المساعد الشخصي الرقمي

مشاهدة النسخة كاملة : ضيف على مائدة سودانيات ...! - 15 - المليجي


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني
13-12-2010, 08:17 AM
اقتباس:
المشاركة الأصلية كتبت بواسطة فتحي مسعد حنفي http://sudanyat.org/vb/images/buttons/viewpost.gif (http://sudanyat.org/vb/showthread.php?p=308057#post308057)

يازول انا كان داير صورة بكلم ناصر يوسف..منك انت ما داير حاجة..أها أختاني:mad:




عند بداية هذا البوستر .. كانت أول مداخلات أعتز بها جدا جدا .. تحمل كل البشر والترحاب والبشريات منها المشاركة الثالثة بالظبط .. وكانت من زول لذيذ ظريف يقطر أدبا وعلما وظرفا .. أنظروا معي ماذا قال :-

ابو اماني الراجل الهمام
دائما سباق للخيرات
والمرة دي عملتها مائدة عدييييل كدا
انا من اسي حربط لي حجر في بطني
وحستنى زول يدردق لي الدور
واجيكم خاشي بنفس مفتوحه
تحياتي يا وهاج
على قولتك (اتشاااااااوات)
* * *
مشكورة سمراء..! (وما قصّرتي)! :D هيا يا شباب إستقبلوا معى الضيف المميز في هذه المائدة الحبيب تكعيب : -
:cool: المليجي :cool:

أعرف المليجي ولو سألوني إسمو منو؟ بقول ماعارف!.. بالله يا مليجي عاوزين البداية .. تنويرية شاملة .. يلا يا حبيب .. البيت بيتك ..

ملحووووزة ود مخير :-
يرجى من الإدارة تثبيت إسم الضيف الجديد وشكرا،،،

nezam aldeen
22-12-2010, 03:45 PM
اقتباس:
المشاركة الأصلية كتبت بواسطة سارة http://sudanyat.org/vb/images/buttons/viewpost.gif (http://sudanyat.org/vb/showthread.php?p=155675#post155675)
امانة ما وقع راجل

انا من دربى دا بمشى اعدل دماغى واجيب سعوالاتى واجيكم واسئلتى يا خال كلها اجبارى


ابو امانى والله بس المرة دى ( عفيت منك )gooodgooodgoood



بسسسسسسسسسسس
نففففففففففس
كلام سارة دا

المليجي
24-12-2010, 03:41 PM
اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/buttons/viewpost.gif (http://sudanyat.org/vb/showthread.php?p=314794#post314794)


ابو امانى الجميل
صحبى المليجى
بتاع جدة عارف عاوزه يجى
تشرك ليهو بجنس دا
حرم تشوف جوة الجك بتاعك دا

http://www.alawamra.com/up/upfiles/8MJ06855.jpg

:D :D :D :D :D :D
انا جـــــــــــــــــيت
الشطة يا طارق
:D:D

ابراهيم عبدالعزيز
24-12-2010, 03:59 PM
الخال العزيز ابواماني ياخ شكرا حدالاستغاثة علي بوستيك التعريفي الجميل دا وبالجد انا واحد من الناس الجداد وزي كتارطبعا محتاجين لي ذي البوست دا عشان الناس تعرف بعض اكتر وياريت الادارة مشكورة تقوم تثبتو لينا لاهميتو في التعريف بالاعضاء وكدة
وتاني بكررشكري ليك ياخال :cool::cool:

العزيزمليجي سلام عليك ومنورالمائدة والمنتديات ...
بس عشان الواحد يكون ليهو الشرف ممكن البطاقة الشخصية ؟
بمشي وبجيك تاني :D

مودتيييييييييي للجميعlooool

جانيت
24-12-2010, 05:53 PM
مليجي ديشك ياخ

الجية البعد سلة الروح دي شنو اقصد سلة الفواكه :p


اقعد مستنينك لينا زماااااااان

المليجي
24-12-2010, 06:33 PM
العزيزمليجي سلام عليك ومنورالمائدة والمنتديات ...
بس عشان الواحد يكون ليهو الشرف ممكن البطاقة الشخصية ؟
بمشي وبجيك تاني :D

مودتيييييييييي للجميعlooool

الاخ ابراهيم
وعليكم السلام ورحمة الله
بجيك راجع بروقة يا حبيب ونديك السيرة الذاتية اسي داخل بس عشان اسكت لي كم زول كدا ناويين علي نية مضلمة :D:D
مودتي لك

المليجي
24-12-2010, 06:38 PM
مليجي ديشك ياخ

الجية البعد سلة الروح دي شنو اقصد سلة الفواكه :p


اقعد مستنينك لينا زماااااااان



جنو منو فيهو
والله ماكنت جايب خبر
كدي خلي سلة الفواكة والتحليات دي بعد مانجضم اللحوم والزنود بالشطوط الهاااااره
ابقي داخله لي باكر ونجضي اخوك

ابراهيم عبدالعزيز
25-12-2010, 10:51 AM
مليجي نهارك سعيد وكل باقي اليوم والايام التي تليها ........
شنو يا اخو سسعالاتنا دي ماخمرن ولي باكر ببقن شي تاني :D:D
اظهروبان عليك الامان:cool:
مودات كتارات ليك وحدك:Dlooool

المليجي
25-12-2010, 01:13 PM
اقتباس:
المشاركة الأصلية كتبت بواسطة ابراهيم عبدالعزيز http://sudanyat.org/vb/images/buttons/viewpost.gif (http://sudanyat.org/vb/showthread.php?p=316099#post316099)
مليجي نهارك سعيد وكل باقي اليوم والايام التي تليها ........
شنو يا اخو سسعالاتنا دي ماخمرن ولي باكر ببقن شي تاني :D:D
اظهروبان عليك الامان:cool:
مودات كتارات ليك وحدك:Dlooool



ابراهيم
نهارك سعيد يا حبيب
اهو جيـــــــــــــتك بالتقيل
..
البطاقه الشخصية
الاسم: محمد ابراهيم دؤود العبيد
العمر : 28 سنة
مكان الميلاد : جدة السعودية
الحالة الاجتماعية : اعزب :D من عزب
المراحل التعليمية :-
*الابتدائ. مدرسة الامام عبدالرحمن النموزجية بنين (الجزيرة ابا) الى الصف ال3
ومدرسة الامام الشاطبي الابتدائية (جدة).
*المتوسط و الثانوي. مدرسة الرآية الاهلية (جدة).
المرحلة الجامعية: جامعة السودان للعلوم والتكنلوجيا
دبلوم هندسة نفط 2004-2007
____________
ياقلب قصرتا معاك looool

أبو أماني
26-12-2010, 12:00 AM
اقتباس:
المشاركة الأصلية كتبت بواسطة ابراهيم عبدالعزيز http://sudanyat.org/vb/images/buttons/viewpost.gif (http://sudanyat.org/vb/showthread.php?p=315766#post315766)
الخال العزيز ابواماني ياخ شكرا حدالاستغاثة علي بوستيك التعريفي الجميل دا وبالجد انا واحد من الناس الجداد وزي كتارطبعا محتاجين لي ذي البوست دا عشان الناس تعرف بعض اكتر وياريت الادارة مشكورة تقوم تثبتو لينا لاهميتو في التعريف بالاعضاء وكدة
وتاني بكررشكري ليك ياخال :cool::cool:

العزيزمليجي سلام عليك ومنورالمائدة والمنتديات ...
بس عشان الواحد يكون ليهو الشرف ممكن البطاقة الشخصية ؟
بمشي وبجيك تاني :D

مودتيييييييييي للجميعlooool



الإبن العزيز إبراهيم .. لك صادق التحايا وخالص المحبة وحقيقي مداخلتك الرائعة الظريفة أعلاه .. ولو أنها الأولى ..غير إنني من خلال مفرداتك الرصينة الودودة قد أحسست إنني أعرفك منذ زمن .. تبوأ مقامك الفريد بداخلي بجانب شقيقك فادي إبني لك التحية...

أبو أماني
27-12-2010, 12:51 PM
سمراء إنتهت إستضافتها بالضبط يوم 23 وأعلنا عن الأستاذ المليجي .. والمليجي دخل وبدأ يجاوب على المشاركين/كات .. والليلة يوم 27 والإشراف لسع معلق لينا إسم سمراء ..

المليجي .. مطلوب حضورك الدائم ومداخلاتك الرائعة .. وأسلوبك الظريف في إستقطاب أسئلة الآخرين .. هو .. إنا .. إخترتك من شوية؟؟؟ يلا تشششاااووو :mad:

المليجي
27-12-2010, 01:14 PM
اقتباس:
المشاركة الأصلية كتبت بواسطة سمراء http://sudanyat.org/vb/images/buttons/viewpost.gif (http://sudanyat.org/vb/showthread.php?p=310754#post310754)


ثم اسع يا زين يازين :D شن جدة تحت المخدة عشان تقعد ترازى فوقى كدى وتخت فوق راسى المليجى الشين ده :D


هوووي يا قطيمة انتي
مش شتتو ليك تاني مالك
تابعي ساي وما اشوفك لافه هنا
يا ابو اماني
انا محعتب ليك البوست دا الى تشيلو من راسي البنت ام لسان طويل دي
قال شين قال
:D:D

جانيت
27-12-2010, 01:26 PM
المليجي وصل

بما انك في المائدة اها رايك شنو في المائدة

غايتو انا اكلت وقمت ما تحلفني عليك الله

طيب في اصناف كده عايزنك تشرح لينا عملها واصناف تورينا رايك فيها
يلا شد حيلك معانا

اول صنف الكوماج في سودانيات :mad:

تاني صنف حياتك فيما لايقل عن خمسة سطور :p

تالت صنف الحالة النفسية المصاحبة لي وحدة البلد او انفصالو :(

اما الاصناف الانت حتشرحها يهنا

اشد ما يجذبك لسودانيات ولييييييييييييييييييييييييييي:confused:

تعامل سودانيات كاعضاء وتحولو من عالم اسفيري الى عالم واقعي goood

حاجيك بس مزااااااااااااااااااااااااااااااااااااااج

احمد زين
27-12-2010, 01:36 PM
المليجي وصل

بما انك في المائدة اها رايك شنو في المائدة

غايتو انا اكلت وقمت ما تحلفني عليك الله


طيب في اصناف كده عايزنك تشرح لينا عملها واصناف تورينا رايك فيها
يلا شد حيلك معانا

اول صنف الكوماج في سودانيات :mad:

تاني صنف حياتك فيما لايقل عن خمسة سطور :p

تالت صنف الحالة النفسية المصاحبة لي وحدة البلد او انفصالو :(

اما الاصناف الانت حتشرحها يهنا

اشد ما يجذبك لسودانيات ولييييييييييييييييييييييييييي:confused:

تعامل سودانيات كاعضاء وتحولو من عالم اسفيري الى عالم واقعي goood

حاجيك بس مزااااااااااااااااااااااااااااااااااااااج

مليجي
فاهم حاجة؟؟؟

جانيت
27-12-2010, 01:43 PM
اقتباس:
المشاركة الأصلية كتبت بواسطة أحمد محمد زين حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=317419#post317419)
مليجي
فاهم حاجة؟؟؟



قوم لف قبل اجضمك في جضومك الشينات ديل

ده كلام شباب العجايز برا :p

انت كنت غاتس وين فجاءة صحيت وعايز تفهم :(

ابرا
27-12-2010, 01:48 PM
مليجي
فاهم حاجة؟؟؟

انت زعلت والا شنو يا دكتور:Dlooool

أبو أماني
27-12-2010, 01:56 PM
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=317422#post317422)
اقتباس:
المشاركة الأصلية كتبت بواسطة أحمد محمد زين حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=317419#post317419)
مليجي
فاهم حاجة؟؟؟



قوم لف قبل اجضمك في جضومك الشينات ديل

ده كلام شباب العجايز برا :p

انت كنت غاتس وين فجاءة صحيت وعايز تفهم :(



تهئ تهئ تهئ ..!! تحطو نفسكو في موائف .. بايخخخخخخخخخخه !! أسع عاجباك بشتنت الحال دي ؟؟.. يا شيخ ماتحترم عامل السن!.. يعني لما سمراء قالت مليجي شين .. كانت مبلوعة شوية .. أصلو سنهم قريب من بعض!.. لاكين زي الشحرورة جانيت دي .. ما بتلدها في آخر بطانك يا أبو حميد.. أقترح نلم الموضوع .. وتعتذر ليها .. شخشيا.. ويا دار ما دخلك شر .. تهئ .. تهئ .. المرة دي تشششاااووو بمزاااج :D:D

جانيت
27-12-2010, 02:06 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=317427#post317427)




تهئ تهئ تهئ ..!! تحطو نفسكو في موائف .. بايخخخخخخخخخخه !! أسع عاجباك بشتنت الحال دي ؟؟.. يا شيخ ماتحترم عامل السن!.. يعني لما سمراء قالت مليجي شين .. كانت مبلوعة شوية .. أصلو سنهم قريب من بعض!.. لاكين زي الشحرورة جانيت دي .. ما بتلدها في آخر بطانك يا أبو حميد.. أقترح نلم الموضوع .. وتعتذر ليها .. شخشيا.. ويا دار ما دخلك شر .. تهئ .. تهئ .. المرة دي تشششاااووو بمزاااج :D:D



ووووووووووووب علينا يا ابو اماني ده الكلام البيجيب لي البستفة

هسي الليلة اشوف لي زول اتدسى وراه

وبعدين ياخ انا واحمد ما فرقنا كتير ديل كلهم سبعتاشر سنة :p:p:p

حقو اقول ليه عمو احمد صح:o:o

المليجي
27-12-2010, 02:15 PM
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=317412#post317412)
المليجي وصل

بما انك في المائدة اها رايك شنو في المائدة

غايتو انا اكلت وقمت ما تحلفني عليك الله

طيب في اصناف كده عايزنك تشرح لينا عملها واصناف تورينا رايك فيها
يلا شد حيلك معانا
انتي خليتي فيها شدة حيل :D

اول صنف الكوماج في سودانيات :mad:
الكوماج في سودانيات (شيوعي متطرف بيـــ:mad:ــــن كوز مغلوب على امرو:D)
باقي الكلاشات كلها اختلاف في وجهات النظر والبغلب عليها ماعندهم موضوع
وانا لي يوم الليله دي ماحصل دخلت في بوست كواميج ولا من مريدينو goood

تاني صنف حياتك فيما لايقل عن خمسة سطور :p
عاديه جدا
بسيطه جدا
متفائل جدا انو بكرة حتروق وتحلو الحياة وانا راضي تماما انو حياتي الآن ماشه للافضل رغم اني خزلت نفسي في كذا موقف ممكن الاقي سبب لي كدا بس في الاخير خزلتها كان بالامكان يكون الافضل والحمد لله على كل حال.
تمو خمسة ولا لسا :D


تالت صنف الحالة النفسية المصاحبة لي وحدة البلد او انفصالو :(
حاله صعبه لا توصف :(ربنا يعدي الشهور الجايه دي على خير في الاخير بنتمنى الافضل للبلد وربنا مايجيب حروب وانقسامات

اما الاصناف الانت حتشرحها يهنا

اشد ما يجذبك لسودانيات ولييييييييييييييييييييييييييي
لانها سودانيات أسم على مسمى
وليه دي لانها عالم من التواصل والمحبه

تعامل سودانيات كاعضاء وتحولو من عالم اسفيري الى عالم واقعي goood
حقيقي دا اجمل مايكون
وانا واحد من الاعضاء الاتشرفو بصحبة بعض الاصدقاء في المنبر
ولاقيت منهم بعض الاعضاء الكانو في زيارة للمملكة والمقيمين فيها
امثال الاخ والحبيب الغائب بكيفوعبدالعزيز عبدالله
والاخت الفاضلة قوت القلوب وديل كانو جايين للحج
رغم انو اللحظات كانت قليله الى انها جميلة ومحفورة في الذاكرة
وبعد كدا اتشرفت بزيارة الاخ الكبير النور يوسف
وكان في رحلة عمل بين جدة والرياض
زيارة قصيرة عرفتا بيها معنى التواصل
والود البجمع ناس سودانيات كافه بالجد مافي اجمل من كدا
كلنا حريصين على التواصل الجميل دا
حاجيك بس مزااااااااااااااااااااااااااااااااااااااج
تاني كان جيتي بعضيك :D:D

المليجي
27-12-2010, 02:19 PM
اقتباس:
المشاركة الأصلية كتبت بواسطة أحمد محمد زين حسين http://sudanyat.org/vb/images/buttons/viewpost.gif (http://sudanyat.org/vb/showthread.php?p=317419#post317419)
مليجي
فاهم حاجة؟؟؟

انت لو قوقت جمبك قمرية بتفهم ؟؟؟
:D:D:D

أبو أماني
27-12-2010, 02:25 PM
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=317438#post317438)
اقتباس:
المشاركة الأصلية كتبت بواسطة جانيت http://sudanyat.org/vb/images/buttons/viewpost.gif (http://sudanyat.org/vb/showthread.php?p=317412#post317412)
المليجي وصل

بما انك في المائدة اها رايك شنو في المائدة

غايتو انا اكلت وقمت ما تحلفني عليك الله

طيب في اصناف كده عايزنك تشرح لينا عملها واصناف تورينا رايك فيها
يلا شد حيلك معانا
انتي خليتي فيها شدة حيل :D

اول صنف الكوماج في سودانيات :mad:
الكوماج في سودانيات (شيوعي متطرف بيـــ:mad:ــــن كوز مغلوب على امرو:D)
باقي الكلاشات كلها اختلاف في وجهات النظر والبغلب عليها ماعندهم موضوع
وانا لي يوم الليله دي ماحصل دخلت في بوست كواميج ولا من مريدينو goood

تاني صنف حياتك فيما لايقل عن خمسة سطور :p
عاديه جدا
بسيطه جدا
متفائل جدا انو بكرة حتروق وتحلو الحياة وانا راضي تماما انو حياتي الآن ماشه للافضل رغم اني خزلت نفسي في كذا موقف ممكن الاقي سبب لي كدا بس في الاخير خزلتها كان بالامكان يكون الافضل والحمد لله على كل حال.
تمو خمسة ولا لسا :D


تالت صنف الحالة النفسية المصاحبة لي وحدة البلد او انفصالو :(
حاله صعبه لا توصف :(ربنا يعدي الشهور الجايه دي على خير في الاخير بنتمنى الافضل للبلد وربنا مايجيب حروب وانقسامات

اما الاصناف الانت حتشرحها يهنا

اشد ما يجذبك لسودانيات ولييييييييييييييييييييييييييي
لانها سودانيات أسم على مسمى
وليه دي لانها عالم من التواصل والمحبه

تعامل سودانيات كاعضاء وتحولو من عالم اسفيري الى عالم واقعي
حقيقي دا اجمل مايكون
وانا واحد من الاعضاء الاتشرفو بصحبة بعض الاصدقاء في المنبر
ولاقيت منهم بعض الاعضاء الكانو في زيارة للمملكة والمقيمين فيها
امثال الاخ والحبيب الغائب بكيفوعبدالعزيز عبدالله
والاخت الفاضلة قوت القلوب وديل كانو جايين للحج
رغم انو اللحظات كانت قليله الى انها جميلة ومحفورة في الذاكرة
وبعد كدا اتشرفت بزيارة الاخ الكبير النور يوسف
وكان في رحلة عمل بين جدة والرياض
زيارة قصيرة عرفتا بيها معنى التواصل
والود البجمع ناس سودانيات كافه بالجد مافي اجمل من كدا
كلنا حريصين على التواصل الجميل دا
حاجيك بس مزااااااااااااااااااااااااااااااااااااااج
تاني كان جيتي بعضيك




الرسول عليك ما تعضيها يا .. إتا .. قالوا الحقن معدومة اليومين ديل ..!! :D :mad: ;)

المليجي
27-12-2010, 10:44 PM
الرسول عليك ما تعضيها يا .. إتا .. قالوا الحقن معدومة اليومين ديل ..!! :D :mad: ;)

ابو اماني
يا جميل
جانيت بتجي مطعمة مش دكتورة
:D:D

أبو أماني
28-12-2010, 12:43 PM
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=317590#post317590)
ابو اماني
يا جميل
جانيت بتجي مطعمة مش دكتورة
:D:D



دي فاتتني حقيقي!..إت ما شفت الطعامة الزائدة عندها البت دي التقول والدنها في مصنع سكر!! عضي يازول ويسلم سنك قصدي (طقمك)!.. لاكين ما قت لي .. دكتور أحمد زاغ وين بعد بستفوه ؟.. والله يا مليجي وماليك على حلفان .. أنا لو في محلو وبشتنت حالي بنية حليوونة زي دي .. صدقني من البيت ما بمرق تاني!.. يا ربي يكون سواها ؟.. أنا بديه 24 ساعة لو ماظهر بمشي ليو في محلو..يلا.. تششششاااااوووو بمزاااااج برضو .. أصلو عندي إتنين هو والليمبي بشمت فوقهم جد جد .. عقبالك يا الفي بالي !.. :D

المليجي
28-12-2010, 02:14 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=317881#post317881)
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=317590#post317590)
ابو اماني
يا جميل
جانيت بتجي مطعمة مش دكتورة
:D:D



دي فاتتني حقيقي!..إت ما شفت الطعامة الزائدة عندها البت دي التقول والدنها في مصنع سكر!! عضي يازول ويسلم سنك قصدي (طقمك)!.. انت يا ابو اماني عملتني دفعه ولا شنوو طقم شنو والله طبيعي ولسا شباب :D:D
لاكين ما قت لي .. دكتور أحمد زاغ وين بعد بستفوه ؟.. والله يا مليجي وماليك على حلفان .. أنا لو في محلو وبشتنت حالي بنية حليوونة زي دي .. صدقني من البيت ما بمرق تاني!.. يا ربي يكون سواها ؟.. أنا بديه 24 ساعة لو ماظهر بمشي ليو في محلو..يلا.. تششششاااااوووو بمزاااااج برضو .. أصلو عندي إتنين هو والليمبي بشمت فوقهم جد جد .. عقبالك يا الفي بالي !.. :D
دكتور احمد الزول الحاقد :D:D
خليهو يجي هنا عشان نديهو عضه

اليومين ديل فيني جحم عجيب
يا طارق اين الزند ؟؟؟؟؟؟؟
:D:D

أبو أماني
29-12-2010, 09:49 AM
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=317963#post317963)
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=317881#post317881)
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=317590#post317590)
ابو اماني
يا جميل
جانيت بتجي مطعمة مش دكتورة
:D:D



دي فاتتني حقيقي!..إت ما شفت الطعامة الزائدة عندها البت دي التقول والدنها في مصنع سكر!! عضي يازول ويسلم سنك قصدي (طقمك)!.. انت يا ابو اماني عملتني دفعه ولا شنوو طقم شنو والله طبيعي ولسا شباب :D:D
لاكين ما قت لي .. دكتور أحمد زاغ وين بعد بستفوه ؟.. والله يا مليجي وماليك على حلفان .. أنا لو في محلو وبشتنت حالي بنية حليوونة زي دي .. صدقني من البيت ما بمرق تاني!.. يا ربي يكون سواها ؟.. أنا بديه 24 ساعة لو ماظهر بمشي ليو في محلو..يلا.. تششششاااااوووو بمزاااااج برضو .. أصلو عندي إتنين هو والليمبي بشمت فوقهم جد جد .. عقبالك يا الفي بالي !.. :D
دكتور احمد الزول الحاقد :D:D
خليهو يجي هنا عشان نديهو عضه

اليومين ديل فيني جحم عجيب
يا طارق اين الزند ؟؟؟؟؟؟؟
:D:D




ها السعران ده ..!! إتا قائلها مائدة جد جد ولا شنو ..؟؟ بالله الجنا من ما جاء لحدي الآن لاهط ليو يجي خروفين طارق الحسن الحقني يا أخي صاحبك ده خرب لي بيتي عديل كدي .. فتحي عليك الله امشي الزريبة القرررريبة دي اعزل ليك منها دعول يكون (جضع)! وتعال خلي بابكر مخير يضبحو لينا .. بس عليك الله بطل حركاتك ديك! ما تجي تقول لي الأسعار والغلاء والخروف حصل 400 جنيه وتسربق ليك مية..هوي أعمل حسابك أنا ود (البهائم)..الحق الجنا ده كان لحق لماها ليكم في جانيت وأحمد زين ..والله منظمة الصحة العالمية ما بتحلكم .. والللللللللول...!!!:D

أبو أماني
30-12-2010, 10:12 AM
:confused: :cool: :confused:
سلام على الجدعان .. والجدعات ..
(بخلاف الدوبيت والمسادير)

جانيت
30-12-2010, 10:38 AM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=318882#post318882)
:confused: :cool: :confused:

سلام على الجدعان .. والجدعات ..
(بخلاف الدوبيت والمسادير)





ابو اماني اولا كل سنة وانت طيب

فطرت ول لسة

لو ما فطرت تعال معاي في الصينية دي قبل مليجي يجي يقوم بيها براه

http://www.sudanyat.org/upload/uploads/hmm.jpg

عشان تاني ما يزوغ من المائدة ويجاوب مغمض

أبو أماني
30-12-2010, 02:15 PM
اقتباس:
المشاركة الأصلية كتبت بواسطة جانيت http://www.sudanyat.org/vb/images/buttons/viewpost.gif (http://www.sudanyat.org/vb/showthread.php?p=318888#post318888)
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=318882#post318882)
:confused: :cool: :confused:

سلام على الجدعان .. والجدعات ..
(بخلاف الدوبيت والمسادير)





ابو اماني اولا كل سنة وانت طيب

فطرت ول لسة

لو ما فطرت تعال معاي في الصينية دي قبل مليجي يجي يقوم بيها براه

http://www.sudanyat.org/upload/uploads/hmm.jpg

عشان تاني ما يزوغ من المائدة ويجاوب مغمض



غايتو يا إتي .. حقيقي .. موبااااااالغة .. يا أخى تصوري ما فطرت ولما شفت الصينية مصاريني قايلنها جد جد !!.. على اللمين بقن يسون في الدنيا زايلة جنس كركبة! غايتو لو بقت جد جد المليجي حيطلع منها ملوص .. متل الهلال من الكئوس المحمولة جوا والله كان بقى اخوي ود أمي وأبوي.. صحن الشطة بالدكوة ما يشيل منو لقمة.. الرسول عليك يا إتي .. الصحن التحت صحن اللحمة المحمرة ده حق شنو ؟.. شايف حافة الصحن بي تحت .. ولا خليه لمن نكمل ديل .. أها قولي بسم الله ..مدي إيدك .. لا حول ولا قوة إلا بالله .. بالله المعبود بالحق .. مدت إيدينا للصينية الباب فتح وماشة علينا سمراء .. شافت الصينية من بعيد وجاءت جارية وصرخت سجمي بتأكلوا في شنو؟؟ الرسول عليكم إستنوني ..وهاك يا سفسفة..أنا وجانيت مارقين بلحمة واحدة لكل واحد تاني ما تنيناها!.. بالله المصيبة التقول (حصادة)! قلت ما شاء الله ما نسحرها جانيت قالت يا أخي أسحرها عليك الله إتي يا جانيت سمراء.. ساكنة المويلح ولا شنو؟ أريتني كان خليت حبيبي مليجي أكل معانا.. بحالتو دي أخير من الساحوتة دي على الأقل لقمتو يا جنو ما بتكون قدر لقمة سمراء .. بالله يا إتي اللقمة التقول هيلة شايقي بيبني ليو في حيطة جالوص؟ عيني بااااردة .. ما نسحرها! :D

ابراهيم عبدالعزيز
30-12-2010, 02:41 PM
http://www.sudanyat.org/upload/uploads/164193_142799075774696_100001338125901_219233_7705 064_n.jpg


الخال ابواماني ، العزيزالمليجي ، الغالية جانيت
كل عام وانتم بخير يعودعلينا وعليكم باليمن والبركات
السنة الجاية تامين ولامين وكل الاماني محققة .

ابراهيم عبدالعزيز
30-12-2010, 02:46 PM
المليجي جيتك تاني ;)
*احلام لم تحقق في 2010 وتامل تحقيقها في 2011 ؟
* انتا وحدوي ام ...... ؟
* اول شاكوووووووش ؟
مودتي بالاطنان ليك ياقلب:cool:

عمر صديق
04-01-2011, 09:55 PM
سلامات يا ابو امانى
هل تصدق انى بفتش على هذا البوست لى ربع ساعة ومشي لصفحة المنتدى السابعة
والله فعلا سير مبهرة ومشرقة
ويادوب انا فى الجزء الذى يخص فيصل سعد

المليجي
04-01-2011, 10:12 PM
الاخوة الاعزاء
ارجو انكم تعزروني للاطالة وعدم الرد
فجعت اليوم بخبر موت صديقة واخت غاليه جدا علي ربنا يرحما ويحسن اليها
دا غير اني مريض من الجمعة الفاتت ملازم الفراش جاني الخبر دا تم الناقصة
لي عودة معاكم

مودتي لكم

معتصم الطاهر
04-01-2011, 10:16 PM
سلام يا حبيب


ثلاتة سؤالين

1- كيف بتفكر تبنى بكرة؟

2- عمليا ماذا ستفعل ؟

معتصم الطاهر
04-01-2011, 10:17 PM
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=321452#post321452)
الاخوة الاعزاء
ارجو انكم تعزروني للاطالة وعدم الرد
فجعت اليوم بخبر موت صديقة واخت غاليه جدا علي ربنا يرحما ويحسن اليها
دا غير اني مريض من الجمعة الفاتت ملازم الفراش جاني الخبر دا تم الناقصة
لي عودة معاكم

مودتي لكم




البركة فيكم

و سلامتك

أبو أماني
07-02-2011, 02:20 PM
اقتباس:
المشاركة الأصلية كتبت بواسطة عمر صديق http://sudanyat.org/vb/images/buttons/viewpost.gif (http://sudanyat.org/vb/showthread.php?p=321443#post321443)
سلامات يا ابو امانى
هل تصدق انى بفتش على هذا البوست لى ربع ساعة ومشي لصفحة المنتدى السابعة
والله فعلا سير مبهرة ومشرقة
ويادوب انا فى الجزء الذى يخص فيصل سعد



مشكور على الكلم الطيب بحق البوست وصدقني مثل كلامك العثل ده هو ذادنا ودافع قوي للمواصلة لك خالص معزتي وأتمنى لك إقامة طيبة بين من أحبوك دون أن يروك أهم ما في المداخلات أن تحس بالقرب من الأشخاص الذين لم تراهم بعد وتتمنى اللقاء بهم لك صادق الحب

أبو أماني
07-02-2011, 02:58 PM
لا تحزن يا صديق فهذه سنة الحياة للفقيدة الرحمة ولك حسن الصبر والسلوان ..
ترحم عليها وأمسح دمعا ليس لك يدا ولا حق فيه .. وعد لنا باسما مرحا كما كنت وفينا العزاء

زول الله
07-02-2011, 03:11 PM
سبحان الذي نكت هذا البوست من سابع واطا

مليجي لقيتك قادل ساااي زول قادر يزرزرك كويس مافي
غايتو مبدئياً كدا ألف سلامة ليك وماتشوف شر
وأحسن الله عزاءك وعزاء أهل الفقيدة لها الرحمة والمغفرة

بجيك بي رواقة خليك قريب


ابواماني ليك وحشة والله










اقول قولي هذا واستغفر الله لي ولخالد الحاج ...............

أبو دعد
07-02-2011, 03:35 PM
كان حتما علينا ان نمر من هنا

أبو أماني
30-05-2011, 07:58 PM
توقف هذا البوستر ردحا من الزمن لعدة اسباب أهمها عزوفي الغير مبرر من المشاركة لماذا؟ لست أدري! .. اليوم دخلت المنتدى متصفحا كالعادة ولكن دون أن أدري وجدت نفسي منشرح البال والخاطر خاصة بعد أن لمست التطور الهائل الذي عم المنتدى ككل بصورة مذهلة بسم الله ما شاء الله .. وبلا شك أن الوافدين الجدد قد شكلوا رونقا باهيا وإضافة نحسد عليها مما أزال سحابة الصيف الغاتمة الجاثمة على راسي حتى قبيل وفاة الفقيد الغالي التي أدمت قلوبنا جميعا.. له الرحمة..

لله درّكم أشقاء الفقيد من رحم سودانيات .. وأعمام نجله جعفر وأخص مجلس إدارة المنتدى وطاقمه كاملا كما أخص بالشكر الثنائي الدؤوب الحبيب عكود وتوأمه النور يوسف ولهذا الآخير الشكر من بعد الله على كلماته الطيبة ومهاتفته التي أثلجت صدري وصوته كان يهدهد روحي ويحملني بجناح أغر .. حيث عدت عبره للوطن! الذي لم أبارحه قيد أنمله..تصووروا!!.

ختاما التحية للضيف الاخير على المائدة الضيف رقم 15 الأستاذ الرائع حد الدهشة المليجي أرجو ان يرشقنا بيراعه الرشيق في محاولة لوضع المسار لهذا البوست فقد توقف عند عتباته.. وإن ملّ صحبتنا فليحدد لنا الضيف الذي يليه .. ولكم حبي..تششاوو

بابكر مخير
31-05-2011, 12:07 AM
توقف هذا البوستر ردحا من الزمن لعدة اسباب أهمها عزوفي الغير مبرر من المشاركة لماذا؟ لست أدري! .. اليوم دخلت المنتدى متصفحا كالعادة ولكن دون أن أدري وجدت نفسي منشرح البال والخاطر خاصة بعد أن لمست التطور الهائل الذي عم المنتدى ككل بصورة مذهلة بسم الله ما شاء الله .. وبلا شك أن الوافدين الجدد قد شكلوا رونقا باهيا وإضافة نحسد عليها مما أزال سحابة الصيف الغاتمة الجاثمة على راسي حتى قبيل وفاة الفقيد الغالي التي أدمت قلوبنا جميعا.. له الرحمة..

لله درّكم أشقاء الفقيد من رحم سودانيات .. وأعمام نجله جعفر وأخص مجلس إدارة المنتدى وطاقمه كاملا كما أخص بالشكر الثنائي الدؤوب الحبيب عكود وتوأمه النور يوسف ولهذا الآخير الشكر من بعد الله على كلماته الطيبة ومهاتفته التي أثلجت صدري وصوته كان يهدهد روحي ويحملني بجناح أغر .. حيث عدت عبره للوطن! الذي لم أبارحه قيد أنمله..تصووروا!!.

ختاما التحية للضيف الاخير على المائدة الضيف رقم 15 الأستاذ الرائع حد الدهشة المليجي أرجو ان يرشقنا بيراعه الرشيق في محاولة لوضع المسار لهذا البوست فقد توقف عند عتباته.. وإن ملّ صحبتنا فليحدد لنا الضيف الذي يليه .. ولكم حبي..تششاوو

في مناسبة؟؟
ولا عدم المناسبة!
ولا هو بيتناسب..
الواحد يشتاق ليك:eek:
ودا هو ظااااااااتهو الما مناسب:o
جيتن جيت يا ملاك;)
باااااهي في شكل إنسان...


دي عدت، بث!!
أوعك تكررها لأنهو بعد دآ لا مجلس أمن ولا محكمة جنائية..
في ميدان تحرير ساااااااكت بنجضمك..
هو في كضوم:rolleyes::rolleyes:

وأعمام نجله جعفر
دي وخليك سااهي من عماتهو وخالتهو وإخياتهو..
إخيات وبنيات ربنا يغتيهن

أبو أماني
31-05-2011, 01:11 PM
اقتباس:
المشاركة الأصلية كتبت بواسطة بابكر مخير http://sudanyat.org/vb/images/buttons/viewpost.gif (http://sudanyat.org/vb/showthread.php?p=377647#post377647)
في مناسبة؟؟
ولا عدم المناسبة!
ولا هو بيتناسب..
الواحد يشتاق ليك:eek:
ودا هو ظااااااااتهو الما مناسب:o
جيتن جيت يا ملاك;)
باااااهي في شكل إنسان...


دي عدت، بث!!
أوعك تكررها لأنهو بعد دآ لا مجلس أمن ولا محكمة جنائية..
في ميدان تحرير ساااااااكت بنجضمك..
هو في كضوم:rolleyes::rolleyes:


دي وخليك سااهي من عماتهو وخالتهو وإخياتهو..
إخيات وبنيات ربنا يغتيهن



بابكر والله لو يوم القيامة ما دخلت الجنة معانا يكون السبب إنك أجرمت في حقي..! ما تقول لي ليه؟ لانك عارف أنا بحبك قدر شنو بخلقتك دي وبرغم كده إتطنقعت على وفتحت لي فتحا مبينا.. يا أخي والله حرام عليك.. بث.. طلتك الظريفة دي بردت بطني شوية .. ما تنكطع عليك الله وكمان شوف لينا معاك الشغل اللسمو المليجي ده أديو نغزة شوفو مالو مشخت لينا ؟؟ البوست إتركن ركنة أخونا أحمد بتاع (هرمنا)!

المليجي
31-05-2011, 05:25 PM
ابوامــاني
الباش معتصم
زول الله
ابو دعد
عمو مخير
وكل الاحباب في سودانيات
مشتاقين بالحيل اهو رجعنا ليكم
يا زول الله ماتفنجط ساي كان عندك شيتن قولو (براحه على اخوك مابالحيل ) :D

المليجي
31-05-2011, 05:43 PM
اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif (http://sudanyat.org/vb/showthread.php?p=321453#post321453)
سلام يا حبيب


ثلاتة سؤالين

1- كيف بتفكر تبنى بكرة؟

2- عمليا ماذا ستفعل ؟



ازيك يا باش
سوعالينك ديل اخير منهم معلقة اسئلة:D
اضمن لي اعيش لي بكرة وانا اقول ليك حفكر كيف :confused:
عمليا
انا من الناس ببني بخطط طويلة الامد
لانو بهمني في الاخير اصل للغاية البرجوها
بكل ثبات عشان ما اخت نفسي بين خيارات ماعامل حسابا
وطالما اني بستفيد من عثراتي وبسجل المسارات الغلط
اكيد بسهل اني الاقي طريق قصير للنجاح
والتوفيق بيد الله
واملي في الله كبير
احقق البحلم بيهو لي باكر
يا باش ماتنقطع وماتعصر ولدك شديد :D
مودتي لك

أبو أماني
01-06-2011, 10:41 AM
والله جنس غايتو..!! لاكين جد ما أقنعتني .. وين المليجي الديناميكي بتاع زمان .. ولا .. هرمت ؟؟؟ عموما برضو العشم قائم .. يلا.. تشششاااووو:D!

المليجي
03-06-2011, 05:44 PM
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=378202#post378202)
والله جنس غايتو..!! لاكين جد ما أقنعتني .. وين المليجي الديناميكي بتاع زمان .. ولا .. هرمت ؟؟؟ عموما برضو العشم قائم .. يلا.. تشششاااووو:D!


ابو اماني
بشكر كرم ضيافتك وثقتك فيني وفتحك لنافذة جميلة بنطل بيها عبرك لكل احبابنا في سودانيات وانا لو سمحت لي عايز اقدم ضيف جدير بالمائدة الجميلة دي وشايف انو حيكون اكثر من رآئع لانو زول جميل (جنابو الطيب) الراجل الكلس
وليك مني اجمل المنى
مودتي لكم جميعا

أبو أماني
04-06-2011, 04:34 PM
اقتباس:
المشاركة الأصلية كتبت بواسطة المليجي http://sudanyat.org/vb/images/buttons/viewpost.gif (http://sudanyat.org/vb/showthread.php?p=379110#post379110)
اقتباس:
المشاركة الأصلية كتبت بواسطة أبو أماني http://sudanyat.org/vb/images/buttons/viewpost.gif (http://sudanyat.org/vb/showthread.php?p=378202#post378202)
والله جنس غايتو..!! لاكين جد ما أقنعتني .. وين المليجي الديناميكي بتاع زمان .. ولا .. هرمت ؟؟؟ عموما برضو العشم قائم .. يلا.. تشششاااووو:D!


ابو اماني
بشكر كرم ضيافتك وثقتك فيني وفتحك لنافذة جميلة بنطل بيها عبرك لكل احبابنا في سودانيات وانا لو سمحت لي عايز اقدم ضيف جدير بالمائدة الجميلة دي وشايف انو حيكون اكثر من رآئع لانو زول جميل (جنابو الطيب) الراجل الكلس
وليك مني اجمل المنى
مودتي لكم جميعا



الحبيب المليجي .. والله شرفتني جد .. وشكرن على الطلة البهية ولو أنك لم تترك البخل الأدبي .. وما جبت لينا من بيت الكلاوي بس حقيقي في اللاخر جبت منه لأنو إختيارك طلع ..
(قنبلة) .. وكان خير خلف لخير سلف.. لك مودتي .. وأنا أدرك جيدا حجم مشغولياتك الماخداك مننا ..

السعادة تغمرني وأنا أنفذ طلبات الحبيب المليجي وزخم كبير من الزملاء على رأسهم الحبيب للقلب النور وتوأمه عكود .. وأقدم ليكم ضيف هذه المرة .. جوهرة منتدانا التي غابت عنه سنينا والشخص الرقم ..
:cool: العزيز .. الطيب البشير .. :cool:
أو كما يحلو (لمناكفيه) جنابو .. فعليكم به ..