المساعد الشخصي الرقمي

مشاهدة النسخة كاملة : ضيف على مائدة سودانيات ...! - 15 - سمراء (لم يكتمل)


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني
04-12-2010, 08:55 AM
الشكر الجزيل للعزيزة همس الشوق على هذه الطلة البهية .. وتمتعنا حقا بضيافتها ..أما الإبنة العزيزة (سمراء) ... فتحمل في تعابير وجهها البشوش الجميل وروحها المرحة الكثير من سحر الشرق!! .. تعالوا معنا .. ننبش في هذه المغارة المكتظة بروائع ونفائس لا حصر لها .. أهلا بسمراء .. ضيفة على المائدة ..
عزيزتي سمراء
حدثينا عن نفسك قليلا كإفتتاحية .. ولنا عودة ... يلا تشششاااووو .. مؤقتا .. :D

سمراء
04-12-2010, 01:29 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=305862#post305862)

عزيزتي سمراء
حدثينا عن نفسك قليلا كإفتتاحية .. ولنا عودة ... يلا تشششاااووو .. مؤقتا .. :D






:D:D:D
اوعك تكون قاصدنى انا بس !!!
انت ياديش ماتبته منى ؟

عموما انا زاتى تشااااووووو مؤقتاً:D

أبو أماني
04-12-2010, 01:51 PM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=305951#post305951)
:D:D:D

اوعك تكون قاصدنى انا بس !!!
انت ياديش ماتبته منى ؟

عموما انا زاتى تشااااووووو مؤقتاً:D



لن أنسى ما حييت ..موقفك السلبي مني المرة الفاتت يا سمراء.. بس برضو من عشمي فيك أدعوك ثانية!! .. وكلي ثقة أن لا يلدغ المؤمن مرتين .. أها قلتي شنو يا .. السمحة وسمراء وذكية ..يا السمهرية يا المن الرجال توزني مية .. أفتكر كسير تلج قدر ده .. أمال الشيخ ما لقتو!! في إنتظار الطلة..يلا.. تشششاااووو وبرضو مؤقت.. ;)

سمراء
04-12-2010, 02:22 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=305963#post305963)

أها قلتي شنو يا .. السمحة وسمراء وذكية .




عاوذة اقراء goood..
اقصد عاوذة اكتب ....اكتب ليك ياخ اتا كمان بقولو ليك لا ياابوها ...:D
غايتو جنس هرشة الله يهون بس :o:o



اتا الداير تعرفو ده ماكان بنفع بالرسائل الخاصه ؟
او خلطة بمزااااج فى الاسكلا مع قهوة بى بخوره اللاوى داك ;)

أبو أماني
04-12-2010, 02:58 PM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=305970#post305970)
عاوذة اقراء goood..
اقصد عاوذة اكتب ....اكتب ليك ياخ اتا كمان بقولو ليك لا ياابوها ...:D
غايتو جنس هرشة الله يهون بس :o:o



اتا الداير تعرفو ده ماكان بنفع بالرسائل الخاصه ؟
او خلطة بمزااااج فى الاسكلا مع قهوة بى بخوره اللاوى داك ;)



والله يا سمراء ..عرض مغر .. يزلزل ثبات أتخن تخين عامل فيها أبو عرام .. ده عرض يخلي واحد زي بوكو الحبيب تكعيب .. للصباح ما ينوم .. ويخلي واحد زي صاحبي (الليمبي) تمسكو الكاروشة .. وشقيقتها..أم هلا..هلا كمان.. ويفتعل ليو شكلة مع أم العيال (لا هار هاند لا هار ليق) وهاك يا تلفونات!.. سمراء..سمراء..عليك الله إتي جادة في العرض ده؟.. ولا عاوزة تكشكشيني .. وتشوفي مويتي سااااكت؟!! أنا والله ووحاتها هي .. ما أم أماني! .. قصدي (الماهية) .. بضحي ليك بأي شئ وأكون في الموعد مصبغ شعري.. ومهندم ومستحمى ومتريح كمان وكان لي الطقم بستلف حق الليمبي والرهيفة تنقد .. وطظ في أتخن (مفراكة)!!! هو أنا يهمني .. ولا بخاف كمان؟ .. هييييع .. أنا (ذولك) آسمراء! بس إتي في الخاس .. قولي لي ياحبيبتي.. وووين ؟ ومتين ؟ وكيف؟ وليه ..؟.
عليكم الرسول يا أولاد أمي كان قت ليكم سمراء دي توزن 100 راجل ما لي حق؟ هوي يا رجال ما تحمروا لي ماقاصدكم إتو قاصد الفي بالي! وكلكم عارفينو !!! :D

سمراء
04-12-2010, 03:09 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=305992#post305992)
اقتباس:
!.. سمراء..سمراء..عليك الله إتي جادة في العرض ده؟..

عليكم الرسول يا أولاد أمي كان قت ليكم سمراء دي توزن 100 راجل ما لي حق؟ هوي يا رجال ما تحمروا لي ماقاصدكم إتو قاصد الفي بالي! وكلكم عارفينو !!! :D





جاااااااااااااده جدادة مدغلبة ياخ ....
ياسلااااااااام البعجبنى فيك انك عاقل وبتعرف مصلحتك :D..يلا ياخ مواعيدنا الليلة ، فى الاسكلا وكدة ...الساعهة 6 اياااااااااك ماتجى وتشرنى ..
اسع جارية اتكشب والبس عشان انتظرك ...
يلا كده اتفقنا ...موش ؟

طارق الحسن محمد
04-12-2010, 04:16 PM
امانا
ما وقع راجل :D

همس الشوق
04-12-2010, 05:51 PM
والله يا سمراء ..عرض مغر .. يزلزل ثبات أتخن تخين عامل فيها أبو عرام .. ده عرض يخلي واحد زي بوكو الحبيب تكعيب .. للصباح ما ينوم .. ويخلي واحد زي صاحبي (الليمبي) تمسكو الكاروشة .. وشقيقتها..أم هلا..هلا كمان.. ويفتعل ليو شكلة مع أم العيال (لا هار هاند لا هار ليق) وهاك يا تلفونات!.. سمراء..سمراء..عليك الله إتي جادة في العرض ده؟.. ولا عاوزة تكشكشيني .. وتشوفي مويتي سااااكت؟!! أنا والله ووحاتها هي .. ما أم أماني! .. قصدي (الماهية) .. بضحي ليك بأي شئ وأكون في الموعد مصبغ شعري.. ومهندم ومستحمى ومتريح كمان وكان لي الطقم بستلف حق الليمبي والرهيفة تنقد .. وطظ في أتخن (مفراكة)!!! هو أنا يهمني .. ولا بخاف كمان؟ .. هييييع .. أنا (ذولك) آسمراء! بس إتي في الخاس .. قولي لي ياحبيبتي.. وووين ؟ ومتين ؟ وكيف؟ وليه ..؟.
عليكم الرسول يا أولاد أمي كان قت ليكم سمراء دي توزن 100 راجل ما لي حق؟ هوي يا رجال ما تحمروا لي ماقاصدكم إتو قاصد الفي بالي! وكلكم عارفينو !!!

تسبغ شنو
وتلبس شنو

احم احم احم

نحن هنا

Amin Bushari
04-12-2010, 08:31 PM
:D:D:D
انا غايتو منتظر
اوع تزووووووووووغي بس looool
الليلة والليلة باظات ابو رجيلة
يلا ابقي مارقه بس خلينا ننداح في الاسئلة بس :D
دي فرصة تاني ما بتتلقي والله
شكرا ابو أماني

زول الله
05-12-2010, 07:03 AM
ابو اماني كيفنك ياخ وعساك فاين
حقو الليلة يدوك دبورتين ومقص على الشرك دا
جبتها في التمنيات ياحريف
ألف وبايظا جوكر
الليييييلة يا سمراء ... انعدلي كويس
جاييك











اقول قولي هذا واستغفر الله لي .................

سمراء
05-12-2010, 07:19 AM
اهاااااااااااااا !!
من خلال الحيثيات التى تمت ، حيث تمت المقايضة بين ان آتى هنا ...
او آتى هناك ...اى الاسكلا ..واخترت الاسكلا ، وذهبت فى الموعد المحدد وطلبت القهوة المااخمج ،
وحيث انك لم تحضر ...وشريتنى ...
عليه " تخم وتصر " لانو ده اتفاق جنتلمان مع جنتل ووومن

وعلى المضرر اللجوء لمجلس ادارة سودانيات :D
ولا عزاء للشمشارين ;)

خميت وصريت ولا لسع :D

يلا ....جاااااااااااااااااو

أبو أماني
06-12-2010, 12:28 PM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=305997#post305997)
جاااااااااااااده جدادة مدغلبة ياخ ....
ياسلااااااااام البعجبنى فيك انك عاقل وبتعرف مصلحتك :D..يلا ياخ مواعيدنا الليلة ، فى الاسكلا وكدة ...الساعهة 6 اياااااااااك ماتجى وتشرنى ..
اسع جارية اتكشب والبس عشان انتظرك ...
يلا كده اتفقنا ...موش ؟



بالله من ما قريت الكلام الفوق ده يجي ستة مرات حيتين وقع لي!.. وتعالوا شوفوا الجقلبة واللخبتة.. أجي أكورك لفاطنة بتي .. أقول يا .. سم..ممم فاطنة ..أجي مارق من (العوضة) تقابلني أم أماني داخلة أحس ليك بقلبي نزل من القفص الصدري وإنضم لناس الكرشة والمصارين في الطابق التحتاني! ويسوي في البت بت بت.. تعاين لي عين غريبة كدي أسمعه قال (شححح)!أقول كاشفاني يا ربي؟! غايتو اتشدع وأقرر أدخل الحمام آخذ لي ُدش بعد مداولات بيني وبين نفسي إستمرت سبعة يوم !!..وفي الحمام أنسى نفسي وأنسى مريخيتي الصارخة وأترنم بصوت عال منشرح (هلا لي هلالو ظهر بان لي..الليلة) ..أمرق من الحمام مويتي تنقط بكسرة لأغنية من جيلنا..أوب سوري قصدي من جيل ناس (الليمبي)!..(القـُـربه يحنن وبعده يجنن .. وديع وحينين .. شغل بالي) ..سنة يا سمارا؟.
غايتو أخوكم..إتحفحف وإتقندف..وفي الكوافير وقف في الصف!.. لبس ليو شارلستون وحزام عرض مقاس الكف..ودبابة صلاح الدين وختَ نعلاتو فوق الرف وحتى المشية غيّير فوقها وإتكلف..وستة (شااااارب)! زولك في باب الأسكلا.. (دوت)! وقف !! واقف أنا .. مشرور هنا .. زي المسيح مصلوب سنة.. زي طيرة في نص المطر .. وزي زول مسافر وبشووووية قام فاتو القطر!!.
ويخخخخخسسسسي عليك ياسمراء .. ستة فاتت وسبعة جات وتمانية وراها ولمان تسعة تمت قلت أديك فرصة لحدي حداشر إطناشر كان ماجيتي الساعة واحدي بفوت البيت .. ولأني واثق من دقة مواعيدك .. لما أذان الفجر قال الله وأكبر حتى يادوووب أنا قنعت تب!!..صليت الصبح حاضر في جماعة .. وقلت في سري برضو ربنا عوضني خيروعوّض خسارتي في الدنيا بربح في الآخرة .. وتاني عليك الله يا سمورتي لما يكون في موعد بيناتنا تعالي سوقيني من خشم البيت .. ما تخافي من أم أماني أنا زماااان ضبحت ليها الكديسة.. بس الحق لله بعد ضبحتها قالت لي بكل برود.. عليك الله كديستك الضبحتها دي ما تخليها لينا هيني شيلها معاك أرميها في الشارع وتعال ..نضف الواطا من الدم وتعال أطلع (أرقد)!!ومن ديك وهاك يا رقـــده!.. يلا.. تشششاااوو تضحكي بلا سنون زي فتحي مسعد إنشاء الله ..:D:D :D:D

أبو أماني
06-12-2010, 01:01 PM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=306027#post306027)
امانا

ما وقع راجل

:D

تلقاك أسع دي حاسدني عليها .. يا راصد .. لاكين يسمك.. دي وقعة للناس القيافة بث!اسع دي ينط لي الليمبي ويقول القيافة دي غيروها ولا شنو؟ شكرا على الطلة looool

أبو أماني
06-12-2010, 01:22 PM
اقتباس:
المشاركة الأصلية كتبت بواسطة همس الشوق http://sudanyat.org/vb/images/buttons/viewpost.gif (http://sudanyat.org/vb/showthread.php?p=306040#post306040)
تسبغ شنو
وتلبس شنو

احم احم احم

نحن هنا



لا يا هموستي ما تفهميني غلت ..طبعا نحن متفقين من زمااان .. إنتي الحاجب وكل بنات حواء عين..والعين لا تعلو الحاجب.. وطبعا يا أحلى البنات وده كلام أنا بقولو قدام أم أماني ظاااطها..(بس أكون عامل سنة)! بكسر السين .. طبعا نحن متفقين أي بت ما تتحمل (وسامتي) وما تقدر تقاوم أو تكتم مشاعرها نحوي أنا لازم أطيب خاترها وأديها كلمتين حلوين..(رفع معدنيات وكده)! الله..! هموسة مش قلنا غيرة ما معانا ختيبك شخصية عامة وسوبرستار في المجتمعات المخملية وياما بعدين حتشوفيني زي وردة يانعة نضرة عطرها فواح .. والفراش حولها يقول يا غربتي أوعي تفكري في الحبوب المهدئة والكلام الفارغ ده.. أرقدي عافية يمه ..على فكرة (عاوز لي قدوم)!;) أأأأي أنا عارف نحن في مرحلة الختوبة وكده بس ما قصدي الفي بالك !.. قصدي القدوم حق النجار جاركم .. أصلو أمبارح أم أماني قعدت فوق البمبر لحقتو أمات طه! ومسخت على القهوة الكان دار تعملها!!..أأأل إيه؟ آآآل ريجيم آآآآل !!.. وزي مابتقول سمراء.. اللللللول...:D

احمد زين
06-12-2010, 02:08 PM
ختيبك شخصية عامة وسوبرستار في المجتمعات المخملية وياما بعدين حتشوفيني زي وردة يانعة نضرة عطرها فواح .. والفراش حولها يقول يا غربتي D

:eek::D:eek::D:eek::D:eek::D

جيجي
06-12-2010, 02:12 PM
يعني البت دي دايما تجهج الحكاية

ونطلع من غير حكايا

أبو أماني
07-12-2010, 12:45 AM
اقتباس:
المشاركة الأصلية كتبت بواسطة Amin Bushari http://sudanyat.org/vb/images/buttons/viewpost.gif (http://sudanyat.org/vb/showthread.php?p=306086#post306086)
:D:D:D
انا غايتو منتظر
اوع تزووووووووووغي بس looool
الليلة والليلة باظات ابو رجيلة
يلا ابقي مارقه بس خلينا ننداح في الاسئلة بس :D
دي فرصة تاني ما بتتلقي والله
شكرا ابو أماني




الشكر ليك إنت يازول يالذيذ.. وإنداح عليك الله ولو إني ما ناقش معناها لاكين ولا يهمك إنداح ياراجل .. ما تضييع الفرصة وأزرد لي الغزالة النافرة دي .. :D

أبو أماني
07-12-2010, 12:52 AM
اقتباس:
المشاركة الأصلية كتبت بواسطة أحمد محمد زين حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=306781#post306781)
:eek::D:eek::D:eek::D:eek::D


بس يا هودا عمارك ماك (صفرابي) وأنا قنعااااان من خيرا فيك يابا.. أضحك تضحك بلا سنون إنشاء الله ..:mad:

أبو أماني
07-12-2010, 01:03 AM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=306186#post306186)
اهاااااااااااااا !!
من خلال الحيثيات التى تمت ، حيث تمت المقايضة بين ان آتى هنا ...
او آتى هناك ...اى الاسكلا ..واخترت الاسكلا ، وذهبت فى الموعد المحدد وطلبت القهوة المااخمج ،
وحيث انك لم تحضر ...وشريتنى ...
عليه " تخم وتصر " لانو ده اتفاق جنتلمان مع جنتل ووومن

وعلى المضرر اللجوء لمجلس ادارة سودانيات :D
ولا عزاء للشمشارين ;)

خميت وصريت ولا لسع :D

يلا ....جاااااااااااااااااو



يا بت ما تبطلي الفهلوة واللولوة..! يا بت إتي (كوزة) ولا شنو؟ مالك عاوزة تعملي لي بدر الدين إسحق بي جاي؟!.. سيبي الفنجطة البتعملي فيها دي وجاوبي على كل أسئلة المعجبين وإلا سوف أحرمك من الميراث .. يا أمة الله..:D

أبو أماني
07-12-2010, 01:13 AM
اقتباس:
المشاركة الأصلية كتبت بواسطة زول الله http://sudanyat.org/vb/images/buttons/viewpost.gif (http://sudanyat.org/vb/showthread.php?p=306183#post306183)
ابو اماني كيفنك ياخ وعساك فاين
حقو الليلة يدوك دبورتين ومقص على الشرك دا
جبتها في التمنيات ياحريف
ألف وبايظا جوكر
الليييييلة يا سمراء ... انعدلي كويس
جاييك











اقول قولي هذا واستغفر الله لي .................






بالله عليك الله نجم لي الغزالة النافرة دي .. أصلها عاملة لينا فيها ليمونة في بلد بطنها طامة.. ولا بس حقارتك في ناس جانيت؟؟ goood

طارق الحسن محمد
07-12-2010, 01:14 AM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=306027#post306027)
امانا

ما وقع راجل

:D

تلقاك أسع دي حاسدني عليها .. يا راصد .. لاكين يسمك.. دي وقعة للناس القيافة بث!اسع دي ينط لي الليمبي ويقول القيافة دي غيروها ولا شنو؟ شكرا على الطلة looool
اموت فى الجداد
واقصد الدواجن
والفيديو جائى
:D

:D

:D

أبو أماني
07-12-2010, 01:17 AM
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=306783#post306783)
يعني البت دي دايما تجهج الحكاية

ونطلع من غير حكايا



الرسول عليك ياجيجي يا أختي .. سمراء ماعملتو مسيخ وممصمص؟؟

سمراء
07-12-2010, 11:41 AM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=306987#post306987)
.. يا أمة الله..:D





حاااااضر ياعبد الله :D
بس ابعد منى زول الله واللمين وطارق ....
سمح !!

سمراء
07-12-2010, 11:48 AM
بسم الله الرحمن الرحيم
وبه نستعين

والحى الله والكاتل الله ...

سمراء -شجن - عفاف ....مسميات لكائن بشرى واااحد يحمل كل تناقضات الدنيا بداخله ، ماعدا الحب ....فلا اجد بداخلى سواه ، لكل شى من مخلوقات الله انسان -حيوان -جماد-....الخ !!
الحب بداخلى معلم بارز ،من اقوى الصفات التى اعتز بها ، يمكن لاى انسان ان يحسه ويستشعره ..

نأتى فى البدء لاسمى ، والمعرف الذى يزاملنى فى كل مناحى حياتى ..
ولماذا؟ ثلاثة أسماء ؟ واى أسم احب الى ؟

جانيت
07-12-2010, 03:38 PM
[/I]


بالله عليك الله نجم لي الغزالة النافرة دي .. أصلها عاملة لينا فيها ليمونة في بلد بطنها طامة.. ولا بس حقارتك في ناس جانيت؟؟ goood[/QUOTE]


اها الود البيشيل ويستغفر ده سمورة بس ما تكون رشتو


غايتو حاسة اني ما اتفشيت فيه ابدا

وياسمرا ياخ جيتك جاتني في زحمة لكن امانة ما حنجمك نجام

وما حاقلع النضارة واختها في الطربيزة وابتدي حاقلعك انت من واطة الله دي

أبو أماني
07-12-2010, 11:04 PM
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=307195#post307195)



بالله عليك الله نجم لي الغزالة النافرة دي .. أصلها عاملة لينا فيها ليمونة في بلد بطنها طامة.. ولا بس حقارتك في ناس جانيت؟؟ goood
[/I]




اها الود البيشيل ويستغفر ده سمورة بس ما تكون رشتو


غايتو حاسة اني ما اتفشيت فيه ابدا

وياسمرا ياخ جيتك جاتني في زحمة لكن امانة ما حنجمك نجام

وما حاقلع النضارة واختها في الطربيزة وابتدي حاقلعك انت من واطة الله دي[/QUOTE]

تصوروا أحلى بتين في الكوكب ده .. قاعدات يتناقرن وفي دار أبو منو؟ في دار أبو أماني..!! تصوّر دكتورة جانيت وأستاذة سمراء بكل مايتمتعان به من ثماحة وخفة دم وروح وأدب وثقافة وأصول و.. و.. عيييييك .. يختنو قرض مع بعض والسبب أبو أماني .. يا أخي أنا طلعت (جون ترافولتا) الألفية التالتة.. يلا يا دكتورة حاولي أقلعيها زي ما قلتي ولو أنو سمراء دي زي حكومة الإنقاذ ما.. بتنقلع ليك بي أخوي وأخوك ..!! عموما كدي جربي.. سمراء.. قلتي لي عندك ثلاثة أسماء بقينا زي بعض أنا برضو عندي ثلاثة .. يلا أحكي لينا قصتهم.. looool:confused::)

زول الله
08-12-2010, 10:10 AM
1/ الاسم بتاع البطاقة الشخصية داك

2/ اللون الأساسي .... دي فسريها براك

3/ لمحة عامة كدا عن الأوضاع المحيطة.....عشان نكون عارفين وكدا

4/ تاريخ بداية الجنترة وهل هنالك اسباب معينة ؟؟؟ ... بإسهاب بالله

ديل اعتبريهم قولة خير :D
قزقزي بيهم لحدما اجيك بالباب










اقول قولي هذا واستغفر الله لي شديد خالص................

جانيت
08-12-2010, 11:43 AM
سمورة رايك بكل صراحة في المقولة


خذوا الحكمة من افواه المجانين :D:D

جيجي
08-12-2010, 11:49 AM
سمورة رايك بكل صراحة في المقولة


خذوا الحكمة من افواه المجانين :D:Dهي ياهناية
مالها بتدلع كدا
كل مرة الا يمشوا يحنسوها تجي تكتب ليها كلمتين وتمشي:mad:

جانيت
08-12-2010, 11:54 AM
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=307563#post307563)
هي ياهناية
مالها بتدلع كدا
كل مرة الا يمشوا يحنسوها تجي تكتب ليها كلمتين وتمشي:mad:



لالا ما بتتدلع بس سمينة وحركتها تقيلة
كان يستضيفوها بعد الريجيم لمدة خمثة ثنة

كل ماتلقيها مافي لخبطي ليها مائدتها دي

اصلو البياكل منها بيتثمم

أبو أماني
09-12-2010, 11:18 AM
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=307568#post307568)
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=307563#post307563)
هي ياهناية
مالها بتدلع كدا
كل مرة الا يمشوا يحنسوها تجي تكتب ليها كلمتين وتمشي:mad:



لالا ما بتتدلع بس سمينة وحركتها تقيلة
كان يستضيفوها بعد الريجيم لمدة خمثة ثنة

كل ماتلقيها مافي لخبطي ليها مائدتها دي

اصلو البياكل منها بيتثمم



غايتو يا دكتورة والله قرررربت أصدق كلامك ده .. معقولة بث يكون جلدها تخين زي الكيزان كده؟ .. يا أخوانا مرااات كدي بشوف في اوجه شبه بين سمراء والعزيز بدر الدين إسحق .. تفتكري يا .. جيجي تكون بتشبهو في شنو؟؟؟ قولي إتي بقى!

فتحي مسعد حنفي
09-12-2010, 11:28 AM
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=307563#post307563)
هي ياهناية
مالها بتدلع كدا
كل مرة الا يمشوا يحنسوها تجي تكتب ليها كلمتين وتمشي:mad:



لالا ما بتتدلع بس سمينة وحركتها تقيلة
كان يستضيفوها بعد الريجيم لمدة خمثة ثنة

كل ماتلقيها مافي لخبطي ليها مائدتها دي

اصلو البياكل منها بيتثمم

البيتو من قزاز ما يطقع الناس بالحجار..كل فولة وليها كيال بعدين سمراء دي جسمها متوافق مش زي ناس نصهم الفوقاني اربعين كيلو والتحت تمنين كيلو;):p

فتحي مسعد حنفي
09-12-2010, 11:31 AM
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=307568#post307568)
اقتباس:
المشاركة الأصلية كتبت بواسطة جيجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=307563#post307563)
هي ياهناية
مالها بتدلع كدا
كل مرة الا يمشوا يحنسوها تجي تكتب ليها كلمتين وتمشي:mad:



لالا ما بتتدلع بس سمينة وحركتها تقيلة
كان يستضيفوها بعد الريجيم لمدة خمثة ثنة

كل ماتلقيها مافي لخبطي ليها مائدتها دي

اصلو البياكل منها بيتثمم



غايتو يا دكتورة والله قرررربت أصدق كلامك ده .. معقولة بث يكون جلدها تخين زي الكيزان كده؟ .. يا أخوانا مرااات كدي بشوف في اوجه شبه بين سمراء والعزيز بدر الدين إسحق .. تفتكري يا .. جيجي تكون بتشبهو في شنو؟؟؟ قولي إتي بقى!

الطيور علي أشكالها تقع..انت وجانيت كان وقفتو جنب بعض بتكونوا زي العشرة بالانجليزي:D:D

ابرا
09-12-2010, 11:32 AM
البيتو من قزاز ما يطقع الناس بالحجار..كل فولة وليها كيال بعدين سمراء دي جسمها متوافق مش زي ناس نصهم الفوقاني اربعين كيلو والتحت تمنين كيلو;):p

كااااااااااااااااااااااااااااااااااااااك:D:D;)

فتحي مسعد حنفي
09-12-2010, 11:43 AM
كااااااااااااااااااااااااااااااااااااااك:D:D;)


انت يازول ما داير تختاني..ولا ما عارف الفرق بين خرافي وخرفان؟
جنك فتن:mad:

ابرا
09-12-2010, 11:48 AM
انت يازول ما داير تختاني..ولا ما عارف الفرق بين خرافي وخرفان؟
جنك فتن:mad:

فتن شنو انا عملت صوره لوصفك:D

فتحي مسعد حنفي
09-12-2010, 11:52 AM
فتن شنو انا عملت صوره لوصفك:D


يازول انا كان داير صورة بكلم ناصر يوسف..منك انت ما داير حاجة..أها أختاني:mad:

أبو أماني
13-12-2010, 08:17 AM
اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=308057#post308057)

يازول انا كان داير صورة بكلم ناصر يوسف..منك انت ما داير حاجة..أها أختاني:mad:




عند بداية هذا البوستر .. كانت أول مداخلات أعتز بها جدا جدا .. تحمل كل البشر والترحاب والبشريات منها المشاركة الثالثة بالظبط .. وكانت من زول لذيذ ظريف يقطر أدبا وعلما وظرفا .. أنظروا معي ماذا قال :-

ابو اماني الراجل الهمام
دائما سباق للخيرات
والمرة دي عملتها مائدة عدييييل كدا
انا من اسي حربط لي حجر في بطني
وحستنى زول يدردق لي الدور
واجيكم خاشي بنفس مفتوحه
تحياتي يا وهاج
على قولتك (اتشاااااااوات)
* * *
مشكورة سمراء..! (وما قصّرتي)! :D هيا يا شباب إستقبلوا معى الضيف المميز في هذه المائدة الحبيب تكعيب : -
:cool: المليجي :cool:

أعرف المليجي ولو سألوني إسمو منو؟ بقول ماعارف!.. بالله يا مليجي عاوزين البداية .. تنويرية شاملة .. يلا يا حبيب .. البيت بيتك ..

ملحووووزة ود مخير :-
يرجى من الإدارة تثبيت إسم الضيف الجديد وشكرا،،،

جانيت
13-12-2010, 08:32 AM
اوووه ابو اماني انزيك

البت اللئيمة دي تاني مرة يستضيفوها وما تجي غايتو الضيف اللطخ زيها كده انا تاني ما بعزمو ولو روحو في المائدة دي

وبي كده خلي المليجي يجي غايتو المليجيج الا تجيبوهو ليهو صينية مدنكلة حتى يفتح عيونو

بس هو يجي كيف وبنجضو نجاض

أبو أماني
13-12-2010, 01:55 PM
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=310276#post310276)
اوووه ابو اماني انزيك

البت اللئيمة دي تاني مرة يستضيفوها وما تجي غايتو الضيف اللطخ زيها كده انا تاني ما بعزمو ولو روحو في المائدة دي

وبي كده خلي المليجي يجي غايتو المليجيج الا تجيبوهو ليهو صينية مدنكلة حتى يفتح عيونو

بس هو يجي كيف وبنجضو نجاض



وينك إنتي يا أظرف وأحلى وأروع دكتورة قابلتني .. كيفك يا ست الكل يا شبه الفل؟ أشكرك على وقفتك وتعاطفك معاي قدام سيل (غلاسة وعنجهية) سمراء معاي بدون مبرر .. وعملت لي القصة بتاعة خلااااس إتعزز (الليمون) عشان بالغنا في ريدو .. لاكين قول لسمراء البركة في ناس جانيت .. والمليجي البيشد الحيل .. شوفيو صاحبي ده حا يجي يملاء البوست ده حيوية ونشاط كيف؟ .. يلا يا مليجي .. ما تقعد تتحكحك ولا أنادي ليك فريد شوقي إنت كمان ؟؟؟:mad:؟؟؟

جانيت
13-12-2010, 02:07 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=310624#post310624)
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=310276#post310276)
اوووه ابو اماني انزيك

البت اللئيمة دي تاني مرة يستضيفوها وما تجي غايتو الضيف اللطخ زيها كده انا تاني ما بعزمو ولو روحو في المائدة دي

وبي كده خلي المليجي يجي غايتو المليجيج الا تجيبوهو ليهو صينية مدنكلة حتى يفتح عيونو

بس هو يجي كيف وبنجضو نجاض



وينك إنتي يا أظرف وأحلى وأروع دكتورة قابلتني .. كيفك يا ست الكل يا شبه الفل؟ أشكرك على وقفتك وتعاطفك معاي قدام سيل (غلاسة وعنجهية) سمراء معاي بدون مبرر .. وعملت لي القصة بتاعة خلااااس إتعزز (الليمون) عشان بالغنا في ريدو .. لاكين قول لسمراء البركة في ناس جانيت .. والمليجي البيشد الحيل .. شوفيو صاحبي ده حا يجي يملاء البوست ده حيوية ونشاط كيف؟ .. يلا يا مليجي .. ما تقعد تتحكحك ولا أنادي ليك فريد شوقي إنت كمان ؟؟؟:mad:؟؟؟



ونحن عندنا كم ابو اماني ياسيد الناس

نفسي اكثر ليك تلج زيادة من باب الجمجرة والصواطة :D

تاني ما تدعيها لاي حاجة انشاء الله سندوتش فول ما تدعيها ليو

وقلنا نتثبب ليها بوزنها وقلة حركتها بث كلو ما نفع

خلي المليجي يجي

وقبل ما يجي انتو مليجي دي اخدتو عيد ميلادو علي الماشي لي

كان يوم الليلة الثقافية الاولى

عموما يامليجي كل ثنة وانت بالف خير وعقبال الشمعة المليون يارب

وتعال اتنفض في بوست عمك الزين ده

سمراء
13-12-2010, 04:30 PM
وداعا سمراء .. وشكرا .. أهلا بالحبيب تكعيب!


غاااااااااااااايتو يامنتشة لقيتك بياااااااااااعن !! ياخ مابتقدر ظروفنا ومحاثيثنا ومشغولياتنا ....انت قائل كونك تكون داخل الحيكومة دى شيتاً هين ولا لين !!!
اسع الانتخابات دى مرقت ونجضت كدى بالساهل ؟ هييييييييييييييييييي عالم مابتقدر
الجهود !! دنيا فشنك ....
ثم اسع يا زين يازين :D شن جدة تحت المخدة عشان تقعد ترازى فوقى كدى وتخت فوق راسى المليجى الشين ده :D
ثم انو كان فى اتفاق جنتلمان لى جنتل ليدى !!
غايتو ...بنتابع مع المليجى وكده

أبو أماني
21-12-2010, 02:06 PM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=310754#post310754)


غاااااااااااااايتو يامنتشة لقيتك بياااااااااااعن !! ياخ مابتقدر ظروفنا ومحاثيثنا ومشغولياتنا ....انت قائل كونك تكون داخل الحيكومة دى شيتاً هين ولا لين !!!
اسع الانتخابات دى مرقت ونجضت كدى بالساهل ؟ هييييييييييييييييييي عالم مابتقدر
الجهود !! دنيا فشنك ....
ثم اسع يا زين يازين :D شن جدة تحت المخدة عشان تقعد ترازى فوقى كدى وتخت فوق راسى المليجى الشين ده :D
ثم انو كان فى اتفاق جنتلمان لى جنتل ليدى !!
غايتو ...بنتابع مع المليجى وكده



والله كان ترضو كان تزعلوا .. إنشاء الله بزعل اللوبا كلكم .. كان ما الدكتورة الحلوة اللذيذة الرائعة خفيفة الدم الإسمها جانيت دي .. وجيجي وزول الله والحبيب فتحي مسعد.. أنا كان زماااان فتحت ليكم ورميت الجوكر بايظ .. حاولت أطلع من (الطنقعة) البي الفارغة ومقدودة العملتيها لي يا سمراء وجهجتي لي بوستيني العاجبني ده(كمان أنكري يا سمراء قولي ما.. بوستيني!) تهئ تهئ يكون بوست منو يعني؟؟ وعملتي لي ( كشا مشا) وحرقة حشاء، خليتني أشحد شحدة تكرمك وتعطفك ودخولك البوست .. وبخراج الروح .. أجبرتيني أنهي ضيافتك قبل الموعد وأستنجد بالمليجي .. يقوم زولي ده كمان .. يصهين مني قدر ده ..؟!.
المليجي .. هوووووي .. ما تخليني أقول ليك .. سمراء بطنقعتها دي أخير منك!.. ديل ناس شنو ديل؟.. غايتو يا ناس..سودانيات .. تقيلين تقل.. بث جبل المرخيات!!!:mad:

احمد زين
21-12-2010, 10:07 PM
اقتباس:
والله كان ترضو كان تزعلوا .. إنشاء الله بزعل اللوبا كلكم .. كان ما الدكتورة الحلوة اللذيذة الرائعة خفيفة الدم الإسمها جانيت دي .. وجيجي وزول الله والحبيب فتحي مسعد.. أنا كان زماااان فتحت ليكم ورميت الجوكر بايظ .. حاولت أطلع من (الطنقعة) البي الفارغة ومقدودة العملتيها لي يا سمراء وجهجتي لي بوستيني العاجبني ده(كمان أنكري يا سمراء قولي ما.. بوستيني!) تهئ تهئ يكون بوست منو يعني؟؟ وعملتي لي ( كشا مشا) وحرقة حشاء، خليتني أشحد شحدة تكرمك وتعطفك ودخولك البوست .. وبخراج الروح .. أجبرتيني أنهي ضيافتك قبل الموعد وأستنجد بالمليجي .. يقوم زولي ده كمان .. يصهين مني قدر ده ..؟!.
المليجي .. هوووووي .. ما تخليني أقول ليك .. سمراء بطنقعتها دي أخير منك!.. ديل ناس شنو ديل؟.. غايتو يا ناس..سودانيات .. تقيلين تقل.. بث جبل المرخيات!!!:mad:

غايتو يا ابواماني تستاهل
انت عينك للناس الفيهم الثمرة
تقوم تكنكش لي في ناس جانيت وسمراء ومليجي
ان شاء الله يطنشوك سنة كبيسة

د. أزهري
22-12-2010, 01:55 PM
اقتباس:الروعة الفيك انك حساس بالحس الفيك بتقيس الناس......ماعيون الناس دايما مقياس ..في عيونك سر نبع الاحساس.....عارف ياحبيب أصلك طيب والبلقي هواك يصبح طيب ...أنفاس الطيب ..انت تطيب...ودمعك لو فاض دمعي قريب...وبالرقة الفيك بتبكي الناس...والروعة الفيك انك حساس
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=155799#post155799)

ده قولك يا الحبيب تكعيب :-
يابا ظنيتو الشافك فتحتا ليك مطعم عدييييييييييل ما كضب،،
إبتديتا بي قهوة نشاط وحسي مائدة سودانيات،، غايتو حيكومتك ظنيتك شاغلها مطبخ full-time...
وماعندي عليو تعقيب ماك عارف البئر وغطاءها .. أها تاني شنو كمان؟ خلى الطابق مستور..

وتاني قلت :-تعرف فيصل سعد كان فتح ليهو بوست وظنيتو سماهو الكرسي الساخن،،
لكنه دقس شوية،،
بس ده عندي عليو تعقيب .. الحقيقة فكرة الكرسي الساخن قديمة وتعم معظم المنتديات .. وهذا قريب الشبه بس بيختلف في المحتوى والمضمون .. فالقصد من الأول مناكفات بريئة ومساجلات بين الزملاء .. بينما الهدف الأساسي من هذا البوستر .. هو تعميق الصلات وتوثيق المعرفة كل بالآخر..نريد التقارب..ومعرفة أبسط الحقائق عن أحب الناس..فهلا تكرمت أستاذي (الخال) البلال البسر البال .. وادلوت بدلوك ؟؟.. goood

فتحي مسعد حنفي
22-12-2010, 02:17 PM
بس ده عندي عليو تعقيب .. الحقيقة فكرة الكرسي الساخن قديمة وتعم معظم المنتديات .. وهذا قريب الشبه بس بيختلف في المحتوى والمضمون .. فالقصد من الأول مناكفات بريئة ومساجلات بين الزملاء .. بينما الهدف الأساسي من هذا البوستر .. هو تعميق الصلات وتوثيق المعرفة كل بالآخر..نريد التقارب..ومعرفة أبسط الحقائق عن أحب الناس..فهلا تكرمت أستاذي (الخال) البلال البسر البال .. وادلوت بدلوك ؟؟.. [/COLOR]goood
[/I]

تعميق صلات شنو يادكتور البكون قاصدا أبو أماني يادكتور:confused: انت زول طيب ساكت..الزول دا قصدو تشهير وكشف أسرار ما قادر يصل ليها:(:mad: