بيان .. قف ... رقم صفر ... الدوحة .. سودانيات ..

[معتصم الطاهر]

بيان
ابو ساندرا
نادوس
بكرى الأمين
الصندلية
( حجة آمنة - هاتفيا).
قوت القوب
الأسمر
معتصم الطاهر
وما زلنا نبحث عن نزار

[معتصم الطاهر]

2×4



http://sudaniyat.net/vb/images/uploads/268_922544c747caf02f3.jpg

[نزار حسن علي]

2×4



http://sudaniyat.net/vb/images/uploads/268_922544c747caf02f3.jpg




الأخ الكريم/ معتصم الطاهر

تحياتي لك بالصحة والعافية يا سيدي طبعا اسف جدا جدا كنته في شغل في راس لفان جرد مخازن الشركة وطبعا تعب في تعب وما في اي وقت لاي شئ حتي للاكل يعني بنتناول وجبة الغداء الساعة السادسة مساء والله كنته اتمني اكون معاكم بس الله غالب يا سيدي ما عندي تليفوناتكم
موبايلي 5132581
واكرر اعتذاري مرة اخري
مع حبي لكم
اخوكم
نزار حسن علي
دوحة الجميع

[معتصم الطاهر]

سنوالى هنا تعريفكم ببورداب سودانيات بالدوحة
وجلستنا فى زيارة بيان

[معتصم الطاهر]

ونأسف للغياب

لأسباب تقنية

وما فى زول هبب لبوست دا

وسأل الحاصل شنو

طيـــــّـــب

[3mk-Tango]

معتصم تحيات ليك ولكل اهل الدوحة وزوار الدوحة ..

طبعا البوست كان شكلو ضربة بداية لي تفاصيل اوفر
امكن عشان كدا الناس كانت منتظرة الباقي ...

اها وقفت لحدي هنا ولا ننتظر المزيد ؟؟

مرفق : حبي الاكيد _ علي قول مهند ..

[haneena]

وما فى زول هبب لبوست دا

وسأل الحاصل شنو

طيـــــّـــب

القال ليك منو يا باش؟





حمد الله على السلامة

[خالد الحاج]

العزيز معتصم الطاهر
كيفك يا باش وعساك بخير والأسرة الحبيبة

علمت منك في المسنجر أن هناك مطبوعة في الدوحة باسم (19 يوليو) تأليف خالد الحاج
وفهمت أنها عبارة عن نسخة من بوست أخونا عبد الله الشقليني (مذبحة قصر الضيافة بين ألاسطورة وأحلام العسكر)
أرجو صادقا مدي بعلومات كافية عن الأمر.

(1) هذا الجهد ليس لي وحدي وإنما لإخوة بذلوا فيه الوقت والجهد ولا يصح تزييله باسمي.

(2) لا يضايقني أن يتم طبعه وتوزيعه وسط الأصدقاء ولكن بإذن من سودانيات صاحبة الحق هنا
مع التقيد بقواعد النشر وحقوقه.

(3) هذا البحث لا يزال مفتوح ونأمل في إكماله وإن كنا نعاني من عدم الإلتزام بالوعود من بعض "أصدقاءنا " وتهرب بعض الشهود. وحين يكتمل سنسعي إلي تحويل الحصيلة إلي كتاب باسم سودانيات في طبعة شعبية الغرض منها توثيق ونشر البحث في أمر ظل مثار للأقاويل والإشاعات.

محبتي لك

خالد

[عالم عباس]

أها يا معتصم، أنا هببت!
الحاصل شنو؟

بعدين د. بيان العزيزة دي عايز أسألها:
مالها هجرت الكتابة في "سودانيات"؟
يعني مشوار (الدوحة) ده أسهل من زيارة "سودانيات" ولا إيه؟ ما ديل أهلها وديلك أهلها، ولا يعني المعنى خيار وفقوس!!

بلغ عتابي وتحياتي إليها يا باش.

[معتصم الطاهر]

http://sudaniyat.net/vb/images/uploads/268_804544d08becb8bc2.gif

ابو ساندرا ..... بيان ....................... نادوس2000

[معتصم الطاهر]

كانت كل الجلسة ندوة نقاش

فبماذا خرجنا ؟

[معتصم الطاهر]

محمد عبد الرحمن
اكتفى بالاستماع

http://sudaniyat.net/vb/images/uploads/268_2486544d0f5a12ed36.gif

http://sudaniyat.net/vb/images/uploads/268_2486544d0f5a103b08.gif

[bayan]

يا سلام على عمدة الدوحة معتصم وزوجته الهائلة
اجمل ناس تجمعك الحياة بهم
كرم فياض واخلاق سامية
وبعد ونسات اكتشفنا انه اختي صاحبتهم
.. دا السودان..

[bayan]

العزيز عالم
سلام وشوق
وقفني الشديد القوي
وهو الباسورد حقتي نسيتها وما قدرت اخش لغاية ما المشكلة حلاها لي خالد
كيفكم مشتاقين والله...

[عالم عباس]

العزيزة بيان
سلام وأشواق وأوحشتونا يا أم زاريا
نسيان "الباسوورد" المتكرر دة عندو سبب واحد مؤكد
وأظن د. إبراهيم عندو ليه تفسير
وبرضو عندو ليه حلول(وحلول ناجعة بالحيل)!

أها تاني أنسي، ولا قولي نسيت!
(كان غلبك أكتبي الباسوورد وسويه حجاب والبسيه) !
ما حتنسي.
ولا الدكتور أبو زاريا حيفكر في آخر العلاج!

سلام ليكم كلكم، بما فيكم الباشمهندس المعتصم ذاتو!

[معتصم الطاهر]

الأخ الأستاذ عالم

حسب ما رأينا فالأمر يحتاج لحسم من الدكتور

رغم
الحزم من الدكتورة ..

غايتو بالشفتو .. الزول دا زول جنة عديل ....!!!

[عالم عباس]

مش كدة بالله يا باشمهندس!

ده كان رأيي برضو!

[bayan]

تعرف يا عالم
المشكلة لو ابو زاريا هينة
المشكلة خالد الحاج العقد المسألة
يعني عايز تغير الباسورد حقتك
ولا تبلغ عن ضياعها
الا تكون هاكر يا كافي البلا وكايد المحن...
تخش بجاي وتطلع بجاي
غياتو خالد الله يديه العافية..
عمل بوردو صعب
فكي ما يقدر يخشو خلي بيان الكيشة دي...
بعدين كل يوم متلبتة ليه في الماسنجر
لمان قبضتو اون لاين حلا المشكلة
المرة دي عملنا باسورد
مكربة لا يمكن نسيانها..
الزمان ديك كانت ارقام
وانا عندي حالة نفسية اسمها
ارقام...
اها انت اخبارك شنو؟
وما ناوي تطبع دواوينك تاني؟

بعدين برضو انت ايملاتك بتجيني بالهيلوقرافية
تحياتي لام زاريا ولاخيك
الصار مع الطيور الما بتعرف ليها خرطة
الزول دا حصل ليه شنو؟
مختفي كدا.؟. ما تقنعو يجي هنا..
بالمناسبة تحيات ابراهيم ليه
وليك...دائما بيذكركم بالخير...
ويا معتصم ما تغير كلامك
انت دحين ما قلت اني طيبة شديد
وبت ناس؟

[معتصم الطاهر]

ويا معتصم ما تغير كلامك
انت دحين ما قلت اني طيبة شديد
وبت ناس؟

أنا ما نطيت

طيبة نعم

صعبة .. نعم ..



برضو

[عالم عباس]

فطيت( بت ناس) ليه يا معتصم، مع (برضو) بتاعك الفوق دة؟
(المديدة حرقتني)!

د. بيان
إحنا قبلنا عذرك، بس ما تكرري غلط الغياب ده تاني!

ولأبو خليل المحبة والمودة والسلام

زولك (حافظ)، ما زال مع الطيور الما بتعرف ليها خارطة ولا في إيدها جواز سفر!
على كيفو، وبيكتب الشعر على مزاجو، ولا يحب النشر ولا الأضواء(مع أن عمله بالصحافة)!

بخصوص (إيميلاتي البوديها، التقول لا تمشي لا حاجة!)، لو حصل بالشكل ده كلميني وسأرسل النص مرفقات!
لكن إنت تستلمي الإيميل وتعملي طناش، فكيف أعرف أنها هيروغليفية ولا سنسكريتية؟

على كل حال إنسي الفات، ويلا نبدا من جديد!
كويس كده؟

سلام كتير لزاريا وأبوها وإخوانها، ويلا عاودي نشاطك
لو خايفة من خالد الحاج، أو ما قادرة تلمي فيه كلميني علشان أسلط عليه ود الطاهر وعكود!

لكن بيني وبينك، أصلو خالد الحاج دة ما بيقصر أصلاً، ولو في غلط ، بيكون منك!
شفتي كيف!!
سلام