المساعد الشخصي الرقمي

مشاهدة النسخة كاملة : ضيف على مائدة سودانيات ...! - 12 - زول الله


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

زول الله
04-09-2010, 11:09 AM
دا شنو دا هسه ؟؟؟:confused:
مؤامرة واضحة لـ فك الخنقة عن جانيت وخنق واحد تاني
نحن قلنا البت دي يكون حدها معانا العيد تقومو تفكوها من هسه ؟؟؟
غايتو الله مرقك المرة دي لكن الرملة الدقاقة في :(

اوكي ودسعد نحن هنا












اقول قولي هذا واستغفر الله لي .............

زول الله
04-09-2010, 11:13 AM
والله حركتك انت وود سعد دي زكرتوني بها حسن الترابي... كان في احدي تقليعات تشريعاتة حاجة اسمها الإجماع السكوتي وكدة الشكية لي اب إيداً قوية

غايتو نسميها رضينا

الواسطة الواسطة ياولدنا

نحن لينا الله وعيشة السوق












اقول قولي هذا واستغفر الله لي ..........

فيصل سعد
04-09-2010, 11:14 AM
دا شنو دا هسه ؟؟؟:confused:
مؤامرة واضحة لـ فك الخنقة عن جانيت وخنق واحد تاني
نحن قلنا البت دي يكون حدها معانا العيد تقومو تفكوها من هسه ؟؟؟
غايتو الله مرقك المرة دي لكن الرملة الدقاقة في :(

اوكي ودسعد نحن هنا

اقول قولي هذا واستغفر الله لي .............




مرحب يا رجل و عساك بالف خير،
و شكرا للاستجابة، و حللت هنا
عزيزا مكرما ..

تفضل يا عزيزي بمقدمة افتتاحية
لتحية المتابعين و المشاركين و تفضل بنبذة قصيرة تختارها انت ..

و خليك هنا، انا ساكي لي بوست بهناك
سكة كديس لفار :D:D:D

سمراء
04-09-2010, 11:18 AM
لتحية المتابعين و المشاركين و تفضل بنبذة قصيرة تختارها انت ..

:D:D:D

تااااااانى نبذة !!:eek:
وكمان يختره هو بمزاجو !! انا لله ياخ

يلا يازول الله اختار النبذ الدايرو ....عارفاااااك مابتتوصى
متعدة دائما looool :D

زول الله
04-09-2010, 11:20 AM
*********************************************
السلام و التحايا الطيبة للاخ الحبيب زول الله، رمضان كريم يا ابن العم،
و مرحبا بك ضيفا عزيزا في هذا البوست العامر محبة و تواصل،
يمكنك الدخول و ادينا هنا اشارة بالجاهزية و الاستعداد، و ينتظرك
الجميع هنا بكل الود و الترحاب، تفضل يا عزيزي بمقدمة افتتاحية
لتحية المتابعين و المشاركين و تفضل بنبذة قصيرة تختارها انت ..
سأكون معا في بداية هذا البوست مضيفا، و اذا عاد صاحب البوست
ربما نتحول لمقاعد الجماهير ..
بسم الله، و الحمد لله، و الصلاة و السلام على رسول الله، و
الكرة بملعبك ايها الاخ العزيز و كلنا اذان صاغية ..
*******************************************
مرحب بيك اتا دا :D
التحية اول حاجة لـ جانيت واقول ليها الف مبروك المخارجة المؤامرة دي:D
شكراً ابوأماني وفيصل سعد وشكراً كل المتابعين والمتاوقين والمتأبطين شراً ..ناس عبعزيز وكدا
جاهزين جاهزين لحماية الدين حتى لو صنفتونا مع ناس بدرالدين;)












اقول قولي هذا واستغفر الله لي .....................

عبدالعزيز عبدالله
04-09-2010, 11:21 AM
الواسطة الواسطة ياولدنا





يا زول ما تصاحبني بعد ما قعدت في كرسي الحلاقة وخاصة العيد قرب:D... اها عاوز الحلاقة بالموس الميتة ولا نسنها ليك...؟؟؟

ضربة البداية خفيفة:

1/ الاغتراب ... ومرارات الغربة... لماذا اخترت السعودية بالذات للإغتراب؟
2/ متي بدأت الاغتراب وكيف كنت تقضي ايامك وانت مكوي بين نار الغربة ولهيب الإشتياق للوطن؟
3/ ماذا اضاف لك الاغتراب... وماذا اخذ؟
4/ عزيز انت يا وطني ... ما هو شعورك وانت تعيش في مجتمع غير مجتمعك؟

زول الله
04-09-2010, 11:23 AM
تااااااانى نبذة !!:eek:

يلا يازول الله اختار النبذ الدايرو ....عارفاااااك مابتتوصى
متعدة دائما looool :D
وثم اشكر الاخت سمراء على المشاركات القيمة ووقوفها بعييييد وجرران الشخيت:D:D
ياخ انتي مش كنتي زهجانة قبل شوية ؟؟؟












اقول قولي هذا واستغفر الله لي ....................

زول الله
04-09-2010, 11:33 AM
يا زول ما تصاحبني بعد ما قعدت في كرسي الحلاقة وخاصة العيد قرب:D... اها عاوز الحلاقة بالموس الميتة ولا نسنها ليك...؟؟؟

ضربة البداية خفيفة:

1/ الاغتراب ... ومرارات الغربة... لماذا اخترت السعودية بالذات للإغتراب؟
2/ متي بدأت الاغتراب وكيف كنت تقضي ايامك وانت مكوي بين نار الغربة ولهيب الإشتياق للوطن؟
3/ ماذا اضاف لك الاغتراب... وماذا اخذ؟
4/ عزيز انت يا وطني ... ما هو شعورك وانت تعيش في مجتمع غير مجتمعك؟
كويس ياعبدالعزيز الله في وبنتلاقى كان الله مد في العمر:(

1/ لم اختار السعودية ولكن الفيزا جاءت في شكل هدية للوالد من أحد حيرانه بالمملكة - او يكون هو طلبها بي وراي الله اعلم -
2/ اتيت هنا ياعبدالعزيز قبل 13سنة ولحد الآن ماعارف أيامي بتمشي كيف لكن اهي ماشة
3/ الاغتراب يقتل فينا الأشياء الجميلة أو يجمدها .. ويكسبنا الاحتكاك مع الجنسيات الاخرى الكثير من الخبرة في مختلف المجالات
4/ زي السمكة برا الموية :D












اقول قولي هذا واستغفر الله لي .................

فيصل سعد
04-09-2010, 11:38 AM
شكرا زول الله، و نعود لك و معنا سؤال
عن منبر سودانيات، و كيف نشأت علاقتك
به و كيف و متى اشتركت به، و من
هم دفعتك هنا؟ و هل لك علاقات
ارضية ببعض اعضاؤه، و حدثنا
عن تجربتك في السايبر عموما و
سودانيات على وجه الخصوص، ماذا
اضافت و ماذا اخذت؟ و هل انت
سعيد و راضي و مستمتع ؟؟

عبدالعزيز عبدالله
04-09-2010, 11:39 AM
كويس ياعبدالعزيز الله في وبنتلاقى كان الله مد في العمر:(

1/ لم اختار السعودية ولكن الفيزا جاءت في شكل هدية للوالد من أحد حيرانه بالمملكة - او يكون هو طلبها بي وراي الله اعلم -
2/ اتيت هنا ياعبدالعزيز قبل 13سنة ولحد الآن ماعارف أيامي بتمشي كيف لكن اهي ماشة
3/ الاغتراب يقتل فينا الأشياء الجميلة أو يجمدها .. ويكسبنا الاحتكاك مع الجنسيات الاخرى الكثير من الخبرة في مختلف المجالات
4/ زي السمكة برا الموية :D




اقول قولي هذا واستغفر الله لي .................







يا سلااااااااااااااااااام
اجوبتك كانت مستفيضة وباينة المعالم ... وفيها إذهاب شامل وبها شرح تفصيلي...


ياخ قوم لف

زول الله
04-09-2010, 11:57 AM
شكرا زول الله، و نعود لك و معنا سؤال
عن منبر سودانيات، و كيف نشأت علاقتك
به و كيف و متى اشتركت به، و من
هم دفعتك هنا؟ و هل لك علاقات
ارضية ببعض اعضاؤه، و حدثنا
عن تجربتك في السايبر عموما و
سودانيات على وجه الخصوص، ماذا
اضافت و ماذا اخذت؟ و هل انت
سعيد و راضي و مستمتع ؟؟
بدأت علاقتي بالمنبر منذ العام 2008م بواسطة الخال الدكتور حسن فرح
وقدمت طلبي للريس خالد الحاج وقام مشكوراً بتفعيل عضويتي
اما عن دفعتي فهم بلا شك المسجلين في نفس التوقيت لكني لم اكن مواصلاً
فقد انقطعت فترة طويلة جداً بعد تسجيلي وثم عدت مرة أخرى وواصلت مع سودانيات
وعموماً علاقتي بالسايبر طويلة ولي عضوية في عدة منابر ومكلف بالاشراف في بعضها
ولكن سودانيات استحوذت على كل الوقت المخصص للنت وقل تواجدي في غيره
حيث أضافت لي الكثير خاصة الوجوه النيرة التي لم اراها ولكن احس بها واعرفها












اقول قولي هذا واستغفر الله لي ...............

زول الله
04-09-2010, 11:59 AM
يا سلااااااااااااااااااام
اجوبتك كانت مستفيضة وباينة المعالم ... وفيها إذهاب شامل وبها شرح تفصيلي...
ياخ قوم لف
عبدالعزيز انا هسه صايم ماحأقدر أفصل ليك الحاجات اوكي ؟؟
اسألني بالليل ياخ :D












اقول قولي هذا واستغفر الله لي ................

فيصل سعد
04-09-2010, 12:03 PM
لك الشكر يا حبوب،،

زول الله و الفن و تحديدا الغناء و الطرب،
و حلو القول في خشم سيدو !!
باستفاضة و تفاصيل التفاصيل بالله ..

سمراء
04-09-2010, 12:03 PM
زول الله زول جميل جدا ...ومن هنا بنحييهو كتير
بس عندى شوية حرباشات كدى ..

1- العلاقة بين الغناء والمديح ،، ؟ وهل جربت المديح من قبل وخاصة انك ود شيوخ معروف ؟؟

2- زول الله لديهو ردود حادة جدا فى بعض المشاركات البحس انو اختلف مع شخص ؟

بجيك راجعه :D

زول الله
04-09-2010, 12:43 PM
لك الشكر يا حبوب،،
زول الله و الفن و تحديدا الغناء و الطرب،
و حلو القول في خشم سيدو !!
باستفاضة و تفاصيل التفاصيل بالله ..
البداية كانت تقليدية ايام الدراسة الابتدائية بتلحين الاناشيد المدرسية وادائها
ثم في المرحلة المتوسطة في مهرجانات المدرسة والجمعيات الادبية
ثم تطور الموضوع الى حفلات الاهل والرحلات مع الاصدقاء ثم الحفلات الخاصة والعامة
كانت اكبر عقبة هي الوالد الله يديهو العافية لم يرضى ان اغني بأي حال من الاحوال
وطبعا كنت انا السبب في المنع دا لأني كنت بشطح مرات وبعمل ألحان للآيات القرآنية
وايضاً بعد اكتشافه بضعة أبيات من الشعر تتكلم عن لوم الإله فيما يصيبنا .. منعني من الكتابة
وقتها كنت متمرداً لم أفهم ان ماافعله خطأ ولم أكن مستمعاً جيداً للنصح من أي شخص
الى ان توسعت المدارك وظللتُ امارس هوايتي بمسؤولية وبطريقة صحيحة
انضممت الى مركز شباب امدرمان في العام 1995م وتمت اجازة صوتي في الإذاعة 1997م
وكتبتُ أول أغنية خاصة قبل ذلك بكثير وكان هنالك مشروع لشريط كاسيت بالاشتراك مع الفنانة ذكريات شمس الدين وذلك لشركة عالم النجوم للإنتاج الفني بأمدرمان وكان صاحبها الاستاذ عبدالعزيزالعوام وقمت بتسجيل النسخة الاولى للإستماع وأذكر ان الاغاني كانت شقي ومجنون + غنى القمري على الغصون +في النسايم شاكي+أغنية خاصة+اغنية أخرى لاأذكرها الآن ولكني لم اواصل في الكاسيت وأتيت الى هنا وتم إنتاج الشريط للفنانة ذكريات وحدها.

اها التفصيل دا كيف معاك يافيصل ؟؟؟؟؟؟؟؟؟؟؟












اقول قولي هذا واستغفر الله لي ................

زول الله
04-09-2010, 01:20 PM
زول الله زول جميل جدا ...ومن هنا بنحييهو كتير
بس عندى شوية حرباشات كدى ..
1- العلاقة بين الغناء والمديح ،، ؟ وهل جربت المديح من قبل وخاصة انك ود شيوخ معروف ؟؟
2- زول الله لديهو ردود حادة جدا فى بعض المشاركات البحس انو اختلف مع شخص ؟
بجيك راجعه :D
شكرا على رفع المواعين يابت

1/ انا مما قمت لقيت النوبة والطار والجُراسة والرايات ولقيت بيتنا هو الزاوية حقت الطريقة والحيران والطلبة والحوليات والعصري والليلية ولقيت نفسي الخليفة بتاع أبوي بحكم اني الكبير وبدون مازول يشاورني في الموضوع دا فـ طبيعي اكون جربت أمدح وأدق النوبة والطار كمان
اما العلاقة بين الغناء والمديح فـ دي دايرة ليها قعدة,
الغناء والمديح بيتفقوا في كثير من الاشياء أولها الوصف والشوق للمحبوب والهيام العالي جداً
ثم يأتي اللحن(الرواية بالنسبة للمديح) ليمزج بين كل تلك الاشياء بإيقاع مدوزن يأخذ المستمع الى خارج وقته ومكانه فيحصل السمو الروحي والطرب والسلطنة (الاحوال والترجمة بالنسبة للمديح).
انا عندي قناعة ياسمراء في أغاني حقيبة معينة لايمكن تكون لبشر عادي زيي وزييك وانا متاكد انها مديح في الرسول (صلعم) ضل طريقه الى حقيبة الفن وحأجيب ليك أمثلة ان شاءالله.
وعندما نغنيها نشعر بعظمة نبينا وصفاته ونسرح في تفاصيل كثيرة ..هسه وريني ياتو زول في الدنيا ممكن نقول عليهو الدُر المصون فريد عصره المامثلو شيء ؟؟؟ وحاولي اسمعي باقي الأغنية.

2/ احياناً بكون الواحد متوتر لأحداث تمر به او يمر بها في حينها وتتزامن تلك الاحداث مع مشاركة موجهة توجيه عديل كدا أو يظنها الشخص المتوتر هكذا فتأتي ردة الفعل عنيفة بقدر وقع تلك المداخلة وتفسيره الشخصي لها.ولكن في ساعة الصفاء يراجع المرء افعاله واقواله وكلنا نفعل ذلك ويعتذر عن قبيح القول والفعل .
اتمنى بصورة صادقة جداً ان اكون زول الله ساااكت لابطقع لابجيب الحجار بس بعاين بعيوني ومابعرف أقطف اي زهور ياسمراء :D:D
عشان الواحد يرتاح من حمد وخوجلي دي ;);)












اقول قولي هذا واستغفر الله لي .................

الرشيد اسماعيل محمود
04-09-2010, 04:03 PM
سلامات يازول الله..
إقتراح..
يازول الله اكيد في ناس بيعرفوك هنا بصورة شخصية..
لكن ياريت الناس تعرف علي الاقل الخطوط العامة لزول الله..
يعني مثلا إسمك الحقيقي الفي الجواز منو..؟؟؟
والله كان قلت لي زول الله تكون بالغت وصيعتني..
الملاحظة انو اسم زول الله ده ما لافق معاك كلو كلو..
إتهام:
*زول الله مابياكل عيش في السودان كفنان نسبة لوجود شباب لهم اصواتهم الجميلة اضافة
للوجاهة الاجتماعية وجاذبيتهم الشكلية فرحل الي السعودية..
*زول الله لو توفرت له فرصة ان يغني هابطا ثم ينتشر بسرعة البرق
لوافق علي الفور ودون تردد..
*زول الله يؤمل في سودانيات المنتدي لتنقله عبر الاعضاء الي جزء من الإشتهار..
زول الله كان مترددا قبل ان يرفع اول اغنية بصوته في هذا المنتدي..
وكان خائفا من الا يتقبله الاعضاء او بالاحري الا يلفت صوته الانتباه هنا..

فتحي مسعد حنفي
04-09-2010, 05:50 PM
سلامات يازول الله..
إقتراح..
يازول الله اكيد في ناس بيعرفوك هنا بصورة شخصية..
لكن ياريت الناس تعرف علي الاقل الخطوط العامة لزول الله..
يعني مثلا إسمك الحقيقي الفي الجواز منو..؟؟؟
والله كان قلت لي زول الله تكون بالغت وصيعتني..
الملاحظة انو اسم زول الله ده ما لافق معاك كلو كلو..
إتهام:
*زول الله مابياكل عيش في السودان كفنان نسبة لوجود شباب لهم اصواتهم الجميلة اضافة
للوجاهة الاجتماعية وجاذبيتهم الشكلية فرحل الي السعودية..
*زول الله لو توفرت له فرصة ان يغني هابطا ثم ينتشر بسرعة البرق
لوافق علي الفور ودون تردد..
*زول الله يؤمل في سودانيات المنتدي لتنقله عبر الاعضاء الي جزء من الإشتهار..
زول الله كان مترددا قبل ان يرفع اول اغنية بصوته في هذا المنتدي..
وكان خائفا من الا يتقبله الاعضاء او بالاحري الا يلفت صوته الانتباه هنا..

انت زول الله دا كتل منو في أهلك جاي تاخد بي تارو سلبطة..

زول الله
04-09-2010, 05:55 PM
سلامات يازول الله..
إقتراح..
يازول الله اكيد في ناس بيعرفوك هنا بصورة شخصية..
لكن ياريت الناس تعرف علي الاقل الخطوط العامة لزول الله..
يعني مثلا إسمك الحقيقي الفي الجواز منو..؟؟؟
والله كان قلت لي زول الله تكون بالغت وصيعتني..
الملاحظة انو اسم زول الله ده ما لافق معاك كلو كلو..
إتهام:
*زول الله مابياكل عيش في السودان كفنان نسبة لوجود شباب لهم اصواتهم الجميلة اضافة
للوجاهة الاجتماعية وجاذبيتهم الشكلية فرحل الي السعودية..
*زول الله لو توفرت له فرصة ان يغني هابطا ثم ينتشر بسرعة البرق
لوافق علي الفور ودون تردد..
*زول الله يؤمل في سودانيات المنتدي لتنقله عبر الاعضاء الي جزء من الإشتهار..
زول الله كان مترددا قبل ان يرفع اول اغنية بصوته في هذا المنتدي..
وكان خائفا من الا يتقبله الاعضاء او بالاحري الا يلفت صوته الانتباه هنا..
الرشيد كيفنك وعساك فاين ياخ
كويس اني شفت مداخلتك بعد ابتلت العروق و-احسب انه - ثبت الاجر ان شاءالله
الاسم الحقيقي خلف الشيخ الدرديري المكاشفي (ما خلف الله أوكي ؟؟)
وبين قوسين زول الله عشان اتمنى ابقى زول الله ساكت وراجي الله في الكريبة:D
من مواليد أمدرمان في تاريخ21/اكتوبر سنة زمااااااان كدا وكان الدنيا عيد ذكرى اكتوبر
بكالوريوس قانون معلق في برواز في الحيطة
دبلوم علوم طيران وهو الجاب لي النجيضة
دورات ومنح مجانية من عدة شركات طيران اجنبية في عدة دول
اعمل مدير تنفيذي لشركة AirPass للسياحة والطيران بالرياض المملكة السعودية
غناي هاوي ومتشوعر هاوي برضو .. لي ثلاثة دواوين قاعدات في الدولاب
الاسم الفني ودالشيخ
لي كثير من الاعمال الخاصة واهوى التلحين ايضاً ولي كثير من الالحان مع فنانين شباب
اها دي الخطوط الجوية اقصد العامة لـ زول الله

بالنسبة للإتهامات طبعاً لقيتك الذ زول
* زول الله زول بتاع معايش وغير متفرغ للغناء لأنه مجرد هواية لكنها محببة جداً
ثم ان السودان مليء بالاصوات القوية والمميزة من الشباب الواعد وأغلب المتواجدين في الساحة والثابتين منهم هم اصدقاء ودفعة وبعضهم بدأ الغناء بعدي لكن المواصلة والاحتكاك يخلق منافسة فنية قوية ويؤدي لتجويد وتطوير الاعمال وبالتالي الانتشار وانا قد ابتعدتُ عن الساحة مايقارب الـ 13سنة هي عمر غربتي التي لم تكن لظروف فنية أو كما قلت والآن مواصل هنا ولي قاعدة كبيرة اعتز بها في السعودية والبحرين وبعض الدول التي يدعوننا اليها ولي ايضاً عمل مصور في التلفزيون هارموني وآخر في الطريق الى النيل الازرق .
تخريمة:
اول اجازة بعد السنين دي كلها كانت قبل سنتين وكانت عبارة عن عداد كارب في السودان وبالضبط في الحاج يوسف ومفروض تكون خمسة ايام فقط فإمتدت وامطرت عدادات الى ان صارت شهرين ونصف في السودان وقربت ما اجي راجع:D

* انا لما جيت البلد دي مالقيت فنانين غير اتنين أو تلاتة غير مواصلين ولقيت الناس محتاجة للتغيير ولا اخفي عليك غنيت الهابط في فترة من الفترات كان فيها حتى المستحوزين على الساحة الآن يغنونه ثم انتبهتُ لنفسي وتخلصتُ من الهابط ورجعتُ الى قواعدي سالماً.

*سودانيات صارت بالنسبة لي بيت ومتكأ ارتاح فيه من هجير المنتديات الأخرى رغم عضويتي في عدد كبير منها واشرافي على بعضها.
لا اطمح الى الاشتهار عبر اعضاء في سودانيات لأنني لا اعرف احداً هنا معرفة شخصية عدا خالي الدكتور حسن فرح ثم اخيراً تعرفتُ على بورداب الرياض.
اصدقك القول كنتُ متردداً في انزال اغاني هنا لكن ليس بسبب ماذكرت , بل لأنني وجدتُ المنتدى عبارة عن كيمان وتصانيف ومعانا ولا مع الخيانة وهلم شُللا فآثرتُ الصبر الى ان اتضحت الرؤية شيئاً فشيئاً وانصلح الحال.

الرشيد .. مزلاجك دا بالله خليهو بعيد وخلي باب الريد متاكا .. الرزق تلاقيط ياولدنا:D

بس حاول فهمني زول الله ما لافقة معاي كيف يعني شايفني بطقع ؟؟؟gooodgoood













اقول قولي هذا واستغفر الله لي .................

زول الله
04-09-2010, 05:57 PM
انت زول الله دا كتل منو في أهلك جاي تاخد بي تارو سلبطة..
بالله ياعمنا اسألو تاني عليك الله

عالم شايله عصاياتا ومزاليجها ودافرة في النهار الحار دا :D:D












اقول قولي هذا واستغفر الله لي ..............

الرشيد اسماعيل محمود
04-09-2010, 06:11 PM
انت زول الله دا كتل منو في أهلك جاي تاخد بي تارو سلبطة..
:D:D
كتر خيرك زول الله علي الإفادات الوافية دي
وانا بس داير امرق منك جنس الكلام ده..
و..
بالمناسبة دي حابكة لي كلمات لصاحبي إسماعيل الإعيسر
عاجباني شديد وماعارف الصقا وين بس بجدعا ليك هنا..في مقام
الشعر والغنا والكلام السمح ده:
جواي بسيط مايخوفك
لو جيتي مابضلي لي
تلقيني بحكيك للأماسي
وللغمامات بوصفك
راسم تقاسيمك صباح
وأقراكي نوتة وبعزفك
ياحتة ماطلاها زول..
ياغنوة ماشدَوها قول
ياطالة منَي وبعرفك
جواي بسيط مايخوفك
جواي بسيط

زول الله
04-09-2010, 08:08 PM
:D:D

بالمناسبة دي حابكة لي كلمات لصاحبي إسماعيل الإعيسر
عاجباني شديد وماعارف الصقا وين بس بجدعا ليك هنا..في مقام
الشعر والغنا والكلام السمح ده:
جواي بسيط مايخوفك
لو جيتي مابضلي لي
تلقيني بحكيك للأماسي
وللغمامات بوصفك
راسم تقاسيمك صباح
وأقراكي نوتة وبعزفك
ياحتة ماطلاها زول..
ياغنوة ماشدَوها قول
ياطالة منَي وبعرفك
جواي بسيط مايخوفك
جواي بسيط
الرشيد انت جادي ؟؟؟
دي كلمات ماعارف تلصقا وين ؟؟
دي مفروض تعملا توقيع ونجي نحن نتبرك فيهو
بمناسبة انو الاستاذ الاعيسر صاحبك وكدا ماتشوف لينا حاجة حاجتين منه ان شاءالله سرقةlooool

شكرا الرشيد على المرور والزرزرة











اقول قولي هذا واستغفر الله لي ............

الرشيد اسماعيل محمود
04-09-2010, 11:57 PM
دي مفروض تعملا توقيع ونجي نحن نتبرك فيهو
بمناسبة انو الاستاذ الاعيسر صاحبك وكدا ماتشوف لينا حاجة حاجتين منه ان شاءالله سرقةlooool













اقول قولي هذا واستغفر الله لي ............



زول الله ساكت ازيك ياخي..
الاعيسر عهدي بيهو سنتين مضن..
كنا بنتلاقي بصورة راتبة في ليالي الخرطوم الثقافية..
منتدي جنوب..منتدي القوافي بحري..الركن امدرمان ومجمع طلعت فريد
حين كانت الخرطوم العاصمة تغني علي اوتار الليل..(مابعيد الكلام ده)..
كان بيظن هو وآخرون انو انا ممكن اكون حاجة سمحة في الحياة..
وقدم لي مقترحات بس خذلتو وبقيت زولاً سجم لا بودي لا بجيب..
وديمة لما يلاقيني يتأسف علي خذلاني ليهو وضياعي الكبير ده..
هربت من مقترحاتو البتتوسم فيني ما يراه سمحا..
وهسع بقيت في البيهرَب مني الأسف..
ولا ندم ياودالشيخ علي ما حدث..
فالاشياء احيانا يجب ان تمضي بغير ما يخطط لها الاخرون..
علي الاقل حتي تكون مسؤولا عنها امامك حين لحظة جرد وحساب..
وانا مسؤول تماما عنها امامي..
ولا ندم يعتريني إطلاقا..
تحياتي ياجميل وواصل الحكي والإفتضاح.

فيصل سعد
05-09-2010, 04:32 AM
لك مجدد التحايا يا ود الشيخ و لك الشكر على ردودك السابقة،
نعود لك بسؤال تقليدي و سؤالين آخرين:

1. الهوايات، المفضل لزول الله (فنان، فلم، لاعب، موسيقى، فريق، اغنية، لون، وجبة غذائية)

2. اين يقف زول الله سياسيا، اجتماعيا، فكريا، و ثقافيا ؟

3. الكتابة في اكثر من منتدى !!
ما لها و ما عليها سلبا و ايجابا ؟؟

و نواصل ...

طارق الحسن محمد
05-09-2010, 06:42 AM
زول الله
هنا
:eek:

يا مرحبا يا مرحبا

........ كترت سكاكينو

وشكله سمين

اسن واجيك
ولو رجيتنا لبعد رمضان
اسنس
واجيك برضو
:D :D

جانيت
05-09-2010, 07:09 AM
زول الله يا سيد الناس looool

ياخ انا بس نفسي مقطوع من اسئلتكم عشان كده حاسألك براحة لمن اتمخمخ ليك وارجع بي مزااااااااااااااااااااااااااااااااجgooodgoood

زول الله,ود الدرديري,ود الشيخ, خلف
اقرب الى نفسك:)

اغلب رجال القانون ميولهم للفن بانواعه الرابط شنو ول طبيعة العمل الجافة
بتخلي رجل القانون يخرج الروح الجميلة من خلال الفن

بما انك الكبير فحيجي يوم وتكون شيخ طريقة وقع الموضوع ده علي نفسك واستعدادك ليه كيف

راجعه ليك والله بس اخد نفسي شويييييييييييية كده:D:D

زول الله
05-09-2010, 11:27 AM
فيصل
طارق
جنييييت

مرحب بأسئلتكم وشوية وبجيكم
باقي العطش مجهجه باكاتنا:):)












اقول قولي هذا واستغفر الله لي ................

فيصل سعد
05-09-2010, 11:46 AM
منتظرنك يا حبيب بعد ان
يذهب الظمأ، تبتل العروق،
و تسيل مشاعر الناس جداول ..

فيصل سعد
05-09-2010, 11:49 AM
و حتى عودتك،
استراحة قصيرة ..


WIDTH=400 HEIGHT=350

زول الله
05-09-2010, 05:17 PM
لك مجدد التحايا يا ود الشيخ و لك الشكر على ردودك السابقة،
نعود لك بسؤال تقليدي و سؤالين آخرين:
1. الهوايات، المفضل لزول الله (فنان، فلم، لاعب، موسيقى، فريق، اغنية، لون، وجبة غذائية)
2. اين يقف زول الله سياسيا، اجتماعيا، فكريا، و ثقافيا ؟
3. الكتابة في اكثر من منتدى !!
ما لها و ما عليها سلبا و ايجابا ؟؟
و نواصل ...
فيصل ياصديق كيفنك وعساك فاين
جنس الردم بتاعك دا هو زاااتو البزيد العطش:D

1/ الهوايات فنية بشكل عام شعر غناء تلحين ولا تخلو من شطحات احياناً و دي بجيك ليها راجع
بالنسبة للمفضل كفنان لاشك كل من يستطيع توصيل الاحساس بدون وسيط وتجدني اعشق الحقيبة وابوعركي والراحل مصطفى ثم كوكبة من الشباب المتميز وموسيقياً اموت في زامفير وتجدني اتكيء على الوسادة للنوم وlonly في أذني.
فريقي الهلال بدون تعصب والبرنس هيثم مصطفى واللون معروف .
2/ كنت - لاحظ كنت دي - ومعي آخرون نرتاد المنابر واركان النقاش والايام المفتوحة لدعم وتمكين فكرة الديمقراطية كـ جبهة قادرة على حل جميع معضلات البلد, تعرضنا في سبيلها لكل انواع البمبان والعصي والهراوات والسيخ وتعرفنا على جميع عساكر الاقسام الاوسط والشرقي والجنوبي ولازلت اذكر ذات نقاش هجم علينا مجموعة كبيرة من الطلبة المنتمين للرأي الآخر مدعومين بآخرين ليسوا بطلبة أو على الاقل ليسوا من عندنا كما يقولون واخرستنا الدهشة للعدد الكبير من السيخ الذي كان مدفونا تحت الاشجار والعنف وكأننا في ساحة حرب وليس حواراً مفتوحاً للرأي وكان يوماً عصيباً تم تهريبنا ونحن خمسة طلبة عبر الحائط العالي من الخلف وكان في انتظارنا الـ موسكوفيتش الاصفر المميز بالدائرة الخضراء المكتوب داخلها تاكسي الخرطوم حتى صارت نكتة عندما يحتد النقاش كان الواحد فينا يسأل اقرب الواقفين بجانبه عن الموسكوفيتش واقف ولا لسه ماجا .
نحن يافيصل شعب ينادي بالديمقراطية ويغني لها لكننا في الواقع ابعد الناس عنها وهذا موقفي من السياسة والفكرة.
اما اجتماعياً فأنا والحمد لله زول الله ساكت تجدني اعشق الغُبُش الذين إذا كالوهم أو وزنوهم لايخسرون وإذا إكتالوا على الناس يعدلو ويعزمو على المافيش.
3/ المنتديات هي واجهة نطرح من خلالها فكرنا وثقافتنا ونتعرف على فكر الآخر دون من أو أذى .
للأسف بعضهم اعتنق تعكير الاجواء بإتخاذه للمنابر نافذة يمرر عبرها كل مالايستطيع تمريره في أماكن أخرى ويفرد عضلاته التي لم تكن تبش في يوم من الايام إلا خلف الكيبورد.

شكراً الحبيب فيصل للفطرة المدنكلة دي :D













اقول قولي هذا واستغفر الله لي ..............

زول الله
05-09-2010, 05:45 PM
زول الله
هنا
:eek:
يا مرحبا يا مرحبا
........ كترت سكاكينو
وشكله سمين
اسن واجيك
ولو رجيتنا لبعد رمضان
اسنس
واجيك برضو
:D :D
يعني في الحالتين برضو حتسنس ؟؟؟
خلاص ياسيدي تمها عليك الله وماتنساناlooool












اقول قولي هذا واستغفر الله لي ............

زول الله
05-09-2010, 06:15 PM
زول الله يا سيد الناس looool
ياخ انا بس نفسي مقطوع من اسئلتكم عشان كده حاسألك براحة لمن اتمخمخ ليك وارجع بي مزااااااااااااااااااااااااااااااااجgooodgoood
زول الله,ود الدرديري,ود الشيخ, خلف
اقرب الى نفسك:)
اغلب رجال القانون ميولهم للفن بانواعه الرابط شنو ول طبيعة العمل الجافة
بتخلي رجل القانون يخرج الروح الجميلة من خلال الفن
بما انك الكبير فحيجي يوم وتكون شيخ طريقة وقع الموضوع ده علي نفسك واستعدادك ليه كيف
راجعه ليك والله بس اخد نفسي شويييييييييييية كده:D:D

انتي ان شاءالله يعرسوك في باقي رمضان دا عشان نتفك منك
البحيت بتاعك دا يوم حيعوقك:(

1/ زول الله داخل المنتدى واتعمد ان اكون زول الله حتى في تعاملي مع الآخرين
- ودالدرديري في منتدى آخر لي فيه أخوة واخوات اعزاء
- خلف الاسم المسجل في جواز السفر والبطاقة والاقامة
- ودالشيخ هو اسمي في الخارج والداخل وتتم مناداتي به وتقديمي في كل الاحوال

2/ دراستي للقانون كانت نتيجة أن أغلب الاعمام والاهل يمتهنون المجال فجاءت كأنها تتبع لخطواتهم. وعندما احسست الميول القوية لمجال السياحة والطيران كنت قد قاربت على الانتهاء من دراسة القانون فتخرجتُ ولم اعمل به لأني لم أجد نفسي كـ رجل قانون أو في مجال المحاماة لذلك لا استطيع ان افتيك في العلاقة بين القانون والفن.
من ناحية اخرى أغلب الذين نشئوا في بيئة صوفية قد مالوا الى الغناء أو الفن عموماً صلاح ابن البادية والشاب عصام محمد نور وخالد محجوب(الصحافة) نموذجاً وكذلك شعراء وفنانين حقيبة الفن وقد تكون العلاقة هنا أوضح وأميز من غيرها .

شوفي .. سبب واحد يخليني ابقى شيخ طريقة مافي
إلا كان ناوية تطلعي من الشبكة جد جد ويجيبوك لي عشان اعزم ليك:D:D

3/ كوني الابن الأكبر لايعني فرضية خلافتي فكم من الشيوخ قد خلفهم اصغر ابنائهم او الابن الاوسط رغم وجود الاكبر منهم فالشغلة هي الاصلح وليس لاكبر ونحن والحمدلله عددنا 21 أخ ومؤكد يوجد بيننا الاصلح لهذه المهمة ولكنه ليس انا بالتأكيد لكني اظل محباً هائماً ومتصوفاً حتى النخاع

اسمعي .. اخدي نفسك وأمشي اقعدي هناااك سمح ؟؟:confused:












اقول قولي هذا واستغفر الله لي ...................

معتصم الطاهر
05-09-2010, 11:14 PM
لماذا ليس "لنا" ..أيضا ..؟

فيصل سعد
06-09-2010, 05:55 AM
لك التحايا ضيفنا العزيز، و بعد ان تجتهد في فك طلاسم سؤال الباش معتصم الطاهر،
ننتظرك على مهل بهذه الاسئلة :

1. ماهي الأسس التي تبني عليها صداقاتك؟

2. اول شاكوش اخذته فى حياتك؟
و لماذا هذه العذوبية الباذخة حتى الآن ؟؟

3- لو اعطيت اليك ثلاث وردات لمن تهديها ؟

4. تجربتك مع منبر سودانيات،
ما لها وما عليها؟
ما هي الأشياء التي يجب:
1/- تركها؟
2/- البدء بالعمل بها؟
3/- المحافظة عليها؟

5. ما هو موقف و رأي زول الله في :

1. الانفصال
2. قرارات المحكمة الدولية
3. تدهور الغناء في السودان
4. ختان البنات في السودان
5. تدهور الرياضة في السودان

6. عالم النت و الاسافير عالم افتراضي غير واقعي
و هو لهو و تسلية و قضاء اوقات فراغ، ما رأيك ؟

7. تلغرافات سريعة من زول الله الى كل من:
رأفت ميلاد، خالد الحاج، سارة، النور يوسف، نبراس، جيجي، ود عثمان، عكود، فتحي
مسعد، ام التيمان، شبارقة، حسن فرح، شوقي بدري، بابكر مخير، جانيت

و نواصل ..

Hassan Farah
06-09-2010, 07:09 AM
((فريقي الهلال بدون تعصب والبرنس هيثم مصطفى واللون معروف .))!!!!
-------------------------------------------------------------------
البيت كلو مريخاب وخالك المرحوم عمر كان فى يوم من الايام سكرتير لنادى المريخ وانا القدامك دا اسست فريق المريخ فى الدامر عام 58 وجدك رحمة الله عليه كان اليوم اليتغلب فيهو المريخ ما بيفتح دكانو تجى تطلع لى قشيرابى--- والله اللوم علينا الناسبنا ناس اهل العوض---- عاد الله يعوضنا

بابكر مخير
06-09-2010, 03:54 PM
((فريقي الهلال بدون تعصب والبرنس هيثم مصطفى واللون معروف .))!!!!
-------------------------------------------------------------------
وانا القدامك دا اسست فريق المريخ فى الدامر عام 58


يعني بدل ما تخلي ود أخونا
فخم وفاخر ومستور حآآآآآآآآآآآآآآل..
تجي تقصر رقبته بي طبزتك ديgooodgoood

((فريقي الهلال بدون تعصب والبرنس هيثم مصطفى واللون معروف .))!!!!
-------------------------------------------------------------------
تجى تطلع لى قشيرابى---


شوف العزة والمعزة
دي


كفو يا ود أخويا وخليك من العميل المخرف دآ

Hassan Farah
06-09-2010, 04:25 PM
يعني بدل ما تخلي ود أخونا
فخم وفاخر ومستور حآآآآآآآآآآآآآآل..
تجي تقصر رقبته بي طبزتك ديgooodgoood



شوف العزة والمعزة
دي


كفو يا ود أخويا وخليك من العميل المخرف دآ

-----------------------------------------------------------------
ما قلتوا زيادية و من نسل سيدى خليفة المهدى--- طلعتوا من اهل العوص ( ود أخويا ) قال--- وكمان هلالاب حلب سمكرية--- تعيش قرن تشوف العجايب

زول الله
06-09-2010, 05:34 PM
الفارهون:فيصل , الباش , ودمخير , الخال
جاييكم بي رواقة بعد اهضم الفوق دا:D:D

زول الله
06-09-2010, 07:23 PM
لماذا ليس "لنا" ..أيضا ..؟
والله ياباش سؤالك دا تعسفي جدن جدن وماعارف اهضمو كيف زاتو:D:D
غايتو للضمان كدا : لنا ولكم كل الحاجات السمحة الممكنة والماممكنة
ولو الله مد في العمر حتجيكم لحد عندكم
وكل عام وانتم بخير كمان .. اها












اقول قولي هذا واستغفر الله لي ................

زول الله
06-09-2010, 08:55 PM
لك التحايا ضيفنا العزيز، و بعد ان تجتهد في فك طلاسم سؤال الباش معتصم الطاهر،
ننتظرك على مهل بهذه الاسئلة :
1. ماهي الأسس التي تبني عليها صداقاتك؟
2. اول شاكوش اخذته فى حياتك؟
و لماذا هذه العذوبية الباذخة حتى الآن ؟؟
3- لو اعطيت اليك ثلاث وردات لمن تهديها ؟
4. تجربتك مع منبر سودانيات،
ما لها وما عليها؟
ما هي الأشياء التي يجب:
1/- تركها؟
2/- البدء بالعمل بها؟
3/- المحافظة عليها؟
5. ما هو موقف و رأي زول الله في :
1. الانفصال
2. قرارات المحكمة الدولية

يافيصل ياخوي كمان ماقدر دا ياخ :)

1/ الصداقة كلمة كبيرة واذا انتبهنا لمن هم حولنا نجد ان اغلبهم زملاء عمل أو جيران في الحلة أو اولاد دفعة في مجال واحد أو يجمعنا معهم إهتمام مشترك أو قضية واحدة.
اما الصديق الحقيقي فهو نادر في هذا الزمن الاغبر لذلك اعيش حياتي واتعامل بطبيعتي مع الكل حتى يتبين لي الصديق من الزميل وعندها امسك فيهو قوي:D

2/ هو ليس شاكوشاً بالمعنى المعروف لكنه فراق اتى دون إرادة الطرفين فقد شاء المولى أن تسلم الروح بين يدي في أقسى صورة للوداع يسطرها الموت لوحة لا ألوان لها كنت ولازلت أعيش ذكراها بحسرة و ألم والحمدلله على كل حال.

3/ ياسيدي انا ودعتُ العزوبية منذ اربعة سنوات والآن ابنتي (فجر) تبلغ من العمر سنتين ونصف وإبني (زاهر) يبلغ من العمر ستة أشهر والحمدلله.

4/ اعطي الوردة الاولى للوالدة ربنا يطول عمرها ويديها العافية والثانية للوالد حفظه الله من كل مكروهـ اما الثالثة فهي لمن قاسمتني اتراحي قبل أفراحي ولونت حياتي بألف لون وقاست معي هفواتي وكل طيشي وهي التي أفديها بكل غالي ونفيس حبيبتي و ست ريدي زوجتي العزيزة.

5/ رغم ردي السابق على هذا السؤال لكن لابأس ان اقول ان سودانيات عالم من التواصل فعلاً والمحبة الخالصة رغم التكتلات والتصانيف لكنها تظل واحة نستظل بفيئها ونتكيء على دوحاتها المثمرة حباً وتواصل و خوة حقيقية.

6/ لم توضح في اي مجال أو مكان تلكم الاشياء لكن عموماً يجب ترك التعصب الاعمى للرأي الواحد وتسفيهـ رأي ودور الآخر والنظر من أعلى في كل المجالات.
وبالمقابل يجب البدء بتوسيع دائرة الحوار وتوسيع الصدور لتستوعب الآخرين وفتح صفحة جديدة مع الكل حتى داخل البيت الواحد .
وسنجد ان شاءالله ان الفرق كبير بين حال وحال حين المحافظة على كل ماسبق.

* الانفصال ذلك الكابوس الذي يؤرق الكثيرين .. لماذا لانعترف باننا فصلناهم فعلياً منذ أمد بعيد بمعاملتنا لهم ؟؟ ياعزيزي كل الدلائل تشير الى الانفصال رغم اننا - الآن فقط - لانتمناهـ .

* المحكمة الدولية اصدرت إتهامات ولم تقرر بعد - هذا في رأيي - وبعض ابناء الوطن جعلوا منها مادة دسمة للكسب السريع وطلبات اللجوء والرفاهية المدعومة لكنها لن تدوم طويلاً فكل دور إذا ماتم ينقلب ونحن كشعب سوداني لم نحاكم طاغية في يوم من الايام رغم سومنا العذاب والقهر بصورة اكبر من موضوع الإتهامات الموجهة للبشير ورغم هتافنا ومطالبتنا بالقصاص من بعضهم - راس نميري مطلب شعبي نموذجاً- الا انك تجدنا كلنا في جنازة ذلك الطاغية عندما يشتت الى مثواه الاخير فنحن اولا واخيراً شعب عاطفي الى ابعد الحدود وهذه مشكلتنا.

- يتبع -












اقول قولي هذا واستغفر الله لي ............

Amin Bushari
06-09-2010, 09:07 PM
زول الله يا جميل

متابعين وما عايزين نعصر عليك كتير
شكرا لعكسك لنا الجانب الاخـــر من زول الله الذي نعرف
وحقي انــا بشيلو لما اقابلك
الساعة ديك ابشـــر بالعصر الجد

تحاياي

زول الله
06-09-2010, 10:20 PM
- يتبع -



3. تدهور الغناء في السودان
4. ختان البنات في السودان
5. تدهور الرياضة في السودان
6. عالم النت و الاسافير عالم افتراضي غير واقعي
و هو لهو و تسلية و قضاء اوقات فراغ، ما رأيك ؟
7. تلغرافات سريعة من زول الله الى كل من:
رأفت ميلاد، خالد الحاج، سارة، النور يوسف، نبراس، جيجي، ود عثمان، عكود، فتحي
مسعد، ام التيمان، شبارقة، حسن فرح، شوقي بدري، بابكر مخير، جانيت
و نواصل ..

نواصل ......
3/ الغناء لم يتدهور في السودان بل تدهورت الاخلاقيات وتدنت القيم وضاعت المُثُل وضاع معها جيل كامل اصبح همه ان .. يطبِق حاجتو .. وينتبذ بها ركناً قصياً:D
وهذا التدهور لم ياتي من حكومة ولا دخل له بالسياسة إذا كنا واقعيين ونظرنا للأمر من زاوية محايدة
لأننا قاسينا اكثر في انظمة سابقة ولم نصل لهذه النتيجة في يوم من الايام.
الحاصل بالضبط هو اننا نحاول التطاول و مد كرعيننا اطول من لحافنا ومجاراة العالم الخارجي في ثقافاته وهذه نتيجة طبيعية لما يحدث وطبيعي اكثر ان ينعكس هذا الواقع على الغناء وتمتليء مفرداته به .

4/ ختان البنات العادة المتأصلة فينا زي حبوباتنا وحكاويهن من الصعب التخلص منها بأخوي واخوك في السودان لكن الوعي بأضرارها وحسنات تركها أراهـ بدأ يقف على أرجله بين الشابات خصوصاً وعقبال امهاتهن ومادام انهن - الشابات ديل - حيكونن امهات فأنا متفائل بإندثار هذه العادة في المستقبل القريب ان شاءالله وتنتهي هذه المزبحة المامنها فايدة.

5/ الرياضة ياسيدي عندنا بقت مستقبل .. يعني اللاعب بيعني عند اهله كوم كبير بتاع قروش زي المغترب في العقود الماضية. وهذه النظرة المادية اثرت وسوف تؤثر على مسيرتنا الكروية الى ماشاءالله بالذات عندما يكون طموح اللاعب الوصول الى احد الفرق الكبير هلال أو مريخ ولما يوصل ويستلم ينوم نومة اهل الكهف.
وايضاً عندما تختلط السياسة بالرياضة يضيع التنافس الحر وتختفي الروح الرياضية فنحن ياصاحبي شعب كان رياضياً لايشق له غبار في هذه القارة وصار الآن يتغنى بأمجاد الكباتن السابقين الذين مات بعضهم وهم مديونين لأصحاب البيوت الساكنينها بالايجار وبرضو يظل الهلال ساطعاً ومنيراً رغم انف الوصيفاب ومن لف لفهم gooodgoood

6/ عالم النت لهو وتسلية لمن أراده كذلك وعلم ومعرفة وعلاقات انسانية سامية لمن أراده كذلك

7/ ...
رأفت ميلاد .. ملك الجالدين والمناطق المجاورة:D
خالد الحاج .. الكبير كبير ياودالحاج وانت كذلك
سارة ..... يانادرة في زمناً كعب ياواقفة ضد المستحيل
النور يوسف .. لله عباداً اختصهم بقضاء حوائج الناس .. وانت منهم
نبراس .... حاحيت عليك غيماتي ماصبن حداك ؟؟؟
جيجي .... يابت يافوق منتظرة شنو ؟ امطري كلماتك وبِلي الشوق
ود عثمان .... في ناس تحسهم قبل تشوفهم وانت منهم يازول يانيل
عكود ....... صورتك الخايف عليها :D الفطور عندكم لكن
فتحي مسعد .... أول مرة الاقي حلبي بأخلاق الانبياء .. لك الاحترام
ام التيمان .... تخشك وتمرقك عااادي .. المشكلة مابتقفل الباب بي وراها
شبارقة ... وضاح المحيا سمحاً إذا التقاك وسمحاً اذا فارق
حسن فرح ...... ركازة وسند .. ماتطول الغيبة ياخال
شوقي بدري ..... شوقي بدري و كفى
بابكر مخير ...... أوتعلمون ان هذا الهرم القامة .. قريبي ؟؟ بس كيف ماعارف والله :D
جانيت ..... زولة من طينة ملايكة وراضعة من ثدي البتول .. زي بسمة في ثغر الرسول

اححححح ياخ قطعت نفسنا زاتو:o
عميلنا العزيز فيصل .. خلاص لقد استنفذت الكوتة حقتك من الاسئلة
عليك بمراجعة المستودع :D:D












اقول قولي هذا واستغفر الله لي .................

زول الله
06-09-2010, 10:31 PM
البيت كلو مريخاب وخالك المرحوم عمر كان فى يوم من الايام سكرتير لنادى المريخ وانا القدامك دا اسست فريق المريخ فى الدامر عام 58 وجدك رحمة الله عليه كان اليوم اليتغلب فيهو المريخ ما بيفتح دكانو تجى تطلع لى قشيرابى--- والله اللوم علينا الناسبنا ناس اهل العوض---- عاد الله يعوضنا
انا مابنكر اني الوحيد في العائلة الهلالابي لكن احسن ليكم اكون هلالابي ما اكون حاجة تانية:D
ياخال هسه عليك الله لو طلعت مريخابي البمغص اخوك علي البدوي منو لما الهلال يغلب؟؟
بالمناسبة دي آخر فوز للهلال اتصلت عليهو ولما شاف رقمي عمل لي مشغول تصور;)












اقول قولي هذا واستغفر الله لي ............

زول الله
06-09-2010, 10:34 PM
شوف العزة والمعزة دي
كفو يا ود أخويا وخليك من العميل المخرف دآ

هلا والله بالذين صاموا لرؤيته وأفطروا لرؤيته ... وعيدو برضو لرؤيته
شفت كيف ياخال؟؟












اقول قولي هذا واستغفر الله لي ...............

زول الله
06-09-2010, 10:36 PM
زول الله يا جميل
متابعين وما عايزين نعصر عليك كتير
شكرا لعكسك لنا الجانب الاخـــر من زول الله الذي نعرف
وحقي انــا بشيلو لما اقابلك
الساعة ديك ابشـــر بالعصر الجد
تحاياي
شكرا ليك اتا دا ياخ
بعدين هو في عصر اكتر من حق فيصل سعد دا ؟؟
الله لاورانا
شكراً يافخم












اقول قولي هذا واستغفر الله لي ............

أبو أماني
06-09-2010, 11:16 PM
لك مجدد التحايا يا ود الشيخ و لك الشكر على ردودك السابقة،
نعود لك بسؤال تقليدي و سؤالين آخرين:

1. الهوايات، المفضل لزول الله (فنان، فلم، لاعب، موسيقى، فريق، اغنية، لون، وجبة غذائية)

2. اين يقف زول الله سياسيا، اجتماعيا، فكريا، و ثقافيا ؟

3. الكتابة في اكثر من منتدى !!
ما لها و ما عليها سلبا و ايجابا ؟؟

و نواصل ...

حقيقي سررت لما لقيت العزيز بن الأعزاء فيصل سعد قام بالواجب وزيادة في سريان وإستمرارية هذا البوستر خلال فترة غياب صاحبه (المجحفة)! .. وأعجبت حد الثمالة بأريحية وروح فيصولة الله يطول عمرك يا بن العم وبصراحة إدارتك للحوار وإختيارك لهذه الشخصية المثيرة وأسلوبلك السلس خلوني أفكر مليئا في المثل البقول .. الحوار الغلب شيخه .. تصدقوا بالله يا جدعان هذا الشحط حملته ذات يوم طفلا غريرا على كتفي ؟؟ كيفك وكيف أسرتك الكريمة ياود عمي سعد رحمه الله وحاجة سميرة أطال الله عمرها .. لك خالص معزتي وحبي .. على فكرة تقبل سلام العمة .. محاسن أمبارح كت معاهم في بري .. وتفقدت الأرحام كذلك سلام الست .. زول الله .. ما تعمل رائح .. جاييك برواقة .. والعربون دلوقت .. لم أكن أعرف عنك الشاعرية والفن .. أرجو أن تحدثنا عنهما في حياتك بلا ريبة .. لكم كل الحب وتعيدوا سالمين وغانمين .. يلا تشششاااوووgoood

زول الله
07-09-2010, 01:57 AM
زول الله .. ما تعمل رائح .. جاييك برواقة .. والعربون دلوقت .. لم أكن أعرف عنك الشاعرية والفن .. أرجو أن تحدثنا عنهما في حياتك بلا ريبة .. لكم كل الحب وتعيدوا سالمين وغانمين .. يلا تشششاااوووgoood
هلا والله سواق البص اقصد صاحب البوست:D
ياخ سواقة فيصل دي ذكرتني نكتة:
قال ليك حلفاوي إمام جامع طقتو ملاريا ورسل ولدو يصلي بالناس
الولد ماحافظ غير ألهاكم التكاثر كل مرة يقراها لمن الناس زهجت
بعد كم يوم الإمام اتعافى وجاء صلى بالناس صلاة العشاء وقرا ليهم والتين والزيتون ..قبلما يتمها واحد قال ليهو ينصر دينك ياشيخ .. ياخ ولدك شابكنا هاكم التذاكر زوروا المقابر لمن طلع د.. زاتو .
اها الحبيب فيصل عندو جنس ردم كدا بعرفو براو
ياحبيبنا مرحب بعودتك والعود احمد وماتقول لي احمد دا منو سمح ؟
الشعر واحد من عيال الفن البارين بآبائهم لي معه وقفات ووقفات عند كثير من المبدعين الذين أثروا وجداني ووجدان الناس بروائعهم الخالدة . اكتب نعم لكن لا أتجرأ بتسميتها شعراً ربما بسبب القامات الذين اسمع لهم وأقرأ , اما الفن - الغناء تحديداً - فهو هواية محببة امارسها كل حين واهرب اليها عندما تدلهم عواصف الحياة وتأتي رياحها بما لاتشتهي سُفُني ولي فيها مآرب أخرى.
خليك قريب وعربونك قبلناهو وراجيين باقي العداد :D












اقول قولي هذا واستغفر الله لي ..............

فيصل سعد
07-09-2010, 02:29 AM
يا زول الله لك جزيل شكرنا و تقديرنا على اريحيتك و صبرك الجميل على
سيل الاسئلة و التي سرت بدافع المحبة و التواصل، و اهو جاك سيد القهوة،
فمرحبا به و بك دائما و ابدا، انا اسألتي خلصت بس مطلوب منك
ترشح الضيف القادم لهذا اللقاء و تنتظر ابو اماني يدير دفة البوست
و ممكن برضو تبدأ انت محاورة الضيف و تقديمة ..

و يا ريت تختم لينا باغنية،،

و لك وافر الود و التقدير
و الاعزاز و المودة ..

حسين يوسف مكى
07-09-2010, 02:53 AM
لا حول الله

زول الله والزرزرة دى بادية من متين ياخ وانا ماعارف؟
قالو كان حبيبك وقف بينات الحرووف ناولو جملة انشاء من اخوات كان.

اسى انا متابع من بعيييد لكن جاييييك جية الزول البريييد حن الاهل.

كان فى الخاس اسئلتى م بخليها يعنى ياتجاوب ي تجاوب

النور يوسف محمد
07-09-2010, 03:18 PM
بسم الله الرحمن الرحيم

يا فيصل ..
دقيقة ياخ سؤال سؤالين ..

الرياض ,, مدينة تعلم الجفاء ..
العمل فى مجال الطيران والخطوط ,, برضو بعلم الجفاء

الفن والشعر والطرب .. ( ترقق المشاعر , وتخلى الزول , زول الله )

أين أنت من هذه التقاطعات ؟؟ ومن احتوى من ؟؟

يا فيصل ما تفك الزول ده .....:)

زول الله
07-09-2010, 08:24 PM
يا زول الله لك جزيل شكرنا و تقديرنا على اريحيتك و صبرك الجميل على
سيل الاسئلة و التي سرت بدافع المحبة و التواصل، و اهو جاك سيد القهوة،
فمرحبا به و بك دائما و ابدا، انا اسألتي خلصت بس مطلوب منك
ترشح الضيف القادم لهذا اللقاء و تنتظر ابو اماني يدير دفة البوست
و ممكن برضو تبدأ انت محاورة الضيف و تقديمة ..
و يا ريت تختم لينا باغنية،،
و لك وافر الود و التقدير
و الاعزاز و المودة ..
الحبيب ودسعد لك الشكر على هذه السواقة المحترفة:D
والشكر لسيد القهوة ومرحباً به
اجاوب على النور دا واجيك راجع
دايما يجي في الزمن الضايع:D












اقول قولي هذا واستغفر الله لي ..............

زول الله
07-09-2010, 08:26 PM
لا حول الله
زول الله والزرزرة دى بادية من متين ياخ وانا ماعارف؟
قالو كان حبيبك وقف بينات الحرووف ناولو جملة انشاء من اخوات كان.
اسى انا متابع من بعيييد لكن جاييييك جية الزول البريييد حن الاهل.
كان فى الخاس اسئلتى م بخليها يعنى ياتجاوب ي تجاوب
والله انت حكايتك حكاية
يعني انا اتزرزر كدا وانت تجي تتفرج وتمشي ؟؟
خوة بي تعريفة ماعندك:(











اقول قولي هذا واستغفر الله لي .................

زول الله
07-09-2010, 08:38 PM
بسم الله الرحمن الرحيم
يا فيصل ..
دقيقة ياخ سؤال سؤالين ..
الرياض ,, مدينة تعلم الجفاء ..
العمل فى مجال الطيران والخطوط ,, برضو بعلم الجفاء
الفن والشعر والطرب .. ( ترقق المشاعر , وتخلى الزول , زول الله )
أين أنت من هذه التقاطعات ؟؟ ومن احتوى من ؟؟
يا فيصل ما تفك الزول ده .....:)
قرار الحكم نهائي يازول .. انتو مابتعرفو كورة ولا شنو ؟:D
غايتو مامشكلة لكن تاني تجي بدري بالله

الرياض صحراء قاحلة لولا التقيناكم فيها فصارت واحة خضراء
العمل في هذا المجال يشغلك عن الناس كثيراً نسبة لمواسمه التي لاتنقطع
تقل زياراتك للاهل والاصدقاء وتجد نفسك دون ان تشعر بقيت جافي ونسيت الخوة:D
الفن والطرب هو استراحتنا التي اقتطعناها قسراً من ليالي الرياض الجافة
كنا نرتبط ثلاثة أو اربعة حفلات في الاسبوع الواحد
ونسبة للمسؤوليات في العمل والبيت اختصرناها لإرتباط واحد في الاسبوع وغالباً الخميس
فصار لنا المتنفس الوحيد في هذه الكتمة المامنها فايدة هو يوم الطرب آخر الاسبوع
وبقينا نعد ايامنا بالاسابيع يعني بدل نقول:باقي كم يوم .. نقول:باقي كم خميس
وصار الشهر عندنا اربعة خمايس لذلك تمضي السنين بنا سراعاً و ربنا يدي العافية













اقول قولي هذا واستغفر الله لي ..............

فيصل سعد
07-09-2010, 09:10 PM
الحبيب ودسعد لك الشكر على هذه السواقة المحترفة:D
والشكر لسيد القهوة ومرحباً به
اجاوب على النور دا واجيك راجع
دايما يجي في الزمن الضايع:D

اقول قولي هذا واستغفر الله لي ..............



ما عندك مشكلة تب ،، تقعد براحتك
و تقوم براحتك، دندن لينا نغم نغمين
و اختار ليك ضيف بعدك و دردش
معاو لغاية ما يظهر ابو اماني، و
لو ما ظهر بنديك البوست دا و
بنسجله ليك ملك حر و بنصدر
ليك شهادة بحث اصلية :D:D

زول الله
07-09-2010, 09:58 PM
ما عندك مشكلة تب ،، تقعد براحتك
و تقوم براحتك، دندن لينا نغم نغمين
و اختار ليك ضيف بعدك و دردش
معاو لغاية ما يظهر ابو اماني، و
لو ما ظهر بنديك البوست دا و
بنسجله ليك ملك حر و بنصدر
ليك شهادة بحث اصلية :D:D
يازول بوستيكم دا طرفي منو
مالي ومال السككان في النهار الحار دا :D:D
جني وجن السواقة في الشوارع الضيقة ديlooool
النغم دا معتق ومخصص للمريخاب منكم والمؤلفة قلوبهم
ولا مانع من ابناء السبيل كمان looool
مخمخو معاهو بي مزاااج الى ان يتبين لكم الخيط الابيض من الاسود

كم نظرنا هلاااااال
ابراهيم خوجلي - عود
http://www.sudanyat.org/upload/uploads/kam nazarna hilaal.mp3












اقول قولي هذا واستغفر الله لي ...............