المساعد الشخصي الرقمي

مشاهدة النسخة كاملة : ضيف على مائدة سودانيات ...! - 18 - أمين محمد سليمان


أبو أماني
27-07-2009, 06:38 PM
gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني
20-04-2013, 10:36 PM
الأخ العزيز : البروف / أمين محمد سليمان


يشرفني بل يسعد الجميع لو تكرمت بقبول ضيافتي لك على مائدة سودانيات العامرة بخيراتكم جميعا وهي دعوة في الخاطر وقد دعمها الرشيد بذوقه الرفيع ورشحكم لنا فهل من مجيب يا بروف علما بأن للرشيد باقي حديث لبابكر عباس نتوقع دخولك عقبه مباشرة ونكون أسعد ناس في هذا البلد المغلوب على أمره ..حبذا لو كانت البداية بسيرة ذاتية مسهبة نعرف من خلالها ماهية من يشرفنا التعرف إليه وإكتساب صداقته ومودته .. وننتظر على لهيب من جمر ... لكم الحب الصادق .. تشششاااووو إلى حين ..:cool:

الميراث

أمين محمد سليمان
21-04-2013, 04:49 AM
الأخ العزيز : البروف / أمين محمد سليمان


يشرفني بل يسعد الجميع لو تكرمت بقبول ضيافتي لك على مائدة سودانيات العامرة بخيراتكم جميعا وهي دعوة في الخاطر وقد دعمها الرشيد بذوقه الرفيع ورشحكم لنا فهل من مجيب يا بروف علما بأن للرشيد باقي حديث لبابكر عباس نتوقع دخولك عقبه مباشرة ونكون أسعد ناس في هذا البلد المغلوب على أمره ..حبذا لو كانت البداية بسيرة ذاتية مسهبة نعرف من خلالها ماهية من يشرفنا التعرف إليه وإكتساب صداقته ومودته .. وننتظر على لهيب من جمر ... لكم الحب الصادق .. تشششاااووو إلى حين ..:cool:

الميراث يا أبا أماني ياخي ... أنا لاقيكم وين ؟!! :cool:
المشكلة انو معجبني كتار و ما بدوني فرقة :eek: لكن أعدك بالحضور متى ما طلبتم و بالاجابة علي كل الأسئلة !!
و إن شاء الله اجيك بالسيرة الذاتية براوقة .

أمين محمد سليمان
21-04-2013, 04:56 AM
شكراً أبو أماني، وشكراً للمتداخلين كلهم، وإيماناً مني بأنو المساحة مفروض تتمدّ لناس نحن ما عارفين عنهم حاجة سوي أسمائهم وأماكن إقامتهم، برشح ليك واحد منهم، وإن شاء الله يوافق، رئيس حزب كثيفي الشَّعر البروف أمين محمد سليمان. في حال إتعلّل ليك بظروف واهية، طوّالي شوف الشاعرة تماضر التي لا تكتب إلا ما تحس به (كيتاً في البروف).


تحياتي يا زول تما .... ضر بتاعة قلبك ؟!!
و لعلمك الزولة دي لا شاعرة لا بتحس ذاتو !! :(
عموما نحن جاهزين جاهزين لحماية الدين ... جيبو اسئلتكم و تعالو !!
بكة و الجيلي يمتنعون بالله !! :rolleyes:

أمين محمد سليمان
23-04-2013, 09:26 PM
التحايا يالرشيد,
الحب فى زمن الكوليرا, أكبر دمشقة قصصية قام بيها ماركيز, قريتا ذى تلاتة مرات, وحلفت بدين أمها ماتقع لى.. العمل كلو عبارة عن عدة روايات, واجتهاد ماركيز فى انو يضمنها فى عمل واحد, اخلت كتير بالفكرة بتاعت السرد والتماسك.. الرواية بالنسبة لى عبارة عن متاهة لم يستطع ماركيز نفسه الامساك بها بشكل جيد..رواية متعرجة.. الابداع الفنى لماركيز يتمركز فى مقدرته على صياغة ريفليكشن للكونى الخاص, أو مايسمى بالقص الذاتى, حين حاول ادخاله فى رواية, اصبح مجمل المشهد مركب من مشاهد منفصلة يصعب استطعامها فى قالب موح..
ذات الشئ ورد فى أهمال أحلام مستغانمى, وبالذات فى (ذاكرة الجسد), لم أهضم هذا العمل برغم طربى للغة والتصاوير, فى مناقشة بالامس مع اسامة معاوية, وجدت عنده ذات الراى (أو قريبآ منه), فالهم كان مصبوب على اللغة لا على السرد,
وماركيز اهتم بزحمة المشاهد فى (الحب فى زمن الكوليرا) حتى انه قام بالغاء الدهشة بصراره:D على تركيب الوقائع..
يبقى أجمل ماكتب ماركيز عندى (عشت لأروى) وكذلك أفضل ماكتبه ادوارد سعيد (خارج المكان)
فلقد كتب كلاهما بتجرد نادر عن الذات والله يا الجيلي سغيل سغالة !!
ياخي الملعب جاهز عشان انداح تجي تعملها لي ماركيز و كوليرا و حنك مستنيرين !!
و إنت ذاتك يا رشيد اتخارج لينا بالله ...و زي ما قال المثل (لو دامت لغيرك لما آلت إليك ) !!
حقو الواحد يحرد !! :D

أبو أماني
24-04-2013, 07:25 PM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=532800#post532800)
والله يا الجيلي سغيل سغالة !!
ياخي الملعب جاهز عشان انداح تجي تعملها لي ماركيز و كوليرا و حنك مستنيرين !!
و إنت ذاتك يا رشيد اتخارج لينا بالله ...و زي ما قال المثل (لو دامت لغيرك لما آلت إليك ) !!
حقو الواحد يحرد !! :D


إسمع يا قدع إنتا .. هوا إنتا فاكر خروج الحمام زي دخوله؟؟ آل أحرد أل .. يلا بطل لكعاعة .. والحقنا بالسيرة الذاتية .. سيرة ذاتية مذدوجة يا بتاع الجنسيتين! السودانية أولا والإمريكية ثانيا .. وإلا .. والله العظيم إعمل فيك اللي عملو جدي .. رحمه الله في حبوبتي .. رحمها كمان .. عمل إيه؟؟ طب ها أوريك .. هاك الحرد ده ننتظر يا أونطجي..:D

أبوبكر عباس
24-04-2013, 08:03 PM
سلام يا بروف أمين نوتات،
الرشيد سألتو سؤال ساهل وببخرتو وجيت راجع سألتو عن كاتبو المفضل بالمنتدى وكنت متخيلو بدون تفكير يقول: بكّة ثم بكّة، لكن لف ودور، معليش غلطان أنا.
سؤال من وحي تفجيرات بوسطن الأخيرة:
بصفتك مهاجر مسلم، ألا ترى معي أن إختلاف ثقافة المسلم مع الثقافة الأمريكية وصل مرحلة اللا عودة وأنكم كجيل مٌهاجر مسلم تشكلون قنابل موقوتة يجب على المجتمع الأمريكي التحوط منها؟

طبعا ممكن تجاوب على السؤال دا، بعد توري المعجبات والمعجبين السيرة الذاتية وحبك لبت الجيران وتخميس أول سجارة جنب الترعة و.....

أبو أماني
24-04-2013, 08:19 PM
اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif (http://sudanyat.org/vb/showthread.php?p=532962#post532962)
سلام يا بروف أمين نوتات،
الرشيد سألتو سؤال ساهل وببخرتو وجيت راجع سألتو عن كاتبو المفضل بالمنتدى وكنت متخيلو بدون تفكير يقول: بكّة ثم بكّة، لكن لف ودور، معليش غلطان أنا.
سؤال من وحي تفجيرات بوسطن الأخيرة:
بصفتك مهاجر مسلم، ألا ترى معي أن إختلاف ثقافة المسلم مع الثقافة الأمريكية وصل مرحلة اللا عودة وأنكم كجيل مٌهاجر مسلم تشكلون قنابل موقوتة يجب على المجتمع الأمريكي التحوط منها؟

طبعا ممكن تجاوب على السؤال دا، بعد توري المعجبات والمعجبين السيرة الذاتية وحبك لبت الجيران وتخميس أول سجارة جنب الترعة و.....

أيواااااا أيا دا الكلام البيكيف!!.. بالله يا بابكر يا أخوي ما أوصيك على البروف (النيغر) ده بالله جضموا لي كيويس وجيب لي آخرو ولو إنه حويط أنا عارفه .. تب ما تقيف وبالحتة الفيها الحديدة كمان عليك الله!.. تسلم ..:cool: هو لاكين وينو هو؟؟ أوعى يكون حرد جد جد ...:D

أمين محمد سليمان
25-04-2013, 04:55 AM
و عليكم السلام يا بكة طبعا ممكن تجاوب على السؤال دا، بعد توري المعجبات والمعجبين السيرة الذاتية وحبك لبت الجيران وتخميس أول سجارة جنب الترعة و..... قلت لي الترعة ؟!!
ياخي ليست كل ما يلمع الجزيرة !! :cool:
أقول ليك من ابوروف و بيتنا فاتح علي البحر تقول لي الترعة ؟!!
بالجد ... حقو الزول يحرد !! :D
---------------
أيواااااا أيا دا الكلام البيكيف!!.. بالله يا بابكر يا أخوي ما أوصيك على البروف (النيغر) ده بالله جضموا لي كيويس وجيب لي آخرو ولو إنه حويط أنا عارفه .. تب ما تقيف وبالحتة الفيها الحديدة كمان عليك الله!.. تسلم ..:هو لاكين وينو هو؟؟ أوعى يكون حرد جد جد ..
يا أبا أماني ياخي،
مبلول بالجد والله اليومين ديل ... اديك سيرة ذاتية سريعة :
أصلا من قرية صغيرة في الشمالية اسمها تولا المحس ، هاجر جدي صغيرا إلي امدرمان.
أشرقت الأرض بنور ربها بمقدمي الميمون في مستشفى امدرمان في 29/3/1967
ساكن أبوروف مما اتولدت لحدي ما مرقت من السودان الشقيق.
أبوروف الابتدائية
الأهلية المتوسطة امدرمان
الأهلية العليا امدرمان
جامعة الخرطوم، كلية الاقتصاد
في منتصف التزعينات طلعت من السودان فإزدانت بي الولايات المتحدة الامريكية، رجعت السودان و عملت به لمدة سنة من أغسطس 2006 لحدي أغسطس 2007 .
عندي تلاتة بنات و ولد :
لينا 13 سنة
ريم 12 سنة
يسر 8 سنين
أحمد 4 سنين
أقمت و عملت في : مينيسوتا، إلينوي، كانسس و الان في تكساس.
جازفت الدكتوراة ببوست في س. أونلاين و البروفسيرشيب جازفوهو لي الأخوان بهناك.
باكر إن شاء الله أجي برواقة أجاوب على بكة و سؤالو الوهمي بتاع المهاجرين المسلمين .

سارة
25-04-2013, 04:24 PM
والله كونك طلعت اصغر منى دى مزعلانى زعلة لامن عيونى طششوا
لكن ما علينا اهو طلعت من اب روف محل الناس السمحين:cool:

من علاليل اب روف للمزالق:p:D

أمين محمد سليمان
25-04-2013, 06:18 PM
والله كونك طلعت اصغر منى دى مزعلانى زعلة لامن عيونى طششوا
لكن ما علينا اهو طلعت من اب روف محل الناس السمحين:cool:

من علاليل اب روف للمزالق:p:D الحاجة سارة الضارة ... انتي كان أكبر مني العايشه ليها شنو ؟!! :p
بالجد حننتيني !! :o

طارق صديق كانديك
26-04-2013, 05:06 PM
جازفت الدكتوراة ببوست في س. أونلاين و البروفسيرشيب جازفوهو لي الأخوان بهناك.
باكر إن شاء الله أجي برواقة أجاوب على بكة و سؤالو الوهمي بتاع المهاجرين المسلمين .

والله يابروف لو جازفتا لأخوك معاك (د.) طايرة تكون ماقصرت معاهو، مغرود فيها غرد كبير خلاس:D

وبالمرة جازف لينا يوم بكرة الأبا يجي دهlooool

عادل عسوم
26-04-2013, 05:16 PM
أصلا من قرية صغيرة في الشمالية اسمها تولا المحس
الحاجة سارة الضارة ... انتي كان أكبر مني العايشه ليها شنو ؟!! :p
بالجد حننتيني !! :o
بالجد بريد أهلي المحس جدا (برغم اني شايقي وحبوبتي جعلية) :D
فقد عشت ردحا من طفولتي في جزيرة صاي (موركة) عندما كان الوالد مساعد طبي هناك...
الحاجة المهمة الداير أقولا قبل أجيب (سؤالاتي) الآتي:
أنا أكبر منك يابروف بي 7سنة...
فبالله تاني لازم تضع اعتبار للسن وكدا
:D
سأعود ياعزيزي باذن الله

تماضر حمزة
26-04-2013, 06:04 PM
يارشيدو ياخ قريت كلامك دموعي جرن:o
ويجي أمين يقول مابحس؟ ياخ أنا الاحساس ذااااتو وحاة الله بس انت ماعارف ساي:D


كدي النفتش ليك سؤال حنين زيي ونجي يا أمين..

فيصل سعد
26-04-2013, 07:15 PM
كدي النفتش ليك سؤال حنين
زيي ونجي يا أمين..

انت يا ملكة الاحساس و اميرة المنتدى المتوجة بدل ما تضيعي زمن في تفتيش سؤال حنين !! باقي لي احسن تكتبي ليو و فيو قصيدة باذخة و جهبوزة تصلحي بيها نفسياته و كدا :D:D

سؤالنا لصديقنا البروف امين عن الفكرة الجمهورية
و بايجاز ما لها و ما عليها سياسيا و دينيا و ثقافيا و اجتماعيا ؟؟

و لكم وافر التحايا ..

النور يوسف محمد
26-04-2013, 07:46 PM
بسم الله الرحمن الرحيم

الحبيب ،،
التحايا والود كله ،،

تعجبنى ردودك ،
بخلاف ظرافتها أحس أنها تشع ذكاءً ،
وأنك من أنصار شعرة معاوية ،
وثمة تشابه فى الأسلوب بينك وبين أمال الشيخ ،،

الحوار عندك ،
هل هو محاصرة الطرف الآخر أم فتح نوافذ فى مفاهيمه ؟؟
وأيها أفضل
أن تقنع محاورك بخطأ ما يعتقده ؟ أم بصواب ما تراه أنت ؟؟


وللحديث بقية ، تحياتى ،،

أمين محمد سليمان
26-04-2013, 09:26 PM
سلام يا بروف أمين نوتات،
بصفتك مهاجر مسلم، ألا ترى معي أن إختلاف ثقافة المسلم مع الثقافة الأمريكية وصل مرحلة اللا عودة وأنكم كجيل مٌهاجر مسلم تشكلون قنابل موقوتة يجب على المجتمع الأمريكي التحوط منها؟
المشكلة يا بكة ما إختلاف ثقافة المسلم مع الثقافة الأمريكية، الثقافة الأمريكية بتسحمل أي شئ، الناس دي عندها religious tolerance عجيب جدا، كان عبدت حجر، زول - و هنا أنا بتكلم عن المواطن الأمريكي العادي - عندو معاك مشكلة مافي.
المشكلة الخلقوها ناس بن لادن و شباب الشيشان و من سار على دربهم إنو خلت مافي ثقة في المسلمين ( طبعا ده كلام عام ) و صورتنا في عيون المواطن الأمريكي اننا قنابل موقوتة كما تفضلت، لكن لا أظن إنو المسألة وصلت مرحلة اللاعودة، و في تجربة - و إن كانت شوية مختلفة - لمن الأمريكان علفو هيروشيما بالنووي في الحرب العالمية التانية، لسنين طويلة الأمريكان كان بنظرو للامريكان من أصول يابانية بعين الشك و الريب لحدي ما القصة كلها بقت تاريخ !!

أمين محمد سليمان
26-04-2013, 09:32 PM
طارق يا حبيبنا الأساسي
والله يابروف لو جازفتا لأخوك معاك (د.) طايرة تكون ماقصرت معاهو، مغرود فيها غرد كبير خلاس:D

وبالمرة جازف لينا يوم بكرة الأبا يجي دهlooool ياخي المسألة كلها بوست لا أكتر لا أقل .
لو خجلان تفتحو براك، بفتحو ليك أنا و ليك علي تاني الما بقول ليك دكتور طارق نبلو ليك حتى يستغيث !!
أقول ليك كلام، أنا بنعم عليك باللقب و بفتح ليك البوست براي . :D

أمين محمد سليمان
26-04-2013, 09:37 PM
عسو يا حبيبنا
الحاجة المهمة الداير أقولا قبل أجيب (سؤالاتي) الآتي:
أنا أكبر منك يابروف بي 7سنة...
فبالله تاني لازم تضع اعتبار للسن وكدا
:D
سأعود ياعزيزي باذن الله 7 سنين ؟!!
يا زول عمرا مديدا، لكن خليك عارف انك شغال في الزمن الضايع !! :cool:
في إنتظار أسئلتك، و سألتك بالله ما تجيني مستصحب و لا محتقب، أخوك براهو مبلول !! :p

أمين محمد سليمان
26-04-2013, 09:40 PM
يارشيدو ياخ قريت كلامك دموعي جرن:o
ويجي أمين يقول مابحس؟ ياخ أنا الاحساس ذااااتو وحاة الله بس انت ماعارف ساي:D
الكلام ده تقوليه لناس ما عندها حدايد !! :rolleyes:
أحاسيسك دي كانت وين لمن بحنس فيك بالشهور تكتبي فيني قصيدة ؟!!

أمين محمد سليمان
26-04-2013, 09:53 PM
انت يا ملكة الاحساس و اميرة المنتدى المتوجة بدل ما تضيعي زمن في تفتيش سؤال حنين !! باقي لي احسن تكتبي ليو و فيو قصيدة باذخة و جهبوزة تصلحي بيها نفسياته و كدا :D:D
:L:L:L:L:L:L:L:L:L
غايتو يا أبو الفاء، مافي زول فاهمني في المنتدى ده غيرك !!! :D:D

سؤالنا لصديقنا البروف امين عن الفكرة الجمهورية
و بايجاز ما لها و ما عليها سياسيا و دينيا و ثقافيا و اجتماعيا ؟؟
السؤال ده إجابتو دايره ليها صفحات و صفحات، لكن باختصار أشد من شديد : في رأيي الشخصي إنو الفكرة الجمهورية فيها مجهود فكري كبير جدا و حلول نظريه آنية لبعض من الاشكالات الفقهية، مشكلتها الاساسية - فيما أرى - و يا لها من مشكلة : انها ما عندها أصل في الدين الاسلامي !!
لا الجمهورون لا غيرهم يقدرو يجيبو دليل علي إنو الرسول صلى الله عليه و سلم قال أو أشار أو نبه لرسالة تانية في الاسلام .
الجمهوريين كلهم - باستثناء قلة تحسب على أصابع اليد أو اليدين - تلاميذ الاستاذ و مفتونين بيهو في عضمو و بفتكروه مرسل من الله و معصوم زيو و زي الأنبياء !!

أمين محمد سليمان
26-04-2013, 10:10 PM
النور الباذخ ... سلام يا رجل و ليك وحشة ياخي بسم الله الرحمن الرحيم

الحبيب ،،
التحايا والود كله ،،

تعجبنى ردودك ،
بخلاف ظرافتها أحس أنها تشع ذكاءً ،
وأنك من أنصار شعرة معاوية ،
وثمة تشابه فى الأسلوب بينك وبين أمال الشيخ ،،

الحوار عندك ،
هل هو محاصرة الطرف الآخر أم فتح نوافذ فى مفاهيمه ؟؟
وأيها أفضل
أن تقنع محاورك بخطأ ما يعتقده ؟ أم بصواب ما تراه أنت ؟؟


وللحديث بقية ، تحياتى ،، أول شئ كتر خيرك على طيب كلامك في حقي.
أنا فعلا من أنصار شعرة معاوية، المشكلة يا النور إنو نحن السودانين ديل نتفنا شعرات معاوية لمن بقى صلعة زيي واحد !! :D
ما بنقدر نختلف في رأي بدون ما الخلاف يبقى شخصي، و الكلام ده علي كل المستويات، فرادى و جماعات إلا من رحم ربي.
بالنسبة للحوار، طبعا الصاح إنو الزول يحاول يفتح نوافذ فى مفاهيم المحاور عشان يقدر يشوف بيها شوفك باعتبار إنو كل زول فينا تبنى رايو لانو في فهمو إنو صحيح. لكن لانو نحن بنشخصن الحوار، الخلاف ببقى شخصي و بالتالي بنحاول محاصرة الطرف الآخر بعد ما نشيطنو و نعمل ليه قرون و نقنع رقبتنا - و نحاول نقنع الناس التانية ذاتها - إنو محاورنا ده (أوسخ جمهور :D ) على قول المصريين . بعداك المسألة ما بتبقى إقناع و صحة و خطأ مواقف و أفكار، القصة بتبقى بل :( و ده واحد من الأسباب المخليانا في قائمة الدول الما شاده حيلها !!!

أمين محمد سليمان
26-04-2013, 10:11 PM
يا أبو أماني ياخي ... الاسئلة دي لو واصلت صعبة كده أنا ح أحرد !!! :rolleyes:

أبوبكر عباس
27-04-2013, 03:42 AM
سؤال ساهل وحنين وأخير:
هل عملت حاجات في الدنيا دي، ذات أثر معنوي واضح ممكن تجعل الحياة فيها أفضل؟ بمعنى آخر، وجودك في الدنيا دي، أضاف ليها تحسينات ولّ انت مجرد مستهلك عادي، تعلم وتزوج ويربي في أولادو ويساعد أهله؟
مرة قريت لي كلام لمحسن خالد، قال فيما معناهو: حكاية انو لازم يضيف شئ للدنيا دي، مأرِقاهو أرق شديد، وما داير رسالتو في الدنيا دي، تقيف على أنو يترس بطنو ويمشي يترس المُستراحات! هل تصدق انو أنا كلما أترس المُستراح، بضحك علي روحي وبسب لمحسن!

أبو أماني
29-04-2013, 04:36 PM
اقتباس:
المشاركة الأصلية كتبت بواسطة أمين محمد سليمان http://sudanyat.org/vb/images/buttons/viewpost.gif (http://sudanyat.org/vb/showthread.php?p=533352#post533352)
يا أبو أماني ياخي ... الاسئلة دي لو واصلت صعبة كده أنا ح أحرد !!! :rolleyes:
:L
إتا آآآآجنا .. ما ك نصيح .. تحرد بي وين ؟؟ شابكني بل .. بل .. أها هاك البل ده! نحن ما صدقنا ضيفنا بروف .. ليو قرون .. وكمان صاحب جنسيتين وحامل ثقافتين .. يعني الضيف الجاي بعدك .. عييييييك باقي السنة ده كان كفانا نكون ما قصرنا معاك .. شوف إتا برااااك.. أوباما!.. شوف برااااك .. الناس دي متكالبة عليك كيفن ؟ إتا قائل روحك هيين ولا مكطوع ليييين يا يابا ؟؟؟ واصل وآآآدي إنبطاحة في ظلك الوريف وعليك الرسول ما تبخل علينا بالمتعة والدهشة والإنبهار يلا .. تشششاااوووو

أبو أماني
29-04-2013, 04:48 PM
اقتباس:
المشاركة الأصلية كتبت بواسطة تماضر حمزة http://sudanyat.org/vb/images/buttons/viewpost.gif (http://sudanyat.org/vb/showthread.php?p=533273#post533273)
يارشيدو ياخ قريت كلامك دموعي جرن:o
ويجي أمين يقول مابحس؟ ياخ أنا الاحساس ذااااتو وحاة الله بس انت ماعارف ساي:D


كدي النفتش ليك سؤال حنين زيي ونجي يا أمين..

والله يا ستي تماضر البروفات كلهم بعيد عنك قع يجلطوا مرات مرات .. معقول قال عليك ما بتحسى ؟.. يا أخي هو ما عارف إنك الإحساس يمشي على قدمين؟؟ ولا ما عارف إنك مما تحسى من النوم الصباح .. الإحساس ما قاعد يفارقك لحزة .. عموما براهو جابو لي رقبتو .. سوري قصدي عنقرتو .. وخسمتك بشفيع الأولين والآخرين تديو لي سوعالات تخليو يدور يقول الجيلي .. يقول الرشيد .. يجي ينادي سارة ينادي النور يوسف .. لكي صادق الأماني وأصدق التحايا .. ورد الله غربتكم .. والبلد ترجع بلد زي زمااااان .... يلا .. تشششاااووو :cool:

أمين محمد سليمان
30-04-2013, 05:21 PM
بكة ياخي ... ضرب آخر الليل ده إن شاء الله يضوي ليك :cool: أو كما قال شيخنا مرتضى المقبول !!سؤال ساهل وحنين وأخير:
هل عملت حاجات في الدنيا دي، ذات أثر معنوي واضح ممكن تجعل الحياة فيها أفضل؟ بمعنى آخر، وجودك في الدنيا دي، أضاف ليها تحسينات ولّ انت مجرد مستهلك عادي، تعلم وتزوج ويربي في أولادو ويساعد أهله؟
مرة قريت لي كلام لمحسن خالد، قال فيما معناهو: حكاية انو لازم يضيف شئ للدنيا دي، مأرِقاهو أرق شديد، وما داير رسالتو في الدنيا دي، تقيف على أنو يترس بطنو ويمشي يترس المُستراحات! هل تصدق انو أنا كلما أترس المُستراح، بضحك علي روحي وبسب لمحسن! تعرف يا بكة أنا زول average في أي شئ، اصلو ما كان عندي حاجة كنت مبدع فيها أو above average، كنت شاطر في المدرسة و بلعب تنس طاولة كويس و خطي جميل في الكتابة ( دي ذاتها كانو بقولو لي فيها كل خطاط جهول !! :( ) غير كده يخربني على قول حبوبتي الله يرحمها، الباقي كلو عادي !!
اها لمن تكون بمقدرات عادية زيي كده، ببقى ما عندك سكة غير ما تكون (مجرد مستهلك عادي) و دي ذاتها حسنة كبيرة كونك تكون عارف قدر نفسك و قاعد في علبك !!
زول زي محسن لازم المسألة دي تأرقو لانو الله اداهو القدرة على تغيير حياة الناس للافضل، لكن بالنسبة لي و بامكانياتي اللى أنا عارفها أحسن من أي زول دي، كتر خيري كان ربيت عيالي كويس عسي أن يجعل الله منهم من يجعل حياة الناس أفضل .

رأفت ميلاد
30-04-2013, 06:08 PM
المشكلة يا بكة ما إختلاف ثقافة المسلم مع الثقافة الأمريكية، الثقافة الأمريكية بتسحمل أي شئ، الناس دي عندها religious tolerance عجيب جدا، كان عبدت حجر، زول - و هنا أنا بتكلم عن المواطن الأمريكي العادي - عندو معاك مشكلة مافي.
المشكلة الخلقوها ناس بن لادن و شباب الشيشان و من سار على دربهم إنو خلت مافي ثقة في المسلمين ( طبعا ده كلام عام ) و صورتنا في عيون المواطن الأمريكي اننا قنابل موقوتة كما تفضلت، لكن لا أظن إنو المسألة وصلت مرحلة اللاعودة، و في تجربة - و إن كانت شوية مختلفة - لمن الأمريكان علفو هيروشيما بالنووي في الحرب العالمية التانية، لسنين طويلة الأمريكان كان بنظرو للامريكان من أصول يابانية بعين الشك و الريب لحدي ما القصة كلها بقت تاريخ !!

ياخ ده كلام كبير خلاس وقراءة متأنية شديد .. السؤال البتابع:
ما هى الوسيلة أو الطريقة البتخلى الحاصل يتجه ليكون فقط تاريخ؟

الجيلى أحمد
30-04-2013, 06:19 PM
يابروف,
- بعد السنوات الطويلة العشتها برة السودان, ورجعتك للعمل هناك, ثم عودتك, هل كان كان لديك احساس الأول الذى غادرت به وانت تحزم حقائبك لأول مرة..؟ ماذا تغير بالنسبة لك؟ صداقاتك, الاهل, الأصدقاء, الشارع, الناس البتعرفهم, الحصل ليهم شنو فى القابات بتاعت عوداتك المتكررة؟
- ماهى الأغنية التى لاتفرط* فى سماعها؟
- تجربتك فى الأسافير والكتابة فيها, ماهو تقييمك لها على المستوى الشخصى؟
- سؤال تابع للذى سبقه:
ماهو الاختلاف الذى لمسته فى الحوار الاسفيرى بين من حاورتهم وقابلتهم, وماهو ذلك الاختلاف ان وجد؟
_____
* أتجدع فى التشكيل وفى كل الحالات لاعبين معاك ضاغط:D

أمير الأمين
30-04-2013, 09:53 PM
ما بين "هشام ادم" و "الابوابى"
الى ماذا تسعى فى الاسافير..؟

أمين محمد سليمان
01-05-2013, 05:28 PM
رأفت ميلاد، حبيبنا بحق ... سلام ياخي ياخ ده كلام كبير خلاس وقراءة متأنية شديد .. السؤال البتابع:
ما هى الوسيلة أو الطريقة البتخلى الحاصل يتجه ليكون فقط تاريخ؟ الوسيلة الوحيدة لاعادة الثقة في تقديري إنو الطرفين يشوفو المسألة كما هي تماما، و هي إنو ما يحدث من القاعدة و من يسير على دربها ما عندو علاقة بالاسلام كدين، عندو علاقة بمظالم تسببت فيها الادارات الأمريكية المتعاقبة بتحيزها الواضح ضد المسلمين في القضية الفلسطينية تحديدا، المظالم دي المواطن الأمريكي ما بشوفها و لا بعرف عنها حاجة، بشوف تصرفات المسلمين البكتلو الأبرياء باسم الدين و بالتالي بفتكر إنو ده دين المسلمين البفجر الناس في المكاتب و المارثونات.
نحن كمسلمين امريكان ما عملنا أي حاجة عشان نصحح رؤية باقي الأمريكان لينا، كل البنسوي فيه اننا قاعدين نولول من المؤامرة علي الاسلام - رغم وجودها - و سايبين المتطرفين مننا يطلعو في الفتاوي بقتل الناس بدون ما نتصدي ليهم بالتوعية و المعرفة الصحيحة بالدين . ما فاهمين اننا بسكاتنا و سلبيتنا دي بنساهم بقدر كبير جدا لنظرة الأمريكان لينا . و بنعرض حياتنا و أسلوب حياتنا ذاتو للخطر لانو القنبلة البتتختا في طيارة ولا في مكتب و لا مناسبة رياضية ما بتفرق بين مواطن و مواطن حسب دينو، يعني غير الضرر المادي الممكن يصيبنا كمسلمين امريكان، في ضرر معنوي بتحميل دينا وزر عمايل مطرفيه.
لو في نفرين فقدو الثقة في بعض - مهما خلصت النوايا - إعادة الثقة دايره ليها زمن، ناهيك لمن المسألة تكون فقدان ثقة لملايين من الناس لملايين أخرى من مواطنيهم، المسألة شاقة و طويلة لكنها ليست مستحيلة.

أمين محمد سليمان
01-05-2013, 06:12 PM
الجيلي البلال :D ، سلام يا حبيب و شكرا علي الأسئلة يابروف,
- بعد السنوات الطويلة العشتها برة السودان, ورجعتك للعمل هناك, ثم عودتك, هل كان كان لديك احساس الأول الذى غادرت به وانت تحزم حقائبك لأول مرة..؟ ماذا تغير بالنسبة لك؟ صداقاتك, الاهل, الأصدقاء, الشارع, الناس البتعرفهم, الحصل ليهم شنو فى القابات بتاعت عوداتك المتكررة؟
- ماهى الأغنية التى لاتفرط* فى سماعها؟
- تجربتك فى الأسافير والكتابة فيها, ماهو تقييمك لها على المستوى الشخصى؟
- سؤال تابع للذى سبقه:
ماهو الاختلاف الذى لمسته فى الحوار الاسفيرى بين من حاورتهم وقابلتهم, وماهو ذلك الاختلاف ان وجد؟
_____
* أتجدع فى التشكيل وفى كل الحالات لاعبين معاك ضاغط:D - تعرف يا الجيلي لمن رجعت السودان سنة 2006 رجعت علي أساس إنو خلاص راجعين للسودان الشقيق once and for all .
الاحساس كان فرحة طاغية لانو من 2004 ما كان عندي هم غير إنو نرجع السودان. كنا بنمشي اجازات قبل رجعة 2006 لكن لمن تمشي عشان تستقر باسرتك المسألة مختلفة تماما .
أي حاجة اتغيرت ،علاقات الناس، إيقاع الحياة، الغلاء، العلاج، التعليم .... أي شئ اتغير... لكن فرحتي باني قاعد في السودان طغت علي أي تغيير سالب كنت بشوفو .
عقد الشركة بتاع الشغل إنتهى و ناس البترول ما جددو ليهم بالتالي فقدت شغلي و بديت أفتش على شغل و كنت مستعد أقسم على 26 و أكل من سنامي لفترة طويلة عشان ما أرجع أمريكا ولا أمشي الخليج، لكن ربك ما قسم لينا رزق هناك و شلت عفشي و جيت راجع أمريكا و كان و ما زال من أصعب القرارت لكن ما كان هناك بد .
ياخي السودان الشقيق ده ابتلاء رسمي، جواهو ما مرتاح براهو ما مرتاح !! :(
- أنا اصلو ما بتاع غناء، عمري ما اشتريت شريط أو CD لغناء، الغريبة لمن أسمع غناء بنطرب جدا .
ما عندي غنية محددة، لكن أم كلثوم تسكن في الخلايا . و لمن أكون بسمع في أم كلثوم بتحول لقلب كبير ينبض حبا و وعدا و تمني !! :cool:
- تجربتي في الاسافير تجربة ثرة جدا، و خلتني أتعرف على ناس لو انفقت كل ما أملك ما تعرفت عليهم بدون الاسافير.
استفدت كتير جدا جدا من أراء و كتابات ناس عميقة، و تحاورت مع من تعلمت منهم في كل مداخلة . المشكلة الوحيدة انها بتاخد وقت مرات بكون على حساب عيالك .
- معظم الاوقات مافي علاقة بين صورتك الكونتها للناس في الاسافير و بينهم في أرض الواقع.
نحن كشعب سوداني شقيق كلنا نسخ من بعض، الناس دي كلها في الواقع ظريفة و عميقة و زول بغلط عليك بكلمة مافي . و أنا متأكد مليون في الميه إنو لو في أي نفرين مختلفين في الاسافير لو اتلاقو مشاكلهم - مهما كبرت - بتتحل في عشرة دقايق، ربما بدون ما يتكلمو عنها ذاتو لانو الخلافات الاسفيرية كلها - إلا ما رحم ربي - خلافات شخصية و إن اتخذت شكل خلاف رأي .
- بالله تاني ما داير معاك أي اسئلة . :)

الجيلى أحمد
01-05-2013, 06:29 PM
حدثنا ياأمين عن اطفالك, أساميهم, أعمارهم, امانيهم..

ماهو اصعب ماتجده فى تربية الاطفال فى المهجر؟

أمين محمد سليمان
01-05-2013, 06:31 PM
أمير يا أمير يا حرف العين، سلام ياخي ما بين "هشام ادم" و "الابوابى"
الى ماذا تسعى فى الاسافير..؟ مافي أي حاجة ولا علاقة ((بين "هشام ادم" و "الابوابى")) ، هشام مشكلتي معاه كانت شخصية بحته ( كعادتنا :D ) ، شتمني ... شتمتو و إتهمتو بانو بسرق مجهود غيرو... إتحداني أثبت الكلام ده و أثبتو ... بعد داك جرت مياة كثيرة تحت الجسر و هسي ما عندي أي مشكلة معاه، أسال الله أن يهدينا و اياه .
دكتور الأبوابي قصة مختلفة، إستمعقت الراجل و كان و ما زال إسلوبو و طريقتو في النقاش عاجباني جدا، سالتو إذا كان ممكن أفتح بوست باسمو و نناقش الفكرة الجمهورية قال ما عندو مانع و هذا ما حدث .
ما عارف يا أمير لو إنت قاصد بسؤالك ده اني بشخصن الحوارات ولا لا، لكن من حسناتي القلايل اني بحاول ما أشخصنها و لمن أعمل كده بكون واضح من الأول.
أما ( الى ماذا اسعى فى الاسافير..؟ ) فالاجابة اني ما عارف :( ، ما حصل يوم سألت نفسي السؤال ده و لا عندي خطة أو هدف بسعى لتحقيقو في الاسافير، كل ما يكون عندي وقت بخش هنا أو س. أونلاين و اشارك ببوست أو مداخلة .

أمين محمد سليمان
01-05-2013, 06:48 PM
يا أبا أماني ياخي ...
داير أشكو ليك بل الجيلي و قلة حيلتي :D ، ياخي ما ممكن اكتب :
عندي تلاتة بنات و ولد :
لينا 13 سنة
ريم 12 سنة
يسر 8 سنين
أحمد 4 سنين
يجيني الجيلي يقول لي :
حدثنا ياأمين عن اطفالك, أساميهم, أعمارهم, امانيهم..
ماهو اصعب ماتجده فى تربية الاطفال فى المهجر؟ غايتو البركة في سؤال ( ماهو اصعب ماتجده فى تربية الاطفال فى المهجر؟) :D !!
الصعب كتير لكن أول حاجة فكرت فيها قصة انك تخليهم يتكلمو عربي في البيت .
الانجليزي ممنوع منعا باتا في البيت، اللغة العربية هي اللغة الوحيدة المستخدمة داخل المنزل، تقوم تكتشف إنو الناس دي لمن تكون براها بتكلمو إنجليزي لانو أسهل ليهم، قدر ما تحاول : الانجليزي بيطغي. في الاخر بتقنع من الغنيمة بالاياب و تقول كويس ذاتو انهم بتكلمو عربي كويس .
أصعب حاجة انك تعرف الحد الفاصل بين المنطقي و الواقعي و بين مسؤليتك أمام الله و نفسك و العيال ديل ذاتهم لمن يكبرو !!
أصعب حاجة انك تربي عيالك بنفس الطريقة الاتربيت بيها إنت، انك تصر عليها و تنسى انو ( ابوروف ليست أمريكا ) و انك بتحمل عيالك ما لا طاقة لهم به .
الصعب كتير و كتير جدا يا الجيلي ، ياخي ما ممكن تمرقها في أمريكا و تجيب عيال و تربيهم هناك عمرهم كلو و تتوقع إنهم يطلعو سودانيين زيهم و زي أمهم و أبوهم، المسألة دي ما بتجي بالجينات !!

AMAL
01-05-2013, 06:52 PM
بسم الله الرحمن الرحيم

الحبيب ،،
التحايا والود كله ،،

تعجبنى ردودك ،
بخلاف ظرافتها أحس أنها تشع ذكاءً ،
وأنك من أنصار شعرة معاوية ،
وثمة تشابه فى الأسلوب بينك وبين أمال الشيخ ،،

الحوار عندك ،
هل هو محاصرة الطرف الآخر أم فتح نوافذ فى مفاهيمه ؟؟
وأيها أفضل
أن تقنع محاورك بخطأ ما يعتقده ؟ أم بصواب ما تراه أنت ؟؟


وللحديث بقية ، تحياتى ،،

حقارتك يابروف
تفط دي :mad:
بعد شهادة النور دي
لن ارضي بابقل من بروفة:D والبقول لي امال ساي مابكون معاه كويسة


سؤالي ياامين
اشتهرت في الاسفير بصورة المحقق الاسفيري واتميزت بانك كشفت سرقات من كتب حتي ودا شي صعب جدا
شنو كان دافعك ومحفزك للمسألة دي غير تحدي هشام ليك
بالمناسبة
عندك عمل هنا بديتو unfinished work;)
لاعتبارات ماعارفاها شنو رخيت منو وهادنت :)
ممكن اعرف السبب ؟؟





حبيت اقول ليك سعيدة جدا بوجودك هنا

أمير الأمين
01-05-2013, 07:30 PM
الجيلي البلال :D ، سلام يا حبيب و شكرا علي الأسئلة - تعرف يا الجيلي لمن رجعت السودان سنة 2006 رجعت علي أساس إنو خلاص راجعين للسودان الشقيق once and for all .
الاحساس كان فرحة طاغية لانو من 2004 ما كان عندي هم غير إنو نرجع السودان. كنا بنمشي اجازات قبل رجعة 2006 لكن لمن تمشي عشان تستقر باسرتك المسألة مختلفة تماما .
أي حاجة اتغيرت ،علاقات الناس، إيقاع الحياة، الغلاء، العلاج، التعليم .... أي شئ اتغير... لكن فرحتي باني قاعد في السودان طغت علي أي تغيير سالب كنت بشوفو .
عقد الشركة بتاع الشغل إنتهى و ناس البترول ما جددو ليهم بالتالي فقدت شغلي و بديت أفتش على شغل و كنت مستعد أقسم على 26 و أكل من سنامي لفترة طويلة عشان ما أرجع أمريكا ولا أمشي الخليج، لكن ربك ما قسم لينا رزق هناك و شلت عفشي و جيت راجع أمريكا و كان و ما زال من أصعب القرارت لكن ما كان هناك بد .
ياخي السودان الشقيق ده ابتلاء رسمي، جواهو ما مرتاح براهو ما مرتاح !! :(
- أنا اصلو ما بتاع غناء، عمري ما اشتريت شريط أو CD لغناء، الغريبة لمن أسمع غناء بنطرب جدا .
ما عندي غنية محددة، لكن أم كلثوم تسكن في الخلايا . و لمن أكون بسمع في أم كلثوم بتحول لقلب كبير ينبض حبا و وعدا و تمني !! :cool:
- تجربتي في الاسافير تجربة ثرة جدا، و خلتني أتعرف على ناس لو انفقت كل ما أملك ما تعرفت عليهم بدون الاسافير.
استفدت كتير جدا جدا من أراء و كتابات ناس عميقة، و تحاورت مع من تعلمت منهم في كل مداخلة . المشكلة الوحيدة انها بتاخد وقت مرات بكون على حساب عيالك .
- معظم الاوقات مافي علاقة بين صورتك الكونتها للناس في الاسافير و بينهم في أرض الواقع.
نحن كشعب سوداني شقيق كلنا نسخ من بعض، الناس دي كلها في الواقع ظريفة و عميقة و زول بغلط عليك بكلمة مافي . و أنا متأكد مليون في الميه إنو لو في أي نفرين مختلفين في الاسافير لو اتلاقو مشاكلهم - مهما كبرت - بتتحل في عشرة دقايق، ربما بدون ما يتكلمو عنها ذاتو لانو الخلافات الاسفيرية كلها - إلا ما رحم ربي - خلافات شخصية و إن اتخذت شكل خلاف رأي .
- بالله تاني ما داير معاك أي اسئلة . :)
يابروف سلامات
لم يدر بخاطرى موضوع "شخصنة" الحوار بل الحوار فى عضمو ذاتو
هشام رغم الحاده المعلن كان محاورا جيدا فى ظنى و الابوابى كذلك مع ادبه
الزائد ووقاره... كنت اظن ان سعيك الى توصيل "مبتغاك" تتم عبر الحوار اكثر
من الكتابة المطولة فى شكل "إسى" فانت تملك طولة البال للتحاور اكثر من الجلوس
وتتبيج المقالات "اعفى لى ان كان ظنى ما فى محلو":D

أبو أماني
02-05-2013, 05:46 PM
اقتباس:
المشاركة الأصلية كتبت بواسطة AMAL http://sudanyat.org/vb/images/buttons/viewpost.gif (http://sudanyat.org/vb/showthread.php?p=534359#post534359)
حقارتك يابروف
تفط دي :mad:
بعد شهادة النور دي
لن ارضي بابقل من بروفة:D والبقول لي امال ساي مابكون معاه كويسة


سؤالي ياامين
اشتهرت في الاسفير بصورة المحقق الاسفيري واتميزت بانك كشفت سرقات من كتب حتي ودا شي صعب جدا
شنو كان دافعك ومحفزك للمسألة دي غير تحدي هشام ليك
بالمناسبة
عندك عمل هنا بديتو unfinished work;)
لاعتبارات ماعارفاها شنو رخيت منو وهادنت :)
ممكن اعرف السبب ؟؟





حبيت اقول ليك سعيدة جدا بوجودك هنا

أجمل ما في ضيفي إنه بروف لقطة .. وكمان جاب معاه بروفة أووت ستاندينغ!:D شرفتينا يا إيمولا وإنتي تشرفي بلد بحالها .. وبالمناسبة دي متين حا تشرفي السودان بلد المليون ميل مربع (سابقا)؟؟؟ .. لكما أيها البروفات ..
الرائعون صادق المودة وننتظر سجالاتكم الرهيييييييييبة.. وأصلوا الإبداع .. وخلو بالكم من ضابط الإيقاع الإسمو الجيلي ده .. مرة مرة كده بيعمل نشاذ :D والله قلبي على القدع ده .. يضربه الزمهرير حق البلد ديك .. يجي يتدفى عندنا هنا!! تحية خاصة للعزيز الجيلي وتشششاااووو:cool:

عبدالله علي موسى
03-05-2013, 02:40 PM
ما بين "هشام ادم" و "الابوابى"
الى ماذا تسعى فى الاسافير..؟

:D:D:D

كان ما ثخانة جلد و خبرة عسكرية إبن موسى ذاتو قدس الله سرة ما كان بكون قاعد لي الآن هنا :rolleyes:

----

ما عارف إذا نيفاشا بتسمح بأسئلتي هذه...نشوف رائي كيشو شنو!

هل كان أمين محمد سليمان "Bully" في المدرسة ؟

هل تعتقد أنك أحياناً تجد تلجأ لاستراتجية "Shoot first, aim last"

--

سؤال ليس للإجابة فقط للتفكر: بما اني عراف ;) أعلم أن الحمل عموماً مسألة الأنا دي عندهم شوية متضخمة، البل "الختري" والتشهير و محاولة إظهار التفوق على المبلول..هل هي مغذيات جيدة لل-"أنا"؟

والسلام ختام

أمين محمد سليمان
03-05-2013, 05:16 PM
سلام يا ستهم حقارتك يابروف
تفط دي :mad:
بعد شهادة النور دي
لن ارضي بابقل من بروفة:D والبقول لي امال ساي مابكون معاه كويسة


سؤالي ياامين
اشتهرت في الاسفير بصورة المحقق الاسفيري واتميزت بانك كشفت سرقات من كتب حتي ودا شي صعب جدا
شنو كان دافعك ومحفزك للمسألة دي غير تحدي هشام ليك
بالمناسبة
عندك عمل هنا بديتو unfinished work;)
لاعتبارات ماعارفاها شنو رخيت منو وهادنت :)
ممكن اعرف السبب ؟؟





حبيت اقول ليك سعيدة جدا بوجودك هنا ياخي الدرجات العلمية العالية دي بجيبوها بالدم و الدموع، ما مكن بتعليق من النور تبقي بروف !! أفتحي بوست و أعلني الدكتوراة في الأول الباقي بجي براهو !! :D
بالنسبة ل (اشتهرت في الاسفير بصورة المحقق الاسفيري واتميزت بانك كشفت سرقات من كتب حتي ودا شي صعب جدا) فانا مختلف معاك تماما في حتة ( اشتهرت في الاسفير بصورة المحقق الاسفيري) دي لانو أنا ما اتهمت زول بالسرقة الأدبية غير هشام أدم و عبد الله موسي هنا في سودانيات.
بالنسبة لهشام ما كان في أي دافع غير إنو شتمني و إتحداني أن أثبت اتهاماتي ليهو، عارف الكلام دا قبيح لكنها الحقيقة .
بالنسبة للموضوع التاني، رخيت منو لاني لمن دخلت فيهو كان بصدفة بحتة و بعداك واصلت for the fun of it و ما كان عندي خلفيات عن أي شئ، رخيت لاني لقيت المسألة ما مستاهلة .

أمين محمد سليمان
03-05-2013, 05:22 PM
يابروف سلامات
لم يدر بخاطرى موضوع "شخصنة" الحوار بل الحوار فى عضمو ذاتو
هشام رغم الحاده المعلن كان محاورا جيدا فى ظنى و الابوابى كذلك مع ادبه
الزائد ووقاره... كنت اظن ان سعيك الى توصيل "مبتغاك" تتم عبر الحوار اكثر
من الكتابة المطولة فى شكل "إسى" فانت تملك طولة البال للتحاور اكثر من الجلوس
وتتبيج المقالات "اعفى لى ان كان ظنى ما فى محلو":D شكرا يا أمير ..
و فعلا هشام محاور جيد و لو إنو في بعض الأحيان بستفز محاوريه، و براك عارف الناس في الاسافير قاعدة على الهبشة كيف .
و كلامك فعلا سليم اني بميل للحوار أكتر من المقالات الطويلة، ربما للكسل و قلة الصبر.

أمين محمد سليمان
03-05-2013, 05:34 PM
سلام يا عبد الله و لعلك بخير :D:D:D

كان ما ثخانة جلد و خبرة عسكرية إبن موسى ذاتو قدس الله سرة ما كان بكون قاعد لي الآن هنا :rolleyes:

----

ما عارف إذا نيفاشا بتسمح بأسئلتي هذه...نشوف رائي كيشو شنو!

هل كان أمين محمد سليمان "Bully" في المدرسة ؟

هل تعتقد أنك أحياناً تجد تلجأ لاستراتجية "Shoot first, aim last"

--

سؤال ليس للإجابة فقط للتفكر: بما اني عراف ;) أعلم أن الحمل عموماً مسألة الأنا دي عندهم شوية متضخمة، البل "الختري" والتشهير و محاولة إظهار التفوق على المبلول..هل هي مغذيات جيدة لل-"أنا"؟

والسلام ختام ياخي إنت عندك مقدرة فذة جدا على الفهم الغلط بخلي النقاش معاك صعب جدا، و شايفك لسه شايل غباينك و مراراتك و حايم، و في بوست بكة جيت طاعنتني بالكلام و أنا جليتك تماما .
فياخي والله - و الحلف بالله ما خلى شي - ما عندي أي مانع تشوفني bully، متضخم الذات و بحاول أظهر التفوق و باقي تحليلاتك السطحية دي، بس سألتك بالذي سواك أبعد مني ياخي لاني بالجد ما فاضي ليك !!
والسلام ختام

عبدالله علي موسى
04-05-2013, 12:58 PM
سلام يا عبد الله و لعلك بخير ياخي إنت عندك مقدرة فذة جدا على الفهم الغلط بخلي النقاش معاك صعب جدا، و شايفك لسه شايل غباينك و مراراتك و حايم، و في بوست بكة جيت طاعنتني بالكلام و أنا جليتك تماما .
فياخي والله - و الحلف بالله ما خلى شي - ما عندي أي مانع تشوفني bully، متضخم الذات و بحاول أظهر التفوق و باقي تحليلاتك السطحية دي، بس سألتك بالذي سواك أبعد مني ياخي لاني بالجد ما فاضي ليك !!
والسلام ختام

و عليكم السلام يا بروف أمين

طبعاً يا دابي لاحظت لي مداخله امال..أصلو في بعض المدخلات بقيت البس منها نظارة شمس بعيد عنك...غايته سوأً تعليقك أو غمزها فوق إن دل يدل على أن إبن موسى نادراً ما ينطق عن هواه والحمدلله.. أهو هي برضة مرة ختيت ليها مرآه صغيرة أمامها انتفخت و قالت نفس كلامك دة بالحرف...زمان لمن قلنا "Birds of a feather, flock together" الواحد كان عارف بقول إيه. :rolleyes:

طبعاً اجابتك فوق تبرئني من سوء الظن الذي رميتني به تماماً والحمدلله...كان ممكن أن أبريء نفسي بالمنطق لكن جزاكم الله خيراً أهو جات منك جاهزة.

1- إذا كان على بوست بابكر عباس، قلتة لي طاعنتك و جليتني ، كمان خيال واسع يا بروف :D؟؟ .. راجع البوست المعني شوف كلامك القلتة إذا كان في إختلاف بينة و بين كلام 4 متداخلين على الأقل ممكن تقول عبدالله كان قاصدني، و فيهم من تداخلت معهم و كانوا راقيين جداً في ردهم..مافي واحد افتكره" مطاعنة" لأنه أنا اتحدث عن مدارس لا اتحدث عن أفراد يا سيد، إنته كلامك كان بعبر عن فقه مدرسة كاملة يحمله من تأثر بفكرها كالأسفار، مافي حاجة ضفتها من عندك عشان نقول ده كلام أمين و ننتقدك فيو، فحق عليك وصف "حامل البطحة" في تلك.

2- الزول الما عارف معنى " Shoot first, aim last" "إطلاق الرصاص قبل معرفة الهدف"...أهو دة مثال لها...


مثلاً تفتح بوست طويل عريض "تقول فلان إلى المزبلة" لماً تروق المنقة تلقى إنه دة كان تسرع و طيش فقط، برضه تدخل مع إنسان لا تعرفة أصلاً في إساءة و ترميه بكل ما يمكن أن ترميه به و هلم جرا من فارغة يحسدك عليها أكبر "Bully" في سنة خامسة ثم تقول
بالنسبة للموضوع التاني، رخيت منو لاني لمن دخلت فيهو كان بصدفة بحتة و بعداك واصلت for the fun of it و ما كان عندي خلفيات عن أي شئ، رخيت لاني لقيت المسألة ما مستاهلة . دة أكثر كلام مهذب ممكن أن أصفه به هو "Bullying" و تسرع يصل لحد الهبالة.

3- أما تضخم الذات...أنا قلت أن كل برج الحمل لديهم مسألة تضخم الذات متفاوتة، و مالو ياخي أنا ذاتي عندي حبة تضخم ذات بيني و بينك، لكن بشبعة في نواحي ذاتية نادراً ما تخرج بسلبية إلا أهو في حالات دفاعية أحياناً بنجيبة نوقف بيها إنسان في حده. فدي برضه حاجة ما تستحق ال "overreaction" الفي ردك دة...أهو ياهو ده ذاته تضخم الذات الكعب :D


أما أبعد منك دي فأنا احرص عليها منك شكراً للتذكير، و أتذكر أن في أول مداخلة لي معك رجوتك أن تبتعد عني تماماً و كررت الطلب لكن الموضوع زي ما قلتة كان بالنسبة لك لعب و ضحك "for the fun of it".

ما زلت على حرصي و برضه والله ما فاضي لكن مرة مرة, في قمراً أزرق :D اسمح لي أجي أدقل بيك شوية كدة على قول شليل...برضه "for the fun of it" :cool: .

أصله ما بتحبوا المرايات :D :cool:

عذراً و إحترام لصاحب البوست و الكرام ضيوفه....اعتبروها نوع من تسخين الكرسي "Spice up" للمحتفى به :o

تحياتي
-

عادل عسوم
04-05-2013, 01:43 PM
اسمح لي أجي أدقل بيك شوية كدة على قول شليل...برضه "for the fun of it"
نِعمَ ال(مرجعية) ياأخ عبدالله موسى
:D
تحيات زاكيات يابروف أمين وكن دوما بخير ياعزيز:
1-من خلال حراك حياتك وصداقاتك هناك في بلاد العم سام هل تتلمس أيما احتمال لتغيير في نظرة الشارع الأمريكي للقضية الفلسطينية و(قصة) الصرف من ضريبة الفرد الأمريكي على اسرائيل؟
2-ما هو التأثير (طويل المدى) لاحداث 11 سبتمبر على المسلمين هناك وعلى الواقع الأمريكي وهل لديك أي وجهة نظر في كون القاعدة هي المدبر والمنفذ؟
3-لدي احساس بأنك تحب القراءة في كتب علم النفس!
يتبدى لي ذلك بين سرابات ردودك (الذكية) في هذا البوستر*...
ــــــــــ
*solid ice
:)

عبدالله علي موسى
04-05-2013, 02:57 PM
=عادل عسوم;534989][FONT="Times New Roman"][SIZE="5"][COLOR="Blue"]نِعمَ ال(مرجعية) ياأخ عبدالله موسى
:D




سلام أخ عادل

اسمح لي أحول التعليق أعلاه لقائمة "الكلام المغتغت" لصاحبها الشليل.

أمين محمد سليمان
04-05-2013, 04:18 PM
سلام يا عبدالله
تعرف لمن قلت ليك انك عندك مقدرة فذة على الفهم الغلط - رغم غلظة التهمة و وجود دلايلها - ما كانت قايل القصة قدر ده، ياخي كلام آمال ده ما عندو علاقة بيك من قريب ولا بعيد و بالتالي ردي عليها و for the fun of it ما عندها علاقة بيك، دي موضوع تاني خالص .
بالنسبة لردك، ممكن أجي أفندو ليك كلو و نبدأ في نقاش بتحول لهتر بمقدرتك العالية بتاعت الفهم الغلط دي ...و لا أنا و لا إنت و لا الناس هنا في حاجة لباب هتر جديد .... move on ياخي القصة دي كلها أتفه مما تتصور !!

أمين محمد سليمان
04-05-2013, 08:13 PM
سلام يا عسوم و لعلك بخير
و ياخي وددت لو لم تشر لقصة المرجعية دي، و لو نحن ما قادرين نرتقي بالمكان ده، حقو نحاول ما نخسف بيهو الارض !!
تحيات زاكيات يابروف أمين وكن دوما بخير ياعزيز:
1-من خلال حراك حياتك وصداقاتك هناك في بلاد العم سام هل تتلمس أيما احتمال لتغيير في نظرة الشارع الأمريكي للقضية الفلسطينية و(قصة) الصرف من ضريبة الفرد الأمريكي على اسرائيل؟
2-ما هو التأثير (طويل المدى) لاحداث 11 سبتمبر على المسلمين هناك وعلى الواقع الأمريكي وهل لديك أي وجهة نظر في كون القاعدة هي المدبر والمنفذ؟
3-لدي احساس بأنك تحب القراءة في كتب علم النفس!
يتبدى لي ذلك بين سرابات ردودك (الذكية) في هذا البوستر*...
ــــــــــ
*solid ice
:) 1- أيوه نعم، لانو جل المسألة مسألة معلومات و دي بتحكم فيها الاعلام .
الأمريكان عموما ناس عندهم sense و قدرة على الحكم العادل في الامور، المشكلة انهم ما عندهم علاقة بالسياسة ولا بمتابعة الأخبار زي ما عندنا. و الاعلام الأمريكي إعلام موجه بعلف المشاهدين بالدايرنو يصل ليهم بالطريقة العايزنها ( الضمير هنا يرجع لمن يتحكمون بالاعلام ) ده لو أضفت ليهو سلبية المسلمين الأمريكان و إنخفاض صوتهم و تأثيرو علي مجمل الحياة في أمريكا بوريك جزء من المشهد المأساوي العايشنو المسلمين هنا.
ما لم يتغير المشهد ده، لن يعرف الأمريكان إنو إسرائيل دولة محتلة و إنو الفلسطينيين بقاومو في إحتلال و انهم ليسو ارهابيين، ناهيك عن انهم يعرفو انهم بدفعو دم قلبهم لاسرائيل و لحماية إسرائيل . لكن طالما في امكانية لتغيير المشهد ده، ببقى في إمكانية لتغيير نظرة الشارع الأمريكي للقضية الفلسطينية.

2- التاثير طويل المدى ياهو حاصل الان و عدم الثقة في المسلمين ظاهر و بائن، و حتى عندما تسير الأمور في الاتجاة الصحيح، يجوك ناس القاعدة و الشيشان بعمايلهم دي يذكرو الناس ديل إنو لا يمكن الثقة بالمسلمين إطلاقا.
بالنسبة ( لاحداث 11 سبتمبر وهل لدي أي وجهة نظر في كون القاعدة هي المدبر والمنفذ؟ ، الحقيقة أنا شفت مئات الفيديوهات و قريت عشرات المقالات و شاهدت عشرات البرامج للطرفين ( من يرى إنو الحكومة هي المدبرة و من يرى العكس ) عن هذا الموضوع، و لقيت إنو الطرفين عندهم كتير من المنطق المثبت بالصوت و الصورة و النظريات العلمية، و ده ذاتو مؤشر لانو - على الأقل - هناك أيدي خفية شاركت في هذه المأساة .

3- ياخي و هل تركت لنا المنتديات وقت للقراءة ؟!
بالنسبة لعلم النفس، فما عندي بيه أي علاقة و ما مهتم بيه أبدا !!

الجيلى أحمد
04-05-2013, 09:24 PM
يابن موسى,

يأخى الحاصل بينك وبين أمين هو عبارة عن سوء فهم, ليس الا..

لكن يااخى كدا أحسن,
ماممكن تتفقوا انت وهو على المثقفين الباذخين الشفيفين, أنا وبكة ,
دا لو حصل بمشى طوالى مع بكة فوراوول..:p

معتصم الطاهر
04-05-2013, 10:06 PM
سعيد بالقراءة ..

ردود بعشرين بوست

الا ظلمت امال

AMAL
04-05-2013, 10:43 PM
سلام يا عبد الله و لعلك بخير ياخي إنت عندك مقدرة فذة جدا على الفهم الغلط بخلي النقاش معاك صعب جدا، و شايفك لسه شايل غباينك و مراراتك و حايم،

و عليكم السلام يا بروف أمين

طبعاً يا دابي لاحظت لي مداخله امال..أصلو في بعض المدخلات بقيت البس منها نظارة شمس بعيد عنك...غايته سوأً تعليقك أو غمزها فوق إن دل يدل على أن إبن موسى نادراً ما ينطق عن هواه والحمدلله.. أهو هي برضة مرة ختيت ليها مرآه صغيرة أمامها انتفخت و قالت نفس كلامك دة بالحرف...زمان لمن قلنا "Birds of a feather, flock together" الواحد كان عارف بقول إيه. :rolleyes:


-

سلام يا عبدالله
تعرف لمن قلت ليك انك عندك مقدرة فذة على الفهم الغلط - رغم غلظة التهمة و وجود دلايلها - ما كانت قايل القصة قدر ده، ياخي كلام آمال ده ما عندو علاقة بيك من قريب ولا بعيد و بالتالي ردي عليها و for the fun of it ما عندها علاقة بيك، دي موضوع تاني خالص .


مقرؤ مع تليبتك لي في اثناء سجال مع ام التيمان
ونصيحتك ليها بان لا تظلم نفسها بالمقارنة
ارحم روحك

عبدالله علي موسى
05-05-2013, 05:13 AM
سلام يا عبدالله
تعرف لمن قلت ليك انك عندك مقدرة فذة على الفهم الغلط - رغم غلظة التهمة و وجود دلايلها - ما كانت قايل القصة قدر ده، ياخي كلام آمال ده ما عندو علاقة بيك من قريب ولا بعيد و بالتالي ردي عليها و for the fun of it ما عندها علاقة بيك، دي موضوع تاني خالص .
بالنسبة لردك، ممكن أجي أفندو ليك كلو و نبدأ في نقاش بتحول لهتر بمقدرتك العالية بتاعت الفهم الغلط دي ...و لا أنا و لا إنت و لا الناس هنا في حاجة لباب هتر جديد .... move on ياخي القصة دي كلها أتفه مما تتصور !!

عمت مساءً يا بروف


يا دكتور إذا على التهم..مفيش في الامكان أكثر من ما كان :) -- والدلائل دي كان بتتعطل فيها أنا ما كان جيت إتشدرقتا بي "shoot first " هنا.

يا سيدي سامحنا إذا كان "الفور فن" دة كان موضوع تاني..أهو قصة أخرى من نفس النمط على ما يبدو، على كدة يا دكتور إنته على شوية و تبقى عندك "جمعية ضحايا البروف" :D:D

أما تفاهات القصة دي...فلكل وجهة نظره، أنا لا أرى ما أشير إليه هنا و ما أشرت إليه أنا أمراً تافهاً لكن ما علينا.

غايتو يا بروف أنا ما عندي سمعة بتاعة مهاترات فأتفق معك في عدم الحوجة إليها - لك العذر يا سيدي، مداخلتي كانت نصف تدويره، ثم كان من الحكمة أن لا أتعامال مع الاوفرريكشن بتاعك بمثله لكن فعلت و لك في مداخلتك الأخيرة فضل الحكمة.

تحياتي

--------


مقرؤ مع تليبتك لي في اثناء سجال مع ام التيمان
ونصيحتك ليها بان لا تظلم نفسها بالمقارنة
ارحم روحك

خلاص الإجتهاد في قراءة الأخر أو الأحداث مثلاً :D:D

شكراً كلنا نحتاج رحمة الروح تلك.

أمين محمد سليمان
06-05-2013, 02:02 AM
غايتو يا بروف أنا ما عندي سمعة بتاعة مهاترات فأتفق معك في عدم الحوجة إليها - لك العذر يا سيدي، مداخلتي كانت نصف تدويره، ثم كان من الحكمة أن لا أتعامال مع الاوفرريكشن بتاعك بمثله لكن فعلت و لك في مداخلتك الأخيرة فضل الحكمة. شكرا يا عبدالله على هذه السماحة ...
و شكرا يا معتصم و الجيلي على طيب كلامكم ...

مبر محمود
06-05-2013, 04:35 PM
السؤال هو:
ما هي أول وأخر قصيدة كتبها البروف؟

أمين محمد سليمان
06-05-2013, 05:20 PM
مبر يا صفوة ، سلام يا رجل السؤال هو:
ما هي أول وأخر قصيدة كتبها البروف؟ أول قصيدة هي نفسها آخر قصيدة، كتبتها some where بين سادسة إبتدائي و أولى متوسطة .
الغريبة يا مبر لحدي هسى أنا مقتنع اني شاعر ضل طريقة ليصبح nobody !! :D:D

مبر محمود
06-05-2013, 08:31 PM
الغريبة يا مبر لحدي هسى أنا مقتنع اني شاعر ضل طريقة ليصبح nobody !! :D:D
حسناً يا سيدي، جميعنا يعلم أن شاعرك المفضل هو بابكر عبّاس، ولكن، بعيداً عن هذا وذاك، ما هو موقفك بصورة عامة من حركة الأدب السوداني في ايام الله التي نعيشها الأن؟ هل توافقني إن قلت إن غالبية المشاريع الأدبية المطروحة الأن تفتقر للنضوج اللازم؟

أمين محمد سليمان
06-05-2013, 08:52 PM
حسناً يا سيدي، جميعنا يعلم أن شاعرك المفضل هو بابكر عبّاس، ولكن، بعيداً عن هذا وذاك، ما هو موقفك بصورة عامة من حركة الأدب السوداني في ايام الله التي نعيشها الأن؟ هل توافقني إن قلت إن غالبية المشاريع الأدبية المطروحة الأن تفتقر للنضوج اللازم؟ والله يا مبر كان قلت ليك اني متابع حركة الادب السوداني بكون بكضب عليك، عشان كده ما بقدر أوافقك ولا أخالفك في تقييمك للمشاريع الأدبية المطروحة !!

بالجمبة كده : يا أخوي شنو بتسأل فيني كده كأني محسن ؟!! :(

AMAL
06-05-2013, 09:56 PM
خلاص الإجتهاد في قراءة الأخر أو الأحداث مثلاً :D:D

شكراً كلنا نحتاج رحمة الروح تلك.

ناس يعتذروا ليهم وناس يطالبوهم بالاجتهاد في قراءة الأخر أو الأحداث
علي وزن ناس يدوهم كشك وناس يدوهم رئيس*




*نكتة قديمة شان مانتفهم غلط

عبدالله علي موسى
07-05-2013, 02:35 AM
ناس يعتذروا ليهم وناس يطالبوهم بالاجتهاد في قراءة الأخر أو الأحداث
علي وزن ناس يدوهم كشك وناس يدوهم رئيس*


*نكتة قديمة شان مانتفهم غلط

سلام اخت آمال،

يا ستي اعتذاري فوق ده ما شامل حتت سوؤ فهم، وأن وجد فقد تشابه علينا البقر ما مشينا بعيد. قبل كده اطلقت علي أحكام قاسيه جداً ومتسرعه بدون بذل ادنى جهد لمعرفه ما يجري، ما طالبتك ولا انتظرت اعتذار وما ازال. فالبيناتنا عامره ياخي ما لي درجه توبخيني لعدم إدراجك في العذر كمان :D

ياستي ربنا يغفر لنا ولكم ان نسينا او اخطأنا.

العفو والعافيه.

أبو أماني
12-05-2013, 05:33 PM
اقتباس:
المشاركة الأصلية كتبت بواسطة عبدالله علي موسى http://sudanyat.org/vb/images/buttons/viewpost.gif (http://sudanyat.org/vb/showthread.php?p=534982#post534982)
و عليكم السلام يا بروف أمين

طبعاً يا دابي لاحظت لي مداخله امال..أصلو في بعض المدخلات بقيت البس منها نظارة شمس بعيد عنك...غايته سوأً تعليقك أو غمزها فوق إن دل يدل على أن إبن موسى نادراً ما ينطق عن هواه والحمدلله.. أهو هي برضة مرة ختيت ليها مرآه صغيرة أمامها انتفخت و قالت نفس كلامك دة بالحرف...زمان لمن قلنا "Birds of a feather, flock together" الواحد كان عارف بقول إيه. :rolleyes:

طبعاً اجابتك فوق تبرئني من سوء الظن الذي رميتني به تماماً والحمدلله...كان ممكن أن أبريء نفسي بالمنطق لكن جزاكم الله خيراً أهو جات منك جاهزة.

1- إذا كان على بوست بابكر عباس، قلتة لي طاعنتك و جليتني ، كمان خيال واسع يا بروف :D؟؟ .. راجع البوست المعني شوف كلامك القلتة إذا كان في إختلاف بينة و بين كلام 4 متداخلين على الأقل ممكن تقول عبدالله كان قاصدني، و فيهم من تداخلت معهم و كانوا راقيين جداً في ردهم..مافي واحد افتكره" مطاعنة" لأنه أنا اتحدث عن مدارس لا اتحدث عن أفراد يا سيد، إنته كلامك كان بعبر عن فقه مدرسة كاملة يحمله من تأثر بفكرها كالأسفار، مافي حاجة ضفتها من عندك عشان نقول ده كلام أمين و ننتقدك فيو، فحق عليك وصف "حامل البطحة" في تلك.

2- الزول الما عارف معنى " Shoot first, aim last" "إطلاق الرصاص قبل معرفة الهدف"...أهو دة مثال لها...


مثلاً تفتح بوست طويل عريض "تقول فلان إلى المزبلة" لماً تروق المنقة تلقى إنه دة كان تسرع و طيش فقط، برضه تدخل مع إنسان لا تعرفة أصلاً في إساءة و ترميه بكل ما يمكن أن ترميه به و هلم جرا من فارغة يحسدك عليها أكبر "Bully" في سنة خامسة ثم تقول دة أكثر كلام مهذب ممكن أن أصفه به هو "Bullying" و تسرع يصل لحد الهبالة.

3- أما تضخم الذات...أنا قلت أن كل برج الحمل لديهم مسألة تضخم الذات متفاوتة، و مالو ياخي أنا ذاتي عندي حبة تضخم ذات بيني و بينك، لكن بشبعة في نواحي ذاتية نادراً ما تخرج بسلبية إلا أهو في حالات دفاعية أحياناً بنجيبة نوقف بيها إنسان في حده. فدي برضه حاجة ما تستحق ال "overreaction" الفي ردك دة...أهو ياهو ده ذاته تضخم الذات الكعب :D


أما أبعد منك دي فأنا احرص عليها منك شكراً للتذكير، و أتذكر أن في أول مداخلة لي معك رجوتك أن تبتعد عني تماماً و كررت الطلب لكن الموضوع زي ما قلتة كان بالنسبة لك لعب و ضحك "for the fun of it".

ما زلت على حرصي و برضه والله ما فاضي لكن مرة مرة, في قمراً أزرق :D اسمح لي أجي أدقل بيك شوية كدة على قول شليل...برضه "for the fun of it" :cool: .

أصله ما بتحبوا المرايات :D :cool:

عذراً و إحترام لصاحب البوست و الكرام ضيوفه....اعتبروها نوع من تسخين الكرسي "Spice up" للمحتفى به :o

تحياتي
-

وكمان نقتبس : -

سؤالي ياامين
اشتهرت في الاسفير بصورة المحقق الاسفيري واتميزت بانك كشفت سرقات من كتب حتي ودا شي صعب جدا
شنو كان دافعك ومحفزك للمسألة دي غير تحدي هشام ليك
بالمناسبة
عندك عمل هنا بديتو unfinished work;)
لاعتبارات ماعارفاها شنو رخيت منو وهادنت :)
ممكن اعرف السبب ؟؟





حبيت اقول ليك سعيدة جدا بوجودك هنا

أجمل ما في ضيفي إنه بروف لقطة .. وكمان جاب معاه بروفة أووت ستاندينغ!:D شرفتينا يا إيمولا وإنتي تشرفي بلد بحالها .. وبالمناسبة دي متين حا تشرفي السودان بلد المليون ميل مربع (سابقا)؟؟؟ .. لكما أيها البروفات ..
الرائعون صادق المودة وننتظر سجالاتكم الرهيييييييييبة.. وأصلوا الإبداع .. وخلو بالكم من ضابط الإيقاع الإسمو الجيلي ده .. مرة مرة كده بيعمل نشاذ :D والله قلبي على القدع ده .. يضربه الزمهرير حق البلد ديك .. يجي يتدفى عندنا هنا!! تحية خاصة للعزيز الجيلي وتشششاااووو:cool:
|||||||||||||||||||||||||||||||||||||||||||

السجالات أعلاه .. رغم طابع الحدة أحيانا وإستعراض العضلات الخطابية أخرى .. تعجبني بجد ويبدو إن العزيز عبدالله معي في هذا الفهم .. وهنا مربط الفرس .. بل .. وليس البل الذي طالما تشدق به ضيفنا الرائع .. بل .. هي الخط الرفيع بين التفاهم والإختلاف في ذات الوقت .. وشخصنة الموضوع في بعض الأوقات ..متعكم الله بالعافية والصحة والنفسية والبدينة .. وسخن الله حواراتكم بلا شطط حتى نجني من روائع الكلم أعلاه .. ليستمر العرض .. (ويز أوووت .. هارد فيييلينغ .. بليز) لكم الحب أصدقه .. وغرد يا كنار فنحن في أنتظار هجمتين مرتدتين من البروف ود موسى والبروف .. بت الشيخ ..ويا عبدالله ارجى الراجيييييك .. واللللليييييلا.. أنا .. بلللللله ...! الكلمة الإنجليزية البتقولها ديك وقادينا بيها يا بروف.. بعد إذنك نستخدمها هنا لزوم ما لا يلزم .. ( Just 4 fun of it) .. تهئ تهئ! يلا .. تشششاااووو:cool:

أبو أماني
14-05-2013, 05:42 PM
الكلمة الإنجليزية البتقولها ديك وقادينا بيها يا بروف.. بعد إذنك نستخدمها هنا لزوم ما لا يلزم .. ( Just 4 fun of it) .. تهئ تهئ! يلا .. تشششاااووو

*******

أوعى تكون زعلت مني يا بروف من ثقالتي المتعمدة أعلاه يا أخي خلى روحك المعدنية عالية زيينا كده!.. وأهو كلو دردشة مع بعض وبنسلي بعض .. ! هوا مين بعض ده؟؟ خت الرحمن في قلبك.. يا الحبيب .. وواصل هديلك يا فنان .. لك معزتي :cool:

أمين محمد سليمان
14-05-2013, 09:53 PM
يا أبا أماني سلام يا راجل
يا زول الله لا جاب زعل، مافي "هديل :D " لانو مافي اسئلة، يلا شوف البعدي في كرسي البل منو عشان نجي نخوض مع الخائضين

أبو أماني
16-05-2013, 09:18 AM
كانت فترة إستضافتك من أروع الفترات .. فقد أبدعت ونثرت علينا فيض من الدرر يا بروف يا راقي .. عداك العيب يابا .. وعلى الرحب والسعة .. رجائي أن تختم لنا بمسك حديثك كيفما بدأ لك .. وأن تتكرم بإختيار الضيف القادم بعدك على حسب ذوقك الرفيع .. وأن تبلغه شخصيا بإختيارك .. ونثق بأنه سيكون مثلك ظرفا ودماثة ولن يقل إن لم يزيد .. لك الحب أجّله ودمت بخير يا حبيب .. ننتظر الثمالة..:cool:

أمين محمد سليمان
16-05-2013, 11:29 PM
يا أبا أماني، جيب لينا حجة آمنة في العرض القادم بالله .

حجة امنة
17-05-2013, 12:24 PM
يا أبا أماني، جيب لينا حجة آمنة في العرض القادم بالله .

موبالغة gap

قاصد تضرب شعبيتي في مقتل gap