حاتفكو لينا اسر ناس البروف وعادل عسّوم متين؟!

[خالد غالي]

لقد اصابنا الصمرقع عديل كده ياخي!
مامعقول كلوكلو، حاتحبسوهم كده لمتين يعني؟؟
عملو شنو هو اصلو ياخي، فكوهم خلاص

ده شنو ده هو اصلو؟!!

[سارة]

خالد:confused::confused::confused:
اوعى تقول لى عمو امين وعادل صاحبى موقوفييييين:mad::mad:
وحات الذمة انا حازعل زعل شدييييد خلاس وبعدين ناس الادارة ديل
ولا الامانة ديل الامانة التقطع دلاقينهم ان شاء الله
مالهم عميانيين ما بشوفوا البوقفوهم :mad::mad:
انت بس فهمنى الحاصل شنو

[زول الله]

لقد اصابنا الصمرقع عديل كده ياخي!
مامعقول كلوكلو، حاتحبسوهم كده لمتين يعني؟؟
عملو شنو هو اصلو ياخي، فكوهم خلاص

ده شنو ده هو اصلو؟!!
:D:D
شكلك طمعان في اجازة إجبارية من البورد






اقول قولي هذا واستغفر الله لي..................

[أبوبكر عباس]

طبعا انا قاعد اليومين ديل بامريكا (بالله لو في زول ما عارفني كلموهو)، اتصلت بالبروف والراجل زعلان زعل شديد قال ما بجي راجع، بعد تعب شديد انعم علي بلقب بروف، المهم ح استمر في التحنيس
بروف بابكر عباس
يو اس ايه

[كيشو]

طبعا انا قاعد اليومين ديل بامريكا (بالله لو في زول ما عارفني كلموهو)، اتصلت بالبروف والراجل زعلان زعل شديد قال ما بجي راجع، بعد تعب شديد انعم علي بلقب بروف، المهم ح استمر في التحنيس
بروف بابكر عباس
يو اس ايه

هههههههههه
أول حاجة لقب بروف دا ممكن تعلقو في البيت؛ وتختو في السيرة الذاتية، لكن هنا عندنا بروف واحد، دا طبعا بعد نقول ليك مبروك وتستاهل، وعقبال ما يجيك رد من أوباما وليس ذلك ببعيد طبعا :)
أها أنا عايز أصاحبك بس بعد الاستخارة ومشاورة خالد الصايغ

[مرافي]

لقد اصابنا الصمرقع عديل كده ياخي!
مامعقول كلوكلو، حاتحبسوهم كده لمتين يعني؟؟
عملو شنو هو اصلو ياخي، فكوهم خلاص

ده شنو ده هو اصلو؟!!

سلام يا الغالي اولا صمرقع يعني شنو..؟
ثانيا معاك معاك في الفقد والله مسخوا البورد...:(
غايتو عادل دا(متعود:) على الحبس) الا قلبي مع البروف...
الله يفك حبسكم...
ات النسعلك يا خالد هم مالم..:eek:



ده شنو ده هو اصلو؟!!
هنا باين الصمرقع مرتفع شدديد خالس..:D

[أمير الأمين]

مامعقول كلوكلو، حاتحبسوهم كده لمتين يعني؟؟


لحد ما يخلصو فترة ابقافهم:mad:
اوع تقول هى كم ؟:p

[مها عبدالمنعم]

لحد ما يخلصو فترة ابقافهم:mad:
اوع تقول هى كم ؟:p

الناطق باسم الشرطه:)

[خالد غالي]

خالد:confused::confused::confused:
اوعى تقول لى عمو امين وعادل صاحبى موقوفييييين:mad::mad:
وحات الذمة انا حازعل زعل شدييييد خلاس وبعدين ناس الادارة ديل
ولا الامانة ديل الامانة التقطع دلاقينهم ان شاء الله
مالهم عميانيين ما بشوفوا البوقفوهم :mad::mad:
انت بس فهمنى الحاصل شنو

سلامات ياسارة

ياخي ديل موقفين وقيفة العدو قربو يتمو شهر اسي !!

اما عملو شنو؟ فدي علمي علمك

[خالد غالي]

:D:D
شكلك طمعان في اجازة إجبارية من البورد






اقول قولي هذا واستغفر الله لي..................


عليك النبي الحركة دي غلط ؟

وجعلنا من خلفهم سدا :)

[خالد غالي]

طبعا انا قاعد اليومين ديل بامريكا (بالله لو في زول ما عارفني كلموهو)، اتصلت بالبروف والراجل زعلان زعل شديد قال ما بجي راجع، بعد تعب شديد انعم علي بلقب بروف، المهم ح استمر في التحنيس
بروف بابكر عباس
يو اس ايه

يابابكر زي ما قال ليك كيشو البروفسرية تبلها وتعلقها في الحيطة، بس المهم تركز لينا علي نفسيات البروف
ثم انو انت تمشي امريكا بدون ماتكلمني مالك؟ اسي كان مشيت معاك علي الطلاغ

المرة الفاتت قلت ليك جيب لي معاك حجر من جبل الطور، ابيت تجيبو ... اها المرة دي كان ماجبت لي معاك خواجية من شاطيء ميامي بزعل منك :D

[حسين عبدالجليل]

حسع عمنا البروف دا , حين عودته بالسلامة هل يحتاج ل بوست ترحيب ثالث ؟ ل كرامة ؟ ل مكتبة ؟

أفتونا ياناس خالد غالي وسارة و نحن جاهزين للقيام بالواجب .

[خالد غالي]

هنا باين الصمرقع مرتفع شدديد خالس..:D

طيب ماياهو ده بتعرفي الصمرقع كويس جدا :)

[خالد غالي]

لحد ما يخلصو فترة ابقافهم:mad:
اوع تقول هى كم ؟:p

سلامات يا امير

وبما انك الناطق باسم الشرطة زي ماقالت ليك مها، فخليني استغل مداخلتك دي واخاطب عبرك الادارة (المنتخبة) عشان اغيير موضوع البوست خوفا وطمعا :)

المهم عايز اقول ياخي انو فكرة الايقاف دي كعقوبة ما اظنها فكرة كويسة، ماعارف البديل شنو، لكن الايقاف خاصة لفترة طويلة ما اظنو فكرة حكيمة
وبعدين ياخي نعم الشباب ديل اخطأوا واي حاجة واهو انتو عاقبتوهم ووقفتوهم، يعني ما بالضرورة يقضو فترة الايقاف الطويلة جدا جدا جدا دي كلها، خلاص كفى ياخي، ثم انو المنتدى يدعو للمحبة والتسامح وانتوا كريمين وهم بيستاهلو، وهكذا يعني
فياخي نرجو اعتبار البوست ده والمداخلة دي بالذات كنوع من الاسترحام وفكوهم الله يرضى عليكم زي ما البشير فك صلاح قوش وود ابراهيم!!



عليك الله هو صلاح قوش، والجماعة الاغتصبو البنات ديلك فكوهم، ديل حابسنهم في شنو؟؟ شن سووا عليكم الله :D

[خالد غالي]

حسع عمنا البروف دا , حين عودته بالسلامة هل يحتاج ل بوست ترحيب ثالث ؟ ل كرامة ؟ ل مكتبة ؟

أفتونا ياناس خالد غالي وسارة و نحن جاهزين للقيام بالواجب .

ياعم حسين

البروف ده المفروض لو خالف اللائحة بس يرجعوهو لدرجة الدكتوراة وخلاص، الايقاف ده مافي ليهو اي داعي والله :)

المشكلة اسي حايجي يقول عايز اعتذار رسمي بالاضافة للمكتبة والترحيب :D

[مها عبدالمنعم]

سلامات يا امير

وبما انك الناطق باسم الشرطة زي ماقالت ليك مها، فخليني استغل مداخلتك دي واخاطب عبرك الادارة (المنتخبة) عشان اغيير موضوع البوست خوفا وطمعا :)

المهم عايز اقول ياخي انو فكرة الايقاف دي كعقوبة ما اظنها فكرة كويسة، ماعارف البديل شنو، لكن الايقاف خاصة لفترة طويلة ما اظنو فكرة حكيمة
وبعدين ياخي نعم الشباب ديل اخطأوا واي حاجة واهو انتو عاقبتوهم ووقفتوهم، يعني ما بالضرورة يقضو فترة الايقاف الطويلة جدا جدا جدا دي كلها، خلاص كفى ياخي، ثم انو المنتدى يدعو للمحبة والتسامح وانتوا كريمين وهم بيستاهلو، وهكذا يعني
فياخي نرجو اعتبار البوست ده والمداخلة دي بالذات كنوع من الاسترحام وفكوهم الله يرضى عليكم زي ما البشير فك صلاح قوش وود ابراهيم!!



عليك الله هو صلاح قوش، والجماعة الاغتصبو البنات ديلك فكوهم، ديل حابسنهم في شنو؟؟ شن سووا عليكم الله :D


دا استرحام ؟ متاكد انت
:D

[أمير الأمين]

الناطق باسم الشرطه:)

;)

[أمير الأمين]

شن سووا عليكم الله :D
بالله لسه الشمار كاتلك من يوم وقفوهم:Dlooool

[زول الله]

بالله لسه الشمار كاتلك من يوم وقفوهم:Dlooool
:D:D
مامشكلة يكتلو
المشكلة الشمار يسجنو






اقول قولي هذا واستغفر الله لي..................

[خالد غالي]

دا استرحام ؟ متاكد انت
:D

الاسترحام ده اسي مالو يامها؟

عليك الله كلامي مامنطقي؟ :D




يا امير والله ماشمار، لكن بالجد كده مدة الايقاف دي طويلة شديد، حقو الناس القاعدين يناقشو في الدستور اسي ديل يفكروا ليهم في عقاب تاني او ينقصو مده الايقاف دي حبة!!