المساعد الشخصي الرقمي

مشاهدة النسخة كاملة : ضيف على مائدة سودانيات ...! - 10 - عبد العزيز عبدالله


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني
13-04-2010, 04:15 PM
قضينا معك سارة أجمل لحظات ضيافة وسعدنا بصحبتك المبهجة عبر رحلة حياتك المثيرة .. لكي ولولديك ووالدتك وكل أحبابك كل الحب الصادق وأشكرك على إختيارك نجمة ضاوية من نجوم سودانيات .. خير سلف لخير خلف ..

هيا ياشباب نستقبل .. ست الحسان ..
gooodgoood سـمراء gooodgooodgoood
أولن في التبادي لا نعرف معظمنا عنك غير كلمة سمراء .. نريد في البداية نبذه تعريفية كاملة عنك وبعدها شيلي شيلت .. كدي مدي إيدك للمائدة الأكل ما يبرد .. هاك ورك الجدادة ده .. عاملاو سارة بمزااااج .. برااااحة .. الشرفة تطير ... ننتظر goood

الجيلى أحمد
13-04-2010, 06:26 PM
لووووووول,

أول حاجة عمرك كم..??:D
وبتحبى منو..??
مقرشة ولامفلسة??

وبعد داك حاأجيك للأسئيلة بتاعت,
فنانك المفضل منو
ومثلك الأعلى منو..:D


غايتو حاتتعبى معاى جنس تعب ..:D:D
__________________________
أبوأمانى ازيك تانى يااخى,
و
ciaaaaaaaaaaaaaaaaaao
gooodgoood

أبو أماني
18-04-2010, 06:12 PM
لووووووول,

أول حاجة عمرك كم..??:D
وبتحبى منو..??
مقرشة ولامفلسة??

وبعد داك حاأجيك للأسئيلة بتاعت,
فنانك المفضل منو
ومثلك الأعلى منو..:D


غايتو حاتتعبى معاى جنس تعب ..:D:D
__________________________
أبوأمانى ازيك تانى يااخى,
و
ciaaaaaaaaaaaaaaaaaao
gooodgoood

والله مشتاقين يا أبو الجيلي يا لذيذ يا رائق .. يا أظرف (ماركسي) شاهدته عيناي كيتن في (ناس كده!goood) كيفك وكيف عيالك وأسرتك ربنا يحفظم .. آمين ويردكم لينا سالمين (وسمينين) زي حجم ناس سمراء .. وعلى ذكر سمراء .. يا أخوي مالها فلانة دي رافعة القزاز وعاملة لينا فيها ليمونة في بلد يحكمها (أخونا بتاع الكدايس) ده؟؟ البت بالله إختارتها سارة قمنا قدمناها أسبوع عشرة يوم من يوم ترشيحها (تكونش فاكراه ترشيح إنتخابات؟؟) وكمان عاملة فيها (تقيلة) ولا رائحة ما عارف .. قمت قلت يمكن تكون زولتي فاكاها في روحها حبتين وعاوزة شوية شمارات ورفع سعر .. قلت ما يخالف .. عملت ليها بوستر مناشدة من بيت الكلاوي وعملت ليها (ياذبيدة لا تموعي) زولتك جات قشرت بي .. بإسلوب السيوبر ستارز داك وورتني إنها مشغووووووولة goood هاك المشغولية دي يا إتا!! ووعدت بأن تتعطف وتحن في حالتي وتشوف موضوعي قلت يا زول كبر دماغك شوية ما هي في النهاية إمرأة ونظرت ليها بمنظور بعيد عن الماركسية بكم فرسخ كده .. نظرت ليها نظرة (كوز) لعاشق الموز !!goood ورسلت ليها رسالة عتاب رقيق في الخاس .. وزولتك لسع عاملة أضان الحامل طرشا .. تكون يا ربي عاوزة شوية تحانيس زيادة .. ولا أوسط ليها عمو .. حقيقي يا الجيلي يا أخوي وما عليك مدسة .. أنا باللول فكرت قلت يمكن تكون مشغولة جد جد خسوسا واليومين ديل ناس المفوضية حقت الإنتخابات بتعمل (ري كروت تينق) لناس الفرز الليل اللصواط .. سمعت قالوا مجموعة أصواط الناخبين في الشقين من البلاد .. عملت 28 الف صوط بث ..!! والله أعلم قالوا حيتقاسموها ناس المؤتمر على طريقة الثروة والسلطة .. بس من غير نيفاشا .. ينفشك يا يابا إنت ونوال الزغبي دي .. (قصدي سمراء) ينفشكم النفش .. مرتبة جدي الله يرحموا قولوا آمين .. يلا تشاووووgoood

سمراء
18-04-2010, 07:18 PM
:D:D:D

نرحب بالعزيزة سمراء ....ترحيب كتير وبنقول ليها
خلاص غيرنا راينا منك انكشحى وشتتى الدنيا براها شكلات وعنكبات ويمكن تجيك
تربيزة طائرة فى وشك looool

سمراء
18-04-2010, 07:23 PM
وبعدين انا ما بتكلم الا فى حضور شيخى
الجيلى :D:D
جيبو لى وبعدين نبداء

أبو أماني
18-04-2010, 07:36 PM
وبعدين انا ما بتكلم الا فى حضور شيخى
الجيلى :D:D
جيبو لى وبعدين نبداء

يا بت ما تبطلي حنكشة ما عارفة ليها .. وما تخليني أفك آخري .. هي براها صورتك المثبتاها دي بالبسمة اللا مبالية الجانبية دي .. مطلعة دييييشششششششش منو ماعارف كده .. تقومي تتميها موية كمان وتعملي لي .. (شوشو هانم)! ده إسم الدلع بتاع الجيكسوية حقتي على فكرة قومي على إجاباتك لاني المرة الجاية .. بتصرف بطريقة (عمو) فتحي .. بلعب بلياردو وما يهمنيش .. يلا بلا لكاعة معاك .. تششششاااوووووgoood

أبو أماني
20-04-2010, 10:10 AM
شكرن على الطناش المتعمد يا سمراء..!
البتعمليو ده يا سمراء يا نظام مكاواة وتخفيف دم على حسابي يا إستخفاف بي ومافي ليو ثالث! ..
غايتو يا سمراء .. عملتيو مسيخ وأشتر ومشاتر .. يعني الحبيبة سرورة إختارتك دونن خلق الله وأنا عملت ليك يا ذبيدة لا تموعي .. وإستعطفتك عدييييل كدي تدخلى البوستر .. ولما طنشتيني ومعاي المتداخلين ..عملت ليك مناشدة في بوست آخر .. رديتي على البوست الآخر يعني نظام ناقشة كل شئ وبرضو مطنشة وكيتن عليك أبو أماني (إنت ومواضيعك ولا حاجة عندي)! قلنا رضينا وقبلنا بكل طيب خاتر .. جائز نظامك نظام تقل.. وحبة (show) بس طلع من نوع التقل البيحتل بي سيدو وما يطلع تاني .. شكرا .. ياذوق على هذا الطناش ومردودة ليك في الأفراح .. عموما لجاءت مكسور الخاتر منك .. للعزيز عبد العزيز عبد الله .. ليكون ضيفا على مائدة سودانيات وقبال أقشقش دميعات الغبينة بقول ليكم حاشاه ما بيطلع زي.. (ناس كده)! وما بيعمل فوقها ليمونة في بلد قرفانة!.
أعزائي محبي المائدة .. فورقيت أباوت .. سمراء أعذروها حيث يبدو إن لا يرتقى هذا البوستر المتواضح لمستوى طموحاتها المتطلعة للإذاعة والتليفيزيون والقنوات الفضائية..أو كما قالت هي بعضمة لسانها ما يشير لذلك!.. وإستقبلوا معي العزيز أبدا:-
عبــد العـــزيز عــبد الله
أهلا بك عزوز ضيفا عزيزا على المائدة كدي عليك الله هاك ملاح التقلية ده ختو في الطربيزة الجمبك دي .. وناولني (سرويس) اللحمة المحمرة ده .. الشطة ما بدورها خليها جمبك.. والضلع (عمك) فتحي ممنوع منو عشان (القاووت) .. بابكر مخيّر كتر من سلطة المايونيز دي قالوا كيويسة مع الزهايمر .. سارة قللي من النشويات عشان (تخسي) شوية..! المواطن نعتذر ليو .. فسيخ مافي ولا جبنة (مخمرة)! وكذلك بعتذر لزملائنا الحلفاويين ناس نبيل (تركين نهي)! .. أها يا الحبيب لنتعرف على بعضنا في البداية قلت لي الحالة الإجتماعية كييييييييف؟؟ رامي سنارتك ولا قابض؟؟ يعني معرس ولا عازب؟؟ يلا فضفض..ونسيني عملية أختك سمراء .. الله يسامحها تـورّت .. نـفـّسـي.. وفوق كم ما عارف!!! يلا تشاووووو* * * * *

عبدالعزيز عبدالله
20-04-2010, 07:17 PM
[B]. وإستقبلوا معي العزيز أبدا:-
[size=7][align=center][color=#008000]عبــد العـــزيز عــبد الله
أهلا بك عزوز ضيفا عزيزا على المائدة كدي عليك الله هاك ملاح التقلية ده ختو في الطربيزة الجمبك دي .. وناولني (سرويس) اللحمة المحمرة ده .. الشطة ما بدورها خليها جمبك.. والضلع (عمك) فتحي ممنوع منو عشان (القاووت) .. بابكر مخيّر كتر من سلطة المايونيز دي قالوا كيويسة مع الزهايمر .. سارة قللي من النشويات عشان (تخسي) شوية..! المواطن نعتذر ليو .. فسيخ مافي ولا جبنة (مخمرة)! وكذلك بعتذر لزملائنا الحلفاويين ناس نبيل (تركين نهي)! .. أها يا الحبيب لنتعرف على بعضنا في البداية قلت لي الحالة الإجتماعية كييييييييف؟؟ رامي سنارتك ولا قابض؟؟ يعني معرس ولا عازب؟؟ يلا فضفض..ونسيني عملية أختك سمراء .. الله يسامحها تـورّت .. نـفـّسـي.. وفوق كم ما عارف!!! يلا تشاووووو* * * * *

العم العزيز أبا اماني :
لك التحية ولكل المتواجدون معك في صالونك العامر...
البداية انا شكلي جيت هنا بدل فاقد ... لكن ما مشكلة ... حانسيك عملية الاخت سمراء ... بس عليك الله ما جبت معاك ملاح النعيمية ليه يا منقا ... ما عارف انه الملاح المفضل عندي...

نبدأ ليك بأسئلتك ...
الاسم: عبدالعزيز عبدالله محمد عبيد
الحالة الاجتماعية: متزوج وأب لابن (عبدالله).... لكن بتعجبني الآية المذكور فيها (مثني وثلاث ورباع):p

المهنة: مهندس تصميم داخلي (ديكور)... وتخصصت في حاجة ما ليها علاقة بالتصميم الداخلي والديكور. مجال الانشاءات (هياكل معدنية).
اللون السياسي : سوداني فقط والحمد لله (لا يمين لايسار لاخاتف لونين)

قلق جدا ومتقلب المزاااااااج

الفنان المفضل: عثمان حسين، ثم محمد الامين،
احب اللون الاخضر شديد جدا
اللون الرياضي: الاحمر الوهااااااااااااااااااج.

انا افصحت عن الحاجات الحاضرة

في انتظار الاسئلة ... لكن عليكم الله ما بحب الضرب تحت الحزااااااام:D

معتصم الحارث الضوّي
20-04-2010, 08:24 PM
أخي الكريم عبد العزيز
بعد الترحيب بك، رجاء إلقاء نظرة على واقع مهنة هندسة الديكور في السودان، فهذه المهنة الابتكارية لها واقع خاص في السودان كما أعلم.

مودتي

محمد عكود
20-04-2010, 10:11 PM
لكن بتعجبني الآية المذكور فيها (مثني وثلاث ورباع):p



انا ما جاي اسأل ...
انا جاي بس اثبت حالة في الاقتباس اعلاه ...
عشان بعدين ما تنط وتعدلو ... وتنكررررررر ....
امااااااااااااانة ما وقع عبدالعزيز ...
و ...
أبكــــــــــي يا عثمــــــــــــــان

النور يوسف محمد
20-04-2010, 10:30 PM
بسم الله الرحمن الرحيم

عبد العزيز عبد الله .. تحياتى ..
لك ولمضيفك الرائع أبو أمــانى ..

1/ اللون الأخضر وشيخنا بابكر .. سر الريدة ؟؟
2/ النظرة الجمالية المفقودة عند قسم كبير من السودانيين ,,
هل لمست ذلك فى ممارستك لمهنة التصميم ؟؟
3/ والحالة دى ( قلق جدا ومتقلب المزاااااااج )
هل تلقى بأثارها السلبية على أعمال هندسة الديكور ؟؟؟

كفاك مش كده :)

سارة
20-04-2010, 10:50 PM
عبعزيز سلام مربع يا احلى عبعزيز

البت المعولقة سمراء دى قالت بتشبهنى انا زول خواف ما بيشبهنى:mad:
المهم انت مشرف ومنور الدار يا بطل.
رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟
بعد تسخن نجيك تانى

سمراء
21-04-2010, 06:35 AM
افتح ذراعى لاستقبال الجميلة سفيرة الخرمجة والنوايا
الزى العسل (((سمراء))
قلتى انك تشبهينى وهذا شرف فقط يقتلنى الفضول لمعرفة وجه الشبه وكم كنت اتمنى ان
اكون اشبهك فانتى القمر فى سماه
فاهلا ومرحبا بك

الغالية ست الغاليين سرورة ، وانا افتح لك كل زرة فى جسدى لتولجى الى اعماقى مثلما انت محكرة بداخل قلبا احببك دون اى شروط ..واكيد التشابه موجود (بكثرة) رغم اختلاف المعطيات والمسميات ..فقط ياغاليه اعتزارى لك وللغالى علينا ابو امانى فى التلكوء الذى حدث فى اثناء حضورى للجلوس فى هذا الكرسى (المخيف) لاسباب خارجه عن القصد او الاراده ...اعتزر عنه مع الامنيات بالالتقاء فى زمن افضل من هذا ...

جانيت
21-04-2010, 06:40 AM
ما جبت معاك ملاح النعيمية ليه يا منقا ... ما عارف انه الملاح المفضل


انا افصحت عن الحاجات الحاضرة
:D
عزيز يا بلدي انت ملاح النعيميه ده وصف لي محل يعملوهو فيه وانا ارثلو ليك دليفري
ولو عايز ممكن اجيب ليك ام تكشو :eek:
وانت ما افصحت عن اي حاجه احسن ليك تقول براك
عشان اسالتنا ممكن تخليك تجي الثودان وتجاوب هنا براك


انا عرفت عنك كتير وانت زول رائع بكل ما تحمل الكلمة من معنى

حتى الناس العرفناهم من طرفك كانو ناس قمة في الروعه حبة ومدحت

بس انطباعك عن سودانيات ومجتمعها وعن ارتباطهم بيك ؟؟؟؟؟؟؟؟؟؟؟
طبعا سؤال مفتوح شديد اسكت جااااااااوب :p:D
فرفوش ياخ انت

سمراء
21-04-2010, 06:47 AM
شكرن على الطناش المتعمد يا سمراء..!
البتعمليو ده يا سمراء يا نظام مكاواة وتخفيف دم على حسابي يا إستخفاف بي ومافي ليو ثالث! ..
غايتو يا سمراء .. عملتيو مسيخ وأشتر ومشاتر .. يعني الحبيبة سرورة إختارتك دونن خلق الله وأنا عملت ليك يا ذبيدة لا تموعي .. وإستعطفتك عدييييل كدي تدخلى البوستر .. ولما طنشتيني ومعاي المتداخلين ..عملت ليك مناشدة في بوست آخر .. رديتي على البوست الآخر يعني نظام ناقشة كل شئ وبرضو مطنشة وكيتن عليك أبو أماني (إنت ومواضيعك ولا حاجة عندي)! قلنا رضينا وقبلنا بكل طيب خاتر .. جائز نظامك نظام تقل.. وحبة (show) بس طلع من نوع التقل البيحتل بي سيدو وما يطلع تاني .. شكرا .. ياذوق على هذا الطناش ومردودة ليك في الأفراح .. * * * * *

العزيز الجميل ابو امانى
حاشاءلله ومعاز الله ان استخف بيك او اتعزز عليك ذى ماقلته .. وحقيقى انا رديت على الغاليه سارة فى رسائله لى واعتبرته انو الموضوع انتهى ، ولما فتحت البوست جيت ورديت ليك فيهو ....يبقى الطناش وين !!
بس عموما استاذنا وحبيبنا والزول المابنقدر نتجاوزو ابو امانى امسحه لى فى وشى الشين ده ..ومحقوقه ليك لو اى احساس ماحلو وصلك منى ...بس والله كنت بسخن :D وبستجمع فى رباطة جأشى عشان اجيكم وانا فى كامل الدسامة اللغوية ....ياخ انا دخلته كورس لغه عديل عشانك looool عشان الانحراجه وكده ...خسوسن وناس اميرى والرشيد قاعدين لى فى حلقى الله يزاهم ياخ ..
بس اعتبرنى فى الصف ...وجااااياك يا اب شرا..وحانفتو ..بس انت ماااااتزعل

ومن هنا بنرحب بالشحرور عب عزيز ...الكوعى المفرفش ...وبتمنى ليهو اقامة طيبة فى هذا الكرسى المولع :D

معتصم الطاهر
21-04-2010, 07:04 AM
عبد العزيز

شنو حكايتك مع الحلو ..


http://sudaniyat.net/up/uploading/SDC10080.JPG

عبدالعزيز عبدالله
21-04-2010, 07:45 AM
أخي الكريم عبد العزيز
بعد الترحيب بك، رجاء إلقاء نظرة على واقع مهنة هندسة الديكور في السودان، فهذه المهنة الابتكارية لها واقع خاص في السودان كما أعلم.

مودتي


تحياتي اخي معتصم ... ومرحب بيك في مائدة عمنا ابو اماني...
وانشاء الله اكون ضيف خفيف علي مائدتكم العامرة...

فيما يخص طلبك بإلقاء نظرة علي واقع هندسة الديكور في السودان.. يجيب في البداية اقوم بتعريف مبسط للديكور...
الديكور هو تجهيز وتهئية المكان للقيام بوظائف بأقل جهد ويشمل هذا الأرضيات والحوائط والأسقف والتهوية والإضاءة والتجهيزات الاخري التي تشمل الالوان والاثاث... وإيضا يعرف بأنه ( فن معالجة الفراغ وكافة أبعاده بطرق تستغل جميع عناصر التصميم شكل جمالي يساعد على العمل او المعيشة داخل المبنى).
ويعتمد طريقة الديكور علي البيئة التي يتطلب التصميم فيها.. وايضا يعتمد علي ذوق المهندس والمجتمع الذي يتم التصميم له..
ولقد اشتهر السودانين بعدم مقدرتهم بالقيام بال (Final tuch) وهي التي بدورها تعطي الشكل الجمالي النهائي.. ونحن مجتمع نحب التقليد ونرفض كل ما هو مستحدث او غير تقليدي .... فتجد عندنا مقابل كل شخص مبتكر 100 مقلد ...

اما الديكور من الناحية العملية في السودان ... لقد ظهر مؤخرا حيث ان غاية ما كان يتمناه المواظن (غرفتين خلف خلاف مع صالون ومطبخ وحمام) ومع التطور المتطرد الذي بدأ يحدث في السودان من الناحية المعمارية ... وتوافد وتوارد افكار من خارج السودان سواء كان عن طريق المهاجرين والمغتربين او من خلال العمالة الوافدة ... بدأ السوداني يهتم باللون والشكل وطريقة التشطيب للمبني..
فمؤخرا بدأنا نري تحول في اهتمام السوداني بالاثاث واللون والزخارف الجبصية والارضيات الرخامية والاهتمام بالتشجير الخارجي للمبني (landscape).. بالاضافة للتقليد بدانا نري تغير في شكل العمارة والداخلية والخارجية للمباني...

عبدالعزيز عبدالله
21-04-2010, 07:47 AM
انا ما جاي اسأل ...
انا جاي بس اثبت حالة في الاقتباس اعلاه ...
عشان بعدين ما تنط وتعدلو ... وتنكررررررر ....
امااااااااااااانة ما وقع عبدالعزيز ...
و ...
أبكــــــــــي يا عثمــــــــــــــان


:mad::mad::mad::mad:
(التسويهو بي إدك يغلب اجاويدك)

بابكر مخير
21-04-2010, 07:58 AM
قال مائدة وجايب ليهو الساحوتآ دآ..
بذكرني دآ حكاية الراجل العزموهو غدآ، جابهو صحن الكسرآ ودلقهو فيهو "أمرقيقآ" بالحم وما بتاعت "ماجي"..
زولنا يبحبت في وسط الكسرة لمن يلم ليهو في قطعة لحمآ، يلفها بشقفة كسرة ويظمتها والعملية شغالآ،،
سيد البيت عيونهو رقرقت وبشدآ قال لي الضيف:
إتا بتدسدس في اللحمآ ليييه، ماهي أصلها مطبوخآ ليكآ ..

غايتهو لمو لحمكم
قبل ما يلفهو ليكم في كفن:(

عبدالعزيز عبدالله
21-04-2010, 08:10 AM
بسم الله الرحمن الرحيم

عبد العزيز عبد الله .. تحياتى ..
لك ولمضيفك الرائع أبو أمــانى ..

1/ اللون الأخضر وشيخنا بابكر .. سر الريدة ؟؟
2/ النظرة الجمالية المفقودة عند قسم كبير من السودانيين ,,
هل لمست ذلك فى ممارستك لمهنة التصميم ؟؟
3/ والحالة دى ( قلق جدا ومتقلب المزاااااااج )
هل تلقى بأثارها السلبية على أعمال هندسة الديكور ؟؟؟

كفاك مش كده :)

الريس الرائع النور ... لك التحية

1- للون الاخضر سر غريب في داخلي ... تخيل عندما اكون متضايق شديد جد احب اري اللون الاخضر.. وتحديدا في الاشجار ... وبمقدور اللون الاخضر ان يحولني من حالة التوتر الي حالة السكون في لحظات ... ويكفي انه لون ثياب اهل الجنة .. جعلني وإياكم من ساكنيها (آمين).

ولقد قرأت عن اللون الاخضر في موقع ووجدته يتحدث عنه بالتالي: (وصل العلماء إلى قرار قاطع بأن اللون الوحيد الذي يجلب السرور على داخل النفس والإنتعاش في الفكر هو اللون الأخضر ومن أروع ما يدل على تأثير اللون الأخضر)...
فتعرف يا عم النور انا بي كلامك دا لاحظت ان الشاب بابكر مخير بيستعمل اللون الاخضر نفسة .. وزي ما قلت يمكن يكون دا سر الريدة...

2- يمكن لاننا شعب نوعا ما جاف.. والجفاف والجمال ضدان لا يلتقيان ...

اجيك لي قصة شوية قريبة وبعيدة من سؤالك ...
ايام الجامعة: كنت زول مشاكس جدا.. وكنت عامل فيها الزول مناضل او متنوضل: اها كان في انتخابات في الجامعة واخوك في اللجنة التسييرية علشان كنا عاوزين نقلع الإتحاد من الكيزان ... اها كالعادة الجماعة جابو ليك كل المليشيات من الإسلامية والقران الكريم بمساعدة الامن والاحتياطي المركزي .. وكنت احد الذين تم القبض عليهم تم حبسنا اولا في ساحة الجامعة .. وبدأو في اسئلتنا اسمك وبتقرأ ياتو قسم ...والذي كان يقوم بإستجوابنا واحد كدة عريض المنكبين (شلولخ:D) مقاساتو10X6 وكل ما يلاقي واحد ديكور بيقوم بيضربو كف ويقول ليهو (هسه عليك الله دي قراية رجالgoood) ويمشي للبعدة يلاقيهو إعلام يخليهو يلاقيهو معمار خليهو واول ما يجي للديكور يقوم يضربو ليك كف والكلمة إياها ... ولما جا الدور علي اسمك منو؟ عبدالعزيز عبدالله. بتقرأ شنو؟ تصميم داخلي ... تخيل صاحبنا مشي خلاني.
فعلى كدة قيس كيف كان تقبل السودانيين للنظرة الجمالية.

3- تعرف دا السبب الخلاني اتوجه للحديد والانشاءات المعدنية.. حيث ان مع سرعة دوران عجلة الحياة وتقلب المزاج جعلني لا اجلس كثيرا للتصميم .. واتجهت للتنفيذ ثم ترك المجال قبل 4 سنوات.


اي شي منك مقبول ... بس أوعاك من القرارات الإدارية ...:p:Dgoood

شكرا اخي النور

جانيت
21-04-2010, 08:31 AM
الريس الرائع النور ... لك التحية

1- للون الاخضر سر غريب في داخلي ... تخيل عندما اكون متضايق شديد جد احب اري اللون الاخضر..

هنا بهديك اغنية الخدار خداري يا ناس خداري ومن العين بضاري يا ناس خداري
تاليف والحان حبة وان ما مسئولة




يا عم النور



شكرا اخي النور

هنا اثبات واضح للتقلب
يا جنى اثبت عمك ولا اخوك



غايتو يا عزو وووووب عليك

عبدالعزيز عبدالله
21-04-2010, 08:31 AM
عبعزيز سلام مربع يا احلى عبعزيز

البت المعولقة سمراء دى قالت بتشبهنى انا زول خواف ما بيشبهنى:mad:
المهم انت مشرف ومنور الدار يا بطل.
رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟
بعد تسخن نجيك تانى


سارة ازييييييك يا عسل والله مشتاقين شديد ..
خليك من الزول دا ... وانا بقول ليهو من البعد ... بيجيبك الموز يا قرد ... وعمان دي يومين تلاثة وحتكون فيها ... اها البيحلك من شنو :rolleyes: زي ما قالت ليك دكتورة هيفاء(إلا تطير يا حبة)

اما عن سؤالك ... انا قبيل قلت ما عاوز ضرب تحت الحزام:mad:
لكن طالما انا هنا حاجاوب عن كل سؤال بدون تردد...

والله ياخ اكضب عليك اول وآخر شاكوش كان حاااااااااااااااااااااااااااار ...
كنت سينير في الجامعة ... ووحاتك جات برلومة حاجة عجيييييييييييييبة كدة ... اخوك شهر بيحاول يقرب منها ... وكل ما اجي بحاول اقرب تمسكني ليك (ضربة قلب وخمة نفس وشحتافة روح):D:D:D... المهم كنت يوم ماشي علي امدرمان من الجامعة وقامت احدي زميلاتنا قالت لي ياخ عندي زولة عاوزاك توصلها معاك امدرمان لانها ما بتعرف المواصلات لانو الترحيل ما جاها اليوم .... قلت ليها ياخ ما تكريهيني لكن ما مشكلة اول وآخر مرة تجيبي لي زول اوصول معاي (خوفا علي حق المواصلات)... المهم مشت نادت الزولة وطلعت ياها زولتي زااااااااااااااااااااااااتها... واخوكي هنا جاهو شلل اطفال بقيت ما عارف اتحرك من مكاني المهم ... وصلتها لي بيتهم وانا وصيلت لي قلبها ... ومن ديك وعيك ... كان اول حب ... كانت اللحظات الجميلة تجري بسرعة ... ومضينا عامان ... وسائت الامور ولإسباب خاصة بشخص غير متواجد معنا ... لبعوني ليك الشاكوش...
ياخ والله بي صراحة فقط (الدنيا ضلمت)..
التأثير السلبي ... ومافي زول يجي يقيف لي في حلقي: (عدم الثقة في مشاعر البنات)..
التأثير الإيجابي... بعد ألم ومرض وطمام بطن طواااااااااالي وفقدان شهية لمدة قاربت ال9 شهور ... صرت قويا كالصخر وبعدها لم احزن علي شيئ فقدته...

عبدالعزيز عبدالله
21-04-2010, 08:58 AM
عشان اسالتنا ممكن تخليك تجي الثودان وتجاوب هنا براك
انا عرفت عنك كتير وانت زول رائع بكل ما تحمل الكلمة من معنى
حتى الناس العرفناهم من طرفك كانو ناس قمة في الروعه حبة ومدحت
بس انطباعك عن سودانيات ومجتمعها وعن ارتباطهم بيك ؟؟؟؟؟؟؟؟؟؟؟
طبعا سؤال مفتوح شديد اسكت جااااااااوب :p:D
فرفوش ياخ انت


ما مشكلة انتو اسألو وانا عليا الإجابة:

والله كلامك الجميل دا من اصلك الطيب يا رائعة انتي ...
لا بس الناس العرفتوهم عن طريقي حبة دا اعملي حسابك منو:D

والله انا انطباعي عن ناس سودانيات السودان حاختصرو ليك في كلمتين...

يا ريتني الناس ديل عرفتهم من زماااااااااان ... لانهم جد ناس جديرين يان الواحد يعرف عليهم ... وانا محظوظ لاني اتعرفت عليهم ..
بث

عبدالعزيز عبدالله
21-04-2010, 09:02 AM
ومن هنا بنرحب بالشحرور عب عزيز ...الكوعى المفرفش ...وبتمنى ليهو اقامة طيبة فى هذا الكرسى المولع :D


وانحنا كذالك سعيدين بترحيب يا شحرورة (لكن ما صباح)

شكرا لك يا رئيسة حسب العوكية اقصد الكوعية


عبدالعزيز عبدالله
حزب الكوعية
قطر عمان

عبدالعزيز عبدالله
21-04-2010, 09:09 AM
[QUOTE=معتصم الطاهر;223093]
عبد العزيز

شنو حكايتك مع الحلو ..



الطاهر: معتصم الطاهر

اول شي انا ما بتاع (سمسية) لانو السمسمية مرتبطة بالحلو ...
في عهدي كنت بتا شامبيون ساااااااااااااااااااااااكت وجبنة وزيتون وخيار

اما الحلو الظاهر في الصورة دا منبثق من الجلسة الحلوة التي كانت علي شرف الحلوين (معتصم & ساااااااااارة)


لكن بيني وبينك يا باش (رموش الست ما حلوة).

تخيل زمان والدي: الاستاذ عبدالله عبيد كان ولا زال لما يجيب حلاوة العيد بجيبها زيادة علشاني لاني كنت بحب اكل الحلويات بصورة رهيبة اما الان الكبر حصل وبدأت الهواية في تناقص...

عبدالعزيز عبدالله
21-04-2010, 09:14 AM
قال مائدة وجايب ليهو الساحوتآ دآ..
بذكرني دآ حكاية الراجل العزموهو غدآ، جابهو صحن الكسرآ ودلقهو فيهو "أمرقيقآ" بالحم وما بتاعت "ماجي"..
زولنا يبحبت في وسط الكسرة لمن يلم ليهو في قطعة لحمآ، يلفها بشقفة كسرة ويظمتها والعملية شغالآ،،
سيد البيت عيونهو رقرقت وبشدآ قال لي الضيف:
إتا بتدسدس في اللحمآ ليييه، ماهي أصلها مطبوخآ ليكآ ..

غايتهو لمو لحمكم
قبل ما يلفهو ليكم في كفن:(


عمنا الحبيب بكوري ...

والله مشتاقين شديد...
تخيل العم الاخ النور لاحظ اننا بنكتب باللون الاخضر وقال دا سر الريدة...
هسه المهم انت غير ما جيت خوفت الناس مني ما عملت حاجة ...


وين سؤالك لي ..


اللهم ثبتا عند السؤال.

أبو أماني
21-04-2010, 06:15 PM
العم العزيز أبا اماني :
لك التحية ولكل المتواجدون معك في صالونك العامر...
البداية انا شكلي جيت هنا بدل فاقد ... لكن ما مشكلة ... حانسيك عملية الاخت سمراء ... بس عليك الله ما جبت معاك ملاح النعيمية ليه يا منقا ... ما عارف انه الملاح المفضل عندي...

نبدأ ليك بأسئلتك ...
الاسم: عبدالعزيز عبدالله محمد عبيد
الحالة الاجتماعية: متزوج وأب لابن (عبدالله).... لكن بتعجبني الآية المذكور فيها (مثني وثلاث ورباع):p

المهنة: مهندس تصميم داخلي (ديكور)... وتخصصت في حاجة ما ليها علاقة بالتصميم الداخلي والديكور. مجال الانشاءات (هياكل معدنية).
اللون السياسي : سوداني فقط والحمد لله (لا يمين لايسار لاخاتف لونين)

قلق جدا ومتقلب المزاااااااج

الفنان المفضل: عثمان حسين، ثم محمد الامين،
احب اللون الاخضر شديد جدا
اللون الرياضي: الاحمر الوهااااااااااااااااااج.

انا افصحت عن الحاجات الحاضرة

في انتظار الاسئلة ... لكن عليكم الله ما بحب الضرب تحت الحزااااااام:D

عارفك ظريف ودمك شربات وعثل ينقط .. وكنت متأكد من إستجابتك الفورية .. وقالوا كراع البقر جيابة .. شوف طلتك البهية جابت لينا كم هرم من أهرام سودانيات! على رأسهم الرائعة دوما سارة .. النور ما تحمر لي .. مش الخواجات قالوا ليديز فيرست؟!

كدي عليك الله ضوق الكبده والمطايب دي قبال تبرد .. هيفاء المرارة ما مرقت؟ فتحي ها .. بتخنق .. حوووووولا .. إتو مصر ما فوقها لحمة ولا شنو؟ تعرف يا عزو جيت مدبرس على دبرسة الحليوة سمراء .. الحاجة في البيت أدتني ليك هوم ويرك زي السم .. بس لقيتك منور البوستر والناس البحبوك ما صدقوا.. شغالين تحت الحزام طووووالي.. شئ شواكيش شئ أول قصة حب في حياتك .. غايتو يا سرورة لقيتك بس تقول شايقية .. يا بت جبتي الخباثة دي من وين وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. يعني ما عارفين أم عبد الله زي أم أماني الخالق الناطق .. مع مراجعة الجيوب جابت ليها مراجعة إنترنيت ومعرفة باصويرد ..goood والله ياعزوز فرحت أي والله فرحت فرحة شافع طهور مخدتو مليانة ضحاكات .. لمن لقيت كل الناس هبوا يناوشوك .. يلا أخد راحتك مع حبائبك واتجدع ساااااكت وبحلف ليك سرك في بئر .. أكان ختيت عمك فتحي مسعد .. الحبة أأأأأأبتجـــيك!!! ما تفرح .. أبو أماني مكر مفر .. يلا تشااااوووو goood

عبدالعزيز عبدالله
21-04-2010, 07:55 PM
عارفك ظريف ودمك شربات وعثل ينقط .. وكنت متأكد من إستجابتك الفورية .. وقالوا كراع البقر جيابة .. شوف طلتك البهية جابت لينا كم هرم من أهرام سودانيات! على رأسهم الرائعة دوما سارة .. النور ما تحمر لي .. مش الخواجات قالوا ليديز فيرست؟!

كدي عليك الله ضوق الكبده والمطايب دي قبال تبرد .. هيفاء المرارة ما مرقت؟ فتحي ها .. بتخنق .. حوووووولا .. إتو مصر ما فوقها لحمة ولا شنو؟ تعرف يا عزو جيت مدبرس على دبرسة الحليوة سمراء .. الحاجة في البيت أدتني ليك هوم ويرك زي السم .. بس لقيتك منور البوستر والناس البحبوك ما صدقوا.. شغالين تحت الحزام طووووالي.. شئ شواكيش شئ أول قصة حب في حياتك .. غايتو يا سرورة لقيتك بس تقول شايقية .. يا بت جبتي الخباثة دي من وين وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. يعني ما عارفين أم عبد الله زي أم أماني الخالق الناطق .. مع مراجعة الجيوب جابت ليها مراجعة إنترنيت ومعرفة باصويرد ..goood والله ياعزوز فرحت أي والله فرحت فرحة شافع طهور مخدتو مليانة ضحاكات .. لمن لقيت كل الناس هبوا يناوشوك .. يلا أخد راحتك مع حبائبك واتجدع ساااااكت وبحلف ليك سرك في بئر .. أكان ختيت عمك فتحي مسعد .. الحبة أأأأأأبتجـــيك!!! ما تفرح .. أبو أماني مكر مفر .. يلا تشااااوووو goood

كدي اقيف ياعمو .... نسيت اهم صحن في العيزومة دي... هاك امسك ختو جنب العجايز ناس بابكر ورأفت والنور وجدنا ابو شريط:D... هاك ليهو:

http://up.sudanradio.info/upradio/upload//15962-1-589108056.jpg (http://up.sudanradio.info/)


الظرافة يا كوتش دي فضلة خيرك ... والردود اللطيفة ولمة الناس الجميلين دي كلها عشانك يابا، تخيل والله بي جد كلامك الواحد لما يسمعو كأنك قاعد جنبو ... وبيحس بالإلفة داخلة توووشك في القلب...
كان علي الضرب تحت الحزام الانا ما بريدو ، صدقني وانا قاعد في ضيافتك ما حاسي بيهو ...
وكان علي سارة وبابكر مخير ياهم ناسي الما برفض ليهم طلب ... وبالمناسبة قصة الشاكوش دي انا اول مرة احكيها علي الملأ...
اما عن عكود الصغير ... فياهو اخوي ونسيبي وكنكشتو دي والله علي قلبي زي العثل... في انتظار عمنا عكود يجي ويسألني الاسئلة المباشرة...

اما ام اماني وام عبدالله وام موسي وعيسي وكورينا ومجوك وأوهاج ... ياهم النزلونا من الجنة ... حنعمل ليهم شنو طالما الجنة قالو تحت رجلينهم ... ربنا يلزمنا الصبر

الناس الجوني هنا صدقني يا عمنا جايين بيك وليك...

محبتي واحترامي

محمد عكود
21-04-2010, 11:43 PM
خليك من الزول دا ... وانا بقول ليهو من البعد ... بيجيبك الموز يا قرد ... وعمان دي يومين تلاثة وحتكون فيها ... اها البيحلك من شنو :rolleyes: زي ما قالت ليك دكتورة هيفاء(إلا تطير يا حبة) [/QUOTE

هع هع هع ...
انا الموززززز زاتو ما القرد ...
وقصة الشاكوش دي حاليا انا طبعتها عديييييل ...
وابقى قدر كلامك بس ....

اما عن كلام دكتورة هيفاء
فأنا والله غلباااااااان .. هو داك الكان طبعو شينlooool

[QUOTE=عبدالعزيز عبدالله;223114]
لا بس الناس العرفتوهم عن طريقي حبة دا اعملي حسابك منو:D

بث

وشااااايفك ..
قدر ما اوقرك ... في الشيــــــن اراك تتقدم
اتعكنن خلاااااص انا صبـــــري حصنو اتهدم
اصلو البينا ماااااا بتنفك من غيـــــــــــــر دم
الكاينة التكون يا عزو .. مافي من وراها ندم

بس ابقي قدر كلامك ...


وكمان عكود الشايقي الحر أب توبا بجر .. كنكش ليك في مثنى وثلاث ورباع كنكشة (كوز) في سبيل .. goood


ابو اماني ...
لا حولاااااااااا
مريخابي وقبلناك ... وعاملناك كأنك واحد مننا طبيعي ...
ما حصل زول عايرك بمرضك - شفاك الله - ولا جرحك بكلمة ...
واستحملنا معاك كل المك وصبرك على ابتلائك ....
واجترينا معاك الفرح بكاس بعانخي .. وترهاقا .... وضياع سيكافا
لكن تطلعني شاااااايقي دي كتيييييرة منك ....:mad:

لكن تعرف رغم دمويت انتمائك ... الا اني والله بريدك ...
ريدا قدر كراهيتكم لحرفنة البرنس ... واقوان سادومبا ..
قلبا يمين .. قلبا شمال ..
سادومبا سايقا العربية ..
قلبا بيـــــه ... قلبا ليـــــه ...
وانا اكرم .. طلعت حيـــــــة ..
يا ابو اماني العربية ..



حتى الناس العرفناهم من طرفك كانو ناس قمة في الروعه حبة ومدحت



اسمع كلامك اصدقك ...
اشوف ردودك ... استعجب ...


رغم انه فى زول غتيت معلق ليهو فانوس فوق رقبتو حيم بى هنا لكن وراك رجالة
قول لينا اول شاكوش وما هو تاثيره السلبى والايجابى؟؟؟



حتى انتي يااااااسارة ...
طيب انا وغتيت .. الفانوس ليه تجرحيهو ..؟؟؟؟

لكن سؤالك جدجدجد ريحننننننننني ...
ههههههههه
كان وراهو رجالا ... هسي شوف عيني الرجال قدااااااامو
ضربتيهو في مقتل ياااخ ...
والله حقو انا اقيف معاهو ... واديك انتي تعلقي الفاااانوس
هههههه

زول الله
21-04-2010, 11:46 PM
عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي










اقول قولي هذا واستغفر الله لي ............

جانيت
22-04-2010, 06:35 AM
عزو
سوعال
حلم لم تستطيع تحقيقه؟؟؟؟؟؟؟؟؟؟؟؟؟

أبو أماني
22-04-2010, 06:54 PM
عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي










اقول قولي هذا واستغفر الله لي ............




حقيقي سعدت بمداخلتك لاني برتاح ليك ولكتاباتك الرائعة ولونك الأسمر الحلو ده .. عليك الله السمرة الدقاقة الناعمة بتعملها كيف .. أوعى تكون بتستعمل اللغاويس ديك.. كريمات وبدره.. بس الزعلني منك إنك طلعت زول هرااااش سااااكت .. ! goood شايفك من ما ختيت الطوبة وهاك يا زغبير أها خم وصر جانيت شايفها شاتتها بكراعها .. والله الدكتورة دي مفترية بشكل.. عاجباها روحها بلحيل بس بيني وبينك معاها الف حق ! :D بس عزوز طبعا راجل لبق ..وأكيد حيتصرف .. ولا بيكون لابت منك وخائف من هرشتك الطلعت زي هرشة أوكامبو دي؟؟ هوووووي .. كمان جابت ليها كلام في الممنوع؟ أنا بررررة .. يلا تشششاااوووgoood

أبو أماني
22-04-2010, 07:14 PM
عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي

يا أخوي دقست .. يمين جانيت .. الدكتورة المفترية دي (لاكين بحقها) شوف عيني شاتت ليك الطوبة حقتك بكراعها .. ودخلت توووووش .. وإت طلعت هراش سااااكت .. عامل لي فيها مفتح وتقول لي .. إنت المخ .. وأنا العضلات .. عزوز ما تخاف منو .. goood








اقول قولي هذا واستغفر الله لي ............




حقيقي سعدت بمداخلتك لاني برتاح ليك ولكتاباتك الرائعة ولونك الأسمر الحلو ده .. عليك الله السمرة الدقاقة الناعمة بتعملها كيف .. أوعى تكون بتستعمل اللغاويس ديك .. بس الزعلني منك إنك طلعت زول هراااائ سااااكت .. ! goood شايفك من ما ختيت الطوبة وهاك يا زغبير أها خم وصر جانيت شايفها شاتتها بكراعها .. والله الدكتورة دي مفترية بشكل .. بس عزوز راجل لبق ..وأكيد حيتصرف .. ولا بيكون لابت منك وخائف من هرشتك الطلعت زي هرشة أوكامبو ؟؟ هوووووي .. كمان جابت ليها كلام في الممنوع؟ أنا بررررة .. يلا تشششاااوووgoood

أبو أماني
23-04-2010, 07:23 PM
في شوية أسئلة ما جاوبت عليها ولسع في ناس لابتين ليك .. وأسع دي هاك عربون مودة :-

* قصة لقاءك بنصفك الآخر .. ونبذة عامة عنها حفظها الله لك ولعيالها ..

* أسعد يوم مر بيك في حياتك العامرة بإذن الله .. التفاصيل الدقيقة مهمة جدن ..

* حدثنا عن أحب صديق إلى قلبك عبر كل هذه السنين وحتى الآن ...

مكر .. مفر .. شيل شيلتك ..يابا .. وده غير اللابتين ليك في اللفة .. يلا تشششااااوووووgoood

جانيت
24-04-2010, 09:31 AM
جانيت شايفها شاتتها بكراعها .. والله الدكتورة دي مفترية بشكل.. عاجباها روحها بلحيل بس بيني وبينك معاها الف حق ! :D goood

وهو عشان كده انت مشخت لي
انا اصلا زعلانه منك
وقلت اشخت ليك لكن ما بقددر حكمتو بالغه يا ابو اماني
ليك شوق واشواق
وشوق شاقاي شقانا ....الما شقا شقانا

زول الله
24-04-2010, 10:05 AM
حقيقي سعدت بمداخلتك لاني برتاح ليك ولكتاباتك الرائعة ولونك الأسمر الحلو ده .. عليك الله السمرة الدقاقة الناعمة بتعملها كيف .. أوعى تكون بتستعمل اللغاويس ديك.. كريمات وبدره.. بس الزعلني منك إنك طلعت زول هرااااش سااااكت .. ! goood شايفك من ما ختيت الطوبة وهاك يا زغبير أها خم وصر جانيت شايفها شاتتها بكراعها .. والله الدكتورة دي مفترية بشكل.. عاجباها روحها بلحيل بس بيني وبينك معاها الف حق ! :D بس عزوز طبعا راجل لبق ..وأكيد حيتصرف .. ولا بيكون لابت منك وخائف من هرشتك الطلعت زي هرشة أوكامبو دي؟؟ هوووووي .. كمان جابت ليها كلام في الممنوع؟ أنا بررررة .. يلا تشششاااوووgoood

ابواماني ياخ أوضعتم تخاجلنا عديل كدا ;)
بعدين السمرة دي جابا الله لكن ماتسألني من وين
بس أقول ليك سر ؟؟ بعمل نايم ولما اصحى بلقى السمار مالي الحتة:D
ايوااا دقيقة ... انت لوني شفتو وين ؟؟؟

انا طوبتي ختيتها كـ وقت مستقطع نعاود بعده الهجوم بقوة
فـ خليهو بس اليستناني
الدكتورة دي عندها شبكة رايحة بتجمع مرات مرات ولما تجمع بتشوت ضفاري
والضفاري مابنفع مع ناس أوكامبو ..... هوووي أوكامبو دا منو ؟؟
انا زاتي برا ودلاقيني برا










اقول قولي هذا واستغفر الله لي ...............

زول الله
24-04-2010, 10:24 AM
عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............

عبدالعزيز عبدالله
24-04-2010, 11:05 AM
عبدالعزيز كيفنك و عساك فاين ان شاءالله
جيت جاري جري قلت ألحق لي خشم خشمين زرة زرتين كدا
لكن لقيت الناس ديل ردموك ردم الجن وماقصرو معاك تب
اها دي طوبتي ختيتا هنا ومافي زول يزحها ..
بشوف لي كم زرزرة كدا أجيبن ليك
وبجيك صادي

اقول قولي هذا واستغفر الله لي ............


حبيب الكل زول الله

عليك الله شفت الناس دي خربشتني كيف ... لكن الله في


بس عليك الله طوبتك دي بعدين ما تقوم تفلقني بيها ... لانك جاي بي سلاحك جاااااااهز:D


ياخ كلمهم ... قوليهم خليكم من الشوت الضفاري

عبدالعزيز عبدالله
24-04-2010, 11:26 AM
عزو
سوعال
حلم لم تستطيع تحقيقه؟؟؟؟؟؟؟؟؟؟؟؟؟


ياخ سوعالك والله صعب يا جنو...:mad:

عارفة حاجات كتيرة حلمت بيها ولم تتحقق ...

المهم انو الواحد يرضي بالحاجات الإتحققت لانو الانسان لو قعد يفكر في الحاجات التي فشل في تحقيقها حكون كارثة بالتأكيد ... ولانو الانسان طالما هو حي اكيد حيحلم ويحلم ... هناك احلام تتحقق واخري لا ... فعلينا الفرح بما تحقق


لكن يظل الحلم الباقي ... (الراحة النفسية)؟؟؟؟؟؟؟؟؟؟

جانيت
24-04-2010, 11:34 AM
ياخ سوعالك والله صعب يا جنو...:mad:

عارفة حاجات كتيرة حلمت بيها ولم تتحقق ...

المهم انو الواحد يرضي بالحاجات الإتحققت لانو الانسان لو قعد يفكر في الحاجات التي فشل في تحقيقها حكون كارثة بالتأكيد ... ولانو الانسان طالما هو حي اكيد حيحلم ويحلم ... هناك احلام تتحقق واخري لا ... فعلينا الفرح بما تحقق


لكن يظل الحلم الباقي ... (الراحة النفسية)؟؟؟؟؟؟؟؟؟؟

ما بحب الاجابات الدبلوماسيه
التي لا تشفي غليلي:cool:
واحسن ليك تجاوب بكل صراحه قبل ما الواحد يردمك اساله ما تقدر تطلع منها:eek:

عبدالعزيز عبدالله
24-04-2010, 11:49 AM
في شوية أسئلة ما جاوبت عليها ولسع في ناس لابتين ليك .. وأسع دي هاك عربون مودة :-

* قصة لقاءك بنصفك الآخر .. ونبذة عامة عنها حفظها الله لك ولعيالها ..

* أسعد يوم مر بيك في حياتك العامرة بإذن الله .. التفاصيل الدقيقة مهمة جدن ..

* حدثنا عن أحب صديق إلى قلبك عبر كل هذه السنين وحتى الآن ...

مكر .. مفر .. شيل شيلتك ..يابا .. وده غير اللابتين ليك في اللفة .. يلا تشششااااوووووgoood


تعرف يا عمو ابو اماني .. ياخ بالعربي كدة (انتو لو زعلانين مني كلموني بالعربي كدة):cool:

* 1- تخيل يا أبو اماني انا زواجي كان تقليدي لأبعد الحدود ... او بالعربي زاج مغتربين عديييل كدة...

اختي سافرت السودان اجازة وجات راجعة من السودان ومعها صورة لأحد بنات أقرباء زوجها .. ومدحت البنت وكان النصيب ... لكن تعرف يا ابو اماني انه تم عقد قراني ليها ولم أراها ... وكانت المقابلة الاولي لنا قبل حفل الزواج بيوم.. وهي بنت خال ابو فانوس...
هي من آل عكود (فرع الدناقلة)- خريجة قانون (يعني اخوك دايما مهزوم في المرافعاتا) ست بيت ممتازة ... تجيد كل انواع الطبيخ ... هادئة وراسية... يعني كريمة من بيت كريم...

*2- اسعد يوم في حياتي .. كان اول ماهية استلمتها وقاسمتها بين الوالد والوالدة ربنا يحفظهم.

*3- احب صديق لي بعد صداقة دامت 16 سنة ... عضو المنبر مدحت محمد عثمان... الصديق في السراء والضراء ... تزاملنا في الجامعة ... اشتغلنا كماسرة وسواقين حافلة مع بعض... عدمنا القرش مع بعض ... عدمنا الاكل مع بعض ... بيتنا هو بيته وبيته هو بيتي...

لكن زعلان منو في حاجة: خلاني اعرس ... وهو فضل عزابي وراسو فاااااضي...
وبدعي عليهو: انشاء الله تعرس 4 في آن واحد ...

عبدالعزيز عبدالله
24-04-2010, 11:52 AM
ما بحب الاجابات الدبلوماسيه
التي لا تشفي غليلي:cool:
واحسن ليك تجاوب بكل صراحه قبل ما الواحد يردمك اساله ما تقدر تطلع منها:eek:



انتي ما تنسي اختيار اللضيف رقم 12 مفروض اختارو انا .....

اقعدي انتي وابو فانوس نططو لي كدة ... علشان ادعوكم الاثنين ... اقنطركم الاتنين ... وبعداك اجي ناطي فيكم الاتنين بالجوز...

جانيت
24-04-2010, 11:55 AM
انتي ما تنسي اختيار اللضيف رقم 12 مفروض اختارو انا .....

اقعدي انتي وابو فانوس نططو لي كدة ... علشان ادعوكم الاثنين ... اقنطركم الاتنين ... وبعداك اجي ناطي فيكم الاتنين بالجوز...

يوجد تهديد
هسي اعمل بوست واقول يوجد تهديد
غايتو شور علي وانا اقول ليك رقم 12 ده محمدعكود
اليومين دي لو سالته من يوم ولدوك لليله الحصل شنو بيحكي
السر عندي والا تدفع

عبدالعزيز عبدالله
24-04-2010, 12:00 PM
يوجد تهديد
هسي اعمل بوست واقول يوجد تهديد
غايتو شور علي وانا اقول ليك رقم 12 ده محمدعكود
اليومين دي لو سالته من يوم ولدوك لليله الحصل شنو بيحكي
السر عندي والا تدفع


عليك الله قومي افتحي ليك بوستين تلاتة كدة عن تهديدي ليك ... وبوست رابع كدة اعملي استفتاء متعلق بي استمراري بالمنتدي ام لأ اصلو دي بقت الموضة في سودانيات ... قايلاني خايف منك :mad::mad::mad:

المهم الشمار بتاعك قدييييييييييييييييييم وجاني من صاحبو بعد ساعة من حدوثو .. وبعدين ما تنسي ابو فانوس دا نسيبي ونصيبتي ...

جانيت
24-04-2010, 12:18 PM
عليك الله قومي افتحي ليك بوستين تلاتة كدة عن تهديدي ليك ... وبوست رابع كدة اعملي استفتاء متعلق بي استمراري بالمنتدي ام لأ اصلو دي بقت الموضة في سودانيات ... قايلاني خايف منك :mad::mad::mad:

المهم الشمار بتاعك قدييييييييييييييييييم وجاني من صاحبو بعد ساعة من حدوثو .. وبعدين ما تنسي ابو فانوس دا نسيبي ونصيبتي ...

انت عشان عارف انا لا بتكومج ولا بعرف الكوماج
رقيقة وكده
وانت داير ليك سبب شهرة
والشهرة متاعب .....والبيت المسكون زاتو
انا بعمل استفتاء بس في حاجه تانيه غير طلوعك من هنا يا عزو
ياخ ما تخليني اكثر ليك تلج يا ابو عبودي

بعد ساعه بث
معقوله الله يجازي التلفونات والنت ياخ
البيبقي شمارنا بايت

اها اواصل اساله ولا افتح البوستات

عبدالعزيز عبدالله
24-04-2010, 12:40 PM
انت عشان عارف انا لا بتكومج ولا بعرف الكوماج
رقيقة وكده
وانت داير ليك سبب شهرة
والشهرة متاعب .....والبيت المسكون زاتو
انا بعمل استفتاء بس في حاجه تانيه غير طلوعك من هنا يا عزو
ياخ ما تخليني اكثر ليك تلج يا ابو عبودي

بعد ساعه بث
معقوله الله يجازي التلفونات والنت ياخ
البيبقي شمارنا بايت

اها اواصل اساله ولا افتح البوستات


عليك الله واصلي يا جانيت في الاسئلة ...
وياريت الواحد يشتهر عن طريقك ... انا لاقي..


تعرفي يا جانيت ... انا زمان لما كنت طالب في الجامعة ولظروف طارئة المصاريف انقطعت عني ... وكان ذلك في العام 1996.. وكان لابد من إيجاد حل... المهم اتوظفت مع جارنا في البوكس بتاعو ... كانت وظيفتي كالتالي: عتالي شنط... حيث درج جارنا الذهاب حوالي الساعة 11 مساء الي السوق الشعبي الخرطوم في انتظار الباصات القادمة من بورتسودان.. وكنت اقوم برفع وانزال العفش من والي البوكس.. وكان العمل يستمر حتي الساعة 2 صباحا ... ارجع البيت وانوم واصحي الصباح امشي جامعتي زي الماحصل حاجة ... وكنت اتحصل علي يومية حوالي 15 الف... وكانت مبلغ خرافي جدا لطالب في الجامعة حيث ان المئة دولار في ذلك الوقت بتساوي زي 110 الف... فشوفي كم كان يساوي دخلي الشهري ... والله كنت ملك عدييييييل كدة ... المهم يوم من الايام كدة وانا في السوق الشعبي قابلتي احدي زميلات الدراسة في الجامعة وكانت من الجماعة المتحنكشين خالص... وكانت قادمة من بروتسودان واول ما شافتني ليك قالت لي عندكم ضيف جاي من بورتسودان ولا شنو ... اجبت عليها بأنني اشتغل عتالي... وكان ردها (ياحراااااااااااااااااااااام)... وتاني يوم صاحبتك م قصرت وتبرعت بإبلاغ الشلة بوظيفتي الليلية ... وهي لا تدري كانت سبب في شهرتي في الجامعة ... شهرة جعلت الجميع يحترمني.


اها شفتي الشهرة متاعب كيف

جانيت
24-04-2010, 12:50 PM
عليك الله واصلي يا جانيت في الاسئلة ...
وياريت الواحد يشتهر عن طريقك ... انا لاقي..


تعرفي يا جانيت ... انا زمان لما كنت طالب في الجامعة ولظروف طارئة المصاريف انقطعت عني ... وكان ذلك في العام 1996.. وكان لابد من إيجاد حل... المهم اتوظفت مع جارنا في البوكس بتاعو ... كانت وظيفتي كالتالي: عتالي شنط... حيث درج جارنا الذهاب حوالي الساعة 11 مساء الي السوق الشعبي الخرطوم في انتظار الباصات القادمة من بورتسودان.. وكنت اقوم برفع وانزال العفش من والي البوكس.. وكان العمل يستمر حتي الساعة 2 صباحا ... ارجع البيت وانوم واصحي الصباح امشي جامعتي زي الماحصل حاجة ... وكنت اتحصل علي يومية حوالي 15 الف... وكانت مبلغ خرافي جدا لطالب في الجامعة حيث ان المئة دولار في ذلك الوقت بتساوي زي 110 الف... فشوفي كم كان يساوي دخلي الشهري ... والله كنت ملك عدييييييل كدة ... المهم يوم من الايام كدة وانا في السوق الشعبي قابلتي احدي زميلات الدراسة في الجامعة وكانت من الجماعة المتحنكشين خالص... وكانت قادمة من بروتسودان واول ما شافتني ليك قالت لي عندكم ضيف جاي من بورتسودان ولا شنو ... اجبت عليها بأنني اشتغل عتالي... وكان ردها (ياحراااااااااااااااااااااام)... وتاني يوم صاحبتك م قصرت وتبرعت بإبلاغ الشلة بوظيفتي الليلية ... وهي لا تدري كانت سبب في شهرتي في الجامعة ... شهرة جعلت الجميع يحترمني.


اها شفتي الشهرة متاعب كيف

اخخخخخخخخ ما ده المحير بوبي زاتو ؟؟؟؟؟!!!!!!
الشهرة متاعب والله
بس ياعزو ممكن اسالك؟؟؟
ممكن
لالالا جاوب علي زول الله وبديك سؤال انا حرقني خليك انت

عبدالعزيز عبدالله
24-04-2010, 01:04 PM
عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............





لاااااااااااااااااااااحولة...

دي حالتها فرشة ... امال الصبة الخرصانية كيف...:D:D

انت عارف انا يادوب انتبهت لي اسئلتك لما ورتني ليها جاااااااااااااانيط...


قال ما بحب الاسئلة التعسفية قال ... ياخ دا انقلاب عسكري عدييييييييييل كدة:D.... اخير منو الاسئلة العسفية سالفة الذكر...


بجيك بي رواااااقة علي اسئلتك دي


بيني وبينك كدة علشان ما في زول يسمعنا ... اسمك واسئلتك دي ما ماشين مع بعض:p

جانيت
24-04-2010, 01:11 PM
لاااااااااااااااااااااحولة...

دي حالتها فرشة ... امال الصبة الخرصانية كيف...:D:D

انت عارف انا يادوب انتبهت لي اسئلتك لما ورتني ليها جاااااااااااااانيط...


قال ما بحب الاسئلة التعسفية قال ... ياخ دا انقلاب عسكري عدييييييييييل كدة:D.... اخير منو الاسئلة العسفية سالفة الذكر...


بجيك بي رواااااقة علي اسئلتك دي


بيني وبينك كدة علشان ما في زول يسمعنا ... اسمك واسئلتك دي ما ماشين مع بعض:p

طيب جاوبو سريع
سؤالي بقى بيتململ
ولا اديك ليه معاه عشان تجاوب بالجمله
جانيت بالتاء ما بالطاء

زول الله
24-04-2010, 02:04 PM
بيني وبينك كدة علشان ما في زول يسمعنا ... اسمك واسئلتك دي ما ماشين مع بعض:p

شكوى سريعة لأبواماني ...
الزول دا بيجاوب إجابات إنصرافية في غير موضوع البوست:D
وبعدين بالطريقة دي حيفتل الأسئلة بتاعتنا :D
ياخي اتا قايلا جات بالساهل ؟؟
دي شاربين ليها خمسة فناجين قهوة
وخليك من .... اسمها منو ؟؟؟؟ اهاااا ايوا عرفتها
دي عندها زي ماتقول مثلا مثلا طششان شديد في جميع الشبكات
فـ شنو خليك مركز معانا مابتجيك عوجه


تخريمة:
إسمي مؤجرو بالساعة وهسه قربت تكمل :D:D:D









اقول قولي هذا واستغفر الله لي ...............

أبو أماني
24-04-2010, 04:11 PM
شكوى سريعة لأبواماني ...
الزول دا بيجاوب إجابات إنصرافية في غير موضوع البوست:D
وبعدين بالطريقة دي حيفتل الأسئلة بتاعتنا :D
ياخي اتا قايلا جات بالساهل ؟؟
دي شاربين ليها خمسة فناجين قهوة
وخليك من .... اسمها منو ؟؟؟؟ اهاااا ايوا عرفتها
دي عندها زي ماتقول مثلا مثلا طششان شديد في جميع الشبكات
فـ شنو خليك مركز معانا مابتجيك عوجه

تخريمة:
إسمي مؤجرو بالساعة وهسه قربت تكمل :D:D:D

اقول قولي هذا واستغفر الله لي ...............


الذ ناس في سودانيات .. الضيف الراقي عزوز ومضيفيه المشاكسين زول الله وجانيت .. هي قصدي جاااااانيط ..!! يديك العافية ياعزو .. إسم خايل معاها تمام .. تصور يازول إنت واحده مرأة داخلة العيادة أو المختبر وشايلة ليها ورقة وبتقول لبتاع لإستقبال .. عاوزة أقابل دكتورة جاااااانييييط !! والله عجبتوني بلحيل .. ومتونس مع مداخلاتكم ومعاي ناس كتااااااار .. يديكم العافية ويسكنكم الصافية .. يلا واصلو والله يا حبة نسيبك ده حلو جنس حلا .. بالله التقول .. راجل مرأة ..عزوز .. عزوز .. بتي .. كيييييييييف ؟؟؟ إنشاء الله أم عبدالله تسمعني .. وتلفح مفراكتها وتجيك هاجمة .. وتسمع.. تووووف وتسمع .. كووووف .. وتسمح جوووو وتســمع شــــوووو وتسمع وااااي .. وحي .. حي ووووب ويا إتي كفاي .. (كلام مجرب!) goood ... يلاتشششااااووووgoood

عبدالعزيز عبدالله
24-04-2010, 06:35 PM
شكوى سريعة لأبواماني ...
الزول دا بيجاوب إجابات إنصرافية في غير موضوع البوست:D
وبعدين بالطريقة دي حيفتل الأسئلة بتاعتنا :D
ياخي اتا قايلا جات بالساهل ؟؟
دي شاربين ليها خمسة فناجين قهوة
وخليك من .... اسمها منو ؟؟؟؟ اهاااا ايوا عرفتها
دي عندها زي ماتقول مثلا مثلا طششان شديد في جميع الشبكات
فـ شنو خليك مركز معانا مابتجيك عوجه


تخريمة:
إسمي مؤجرو بالساعة وهسه قربت تكمل :D:D:D









اقول قولي هذا واستغفر الله لي ...............





يا زول الله يا اخوي كيف ما اجاوب اجوبة انصرافية .. طالما انتو زانقني زنقة ترزي في يوم الوقفة.... :p

والحمد لله شاربين ليها خمس فناجين ... ما سجارة بي خمسة كروووووووت :Dgoood:D

وبعدين طلب خاص ... عليك الله قبل ما إيجار اسمك دا ينتهي ممكن تديني بيهو سحبة يومين علشان اطفش ليك ناس جانيط وسارة وسمراء وعمنا ابو فانوس...
وبي حكاية الفانوس دي ذكرتني في مايو عندهم فكي بكرب ليهم الشغل شديد وكمان بقول ليهم وقت الخريف نتدهو عليهو بي المقولة الشهيرة : (الشيخ فانوس يا مثبت الجالوص وطارد الناموس)... فهسه انا حاندهو اقول: (يالشيخ فانوس ياخ شوف لينا صرفة في ناس الامن الإيجابي ديل):p:D:p:D

عبدالعزيز عبدالله
24-04-2010, 06:37 PM
طيب جاوبو سريع



يا بنت انتي كنتي شغالة في المباحث ولا شنو؟؟؟

عبدالعزيز عبدالله
24-04-2010, 07:41 PM
عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............





عذا اخي انا كتبت كتير جدا هنا .... علي اسئلتك دي لكن والله بي جد حصلت مشكلة في الجهاز ولم تنزل المشاركة ...
اوعدك ان اعيد الاجوبة مرة اخي حيث انني جلست قرابة ال 45 دقيقة اصر جهدي كله للكتابة ولكن....
سوف ارجع مرة اخري

عبدالعزيز عبدالله
24-04-2010, 08:14 PM
عبدالعزيز ماعايز ومابحبذ الاسئلة التعسفية و دي عندي بيها قائمة تشمل السياسة والدين والعرق وهلمجرا فـ خلينا نتجاوز الحتة دي ونسيبا لي ناسها الحيجوك داخلين .
انا عايز ارجع بيك كم سنة كدا ركز معاي ...
* قرار إتخذته وندمت عليه ماهو ولماذا ؟
* مرتع الصبا ومهد الريدة الأولى أين موقعه من الخريطة ؟
* اصدقاء تشتاقهم تفرقت بكم السبل من و أين هم الآن ؟
* الزواج وأثره في حياتك وماترتب عليه ؟
* الاهتمامات والهوايات الشخصية وكيفية ممارستها في الزمن السجم دا ؟
* المجال الأكاديمي والدراسة وطبيعة العمل الحالي ؟
* شخص تمنيت أن تكونه ولماذا ؟
* علاقتك باعضاء سودانيات والمقربين منهم وكيفية إنضمامك للمنتدى ؟

دي فرشة كدا لزوم التسليك والذي منه
وبجيك صادي









اقول قولي هذا واستغفر الله لي ..............





جيتك تاني والله بعد ما تعبت في الكتابة ... لكن اسئلتك ممتعة ...
لكن اعذرني سأحاول ان اقتضب الاجابة هذه المرة

1- القرار الذي ندمت عليه ... هو انني وبعد انتهائي من الجامعة في العام 1999 اتيت الي سلطنة عمان ... وبعد ان حاولت عدة مرات وعملت في اعمال غير قيادية لعدم الخبرة اخذت قرار بأن ارجع الي السودان ... ولكن وبما انه ليس لدي واسطة في السودان (بلد الواسطات) وبما انه ليس لدي دقن ... فقت عانيت كثيرا طوال سنتين .. إتسهلت الامور ورجعت الي السلطنة وكلي عزيمة ووفقت الحمد لله ... ولكن هذه الفترة عندي النية الجادة بأن ارجع مرة اخري للسودان .. ولكن هذه المرة سوف ادرس القرار مرارا حتي يتم التوفيق.
2- ولدت في مدني وتنقلنا كثيرا حيث الوالد ربنا يديهو الصحة والعافية كان يعمل استاذ ثانوي عالي.. وبعد ولادتي ب6 سنوات ذهبنا للقاهر مع الوالد حيث انه كان يقوم بالدراسات العليا (زمن البعثات) وعشنا هناك 4 سنواتثم الي حنتوب ثم الي كوستي ثم الي سلطنة عمان.
3-بما اننا كنا كثيرين الترحال.. وعند عودتنا من مصر ذهبنا الي حنتوب الجميلة ... وهناك تعرفت علي اصدقاء ذوي نكهة جديدة ... وكانت علاقتي بهم من العلاقات المحفورة في الذاكرة.
4- الزواج كمين عدييييييييييييييل كدة... واسأل ابو اماني:D... حيث انك تحترق لكي تسعد آخرين... وبعد الزواج وبعد ان يمن الله عليك بالذرية ... يزداد تقديرك لوالديك... حيث انك تتعرف علي الجهد الذي تكبدوه حتي تصبح انسان مسؤول عن نفسك.
5- هواياتي المفضلة هي الرسم والموسيقي ... حيث انني احب الرسم بالالوان المائية والعزف علي الكمان والاورغ ... لكن مع إيقاع الحياة المتسارع تفقد شغفك للهوايات.. وخاصة الموسيقي تحتاج تمارين مستمرة حتي تطور في مستواك او تحافظ علي الموقع الذي انت فيه... يعني هسه ما قاعد امارس اي هواية.
6- كما اسلفت سابقا : انا خريج هندسة التصميم الداخلي (ديكور) وعمل في مجال الانشاءات (هياكل معدينة) شفت عدم العلاقة .. حيث انني اعمل مدير مشاريع في شركة حكومية (شركة المدينة للخدمات اللوجستية) ووظيفتي تحديدا انشاء المخازن الضخمة.
7- تمنيت ان اكون احد صحابة رسول الله (عليه افضل الصلاة والسلام) .. حيث اننا اصبحن مسروقين بحب الحياة وعدم التفكير في الآخرة ... واصبح همنا متاع الدنيا ... وهولاء الأخيار كان همهم الآخرة ونصرة الدين العظيم.
8- علاقتي بأعضاء سودانيات جيدة جدا وهي من افضل العلاقات التي مررت بها .. وكانت التواصل بين الاصدقاء عبر المنتدي ثم الهاتف... وكان اول شخص قابلتة من سودانيات... هو الاخ المليجي عندما ذهب للحج العام الماضي... ومن هنا أنادي علي المليجي بصوت عالي ... اين انت يا هذا والله مشتاقين ... ثم بعد ذلك تقابلت مع شخص يندر وجودة في هذا الزمن: العم بابكر مخير ... وعند زيارتي للسودان في شهر فبراير الماضي ... اول من تقابلت معه الانسان الجميل ناصر يوسف ... ثم بقية العقد الفريد ... وبجد كانو مصدر اعتزاز لي بأني تعرفت عليهم... وبجد كانو نعم الاخوان والاصدقاء...
اما تسجيلي في سودانيات ... كنت ابحث اقرأ في س اونلاين وجاء ذكر سودانيات ... وذهب للموقع وقرأت المواضيع ... وفي نفس اليوم قمت بطلب التسجيل والخال ما قصر طوالي بقبول طلبي...



قال فرشة لزوم التسليك ... ياخ انت سيحت المكنة عديييييييييييييييل كدة

تحياتي يا راقي
وفي انتظارك

زول الله
24-04-2010, 08:44 PM
ابوعبدالله مساك الله بالنور والسرور
طيب مادام الفرشة نشفت وركبنا القواعد باقي لينا نشد الفتايل ..
* اذا دارت رحى الزمن ووقفت بك في مفترق طرق بين إدمان الغربة أو العودة الغير مؤسسة
ماهو خيارك ؟؟
* أغلب أبناء المغتربين وهشاشة تكوينهم النفسي والإجتماعي علل ؟؟
* العمالة الوافدة في السودان تحتكر سوق العمل من جميع النواحي .. السبب والحل ؟
* غربة طويلة + إنقطاع بنفس الطول =... ؟؟؟؟


معليش جوني ضيوف و الله مرقك المرة دي
جاوب ديل ونشوف الحاصل بعد داك









اقول قولي هذا واستغفر الله .................

بابكر مخير
25-04-2010, 05:50 AM
عمنا الحبيب بكوري ...

والله مشتاقين شديد...
تخيل العم الاخ النور لاحظ اننا بنكتب باللون الاخضر وقال دا سر الريدة...
هسه المهم انت غير ما جيت خوفت الناس مني ما عملت حاجة ...


وين سؤالك لي ..

اللهم ثبتا عند السؤال.
متين حتنضف تاني من جديد، بالحجة التانية؟؟

بابكر مخير
25-04-2010, 05:51 AM
قمت بطلب التسجيل والخال ما قصر طوالي بقبول طلبي...


من هفوات الخال الغير مغتفرآgooodgoood

عبدالعزيز عبدالله
25-04-2010, 08:03 AM
ابوعبدالله مساك الله بالنور والسرور
طيب مادام الفرشة نشفت وركبنا القواعد باقي لينا نشد الفتايل ..
* اذا دارت رحى الزمن ووقفت بك في مفترق طرق بين إدمان الغربة أو العودة الغير مؤسسة
ماهو خيارك ؟؟
* أغلب أبناء المغتربين وهشاشة تكوينهم النفسي والإجتماعي علل ؟؟
* العمالة الوافدة في السودان تحتكر سوق العمل من جميع النواحي .. السبب والحل ؟
* غربة طويلة + إنقطاع بنفس الطول =... ؟؟؟؟


معليش جوني ضيوف و الله مرقك المرة دي
جاوب ديل ونشوف الحاصل بعد داك
اقول قولي هذا واستغفر الله .................




ليه مستعجل ياخ ....
عليك الله امسك في ضيوفك دي قوي خليهم يقعدو معاكم اسبوعين تلاتة ...:p:p

1- اخي كما اشرت إليك سابقا بانني رجعت السودان بدون خطط او بدون دراسة ... اما ادمان الغربة او العودة الغير مؤسسة ... ديل خيارين كل واحد اصعب من التاني ... حيث انني اتململ جدا في الغربة وكل يوم جديد معناتو ألم مستمر... وكمان العودة بدون خطة بيكون عبارة دمار ... خاصة بعد ان الواحد اضاع سنين في الغربة ولم يقوم بعمل الحد الادني من الاساسيات التي تجعل الانسان يرجع.
2- سؤالك دا عاوز ليهو بحث من خمسة مجلدات.. لكن انا حاديك المختصر المفيد... كل شي راجع للتربية.. او من البيت الذي خرج منه هذا الأبن... حيث ان الاسرة تقوم بدور كبير في تكون الهوية يعني العيب الاساسي عندما نجد الاب عنده افكار متحررة او لو اخطأت في التعبير السابق ممكن نقول افكار رافضة لأعراف المجتمع.. وعندها ستجد ان الاطفال نشأو في تضاد كبير ما بين اصلهم السوداني او بيئتهم التي يمارسون فيها حياتهم ... وهذا الشي سوف تجده ايضا في السودان ... حيث ان هناك كمية كبيرة من الشباب تجدهم فقدو النخوة والفراسة السودانية حتي علي مستواه الشخصي يعني انا في اجازتي السابقة وجدت ان 60% من الشباب عاملين (سيستم) يعني بالعربي إظهار المؤخرة.. ودي حاجة الواحد ما بيقدر يتقبلها ... كما تجدهم ايضا تعاملون فيما بينهم بصورة غربية ... فبالتالي الحكاية حكاية بيت وليس إغتراب.
3- انا شخصيا بري ان العامل السوداني ليس بالكفاءة يتمتع بها الاجنبي.. حيث العامل السوداني يلا يحب ان يتعلم ... اي بصورة اخري يعتبر انا مستوي معرفته بالشي هو القمة في الفهم. وايضاء العامل السوداني غير ملتزم بمواعيد العمل وفي طريقة اسلوب التعامل إلا من رحمه ربه .. وهذا الكلام ليس يشمل كل العمالة السودانية .. حيث انه لدينا عمالة جيدة وممتازة لكن في هذا الزمن الذي اختلط فيه الصالح بالطالح صار الشك عااااااااااام.
4- غربة طويلة + إنقطاع بنفس الطول =(فقدان شيئ من الهوية وجفاء قلب).

اها انا في انتظار البقية .. بعد الضيوف ما يمشو منك بعد ثلاث اسابيع.

دمت اخي

عبدالعزيز عبدالله
25-04-2010, 08:04 AM
متين حتنضف تاني من جديد، بالحجة التانية؟؟



والله عندي النية جادي السنة دي امشي احج تاني ... ادعو لي ربنا يسهل لي...

بس المرة دي حابعد من نافخي الكيييييير:D:Dlooool

عبدالعزيز عبدالله
25-04-2010, 08:05 AM
من هفوات الخال الغير مغتفرآgooodgoood



:mad::mad::mad::mad:

جانيت
25-04-2010, 08:15 AM
صباحاتك يا زيزو (بي لغة الحناكيش)
لحظة حسيت فيها بعدم الرضا عن نفسك ؟؟؟؟؟؟؟؟؟؟؟؟؟؟؟

عبدالعزيز عبدالله
25-04-2010, 08:55 AM
صباحاتك يا زيزو (بي لغة الحناكيش)
لحظة حسيت فيها بعدم الرضا عن نفسك ؟؟؟؟؟؟؟؟؟؟؟؟؟؟؟


لحظتي الخشيت لي ابو اماني هنا دا ......gooodgooodgoood


لحظات كتيرة جدا ...

لكن اكتر لحظات حسيت فيها بعدم الرضاء عن نفسي .. عندما دخلت في تجارة الاراضي (منطقة صالحة) والله كانت حتوديني التوج.

جانيت
25-04-2010, 09:06 AM
الله يخليك يا ابو اماني
عزيز ده ماده حيه عشان كده اسالته دايما بتكون دسمة
واجوبتو منزوعة الدسم :eek:
انت من برج الاسد على حد علمي
ومن مميزاتهم انهم عندهم حب الامتلاك .............
وكمان غيورين لابعد الحدود ............
ورومانسين للدرجة البعيدة .........
بتلقى نفسك كيف ووين في ميزات بني برجك ؟؟؟؟؟؟؟؟؟؟؟



كذب المنجمون ولو صدقوا :D:p;)

بابكر مخير
25-04-2010, 09:24 AM
صباحاتك يا زيزو (بي لغة الحناكيش)


ياهو دآ المخليهو يمشي الحج من تاني،،
الزول دآ إن ما فكيتو دربهو،،
ظنيتهو بعدها إلا يجاور

عبدالعزيز عبدالله
25-04-2010, 09:30 AM
الله يخليك يا ابو اماني
عزيز ده ماده حيه عشان كده اسالته دايما بتكون دسمة
واجوبتو منزوعة الدسم :eek:
انت من برج الاسد على حد علمي
ومن مميزاتهم انهم عندهم حب الامتلاك .............
وكمان غيورين لابعد الحدود ............
ورومانسين للدرجة البعيدة .........
بتلقى نفسك كيف ووين في ميزات بني برجك ؟؟؟؟؟؟؟؟؟؟؟



كذب المنجمون ولو صدقوا :D:p;)



والله كان مفروض اكون من برج (الجقر) علشان اعضي اي زول بيزنقني...:D

اها عارفة المادة دي انا عدييييل ماشايلها ...

وبمناسبة منزوع الدسم دي ... انتي قايلاني من انتاج (كابو):p

لكن يمكن بعض المواصفات القلتيها دي عندي منها لكن ما كتير....

عبدالعزيز عبدالله
25-04-2010, 09:32 AM
ياهو دآ المخليهو يمشي الحج من تاني،،
الزول دآ إن ما فكيتو دربهو،،
ظنيتهو بعدها إلا يجاور

اها وشفت يجو بعد دا يقولو علي خاااااااااتي

جانيت
25-04-2010, 09:37 AM
ياهو دآ المخليهو يمشي الحج من تاني،،
الزول دآ إن ما فكيتو دربهو،،
ظنيتهو بعدها إلا يجاور

اها يا مخيرنا التوب(ا)gooodgoood
منو الولد دا حتى اجابته الواحد اصابعو توجعو من الكتابة يجي يختصر بي كلمتين
بس اكان جاور يكون احسن ليه:p;)
ومنها كل فترة الواحد يقول ليه ادعمنا بي دعوة كااااااربة :cool:
دعوة مجاورين وكدا:eek:

أبو أماني
25-04-2010, 05:11 PM
من هفوات الخال الغير مغتفرآgooodgoood

حوووووولا...!!!goood
كماااان .. هفواااات؟؟ ود مخير..أنا إسمي مكتوب ؟؟؟؟

ملحوووووزتك يا با :-

بس ما ليك إنت!.. للحبيب الغالي أحلى هفوات الخال ..(زول الله).. عليك الله ياعثل الجنا .. البقولوا لو عبعزيز ده .. بتبو لي تب .. ونجضو نجاض الصح .. شايف دكتورة جانيييييط !.. هو إسمها ده بالتاء ولا بالطاء؟ شايفها متساهله معاو بلحيل وفي ناس تانين خانسين ولابتين ليو.. ود مخير ظااااطو ما يعمل ليك فيها مفتح أنا كاشفو ليك .. داخل طابور خامس..إصلو بريد عبعزيز زي عيونو .. المهم شد حيلك إنت يازول معاو وأنا معاك .. أكان ما عملنا زي أم عبد الله الله يطوول عمرها ومشيناه على عجين ما يلخبطوش.. ما أبقى عريسك يا .. نبراس!!goood :D

زول الله
26-04-2010, 06:57 AM
ملحوووووزتك يا با :-
بس ما ليك إنت!.. للحبيب الغالي أحلى هفوات الخال ..(زول الله).. عليك الله ياعثل الجنا .. البقولوا لو عبعزيز ده .. بتبو لي تب .. ونجضو نجاض الصح .. شايف دكتورة جانيييييط !.. هو إسمها ده بالتاء ولا بالطاء؟ شايفها متساهله معاو بلحيل وفي ناس تانين خانسين ولابتين ليو.. ود مخير ظااااطو ما يعمل ليك فيها مفتح أنا كاشفو ليك .. داخل طابور خامس..إصلو بريد عبعزيز زي عيونو .. المهم شد حيلك إنت يازول معاو وأنا معاك .. أكان ما عملنا زي أم عبد الله الله يطوول عمرها ومشيناه على عجين ما يلخبطوش.. ما أبقى عريسك يا .. نبراس!!goood :D

جانيييط دي خليها عندها مشكلة في تروس المحاثيث ومرات مرات كدا بتعصلج معاها
لكن ودمخير دا انا ماوريتك ؟؟؟
الراجل طلع قريبي أو بالأصح أنا اتسلبطت ليك فيهو لحدما طلعتو خالي عديل كدا ... شغل نضيف

ابو اماني ياخ والله انت ألذ زول .... قلت لي عريسك يامنو ؟؟
شكلك كدا لو فكو ليك الحبل يمين كل يوم تصبح عريس goood ... لكن عفيت منها أم اماني
ماتشيل هم الجنا دا بنجضو ليك نجاض قبورة :D:D





ليه مستعجل ياخ ....
عليك الله امسك في ضيوفك دي قوي خليهم يقعدو معاكم اسبوعين تلاتة ...:p:p

اها انا في انتظار البقية .. بعد الضيوف ما يمشو منك بعد ثلاث اسابيع.


ابوعبدالله كيفنك ياخ وعساك فاين ان شاءالله
ضيوفي والله ماقصرو معاك ابدا ابدا
قعدو لحدي منتصف الليل ... منتصف الليل دي كيف معاك ؟؟ :D:D
وهسه قاااعد محكر ليك في أكبر كرسي في المكتب وغاتس فيهو ليي إضنيني
وجاييك








اقول قولي هذا واستغفر الله لي ..............

زول الله
26-04-2010, 07:17 AM
عبدالعزيز عبدالله وشُركاهـ .. هاو آآريوكم وعساكم فاينين مع الصباح المبالغة دا
بعد الـ فت البي هناك عايزنك تفت لينا شوية من الحاجات بي جاي
وإطمئن دي حتكون آخر دفعة من الزرزرة والمرازا :D

* أطفال المايقوما - وجهة نظرك - الاسباب والحلول ؟؟
* انفصال جنوب السودان ومستقبل البلاد بعد توزيع التورتة ؟؟
* استلمت رئاسة السودان لفترة مؤقتة - سنة واحدة - أهم خمسة قرارات ستتخذها ؟؟
* العروبة المصطنعة للهوية السودانية .. رأيك ؟
(مع العلم ان الدم العربي متواجد في أغلب الدول الأفريقية ولم تدعي إحداها العروبة.)


اخيراً كل الشكر وشوالات من التقدير والمحبة لشخصك الحبوب اخي الفاضل.











اقول قولي هذا واستغفر الله لي .............

معتصم الطاهر
26-04-2010, 10:36 AM
عبد العزيز
شجون المهنة ..

وفقا لتجربتك فى العمل داخل و خارج السودان اكتب لنا عن
* المهنية فى التجربتين
* المهندس السوداني ( نقاط ضعفه) .
* التعليم الهندسى فى السودان بين الواقع والتطبيق ( تجربتك).
* ماهى الكورسات التى أهلتك لتغيير تخصصك ..
* ذكرت ( مدير مشروع) .. ماذا يمكن ان تحدثنا عن هذا المنصب واجباته و مؤهلات الفرد ليكونه . و كيف تمارس هذه المهنة و هذا المنصب فى السودان وفى الخارج حسب تجربتك.

عبدالعزيز عبدالله
26-04-2010, 12:42 PM
عبدالعزيز عبدالله وشُركاهـ .. هاو آآريوكم وعساكم فاينين مع الصباح المبالغة دا
بعد الـ فت البي هناك عايزنك تفت لينا شوية من الحاجات بي جاي
وإطمئن دي حتكون آخر دفعة من الزرزرة والمرازا :D

* أطفال المايقوما - وجهة نظرك - الاسباب والحلول ؟؟
* انفصال جنوب السودان ومستقبل البلاد بعد توزيع التورتة ؟؟
* استلمت رئاسة السودان لفترة مؤقتة - سنة واحدة - أهم خمسة قرارات ستتخذها ؟؟
* العروبة المصطنعة للهوية السودانية .. رأيك ؟
(مع العلم ان الدم العربي متواجد في أغلب الدول الأفريقية ولم تدعي إحداها العروبة.)


اخيراً كل الشكر وشوالات من التقدير والمحبة لشخصك الحبوب اخي الفاضل.

اقول قولي هذا واستغفر الله لي .............






زول الله ياخ عليك الله استمر في الاسئلة ... صراحة (اسئلتك غاية في الروعة تجعلني اكتب واكتب واكتب)

والله فاينين ومفرولين ... يا معلمات يا معلمين:D

1- اطفال المايقوما ... اسم يجب تغييرة الي (اطفال الامل)... لقد قمت بزياة المركز اثناء اجازتي الآخيرة للسودان .. وكانت اول مرة ازور فيها المركز.... شعور رهيب يتخالج معه الالم والحسرة علي شطر زينة الحياة الدنيا ... صورتهم لم تفارقني ابدا حركاتهم فرحتهم بزيارتك (كالذي يبحث عن والده في شخص الزائر) ... ألم ثم ألم ثم ألم لا استطيع وصفه ... وبرغم الإعتراضات التي توجه الي الاخوة العاملين في المركز لكن ليس بيدهم حيلة ... والله عند زيارتي وجدت هؤلاء العاملين يبذلون قصارى جهدهم برغم الامكانيات الضعيفة المتوفرة... في هذه الزيارة لعنت كل من لم يتحمل خطأ إرتكبة حيث انهم جبناء الي ابعد الحدود ... ما ذنب هؤلاء الاطفال ان يتحملو لحظة شهوانية ارتكبها الآباء وهؤلاء الآباء لا يستحقون الحياة نتيجة تملصهم من مسؤليتهم ... وكان يجب عليهم تصليح خطأهم بالزواج ... لا برمي هولاء الاطفال في الشارع عرضة للموت حرا اوجوعا او نهشا من الكلاب..

ياخ الاسباب كثيرة ... اهمها نقصان الوازع الديني .. ثم نقصان الوعي الصحي او (الجنسي) كإستعمال موانع الحمل او استعمال الواقي الذكري ... او العزل.

رأي مشاتر: من اهم الاسباب ايضا غلق الأنادي (بيوت الهوى) من باب الممنوع مرغوب... حيث ان الشاب الذي ينقصة الوازع الديني والذي تتملكه الشهوات لابد من ان يجد مخرج لإشباع رغبته ... وكان سابقا يستطيع الذهاب الي الانادي .. اما الان فتجده بيحث لإشباع رغبتة في اي مكان (في الشارع/ في الجامعة/ عند الجيران.....إلخ) حيث ان دائرة بحثة اصبحت مفتوحة ..

الحل: لكي نحاول ان نقلل عدد الاطفال اللقطاء يجب ان يتم تسهيل الزواج خاصة المبكر... والتثقيف الجنسي والصحي ... بذر المروءة في الاجيال الجديدة وتغذيتهم دينيا وروحيا.

2- فكرة الانفصال والله بيني وبينك هي الامثل ... حيث اننا مارسنا علي الاخوة الجونبيين كافة انواع العنصرية والتهميش ... وأيضا الدول الأجنبية بذرت في داخلهم بأنهم سيتمتعون برغد العيش في حال انفصال الجنوب (لكن صدقني سوف لا يستقر الجنوب بعد الانفصال) حيث ان القبائل الجنوبية تعيش في داخلها حالة من عدم تقبل البعض ايضا.. اما التورتة دي ستظل تقسم حتي يأتي جيل ولائه للسودان وليس لحزب او سيد.. وإذا انفصل الجنوب ستتبعة محاولات انفصال دارفور والشرق... وحنبقي زي اليمن .. الليلة انفصال وبكرة وحدة وهكذا.....

3- قرار رقم واحد : حل جميع التكتلات السياسية وضمهم تحت حزب واحد اسمه (انا السودان).
قرار رقم اثنين : عمل لجنة وطنية لحصرلمتطلبات المناطق والقري وحل مشاكلهم.
قرار رقم ثلاثة : حصر حالات الثراء النفوذي وإستغلال الوظيف وملاحقتهم دوليا.
قرار رقم اربعة : مجانية العلاج والتعليم.
قرار رقم خمسة :وضع منهج للتربية الوطنية ولا بد ان يقوم كل السودانيين بدراسته.


بعد 6 اشهر: ألصق ليكم في الحكم (يحلكم الحلا بله)... واضع قانون يتم فيه توريث إبني عبدالله حكم ... وتاني إلا تطيرو:Dgoood:D
الحكم مرض يا زول الله

4- والله دي المحيراني انا زاتي ... ياخ اي زول في السودان جدو النبي وأصلو من الجزيرة العربية ... وبعد دا (اللون: ازرق، والشعر: قرقدي). لكن المشكلة الاساسية هي الهوية حيث اننا غير مقتنعين بالافريقية ولا لاحقين العربية.. لكن مفروض علينا ان نفتخر بالمزيج الذي اخرج السودانيين ... عرب وافارقة.
بالمناسبة الموضوع دا شائك عديييل كدة ... وممكن اجيك علي رواقة ليهو.


لك بالمثل أو اكثر من المحبة والاحترام .... جد انت انسان عزيز...
ونتمني التواصل
ت: 0096899208152

جانيت
26-04-2010, 01:04 PM
عزيز صباح الخير
مسجل قديم في السودانيات وعاصرت فيها ناس موجودين لسه ومنهم الفارقوها
حصل مرت عليكم فترة زي الفترة الفاتت دي
ورايك شنو في سودانيات ما قبل وما بعد :eek:
وبما انك نويت تورث عبدالله الحكم تتوقع انه حيكون ضيف المائدة رقم كم :D:p

عبدالعزيز عبدالله
27-04-2010, 06:47 PM
عبد العزيز
شجون المهنة ..

وفقا لتجربتك فى العمل داخل و خارج السودان اكتب لنا عن
* المهنية فى التجربتين
* المهندس السوداني ( نقاط ضعفه) .
* التعليم الهندسى فى السودان بين الواقع والتطبيق ( تجربتك).
* ماهى الكورسات التى أهلتك لتغيير تخصصك ..
* ذكرت ( مدير مشروع) .. ماذا يمكن ان تحدثنا عن هذا المنصب واجباته و مؤهلات الفرد ليكونه . و كيف تمارس هذه المهنة و هذا المنصب فى السودان وفى الخارج حسب تجربتك.

عمنا الباشمهندس معتصم... لك مليون تحية

1-عموما مهنة الهندسة من اصعب المهن ... وطبعا لا يفتي وانت في المدينة يا باشمهندس... حيث انك المسئول الاول والآخير عن سلامة الموقع والعمال .. والسكان فيما بعد .. فيجب عليك التخطيط مليون مرة ثم التنفيذ بدقة لما خطط له.. وايضا من اصعب الاشياء في مهنة الهندسة هي وضع افكار جديدة ... وهي تتطلب راحة نفسية عالية ومزاج ليس به اي شوائب...
* في الخليج كل الاشياء ساهله ومعلبة ... سهولة في التنفيذ من حيث توفر كل المواد والمستلزمات الخاصة بعملية البناء .. ثم العمالة الماهرة المتمرسة علي اعلي مستوي في التنفيذ والتشطيب ولديهم مقدرة عالية علي الطاعة...ايضا سهولة في استخراج التصاريح ... وثم الإشراف والمعاينة المستمرة المتواصلة من تلك الجهة لضمان سير العمل وفق تلك الإشتراطات التي وضعت مع التصريح.
اما عندنا في السودان وفتجد النقيض الكامل لهذه الاشياء... حيث انني في اجازتي الماضية بدايت في بناء بيت خاص بالاسرة ... تخيل باشمهندس عندهم اعتراض علي اي شيئ بداية من الرسومات التي اخذت وقت طويل في للتصديق عليها ... وعدم قبولهم ببعض الاشياء فيها ... مثال (يجيب ان تكون المسافة بين العامود والآخر ان لا تتعدي اكثر من 4 متر)... واخذت وقت طويل جدا من المهندس في المحلية ان يشرح لي لماذا ال 4 متر .. وان لا يتعداها ... لم يستطيع الاجابة علي سؤالي سوي انها قوانين تم وضعها بواسطة بروفيسرات ودكاترة لديهم معرفة كبيرة جدا في البناء...
ثم انتقلنا لمرحلة تسليم النقاط بواسطة المساح من الوزارة ... وانا في انتظار المساح بأن يأتي بآخر التكنولوجيا التي سوف يقوم بواسطها حساب تقاطعات الطول والعرض ... وإذ بي أتفاجأ بأن المساح يستخدم الخيط والمتر العادي وشخص آخر معه في النص يقوم بالتوازي بالمنزل السابق ... ثم جئنا لمرحلة الحفر ... وطلبت من المقاول ان يأتي ببلدوزر لكي يقوم بعملية الحفر... وقد قال لي ان البلدوزر يؤثر علي تماسك الارض ويجب ان نقوم بالحفر اليدوي حتي لا تحدث تشققات في التربة. وعلي ذلك المنوال في كل مرحلة كل عذر اقبح من الذي قبله..
2- اهم نقاط ضعف المهندس السوداني (عدم الإعتراف بالخطأ) ثم يجب ان لا تتم مجادلته في مجاله. ثم عدم المتابعة المستمرة لسير العمل... ثم الحضور للموقع بعد الساعة العاشرة...
3- والله ببساطة شديدة ... درسنا شي في الجامعة ووجدنا الواقع (السوق) يتعامل بمعايير اخري.
4- كورس في (Project management ) وكورس في ال (Steel structure design) الخاص بالأبنية الحديدية، وكورس في(Reaction) وكورس في(Safety) وبالمناسبة الكورسات دي تمت دراستها بعد ان تم توظيفي واجتيازي لإمتحان القدرات ... حيث اني كنت كثير التطلاع حتي في غير تخصصي (التصميم الداخلي).
5- طبعا من اصعب الوظائف ان تكون انت المدير... حيث ان كل المسؤولية تقع علي عاتقك ... وجب ان يكون لديك الرد علي اي سؤال يوجه إليك ... وفوق كل هذا يجب ان تكون شخصيتك قيادية وان تتمتع بنوع من الحكمة وعدم التسرع في إتخاذ القرارت وان تكون لديك خطط للعمل بديلة وجاهزة في حال فشل الخطة التي تنتهجها لأدارة مشروع... اما في السودان لم أمارس وظيف (مدير مشروع) لكن تلك هي الاشياء الاساسية لإدارة المشاريع في السودان او في خارجة.


شكرا مهندس معتصم
لك كامل الود والإحترام

عبدالعزيز عبدالله
27-04-2010, 07:00 PM
عزيز صباح الخير
مسجل قديم في السودانيات وعاصرت فيها ناس موجودين لسه ومنهم الفارقوها
حصل مرت عليكم فترة زي الفترة الفاتت دي
ورايك شنو في سودانيات ما قبل وما بعد :eek:
وبما انك نويت تورث عبدالله الحكم تتوقع انه حيكون ضيف المائدة رقم كم :D:p


آآآآه يا جانيت علي سودانيات زمان....

سودانيات كانت فعلا عالم من التواصل والمحبة... ناهيك عن الإحترام المتبادل بين الاعضاء... زمان في سودانيات لم نكن نسمع تلك الالفاظ النابية المتداولة الآن بين الاعضاء ... سودانيات كانت بريئة من تلك الكلمات السوقية والتي نراها الآن تقال جهارا نهارا مثل (منتشة وحسس و...) التي لها مداليل قمة في البذائة... سودانيات زمان عندما تقوم بخطأ تجد كل المنتدي تداعى لكي يقومك ويجعلك تسلك الطريق الصحيح... ان سودانيات الآن تجد فيها الترصد للزلات ... سودانيات تجد فيها الآن الترصد في كل البوستات سودانيات الان بها عدم التسامح ووضع العذر للآخر... سودانيات الآن ليست كما كان عهدها في الرسالة التي تقوم بها وهي الإرتقاء بالاعضاء والزوار..
بالمناسبة انا زمان كنت اتردد اكثر من مرة في إنشاء بوست جديد...



الضيف القادم محجوز للإبن عبدالله من الآن ... يعني الضيف القادم بعد كم طاشر سنة حيكون الضيف رقم 12 (عبدالله عبدالعزيز عبدالله)
غدا سوف يكمل ابني عبدالله عامه الاول 28/4

لك كامل الود والاحترام

أبو أماني
28-04-2010, 04:52 PM
آآآآه يا جانيت علي سودانيات زمان....

سودانيات كانت فعلا عالم من التواصل والمحبة... ناهيك عن الإحترام المتبادل بين الاعضاء... زمان في سودانيات لم نكن نسمع تلك الالفاظ النابية المتداولة الآن بين الاعضاء ... سودانيات كانت بريئة من تلك الكلمات السوقية والتي نراها الآن تقال جهارا نهارا مثل (منتشة وحسس و...) التي لها مداليل قمة في البذائة... سودانيات زمان عندما تقوم بخطأ تجد كل المنتدي تداعى لكي يقومك ويجعلك تسلك الطريق الصحيح... ان سودانيات الآن تجد فيها الترصد للزلات ... سودانيات تجد فيها الآن الترصد في كل البوستات سودانيات الان بها عدم التسامح ووضع العذر للآخر... سودانيات الآن ليست كما كان عهدها في الرسالة التي تقوم بها وهي الإرتقاء بالاعضاء والزوار..
بالمناسبة انا زمان كنت اتردد اكثر من مرة في إنشاء بوست جديد...



الضيف القادم محجوز للإبن عبدالله من الآن ... يعني الضيف القادم بعد كم طاشر سنة حيكون الضيف رقم 12 (عبدالله عبدالعزيز عبدالله)
غدا سوف يكمل ابني عبدالله عامه الاول 28/4

لك كامل الود والاحترام

ألف مبروك لولي العهد الملك عبد الله الثاني إطفاء شمعته الأولى وياريت لو كان هنا كنا عملنا المابشبه يا أبو عبدالله .. تحياتي لك ولأسرتك الكريمة ويشهد الله انا بحبك يا رجل وبحب أكتر منك الكارثة حبه .. أخبارو كيف القدع ده.. كل ما ابعث ليو هدية يصهين .. قول ليو عمك فتحي مسعد رسل ليك سمسمية .. تعال شيلها .. ومعاها حمصية كماااان .. تهئ تهئ تهئ .. هو نان مسمار نصاح! عزوز في أسئلة كتير فطيتها ظبط أوضاعك قبال الشماشي زول الله ده يقبل عليك يلا تشششااااوووووgoood

أبو أماني
01-05-2010, 06:43 PM
العزيز عزوز ..
؟ goood؟goood ؟ goood؟goood ؟ goood؟

زول الله
02-05-2010, 01:04 PM
ظبط أوضاعك قبال الشماشي زول الله ده يقبل عليك يلا تشششااااوووووgoood

اخخخخخخخ
نعتونا بـ زول الله ساكت وزادنا شرفاً على شرف
ثم نعتونا بالـ مسطحين في بلاد الله وأيضاً ما قلنا لأ
لكن أن ينعتونا بالـ شماشة فهذا لعمري كثيرٌ كثير واني أغرق عديل كدا :D:D
خلاص ياعبدالعزيز ابواماني جابا ليك في صمة خشمك
بعد دا أبشر بالأسئلة التعسفية
بجيك صادي











اقول قولي هذا واستغفر الله لي ..............

أبو أماني
04-05-2010, 08:42 PM
اخخخخخخخ
نعتونا بـ زول الله ساكت وزادنا شرفاً على شرف
ثم نعتونا بالـ مسطحين في بلاد الله وأيضاً ما قلنا لأ
لكن أن ينعتونا بالـ شماشة فهذا لعمري كثيرٌ كثير واني أغرق عديل كدا :D:D
خلاص ياعبدالعزيز ابواماني جابا ليك في صمة خشمك
بعد دا أبشر بالأسئلة التعسفية
بجيك صادي











اقول قولي هذا واستغفر الله لي ..............


يعني لما تكتب لي في توقيعك الرائع ده .. أنا بردد إسمك .. وإنت ناسيني خالس خالس .. حتى وعدك بأن تجضم لي صاحبي أبو عبد الله مانفذتو وكبيت الزوغة .. وأبو عبد الله ظااااطو عمل لي فوقها رائح .. يا أخوانا الناس مالهم عليك الرسول ..؟؟؟goood

زول الله
05-05-2010, 03:08 PM
يعني لما تكتب لي في توقيعك الرائع ده .. أنا بردد إسمك .. وإنت ناسيني خالس خالس .. حتى وعدك بأن تجضم لي صاحبي أبو عبد الله مانفذتو وكبيت الزوغة .. وأبو عبد الله ظااااطو عمل لي فوقها رائح .. يا أخوانا الناس مالهم عليك الرسول ..؟؟؟goood

ابواماني ياخ كيفنك و عساك فاين انت والمعاك كلهم/هن

ننساك كيف وانت المعاك لمانا كيف؟
كيف التانية دي من كيًف يتكيًف فهو متكيفاً أوبتاع مكيفات - والله اعلم :D

اها اليومين ديل انت براك شايف المود عامل كيف والمنتدى صاري بوزو شبرين
خايفين نسأل الزول دا عن حاجات تانية حامياني وندخلو في حتة ضيقة - حسب الفي الراس وكدا
حبه حبه كدا نرووق المنقا ونجيهو ليك بالتقيل ... ماعليك









اقول قولي هذا واستغفر الله لي ............

أبو أماني
07-05-2010, 07:40 PM
ابواماني ياخ كيفنك و عساك فاين انت والمعاك كلهم/هن

ننساك كيف وانت المعاك لمانا كيف؟
كيف التانية دي من كيًف يتكيًف فهو متكيفاً أوبتاع مكيفات - والله اعلم :D

اها اليومين ديل انت براك شايف المود عامل كيف والمنتدى صاري بوزو شبرين
خايفين نسأل الزول دا عن حاجات تانية حامياني وندخلو في حتة ضيقة - حسب الفي الراس وكدا
حبه حبه كدا نرووق المنقا ونجيهو ليك بالتقيل ... ماعليك









اقول قولي هذا واستغفر الله لي ............


خليتو ليك بس ما تقوم تنساو لي وعذرك مقبول ولو انو الإدارة بحكمتها وحصافتها قدرت تلملم كل المواضيع وتشجع الناس على تجاوزها .. واهو بداءت سودانيات الجمال والتواصل في حلقة من التواصل والحب الغير مشروط .. حرك الراجل وأديو لكزيس موجعة خليو يحرك البوست أصلو البوستر ده ما بتحمل الركنة .. إعتمادي عليك .. وكان ما شفت شئ برجع للمثل بتاع الضهر والظفر .. وده تهديد صرييييييح .. قايلني خائف منك ؟ هييييع أنا أبو أماني شبه الحلوف الكان كركبت ورقة سااااكت بقوم صوف .. تقولي شنو تقول لي منو ؟؟؟ يلا تشششاااوووو
goood

زول الله
07-05-2010, 08:47 PM
هييييع أنا أبو أماني شبه الحلوف الكان كركبت ورقة سااااكت بقوم صوف .. تقولي شنو تقول لي منو ؟؟؟ يلا تشششاااوووو
goood

gooodgoood:D:D:D:D
قسماً عظماً ثلاثياً .. انا من الضحك لما ماقادر ارد .. قلت لي بتقوم صوف ؟؟
ابوعبدلله تعال كركب ليك ورقة ورقتين بي جاي عشان ابواماني دا يمرقا في بلداً طيروعجم







غايتو أقول قولي هذا واستغفر الله لي استغفاراً كتير شديد..............

جانيت
08-05-2010, 01:07 PM
عزيز ابو عبد الله
مطلوب هنا انت
ويمتنع كب الزوغة :mad:
عشان نتطمن انو اخدنا العندك كلو ويا حبذا بعدك نتفرغ لي زول الله;)
وانا وانت ممكن نعمل حلف عليه مش نجضك :D

عبدالعزيز عبدالله
08-05-2010, 01:15 PM
عزيز ابو عبد الله
مطلوب هنا انت
ويمتنع كب الزوغة :mad:
عشان نتطمن انو اخدنا العندك كلو ويا حبذا بعدك نتفرغ لي زول الله;)وانا وانت ممكن نعمل حلف عليه مش نجضك :D





جانيط ... انت قايلة نفسك في ما يطلبه المستمعون ...
صدقيني انا احتمال ارشحك انت دي ... علشان اعمل ليك لوايه بطن عديييييل كدة واستعدي...

عبدالعزيز عبدالله
08-05-2010, 01:17 PM
ألف مبروك لولي العهد الملك عبد الله الثاني إطفاء شمعته الأولى وياريت لو كان هنا كنا عملنا المابشبه يا أبو عبدالله .. تحياتي لك ولأسرتك الكريمة ويشهد الله انا بحبك يا رجل وبحب أكتر منك الكارثة حبه .. أخبارو كيف القدع ده.. كل ما ابعث ليو هدية يصهين .. قول ليو عمك فتحي مسعد رسل ليك سمسمية .. تعال شيلها .. ومعاها حمصية كماااان .. تهئ تهئ تهئ .. هو نان مسمار نصاح! عزوز في أسئلة كتير فطيتها ظبط أوضاعك قبال الشماشي زول الله ده يقبل عليك يلا تشششااااوووووgoood


الرائع ابو امااااااااني ...
معليش ابتعادي عن المائدة ... للأسباب الحزينة التي كان يمر بها المنتدي...

الله يبارك فيك ...

ياتو اسئلة لا سمح الله الابتعدت منها ... انا اي سؤال هنا رديت عليهو ...
كدي وريني انا يمكن عيوني كعبات وما شفت لي حاجة

عبدالعزيز عبدالله
08-05-2010, 01:19 PM
اخخخخخخخ
نعتونا بـ زول الله ساكت وزادنا شرفاً على شرف
ثم نعتونا بالـ مسطحين في بلاد الله وأيضاً ما قلنا لأ
لكن أن ينعتونا بالـ شماشة فهذا لعمري كثيرٌ كثير واني أغرق عديل كدا :D:D
خلاص ياعبدالعزيز ابواماني جابا ليك في صمة خشمك
بعد دا أبشر بالأسئلة التعسفية
بجيك صادياقول قولي هذا واستغفر الله لي ..............



حبيبنا زول الله ... ياخ وين اسئلتك دي ,,,, انا قاعد منتظرها لي اسبوع ...



looool

جانيت
08-05-2010, 01:21 PM
جانيط ... انت قايلة نفسك في ما يطلبة المستمعون ...
صدقيني انا احتمال ارشحك انت دي ... علشان اعمل ليك لوايه بطن عديييييل كدة واستعدي...


عزو عزو عزو
انا في ما يطلبه المغاصون
يعني قول رشحتني حاقول ليك شنو والله ما تاخد ممني ولا ابيض ولا اسود
بعدين انت ادرى بت صغنونه وحلاااااتي
يادوبها طلعت الدنيا دي
اقول ليك يعني لحظة طلعت للدنيا احساسي شنو
اسئلة من هذا النثق معاطة شديد
لواية البطن دي مناثبة لي زول الله شوفو لبت كيف وعملو ضححك مع ابو اماني
ياخ اسئلتو ليك كانت نجاضة :D:D:D
يعني كون مفتح يارجل واختار لمائدتك الزول الصاح
ده طبعا بعد ما ترد لي علي الكم سؤال الجايين في السكة looool
بس اتاخرو في المواصلات بيجوك :p;)

عبدالعزيز عبدالله
08-05-2010, 01:24 PM
ياخ اسئلتو ليك كانت نجاضة :D:D:D
:p;)


والله صحي إن كيدهن عظيم...

ويادوب عرفت أمنا حواء طلعت ابونا آدم من الجنة بي ياتو (إستايل)

جانيت
08-05-2010, 01:28 PM
والله صحي إن كيدهن عظيم...

ويادوب عرفت أمنا حواء طلعت ابونا آدم من الجنة بي ياتو (إستايل)

(إستايل ) ولد دا
هسي انت معانا ولا مع الخيانة
الذول ده قاعد ولابت شكلو كده والله اعلم بينجر ليك في سوعال
وداك يا نشر
ههههه
حبة عامل كيف عليك الله :D
غايتو اقنع من عبد الله الصغير حيبقى حبة إستايل

جانيت
08-05-2010, 01:36 PM
الرائع ابو امااااااااني ...
معليش ابتعادي عن المائدة ... للأسباب الحزينة التي كان يمر بها المنتدي...



عزو المات منو:confused::confused:

عبدالعزيز عبدالله
08-05-2010, 01:37 PM
(إستايل ) ولد دا
هسي انت معانا ولا مع الخيانة
الذول ده قاعد ولابت شكلو كده والله اعلم بينجر ليك في سوعال
وداك يا نشر
ههههه
حبة عامل كيف عليك الله :D
غايتو اقنع من عبد الله الصغير حيبقى حبة إستايل


ياستي زول الله اسئلتو علي قلبي زي العثل ... انتي البيدخلك بين التفاحة وقشرتها شنو:p


والله حبة تمام ... .. اما عن تأثيرو علي عبدالله انتي مفروض تخافي علي حبة ما علي عبدالله

جانيت
08-05-2010, 01:44 PM
ياستي زول الله اسئلتو علي قلبي زي العثل ... انتي البيدخلك بين التفاحة وقشرتها شنو:p


والله حبة تمام ... .. اما عن تأثيرو علي عبدالله انتي مفروض تخافي علي حبة ما علي عبدالله

سغالة اسفيرية :rolleyes:
قلت لي التفاحة وقشرتها :D:D:D
ياخ ما عصرت علي التفاح لكن ;)
صحي زي العثل علي قلبك اخخخخخخخخخخ الخلاك تنطط ما عارف تكتب شنو goood


يعني هثي نقنع من حبة هههههههههههههههههههه:D:D:D:D
مسكين يا حبة انت والله :eek:

زول الله
08-05-2010, 01:51 PM
ابوعبدالله جيتك صادي كيفنك وعساك فاين ياخ
المجنترة دي ماتسمع كلاما ..
قالو واقعة فيها حيطه زمااان وقلعت سلوكا كلهن الله يكون في عونا و يديها فدائي يعيد توصيلاتا
بالجمبة كدا : عندي ليكم فكرة إبليسية جداً بخصوص الخليفة المرتقب بعدك حأقولا ليكم بعدين


طيب نجيك بي أسئلة محاثيثية شوية المرة دي ....

*/ أول حب في حياة ابوعبدالله العريضة - ماقلت طويلة صغير وجاهل - وبدون غتغتة لو سمحت
*/ أول شاكوش جامد ياخدو أبوعبدالله ؟؟؟؟؟؟
*/ زول اتلومت فيهو شديد وعايزو يسامحك هو منو وسبب اللوم وتقول ليهو شنو ؟؟؟؟؟؟
*/ هل لك علاقة بالشعر كتابة أو استمتاعاً ؟ وأكثر شاعر ترتاح لكلماته .. نموذج لوسمحت؟؟؟؟؟؟؟؟
*/ الفنانين في السودان بقو أكتر من الترزية في السوق .. رأيك وتحليلك ؟؟؟؟؟؟؟


أسئلة تعسفية :
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟
*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟


جاوب ديل لحدما تجيك دفعة تانية من جنيت ولا زازيت ماعارف :D:D









اقول قولي هذا واستغفر الله لي استغفاراً كتير شديد .......

جانيت
08-05-2010, 02:00 PM
بركة الجيت بركة الجيت يا زول الله وانا مجنترة ما جبت حاجة من عندك
بس فشيتني في الزول ده

gooodgooodgooodgooodgoood
اسالتو علي قلبي زي العسل
خم وصرgooodgooodgoood
غايتو انت لو جاوبت اسالة زول الله ده انا عافياك من اي سوعال تعسفي:D
زول الله حصل قريت زول كتب جانيت كل الكتابات عبارة عن جن ..جني...جنو...جنط
...ماعدا جااانيط دي حقت زول مغبون من اسالتك دي
دحين هو ما بيسمع كلامي
بس بيفكر البيحلو شنو منكgooodgoood

حافظ اسماعيل احمد
08-05-2010, 03:43 PM
ابوعبدالله جيتك صادي كيفنك وعساك فاين ياخ
المجنترة دي ماتسمع كلاما ..
قالو واقعة فيها حيطه زمااان وقلعت سلوكا كلهن الله يكون في عونا و يديها فدائي يعيد توصيلاتا
بالجمبة كدا : عندي ليكم فكرة إبليسية جداً بخصوص الخليفة المرتقب بعدك حأقولا ليكم بعدين


طيب نجيك بي أسئلة محاثيثية شوية المرة دي ....

*/ أول حب في حياة ابوعبدالله العريضة - ماقلت طويلة صغير وجاهل - وبدون غتغتة لو سمحت
*/ أول شاكوش جامد ياخدو أبوعبدالله ؟؟؟؟؟؟
*/ زول اتلومت فيهو شديد وعايزو يسامحك هو منو وسبب اللوم وتقول ليهو شنو ؟؟؟؟؟؟
*/ هل لك علاقة بالشعر كتابة أو استمتاعاً ؟ وأكثر شاعر ترتاح لكلماته .. نموذج لوسمحت؟؟؟؟؟؟؟؟
*/ الفنانين في السودان بقو أكتر من الترزية في السوق .. رأيك وتحليلك ؟؟؟؟؟؟؟


أسئلة تعسفية :
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟
*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟


جاوب ديل لحدما تجيك دفعة تانية من جنيت ولا زازيت ماعارف :D:D









اقول قولي هذا واستغفر الله لي استغفاراً كتير شديد .......







السلام عليكم الاخ عبد العزيز عبدالله
شايف الخلق دي سخنتو معاك شديد
بس الاسئلة دي فيها حبة من اللاواقعية
لكن حامضة شوية واحلي من التفاح بالياكلوه بقشرو

زول الله طلع زول مصيبة عليك الله دا شرك تختو لصاحبك

جانيط ياعثل بطلي شقاوة انا بتخيل ذي صورتك دي

زول الله
08-05-2010, 05:02 PM
السلام عليكم الاخ عبد العزيز عبدالله
شايف الخلق دي سخنتو معاك شديد
بس الاسئلة دي فيها حبة من اللاواقعية
لكن حامضة شوية واحلي من التفاح بالياكلوه بقشرو

زول الله طلع زول مصيبة عليك الله دا شرك تختو لصاحبك

جانيط ياعثل بطلي شقاوة انا بتخيل ذي صورتك دي


ياحافظ الاسئلة الفيها واقعية سألناها زمااااان - راجع البوست
بعدين الـ لاواقعية دي مقصودة ياخ ... عشان الزول دا قاعد يغتغت في الحاجات
فـ شنو مافي طريقة غير دي نجيبو بيها
خليك متابع بس











اقول قولي هذا واستغفر الله لي استغفاراً كتير شديد ...........

عبدالعزيز عبدالله
09-05-2010, 09:21 AM
السلام عليكم الاخ عبد العزيز عبدالله
شايف الخلق دي سخنتو معاك شديد
بس الاسئلة دي فيها حبة من اللاواقعية
لكن حامضة شوية واحلي من التفاح بالياكلوه بقشرو

زول الله طلع زول مصيبة عليك الله دا شرك تختو لصاحبك

جانيط ياعثل بطلي شقاوة انا بتخيل ذي صورتك دي


وعليكم السلااااااااااااام حافظ


والله سخانة شديدة ... لكن الله في :D وليك يوم يا ظاااالم... والكرسي الانا فيهو دا زي كرسي الحلاق ... يعني حيجيهم الدور ولو بعد حين .

وزول الله دا انا ما بخليهو ... حألبد ليهو في حته مضلمة كدة .. وما حيعرف الخبتي جاييهو من وين... اما فانجيط دي مقدور عليها ...

جانيت
09-05-2010, 09:25 AM
جانيط ياعثل بطلي شقاوة انا بتخيل ذي صورتك دي

شفت بوظت لي اثمي كيف
قال مقدور عليها قال
هههههههههههههههه(ضحكة شريرة)

عبدالعزيز عبدالله
09-05-2010, 10:45 AM
ابوعبدالله جيتك صادي كيفنك وعساك فاين ياخ
المجنترة دي ماتسمع كلاما ..
قالو واقعة فيها حيطه زمااان وقلعت سلوكا كلهن الله يكون في عونا و يديها فدائي يعيد توصيلاتا
بالجمبة كدا : عندي ليكم فكرة إبليسية جداً بخصوص الخليفة المرتقب بعدك حأقولا ليكم بعدين


طيب نجيك بي أسئلة محاثيثية شوية المرة دي ....

*/ أول حب في حياة ابوعبدالله العريضة - ماقلت طويلة صغير وجاهل - وبدون غتغتة لو سمحت
*/ أول شاكوش جامد ياخدو أبوعبدالله ؟؟؟؟؟؟
*/ زول اتلومت فيهو شديد وعايزو يسامحك هو منو وسبب اللوم وتقول ليهو شنو ؟؟؟؟؟؟
*/ هل لك علاقة بالشعر كتابة أو استمتاعاً ؟ وأكثر شاعر ترتاح لكلماته .. نموذج لوسمحت؟؟؟؟؟؟؟؟
*/ الفنانين في السودان بقو أكتر من الترزية في السوق .. رأيك وتحليلك ؟؟؟؟؟؟؟


أسئلة تعسفية :
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟
*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟


جاوب ديل لحدما تجيك دفعة تانية من جنيت ولا زازيت ماعارف :D:Dاقول قولي هذا واستغفر الله لي استغفاراً كتير شديد .......


حبابك الف .. يا زول ...
يازول الحيطة هينة ... دي بيكون واقع فيها عامود كهرباء ضعط عالي..


... الاسئلة 1و2 تمت الاجابة عليهم والسؤال التالت كان في واحد شبيه بالنسبة له..



تعرف زمان ... كنا في كوستي وكنت طالب في مدرسة المرابيع الصف السادس .. وكان عندنا استاذ اسمو عبدالحليم يدرسنا اللغة العربية... ياخ دا كرهني ليك الشعر كانت حصته فيها ثلاث اشياء لا يوجد رابع لهم .. صراخ وتسميع وجلد .. وكانت هناك قصيدة لطه حسين اسمها المعذبون في الارض .. وكان يسميها هذا الاستاذ (المعذبون في الطربيزة) لان الجلد كان علي الطربيزة ... وتخيل من اليوم داك انا والشعر ما اصحاب شديد .. لكن نوعا ما أرتاح للشعر السوداني ... واكثر من شاعر ارتاح لكلماتة هاشم صديق ... وخاصة لما يكتب الشعر الغنائي، واكثر قصيدة غنائية جميلة عندي تحديدأ واعتبرها رأس الهرم الشعر الغنائي هي:

لما شفتك ليلي ضوا وبق نور ونرجس الجنة المفرهد
رف بي جنحات عطور وغنى فارسك خت
صورتك في الاطار في الليالي نجم يلالي
ونسمة في وهج النهار وقال في وصفك لما بنتي
احلى منك برضو انتي ومافي غيرك زول معانا
حتى كان يا السمحة غبتي ومرة جالن الف خاطر
بي عيون عقلي المساهر فجأة عينيك الحبيبة
قالو سارح وين مسافر عشت قولن شيل وصفقة
وقلت ياريتني ابقى همسة في حلم الاميرة
او سبايب في الضفيرة او عقيد في تبر جيدها
او قليب في راحة ايدها يا زمان اسمعني واكتب للبريدها
وريدها سيدي وريدي سيدها الزمان لو حتى بان
ما اظن في زول يعيدها يا حلاتك مرة همسة
ومرة نسمة ومرة ضحكة ترضي شوقنا ومرة كلمة تضوي فوقنا
ولما نسرح فيك قادلة زي ملائكة علينا نازلة
بس نغني يا حلاتكم يا اهلنا ويا مصايحنا
ونجومنا الضاوية في واحات زمنا


نجي للاجوبة علي اسئلتك العسفية:
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟

والله شوف يا اخي زول الله حق تقرير المصير دا... دا مفروض يكون علي جزئين ... واحد للجنوبيين: (انتو عاوزين تقعدو مع الناس ديل ) ... وواحد للشماليين (انتو عاوزين الناس ديل يقعدو معاكم).. ببساطة شديدة ... لانو الناس ديل اجدادنا ما احترموهم ... وهسه هم ما قاعدين يحترمونا.. وحتي لو خدعنا انفسنا باننا سودانيين وبيناتنا محبة ... ما كان عملو لينا مباحثات سلام ... وما وصلنا له الان ... ظل الإستعمار علي شكله القديم والجديد يعمل علي هذا الشيئ منذ زمن بعيد .. وبتقنيات عالية جدا .. فالإنفصال واقع لا محالة إلا تحصل معجزة من رب العباد.
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟

كا اسلفت بأن الإستعمار بشكليه ظل يعمل علي ال[إنفصال منذ زمن طويل .. فإنه ضرورة حتي نستطيع ان ننهض بصورة جيدة .. حيث ان الجنون ظل يستنزف الشمال كثيرا ... مرة بالحرب ... ومرة بطلبات الجنوبيين بعد السلام .. .. والسودان ما ناقص ... كفاية الكيزان .. يعني ما يبقي خير السودان ماشي للكيزان كبار شخصيات الحركة..

*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟
وانا زاتي
العنصرية جارية في دم السودانيين .. انت غرباوي وانت جعلي وانت محسي وانت شايقي وانت دنقلاوي ... وكيف يا الجعلي تدي بنتك لي ضنقلاوي .. وانت يالضنقلاوي كيف تدي بنتك لي جعلي .... وهكذا.
جميعنا في السودان (Negros) لكن بعد دا متفلقسين.. يعني الجعلي والشايقي والحلفاوي والجنوبي والغرباوي كلهم في أوروبا زنوج يعني كلنا (عبيد)

أبو أماني
09-05-2010, 11:13 AM
حبابك الف .. يا زول ...
يازول الحيطة هينة ... دي بيكون واقع فيها عامود كهرباء ضعط عالي..


... الاسئلة 1و2 تمت الاجابة عليهم والسؤال التالت كان في واحد شبيه بالنسبة له..



تعرف زمان ... كنا في كوستي وكنت طالب في مدرسة المرابيع الصف السادس .. وكان عندنا استاذ اسمو عبدالحليم يدرسنا اللغة العربية... ياخ دا كرهني ليك الشعر كانت حصته فيها ثلاث اشياء لا يوجد رابع لهم .. صراخ وتسميع وجلد .. وكانت هناك قصيدة لطه حسين اسمها المعذبون في الارض .. وكان يسميها هذا الاستاذ (المعذبون في الطربيزة) لان الجلد كان علي الطربيزة ... وتخيل من اليوم داك انا والشعر ما اصحاب شديد .. لكن نوعا ما أرتاح للشعر السوداني ... واكثر من شاعر ارتاح لكلماتة هاشم صديق ... وخاصة لما يكتب الشعر الغنائي، واكثر قصيدة غنائية جميلة عندي تحديدأ واعتبرها رأس الهرم الشعر الغنائي هي:

لما شفتك ليلي ضوا وبق نور ونرجس الجنة المفرهد
رف بي جنحات عطور وغنى فارسك خت
صورتك في الاطار في الليالي نجم يلالي
ونسمة في وهج النهار وقال في وصفك لما بنتي
احلى منك برضو انتي ومافي غيرك زول معانا
حتى كان يا السمحة غبتي ومرة جالن الف خاطر
بي عيون عقلي المساهر فجأة عينيك الحبيبة
قالو سارح وين مسافر عشت قولن شيل وصفقة
وقلت ياريتني ابقى همسة في حلم الاميرة
او سبايب في الضفيرة او عقيد في تبر جيدها
او قليب في راحة ايدها يا زمان اسمعني واكتب للبريدها
وريدها سيدي وريدي سيدها الزمان لو حتى بان
ما اظن في زول يعيدها يا حلاتك مرة همسة
ومرة نسمة ومرة ضحكة ترضي شوقنا ومرة كلمة تضوي فوقنا
ولما نسرح فيك قادلة زي ملائكة علينا نازلة
بس نغني يا حلاتكم يا اهلنا ويا مصايحنا
ونجومنا الضاوية في واحات زمنا


نجي للاجوبة علي اسئلتك العسفية:
*/ حق تقرير المصير حصرياً لأبناء جنوب السودان ولاعزاء للشماليين ... الرأي شنو ؟؟؟

والله شوف يا اخي زول الله حق تقرير المصير دا... دا مفروض يكون علي جزئين ... واحد للجنوبيين: (انتو عاوزين تقعدو مع الناس ديل ) ... وواحد للشماليين (انتو عاوزين الناس ديل يقعدو معاكم).. ببساطة شديدة ... لانو الناس ديل اجدادنا ما احترموهم ... وهسه هم ما قاعدين يحترمونا.. وحتي لو خدعنا انفسنا باننا سودانيين وبيناتنا محبة ... ما كان عملو لينا مباحثات سلام ... وما وصلنا له الان ... ظل الإستعمار علي شكله القديم والجديد يعمل علي هذا الشيئ منذ زمن بعيد .. وبتقنيات عالية جدا .. فالإنفصال واقع لا محالة إلا تحصل معجزة من رب العباد.
*/ بكل صدق ووضوح خلينا نعرف رأيك في الانفصال نفسه هل تراه ضرورة ؟؟؟؟؟؟

كا اسلفت بأن الإستعمار بشكليه ظل يعمل علي ال[إنفصال منذ زمن طويل .. فإنه ضرورة حتي نستطيع ان ننهض بصورة جيدة .. حيث ان الجنون ظل يستنزف الشمال كثيرا ... مرة بالحرب ... ومرة بطلبات الجنوبيين بعد السلام .. .. والسودان ما ناقص ... كفاية الكيزان .. يعني ما يبقي خير السودان ماشي للكيزان كبار شخصيات الحركة..

*/ جدودنا وأبواتنا مابرضو جنوبي يعرس بناتهم هل الشماليين عنصريين ؟؟؟
وانا زاتي
العنصرية جارية في دم السودانيين .. انت غرباوي وانت جعلي وانت محسي وانت شايقي وانت دنقلاوي ... وكيف يا الجعلي تدي بنتك لي ضنقلاوي .. وانت يالضنقلاوي كيف تدي بنتك لي جعلي .... وهكذا.
جميعنا في السودان (Negros) لكن بعد دا متفلقسين.. يعني الجعلي والشايقي والحلفاوي والجنوبي والغرباوي كلهم في أوروبا زنوج يعني كلنا (عبيد)

الحكم أبو أماني .. يعطي صفارة طووووويلة ويصفر هدف لأبي عبد الله .. وجماهير سودانيات مالية المدرجات .. يكروركوا التحكييييم فاشل .. التحكيم فاااااشل .. وأبو أماني يعاين ليهم مستغرب .. ويقول في سرو ..يعني جبتو حاجة من عندكم ؟؟ الغريبة وسط الجمهور ده شفت ليكم واحدة من طبعها مشاترة إسمها سمراء شايلة ليها علم هلال وتهتف بهتاف مشاتر وتقول لا إتحاد ولا شداد..نحن بس الأسياد..أبو أماني يعلن عن ضربة البداية بعد الهدف (الإسطروبيا) لأبي عبد الله .. ولازال زول الله وصيفا كما عهدناه .. صفارة طويلة .. النتيجة حتى الآن 1 صفر لصالح الزعيم .. جاءت حمامة حمراء شايلة ليها علم مريخ الحكم وقف اللعب دقائق ثم واصل .. يلا يا شباب واصلوا السجال ..

ملحووووزة ود مخير :-

ثمح يا أبو عبدالله طلعتنا كلنا السودانيين نيقروز أأأدييييل كده ؟؟ يلا جات على دي .. نيقروز نيقروز ما كلنا نيقروز بتوع ربنا .. تاني أسمع لي جعلى يتفلقص ويقول لي أنا حفيد العباس وجدي الرسول .. إتو دحين أيام صلى الله عليه وسلم ديك كان في سودانيين؟ .. goood

زول الله
15-05-2010, 06:02 PM
ابوعبدالله كيفنك وعساك فاين
مادام فطيت كم سؤال من اللولانيات ديلاك
سؤال إنصرافي كدا وكمان مقصووود وأخير ياولدنا عشان ماتزعل
الأغنية دي : لما شفتك ليلي بق والحاجات كلها ولعت والكهرباء جات
سبب ميلك وميلانك وتمايلك معاها بصراحة بالله ؟؟؟؟؟؟؟؟؟
وماتقول لي عجبتك كلماتها ولحنها وماعارف شنو :(:(


إتو دحين أيام صلى الله عليه وسلم ديك كان في سودانيين؟ .. goood

ههههههههههههههههههههههه
ابو اماني ياخ والله ليك وحشة
اول حاجة أصر وأشدد وأندد بانو التحكيم فاااااااااااااااااشل فشلاً شديداً

أيوه كان في سودانيين ولكن الكلمة كانت وصفاً لذوي البشرة السوداء
ماكان في بلد اسمو السودان بحدوده الجغرافية الحالية
وكانوا يطلقون اسم بلاد السودان على بلاد ذوي البشرة السوداء عموماً -أي بلاد السود- والله اعلم

ثم انك ياخ ذكرتني الفنان السعودي محمدعبده لما استضافوه في قناة فضائية -أظنها mbc-
وجاء ذكر الرسول صلى الله عليه وسلم تسليماً كثيراً
فقال بالحرف الواحد : يكفينا فخراً بأن الرسول (صلعم) كان سعودياً !!!!!!!!
اها دي كيف معاك ؟؟؟:D










اقول قولي هذا واستغفر الله لي .............

بابكر مخير
16-05-2010, 03:58 PM
بما أنها مائدة سودانيات
الضيف الجآي
الما جديد والجديد وشديد ولضديد
أبو أماااااااااااااااااااااااني

زول الله
16-05-2010, 08:23 PM
بما أنها مائدة سودانيات
الضيف الجآي
الما جديد والجديد وشديد ولضديد
أبو أماااااااااااااااااااااااني


علي الطلاق من تلاتة نساوين ختفتها من طرف كيبوردي وكنت عايز أبرفتا لي أبوعبدالله
استاذنا كيفنك وعساك فاين ياخ
أُثني وأُثلث وأشد من أزرك

عاد حتكون جنس قزقزة هي .. عيييييييييييييييييك











اقول قولي هذا واستغفر الله لي .................

حافظ اسماعيل احمد
16-05-2010, 08:57 PM
يا زول الله عليكم الله مالكم الزول دا مشاركة سااااااااااااااااااكت بكتب عشرة سطور
دايرين تختو في الكرسي لو جاهزين تقرو التاريخ منذ اجددنا القدماء الي ان تقوم الساعة
استضيفو ابو امااااااااااااااااااااااني

ولكم الشكر

زول الله
16-05-2010, 09:09 PM
لو جاهزين تقرو التاريخ منذ اجددنا القدماء الي ان تقوم الساعة
استضيفو ابو امااااااااااااااااااااااني
ولكم الشكر

ماهو عشان القدماء ديل زاااتهم ... انت قايل شنو ؟:D:D
أمانة يابُري ماجاك السيل عاد











اقول قولي هذا واستغفر الله لي ............

عبدالعزيز عبدالله
17-05-2010, 10:06 AM
ابوعبدالله كيفنك وعساك فاين
مادام فطيت كم سؤال من اللولانيات ديلاك
سؤال إنصرافي كدا وكمان مقصووود وأخير ياولدنا عشان ماتزعل
الأغنية دي : لما شفتك ليلي بق والحاجات كلها ولعت والكهرباء جات
[color=#FF0000]سبب ميلك وميلانك وتمايلك معاها بصراحة بالله ؟؟؟؟؟؟؟؟؟
وماتقول لي عجبتك كلماتها ولحنها وماعارف شنو :(:(
اقول قولي هذا واستغفر الله لي .............


زول الله يا رهييب ... والله ياخ انت عاوز تقلب علي المواجع مالك ... الشكية لي الله ...

والله الكلمات دي بتذكرني بي لحظة حب صادقة انا عشتها ... ويا ريتها إمتدت...
واقول ياااااااااااااااا انت يا أغرق...


سمحة العافية

جانيت
17-05-2010, 10:10 AM
زول الله يا رهييب ... والله ياخ انت عاوز تقلب علي المواجع مالك ... الشكية لي الله ...

والله الكلمات دي بتذكرني بي لحظة حب صادقة انا عشتها ... ويا ريتها إمتدت...
واقول ياااااااااااااااا انت يا أغرق...


سمحة العافية

:D:D:D:D:D:D:D



يا حليلك يا انت

عبدالعزيز عبدالله
17-05-2010, 10:32 AM
:D:D:D:D:D:D:D



يا حليلك يا انت




:mad::mad::mad::mad::mad:

جانيت
17-05-2010, 10:48 AM
:mad::mad::mad::mad::mad:

زعلك جميل زي بسمتك (وش كضاب)

اسفاي ياعزو
ما بقدر ازعلك :o

أبو أماني
27-08-2010, 10:39 PM
زعلك جميل زي بسمتك (وش كضاب)

اسفاي ياعزو
ما بقدر ازعلك :o

العزيز عبد العزيز .. حطم الرقم القياسي بالبقاء ضيفا على المائدة .. بعد الحظر الجائر لراعي البوستر.. والذي إمتد لثلاثة شهور.. كان البوست ملعلط والمساجلات جارية والناس في حراك بس نرجع نقول معليش .. وعشان خاطر الورد ينسقي العٌليق!! ..

رمضان كريم ومبارك العيد واتمنى لكم كل السعادة والسرور .. وأساهم في إسعادكم بتقديم شخص عزيز ليحل بديلا للعزيز عبعزيز .. رحبوا معى في مائدة سودانيات العامرة بالدكتورة الرائعة حد الإندهاش ..

goood دكتورة (علوية ) ... وفي رواية أخرى .. (جانيت) goood الكرة بملعبكم والدكتورة يلا .. تشششااااوووووgoood