ود أب ضرس نفعتو النصيحة !

[أحمد طه]

ود أب ضرس دا صاحبي ، منصوري ظريف يسكن ضواحي كريمة ، حلو اللسان و حسن الهندام و يعمل في مجال السمسرة .
تزوج امرأتين و طلّقهما قبل إكمال عام مع كلّ واحدة منهما .
قبل شهور و نحن نشرب الشاي في قهوة أبو عرب في السوق التحت بكريمة قال لي : ناس فلان ديل عندهم بنية سمحة خلاص ، و حديسا ينقط عسل بس مشكلتا قصيرة شوية ! باقيلك شنو ؟
فقلت له مازحاً إن الحجاج بن يوسف قال (من تزوج امرأة قصيرة فوجدها على غير ما يحب فعليَّ صداقها)
فقال : كان كدي ياني المعرِّسا !
قلت له : يا زول دا راي الحجاج ، ما رايي
ما تقوم تعرس بت الناس و تجي تطلّقا و ترمي اللوم فوقي !
قال : يا زول انا أخدت بي كلام الحجاج تب !
ثم تزوجها و سافر بها إلى المكابراب حيث تقيم أسرته و مكث بها أشهراً هناك ثم عاد إلى كريمة حيث قابلته قبل يومين و أنا متوجس من أن يكون قد طلقها ...

- أها عامل كيف مع المرة الجديدة ؟
- يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!!

المشكلة الآن هي أنني أصبحت أفكر بجدية في تطبيق كلام الحجاج ، لا سيما بعدما أفضى لي على ود أب ضرس بما لا أستطيع نشره ههنا ، كما أن زوجتي على النقيض تماماً مما ذكره الحجاج !

ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap

[اشرف السر]

:D:D
هههههههههه...
وكما قيل: القصير يا حكمة.. ويا فتنة...

[أحمد طه]

:D:D
هههههههههه...
وكما قيل: القصير يا حكمة.. ويا فتنة...

شفت المثل دا كيف ؟ و مافي مثل بيجي من فراغ

دلوقت انا خياراتي انحصرت ما بين 145 إلى 150 سنتي
و جاري البحث على قدم و ساق
و اللقاها علي ود اب ضرس أكيد أخوك بيلقاها


يسعد مساك يا أشرف

[الزوول]

الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap
...
:):)
كان كدي
آن لبعلة أحمد سليمان طه أن تمد رجلها

[أحمد طه]

...
:):)
كان كدي
آن لبعلة أحمد سليمان طه أن تمد رجلها



تمدّها ولا تعقلا ... بعرس بعرس :mad:
( هتف القلب من أعماقو التغيير واجب وطني )
و أنا بي صراحة بغران من ود أب ضرس !

قواسيب التحايا

[عكــود]

سلام يا أحمد،

رايك شنو أنا البوست ده أرفعو بانر، والما يشتري يتفرّج.
:D:D

الحجاج وود اب ضرس، جابو خبر والله!

المعنى يعني الزول يشيل مترو ويقع السوق ...

وكدي؟

[جيجي]

دلوقت انا خياراتي انحصرت ما بين 145 إلى 150 سنتي



يسعد مساك يا أشرفهههههههه
ماتوسعها شوية يا شيخنا:D

[جيجي]

المعنى يعني الزول يشيل مترو ويقع السوق ...

وكدي؟:D

[أحمد طه]

سلام يا أحمد،

رايك شنو أنا البوست ده أرفعو بانر، والما يشتري يتفرّج.
:D:D

الحجاج وود اب ضرس، جابو خبر والله!

المعنى يعني الزول يشيل مترو ويقع السوق ...

وكدي؟

هههههههههههه
عينك سرك ، القصة ما محتاجة لي متر

القصة محتاجة قوة قلب و إرادة حرة :D
و حتسمع بي قريب عملتها

و البانر ماني خايف منو مادام برضو بيقروهو الأعضاء فقط

ثم لك التحايا و الأمنيات الطيبات

[أحمد طه]

هههههههه
ماتوسعها شوية يا شيخنا:D

إنتي قايلة المقاس دا جبتو ساكت ؟
أكتر من مية و خمسين بتمرق من صفة القصيرة و تدخل تخوم صفة المتوسطة ، و أقل من 145 بتمرق من صفة القصيرة و تدخل تخوم صفة ( البعيوة ):D

رمضان كريم و كل عام و أنتم بخير

[زول الله]

ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap
ههههههههههههههه
طيب كدي يوم ادقس وخلي كمبيوترك فاتح وسودانيات وش
تلقاها داخلة وبالباب الكبير كمان

غايتو للضمان اعمل تغيير للإسم من هسه:D







اقول قولي هذا واستغفر الله لي.........................

[عبد العظيم السعيد]

- أها عامل كيف مع المرة الجديدة ؟
- يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!!

gap

:D:D
قالك كدي .. ؟
زولك ما رقد قفا ..
يا ود طه علي الطلاق شهيتنا قهوة ابو عرب دي وناسا ..
اسال الله يلمنا معاك تحت ضل نيما ..
تقبل الله صيامك وعيدك مبارك مقدما ..

[أحمد طه]

ههههههههههههههه
طيب كدي يوم ادقس وخلي كمبيوترك فاتح وسودانيات وش
تلقاها داخلة وبالباب الكبير كمان

غايتو للضمان اعمل تغيير للإسم من هسه:D







اقول قولي هذا واستغفر الله لي.........................


هو أنا بدقس ليها ؟!
و هي ذاتا ربنا اليومين دي شدها بي قناة اسمها فتافيت ، وانا خليت ليها التلفزيون تب

كفاية علي الراديو و اللابتوب

عيدكم مبارك (مقدماً)

[أحمد طه]

:D:D
قالك كدي .. ؟
زولك ما رقد قفا ..
يا ود طه علي الطلاق شهيتنا قهوة ابو عرب دي وناسا ..
اسال الله يلمنا معاك تحت ضل نيما ..
تقبل الله صيامك وعيدك مبارك مقدما ..

يا ريت والله يا عظمة تاخدلك خفسة علي البلد نتلاقى فيها ، الونسة المباشرة ما زي ونسة الكيبوردات دي ، و شاي قهوة أبو عرب المنعنع يرد الروح

تعال قص البلد و ارجع -- تعال ادي الغبش طله
بقالا الليل غتي و مقنع -- سترتك يا صباح الله

مودتي التي تعلم

[عبد العظيم السعيد]

تعال قص البلد و ارجع -- تعال ادي الغبش طله
بقالا الليل غتي و مقنع -- سترتك يا صباح الله



يا ود طه علي الطلاق شهيتنا قهوة ابو عرب دي وناسا ..
اسال الله يلمنا معاك تحت ضل نيما ..



عارف يا ابو حميد ..
بعد رديت لك رقدت وسرحت .. لقيت نفسي ملخبت بين قهوة ابو عرب وابزيد ..
لما قريت حكايتك بالي راح لي قهوة ابزيد ام نيم الفي السوق الفوق ..
شفت الحال العلينا ..
عشان الطوفيش دا كان تقولي ..
"اجيكن ماني زاير .. اريت رزقا يغرب سيدو طاير.. يسوقني الشوق "
نان هو داب شوق .. !!

[أحمد طه]

عارف يا ابو حميد ..
بعد رديت لك رقدت وسرحت .. لقيت نفسي ملخبت بين قهوة ابو عرب وابزيد ..
لما قريت حكايتك بالي راح لي قهوة ابزيد ام نيم الفي السوق الفوق ..
شفت الحال العلينا ..
عشان الطوفيش دا كان تقولي ..
"اجيكن ماني زاير .. اريت رزقا يغرب سيدو طاير.. يسوقني الشوق "
نان هو داب شوق .. !!

عاد الله يبل الشوق دا !
طبعا قهوة أيزيد لا يعلى عليها ، حيث النيم كثيف الظلال و الونسة ذات المذاق الخاص و التعليقات الفكهة التي تنتزع البسمة من قلب الحزين

أبزيد قال لي بشير : ما شاء الله قالولي ولدك قبلوهو في جامعة دنقلا !
بشير قال : أي الحمد لله
قال : دحين أخوهو الكبير مو هناك برضو ؟

- أيّ هناك ، يتخرج السنة الجايي

- علي الله ... أصلو الورر كلو يمشي مع العرق :D

[طارق صديق كانديك]

ود أب ضرس دا صاحبي ، منصوري ظريف يسكن ضواحي كريمة ، حلو اللسان و حسن الهندام و يعمل في مجال السمسرة .
تزوج امرأتين و طلّقهما قبل إكمال عام مع كلّ واحدة منهما .
قبل شهور و نحن نشرب الشاي في قهوة أبو عرب في السوق التحت بكريمة قال لي : ناس فلان ديل عندهم بنية سمحة خلاص ، و حديسا ينقط عسل بس مشكلتا قصيرة شوية ! باقيلك شنو ؟
فقلت له مازحاً إن الحجاج بن يوسف قال (من تزوج امرأة قصيرة فوجدها على غير ما يحب فعليَّ صداقها)
فقال : كان كدي ياني المعرِّسا !
قلت له : يا زول دا راي الحجاج ، ما رايي
ما تقوم تعرس بت الناس و تجي تطلّقا و ترمي اللوم فوقي !
قال : يا زول انا أخدت بي كلام الحجاج تب !
ثم تزوجها و سافر بها إلى المكابراب حيث تقيم أسرته و مكث بها أشهراً هناك ثم عاد إلى كريمة حيث قابلته قبل يومين و أنا متوجس من أن يكون قد طلقها ...

- أها عامل كيف مع المرة الجديدة ؟
- يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!!

المشكلة الآن هي أنني أصبحت أفكر بجدية في تطبيق كلام الحجاج ، لا سيما بعدما أفضى لي على ود أب ضرس بما لا أستطيع نشره ههنا ، كما أن زوجتي على النقيض تماماً مما ذكره الحجاج !

ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap

:D:D

أضحك الله مساك يا حبيبنا.

غايتو ود اب ضرس عصر عليك والله:)

[عبد العظيم السعيد]

- علي الله ... أصلو الورر كلو يمشي مع العرق :D

:D:D

[أمين محمد سليمان]

ود أب ضرس دا صاحبي ، منصوري ظريف يسكن ضواحي كريمة ، حلو اللسان و حسن الهندام و يعمل في مجال السمسرة .
تزوج امرأتين و طلّقهما قبل إكمال عام مع كلّ واحدة منهما .
قبل شهور و نحن نشرب الشاي في قهوة أبو عرب في السوق التحت بكريمة قال لي : ناس فلان ديل عندهم بنية سمحة خلاص ، و حديسا ينقط عسل بس مشكلتا قصيرة شوية ! باقيلك شنو ؟
فقلت له مازحاً إن الحجاج بن يوسف قال (من تزوج امرأة قصيرة فوجدها على غير ما يحب فعليَّ صداقها)
فقال : كان كدي ياني المعرِّسا !
قلت له : يا زول دا راي الحجاج ، ما رايي
ما تقوم تعرس بت الناس و تجي تطلّقا و ترمي اللوم فوقي !
قال : يا زول انا أخدت بي كلام الحجاج تب !
ثم تزوجها و سافر بها إلى المكابراب حيث تقيم أسرته و مكث بها أشهراً هناك ثم عاد إلى كريمة حيث قابلته قبل يومين و أنا متوجس من أن يكون قد طلقها ...

- أها عامل كيف مع المرة الجديدة ؟
- يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!!

المشكلة الآن هي أنني أصبحت أفكر بجدية في تطبيق كلام الحجاج ، لا سيما بعدما أفضى لي على ود أب ضرس بما لا أستطيع نشره ههنا ، كما أن زوجتي على النقيض تماماً مما ذكره الحجاج !

ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap غايتو يا أحمد طه بالغت معاي ... ياخي أنا بضحك زي المجنون !!
يا زول على بركة الله ... و كان كلام الحجاج طلع صاح معاك برضو ...إن شاء العلي القدير أنا و كانديك أخوي ده بندبل في يوم واحد !! :D:D:D

[طارق صديق كانديك]

غايتو يا أحمد طه بالغت معاي ... ياخي أنا بضحك زي المجنون !!
يا زول على بركة الله ... و كان كلام الحجاج طلع صاح معاك برضو ...إن شاء العلي القدير أنا و كانديك أخوي ده بندبل في يوم واحد !! :D:D:D


عليك الله شفت غتاتة عكود دي؟:D

غايتو كان صدقت مع ود سليمان زي ما قلت، أصلو ما بنكلم زول،نموت بيها برانا:D:D

[عكــود]

لا سيما بعدما أفضى لي على ود أب ضرس بما لا أستطيع نشره ههنا يا أحمد يا خوي، البوست عضمو، دسدستو وغملتّو ووقعتبو "خاص بالأعضاء" ..
وفي الخاص ده، ماك قادر تقول حديث علي ود اب ضرس.

والله بعد ده إلا نطلع معاك الخلا عشان تتفشّ وتفش ناس كانديك والبروف ديل!
:D

[أحمد طه]

:D:D

أضحك الله مساك يا حبيبنا.

غايتو ود اب ضرس عصر عليك والله:)

و المغسة إنو الزول البيوصف الدوا للناس عيان في رقبتو !

أسعد الله مساءك

[أحمد طه]

غايتو يا أحمد طه بالغت معاي ... ياخي أنا بضحك زي المجنون !!
يا زول على بركة الله ... و كان كلام الحجاج طلع صاح معاك برضو ...إن شاء العلي القدير أنا و كانديك أخوي ده بندبل في يوم واحد !! :D:D:D

أبشر ... أبشر
كلهن أسبوعين تلاتة و آتيك بالخبر اليقين
الشرك قررررب يقبض

غايتو الفي بالي دي يا بروف لو صدقت معاي بكون أسعد زول
نسخة من زولة ود اب ضرس
قول الله يقوي النصيب

لكن حكوماتكم حتتصرفوا معاهم كيف :confused:

[أمين محمد سليمان]

لكن حكوماتكم حتتصرفوا معاهم كيف :confused: طالما الموضوع في "للاعضاء فقط " نحن في السليم ... إنت بس أمسك لينا عكود ده !! :D:D

[أبوبكر عباس]

دلوقت انا خياراتي انحصرت ما بين 145 إلى 150 سنتيطبعا يا بروف، أحمد طه دا، من أجمل الإسفيريين على الإطلاق وفوق لدا فهو واحد من حلفاي الإسفيريين في المحبة
عيد مٌبارك خيرات مُبارك (علي قول الباكستانيين) يا أحمد طه

زمان أوي، كنت مكيس لي واحدة بالظبط 150 سنتي
قول لي عرفتها كيف؟
أنا طولي 186 سنتي، وهي كانت في طول كتفي، أمس بعد البوست دا، مشيت قست رقبتي وراسي المربع، لقيتم 36 سنتي
أها نرجع للموضوع الأساسي:
كان في واحد بلدياتنا من النوراب، كلما يلاقني معاها في الكافتريا يهمس لي في أضاني أثناء السلام: "من تزوج بالقصيرة فوجدها على غير ما يحب فعليَّ صداقها"
لكن كان بقول لي الكلام دا، قالو الإمام الشافعي
المفيد: لو كنت عارف انو الكلام دا، قالو الحجاج وما قالو الشافعي؛ ما كنت أهملتو؟!
رجال الدين عندي تجربتم سماعية
كل يوم بزداد يقين يا أحمد طه، انو عرفتك متأخر.

[أحمد طه]

طبعا يا بروف، أحمد طه دا، من أجمل الإسفيريين على الإطلاق وفوق لدا فهو واحد من حلفاي الإسفيريين في المحبة
عيد مٌبارك خيرات مُبارك (علي قول الباكستانيين) يا أحمد طه

زمان أوي، كنت مكيس لي واحدة بالظبط 150 سنتي
قول لي عرفتها كيف؟
أنا طولي 186 سنتي، وهي كانت في طول كتفي، أمس بعد البوست دا، مشيت قست رقبتي وراسي المربع، لقيتم 36 سنتي
أها نرجع للموضوع الأساسي:
كان في واحد بلدياتنا من النوراب، كلما يلاقني معاها في الكافتريا يهمس لي في أضاني أثناء السلام: "من تزوج بالقصيرة فوجدها على غير ما يحب فعليَّ صداقها"
لكن كان بقول لي الكلام دا، قالو الإمام الشافعي
المفيد: لو كنت عارف انو الكلام دا، قالو الحجاج وما قالو الشافعي؛ ما كنت أهملتو؟!
رجال الدين عندي تجربتم سماعية
كل يوم بزداد يقين يا أحمد طه، انو عرفتك متأخر.

بابكر كل عام و أنتم بخير ، و شاكر جداً لحسن ظنك في ،،
الحجاج تزوّج كثيراً و تسرّى أكثر ، لذلك - كما أشرت - تجربتو عملية فعلا و ما سماعية .
وهذه الحكمة أوردها الجاحظ في كتابه (المحاسن و الأضداد) و نسبها للحجاج بن يوسف ، و كذلك في (محاضرات الأدباء) تجدها منسوبة للحجاج ، و ربما غير ذلك
من كتب الأدب ،
وتأمل معي قول شاعر قديم يصف فتاة :
أبتْ الروادف و الثُدِيُّ لقمْصِها -- مسّ البطون و أن تمسّ ظهورا
و إذا الرياح مع العشيِّ تناوحت-- نبّهْنَ حاسدةً و هِجْنَ غيورا

النهود دافرة لي قدام لذلك القميص لا يمس البطن ، و الكفل دافر لي ورا لذلك لا يمس الظهر .

أظنك تتفق معي أن هذا الوصف يلائم القصيرة أكثر من الطويلة !!

كان ما قاطع الشك أسأل بدري الياس ، فهو خبير

موفور المودة يا صديق

[أمين محمد سليمان]

يا أحمد طه ... أنا شايف الموضوع ما داير مدسة ... البوست ده عليك الله ودي منبر الحوار عشان الغير أعضاء يستفيدو !! :D

[أحمد طه]

يا أحمد طه ... أنا شايف الموضوع ما داير مدسة ... البوست ده عليك الله ودي منبر الحوار عشان الغير أعضاء يستفيدو !! :D

موافق ،

أخوّل الإدارة نقل البوست لمنتدى الحوار

إنت يا بروف قايلني رافع الراية البيضا ؟ دي حركات مني ساكت :D

[أمين محمد سليمان]

موافق ،

أخوّل الإدارة نقل البوست لمنتدى الحوار

إنت يا بروف قايلني رافع الراية البيضا ؟ دي حركات مني ساكت :D أنا ما قايلك ... أنا عارفك رافع الراية البيضاء !! :D:D
يلا يا إدارة بالله جيبو لينا البوست ده بهناك عشان نخرب بيت أحمد طه و كانديك و بيوتنا كلها !! :D

[أحمد طه]

أنا ما قايلك ... أنا عارفك رافع الراية البيضاء !! :D:D
يلا يا إدارة بالله جيبو لينا البوست ده بهناك عشان نخرب بيت أحمد طه و كانديك و بيوتنا كلها !! :D

و أنا جادّي جدّن !
عليك الله يا كانديك شوفو لينا طريقة أنقلو البوست دا لمنتدى الحوار

عشان نشوف البكب الزوغة منو ;)

[أمين محمد سليمان]

و أنا جادّي جدّن !
عليك الله يا كانديك شوفو لينا طريقة أنقلو البوست دا لمنتدى الحوار

عشان نشوف البكب الزوغة منو ;) يا زول إنت من زمن كانديك !!
دكتور كانديك ودينا الضل ... الحاكمننا هسي عيال السيسي !! :rolleyes:

[أحمد طه]

يا زول إنت من زمن كانديك !!
دكتور كانديك ودينا الضل ... الحاكمننا هسي عيال السيسي !! :rolleyes:

:D:D
خلاص ، الطلب محوّل لعناية الأخ مهند

تعرف يا بروف ، مصر دي كانت زي الجمل الهايج و معقّل ( مقيد بي عقال) و بينطط في مكانو ، قام جا السيسي قطع العقال و الجمل انفلت و طشّ !

دحين مصر دي طشت ، ما معروف تجمع ولا ما تجمع

[أمين محمد سليمان]

:D:D
خلاص ، الطلب محوّل لعناية الأخ مهند

تعرف يا بروف ، مصر دي كانت زي الجمل الهايج و معقّل ( مقيد بي عقال) و بينطط في مكانو ، قام جا السيسي قطع العقال و الجمل انفلت و طشّ !

دحين مصر دي طشت ، ما معروف تجمع ولا ما تجمع يا زول ... نحن معانا عمك عكود ذات نفسو ... تقول لي مهند ؟!! :D
بالنسبة لمصر أخت بلادي، فجملهم طش و كان قريب هسي في الجزاير !! العسكر ديل كمان بهظرو ؟!!

[طارق صديق كانديك]

يا زول إنت من زمن كانديك !!
دكتور كانديك ودينا الضل ... الحاكمننا هسي عيال السيسي !! :rolleyes:


:D:D

[طارق صديق كانديك]

غايتو يا ود سليمان، البروف ده أظنو ناوي يغتس حجرنا:)

بس الموت مع الجماعة عرس، أرحكم بهناك والله يكضب الشينة:D:D

[أمين محمد سليمان]

غايتو يا ود سليمان، البروف ده أظنو ناوي يغتس حجرنا:)

بس الموت مع الجماعة عرس، أرحكم بهناك والله يكضب الشينة:D:D
:D:D يا دوك ... ياخي قال ليك : مع القصيرة مش ح تئدر تغمض عينيك !!
بعدين قال ليك الفلم ده مدور من زمن الحجاج ... ياخي تبا لنا الما لقينا زول كلمنا !! :rolleyes:

[طارق صديق كانديك]

:D:D يا دوك ... ياخي قال ليك : مع القصيرة مش ح تئدر تغمض عينيك !!
بعدين قال ليك الفلم ده مدور من زمن الحجاج ... ياخي تبا لنا الما لقينا زول كلمنا !! :rolleyes:

أضحك الله مساك ياخي.


أمير الأمين تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة.


الله يجيب أخونا أمير الأمين بي جاي، أظنو ما بفارقنا بعد كلام الحجاج ده:p

[أمير الأمين]

أضحك الله مساك ياخي.




الله يجيب أخونا أمير الأمين بي جاي، أظنو ما بفارقنا بعد كلام الحجاج ده:p

معاكم معاكم
والعجب لو بتترتر:D
كل سنة وانتم طيبين

[أمين محمد سليمان]

معاكم معاكم
والعجب لو بتترتر:D
يا أمير .. الدوك ما دايرك تجي تترتر معانا...دايرك تودي لينا نصيبة ود أب ضرس دي بهناك :D

[أمير الأمين]

يا أمير .. الدوك ما دايرك تجي تترتر معانا...دايرك تودي لينا نصيبة ود أب ضرس دي بهناك :D

يا بروف عيدك مبارك
الترترة مال لينا
للى القصيره:D

[جيجي]

يا أمير .. الدوك ما دايرك تجي تترتر معانا...دايرك تودي لينا نصيبة ود أب ضرس دي بهناك :D
اها يا امير قسما ماتودي البوست دا بهناك الا نعمل ثورة نطالب بتغيير الرئيس:p
النشوف الرجال ديل اخرهم شنو الليلة:p

[أمير الأمين]

اها يا امير قسما ماتودي البوست دا بهناك الا نعمل ثورة نطالب بتغيير الرئيس:p
النشوف الرجال ديل اخرهم شنو الليلة:p
يا ناس تأمرو بس انتو يا الحلوين :(

كل عام وانتى الوالدة بالف عافية

[أحمد طه]

شكراً جزيلا أخونا الأمير أمير

يا (م) العزيزة :

نحن ناس بنعيش حياتنا الغالية بالنية السليمة
و ايّ زول دايرين سعادتو
تشهد الأيام عليمة !

وكيلك الله الحكاية مجرد ونسة

[الزوول]

غايتو رمضان كان رحمة يا أحمد سليمان
الشياطين كانو مربطين
الله يستر
...
غايتو أنا وصيتي لكل الأخوات البيجن مارات بى هني
يعملن حسابن
ويركزن ويدققن النظر
وأنا بديكن امارة
المعلومة العندي بتقول
أن 90% من الفلبينيات
يقعن فيما اوصى به الحجاج :):)
...

[طارق صديق كانديك]

شكراً جزيلا أخونا الأمير أمير

يا (م) العزيزة :

نحن ناس بنعيش حياتنا الغالية بالنية السليمة
و ايّ زول دايرين سعادتو
تشهد الأيام عليمة !

وكيلك الله الحكاية مجرد ونسة
:D:D:D

CC : لأحرف أخرى تخص العابرين بهذا السلسبيل.

---

احتياطياً:
( البدور الغِنى بِعمل حِساب لي فَقرُو:))

يا ود سليمان أنت روعة والله

[الرشيد اسماعيل محمود]

وتأمل معي قول شاعر قديم يصف فتاة :
أبتْ الروادف و الثُدِيُّ لقمْصِها -- مسّ البطون و أن تمسّ ظهورا
و إذا الرياح مع العشيِّ تناوحت-- نبّهْنَ حاسدةً و هِجْنَ غيورا


يا سلام علي بلاغة الوصف!!

ياخي دا بوست كتلتو براكم وخميتو بيضو!!، شفت عنوان البوست (لمّن كانت دعوتو سرية) قلت أكيد بتكلم عن طه سليمان:D:D، علي قول عمّك قدور المسمّي طه سليمان طه الضرس.
لكن هسع بعد الدعوة بقت جهرية (منتدي الحوار) قلت كدا نشوف الحاصل شنو؟، أتاري لامّي ناس كلهم ذلك الحجّاج!

ياخي والله متعة، ضحكني بابكر عباس القال (كنت مكيّس) لي واحدة، الضحكني ما الكلمة القديمة دي، لكن الفكرة ذاتها في عضمها، فكرة بابكر حال كونو مكيّس دي!!

كل سنة وانت والجميع بخير يا ود طه

[زول الله]

شكراً جزيلا أخونا الأمير أمير
يا (م) العزيزة :
نحن ناس بنعيش حياتنا الغالية بالنية السليمة
و ايّ زول دايرين سعادتو
تشهد الأيام عليمة !

وكيلك الله الحكاية مجرد ونسة
:D:D
ماقلتو نوبة







اقول قولي هذا واستغفر الله لي....................

[أمين محمد سليمان]

اها يا امير قسما ماتودي البوست دا بهناك الا نعمل ثورة نطالب بتغيير الرئيس:p
النشوف الرجال ديل اخرهم شنو الليلة:p يا زولة بلا ثورة بلا بتاع !!!
رسلي لينا صورتك و معاها مقاسات الطول ... دكتور طارق جاهز تب !!! :p:p

[النور يوسف محمد]

:D:D

أهلنا فى الغرب عندهم مثل بقول ( ألمى حار ولا لعب قعونج)

غايتو يا ود طه نصيحتى ليك ترجع البوست ده الضل ، قبال ما يجيك سيسى جديد


بوست زى تقرأ بس وتتخارج :)

[أمين محمد سليمان]

يا (م) العزيزة :

نحن ناس بنعيش حياتنا الغالية بالنية السليمة
و ايّ زول دايرين سعادتو
تشهد الأيام عليمة !

وكيلك الله الحكاية مجرد ونسة يا زول (م) العزيزة بتاعت قلبك ؟!
يعني يا أحمد طه ... بسبب بوستك ده ... الناس شايله المتر و شغالين مقاسات ... تجي تقول لينا ((الحكاية مجرد ونسة)) ؟!!!

يا زول إنت إتونس براحتك ... لكن وكيلك الله .. دكتور كانديك و الرشيد و أمير و زولو و خلق كتيرة ... بعد كلام ود أب ضرس ده حسمو أمرهم تماما ...و لو خاض بهم الحجاج البحر لخاضوه ما تخلف منهم رجل واحد !!

....

....

....

قال مجرد ونسة قال !! :(

[جيجي]

يا زولة بلا ثورة بلا بتاع !!!
رسلي لينا صورتك و معاها مقاسات الطول ... دكتور طارق جاهز تب !!! :p:p انت يازول الزول دا عايز تجيب خبره
بعد طلع من ناس السيسي:p
بري راجل مرة واحد مابعتب علي
مالي ومال الناس المستهلكين ديل
غايتو لو لقيت واحد فرش
ومقاييسه زرافة فما فوق ماعندي مانع:)
تبا للحجاج فانه لايهوى ان يرى روؤسا قد اينعت:D

[عكــود]

حمد الله على السلامة على المروق لا برّه.

بس صراحة، سجّلوا حضور يومي هنا،
للإطمئنان عليكم وكده.

نحن المتر غايتو شايلنو شايلنو، ولا نامت أعين الجبناء.
بس ياخوانّا ما ممكن نزيد تلاتة اربعة سنتي كده؟
عندنا حاجة خايفينها ما تجتاز الانترفيو.
:D

[أمير الأمين]

حمد الله على السلامة على المروق لا برّه.

بس صراحة، سجّلوا حضور يومي هنا،
للإطمئنان عليكم وكده.

نحن المتر غايتو شايلنو شايلنو، ولا نامت أعين الجبناء.
بس ياخوانّا ما ممكن نزيد تلاتة اربعة سنتي كده؟
عندنا حاجة خايفينها ما تجتاز الانترفيو.
:D
:D:D

[أمير الأمين]

انت يازول الزول دا عايز تجيب خبره
بعد طلع من ناس السيسي:p
بري راجل مرة واحد مابعتب علي
مالي ومال الناس المستهلكين ديل
غايتو لو لقيت واحد فرش
ومقاييسه زرافة فما فوق ماعندي مانع:)
تبا للحجاج فانه لايهوى ان يرى روؤسا قد اينعت:D

تابوهو مملح وتاكلوهو قرووووووض :p

[خالد علي]

شفت المثل دا كيف ؟ و مافي مثل بيجي من فراغ

دلوقت انا خياراتي انحصرت ما بين 145 إلى 150 سنتي
و جاري البحث على قدم و ساق
و اللقاها علي ود اب ضرس أكيد أخوك بيلقاها

الحبيب احمد طه
من العايدين
انا يا دوب عرفت سر اغنية (الناس ازونا ديل الناس ازونا والله) التى يتغنى بها الفنان سيف عثمان وهو صديقى وصديق مقرب جدا من بدرى الياس ومن سنين بعيدة وحتى الان يخصنا بها فى جلسات السمر وآخر مرة تغنى لنا بها فى حنة بدرى الياس وهو يضمنها ذات الشجن وبها مطلع يقول (يا الدارين بحالى...انا ما بسيبو الزول القصارى والله) اتارى الشغلانة فيها سر وانا مانى جايب خبر؟؟ لكن عليك الله يا احمد باقى كلام ابضرس الماقدرت تقولو هنى الحقنى بيهو فى التلفون...





0

[أحمد طه]

الحبيب احمد طه
من العايدين
انا يا دوب عرفت سر اغنية (الناس ازونا ديل الناس ازونا والله) التى يتغنى بها الفنان سيف عثمان وهو صديقى وصديق مقرب جدا من بدرى الياس ومن سنين بعيدة وحتى الان يخصنا بها فى جلسات السمر وآخر مرة تغنى لنا بها فى حنة بدرى الياس وهو يضمنها ذات الشجن وبها مطلع يقول (يا الدارين بحالى...انا ما بسيبو الزول القصارى والله) اتارى الشغلانة فيها سر وانا مانى جايب خبر؟؟ لكن عليك الله يا احمد باقى كلام ابضرس الماقدرت تقولو هنى الحقنى بيهو فى التلفون..


خالد علي ذاااتو بي جاي !
مرحبتين حبابك و اليوم السعيد الليلي جابك
قلت أبدا بي مداخلتك دي بعدين ارجع لا ورا ....

بالتلفون مابينفع يا خالد ، بس تكون جايي كريمة تديني تلفون و أنا بلمك في علي ود أب ضرس ، قالوا سمح القول من خشم سيدو
يعلم الله الزول دا وصفو يشهّيك في القصار !
زول يقعّد الكلام كأجمل ما يكون ..

بعدين الزول القال ( أنا ما بسيبو الزول القصاري) دا حالتو قال كلامو دا قبل البيان بالعمل ، يعني زي دا لو ربنا وفقو و لمّ فيها سعادتو بتكون مضاعفة !
ياخي بلغ تحاياي للأخ الفنان سيف عثمان ،، زمن طويل ما اتلاقينا

و اعمل حسابك ، الحكومة بي جاي تسمع و ترى looool

[أحمد طه]

حمد الله على السلامة على المروق لا برّه.

بس صراحة، سجّلوا حضور يومي هنا،
للإطمئنان عليكم وكده.

نحن المتر غايتو شايلنو شايلنو، ولا نامت أعين الجبناء.
بس ياخوانّا ما ممكن نزيد تلاتة اربعة سنتي كده؟
عندنا حاجة خايفينها ما تجتاز الانترفيو.
:D

ههههههههههههههه ، تلاتة أربعة سنتي مابتفرق
ما تخلي الحمامة تطير
ثم إنو الحكاية نسبة و تناسب ، الطولا 170 تعتبر قصيرة لي الطولو مترين !
لذلك خلينا نقول القصيرة هي من كان طولها 75-80% من مقاس الطرف الآخر

* أخونا الزوول شايفو اتذكّر الفلبينيات و نسى الأرتريات !
خفسة بس يا العوض لي تسني القريبة دي و شوف السماحة ،، قصر و سماحة !

[خالد غالي]

هههههههههه

يا اخي هذا بوست لطيف جدا

لكن المهم في الموضوع اكدو لينا المعلومة دي قبل مانتورط ساكت :)

[رأفت ميلاد]

أحمد طه طلقوهو :eek::eek: جاى فارد سدرو بى جاى عديل كده :D:D

[أحمد طه]

أحمد طه طلقوهو :eek::eek: جاى فارد سدرو بى جاى عديل كده :D:D

إنت ما عمدة المصفدين و نحن بي وراكم looool
على اليمين يا رأفت أنا راجي جيتك هنا زي هلال العيد ....

أحمد طلقوهو و الكمبو عاود نشاطه

شنو ليك gap

[أحمد طه]

:D:D
ماقلتو نوبة
اقول قولي هذا واستغفر الله لي....................


زول الله الفنان
إيه رايك إنت أول زول ح أعزمو لي عرسي
و ما بتعبك ، تلاتة أغنيات كفاية
و ما بعيد الله يكون كاتب ليك قسمة في بلدنا

العيد مبارك و المراد ينتم

[زول الله]

زول الله الفنان
إيه رايك إنت أول زول ح أعزمو لي عرسي
و ما بتعبك ، تلاتة أغنيات كفاية
و ما بعيد الله يكون كاتب ليك قسمة في بلدنا

العيد مبارك و المراد ينتم
احمد طه كيفنك وعساك فاين وعيدك سعيد ان شاءالله

يازول مامحتاج عيزومة ..انت بس حدد وتجدنا حضور في الصف القدام

القسمة أُم مواصفات حجاجية دي حبابا تب...البحر مابيابا الزيادة؟looool
ترانا قاعدين ونتلفت:D







اقول قولي هذا واستغفر الله لي.....................

[مها عبدالمنعم]

بوست في غاية اللطف
وانا بقرا جا في راسي خاطر اهلنا بقولو سعد الشينه اها مرقنا من دا:D
بس قريت وتبسمت قلت بس جات حوبتك يابت:)
واذا بي امرق من القصار ايضا كذلك:D
قلت اتاري سعاد حسني ومني زكي ديل سمحات كدي
نحن النشتغل عارضات
فريق سندرا بولوك :mad:goood

[أحمد طه]

بوست في غاية اللطف
وانا بقرا جا في راسي خاطر اهلنا بقولو سعد الشينه اها مرقنا من دا:D
بس قريت وتبسمت قلت بس جات حوبتك يابت:)
واذا بي امرق من القصار ايضا كذلك:D
قلت اتاري سعاد حسني ومني زكي ديل سمحات كدي
نحن النشتغل عارضات
فريق سندرا بولوك :mad:goood

مها كل سنة و انت طيبة
بمناسبة ( سعد الشينة ) اتذكرت المثل البقول ( كل فولة و ليها كيّال ) ، وأكيد يكون لاقاك راجل وجيه جداً يجلس في الكوشة جوار عروسته الغير جميلة بالمرّة ، و تمتمت في سرك ( كل فولةً ليها كيال):D
بصفة عامة ، أغلب الرجال و النساء يعتبرون طول المرأة ميزة جمالية ، و كنت أنا كذلك إلى أن جاء علي ود أب ضرس و لخبط حساباتي !
بعدين يا مها عارضات الأزياء الخواجيات ديل كملانات من لحم الدنيا !
ضعفة مبالغ فيها
وأنا ما قادر افهم الحكمة أو الناحية الجمالية في الحاجة دي شنو ؟

نحن مع قول الطنباري

الرسول يا ناس شوفو حالا -- الساق مليان لي نعالا
يا ناس صلّو علي جمالا

كامل المودّة

[الزوول]

الله يجازيك يا احمد سليمان
..
قبل فترة ... صاحباً لي وراني مقاييس للجمال عمرها ما خطرت ببالي
وهي الاضنين gap
ايي ... الاضنين الواحدي دي
وقدر يقنعني بانو في اضنين جميلات واضنين شينات
المهم ... الحكاية دي -ولفترة طويلة من الزمن- ما عندي شغلة في الدنيا غير التأمل في اضنين خلق الله
وطبعاً لما أجي صلاة الجمعة متأخر فده مولد اضنين عديل
(في السودان ما عندي مشكلة بسبب العمم ، المشكلة بره السودان)
واعترف انو الحكاية دي نفعتني انو اجي المسجد بدري شويه
(الحضور مبكراً يتناسب عكسياً مع عددية الاضنين المعرضة لاختبار الجمال)
وما قدرت أتخلص من الحكاية دي الا بعد فترة
...
هسع موضوعك ده عمل لي مشكلة في المستشفى
وبالذات مع الفلبينيات
بدل الواحد يركز في الشغل
تلقاهو يخضع فيهن لمقاييس الحجاج:):)
...

[أحمد طه]

الزول ..... الأضان تكون سمحة كيف كمان ؟

العيون نعم ، النخرة نعم ، الخشم نعم .... لكن الأضان ؟؟؟
أها قالّك سماحة الأضان كيفنها:D

بعدين يا دكتور المعاينة للفلبينيات القصار في ممرات المستشفى غير مفيد و لا يمكنك أن تعرف به قيمة كلام الحجاج !
كلام الحجاج الذي هو :
( من تزوج قصيرة فوجدها على غير ما يحب فعلى صداقها)

يمكننا إعادة صياغته بعبارة دارجة (مع بعض التصرف) ليصبح :

يا جماعة القصيرات ديل ما تابوهن ساكت ، دحين البياخدلو قصيرة و ما تريحو أنا مستعد أرجع ليهو خسارتو الخسرا فيها

إذن الأمر غير متعلق بجمال الشكل ، و لكن بجمال آخر

[جيجي]

اها يا احمد هاك نصيحتي انا ازي الليلت صاحبك
مش جانا الخبر وقالوا الليلة في الجامع الفلاني في جبرةجايبين 50 سورية للزواج والعقد بي خمسين الف بس والداير يجيب خمسين الفه ويجي
دحين السوريات ديل اغلبهن قصار وسميحات
ان بقت مامغربت عندكم الحقلك تلاتة بي فد150:)

[أحمد طه]

اها يا احمد هاك نصيحتي انا ازي الليلت صاحبك
مش جانا الخبر وقالوا الليلة في الجامع الفلاني في جبرةجايبين 50 سورية للزواج والعقد بي خمسين الف بس والداير يجيب خمسين الفه ويجي
دحين السوريات ديل اغلبهن قصار وسميحات
ان بقت مامغربت عندكم الحقلك تلاتة بي فد150:)

جانا الخبر شايلو النسيم في الليل يوشوش في الخمايل
هش الزهر بكت الورود سالت مشاعر الناس جداول

معقولة بس يا جيجي ...

سورية بي خمسين ألف ؟
ياخي كيلو الضاني بي ستين ألف !

هسع الكلام دا لو كان صاح الصف يكون أولو في جبرة و آخرو في ميدان جاكسون

يسعد مساكي

[زول الله]

يا جماعة القصيرات ديل ما تابوهن ساكت ، دحين البياخدلو قصيرة و ما تريحو أنا مستعد أرجع ليهو خسارتو الخسرا فيها

إذن الأمر غير متعلق بجمال الشكل ، و لكن بجمال آخر
ياخ مما فتحت بوستيك دا والكلام واقف لي في حلقي
وماقادر اقولو يقومو يسألو عن التفاصيل وشنو وشنو

اها بدون تفاصيل انت كدي جبت النجيضة تب المابعدها نجيضة
والمابلقاها زي ماقال الحجاج ال يجي يلومني انا دا







اقول قولي هذا واستغفر الله لي.....................

[أحمد طه]

ياخ مما فتحت بوستيك دا والكلام واقف لي في حلقي
وماقادر اقولو يقومو يسألو عن التفاصيل وشنو وشنو

اها بدون تفاصيل انت كدي جبت النجيضة تب المابعدها نجيضة
والمابلقاها زي ماقال الحجاج ال يجي يلومني انا دا

اقول قولي هذا واستغفر الله لي.....................


ههههههههههههههههههههههههههههههه

شكيتك علي الله يا زول الله :Dgap:D

[أمير الأمين]

up عشان ناس يقرو البوست دا :D

[علاءالدين عبدالله الاحمر]

up عشان ناس يقرو البوست دا :D

شنو ياابو الامرة الكدايس الامريكية دي براكم ‏‎:*
‎