسلكا عريان لو اسي دي فارزا انا!!
والله صحي:D

قيقراوي

06-08-2013, 01:50 AM

تاور نجم البرنامج -حتى الآن- بدون منازع

فهيمة عملت عمايل في يمة الشوق غلب لمن غلبني اقوم اطفي نار القهوة واتدفقت:D

طه حاول يجاري الزول دا لكن تاور سيطر على الاطراف وخلاهو يتنطط زي العتود

مالاحظتو شبه صوت ابوشامة-في حتات كدا- مع تاور لما غنى معاه؟؟
شبهـ في الحنية

اقول قولي هذا واستغفر الله لي..................

الليلة كل الشاركوا انا اتكيفت منهم ..
بركاتك يا تاور (حقو نصفق ليو:D)

-------

اب شامة الليلة انا آمنت بيو عدييييل كدا
كحقد طبقي ساي- او كما قالت دبل جي- كنت شاميو
ما ممكن ياخي الوسامة ؤ ود ناس البادية .. والغنا برضو!؟

ناس خالد غالي ديل ينتحروا يعني!؟:D

قيقراوي

06-08-2013, 02:42 AM

اكتر دعاية عاجباني:

http://youtube.com/watch?v=DpMJ090DiHw&desktop_uri=%2Fwatch%3Fv%3DDpMJ090DiHw

الزوول

06-08-2013, 08:47 AM

والله ياقيقا بالغ أحمودي ، الزول ده بلعب عود لعب!!
غايتو انا مالاقاني في بلد المليون ميل بالقديم زول بلعب في رقبة العود بأربعة أصابع !!
د.العوض بالغت في قرشة ملحة الزول ده والله....
...
يا زول ما تبهتني ساكت
كلامي فهمتوهو عكس المقصود منو
انا غايظني السر قدور الما عندو الحاسة الفنية البتدي عوض احمودي الفرصة الكافية لامتاعنا
تعرف يا رباطابي انا لو مكان عمك قدور ده
كنت خصصت اقل حاجة حلقتين وللا تلاتة تقتصر فقط على الفرقة الموسيقية وعزف مقطوعات موسيقية سودانية او عربية لغرس ثقافة الاستماع والاستمتاع الموسيقي البحت
ويمكن ان تكون مؤلفات موسيقية مخصوصة مثل مقطوعات بشير عباس او الكمنجست عثمان جمال الدين او محمدية هيمسلف ، او اختيار اغاني ذات قوالب موسيقية ابداعية مثل الطير المهاجر او الود او المستحيل او مرحباً يا شوق (ومعظم اغاني وردي تحتوى على مقاطع غاية في الابداع الموسيقي)
شفت الفرقة الموسيقية دي ابدعت كيف في مقدمة اغنية زمان الناس ؟؟

الزوول

06-08-2013, 08:57 AM

الله يرحمه ياخي ويبشبش الطوبة التحت راسا

------

عندي شك ما مؤسس انو ابو امنة حامد كتب سال من شعرها الذهب فيها ..
استصحبو اني قلت (شك) يعني ظن ؤ كدا .. ؤ ما مؤسس .. آآثم!

هو -رحيمو الله- عندما سُئل عنها، قال كل السودان بحبها .. واسي ماتت!
...
المعروف يا قيقا
ان القصيدة المشهورة التي يغنيها سيد خليفة (يا صوتها لما سرى)
والتي كتبها الشاعر المبدع إدريس جماع
مكتوبة فيها
...

يا صوتها لما سرى .....
------------------------

يا صوتها .. لما سرى
مثل الحريرِ نعومةً
ونداوةً .. وتكسُّرا
مثل الصباحِ
طلاقةً .. ورشاقةً وتبختُرا ..
وتدفقت كلماتها ..
عطراً ندياً عنبرا
وهما حنيناً حالماً
وشذاً يضوع تخضّرا
--
يا صوتها لما سرى
يا روعةً ..
لحناً سماوياً سرى
مات الكنارُ مُغرّدا
والنايُ ناح تحسرا
والعندليبُ إذا حكى
لحناً تفجّر أبحُرا
ماذا يكونُ وصوتُها
صوتُ السماءِ من الثرى
--------------------

الزوول

06-08-2013, 09:41 AM

امها حكت -مش زمان في غنية: "رحلت بعيد يا سارة وشلت معاك (قلوب) اتنين “ او نحو ذلك- قالت انها كانت حافظاها:
رحلتي بعيد يا سارة .. وشلت معاك (هدوم) اتنين!:p

....
:D:D:D
يا عاصم شبارقة
بالله لو مريت بى هنا ضم لينا أم وجن القيقراوية دي
مع مجموعتنا بتاعت الناس البشرتمو الغنا

خَلّي الناس تموت ، والهم يفوت (http://sudanyat.org/vb/showthread.php?t=9191)
....

الزوول

06-08-2013, 09:44 AM

اكتر دعاية عاجباني:

http://youtube.com/watch?v=DpMJ090DiHw&desktop_uri=%2Fwatch%3Fv%3DDpMJ090DiHw

...
نفس الشعور يا قيقا
تعرف
الاعلان ده من اجمل الاعلانات الذكية والمعبرة
.....
اذكر اني استعملت فكرتو
ايام كنا بنجهز في صفحة سودانيات الرئيسة
المصممين ، ناس شركة جملة ناس قطيمين وجافين جداً
وكل ما اطلب منهم حاجة يقولو لي ده ما شغلنا وما اختصاصنا
ونحن بس علينا نديك التصميم ونديك الكود ...الخ الخ
وانت مفروض تعدل فيهو بالشكل الدايرو
واخوك اليومين ديك جديد في الشغلانية
بعد عمك محمد ابو عاقلة (اشتر) فكانا ليك فجأة عكس الهوا :D:D
المهم يوم كدي قفلت معاي وقمت قلت ليهم
شوفو يا ولاد بمبة gapgap
اذا كنتو ح تقومو تدوني الدقيق والصلصلة والزيتون وما اليها
وتقولو لي اديناك بيتزا
فالموضوع ده ما بيقسم معاي
...
انقر شنو؟
فكوها ليك ضحكة كاربة
وفصلو طوالي :):D:)
...

خالد غالي

06-08-2013, 10:15 AM

يا الرشيد وياطارق

غلاط الكشتينة ده مابينفع، اها الراي نتلاقى في عيد الضحية كلنا في الخرطوم، انتو العبو زملان وانا بجيب زميلي معاي ونحسم القصة دي، اها قلتو شنو؟

ويالرشيد، التمثال قاعد في الحصاحيصا لكنو بيخص كل البشرية، يعني عايزهم يختو ليك التمثال في البشرية كلها عشان يمثلها ولا شنو؟ :)

قيقراوي

06-08-2013, 10:40 AM

في شك موضوعي اننا صايمين غلط وبكرة العيد!!
والله صحي

انحنا متحرين هلال العيد مساء الليلة

--------

والشك الموضوعي يفسر لمصلحة المتهم طبعاً
المافي شنو!؟

الزوول

06-08-2013, 11:55 AM

في شك موضوعي اننا صايمين غلط وبكرة العيد!!
والله صحي

انحنا متحرين هلال العيد مساء الليلة
----

والشك الموضوعي يفسر لمصلحة المتهم طبعاً
المافي شنو!؟
....
والمتهم ده منو يا عمك
..
صحيح والله يا قيقا
دخلت المستشفى يا دوبك ... لاقتني ليك الاشاعة دي وجهاً لوجه
وكمان شنو
ناسنا دسل اصلهم بيحبو القوالات والشمارات
قالو الديوان الملكي الأردني اتكفل بأنو يدفع الفدية عن كل الاردنيين المسلمين
شفت النشامى كيف
اها
بالمناسبة دي
أهدي اغنية العطبراوي (نحن الشعوب الكادحون ) ... للخوان نافع وعمر والحاج وكل الذين تجمهروا في البيعة تحت الشجرة
...

شبارقة

06-08-2013, 01:12 PM

....
:D:D:D
يا عاصم شبارقة
بالله لو مريت بى هنا ضم لينا أم وجن القيقراوية دي
مع مجموعتنا بتاعت الناس البشرتمو الغنا

خَلّي الناس تموت ، والهم يفوت (http://sudanyat.org/vb/showthread.php?t=9191)
....

:D

والله قبل يومين إتذكرت البوست بتاعك دا .. والسبب كان بلال موسى .. بلال موسى في بداياتو كان ما حافظ الغنا .. مندلين صوتو عالي والجماعة يخوجلو والعجاجة في السماء والعمم تتطاير .. وعمك بلال موسى يقطع من رأسو سااي :) وزول جايب خبر مافي.

شبارقة

06-08-2013, 01:25 PM

...
المعروف يا قيقا
ان القصيدة المشهورة التي يغنيها سيد خليفة (يا صوتها لما سرى)
والتي كتبها الشاعر المبدع إدريس جماع
مكتوبة فيها

أولا ً : (يا صوتها) ليست من كلمات جـمّاع بل هي من كلمات الشاعر / محمد يوسف موسى

ثانيا ً : صوت المرحومة ليلى المغربي كان من الأصوات المميزة ولكن لما كـُتبت (يا صوتها) لم تكن المرحومة ليلى المغربي قد ذاع صيتها بعد.

شبارقة

06-08-2013, 01:37 PM

مات الكنارُ مُغرّدا

:D:D

مات الكنار دي تشيلا براك يا العوض وتوديها البوست بتاعك (خلى الناس تموت والهم يفوت) :) *

ما ذا الكنار مغردا ً .. يعني صوتها ليس كصوت تغريد الكنار بل أجمل من ذلك.

* إنتا آ العوض أخوي مرة تكتل الكنار ومرة تكتل الناس :)

الزوول

06-08-2013, 02:40 PM

أولا ً : (يا صوتها) ليست من كلمات جـمّاع بل هي من كلمات الشاعر / محمد يوسف موسى

ثانيا ً : صوت المرحومة ليلى المغربي كان من الأصوات المميزة ولكن لما كـُتبت (يا صوتها) لم تكن المرحومة ليلى المغربي قد ذاع صيتها بعد.

...
سلامات يا عاصم
ما قايلك سريع قدر كدي
:):D:)
المهم الأولانية دي اوافقك فيها 100% الكلمات لمحمد يوسف موسى
بس انها اتكتبت في ليلى المغربي ...فدي ما فيها اي نقاش
سمعتها بى أضاني دي من الأستاذ محمد سليمان
وكمان اختبر بها فنانة من نجوم الغد اسمها اجلال عوض من سنار
بعد غنت الأغنية سالها
تعرفي الأغنية مكتوبة لى منو؟
وكب ...كب المعلومة
وكان ما أخاف الكضب
أظن برضو ذكر انو محمد يوسف موسى هو خال جمال فرفور وللا حاجة بالشكل ده
....

الزوول

06-08-2013, 02:44 PM

:D:D

مات الكنار دي تشيلا براك يا العوض وتوديها البوست بتاعك (خلى الناس تموت والهم يفوت) :) *

ما ذا الكنار مغردا ً .. يعني صوتها ليس كصوت تغريد الكنار بل أجمل من ذلك.

* إنتا آ العوض أخوي مرة تكتل الكنار ومرة تكتل الناس :)
....

:D:D:D

قاتل الله الكوبي والبيست...

خالد غالي

06-08-2013, 06:36 PM

ده شنو يا طه الضرس غنية البنات الغنيتها دي :)

طارق صديق كانديك

06-08-2013, 07:48 PM

يا الرشيد وياطارق

غلاط الكشتينة ده مابينفع، اها الراي نتلاقى في عيد الضحية كلنا في الخرطوم، انتو العبو زملان وانا بجيب زميلي معاي ونحسم القصة دي، اها قلتو شنو؟

دييل:)

:D

والله قبل يومين إتذكرت البوست بتاعك دا .. والسبب كان بلال موسى .. بلال موسى في بداياتو كان ما حافظ الغنا .. مندلين صوتو عالي والجماعة يخوجلو والعجاجة في السماء والعمم تتطاير .. وعمك بلال موسى يقطع من رأسو سااي :) وزول جايب خبر مافي.

:D:D

أبوبكر عباس

06-08-2013, 08:30 PM

...
بس انها اتكتبت في ليلى المغربي ...فدي ما فيها اي نقاش

غايتو يا الزول، ليلي المغربي مرقتك من السيك!
أنا برضو في زمن بعيد سمعتها في واحدة من السهرات الغنائية القديمة.

ولو ما قالوها في ليلى
المفروض يكونوا قالوها فيها
التاريخ دا، عادي ممكن نظبط إيقاعو

طارق صديق كانديك

06-08-2013, 09:05 PM

...

بس انها اتكتبت في ليلى المغربي ...فدي ما فيها اي نقاش
سمعتها بى أضاني دي من الأستاذ محمد سليمان
وكمان اختبر بها فنانة من نجوم الغد اسمها اجلال عوض من سنار
بعد غنت الأغنية سالها
تعرفي الأغنية مكتوبة لى منو؟
وكب ...كب المعلومة
....

غايتو يا الزول، ليلي المغربي مرقتك من السيك!
أنا برضو في زمن بعيد سمعتها في واحدة من السهرات الغنائية القديمة.

ولو ما قالوها في ليلى
المفروض يكونوا قالوها فيها
التاريخ دا، عادي ممكن نظبط إيقاعو

:D

في الأسبوع الماضي استمعت لبرنامج (ياملك) على قناة الشروق، كان ضيف الحلقة الشاعر الحلنقي برفقة الفنان صلاح بن البادية وكان الحديث عن الشاعر أبو آمنة حامد. تحدث الحلنقي عن قصة هذه الأغنية بشكل طريف جداً، إذ ذكر أن أبا آمنة حامد طلب تغيير شخص ولعله (المراسلة) الذي يجلس أمام مكتبه لعدم وسامته، فتم تحويل مكتب أبو آمنة حامد بجوار مكتب الراحلة ليلى المغربي فكتب سال من شعرها الذهب.

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم:)

أبوبكر عباس

06-08-2013, 09:14 PM

:D

في الأسبوع الماضي استمعت لبرنامج (ياملك) على قناة الشروق، كان ضيف الحلقة الشاعر الحلنقي برفقة الفنان صلاح بن البادية وكان الحديث عن الشاعر أبو آمنة حامد. تحدث الحلنقي عن قصة هذه الأغنية بشكل طريف جداً، إذ ذكر أن أبا آمنة حامد طلب تغيير شخص ولعله (المراسلة) الذي يجلس أمام مكتبه لعدم وسامته، فتم تحويل مكتب أبو آمنة حامد بجوار مكتب الراحلة ليلى المغربي فكتب سال من شعرها الذهب.

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم:)

سال من شعرها الذهب، سمعت أبو آمنة "بأضاني البياكلها الدود" دي، بقول انو كتبها وهو المراحل الدراسية الأولى
أتحدى الحلنقي

شبارقة

06-08-2013, 10:18 PM

:D

في الأسبوع الماضي استمعت لبرنامج (ياملك) على قناة الشروق

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم:)

تلاحظ يا طارق في المداخلات السابقة جبنا سيرة الشاعر / محمد يوسف موسى .. وبالمناسبة هو شاعر معظم أغنيات إبن البادية وأشهرها أغنية (كلمة)* .. طبعا ً إفتقدنا وجود الشاعر محمد يوسف موسى في حلقات (يا ملك ) وإفتقدنا أغنياتو الجميلة وذلك بسبب خلافو مع قناة النيل الأزرق فرفض المشاركة ورفض أن تبث أغانيهو وأنا في إعتقادي دا واحد من أسباب عدم النجاح الجماهيري لهذه النسخة من التوثيق إذا ما قارناها مع النسختين السابقتين (يا أعز الناس) مع المرحوم وردي و (زورق الألحان) مع أبو اللمين.

* عندنا حبوبتن كدي بتاعت جاكات .. قالت أغنية (كلمة) مقطوعة فوكـّا :) أها أنا قلت ليها : والله يا حبوبة أنا من زمان عندي سؤال وما لاقي ليهو إجابة .. الشاعر بيقول : كلمتي الـ مسـّت غرورك وفرقتنا يا حبيبي ... أها الكلمة القالا ليك الشاعر دي والخلتو يعتذر ويبكي ويتمخط .. كانت شنو؟ :)

فيادكتور بكة: التاريخ ده قريب، ما محتاجين نظبط ايقاعو، طالما شهود العصر قاعدين الله يطوّل عمرهم:)

كنا في ليبيا وكان معانا واحد بتاع قنابل .. ما المشكلة في قنابلو .. المشكلة شهودو كلهم ميتين .. يقول ليك : كان معاي (فلان) الله يرحمو وكان معاي (علان) الله يرحمو .. واحد قال ليهو : أسع أكان ندور نتأكد من كلامك ده .. شهودك ديل نصلم كيفن؟ :)

طارق صديق كانديك

06-08-2013, 11:33 PM

شكرا يا شبارقة ياخي، دائماً مداخلاتك في الصميم مليانة ومفيدة.

قبيل بابكر عباس كان بتكلم معاي، وكان منتظرك تجي تفتينا في موضوع (سال من شعرها الذهب دي) قبل يقوم على تظبيط التاريخ:D

ــــــــــــــــــــــــــ
بس عصرت على حبوبتك:)

ـــــــــــــــ
ياقيقا ياخي الواحد استباح البوست أكتر من مرة،عامل الحالة واحدة:)

علاءالدين عبدالله الاحمر

07-08-2013, 12:00 AM

ايوة صاح انا كيشة في الجكس

لكن والله اتحدى اي زول في الكشتينة، انا الحريق وصلتو حدّو
ولو مشيت الحصاحيصا حاتلقى عندي تمثال في مدخلها مكتوب فيهو اعظم لاعب وست في تاريخ البشرية :)

البنات ديل مسألة خاضعة لحسابات تحب انته ويخش غيرك
غايتو خليك في حظ الوست الحريق ده بخاف تندق خمسين تطير نظارت الرشيد‎
‎

علاءالدين عبدالله الاحمر

07-08-2013, 12:03 AM

انسان بسيط ... فنان

-----

وظريييييف ...
ظرافة ما قبل النت ... لمن الناس كانت بسيطة

يا غالي تعال لينا في جدة عشان نعلمك الوست

معاك واحد جايي في علبا عديييل كدا
في جروف البلد .. لعبناها في ضل الجرجير

شكلك زاتو رميت مني الجبنة هههههههههههه‎
‎

قيقراوي

07-08-2013, 01:23 AM

...

.....
اذكر اني استعملت فكرتو
ايام كنا بنجهز في صفحة سودانيات الرئيسة
المصممين ، ناس شركة جملة ناس قطيمين وجافين جداً
وكل ما اطلب منهم حاجة يقولو لي ده ما شغلنا وما اختصاصنا
ونحن بس علينا نديك التصميم ونديك الكود ...الخ الخ
وانت مفروض تعدل فيهو بالشكل الدايرو
واخوك اليومين ديك جديد في الشغلانية
بعد عمك محمد ابو عاقلة (اشتر) فكانا ليك فجأة عكس الهوا :D:D
...
اعجنها كدا (ؤ دردق يديدهو)!:D:p:D

------

اولاد بمبا ماااا بتلحقوا في دي!
ناس روحم حلوة ساااي لي الله سيدم دا

"الطماطم أطعنهالك“
المرة الجاية بجيب ليك خريطة لي جرف الطماطم بس، انت تمش تقطفا. براااك

المافي شنو!؟:D

قيقراوي

07-08-2013, 01:35 AM

شبارقة يا عمك اي اقبض لينا الزوول الحانوتي دا بالثابتة .. كاتل الكنار مالك يا عمك!:D

-----

كانديك يا عمك
اجي!!

حرم لو ما وسعك البوست .. وضاق القلب .. يشلك الراس ..
وكان ما كفا .. اهو راس خالد الفاضي دا متل راس غليس ..
انت قايلو غالي لي شنو .. ما عشان فاااااضي (ما استعملو كلو كلو .. لا في كشتينة لا مع جكس .. قال حنك قال!:p)

طارق صديق كانديك

07-08-2013, 07:35 AM

سال من شعرها الذهب، سمعت أبو آمنة "بأضاني البياكلها الدود" دي، بقول انو كتبها وهو المراحل الدراسية الأولى
أتحدى الحلنقي

غايتو يادكتور، لو شبارقة قاصد الحلنقي، بي قصة ليبيا دي، أعفي لي،وأبقى على تظبيط التاريخ:D:D

أبوبكر عباس

07-08-2013, 09:07 AM

غايتو يادكتور، لو شبارقة قاصد الحلنقي، بي قصة ليبيا دي، أعفي لي،وأبقى على تظبيط التاريخ:D:D

أغلب الظن يا طارق، شبارقة قاصدني أنا،
دايرنو يجي عديل يقول انو كلام الحلنقي صاح وبابكر عباس جخاخ؛ عشان أوريكم الغلاط بتاعي ممكن أوصلو وين.
ولو كمان شبارقة موافقني؛ بقول ليهو: عيد مٌبارك يا أمير الحقيبة والمزيكا.

خالد غالي

07-08-2013, 09:55 AM

ياخوانّا والله تلاحظ لي في الآونة الاخيرة انو الناس بقت تشكك في مقدراتي الحنكية والجكسية والكشتينية، ودي كلها كانت حاجات غير قابلة للتشكيك ابان فترة شبابي!!

هرمنا ولا شنو؟ :)

شبارقة

07-08-2013, 10:55 AM

فتم تحويل مكتب أبو آمنة حامد بجوار مكتب الراحلة ليلى المغربي فكتب سال من شعرها الذهب.

سال من شعرها الذهب، سمعت أبو آمنة "بأضاني البياكلها الدود" دي، بقول انو كتبها وهو المراحل الدراسية الأولى
أتحدى الحلنقي

دايرنو يجي عديل يقول انو كلام الحلنقي صاح وبابكر عباس جخاخ؛ عشان أوريكم الغلاط بتاعي ممكن أوصلو وين.
ولو كمان شبارقة موافقني؛ بقول ليهو: عيد مٌبارك يا أمير الحقيبة والمزيكا.

كل عام وأنتم بخير

يا أخوانا أنا ما زلت مـُصر إنو لا (يا صوتها) ولا (سأل من شعرها الذهب) إتكتبن في المرحومة ليلى المغربي .. وبالمناسبة الأغنيتين ديل إتكتبن في الستينيات ولم تكن المرحومة ليلى المغربي قد بذغ نجمها بعد !!

أخونا الزوول إستشهد بكلام الإعلامي / محمد سليمان (جراب الحاوي ودنيا دبنقا) في (يا صوتها).. ومحمد سليمان بعضمة لسانو قال : والله الظاهر كبرنا وبقينا نلخبط .. وذلك عندما تكررت أخطاؤه في كثير من الأشياء التوثيقية .. لذا أنا لا أعتد بكلامه.

وأقول لأخونا طارق كانديك إنو الحلنقي بقى يقطع من رأسو ساكت :) وكلام د. بابكر صحيح وأنا أوافقه على ذلك.

محمد سليمان وإسحق الحلنقي على عينا ورأسنا .. لكن ما كل معلوماتهم مـُسلـّم بها .. فما يخمونا ساي :).

شبارقة

07-08-2013, 11:04 AM

شبارقة يا عمك اي اقبض لينا الزوول الحانوتي دا بالثابتة .. كاتل الكنار مالك يا عمك!:D

سلام يا قيقا وكل عام وأنتم بخير

النت مفيد ولكنو مليان أخطاء .. كثير من المصادر لا تهتم بالمعلومة الصحيحة قبل بثها

عشان كده أخونا الزوول قال : قاتل الله الكوبي والبيست :)

وبالمناسبة أخونا الزوول عندو بوست جميل جدا ً بخصوص الأخطاء السماعية في الأغاني .. أشار ليهو في المداخلات السابقة وهو بوست (خلي الناس تموت والهم يفوت) أي واحد فينا ح يلاقي نفسو فيهو :)

جيجي

07-08-2013, 12:35 PM

كل عام وأنتم بخير

يا أخوانا أنا ما زلت مـُصر إنو لا (يا صوتها) ولا (سأل من شعرها الذهب) إتكتبن في المرحومة ليلى المغربي .. وبالمناسبة الأغنيتين ديل إتكتبن في الستينيات ولم تكن المرحومة ليلى المغربي قد بذغ نجمها بعد !!

أخونا الزوول إستشهد بكلام الإعلامي / محمد سليمان (جراب الحاوي ودنيا دبنقا) في (يا صوتها).. ومحمد سليمان بعضمة لسانو قال : والله الظاهر كبرنا وبقينا نلخبط .. وذلك عندما تكررت أخطاؤه في كثير من الأشياء التوثيقية .. لذا أنا لا أعتد بكلامه.

وأقول لأخونا طارق كانديك إنو الحلنقي بقى يقطع من رأسو ساكت :) وكلام د. بابكر صحيح وأنا أوافقه على ذلك.

محمد سليمان وإسحق الحلنقي على عينا ورأسنا .. لكن ما كل معلوماتهم مـُسلـّم بها .. فما يخمونا ساي :).

انا والله معاك يا شبارقة من زاوية واحدة هي هل ليلى المغربي دي كان شعرها دهبي ولا اخونا دا كان عنده ضعف نظر ولا خياله شاطح ساي
كل الصور الموجودةة لليلى بتقول غير ذلك
الغلاط في شنو تاني

الزوول

07-08-2013, 01:03 PM

الغلاط في شنو تاني
...
:D:D:D
الغلاط في صوتها

...

أبوبكر عباس

07-08-2013, 03:47 PM

وكلام بابكر صحيح وأنا أوافقه على ذلك.

ضيعت علينا مسدار غلاط ساكت
إتصلت بقيس الصديق شحاته وقلت ليهو: موش يا قيس زمان أنا إستلمت ليك الجائزة الناكرها عبد المنعم عليك؟
طيب، داير منك دعم لوجستي لغلاط محتمل مع أخونا شبارقة
قال لي: تأمر
قلت ليهو ما يأمر عليك عدو، دايرك تتصل لي بحسين خوجلي وتسألو عن متى كتب أبو آمنة حامد، سال من شعرها الذهب؟ لأنو أعتقد انو حسين خوجلي هو من إستضاف أبو آمنة في سهرة تلفزيونية وأبو آمنة ذكر تاريخ كتابتها
ينوبك ثواب

قيقراوي

07-08-2013, 05:42 PM

انا والله معاك يا شبارقة من زاوية واحدة هي هل ليلى المغربي دي كان شعرها دهبي ولا اخونا دا كان عنده ضعف نظر ولا خياله شاطح ساي
كل الصور الموجودةة لليلى بتقول غير ذلك
الغلاط في شنو تاني

يا غالي ضم لينا دبل جي دي لجافل المشككين

شعرها دهبي ... وكلنا بنحبها
المافي شنو!؟:D

اها انا سمعتا الكلام من خشم سيدو
الكلام كان عن (وشوشني العبير) قال انو كتبها في محبوبتو .. زوجتو لاحقاً
وعن (سال من شعرها الذهب) قالوا ليو ليه ما انزوجتها، قال هي ذاتا ماتت!
الكلام كان دا كان في الاهلية .. منتصف العقد الاخير من القرن المنصرم

------

اتفق مع شبارقة برضو عن الحلنقي ..
الزول دا بتكلم ساااي!!
مرة براو اتكلم عن انو كتب (نسيت الاغنية اسي) عن اخوه الحصل ليو حادث .. واتوفى قبايل العيد .. والغنية عاطفية جداً

وجا نكر كلامو دا .. مع انو موثق وفي التلفزيون

يا دبل جي امس القريبة دي، والله واحدة سال من شعرها الذهب واشياء عجيبة .. عنابية كدا .. لي ي اردافا .. والعيون حمار بس

لكن مافي شاعرية بس!:D
غايتو اكتفينا بالكشيف ساااي

ود البادية غنى (داير اكون تاجر عطور اسرح وادور بين الحسان) .. ما عارف حاجة ساااي .. سوي ليك (صرافة) بس
المافي شنو

كل عام وانتو بخير
اوحشتنا يا شهر الصيام!

قيقراوي

07-08-2013, 05:46 PM

جبنا سيرة الأوط .. جا ينط

-----

ما تذكروني الاغنية يا شباب؟

خالد غالي

07-08-2013, 05:46 PM

اها جابو ليكم الحلنقي الليلة
اسألوهو :)

قيقراوي

07-08-2013, 05:52 PM

اها جابو ليكم الحلنقي الليلة
اسألوهو :)

ياخ قدور دا اشتر زول

عشة صغيرة دي غنية داير صوت نسائي!

http://youtube.com/watch?v=ZrS0lgQaB4M&desktop_uri=%2Fwatch%3Fv%3DZrS0lgQaB4M

------

التسلسل المنطقي:

البلابل .. عافية .. فاطمة!!

خالد غالي

07-08-2013, 05:55 PM

والله انا كرهتو كراهية عمك قدور ده الليلة

والعجب ود البلابل الوهم ده، قايل اغاني البلابل كلها حقتو!

تبا لهم جميعا ياخي :mad:

قيقراوي

07-08-2013, 05:58 PM

والله انا كرهتو كراهية عمك قدور ده الليلة

والعجب ود البلابل الوهم ده، قايل اغاني البلابل كلها حقتو!

تبا لهم جميعا ياخي :mad:
تباً لهم والله!!

-------

ود البلابل دي كيفتني في حناني:D

خالد غالي

07-08-2013, 06:02 PM

ياعمك (سبنتكم) دي الليلة دايرة تتفضح
قول ليها ارفعي اياديك المحننة من اغاني وردي :)

قيقراوي

07-08-2013, 06:11 PM

ياعمك (سبنتكم) دي الليلة دايرة تتفضح
قول ليها ارفعي اياديك المحننة من اغاني وردي :)

والله انا غايتو بسمع بعين الرضا

------

رضياااان ... وبالي مسرور

غنت كويس الزولة دي
اهم حاجة انها عندها (شخصية) غنائية فريدة .. ومميزة جداً

قيقراوي

07-08-2013, 06:16 PM

بالمناسبة دي

منى مجدي سليم - بجانب طلتا الحلوة- خريجة (الماحد) ؤكدا
يعني تعيين وزارة .. ما من ابو عشرين ساي

قاعد تعمل اضافت جميلة لاداء الغير .. ظلمها الاخرج البيض ..
وظلمنا نحنا ديل معاها!!

-----

الغنية الداير اتذكرا بغنيها الباشكاتب
ما تذكرونا يا اهل المغنى ..
الغنية فيها شجن ومحنة رهيبة
ياخي الحلنقي دا رهييييب عديل كدا

كشاعر ... بعيداً عن التوثيق

خالد غالي

07-08-2013, 06:24 PM

منى طلعت اخت قصي بالجد ولاشنو؟

قول لينا كلمتين تلاتة من الغنية الداير تتذكرها عشان نفكر معاك
الحلنقي راجل حبابو عشرة في كل احوالو :)

قيقراوي

07-08-2013, 06:30 PM

قول لينا كلمتين تلاتة من الغنية الداير تتذكرها عشان نفكر معاك
الحلنقي راجل حبابو عشرة في كل احوالو :)
الغنية بتتكلم عن زول (متوقع) او منتظر (زول) .. لكنه لا يصل ... ابداً

خالد غالي

07-08-2013, 06:35 PM

الغنية بتتكلم عن زول (متوقع) او منتظر (زول) .. لكنه لا يصل ... ابداً

وبيقولو الغائب عزرو معاه وفي غيابك ياما نشيل اللوم

مرت لحظات وكمان ساعات طالت وحياتك منظرين
لو وشوش صوت الريح في الباب يسبقنا الشوق قبل العينين

ياخي دي اغنية رقيقة رقة لانهاية لها

قيقراوي

07-08-2013, 06:37 PM

تلك!!

العيد الجاب الناس لينا ما جابك

http://youtube.com/watch?v=02iJLoFfp50&desktop_uri=%2Fwatch%3Fv%3D02iJLoFfp50

-----

شال النوار

ان شاء الله كل الاعياد وكلكم تامين ولامين على حبايبكم

حلقة جميلة
ختامه مسك

نشوفكم رمضان الجايي
العفو فوق العافية
وان شاء الله كل ايامكم محبة وسرور وحبور

المحبة للجميع

زول الله

07-08-2013, 06:38 PM

ياريت من اول وريتنا انك ياقيقا ممكن تتأخر يوم

المشكلة انو اتأخر الايام كلها:D

اقول قولي هذا واستغفر الله لي....................

جيجي

07-08-2013, 06:45 PM

وااااه منو الريد لما يصيبك يتغلغل في الاعماق جوووة

قيقراوي

07-08-2013, 06:45 PM

ديني انا يا فاطمة ياخي

----

تكونوا طالبني مية قلب!!

اعتبروهو وعد

جيجي

07-08-2013, 06:46 PM

وبيقولو الغائب عزرو معاه وفي غيابك ياما نشيل اللوم

مرت لحظات وكمان ساعات طالت وحياتك منظرين
لو وشوش صوت الريح في الباب يسبقنا الشوق قبل العينين

ياخي دي اغنية رقيقة رقة لانهاية لهافزيييع والله ياخلودي

عبدالله وداعه الامين

07-08-2013, 06:49 PM

يا حنين زي عش العصفور

شفت القاها متين مش عارفة يا رشيدنا
اخخخخخ
ابداع ياخ:cool:

عمك قدر بكا من الشجن ياخ :D

جيجي

07-08-2013, 06:51 PM

ابو شامة على قول زول الله

حنين برضو في زعلو
بتشعر برضو فيه حنان

انا مبسوطة لاني لقيت طريقة اشوف الحلقة مباشر

عبدالله وداعه الامين

07-08-2013, 06:51 PM

ديني انا يا فاطمة ياخي

----

تكونوا طالبني مية قلب!!

اعتبروهو وعد

ياخ كدي خلي قلوبك الطايرة دي
بس معقولة مباشرة و ورا الجمال دا كلو يكون ود ناس البادية دا؟
شنو الشتارة دي :D

قيقراوي

07-08-2013, 06:52 PM

يا حنين زي عش العصفور

شفت القاها متين مش عارفة يا رشيدنا
اخخخخخ
ابداع ياخ:cool:

عمك قدر بكا من الشجن ياخ :D

عمك قدور براو البكا!؟

----

خالك قيقا برضو!
والله صحي

جيجي

07-08-2013, 06:53 PM

ويصدق في كلامو معانا
ومايكالمنا يوم يومين

جيجي

07-08-2013, 06:54 PM

ياخ كدي خلي قلوبك الطايرة دي
بس معقولة مباشرة و ورا الجمال دا كلو يكون ود ناس البادية دا؟
شنو الشتارة دي :Dنحن غايتو كفانا الشامة:p

عبدالله وداعه الامين

07-08-2013, 06:55 PM

عمك قدور براو البكا!؟

----

خالك قيقا برضو!
والله صحي

وحياتك هي ذاتها عافية ليك بكيتك دي
ولوما عفت انتا عافي ليك :D

عبدالله وداعه الامين

07-08-2013, 06:57 PM

نحن غايتو كفانا الشامة:p

انتي في الشامة واللا في زحل و المزاحمة الحايمة ديgap

انا غايتو ما كفاني ولا حاجة و اطالب بي ياحنين من جديد وتغنيها براها:D

خالد غالي

07-08-2013, 06:59 PM

فزيييع والله ياخلودي

عجيب ياخي

انا اسي انتقلت بخيالي للايام الخوالي

فطومة بالغت لكن مع مهجتي، اتلفتها كلو كلو :)

جيجي

07-08-2013, 07:00 PM

انتي في الشامة واللا في زحل و المزاحمة الحايمة ديgap

انا غايتو ما كفاني ولا حاجة و اطالب بي ياحنين من جديد وتغنيها براها:Dغايتو النصيحة زحل زاتها في روحها اتهجمت
انا غايتو مادمعت بي الاغنية
دمعت بي دموع عمك السر

أمير الأمين

07-08-2013, 07:03 PM

عجيب ياخي

انا اسي انتقلت بخيالي للايام الخوالي

فطومة بالغت لكن مع مهجتي، اتلفتها كلو كلو :)
يا عمك تسمع البعجبك بس
والبافى تعمل زى الما سامع ذاتو:D
يا سلام عليك يا عافية ابنما كنتِ

عبدالله وداعه الامين

08-08-2013, 03:37 AM

http://www.youtube.com/watch?v=xwa_DmXbQqM

عبدالله وداعه الامين

08-08-2013, 03:45 AM

عبدالله وداعه الامين

08-08-2013, 04:00 AM

شوفوا عمكم قدور و اهة الشجن :D

http://www.youtube.com/watch?v=CdS-im1BJG0&feature=youtu.be

اشرف السر

08-08-2013, 08:04 AM

هدية و عيدية لي كل عشاق هذا البوست
وخاصة .......... و الرشيد و خالد و قيقراوي و اشرف السر و الرشيد
وكل سنة وهم وهي طيبين:cool::D

http://www.sudanyat.org/vb/uploaded/154_1375929788.jpg

:D:D

الله عليك يا ود وداعة ياخ
دايما تعوقنا...
اسه في طريقة اعملها صورة بروفايل او توقيع!!!!
الجماعة بدوني إذن؟

خالد غالي

08-08-2013, 08:14 AM

هدية و عيدية لي كل عشاق هذا البوست
وخاصة .......... و الرشيد و خالد و قيقراوي و اشرف السر و الرشيد
وكل سنة وهم وهي طيبين:cool::D

http://www.sudanyat.org/vb/uploaded/154_1375929788.jpg

كل سنة وانت طيب ياعبدالله وشكرا على الهدية اللطيفة

لكن الرشيد ده ذاكرو مرتين عشان مالو يعني :)

عبدالله وداعه الامين

08-08-2013, 10:56 AM

:D:D

الله عليك يا ود وداعة ياخ
دايما تعوقنا...
اسه في طريقة اعملها صورة بروفايل او توقيع!!!!
الجماعة بدوني إذن؟

كل سنة وانت طيب اشرف

تعمل ابوها ياخ
اقصد الصورة اكيد:D
الا اذا خوافgap

عبدالله وداعه الامين

08-08-2013, 10:57 AM

كل سنة وانت طيب ياعبدالله وشكرا على الهدية اللطيفة

لكن الرشيد ده ذاكرو مرتين عشان مالو يعني :)

وانت طيب وبالف خير وصحة وعافية خالد

انت عارف ليه و والرشيد عارف
التانية دي لي التاكيد و كدا ياخ:D
بعدبن هو حنين و رهيف
كررت الاسم حتى يطمئن قلبه :D

قيقراوي

08-08-2013, 11:26 AM

http://www.youtube.com/watch?v=xwa_DmXbQqM

ياسلام عليك يا وداعة
وسلام على فاطمة في عليائها

كدا الزول عيد بالجد جد

-----

كل سنة وكلكم طيبين
وعلى المحبة متلمين

عبدالله وداعه الامين

08-08-2013, 11:54 AM

http://www.youtube.com/watch?v=_7tIZG68TpQ&feature=youtu.be

الرشيد اسماعيل محمود

08-08-2013, 12:03 PM

لكن الرشيد ده ذاكرو مرتين عشان مالو يعني :)

عشان حريف في الكتشينة

الرشيد اسماعيل محمود

08-08-2013, 12:09 PM

يا وداعة بالرّاحة ياخي!:D:D
من قبيل بحاول من الموبايل ما قدرت أكتب، الكهرباء هسّع قاطعة والبطارية عليها الله، لكن عندي كلام كتير لمّا الأمور تظبط. لغاية الزمن داك بتخيّل لي مفروض نقدِّم صوت شكر لقيقراوي الذي تابع البوست لمدّة شهر كامل، يرد علي أيّ زول يدخل البوست ويتابع رفد البوست من كل الأماكن بالمعلومة والرأي، لغاية ما أصبح من أجمل البوستات وأكترها مشاهدة ومتابعة واستمتاع.
شكرا يا قيقراوي، البوست دا من أحب البوستات بالنسبة لي في شهر رمضان دا، وأصبح برنامج ثابت الواحد بقي يخرم لو ما أدّاهو طلة في يوم. وشكرنا برضو لي وداعة الما قاعد يقصِّر بالرغم من إنو قاعد يكتِّر لينا في السكريات :D:D

عموماً:
بجيك بعدين يا وداعة، بس القي زمن كويس وماهل، للوكت داك والله ما قصرتَ معاي تحديداً:D

الرشيد اسماعيل محمود

08-08-2013, 12:29 PM

يا شباب وجهة نظر: فاطمة امس ما اضافت لاغنية يا حنين اي شي جديد. وبجيكم بعدين بالاسباب الانا شايفها. طبعا لسع ما شفت التسجيل التاني الجابو وداعة.

كتابة الموبايل زي قراية الكبر

قيقراوي

08-08-2013, 01:00 PM

يا رشيد شكر بتاع الساعة كم
والله ما استمتعت في اسافير الله الواسعة قدر متعتي بالبوست دا
وكت البرنامج كان ظابط معاي الف .. تقريباً الوكت الوحيد الزول بلقى فيو فرقة ..
كان جميل الزول يتواصل مع الجميلين الهنا
ما عارفين ساي محبتي للناس الهنا .. وللمكان دا
عرفتو ب (الملاذ) الآمن .. وظل
ولا شنو يا ستهن بعد ما بقن ستة هن

------

كيف فاطمة ما اضافت يا عمك!؟
دا تجديف عديييل كدا!:p

جيجي

08-08-2013, 02:23 PM

يا وداعة بالرّاحة ياخي!:D:D
من قبيل بحاول من الموبايل ما قدرت أكتب، الكهرباء هسّع قاطعة والبطارية عليها الله، لكن عندي كلام كتير لمّا الأمور تظبط. لغاية الزمن داك بتخيّل لي مفروض نقدِّم صوت شكر لقيقراوي الذي تابع البوست لمدّة شهر كامل، يرد علي أيّ زول يدخل البوست ويتابع رفد البوست من كل الأماكن بالمعلومة والرأي، لغاية ما أصبح من أجمل البوستات وأكترها مشاهدة ومتابعة واستمتاع.
شكرا يا قيقراوي، البوست دا من أحب البوستات بالنسبة لي في شهر رمضان دا، وأصبح برنامج ثابت الواحد بقي يخرم لو ما أدّاهو طلة في يوم. وشكرنا برضو لي وداعة الما قاعد يقصِّر بالرغم من إنو قاعد يكتِّر لينا في السكريات :D:D

عموماً:
بجيك بعدين يا وداعة، بس القي زمن كويس وماهل، للوكت داك والله ما قصرتَ معاي تحديداً:D حالتو بالله يارشيد ماقادر تكتب ومن الموبايل
والله تتسحر عديييل كدا:p

يازول كل سنة وانت طيب وينعاد عليك

جيجي

08-08-2013, 02:31 PM

قيقراوي

08-08-2013, 03:11 PM

قيقراوي
كل سنة وانت واسرتك الكريمة بخير وعافية وسعادة
شكرا فعلا ان منحتنا هذا الجمال
وتلك اللحظات الوهج
واضئت قلبي الحزين
وجعلت للمساءات اريجا
شكرن لك كل الضحكات
والبسمات ولحظات الفرح
والغلاط الموشي حنينا ومودة:)
وينعاد علينا وعليك

حبيبة ألبي

ايه الدنيا ايه ياخي!؟

كل سنة وانت أجمل .. وينعاد عليك اعوام واعوام وانت في وسط جميع احبابك
سالمين .. تامين .. لامين

-----

ان شاء الله ربنا يطمنكم على السيدة الوالدة ..
بركة العيد السعيد

تأبري ألبي انت ..
بالجد سعيد بطلتك الحلوة

أمين محمد سليمان

08-08-2013, 03:19 PM

يا قيقا كل سنة و أنت و من تحب بخير و صحة و عافية

عكــود

08-08-2013, 03:37 PM

قيقراوي

08-08-2013, 03:48 PM

يا قيقا كل سنة و أنت و من تحب بخير و صحة و عافية
وانت طيب يا اميننا الذي نحب

ان شاء الله كل سنة من المعيدين
تامين ولامين يا امين

-------

العفو فوق العافية (يا قولة امي بت السيمت)

عافي ليك لله والرسول ..
اعفو لينا

قيقراوي

08-08-2013, 03:57 PM

كل سنة وإنت طيب يا قيقراوي.

شكراً ياخي على البوست النسمة والمشاركات اللطيفة جدّاً منك ومن المداومين المحبين.
---

بس ياخي أدعو معاي إنو الكهرباء ما ترجع للرشيد، لأنو قال ناوي يجي يطلّع فاطنة دي أي كلام في عش العصفور، أو ..
الزول ده أدوهو راسو.
:D

وانت طيب يا عكود
مشتاقين والله .. وفقدناك المرة دي
قاتل الله المشاغل .. خلتنا كلو فردة في بلد .. وفي هم!

ان شاء الله القابلة على اعز امانيك يا صديق

------

الرشيد حيرني زي دبل جي دي واااحدة!:D
كان الكهربا جات بكمل ليكم الباندويث كلو فوق فاطنة ..
والله لي انا من فاطنة ياخي

بالمناسبة دي: ياخي عندنا شكوى رسمية في الزوول دا
عاوزين قلوب ناااابضة .. وترتر .. كتييييير
خلونا نعبر ياخي ..
المافي شنو!؟:p

تحياتي يا حبيب
وكل سنة واسرتك ملمومين على المحبة
واجمل التبريكات للزووول واسرتو .. ولكل الحبان هنا .. جميع بدون فرز

أمين محمد سليمان

08-08-2013, 04:17 PM

وانت طيب يا اميننا الذي نحب

ان شاء الله كل سنة من المعيدين
تامين ولامين يا امين

-------

العفو فوق العافية (يا قولة امي بت السيمت)

عافي ليك لله والرسول ..
اعفو لينا يا زول أنا ما عندي ليك عفو !!
العفو يرجي ممن ظُلِم... و أنا عارف اني أخطأت في حقك !!
كن بخير يا صديقي ...

قيقراوي

08-08-2013, 05:07 PM

يا زول أنا ما عندي ليك عفو !!
العفو يرجي ممن ظُلِم... و أنا عارف اني أخطأت في حقك !!
كن بخير يا صديقي ...

ما عارف لو كتبت اي كلام ح يطلع عاطف ..

لكن على العموم مافي خطأ ولا حاجة ..

------

ياخ (صديقي) دا انت قايل ما عندها حق؟

الاصدقاء هم الاصدقاء .. والمساحات ممدود للشد والجذب

لكن لا شي يتغير .. ابداً
اصدقاءنا هم راسمالنا في الزايلة دي ..
دائماً لنا الله واصدقاء

كن بخير يا صديقي

Ibrahim

08-08-2013, 05:38 PM

قيقراوي

08-08-2013, 05:47 PM

شكرا يا شباب وكل سنة وانتم طيبون وبالف خير:D.

غايتو شاركناكم بسيط مرة ومرتين ولكنى كنت اقراء مداخلاتكم يوميا واستمتع بهزاركم وجوكم العائلى. وبرضو بكوتشينتكم وجكسيكم - فى إشارة للشاعر الرقيق عبدالله وداعة:D.

قيقا يا صديقى الاسفيرى كنت كاتبى المفضل لهذا الشهر:L.

الله يخليكم ويخلى أسركم ليكم.
الله يخيلك يا فنان
وكل سنة وانت الأجمل

------

صراحة .. وللأمانة (سودانيات بيتنا)
لكن حبيبنا عبد الجليل قال ما تقولوا كدا!:D

لكنه احساسي النصيحة ليك يا الله
نحن ح نستهبل!؟:D

الرشيد اسماعيل محمود

08-08-2013, 06:12 PM

بس ياخي أدعو معاي إنو الكهرباء ما ترجع للرشيد، لأنو قال ناوي يجي يطلّع فاطنة دي أي كلام في عش العصفور، أو ..
الزول ده أدوهو راسو.
:D
بالعكس يا عمدة،،
فاطمة دي من أجمل تلاتة أصوات نسائية ظهرت في الفترة الاخيرة مع اسرار بابكر وعافية حسن، لكن وجهة نظري بتتمثل في إنو عافية حسن ما خلّت فرَقة لإضافة أيّ شي لأغنية يا حنين.
اداء الأغنيات زي عملية التشييد، في فنانين بخلو أراميص بيجي غيرهم يملاها وبكون شكّل إضافة للبناء، لكن عافية دي في أغنية يا حنين شطّبتها وما خلت فيها ولا أرموص فاضي، أيّ زول داير يأدِّي الأغنية دي، حيأديها بنفس المواد الأولية الختتها عافية.
اعتماداً علي الكلام دا، أنا لاحظت أمس إنو بالرغم من اجتهاد زحل في إضفاء خصوصية صوتها، ومن بعدها فاطمة عمر واجتهادها في الغنا بطريقتها الخاصة، لكن عافية كانت باينة في كل جملة لحنية، كل كلمة وكل ايقاع، ودا طبعاً ما خصماً من مجهودات فاطمة الكبيرة في الحركة دي، لكن لأنو عافية أدّت الأغنية دي بشكل مميّز وأداء فخم جدّاً روّج ليها كتير، والاهمّ إنو روّجت الاغنية بالأداء إياهو.
عموماً:
فاطمة عمر صوت مجيّه بالحنين والأداء التقمُّصي الفريد، هي ما بتتقمّص غير روحها براها، عشان كدا حتمشي لقدّام لو ربّنا أبعد عنها العوارض المعروفين في الوسط الفني، وأبعد عنها غرور البداية القوية البدّيك وهم إنك وصلتَ.

يا قيقا:
أنا قارنت بين أداء فاطمة في (من أجل حبّي) وبين (ياحنين)، في رأيي إنو الاضافة العملتها في الاغنية الأولي أكبر من التانية، في احساس جديد في (من أجل حبي) وصل لي مردّه للفرق بين الأداء الأنثوي لفاطمة والغليظ بالنسبة لعثمان حسين، إضافة لاختلاف الظرف الزماني بالنسبة للمؤدي، ودا بالضرورة بيأدي لاختلاف في احساس كل واحد.
عافية وفاطمة الاتنين اتميزن بأداء عالي واحساس عميق وثقة في الغنا، عشان كدا من الصعب إنو تلحظ لفرق بين هنا وهناك (علي الاقل بالنسبة لي).

إتمنيت فاطمة تبدا مشوارها الفني بأغنية لم يروّج لها عن طريق أيّ فنان آخر، تماماً زي ما عملت عافية التي روّجت نفسها عن طريق يا حنين صحيح، لكن الاهم إنو الاغنية رسخت عن طريقها وبطريقتها الخاصة، والحركة دي في متناول فاطمة عشان تعملها، لامتلاكها القدرة والموهبة والصوت الجميل.

عمّك الملك والحلنقي ما بقدرو يعيشوا بعيداً عن الاضواء، عشان كدا بتلقاهم في بحث مستمر عن مشروع أيّ ضوء فني يلوح، عشان كدا زي فطومة دي ما بقدرو يفوتوها أبداً.

بالنسبة لي، أكتر تلاتة اغنيات ناجحة في الألفية دي، يا حنيّن (عافية حسن)، الفات زمان (محمود) واشتقت ليك (صفوت الجيلي) اعتماداً علي تفاعل المستمع وتمدد الاغنية في الوسط الفني والاجتماعي بشكل وبائي كدا. لذلك من الصعب لأيّ فنان إنو يغيّر من احساس المستمع تجاه أيّ عمل فني متمدِّد وراسخ بصوت فنان تاني.

عيدك سعيد يا عمدة، مداخلتي الفاتت واحدة من أهدافها إنو تمرق الكاتمين الاعجاب بزولتنا دي، والحمد لله المرقتك:D، غايتو نحن ما داسِّنها:D

الرشيد اسماعيل محمود

08-08-2013, 06:19 PM

حالتو بالله يارشيد ماقادر تكتب ومن الموبايل
والله تتسحر عديييل كدا:p

يازول كل سنة وانت طيب وينعاد عليك
ابداً، المداخلة الاقتبستيها دي كتبتها من اللابتوب لكن البطارية نامت بعد داك:D

كل سنة وإنت طيبة يا ستِّي، كل الامنيات متحققة، القريب منها والبعيد

الرشيد اسماعيل محمود

08-08-2013, 06:36 PM

شوفوا عمكم قدور و اهة الشجن :D

ياخي عمّك عملها ظاهرة شديد!!
عمّك سرح ومشي بعيد، قام شالها وختّاها في فاطة وقال ليها يا بتي إنتي مشيتي بعيد:D
ياخي البت دي جهجهت باكات ناس كتااار (ما داير أقول زعزعت قناعات)..:D
لكن:
أنا لو في محل زحل ما حأغني الاغنية دي مع فاطمة، لأنو النتيجة معروفة سلفاً، بعدين أداء زحل بتخيّل لي أداء عادي من غير احساس، نظام (عشان نغنّي) وبس.

جيجي

08-08-2013, 08:12 PM

البروف وقيقا
ما اجملكما
مباراة المحبة بينكما ارجفت كبد المحبة ذاتها
شكرا اثلجتم قلوبنا

قيقراوي

08-08-2013, 08:16 PM

يا رشيد انا فارز فرق جميل لصالح فاطمة بالمناسبة ..
اكبر تجسيد ليو في الاهات .. تحس بآهات عافية موسيقية اكتر ..
فاطمة بتأدي الآهات بمستوى انساني ارحب .. واسمى ..
دا ما بعني الانثوية ما سماء انساني رفيع .. بل العكس
لكن الفضاء البتصعدوا فاطمة اعلى في مراقي الانسانية .. ابعد من النوع ..
حيث الكل ببقى اقرب للواحد .. وسدرة منتهى الانقسام والاشتهاء .. وهل يشتهي الواحد نفسه!!
وهذي لا يلقاها الا ذو حظٍ عظيم

كلام فقراء ودراويش!؟
ولو!!
ممكن تجلوهو عادي

-----

في حكاية (العراميص) دي، ابن عمي عادل (الماسوني الوحيد البعرفو)*
بقول: انو الزول البهتم بالعراميص دا اعرفو فتر ساي ..
دي البياض بجيبا يا معلم!

بناي جدد .. ما من [البنائيين العبيد][يا عملات محسن]

كل سنة وانت وحبيبنا محسن بألف خير
كيفو الزول دا؟

خالد غالي

08-08-2013, 08:22 PM

دقيقة دقيقة بالله

شنو الحكاية، حسيت انكم فتوني شديد!
اولا شكرا للبروف وقيقا على التصافي
وشكرا للرشيد على المداخلة الطوييييييييلة :)
وشكرا لبابكر عباس على العيد اللطيف، كان يوم جميل ياخي

المهم
البوست كان لطيف جدا كألطف مايكون في رمضان والله، شكرا قيقا مرة اخرى وشكرا للجميع، لكن يالرشيد وكانديك غلاطنا بتاع الكشتينة في محلّو ونتلاقى في الخرطوم عشان نحسمو :rolleyes:

اتفق مع الرشيد انو اداء عافية افضل من اداء فاطمة، اقول هذا واستغفر الله العظيم :)

الزوول

08-08-2013, 08:37 PM

يا شباب عيدكم مبارك
وإن شاء الله يعود عليكم وكلكم وبلدكم في أحسن حال
...
بس دقيقة نصلح المعلومة دي
مش ممكن البوست ده يكون مرجع
المافي شنو؟؟
...

...

وكان ما أخاف الكضب
أظن برضو ذكر انو محمد يوسف موسى هو خال جمال فرفور وللا حاجة بالشكل ده
....
الصحيح
أن خال جمال فرفور هو الشاعر عوض حسن أحمد
أشهر قصايدو ما تغنى به عبد العزيز داؤد (فينوس) و (صغيرتي)
وقال السر قدور أنه (أي عوض حسن أحمد) هو من سمى جمال فرفور على الزعيم الراحل جمال عبدالناصر

الزوول

08-08-2013, 08:51 PM

تصدقو يا جماعة
قبل كم يوم كدى
وفي أثناء مشاهدتي لبرنامج أغاني وأغاني
لفتت انتباهي لقطة صغيرة لعازف الايقاع (مليجي) تألق فيها بشكل مدهش
وبالأمارة جعلت اسماعيل عبدالجبار ينتبه إليها ويشيد بها (بعيونو)
قررت يومها اركز عليها في تعليقي في البوست ده ... ونسيت :)
الليلة قررت افتش كل الحلقات عنها
من صباحات الله ما خليت لي حلقة الا اتفرجت عليها
تصدقوا ...
كل الحلقات وبى شوكن (اعلانات ريم ست الحريم واسبيرات مارينا..الخ)
بعد ده كلو ما لقيت الحتة الأنا قاصدا :mad:
بس طلعت بى حصيلة ما بطالة
هي ملخص اوسكار الحلقات
(عمكم أباذر عكود مر يبارك العيد، فلحقتو بى كم حلقة كدي ...gapgap)
تابعونا
...

الزوول

08-08-2013, 09:06 PM

الحلقة الأولى:
10/7
فاطمة عمر وبامتياز أغنية عثمان حسين (جايي تترجاني اغفر ليك ذنبك)
مصطفي السني وبتقدير جيد جداً عبدالعزيز محمد داؤد (زرعوك في قلبي)
...
الحلقة الثانية:
11/7
لا يوجد
...
الحلقة الثالثة
12/7
لا يوجد
...
الحلقة الرابعة
13/7
عن محمود عبدالعزيز
لا يوجد
....
الحلقة الخامسة
14/7
الشاعر كامل عبدالماجد
معتز صباحي ورائعة الجابري (البلوم في فرعو غنى)
...
الحلقة السادسة
15/7
مع الشاعر الصادق الياس
لا يوجد
....
الحلقة السابعة
16/7
عن التاج مصطفى
لا يوجد
...
الحلقة الثامنة
17/7
عن الشعراء الاعلاميين
لا يوجد
...
الحلقة التاسعة
18/7
بلال موسى
لا يوجد
....
الحلقة العاشرة
19/7
التراث الغنائي
لا يوجد
....
الحلقة 11
20/7
أبو آمنة حامد
طه سليمان وو البادية في رائعة صلاح بن البادية (وشوشني العبير)
....
الحلقة 12
21/7
مواصلة أبو آمنة حامد
لا يوجد
....
الحلقة 13
22/7
فرح الفن
مصطفى السني وجمال فرفور في رائعة أبو داؤد والعطبراوي (يا ناس دلوني)
نسرين هندي ومصطفى السني (دمعي الاتشتت وغلب اللقاط)
....
الحلقة ال14
23/7
عبدالرحمن عبدالله
لا يوجد
...
الحلقة 15
24/7
الطيب عبدالله
لا يوجد
...
الحلقة ال16
25/7
الحلقة عن عوض جبريل
لا يوجد
....
الحلقة 17
26/7
عن الليل
فهيمة (الليل والليل يا عيني)
....
الحلقة 18
27/7
التجاني حاج موسى
لا يوجد
....
الحلقة 19
28/7
الزمن
الفرقة الموسيقية في أغنية زمان الناس للكابلي والتي أداها طه سليمان
...
الحلقة 20
29/7
الهادي ود الجبل
افتقدتك طه سليمان والهادي الجبل
...
الحلقة 21
30/7
عبدالعظيم حركة
لا يوجد
...
الحلقة 22
31/7
صلاح محمد عيسى
لا يوجد
....
الحلقة 23
1/8
الايقاع
فهيمة عبدالله (يا الجافيت بدون اسباب)
...
الحلقة 24
2/8
الأسئلة
الفرقة الموسيقية في اغنية وردي (كده اسأل نفسك بينك وبينا) والتي أداها ود المأمون
طه سليمان قالو وقلنا ليه ليه
...
الحلقة 25
3/8
عبدالحميد يوسف
لا يوجد
....
الحلقة 26
4/8
الشاعر ابراهيم الرشيد
معاذ ود البادية ورائعة ابراهيم عوض (لو مشتاق حقيقة)
طه سليمان ورائعة ثنائي الجزيرة (بغير عليك يا جار)
...
الحلقة 27
5/8
محمود تاور
طه سليمان في (ارجع تعال عود لي)
....
الحلقة 28
6/8
حسن سليمان الهاوي
لا يوجد
...
الحلقة 29
7/8
الشاعر اسحق الحلنقي
لا يوجد

بصفة عامة (الطف) الحلقات حلقة محمود تاور وابراهيم الرشيد

الرشيد اسماعيل محمود

08-08-2013, 09:29 PM

اتفق مع الرشيد انو اداء عافية افضل من اداء فاطمة، اقول هذا واستغفر الله العظيم :)
انا اختلف معاك وبتفق مع استاذنا قيقراوي:)

ابداً انا ما قارنت (تفاضلياً) بين الاتنين يا غالي، أنا فقط اتكلمت عن إضافة فاطمة لأغنية يا حنين من عدمها، لأنو أنا شايف عافية ما خلت فرصة لزول يضيف للاغنية شئ فوق البيعة، وطبعاً وجهات النظر بتختلف من زول لتاني.
طبعاً الكلام دا كلو مستند علي فكرة تحويل ملكية الاغنية من عافية (المعتزلة) لفاطمة، عشان كدا كنت منتظر أشوف حتعمل شنو بعد الاغنية بقت حقتها رسمياً، لو الموضوع مقتصر علي أداء أغنية حقت زول تاني بس، كنت حأقول ليك والله جضّمتها جد من غير تفكير.

عيد الضحية قريب، والكيشة الله يخونو:D

الرشيد اسماعيل محمود

08-08-2013, 09:36 PM

الحلقة 27
5/8
محمود تاور
طه سليمان في (ارجع تعال عود لي)
وفرفور في (حياتي حلوة)..

دا كان افضل أداء لفرفور في الموسم الحالي يا الزوول، أدّاها بحيوية وانفعال واحساس، حتي الرضا كان باين علي تاور، حقيقي كان أداء بمستوي عالي.

كل سنة وإنت طيّب يا الزوول، قلت لي العمدة لحقتو كم حلقة كدي؟!، عشان كدا قال ليهم الرشيد دا أدوهو راسو:D

خالد غالي

08-08-2013, 09:55 PM

والله يا الزول اجحفت في حق فاطمة تماما اذا قلت انو اداءها لاغنية جاني طيفو طايف ماكان اكتر من ممتاز!!

شخصيا بعتبرو افضل اداء في البرنامج كلو

كدى اسمع تاني ووريني رايك

http://youtu.be/U34h3cPnDJQ

خالد غالي

08-08-2013, 10:03 PM

انا اختلف معاك وبتفق مع استاذنا قيقراوي

هههههههههههه

اتسديت يعني :)

كويس بخلصها منك بي خمسين وسيك

فتحي الصديق

09-08-2013, 01:17 AM

كانت (وشوشني العبير ) هي جوهر صدر الأغاني في هذا العام ..
طه سليمان كان أداؤو ثابت ورصين ..

---------------------------------
خيبت ظني نسرين هندي ..فقد أستمعت لها قبلاً وهي تؤدي بشكل أفضل من أدائها في (أغاني وأغاني) .

قيقراوي

09-08-2013, 02:40 AM

يا رشيدنا جاتك اشادة -مستحقة- من اكتر زول شناف في الاسافير ..
عمر الفاروق همسلف!!

ومعاها دعوة لتكوين رابطة الناقدين الفنيين العنقالة .. باللضين بس:D

-----

الليل هووود بي جايي ..
صباحتو بيض

احتقب اجمل امانيك يا جميل
ماشي اودي لوداعة صاحب الوداعة .. وداعة تخصو تماماًlooool

قيقراوي

09-08-2013, 11:14 AM

غايتو البضمنو ليك يا فتح الرحمن إنو الزول الإسمو الرشيد اللي جبت مداخلته من سودانيات لي هنا الزول ده زول فاااهم فهم ما طبيعي في قصة الاستماع ..وياريت يكون زول بيعتمد على أضانو زيينا كده وما زول بتاع علم موسيقى عشان أضمو لي النادي بتاعنا نحن زمرة العنقالة اللي في كل يوم بيأكدوا نظريتي إنهم ربما أفضل من ناس العلم الموسيقي ..
الزول ده مداخلته زاااتا ما خلى لينا فيها أرموص زي ما هو قال عن عافية عشان الواحد يجي يعقب عليهو .. الزول ده بالجد كتب مداخلة دسمة مختصرة وصفت تماااما فاطمة عمر وعافية ..
عن نفسي أجد عافية حسن هي تاني أفضل صوت نسائي بعد صوت ملاك الأمين المعتزلة مبكرا للغناء ومن بعدها ظهرت عافية وبرضو إعتزلت مبكراً..
عافية مستحيييل يجي زول بعدها يضييف في الاغنية دي مهما حاااول لااازم يلاقي روحو في لحظة اتقمص صوت وشخصية عافية ..
الشي الملفت وبالفطرة كده في تشابه شديييد بين إحساس وتوصيف عافية وفاطمة .. ياخ لي درجة تصليح الطرحة عندهم بيتشابه ..إضافة لي حركة قلبة اليد وهي قريبة من الكتف دي .. والأغرب برضو استخدام لغة العيون عندهم الاتنين في توصيف الاغنية والابتسامة .. الحاجة دي مااا فيها أييي تقليد من فاطمة لي عافية ..
انا مصر جدا انو فاطمة قبل ما تكون فنانة هي مستمعة عااادية بتحب تسمع غنا كتير من الفنانين وبتتأثر بيهم شديد حتتتى الفنانين الشباب وده ظاهر في طريقة كتير من إنفعالاتها وترديدها لي بعض ابيات الاغنيات بي طريقة شبابية مرحة..
لفتت نظري الليلة وهي بتغني يا ربيع الدنيا وفي حتت معينة بقت تقول يا لذااذة الدنيا .. ودي واحدة من الحاجات المشهور بيها سامي المغربي و وبتخلي روح الاغنية جميلة .. وواضح إنو فاطمة عمر سمعتا من هناك في تسجيلات لي سامي..
فاطمة بتندمج حتتتى مع العزف بتاع الموسيقى وبتعييشو كمستمعة عااادية .. وبرررضو لاحظت ليها قبيل في حفلة النيل الأزرق لمن بتاع الصفارة طلع ليهو صولة كده أو تقريبا طلعة ففاطمة دي قالت يا سلاااام ..
عافة كانت عندها نفففس الحاجات دي ونفففس الاحساس ده لكن للأسف ما إستمرت ..
احمد المك انا بعتبرو إنسان للأسف نفعي و إنتهازي وعايز الحاجات الجاااهزة .. حاااول احمد المك أن يصنع من افراح عصام شخصية عافية ولحححن ليها كل الاعمال بي نفس وريحة ونكهة عافية لكن ديييك خزلتو بي صوووتا البيضرس داك وما قدرت تمرر ليهو ألحانه الح توصلوا للشهرة ..فقام تماها ليها ألحان من وع مجنونة وميونة وشنو ديلك من الاغنيات المحبشنة ديك..
الان يبدو إنو المك وجد ضالته في فاطمة عمر وكمييية الالحان الكان مفصلها لي عافية حسن ح يحولها لي فاطمة عمر والله يستر بعد شوية نبقا في عايز يتزوجها ولقا في تطابق واحساس مشترك وما ادراك من الزوبعة المصطنعة والتمثيلية البااهتة الكانوا قادننا بيها هو وافراح عصام عبر مسريحية روميو وجولييت الحاموا بيها اصطناعا في قنوات التلفزيون السودانية كلللها وتمخضت عن إنفصال مبكر وتصريحات مزعجة عبر الصحف واللتفزيون لاحقاً..
فاطمة أعملي حسابك .. ظهور مرتين في اول يوم عيد في قنوات كبيرة أوووعا يوهمك إنك وصلتي ..
الحلنقي والمك ما يخلعوك وتقولي بقيت بتعامل مع شاعر وملحن كبيرين.. في المرحلة دي صدقيني إنتي الكبيرة وهم المحتاجيين ليك وليس العكس..

تخريمة :
تسجيل يا حنيين في قناة النيل الأزرق لي عافية أجمل من تسجيله الماستر بتاعت تلفزيون السودان .. تقريبا داك تسجيل كانوا معاها بابكر صديق وحرم النور وامال النور و و ..دام الفعلا اتسلطنت فيهو عافية ..

الناقد/ عمر الفاروق

هنااجمل الاعياد .. فاطمة عمر و(ياحنين) رسمياً على (السودان الفضائية) (http://www.sudaneseonline.com/cgi-bin/sdb/2bb.cgi?seq=msg&board=440&msg=1375972704)

خالد غالي

09-08-2013, 12:23 PM

مششششششج

والله صاحبك ده فاكيها في نفسو فكة العدو

يا الرشيد عافية غنت ياحنيين احسن من فاطمة من كل النواحي وبي فرق كبير شديد، ماتقعد تسمع لينا كلام الناقد الجابو قيقا ده وتقعد تفلسفها

قيقراوي

09-08-2013, 02:11 PM

http://www.youtube.com/watch?v=CC9VKqPIgFk

أسمع!!:cool:

الرشيد اسماعيل محمود

09-08-2013, 08:01 PM

يا الرشيد عافية غنت ياحنيين احسن من فاطمة من كل النواحي وبي فرق كبير شديد، ماتقعد تسمع لينا كلام الناقد الجابو قيقا ده وتقعد تفلسفها

:D

يا قيقا قول للفاروق دا والله الزول دا عنقالي أباً عن جد، معتمدين علي سمع الاضان دا بس، وبالله خلينا نشرع في تكوين رابطة الناقدين الفنيين العنقالة. أكيد بكرة دي حنسمع عن كيانات مختلفة للعنقالة، رابطة الرياضيين العنقالة، قدامي اللاعبين، الادباء، الشعراء.. إلخ. أصلو السودانيين يحبُّو الكوبي آند بيست زي عيونهم.:D
طبعاً لا يفوت عليكم إنو رابطة الناقدين الفنيين العنقالة دي ما حتكون الأولي من نوعها، لأنو قبليها في السياسيين العنقالة، الفرق إضافة لعدم الاعلان عنها، إنو السياسيين عنقالة ولا يدرون أنهم عنقالة.

شكراً يا فاروق علي المؤازرة والاشادة الليها قيمتها كونها من زول أُشتُهر بالشناف.

كل سنة وإنت طيّب يا فاروق والجميع